الخليقة الجديدة

الخليقة الجديدة
بسم الاب و الابن و الروح القدس الاله الواحد امين
حقرأمعاكم أيه واحدة من رسالة بولس الرسول الى اهل كورونثوس التانية

وانا مع المسيح واحد تانى وانا داخل المسيح ببقى خليقة جديدة ولو انا مش خلقية جديدة يعنى انا عايز اعيش زى البشر يبقى انا مش عايش زى المسيح يبقى انا مش عايش الخليقة الجديدة بتاعتى ابقى حاجة خارج القصد الالهى لانه هو قصدة فينا ان احنا نكون خليقة جديدة ، الاشياء العتيقة قد مضت هوذا الكل قد صار جديدا . طيب يا ابونا هى اية الخليقة الجديدة دى ؟ الخليقة الجديدة لها اربعة علامات مهمين قوى وكل علامة فيها حاجات اقدر اقيسها اول علامة ان انا ابدء اهتم بالروح اكثر من الجسد تانى علامة اهتم بالمسيح اكتر منى انا ، اول علامة نخرج من الجسد الى الروح و تانى علامة اخرج من انا الى المسيح تالت علامة اخرج من النفس الى الروح رابع علامة اخرج من انا الى الاخر . اول علامة اخرج من الجسد الى الروح :- الخليقة الجديدة يعنى كيان جديد بتاخدة فى المعمودية يعنى احنا يا احبائى مش لسة هنبقى حنبقى خليقة جديدة لا احنا اخدنها من زمان بس المشكلة ان احنا نحافظ عليها . فاكر ابونا نوح لما بنى الفلك مين اللى دخل داخل الفلك نوح وزوجتة و ثلاث اولادة و ثلاث زواجتهم ، الفلك دا هو المسيح و الانفس اللى حوالية هم الانفس داخل الفلك احنا دلوقتى داخل الكنيسة احنا عائلتة احنا المحفوظين من طوفان بحر العالم احنا اللى لينا خلاص و لينا النجاة اكتر مشكلة ان ولاد نوح واحد منهم يحب يخرج و ما يدخلش الفلك يابنى ادخل يا ابنى تعالى ؟؟ او يدخل و يغفل ابوة ويروح طالع ــ انت ليك نصيب احنا كدا عيلة نوح اللى داخل الفلك احنا اللى اخدنا الخليقة الجديدة احنا اللى اخدنا المواعيد و لينا حقوق من ساعة لما تتعمد بكتب اسماءنا فى جزء من السماء لينا مكان : المشكلة اننا نضيعة فنحن اخدنا الخليقة الجديدة . الخليقة الجديدة تهتم بالروح اكثر من الجسد عشان كدا احنا اكتر كنيسة بتقول لنا صوموا و صوم كنيستنا القبطية لة اصل احنا ناس خارجين من الجسد متجهين ناحية الروح احنا فى رحلة ، باستمرار ننتقل كل يوم خطوة خطوة لحد ما نصل الى ملئ كمال الروح عشان كدا تلاقينا حابين الصوم . طيب لما تلاقى نفسك مش حابب الصوم اعرف كدا انك ميال للجسد الخليقة الجديدة مش شغالة فيك . طيب اول ما تحس ان الصوم تقيل تحي ان الخليقة الجديدة مش قادرة تاخد قوتها داخلك - الجسد كسلان كثرة الاكل ، المشغولية بالجسد ، الانهماك فى امور الجسد ، العبودية للجسد . احد القديسين يقول اى حيوان تكرمة يكرمك حتى لو اسد لو ربيتة تربية و تبقى حنين معاة تلاقية يلعب معاك و يصاحبك ، إلا الجسد تكرمة يتمرد عليك . عشان كدا الخليقة الجديدة انتقال من الجسد للروح باستمرار باستمرار اقول عايز اصوم اكتر باستمرار اقول للجسد لالا لان الجسد ترابى وانا روحانى فلابد باستمرا ر ادرب نفسى فى كل شئ اقول لنفسى لا على الاكل لا على الوقت لا على النوع و الاكل البسيط اديلة قودة واديلة اللى يحتاجة ، احد القديسين يقول عود جسدك على ما يحتاجة و ليس على ما يشتهية , عارفين الفرق على ما يحتاجة و ما يشتهية فرق كبير جدا . ما احتاجة تعنى ان معدة الانسان مثل كف الايد يعنى نصف رغيف وعلى برتقالة يملوها . لكن من سماح ربنا ورحمتة بنا جعل المعدة زى البالونة تنتفخ عارفين لو المعدة غير قابلة لللانتفاخ كان زماننا سمعنا كوارث