جوع وشبع أحد الأبن الضال

بأسم الاب والابن والروح القدس الاله الواحد امين فلتحل علينا نعمته ورحمته وبركته الان وكل اوان الى دهر الدهور كلها امين..
تدخر الكنيسه احبائي لابنائها اجمل فصول الكتاب المقدس عن التوبه ..فصل الابن الضال..المذكور في لوقا 15 وكأن الكنيسه عاوزه تقول انا عاوزه اقدم لاولادي موائد مشبعه من نوع اخر..موائد روحيه.. اولادي صائمين ومنعوا انفسهم عن الاكل و امور كثيره شهيه..
فلابد ان انا اقدم لهم ما هو اشهى واشهى واشهى ...ومن هنا نلاقي الكنيسه بتتميز ب احاد الصوم الكبير بفصول مشبعة...موائد مشبعة روحيه.. عوضا اي حرمان من طعام ارضى.. عشان يكون ولادها سالكين بالروح شبعانين بالروح ..حال الابن الضال قبل ما يترك ابوه وبعد ما ترك ابوه وبعد ما رجع لابوة...مقارنات الانسان لازم يعملها في ذهنه.. في بيت ابوه في الاول كان يظن ان البيت ده بيقدم له قيود..كان يظن ان هذا البيت بيقدم له حرمانات ..كان يظن اي شيء في البيت ده ما لوش طعم ...وحاسس بان الخروج من البيت هو الحياه.. الحريه .هو الانفلات.. هو ان يعيش بحسب هواة و عدو الخير يزين له هذه الحقيقه والمجتمع اللي حواليه واصدقائه واخذ القرار...هذا حال الانسان احبائي الذى يعيش مع المسيح بروتينية... اللي بيعيش مع ربنا بدون حب.. بدون تقدير لعطايا محبه الله ...ده بيعيش الحياه مع ربنا بتبقى حياة ثقيله.. حياه كأنها قيود ..بيبقى عايش باحساس الاب اللى عايش في بيت ابوه مش حاسس ان ده بيت ابوه...ومش حاسس بمدى التمتع. اللى واخدة وهو جوة بيت ابوة.....شايف ان جوه بيت ابوه ده واحد مقيد محروم... فأشتاق انة يخرج بره البيت .. وظل عدو الخير ..يذينلة لة ان بره البيت هي دي الحياه... كثير احبائي عدو الخير بيخدعنا في المرحله دي ويقولك .. جرب ..شوف....وممكن نشوف الناس اللي عايشين خارج محبه الله ممكن يبقى شكلهم جذاب...وممكن النفس تنخدع وتحب تجرب....فحب يجرب..راح جرب شوية وسرعان ما نفذت ثروته.. وسرعان ما تركوا اصدقاؤه وتركوا. هما ما كانوش بيحبوا لشخصة .لكن كانوا بيحبوا لماله ...كانوا بيستخدموه لمالة... اول ما نفذ مالة ..تخلوا عنه وابتدا يواجه الحقيقه المره ..ده الانسان احبائي لما يترك ربنا ممكن يشعر انه في تمتع في الابتعاد عن ربنا الحكيم يقول لك ...ان فرح الفاجر الى لحظه..ابتدا يحس ان هو حر شويه ..ياخذ راحته شويه..و بيعمل اللى هو عاوزة..وعلى هواة... ما فيش حد يقول له لا ما فيش حد يقول له عيب... عشان كده يقول لك راح لكره بعيده...الانسان احيانا لما بيبعد عن ربنا بيظن انه هياخد راحته.. ويبقى بعيد عن عين ربنا يعمل اللي هو عاوزه.. لكن في عين بتتراقب..وفى نداء جوه القلب والخطيه نفسها بتذل الانسان.. بتخليه هو بنفسه ياخذ قرار العوده ..وهو ده اللي شوفناه.. ابتدا يجوع وابتدا يحتاج..وابتدا يعامل معامله العبيد .و ابتدأ يشتغل شغلانه من احقر الاعمال على الاطلاق ..ربما تكون ده احقر عمل كان ممكن يقوم به اقل انسان في ذاك العصر..انة يرعى الخنازير..واحقر مافي الامر ان هو كان بيشتاق ان يملا بطنه من خروب الخنازير.. ابتدا يذوق الذل والمعاناه..
