الطفولة شرط ربح الملكوت

بسم الاب والابن والروح القدس اله واحد امين.
فلتحل علينا نعمته ورحمته وبركته الان وكل اوان الى دهر الدهور كلها امين.
انجيل هذا الصباح المبارك احبائي فصل من بشاره معلمنا مارمتى البشير.. يكلم يسوع
ان تلاميذ ربنا يسوع المسيح مشغولين جدا بكيف يربحوا ملكوت السماوات ومشغولين جدا عن الكرامات اللى الانسان هينلها في ملكوت السماوات.. وده المفروض احبائي يكون حال الكنيسه و حال المؤمنين يكونوا دايمآ بيفكروا في ملكوت السماء ويفكروا في المكان بتاعهم في ملكوت السماء وازاي المكان بتاعهم بيبقى مضمون وازاي يبقى مكان عظيم في ملكوت السماء فذهبوا لربنا يسوع المسيح بيسالوا سؤال بيقولولوا من هو الاعظم في ملكوت السماوات ..ماهى شروط الشخص اللي يربح ملكوت السماوات.. ازاي الانسان يدخل ملكوت السماء..ازاى الإنسان يربح ملكوت السماء ازاي الانسان يبقى عظيم في ملكوت السماوات.. سؤال لابد ان الانسان يبقى مشغول بية ولابد ان الانسان يجتهد في انه يجد عنه اجابة..ازاي الانسان يبقى عظيم في ملكوت السماووات نتوقع اجابه من ربنا يسوع المسيح ان الانسان يحفظ الوصايا

يجاهد كثير ..يصوم كثير .لقينا ربنا بيعطينا اجابة شويه بعيدة عن اذهاننا ..قال بدل ما يجاوب على السؤال..ربنا يسوع كان لة طرق للتعليم نموذجيه.. يعنى ممكن يعلم بوسائل اضاح فعمل ايه للإجابة على هذا السؤال ؟فأتى بطفل وواقفوا في وسطهم.. وعاوز يقول لكل الموجودين شايفين الطفل ده وقال لهم الحق اقول لكم ان لم ترجعوا وتصيروا مثل الاولاد فلن تدخلوا ملكوت السماوات.. طب كان ممكن يقولها من غير ما يوقف طفل فى وسطهم.
يسوع معلم ماهر احنا الي الان بنستخرج اساليب التعليم من تعليم ربنا يسوع المسيح
عشان كل واحد فينا يبص للطفل ويشوف كده ملامح الطفل وصفات الطفل وبعد كده يقول لنا لو ما رجعتوش وبقيتوا زي الاطفال دول مش هتدخل ملكوت السماوات عايزين تعرفوا ازاي يكون لكم مكان عظيم
قال من هو الاعظم في ملكوت السماوات ؟!ارجع ثاني خليك زي الطفل ده..
ان لم ترجعوا وتصيروا مثل الاولاد فلن تدخلوا ملكوت السماوات فمن اتضع مثل هذا الصبي فهذا هو العظيم في ملكوت السماوات ومن قبل صبيا هكذا باسمى فقد

قبلنى ومن اعثر احد هؤلاء الصغار المؤمنين بى فخير له ان يعلق في عنقه حجر الرحى ويغرق في البحر .. عايزنا نرجع ثاني لدرجه الطفوله
فى الحقيقه احبائي درجه الطفوله دي ربنا بيسمح لكل انسان انه يجتذها ما فيش واحد بيتولد كبير كلنا في يوم من الايام كنا اطفال ..فعاوزنا نرجع ثاني لدرجه مش غريبه عننا كنا فيها... الطفل بقى بيكبر وخبرات العالم تدخل جواة. .تبتدى معاشرات رديئه خبره سلبيه عدو الخير مع مجتمع محيط..يبتدي الانسان يفقد طفولته ..وكل انسان بيحاول يجهد انة مايفقدش طفولتة...واللى بفقدوا يسترجعوا ... الشخص ده يضمن ملكوت السماوات ..لابد ان ماافقدش كثير من طفولتي وكمان لو فقد استرجع ...ايه هي الطفوله؟
اربع صفات اتكلم معاكم فيها عن الطفوله ..
الطفوله ..ايمان ...الطفولة طهاره.. الطفوله تسليم الطفوله اتضاع ...
اول حاجه ايمان...
تعال كده هات طفل وقل له اي قصه اي حكايه غريبه عن الخيال حتى مش بس عن الواقع... كلموا قوله ان احنا عملنا لك بيت في صحراء وحطينا في ذهب وجبنا مراجيح وعملنا وعملنا وهو يبقى مصدق تماما

