روح الإنتصار

Large image

معلمنا بولس الرسول يقولنا كلمة كده لاننا بالرجاء خلصنا في حرب جديده يحاربنا بها عدو الخير اسمها حرب اليأس حرب الفشل يقولك انت مش هتعرف تعيش مع ربنا مش هتقدر تعيش مع ربنا وانت جربت تعيش مع ربنا
ومش بينفع يبقى ايه يبقى ما فيش فائده دي خطه وحشه من عدوالخير يخليك حاسس خلاص انك مش هتعرف تكون احسن من كده انا وحش وهفضل وحش لكن انت لازم تاخذ بالك ان ده حرب وانت ما تسكتش يقول لك انت وحش لكن انا جميل في عين ربنا يقول لك انت مش نافع تقول له لكن طول ما انا في ايد ربنا بقى
ايه ابقى نافع انا افشل وابقى مش نافع اول ما تنزل عيني عن ربنا لكن طول ما انا في ربنا وربنا في يبقى انا نافع انتم عارفين يا اولاد لما عدو الخير يحارب واحد علشان يوقعه في الخطيه هدفه من الحرب مش انه يقع في الخطيه امال هدفه ايه هدفه مش انت تغلط هدفه انك تبعد ويوقعك ثاني مش علشان تغلط ثاني علشان تبعد ثاني وتغلط ثالث مش علشان تغلط ثالث امال علشان ايه تبعد ثالث يبقى انت تغلط علشان تبعد لما ابونا ادم اكل من الشجره اكل و رجع لحضن ربنا ولااكل و بعد طيب عدو الخير مبسوط انه اكل و لا انه بعد طبعا انه بعد كونه انه اكل ده موضوع مش مشكله قوي لكن الاهم من انه اكل انه بعد وكان كده الشيطان قاعد مبسوط يقولك ياه خلاص كده تمام اوي اللي كانوا
حبايب مع بعض قوي حصل ايه اتخاصموا خلاص بعدوا عدو الخير بيخلينا نغلط علشان نبعد ويخليك توصل لحاجه بقى وحشة انه ربنا بعيد عني قوي و نقعد نقول لك حبيبي ربنا بيحبك مش باين ربنا ده قريب منك قوي كلام كلام بيحبك قوي و قريب منك قوي حاسس بالكلام ده؟ مش بتحس بكده لان عدو الخير مش عايزك تبقى واحد معه ربنا عايزك تبقى بعيد طيب والبعيد بيفكر يرجع لا دائما البعيد يقول لك انا تائه انا مش عارف ارجع وانا مش قادر ارجع ويوصله لدرجه مش عايز ارجع مش عارف مش قادر وبعد كده يدخله مش عايز دي خطه ايه المطلوب انك تقول يا رب قويني ما غلطتش وان غلطت ارجعلك فاغلط ارجع ثاني لحضن ابويا ياخذني في حضنه ممكن انا اعتذر له وممكن هو يعاتبني و انا اقول له انا اسف وهو ياخذني في حضنه ويقول لى خلاص انت ابني مين يتغاظ عدو الخير بقى انا اوقع الولد علشان يبعد عن حضن ابوه فيرجع ثاني لحضن ابوه ده كده بيغلبني هي دي قصه عمرنا كله
تسمعوا عن ابونا بيشوي كامل مره كان قاعد مع اولاد حلوين زيكم اوعوا تفتكروا يا اولاد انه انا قديس مش بغلط انا بغلط فاء لو له يا ابونا بيشوي معقوله انت
بتغلط فقال لهم اه انا بغلط الفرق بيني وبينكم انا لما بغلط باعمل ايه برجع بسرعه غلطت مغلطش ثاني و ثالث ورابع اصل انا وحش وبغلط كثير انا بكذب فاستمر اكذب بتفرج على حاجه وحشه اتفرج ثاني مش مشكله واحد صاحبي يقول لي كلام وحش استمر اتكلم معه بيجب سيره الناس اقعد معاه اجيب سيره الناس اه ما فيش ضرر نقعد نغلط كتير كده المسافه بيننا وبين ربنا بتزيد ويجي بقى بعد كده و لما بتزيد بعتبر نفسي انه بعيد ويجي بقى عدو الخير يقول لك يخليك تغلط تبعد
