روعة إسلوب يسوع " الأحد الثالث من شهر مسرى

بسم الأب والابن والروح القدس، إله واحد أمين فلتحل علينا نعمته ورحمته وبركته الآن وكل أوان إلى دهر الدهور كلها آمين.
إنجيل هذا الصباح المبارك، يا أحبائي فصل من بشارة معلمنا مرقص. اصحاح الثالث عدد 22 مجموعة من الكتبة. ذاهبين إلى أورشليم مخصوص لأجل ربنا يسوع المسيح، أعماله بتكثر وأتباعه بتكثر..فيريدوا أن يحاربوا تعليمه ويحاربو الأعمال التي يفعلها أعمال وتعليم. شايفين في معجزات والناس تلتف حوله وفي نفس الوقت رأوا تعليم مقنعة الناس تتأثر بها فيريدوا أن يحاربوا هذا الاتجاه. فقالوا تهمة تبطل كل أعماله كل إللي بيعمله ده بيعمله من الشيطان قالوله إن معه بعزل بول وأنه برئيس الشياطين يخرج شياطين ربنا، يسوع قالهم يعني أنا بخرج الشيطان بالشيطان فقال لهم كيف يقدر شيطان أن يخرج شيطانا وان انقسمت مملكة على ذاتها لا تقدر تلك المملكة أن تثت ...لو حبيت أخرج شيطان أخرجه بحاجة تانية غير الشيطان. لكن أخرج شيطان بشيطان يبقى هما كده ضد بعض الأولاني كان داخل ليه؟ عشان يخرج عن طريق التاني والثاني كده يبقى ضد الأولاني يبقى هما مملكة تخبط في بعضها في حين إن هما عندهم هدف إنهم يحاربو البشر. عايز أتكلم معاك شوية أحبائي عن جمال إسلوب ربنا يسوع المسيح وخصوصا في استخدام قوة المنطق هنا بيرد عليهم بيقولوله إنه برئيس الشياطين يخرج الشيطان هو معدش يقولهم لا متقولوش كده عليا أنا شطان برضه تقولو عليا أنا مش شيطان المفروض كان يجاوب عليهم كده لكن لأ قلهم إزاي؟ إزاي رئيس شياطين يخرج شيطان كيف يقدر شيطان أن يخرج شيطانا وان انقسمت مملكة على ذاتها. لا تقدر تلك الملكة ام تثبت وان انقسم بيت على ذاته لا يقدر ذلك البيت أن يثبت و إن قام الشيطان على ذاته وانقسم لا يقدر أن يثبت بل يكون لهم.قضاء يعني مملكة الشياطين لو قعدو يحاربو بعض. في الآخر هتتصفى منين؟ من نفسها في نفسها؟ بيكلمهم بالمنطق. إنتو بتقولو الشيطان؟ طب إزاي لا يستطيع أحد أن يدخل بيت القوي وينهب أمتعته إلا لم يربط القوي أولا حين إذا ينهب بيتة....عايز يقول لو في واحد حرامي داخل جوا البيت لازم نجيب الأقوى منه عشان نعرف نخرجه. الحق أقول لكم إن كل شيء. يغفر لبنى البشر الخطايا وجميع التجاديف التي يجدفونها..لكن من يجدف على الروح القدس فلا يغفر له إلى الأبد ...أسلوب ربنا يسوع المسيح في دقة في روعة في منطق في حب، في إقناع. هو عارف إن الشيطان بيستخدم كل الأساليب في بلبلة أفكار أولاده. فبيعمل إيه..بيثبت الأفكار لأنه وخلي بالك مزخر فى كل كنوز الحكمة. لأن هو اسمه كنز الحكمة، فإذا كان هيكلموه بكلام مجرد اتهام لأ مش هيأثر.عندما جاءوا يقولوله قولنا إنت مين؟ فلقينا بيكلمهم بمنطق قالهم طيب أنا هسألكم سؤال معمودية يوحنا كانت من الله ولا من الناس؟ جايين يندفعو في الكلام .فالشيوخ والكتبة سكتوا بعض.. ده سؤال صعب متردش استنى. خدو بعض على جنب وقعد يتشاوروا. قالو إيه نقول إيه؟ معمودية يوحنا كانت من اللة ولا من الناس؟ هما نفسهم انقسمواحد قالة أكيد كانت من الله وناس كتير اتعمدت ..وعندى معارفي وقرايب لى تعمدوا ..