سبب الوفاة انفجار فى المعدة . لكن ربنا رحيم جعلها مطاطة عشان عايزنا نعيش . بس مش قوى كدا - انك تاكل ما تحتاج وليس ما تشتهى الجسد للذين هم للمسيح قد صلبوا الجسد مع الاهواء و الشهوات ونحن فى اجمل ايام اقول صوموا ما ينفعش اقول دا فة وقت تانى اجمل ايام الصوم الكبير عشان كدا الكنيسة بتعتبر اجمل ايام هى ايام الصوم الكبير اللالحان فيها تذلل و قداسات متاخرة صايمين صوم فيه شوية شدة على النفس اكتر فترة ارواحنا تدرب عللا الانطلاق و السمو و الفرح و الشبع لكل ما هو روحى اكتر فترة الكنيسة تعمل فيها قداسات الصوم الكبير اكتر تسابيح فيها انكسار طول السنة مش بنسمع انجيل الابن الضال غير مرة واحدة فى السنة كلها الكنيسة بتضع الابن الضال ، السامرية ، المخلع ، المولود اعمى ، كانها بتقول انا عارفة انك صايم بالجسد يبقى انا حطلع لك اشهى ما عندى فى الروح مثل الام عندما تصنع وليمة الابناءها و احبابها تبتكر فى صنع ااشياء غريبة اشهى الاصناف و اجودها ؟؟؟ المنيسة عارفة ان ولادا فى مناسبة جميلة فاعايزة تديهم كل ما هو فريد – مغذى – ونافع . من الجسد الى الروح الى الروح يبقى ندرب انفسنا – الجسد لما تقول لة تصلى ام تنام يقول انام ، الجسد لما تقول لة تصوم وام تاكل يقول اكل ، الجسد لما تقول لة تحضر اجتماع ام تريح فى البيت الجو برد يقول اريح هو كدا الجسد – ميال للارض احد القديسين يقول انت تعلم انى من تراب والية اشتاق للاسف فى حاجة اسمها الجاذبية الارضية احنا مجذوبين لتحت بس ربنا يسوع المسيح يقول انتم لستم من اسفل . هيا ناخد فترة الصوم بالذات لنخرج من الجسد و نذهب الى الروح ,. طيب الروح دى هى اية ؟ ارفع ايدى للصلاة ايدى وجعانى خاليك رافعها شوية ، طب اسجد لكن ركبتى تؤلمنى اسجدة سجدة واحدة قدرت اخليها اتنين نشكرربنا قدرت اخليها بالثالوث الاب و الابن و الروح القدس جميل و هكذا ... زى ماهو عايز يضحك عليا اضحك علية فاكرين لما شمشون طلع علية اسد صارعة و شقة نصفين و حينما شقة نصفين اصبح جوف الاسد بيخرج عسل اتحول لخلية نحل فاخد منها و اكل القديسين تقول الجسد دا العسل عايز ياكلنى ولو انا غلبتة انا حاخد منة العسل جسمى مش سئ لكن اخد منة حاجات حلوة كتير اخد منة صوم اخد من صلاة و مطانيات اخد منه ايد مرفوعة اخد منة ركب منحنية ادى الجسد ممكن اخد من حاجات حلوة كتير عشان كدا اول حاجة فى الخليقة الجديدة اتحرك من الجسد الى الروح طيب خلينا على قدنا هنا الجسد و هنا الروح يلا ناخدها حتة حتة براحة . احد القديسين فى بستان الرهبان يحكى فى راهب واخد فترة الصوم الانقطاعى بعدين اشتهى ان ياكل مثلا اراد ان يصوم الى الساعة 3 او 4 او للمغرب و بعدين جاع حتى الساعة 11 او 12 فحضر لقمة خبز و زيتونة و فرع جرجير هو بيجهز الاكل شعر بالخجل اخد يخاطب معدتة و يقول لها ( ما دمتى طلبتى الذى فى غير ميعادة فلن اعطيكى الذى فى ميعادة) يبقى مش حاكل الساعة 4 . يلا ندرب نفسنا حتة حتة ننتقل من الجسد الى الروح بيسطة خالص خلينا بالتدريج بس دائما انحاز للروح ، ياما طاوعت الجسد ياما ريحتة عمل فيا اية غلبنى و صارعنى وخرج منى امور غير جيدة فقد اتصالى بالله . و ذبلت روحى . الخليقة الجديدة . الانتقال من الجسد الى الروح المسيح يوصينا بالامر . بولس الرسول يقول لا تكملوا شهوة الجسد اسلكوا بالروح ، باستمرا رحاول اصلب الجسد اللذين هم فى يسوع المسيح قد صلبوا الجسد مع الاهواء و الشهوات .
