لماذا الألام

بسم الاب والابن والروح القدس اله واحد امين فلتحل علينا نعمته ورحمته وبركتة الان وكل اوان والى دهر الدهور كلها امين.
اية يقولها معلمنا بولس الرسول فى رسالته الى اهل روميا اصحاح 8 ان كنا نتألم معه لكي نتمجد ايضا معه امنا السيده العذراء كانت حياتها مليئه بالإلام رغم ان احنا احيانا نفتكر ان الالام للناس الاشرار كثير الألم يهز علاقتنا مع ربنا كثير الألم يكون مرفوض كثير الالم يكون مش مفهوم لكن عندما نقترب من امنا الست العذراء تجدها بنت صغيرة يتيمة توضع في الهيكل وعندما توضع في الهيكل لما تكبر مش عارفين يودوها فين محتارين في امرها انسان ما لوش بيت والكنيسه متبنياة ومش عارفه تحطه فين لحين ان وجدوا شخص كبير السن ربنا هو اللي اختاره ليها يوسف النجار يوسف النجار هل ممكن نضمن لامنا الست العذراء حياه كويسه ؟! لا مش قوي يوسف كان كبير السن وثانيا مهنته كانت بسيطه مهنه النجاره النجار عندما يكبر في السن تصبح يده غير قويه في الشغل شغلته بتضعف يوسف النجار كان وصل لمرحله انه لا يصنع شيء لكنه يصلح الكرسي ترابيزه فكان دخلوا بسيط جدا الست العذراء لما تولد ربنا يسوع المسيح وبعد ذلك يقول له اذهب الى مصر النجار عندما يذهب الى بلد غريبه عنده لا يكون لديه اي زبون اذا ليس لديهم دخل الست العذراء فقيره ليس لديها احد وعندما جاءت بربنا يسوع المسيح وراءته من بدايه خدمته رأتة امور مش كلها ماشيه كويس عليه مؤامرات وخيانات لحين ان رايناها وهي ترى ابنها يصلب العذراء حياتها فيها الام الالام مش للناس الاشرار عندما تاتي لك اى تجربه شيىئين لا تفكر فيهم لا تقول انك انسان وحش او تقول ربنا فعل بى بكذا الالام طبيعه البشر هذه على الكل الكويس واللي مش كويس الالام ليست لناس معينة ثانيا ما تقولش ربنا عمل معايا كده هو ربنا مش بيعمل كده ربنا بيسمح بكده ما فيش حد بيجي له مرض ربنا بيجبهولوا الله يسمح به فقط القديس باسيليوس لدية كتاب جميل اسمه الله غير مسبب للشرور مش ربنا اللي عمل كده لكن بيسمح بكده لخيرنا الالم لاربع اشياء اولا لنتوب ثانيا لنتواضع ثالثا لنتعلم رابعا نشارك
اولا لنتوب :-
ممكن انسان يدخل في تجربه او الم معين يجعله يتوب ويرجع الى الله ممكن تجربه تجعل انسان يبدا يفوق لنفسه بعد ما كان ملهي ممكن تجربه تجعل شخص يبدا يراجع نفسه ممكن نعتبر ان التجارب فرصه للتوبه فرصه للتنقيه التجارب تجعل الشخص يقرب اكثر لربنا في تعبير يقولوا الاباء لطيف شويه التجاري مكاوي يسوع الله ينيح نفسه ابونا بيشوى كامل كان يقول على التجارب عمليات تجميل شيء لصالحنا التجارب مفيده لنا هي مؤلمه لكن ان كنا نتالم معه لكي نتمجد ايضا معها معلمنا بولس في رسالته للعبرانيين اصحاح 