قله يعني نقول من الله...لو قولنا من اللة هيقولنا طب أنتم ماامنتوش بها لية ...خلاص نقول من الناس ..لو قلنا من الناس الناس كلها تتقلب علينا. يبقى كده مش قادرين وكده مش قادرين فقالوله إحنا منعرفش معمودية يوحنا كانت منين...قال لهم وأنا كمان مش هقول لكم أنا مين .....اسلوب في المنطق أحبائي يعرف إزاي يخرج الحقيقة من الظلال يخرج النور من الضلمة. يخرج الحق من الباطل، ربنا يسمع. كان أسلوبه عجيب قال لهم أنتم. مش سامعتم الصوت إللي جاي من السماء هذا هو ابنى الحبيب..مش انفتحت السماء. كلكم شفتو كلكم شفتو الحمامة إللي نازلة واستقرت على رأسه. طب هتقوله إيه في الكلام ده ...هتقوله ما شفناش..الاف غيركم رأوا... هتقولوا الناس كذابة، الناس هتتقلب عليكم.. وهما ناس كان يهمهم أوي رأيي الناس...أوي أوي ..لأنهم عارفين إن مفيش حاجة تثبتهم إلا الناس فمتكلين على الناس. ميعرفوش إن المفروض.... لا تتكلموا على الرؤساء ولا على بني البشر. فالمسيح هنا بيتكلم ..قال لهم الشيطان إزاي الشيطان يخرج شيطان؟ كيف تثبت مملكته ..إذا كان هيحاربو بعض طب إذا كنت أنا بخرج الشيطان بعز ببول أبناءكم بمن يخرجون الكلام ده هتلاقي فى لوقا و متى؟ لأن نفس الحديث ده جاء في متى ومرقص ولوقا الشيطان دافع رؤساء الكهنة عشان يدخلو الشعب في دوامة من الحيرة عشان يقللو من التبعية إللي حوالين ربنا يسوع المسيح. يحاولو يقللو من الإيمان ويقللو من الناس إللي بتدخل في محبة ربنا. لكن كنا. نرى ان ربنا يسوع واقف بيعلم. الحق وبيشهد للحق وبينادي بالحق. لو قعدنا ندرس في أسلوب ربنا يسوع المسيح احبائي هنلاقي أسلوب يدرس مش مجال النهاردة لكن لو لقيت ربنا يسعى المسيح هتلاقيه بيستخدم كتير أوي. أسلوب التعليم المباشر تعتبر زي ما بيقولو كده محاضرة...وتجدة يستخدم القصة ..قصة محبكة مقنعة تماما. هتلاقيه بيستخدم المثل هتلاقيه بيستخدم التشبيه هتلاقيه بيستخدم المقارنة وبيستخدم المنطق ياما تلاقي يشبه ملكوت السماوات وياما تلاقي مقارنة خمسة حكمات وخمسة جاهلات.. إنسانا صعد إلى الهيكل يسلم. مقارنة قصة يحكي لك قصة زي بتاعت الابن الضال ...يحكي لك قصة زي بتاعت السامرى الصالح.. ويخليك إنت بقى إللي تقول يستخدم أسلوب الرد على سؤال بسؤال أسلوب ربنا يسوع المسيح أحبائي.. أسلوب ممتع هنا بنتكلم بس عن نقطة المنطق لما يلاقي ناس مثلا بيهاجموا أي حد بيعمل أي حاجة يوم السبت؟ حتى ربنا يسوع المسيح كلن عندما يشفى مريض فى يوم السبت..يقولو فعل هذا يوم سبت...قال لهم إيه يوم السبت دى ؟ لو واحد منكم عنده خروف وقع في حفرة يوم السبت هيمسكو ويقيمة ولة يتركوا عشان ده يوم سبت ....عاوزكم تجاوبوا...اسلوب منطق ...لقوا انفسهم واقفين مش عارفين يتكلمو قاله طيب هل يحل فعل الخير في السبت؟ سؤال تاني ما لوش إجابة ..لو قالوالا يبقى هما ضد الخير لو قالو آه يبقى هما ضد السبت...هل يحل فعل الخير في السبت...تخليص نفس أو قتل نفس بعدين بعد ما سألهم شوية الأسئلة دى ...بعدين يقولها العبارة إللي فيها الموجز.يا مُرائى.. فى الاول وضع لهم شوية حقائق ...يا مرائى ألا يحلل كل واحد منكم في السبت ثورا أو حمارا ويمضي ويسقيه ، ولا تقول له لأ. خليك عطشان عشان النهاردة السبت ..