الشبع بالكلمه سر النصرة الأحد الرابع من بشنس

بأسم الاب والابن الروح القدس اله واحد أمين .فلتحل علينا نعمته ورحمته وبركته الان وكل اوان الى دهر الدهور كلها امين. النهارده احبائي الكنيسه. تقرا قراءات الحد الرابع من شهر بشنس ..
والنهارده الانجيل بيتكلم عن التجربه على الجبل ..عندما رب المجد اقتيضا بالروح في البريه 40 يوما يجرب من ابليس ،لم يأكل شيئا في تلك الايام.. ولم تمت جاع اخيرا. قال له ابليس ان كنت انت ابن الله فقول لهذة الحجارة ن تسير خبزا فاجابه يسوع قائلا مكتوب انه ليس بالخبز وحده يحيا الانسان بل بكل كلمه تخرج من فم الله ..
تجربه على الجبل دي يا احبائي نموذج لانتصار ربنا يسوع المسيح على حيل ابليس،، ابليس الذي قيل عنه انه منذ البدء قتالا للناس..عاوز يخدع ويسقط ويُشكك ولا ذالة احبائي عدو الخير بيجول في وسطنا كأسد ملتمسا من يبتلعه، ازاي نغلب عدو الخير ،ازاي نغلب حيله الكثيره والمتعددة والمتنوعه خذ بالك حتى ربنا يسوع المسيح نفسه لم ينجو من الحرب .ربنا يسوع له كل القداسه الذي يحل فيه كل ملئ اللاهوت .. الشيطان بيتجاسر ويتقدم ويحاربه ،،طب لما يجي لينا يعمل معنا اية...لما يجى يحارب رب المجد يحاربوا بأيه ؟

يقول لك لما قعد 40 يوم ما ياكلش جائع، يجي عند الحته اللي بتوجع حته الجوع، ويروح يحارب بعد كده يعمل ايه..يأخذوا على جناح الهيكل ..اخذوا على جبل عالي... دي رقم اثنين .اراة جميع ممالك المسكونه ..مغريات ..قال له ابليس لك اعطي كل هذا السلطان كلة ومجده...لانة دفع لى..بس بشرط ان سجدت لى... قال له مكتوب خلي بالك الغلبه بالمكتوب... عاوزين نعرف نغلب؟ نعرف ازاى نرد على عدو الخير بكلمه الله ،،قال له مكتوب للرب الهك تسجد واياة وحدة تعبد..ثم جاء به الى اورشليم واقامه على جناح الهيكل وقال له ان كنت ابن اللة اطرح نفسك من ها هنا الى اسفل.. عدو الخير لما لقاة هو بيحاربوا بالمكتوب ابتدا هو كمان يحاربوا بالمكتوب...قالة لانة مكتوب انة يوصى ملائكه بك... عايز يقول له رد علي بقى يوصى ملائكته بك لكي يحفظوك..وانهم على ايديهم يحملوك لكي لا تصطدم بحجر رجلك اجابه يسوع وقال انه مكتوب لا تجرب الرب الهك...ولما اكمل ابليس كل تجربه فارقه الى حين... يعني ماتركهوش على طول .دى زي ما يقول الحلقه الاولى ...وظل يحارب يحارب لحد النهارده.. ظل يحارب وهو على الصليب...ظل يحارب بعد القيامه..ظل يحارب بعد حلول الروح القدس.. ظل

