المسيح خبز الحيــــــاة

بأسم الاب والابن والروح القدس اله واحد امين فلتحل علينا نعمته ورحمته وبركاته وكل اوان والى دهر الدهور كلها امين
اسابيع الخماسين المقدسه التي تمثل فترة وجود ربنا يسوع المسيح على الارض بعد القيامه..
فتره الاربعين يوم قبل صعودة كان بيركز علي شئ مهم جدا.. تثبيت كل تعليمة السابقه .ويعرف كنيسته عليه من جديد .كل تعليمة قبل القيامه كل احاديثه كل اعماله ربما يكون الناس نظرت إليها نظره معينه وهو لسه موجود في وسطهم كانسان بالجسم ..لكن بعد قيامته ابتدت اعينهم تنفتح على انه ده مش مجرد انسان وانة غلب الموت اجتاز الموت من اجلنا... والمشهد الذي شهدناه على الصليب ماكنش مشهد ضعف . هو قبل الموت بأرادته.
وبدات وجهة نظر كل اللي المحيطين بربنا يسوع المسيح في شخصة تتغير..ومن هنا المسيح بيعرف نفسه على كنيسته من جديد بعد القيامه.. تخيل لو احنا عرفنا ربنا يسوع المسيح لحد الصلب ..وقام ... كل المعرفه السابقه ابتدت تتغير ..ليه؟ لان معرفته وهو قائم غير معرفتة وهو قبل القيامه.. عشان كده الكنيسه بحكمه بتعمل لنا دوره السنه كلها ان احنا نعيش احداث

ربنا يسوع المسيح كلها..تيجي تقول لك ابتدي صوم.. صوم الميلاد عشان تستعد للتجسد.. المسيح اتجسد افرح بالميلاد بتاعه عيش معاة ان هو اتولد.. عيش معاة انه هو اختتن.. عيش معاة على انه هو اتعمد.. عيش معاة ان هو اصعد بالروح الى البريه لكي يجرب عيش معاة الصوم بتاعه ..عيش معاة احداث الصليب بتاعته.. عيش معاة القيامه بتاعته..طب بعد القيامه عيش معاة بعد القيامة.. كل الفتره السابقه عرفت فيها المسيح بطريقه بعد القيامه تعرفه بطريقه اجمل واعمق
عشان كده احبائي شيء صعب جدا علينا ان احنا نبقى فتره الخماسين تكون فترة ضعف فترة فتور...
يقولك فين ايام الصوم الكبير؟!
اقول لك لا ده احنا اخذنا المسيح القائم اللي يثبتنا ويعرفنا بية معرفه جديده اعمق من معرفتنا اللي كنا عارفينوا بيها قبل كده ..عرفنا المسيح الحي القائم من بين الاموات عشان كده النهارده الكنيسه حاطلنا خطه لمعرفتة ..تلاقي الاحد اللي فات احد توما
ده حد الايمان .عايز تعرفه ادخل من باب الايمان... النهارده خبز الحياه
عايز تعرفه كويس لازم تثبت في جسدة ودمة لانة هو ده اللي هيعرفك مين هو المسيح.. الجسد والدم عايز

تعرفه كويس اشرب منه ماء الحياه هو ده الاسبوع القادم ..يكلمك على أن هو الايمان وهو الخبز و هو ماء الحياه ويكلمك على أن هو نور الحياه ويكلمك على انة هو طريق الحياه ..الأسابيع بتاعت الخماسين المقدسه اللي بتخلينا ان كان فينا قشور على عيوننا تتساقط عشان نعرفه كما هو ...بنعمه ربنا هنتكلم في نقطتين النهارده اول نقطه نتكلم فيها ... معرفه المسيح الجديدة
وتانى نقطة عن خبز الحياه
معرفة رب المجد الجديده معرفة القيامه تختلف عن معرفه ما قبل القيامه ..معرفه القيامه معرفه تلامسيه معرفه عشرة.
معرفه محبه.. معرفه القيامه
معرفه القيامه عايز يقول لك بلاش ناس كثير تتكلم عني ..انت عاشرتنى وشاهدتنى وانا بعلم وشاهدتنى وانا بعمل معجزات.. وشاهدتنى وانا بتصلب وشاهتنى قائم..وريتك نفسى ببراهين كثيره تقول عليا ايه؟!اقول لك اتبعك اينما تمضى... عرفتك وانت قائم من الاموات ..عندما شاهدتك وانت قام من الاموات كل شكوكى فيك تبدلت... كل ظلمة جوايا انتهت... كل تردد جوايا من ناحيتك انت ايه وتستاهل اتبعك ولا