1- الانتقال من الجسد الى الروح . ناخذها بالراحة و نبدء من اليوم لو تعبان او كسلان لا خفف شوية اصلى عايز اتعشى اتعشى حاجة بسيطة خالص من اكتر الحاجات اللى تساعدنا على الصوم قلة الاكل و قلة الكلام .
2- الانتقال من انا الى المسيح :-
حقيقى الواحد يفكر كدا هو انا عايش لية ؟ عايش بعمل اية ؟ اهتماماتى اثناء اليوم كلة اية ؟ بلاقى ان معظم الاجابات انا انا انا يعنى انا عايش انفسى لذاتى عايش لافكارى اية اهدافى فى الحياة اشتغل كويس طبيعى لازم نشتغل ؟ لكن هل الشغل هدف ولا وسيلة ؟ وسيلة طيب اجيب اكل للعيال دى وسيلة كمان عايز اترقى برضوا وسيلة طيب دخلى يزيد وسيلة . لكن للاسف الوسيلة اتحولت الى اهداف فى حياتنا صرنا نحيا لكى ما نجمع المال صرنا نحيا لكى ما نترقى ، صرنا نحيا لكى ما نتلذذ بانفسنا بتنغمات و مغريات كثيرة كلنا عارفين الذى يحب الفضة لا يشبع من جمعها اللى عندة شقة عايز شقتين ، عايز يكبرها ويجيب فيلا و بعجين مصيف عمر ما حد حيوصل الى الاكتفاء الا لو فى المسيح . من انا الى المسيح :- انا مش عايش عشانى ؟ فى تدريب بنعملوا للاولاد نجيب برجل ونعمل دائرة المركز و بعدين الدائرة حولية . مين نقطة المركز اللى فى النصف ؟ المفروض المسيح و انا اللى حوليين المسيح . المشكلة لو العكس انا فى المركز و المسيح اللى حولى تصورا عايز المسيح لخدمتى لتلبية طلباتى مش انا فى خدمتة . بولس الرسول يقول (احيا لا انا بل المسيح يحيا فيا ) دائما نسال انفسنا اية اقصى طموحاتى ؟، اية اقصى احلامى ؟، اية اقصى ثقتى ؟ اية اقصى قوتى ؟ اقصى قوة و اقصى احلام هما دول الالهة . المفروض يكون اقصى قوة عندى هو الله ، اقصى ثقة هو الله ، اقصى حلم هو الله ، ان اربح السما و لو عندى اقصى قوة غير المسيح و اقصى ثقة غير المسيح و اقصى حلم غير المسيح ابقى انا مش بعبد المسيح . ابونا دى كلمة صعبة جدا ؟؟؟ قاسية ؟ معلش خلينا واضحين معلمنا بولس الرسول قال انتم عبيد لما تطيعونة ، انتم عبيد لما تطيعون حقيقي لما يكون اقصى قوة فى جسدى ، او اقصى ثقة فى المال ، لو اقصى حلم عندى الشهرة . جسد – مال – شهرة – دول مافيهومش ربنا خالص يبقى انا للاسف بعبد غير الله ؛؛؛ ياة و انا جوة الكنيسة و انا مسيحى ؟ عشان كدا بيقول من اجل اسمك المبارك الذى دعى علينا . ابقى انا مسيحى يبقى اقصى ثقة و اقصى حلم واقصى قدرة هو المسيح . يبقى انا مسيحى – احيا لا انا بل المسيح يحيا فيا . لو عايش عشان ارضى ذاتى عشان انا اتمجد دا حلم حياتى بقول انا مش للمسيح . نسال ونقول عايز اية يا ابونا ؟ منعش يعنى ؟ لا نعيش بس لما ننجح انجح للمسيح لما نكسب نكسب للمسيح مش يقيننا فى المال مش اقصى ثقة عندى اكسب مال لا المال عندنا وسيلة فى الكنيسة الاباء الرسل كان المال يوضع تحت ارجلهم ، المال يوضع تحت حتى لو جايب كمية كبيرة حتى امسكة فى ايدك و عدة يقول لالا تحت تحت طيب شكرا شكرا انت مش جايبهولى انا انت جايبها للمسيح . عشان كدا بولس الرسول فى تيموثاوس يقول اوصى اغنياء هذا الدهر الايتكلوا على غير يقينين فى المال نفى النفى اثبات يعنى لا يتكلوا على يقينية المال يعنى المال مش يقين . فى قصة واحد تاجر مستورد استورد حاجات بمبلغ كبير من الدولارات ولكن مدفعش و تانى يوم الدولار سعرة ارتفع يعنى حيدفع بالسعر الجديد يا مسكين كدا حيدفع شغل سنين لان المبلغ كبير المال مش يقين . انا فى المسيح انا ثقتى فيك تتمجد انت مش اتمجد انا اكسبك انت يا رب عايز اعيش فى رضاك اشتغل و اكل و اكسب و انجح و اربى ولادى بس فى مخافتك و محبتك ورضاك مش منسى ابدا انا عايش ليك انت . دوامة العالم بتنسينا و تخلينا مش واخديين بالنا اهو مربوطين و بنلف فيها عايش لية و يتعمل اية ممكن تبقى ناسى زى لعبة النحلة بتلف اوتاماتيك يارب ارحمنا . احيا لا انا بل المسيح يحيا فيا . انا للمسيح . عينك على المسيح ارجع نفسى للمسيح ، ماذا قال المسيح , اخد اية من تعاليمة و اعيش بيها خد موقف من مواقفة و عيش بها هو بيقول ناظرين الى رئيس الايمان مكملين ما اجمل ان انظر نفسى علية و اقعد واخد منة و اخد منة لية ، لية مش بنعرف نغفر ؟ لية مش بنعرف نحب ؟ لية مش بنعرف ندى ؟ عارف لية . لان بغفر بنفسى و بحب بذاتى انا ذاتى ضعيفة جدا لو حبيت الناس بذاتى نصف ناس مش ححبها و النصف التانى ححبهم نصف نصف امال احب مين مالقيش حد احبة اساسا فى نظرى محدش يتحب كدا انا بقيس بنفسى , بولس يقول اللذين يقيسون انفسهم على انفسهم امال انا باخد اية ؟ لما بناخد بمقياس المسيح احب الى المنتهى اطاع حتى الموت لازم اكون عارف ان انا للمسيح انا مش بحب بعقلى ، مش حغفر بعقلى ، مش ححب بقدراتى فرق كبير بين عقلى و قدراتى و اعصابى و حدودى ضيقين جدا ، نقعد فى مشاكل اسرية محدش عايز يغفر، محدش عايز يبادر ، محدش عايز يتنازل ، اصل بنعامل بعقولنا عندما نفحص كمية القضايا اللى بيعملوها اولادنا على بعض لو قيسنا العدد بتاعها و لاقيناها تمثل 10% من القضايا يبقى احنا زى الناس الاخريين تمام يعنى لو 1000 قضية و المسيحين يمثلوا فيها 10% يعنى 100 واحد مسيحى يبقى احنا كدا زيهم . طيب لو من 1000 احنا 50 يبقى احنا بنتحسن المفروض يكون المسيحين صفر . كانوا زمان بيقسوا قوة الكنيسة بانة لا يوجد متهم واحد لى يوجد قاتل و لا زانى و لا سارق و لا كاذب كانوا يقفوا اما الاباطرة يقولوا لهم هاتلنا مسيحى خائن او هاتلنا مسيحى قاتل او زانى اليس هذا كافى الا تؤمن ؟ المسيحى بيكلمم الامبرطور ياة لقوة المسيحية ؛؛؛ لدرجة ان الاباطرة كانوا ينشروا جواسيس بين المسيحين عايزين يعرفوا اية السر هما لية كدا هل بيعملوا مؤامرة لقلب نظام الحكم . يجى الجاسوس و يقول لهم و لا فى دماغهم الحكم هم ليس لهم مدينة باقية اصل دول عايزين وطن تانى فوق فى السماء ،،،،،
من انا الى المسيح . 1- من الجسد الى الروح 2- من انا الى المسيح 3- من النفس الى الروح .