يحارب كنيسه الرسل ظل يحارب فينا لحد الان.. تركه الى حين.. طب ازاي نغلب احبائي.. قال لك تغلب بالمكتوب ..مفتاح الغلبه احبائي ان احنا نكون على اتصال وعمق بكلمه الله.. كل حرب يحاربوا بها يقول له مكتوب مكتوب... الانتصار بكلمه الله والحرب هي حرب تشكيك عشان يفقد وحدتنا مع الله ...انجيل النهارده احبائي بيمثل منهج في حياتنا منهج كيف نغلب كيف ننتصر كيف يكون لنا سلطان على عدو الخير كيف نتمتع ببركات انتصار الهنا في حياتنا هو ده انجيل النهارده.. عدو الخير احبائي يهيج جدا على انسان ابتدا يبقى في وحده مع الله.. انت نويت تحب ربنا ؟ حبيت تصوم حبيت تتقدس نويت تتغير عدو الخير يجيلك على طول.. يحارب فيك ...يقولك...طب وانت هتقدر على السكه، دي ؟ طب مش انت حاولت قبل كده وفشلت ؟طب مش في ناس حواليك كثير عايشين حياتهم عادي يعني.. انت مالك مزنقها قوي ليه على نفسك كده ليه ..يحاول يشبه لك الطريق مع ربنا ان ده طريق مستحيل.. يشكك في مواعيد الله وكلمه ربنا وأسلوب ربنا....وكل حاجه.. عدو الخير قَتال للناس.. كل هدفه ..كيف يسقط الإنسان ؟ عاوز يشكك ويحارب ويسقط..الإنسان لما يذوق حلاوه محبه ربنا ..عدو

الخير يحسد ويغير ..اول ما شاف ابونا ادم وامنا حواء كده في وحده ومحبه مع ربنا ..مهنش عليه... بيقول لك ايه ده هيفضلوا حلوين مع بعض كده على طول ..انا لازم ادخل في النص... يقعد ادم يحب في ربنا وربنا يحب فى ويقعده هما الاثنين في متعه ولذه ...لا ...انا ادخل اشكك.. ويروح للطرف الاضعف ويشكك في كلمه ربنا نفسها..يقولها ...احقاً قال لكم الا تأكلاا من جميع شجر الجنه ؟! خلي بالكم هو ربنا ما قال لهمش ما تاكلوش من كل الشجره..هو قال لهم على واحده بس... بس هو بيعمل ايه.. بيلخبط الحقائق ..بيلف ويدور.. يخدع.. مش كثير عدو الخير..يقولك صعب جدا ان احنا نخلص.. ازاي هنتوب .ازاي هنتقدس ..دة الحياه مليانه ضغوط ومليانه شرور ازاي ...يقعد يشكك في مواعيد ربنا... ولما يلاقيك انت كمان مش ماسك قوى في كلمه ربنا.. يستغل الفرصه.. لقى امنا حواء مش ماسكه في كلمه ربنا....لقى امنا حواء بتقول كلام غلط بتقول اه ده قال لنا ما تاكلوش من كل الشجر ولا تمسوا حتى ربنا ما جابلهمش سيره ولا تمسوه.دى... قال بس.. ده انت كده ايه ..انت كده واحده تبقي واحده سهله جدا بالنسبه لي..يبتدي يستخدم معها الأسلحة التانية. الاغراء..الاول يحارب بالفكره...وبعدين يحارب بالعين

..جعل الشجرة تبقى بهية للعيون وشهية للاكل.. يبتدي عدو الخير يحارب بالفكر وبعدين بالعين.. بعدين بالفعل ...مش هو دة الحرب اللي احنا بنقع فيها لحد النهارده احبائي... مش بيشككنا بأفكارنا وبعد كده يخلينا نشوف خطايا كثيره فنستسهل الشر ونقع بسهوله فيه ..عدو الخير احبائي لا زال الى اليوم يخدع بنفس الاسلوب...ما قال لك هم ثلاث حاجات لخصهم لنا بمنتهى السهوله وفي الحقيقه هو الفخ المنسوب لنا من ايام ابونا ادم لدلوقتي .شهوه الجسد شهوه العيون تعظم المعيشه.. مين فينا مش بيقع فيهم تعال كده واحد زي داود النبي اللي قلبه بحسب قلب الله ما فيش اجمل منه داود.. شهوه الجسد للاسف وقع فيها معلمنا داوود اول ما اخذ الُملك واستريح كده شويه ابتدا يكسر لنفسه الزوجات..فى حين لو تقرأ الشريعه في سفر التثنيه من شرط ربنا على ملوك اسرائيل لا يكسر الزوجات...لكن معلمنا داود في خلال شهور بسيطه بقى عنده سبع زوجات لا ولسه.. ده ايه ده ..ابتدى الجسد يتمرض..شهوة العيون... كلنا عارفين ان لما كان معلمنا داود كان فاضى شوية وكان بيتمشى فوق سطح...نظر الى امرأة بتغتسل.. اشتهاها .طلبها اغواه الشيطان سقط معها في الخطيه.. معلمنا داود اللي قلبة بحسب

