معجزة شفاة المفلوج الاحد الاول من بابة

بأسم الاب والابن والروح القدس اله واحد آمين .فلتحل علينا نعمته ورحمته وبركته الآن وكل اوان والى دهر الدهور كلها امين.. انجيل معلمنا مرقص البشير، يكلمنا عن معجزه من معجزات ربنا يسوع المسيح ،كان موجود في بيت ،والبيت لم يسعهم، وكان يخاطبهم بالكلمه، اتوا اليه بشخص مفلوج يحمله اربعه رجال ،في الحقيقه يا احبائي احنا عاوزين نتعلم من الناس اللي حملوا المفلوج...ازاي ان احنا نضع امورنا في يدية عندنا تعب عندنا ضيق، ازاي هذا الضيق دة ما نفضلش محتفظين بة في انفسنا.. أتوا بالمفلوق اليه وهم عندهم ثقه انه يقدر ان يشفي، الفتره اللي فاتت احبائي فيها ضغوط كثيره ،فيها احداث كثيره احداث كثيره مؤلمه ومؤلقه وكل إنسان بحسب اللي بداخله، يشوف الحدث ده بيعمل في ايه واللي اكثر من كده يا احبائي ان كل واحد بحسب اللي جواه يتصور الاتى. فتلاقيه الإنسان اللي عايش بفكره البشري وعايش بميول ارضيه تلاقيه عايش مرعوب مسكين ،الانسان الذي يحلل الاحداث بدماغه والانسان الذي ينظر الى نفسه والانسان الذي ينظر الى تحت كل ما يبص لنفسه وللاحداث وينظر لتحت كل ما يزداد خوف ورعب...طب الحل ايه،، اعمل زي الرجاله دول الذين راحوا له حيث كان موجود حيث

كان موجودا نتعلم احبائي نضع امورنا في يدية واحنا واثقين انه قادر ان يشفي، تعال كده انظر للراجل المفلوج ده ،حاجه تجيب يأس واحباط، ده مش عارف حتى يتحرك الدنيا زحمه مش قادر حتى يساعد الاربعه اللي شايلينه فى حاجة. لا ده عمالين يحملوا. وهو ولا مساعدهم في اي حاجه الحاله ميؤوس منها تماما لما تنظر الى الامور اللي حواليك هتلاقي الحاله ميؤوس منها وتلاقي اخبار وكلام..وكل واحد يقولك اسمع شوفت كذا ده هيحصل كذا ده حصل كذا ..ده في كذا.. الكلام ده يزود عند الانسان الخوف والقلق انت الرد بتاعك يكون ايه الناس دي انت تحضرها للمسيح تقول لهم ربنا موجود تقول لهم ربنا يدبر ربنا عنده الخير ربنا موجود ،ربنا يقدر ،امتى الانسان يضعف من جواه الانسان بيضعف من جواه عندما يتهزم هو من جواه نفسه، اول ما الانسان ربطاتة الأرضية تبقى كثيره واول ما الانسان يبقى مش قادر يغلب خطاياه واول ما الانسان يكون مش عايش التوبه والانسان مش عايش الحضره في المسيح امور الدنيا دي كلها بترهبه رعب اكثر حاجه احبائي تقلق وتخوف هي الخطيه، لان الخطيه هي الانفصال عن الله يوم الانسان بينفصل عن اللة .يبتدى يفكر بنفسه لما يفكر بنفسه..يبتدى يضعف.