قوله ان احنا قلنا لك البيت ده من المكان ده للمكان ده عملنا كذا..
كل اللي نقوله بيصدقوا على طول الطفوله ايمان يصدق بشده .. ومش بس بيصدق كلام الاحباء..لا دة بيصدق كلام اى حد ..ربنا خالق الانسان طفل..خالق الانسان عنده ايمان عنده تصديق لكل ما يقال لهم ما يعرفش الغش ولا الكذب ولا اللف ولا الدوران ولا الرياء ما يعرفش حاجه غير ان الكلام دة صح.
لدرجه ان احيانا بيسالونا سؤال الجماعه الخدام بتوع مدارس الاحد. .يسألونا ابونا صح اللي احنا نستخدم الخيال في تعليمنا للولاد ونقول لهم حاجات ممكن مش صح؟؟ نقولهم اه استخدم معاة الخيال وماله مش مشكله خالص قول له ان البطه بتتكلم والاسد بيزعق ..قوله الحاجات دى كلها.. ازاي طب ما البطة ما بتتكلمش.. لا انت تقول البطه بتتكلم يصدق.. ايه الايمان ده؟ يقولك تخيل ان احنا المفروض ان احنا نرجع لدرجه الايمان دي تانى.. ان احنا نصدق ايه ده. ده الواحد دلوقتى بقى عقله بيحجز حاجات كثير جدا ..وابتدا الامور الجاليه والوضحه جدا جدا ممكن تصديقه للايمان بتاعها الايمان يبقى ضعيف جدا ..ازاي اوصل لقائمه الطفوله دي؟ قامة روحية عاليه جدا جدا

محتاجه مننا جهاد مع انها كانت معايا ماكنتش خارجه عني كل ما افكر في نفسي و لاقي نفسي ان انا كنت كده فهي مش مستحيله لانها كانت جوايا انا مش باقول لواحد فقير جدا خليك تبقى مليونير لا ...
دة هو مليونير افتقر..فدى حاجه مش غريبه عنة لانة غنى بطبعه...الانسان بطبعه طفل ربنا أعطى الفطره للانسان ان يبقى بسيط..يبقى عنده طفوله في امور الايمان يبقى عنده طفوله في امور التصديق ربنا خالق الانسان كده وعلى الانسان ان هو يجاهد يجاهد عشان يحقق الطفوله دي...
ايمان الطفل ..ايمان الطفل ان هو يصدق كل اللي يقولهولوا ابوه يصدق..
احيانا احنا احبائي درجه تصديقنا لمواعيد الله لينا المواعيد اللي قال عنها معلمنا بطرس الرسول لنا المواعيد العظمى والثمينه.. احيانا المواعيد دى ما بنصدهاش..لما يقولى كدة...لا تخف ايها القطيع الصغير لان اباكم قد سر ان يعطيكم الملكوت... ربنا مبسوط سعيد يعطينا الملكوت ...انا احيانا مش بصدق الكلام ده.. اقول الملكوت فين بس وانا فين؟ وهو هيعطينى الملكوت؟ هو ربنا هيعطينى انا الملكوت ؟؟هو انا قد الملكوت؟! وهو يقول لك سر ان يعطيك الملكوت

المفروض ان انا اول ما اسمع حاجه زي كده .المفروض افرح وحياتي تتغير لان ربنا وهبلى الملكوت..سرا انة يعطية لى. فساعتها انا ابقى فرحان جدا بهذه الهبه.. وعيش على رجائها وأعيش يأيمانها وأعيش مصدقها.. .طول النهار وطول الليل الملكوت قدام عيني مشغول بك جدا.. لانة سر ان يعطية لى ...بسمع الكمة تدخل من هنا تخرج من هنا..!! اية اللى حصل ؟! فقد البساطه بتاعه التصديق. فقد الايمان فقدت الايمان في مواعيد الله.
والكنيسه تعلمنا تقول ..مواعيدك الحقيقيه غير الكاذبة ..مش بيوعدنا بحاجات مش موجوده.. ومش خيال لكن هي محتاجه ايمان ..على انه مستوى ؟ ايمان طفل.. اقف قدام الله لما اصلى بقلب طفل.. طفل صغير ضعيف جدا قلبه نقي بسيط جدا ..قدام ربنا لما الكتاب كلمني عن طوبى لانقياء القلب عايز تتعلم نقاء القلب ؟انظر لطفل تعرف يعني ايه نقاء القلب.. يعطيك درس في النقاوة..
محتاج ان انا ارجع لحاله بساطتى الاولى.. على راي معلمنا بولس الرسول ..عندما ذهب ليكرز في مدينه كورنثوس..واتفاجئ بان شعبها ..الثقافه والخلاعه سايدة عليهم. قال لهم اخشى ان كما خدعت الحيه

