المقالات

24 مارس 2024

أحد التجربة

إنجيل هذا الصباح المبارك يا احبائي هو أحد التجربة على الجبل ،كلنا نعلم الثلاث تجارب التى جُرب بها رب المجد يسوع يسوع عندما جرب، ما كانش هو المقصود بالتجربة لكنه اخضع نفسه الى التجربه كنائب عن الجنس البشري بأكمله ،يسوع داخل يتجرب بدل عنا يسوع سمح لعدو الخير ان يحاربة في نقاط سبق وان الانسان اتهزم بها عشان زي ما الانسان الاول بل والخليقه كلها انهزمت من عدو الخير في حروبة والمتعدده ،جاء ربنا يسوع يحول الهزيمه الى انتصار يحارب عنا ،ويحارب بدل منا ،فكنائب عننا بيتحارب ،وعدو الخير متجاسر لا يوجد له حدود، لا يخجل ولا يستحي،القديس ابو مقار يقول عنه انها بلا حياء عامل زي الذباب لما تيجي تهش الذبانه ما تتكسفش، تبصي تلاقي تيجي ثاني تهشها ثاني تيجي ثاني ،عدو الخير بلا حياء ،جاء متجاسر يجرب رأس الخليقه باكملها تارك ممالك الأرض كلها بيخضع نفسه النهارده للتجربه، عشان يقول لنا انا النهارده باجرب وعاوزه احول هزيمتكم الى انتصار اول حرب حرب الخبز قال لة قول للحجارة ان تصير خبز، ماقالهوش الكلام ده في الاول لكن قال له الكلام ده عندما جاع،تركة لحد ما يجوع،وبعدين قال له انت جعان اشفق على نفسك ،انت تقدر تجعل الحجاره تبقى خبز قول للحجارة ان تصير خبز،جاء ليحارب رب المجد يسوع بتجربه الأكل تجربه الطعام، نفس التجربه اللي سقط فيها ابونا ادم وامنا حواء وقال لهم كلوا من الشجره الأكل وكأن عدو الخير خبير بطبع الإنسان انه يميل الى اشباع احتياجاته وعارف نقاط ضعفه ،بيقول لك كده ربنا سمح ان الإنسان يكون كائن جائع ،لو كان ربنا اراد ان يخلقنا بطريقه ان احنا ما ناكلش كان ممكن ، يوجد خليقه لربنا ممكن تكون بتتغذى بطرق غيري طرق الاكل،مش كان ممكن نمشي بالطاقه؟ نمشي كان ممكن نمشى بالتمثيل الضوئي كان ممكن لكن اللة خلق الانسان كائن جائع لية؟؟ لكي ما يتحول الطعام الى وسيله حب بيننا وبين الله،ابونا ادم وأمنا حواء قبل السقوط عارف اللي كان بيحصل ؟ كان ربنا بيطعمهم بيده كانوا ياخذوا الطعام بيد ربنا وللاسف عدو الخير غار، وحسد، وقال لهم بدل ما تأكله من يده هو، كلوا من ايدي انا، كانت النتيجه كلنا عارفين ،فجاي ربنا يسوع يقول،انت جاي ثاني ،تحاربني بحرب الطعام ،عاوزني اكل من يدك انت،لا لأنة مكتوب ليس بالخبز واحده يحيا الإنسان،بل بكل كلمة تخرج من فم اللة ولحد الان احبائي عدو الخير بيحارب الانسان بتجربه الخبز الجوع ولو تنظر الى موضوع الاكل فى الكتاب المقدس هتلاحظ انة كان سبب لسقوط كثيرين تلاقي واحد زي عيسو يبيع بركه كبيره بأكله ،يقول له بعلى باكوريتك قال له يا سيدي وماله بلا باكورية بلا بتاع، انا ماضي الى موت، هتنفعني بأيه البكوريه اعطيني الاكل البكوريه دي يعنى الكبير بتاع البيت،ياخذ ميراث الضعف،ويأخذ بركه ابوه والنسل باسمة وامتداد لبركه ابوه وهو كاهن البيت،هو ده كبير البيت قال له كل الكلام ده لا يعنيني بحاجه،يعنيني اني اكل دلوقتي ،الانسان بيسقط من الجوع من احتياجاته ،عشان كده تلاقي ربنا يسوع جاي يقول لك لا انا هحاول كنيستي كلها الى كنيسه صوامه،تحب الصوم،يقول لعدو الخير.انظر الى ولادى وبناتى انظر الى كنيستى كلها صائمه غلبوا الاكل وغلبوا شهوه البطن واحتياجاتهم، وقالوا نحن لا نحيا بالخبز وحده، تعال كدانظر الى شعب بني اسرائيل الخبز عمل فيهم ايه قالوا عاوزين نأكل فين الأكل بتاع ارض مصر، وقالولوا عاوزين البطيخ والكرات والثوم والبصل، الاكل بتاع مصر ،وخذ بالك الثمار بتاعه ارض مصر كانت ثمار تنمو على الارض ثمار ارضيه لكن ثمارارض الميعاد ثمار سماويه العنب والتين والرمان والحاجات اللي فوق، لكن الانسان شهواني بطبعه،مغلوب من بطنه من الاكل ،جاء ربنا واعطاهم المن، قالوا برضه مش عاجبنا ،قد سئمت انفسنا هذا الطعام السخيف.الطعام احبائي وسيلة لغلبه الإنسان ،لدرجه ان الاباء القديسين يقول لك على البطن يسموها كده سيده الاوجاع عشان كده احنا في الصوم بنغلب شهوة الأكل الاباء القديسين يقولوا بطن امتلئ بالاطعمه لا يوجد مكان لمعرفه اسرار الله،ويقول لك عود نفسك ان تأكل ما تحتاجه وليس ما تشتهية البطن الصائمة تسجن جميع الرزائل بتموتها عدو الخير جاء يحارب رب المجد بالطعام، لكنة غلبه لم ينغلب للاحتياجات الطعام رغم انه جاع لانه كان يمثلنا كأنسان كان بشرى حقيقي ،جسد حقيقي يقولك اذا شارك الاولاد فى اللحم والدم اشترك هو ايضا فيهما فهو ايضا كان لحم ودم وبيجوع فجاع وقال لة مش هخضع لك ابدا إحنا في الصوم احبائي هذه البركه لابد ان تنتقل إلينا انني اشعر بالجوع، لكنة جوع مقدس الجوع الذي يهيئني ان أكل من طعام الملائكه الجوع الذي يهيئني ان اكل من خبز اخرهو غذاء كلمه اللة تخيل انت لما تجوع وتلاقي نفسك رددت مزمور تلاقي نفسك شبعت كلنا احبائي ممكن نكون صايمين فتره طويله ونحضر قداس ونتناول نخرج مش عاوزين نأكل رغم ان احنا جعانين ،شهوه تبدلت بشهوه اخرى في احتياج سد احتياج في غذاء بدل غذاء ربنا يسوع جاء ليعلمنا هذا جاء يعلمنا في الصوم انه ما نخضعش ابدا الى احتياجتنا يقول لك عن واحد من الاباء القديسين ،مره اخذ تدريب يصوم فتره انقطاع لفتره طويله شويه وبعد ذلك جاع فقال خلاص ما فيش حاجه لو اكلت دلوقتي يلا هأكل فبدا يجهز الأكل وبعدين ضميرة تعبه ،قال وبعدين ده انا كنت هصوم لحد الغروب دلوقتي الساعه 3:00 وانا كنت هصوم لحد سته وبعدين قال بس انت جعان، يلا وبعيد فاق فبيقول لك اخذ يخاطب معدته،بس اللي معدته قال لها ما دومتى قد طلبتي الذي في غير ميعاده ،فلن اعطيكى الذي في ميعاده طالما انتي قولتي ااكل بدري ،انا بقى مش هأاكلك في الميعاد اللى كنا متفقين علية هازود كمان طالما قد طلبتي الذي في غير ميعاده فلن اعطيكى الذي في ميعادة ناس غلبت هدف الصوم زي ما ربنا يسوع المسيح صام ولم ينغلب الى شهوه الطعام عدو الخير يتفنن في الوسائل عشان كده احبائي حرب الأكل دي يا ما بتبعد الناس تبص تلاقي الخبزاسمة اكل العيش تلاقي الانسان شقيان و تعبان يقول لك اكل العيش منصرف عن اللة يقول لك اكل العيش الحكايه جايه منين جايه اساسها من الاكل من الطعام فحين ان الإنسان لو شاف احتياجه من الأكل هيلاقي اقل بكثير جدا من ما بياكل يقولوا ان معده الانسان قد قبضه يده كل واحد فينا يشوف قبضه يده مساحتها قد ايه يبقى دي معدته شوف قبضه اليد دي تملئها قد اية من الأكل؟! يعني الاحتياج بتاع الانسان بسيط جدا لكن الانسان هل بيأخذ احتياجه بس ولا بيتبع شهواته ؟ عشانةكدة احبائي هتلاقي الصوم فرصه جميله جدا لضبط الاحتياجات والتفانى بالروح على حساب الجسد فيخضع الجسد الى الروح ،عشان كده احبائي زي ما ابونا ادم وأمنا حواء كانوا بياكلوا من يد الله فى حالة الفردوس احنا دلوقتي بنصوم ونتناول عشان نقول احنا مش هناكل من يد الشيطان ونرفض ان احنا ناكل اي حاجه ابدا هناكل من ايدك انت يا رب يسوع ناكل وبدل ما الاباء الاولانيين اكلوا من ايد عدو الخيرأكلوا وسقطوا وحزنوا وانصرفوا وتعروااحنا ناكل ونسبح ونشكر ونسترونشعر ببهجه شديده دخلت الى انفسنا هي دي تجربه الطعام ثاني حاجه قال لة طيب انت نجحت في الاولانيه فى حرب بيني وبينك من زمان انا جاى اخذ حق اولادي اللي انت غلبتهم من زمان وعمال تغلب فيهم قال له طيب تعال فأخذوا معة على جناح الهيكل قال له ان كنت ابن الله شوف التشكيك إلقى بنفسك، لانه مكتوب،انة يوصى ملائكته بك فيحملونك خذ بالك ،حرب التشكيك عدو الخير بيشكك في رب المجد يسوع المسيح نفسه بيقول له ان كنت انت ابن الله فاكر انت لما قال لامنا حواء أحقا قال لكم الله اصل عدو الخير من شغلته الرئيسيه انه يشكك الانسان فحقيقه وجوده وحقيقه خالقتة وحقيقه الفداء وحقيقه الخلاص وحقيقه انه ابن الى الله، وحقيقه كرامته كأنسان الى الله حقائق كثيره جدا عدو الخير بيحاول ان يشقق الانسان فيها اكيد بتحتك بالانسان و يقول لك فين ربنا اقنعني ما فيش حاجه اسمها ربنا كل حاجه يشكك فيها عدو الخير حربه لا زالت الى الان ولا زال الى الان يصطاد ألوف من البشر في حرب التشكيل يشكك في مواعيده يشكك في رعايته في اهتمامه بك عدو الخير دة شغلة جاى لرب المجد يسوع نفسه يقولة ان كنت انت ابن الله اذا كان تجاصر على رب المجد بنفسة وبيشككة مش هيجي يشككني انا اكيد هيجي يشككني لكن يا ترى لما يجي يشككني بخضع له ولا بحاربه بالمكتوب قال له لا تجرب الرب الهك لا تخيل انت كده عندما ياتي عدو الخير يحربك ويقول لك فكرك ربنا فكرك اقول له اه فاكرني ده مكتوب اننى نقشتكم على كفى من يمسكم يمس حدقة عيني فكرك ربنا هيهتم بك وبمستقبلك وباولادك دة بكره لو الدنيا تغيرت الاولاد تضيع وانت يجرى لك ويجرى لك اقول ازاي بقى ملُقين كل همكم عليه لانه هو يعتني بكم لا تهتموا للغد تخيل انت كده لما ترد على العدو الخير بكلمه يتكسف ويتخزي متى عدو الخير بيتصلت احبائي ؟ لما يلاقيني اضعف وعمال اخد وادى معاة واقولة اه صحيح هنروح فين ونيجى منين اكتر الحروب اللى عدو الخير يهاجم بها الانسان بكرة المستقبل لما الانسان يكون واثق في يد ربنا يقول له كل الاشياء تعمل معا للخير ان عيشنا للرب نعيش وان مُتنا فللرب نموت ان عشنا او متنا للربنا نحن اقول لك طب ممكن حد من احبائك اللى ان متكل عليه يفرقك لو هيفارقني يبقى دي اراده ربنا ولو فارقني يبقى هو راح السما وذاك افضل جدا تخيل انت كده ان اى حرب ومهما كانت ضرباتهاعدو الخير يحربك بها يلاقيك بترد عليه بآيه ،،يبقى ايه الموقف اهو ربنا بيعلمنا كده نقطه ثانيه بيقول لك ارمي نفسك من فوق وتيجي ملائكه وتشيلك قصده ايه قصده يعمل استعراض كده هنشوف بقى هتيجي ملائكة هتشيلك ولا لا هو وربنا يسوع المسيح قادر دي سهله جدا يا سلام من غير ملائكه ماتشيلك ماهو صعد على السحاب ودخل والابواب مغلقه مش على الميه كانت هتفرق معاة كثير يعني لو كان نزل من على جناح الهيكل قالك اولا انا ماانفذلهوش كلامه وثانيا مش هخضع لة وثالثا ايه لازمه ان انا ارمي نفسي من فوق دلوقتي ايه لازمتها لو درست فى معجزات ربنا يسوع المسيح كلها ما تلاقيهوش ولا مره يعمل معجزه لمجرد الاستعراض لا لا فكرك يعني واخد ال 5,000 وطالع بهم الجبل عشان في الاخر يبقى يأكلهم لا دة عندما جاعوا...قال لهم اعطيهم ليأكلوا قالوا ما عندناش طب هاتوا اللي عندكم اعطوهم اللى عندكم يأكلون فاكلوا ايه اللي خلاه يعمل المعجزه الاحتياج الحب اية اللى جعلة يقيم الموتى اية اللى جعلة يشفى المرضى مش مجرد انه عاوز يستعرض فى ناس يا احبائي فكرها ان اهم حاجه يحصل له معجزه في حياته فى ناس بتنمى ايمانها على المعجزه فقط قال لك لا تصور انت ان لما تيجي تدرس في معجزات ربنا يسوع المسيح كلها تلاقي انه ما شفاش كل المرضى شفى نوعيات من المرضى عاوز يقول لك انا شفيت ابرص لأجل ان افديكم من نتن الخطيه اقمت موتى عشان احيكم واخلصكم شفيقت يد يابسه لكي اعلمكم كيف تكون يدكم مبسوطه للعطاء وكيف ترفعون أيادي طاهره للصلاه كل نوعية من المعجزات انا بفك بها مرض مش معنى كده انى بشفى كل المرضى لا في ناس احبائي عاوزه تبني ايمانها على المعجزه فقط لو ماكنش ربنا يعمل يبقى ربنا مش صح القديس اغسطينوس يقول لك ان المعجزه هي آيه لغير المؤمن المعجزه هي آيه لغير المؤمن احنا عندنا إيمان بربنا حتى لو ما عملش معجزه احنا اعظم معجزة بالنسبه لنا انه تجسد وفدانا اعظم معجزه بالنسبه لنا انه صلب ومات وقام وصعد اعظم معجزه بالنسبه لنا انة ارسل لنا الروح القدس اعظم معجزه انه جسدة ودمه مسفوك على المذبح جسد حقيقي ودم حقيقي عاوزين ايه اعظم من كده معجزة مش عاوزين معجزة لما جم يقولوا له اعطيناه آية عاوزين نشوف منك آيه قال لهم اه لا تعطى لكم ايه الا ايه يونان النبي لية يونان ايه اللي جاب ده لدة قال لهم زي ما اهل نينوى تابوا بمنادات يونان هوذا اعظم من يونان هنا عاوز معجزه استجيب لكلمه ربنا وتوب بها وانت تتغير وتشوف اعظم معجزه في حياتك القديس العظيم الانبا باخوميوس قالوا له اعمل لنا معجزه يا ابانا احنا عارفين انك رجل قديس قال لهم مااعرفش عمل معجزه قالوا له تبقى زي قديس لما انت ما بتعملش معجزات ازى قديس قال لهم هو القديس فقط الذى يعمل معجزه.. قالوا له هو ده اللي احنا نعرفه قال لهم مين اللي قال لكم انتم كلهم قديسين ازاي قال لهم اذا أنت بديت بكلمه الله وتاب انسان انت قد اقمت ميتا اذا انت كلمت انسانا بكلمه الله ونخس في قلبه انت قد فتحت عيني اعمى اذا انت علمت انسانا متمسك بالمال حب العطاء انت قد شفيت يدا يابسة ثانيه اذ انت نقلت انسان من الغضب الى الهدوء والوداعة انت قد اخرجت شيطانا فكرك ان انا المعجزه واحد بيصرخ قدامه يصلى وخرج منه الشيطان يبقى دة كدة قديس مش هو ده بس الدليل لا عشان كده ربنا يسوع ما استجبش لحكايه انه يرمي نفسه من فوق لا اية الداعى منظر؟! والناس تسقف لة لا مش هو ده الاحتياج. 1\ الخبز 2\ التشكيك ومن خلال التشكيك بيقول له القي نفسك اخر تجربه والاخيره. 3\ قال له طيب انت نجحت في الاولانيه والثانية تعالا نشوف الثالثه هعطيك كل ممالك العالم بس اطلب منك طلب صغير خالص ان انت تخر وتسجد لي قاله لا دة انت ما عندكش حدود ده انت جايلى مره والثانيه والثالثه بتطلب مني طلب زي ده خذ بالك اوعى تفتكر ان عدوه الخير ما تحاربش الشخص بالفكر ده لا دة راجل كبير ولا ما تحاربش الست دي بالموضوع ده ابدا اذا كان رايح لرب المجد يسوع بيقول اسجدلى مابيقفش عند احد ابدا ولا يشفق ابدا ابدا اذا كان حارب داود النبي اللى قلبة بحسب قلب الله بشهوة اذا كان سليمان الحكيم صاحب كنز الحكمه دي كلها يحاربة بالغنى وبالنساء أوعى تفتكر ان الحرب لها سن اوعى تفتكر ان الحرب لها مده ابدا اوعى تفتكر ان الحرب لها نوع بس لا دى انواع ،وعمال اللي ما يجيش الاولانيه يجي بالثانيه اللي ما يجيبوش بالاكل والطعام يجيبه بنمره اثنين بالتشكيك اللي ما يجيش دول يجيبوا بنمره ثلاثه انه يسجدلى اخضع لى عيش خاضع لى قال له لا للرب الهك تسجد وإياه وحده تعبد عدو متجاسرعدو جاء ليخضع رب الكون كله لنفسه هو كده كم واحد النهارده بيخضعوا لعدو الخير كثير وحروب وفخاخ وحيلة زى مابنقول في صلاه جحد الشيطان كل حيلك الرضية و المضله و كل جيشك وكل نفاقق بنجحده فرب المجد يسوع النهارده بيجحد لنا الشيطان اللي غلبنا قبل كده قال له خلاص مش هتغلب ولادى تانى ابدا خلاص الموضوع ده كان زمان انا دلوقتي بنتصر ليهم وبنقل لهم النُصره دى جاى تقول لي اسجد لك؟! لا تشوف عدو الخير تلاقية يريد الإنسان أن يسجد للمال عاوز الانسان يسجد لشهوته عايز الانسان يسجد لمحبه العالم عايز الانسان يخضع لكل ما هو ارضي وكل ما هو ترابي الإنسان الارضى يقول له ابدا هو الاهى فقط ما فيش حاجه ابدا تقدر تقدرني ولا تقدر ابدا تبعدني عنك لا تحبوا العالم ولا الأشياء التي فى العالم اسجد لها ابدا انا غالب من جواى بنعمتك انت يا ربي سلطان احبائي يا بخت الانسان الذى يغلب شهواته يا بخت الإنسان اللي غالب طبعة يابخت الانسان اللي عايش منتصر يقولك جاءت الملائكه وتخدمه الملائكه عندها استعداد ان هي تخدمك بس لازم تجتاز الحرب مفيش حد ابدا هينتصر الا لما يحارب يقول لك كده لا يُكلل الا ما انتصر ولا ينتصر الا من حارب لازم تحارب اذا كان ربنا يسوع نفسه اتحارب لازم تتحارب وملكوت الله لا يأخذ براحه ابدا قال ان للرب حرب مع عماليق في كل الاجيال وكل الاعمار وكل المراحل هتلاقي عدو الخير مجهز الفخ بتاعه المملوء بكلمه الله والمملوء باليقين بالخلاص المليان بنعمه اللة وقوته يقدر يغلب نطرح عنا الخطيه المحيطه بنا بسهوله نطرحها اكتر شي يغلب الإنسان بها هى نفسه واحد من القديسين يقول لك انا ليس لي عدو الا ذاتي ولا اكره الا خطاياي ماليش عدو إلا ذاتى ولا اكره الا خطاياي عشان كده احبائي الإنسان اللي بيتغلب بيتغلب من نفسه واللي بيغلب بيغلب من نفسه القديس يوحنا ذهبي الفم بيقول لا يستطيع احد ان يؤذيك مالم تؤذى انت نفسك ما حدش يقدر يأذيك ابدا شوف الإنسان المنتصر إنسان قوي غالب اختم كلامي يقول لك عن القديس باسيليوس اسقف قيصريه كان زمان المضهدين لما يحبوا يضطهدوا الشعب يطهدوا الاسقف فكان تملى اول واحد يستشهد في الشعب هو الاسقف عشان كده معلمنا بولس يقول لك ان اشتهى احد الاسقفية فهذا امرا حسنا دى حاجه مش وحشه اصل ما حدش كان يريد يصبح اسقف لاجل منظر دة هيكون اسقف عشان هو عارف كويس جدا وفي يوم من الايام قريب او بعيد هيصبح شهيد فكان يأتون برمز المسيحية اللي هو رئيس الشعب الاسقف ويذلوا ويطهدواويضربوه لحد ما تقطع راسه او يعزبوا بأي لون من الوان العذاب كنوع من انواع مذلة لباقى الشعب فأتوا بالقديس باسيليوس و قالوا له ممكن اعمل فيك حاجات كثير جدا فياريتك تنكر الإيمان الاول عشان مش عاوز اضايقك قال له حضرتك اللي عاوز تعمله اعمله قال له لا ده انا اقدر اعمل معاك حاجات كثير قوي اقدر اجردك من كل ثرواتك قال لة حضرتك ما عندكش فكره ان انا ما عنديش اي حاجه اساسا تجردني منها ما عنديش اى ثروة خالص ولا حاجه الانسان احبائي لما يقولوا لة هنجردك من ثروتك دى كلمه مرعبه لكن اللى ماعندهوش اساسا حاجة مايخفش قال له طيب لو ما عندكش حاجه انا ممكن انفيك انا هنفيك فى بلد ثانيه قالوا له ومالة وديني بلد ثانيه انا لما اروح بلد ثانيه هاشوف ايه هشوف الخليقة لان للرب الارض وملئها المسكونه وجميع السكان فيها انا هشوف خليقه الله وابارك الله وأسبح الله فى كل مكان هجد ربنا قال له ما تخلينيش اضطر ان اسجنك قال له وما له لو تسجنى انا الحياه اللي انا عايشها دي حياتي الخاصه اقصى من الحياه اللي انت بتعملها مع المساجين بتوعك لو نظرت الى القلايه بتاعتي واللبس بتاعي والأكل بتاعي هيُحسب ان السجن عندك ترفيها بالنسبه لى ما فيش حاجه تأذيني قال لة يعني انت ما فيش حاجه نافعه معاك ابدا هنضربك ؟ قال لة هو انا استاهل اني اوهان من اجل اسم سيدي هو انا اطول دى ببركه كبيره ليا واضح ان انت ما فيش حاجه نافعه معك واضح ان احنا لازم نقضي عليك دلوقتى قال لة ليتك لا تردد ان حياتي كلها في اشتياق لهذة الحظه فليتك لا تتردد وتعجل بأمري امتى الانسان احبائي بيترعب؟ لما يكون مهزوم من جواة يلا نغلب من جوانا نغلب ازاي بالمسيح يسوع ربنا اللي غلب النهارده غلبه المسيح دي مش للمسيح مش عشان نقول انا انتصرت على الشيطان طب ما هو معروف انه هو كل رئيس مل سياده أومال هو انتصر ليه عشان النصره دي تنتقل الى اولاده ويعيشوا منتصرين لو كلمك عن رجوع تقول له ليس بالخبز وحده يحيا الإنسان يشكك قولة له ابدا لى يقين وليا ايمان يجي يقول لك اطلب اية قولة انا ما عنديش اية غير انى انسان بتمتع بالخلاص وليا مواعيد الملكوت ومتاكد منها لو حاول يقول لك اسجد لي فى شهوه ولة فى مال قولة انا لايوجد شهوه الا شهوه محبته ربنا قادر احبائي ان ينقل هذه النصرة إلينا لنحيا منتصرين بالمسيح وللمسيح يكمل نقائصنا ويسند كل ضعف فينا بنعمته ولالهنا المجد الى الابد امين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد
17 مارس 2024