لا ..والحسابات اللي كنت بحسبها بفكرى انتهت... لانة عندما قام تحقق او كملت كل النبوات عنه وتحقق كل تلاميذة وكل كنيستة انة من هو المسيح ابن الله الظاهر في الجسد الاتى من اجل حياه العالم... معرفه جديده بعد القيامه...
معلمنا بطرس الرسول يوم خميس العهد لما ربنا يسوع المسيح حب ينحنى ويغسل رجليه قال له لا يا ربي حاشاك يا رب....قالة يسوع كلمة جميلة جدا... لست تفهم الان ما انا فاعلوا لكنك ستفهم فيما بعد .عايز يقول له انت لحد دلوقتى ما عرفتنيش يا بطرس انت لسه هتعرفيني..غسلة رجلية... و قالوا لو ما غسلتش مش هيكون لك نصيب معي.. قال له لا يا رب ايديا ورجليا.... وبعد كده اكل من الخبز عندما اسس سر الشكر. بعد ما غسل ارجلهم... برده ما كانش لسه يعرفوا بعد ما اكل الخبز!! اللي هو الجسد الحقيقي لكن ما كانش لسه يعرفه. لكن بعد القيامه...
لست تفهم الان ستفهم فيما بعد
قصدة بعد قيامتى... هتعرف يعني ايه تاكل خبزى يعني ايه ان انت تشترك في الوليمه هتفهم بعد القيامه قبل القيامه كان في امور كثيره انت مش فاهمها لكن بعد القيامه هتعرفني معرفه جديده معرفه حقيقيه...

عمل رب المجد يسوع احبائي انه يعرف نفسه على كنيستة معرفه جديده.. ظل يخاطبهم عن الامور المختصه بملكوت الله نفسي نتخيل نفسنا والكنيسه حيه احبائي بتجعلنا نعيش نفس المناسبه نفسي نتخيل نفسنا ان احنا كده مجتمعين ورب المجد يا يسوع بعد قيامته بيظهر لنا ونشعر ان ايمانا تقوي بية جدا
نقول هو ده اللي كان مظلوم ؟!يقول لك اه انا اللي كنت مطلوب بس خلي بالك تقدر تقول ان انا حي لا اموت
أعرفنى من جديد ..دى فتره الخمسين بتعرف ربنا يسوع المسيح من جديد في ضوء كل اعماله القديمه بس على انة قاهر الموت وعلى ان هو واهب الحياه .. شيء صعب جدا علينا احبائي ان احنا نكتفى بمعرفتنا بربنا يسوع المسيح بمجرد فكره بمجرد نظريه بمجرد قول بمجرد معرفه عقليه... رب المجد يسوع لا يعرف ولا يدرك على مستوى العقل ابدا
اعطانا امكانيه فهمه اعطانا امكانيه مفعولات معرفته جوانا...هو ده معرفه رب المجد يسوع
لكن عشان نعرفة كقصه سهلة
لو جبنا طفل في مدارس احد دلوقتى