قلب الله. يقع في الحاجات دي ..قالك.. طرحت كثيرين جرحه وكل قتلاها اقوياء.. يا رب ارحمنا يا رب ...امال احنا نعمل ايه نروح فين.. شهوه الجسد شهوه العيون.. ثلاثه تعظم المعيشه ..معلمنا داود وقع في تعظم المعيشه ازاي جاء في وقت افتخر بنفسه وقال ليوئاب رئيس الجيش ..بقول لك ايه ما تعدلى الشعب طب وانت عاوزني اعده ليه عشان عاوز اعرف عندنا كم... ربنا كان من شروطه على ملوك اسرائيل ما يعدوش الشعب الا في حالات معينه لما يجوا يأخذوا كفاره للهيكل او لما يجوا يعدوا الاسباط كتعداد .او لما يجوا داخلين حرب... غير كده ما يعدش ... يعمل كفاره الهيكل الفضه او داخلين حرب او الاسباط وترتيبها عندما يريد يوزع عليهم حاجه...وى ماحصل ايام يشوع عايز يعطيهم ميراث الارض... قال لهم عد.... اذا العد بأمر الاهى ..داود حب يعد بمزاجه.. عايز يعد بمزاجه ليه .عشان عاوز يفتخر بتعداد مملكتة....تعظم المعيشه...داوود النبى يسقط فى هذة الحرب؟ ..قال لك حتى داوود النبى...مافيش واحد نجا....قالك الجميع ذاغوا وفسدوا واعوزهم مجد اللة...ابونا ابراهيم وقع...موسى وقع..داود وقع كل دول.. قال لك كل واحد كان له سقطة ...امال ايه يا رب...قالك هو ده عدو الخير

اللي عمال يجرب ويوقع.. انا لازم اجي واحربه انا واغلب به انا ...انا اللي لازم اغلبه ...واضح انه هو هيقعد يعير في اولادى ويغلب اولادي ويوقع لى واحد ولا واحد في من جيل لجيل....لازم اجى انا واواجهة ..وعدو الخير مغلس...ماعندهوش غير نفس الثلاث حيل....اول حاجه شهوة الجسد. .قال له ايه ...انت جعان انت مسكين انت لك 40 يوم ما اكلتش يا راجل حول الحجر ده لخبز قال له لا مكتوب انه ليس بالخبز وحده يحيى الانسان.. ده انت جعان شهوه الجسد راحت فين قال له لا انا اغلب شهوه الجسد تغلبها بايه؟ أغلبها بالمكتوب اغلبها بالكلمه.. قال لك طيب جاء على التجربه الثانيه اخذوه على جبل عالى واراة جميع ممالك العالم..دى التجربة الثانيه. .شهوه العيون.. شهوه العيون... اراة جميع ممالك العالم ..عاوزه كده تتخيل كده لما واحد يطلع من حته عاليه يرى .. مساحات وناس وممالك وبيوت وقصور واشجار كل ده انا هعطية لك ..بس بشرط صغير خالص..اسجد لى.....مكتوب للرب الهك تسجد واياه وحده تعبد ادي شهوه الجسد شهوه العيون.. الطيب تعال نشوف الثالثه بتاعت تعزم المعيشه يطلعوا على جناح الهيكل..وقال له القي نفسك من على جناح الهيكل عشان الناس يشوفوك وانت

