قوة الصليب - عيد الصليب

تعيد الكنيسة ياأحبائى فى هذا الصباح المبارك بعيد مبهج ( عيد الصليب المقدس ) الصليب ياأحبائى فى فكر الكنيسة هو محور الإيمان ؛ الصليب هو علامة الغلبة ؛ الصليب هو قوة الله للخلاص حاتكلم معاكم شوية فى اد اية اللي يدرك قوة الصليب يبقي الصليب بالنسبة له (سر قوة في حياته)، الاباء القديسين يقولك اكتر واحد يعرف قيمة الصليب هو الشيطان لان هو دة اللي ابطل سلطانه بيه ، هو دة الخشبة اللي اتضرب بها ومات اد إية ؟ الصليب مرعب لعدو الخير يقول للع زي كده ما المجرم يخاف من الإداة اللي يموت بها إذا كانت مشنقة او إطلاق رصاص المجرم يخاف من الاداة اللي يموت بها ايضا الشيطان يخاف من الأداة اللي مات بها فمجرد مجرد انت ترشم علامة الصليب مجرد ماتبقي ماسك الصليب ؛ مجرد ماتتذكر قوة الصليب مجرد ماترشم علي بيتك علامة الصليب تلاقي ان انت في قوة مش بتاعتك قوة بتاعة الصليب لذلك يا احبائي ادراكنا لقوة الصليب في حياتنا لابد يكون ممزوج بايمان بمشاعر بتصديق يكون خبرة معاشة في حياتنا ان انا باستمرار بأستخدم الصليب في حياتي إحنا حاجات كتير تتحول في حياتنا لروتين لما نرشم الصليب ولكن لا نكون حاسين باللي احنا بنعمله ياما بنستخدم صليب لكن ممكن لا نكون مدركين للقوة اللي موجودة فيه ؛ تعالي كدة اتفرج بعيد عنك واحد عليه روح شرير يتحط عليه صليب صراخ ورفض واحد مش واخد باله ان الصليب ممكن يعمل كل دة يقول لك لا ازاي ؟ دة قوة ؛ ده جبروت الصليب دة علامة غلبة ؛ كان الجيوش تستخدمه علشان خاطر ربنا يعطيها نصرة لان ربنا كان ظهر لقسطنطين الملك واعطاه فى رؤية علامة قال له لهذا اتغلب بعد كده عرف أن العلامة دى هى علامة الصليب ومن هنا بحثه عن إيجاد الصليب هو وأمه الملكة هيلانة كان بشغف إدراكهم لقوة الصليب جعلتهم يكتشفوا الصليب ؛ إحنا عايزين نكشف الصليب ؛ إحنا عايزين نكتشف الصليب زى ما الملكة هيلانة والملك قسطنطين أكتشفوا الصليب وأدركوا قوته وبحثوا عنه ولم يهدأوا إلا عندما وجدوه أنا ممكن يكون الصليب فى يدى لكن مش حاسس بيه يكون فى بيتى ولكن مش حاسس بيه غير مدرك قوته أوعى تكون معلق صليب فى بيتك وأنت مش واخد بالك الصليب ده بيعمل إيه ؛ أوعى يتحول الصليب بالنسبة لك لمجرد علامة بدون قوة وبدون فعل
يحكى التاريخ عن :-
بطريرك لأسمه البابا زكريا رقم ( 69 ) كان أثناء العصر بتاع الحاكم بامر الله كان رجل تقى جدا"رجل بار جدا" ؛ بسيط بساطة الأطفال يقول أن البابا زكريا كان الحاكم بأمر الله متضايق منه جدا" على بساطته دى وحبة لناس له ؛ حابه عذبه لقاه حتى فى عذابه رجل بسيط فأغتاظ منه أكثر وهو أساسا" جايبه لانه شايف أن بساطتة هى اللى جاذبة الناس إليه فاألقاه للأسود وتركه ويوم و إثنين لقى أن الاسود لم تمسه بأذى فخرجه ؛ فالراجل مش قادر يدرك أن معاه قوة الله فقال الرجل ده رشاكم وأنتم أكلتم الأسود وشبعتوها علشان كده الرجل ده لما نزل الأسود لم تأتى ناحيته قالوا له أبدا" لاأصدقكم وجزاهم وطردهم وقال أنا بنفسى اللى حعرف أتصرف معاه راح مجوع الأسودعلى الأخر وراح جايب خروف وذبحه ولطخ الثوب بتاع البطريرك ورماه للأسود الجعانة والبطريرك ثوبه ملوث بالدم والشىء ده يثير الأسد خصوصا" الأسد الجائع ده يعنى يطحن يقول لك ينظر عليه يلاقى الأسود تقريبا" بتلاعبه يلاقى الأسود بتلحس فى رجله يتعجب منه وطلعه قال له أنا لا أتركك إلا لما تقول لى إيه سر القوة اللى فيك قال له أبدا" وأراه صليب صغير وقال له أنا لما نزلت رشمت عليهم علامة صليب قال هى دى العلامة دى بس بهذا تغلب قوة الله للخلاص يقول لك فى التسبحة ربنا يسوع المسيح أعطى علامة لعبيده شوف الكلمات اللى حطها جمب أعطى علامة لعبيده من ضمنها يسد أفواه الأسود يطفأوا قوة النار .