نقوله احكي لنا حكايه يسوع يحكيها بمنتهى السهوله...ازاى اتولد وازاي اتعمد وازاى ذهب عرس قانا الجليل واصعد للبرية ..وجرب من الشيطان
وصنع ايات وعجائب و ممكن الولد يحكيلنا عن الايات والعجائب اللي عملها..واتصلب ومات وقام....
بس مش هي دي معرفه ربنا يسوع المسيح معرفه ربنا يسوع المسيح معرفت عشرة ..معرفت حب يقول لك الذي رايناه الذي لمسناة. الذي لمسته ايدينا من جهة كلمه الحياه.. هو ده الامر اللي بنفتقدة بمعرفتنا بربنا يسوع المسيح ان احنا نعرفه معرفه العشره مش معرفه الكلام ..معرفه الكلام صعبه جدا ونشعر ان احنا نتكلم عنه كثير لكن ما زال غامض بالنسبلنا.. اقول لك خلي بالك..لما رب المجد يسوع المسيح شاهد ان احنا ضعاف جدا في استيعابه وفهمه قال صعب جدا انكم تعرفوني.. انا اعرفكم بنفسي الذي يحبني يحبة ابي.. وانا اظهر له ذاتى... انا اعرفك بنفسى هاعطيكم امكانيه معرفتى... هاعطيكم الروح القدس الذى يجعلكم تشعروا ان انتم فاهمين لكل شيء وافكركم بكل اللي قلتهلكم واجعلكم ابناء لي
تعرفوني بالحق واعطيكم جسدي ودمي عشان تعرفوني معرفه كامله شيء عجيب

عاوزنا نعرفة.. وعايزنا نعيش معاة حياه جديده ومعرفه جديده ..امر احبائى لا يصدقه عقل ان الاله ان احنا نعرفه غير المحوى غير المفحوص.. ونقول مع معلمنا بولس... لاعرفه و قوه قيامته و شركه الآمة
معلمنا بطرس الرسول يقول لك وهو بيوعظ
يقول وتعين ابن الله بقوه من جهه روح القداسة ومن جهة القيامه...من الذي عينة كأبن للة...؟! القيامة.... اكبر دليل على انه ابن الله القيامه.. لانه اقام نفسه...من هنا الجسد القائم دة جاء ليعرفنا على نفسه وعشان يعرفنا على نفسه بيعطى لنا لناكلة..لكى نتحد بالجسد القائم ونتحد بالحياه المقامة الغالبة الموت.. احنا كمان تنتقل الينا الحياه اللى غلبة الموت...انه معرفه اكتر من كده!؟ انة معرفة اعمق من كدة؟!
عشان كده احبائي امر لو حبينا نستوعبة بالعقل البشري امر يفوق عقولنا جدا
تلميذين عامواس كان ماشي معهم وما عرفهوش ..لكن اول ما كسر الخبز انفتحت اعينهما وعرفاه معرفه تلامس معرفه حياة تنتقل منه اليهم
احبائي جميل جدا ان احنا نبقى عارفين عن ربنا يسوع المسيح حياته وسيرته لكن لازم ندخل جوه الحياه ... هو ده اللي ربنا يسوع المسيح بيعطية للكنيسه النهارده

يقدم نفسه وصيلة المعرفة الحقيقيه
عاوز تعرفه صح؟! هو نفسه بيعرفك نفسه هو نفسه جواك بيعلن نفسة عن نفسه جواك..فتعرفه وتحبه اكثر وتتمسك بيةاكثر وتشعر انه هو ملك على حياتك وساعتها تنحل من داخلك قوات العالم..قوات الظلمة..كل روح خبس كل روح ضلالة... تلاقي نفسك مش طايق ان انت تعيش في ظلمه العالم لانة ملك عليك دخل جوة قلبك و حياتك وعرفك نفسه
ابتدا انت ترفض اي معرفه غيره
زي ما بنقول له في الكنيسه في صلواتنا..اقتنينا لك يا اللة مخلصنا لاننا لا نعرف اخر سواك...ما انت عرفتنا نفسك يا رب واحنا مش عايزين نعرف حد غير
جميل جدا ان انا اتعرف على يسوع المصلوب لكن الاجمل واجمل اني اتعرف على المسيح القائم المطلوب جميل جدا ان انا اتعرف علية كغالب الموت..الذى اجتاز الموت من اجلي..لكن هو دلوقتى غلب الموت معرفه جديده
النقطة الثانية..
خبز الحياه ..لكى يعلن لنا نفسه اعطانا نفسه ليعرفنا بيها نفسه...يعطيك خبز الحياه
يقول لك انا الخبز الحي .. ليس كما اكل ابائكم المن في