الكنز المسيحى

إِنْجِيل هذَا الصَبَاح المُبَارَك الأحَد الأوَّل فِي الصُوْم المُقَدَّس عَلِّمُونَا آبَاء الكِنِيسَة أنْ يُطْلِقُوا عَلِيه أحَد الكُنُوز عَلَشَان فِي بِدَايِة الصُوْم الوَاحِد يَضَع يَدُه عَلَى الكِنْز الحَقِيقِي عَلَشَان كِدَه جُزء ذَهَبِي مِنْ إِنْجِيل مُعَلِّمنَا مَتَّى 5 ، 6 ، 7 يُكَلِّمنَا عَنْ أنْ لاَ نَكْنِز عَلَى الأرض الكِنِيسَة عَايْزَانَا نِصُوْم بِالرُّوح وَبِالتَّالِي نُقَاوِم كُلَّ مَا هُوَ لِلجَسَد لَيْسَ الطَّعَام فَقَطْ عَايْزَه تِخَلِّينَا نَقْتَنِي كِنْز الحَيَاة الأبَدِيَّة وَحَيَاة إِنْتِصَار الرُّوح فَعَنْ طَرِيقٌ الأكْل أُضْبُط جَسَدَك بَسْ مِش كِفَايَة كِدَه بَسْ لكِنْ فِي حَاجَة مُهِمْ إِنْ عِينَك وَكِنْزَك وَغِنَاك وَمَرْكَزَك يِكُون فُوْق فِي السَّمَاء فَيِقُولَّك لاَ تَكْنِزُوا لَكُمْ كُنُوزاً عَلَى الأرْض خَلِّي بَالْكُمْ الوَسَطْ الَّلِي كَانْ بِيْكَلِّمه يَسُوع كَانْ يَهُود وَهُمَّ مَعْرُوفُون بِحُب المَال جِدّاً فَهُمْ مِنْ أصْعَب النَوْعِيَات مِنْ أكْثَر النَّاس الَّلِي يَهْتَمُون بِالمَال وَالجَسَد وَالأرْض وَالمِلْكِيَّة وَالصِرَاع لِذلِك يِقُولَّك أكْبَر المَشَارِيع الَّلِي فِي العَالَم رُؤوس أمْوَالْهَا يَهُودِيَّة رَبِّنَا يَسُوع الْمَسِيح عَايِز يِعْلِنْ إِنْتِصَار عَمَل نِعْمِته عَلَشَان يُعْلِنْ أنَّ مَعَ أصْعَب النَوْعِيَات مِنْ النَّاس النِّعْمَة إِنْتَصَرِت يِقُولَّك إِيه أصْعَب المُعْجِزَات الَّلِي حَصَلِت يِقُولَّك إِنْ مِنْ أصْعَب المُعْجِزَات إِنْ اليَهُود كَانُوا يَبِيعُون مُمْتَلِكَاتِهِمْ وَيَضَعُوا ثَمَنَهَا تَحْت أقْدَام الرُّسُل هُنَا رَبِّنَا يَسُوع يِقُول{ لاَ تَكْنِزُوا لَكُمْ كُنُوزاً عَلَى الأرْضِ } ( مت 6 : 19) – كَلاَم صَعْب – صَعْب الإِنْسَان الَّلِي عَايِز يِأمِّن الحَيَاة الزَمَنِيَّة يِسْتَوْعِبُه السَيِّد الْمَسِيح تَدَرَّج مَعَهُمْ الأوِّل يِكَلِّمْهُمْ طُوبَى لِلرُّحَمَاء لأِنَّهُمْ يُرْحَمُون ( مت 5 : 7 ) فَيِكَلِّمْهُمْ عَنْ الرَّحْمَة تَدَرَّج إِلَى { وَمَنْ أَرَادَ أَنْ يُخَاصِمَكَ وَيَأْخُذَ ثَوْبَكَ فَاتْرُكْ لَهُ الرِّدَاءَ أيْضاً } ( مت 5 : 40 ) ثُمَّ قَالَ { لاَ تَكْنِزُوا لَكُمْ كُنُوزاً عَلَى الأرْضِ }الإِتنِين الأوَّلِين كَانْ وَاحِد قُصَاد وَاحِد لَوْ وَاحِد قُدَّامَك إِرْحَمه وَلَوْ وَاحِد طَلَبْ ثُوْبَك أعْطِهِ طَيِّب حَتَّى لَوْ كَانْ مَفِيش حَدْ قُدَّامَك لاَ تَكْنِز لَك كُنُوز عَلَى الأرْض فِي الأوِّل هُنَاك مُقَابِل لِلِّي أنَا بَعْمِلُه عَمَل الرَّحْمَة رَبِّنَا مَوْجُود وَشَايِف الَّلِي بِيِدِّي وَالَّلِي بِيَأخُد وَبَعْد كِدَه يَتَدَرَّج مَعَهُمْ لِدَرَجَة أكْبَر يِقُول لُهُمْ { لاَ تَهْتَمُّوا لِلْغَدِ } ( مت 6 : 34 )ثُمَّ لاَ تَهْتَمْ بِالطَّعَام وَلاَ بِاللُّبَاس عَلَشَان كِدَه أقْدَر أقُول رَبِّنَا يَسُوع فِي تَعَالِيمه خَبِير بِالنَّفْس البَشَرِيَّة يِعْرَف إِزَاي يِقْنِعْهَا يِقُولُّه إِنْتَ بِتِكْنِز لِيه عَلَشَان خَايِف الحَاجَة دِي تُفْقَد طَيِّب مَا هِي مُمْكِنْ تِفْسَد وَإِنْتَ خَايِف مِنْ الضَيَاع وَهِيَّ مُعَرَّضَة لِلضَيَاع يِقُولُّه أنَا عَايْزَك تِكْنِز بَسْ كِنْز لاَ يَضِيع وَلاَ يَفْسَد أنَا عَايِز ثَرْوِتَك تِكُون مَوْجُودَة فِي مَكَان لاَ يَضِيع وَالمَكَان دَه مِش مَوْجُود عَلَى الأرْض رَبِّنَا يَسُوع يَتَكَلَّم بِإِقْنَاع عَارِف النَّفْس البَشَرِيَّة وَخِدَاعَاتْهَا وَأيْضاً الطَّبِيعَة الخَاصَّة بِالأُمَّة اليَهُودِيَّة كَانْ فِيهَا كَثِير مِنْ حِكَايِة السِرْقَة لِدَرَجِة إِنْ فِي طُرُق مَعْرُوف جِدّاً إِنْ فِيهَا نَهْب وَسَطو وَلاَ يِمْشُوا فِيهَا بِالَّلِيل فَيقُولُّه إِنْتَ خَايِف عَلَى ثَرْوِتَك وَتَضَعْهَا فِي مَكَان تِعْتِبْرُه مَكَان أمِين طَيِّب مَا مُمْكِنْ يِتعَرَّض لِلتَلَف حَطِّيت فُلُوسَك فِي الأرْض شِوَيِة مِيَاه جَوْفِيَّة دَوِبِتهُمْ وَضَاعُوا فَفِي نَفْس الوَقْت يِنْصَحْهُمْ وَيِهَدِدْهُمْ إِنْ مُمْكِنْ المَال دَه يَفْنَى لِذلِك يِقُولُّهُمْ { بَلِ اكْنِزُوا لَكُمْ كُنُوزاً فِي السَّمَاءِ حَيْثُ لاَ يُفْسِدُ سُوسٌ وَلاَ صَدَأٌ وَحَيْثُ لاَ يَنْقُبُ سَارِقُونَ وَلاَ يَسْرِقُونَ } ( مت 6 : 20 ) ثُمَّ يِرْجَع يَضَعْ أسَاس المَرَض { لأِنَّهُ حَيْثُ يَكُونُ كَنْزُكَ هُنَاكَ يَكُونُ قَلْبُكَ أَيْضاً } ( مت 6 : 21 ) طُول مَا عَمَّال تِكْنِز شِئ طَبِيعِي تِلاَقِي قَلْبَك فِي هذَا المَكَان يِكُون مَرْكَز إِهْتِمَامَك لكِنْ مُمْكِنْ فِلُوسَك دِي تِفْسَد وَتِسَوِس وَتَصْدَأ بَلْ مُمْكِنْ تِشْغِلَك جِدّاً الَّلِي إِنْتَ شَايْفُه وَسِيلَة تِأمِّن بِهَا حَيَاتَك قَلْبَك فِيه فَمَشَاعْرَك تَرْتَبِط بِه فَحَالْتَك النَّفْسِيَّة وَالجَسَدِيَّة وَالرُّوحِيَّة تِكُون مُرْتَبِطَة بِه .. لِيه ؟ عُبُودِيَّة لِيه بَقَى وَاخْدَه كِنْزِك ؟أنَا بَانْصَحَك تَضَع كِنْزَك فِي السَّمَاء لاَ هَيِفْسَد وَلاَ هَيِسَوِس .. إِجْعَل صَلَوَاتَك فِي السَّمَاء هُوَ دَه الطَّرِيقٌ تَضَع كِنْزَك فِي السَّمَاء حِب العَطَاء طُول أيَّام الصُوْم تِقُول الكِنِيسَة{ طُوبَى لِلرُّحَمَاء عَلَى المَسَاكِين } لأِنَّهَا عَايْزَه تِعَلِّمَك إِزَاي تِصْنَع الرَّحْمَة ثُمَّ يِتْكَلِّم بَعْد كِدَه عَنْ العِين لِيه ؟ إِيه عِلاَقْتُه بِالِّلِي فَات ؟ رَبِّنَا عَايِز يِقُول لَمَّا وَاحِد يِفْقِد عِينه تِكُون حَيَاته ظُلْمَة أنَا عَايْزَك تِعْتِبِرْهَا هِيَّ العَقْل طُول مَا إِنْتَ بِتْفَكَّر صَح يِكُون عَقْلَك مِنَوَر وَالعَكْس إِنْتَ إِقْتَنَعْت بِالفِكْرَة الَّلِي قُلْتَهَا دِي خَلاَص حَيَاتَك هَتنَوَر زَي مَا العِين تَقُود الجَسَد العَقْل سِرَاج الجَسَد وَالرُّوح أوِّل لَمَّا عَقْلَك يِسْتَوْعِب الكَلاَم دَه جَسَدَك هَيِنَوَرإِذَا كَانْ عَقْلَك مُظْلِم وَالجَسَد الَّلِي هُوَ طَبِيعِي مُظْلِم يِحْصَل فِيك إِيه ؟ لَوْ مَصْدَر النُّور ظُلْمَة لَوْ العَقْل نَفْسه مُظْلِم النَّفْس كُلَّهَا تِكُون مُظْلِمَة يِكَلِّمهُمْ بِإِقْنَاع إِنْ { لأِنَّهُ حَيْثُ يَكُونُ كَنْزُكَ هُنَاكَ يَكُونُ قَلْبُكَ أَيْضاً} لَمَّا الذِهْن يِكُون مُضِئ يِكُون فِيه نِعْمَة { فَإِنْ كَانَ النُّورُ الَّذِي فِيكَ ظَلاَماً فَالظَّلاَمُ كَمْ يَكُونُ } ( مت 6 : 23 ) إِنْسَان لَمَّا حَيَاته كُلَّهَا لَيْسَ فِيهَا قِيَادَة فَكَيْفَ يَمْشِي فِي الطَّرِيقٌ ؟ لِذلِك رَبِّنَا يَسُوع عَايِز يِقْنِعْهُمْ وَالكِنِيسَة فِي بِدَايِة الصُوْم فِي الأحَد الأوَّل تَضَع لَنَا هذَا الفَصْل مِنْ الإِنْجِيل عَلَشَان نَضَع أقْدَامْنَا عَلَى الطَّرِيقٌ الصَّحِيح لاَبُد أنْ تَنَال إِسْتِنَارَة فِي العَقْل فَيَسْتَنِير جَسَدَك أصْل جَسَدَك دَه مَلْيَان شَهَوَات لَمَّا العَقْل يَسْتَضِئ فَينَوَر رَبِّنَا يَسُوع كُلَّ حَاجَة يِقُولُّهُمْ إِعْمِلُوهَا يِقُولُّهُمْ لِيه { طُوبَى لِلرُّحَمَاءِ لأِنَّهُمْ يُرْحَمُون } لَمَّا يِقُولُّهُمْ { لاَ تَكْنِزُوا لَكُمْ كُنُوزاً عَلَى الأرْضِ } لِيه ؟ دِي نِمْرَة (3) لَمَّا تِرْفَع كِنْزَك فُوْق قَلْبَك يِتْرِفِع فُوْق ثُمَّ يِرْجَع يِقُولُّهُمْ { لاَ يَقْدِرُ أَحَدٌ أنْ يَخْدِمَ سَيِّدَيْنِ لاَ تَقْدِرُونَ أَنْ تَخْدِمُوا اللهَ وَالْمَالَ } ( مت 6 : 24 ) أصْل المَال يِجِيب عُبُودِيَّة وَهُوَ سَيِّد تِخْضَع لُه وَتُأسَر بِعُبُودِيِتُه إِنْتَ عَايِز تِخْضَع لِرَبِّنَا لكِنْ السَيِّد الثَّانِي بِتَاع المَال يِقُولَّك إِعْمِل كَذَا وَرَبِّنَا يِقُول إِعْمِل كَذَا الإِتنِين عَكْس بَعْض تَخَيَّل إِنْتَ المَال يِقُولَّك إِيه يِقُولَّك خُد حَاجَة مِش بِتَاعْتَك وَالوَصِيَّة تِقُول { بِيعُوا مَا لَكُمْ وَأَعْطُوا صَدَقَةً } ( لو 12 : 33 ) سَيِّدِين عَكْس بَعْض تَمَاماً وَاحِد يِقُول هَات كِتِير عَلَشَان النَّاس تِحْتِرْمَك وَيِكُون لَك مَكَانَة الثَّانِي يِقُول لاَ تُفَكِّر فِي الغِنَى وَلاَ تَتَكِل عَلَى المَال وَاعْطِي وَلاَ تَهْتَمْ بِالمَظْهَر مُعَلِّمنَا بُولِس الرَّسُول فِي رِسَالْتُه لِتِلْمِيذُه تِيمُوثَاوُسَ يِقُول { أَوْصِ الأغْنِيَاءَ فِي الدَّهْرِ الْحَاضِرِ أَنْ لاَ يَسْتَكْبِرُوا وَلاَ يُلْقُوا رَجَاءَهُمْ عَلَى غَيْرِ يَقِينِيَّةِ الْغِنَى بَلْ عَلَى اللهِ الْحَيِّ } ( 1تي 6 : 17) سَيِّدِين عَكْس بَعْض وَاحِد يِهْتَمْ بِسُلْطَان الذَّات وَالثَّانِي يَهْتَمْ بِإِمَاتِة الذَّات وَاحِد يِهْتَمْ بِالأخذ وَالثَّانِي يَهْتَمْ بِالعَطَاء وَاحِد يِهْتَمْ بِالقُوَّة وَالثَّانِي يَهْتَمْ بِالرَّحْمَة سَيِّدِين عَكْس بَعْض فَإِزَاي تُعْبُد السَيِّدِين دُول ؟