12 يقول على التجارب كلمه جميله لكي نشترك في قداسته ان كنا نتالم معه لكي نتمجد ايضا معه لكي نشترك في قداسته واحد من القديسين يقول كلمه عجيبه جدا لا تتعلم ما لم تتألم الشخص اللي بيتالم تجده يقرب من الله مثال الذهب في عيار 18 وعيار 21 وعيار 24 الفرق بينهم درجه النقاوه درجه النقاوة كل ما كان العيار اعلى كل ماكان سعره اغلى معنى انه نقي من الشوائب ينقي من الشوائب بالنار النار جعلته اغلى يقولوا على الناس بتوع الفضه عندما يصنع صنيه فضه متى تعرف ان هذه الصينيه فضه من نوع جميل عندما ترى وجهك فيها التجارب تجعلنا نرى يسوع لكي نشترك في قداسته ممكن التجارب تكون للمنافع التجارب لنتنقى لنتوب لنقترب التجربه تجعلني شخص أفضل القديس ماراسحق السريانى يقول ان كنا خطاه فبالضيقات نؤدب وان كنا ابرار فبالضيقات نمتحن سواء كانت لتأديبنا او لاختبارنا فان هذا يقودنا الى تزكيتنا ونقاوتنا التجربه ممكن تقربني من ربنا ممكن ان تنقيني ممكن ان تشفيني من خطايا كانت مسيطره علي فترات طويله لكي نشترك في قداسته التجربه اصبحت للمنفعه ان جدران السجون وجدران المستشفيات سمعت صلوات افضل من التي تصلى في الكنائس يونان في بطن الحوت قال من جوف الهاوية صرخت ممكن التجارب تنقي الانسان جدا عندما تجد لنا تجربه نقول للرب ولا تدخلنا في تجربه يا الهنا وان سمحت فلا تتخلى عنا على احتمال التجارب اعنا اجعلني يا رب اراك وسط التجربه قويني يا رب انا ضعيف انا اضعف من انني احتمل لكن انا واثق فيك انت مين الذي يشيل عني من الذي يشيل معي من الذي يقويني من الذي يسندني ويفرح ويفرحني ويرفعني التجربه ممكن تطوب التجربه ممكن تجعل الانسان يتنقى لان الانسان بيكون شويه مغرور شويه ملهي شويه متكل على اشياء اخرى الانسان بيكون مش فاضي يلتفت لربنا ولا يهدى شويه الانسان اخذ في دائره عنيفة واحيانا ربنا يقول له لابد ان نقف وقفه هاديه شويه في الحياه الانسان مش بسهوله عشان يهدى احيانا ربنا بيسمح بشيء تجعل الانسان اعاده تقييم لحياته لاموره لبيته لنفسه اولا التجربه لكي نتوب اشكرك يا رب كان يوجد بنت سباحه عالمية تاخذ جوائز وبتحضر حفلات وتكريمات وسفر في احدى المرات وهي تنط نطه غلط فاصيبت بالشلل وجلست على كرسي متحرك وحالتها اصبحت صعبه جدا واخذت فتره لديها اكتئاب نفسي و فتره متالمه جدا حد ارشدها وقال لها اقرءى في الكتاب المقدس فقرأت لحين ان اللة فتح عينيها على الكتاب المقدس وبدات تكون فرحة ومتعزيه وفى احدى المرات ذهبت لمكان وهى جالسة على الكرس فجاءت الناس ليسلموا عليها وهم فى حزن شديد لاصابتها فقربت البت وقبلتة هذا الكرسي وقالت هذا الكرسى الذي عرفني ربنا انا كنت ملهيه كنت عايشه لنفسي وما افتكرش ربنا خالص.