البريه وماتوا ...لما اكلوا.. اكلوا على مستوى الجسد ليه لانهم كانوا جعانين مجرد جعانين
حوالى ٢ مليون شخص ماشيين في كفر ..لا يوجد طعام ..طب دى ازمه..٢ مليون شخص يعيشوا في مكان لا يوجد بية طعام ...ابتدوا يموتون واحد ورا واحد ...يا رب ليس لنا خبز... ابتدي يرسل لهم المن ..فاكلوا فكان المن بالنسبه لهم طعام محيي لانهم كانوا من غير هيموتوا عشان كده المن إشارة لربنا يسوع المسيح.. لاننا ناس عايشين في العالم عايشين في جوع وفى فقر.. عايشين في حياه ماتعطيش حياه
فاعطانا حياه وانقذنا من الموت عايشين في كفر... هو ده الجسد المحيي اعطاهم الحياه لكنهم للاسف لما اكلوا كلوا على مستوى اكل جسد وكانوا يظنون ان هو هيحيهم..لكن لم يحيهم... فيهم اللي مات.
انتم دلوقتى جعانين بالجسد. مش جعانين بالروح و لما هتاكلوا بالروح مش هيخليكم تموتون زيهم لما اكلوا على مستوى الجسد ...مجرد سد احتياج للبطن..انت بتاكله علشان احتياج للروح.. هما اكلوا للبطن ماتوا انت بتاكله للروح تعيش للابد
هو ده خبز الحياه...المعطى حياه للعالم
النهارده الكنيسه بتقرا لنا الابراكسيس لما معلمنا بطرس

الرسول كان بيوعظ انهم كانوا في اول الاسبوع
فى يوم الاحد اول الاسبوع عشان كده الكنيسه متمسكه بتقديس يوم الاحد وبالذات الاحد تقام فيه سر الافخارستيا تقليد لابائنا الرسل
وفي يوم الاحد اول الاسبوع اذ كان التلاميذ مجتمعين لتوزيع جسد المسيح
ترجمه الكنيسه غير ترجمه الكتاب المقدس اللي عاملينوا اخواتنا البروتستانت
لتوزيع جسد المسيح كان بولس يخاطبهم اذا حكايه اصنعوا هذا لذكري مش مجرد تذكار لا ده حياه واقعيه وعمل ملموس.. بولس بيوزع جسد يسوع المسيح
كان بولس يخاطبهم اثناء القداس معلمنا بولس وعظ معلمنا بولس متدفق في المعرفه ..ابتدا يطول في الكلام والناس كانوا سهرانين يسبحوا.. في وش الفجر في ولد قاعد في الطاقه فوق وقع مات لما وقع مات معلمنا بولس تمم القداس والناس ملمومه حوالين الولد الميت.. معلمنا بولس اخذ الجسد والدم عشان خاطر يعطيهم للولد الميت.. ازاي.. اذا كان بولس قد إطال الصلاه فغلب عليه النوم فوقع من الطبقه الثالثه فحمل ميتا ..فنزل بولس واستلقي علية وعانقة وقال لا تطربوا ا لان نفسه في