عَلَشَان كِدَه رَبِّنَا يَسُوع يُعْطِي لِلحَدِيث عَنْ المَال أهَمِيَّة يِكَلِّم نَاس بِيحِبُّوا المَال فَيَتَدَرَّج مَعَاهُمْ فِي الحَدِيث لاَزِم يِقَدِّم لَهُمْ كُلَّ دَوَاء يِشْفِي هذَا المَرَض وَالكِنِيسَة قَصَدِت فِي أوِّل أحَاد الصُوْم المُقَدَّس وَفِي بِدَايْتُه أنْ تَضَع لَنَا هذَا الفَصْل مِنْ الإِنْجِيل لِكَي تَقُول لَنَا أنَّ الصُوْم تَغْيِير فِكْروَتَغْيِير سُلُوك وَعَادَات إِنْتَ صَايِمْ بِالرُّوح وَاهتِمَامَك بِالمَال فَلاَزِم تَاخُد مِنُّه مَوْقِف وَلاَ تَتَكِل عَلِيه وَلاَ يَكُون لَك سَيِّد مِنْ أكْتَر الحَاجَات الَّلِي تِغَذِّي الذَّات المَال يَجْعَل الإِنْسَان يِحِب المَجْد البَّاطِل وَالكَرَامَة مَحَبِّة المَال تِبْعِدْنَا عَنْ الوَصِيَّة وَعَنْ رَبِّنَا لَيْسَ هذَا فَقَطْ أيْضاً بِتُؤذِيكُمْ لأِنَّهَا تُوَقَعْكُمْ فِي عُبُودِيَّة يِدْفَع الجِزْيَة لِسَيِّد مُسْتَبِد قَاسِي أدِي مَحَبِّة المَال إِنْتَ لَوْ حَطِّيت نَفْسَك فِي المِيزَان دَه تِلاَقِي نَفْسَك بِتحِب مَحَبِّة الذَّهَب وَالفِضَّة عَنْ مَحَبِّة الله أدِي مَحَبِّة المَال خَلِّيتَك تِهْتَمْ بِالأُمُور الزَمَنِيَّة عَنْ الرُّوحِيَّة لَمَّا يِكَلِّمَك عَنْ العَطَاء تِقُول دَه إِيه دَه ؟ دَه هَذَيَان لِذلِك صَعْب جِدّاً الإِنْسَان يِخْدِم سَيِّدِين عَلَشَان كِدَه لَوْ وَاحِد غَنِي وَلاَ يَتَكِل عَلَى مَالُه وَهُوَ سَيِّد لِهذَا المَال وَيِحِب رَبِّنَا دَه يِكُون قَامَة رُوحِيَّة عَالْيَة جِدّاً أبُونَا إِبْرَاهِيم كَانْ غَنِي لكِنْ لَمْ يَكُنْ يَعْبُد المَال دَه تِيجِي مُشْكِلَة مَعَ لَوطٌ يِقُول لاَ المَحَبَّة أهَمْ { لاَ تَكُنْ مُخَاصَمَةٌ بَيْنِي وَبَيْنَكَ وَبَيْنَ رُعَاتِي وَرُعَاتِكَ } ( تك 13 : 8 ) إِنْتَ خُد الَّلِي تَاخْدُه وَأنَا هَاتصَرَّف جَمِيل الإِنْسَان الَّلِي عَنْده مَال وَلكِنْ يِكُون لَهُ سَيِّداً وَلَيْسَ عَبْداً صِرَاع صَعْب أنْ تَدْخُل الكِنِيسَة وَتِسْمَع كِلْمِتِين نِفْسَك تِطَبَقْهُمْ لكِنْ وَإِنْتَ قَاعِد كِدَه الشَّيْطَان يِقُولَّك إِيه الكَلاَم الَّلِي إِنْتَ عَايِز تِنَفِذُه دَه دَه كَلاَم نَظَرِي رَبِّنَا يِقُولَّك أنَا بَكَلِمَك كِدَه عَلَشَان تِحِب مِنْ قَلْبَك فِي مَثَل فِرِنْسِي يِقُول { المَال عَبْد جَيِّد وَلكِنْ سَيِّد رَدِئ } عَلَشَان أخَلِّي السَيِّد عَبْد حَاجَة صَعْبَة زَي مَلِك وَعَايِز تِشَغَلُّه عَنْدَك خَادِم حَاجَة صَعْبَة المَال هُوَ سَيِّد عَلَشَان تِعْرَف إِنْتَ تِرَوَضه وَتِسْتَأنِسه عَايْزَه مِنَّك نِعْمَة كِبِيرَة جِدّاً مِنْ رَبِّنَا لاَ تَجْعَل إِتِكَالَك عَلِيه وَثِقَتَك فِيه جَمِيل جِدّاً لَمَّا يِتحَط الإِنْسَان وَيُوضَع بَيْنَ السَيِّدِين يِعْرَف يِخْتَار يِقُول هُوَ دَه السَيِّد الَّلِي نَاظِر لأبَدِيِتِي وَعَايِز يِعْطِينِي التَانِي سَيِّد عَايِز يُخْنُقْنِي مِش يِدِّينِي تَخَيَّل لَوْ وَاحِد إِخْتَار أنْ يَكُون عَبْد عَنْد هذَا السَيِّد القَاسِي !! الأنْبَا أنْطُونْيُوس يِقُول { مِنْ الجُنُون أنْ يُعْطِي الإِنْسَان ثَرْوِته }وَاحِد عَايِز يِهْتَمْ بِالآخَر وَالتَانِي عَايِز يِهْتَمْ بِنَفْسه يِرْجَع رَبِّنَا يِقُولُّهُمْ { لِذلِكَ أَقُولُ لَكُمْ لاَ تَهْتَمُّوا لِحَيَاتِكُمْ بِمَا تَأْكُلُونَ وَبِمَا تَشْرَبُونَ }( مت 6 : 25 ) كُلَّ الِّلِي فَات دَه الَّلِي شَرَحْتُه وَفَهِّمْتُه لِيكُمْ وَأعْطَيْتُكُمْ أمْثِلَة عَلِيه{ وَلاَ لأِجْسَادِكُمْ بِمَا تَلْبَسُونَ } وَاحِد يِقُول يَعْنِي يَارَبَّ حَتَّى الأكل !! يَعْنِي جَرَّدِتنَا مِنْ فِلُوسْنَا كَمَان مِش عَايِزْنَا نِهْتَمْ بِالأكل رَبِّنَا يِقُول أنَا مِش عَايْزَك تِهْتَمْ بِالأُمُور الصُّغَيَّرَة رَبِّنَا يِفُك الإِنْسَان مِنْ قُيُود عَنِيفَة مُمْكِنْ يِقْضِي عُمْرُه كُلُّه فِي عُبُودِيَّة لَهَا فَيَقُول لَهُمْ { وَلاَ لأِجْسَادِكُمْ بِمَا تَلْبَسُونَ أَلَيْسَتِ الْحَيوةُ أَفْضَلَ مِنَ الطَّعَامِ وَالْجَسَدُ أَفْضَلَ مِنَ اللِّبَاسِ } ( مت 6 : 25 )شُوفُوا الأسْبَاب الَّلِي يِقُولْهَا لهُمْ جَعَلِتهُمْ يُبْهَتُوا مِنْ تَعَالِيمه الفَلاَسِفَة شَهَدُوا لِلسَيِّد الْمَسِيح أنَّهُ لاَ يُوْجَد أرْوَع مِنْ أُسْلُوبه النَّفْس الَّلِي هِيَّ إِيه ؟ حَيَاة الإِنْسَان فَيَقُول ألَيْسَت النَّفْس أفْضَل إِذَا كَانْ رَبِّنَا عَاطِيك الحَيَاة نَفْسَهَا الَّلِي عَاطِيك الغَالِي مِش هَيِقدَر يِعْطِيك الرِخِيص ؟!! الَّلِي أعْطَاك الحَيَاة مش هَيِعْطِيك القُوْت بِتَاع الحَيَاة ؟!! الَّلِي أعْطَاك الجَسَد مِش هَيِعْطِيك القُوْت بِتَاعُه ؟!! القِدِيس يُوحَنَّا ذَهَبِيَّ الفَمْ يَقُول{ فَالَّذِي يَمْنَح مَا هُوَ أعْظَم كَيْفَ لاَ يَمْنَح مَا هُوَ أقَل ؟!! } { اُنْظُرُوا إِلَى طُيُورِ السَّمَاءِ إِنَّهَا لاَ تَزْرَعُ وَلاَ تَحْصُدُ وَلاَ تَجْمَعُ إِلَى مَخَازِنَ }( مت 6 : 26 ) مَعْرُوف إِنْ العَصَافِير تُحِب المَرَح وَلَيْسَ لَهَا شُغْلَه فِي حَيَوَانَات مَثَلاً تِعْتِمِد إِنَّهَا تِجِيب لِنَفْسَهَا أكْل لكِنْ طُيُور السَّمَاء لاَ تَهْتَمْ أبَداً بِنَفْسَهَا لاَ تَحْصُد وَلاَ تَجْمَع لَوْ جِيبت كُوْمِة قَمْح وَعَصْفُورَة عَايْزَه حَبَيْتِين أوْ ثَلاَثَة تَأخُذَهُمْ وَخَلاَص لاَ تِجْمَع وَلاَ تِحَوِش { وَأَبُوكُمْ السَّمَاوِيُّ يَقُوتُهَا }أتعَلِّم إِزَاي يَارَبَّ هَلْ أنَا أقَلْ إِيمَان مِنْ العَصْفُورَة ؟ إِزَاي ؟!! يِكُون عَلَشَان إِنْتَ أعْطِتنِي عَقْل فَإِسْتَخْدِمته غَلَطْ !! يِكُون عَلَشَان عَطِتنِي قُوِّة إِبْتِكَار إِزَاي أعْمِل مَخَازِن !! عَجِيب الإِنْسَان الَّلِي يِسْمَع الكَلاَم دَه وَلاَ يَسْتَوْعِب أحْيَاناً الإِنْسَان شَرُّه وَطَمَعُه يِعْمِيه وَمَحَبِّته لِلأرْض تِخَلِّيه لاَ يَتَفَاعَل مَعَ أي أمر رُوحِي إِقبَل هذَا الكَلاَم فِي بِدَايِة الصُوْم عَلَشَان تِتفَك مِنْ قِيد جُوَّاك " يَنْزَع عَنْ الإِنْسَان سَنَدُه وَرُكْنُه " ثُمَّ يَقُول لَهُمْ { وَمَنْ مِنْكُمْ إِذَا اهْتَمَّ يَقْدِرُ أَنْ يَزِيدَ عَلَى قَامَتِهِ ذِرَاعاً وَاحِدَةً } ( مت 6 : 27 ) مِين فِيكُمْ يِقْدَر يِكَبَّر جَسَدُه وَيَعُولُه ؟!! ثُمَّ يَتَكَلَّم عَنْ اللِبْس مَا تخَلِّينَا نِلْبِس فِيهَا إِيه ؟{ وَلِمَاذَا تَهْتَمُّونَ بِاللِّبَاسِ تَأمَّلُوا زَنَابِقَ الْحَقْلِ كَيْفَ تَنْمُو لاَ تَتْعَبُ وَلاَ تَغْزِلُ وَلكِنْ أَقُولُ لَكُمْ إِنَّهُ وَلاَ سُلَيْمَانُ فِي كُلِّ مَجْدِهِ كَانَ يَلْبَسُ كَوَاحِدَةٍ مِنْهَا } ( مت 6 : 28 – 29 ) نَبَاتَات الحَقْل مُمْكِنْ تِكُون نَبَاتَات طَبِيعِيَّة لاَ يُوْجَد حَد يَسْقِيهَا وَلاَ يَعُولْهَا هِيَّ تِطْلَع كِدَه بِتَاعِت رَبِّنَا يِقُولُّهُمْ شُوفُوا سُلَيْمَان وَعِنَايتُه بِنَفْسه وَمَا عِنْدُه مِنْ فَرَادِيس وَمُقْتَنَيَات وَفِضَّة وَذَهَبْ وَمَا مِنْ شِئ إِشْتَهِتُه عَيْنَيْهِ وَمَنَعْهُمَا عَنْهُ أكْتَر وَاحِد كَانْ مِدَلِّل ذَاته كَانْ سُلَيْمَان رَبِّنَا يِقُول { وَلاَ سُلَيْمَانُ فِي كُلِّ مَجْدِهِ كَانَ يَلْبَسُ كَوَاحِدَةٍ مِنْهَا} " وَلاَ سُلَيْمَانُ فِي كُلِّ مَجْدِهِ " يَعْنِي مَثَلاً يُوْم إِفْتِتَاح الهِيكَل تَخَيَّل كَانْ شَكْلُه إِيه ؟ الزَّنَابِق بَقَى دِي أفْضَل مِنُّه { فَإِنْ كَانَ عُشْبُ الْحَقْلِ الَّذِي يُوجَدُ الْيَوْمَ وَيُطْرَحُ غَداً فِي التَّنُّورِ يُلْبِسُهُ اللهُ هكَذَا أَفَلَيْسَ بِالْحَرِيِّ جِدّاً يُلْبِسُكُمْ أَنْتُمْ يَا قَلِيلِي الإِيمَانِ } ( مت 6 : 30 ) دَه مُمْكِنْ يِسْتَخْدِمُوا شِوَيِة الزَّنَابِق دِي وَيِوَلَعُوا بِهَا نَار يَعْنِي رَبِّنَا أد إِيه لَبِّسْهَا المَجْد دَه كُلُّه طَيِّب إِذَا كَانِت هَتِطَرَح فِي النَّار لِيه يَارَبَّ تِعِبْت فِيهَا كِدَه ؟!! يِقُول لاَ أنَا عَايِز أعَلِّمَك { أَفَلَيْسَ بِالْحَرِيِّ جِدّاً يُلْبِسُكُمْ أَنْتُمْ يَا قَلِيلِي الإِيمَانِ } إِبْتَدَى يِحُط إِيدُه وَيُدْخُل فِي الأعْمَاق رَبِّنَا عَايِز يِقُولَّك إِتعَلِّم { فَإِنَّ هذِهِ كُلَّهَا تَطْلُبُهَا الأُمَمُ }( مت 6 : 32 ) هُوَ إِنْتَ عَايِز تِسَاوِي نَفْسَك الَّلِي بِتِعْرَف الإِيمَان بِالَّلِي بِيِعْبُدُوا الأصْنَام لاَ مَفْرُوض تِكُون أكْبَر مِنْ كِدَه { لأِنَّ أَبَاكُمُ السَّمَاوِيَّ يَعْلَمُ أنَّكُمْ تَحْتَاجُونَ إِلَى هذِهِ كُلِّهَا لكِن اطْلُبُوا أَوَّلاً مَلَكُوتَ اللهِ وَبِرَّهُ وَهذِهِ كُلُّهَا تُزَادُ لَكُمْ } ( مت 6 : 33 ) تَخَيَّل إِنْتَ بَقَى كِدَه إِنَّك لَمَّا تِعِيش بِالوَصَايَا دِي وَتَتَمَتَّع بِهذِهِ العَطَايَا رَبِّنَا يِكْسِيك بِأغْلَى الثِيَاب تَخَيَّل لَمَّا لاَ تَتَكِل عَلَى غِنَاك الأرْضِي تَخَيَّل لَوْ إِنْتَ إِقْتَنَعْت بِذلِك وَلاَ تَهْتَمْ بِأي شِئ وَلاَ تِحِبَّهَا لِلدَرَجَة الَّلِي تَضَع نَفْسَك جُوَّاهَا هَتِلاَقِي غَمَامَة كِبِيرَة جِدّاً تِتشَال مِنْ عَلَى القَلْب وَالعِين الكِنِيسَة تِقُولَّك الصُوْم هَدَفُه إِنْتِصَار الرُّوح إِمشِي بِالطَّرِيقَة الَّلِي الكِنِيسَة تِقُولَّك عَلِيهَاعَلَشَان كِدَه تِقُولَّك الأُسْبُوع الجَاي إِنْ الطَّرِيق مِش سَاهِل لكِنْ مُبَارَك رَبِّنَا الَّلِي سَمَح بِالحَرْب لكِنْ يُعْطِينَا فِي الحَرْب إِنْتِصَار رَبِّنَا يِكَمِل نَقَائِصْنَا وَيِسْنِد كُلَّ ضَعْف فِينَا بِنِعْمِتُه وَلِرَبِّنَا المَجْد الدَّائِم مِنْ الآن وَإِلَى الأبَد آمِين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد
10 مارس 2024