بكرة اشربك لأ شوف الأسلوب بتاعة أحبائي ؟.غرض كرازة ربنا يسوع المسيح هى تغيير الإنسان غرض عمل ربنا يسوع المسيح هو أن يفرح الإنسان بالله مش يمسك في حرف ميت. مش يبعد عن الوصية بالوصية مش يترك عمل الله ربنا عاوز يقول له أنا مصدر فرحك وسلامك. وأنا. إللي أعطيك. النعمة من خلال تطبيق الوصية مشهد هعطيك نقمة من خلال تطبيق الوصية. أنا مش جايبلك الوصية عشان تدينك ولا تهلك ولا تُميتك ...أنا جايبهالك عشان تحييك عشان كده أحبائي أسلوب المنطق كان يحطو حقيقة كده قدامهم تنسد أمامه كل فم. ما أجمل عبارة صغيرة لما يقول له ماذا ينتفع الإنسان لو ربح العالم كله. وخسر نفسه ..عبارة صغيرة، لكن تحمل معاني كثيرة. تحمل معاني كثيرة، الشيطان عاوز يغوي الناس بممالك العالم..و. الناس تمشي ورا المادة والمادية. تمشي ورا الأرض والأرضيات. ربنا يسوع بيكسر في مملكة العدو و فبيضع تعاليم ..ماذا ينتفع الإنسان و ربح العالم كله خسر نفسه خلي واحد يراجع نفسه ..يقول اية إللي أنا بعمله؟ اية إللي أنا ماشي وراه، .هاخد إيه في الآخر؟ هخسر نفسي. عشان كده يقول له كنوز العالم دى يفسدها السوس بياكلها الصدأ...ومعرضة للسرقة. لكن اصنعوا لكم كنزا في السماوات لايفنى..حيث لا يفسده سوس ولا يسرقه. سارق. .. عشان كده أقدر أقول لك كان يستخدم أسلوب، مقنع جدا لأجل الناس تترك كل شيء وتتبعه. لما قالهم المثل بتاع المغفرة إن واحد عليه 5000 دينار وجه واحد ثاني عليه 50 والراجل سامحهم هما الإتنين...جاء الذى عليه ال5000 شاف واحد عليه مبلغ بسيط وهو طالع قاله اديني إللي عليك قاله معلش سامحني وارحمنى مش قادر.. مسبهوش ...وماسك فيه...ف قالو طب تعالى بقى المفروض توفي ال5000 اللى عليك ..آهو ربنا عاوز يقول لك كده كان ينبغي أن ترحم انت العبد رفيقك...كما رحمتك أنا مش كان المفروض ترحم رفيقك كما رحمتك أنا ..مانت كان عليك دين واتغفر لك وكبير... ليلة ..لو واحد عليك دين كبير او صغير مش عايز ترحمه أو تغفرة...... أسلوب منطق قوي جدا. كان يخلي الإنسان أحبائي يقف قدام نفسه ويواجهها الإنجيل لينا والآية لينا لتغيير لتقديسنا. لتغيير أفكارنا واتجاهاتنا وحياتنا. يالا نقف قصادها وناخد كل ايه على أنفسنا. إنجيل مش لغيرنا مش لجيل مضى، هو كتاب كل أحد هو كتاب كل العصور عشان كده كأن ربنا يسوع المسيح بيثبت التعليم عشان كده تعليم راسخة إلى الأبد عشان كده كتابه دائم جديد إلى الأبد لم يقدم...ولم يشيخ أبدا..لا يوجد كتاب احبائي يقعد الأجيال دي كلها والناس تظل متمسكة به...لكن لأن تعاليمة تعليم ترفع الإنسان إلى السماء. عندما..ارادوا أن يوقعو في حكاية الجزية ندفع ولة مندفع؟ سؤال يحير سؤال يحير... لو قالهم ادفعوا يبقى موالي للرومان ومؤيدهم والشعب مستعبد من الرومان ومستعمر من الرمان وكاره الرومان يبقى هو موالي للرومان يبقى ده شغله شغل سياسة ولو قال متدفعوش يبقى بيثير تمرد على الرومان. قال لهم اعطونى عملة. أعطوه العملة....فقال لهم...اعطوا مال قيصر لقيصر ومال اللة للة ...كان تملي ربنا يسوع المسيح يستخدم إسلوب فيه تشبيه واقعى...