ثم صعد وكسر الخبز واطعمه ..اتناول
ماالذى احياة؟! التناول لانه جسد محيى الحياه بتاعه ربنا يسوع المسيح احبائي تنتقل الينا باتحادنا بالجسد والدم عشان كده تلاحظوا ابونا في الاعتراف الاخير يقول ان هذا هو الجسد المحيى.. وفي التعبير القبطي يقول لك اجمل من المحيي.. ناخذ من جسد المعطى الحياه لان احنا نقدر نقول عنه فيه كانت الحياه الحياه في ذاتة هو...نقول عنة انة رئيس الحياه لما اخد انا مصدر الحياه.. المعطي الحياه.. لما اخد انا الجسد والدم المعطى الحياه ده وانا ميت.. هيحصل لي ايه احيا..سأحيا...
دة مستوى الايمان الجديد اللي ربنا عاوز ان الكنيسه تتناول بيه
عاوز تناول
اتناول بايمان ان هو ده الجسد المحيي.. اتناولوا على مستوى الروح ما تاخدهاش على مستوى الجسد لان لو اخذته على مستوى الجسد تبقى عملت زي اكلواالمن وماتوا ما فيش فائده لكن انت بتاخدوا على مستوى الروح هو ده الجسد المحيى... عشان كده احبائي يقولوا الاباء المعلمين... يقولوا حاجه مهمه جدا اكثر حاجه تشوشر عليك في الروحيات الحسيات والجسديات ..

تملي ناخذ الجسد والدم على المستوى المحسوس...انا شايف ايه شايف خبز عصير كارما.. وابونا بيقول ان ده جسد... فانا المحسوسات عندي ملخبطانى.. .. وقف المحسوسات وقفها خالص
لازم تبقى لك عين غير العين دي اللي بتشوف بيها عين ثانيه عيني روحية.. عشان لما تشوف الجسد وابونا بيوزعوا ماتكنش شايف قربانة...
لا دة جسد حقيقي.. الكلام ده ازاي..اقولك مايجيش بالمحسوسات.. عشان كده الاباء يعلمونا لما تيجي تتعامل مع الروحيات اغلق الحسيات.. لما تتعامل مع الروحيات اغلق الحسيات ..وانت بتاخذ الجسد ماتشعرش انك بتاخده باللسان والفم اللي انت بتاكل بية الطعام العادى..لا... ده امر مختلف تماما زي ما بيقول معلمنا بولس الرسول قارنيين الروحيات بالروحيات عايز تقارن حاجه قارنها بمثيلتها ..صعب جدا لما نظلم حاجه..نقارنها بشئ اخر... مثلا يقولك الميه ولا الذهب الواحد ما يعرفش يرد عليك ويقول لك اية!!دى حاجة غير متكافئه.. قارن الميه تقرنها بسوائل.. عايز تقارن دهب. قارنة بمعادن عشان تعرف الفرق اية
قارنين الروحيات بالروحيات متقارنش روحيات

بجسديات.. متقارنش امور غير محسوسه بامور محسوسه.. صعب جدا ان انا احاول اني افهم الجسد والدم بعقل بشرى او بمحسوساتى... او بالفم او بلسان اللي بيتزوق... لابد ان يكون لي عيون روحية وحواس روحية.. زي ما بيقول معلمنا بولس مستنيره هي عيون قلوبكم هو القلب لة عنين؟؟ اقول لك ايوه.. اصل احنا بنتكلم بمستوى ثاني خالص.. الاذن هو انا لما هاجي اسمع صوت ربنا في الانجيل هسمعه بأذنى العاديه؟؟ لا طب لما قال من له اذنان للسمع فليسمع يعني الصم والبكم اللي ما بيسمعوش ما لهمش نصيب في وصيه ربنا .؟؟ابدا بيسمعوا بس بالاذان القلبيه الاذلية الروحية.. وهكذا لو انسان ما بيشوفش فكرك ان دة ما لوش استحقاقات ان هو يرى ؟ لة استحقاقات انة يرى
لان الحكايه مش حكايه المحسوسات لان المحسوسات ده اقل مستوى...فى حشرات وفي حيوانات لها حواس لكن انت كانسان اثمي من كده بكثير.. لما يكلمك عن الاذان يقول لك هيسمع كل من في القبور صوته ازاي؟؟ناس فى القبر ميتة هتسمع.. يبقى هو مش بيتكلم عن حكاية ودان ولا حكايه تذوق بيتكلم عن امر اثمى من كده بكثير ...عشان كده لما تيجي تاكل الجسد والدم ما تشغلش فيهم الحواس الميته الحواس الارضيه صعب

