البركة الأحد الثالث من أبيب

بسم الآب والابن والروح القدس، إله واحد أمين فلتحل علينا نعمته ورحمته وبركته الآن، وكل أوان إلى دهر الدهوركلها آمين.
الاحد الثالث من شهر أبيب..تقرأ علينا الكنيسة أحبائي فصل من بشارة معلمنا لوقا أصحاح ٩ معجزة. كلنا سمعنا كثير عنها معجزة إشباع الجموع، تقدم فيها لربنا يسوع المسيح خمس خبزات وسمكتين....اكل بيهم ٥٠٠٠ رجل ماعدا النساء والأطفال. عاوز أتكلم معاكم النهاردة شويه صغيرين .عن جزء من البركات. التي يأخذها الإنسان الذى يعيش في المسيح يسوع المسيح، ،البركة..ماهى البركة؟ هي النعمة الالهية التي تفوق العقل. الشيء الغير متوقع. الخارج عن حسابات البشر العطايا الإلهية المجانية الفائقة، هي دي البركة. البركة هي العمل الإلهي. البركة..هي الحسابات الإلهية. التي تختلف كثيرا عن الحسابات البشرية، خمس خبزات وسمكتين. نقول كدة يأكلوا كام ؟ ٢ ؟ او ؟ 3 طب ياكلو خمسة على أساس إن كل واحد ياخد حاجة صغيرة. وكلنا نراعي بعض. هي دي الحسابات البشرية..لكن الحسابات الإلهية ،، الغي كل ده.، 5000 شخص .ما عدا النساء والأطفال اية إللي حصل ؟ بركة، عشان كده أحبائي الكنيسة. عندما. يأتي شهر فيه خمس حدود. تعتبر هذا الشهر في بركة .خمس حدود في الشهر، الشهر أبيب يأتي في خمس حدود لأنه ابتدأ يوم واحد كان يوم حد، فإحنا النهاردة ١٥ ...النهاردة الاحد الثالث..والاحد الجاى الاحداث الرابع. ويكون فاضل احد.....فى الحقيقى الاحد الرابع مابيكنش .معمول حسابة....بمعنى يقولك الاحد الاول والثاني والثالت والرابع ...لكن عندما يأتى احد الخامس في الشهر يعمل إيه؟ يقول لك اقرأ انجيل البركة ده اليوم الذي جاء. فوق توقعنا. فالكنيسة كل شهر فيها خمس حدود الشهر الخامس تقرأ فية إنجيل البركة. على اعتبارة الشئ الزئد من عند الله ..ماهو مفهوم البركة؟ في الحقيقة العهد القديم كان في مفهوم البركة على. حد كبيرمن فهم الناس عن الله، كانت البركة مادية بمعنى. لما يقوله أباركك بمعنى. هعطيك أرض هعطيك نسل ..هعطيك ثمر حقل مضاعف. يبارك الرب في ثمر حقلك في بقرك في غنمك في زيتك فى خمرك في بيتك في أولادك. هي دي البركة. البركة أن يوسع تخومه بمعنى أن يعطيه أرض زيادة. البركة عن يكثر الخير عليه هي دي البركة في العهد القديم وطبعا كانت موضع مصارعة فكان معروف إن إللي ياخد البركة ده بيكون البكري. كل فاتح رحم ده بيكون له البركة بتاعة أبوه.. وشفنا الصراع .الذى فعلة أبونا يعقوب مع عيسو.لاجل ان ياخد هذه البركة. وكان عيسو إنسان غير مستحق للبركة ،وتنازل عن البركة من أجل أكلة...قال له أعطيني من هذا الأحمر. فقال لة اعطينى البركة..قاله البركة...أنا ماضى الى موت.. هعمل بها إيه البركة دي ولا حاجة، طب العدس افضل لى ..وفعلا. تنازل عن البركة بعد كده ندم. إيه حكاية البركة دي؟ عطية الله للإنسان عمل الله للإنسان..لكن البركة في العهد الجديد؟ لا مختلفة تماما البركة فى العهد الجديد للإنسان الذى يملك أرض زيادة؟ يكون عنده قرشين زيادة؟ يكون عنده كام طفل زيادة عن باقي الناس؟ قال لك لأ البركات روحيه.... بدليل إن ممكن إنسان يكون عنده أرض يبيعها. عنده غنى يوزعوا للفقراء. عنده ولاد؟ لأ ده إحنا نقولة ...خليك متبتل ماتخلفش ولاد.. إذا مفهوم البركة مابقاش في الولاد ولا في الزيت ولا في الارض ولا في الخمر ولا. البركة في عمل الله داخل الإنسان. الرضا إلالهى. في النعم الإلهية التي تفوق ...البركة في الفضيلة..البركة في السلام إللي ربنا يعطية للإنسان...البركة في العطايا الإلهية التي تفوق التوقع. إنت النهاردة ممكن تيجي القداس. وبكل أمانة تقول أنا أخذت بركة يعني أخذت بركة أنا إتغيرت. هسيت بنعمة وسلام وقوة وفرح روحاني.. خدت بركة ..ممكن تسلم على واحد تقول أنا خدت بركة. بس للأسف. كلمة البركة دي أحبائي كلمة حاجة من الإتنين أما كلمة غير مفهومة إما كلمة مستهلكة ..يعني إيه مستهلكة.. يعني بنقولها وإحنا.... خدت بركة خدت بركة يعني عادي مش حاسس ..الحاجة التانية كلمة مش مفهومة يعني إيه بركة دي البركة. البركة إن ربنا يعمل في داخلك. الله يعطيك من خيراتة .. وعطايا التي تفوق الوصف والإدراك كل الناس. أحبائي إللي عاشو في المسيح يسوع عاشوا فى بركة..كان زمان ممكن البكري يبقى هو البركة وإللي ياخد بركة أبوه، طب إحنا في العهد الجديد دلوقتي ..الولد البكري فقط يأخد البركة؟ لا لا ...ما عدتش البركة للولد البكري. الذكر...البركة للولد وللبنت معدش البركة للولد الكبير بس البركة لكل أفراد المسيح المؤمنين لأن إحنا المسيح جعلنا كلنا أبقار عشان كده. تلاحظو في مدائح القديسين يقولك إيه في كنيسة؟ الأبكار إيه الأبكار كلنا بقينا أبقار مفيش حاجة اسمها شخص ترتيبه في أخواته إيه عشان يبقى بكر لا لا لا إنت بكر بمعنى انك عطية من الله إلى الله هي دي كلمة بكر. عشان كده كان يقول لك. قدس لى كل بكر كل فاتح رحم. هيبقى بتاعي...طب إحنا النهاردة بنجيب الولد الكبير ده بنعمدة فقط ؟ الكبير ياخد البركة وده إللي يتناول وده إللي يبقى إبن المسيح والباقيين لأ ؟لأ كله كله يتعمد وكله يتناول كله ياخد بركة البركة هي مفهوم العمل الإلهي في الإنسان ده أحبائي البركة.. عشان كده أحبائي إحنا فين من البركة؟ طب ربنا عاوز يعطينا بركة ولا لأ يقول لك أوي عاوز يفيد عليكم بركات لا توصف. افتح بس فمك افتح قلبك ...ايليا النبي عندما ذهب لارملة صيدا وقال لها. اعمليلي كعكة قالت له....لايوجد عندي غير شوية دقيق صغيرين وشوية زيت صغيرين ..فقاللها ...اعملى لى انا اولا ....فوجدت ..ان الدقيق لم يفرغ والزيت لم ينقص.....اية اللي حصل؟ فيض بركة ...بركة ازاى؟ دة شوية زيت قد كده؟ و شوية دقيق قد كدة؟ لا أحبائي دى الحسابات البشرية ..لكن في الله الأمر مختلف تماما ..خمس خبزات وسمكتين بالحسابات البشرية هقول لك لأ مينفعش. ولا ينفع حتى نروح نشتري أكل نشتري لمين ولا لمين اصرف الجموع. الأمر مستحيل مستحيل هنشتري بكام وفي الآخر لما هنشتري هنوزع على الناس إزاي ..العدد غير محصى ..ده كثير جدا. قال لك لأ لأ متحسبش الحزبة كده .... هتتحسب إزاي ؟ الحزبة هتتحسب إنك تسلم نفسك لربنا وتلاقي ربنا فرحك تلاقي ربنا أعطاك تلاقي ربنا أغناك تلاقي ربنا أعطاك سرور ورضا واكتفاء هو ده البركة مين حاسس فينا أنه عاش فى بركه؟ تملي يقول لك الناس إحنا الزمن بتاعنا ده مفهوش بركة.