بمعنى يجيب عملة ..يجيب طفل ويوقفو قصادهم ينحني ويخسر الرجلين التلاميذ بنفسه أسلوب في واقع يجعل الشخص يرى الشيئ بعنيه. الناس النهاردة أحبائي .. بتدرس في أساليب التربية والتعليم والتطوير والمناهج والوسائل إللي بتوصل للطلبة وإيه وسائل الإيضاح كل ده ربنا يسوع المسيح كان بيفعله بس بوسائل عصرة....هذة وسائل الإيضاح كان بيستخدمها ...كان بيجيب طفل في المنتصف؟ عشان الكل يراه؟ ينحني بنفسه ويغسل ارجل التلاميذ...ويجيب العملة. عشان كده أقدر أقول لك إن أتباعه بيزيدوا. والذين يتلامسة مع خلاصه يبتهجوا بخلاصه... لأن خلاصه مفرح لأنه مقنع لما لقى الناس ماشية في الحرف قوي... وبتدقق قوي في الأمور الصغيرة وتسيب الكبيره...فقال لهم..أنتم تركتوا أثقل الناموس. . ليه؟ شايفكو بهتتموه بالنعناع.. وكم خطوة يوم السبت... وتتركوا المحبة والرحمة. وتطولون في الصلوات وأنتم تأكلوا مال اليتيم؟ واقف بتصلي ورافع عينك و إنت مفيش في قلبك رحمه ؟ عشان كده أحبائي أسلوبة. كان أسلوب يجعل الإنسان يتغير من داخله...رأى الناس ممكن عندها استعداد تحلف بالهيكل لكن كان عندهم الذهب بتاع الهيكل أغلى من الهيكل نفسه. والمواد الفخمة بتاعت بناء الهيكل كانت عندهم أهم من الهيكل بيخافوا ع الذهب اكتر من الهيكل...فقال لهم إيهما أعظم الذهب أم الهيكل الذي يقدس الذهب..أيهما أعظم القربان أم المذبح الذي يقدس. القربان. حولت الهيكل الى ذهب ...لا مش المأصود بالهيكل...الذهب... أنا كنت أقصد إن الهيكل يكون من ذهب لاجل ان تشعروا بكرامتة.... مش كرامتة تنهار..ويعلى الذهب... أسلوبة أحبائي يجعل الإنسان يكشف له أخطائه بشكل عجيب رأوا أن الهيكل إن القسم بتاعه قسم غير ملزم لكن القسم بتاع الدهب قسم ملزم إللي يحلف بالهيكل. مش مشكلة. لكن لو واحد حلف بذهب الهيكل هو ده إللي كان عليه تحسب عليه خطية. قالهم إزاي أنه أعظم؟ الذهب أم الهيكل؟ كيف ؟ يقدم للناس. عاوزة تشكك وناس تريد أن تضلل وناس. تريد أن تستخدم أساليب العالم وعدو الخير داخل في نفوسهم وعقولهم لأجل أن يبعدوا عن الحق الإلهي، لكن هو كان يقف أمامهم ويواجه بكل وداعة وبكل قوة. ..أسد خارج من سبط يهوذا...رغم إن كل الناس ممكن تبقى ضدة وهو واحد بس لاكن كان يتكلم وأمامة تنسد كل الأفواه... لما يقولهم هل أعمى يقدر أن يقود أعمى؟ ام يسقط الإنسان في حفرة؟ عندما قال المثل بتاع الكرم والكرامين. الجماعة الكتبة والفريسيين لما سمعوا المثل فهمو إن هو بيتكلم عليهم ... إنسان غرس كرم و سافر وأعطاة العبيد وبعد فترة ارسل لناس تحاسبهم ضربوه وطردوه بعت ناس تانية تحاسبهم ضربوه وأهانوه وجرحوا وطردوه. قال طب خلاص ارسل ابني الحبيب لعلهم يهابوة...فقالوا بس جالنا الوارث فأخذوه خارجا وقتلوه قال لك طب أعمل إيه بقى صاحب الكرم يتركة لهم؟؟ فقال لأ لابد أن أعطيه لناس غيرهم. عرفتو بتكلم عن مين؟ فهمو إن ربنا يسوع المسيح بيتكلم عليهم هما إنهم غير مؤتمنين على شعبه و حياخدهم منهم وهيغير الكهنوت وهيغير شعبه وفعلا زي ما قال معلمنا بولس الرسول. هغيركم بأمه.. هياتى بناس اخرين....