ثانيا التواضع:-
الانسان شايف نفسه انه جدع شايف نفسه يعرف ويقدر شايف نفسه اشياء كثير انا ما انا احيا لا انا بل المسيح يحيا فى انا تراب داود النبي قال قبل ان اتواضع تكاسلت الانسان من ضمن اهداف الله من التجارب ان يتوب وان يتواضع المزمور يقول لان الرب لا يسر بساقي الرجل بل يسر الرب بخائفيه والراجين راحته سقي الرجل بمعنى قدرتة الانسان كتير جدا بيكون واثق جدا في قدرته في نفسه واثق فى جسدة في رأيه واثق في امكانياته وعندما تاتي له بتجربه يصبح ولا شيء ضعيف جدا الانسان في الحقيقه كثير من الاحيان بانفصاله عن ربنا ما بيفهمش مقاصد الله وبانفصاله عن ربنا يريد ان يقيم نفسه الة حاسبة وهذة مشكله ابونا ادم من الاول يريد ان يقيم نفسه الة احبائي نحن حياتنا اصلا من اللة عندما ننفصل عن الله نفقد الحياه تشبيه بسيط خالص لما ربنا احب ان يخلق السمك فسال مين عشان السمك فسال البحر ان ياتي بسمك بالسمك وكل الكائنات البحريه لكي تعيش في البحر لما ربنا خلق الزرع استاذن التربه لو شلنا السمك من البحر السمك يموت لو شلنا الزرع من التربه الزرع يموت لانه هو حياته وعندما جاء اللة ليخلق الانسان سال ذاته نفسه هل الانسان هياخذ مصدر حياته من اين ؟! هيتغرس فى الرب فخلق الله الانسان على صورته ومثاله اصبح الانسان اصل وجوده من اللة مثل ما الزرع اصل وجودة من التربة اذا الانسان لو خرج بره ربنا يموت عندما يعيش الانسان خارج الله يفرفس كل انسان خارج اللة يعيش تعيس لاني بدور على مصدر لحياتي خارج المصدر الحقيقي عايز اخلي من نفسي مصدر حياه انا ما اعرفش اكون مصدر حياه احيانا الانسان بيتكبر ويفتكر نفسه انه شاطر ويعرف التجربه احيانا تجعل الانسان يفوق يتواضع ايوب البار كان واصل لدرجه انه راى نفسه انه جدع وشاطر وفي الاخر قال انا بليد انا بسمع الاذن سمعت عنك اما الان قد رأتك عيناي ما اجمل ان الانسان في التجربه تعطي تواضع انا ما التجربه مفاجاه على الانسان يتواضع التجربة تجعل الانسان يتواضع نقول انا من غيرك يا رب انا انكشفت من غيرك انا بان عليا كيف انا ضعيف من غيرك انا باين عليا ان علاقتى بيك علاقة ضعيفه احيانا الانسان تكون علاقتة بربنا علاقة انانية بدل ما اكون انا اللى خاضع لربنا اريد ان اللة هو الذى يكون خاضع لى في خطر فى علاقتنا بربنا اكون انا مصدرها انا محورها كأن الله هو الذي عبد عندي فحين انا الذي عبد عنه مين المفروض يخضع لمين انا احيانا حابين ربنا يكون بالعكس يوجد اربع درجات اول درجه لو ربنا عمل لي اللي انا عاوزه يبقى ربنا حلو لو ربنا ما عمليش الا انا عايزه يبقى ربنا نص حلو لو ربنا عمل لي عكس اللي انا عاوزه يبقى ربنا مش حلو لو ربنا استمر يعمل لي عكس اللي انا عايزه يبقى ربنا مش موجود هل انا الذي اعطي الله درجات هل انا الذي اعطي الله الامتحان مين عند مين يا رب ده انا عبدك وابن امتك عرفني يا رب الطريق التي اسلك علمني ان اصنع مشيئتك انا اللي عمال اقول له لتكن مشيئتك يا رب في صلاه المشوره نقولة يا رب لا تتركني ومشوره نفسي لانك انت تعلم الصالح لي اكثر مني ما تسيبنيش يارب تخيل