حواء ان تفسد اذهانكم عن البساطه التي في المسيح يسوع.. زي ما الحيه خدعت حواء واقنعتها بان هي لو اكلت من الشجره هيبقوا عارفين الخير والشر وحالهم هيبقى افضل اقنعتها ..افسدت ذهنها عن البساطه التي في المسيح يسوع ..عمل عدو الخير فينا ان يفسد درجه طفولتنا عمل عدو الخير فينا انة يجعل عقولنا نقيس بها مواعيد ربنا ..عمل عدو الخير انه يخليني ان انا اتعامل مع ربنا مش كطفل و لاكن كشخص كبير مسؤول عن نفسي.. ربنا عاوزني طفل يبقى هو المسؤول عني وانا اقول له لا انا كبير انا اعرف افكر كويس و اعرف اتصرف كويس.. ايمان طفل... ان لم ترجعوا وتصيروا مثل الاطفال. ارجع اجمل ما في صوره ربنا اللي اداها لنا انة اعطانى صوره باره نقيه طقيه محتاج ان انا استرجعها ..
الاباء القديسين يقولوا لنا ان كل القداسة اللي ربنا بيطلبها مننا مش حاجات خارجه عننا ..لكن حاجات اعطاها لنا ولكن الحاجات دي بتفسد وعلينا ان احنا نرجعها ثاني يعني هو مش طالب منك ان انت تكتسب حاجات لا .انت استرجع حاجات .. زي كده مثلا رياضات بدل ما يقول لك فلان جاب 0\1 0\2 0\3 يقولك لا انت بتدي الماتش معاك خمس نقاط كل ما

تخسر ننقل منك نقلل منك..
اهى هى دى الحياه المسيحيه كده انت بادي معاك نقط و عليك ان انت متخسرهاش ..مش حاجات لسه هتاخدها لا ..الفضيله جوانا وعدو الخير بيحاول يفسدها واحنا نفقدها ونجاهد ان احنا نكتسبها تانى... الفضيل مش خارجه عننا ..الفضيله جوانا في طبعنا مغروسه جوانا ربنا اداها لنا كل واحد فينا اجتاز ايمان الطفوله و عليا دلوقتى ان انا ارجع نفسى لايمان الطفوله... موضوع عايز جهاد.....
تانى حاجة الطهاره...
طهاره الطفل... عاوز تتعلم الطهاره زي ما ربنا يسوع المسيح عمل قدام تلاميذه بيسالوا من الاعظم في ملكوت السماوات ...جبلهم طفل ووقفوا قدامهم ...عايز تتعلم الطهاره انظر الى طفل.. العين البسيطه البريئه.. الفكر النقي الطاهر ..الحواس البريئه.. محتاج الانسان انة يجتهد ان يعيش بطهارت طفل ...فعينو ولسانوا وفكروا طهاره طفل.... الطفلةمايفكرش في دنس ابدا.. لو شاف شر قدام عينيه.. لو شاف دنس قدام عينيه ما يفهموش ما يعرفوش ..طهاره طفل....
طهاره كامله.. تخيل ان ربنا خلقني كده وعدو الخير هو اللي بيحط السم بتاعه جوايا ..وعمال انا اشرب من