جدا ان انا اتذوق جسد المسيح بلسان ميت ..او بشفتين بتنطق بغش صعب جدا ان انا استقبل الايمانيات بقلب ملوث بمحبه العالم ..زي كدة جهاز راديو متصلت علية موجات تشويش..محبة العالم والحسيات تشوش على الروحيات... تخلي الواحد يبقى المسيح قدامه وبياكلوا وبيشربوا وبيتحد بية لكن مش حاسس بيه.. لكن لو اخذناه على مستوى الروح.وقبلناة بمستوى الايمان
و الكنيسه تقول لك عبارة اامن كتير...كل ما ابونا يقول حاجه اساسيه في تاسيس الاسرار تلاقي العباره اللي ترد بيها الكنيسة تقول لك نؤمن ونقول نؤمن ونعترف ونصدق احنا مصدقين و نؤمن اؤمن اؤمن اؤمن ان هذا هو بالحقيقه امين.. يرد الشماس يقول امين امين امين اؤمن اؤمن اؤمن كل ده ليه عشان الكنيسه تؤكد على معرفته على مستوى الايمان مش مستوى المحسوسات خبز الحياه اخذه اخذ الخبز المحيي ابتدي ان انا صفاتى تتغير لاني ابتديت اتحد بحياته هو
الجسد الذى غفر لصالبية ابتدي اخدوا .اتعلم المغفره
الجسد الذى عاش القداسة تبتدى القداسة تنتقل الية..الجسد الذى غلب الموت ينتقل اليه ابتدي انا اغلب الموت..اعرفة معرفة جديدة . افتكر الية

اكتر..واجوع الية اكثر واعطش لية اكثر فساعتها لا احتمل الابتعاد عنه اطلبه على فراش زي ما قال معلمنا داود النبى.. اكلوا جديد كل يوم.. جميل جدا في خروف الفسح لما كان يقول له لا تبقى منه شيئا للصباح
كل يوم لازم يكون لة مزاجة جديده في كل فسح بتاكلة لازم تشعر ان انت بتاخدوا بقلب جديد وذهن جديد ومشاعر جديده.. ما فيش واحد يتناول النهارده بمشاعر بتاعه امبارح ..يقول لك انا حضرت قداس الاسبوع اللي فات اتناول النهارده..!! اقول لك لا عشان تحضر قداس وتتناول تحضروا وترفع قلبك وتصلى تتهيئ للتناول..وللاتحاد بية...لان روحيات بروحيات.. من هنا احبائي نشعر ان السر العظيم ده اللى ربنا اعطاهلنا..لكى نعرفة اكثر و اشتياقتنا تثبت فى أكتر و نعرف ازاى نغلب العالم واغراءات وشهوات العالم ازاي نكون غلبين من جوانا.. بمين؟؟ غلبين بية هو
هو اللي يجعلنى اقدر اغلب...لما الحواس الروحية بتعتى تنشط وتدرك معنا ومفاعيلة جوة حياتى ابتدى مصدري للامور المحسوسةالجسدانية الشهوه و الاكل والشرب وحب العالم حب المال الامور الملموسة المحسوسة دى هتقل جدا قيمتها لاننا اتحدنا بالروحيات وابتديت اقارن الروحيات بالروحيات

وابتدت نفسي ترتفع وتسموا تفرح بالاتحاد بية وكل ما اكله كل مااجوع لية اكتر طوبى للجياع والعطاش الى البر كل لما اتحد بية زي ما بتقول الكنيسه كلما دنوت منه زادنى الية اشتياقا هو ده سر محبي ربنا يسوع المسيح انهم يحبوا ياكلوا من جسد كثير لانه هو بالنسبه لهم مصدر حياه مصدر قوه مصدر تغيير دائم مصدر توبة مصدر غفران.. ربنا يسوع المسيح الذي يثبت كنيسته ويعرف كنيسته عليه من جديد يثبتنا في ويعرفنا عليه من جديد لكى نذوقة فنفطم عن كل مذاقة اخرى..ربنا يسند كل ضعف فينا بنعمتة ولالهنا المجد اللى الابد الامين....