فلما يضعف يخاف لما يخاف يهرب، هي سلسله.. زي ما حصل مع ابونا ادم، امتى الخوف دخل له ادم؟ طول ما كان عايش في المسيح في البر طول ما كان في وحده مع اللة ما كانش في خوف كان مستمتع.. امتى الخوف دخل .. الخوف دخل له مع الخطيه ،خطيه جاءت الخوف جاء....ابتدى يستخبى...ابتدى يحاول يحرس نفسه بنفسه اللي كان عايش مع الحيوانات ما كانتش تؤذيه ...ابتدى يخاف منها، اللي كان عايش مستمتع بالوجود في حضرت..اللة وكان ربنا هو اللي بيعتني بأدق أموره لدرجه ان الله كان يهتم بأكله وبحياته وبسترة وكان عايش بحاله فردوسية مملوءه بالسلام ابتدا هو يخاف على نفسه ويفكر يأكل ازاي و يستر عُرية ازاي وابتدى مشاكل جديده تدخل اليه ،كانت حاجات هو مش شايفها ابتدا يشوفها امتى، لما انفصل عن الله ...دة احبائي الذى يقلق الانسان.. اللي يقلق الانسان هو الخطيئه .الذى يأتى بالانفصال هو الخطيه..اللى يجيب الابتعاد هو الخطيئه.. اللى يجيب الخوف والقلق ..مصدره هو الخطيئه ،عشان كدة تبص تلاقي الانسان في الخطيه مليان قلق وخوف..الانسان في الخطيه مليان رعب...الانسان في الخطيه قال لك كدا ..لا سلام قال اللهى للااشرار.. الشرير يهرب ولا

طارد لان هو عايش مرعوب معيش مرعوب منين.. اصل هو بيلتمس الامن بتاعه من نفسه ياخذ امنة من نفسه ازاي ..يقعد يفكر ازاي نعمل وما نعملش نيجي نروح هو سلامنا.. ملناش سلام خارج المسيح احبائي، ما لناش حياه خارج عنه.. ليا الحياه هي المسيح اللى يعيش المسيح ويعيش سلام المسيح لا يطرب قلبه .لا تطرب قلوبكم ولا تجزع.. ما تخافش ما تخافش ليه ..لانك عايش في المسيح وليك امالك كلها امال ان انت تتوب وامال اللي انت تخلص وامالك ان انت تعيش في السماء وامالك ان انت تعيش زمن حياتك دي في محبه ومخافت ربنا هو ده الامال بتاعتك عاوز تعيش ايوه لكن عاوز تعيش في محبته ومخافتة..اية اللي يؤذيك، ما فيش حاجه تؤذيك الا خطيتك...ما فيش حاجه تتعبك ولا تقلقك الا ان انت تشعر ان انت بتحرم من ميراث الفروس بس.. ما فيش حاجه تكدر صفوك غير كده..البابا كيرلس كان يقول كده.. لا يستطيع احد ان يكدرني ..ليه لان حاصل على ينبوع من التعزيه.. تلاقيه الناس قاعده للاخبار وقاعده يقول لي شفت ايه وحصل ايه وعملوا ايه لا تتوقع سلامك من الناس لا تتوقع سلامك من احد ابدا ..والذى يضع سلامه في الناس كل شويه يحبط كل شويه تأتى الية صدمه جديده ..وكل

شويه يسمع خبر يقلقه اكثر ويزعجه اكثر ..ولما ينزعج يفقد سلامة...ولما يفقد سلامة يغضب ..لانة وهو مشدود ولما يغضب يبقى مشدود وتلاقيه يشد مع اهل بيته ويشد مع اللى حواليه.. اخذنا اية من الدايره دى ؟ فقدنا سلامنا ونفقد اللي حوالينا طبعا علاقتنا مع ربنا بتتأثر....عشان كده احبائي احنا لازم نعرف ان احنا لا نعرف اخر سواة ... احنا نقول له يا رب لك رفعت دعواى...احكم يا رب لمظلمتي انت يا رب اللي تحكم للمظلمه بتاعتي انا لك رفعت دعواي انت يا رب كن ضامن لي انت الضامن ما فيش ضامن اصل في الحقيقه البشر دول ..دول نفسهم هم نفسهم ضعفاء...ياما نفتكر ان كلمه منهم تغير حاجات كثير في حياتنا ..هم دلوقتي مذلولين ...واللى احنا فاكرين ان هما دلوقتي ممكن دلوقتي كلمة منهم تغير حاجات كمان شويه هيتزلوا ..البشر كده ..طبيعه البشر كده سواء حصل لهم حاجه تغير الاحوال او بحكم ان هم هيتركو مناسبهم..لما يتركوا مناصبهم. بيبان الانسان نفسه.. ميزانة الحقيقي..تبص تلاقي الناس اللى كنت بتهابهم عشان مناصبهم ..ابتدت١٠١٠١٠١٠ يعنى يقللوا منهم..وابتدو ياخذوا مواقف منهم...طبيعه البشر متقلبه ...لايوجدشىثابت....ناخذ سلامنا منين ..ناخذ سلامنا