هى اية النفس و اية الروح ؟ النفس ليس الروح . النفس احاسيس مشاعر . النفسية هى الامور الت تتاثر بالمشاعر فتلاقية شوية مبسوط و شوية مضايق و شوية مكتئب و شوية فرحان دى النفسية مزاجية احيانا نعيش حياتنا نفسية . الحياة النفسية دى خطرة جدا و مذبذبة و مهددة كل شوية حاجة تتقال نكون مبسوطين و بعد شوية حاجة تخلينا مضايقين و بعدها فرحانين و بعدها متعكنين و بعدها دمنا متعكر و بعدها متخاصمين و بعدها زعلانين دى النفسانية . احيانا حتى مع ربنا بنكون نفسانيين يعنى اية ؟ اجى الكنيسة عايز ربنا يدينى تمن حضورى لازم تحل لى مشاكلى الراجل يخف الواد يشتغل و البنت تخلف و مين يسافر عايز 15 طلب و لازم يتحلوا مش انا حضرت لك و جيت الكنيسة تخيلوا دى درجة نفسانية مع ربنا و كان ربنا مسخر لطلباتى الروح غير كدا خالص ؛؛؛ احنا اللى عبيد عندة احنا اللى خدام عندة ، جايين الكنيسة نباركة ، نشكرة ، نسبحة ، و امجدة ، و نعترف به ، و نشكرة على عطم مجدة دى الروحانية . ممكن نكون جايين لربنا نفسانين ممكن ممكن ؛؛؛ جايين للقداس نفسانى دى درجة متوسطة بس مش مقبولة قوى . لان ربنا ينتظر مننا غير هذا احنا شعب نمجد الله كلمة ارثوذوكسى تعنى ارثو مستقيم لله و ذوكسى تمجيد جاية من التمجيد المجد جايين نعطى تمجيد الائق هى دى الارثوذوكسية التمجيد المستقيم جايين نشكر ، جايين نمجد ، جايين نسبح ، جايين نطلب . وضعنا كمان نطلب : تخيل لو نسينا نسبح ، و نشكر ، و نمجد و لكن جايين نطلب بس هى دى النفس . الانتقال من النفس الى الروح امر خطير جدا و كأن عايز من ربنا اجرة مجيئى او اجرة وقوفى له فى الصلاة ان مشاكلى لازم تتحل يصورا يا احبائى ربنا بيقول انا نفسى افرحك بس مش كدا ؟ صدقنى فرحى فيك هو خلاص نفسك ؟ تصورا لو المشكلة اتحلت ممكن تكون معطلة لخلاصك – تخيل عينى على ما هو ابعد انا مش كل اللى شاغلنى صحتك الجسدية . ربنا مش اقصى ما يشغلة زمانيتنا – مش اقصى ما يشغلة تشتغل او ما تشتغلش ، مش اقصى ما يشغلة يدينا فلوس مش اقصى ما يشغلة اننا نعيش اصحاء فى الجسد . اقصى ما يشغلة هو خلاص نفسى و امارس السما دا ما يشغلة – دا ما يهمة . حينما يرى ان دا موضوع ثانوى بالنسبة لنا .....