إللى الأمم إللي هو إحنا. قد إيه أحن أحبائي الأسلوب بتاع ربنا يسوع المسيح في جمال وروعة واحد قام يسأله...لما قال له حب قريبك كنفسك ..فقال لة من هو قريبي يعني إنت عايز توقعة ولة مش عارف مين قريبك إذا كنت عايز تفهم من قريبك، أنا هفهمك من قريبك ..ولأنه الاسلوب في مروغة قال له أنا كمان هستخدم معاك أسلوب فى مروغة..، عمل إيه... فحكى لة القصة بتاعت السامرى الصالح...رجل كان نازلا من أورشليم إلى أريحا وبعد ذلك وقع في طريق بة لصوص فضربوا وجرحوا وتركوا بين حى وميت..فعدى علية كاهن ولاوى وكلاهما تجنبة بين حى وميت.... ثم عدى علية سامرى.. فنزلة من على دابتة اقترب إليه وأخرج خمرا وزيتا وطيب جراحاته وأركبة على دابته وأخذوا إلى الفندق ودفع لة دينارين ..ووصى بالاعتناء بة وقاله هرجعلة تاني....قاله مين التلاتة دول يبقى قريبه؟ سكت مش قادر يتكلم..مش قادر يقول السامرى... لأن هو عارف إن في عداوة بينه وبين السامريين التاني برضه مش ساهل... قال له الذي صنع خيرا مش عايز يقول كلمة سامري عشان كده أحبائي كان يضع الحقيقة امامة ....قالة مين فيهم قريبة؟ ...تريد أن تعرف من هو قريبك؟ قريبك الذى يحملك قريبك الذى يقدم لك... قريبك الذى يعتني بك ويعطيك....، عشان كده أحبائي كان ممكن يرد على حاجة بحقيقة ممكن يرد عليها بسؤال ممكن يرد عليها بقصة ممكن يرد عليها بمثل.. عندما وجدهم بيروغوا كثير....قال لهم مثل وكيل الظلم....راجل كان بيشتغل عند واحد بيجمع له المال ...ديون لدى عند الناس ..وبعد ذلك وشية بة ...وقال له .هذا الرجل يغشك ،فقال لة ...اترك شغلك وسلم حساباتك... لما لقى نفسه كده بقى يأتى بالناس إللي علية ١٠٠ يقول له اكتب 50 إللي هي مئة يقولة لة اكتب سبعين...لية....قلك عشان خاطر أنا عارف نفسي هترك الشغل من عند هذا الراجل . وعندما اترك العمل الناس دي تقبلني .وشخص منهم يشغلني ولا يقبلوني في بيوتهم فقلهم. إيه رأيكم في الراجل ده إنه بحكمة فعل هذا...وبعد ذلك قال لهم..إن لم تكون أمناء في مال الظلم؟ فمن يأتمنكم على الحق ...ماهذة القوة؟ قوة في الكلام. عاوز يقولهم أنتو النهاردة وأنتم في العالم. انتم في مال ظلم. انتم امام حاجات كلها فانية. إذا كنتم غير أمناء فيما هو فاني من يأتمنكم على ما هو باقي إن كنتم غير أمناء في مال الظلم من يأتمنكم على الحق ...أدخل جوا إسلوب ربنا يسوع المسيح واستمتع بة ..ببلاش تشغل نفسك بهم.. ومتابعة الأخبار وقلبك يوجعك وكلمة ربنا عندك الكلمة المحيية بلاش تعد تهتم بأمور تحزنك وتحبطك ...لأ المسيح موجود وانجيلة موجود..وأول ما تفتح انجيلك تدخل الفرحة قلبك وتنسى كل حاجة وترتفع فوق هموم كثير ،عدو الخير قصدة احبائى يلهينا. وان يفسد فرحنا وحياتنا.. لو جلسنا مشغول لعشر سنين قدام. هتفضل إنت مهموم وتضيع أيامك ويضيع عمرك. ويضيع عقلك و نفسيتك وأعصابك خسارة أنت أغلى من كده بكثير. إنت عندك حاجات تجعلك بتبقى مولها بفرح خلاصا؟ تبقى مشغول بكلمة الله ...عجيب أحبائي أسلوب ربنا يسوع المسيح في منطقة وحق وعدله اقرأ واستخرج ..وانظر الى المثل و القصة و المنطق و الكلمة..وانظر الى كل كلمة بيستخدمها إزاي شاب الغني عندما جاء وسألة ...