المثل ده بتاع ربنا يسوع المسيح مره واحد من الكتاب وصفوا انة من اروع القصص اللي موجوده اللى كتبت في التاريخ ..قصة الاب الضال. .كتقييم قصصي ادبي..اطلق عليها انها من اروع القصص التى كتبت فى التاريخ...لانها قصه فيها تعبيرات عاليه جدا باساليب بسيطه جدا .ابتدا يحتاج من هنا ابتدا يجوع ومن هنا ابتدا يتذكر حاله في بيت ابوه.. والكرامه اللي بتنتظره.. وجميل جدا لما يقول لك راجع الى نفسه اقوم الان وارجع الى ابي.. كم من اجير عند ابي يفضل عنة الخبز وانا هنا اهلك جوعا ..٦....مقارنه احبائي جميلة جدا الانسان لازم يعملها في داخل قلبه ..حال الانسان وهو خارج الحظيره وحال الانسان وهو داخل..لكن داخل الحظيرة فى نوعيات..فى حال الابن قبل ما يترك بيت ابوه.. وفي حال الابن الاكبر. وفي حال الابن بعد ما رجع لبيت ابوه ..احوال مختلفة...ثلاث مواقف كل موقف غير الثانى .. الولد الاولاني الكبير قاعد جوه بيت ابوه اكنة مطر ...اكنة عايش بالقمتة بس مش واخد راحتى ..دة الابن الاكبير. الابن الاصغر عايش وحاسس انه مخنوق و لازم يسيب المكان ..يعنى لاالكبير فرحان ولا الصغير فرحان.وبعدين لما الابن الاصغر رجع ثاني ابتدا يشعر ان بيت ابوه له طعم مختلف... الانسان احبائي لازم يقارن انة قاعد جوة جوه حضره ربنا ...بانه احساس ؟؟احساس الابن اللى قاعد غصب عنه ..ولة اللى قاعد بحب ولة اللى قاعد كواجب؟ انهة فيهم. انا متمتع بخيراته ابي ولا انا حاسس ان انا عبد ولا حاسس اني محروم ..انا شبعان ولا جعان ؟ ..هنتكلم مع بعض شويه في حته شبعان ولة جعان ....خطورة الجوع... احيانا احبائي الجوع ما يكونش جوع للاكل. في اخطر بكثير من جوع الاكل... جوع العاطفه جوع للغريزة..جوع لمحبه العالم الانسان بيبقى جعان من جواه. بيبقى سهل جدا يضعف قدام اي رغبه جوة منة...جوع عشان كده الحكيم يقول لك ا
النفس الشبعانه تدوس العسل..النفس الجعانة كل مره حلو.. كل مره حلوه... تلاقي الانسان جعان تقول له طب الحاجه دي مضره ..يقولك بس اهي كويسه.. ليه؟ بيحاول يشبع نفسه... بيحاول انة يرضى نفسه. بامور ضارة والعقل الفاضى معمل للشيطان.. عشان كده اقول لكم ان في جوع اخطر من جوع الاكل جوع النفس جوع القلب جوع العقل.. الانسان عليه ان هو يكتشف مقدار الجوع بتاعه ..وايه الاشياء التي تشبعوا ..والخطايا لا تشبع...