اليوم بيعدي مفهوش بركة الفلوس ما فيهاش بركة .. تاخد الحاجة من هنا تضيع من هنا الحاجة كلها ما فيهاش بركة...تشترى شوية أكل مفهمش بركة ..أقول لك لأ خلي بالك. لو إنت عايش في المسيح تحس إن يومك ده جميل. والوقت ربنا مبارك في جدا وتعمل كل حاجة تصلي و تروح شغلك وإنت في شغلك فاكر ربنا وبتسأل على الناس وبترجع تاني .. وتقعد مع ولادك وتصلي شوية وتنزل زيارة و تروح شغلك تاني .وترجع تانى...تلاقى يومك مبروك...لية؟ لانك عارف انت عاوز ايه....متى يكون يومى ضايع؟ لما انا نفسى ماكنش عارف عاوز ايه.... تعال. اسأل الولاد اللى كانوا بيذاكروا..قول لة ليلة امتحانك كنت بتعمل ايه؟ يقولك كنت مذاكر كمية كبيرة جدا...كميات كبيرة أوي أوي يعني الوقت كان فيه بركة؟ يقول لك آه ده لو مكانش اليوم ده ولا ماكانش الكم يوم دول..انا رجعت المنهج كله ..إذا اليوم في بركة آه اليوم في بركة ...لكن في أيام ثانيه كانت بتعدي عليك أسبوع وإتنين وتلاتة ماتحسش أن أنت. ما استفدتش به... طب لو إنسان بيطلب بركة ربنا ناس كتير أحبائي علمونا الكلمة دي. قبل بدا اى عمل...نقول يا بركة يسوع..باستمرار، أحبائي أطلب هذه البركة...باستمرار، عيش داخل البركة...عيش جوا النعمة دي. قدامك أكل هتاكله ..ارشم عليى علامة الصليب تلاقي ربنا باركة...قدامك مصروف البيت والدنيا غلى واحتياج عودونا كده ممكن تضع المرتب بتاعك ولا مصروف البيت كده في ظرف ولا في علبة صغيرة .وضع فيهم صليب..عودونا كده ..من وإحنا صغيرين تحط فلوس في علبة صغيرة فيها صليب ...تلاقي العلبة دي ما بتخلص. إزاي معرفش ربنا بعت لنا كل حاجة يبقى إنت تحس إن إنت مش بتصرف من العلبة دي ...أصبح الموضوع بالنسبة لك مش موضوع أرقام لكن موضوع بركة اشعر ببركة ربنا في حياتك تحس أمور كثير مختلفة نظرتك للأمور كثيرة تبقى مختلفة. ربنا عاوز ولاده يكونو شحاتين ولا ده يبقى غلابة ؟ لا لا ولادة أغنية... لأن هو الملك ولاده دول مش حاسين أبدا إنهم محتاجين لشيء..أبدا لأنهم غالبين احتياجاتهم ..لأنهم يعلمون أن هما عايشين بهذه البركة... فكان ربنا في العهد القديم لما كان يقول لة .. يوم السبت تاخد فيه راحة أكيد الواحد فيهم يقول لك هاخذ راحة طب هأكل منين هأكل إزاي؟ أما يوم ارتحت فيه؟ يقولك. يوم الجمعة اليوم إللي قبله هعطيك المحصول بتاعك ..او الرزق بتاعك هعطهولك مضاعف.. ماتخرجش يوم السبت تلتقط مُن ... بناكل منين ما إحنا كل يوم بنطلع نجيب المُن يوم الجمعة هعطيك الَمن بتاع يومين مش أنا إللي بعطيك بتاع كل يوم إنت نسيت ولا إيه؟ طب خلاص إللي يعطيك يوم يعطيك يومين. كان ربنا في الحصاد بتاع الأرض بتاعتهم كان يعطيهم في السنة السادسة محصول سنتين عشان خاطر السنة السبعة الأرض تستريح. ياه يعني إنت يا رب كل سنة بتعطينا قيمة 10 طن السنة دي تعطينا 20 طن؟ نفس الأرض ونفس الزرعة و نفس الناس ونفس الشمس ونفس البذرة ونفس التوقيتات وتعطينا بدل 10 طن 20 طن. لاء خد عندك كمان في سنة كمان بعد كل. سبع سنين بعطيك محصول، سنتين...ويوجد سنة اليوبيل السنة الخمسين..فى السنة الخمسين ايضا تستريح ..وهتستريح. سنة ال49 لانها سنة سبعة...