أيها المعلم الصالح. مسك منه الكلمة قاله طيب أنا عايزة أسألك سؤال لماذا تدعوني صالحا ؟ أسلوب عجيب...يخرج الحق من الباطل لماذا تدعوني صالحا؟ إنت تقصد إن أنا صالح تقصد إن أنا ابن الله تقصد إن أنا بلاعيب؟ تقصد إن أنا بلا خطيئة. طب مش تقول كده عشان كده أحبائي كل إللي يتأمل في أسلوب ربنا يسوع المسيح ..يرى نفسه تدخله فرحة زي فرحة الفردوس لما تقرأ موقف زي المرأة التى امسكت فى ذاك الفعل... وتشوف كلامه مع هذة الامرءة المسكينة دي ....قال لهم من منكم بلا خطية فليرمها بأول حجر. أسلوب عجيب وكأنه عاوز يقولهم هيا صحيح حسب الشريعة تستاهل الرجم...انا مش هقول إن هي متستهلش ...عشان ما تقولوش إن أنا ضد موسى...وتقوله عليا إن أنا راجل جاي أحل خطايا بنى البشر واستبيح الضعفاء بتاعت الناس، لأ..دى ذانية يبقى تستاهل الرجم، لكن أنا عايز أقول لكم حاجة تانية خالص أكيد مش في ذهنكم أبدا... إللي يرجمها يكون بلا خطية ما يكونش بيعمل حاجة وحشة. كان العرف اليهودي احبائي لما يكون في حد هيرجموا. يجيبو الشخص يحطه في حفرة ويخلو الناس ترميه بالحجر بس أول حجر وتاني حجر بتوع الإتنين الشهود أول واحد الشاهد الأول. الثاني. وبعدين الكل يضرب بس واحد وإتنين دول إللي هما الشاهد الأول والثاني فهو عايز يقولي.. نجيب الست دي وهنبتدي نرجمها ...أنتم العرف بتاعكم إللي رافعين الحجارة واللى مشمر إيدو ده الراجل الشاهد الأول والتاني جاهز ورا منه. وعاوزين يبتدو وراهم قال لك لا أنا هغير القاعدة مش هخلي الشهادة الأول هو اللى يضرب أول حجر هخلي إللي منكم بلا خطيئة هو اللي يرميها بأول حجر مين بقى هيرمى؟ عملو إيه... نزلو الحجارة من أيديهم؟ وبعدين يقول لك كان موقف الست وراه... أكنة هو إللي بيحميها عشان محدش يضربها وفي الآخر الناس كلها انصرفت...تخيل معايا المنظر ده وفي الآخر نظر إليها ..وقال اما دانك أحد؟ ولا أنا أدينك إذهبي بسلام ..اية المشهد ده أحبائي.. ده مشهد الله المخلص الذي يدافع عن الخاطئ واعطى لة براءة وإللي جعل لة هو حكم الخطية لنفسه وأعطى الخاطى براءة ...مسمحش لحد يدين احد على خطية و مايسمحش إن حد فينا يدين الاخرعلى خطية...لو ترى ان تدين احد تكون إنت بلا خطية..... لو عايز تقول شوف الراجل الوحش ده. لازم تكون إنت مش وحش عشان تقول عليه الكلام ده. مينفعش يبقى إنت في نفس الخطية وتدين غيرك الذي تقول الا تتسرق أتسرق. إنت نفسك بتعمل الغلط وعاوز تدين إللي بيعمل الغلط ،من منكم بلا خطية وكأنه عاوز يقولهم واحد بس إنه له حق إنه يدينها .. مين الله الذي بلا خطيئة وحده انظروا احبائى أسلوب ربنا يسوع المسيح تدخله جوا تستمتعوا. كل قول وكل موقف تخرج منه ببهجة تقوله فعلا. إنت حكمة الله إنت كلمة الله المنظورة ربنا أرسلك لأكثر ناس مكارين .أكثر ناس مخادعين أكثر ناس بتوع مظاهر أكثر ناس فلاسفة وكنت بينهم منتصرا. لأنك أنت فعلا استخدمت الإسلوب الذي يجعلهم يشعرون ان كل ،اللى بيعملوه ضلال. وإن لكل إللي بيعملوه ده مش هو ده الحق لأن فعلا كان هو الحق. ربنا يعطينا أحبائي نسلك بكلمتة ونسلك بحقه...يكمل نقائصنا ويسند كل ضعف فينا بنعمته ولالهنا المجد إلى الأبد. آمين....