كل اللى يهمنا الرزق – القود – الجسد يقول حاضر بس خالى بالك على خلاص نفسك – كلنا الفترة دى نحضر قناديل بنصلى قنديل جمعة ختام الصوم . احضرعلى صلاة واحد مريض تلاقى ابونا كل الصلوات عن غفران الخطايا . يقولوا ابونا دا راجل مريض انت عايزين نقول كلمتين اول ما اخرج يقوم يخف . صدقنى مش دا الهدف بتاعى خالص ؟ امال اية الهدف؟ انتوا عايزينوا يخف لكن انا عايز يتوب يارب لو كان عمل حاجة تغضبك و لم ترضيك اغفر لة ما علية انت اللى غفرت لراجل دينة ، مش عايز اقول فى صلاة مش بتتقال جهرا ان ارد ان تاخذة سلمة الى يد الملائكة الموضوع دا هو اقصى ما يشغلنا اكثر من شفاء الجسد هو انتقالة من النفس للروح لا انا لكن للمسيح – من ذانى و مشاعرى و قدراتى الى قدرة الله ان اخف و امجدة و اسبحة مش واقف عشان اتلذذ بمشاعر
علشان خاطر انا بالنسبة لى سبب تعزية و بس يقول انا حديك تعزية انا حفرحك بس فرح سماوى عشان كدا لما كلمنا عن الفرح السماوى قال لا ينطق به غير اللى احنا نعرفة اما بالنسبة لنا الفرح اللى نعرفة فرح ذهنى ، فرح ذاتى ملذاتى تنعمى لكن قال فرح لا ينطق به انتقل من النفس الى الروح . عشان كدا نلاحظ ان الكنيسة القبطية كنيسة متزنة قلبنا مرفوع و سخن لكن واقفين هادئيين فى ثبات انفعالى مش نعيط و نهلل و نسقف لا لا لا سبحوة مجدوة و زيدوة علوا . يقول تعليات الله فى حناجرهم تسبيح باتزان بيصلى صلوات من قلبة من غير ما يهلل و لا يصرخ – لو ليقينا حد بيعمل كدا دا مش اسلوبنا مش طريقتنا اللى بيعمل كدا دا غريب عن الوضع
اتذكر و انا شاب اخذت خلوة فى دير البراموس و انا فى بيت الخلوة قالوا فى راهب متوحد حيحضر التسبحة اليوم اسمة ابونا عبد المسيح و احنا فى التسبحة نصفنا تقريبا مركزين مع ابونا طريقة وقفتة و احنا عيننا علية بامانة ابونا واقف زى الخشبة مش بيتحرك ووضع شالة على الارض و عامل زى الزنبرك بيعمل مطانيات بسهولة جدا و اقف باستقامة مش بيتحرك . تنتقل من النفس الى الروح :- خلينا روحانيين خلى روحياتنا تسبح تمجد تنطق و تعترف . خلى روحنا تقود مش النفس المذبذبة عشان كدا من علامات الخليقة الجديدة ... رابع علامة من انا الى الاخر . (لا ينظر كل واحد منكم ما هو لنفسة بل ما هو لللاخر ايضا ) اول ما اعرف انى بدءت اتذوق و اللحس لحسة من من الخليقة الجديدة اشعر انى مش انا مركز الوجود بقى المسيح هو المركز بقى من حولى اسرتى عائلتى احبائى هم مركز اهتماماتى اما انا فالاخر و اخر الكل .