فهعطيك فى السنة اللى قبلها محصول تلات سنين.. السنة إللي إنت فيها و سنة سبعة والسنة ال50 أصل ربنا عاوز يقوله، أوعى تفتكر إن الحصاد إللي جايلك ده جايلك عشان خاطر إنت تستخدم شوية أسمدة وشوية كيماويات لأ دي البركة دي من إيديا أنا عشان كده أحبائي نصلي في الكنيسة للزرع. اسعدها كمقدار نعمتك، فرح وجه الأرض ليروا حرسها وتكثر أثمارها ..بنصلي لها إن ربنا يباركها، تلاقى نفسك. إن إنت مش عايش بقدراتك،...اللى حاسس انة مش عايش بقدارتة ... يشعر إن مين سر حياته ؟ ربنا لما يجي أحبائي..الكنيسة تعلمنا قبل ما نيجي ناكل. نصلي صلوة صغيرة يا ريت تصلوها حتى ولو أول خمس عبارات منها تقول له تباركت يا ربنا يا من تعولنا منذ حداثتنا أنت يا رب إللي بتأكلنا من وإحنا أطفال صغيرين. إذا أنا ربطت الأكل بعطية ربنا ربطت الأكل بالبركة مش مجرد أكل أنت تطعمني موضوع حبك، أنا موضوع اهتمامك تباركت يا ربنا يا من تعو لنا منذ حداثتنا تفتح يدك ف تبسطها ف تشبع كل حي من رضاك ..انت يارب بتعطيني .بأيديك إنت إللي بتأكلني. عشان كده خلي بالكم الشيطان أكثر حاجة كانت مهيجاة على أبونا آدم إن الله كان يطعمه. إزاي تاكل من إيد ربنا؟ أنا هجعلك تاكل من إيدي أنا ونجح الشيطان في ذلك. وزي ما كان آدم ياكل من يد الله. فيتحد بالله. ويبتهج بالله ويفرح بالله ويكون سلامة فالله. لما أكل من الشيطان انفصل عن الله وانزعج وهرب وقلق ومشبعش. إيه ده ثمرة الخطيئة إذا؟ أنا لا بد أحبائي. أشعر أن حياتي دي سرها جاية من ربنا. عشان كده كثير من الآباء يسموا المعجزة.الخمس خبزات وسمكتين.. معجزة افخارستيا.. دي باركة إلاهية .. نعمة إلهية عشان كده يقول لك أخذ وشكر وبارك. نفس الكلام اللى بنقولة، في القداس. أخذ. وشكر وبارك .. القداس عبارة عن هذه الكلمات أخذ شكر بارك قسم .أعطى ..هو ده القداس...أخذ ده تقديم الحمل. شكرا ده صلاة الشكر بعد الحمل بارك ...دى الصلوات اللى بنصليها.... قدسا .. التقديس..قسم دة القسمه... أعطى دة التناول. ..دة القداس من هنا أحبائي إحنا عايشين في نعمة المسيح إللي قال عنها معلمنا بولس الرسول النعمة التي نحن فيها مقيمين بركة الرب. تغني ولا يزيد معها، تعب هو عمل إلالهى..تعالي...قول لواحد إنت. من كام سنه كنت بتاخد مرتب كام يقولك يا ده كان مرتب ضعيف أوي كنت عايش وولادي بيتعلمو وبناكل وبنشرب إزاي؟ يا ناس تستغرب الناس دي عايشة إزاي؟ أقول لك صدقني ربنا بيبارك صدقني ربنا بيبارك أوعى تفتكر إن حياتنا جاية من الأرقام أوعى تفتكر حياتنا جاية من المنطق عشان كده طوبى لجميع المتكلين عليه.، خلي عندك إيمان إن إنت عايش بثقتك في إيد ربنا ..عندي ولد شاب صيدلي مرتبه ضعف باباه ويجي في آخر الشهر للأسف يخلص مرتبه ويطلب من أبوه 100 جنيه ولا حاجة يا بني ده أبوك عنده ولاد بيتعلمو بنت في جامعة و ولد في ثانوي غيرك وفاتح بيت وعامل وعامل وإنت بتاخد ضعف باباك وفي الآخر بتاخد منه ...