من الله.. انت ملك السلام.. تعال نعمل زي دول المفلوج ده الحل بتاعه انه يروح عنده ضعه عنده.. عندك مشكله حطها قدامه ..لا تلتمس سلامك في غيره.. اصرخ الى الله كثيرا قولة له يا رب.. انت ملك السلام انت يا رب اللي تدبر الامور انت يا رب اللي تضمن....ان سمحت يا رب بضيقة فليكن الضيق لتقربنا منك ..هو النهار ده لما الكنيسه بتمر بضيقة احنا بنخرج منها اجمل..واقوى..اللة ينيح نفسه ابونا بيشوى كامل كان يقول التعبير دة...التجارب دي بالنسبه للانسان دي عمليات تجميل... تخرج من التجربه انت حصل لك نفسك تزينت..هو احنا ننسا فى احداث القديسين لما شفنا الكنائس بقت مليانه كان في تهديدات شديده فى ليلة عيد الميلاد اللى هو بعد راس السنه .وكنا بنقول يا ترى في ناس هتيجي تصلي ولا الناس هتخاف.. لحد ما لقينا قبل القداس بساعه كنا متوقعين ان الكاهن هيصلي مع شويه شمامسة وخلاص بدل ما ليلة عيد الكنيسه ما تصليش ولا حاجه من الخوف اللى عيشوا الناس فيه.. ولقينا الكنائس كلها مليانه ولقينا الناس بتصلي بطريقه ما شفنهاش قبل كده...ولقينا اللى كانوا بيجوا بيحتفلوا بالعيد....بأنفسهم جاءئم يحتفلوا بالمسيح . اذا التجارب مفيده بتغير اشياء كثيره فينا احداث الاخيره الكنائس

ملئت بالمصلين الصوم والصلاه عزانا... واجتماعات الصلاه مفرحه ..الكلام ده عمل فينا ايه.. جعلنا نبقى اقوى واجمل زي بالضبط الرياح للشجره.. الرياح مش بتشيل الشجره الرياح بتثبت الشجره.. زي النار للذهب النار بيعمل ايه في الذهب..بينقية بيجملة..بيجعلة انقة واغلى .بيجعلة يتخلص من الشوائب..هكذا التجارب لاولاد الله احبائي.. عشان كده جميل الانسان الذي يوجد لديه النظره هذة النظرة...ايه اللي بيذل الانسان ضعفه ...ايه اللي بيضعف الانسان.. ذاته ..اللي بيهين الانسان شهواته.. عشان كده احبائي يقول لك على دقلديانوس لما كان بيعذب المسيحيين كان يقعد مع مستشارية. بيضرب كف على كف..يقول انا مش عارف الناس دول ايه ..هما زهقانين من عيشتهم.. عشان يأتوا على الاستشهاد بالعشرات مئات ..هما فيهم حاجه مش طبيعيه.. ازاي.. لدرجه ان بعد فتره من الاستشهاد.. ويلاقي اعداد الاستشهاد بتزيد والايمان بيثبت كان يظن انه مجرد يقتل له 10 ولا 20 كل الناس تنكر الايمان ويخلص من حكايه المسيحيه.. يلاقي الناس بتزيد بدل ما كان يسعى اليهم للاستشهاد الناس هي اللي بتسعى للاستشهاد.. وصل لحقيقه قال.. يستحيل يستحيل ان يكون هؤلاء مغلوبون لشهوه.. مش ممكن