السم ده. وعمال اتلوث..والصوره تفسد ..يقولوا عن المتنيح الانبا ابرام اسقف الفيوم ... ذهبوا آلية أشخاص كانت صلاه الاكليل بتاعهم من كم يوم ...يقولوا له يا سيدنا العروسه اللي جوزتوهلنا في الكنيسه دي احنا مش عاوزينها..قالهم لية بس يا ابني دي بنت كويسه وطيبه واهلها ناس كويسين!! قالوا يا سيدنا احنا مكسوفين نقول لك.. البنت طلعت ست مش بنت. فقال لهم وما له ان هي ست فرقت ايه ست من بنت امال انتم عايزين كنتم تتجوزوا راجل؟! قالولوا يا سيدنا العروسه طلعت ست مش بنت ازاي تكمل لنا الجوازه دي؟!! قال لهم طب ومالو طب كويس ان هي ست هو انتم عايزين ابنكم كان ياخذ مش واحده ست؟!
الراجل مش فاهم.. بساط طفل
راجل في السن ده وخبره الخدمه دي لك شوفوا بساطت قلبه ..وشوفوا نقاوه فكره . مش عارف ...
اخشى انه كما خدعت الحيه حواء ان تفسد اذهانكم عن البساطه التي في المسيح...
احيانا عدو الخير يفسد اذهاننا عن البساطه التي في المسيح يسوع... احيانا بنفقد درجه طهرتنا وعمالين ناخذ من خبرات رديئة تدخل جوانا.. ولان في سعي

مننا للخبرات دي.. بنبص نلاقى الخبرات دى تسكن فينا وتسيطر علينا ..عشان كده عايز اقول يا احبائى
الواحد يجتهد جدا انه يعيش بطهارة طفل ..اوعي يكون فيك حب فضول او سعى لمعرفه اي شيء رديئ..وان كنت ما تعرفش .المفروض عدم معرفتك دي هى دى اللي تصونك وتبقى سبب فخر ليك... المزمور بيقول ..هل تفتخر بالشر... الانسان يفتخر بالشر!!
معلمنا بولس قال لك ان افتخر احد فليفتخر بالرب... افتخر بنقاء فكري افتخر بصليب ربنا يسوع المسيح افتخر بحواسى النقيه..التى لم تتدنس. بيقول لك عن السماء لم يدخلها شيء دنس...قالك كدة معلمنا بطرس ارض يسكن فيها البر.. ما فيهاش دنس... الانسان محتاج يرجع لدرجه الطفوله في الطهاره.. يجاهد يحفظ فكرة وقلبه .عشان كده في سفر اشعياء وعد للناس اللي حافظين انفسهم اطهار يقول لك. وعد جميل.
اعطيهم اسما افضل من البنين والبنات اعطيهم نصيبا و ميراثا واعطيهم اسما ابديا لا ينقطع ..وتكون ذبائحهم ومحرقاتهم مقبولة على مذبحى.. مين ؟ قالك الناس اللي حافظه نفسهم اطهار من دنس العالم. دول هعطيهم اسم افضل من البنين والبنات واعطيهم نصيبا وميراثا.

افضل من البنينوالبنات..اعطيهم ميراث ابدى.لا ينقطع ... الاطهار بالذات ...الانسان اللي يحفظ نفسه في طهاره من دنس العالم.. الانسان اللي يحافظ على نفسه وفكرة بقلب طفل فى وسط العالم ده...
هيكون مكرم جدا ..عشان كدة احبائى...
لايليق ابدا ان احنا نسيب اولادنا قدام وسائل الاعلام.. لا يليق ابدا ان احنا نسيب ولادنا حواسهم تتلوث وتتدنس قدام عينينا... لايليق ابدا ان اولادنا يفقدوا طفولتهم قدامنا وبأيدينا وبسماح مننا ونخليهم يسهروا قدام تلفزيون ولا قدام دش ولا قدام اي شيء رديئ لحد الفجر... واحنا ساكتين دي سلبية. احنا مسؤولين قدام ربنا عن نقاء نفوسنا ونقاء اولادنا. مسؤولين ان احنا نحافظ على اولادنا في قامت الطفوله بتاعتهم وان كان عدو الخير يدخل فيهم اي فكر دنس المفروض ان احنا نقاوم الفكر دة ونعلمهم... زي ما بيقول معلمنا بولس الرسول امتحنوا كل شيء وتمسكوا بالحسن .الانسان محتاج يعرف يفرز الامور المتخلفة ويعرف يطلع الامور الرديئه من وسط الامور الجيدة...
الطهاره ...طهاره طفل محتاج ان انا ارجع لطهاره الطفوله محتاج فكري يبقى فكر نقى. محتاج عيني تبقى عينين نقيه.. محتاج وداني تبقى نقية. محتاج