الانسان من كبريائه يريد ان الله يمشي على هواه من كبرياء يريد ان الله ينفذ له اوامره اصبحت انا الذي امر ولو ما عمليش اللي انا عايزه لتكن مشيئتك في كل حين نافذه ونحن لها خاضعين يا رب لتكن ارادتك التجربه تجعلني اتواضع اعلم اننى لا شيء اعلم انى انا ضعيف ارحمني يا رب فاني ضعيف اعرف انني ما اعرفش اعمل حاجه لان ربنا قال لي بدوني لا تقدروا ان تعملوا شيء اذا التجربه المفروض تجيب لي التواضع وخضوع واحد في العهد القديم اسمه اخاب الملك كان شرير جدا وكان بينة وبين ايليا النبى تحدي الرب لا يكون طل ولا مطر الا عند قولي فى احدى المرات قال له انت مكدر اسرائيل انت اللي جايب المجاعه اللي احنا فيها ايليا قالوا بل انت بيت ابيك اخاب عندما سمع من ايليا ان ربنا هيتصرف معة ربنا يعمل مجاعه وجوع اخاب تواضع فلما سمع اخاب هذا الكلام شق ثيابه وجعل مسحا على جسده وصام واضجع بالمسح ومشى بسكوت ربنا قال لايليا هل رايت اخاب عندما تواضع فى ملوك الاول اصحاح 21. قال هل رأيت كيف اضجع اخاب امامي فمن اجل انه اضطجع امامي لا اجلب الشر في ايامة بل فى ايام ابنه اجلب الشر عشان كده التواضع جعل اللة ينظر ويرحم التجربه ممكن ان تجعلني اتواضع والتواضع يجلب مراحم كثيره جدا.تجعلك تفهم فكر الله لو ربنا اراد بتجربه فيكون القصد منها ان نقترب لا ان ابتعد ان نتواضع لا ان نعاند ان نخضع لا نتمرد امنا الست العذراء التجارب جعلتها تصرخ آلية جعلتها تدرج انها ليس لها الا هو جعلتها تقترب تسبح تمجد معلمنا داود قال لة كلمه جميله لكنها صعبه خير لي انك اذللتني مين الذي ذلك يا داود في الحقيقه مش ربنا الذى اذلة لكنة شاول مين اللي بيطارد داود شاول في الحقيقة داود فهم ان الموضوع مش شاول الموضوع من ربنا فقال له خير لي انك اذللتني لما واحد شتم داود الرب امر اللي بيعرف يربط الامور انها من يد الله واحد لاتوب ثانيا لأتواضع .
ثالثاً لاتعلم:-
غرور الانسان وفكر الانسان احيانا يكون فاهم الحياه بشكل مختلف تماما عن مقاصد الله احيانا الانسان بيكون فاكر الامكانيات هي اهم شيء احيانا انسان يكون فاهم ان قدراته ذاته وعلاقاته هي الدنيا باللي فيها احيانا بيكون فاهم ان المناصب الولاد تعليم الولاد مناصب الولاد احيانا الانسان يكون فاهم اشياء عن الحياه في الحقيقه كلها غش التجارب بتعلم ان كل هذا ولا شيء كان يوجد سيدة غنية جدا واصيبت بمرض صعب وفى ايامها الأخيرة فقالت لهم انا كنت أملك العديد من الطائرات الخاصة ممكن ان اذهب الى اى مكان فى العالم والان لا استطيع ان اخرج خارج المستشفى كان لدى عربيات من كل الماركات واما الان لا استطيع ان اذهب الى الحمام الا وانا على كرسى متحرك كنت أملك من الفساتين الكتير والكثير واما الان فانا ملفوفة بقماش فى المستشفى كنت اكل فى اشهر المطاعم واما الان فيعطونى الطعام كسائل لاننى لم استطيع ان اكل ان الحياه بتاعتنا مش من المال ولا من قدراتنا ولا من ولادنا ولا من مناصبنا ولا من معارفنا كل هذا لا ينفع اربط ابنك بربنا وببيت ربنا الحكيم يقول توجد ثروه لضرر صاحبها والذي يحب الفضه لا يشبع من