بتنزل وما فيش حاجه بتؤذيك ولا حاجه وتظلوا يعظموك ويمجدوك..وانت بتنزل بطريقة معجزية. يلة اتقضل...شهوه الجسد شهوه العيون تعظم ايه تعظم المعيشه... قال له لا تجرب الرب الهك مكتوب ...قدر يغلب ولما ربنا يسوع المسيح احبائي غلب ما غلبش لنفسه غلب من اجلنا... طب تعال نشوف نفسنا احنا في الثلاث حروب دول .. جدا يا رب ارحمنا شهوه الجسد...بيقع فيها قد ايه احبائي؟ قد ايه بنعيش في عبوديه للجسد خاضعين لطلبات الجسد ..نيجي نقول يا جماعه يا ريت ناخذ في فتره الصوم فتره انقطاع صغيره.. اول بس ما الواحد يقول جعت... اول ما يطلب بس يشرب كوبايه شاي.. من اول لحظه يقول لك ايه اشرب على طول... ده احنا لازم نغلب الجسد لازم نغلب الجسد..ان عشتم حسب الجسد فستمتون. ولكن ان كنتم بالروح تموتونا اعمال الجسد فستحيون... شهوه الجسد دي مصيده بس الزبائن بتاعها لعدو الخير كثار جدا.. الزبان بتوعها بيقعوا اوتوماتيك لوحدهم... ما بيتعبوش كثير.. اللي ما بيجيش بشهوت الجسد...يجيلوا بشهوه ايه... العيون ..يبتدئ يغرية... ويجعله يشوف مناظر مش كويسه.. يخلي عينه تزوغ على الاشياء ..شهوه العيون.. العالم له بريق والاشياء لها

جاذبيه.. طب الانسان ازاي يغلب ؟؟ اقولك يغلب بالمكتوب ان النفس الشبعانه تدوس العسل.. ومااجعلش عينى اى شئ تشتهية تاخدها...ومااسمحش لعينيا انها تتواصل مع الاشياء لدرجه تخلي الحاجه تدخل جوه قلبي وتملكني لا..شهوة العيون...اد اية احبائي عدو الخير بيستخدم الشهوة دى ..ويقولك اتفرج بس ..احنا نعرض عليك شوية حاجات..واحد بقولك انا بتفرج بتسلى.... فكرك الإنسان يتفرج ع الحاجات دي مايتأثرش؟ مش ممكن ده احنا بشر ده احنا جهاز متركب متوصل كله مع بعض العين معزه هنا مع القلب مع الاراده مع الحواس مع الافكار والمشاعر جيبي جهاز واحد يوم ما بيتلوث حتى بتلوث الباقي كله شهوه العيون مغرور احبائي الانسان اللي واثق لنفسه بالزياده يقول انا ممكن اشوف الحاجات دي وما اتاثرش اقول لك ابدا ده القديسين كانوا بيبقوا حراسين جدا على عينيهم جدا مره واحد من الاباء القديسين نزل عشان يقابل البطره وبعدين لما راح البريه وارجع في الدير بيقولوا له ماذا رايت في الاسكندريه اللهم رايت ابي البطريرك قالوا له طب وماذا رايت اخرا؟ اية اللي شفته ثاني؟ قال لم ارى شيئا لم ارد ان ارفع وجهي الا ان ارى ابى البطرك.. انا نازل اقبله ..حطيت في قلبي ان

انا ما اشوفش الا هو نخيل انت لو كان قاعد كل حاجه يبص لها يبص لها يبص لها احتمال يكون مرجعش او يرجع متحارب.. يرجع حاصل له ضرر ..يا ريت احبائي نحافظ على نظرنا يا ريتني ...ربنا اعطانا فى نظرنا دة ...خصيتين مش ممكن تلقيهم في حته ابدا ..تعرف تغمض عينك وتعرف تحول عينك ..تعرف تغمض اذنك؟! ما تعرفش ..لو سمحت حاجة غضب عنك ممكن تبقى معزور...لكن لو شوفت حاجة تبقى بارادتك...لانك تعرف تغمض وتحول ...ليه ربنا اعطانا العين كده؟ عشان خطيره خائف علينا.. خائف علينا نشوف اي حاجه تاذينا فممكن بسهوله جدا تغمض وبسهوله جدا تحول عينك كده ..شهوة الجسد شهوه العيون تعظم المعيشه ..مش عايز احكي لكم بقى عن تعظم المعيشه قد ايه الانسان متمرد على الواقع بتاعة واللي عنده حاجه عايز الثانيه والثالثه والرابعه واللي عنده بيت عايز الاوسع ..وعايز وعايز عايز ..تعظم المعيشه..عشان كده الإنسان عاوز يملك في الدنيا هو هيعيش للابد عاوز ايه ثاني ان كان لنا قوت وكسوة فلنكتفى بهم..اية اللى احنا عاوزينوا...والعالم اللي احنا فيه هنا والبلد اللي احنا عايشين فيها بتغذي رغبات الانسان وتجعلها اكثر شراسه اكثر ضرورية واكثر