سليمان الحكيم يقول لك ..ما من شئ اشتهتوا عينى وامسكت عنهما...مافيش حاجة وقولت لنفسى لا...كان جعان لاشياء كثير وافتكر ان ممكن يشبع.. يقول لك بانيت لنفسي٩٩٩٩٩٩ كرون اقتنيت لنفسي مغنيين ومغنيات ..جمعت لنفسي من خصوصيات الملوك اكثر من جميع الملوك الذين سبقوني ..احيانا الواحد يبقى جعان لاكله ولة حته ذهب ولة لعربيه ولا كذا..؟؟ احيانا الواحد نفسه تشتاق حاجات اقول لك خلي بالك ..كل ده مايشبعش ومايغنيش. ومايخليش معاك احساس ان انت مكتفي ابدا... الاحد القادم السامريه ..يكلمك ان هي لها خمسه ازواج واللي معها ليس بزوجها .. يعني واحد واثنين وثلاثه طب مش كفايه مش خلاص ..طب استرحتى...اكتفيتي.. اذا كنتى حاسه ان الناس دي هيعلجولك. العزله اللي انتى عايشاها..علجوا؟ ابدا ...طب اذا كنتى حاسه ان غريزتك محتاجه تشبع طب خلاص انتهينا ؟؟
ابدا عشان كده واحد من الآباء القديسين يقول لك.. المراه السامريه عرفت خمسه والذي معها ليس بزوجها يبقى كام، ؟ 6 يقولك 6 دة رقم ناقص...دخل في حياتها السابع وكان هو الكفايه بالنسبه لها...اللي هو مين ؟
المسيح... لما عرفته اكتفت..الجوع. الولد الصغير جاع مشتاق يملا بطنه من خروب الخنازير شوف الحكارة شوف قد ايه هو فقد هويته فقد كرمته. في عن نفسه الخطيه مره احبائي مذلة مهينة. اخطر ما فيها تفقد الانسان احساسه ببنوته الى الله فتفقده كرمته تفقده صورته الالهيه فيحس انه تافه يحس انه حقير يحس انه ملوش اي لازمه...ممكن يحس ان ممكن الحيوانات افضل منه... ادي اللي بياكلوا الخنازير كحق ليهم .. هو مش من حقه ان ياكل الخرنوب بتاع الخنازير.. يعني ممكن لو اتشاف بياكل من خرنوب الخنازير ممكن يتعاقب .للدرجه دي.. يا لا الذل عشان كدة احبائي .. الانسان لازم يشوف انا مشيت ورا غرائزى ومشيت وراء عقلى ومشيت ورا اطماعى ايه اللي اخذته مشبعتش...جعت.. وكل ما جلست فتره اطول في مثل هذه الحياه يزداد الجوع و يزداد احساس الحرمان وما فيش ابدا شبع ...عشان كده الكتاب المقدس يكلمك عن سفر الرؤيا عن الاغنياء والعظماء والملوك والولاة..كل دول هيقولوا للجبال تغطينا والاكام تسقط علينا من وجه الجالس على العرش.. ده انتم اعظم ناس ..ده انتم الناس كانت بتتفرج عليكم في الصور.. ويقولوا العظمه والقبها اللي عايشين فيها والقسور والسيارات الفاخره والتنعمات... أوعى تفتكر ان هو ده يعطى الانسان مجد ولا فرح ولا كرامه ابدا كرامه الانسان في احساسه بانه هو ابن للة ..ان هو غنى مش غنى بامواله لكن غني بمعزتة عند ابو السماوي هو ده الغناء الحقيقي ...عشان كده الخطيه من اخطر الامور التى تفسدها هويه الانسان..مين انا ..؟؟الولد ده قاعد كده وهو جوه الحظيرة بتاعه الخنازير تقول له مين انت؟ يقول لك انا.. انا ما عدتش انا خالص..اانا اصبحت احقر انسان على وجه الارض ..تفقد الهاوية الخطية. لما رجع لنفسة .ابتدي يفتكر هو مين... وابتدا يعمل مقارنه رجع ثاني بذهنة هو مين.... لو الانسان احبائي ادرك هو مين ..لو الانسان عرف قد ايه كرامتة..واد اية محبوب لدى ابو السماوى...وان كل خيرت السماء من اجله.. وان خلاص الله معلن من اجلة ومحبه الله اللي بذل بها ابنه من اجله..وانة لة المواعيد ولة الملكوت.. وانة صاحب الملكوت.. عمره ابدا ما يفرط في الكرامه دى ولا يضيع ايامه ووقتة وعواطفه في عبوديه خطيه مره عشان كده تلاقي الانسان غير مشبع غير راضي.. تلاقية منقسم على ذاتة...لان لا اكتفاء في الشر.. تلاقي الانسان جعان