لسانى يبقى لسان نقي...محتاج حواسي بل ومشاعرى تبقى حواس نقيه ...
ثالث حاجة. التسليم.
الطفل يسلم بالكامل..لما يمشى في ايد بابا يبقى مطمئن جدا ..وهادى جدا.. وان كان باباة ممكن يبقى قلقان .لو بابا حتى فقد الطريق وتاه في... الولد مش حاسد مش قلقان..تقولة ان مش قلقان؟ يقولك اقلق لية انا مع بابا...فى وسط مايكون الاسره كلها مرتبكه في شيء الولد بيلعب ... القلق ده بتاع الكبار لكن الولد في تسليم ما عندوش قلق ..ما عندوش خوف الولد عايش فى تسليم ومطمن... طب لنفرض الظروف اتغيرت..لو الطفل الصغير ناس اخذوا هياذوا. تلاقيه برضة ممكن يضحك وفى سلام...اية الطفولة دي!! طفوله تسليم..
ربنا عاوزنى اقبل ملكوت اللة كولد. كطفل.. عاوزني اقف امامة كطفل مسلملوا كل امور حياتي في هدوء كامل واطمئنان كامل وسلام كامل عندي سلام اللى يقول عنة معلمنا بولس... سلام الله الذى يفوق كل عقل يحفظ قلوبكم وافكاركم..سلام يفوق كل عقل .عايز تتعلم السلام اللى يفوق كل عقل ؟ انظر الى طفل تتعلم السلام ياما احبائي نفسنا بتحاول وتجتهد انها تعمل نفسها وكأنها هى محاميه عن نفسها ..وكأن نفسنا

مسؤوله عن نفسها فيدخل الينا قلق وخوف ..ربنا عاوزني اعيش كطفل .. بتسليم ..زي ما قال معلمنا بولس..
عندما كان فى عمق البحر والمركب..
الخوف احبائي ده شيء خارج عن طبيعه الانسان
عدو الخير هو اللي زرعوا من ساعه السقوط دخل الخوف للانسان ..إحساس الانسان انة هو المسؤول عن نفسه..
فى بلاد فى الخارج لما يحبوا يعلموا الاطفال العوم. يقولك هات لنا طفل يكون ابن ست شهور يعمل في ايه؟ يرمي في الميه ...يرمي الطفل في الميه تلاقى الطفل بيعوم ..هو الطفل بيعرف يعوم؟! ايوه زي كدة ما بتجيب بطه تحطها في الميه البطه تعوم. اية اللي بيخلي الإنسان مايعمش؟؟اية اللى يخلى الانسان يغرق؟! مش انة ما بيعرفش يعوم. .خوفوا... الخوف يغرق .لكن الطفل بالفطره تحطه في الميه يسيب نفسه يطفوا ..هو مش خائف من الميه..ولانة مش خايف من المياة فيعود فوق المياه بالفطره ...لكن عشان خاطر الانسان لما ينزل في المياه خائف مش عارف يعوم خايف على حياته بيحاول يدافع عن حياته بنفسه هيغرق . .لو ساب نفسة زي الطفل يعوم ... تسليم طفل

.
الانسان محتاج يعيش يرجع ثاني يعيش بقلب طفل فى امن في سلام. مايشعرش ابد انه هو اللي بيدبر حياته. او اللي هو بيحافظ على حياته...انا اضع حياتي في ايد ربنا واثق ثقه الطفل في يد ابوه مش ممكن ابو يؤذية ..عشان كده ربنا يسوع قال لنا كدة
لو ابنك سألك سمكه تعطيلوا حجر؟! ان كنتوا وانتم اشرار تعرفوا ان تعطوا اولادكم عطايا حسنا .كم بالحرى ابوكم الذي في السماوات.. اذا كان الطفل لما بيطلب من ابوه طلب بيعطى لة ...اومال الاب السماء هيعمل ايه معانا ؟!. يفيد علينا بعطايا. روحية ... هو دة عمل ربنا في حياتنا..
اخر حاجة الاتضاع...
ماتلاقيش ابدا طفل صغير متكبر..تلاقى الطفل بيسط متضع ماعندهوش ابدا تفريق ..ماعندهوش أبدا انا والتانى..
.. قال لك كده...ان لم ترجعوا وتصيروا مثل الاولاد فلن تدخلوا ملكوت السماوات ..ربنا يسوع المسيح عجبة قوي صدفه الاتضاع.. في الاطفال فركز عليها دى بالذات. عندما قال...فمن اتضع مثل هذا الصبي فهذا هو العظيم في ملكوت السماوات... اتضع يعني ايه ؟ نزل