فضه كان راجل رايح يعمل عمليه قلب مفتوح اخذوا منه مبلغ كبير جدا وكان اخذ الفلوس في شنطه رحلات شنطه كبيره فقال عبارة صعبة جدا الفلوس كانت في الشنطه اكنها ورق جرائد وكأنه بيقول لهم خذوا الفلوس دي ويا رب ارجع زي الاول ابقى كويس التجربه تجعل الشخص يتعلم لا تتعلم ما لم تتألم تجد الناس اللي حياتهم فيها شويه ضيقات عندهم نضج اكثر من الناس اللي حياتهم سهله انظر الى ابنك قبل ثانويه عامه وبعد ثانويه عامه بعد ثانويه عامه بيكون نضج شويه تحمل المسؤوليه لانه بدأ يذاكر وبدأ بدأ وعندما تحمل المسؤولية وتألم اصبح شخص افضل الاوائل بيطلعوا دايما من الاماكن اللي اقل اجتماعيا لم تجد اولاد عايشين حياة سهله بيذاكروا كتير ممكن الالام يثمر فينا واحد من القديسين قال اقصى ما يقلقنى الا اكون جديرا بألامى الالم لا يثمر في المفروض ان الالم يثمر في الست العذراء متالمه جعلها شخصيه صابره جدا قويه جدا كل هذا جاء من الآلام الالام يجعلني افهم الدنيا بشكل اوسع اللي كان فكري اهم حاجه في الدنيا الوظيفه اهم حاجه عندي ابدا ابدا مش هو ده اهم حاجه ممكن تلاقي شاب مريض طفل بيموت ممكن تجد كل هذا ان الالام الزمان الحاضر لا تقاس بالمجد العتيد ان يستعلن فينا ممكن الالم يجعلك تعرف حقيقه الحياه وحقيقه نفسك انك كنت مخدوع انك كنت فاكر لو هتعمل كذا هتوصل لكذا ابد فى سفر يونان وهو بيصلي قال الذين يراعون اباطير كاذبه يدركون نعمتة للدنيا واخداه ومجد الدنيا واخده حقيقه العالم انه عالم يمضي حقيقه العالم انه لا يوجد شيء دائم او ثابت الانسان يتعلم ان البيوت لا تنفع المقتنيات لا تنفع حقيقه الحياه كذلك حقيقه الحياه ان الشخص فاكر انه لو كان معاه اكثر يكون مطمئن اكثر ابدا صدقني لو معك اكثر ممكن تكون قلق اكثر ما اجمل انك تكون واثق في ربنا وتدبيره وشاكر ومطمئن وعارف تعيش وانت راضي وتعرف ان مش لما يكون معك كذا تبقى اكثر سعاده ابدا هتعرف من خلال الحياه اللي انت عشتها ان اهم ما تكون انت تركت لاولادك ايه تركت فيهم ايه بدل ما تكون مركز سبت لاولادك ايه لا سبت فيهم ايه يقول اهتم بما تتركه فيهم لا بما تترك ليهم لابد ان الانسان يتعلم يفهم الدنيا لكن للاسف الانسان ممكن على ما يوصل هذا الكلام يكون افنى عمره ضيع سنين اتنين اخوات ستات بنات متجوزين اثنين اخوات رجال بيشتغلوا تقريبا في نفس المجال تجاره الاقمشه والستائر واقمشه المفروشات وكذا ولد كبير ولد صغير الصغير اكثر تطورا يعرف يدخل على الانترنت ويعمل صفحه للمحل وبعد ذلك سافر الصين وبدا يكون مستورد كبير واخذ شقة اخرى الاخت الاكبر كانت متضايقة جدا وكانت تقول لزوجها انظر عملوا ايه صيفوا فين والكبير فكره شويه محدود مش عارف يعمل هذا الكلام مراته مخليه حياته جحيم زي ما يقول عشيه وباكرو وقت الظهر احدى الايام تعبت الاخت الاكبر فاخذت مسكنات لم تجد نتيجه عملت اشاعه وتشخيص طلع عندها كانسر في العمود الفقري ماذا حدث بعد ذلك بدأت ان تاخذ كيماويه وشعرها بدا ان يقع اصبحت لا تتكلم ولا تقول اى شئ عن اختها وزوج اختها الشخص لابد ان يتعلم بعد ما اتوب واتواضع واتعلم .