يحكلنا الكتاب المقدس عن واحد اسمه أخاب الملك .. عنده قصور..وعندة خصوصيات وعندة عبيد..بس كان فى كرم بتاع راجل صغير....١٤..اسمة نابوت اليزرعيلى . كان مشتاق جدا ان ياخذ حته الارض دى..انت راجل غنى هضيف لك ايه يعني... لما راح كلم نابوت على حته الكرم دى... قالوا لا انا ماافرتش في ميراث ابائى..كلنا عارفين ان الاراضي زمان كانت اراضي من ايام ارض الميعاد يشوع ابن نون قسمهلهم ... فلما اتقسمت. اصبحت ميراث اباء .. فأصبحت معناها اكثر من قيمتها.. فقال له ازاي افرط فى ميراث ابائى؟!..ومن هنا ما رضاش..أتفرج .الكتاب المقدس يوصفلك حالا اخاب الملك ما بقاش ياكل وبيحط وشوا في الحيط وبيعيط . . امراته ايزابل لما شافته في الحاله دي استغربت قالت له مش للدرجه..قالها لا انا نفسى فى الحقل ده...فقتلت ايزابل الرجل لانها كانت شريره ..وصلطت على نابوت عشان ياخذ الحقل بتاعه ...كلنا عارفين ان ربنا انتقم منه منها عايز يقول ايه ده ؟ عايز يقول للدرجه... دي الانسان بيبقى جعان.. لاقتناء.. لحب العالم. يبقى فكرونا لو اخذ الحاجه دي هيرتاح ..فكره ان لو بقى عنده كذا هيطمن ابدا ..جوع ...ادى الابن الضال حاله في كره الخنازير جعان ..الانسان احبائي الذى يعيش بعيد عن اللة تلاقيه جعان عشان كده تلاحظ ان خطية ابونا ادم وحواء كان فيها نوع من انواع الجوع . ..تلاقي ان شعب البريه خطيتهم كان فيهآ نوع من انواع الجوع .. ليس لنا خبز ليس لنا طعام ناكل اخرجتنا الى البريه لتوميتنا. . تمر بالانسان على انه يظن انة جعان .. عشان كده ربنا قالوا انا هخليهم ياكلوا لحمه...قالوا هتجبلهم منين لحمة ؟!هتجبلهم مواشى الدنيا دي كلها.. ولة سمك البحر كله قال له ده مش شغلك بقى... انت هتشوف.. وفعلا ربنا بعث لهم اسراب من طيور بتاعه السلوى واكلوا ..لدرجه ان ربنا قال له انا هجعل الاكل ده يسير لهم قراهة ويطلع من مناخيرهم.. ايه ده... عايز يقول لك..ادى الانسان الجعان خليه يشبع...وياكل من الاكل دة فكرك هيشبع..ولة هيكتفي ... تلاقيه عايز يعبد عجل .. الانسان احبائي اللى سايب نفسه لحيات الجسد .. وحياه غريزه ...هتلاقيه انسان كل شويه بيقاتل بوجع ..بطن وجع حياه عالم وجع فقدان هدف وجع فقدان هاوية...كلها جوع الوان من الوان الجوع... تبص تلاقيه واحد زي عيسو...ابونا يعقوب عامل اكلت عدس تلاقيه جعان.. يقول له اعطينى من هذا الاحمر قال له بس تديني البكوريه بتاعتك.. تخيل انت بقى النفس الجعانه دي عمل ايه ...قالة انا ماضي الى موت يا سيدي انا هاخذ اية بالباكورية دى..اديني اكل طعام.. جعان لااكله كان يظن انة لما ياكلها هيشبع .. لكن تخيل يقول لك ده انا يارتنى مااكلت...يا ريتني ما اكلت تعالا اسأل ابونا ادم وامنا حواء.. هااا لما اكلت انبسطت يقول لك يا ريتني ما اكلت.. تسال الابن الضال ها انسطت لما تركت ابوك يقولك يا ريتني ما كنت تركتوا.جميل جدا ان رغم كل التعديات دي لكن فى الذى ينتظرنا ..