يكونوا مغلوبين لشهوه.. اللي مغلوب لشهوه ده مش ممكن يجي للموت مش ..ممكن يجيء للموت.. ابدا ..صدقوني احبائي من كم يوم في اثناء الايام اللي احنا صائمين فيها دي واحد من شعب الكنيسه هنا شعب الكنيسه.. بيبكي بيقول لي انا رحت ماسبيرو كنت عايزه استشهد للأسف اتعورت بس وريني رجلة فيها تعويره فيها جرح .تعورت بس ويبكي كان نفسي استشهد ليه انا ما كنتش بدل شاب من الولاد الصغيرين دول...ازاي الانسان بقى يوصل للحاله دي. ازاي ..امتى احبائي نكون بنتكلم كده بصدق. طب اللي زي ده يخاف من ايه ..يخاف.. دة يقولوا له المواضيع هديت يقول لهم لية بس هديت...احنا يعني ايه ده عشان كده نبص نلاقي الكنيسه كنيسه تستعذب الآلم ..ليه.. اصلا هى متألمه.. ومتأسسة على المصلوب مش متأسسه على حاجه ثانيه ..مش متأسسه على الرفاهية لا مش متاسسه على العظمه ..لا دة مسيحنا مسيح المزود ..مسيح الضيق واتقال يجوز في نفسك سيف اتقال ان العلامه تقاوم..دة موضوع معروف من قبل ما يتولد ..ده العلامه تقاوم ايه العلاوه من تقاوم دي.. ما احنا نشوف ايه اللي يجي يقول لك ممكن تصلي بس لو سمحتوا بلاش تعملوا صليب فوق..بلاش...هيفرق اية صليب

فوق ولة مافيش صليب تحت ... لا اصل ده علامه تقاوم .لو جيتم تبصوا للامر حقيقه ..الامر مش مع اشخاص الامر مع مملكه ظلمة....عدو الخير، ما يهونش عليه..للرب حرب مع عماليق من دور الى دور عشان كده لية العلامه دي بالذات بتضايق.. اصل ده الصليب مفزع.. مجرد يتحط صليب تبص تلاقي الشيطان هاج طب يا عم نشيل الصليب ثاني..يقولك ههدأ شويه.. طب للدرجه دي فارقه معك قوي.. اه طب الناس دي بتصلى....لا موضوع الذبيحة دة بيقلقنى قوى..اعملوا اى حاجه الا الذبيحه ..احيانا يقول لك اعمله المبنى ده فيه كل الانشطه اللي بتعملوها انتم بتعملوا اجتماعات..اعملوا مسرح اعملوا اجتماعات...بتعملوا حضانة...اعملوا اتنين ....عندكم دار مسنين اعملوا خمسه.. عندكم خدمه للمعاقين اعملوا...عندكم ايه ثاني تحبوا تعملوا عايزين تعملوا ايه ثاني.. عايزين تعملوا كذا ...بس لو سمحتم بلاش تصلوا بلاش قداس.. اصلة مفزع ده بالذات مقلق.. اذا احبائي الامر مش مع اشخاص ..اشخاص لا الاشخاص العادي.. ما ياخذش الامور بالحساسيه دي ..لكن لما يكون عدو الخير هو اللي بيحرك تلاقي الحاجتين دول علامه الصليب والقداس الذبيحه ..مرهبه عشان كده احبائي احنا لازم

نكون فاهمين عشان يكون قلبنا مليان سلام ان الامر يخص المسيح نفسه يخص صليبه طالما الامر يخص المسيح نفسه ويخص صليبة يبقى احنا ايه.. احنا لابد نكون مدركين ان ده امر بسماح من الله وامر بتدبير من الله هو قادر ان هو يدبر الامور ده احبائي الإيمان اللي احنا نكون عايشينة...دة اليقين اللي احنا نعيش به طب ايه اللي بيقلق الانسان ذاته عاوز وعاوز وعاوز لما يبقى الانسان مربوط بالارض كثير اقل حاجه تقلقة وتخوفه.. مره امبراطور جاب بطرك عشان يذله عشان يستشهد بطرك طبعا كانوا زمان بيحبوا يخلوه يبتدوا بالقبض على الاسقف او البطرك ..تخيل انت شعب انه يحس ان الاسقف بتاعه بيتعذب الناس بقى الصغيرين والضعفاء يحصلهم اية..ينهاروا.... فكان يضرب الراعي عشان تتبدد الرعيه خطه من الشيطان عشان كده كان معروف فى الكنيسه الاولى غالبا كان الاسقف ده كان في الاخر يحصل له ايه.. يستشهد عشان كده الاسقفيه دي كانت انسان قديس هو اللي هياخذ المكان ده عشان في الاخر هو عارف ان هو ايه..عشان كدة القديس بولس قال من اشتهى احد الاسقفية اشتهى عملا صالحا ..يعني عايز يقول لهم يا ريت.. ليه لانه مش اي واحد اللي ياخذ المنصب ده عارف ان هو في الاخر هيستشهد..