..الطفل ما يعرفش الغرور ولا الكبرياء.. لما يبتدي اهله يلقنوا ويكبر شويه و ينفتح على العالم. من هنا يبتدى يعرف الغرور.. والكبرياء لكن هو كطفل صغير ما يعرفش. تعال كده هات ابن راجل مليونير ويكون مثلا عندهم راجل غفير عنده طفل صغير هتلاقي ابن المليونير ده ما عندوش اي مانع يلعب مع الراجل ابن الغفير خالص.يحى الراجل الغني ده يضرب ابنه يقول له اوعى تلعب مع الولد ده ثاني يقولة ليه ويزعل جدا مش قادر يفهم ليه .هو بابا مش عاوزه يحتك ببيئات فقيره.. لكن ليه.. الولد متضايق جدا لية مالعبش معاة .دة الولد دة كويس جدا انا بحبة اوى.. ما عندوش طبقيه ما عندهوش فكر كبرياء ولا غرور ماعندهوش انا وغيري ابدا ....كل الناس كويسين كل الناس حلوين كل الناس أمناء كل الناس مسالمين.. طفل الانسان محتاج انه يرجع الى اتضاع الطفوله. الانسان اول مايفتخر اول ما يشعر انه هو شيء.. الانسان اول ما يفرق بينوا وبين اللي حواليه. فقد طفولته..واتضاعة وبسطوا... لما يفقد الطفوله بتاعته يبقى بيفقد معها ملكوت السماء على طول. .اللى يفقد الطهاره والببساطه بتاعته ويفقد الايمان ويفقد الاتضاع يفقد معها ملكوت السماوات.. امر خطير جدا ..محتاج الانسان ويرجع لقامة طفوله

الطفل ..اتضاع الطفوله.. محتاج الانسان انة هو ما يشعرش ابدا ان هو افضل من غيره.. محتاج الانسان ان هو يشعر بان هو زية..زى كل الناس ...محتاج الانسان انه يتعامل مع الناس كلها ببساطه وحب . محتاج الانسان حتى لو عثر على ناس ضعفاء في هذا العالم انه يسندهم و يعاشرهم ..محتاج ان هو يقترب اليهم... لانه هو ان كان لة الفضل انة غنى ولة متعلم ولة مثقف ولة من بيئه مرتفعه كل دة مش الفضل له ...إنما لعمل نعمة ربنا ..فهل انا اكافئ ربنا عن نعمة هو منحهالى بان انا ابتعد عن خلقه ربنا . او انا اتعالى على صوره الله..؟!
اتضاع الطفوله... انسان متضع. انسان بسيط.انسان لا يشعر ابدا بكرامه شخصية...انسان لا يدافع عن كرامتة. إنسان عايش في اتضاع حقيقى من داخل نفسه...الطفل ضعيف في ذاتة..وسايب اللي حوالية يدبروا امورة. الإنسان الطفل يبقى مسلم امورة فى ايد المعتنى بكل احد.... عشان كده تلاقي لما احنا نلاقي طفل في ازمه كلنا نتعاطف معاة. ممكن لو حد كبير في اذمة مانتعطفش معاة... لية ؟؟
يقولك اصل يعرف يتصرف. اهو انا لو وقفت قدام ربنا عامل نفسى كبير يقولك طب خلاص اتصرف ..لكن لو وقفت قداموا بقلب طفل تنقذنى عناية السماء. .هو دة

احبائى المنهج اللي ربنا يسوع المسيح بيعلمهولنا...بيجيب لنا الأطفال ويضعهم قدامنا ويقولك انظر الى الطفل وارجع لية...كل صفات الطفل دى مش غريبه عنك... ربنا وهبهالك بس عدو الخير وضغوط الحياة ..احيانا بتفقدنا در جه طفولتنا .... نرجع تاني لانه ده شرط دخولنا لملكوت السماوات...ان لم ترجعوا وتصيروا مثل الاطفال لن تدخلوا ملكوت السماوات. اللة الذى خلقنا اطفال فى الشر . .والذى خلقنا اطفال فى بساطة فى طهارة فى ايمان فى تسليم فى اتضاع..يرد لينا كل مافقدناة..ويعطينا ان ننعم بقامة طفولة لكي ندخل ملكوت السماوات. .ربنا يسند كل ضعف فينا بنعمته ولالهنا المجد الابد امين...