عشان كدة تعال اتفرج على الولد لما رجع بيت ابوه شبعان شبعان شبعان ...حتى لو مااكلش..يكفي ان كرامته اتردتلوا... يكفي انه حاسس بمين هو يكفي انه حاسس بقيمتة وغلاوته الخطية تجعل الانسان يحس انة محتقرو مرزول ومهان ... ودة فرح العدو فى الخاطى...فرح العدو فى الخاطى مش فى انة يفعل الخطية.. وهو مهان ..هو دة مصرت العدو فى خطيه الانسان.. مصرت العدوي بخطيه ابونا ادم انة يبقى اللة حبيبي ده اللي متعود عليه ومتعود يسمع صوته وياكل من ايده ومن خيره . يشوفه يستخبى ..ادي فرح العدوي..فرح العدو فى ان يحدث ساتر بين الانسان والله الابن الضال رجع شبعان..شبعان نفسيا روحيا جسديا القديس اغسطينوس كان يقول لربنا ان من يكتفي اثارك لم يضل قد ..ومن امتلكك شبعت كل رغباته.. تعال كده اسال انسان يكون عايش في مخافه ربنا ومحبة ربنا..لو سالتوا نفسك فى اية يقولك نفسى اتوب.نفسي اكمل ايامي بسلام... نفسي ربنا يعطيني ميراث ملكوت السماء نفسي اشوف فلان وفلان وفلان يعترفوا وبيتناولوا وبيروحوا الكنيسة.. ايه ده دي كلها حاجات روحية. يقول لك هو ده اللي نفسى فيها
واحد ثاني تقول لة نفسك في ايه.. يقوللك طب استني لما اكتبلك بقى... ربنا مشبع جميل في معجزه الخمس خبزات والسمكتين .يقولك ااكلوا جميعا وشبعوا..مشبع لكيانك... اذا كان استطاع ان يعول شعب اسرائيل 40 سنه ..اربعين سنه يعول حوالي 3 مليون نفس.. مشبع احنا نقول له انت الرازق ومعطى جميع الخيرات..ما تفرقش معاة ابدا.. تعالا كدة عيش مع ربنا تحس بالغنى و الرضا والسرور ...وتحسن ان انت مش كل حاجه بتجذبك ابدا ابدا.. ده انت بقيت تقول بعز يا نفسي دوسي ادى حال الابن لما رجع لابوة....لما رجع لبيت ابوه ما كنش متوقع الاستقبال ولا الحفاوة ولا الترحيب ولا عوده الكرامه كان متوقع عقوبات اهانات طرد ذل..قبول بشروط... كل ده ما حصلش ابدا ..احيانا احبائي عدو الخير يقول لك طب وانا فكرك ربنا هيقبلني؟! فكرك ليا توبة...فكرك هرجع ثاني زي ما كنت؟ اقول لك افضل من ما كنت... القديس يوحنا ذهبي الفم يقول لك لما ابونا ادم اخطئ..وجاء ربنا يسوع المسيح على الارض .وفدى الانسان اعطي الانسان كرامه اكثر من كرامه ادم قبل السقوط...يقول لك.. مبارك هى سقطت ادم التي جلبت علينا كل هذه البركات ..الولد لما خرج بره البيت ورجع ثاني بقى لة غلاوة اكثر ..الولد دة بقى لة كرامه اكثر في البيت ؟ لية ؟ كان ميت وعاش ..انا ماصدقت لقيتة...الانسان الخاطئ احبائي موضع سرور الله جدا اللي بيحاول يفسد الحته دى ويحاول يبعد المسافات ويشمت في سقوط الانسان وييأسوا هو العدو.. عشان كده الابن الضال...طلع شاطر...قال لة انا قابل حتى اكون احد اجراءك.اجمل احساس يجى للانسان التائب والذى يستفيد من محبة ربنا يقول لة اقبلني يا رب كاحد اجراءك..عشان كده الكنيسة الحكيمة خليتنا نصليها باستمرار ...تقبلني كأحد اجراءك... جميل ان ربنا يشبع الانسان بكلمته وجدت كلامك كالشهد فاكلته اشبع بكلمه الانجيل املى بطنك وعقلك منها املى كيانك منها اشبع عقلك وقلبك بتسابيح مقدسه ممجدة حاسس ان انت شبعان ..تعال كده شوف ناس في صايمين لحد الظهر بعد الظهر بيحضر قداس لحد الساعه اربعه ولا خمسه ولا سته ويتناول ويخرج من الكنيسه تساله جعان بيقول لك انا ناسي ان احنا جدعان انا فرحان وشبعان جدا انا حاسس اني ممكن ماكولش دلوقتى..