ويقول لك بعد كده ما فيش فائده تروح تقول لا ربنا حنين ربنا بيحبني يقول لك مش هيقبلك بيقول لك ما فيش فائده هو انت اللي عملت ده شويه عدو الخير في وقت من الاوقات يقول لك يا سيدي عادي ما كل الناس بتعمل كده ايه المشكله يعني يا سيدي متحبكهاش قوي مش عايز اطلع معقد ويخليك تغلط بعد كده يقول لك انت عملت وعملت الاول يسهل لك الحكايه وبعد كده يصعب لك الحكايه اصل خداع يخليك تحس ان كل الناس بتغلط كل الناس بتعمل حاجات وحشه فينهم الناس الكويسيين بيحكوا لنا عنهم في الكنيسه بس لو كده انت لما بتحب بقى ترجع عدو الخير يخليك تبعد اكثر وبعد كده يقول لك ايه مفيش فايدة ايه الحل انه انا اقول انا لى رجاء في ربنا معلمنا بولس كتب الله لم يعطنا روح الفشل انا ان سقطت اقوم هو ده القصد من
جهادنا مع ربنا انه احنا نقوم كل ما انت يكون عندك رجاء
في ربنا ثقة في ربنا ثقه في محبه ربنا بتخرج مثلا تلعب بترجع من اللعب ده التيشرت اللي كنت لابسه كله عرق والبنطلون او الشورت اللي كنت لابسه يعني الله
ينور مش كده و تروح لماما تحط الحاجه ديه في
الغساله وبعد كده البسها ثاني وانت اول ما تلبسها بتبقى عايز تبوظها ولا تسيبها نظيفه ولا اول ما بتشوف اي
طين بتروح عليه انت بتحاول تحافظ عليها نظيفه لكن بتعرق من اللعب تروح البيت وتحطها في الغساله ماما بتقول لك ايه بتقول لك خلي بالك ده النمرة 16 تحط البتاعة ده في الغساله هل ماما بتقول كده لا طبعا ماما عايزاك نظيف بس في نفس الوقت عايز اكتب حافظ عليها ولا عايزاك تبقى ولد مستهتر و مسافه ما تنزل من السلم تطلع لها بالتيشيرت كله طين تروح تقول لها اصل انا نظفت السلم به الجسد بتاع ماده ربنا ضانا الجسد بتاعنا ده عايزك تحافظ عليه لكن لنفرض انه غلط ربنا يقول لك تعالى انظفك هو مش عايزك انت تفسده لكن لنفترض انه جسدك ده غلط ربنا بيقول لك تعال انظفك
ربنا بيحبنا و منتظرنا لازم تكون متاكد من كده انه ربنا عايزك ترجع له وبسرعه
من اجمل المناظر التي تؤثر فيك في الكنيسة لما تشوف حضن الاب عارف ايه هو حضن الاب في الكنيسة
هل في حضن في الكنيسة؟ جوه الهيكل بتلاقي حته مجوفه التجويف ده يعني حضن تدخل الكنيسه تحس حضن ربنا لك مفتوح اذا انا مقبول ولى مكان وانا ربنا بيحبني لازم اكون متاكد من كده مين اللي عايز يقول لي لا ما فيش لا حضن ولا يقبلك ومش طايقك ومش عايز يشوفك و ما تروحش لو انت صدقت الافكار ده تخسر كثير لان انت بتخسر اغلى حاجه في حياتك حضن ابوك بتخسر من أنك تحس انك ابن للملك فا لخساره ده خساره كبيره قوي خسارة مش ممكن ابدا تعوضها لان انت خسرت ايه خسرت الملكوت هي دي الخساره التي نقع فيها وهي دي المشكله التي نقع فيها علشان كده نقول لك اجتهد اجتهدي جدا تكون متمتع بحضن ابوك
تترمي في حضنه بالليل قبل ما تنام تقول له يا رب اذا كنت اخطات بشيء بعلم او من غير علم احنا بنقول كده في تحليل صلاه النوم قله يا رب معلش اذا كنا اخطائنا جميع ما اخطائنا به اليك في هذا اليوم ده واحد قبل يروح ينام يطمئن انه دخل في حضن ابوه علشان كده عدو الخير لايحبك تصلي تصالح ربنا ولا يكون في سلام
بينك و بين ربنا ولا في عشرة بينك وبين ربنا ولا تحس بربنا وكل ما تحصل الحكاية ده يتحط ما بينك وبين ربنا سور حائط بعد كده حائط بعد كده حائط هنشوف بقى و تسمع ايه اذا كان في 20 حائط علشان كده بيتحول ربنا في حياتكم يا اولاد الي وهم يقعدوا يكلموك عن ربنا اسمع لكن معرفهوش لم احس به لم احس بمحبته ولم احس انه يقبلني لان عدو الخير سيطر عليك بفكره انا
وحش انا بعيد لم يقبلني لم يحبني انت لازم تعرف انه انت عمل يديه انت ابنه زي ما قولنا ان ماما عمرها ما قالت اين التيشرت ده كم مره اغسله لك أه ربنابيقول لك