قصة أخرى :-
يقول لك برضه على مرة رجل كاهن بسيط فى الأرياف لقى البيوت كلها عمالةماسكها نار بتحرق البيوت ؛ فى الأرياف يضعوا قش من فوق علشان يخبزوا فيها والقش لما يأتى فيها نار قالوا إلحقنا ياأبونا إحنا حنموت والبيوت كلها فيها رائحة دخان طلع أبونا ده ورشم علامة الصليب وقال ( صوت الرب يطفىء لهيب النار ) بعدها النار عمالة تبعد .تبعد ,بالرغم أن النار كانت داخلة على الكل للدرجة دى ؟
قوة ( قوة الله للخلاص ) أنت راشم الصليب ؛ ماسك صليب ؛ لابس صليب لازم تبقى مدرك لقوة الصليب دى .
قصة أخرى :-
برضه مرة بيقول لك واحد كان ماشى عليه روح شريرة وبعدين كاهن معدى الرجل ده ماشى فى حاله قال له شيل اللى فى جيبك قصده على الصليب الصليب قوة ؛ إحنا بنشكى كتير إن إحنا ممكن نفقد سلامنا , بنشتكى من الحروب والشهوات تحاربنا , بنشتكى كتير من الغضب بنشتكى كتير من عندنا حاجات بتتسلط علينا طب إستخدمت الصليب فى جهادك كسلاح وحى , أختبرت قوته الفعلية فى حياتنا
تدريب :-
إرشم الصليب على نفسك علشان خاطر نفسك تهدأ إرشم الصليب على أكلك وعلى بيتك وعلى أولادك علشان تشعر معك أن فى قوة أنت بتاخذها الصليب ده نقلنا من ناس مطرودين إلى ناس مقبولين ؛ هو الذى نقلنا من ناس كان فى بيتنا وبين ربنا حكم فصلنا عنه الصليب ؛ أترفع به الحكم ده ؛ أصبح أداة للصلح ؛ أصبح أداة للنجاة , أداه نعبر بيها علشان نغلب بها مكائد العدو كلها هو ده اللى إستحق به الصليب ؛ هوده اللى كسر به الصليب ؛ هو ده اللى كسر شوكة الشيطان ؛ علشان علامته مرهبة ؛ علامة مرهبة ؛ يمكن الناس تتعجب معقول الإرادة اللى يموت بيها السيد المسيح اللى انتوا بتحبوه معقول الأداة اللى أتهان عليها تكرموها لهذة الدرجة ؛ ده تملى الحاجة اللى الواحد اتهان عليها يحب يداريها ؛ فى حد يفتخر بحاجة مات بيها ؛ يقول لك المسيح لأنه مات وقام لأن الصليب بالنسبه له تعبر عن حب ؛ أداة إعلان قوة ؛ أداة علق بيها علشان يرفع من خلالها خطايا العالم كله ؛ أداة أعلن بها أنه مجرم بدل كل واحد منا ؛ وشال أثام الجميع ؛ أداة اعلنت محبة الله لكل إنسان قوة , قوة الصليب الى محتاجين ان نعيشها أكثر وأكثر فى حياتنا أتفرج كده على شوية مياه يترشوا بصليب ويترشوا فى البيت يتبارك دى شوية مياه ولكن يقول لك لا المياه أصبحت حاملة قوة الصليب تلاقى أى أرتباط مقدس نرشم الصليب ليه ؟ إحنا مدركين أن اللى إحنا بنعمله ده حاجة فيها قوة إلهية ؛ قوة فعل الصليب بتنقل قوة فعل الصليب للمياه وتنقل للأكل ؛وشفنا كلنا وحافظين كلنا قديسنا مارجرجس يجيب له سم عنده الصليب يرشمه فكرك يعنى رشمة الصليب دى حاجة عايشها ؛ حاجة متعود عليها ؛ حاجة واثق فى مفعولها ؛ لم تأتى فى ذهنه من وليدة فراغ ؛ مش شىء فى لحظة لا دى حياة عايشها ,إيمان راسخ جوه قلبه وجوه قلبه وجوه فكره إن الصليب ده قوة مختبرة معاشة فى حياته أدرك قوة الصليب ؛ النهاردة عيدنا بعيد الصليب وانتقلت لنا قوة الصليب دى ودخلت فى حياتنا وطلعنا بيها ونمارسها نبقى إحنا عيدنا للصليب فعلا يبقىفرحنا بالصليب فعلا يبقى لما أحس أمسك صليب أقبله وأقبله بحب وإيمان لما ابقى فى موقف وأبقى حاسس عايز قوة تأتينى وتلمسنى تشددنى أرشم علامة الصليب على نفسى يبقى ده إيه قوة الله للخلاص لذلك يقول لك قوة الأباء الرهبان دول إسمهم لباس الصليب وأنت كمان لابس صليب دى مش مجرد حاجة كده أنت بتلبسها عيرة ولا أداة للتجميل والزينة أبدا"الصليب ده فعل حياة وقوة فى حياتنا أنا لابس الصليب وأنا فرحان بيه , لابس الصليب وأنا فخور بيه وأنا عايز أقول لكل الناس اللى ميعرفش يعرف أنا فرحان بالصليب لأن الصليب ده نجاتى إزاى الحاجة اللى نجتنى ابقى مكسوف منها ؛ إزاى الحاجة اللى نجتنى أبقى مش حاسس بالفخر تجاهها ده أداه النجاة بتاعتى ده الشهادة بتاعة البراءة بتاعتى هو الصليب ده علشان لما تدخل جوة حياتك مفهومك حيتغير عن حاجات كتير يوم عيد الصليب حاول أن الصليب فى حياتك وعلامة الصليب فى حياتك لا تكون فكرة ولكن تكون ممارسة لا تكون مجرد نظرية لكن يكون تدريب عملى مجرد نظرية لكن يكون تدريب عملى فى حياتنا .
تدريب :-
خد تدريب عملى فى حياتك
وانت نازل من بيتك الصبح فى أى يوم وفى أى وقت أرشم على نفسك علامة الصليب وأرشم على بيتك علامة الصليب وأنت ماشى فى الشارع ممكن تقول تسبحة الصليب بسم الآب والإبن والوح القدس رددأسم الصليب تجيب لك القوة تغلب بيها أفكارك وتغلب بيها ميولك وتغلب بيها ضعفك ؛ وتغلب بيها طبعك الصليب قوة أختبر القوة دى , القوة دى تدخل جوة حياتك كممارسة حياتية معاشة لذلك معلمنا بولس الرسول يقول لك ( الصليب عند الهالكين جهالة إما عندنا نحن المخلصين فهى قوة الله ) قوة سحق الشيطان إزالة كسر شوكته وكسر جبروته لما تمسك الصليب تذل الشيطان تكسر شوكته وجبروته إستخدم الصليب باستمرار ؛ أحمل الصليب بفرح ؛ ردد علامة الصليب فى كل جزء من جسمك ؛ ارشم الصليب على بيتك لما يكون عندك حاجة مخوفاك وقلقاك وحاسس بضعف أرشم علامة الصليب تلاقى قوة دخلتك , وسندتك ربنا يعطينا ياأحبائى أن إحنا فى عيد الصليب فى حياتنا قوة حياة مختبرة معاشة ربنا يكمل نقائصنا و يسند كل ضعف فينا بنعمته لالهنا المجد دائماً أبدياً أمين