علاقتى بالله و الاخر علاقة مرتبطة ببعض جدا كل ما اقتربت من الله اقتربت من الاخر سر مشاكل حياتنا ان احنا مش قريبين من ربنا فلم تكون مش قريب من ربنا يبقى مش حتكون قريب من الاخر لكن حقرب من ربنا يبقى حقرب من الاخر يبقى بدءت افهم انى انا فى خدمة غيرى وتحت امر غيرى خليقة جديدة
ينبغى ان ذاك يزيد و انا انقص ان اعطى من سخرك ميل امشى معة ميلين دى خدمة الاخر ان اخرج من سلطان نفسى من مركز وجودى الى الله و الاخر العطايا لا تقاس بثمنها ولكن تقاس قيمتها و مقدار الحب يكفى انى احسس الى قدامى انى بحبة يكفى جدا ان اجيب حاجة بسطة أية مزمور كلمة من وقت لللاخر دائما اضع نفسى فى مكان الاخر لو انا اللى تعبان احب الناس تعاملينى ازاى – لو انا فى ازمة مالية و احب الناس تتعامل معايا ازاى - لو انا مكان اخويا او ابنى او اختى المتوفى حتعامل ازاى انا للاخر اشاركهم و انظرلهم و انفق من اجلهم – من انا الى الاخر . الانسان اللى ذاق المسيح عرف يعنى اية يكون خادم لكل . اللى ذاق المسيح يعرف يعنى اية يبذل و يعطى – الانسان اللى ذاق المسيح الاخر لة مهم جدا – الرب مشى للسامرية 6 ساعات فى الشمس عشان ينقذ واحدة هى تضع حواجزو هو يزيلها . لما اكون فى دايرة المسيح حيكون انا لللاخر لكن خارج دايرة المسيح حكون انا لا الاخر كلمة جماعة عند الفلاسفة و المفكريين تعنى الجحيم الاخر هو الجحيم ياساتر . قالى اللى جابنى حياخذ مكانى و ياخذ رزقى فى قصة كدا عند الفلاسفة الملاك جاب واحد فى مكان و بعد شوية جاب واحد تانى اتخانقوا على المكان الملاك قال واحد ياخد الشمال و الاخر اليمين و بعد شوية الملاك حدف واحد تالت ......ازدات المشاكل الجحيم هو الاخر – الاخر دا واحد. فى المسيح يسوع الاخر دا هو المسيح كل ما فعلتموة بهولاء الاصاغر فبى قد فعلتم الاخر دا المسيح انا اكرم مريض يبقى بكرم المسيح ، اكرم الغريب يبقى بكرم المسيح ، انا بكرم الفقير يبقى بكرم المسيح فى الفقير عشان كدا كل حركات الرحمة و الاصلاح فى العالم منشاءها الكتاب المقدس جاية من فكر المسيح اللى اتعامل مع السامرية و اتعامل مع المراءة و اتعامل مع العشار و اذكى و اتعامل معالقديسين و الفقراء و الاغنية اتعامل مع الكل اختار المذدرى معندهوش ابدا تفرقة و لا عنصرية و كان فى اليهودية ما ينفعش حد يقف مع امراءة و لا يهودى يعامل سامرى تبقى عداوة شديدة المسيح يعلمنا ان الاخر مهم جدا ما فيش حواجز خلاص نفس مهمة جدا انت لية تقول انة وحش انت مالك تقول لية سيرتها وحشة مش كويسة المهم عندى خلاص نفسها من علامات الخليقة الجديدة ان اكون اكثر رحمة اكثر حنو اكثر غفران اكثر عطاء اكثر حنان اكثر تعاون . من انا الى الاخر مش انا مركز الوجود الاشياء العتيقة قد مضت الانسان اللى عايش لنفسة الاشياء اللى فاتت هوذا الكل قد صار جديدا جيد الانسان اللى عايش فى السماء مين الانسان اللى حيورث السما اللى عايش صح الخليقة الجديدة هو شخص جديد . اصعب ما يكون ان نكون فى المسيح لكن مش خليقة جديدة اصعب حاجة ان اكون فى المسيح فى الشكل او الاسم بس نزعاتى هى نزعاتى و مشاكلى هى مشاكلى اهتماماتى هى اهتمامتى و فى يوم ما اجى للمسيح اجى بشوية مصالح صعب قوى ان هذا الاله اجعلة من اجل طلباتى احد القديسين يقول سامحنى يا الله على هذه الاوامر التى نعطيك اياها و نسميها صلاة . ربنا يدينا ان نكون خليقة جديدة نرضية و ننتقل من الجسد الى الروح .
1- من الجسد الى الروح
2- من انا للمسيح
3- من النفس الى الروح
4- من انا الى الاخر
و الى الهنا كل المجد و الكرامة