انت ياابنى محتاج البركة تدخل حياتك محتاج. تعرف يعني إيه إنت عايش من خير ربنا واضح إن إنت نسيت واعتبرت إن القرشين دول جايين من ذكائك وشطارتك ومن مهنتك. لا إنت محتاج تعرف يعني إيه ربنا عشان كده أحبائي الأمر بتاع البركة ده مرتبط بتقوي، الإنسان مرتبط بعلاقة الله بالإنسان تلاقي أحبائي ناس كثيرا جدا ممكن يكون دخله قليل، لكن تحس إنه عايش غنى وعزيز. عشان كده تملى نرفض إن إحنا نقول غني على إللي معاه فلوس، محبش أقول ابدا على واحد معاه فلوس انة غنى ..اقول معاة فلوس. لأن الغني كلمة أكبر بكتير من مجرد واحد معاة فلوس. معقوله اقولكلمة غنى عشان واحد معاه فلوس زيادة شوية..مايستهلهاش ...مين إللي يستاهلها الغني بالله ده إللي يستاهلها. ده الإنسان إللي عايش في خير ربنا ده الإنسان فعلا إللي نقدر نقول عليه غنى .. ربنا قال لك كده الغني افتقر من أجلنا .لكي يغنينا بفقره ..هو أغنانا بإيه ؟ مش بغناة.....ربنا يسوع المسيح عندما كان يجوع ...لم يكن معة فلوس يجيب أكل كان بيعمل إيه؟ وهو معدي على غيط ولا حاجة ياخد شوية سنابل ولا راح عند شجرة طين..لان كان في عرف اليهود إن ممكن أي عابر سبيل ياكل من أي حقل طالما هو معدى مسافر أو غريب محدش يقول حاجة أبدا عن الموضوع ده. مش شايل هم ناكل إيه ونشرب إيه خالص... الإنسان أحبائي اللى جواه ثقة واتكال على اللة ...يعيش في بركة ربنا دي أفيض عليكم. بغنى إلهي سماوي عجيب، وده أحبائي الإنسان الغني بربنا... متحسوش أبدا إنه مذلول لأمور العالم أبدا مهما كان. يقول على ابونا بيشوى كانت الاحتياجات المادية عنده يربطها بالصلاة...حاجة غريبة جدا... عنده بنت بتتجوز من ضمن الطلبات إللي يطلبها على المذبح، يا رب يبعت للبنت إللي بتتجوز عند واحد مريض ومحتاج علاج من ضمن الطلبات. فصارت الاحتياجات عشرة مع الله جاء في مرة. على بداية العام الدراسي طلب من اللجنة بتاعته رقم كبير أوي من الفلوس وهما طبعا كانو شايفين دلوقتي إحنا حاطين أبونا بيشوى على راسنا ..لكن فى جيلة مكنش كده.. كانو معتبرينوا حاجة كده واحد بيعمل حاجات مش مطلوبة. غريب شوية وممكن يتهمو شوية بالغرور وشوية بالكبرياء. ..عمال بيجبلنا فقراء من كل حتة، إحنا كنيستنا وبس...انت مالك ومال باقي الناس دول ...كانوا يتهموه جدا ويرفضو تماما مساعدة الفقراء و يضيقوا علية جدا جاء في مرة بيقولهم ....أنا محتاج لدخول المدارس ، فسالوا محتاج كام. فقاللهم . مش أقل من 200 جنيه..وكان هذا المبلغ في أوائل السبعينات وأواخر الستينات كان رقم يخض. اضرب الرقم فعشرة. شوف إنت لما واحد يتكلم في مئتان ٢٠٠000 جنيه لتدخل المدارس ..رقم كبير جدا يقولوله إنت بتتكلم في إيه بالكثير عشرة قالهم لأ أنا مش محتاج أقل من ٢٠٠ ل٢٠٢٠، ..فقال لهم نصلي ونشوف يمكن ربنا يبعت. فأتفق معهم على اتفاق... أنتم كل يوم جمعة واحد بتفتحوا الصندوق تاخدوا، ممكن تسيبولي أنا صندوق يوم الأربع إللي جاي. ضحكو عليه وقالوا لة خدو ،يوم الأربعاء ده قداس الفقراء خذه... ظل يصلى من الحد للأربع فجاءت اللجنة. فتحو الصناديق بتاعت يوم الأربع إللي هو في الحسابات بتاعتهم عندهم متوسطات مسؤول الصناديق... عارفين انة من تلاتة لخمسة ميزيدش عن خمسة...فتحوا الصناديق ..وجدوا مائتان و20 جنيه بالظبط، فقال لهم اوعوا تطمعوا فيهم.. أنا بصلي لى كذا يوم ...اية ده؟ الحكاية أحبائي مش حكاية مادة لأ الحكاية حكاية فين الله في حياتنا؟ قال لك أفيض عليكم بغنى بركات..إللي كان بيعطيهم المحصول السنة سادسة. سنتين...ده أمر غير منطقي تماما. طب يا رب إذا كنت انت حلو أوي وجميل ..اعطينا إتنين وتلاتة ...قال لك لا أنا بعطيك حسب احتياجك. أنا ممكن أعطيك ...احنا نقول له...لانك أنت الرازق ومعطى جميع الخيرات ..قالك كل ده ما يساويش فضيلة...كل ده ما يساويش فرح روحاني، كل ده ما يساوي طهارة من عندي إية العطايا المادية دي؟ ولا حاجة عشان كده القديسين يبيعو الحاجات دي ويتخلوا عن الحاجات دي يعتبروها. ثقل.... البركة بالنسبة لهما إيه ؟ الوجود فى اللة الاكتفاء الشكر، الارتفاع هي دي البركة عشان كده أحبائي...أطلب كثير بركة ربنا ..انك تشعر فعلا إن لو مافيش بركة ربنا في حياتك. أنت تبقى حياتك دي ما لهاش طعم... ولا أكلك ولا شربك ولا ما لك ولا فلوسك ..عشان كده ناس كتير يقول لك أنا حاسس إن حياتي ما فيهاش بركة. أقوله طب خلاص. البركة تعطي للمطيع ...البركة تعطي للخاضع .للمحب.. مش تبص تلاقي أب بحساباتنا البشرية يميل لابن أو بنت زيادة...و نفسه يعطيها كل حاجة؟ مش فيه كده مش بيحصل كده بشريا يقول لك هو ده. إللي بيسأل فيا ده إللي يستاهل. طيب ربنا يعمل إيه؟ ربنا يعمل إيه...يقولك انا أيضا الإنسان الواضع اتكالة كله عليا معقولة يكون واضع اتكالة كلة عليا وأنا اكسفة؟ معقولة؟ واحد يكون مرمي في عرضى ومطمن أوي عشان أنا معاة وأنا أقوله معرفكش ده بشريا الكلام ده عمره ما بيحصل أمال بقى الله إللي كل يوم نقول له يا رب ده كله من إيدك كله بتاعك. منك الجميع من يدك وأعطيناك منك ولك وبك كل شيء به نحيا ونتحرك ونوجد ..انت يا رب كل حاجة في حياتنا إذا كنت يا رب بتعطي لنا الحياة مش هتعطي.لنا الطعام؟ إذا كنت يا رب تعطينا الحياة مش هتعطينا الثياب ؟ أنه أفضل الحياة ام الطعام، الحياة ام الثياب ؟ إيه الأغلى معقولة الذى يعطيك الأغلى؟ هيجي على حاجة صغيرة ومش عايز يعطيها لك...واحد يعطيك عربية..وفى الاخر يقولك معلش أصل المفتاح غالي انا عاوزة...أتصرف إنت في مفتاح إزاي ؟ الذى يعطيك العربية يعطيك المفتاح... عشان كده احبائي إيه. ربنا أعطانا الحياة.. هيعطينا سبل الحياة، البركة أحبائي إن إحنا نكون عندنا إيمان إن سر وجودنا وسر بقائنا وسر فرحنا فيه هو.... اتكال عليه أحبائي...الثقة فية ... قبل ما تعمل أي حاجة أطلب بركة ربنا ارشم. صليب على أي قرشين يكون عندك... لما تيجي تاكل. أعرف إن إنت بتاكل من إيده و لما تيجي تاكل افتكر أخواتك الفقراء لما تيجي تجيب حاجة تجيب الحاجة بأعتدال ...واوعى تحس أبدا إن إنت مذلول . لأي شيء ولا إنك أقل من شيء لأنك أغلى من أي شيء لأنك صورة الله. إنت خالد وباقي وممجد... انت تجلس معة في ملكوته إزاي تبقى الأشياء أغلى منك. دة كل اللى حوالينا ده زائل عشان كده أحبائي إنجيل البركة ينقلنا نقلة في حياتنا جديده تعلمنا يعني إيه إن إحنا عايشين بي هو وإن غنانا وسلامنا وفرحنا منه.....ربنا يعطينا أحبائي اننا نعيش في غنى بركتة ونثق إن إحنا عايشين بيه، هو مش بأنفسنا ولا بقدراتنا ولا. بأمولنا يكمل نقائصنا ويسند كل ضعف فينا بنعمته ولالهنا المجد إلى الأبد. آمين.