فالامبراطور جاب البطرك يقول لك انت راجل شيخ وانت راجل صعبان علي وانا مش عايز اضايقك انت انكر الإيمان وخلاص. قال له مستحيل قال له ما انا مش عاوز يعني اعذبك قال له اعمل اللي انت عايزه اللي انت عايزه اعمله طيب انا اول حاجه هجرتك من ممتلكاتك.. فأبتسم..قالة بتضحك على ايه ..قال له اصل انا ما عنديش حاجه غير الجلابيه اللي انا لابسها دي فشوف انت ايه الممتلكات جردني من انا لا املك شيئا ..قال له طب والابروشيه والمطرانيه مش بتاعتي ..ده انا واخذ اوضه صغيره فيها مش بتاعتي يعني انت ما تملكش حاجه خالص انا لا املك شيء ابدا قال له طيب انا هسجننك ..قالوا اخشى اقول لك ان السجن من العيشة اللي انا عايشها تعتبر ترفية. انا عايش في اوضه والحياه اللي انا فارضها على نفسي من نسك وشده عيش اكثر من اللي انت بتعمله مع المساجين..فانا لو رحت عندك السجن يعتبر بالنسبه لي ترفيه انا عايش عيشه شديده جدا مع نفسي قال له يعني انت ما تخافش لو سجنتك قالوا ابدا طب خلاص انت لا نافع معك اجردك من ممتلكاتك ولا نافع معاك اسجنك..طب انا بقى هاجلدك واعذبك...قال له وانا اطول ان انا اوهان من اجل اسم سيدى يسوع ده شرف لي ان انا

اتالم مع سيدي ده انا هتألم معه ما اتألم به. وهتبقى انت اديتني بركه كبيره قال له واضح ان انت ما فيش اي فائده معك واضح ان انا ايه هقطع رقبتك يقول له ايه يقول له ده انا حياتي دي كلها عايشها في اشتياق لهذه اللحظه ..ده انا نفسي يا حياتي دي كلها عشان خاطر في الاخر ليتك لا تتردد ليتك تُعجل بامري يا ريت يا امتى الانسان يعمل كده لما يكون هو غالب نفسه عشان كده القديس ذهبي الفم يقول ايه لا يستطيع احد ان يؤذيك مالن تؤذي انت نفسك ما حدش يقدر يؤذيك لما تكون انت مغلوب من نفسك وانت ضعيف قدام نفسك وقدام رغباتك وقدام شهواتك هو ده اللي يذلك فيجيء يقول له ايه هاخذ ممتلئاتك يقول له لا لا لا طب انت عندى عندي لا لا..طب انت كنت عايز مني ايه ..عاوزك تبخر للاوثان ..يقعد يتفاوض معه لية..ممتلكاته.. طب اسجنك ده انا راجل كبير كلو الا السجن يتحايل عليه عشان ايه ضعيف ..ضعيف منين.. من جواه عشان كده احبائي احنا كنيستنا متأسسة على ناس ارتفعوا فوق الألم و فوق الزمن وارتفعوا فوق السلطان الارضى البشري ..جابوا المفلوج ده قدامه.. عندك هموم متضايق شايف الاحداث اللي حواليك ضغطه عليك ..صلي قل له يا رب ارفع يا رب

اديني سلام يا رب اديني عزاء يا رب احنا اولادك واحنا في يدك وانت ضابط الكل وانت اللي عيون الكل تترجاك.. خلي عندك ايمان تمسك بوعود الله وعود في وعود لربنا احبائي قال كده من يمسكم يمس حدقه عيني..تقولة يارب انت بتقول كده يا رب واولادك بيطهدوا وتقول من يمسكم يمس حدقة عينى..خلى بالك الكلام ده كلام ابدي مش زمني ..يعني اللي يمسكو يمس حدقة عيني..يعنى متخافوش مافيش حاجه هتحرمكم من الابديه ..اما عن الجسد فالجسد ده في نظر الله دة وسيله ..ده موضوع مش هو ده المقصود به اللي يمسكم يمس حدقة عينه قصده على ان انتم الحاجه اللي تزعزع ايمانكم وخلاصكم عشان كده هتلاقي الناس دي على قد ما اهينك في الارض على قد ما مجدت في السماء عشان كده يقول لك مثلا يحفظ الرب جميع عظامه واحده منها لا تنكسر ازاي يا ابونا الايه دي انا عايزه افهمها اذا كان في ناس بتتهرس ازاي يحفظ جميع عظامه ... القديس يعقوب المقطع ده عمل له ايه هتقعدوا رجل بعدين الرجل الثانيه بعدين اليد.اليمين بعدين اليد الشمال فضل منه ايه.. مجرد بس ظهر ورأس بس كدة..حته قد كده طب ما ده اتقطع اهو.. اقول لك اصل يحفظ جميع عظامهم دي عباره