إلحاح.. ويجعل الانسان يحس تملي انه مذلول وعاوز وعاوز وعايز اقول لك خلي بالك ما تقعش في الفخ بتاع تعظم المعيشه دة ... عايش مستور اشكر ربنا ارضى بواقعك...وتأمل تملى ان في غيرك كثير محرومين من الصحة ومن الستر مش لاقيين القوت الضروري... اشكر ربنا شهوه الجسد شهوه العيون تعظم المعيشه ..ازاي نغلبهم بكلمه ربنا كل مره العدو يحربة ويقول له ايه مكتوب للرب الهك ....داودد الي حارب جليات...جليات اللى واقف يعير شعب اللة ...ماهو دة الشيطان..اللى بيقول لكل واحد فيكم..مين يقدر عليا وريني.. انا واقف اهو...وظل يقتل فى كل الناس ويعَير كل الناس...جاء داودد اللى هو رمز للسيد المسيح...غلبة...بأية....اخذ خمس حجاره مُلس.. الخمس حجاره دول الاباء يقولوا عليها دول اسفار موسى الخمسه.. كلمه اللة عشان كده ربنا يسوع لما حربه.. حربه بحجاره واحده بس..زى داود حاربة بحجارة واحدة بس .. الحجارة اللى ربنا يسوع حدفوا بها ...سفر التثنيه.. قصد انه يرد عليه بسفر واحد..لانها حجارة واحدة اللى توقعة..وكأنة بيقولة انت ضعيف قوي بس يا خساره اولادي هم اللي مش عارفين الكلمه اولادي هم اللي مش في جيبهم الحجاره اللي يعرفوا

يغلبوك بها لو اولادى فى جيبهم الحجاره بسهوله ..عشان كده داود النبي يقول لك ايه مغبوط هو الرجل الذي يملا جعبته منها عارف انت الصياد لما يروح يصطاد يبقى معه جعبه يحط فيها السهام مخبوط هو الرجل الذي يملا جعبته كالسهام بيد القوي.. لما يجيء يحاربك عدو الخير ارشم صليب وقول آيه ..أنبا انطونيوس العظيم لما يجي له عدو الخير يخوفه او يرعبه فيجيب له صور خليعة او يقلقة او..... يقول لك كان يقف بقوه يرشم صليب ويقول قم أيها الرب الاله وليتفرق جميع اعداءك ..اية...تخلي العدو يحصل له ايه.. يرتبك ويتراجع يبقى اقول ايه لما عدو الخير يحربك ارشم على نفسك علامه الصليب.. الغلبه لك المسيح ما غلبش لنفسه غلب لنا عشان كده يقول لك انصرف عنه يا ريت احبائي نكون متسلحين بكلمه ربنا..بتقرا الانجيل ولة لا...اوعى تقول لي ما فيش وقت .. في وقت لايه.... احنا عايشين ليه هناكل ونشرب وننام ونشتغل ونتعب.. بكرا العمر فيه ايه عشان يضيع كده لا... ربنا ما اداناش العمر عشان نبدده العمر له...بيجى لحظه العمر ده كله بيقف... كل الاحلام والاهتمامات اللي عندك دي ممكن في لحظه توقف اما ربنا عايز مننا ايه يقول لك خليك فاكرنى ...ماتجيش

عندي انا وتقول ما فيش وقت ولا في جهد يا ابني اعطيني قلبك..ولتلاحظ عينك طرقى...املئ شفتيك وعنيك من كلمة ربنا ..يجى عدو الخير يلاقى الرد عندك موجود وجاهز...ويلاقيك بكل جبروت وقوة بتغلب....ربنا يعطينا احبائي غلبة من غلبتة وانتصار من انتصارة...ربنا يكمل نقائصنا ويسند كل ضعف فينا بنعمته ولالهنا المجد الى الابد امين.....