كده قال الصديق يسقط كم مره سبع مرات في اليوم ثم يقوم ايه ايه اللي خلاه صديق الراجل ده انه سقط ولا انه قام تقدر تقول الشرير يسقط سبع مرات في النهار لو حطينا بعدها ثم قام يبقى الصديق يعني عايز اقول لك ان الشرير والصديق يسقطوا لكن الفرق ما بين الشرير والصديق انه ده لم يقوم والثاني يقوم زى ما يقوللنا ايه الفرق بين يهوذا و بين بطرس & يهوذا باع المسيح وخانه و بطرس انكر المسيح وخانه يعني يهوذا قبض
30 من الفضه عمل بهم ايه راح يسلمهم ثاني يعني ندم يقول كده اخطاتم إذ اسلمتم بريئا و لكن ياس يعني تاب ولكن جاء له احساس يا راجل خلاص مش ممكن يقبلك وهقعد الشيطان يخنقه بالياس لغايه ما موت نفسه لكن بطرس خان ربنا برده لكن عمل ايه خرج خارجا وبكى بكاءا مرا مين مين اللي عارف القلب علشان كده حتى لو غلطنا نتوب ولازم نكون واثقين انه ربنا بيقبلنا احنا كلنا بنقولها لانك لا تشاء موت الخاطئ مثل ما يرجع ويحيا
ربنا عايزنا نغلط ولا عايزنا نرجع؟ عايزنا نرجع عايز اقول لكم على حاجه انت عارف انه لو جاء واحد يضرب واحد يوقعه و بعد ما وقعه الذي وقع ده استمر في الارض القوه بالنسبة الذي وقع ده. ده شئ وارد و هما بيلعبوا زى في المصارعة عمرك شوفت بتعد للمصارع ده والمصارع ده وقع كام مرة و لا مين اللي يثبت في الاخر و كل ما لقيت المصارع بيقع و يقوم كل ما بيكبر في عينيك مثلا ملقناس واحد بيضرب و بيقع ولقينا قاعد تحت كده منكمش ده بيقوم ثاني و يضرب ثاني و تجيله قوة كبيرة يضرب ثانى. احنا لازم نعمل كده لو عدو الخير وقعنا اقوم
المصارعه ده لها قانون المصارعه عند ربنا عند ربنا لها قانون ثاني خالص عايزك تفهم القانون ده اللي بيقع ويقوم عند ربنا بحسب الرياضه نعتبر ان احنا في ماتش الذي يقع ويقوم ليه سبع نقط انت واحد جاء ووقع20
مره كده يبقى مهزوم ولا كده ليه كم نقطه كده له 140
نقطة بس ايه اللي اعطاه 140 نقطه انه وقع بس ولا انه وقع وقام؟ طبعا انه وقع و قام عشان كده مره الشيطان كان بيحارب راهب ولقاه ان كل ما يحاربه يقوم عارف الشيطان قال له ايه ؟ قال له انا مش هحاربك ثاني اصل كده انت بتاخذ نقط على حسابي انا اوقعك انت تقوم انا اوقعك انت تقوم انت كده بقيت في عين ربنا جميل وانا مش عايزك تبقى كده قاله لا اعود اهاجمك بعد لان بهذا تأخذ اكاليل اكثر إذا احنا علينا لم نياس لو عملت خطيه وحشه ترفع يدك الى الله وتقول ارحمني يا الله كعظيم رحمتك قول يا رب جميع ما اخطانا إليه اذا كان بالفعل او بالقول اوبالفكر او بجميع الحواس اصفح و اغفر يعني اى حاجة انا عملتها حتى لو كان غلط ربنا بيقبله و يغفرله عدو الخير عايزاك تياس عدو الخير مش عايزك تغلط مش علشان تغلط بس علشان تبعد ولكن انت تقول له وان سقطت اقوم وكل ما اقوم اكثر كل ما اثبت عندي رجاء في محبه ربنا اكثر و عندي ثقه في مواعيد ربنا اكثر و بكده احنا كده ايه بننتصر في حياتنا و بتذوق حياه الغلبه في حياتنا تبص تلاقي عدة الخير يقول واضح انه الولد ده مصمم يبقى مع ربنا و ياخذ نقط على حسابي يبقي كده اخف من عليه علشان كده تقول بالرجاء خلصنا والله لم يعطينا روح الفشل حتي في مذكرتك حتى في معاملتك مع اصحابك حتى فى معاملتك مع اخواتك لا تقول اخي ده وحش وهيستمر كده ما فيش فائده ما تقولش اصل انا ما بفهمش الماده ده ومهما ذاكرت. ما فيش فائده انت قول يا رب قويني يا رب اسندنى يا رب دبر حياتي

عدد الزيارات 425

العنوان

‎71 شارع محرم بك - محرم بك. الاسكندريه

اتصل بنا

03-4968568 - 03-3931226

ارسل لنا ايميل