الصوم والتوبة أحد رفاع الصوم الكبير

احد رفاع الصوم الكبير و الكنيسه بتستقبل الصوم بشغف بأشتياق لانه لان دي حاجه مجرباها الكنيسه ومختبراها وهي عارفه هي بتعمل ايه وعارفه مفعولها ايه وعارفه نتائجها ايه عشان كده الكنيسه كنيسه عاشقه للصوم تدخر لنا روحانيه عميقه جدا قداسات بوفرة، لحن خاص بالصوم فى فية انكسار ،يساعد النفس على المذله والتوبه اصوام انقطاعيه ،قراءات عميقه، نبوءات ،كل هذا احبائي ،لاجل ان يكون الصوم خطوه في توبه الانسان وفي بناء الانسان الروحي عشان كده عايز اقول النهارده بلاش يكون فكرنا في الصوم بس احنا مش مقبلين على الصوم عشان خاطر نغير اكل كل استعدادنا للصوم نجيب شويه اكل صيامي،، قصه الاكل دي قصه سنويه في موضوع الصوم ، في ناس نباتيه ،،في ناس يقول لك اصل ده ملوش في الاكل ، في حد يقول لك ده نفسه مسدوده، وفي معتقدات اخرى مختلف بتدان الصوم الصوم بالنسبه لنا فكر مختلف تماما ،،وهو انسان بيقدم جسده ذبيحه، إنسان يجعل سكين الروح على الجسد، وبيضبط جسدة ويسمو بجسده بيعلو بطلباتة وبيقدم روح نشيطة وفكر مرتفع سماوي هو ده فكر الصوم ، حالة الاكتفاء بأننا هنصوم نغير اكل،، دي لابد ان احنا نغيرها من فكرنا ومن قلبنا،، مش هنغير اكل، لابد إننا نغير سلوك نغير حياة نغير اهتمامات نغير برنامج ،هنغير طباع هو دة الصوم ما يعديش الصوم احبائي الا وينفجر فيك إنسان روحاني جديد ما يعديش يوم من الصوم الا و تحس انك اخذت خطوه جديده في طريق الملكوت،، ما يعديش الصوم الا وتكون مسكت فضيله واثنين،، واجتهد ان انت تقتنيهم،، ما يعديش الصوم الا وتكون في خطيه مربوط بها رباط وثيق الا وتجتهد انها تتفك منها هو ده الصوم اية اللى فى قلبك بالنسبه للصوم دلوقتي عاوز تصوم لية و هتبتدي تصوم بأنة روح هتبتدى وانت كسلان هتبتدى إنسان وبتقول النهارده انا عايزه اكل كل اللي نفسي فيه وانت بتقول يامهون وتظل تحسب فى الأيام هتعدى أمتى تملي يقولوا كده الانسان الروحاني يحسب كم يوم مر من الصوم ويزعل و الإنسان الجسداني يحسب كم يوم عدى من الصوم ويفرح واحد ينظر ان ده ثقل ،،واحد ينظر ان ده وسيله خلاص ،، ياما بنشتكي من ان طباعنا ثبتت فينا يا ما بنشتكي من خطايا وضعفات لها جزور جوانا طب اية الفرصه الفرصه هو الصوم عشان كده احبائي جيد جدا في الصوم ان نصم عن كل شرجيد جدا في الصوم احبائي ان يكون عندنا ضعفتنا قدام عينينا وبنجتهد امام وجة اللة ونترجى وجه ربنا ونسجد قدام تحننه من اجل ان يقبل من خلال صومنا يقبل حياتنا هو ده الاشتياق اللي المفروض ندخل به للصوم هو ده الفكر الروحي اللي لازم نقابل به الصوم اكثر حاجه تجيب غضب الله على الانسان وغضب الله على البشريه كلها هى الخطية القديس يوحنا ذهبي الفم يقول لك الخطية هى كارثه الشعوب الخطيه دي جايين نعمل بها اية جاين نعمل بها رضا الله الصوم هو ارضاء الله هو الاقتراب الى الله الصوم هو الامتناع عن الشرور ده بيعمل ايه بيجيب بركات ثمار الخطايا بتاعه الانسان الخطيئه اللي خرجت ابونا ادم وامنا حواء من الفردوس تعال اقرا شويه في الكتاب المقدس شوف الخطيه عملت ايه انظر الى سدوم وعموره الخطية أتت بنار من السماء وحرقه البلد باللي فيها الخطية خاطئة جدا الخطيه عملت الطوفان كون ان ربنا يهلك جميع بين البشر الا ثمانيه بس نوح وزوجته واولاده وازواجهم بس الكتاب المقدس كله عايز يصور لك شناعه الخطيه شناعه الخطيه يعمل ايه يجيب لك حاجه زي الطوفان يقول لك خلي بالك اتمسك بالبر وعيش بالوصايا حتى لو كنت قليل حتى لو كان العالم كله عايش ضد وصيه الله تقرأ الكتاب تلاقي عمال يوريك ثمر البر وثمر الخطيه يقولك توب واتغير وغير نفسك وقلبك وغير اعماقك يوريك ايه اللي سبى بني اسرائيل في العهد القديم؟ الخطيه ربنا سامحلهم بالسبى والمذله والإهانة اية اللى جعل الارض تتشق وتبلع التعدي اية اللي ذل شمشون الجبار الخطية عاوز يقول اد ايه الخطيه مذلة ومهينه ايه اللي في الاخر هيجعل يبقى في ناس سكان الجحيم سكان العذاب الابدي الخطيه والتعدى طب الصوم ايه الصوم ان نكف عن الخطايا ان نتصالح مع الله بنقدم له نفسنا وبنقول له يا رب ها انا ذاه بقدم لك جسدي ورغباتي بقدملك كياني ومشاعري وعواطفي و ابسط دليل على ان انا باقول لك يا رب انا بحبك وعاوز اقدم لك نفسي انا هامتنع عن الاطعمه ابسط دليل هقدم لك به خضوع وطاعه ان انا اقول لك يا رب هاعيش بحسب وصاياك مش هعيش بحسب شهواتي ودة دليل بسيط بقدمه لك وياريت اكون قدرت أعبر عن اللي جوايا عن طريق شويه الاكل اللي انا امتنعت عنهم كل يوم وانت بتاكل فكر في كده فكرة تقول له يا رب لعله اكون بعبر لك عن اللي جوايا اللي جوايا اكبر من كده بكثيرعشان كده تلاقي نفسك، عاوز تشد على نفسك اكثر عاوز تبطل تدليل الجسد عايز تتحكم في نفسك اكثر،عاوز تنشط الروح اكثر ،عاوز تقف تصلي فترات اطول،وعاوز تتناول أكثروتقرا الانجيل اكثر وتشبع بربنا اكثر ليه؟ لان دة هدف الصوم عشان قالك ارجعوا الي ارجع اليكم ارجعوا بالبكاء بالنوح بالصوم بالصلاة قدسوا صوما نادوا بأعتكاف اجمعوا الشعب قدسوا الجماعة اجمعوا الشيوخ نادوا بأعتكاف ايه ده عاوز يقول لك فى الصوم حاول ما يكونش برنامج اليوم بتاعك عادي،، لازم يكون مختلف اعمل الضرورى فى الصوم الاهتمامات بتاعتك اللي فيها بيضيع فيها وقت كثير حاولت تقللها قد كده الصوم مناسبه خطيره؟ طبعا اشعياء النبي يقول لك هلموا ايها الجياع والعطاش تعالوا تعالوا كلوا واشربوا بلا فضه بلا ثمن اشتروا خمرا ولبناً ايه الخمر واللبن ده؟! الفرح الروحي تعال خذ فتره انقطاع تكون طويله شويه وشوف نفسك وانت جاي تأكل الساعه 4:00 ولا الساعه 5:00 تحس ان انت مش عايز تأكل ..تحس ان انت فى فرحه جعلك تنسى الجوع تبص تلاقي ابتدا الجسد طلباته تقل وابتديت انك شاعر انك بتتحكم في نفسك وابتدا لسانك يبقى اهدى وابتدا طبيعتك تبقى وديعة اد كده الصوم اقول لك طبعا الصوم بيغير في الانسان حاجات كثيره جدا قال لك ممكن طبع الوحوش يروض كذلك الجسد الجسد ممكن يروض لما تتحكم في رغباته هو الصوم ايه فرصه ان انت تقدر تضبط جسدك وبتضبط رغبات جسدك علشان كده احبائي مقبلين على الصوم بأشتياق بنيه ورغبه مقبلين على الصوم واحنا عاوزين نشوف ايه اللي ممكن نقدمه لربنا من خلال الصوم مش اللي ممكن نقدمه لنفسنا مش عاوزين نتحايل على الصوم ونقعد نعمل اصناف كثير ونغيره الدنيا فيها تطوير واصناف كثيره تجعل الانسان ممكن يدلل جسدة ما يحسش بالصوم لا حاول ان انت تضيق على نفسك على قد ما تقدر على قد ما تقدر كلما ماتت حته في الجسد اتولدت حته في الروح و كل ما عاشت حته في الجسد ماتت حته في الروح فأحنا في الصوم عاوزين نموت مراكز في الجسد عشان تحيا مراكز في الروح عاوزين نقدم توبه عن سلوك واعمال قال لك كده اول ما سمعوا كلمه معلمنا بطرس الرسول يوم ال 50 قالوا له طب ماذا نعمل.. قال لهم توبوا لابد ان نعرف ان الصوم هو توبه تغيير توبه يعني مطانيا ومطانيا يعني تغيير اتجاه تغير عقل تغيير اهتمامات، تغيير فكر، يلا نضع ضاعفاتنا قدام عينينا و قدام ربنا ونقدم توبه عند ضعافتنا وكل واحد زي ما يقول لك كده كل واحد عارف ضربه قلبه كل واحد فينا عارف وجعه كل واحد فينا عارف ايه الاشياء اللي مرجعاه لوراء طب يلا اذا كنا عارفين ضربات قلبنا يلا نحط ضربات قلبنا في الصوم قدام ربنا اللى مربوط بألم واللى مربوط بعاطفه واللي مربوط بجسد واللي مربوط بشهوه واللي مربوط بمال واللي مربوط بعلاقات والذي بعد تماما عن اي ممارسة روحيه ضع ضعفاتك قدامك في الصوم وقل له يا رب انا زي ما هبتدي انى هصوم عاوز ابتدي لك ان انا اصوم نفسي عن هذه الاخطاء ودة احبائي بداية ونموه الإنسان فى النعمة والفضيلة وانت قاعد دلوقتي قول طب انا المفروض اعمل ايه فى الصوم؟ اقول لك صلي اكثر اقرا اكثر انقطع فترات اطول اعمل مطانيات لما تأكل تاكل بغير لذه لما تأكل قول لحاجة الجسد فقط بيقول لك كده اجتهد انك تأكل ما تحتاجه وليس ما تشتهيه ضع لنفسك هذه الاشتياقات في الصوم وابتدى بيها واول من النعمة تلاقي واحد ابتدا يضع سكين على الجسد ربنا يعطيك زي ما اعطي ابونا ابراهيم خروفا عوضا عنه عندما وضع السكين على اسحاق اعطاة خروفا عوضا عنة اول ماتضع سكينا على جسدك فى الصوم وتقول انا هبعد عن كذا وعن كذا هتلاقى ربنا مش تحس انك محرم مش هتشعر انك متضايق،،مش هتحس ان نفسك في حاجه ابدا مش هتشعر ان الصوم طويل لانه بيعطيك النعمه البديله اللي بيخليك تتلذذ بها خد بالك ما فيش نعمه تعطى بدون سكين مرفوع ما كانش ممكن ابدا ربنا وابونا ابراهيم قاعد في بيتهم يقول له خلاص اعتبر نفسك قدمت اسحاق وخد خروف بداله واطلع اذبحوا لا لا لا لازم يأخذوا معاة ويمشي معاة المشوار ويطلعه فوق المذبح ويربطوا ويرفع السكين ده رحله الصوم بتاعتنا واخذين جسدنا معانا وجعلينوا يخضع وعمالين نضع علية وصاقات ونقولة ما تعملش ماتعملش وبنرفع عليه سكين عمل النعمه من اول ما الاراده الروحيه تقوى فى حياتكم تلاقى عمل النعمة البديله تأتي تلاقي فيك فرح روحي ومسره وقوه بعد ما كنت اول ماتفتح عينك عاوز تأكل ابتدات تبقى ناسي حكايه الاكل وابتدى الوقت يعدي ولا تشعر بجوع ولا حاجه اية اللي جرى هو انا تغيرت؟ اقول لك اه في نعمه بديله في تعويض ايه المطلوب في الصوم واحد يلاقي نفسه بيكلم كثير واحد بياكل كثير واحد عينة مش منضبطة واحد عنده طمع واحد عنده غيره واحد عنده ادانه هو دة اللي بالاولى لازم نصوم عنه لان هو ده هدف الصوم الحقيقي مش مجرد بس تغيير في انواع اطعمه هو ده حط الضعفات بتاعتك قدامك وقل له يا رب انا خطيتى امامى في كل حين لك وحدك اخطات يا رب انت تعلم ضعفي و اقدم لة ضعفي وقدم جسدي قدامه فيبتدى ربنا يفكني من رابطه وربطه وربطه وابتدت نفسي المتربطه دي ابتدت تنطلق في افاق جديده وابتدت تأخذ قوه ودفعه ايه البركات دي اقول لك دى بركات كثيره الكنيسه مجبرة الصوم دة سنين وسنين كنز وشهوه قلب الكنيسه انك تلاقي فى الصوم ان الناس بتتغير وطبيعها بيتغير تبقى فتره محبوبه جدا في ضمير الكنيسه عشان كدة أقدر أقول لك ان ده قوة ونعمه ورحمه كبيره جدا مافيش شخص تاب الا لما صلى مافيش واحد صام الا ماصلى التوبه مفتاحها الصوم والصلاة والكنيسه بتقول لك صوم وصلي في الصوم عشان تتوب ضع خطيتك قدامك في الصوم ماتصمش بس أكل لا ضع الخطايا بتاعتك في الصوم وقدم نيه توبة عنها وابتدى فعلا اجتهد ان انت تتعتق منها هو ده الصوم ما اجمل إنسان واقف صائم امام الله وبيطلب يتضرع لربنا عن ضعف ربنا يفكة عنه اكثر طلبة محبوبه لربنا طلبة التوبه اكتر طلبة تدخل لحضره ربنا وتجد استجابه ان الانسان يقول ارحمني قال له من ساعة تضرعاتك انا سمعت وقضيه الامر قال كده لدنيال من ساعة ماتبدا تقدم مشاعر توبة ثق فى الله نقرأ فى سفر الاخبار، عن ملك شرير جدا اسمة منسى ابوة كان ملك بار تقى جدا الملك حزقيا فمنسى قام وعاد وعمل مرتفعات اماكن عباده الاوثان اللي كان ابوه هدمها هو بناها ثاني وعمل مرتفعات جوه الهيكل تخيل انت كده لما يبقى جوه هيكل ربنا اماكن لعباده الاوثان اضل اسرائيل ارضى الله طبعا الملك الماعند عبد الاوثان واضل اسرائيل وطبعا الملك مادام عبد الاوثان الشعب كله بقى بيعبد الاوثان اضل يهوذاعمل الشر فى يا عيني الرب لاغاظته ياااااة كلمة شنيعة عمل الشر في عيني الرب لاغاظته واحد بيعمل الشر عشان يغيظ ربنا مش بضعف لا دة عاوز يغيظ ربنا استمر ع الحال ده 50 سنه 50 سنه الشر والمملكه في شر بسببه ربنا في الاخر عمل ايه سمح له انه يسبى وقضوا اعداءة بخزامه وجرو زي الحيوان لا مؤاخذه يعني بسلسله في رقبته ومجرور تقرا آية واحده بس في سفر الاخبار قالك لما لقى ضيقة نفسه فصلى الى الرب وعندما صلى فرد الرب له مملكته وقبل توبته معقوله يا رب صلوة تتوب الإنسان عند كل الشرور دي وكل السنين دي اقولك اه بس قول لة ارحمني كده اقف بقلب تائب معلمنا داود اعطانا مفتاح بيقولك القلب المنكسر المتواضع لا يرزله الله ماهى الاشياء التي تساعد الانسان وتجعل قلبة منكسر متواضع انك تكون صايم الكنيسه عارفه ان الصوم وسيله للمذله والاتضاع عارفه ان الصوم من اكثر الوسائل اللي تجعل الإنسان يبقى منسحق جرب تقول انا لما اروح مش هأكل هستنى شوية وهصلى قبل ما أكل لما تصلي قبل ما تأكل يحصلك اية؟ صلاة مختلفه خالص لانك قبل ما تصلي نصرت الروح على الجسد احيانا يقول لك لما تيجي تاكل وانت صايم حاول انك تتباطئ في اعداد الأكل ليه يعني اسف في الكلمه يعني اتلكع فى تجهز الاكل خذ لك ربع ساعه نصف ساعه لان الانسان النهم في الاكل انة لو صام صام وراح اكل بنهم يبقى برضة لسه الجسد مشاغب اكله ببطء واكله ما يحتاجه ارفع يدك عن الطعام قبل ما بطنك تنتهي ده ايه دة تعالى كدة خد الصوم بالاسلوب ده وشوف ايه اللي يجرى تلاقي حاجات كثير تنضبط فى داخلك وكأن الاكل ده هو مجرد وسيله بتعبر بها عن ما هو اعمق واهم بكثير من حكايه الأكل تعال كده قدم توبه عن خطايا متكرر وشوف قبول الله لك اللي بيزرعوا فينا عدو الخير بيقول لك انت ما فيش فائده ما ينفعش ودي حاجه من زمان اقول لك لا ابدا يزرع فيك شيئين يايقولك انت كويس قوي وانت احسن من غيرك بكثير يا يزرع فيك فكره ثانيه يقول لك انت وحش قوي وما فيش فائده منك يا كده يا كده ويمكن فى اليوم الواحد يجيب لك الفكره دي والفكره دي عشر مرات شوية يقول لك انت كويس قوي واحسن من غيرك بكثير وشويه يقول لك انت وحش قوي وما فيش منك فائده قولة أنا مقبوله لدى اللة ولا أنا وحش قوي لانى عايش مع المسيح واثق انة هيقبلنى ولا حلووو قوى لانى لو حلو قوى فدة برضة من المسيح ربنا يكمل نقائصنا ويسند كل ضعف فينا بنعمته ولالهنا المجد الى الابد امين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد
25 فبراير 2024