ابديه يحفظ عظامهم دي في الابديه ان الناس دي على قد ما جسدهم اهين وذل وقطع الا انه عظامهم محفوظه في السماء وكيانهم كله كامل وكل اللي حصل لهم في الارض لهم كرامه عند الله في السماء ..اضعاف اضعاف مضاعفة...عشان كده احبائي دي تعبيرات ابديه مش زمنيه الانسان لما يفكر في الارض واللي يفكر في نصيبه في الارض تبص تلاقي تفكيره محصور في الارض اقول لك لا ربنا عاوزنا الابديه مرورا بالارض يعني ربنا ما يأمنش حياتنا في ارض.. يأمن لكن مش هى اللى شغله ربنا ..بالاولى..عين ربنا علينا وعلى خلاص نفسنا بالاكثر هو ده اللي شاغل ربنا ازاي اولادي يقربولي ازاي اولادي يتنقوا ..ازاى يخلصوا ازاي اولادي يأتوا لى فى السماء..كنت شوفت رسمة كاريكاتير..اولادنا مبدعين وسط الالام زي الشيطان بيقول لربنا شوفت خوفت لك كل الشعب وموت لك شويه منهم رد ربنا يسوع قال له ايه اللي خافوا جولى الكنيسة. واللي موتهم جولى السما ..اللي خافوا جولى الكنيسه واللي موتهم جولى السما .. انت عملت ايه ده انا بشكرك على اللي انت عملته في ناس انت قربتهم مني وفي ناس جبتهم للسماء ..تدبير الشيطان احبائي تدبير ضعيف..قدام قوة اللة...نثق فى مواعيد الله

احبائي...نثق فى تدابيرة..عينينا ما تنزلش لتحت خلي عنينا مرفوعه فوق اول ما عينك تترفع فوق هتلاقيك انت اقوى من اي شيء ثاني وخلي عندك ثقه ان ربنا عاوزه يعطيك السماء لا تخف ايها القطيع الصغير لان اباكم قد سر ان يعطيكم الملكوت صدقوني احبائي تعالوا اتفرجوا على البلاد اللي عايشه بالشكل مسيحيه اللي عايشه الغلبيه بتاعتها مسيحيه فين الايمان وفين محبيتهم لربنا وفين الفضيله وفين التقوى يدللوا نفسهم وابتدوا ينشقوا على بعض ويتحرروا ويعتبروا ربنا حاجه من الكماليات وابتدوا حتى لما يحتفلوا بالكريسمس..عاوزين يغيروا اسمة وعاوزين احتفال لانفسهم وانصرفوا عن الله. رغم ان احنا نقول يا سلام لو نعيش في البلد دي بس يسيبونا في حالنا اقول لك ده يمكن الضيق ده سبب البركه اللي احنا فيها..هو فى حاجه تخلينا نمسك فى ربنا قد الضيق....دة البركه المخفية لينا.....طوبى لكم اذا طردوكم وعايروكم واذا قال فيكم كل شر كاذبين..لية اجركم عظيم فى السماء..لابد اننا نخبى الكلام دة فى قلبنا بالايمان وكل مانسمع حاجه نقول احنا عارفين ان مواعيدنا مواعيد ثابتة..وحقيقية من اللة .. ربنا يثبتنا في إيمانة وربنا يعطينا ان احنا نستفيد من كل تجاربنا نقول له احنا يا

رب كل امورك لخيرنا وكل تدبيرك لسلامنا خيرا صنعت مع عبدك صلاحا وأدبا ومعرفه علمني. ربنا يكمل نقائصنا ويسند كل ضعف فينا نعمته ولالهنا المجد الى الابد امين...