رابعا اشارك:-
لما اعرف حاجه اتعلم منها واشارك فيها الانسان المتألم اكثر حد يقدر يشارك المتالمين وكلنا عارفين الايه فيما هو قد تالم مجربا يقدر ان يعين المجربين اللي جرب يفقد احد ابوه او امه او اخوه او اخته اول ما يسمع فلان توفى يجري ويساندهم اللي عنده حد دخل مستشفى يشارك التجربه اثمرت فيا روح مشاركه جعلتنى اكثر شعورا بغيرى لانني اجتزت نفس الشعور نفس الالم عشان كده اقدر اقول لك ان اكثر حاجه التجربه ممكن تفيدك انك تعرف انك تشارك وتقول لحد كلمه حلوه تسنده في عبرانيين يقول " انه ليس لنا رئيس كهنه غير قادر ان يرصى ضعفاتنا بل مجرب في كل شيء مثلنا" ربنا يسوع المسيح جرب الفقر جرب الخيانه جرب التآمر جرب الالم جرب التخلي جرب ان يتركوا لوحده جرب انه يجرح في بيت احبائه قبل الصليب كان يتمنى ان التلاميذ يسهروا معه فناموا فصحاهم ثلاث مرات عشان كده الكنيسه عامله لنا صلاه نص الليل ثلاث خدمات وكان الكنيسه بتقول لربنا يسوع المسيح تلاميذك تركوك لكن احنا مش هنسيبك هم سابوك ثلاث مرات واحنا هنسهر لك ثلاث سهرات هنفضل معاك سهرانين لحد ما تيجي في الاخر قال لهم ناموا اما الروح فنشيط اما الجسد فضعيف ناموا التمس لهم عذر في تجربته يحب ان يكون الشخص بجانبة نحن اعضاء جسد واحد معلمنا بولس قال من يضعف وانا لا اضعف كيف اسمع الانسان في شده او في ضيقه وانا اتفرج التجربه تجعلني اشارك لابد ان اتعلم يمكن يكون الشخص لما يجد حد شاعر بة وبتجربتة صحيح انا مش قادر اشيل عنة لكن قادر اشيل معاة ولكن وجودك جانبة يعزية يشفيه ويساعده عشان كده اقدر اقول لك التجارب تجعل الانسان يخرج من انانيته يخرج من عزلة نفسة اخرج من الانا تجعلني اشارك واشارك باحساس افضل لانة يوجد احساس المجامله وفي احساس المشاركه المجامله واحد راح يثبت حضور وخلاص اتعلم اخرج من انانيتك اخرج من عزلتك لانة قال كنت مريضا فزرتموني معلمنا يوحنا قال انا اخوكم وشريكم في الضيقه اذا الشخص الذي يتألم ممكن يشارك بشكل افضل احذر من ان تزور لشخص متالم انك توعظ فيه لا قول لة انا حاسس بيك ربنا معاك ويسندك اكيد الله هيعطيك قوة كتير من المتالم يريد ان يسمع منك انا معك المشاركه في الالم انك تنظر كيف ان تفعل انت احيانا يكون الوعظ عند الالم قسوه يابخت الشخص الذى يعرف يشارك المتألمين لما هتزور متألم او شارك متألم انت شاركتني انا ان كنا نتألم معه لكى نتمجد ايضا معه عندما يسمح اللة لى بتجربة لابد ان اتعلم اربع اشياء مهمة جدا اولا اتوب ثانيا اتواضع ثالثا اتعلم رابعا اشارك ربنا يبارك فيكم ويكمل نقائصنا ويسند كل ضعف فينا بنعمتة ولربنا المجد الدائم الى الابد امين.