خبز الحياة الأحد الثالث من امشير

ربنا يسوع بيلقب نفسه بأن هو خبز ، الحياه كلنا عارفين عندما اشبع الجموع ،ابتدوا يتعاملوا معاة على انة مصدر للطعام ،، واصبحوا بيدوروا عليه في اي مكان يذهب الية لاجل الطعام .. وبعدين ربنا عاوز يصلح المفهوم ده جايين عشان مجرد تاکلوه قال لهم اعملوا لا للطعام الفاني بل للطعام الباقي للحياه الابديه، ماهو الطعام الباقي بتاع الحياه الابديه ده؟ ابتدى يكلمهم عن نفسه بطريقه واضحه جدا قال لهم انا هو خبز الحياه،، انت خبز ؟ في واحد يقول على نفسه انا خبز ، ممكن يقول انا اعطي خبز، لكن انا نفسي خبز ،، يعني ايه انت نفسك خبز ؟ يقول لك كده، خبز الله هو النازل من السماء الواهب الحياه للعالم فقالوا له يا سيد اعطنا في كل حين هذا الخبز، هو بيرفع اذهانهم للخبز سماوي . خبز السماء، وهما برضه فكرهم في حاجة تانية... طيب اذا كان ده خبز نازل من السماء بيعطي حياه ؟ اعطيه لنا .. بس هما بيقولوا اعطية لنا على برضه ایه اکل..اكل عادي .. أعطينا في كل حين هذا الخبز، قال لهم يسوع .. انا هو خبز الحياه يصحح انت هو خبز الحياه يبقى انت الله النازل من افکارهم طالما مش الخبز اللي دماغنا فيه ازاي انت تبقى خبز الحياه ده امر غامض جدا من يأتى إليا فلا يجوع، ابتدا يوضح يوجه انظرهم الذي يذهب الية فلا يجوع، ،،ومن يؤمن بی فلا يعطش الى الابد انا خبز الحياه قبل كده قال لهم انا ماء الحياه، خبز الحياه، من بدايه الإنسان كان ربنا بياكله.. ابونا ادم هو في الفردوس مع المسيح كان ربنا الذي يُطعمة وربنا خلق الانسان كائن جائع، يوجد كائنات هي بتعرف تغذي نفسها تقدر بطريقه ذاتيه. لكن الانسان لابد أن يأتى الية خبز من بره وياكله ويدخل جوه جسمه ويشبعه يعطية استمرار للحياه، تعال كده واحد ما تاكلهوش فتره یدوخ يقع ،، ولو الفتره طولت يموت.. كائن جائع، الخبز عنده مهم جدا ، الله وجد في الانسان هذا الاحتياج لكن من البدايه الله جعل هذا الاحتياج ان يكون احتياج لكي ما ينمي رابطه الحب والشركه بين الله والانسان، فكان يقول له انت تجوع . انا اطعمك.. ابونا آدم وحواء وهما في الفردوس يجوعوا ربنا يعطيهم اكل ،، بياكلهلهم، لدرجه يقول لك ان ممكن يكون ربنا بيعطيهم ملائكه بتطعمهم، طب وبعدين دخل عدو الخير من نفس النقطه فسد الحب والشركه والوحده بين الانسان والله لاجل ان يصبح هو سبب الانفصال ، فقال له بدل ما ربنا ياكلك انا عاوزه انا اللي أكلك ،، خذ كل من الشجره دي ،،الموت الذي دخل الى العالم بحسد إبليس اصل ابليس متضايق جدا ايه الحب ده انا عاوزك انت تشوف منظر ده ام بتضع اكل في فم ابنها منتهى الحب منتهى الرفق الشيطان شايف المنظر ده قال لك لا بدل ما هو ياكل من ايدة انا عاوزه يأكل من ايدي انا وفعلا ظل يلف حوالين النقطه دي لحد ما الشيطان اكله من ايده هو ربنا لما كان يعطي الطعام لادم كان ادم يشكر يسبح كان آدم يزداد في الحب يزداد في الاقتراب، وعندنا اكل من يد الشيطان، ايه اللي حصل بقى اللي حصل ان ازداد في الاضطراب والخوف واذات في القلق واذات في الإبتعاد ودي كانت بدايه الأكل ،الغلط جاي ربنا بقى في تجسده عاوز يصلح حكايه الاكل الغلط قال انا عاوز ارجع ثاني انا اللي اطعمك، فهموه برضة غلط ، قالو لة اه اكنها انت خبز.. قال لهم لا .. انا عاوز ااكلكم بطريقه الفردوس، ايه هي بقى ان انا هو خبز الحياه انا اللي انت تأكلني انت تعيش انا هو خبز الحياه ، الخبز مصدر حياه من ضمن القاب الخبز مشهور عندنا في مصر بيقول اسمه عيش عش ليه لانه العيشه ، عيس يعني ايه حاجه تعيش المسيح بيقول من الحياه من لك انا عيشتك انا العيش بتاعك انا الخبز بتاعك انا اللي أعطيك الحياه ما تبقاش بتاكل الخبز ده اللي كل شويه تأكله وتجوع. تاكله وتجوع ، لكن انا هعطيك خبز تأكله وماتجوعش ، انا هعطيك خبز تأكله وماتمتش الذي يأكل الخبز العادي عمر الخبز العادي ما يمنعه من الموت، لكن انا الخبز بتاعي هاعطيه لك خبز جديد، خبز معطي حياه للعالم ،، ده بقى اللي ربنا جاي يعمله واللي ربنا حب يعمله مع الشعب في العهد القديم وما قدروش يستوعبوا ليه،، لانه كان بيقلهم انتم قلقانين على حكايه الأكل .. قالولوا جدا.. جدا عاوزين نعرف نجیب مصدر اكل منين احنا ناس متشتتين وعايشين في صحراء وكتار .. هناكل ازاي قال لهم ما تقلقوش على حكايه الأكل انا اللي هاكلكم بقى ربنا كل يوم يبعث لهم المَن من السماء، لدرجه تعجبوا كانوا بيقولوا ايه ده... قال لهم اسمه من... وكلمة من لما تيجي تقرأها معناها من هو ،، من هو،، يعني عاوز يقول لك ان ده شخص وليس شيء. اصل لما يبقى شيء يقول عليه ما هو لكن لانه شخص من هو عشان كده اسمه مَن ... من رمز انه شخص رمز، انه عاقل انه حي، اذا مش مجرد خبز، طيب مين بقى المَن الشخص الحي العاقل اللي تأكله يقول لك ده انا ده من الرموز اللي واضحه جدا جدا لشخص ربنا يسوع في العهد القديم، كان يأتى لهم كل صباح كان اللي يأكلة ما يجعش، كان اللي يجمع كثير ما يتفضلش عنه، واللي يجمع قليل ما يحتجش كان كل يوم يبقى حلو في افواهم ، كان يبقى مستدير،، كان يكون طازه كل الرموز دي ايه ، اقولك اترك المن كده على جنب، وفكر في المسيح ، جديد في كل صباح ،، طعمه حلو تأكله متجعش.. تسعى اليه تفتش عنه تلاقيه في الصباح الباكر القيامه، اللي يخرج له اللي يجتهد ياخذة جديد، حلو مستدير، تملي الدائره رمز.. انها ما فيش بدايه ولا نهايه رمز للابديه دائره كل ده، ربنا يسوع المسيح تأكله ما تخافش ما تقلقش، قال لك كده انا هو خبز الله النازل من السماء المعطي حياه للعالم ،، لما ربنا وجد الانسان ،جاع، قال له انا شبعك انا اللي تأكل مني ، وطعامى يتحول فيك الى حياه مش إلى موت ، عشان كده لو تاخذ بالك تلاقي ربنا يسوع في العهد الجديد يقول لك ، أخذ خبزا .. وبعدين يقول لك وشكر.. وبعدين يقول لك ..بارك.. وبعدين يقول لك وقدس وقسم .. بعد كده يقول لك .. أعطى ، خذوا بالكم دول ست كلمات.. اخذ شكرا بارك قسم اعطى الكنيسه اخذت الست كلمات دول. عملت منهم القداس. يعني القداس كله عباره عن الست الكلمات دول اخذت ده تقديم الحمل ده اخذ .. شكر ده الجزء الاول أبونا بيصلي فيه صلاه الشكر بعد مايكون أخذ .واختار ...دة الشكر بارك القداس كله احنا بنصلي عشان خاطر ايه.. ان الخبز ده يتبارك، قدس دة الجزء بتاع التقديس ابونا يبتدى يعمل رشومات على الحمل ويقول وباركه و قدسة وقسمه بعد كده قسم... قسم ده الجزء بتاع القصة... أبونا بيقسم .. بعد قسم .. يقولك أعطى دة كدة الجزء بتاع التناول... أخذ شكر بارك قدس قسم اعطى... الكنيسه بحكمه وضعت صلوات لكل واحده فيهم عشان كده ممكن تلاقي قداسه للقدس كيرلس القداس القديس باسيليوس، قداس القديس غريغوريوس. قائمين ع الست محاور دول .. ما فيش قداس يكون من غير أخذ ولا شكر ولا باركها ولا قدس ولا أعطى..... طالما احنا مش مختلفين على الاساسيات خلاص ، تعال بقى عدو الخير عمل ايه قال لك انا هاعمل سته زيهم بس بقى ايه.. من جهة اخذ فهو أخذ... لكن شكرا لا ، د لعن.. وبعدين، بارك!؟ ابدا.. قدس؟ لا ،ده تقول عليه افسد .. قسم ؟ اعطى؟ طب ثمر الانسان اللي بياخذ الحاجات دي ايه يفرح.. تدخل لة حياه ابديه يسبح يقول لك لا لا ده مع عدو الخير ،، بقى، تكتئب .. تزعل. تستخبى... تفقد الحياه تموت، جاء المسيح يصحح الامر .. قال لهم،، انا خبز الله النازل من السماء الواهب الحياه للعالم، اعطنا من هذا الخبز مش قادرين يفهموا... وقال لهم يسوع انه هو خبز الحياه، من يأتي الية فلا يجوع ومن يؤمن بي فلا يعطش الى الأبد خذ بالك الأكل مرتبط بالشرب ، دايما الناس تقول الاكل والشرب الاكل والشرب عشان كده يقول لهم انا اكلكم أنا شربكم انا خبز الحياه وانا ماء الحياه ،، انا الاثنين، لاجل هذه ربنا أعطاهم من في العهد القديم أعطاهم من واعطيهم مياة ليه؟ لما كان ممكن ربنا يبعث لهم بركه ولا نهر يشربوا منها قال لهم لا انا عاوزه اديهم الميه انا عشان أؤكد على حقيقتين مهمين جدا انا خبز وانا المياه، ،مخليهمش ياخذوا الميه باي طريقه.. لكن قال لة تعالى عند الصخره اضربها تضربها تروح منزلها مياة... عشان كده كانوا بيحتفلوا بهذا الامر بطريقه مستمره كان في عيد اسمه عيد المظال .. ياخذوا خيام ويطلعوا بيها بره بيوتهم، عشان يفتكروا ايام غربتهم في البريه عشان كده اسم عيد المظال يفتكروا ان هم كانوا غرباء ويعيشوا في خيام .. وبعدين يعملوا موكب كبير قوي قوي في كل الشعب وكل الكهنه ورؤساء الكهنه ويخرجوا بموكب كبير جدا وواخذين زي كده وعاء فخاري كبير جدا ،، ويملوا ماء من برکه سلوان ويرجعوا بالوعاء الكبير قوي ده ،بالمياه من بركه سلوان رئيس الكهنه .. يضعة عند المذبح ويوقعه ويتكسر المياه تفيض... عشان يفتكروا المياه اللي خرجت لهم من الصخره، يسوع يقف يتفرج على الموقف ده يقول لهم انتم كده اللي بتعملوه كده انا ...انا هو ماء الحياه انا... انا مصدر المياه ..عشان كده بيقول لهم ايه من يأتي اليا فلا يجوع من يؤمن بي فلا يعطش الى الابد. بتتكلموا عن المياه اللي خرجت من الصخره ده انا ... معلمنا بولس الرسول يقول لك ايه؟ والصخرة تابعتهم وكانت الصخره المسيح ،،، في تقليد عند اليهود يقول لك ان الصخرة دى منين ما يمشوا يجدوها ... في تقليد ثاني يقول لك ، كان ربنا متوهم فيقعدوا يلفوا يلفوا يلفوا ويلاقوا نفسهم ثاني عند نفس الصخره ،،تابعتهم . عاوز يقول لهم ان الصخره دي مين ؟ دي المسيح ،، تاخذ منها وتشرب منها وترتوي منها فربنا عاوز يأكد على حقيقتين عاوز يقول لك، أنا خبزك وانا ماءك ،،فاذا انا حياتك انا هو خبز الله النازل من السماء الواهب حياه للعالم الكنيسه تحط لنا النهارده الجزء ده ليه؟ عاوزه ترفع عينك لفوق عاوزه تقولك اهتم جدا بالحياه الابديه طب ازاى تاخد الحياه الابديه؟ تاخذها عن طريق الطعام الأبدي ايه هو الطعام الأبدي اولهم التناول اثنين كل ما هو روحي ده ابدى كل ما هو الهي كل ما هو فوق الزمن اهتم به عشان تاخذ طعام حياه ابديه عشان كده يقول لهم انا هو خبز الله النازل من السماء الواهب حياه للعالم ، هتاكل مهما تاكل هتجوع، هتشرب مهما تشرب هتعطش هتحتاج هتفضل نفسك متزمره ومتمرده قال لك لكن دة آكلة نفسة لا تجوع بمعنى الإنسان اللى عايش في البر ومش خاضع لقوانين الطبيعة اللي عايش في الروح الجسد بتاعه سلطانة قليل، لما تيجي تقرا عن ابائنا النساك او لما واحد يقول لك اتة كان بياكل وجبه كل ثلاث ايام ولا كل اسبوع ، ، تتعجب اصل الحكايه مش حكايه اكل هو الروح شبعانه جدا الروح شبعانه جدا فجعلت الجسد خفيف جدا ضئيل جدا وسلطانة ضئيل جدا موضوع الأكل القليل دة مش بداية القصة دى نهايتها لية في الاخر ابتدات تيجي له المشاعر انه مكتفى وانه شبعان وانه راضي هو كل ده اللي ربنا بياكد عليه للانسان عشان كده هنا بيقول لهم قالوا له ابائنا أكلوا المَن في البريه أعطاهم خبزا من السماء ليأكلوا فقال لهم يسوع الحق الحق اقول لكم ليس موسى أعطاكم الخبز من السماء بل ابي يعطيكم الخبز الحقيقي من السماء الموضوع ما كانش موضوع موسی ، كان موضوع من ربنا قال لهم انا نزلت من السماء ليس لكي اعمل ارادتي بل اراده من ارسلني انتم عندكم ايمان ان كان ربنا بينزل خبز من السماء كدة للارض الناس تأكله اباءنا كانوا عايشين عالية قال لهم طيب انا جاي لكم دلوقتي خبز نازلكم من و هو السماء علشان تعيشوا عليه اية يا رب العجب ده النهارده لما تيجي تقرا قراءات الكنيسة تلاقي الابركسيس.. يكلمك عن موقف معلمنا بولس الرسول كان بيعظ وطول في الكلام لحد نصف الليل ..ولد جالس في شباك في دور علوى الولد ده تثقل باللنوم نام نعس وقع من الشباك في وسط ناس مات بولس لما كان يوعظ كان آخر اللقاء الروح بتاعهم في الفجر يختتموا بقداس فعملوا القداس بولس بيناول لما جاء معلمنا بولس بيناول الولد ميت بيقول لك كده انه راح له فسقط من الولد ميت فالولد قام قال لك كده ان عليه النوم الطبقه الثالثه الى اسفل وحمل ميتاً بيقول لك كده انه قال لهم خلاص ما تتطربوش ثم صعد وكسر خبزا وذاق وصلى كثيرا حتى خرج وأتى بالفتى حيا اية كسر خبزا وذاق ؟؟ كانوا عاملين قداس !!قابل الموت مع الحياه الولد ميت معلم بولس الرسول معاة خبز وذااق يبقى ده ايه دي الافخارستيا احنا نيجي القداس ميت ين أموات بالذنوب والخطايا نتقابل مع الحياه احنا ميتين فينا الجسد والدم بنخرج احياء ،، نحن اموات بنموت لكن ،بنموت ليه بسبب الحياه الابديه اللي فينا ان الجسد والدم خبز الحياه اعرف قيمه الافخارستيه اعظم عطيه ربنا ممكن يعطيها على الارض للبشر الافخارستيه هي سر حياه حياتنا تعال القداس وانت حتى لو مهموم بالخطايا ومثقل جدا بهموم كثيره حطها على المسيح ووقت التناول ده اجعله بهجه حياتك كلها خذ الخبز كده وانت في بهجه فرح وخلاص وانت في ثقه ان ده سر الحياه بتاعتك ،، مش الاكل والشرب ولا اللبس ولا الرزق ولا الكوت ابدا سر الحياه بتاعتك هو في الافخارستيه عشان كدة كان في عباره تقول المسيحيون يقومون الافخارستيه والافخارستيه تقيم المسيحيون هي اللي معيشاهم هي اللي مخلياهم يقدروا يثبتوا ضد الضيق والاضطهاد والجوع ليه لان هو ده سر حياتهم. تسمع فى سير الشهداء يقول لك كان في اسقف كان هيستشهد وهيعذبون اول حاجه عملها ايه جمع الشعب ووعظهم وعمل لهم قداس وناولهم بعد ما ناولهم قال لهم ايه خلاص اعملوا اللي انتم عاوزينه انا وشعبى اجتمعنا حوالينا المسيح واتناولنا اعملوا اللي انتم عاوزينه انا مستعد قمه فرحه تأتى في الافخارستيا ، حتى کلمه افخارستيا معناها جزئين إف يعني حلو ، خريس يعني نعمه اف خريس يعنى نعمة حلوه احنا جايين النهارده نأخذ إف خريس يعنى اية؟ النعمه الحلوه النعمه السماويه النعمه اللي جايه من فوق، اللي مش من الارض النعمة الالهيه قال لهم كده انا هو خبز الله النازل من السماء المعطي الحياه للعالم هو ده سر الحياه بتاعتك شوف الناس بتعمل ايه عشان اكل العيش وشوف الناس بتتعب قد ايه عشان لقمه العيش وكل ده وهيكلوه ويجوعوا شوف اكثر وجبة تقعد في بطن الإنسان قد ايه ولا تشبعه قد ايه ساعات قلياه ويرجع ثاني جعان وممكن يأكل من نفس الاكل اللي أكلوا قبل كده بس عشان خاطر ايه حاجه تعيشوا لكن المسيح يقول لك لا انا مش كده انا هتاخذني مش على مستوى الطعام البائت دة لان انا طعام حياه بالنسبه لك طب ليه بناخذة بإستمرار ؟! أقولك لاننا خطاة احنا بنجوع مش عشان هو خبز الروح ده خبز بيجعل الإنسان يجوع لكن خطايانا بتخلينا بإستمرار في حاله جوع الية وكل ما احنا على الارض فاحنا معرضين للخطايا محتاجين الدواء محتاجين الحياه محتاجين، نقترب، وهكذا الى النفس الاخير، قال لهم انا هو خبز الحياه انا هو خبز الله النازل من السماء المعطي حياه للعالم تلاقي كده الانسان المسيحى اللي بيتناول تجدوا فيه في بقاء في فرح عيش التناول صح، افهم معناه وخذوا بحب وفرح وشغف. استقبله باستعداد لائق وفكر فيه كثير واستعد لهم كثير ، واعرف قيمته في حياتك كثير ما تستهترش به ابدا ما تاخدهوش ابدا على مستوى الماده ابدا ولا تستعدله على المستوى المادة ولا الجسد ،، خبز روحي يبقى يستعد له على مستوى روح ،، واهب حياه يبقى تاخذ على مستوى الحياه ،، ما اجمل الإنسان الفصلي اللي بيتناول ما اجمل الإنسان الي يقرا كلمه الله ويتناول ما اجمل الانسان اللي له عشره مع الحياه الابديه ويتناول اهو هو ده اللي تلاقي التناول عامل فيه، ليه ؟ لانه بيعد نفسه على نفسه مستوى الاعداد تخيل انت كده لما تلاقي واحد بيذكر ماده بس داخل يمتحن في ماده ثانيه استعد مش على نفس مستوى الاستعداد التناول طعام حياه طعام روحى يبقى لما تيجي تاخذه تكون على مستوى الروح عشان كده مستعد الكنيسه تقول لك صوم قبل ما تتناول ليه عشان تيجي بروحك جاهزه مش تيجي واكل وشارب لا ده انت جاي ، وكأن انت عاوز تقول لربنا انت يا رب من البدايه انت كنت تُطعم آدم انا جاي لك في الافخارستيا ان انا جعان بس رافض أكل من آيد ثاني غير إيدك جاى جعان على أن أكلك من إيدك فانت اللي تخرجني من هنا شبعان انا جاي رافض أأؤكل حاجه قبلك عشان خاطر أكلك انت أول حاجة عشان انت تبقى بالنسبه لي مصدر شبع عشان كده لو تاخذ بالك ، الكنيسه في فكرها الروحي قدست الطعام وخليتك حتى قبل ما تأكل اي شيء في بيتك تصلي قبل ما تأكل عشان تفتكر ان ممكن يكون الاكل ده كان زمان سبب سقوط ، لكن النهارده الاكل سبب ايه سبب بركه اللي حضروا معنا امبارح كنا بندرس ابونا يعقوب وان ياما الاكل ضيع بركات ، رأينا عيسو ودخل على اخوه وجدوا عامل وجبه سخنه قال له اعطيني من هذا الأحمر قال له بعلى بكوريتك، قال له يا سيدي وماله انا ماضي الى موت باصص لأكل الأرض مش مهم عنده الروحيات انا ماضى الى موت قال له خلاص طيب احلف لي كمان حلف له واخذ وآكل ،،طب ايه يعني الأكل اللي خسرتك البكوريه دي البكوريه دي يعني حاجتين يعني يكون راجل كبير كاهن الأسره هو اللي يقدم ذبيحه عن الاسره والولد الكبير يأخذ نصيب اثنين من بركه ابوه ومن ميراث أخواته كل هذا في البكوريه؟! يبعها بأكلة عشان كده عاوز يقول لك اوعى تكون مغلوب للأكل انت جعان وجاي وقاعد قدام الاكل والاكل شاهي وانت جعان يقولك استنى استنى صلى اصل انت لما بتصلي وانت جعان انت بتقول لربنا يا رب انا رافض اعيش بسلطان الجسد انا حتى إن اكلت ها صلي قبل ما أكل ، لاني انا عاوز اخلي الاكل يبقى حوار حب بيني وبينك لو تاخذ بالك في صلاه الاجبية اللى الكنيسه وضعتها لنا قبل ما ناكل ، نقول له ايه تبارك يا ربنا يا من تهبنا خيراتك تفتح يدك فتبسطها فتشبع كل حي من رضاك انت يا رب انت اللي فاتح يدك وانت اللي بتاكلني دلوقتي تباركت يا ربنا يا من تعولنا منذ حداثتنا انا فاكرك يا رب من وانت بتاكلني من وانا طفل مين اللي بياكلني وبعدين اجي في اخر الصلاة اقول له امنحنا خبز البركه وكأس الخلاص انا ابتديت احول الاكل ده الى اكل اللي في الابديه ، حتى اذا ما اكلنا او شربنا نمجد اسمك القدوس ده حوار الحب ما بين الانسان والله حتى عن طريق الأكل الانسان الروحاني يقول لك يجعل جسدياته روحيه الانسان الروحاني جسدياته روحيه هياكل لكن اكله روحاني بالعكس الانسان الجسدانى يجعل روحياتة جسديه يعني كلها شكليات كلها كده أنا هو خبز الله الواهب حياه للعالم تيجي للمسيح وانت جعان وتقول له يا رب اعطيني من ايدك اكل واعيش اكل واحيا اؤكل واحب اكل واشكر اكل واسجد عشان كده اوعى تتناول الا وانت تصلي صلاه بعد التناول تلاقي فيها حب شديد لربنا وبعد ماتتناول تقول له قد امتلئ قلبی فرحا ولساني تهليلا تقول له يا رب انا مستاهلش لكن انت اعطيتنى النعمه دي وافقني الى ان ينزل النهار لانك انت وحدك غايتي ربنا يشبعنا به ويعطينا نفس متهلله به ، نشعر بحبه من خلال غذاءنا السماوي معة ربنا يكمل ناقصنا ويسند كل ضعف فينا بنعمته و إلهنا المجد الابد امين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد
18 فبراير 2024