شبع اصلوافى .طعام اخر لمحبى اللة ..الذى قال عنة ربنا يسوع المسيح انا لي طعام اخر ..أشبع بربنا بكلمته..أشبع بقداس اشبع بتسابيح . . في تسابيح الكنيسه هو يكون له طعام حياه حلوا في حناجرهم افضل من العسل طعام حياه حلو في حناجرهم افضل من العسل اذا نطقوا به تفرح قلبهم وترتفع الى العلا عقولهم ..أشبع ربنا... ربنا عنده موائد دسمة..يقول لك في سفر اشعياء ان موائد سمائن ..يعني ايه... يعني حاجه سمينه لما الاب يرحب بالابن قال لهم اذبحوا لة العجل المسمن العجل المسمن ده يعني عايز يقول اكبر عجل عندنا. اجمل عجل وافضل عجل عندنا ..وطبعا العجل المسمن اشاره الى ذبيحه الافخارستيا ادي العجل المسمن المعد لينا ..عاوز ربنا يشبعنا بها عايز يحسسنا ان حنا اغنيا لو انت قاعد دلوقتي ومش حاسس ان انت غني ومش حاسس ان انت شبعان هتبقى عملت زي الولد الابن الضال ده جوه بيت ابوه بس قبل ما يسيبوه.. اهو لو قاعد دلوقتي وقلبك مقسوم و جواك محبه للعالم ومحبه للشهوات تبقي قاعد زي الابن الضال قبل ما يسيب بيت ابوه. ممكن تكون جربت العبودية المرة ومع كده مصمم عليها.. تبقى انت وصلت لحال اخطر من الابن الضال.. يبقى المطلوب ايه ؟ المطلوب تعرف انت مين انت موضع محبتة .. عاوز يعطيك العجل المسمن عاوز يعطيك الخاتم...عاوز يعطيك الحلة...ويعطيك احساس ان انت اهم واحد فى البيت دة.. عارفين زمان الخاتم ده مش مجرد اداة زينة..لا...كان أداة التوقيع... عشان كده اسمه خاتم ..يعني عاوز يقولة رجعولوا الخاتم رجعوا له تانى كرامتة حسسوة ان هو صاحب البيت..والحلة الاولى دي اللي هي كانت الثياب الغاليه.. فكانت يبقي فى حلة واحده بس في البيت بتاعت كبير البيت.. لو الاولاد عندهم مناسبه ولة وليمة يستاذن باباهم...هي حلة واحده.. ااحله الاولى لما يلبسها يحس ان هو اخذ كرامه باباة..اديلو الخاتم والحلة والعجل ايه ده ؟عايز يقول لك انسى اللى فات وارجع لكرامتك.تانى واكتشف انت مين..جميل جدا الانسان لما يتوب ويرجع لربنا يبتدى يحس بقيمتة. مش بس انة عمل خطيه..لا يقول انا اية خلانى اعمل كده.... على راي داود النبي عندما قال انا انحمقت جدا ايه اللي خلاني اعمل كده. جميل الانسان لما يفكر كويس هو مين؟ انت الابن الغالي والمحبوب انت اللي اخذت كرامه ونصيب . يجلسون علي مائدتى ويدينون اسباط اسرائيل الاثني عشر هم يكونون لي شعبا وهو يكون لهم الاها..اللي يدعوا ان يكتشف الحمل حينما يذهب.. اكتشف انت مين اكتشف كرامتك ..وانت مين.. ارجع لبيت ابوك وانت راضي وفرحان..اي اجراءات ثانيه تشوفها تبقى انت مقتنع..وتقول كل الناس دي البعاد دوول مساكين وفكرهم انهم يكونوا في سعاده بعيد عن ربنا..لازم يرجع تأنى ويفرح بوجوده ويشعر بالغنى الحقيقى غني قلبه وعقلة وبالمسيح المشبع ..ربنا يدينا احبائي ان نرجع جميعا الى بيت اللة الى حضن اللة . وان نكتشف كرامتنا المفقودة وان نكتشف انة سر شبع..وسر كفاية في حياتنا لانه هو صديق نفسنا واجسادنا وارواحنا..ربنا يقبل توبتنا ويقبل عودتنا ويكمل نقائصنا. ويسند كل ضعف فينا بنعمته ولالهنا المجد الابد امين ...