ماذا نطلب

تقراء علينا الكنيسه فى هذا الصباح المبارك فصل من انجيل معلمنا يوحنا اصحاح 6,يحكى ان بعد ما ربنا عمل معجزه اشباع الجموع فبعدما اكلو وشبعوا فبدئو يبحثو عن يسوع ويذهبون ورائه فى اى مكان , عبر البحر ياخذو سفينه ويعبرو البحر لكى يذهبوا وراءه, يرجع يرجعون معه ,فالرب يسوع لاحظ ان من وقت هذه المعجزه ان عدد الذين يتبعوه زاد , فهو عالم لماذا ياتون وراءه , فهم ياتون لياكلوا فظنوا ان كل مره ياتون فيها سياكلون فكانت هذه الحكايه تروق لهم , فقال لهم لا احد يتبعنى لهذا السبب , لو تريدون ان تتبعونى اعملو لا للطعام البائد بل للطعام الباقى الذى للحياه الابديه , انتم تتبعونى لانكم اكلتم من الخبز وشبعتم ,وهذا يمثل مركز مهم فى علاقتنا مع ربنا . نحن لماذا نتبع المسيح ؟ لماذا ناتى للكنيسه؟ لماذا نصلى؟ لماذا نصوم؟ لماذا نتشفع بالقديسين؟ جوهر علاقنا مع ربنا امور زمنيه ؟ ام امور روحيه؟ هل كل ما يشغلنا هو الاكل والشرب والمستقبل والشقه والسفر والدخل والامكانيات واللارتباط ؟ هل كل طلبتنا مع ربنا وكل جوهر علاقتنا مع ربنا هذه الاشياء؟ فى الحقيقه هذا تحذير من ربنا , لا يصلح ان احد يتبعى لهذه الامور,يجب تكون تبعيتنا لربنا يسوع تبعيه لامور فوقيه سماويه, تبعيه ناس سائرين فى طريق الملكوت ,ليس فى طريق الارض او الزمن , نعمل لا للطعام البائد. جوهر علاقتنا مع ربنا جوهره فى الحقيقه هو خلاص انفسنا ,جوهره فى الحقيقه هو ميراث ملكوت السماء. انا عايزك لي يارب ,عايزك تغفرلى خطيتى,عايزك تسندنى وتقوينى وترفعنى ,عايزك تفرحنى فرح روحانى, عايزك تملا قلبى سلام ,عايزك تدينى نعمه وحكمه , هذا هو جوهر الطلبات التى اطلبها من ربنا يقول القديس مارى اسحق "عندما نقف امام الله لا نطلب امور لا يهواها "اطلب من ربنا ما يحبه , فماهى الطلبات التى يحبها ؟ خلاص نفسك هذه هى شهوه قلب ربنا هو خلاص انفسنا , الله يريد ان الجميع يخلصون ,تخيل لو ربنا هذا ما يريد وانت ايضا تريد ذلك , فالله يريد ان نكون معه فى المجد لذلك هذه يجب ان تكون محور طلبتنا , لا نطلب من الله امور لا يهواها , ويكمل القديس ماري اسحق قائلا " عندما تقف امام الله لا تطلب التفاهات من العظيم لألا تهينه ,الكنيسه عندما تطلب طلبات تكون مثل "اذكر يارب سلام الكنيسه ,طهاره كل شبعك المؤمن ,اذكر يارب ان ترحمنا كلنا " , محور الكنيسه فى طلباتها تجده متركز على غفران الخطايا ,اكثر كلمه تقولها الكنيسه كلمه "كيرياليسون" فانت واقف امام الله تردد "كيرياليسون "ارحم.ارحم.,انعم لى بغفران خطاياى ,هذه الطلبات التى يريد ربنا ان يسمعها مننا, استجابتنا لروح الصلاه , وقفتنا امام ربنا ,وجودنا فى الكنيسه هدفه بدايه الحياه الابديه ,ان نتحد بل نلتصق بالله ,فانا موجود عشان اتحادى بربنا . تجد الكنيسه تقول طلبات تعلمنا الصلاه مثل "نعم نسالك ايها المسيح الهنا ثبت اساس الكنيسه,وحدانيه القلب التى للمحبه فلتتأصل فينا لينمو بر الايمان ,سهل لنا طريق التقوى " ,هذا ما تعلمه لنا الكنيسه , فنحن عندما نقف نصلى يجب نصلى بنفس الطلبات وبنفس روحيه الطلبات ,سهل لنا طريق التقوى يارب الطريق صعب وانا لا استطيع سهله لانى ضعيف اسندنى فى خلاص نفسى , اريد اعيش فى طريق التقوى والفضيله اريد الفضيله تتأصل فيا , فالمحبه تكون محبه الهيه وليس محبه ارضيه زمنيه يجب ان يكون بيننا وبين الله اتفاق فى الطلبه , فدائما طلبتنا لها طابعين وربنا يريد طبعين مختلفين ,طبعين نحن محسورين فيهم وهما الارض والزمن فكل تفكيرنا فى الارض والزمن , اما ربنا تفكيره العكس تماما فى السماء والابديه , اثنين لا يتقابلو ابدا , فما هو الحل ؟ هل اقول لربنا خليك فى الاض والزمن ,سيقول لى لا انا غيرزمنى ,انا جئت على الارض عشان اخلصك وارفعك وليس للعيش على الارض , لذلك قال " انتم لستم من اسفل " اذن يجب انا ايضا افكر بنفس الطريقه التى يريدها ربنا لى , ربنا يريد ان ينقلنى من الارض للسماء ومن الزمن للابديه عندما تقف مع ربنا اجعل محور تفكيرك وطلباتك وحياتك من السماء والابديه ,اخرج من دائره الزمن , اخرج من الارض,فهل اعيش ملاك وانا على الارض ؟؟ الاجابه انت ستتطلب من ربنا ايضا امور الارض لكن لم تكون محور ولا اساس الطلبه يوم ماالناس جاعت لم يطلبوااكل لكن هو عندما وجدهم جياع قال اعطوهم لياكلو , اى من غير ما تتكلم هو هيهتم ," اطلبوا اولا ملكوت الله وبره وهذه كلها تزاد لكم " فهو لا يتركك محتاج لشئ ابدا الاباء النساك المتوحدين الرهبان والشهداء هل تركهم محتاجين لشئ ؟ ابدا , قيل "كنت فتى والان شيخت لم ارى ذريه تخلى عنها " لم ارى احد ربنا تركه ابدا يوجد خمسه محاور تصلى بهم وهم كالاتى : 1-الشكر : لا تدع التمرد يتملك على حياتك وتكون رافض لكل امورك لا تكون لم ترى احسانات ربنا عليك لا يصبح كل شئ فىحياتك التفكير فى الاشياء التى تنقصك التى نسبتها 10 % وناسى ال 90 % اشكر كتير , اشكر لان ربنا سترك واعانك وحفظك وعضدك اشكر لان ربنا ابقاك حى الى هذه اللحظه لانه يتمهل عليك لاتمام توبتك اشكر من اجل كل الامور اشكر من اجل حمايه الله الخفيه لك اشكر ربنا انه انقذك من اشياء كثيره انت لم تعلم بها اشكر من اجل عطاياه لذلك من الاهداف التى يعلمها لنا الاباء , لماذا نذهب للكنيسه ؟؟ من الاسباب اننا نذهب لكى نشكر , فمن ضمن اسماء سر التناول "سر الشكر" , ناتى الكنيسه لنعبر لربنا عن اعترافنا بفضله علينا , اجعل كلمه اشكرك على لسانك باستمرار ,فاول محور فى صلاتك الشكر ,لذلك نلاحظ ان كل صلوات الكنيسه تبداء ب "فالنشكر صانع الخيرات " . 2-اعطاء المجد لله : اشكر ومجد ربنا ,قول "قدوس الله قدوس القوى قدوس الحى الذى لا يموت " اتعلم من الكنيسه التى تمجد ربنا وتقول " الذى خلق السماء والارض والبحر وكل ما فيها ابو ربنا " ,مجد الله فى القداس كل الصلوات يتجهه الكاهن للشرق لكن فى جزء يتجهه للشعب ويرفع القرابين لفوق ويقول " مجدا واكراما اكراما ومجدا للثالوث القدوس الاب والابن والروح القدس ,اعطى مجد لله قول باستمرار "المجد للاب والابن والروح القدس " قول باستمرار كلمه "قدوس " قول باستمرار كلمه "نسبحك نباركك" ارشم علامه الصليب وانحنى اعطاء مجدا لله , مجد عظمته , الذى يبدأ صلاته بالشكر واعطاء مجد لله يجتذب اذنى الله , الذى يبدأ صلاته بالشكر والمجد كأنه بيقول لربنا انى اعلم انا اقف امام من هتجد ان هتين الطلبتين يفتحوا قلب ربنا لك , ويفتحو قلبك على ربنا. 3-اطلب التوبه والغفران والخلاص والملكوت : اطلب توبه عن خطاياك المتكرره فى حياتك ,نقطه ضعفك , كل واحد فينا يعلم نقطه ضعفه , يارب اشفينى من محبه الذات ",اشفينى من محبه المال, اشفينى من الشهوه الرديئه ,يارب مد يدك فى حياتى ,اجعلنى اشعر بك ,يارب انقذنى من الصداقه الرديئه ,يارب احمينى من محبه العالم ,يارب صالحنى على فلان الذى لا استطيع ان اتصالح معه , اطلب عن غفران خطاياك وطلب نعمه ,اطلب كتير من ربنا انه يسندك ويعينك على خلاص نفسك ويساعدك على ارضاه وعلى حفظ وصاياه , ويعتقك من الشر والخطايا المتكرره ,اطلب منه حريه ,اطلب منه خلاص وغفران ورحمه ومعونه ,اطلب منه فرح روحانى يخلصك من روح الحزن والكأبه ,اطلب منه خيراته العتيده اللى منتظراك ,ذكره بمواعيده قول له انت قلت "رثوا الملك المعد لكم من قبل تأسيس العالم " انت قلت " الصديق يسقط 7 مرات فى النهار ثم يقوم" انت قلت انك تأتى تترك لنا سلاما " سلاما اترك لكم سلاما اعطيكم " خذ جزء من طلبتك وطول فيه وتكلم مع ربنا واطلب فيه كتير . 4-اطلب طلبات روحيه لكل الذين تعرفهم : لأولادك لبيتك لاصدقائك لعائلتك لآمك لأخوك , اعطيهم يارب توبه ويفرحو بيك واكشف لهم الطريق ونور لهم حياتهم الذى قلبه اتفتح للكل لا يمكن ان يسكن فيه بغضه ,اطلب من اجل الكل ,اطلب سلام وبنيان وفرح ,اطلب نعمه ومعونه ,اطلب عن الكل ,ارفع قلبك الى فوق الذى وقف وطلب طلبات روحيه عن نفسه وفاتح قلبه وطلب طلبات روحيه عن الاخرين الذين حوله , فمثل هذا كيف ينظر اليه الله ؟ هذا ينظر له بعين الحنان والرأفه ,رأفات ربنا كلها من اجله , محبه ربنا كلها من اجله , خلاص ربنا كله من اجله , السماء تنفتح له وبتسمع صوت طلباته وربنا ينظر اليه , اطلب عن كل الذين حولك ثبتهم يارب فى كنيستك وحببهم فيك واجذبهم اليك ,اربطهم بيك برباطات المحبه . 5-اطلب الامور التى تحتجها : واحد شكر ربنا , ومجد ربنا , طلب طلبات روحيه عن نفسه , طلب طلبات روحيه عن الاخرين ,يارب اعطينا الرزق والقوت للمعيشه فى اكتفاء وشاكرين لا نحتاج لشئ ,يارب اشفى فلان ,اعطى نعمه لاولادى ,انقذه من كذا وكذا واكشف له الطريق , اسند فلان , فالحاجات التى احتاجها اطلبها ايضا لكن لم تكن هى محور علاقتى بربنا ربنا بالنسبة لى ليس موظف يشتغل عندى فى الامور التى احتاجها , ربنا ليس مجرد شخص له سلطان وانا اوظف هذا السلطان ربنا اعلى من هذا ,فقال " اعملو لا للطعام البائد بل للطعام الباقى " , " تتبعونى لانكم اكلتم من الخبز وشبعتم " هل هذا سر تبعيتكم لى ؟ . لذلك الذى يبنى حياته على هذاالامر مع ربنا يجد حياته مع ربنا هشه , لماذا ؟ لان حين اطلب من الله يشغلنى ؟ والله لم يشغلنى , يصبح ربنا لم يكن واقف معى , لماذا انا اصلى له ولم يفعل الذى اريده ؟يبقى امتنع عن الصلاه , وربنا لم يحبنى ولم يريدنى فيجد حياته مع ربنا هشه لانه وضع لربنا شروط للعلاقه , لانه يريد ان يمشى ربنا على هواه , مش انا الذى اخضع لربنا فى هذه العلاقه ربنا اكبر من هذا واحن من هذا ,ونظرته لنا اشمل , ربنا لا يهمه انت عايش فى شقه شكلها ايه لكن اللى يهمه قلبك شكله ايه ؟. والذى يهمه البيت السماوى الذى ستسكن فيه , لذلك نجد فى الكنيسه والقديسين ناس تسكن فى مغاير وشقوق الارض ونجد ربنا نفسه لما عاش على الارض عاش فقير ,كان ممكن يقول اريد اأكل لكن هذاالامر لم يكن يشغل تفكيره , لم يكن يشغله ان يسكن فى قصر لذلك ركز على جوهر حياتك مع ربنا ان يكون هذا الجوهر هو ربنا ان جوهر حياتك مع ربنا حياتك الابديه ان جوهر حياتك مع ربنا لا تكن الامور التى يمكن ان يمنحها لك بشر , ممكن واحد يجيب لك وظيفه ,يساعدك باموال , ممكن دكتور يعطيك دواء يشفيك من تعبك , ربنا اكبر من هولآء ربنا ليس مجرد شخص يحل لك مشكله زمنيه فربنا غير زمنى ,يعطيك امور ابديه , تبعيتنا لربنا يسوع يجب تكون تبعيه من اجل هدف غفران خطايانا لنوال الحياه الابديه ,من اجل ان نعرف امام من نحن واقفين ؟ , لذلك ركز على الخمس محاور للصلاه بهم اشكر كتير اعطى مجد لربنا كتير ,الكنيسه بحكمتها تعرف معنى انها تمجد ربنا تقول "قدوس " تعرف كيف تستميل قلب الله اليها وتحضره ويسكن فى وسطها ووسط عبادتها ووسط مؤمنيها اطلب كتير عن خلاص نفسك وغفران خطاياك وتوبتك وان ربنا يحلك من نقاط ضعفك ,لم احد يستطيع ان يمنحك الامور الروحيه سواه اطلب عن احبائك طلبات روحيه فى الاخر اطلب الامور الزمنيه ,كل الذى تحتاجه لكن اختمها بكلمه "لتكن مشئتك"لذلك يا احبائى ليكن جوهر حياتنا مع الله هو الله لتكن طلبتنا هو الله لتكن طلباتنا هى الحياه الابديه لتكن طلباتنا هى غفران خطايانا لتكن طلبتنا هى ان نكون معه فى المجد كل حين يكمل نقائصنا ويسند كل ضعف فينا له المجد الى الابد امين . القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد
11 فبراير 2024

إعملوا للطعام الباقى - الاحد الأول من أمشير

إنجيل هذا الصباح المبارك يا احبائي ،،بيحكي موقف من حياه ربنا يسوع المسيح وكل موقف في حياه ربنا يسوع المسيح ،له قصد وله تدبير،وكل موقف تضعوا لنا الكنيسه له ايضا قصد وله ايضا تدبير ايه قصد الكنيسه تضع لنا الفصل دم وماهو قصد الكتاب المقدس انه يذكر لينا الفصل ده؟ هو باختصار شديد ان رب المجد يسوع بعد ما عمل معجزه اشباع الجموع كانت معجزه بالنسبه للناس مبهره جدا،، حوالي 5000 فرض غير النساء وغير الاطفال كون انهم يشبعوا بخمس خبزات وسمكتين حاجه تفوق الخيال تفوق العقل تفوق التصور تفوق اي تدبير بشري فالناس للأسف بعد ما أكلوا وشبعوا كان ربنا يسوع المسيح ..قاعد معهم ثلاث ايام على الجبل بيعطيهم الموعظه على الجبل. اثمى وارقى واجمل التعاليم المسيحيه أجمل ما قيل ،، فى متى 5\6\7 الموعظه على الجبل،، وفي النهايه لما رب المجد يسوع الناس اتاخرت صعبوا عليه قال لهم اعطلهم ليأكلوا فعمل المعجزه دي من المؤسف ان الناس نسوا كل الكلام اللي قالوا رب المجد ونسوا الثلاثه ايام التعليم وافتكروا حاجه واحده بس افتكروا ايه افتكروه الاكل اللي كلوه فابتدوا يدوروا على يسوع في كل مكان هو رايحه مش لاجل ان يسمعوا تعليمه لكن عشان يأكلون ثاني طبعا رب المجد شعر هذا الاحساس فيهم ،،ووجد انهم بيتابعوه من بلد لبلد لدرجه يروحوا بلد يقوللهم هو هنا يقولوا لا طب هو ركب سفينه قوللنا ركب سفينه راح على انهو بلد؟ عشان ممكن سفينه تكون رايحه البلد الفلانيه كانوا يوزعوا بعض يسألوا عليه ففي مجموعه قالت له احنا لقيناك هنا رغم ان احنا ما فيش سفينه اساسا جاءت الى هنا عاوز يوريكم الموقف قد ايه احتاره وراه ،،بقوا مجموعه دور عليه هنا ومجموعه تدور عليه هنا،، فبيقولوا له كده انت ما نزلتش هنا رغم ان تلاميذك فاتوا لوحدهم،، احنا سألنا عليك قالوا لنا تلاميذك ركبوا لكن انت ما ركبتش غير انه جاءت سفن اخرى الى بحر طبرية الى قرب الموضع الذي أكلوا فيه الخبز،،اذ شكروا الرب فلما راوا الجمع ان يسوع ليس موجوده هناك ولا ايضا تلاميذه نزلوا ايضا فى السفن يعني بيدوروا عليه طالما هو مش موجود وجاءوا الى كفر ناحوم يبحثون عن يسوع ولما وجدوا في عبر البحر طب احنا ما شفنكش راكب سفينه ؟ قالوا له انت جئت هنا امتى، يسوع عرف الحيره بتاعتهم،، الحق الحق اقول لكم تطلبونني ليس لانكم رأيتم ايات بل لانكم اكلتم من الخبز وشبعتم انتم مش عايزيني عشان تسمعوا او تشوفوا ايات او عجائب او تمجدوني او تعرفوا ربوبيتي او تسمعوا تعليمي لا لانكم اكلتم من الخبز وشبعتم فى الحقيقه احبائي ده مبدأ خطير جدا في الحياه مع ربنا ان احنا نتبع ربنا ..على مستوى محسوسات بشريه زمنيه نتبع ربنا مش لسماع التعليم ولا لرؤى الآيات ولكن لكي نأكل من الخبز ونشبع لو لاحظتم احبائي انه في تدبير ربنا يسوع المسيح ما كانش ابدا في تدبيره ان ياخذ الناس ويعمل معهم معجزات مبهره فيتبعوه لانه هو انسان صانع عجائب او صانع معجزات ابدا اقروا كل معجزه واقرواا كل معجزات رب المجد هتلاقي ما كانش القصد من الموقف انه يعمل معجزه مثلا هنا في الخمس خبزات والسمكتين هل هو كان واخذهم على الجبل عشان يعمل المعجزه ؟ لا ، كان واخدهم عشان خاطر يعلمهم ،،لما راح عُرس كانا الجليل كان داخل العُرس عشان يعمل معجزه ،،ابدا ، كان داخل عشان خاطر يشارك الناس، افرحها واحزانها وجالس في وسطهم وبعد كده الخبز خلص الست العذراء قالت له قال لها طب انا لم تأتى ساعتي بعد، وعمل المعجزه يعني ما كانش داخل المعجزه الناس اللي تتبع ربنا يسوع المسيح يبتدوا وينسوا هو مين وينسوا ازاي يتبعوه وينسوا ازاي يعيشوا حسب وصاياة ويمسكوا في الحته الاخيره بتاعه الايه المعجزه في حين انه مش هو ده قصد ربنا ان احنا نتبعه ودة فى الحقيقه احبائي اتجاه موجود عندنا بقوه جدا ان احنا ممكن نكون بنعبد ربنا عشان خاطر عاوزين منه حاجات بس ودة في الحقيقه اتجاه فقير جدا وضعيف جدا وما ينميش بل بالعكس ممكن يعثر ويتعب لان لو نفرض ان انا طلبت منه يعمل معي معجزه وما عملش معي معجزه انا اعثر فيه كنت فى زيارة إنسان كان زوجته تنيحت ،،بمرض الكانسر،، بنتة قالت لي انا زعلانه جدا من ربنا وراحت جابت لي كومه كتاب معجزين للبابا كيرلس وابونا عند المسيح ،وغيره وغيره، قالت لي يعني ربنا عمل معجزات مع كل الناس دي وجاء معنا احنا وما عملتش انا زعلانه من ربنا كون ان الانسان أحبائي يضع شرط او انه هو يتبع ربنا لمجرد ان ربنا يعمل معاه معجزه دة امر درجه ضعيفه جدا من الايمان وربنا ما حبش ابدا انه يكون أساس العلاقه بيننا وبينه عمل المعجزات ما يحبش ان يكون ايماننا معة قائم على المحسوسات ابدا ،،ربنا بيحب الايمان القلبي يحب الناس التي تلتف حواليه لانها تحبه هو،تحبه لذاته وليس للذاته، أمر متعب جدا احبائي ان اب يشعر ان علاقه ابن به علاقه منفعه او مصلحه فقط ، هات المصروف هات لي كذا اعمل لي كذا وما فيش اي حب ولا اي ولاء ولا اي انتماء ولا اي عاطفه ،،أمر متعب جدا ،لكن ممكن لو الاب لقى الولاء والحب والانتماء ممكن الاب دة يفيض عليه بالعطايا اهو ربنا عاوزنا كده، صعب جدا احبائي ان عريس يجيب لعروسته شبكه كتعبير عن محبته لها ،فهي تتلهى بالشبكه مش بعرسها ويبقى اساس العلاقه اللي عجباها بعريسها شبكته لا المفروض ان هي مقتنعه به هو مش بحاجته وحاجته دي مجرد وسيله تعبير عن شخصه اهو ربنا يسوع عاوز العلاقه بيننا وبينه تكون كده ما يحبش العلاقه تكون علاقه على مستوى الماده او المحسوسات او العطايا المادية او الزمنيه انا بحبك انت يا رب، القديسين وصلوا لدرجه محبتهم لربنا يقولوا له احنا بنحبك مش لمجرد ان احنا نربح النعيم لا احنا مش بنحبك عشان في النهايه إحنا نتمتع،، احنا بنحبك لاننا بنحبك ،نحن نحبك لانك انت أحببتنا نحن نحبك حيثما أنت موجود فنحن هناك انا عاوز اربح النعيم لان النعيم انت تسكن فيه، انا ابغض الجحيم لاني اشعر ان هذا المكان لا يليق بسكناك ولا يليق بسكنه قديسيك انا مش عاوز اعيش معك علشان مجرد ان انا أنال شويه متع على الأرض كثير جدا أحبائي عاوزين ربنا لمجرد يا رب نجحني يا رب اشفيني يا رب وسع الرزق علي يا رب اعطيني يا رب اعمل لي ،،اللي ما عندوش اولاد يا رب اعطيني اولاد اللي عندها يا رب مش عارف ايه كل واحد احبائي بيطلب على مستوى ان انتم اكلتم من الخبز وشبعتم و كل ما نسمع ان ربنا عمل أيه ولة عمل معجزه ،نسيب ربنا ونمسك في المعجزه وننبهر بالمعجزه ونطلب لنا أيه والاية اللى إحنا نطلبها احبائي،، ايه ربح الملكوت ، ايه خلاص نفوسنا ايه العمل بالآيات هي دي الايه اللي ربنا يحب ان احنا نكون بنشتاق اليها، صعبه جدا أحبائي ان علاقتنا بربنا تكون قايمة على أساس منفعه او على اساس مادي،، لو جبنا طفل صغير وكل يوم نعطى له هديه ولا نعطية شيكولاته ويقعد يحبنا ويتعلق بينا ،وجينا في يوم ما ادينالهوش الهديه ولا الشيكولاته. لو لقينا الطفل ده بينصرف عننا قد ايه احنا نحزن قد ايه احنا نحزن،، عشان كده قال لهم انتم بتفتشوا عليا انا كان نفسي تكونوا بتفتشوا عليا لان الكلام اللي سمعته اثر فيكم نفسي الكلام هو اللي يكون شدكم لي، كان نفسي ان انتم تكونوا التعليم دي حفرت في قلوبكم وعقولكم مسلك وطريق وصارت هذه التعليم هي سراج نفوسكم كان نفسي ان انتم تتبعوني لان انتم وجدتم معي منهج جديد للحياه ،،كان نفسي تتبعوني لهذه الاسباب لكن نسيتم كل الكلام وجايين لمجرد ان انتم عاوزين تاكلوا لان انتم شفتم ان انا بصنع معجزات في اتجاه احبائي تجعل الناس تحول ربنا الى شيء مادى رغم ان هو غير المحوى وغير المفحوث وغير المبتدأ الابدى فى اتجاه يا احبائي أن الانسان يحب يشوف الحاجه بطريقه فيها امور محسوسه لو ما كانش كده ما يؤمنش بها ،،اللي يقول لك الصوره دي تنزل زيت واللي يقول لك المكان ده بيطلع نور واللي يقول لك الميه دي مش عارف بتعمل ايه واللي يقول لك الزيت ده بيعمل ايه،،والناس كلها تجري وتروح لو في اخر الدنيا الناس تجرى وتروح فى حين ان ربنا عاوز يقول لك مش هو ده مستوى الإيمان اللي انا عاوزكم تتعاملوا معي به،، مش هي دي الطريقه، انا بالنسبه لكم مش مجرد واحد ساحر ولا حاوي اعمل لك ميه ازاي ولا اعمل لك ازاي انت تيجي ورايا لا ،ده ربنا احبائي لعظمة جلاله شاء ان هو يكون موجود معنا على المذبح خبز ودم، عشان ناكله ونشربه اكثر من كده أيه عاوزينها ايه ولان هو ما يحبناش ان احنا نتكل على المحسوسات اراد ان جسدة ودمه يكون في صوره بسيطه جدا عشان خاطر ما يكونش أنا متكل على مجرد المحسوسات لازم اكون متكل على درجه أرقى كثير، درجه الإيمان ان انا اكله واقول اؤمن اؤمن أومن ان دة جسد حقيقي عشان كده احبائي ربنا يسوع لما يشوف ان الكنيسه بتاعته بتحبه وملتفه حواليه كنيسه عابدة كنيسه شاكرة كنيسة ساجده كنيسه مسبحه يقول هي دي الكنيسه اللي انا قصدي منها هي دي جماعه المؤمنين بتوعي ، هم دول الي يعرفوا يشكروا في كل حال هما دول اللي اذا جاء لهم ضيق لا يتمردوا عليا هما دول الي يعرفوا وهبى لكم لا ان تؤمنوا بة فقط بل لتتألموا ايضا لأجلة عشان كدة احبائي النفوس التى تعتمد على جزء المحسوسات والملموسات لمجرد ان تيجي في حياتها اي ضائقة تنفر مجرد تأتى في حياتها اي ضائقه تعثر ليه لان هي مش واخذه على كده فكرها ان ربنا ده مجرد واحد يقعد يسهل لهم الحياه ويخلي لهم الحياه كدة نعمه وسهله فى حين ان قالهم كدة اللي يحب يمشي ورايا ينكر نفسه ويحمل صليبه كل يوم ويتبعنى الناس عمالين يفتشوا عن يسوع مش لان هو صانع ايات مش عشان هو علمهم تعليم لكن عشان هو اكلهم لمجرد ان هو اكلهم، طيب يا ابونا لما نيجي احنا نصلي ولا لما نيجي نطلب ولا ربنا فى اذهاننا ما نطلبش ابدا اى عطايا مادية لا ممكن نطلب لكن ما تكونش دى ركيزت الحياه اللي بيننا وبينه العطايا الماديه اللى نطلبها من ربنا دي مجرد وسيله تعبير عن محبه ربنا لنا وعن محبتنا احنا لربنا دى مجرد وسيله تعبير اننا واثقين في ان هو بيقضي جميع احتياجتنا وسيله تعبير عن محبتنا لة ومحبته لينا واهتمامه بينا واهتمامنا بة فقط لكن اطلب وانا عندي ايمان كامل بتدابيره وتسليم كامل لارادتة فإن اعطي فليعطى وان لم يعطي فلا يعطي عندي ايمان ان هو صانع خيرات عندي ايمان ان تدابيره أعلى من تدابيري عطانني لتكن مشيئته ما اعطنيش برضه لتكن مشيئته صعب جدا احبائي ان إحنا نتعامل مع ربنا على مستوى الأوامر اعمل اعمل اعمل اعمل صعب جدا احبائي ان إحنا نشعر ان ربنا ده مجرد قوه خفيه بتصخر لخدماتنا لا ربنا مش كده ربنا مش كده ربنا اعلى من كده بكثير ، لازم يكون ربنا في افهمنا ان ده المخلص لما تحب تطلب منه اطلب منة أمور تعليق به،،لما تطلب منه اطلب منه خلاص نفسك اطلب منه ربح الملكوت اطلب منه توبه الي حواليك،، اطلب منه انه يعطيك روح طقوة واطلب منه يعلمك كيف تصلي يعطيك روح عبادة يعطيك لسان تسبيح هي دي الطلبات اللي تتطلب منة طب الطلبات الماديه ارفقها بالطلبات الروحيه ،،بس تكن اولا اشتياقات قلبك في الطلبات الروحيه ما يبقاش مجرد تبعيتنا وراءه لمجرد ان احنا عايزين شويه منه عطايا ماديه ياما العطايا الماديه ممكن ناخذها من بني البشر ممكن جدا انسان ياخذ خبز ويأخذ مال وممكن جدا الطبيب يعطي شفاء ،،ممكن أمور جدا نأخذها من البشر لكن الامور اللي ناخذها من ربنا ما ناخذهاش من البشر صعب جدا ان احنا نساوي ربنا بالبشر ربنا اعلى بكثير عالي فوق كل قوات النطق وكل فكر العقل عالي صعب جدا ان انا انزل مستواه لمجرد انسان غني ممكن يعطينى شويه فلوس صعب ربنا مش كده عشان كده القديسين يقول لك حينما تطلب من الله لا تطلب منه امورا لا يهواها ،،القديس ماري اسحاق يقول،، لا تطلب التافهات من العظيم لئلا تهينوا لا تطلب التافهات من العظيم لئلا تهينوا،، ما فيش داعي الواحد يكون قدام رئيس بلد ولا ملك ويقول له ها انت مسموح لك تدخل تطلب مني طلبين اطلب مني مش معقول الواحد اللي واقف قصاد رئيس بلد ده يقول له مثلا انا عاوز كام رغيف عيش، لا ، ده واقف أمام رئيس بلد يكلمة في امور تليق بة احنا واقفين قدام ربنا لما نقف قدام ربنا نقول له ايه نقول له اغفر لنا ذنوبنا لياتي ملكوتك ،،هو ده الكلام اللي يحب يسمعه ،،مش هو علمنا الصلاه ، طب لما نيجي نتكلم عن العطايا المادية نقول له ايه، خبزنا كفافنا لما نيجي نتكلم عن العطايا الماديه نقول له احنا كدة نشكرك اعطينا اليوم، يعني ممكن نطلب العطايا الماديه ممكن بس نطلبها بعفة بوقار نطلبها باكتفاء نطلبها بتعفف نطلبها بشكر صعب جدا يا احبائي ان تكون اساس العلاقه بيننا وبين ربنا قائمه على الماديات ربنا مشتهى قلبه ان يعطينا الحياه الابديه فنفسه يشوف ناس بتطلب الحياه الابديه صعب جدا ان ربنا يلاقي ناس بتطلب للحياة الزمنيه فى حين ان هو مشتهى قلبه الحياه الابديه فالارادتين متعارضتين،، صعب جدا ان ربنا يسمع لطلبتى و شايفني ان انا مربوط بالارض وعماله اطلب للارض وأامن الأرض وهو اشتياقه انه يشوفني اطلب السماء و اامن السماء تطلبونني ليس لانكم رأيتم آيات بل لأنكم اكلتم من الخبز وشبعتم نتتعود احبائي نتعود ازاي نتكلم مع ربنا نتعود يكون اية هو اسلوب المخاطبة اللي نليق به نتعود ان هو دة يكون محور اهتمامنا وانشغلنا توبتنا وخلاص نفوسنا وربح الملكوت ولو نطلب لاولادنا نطلب لاولادنا اولا خلاص نفوسهم ..نطلب لاولادك اولا ان ربنا يدبر حياتهم بحسب ارادتة ويحفظهم في يمينه ويستر عليهم بملائكته،،و نطلب لاولادنا عطايا روحيه ثم عطايا ماديه لما نطلب يا احبائي العطايا دى تبقى عطايا تدخل لقلبه لانها عطايا محبوبه لديه عطايا هو راغب ان هو يعطيها لنا صدقوني يا احبائي اراده ربنا في تقديسنا فلما ربنا يسمع مننا رغبه التقديس يقول لك ده انا كمان عاوزه اديها لك حاجه كده جوايا وانا مستني انت تطلبها ونفسي تطلبها عشان اديها لك هو ده الطلبات اللي نحن ممكن نطلبها من ربنا بعد كده يقول لهم النقطه الثانيه اللي نحب نتكلم مع بعض فيها شويه اعملوا لا للطعام البائت بل للطعام الباقي للحياه الابديه، عايز يقول لهم يعني انتم مبسوطين قوي وجايين ورايا عشان اكلتم أكله طب هتيجوا ورايا دلوقتي انا ممكن ااكلكم تاني دلوقتي تيجوا ورايا مره ثالثه ااكلكم مره ثالثه ت.يجي ورايا مره رابعه ااكلكم بس كل آكلة هتاكلوها هيحصل ايه هتقعد شويه في بطنكم وبعد كده خلاص هتخلص وبعد كده تجوعوا وبعد كده تجولى مش هو ده الهدف اللي انتم بتمشوا ورايا عشان انا اجيب لكم شويه اكل ولة شوية خبزهتجوعوا تانى انت عايز ايه يا رب ! انا عاوزكم ما تجعوش ايه هو الطعام اللي ما بيتجوعش؟! طعام الروح طعام النفس هو ده الاهم صدقني صدقني كل لما تجرب كده انك تختبر قد ايه انت فرحان بربنا وقد ايه انت في حاله روحيه ساميه وراقيه تلاقي نفسك اهتمامك بالاكل قل جدا واي اكل يشبعك ليه لان طعام الروح مشبع..طب تعال كده امشي وراه طعام الجسد مهما اكلت ما تشبعش وكل يوم عاوز ثاني وعاوز ثاني الجسد متعب الجسد ضعيف الروح نشيط اعملوا لا للطعام البائت بل للطعام الباقي ربنا عاوز يغير خطه حياتنا من اهتمام بأكل وشرب من اهتمام بحياه من الارض وللارض لأهتمام بسماء وسماويات هو اوقع العقوبه على الإنسان كثمره لخطاياه ان قال له من الارض لم تعد تعطي قوتها وقال له بعرق جبينك تأكل خبزك فأاكل الخبز وعرق الجبين وطعام الارض هو اساس ثمرة للخطايا عشان كده ربنا عاوز يقول لنا ان دى عقوبه خطيه مافيش داعي ان انت تلهس وراها ده مجرد ان انت تأخذ نصيبك من العقوبه دي وانت شاطر خذ اقل نصيبه من العقوبه دى الإنسان احبائي اللي يقضي حياته كلها في الاكل والشرب والطعام البائت يكتشف نفسه في الآخر انه شقي وفقير وعريان وبائس لكن الذى يعمل للطعام الباقي هو ده الانسان اللي امن نفسه هو ده طعام باقي ده قاعد مش هيخلص مش هينتهي لما الواحد يعمل مقارنه احبائي ممكن تكون مقارنه عايزه وقفه للنفس لما يشوف الانسان كده قد ايه جهادة وتعبه من اجل خبز يومه طب قد ايه جهادة وتعبه من اجل خبز حياته ؟! من اجل الطعام الباقي الواحد أحيانا يشوف ناس كم التعب اللي بتتعبوا في شغلها كميه غير عاديه وغير طبيعيه طب يا ربي انا ما ليش نصيب ان انا اتعب من اجلك ؟ طيب اذا كنت هتعب من اجل خبز اليوم ماذا يليق ان انا اتعب من اجل خبز الخلود ؟ من عرق جبينك تأكل خبزك لكن في فرق كبير بين ان الانسان ينسى حياته كلها في هذا الامر ولا يهتم بطعام الحياه لما الإنسان احبائي يكون بيجتهد ويصحى بدري ويعرق ويشقى ويروح ويجي ويجتهد بكل امانه بكل تدقيق من اجل خبز اليوم طب ماذا يليق من اجل خبز الحياه لازم احبائي نراجع نفسنا الواحد احيانا بيتقابل مع ناس يقول لك انا شغلي الاتوبيس يتحرك الساعه سته الصبح من عند محطه مصر لازم نكون في المصنع الساعه سبعه يعني يصحى خمسه يرجع ثمانية بالليل يتحرك من المصنع يعني يوصل بيتة الساعه 10 حياته كلها اكنها مكنة ما نقدرش نقول له سيب شغلك خليك في شغلك لكن هل تقدر اثناء شغلك ترفع قلبك لربنا هل فاكر ربنا هل لك يوم اجازه تفتكر فيه ربنا؟ ولة هتقول خلاص ما انا تعبان عاوزه استريح هل عندك الاهتمام بحياتك ان انت كيف تخلص وازاي نفسك دي تبقى مرفوعه وسط الاهتمامات دي وازاي يبقى عندك اهتمامات روحيه في وسط الاهتمامات الارضيه والجسديه؟ هل بتعرف توزن المعادله دي ولة لا .هل عندك روح التدبير اللي تحفظ بها اشتياقات قلبك حتى لو كنت انت في وسط اهتمامات شغل او أتعاب شغل لازم احبائي لازم الانسان احبائي يراجع نفسه لازم الانسان يراجع نفسه لازم الانسان يضع لنفسه تدبير ولو لحد قليل كيف يرضى الله في وسط هذة الاهتمامات الكثيرة الطعام الباقي لما يجي الواحد يشوف نفسه في شويه سنين شغل اشتغالهم اكل قد ايه وشرب قد ايه ولبس قد ايه اللي فاضل ما فيش حاجه فاضله طب تعال كده اتعب شويه من أجل اللة هتلاقي في حاجات باقيه لك هتلاقي في حاجات باقيه هتلاقي اعمالك بتشهد ليك هتلاقي اصوامك وصلواتك رفعت وقبلت الى الله هتلاقي دة بالنسبه لك طعام باقى لا يفسد على راي معلمنا بولس الرسول لما يقول لك انه الاطعمه للجوف والجوف للاطعمه والله سيبيد هذا وتلك ده طعام ما بيقعدش واحد من القديسين يقول لك ان البطن لا تستطيع ان تحتفظ بالاطعمه يعني مفيش اكله ممكن نقول لبطننا خليها تقعد فيكي شويه الاكله دي غاليه ابداهيجى وقت وتنتهي لا تستطيع ان تحتفظ فيها ما تعرفش تميز الاكله دى غاليه ولا رخيصه ما تعرفش تميز بسماح من ربنا ان الأكلات الرخيصه جدا هي اللي تقعد في المعده اكثر عشان خاطر ربنا يقوت الفقراء الفول والبقوليات وهضمها ياخذ وقت طويل عشان تشبع الناس الغلابه لية عشان تقعد في بطنهم وقت اكبر ده سماح من ربنا يعني يا رب انت عاوزني اهتم بأيه عاوزك تهتم بالطعام الباقي شوف لنفسك كده انت ماهى الذخيره اللي انت جمعتها لنفسك كطعام باقى ليك ايه الذخيره ايه جمعتها لأجل سنين الجوع وسنين الجفاف ماهى الذخيرة اللى جمعتها لنفسك قبل ان يأتى عليك الزمان ولا تستطيع أن تقدم عبادة امام الله الطعام الباقي ما هو اشتياقك للخبز والخمر ايه اشتياقك للافخارستيا ايه اشتياقك لجسد ودم ربنا يسوع المسيح اذا كان انت اشتياقك اذا كان اشتياقك للشغل عشان خاطر تجيب فلوس طيب كويس اشتغل واتعب لكن ما لكش اشتياق لخبز الحياه؟! اللي يضمن لك الابديه اللي يغفر لك الخطاياة دة مايستهل منك ان انت تصحى بدري زية زي الشغل واكثر؟! هل وصل قيمه ربنا عندنا احبائي انه ما يستاهلش تعب زي الشغل ما يستاهلش ان احنا نصحى لة بدري شويه ما يستاهلش ان احنا نقف مركزين ورافعين قلوبنا ما يستاهلش ان احنا نقف في بيوتنا قدامة كل يوم نشكره ونسبحه ونمجدوا ونذكر اسمه ونرفع ايدينا اليه في بيتنا عايزين تعرفوا احبائي اذا كان لكم مؤشر حقيقي فى نفوسكم هل انتم بترضوا الله ولة لا السؤال اللي ما يخيبش ابدا هل انت بترفع ايدك للصلاه قدام ربنا في بيتك ولة لا هل لك مخدع صلاه ولة لا هل انت بتهتم بالامور الابديه ولا ملهي بالطعام البائد مسكين الانسان احبائي مسكين الأنسان اللي يلهي نفسه في الطعام البائد امبارح كنا بنعيد بسيره القديس العظيم الانبا بولا اول السواح ان ابوه توفى وترك لهم ميراث كبير جدا اخويا الكبير حب يضحك عليه قال له لا انت لسه عيل صغير ما تاخذش الميراث مش هتعرف ان انت تصرفه قال له لا ده فلوسي قولة لا مش هتاخذ رافعوا على بعض قضيه رايحين للمحكمه قابلوا جنازه عظيمه سأل بولا الجنازه دي بتاعه مين قالوا له انت مش من المدينه دى ولة اية دي بتاعت واحد من شرفاء وعظماء المدينه دي بتاعه فلان الفلاني قال لهم ياه قالوا له راح الامر بتاعته ومحطوط في النعش دلوقتي كل العظة وكل الملك وكل المقتنيات بتاعته ما اخذش منها ولا حاجه بولا رجع الى نفسه قال طب ازاي انا كنت رايح اشتكي اخويا طب ازاي انا كنت طمعان في الحاجات الارضيه انا هروح اكلم اخويا قال له خلاص ما فيش داعي نروح للقاضي انا مسامح اللي انت عايزه خذه وترك اخوه وذهب بيقولوا عاش في مقبره بيقولوا ان ملاك الله اخذوا للبريه واخذوا عاش فيها 70 سنه يرضي ربنا ويعبد ربنا الانسان احبائي الذي يطلب ملكوت الله وبرة هذه كلها تزداد له الانسان الي من قلبه بيعبد ربنا بدون غش بدون رياء بدون مظاهر جوهر قلبه في يد ربنا ربنا يعطيه ويباركه ويغرقه بعطايا روحيه اما عن العطايا الماديه يعطية كل احتياجاتة فكر كده شويه في واحد زي الانبا بولا ده يعيش ازاي 70 سنه في صحراء خاليه جرداء يعيش ازاي في حر الشمس وفي برد الليل يعيش ازاى في وسط الوحوش الا اذا كان هناك الاله ضابط الكل يضمن لاولاده تدبير حياتهم بتدبير حسن هو ده حكمه ربنا هو ده قصد ربنا من حياتنا عشان كده احبائي بلاش ننشغل زياده عن اللازم بالطعام البائد عشنا حياتنا كثير واحنا في هم خبز اليوم عشنا حياتنا كثير ونحن عايزين نأمن لانفسنا مستقبل اكبر واعظم عشنا في اهتمامات كثيره كلها بتجيب القلق والخوف والإضرابات اعطى اهتمامات روحيه اعطى اهتمامات روحيه لنفسك لان نفسك دي مخلوقه عشان تستريح في ربنا وبعيده عن ربنا مش هتستريح نفسك هتظل قلقه ودة سر الإضراب وسر فقد السلام وسر الانزعاج اللي الناس بتعيشه ان ربنا مش مركز حياتهم اعملوا ولا للطعام البائت بل للطعام الباقي للحياه الابديه ربنا يعطينا ان احنا نبحث عنه لاننا نحبه نبحث عنه لاننا نشتاق ان نسمعه نبحث عنه لان اشتياقات الابديه قد ارتفعت في نفوسنا لدرجه اننا نطوق اليه ليلا ونهارا ربنا يعطينا ان نحن نهتم بالطعام الباقي لكي يكون محفوظ لينا ذخيره لخلاص نفوسنا ربنا يسند كل ضعف فينا بنعمته ولالهنا المجد الى الابد آمين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد
04 فبراير 2024

البصيرة الداخلية للمولود أعمى الاحد الرابع من شهر طوبة

الكنيسة النهارده الاحد الرابع من شهر طوبه تقرا علينا انجيل المولود اعمى كلمتين عايزين نقف معهم شويه في المولود اعمى لما نيجي نشوف احنا بالنسبه لنا نستفاد ايه من الانجيل ده؟! وايه هو المولود اعمي بالنسبه لى انا؟ اقول لك حاجتين او حاجات كثيرلكن ناخذ حاجتين صغيرين ان ممكن الواحد فينا يكون بيشوف بس اعمى ايه اكثر حاجتين بيدلوا على ان الشخص اعمى؟ الذى لم يرى خطيتة والذى لم يرى الاحداث المحيطة بية اعمى يعني ايه لما يشوفش خطيتة؟ يعني يبقى الشخص متكبر جدا بس مش عارف مش شايف انانى جدا مغرور جدا بس مش عارف والذى يثبت انة أعمى اكتر مش بس مغرور جدا لا شايف ان الناس مغروره شايف ان الناس هما المتكبرين يعني هو مش شايف خالص يبقى هو كتلة كبرياء كل حاجه بيعملها وبيفكر فيها بيفكر فيها بس محب لنفسه جدا محب للنصيب الاكبر جدا محب للظهور جدا محب لمديح جدا طب هو كل ده فاضل ايه ثاني فاضل ايه ثاني بس كل ده وايه مش شايف مع كامل احترامنا دة كده اعمى ارحمنا يا رب ممكن يكون الواحد أعمى وهو مش واخد باله ؟!! اقولك اة ممكن اللي مايشوفش خطيتة والذى لم يرى انة محب جدا لسيرة الناس محب جدا للمال وشهواني جدا وبيخاصم بسهوله ومخاصم معظم الناس كل دي اخطاء عنده في حياته وسبته فيه بس للاسف مش شايفها اقولك ياساتر يا رب دة يبقى عمى عشان كده مره واحد من القديسين قال ان تبصر خطاياك اعظم من ان تبصر ملائكه بمعنى ان لو شوفت خطيتي احسن ما اشوف ملائكه اصل انا لو شفت ملائكه هتكبرهقول انا بشوف ملائكه لكن لما اشوف خطيتى هيحصل لي ايه هتواضع ايه اكثر حاجه تجعل الشخص تجعل الشخص يبقى اعمى ؟ الذى لم يرى خطيتة يبقى مش حاسس اكتر لحظه ربنا يعطينا فيها نعمه لما الواحد خطيتة تكون قدام عينيه يا رب ارحمني ياااة ماكنتش واخد بالي خذ بالك عشان كده تلاقي دائما الشيطان بيلهينا عن فحص انفسنا دائما بيلهينا عن ان احنا نشوف احنا بنعمل ايه واتصرف دة لية والدوافع بتاعتنا لية وانا بكرة دة لية يمكن عشان احسن منى ؟! اة عشان عايز انا اكون انا احسن واحد اذا انا وانا وانا انا دي دى خطية كبيرة جدا الشخص بيكون مش شايفها خطايا كثير جدا والشخص مش شايفها ومش واخذ باله ممكن واحد يبقى عندة للعالم محبة شديده جدا ومش واخد باله ممكن واحد بيبقى عنده محبه للنصيب الاكبر ممكن واحد يبقى عنده كراهيه للي حواليه ممكن واحد يكون دائما بيجيب في سيره الناس ممكن واحد بيحتكر الفقراء كل دي خطاياة طب عاوزين نفتح طب نعمل ايه نقول له ايه؟! يا رب اكشف عينيا يا رب اجعلني ارى اكثر شي يفرحك شي يعزيك عندما ترى خطيتك ليه هتتواضع وعندما تتواضع ترى اللة معلمنا داود قال كدة قبل ان اتواضع انا تكاسلت تخيلوا وداود ظل سنة كامله والخطيه موجوده واشترك في القتل والخطيه موجوده بس اكنه مش شايفها اللي حصل ده كله مش شايفه يا داود؟!لكن اول ما ربنا ارسل له ناثان وكشف له خطيبته قال له ارحمني يا الله كعظيم رحمتك لك وحدك اخطئت وبعد كده قال صارت لى دموعى خبزا نهارا وليلا يا رب لا تبكتني بغضبك ولا تأدبنى بسخطك ارحمني يا رب فانى ضعيف اشفيني يا رب فان عظامي قد اضربت ونفسي قد انزعجت جدا(عندما تاب) لكن قبل كده كان عادى محتاجين نشوف خطيتنا طب نعمل ايه ،؟!اعدل نفسي شويه افحص نفسى افحص تصرفاتى وافكاري ومشاعري وارادتى اصعب حاجه ان الشخص يعمل خطيه مايشعرش بها او يبررها لنفسه او يشعر انة افضل من غيره يقول لك ما كل الناس بتعمل كده ده انا ارحم من غيرى بكتير كده لسه في مرحله العمى امتى يبصر ،؟عندما يرى الخطايا بتاعته تانى شي الذى لا يرى الاحداث النهاردة بنعيد ع الانبا انطونيوس حدث هز الانبا انطونيوس هزة جامدة جدا حدث وفاه والدة والدة كان رجل غني طويل عريض و صاحب املاك 300 فدان عارفين يعني ايه 300 فدان يعني اللي عنده فدانين ثلاثه ده بيبقى مهم فوالدة دة فى ايامة كانوا بيقولوا عليه ناظر وناس تحاسب وناس تبيع و ناس تشتري حاجه كدة كبيره كده فجاه دخل الانبا انطونيوس لاحظ البيت بتاعهم زحمه في ايه؟! ما حدش عايز يقول له لحد ما مانظر لوالدة جالس على دكة متمدد ميت ا تصدم الطول بالعرض بالصوت والغناء والمراكز والدنيا والممتلكات في لحظه كده كله راح قال لة لو انت كنت عشت كده وانا استمر عايش زيك يبقى المشكله عندي انت قد خرجت من العالم بغير ارادتك اما انا فساخرج منة بارادتى انت تركت كل شي بدون ارادتك وفي لحظه ما بقاش في اى حاجه الاحداث كام مرة احنا ممكن نودع احد من احبائنا؟! طب فى رساله بتوصل بتغير فينا؟! كام مره بنشوف احداث ان في خطر حوالينا طب بنقول مانتمسكش بالدنيا قوي ماهو ربنا قاصد بالاحداث يعلمنا بس فى ناس بتشوف وفى ناس ما بتشوفش نفس الحدث يبقى قدام واحد ونفس الحدث يبقى قدام واحد ثاني واحد يشوف وواحد ما بيشوفش اذا الحكاية حكايه اية حكايه واحد اعمى ولة واحد بيبصر محتاج اشوف محتاج اشوف ايدك يا ربى في المرض و الوباء المنتشر الايام دي اشوف ايدك يا رب انت يا رب اخذت ناس كثير من مختلف الاعمارعاوز تقول لي ايه لازم اشوف ايه اقول ان نهايه كل شيء قد اقتربت فتعقلوا واصحوا للصلوات زي ما قال معلمنا بطرس اشوف ايه اشوف ايد ربنا اشوف البحر اشوف ايد ربنا اشوف السماء اشوف ايد ربنا اشوف المطر اشوف ايد ربنا اشوف الشمس اشوف الزرع في ناس بتشوف وفي ناس ما بتشوفش لدرجه ان في ناس تقولك كل ده ماشي بالفتره ما فيش الاة ؟!!!مش شايفينوعميان ويبصروا شوف الاحداث!!مااجمل احبائي ان يكون لنا ضمير حي ورؤيه بصيره داخليه زي الانبا انطونيوس شاف والدة قال خلاص اشوف ببصيره داخلية كدة اشوف ناس بيعملوا كذا وكذا اشوف حدث حصل في كذا اشوف الدنيا وهي عماله ناس يحصلها ارتفاع وناس يحلصها انخفاض اشعر ان الحياه دى غير ثابتة غير مضمونه مخدوع الانسان اللي يطمن لهذه الحياه مخدوع لا يوجد اطمئنان الا في المسيح يسوع لا يوجد سلام الا في المسيح يسوع لا يوجد رجاء الا في المسيح يسوع لكن الانسان عشان يتكل على نفسه لا ابدا ولا غناة ولا ايامة ولا قدرته ولا اي حاجه ابدا الذى لا يرى الاحداث ويري المعنى اللي فيها وماذا يريد الله يبقى عينه ضعيفه ما بتشوفش ما بيشوفش عناية ربنا ليه في مختلف المراحل يبقى ما بيشوفش اللي ما بيشوفش احداث ربنا يبعثها على بلاد محيطه يبقى ما بيشوفش ربنا عاوز يقولنا من خلال الاحداث لا سلام الا معايا لا امان الا معايا مثال لناس قدمنا كانوا وكانوا وكانوا ودلوقتي أصبحوا فين ؟! طب مانتعلم ما دة حدث من لغات الله مخاطبه الله للبشر الاحداث ان ربنا يعلمهم بالحدث قال لهم فاكركم الناس اللي وقع عليهم البرج بتاع سلوان وتوفى منة سبعة عشر شخص فكركم الناس اللي ماتت لية هل انتم فكركم انهم كانوا اكثر شرا من الباقي؟ ابدا دة حدث انا عامله لاجل الناس كلها تتوب ان لم تتوبوا فجميعكم كذلك تهلكون حدث الناس كلها عارفاة دة مجرد حادثه طب لما احنا نشوف حادثه نقول اية؟ نقول نشكرك يارب لانك ساتر علينا بس ممكن اكون انا فى الحادث دة طب هل انا مستعد هل اتا رباطاتى بالحياه جعلتنى اشعر ان انا عايش للابد ولا انا متعلم الدرس؟ ان دى فترة بتعلم ولا مش بتعلم اللي بيشوف واللى ما بيشوفش في ناس مش عايزه تشوف يفوت عليها الف حدث والعجيب ان ممكن يسمع بانتباة والعجيب ان ممكن يتصعب على الناس بس الكلام ده كله بعيد عنه هولا المفروض ان انا اسمع واقول الموضوع ده مش بعيد عني ابدا ممكن جدا يكون انا بالنسبه لي يحصل معي كده اللى يشوف خطاياة واللى يشوف الاحداث ينظر ربنا في الحدث والخطيه بتعتة كدة عينوا ابتدت تتقتح ربنا يعطينا احبائي عنينا تنفتح مع المولود اعمي يلة نفحص نفسنا ونشوف الخطيه بتاعتنا ونقول يا رب ارحمني محتاجه اتوب محتاجه اوقف يا رب اكشفلى خطايا يا رب وريني مقدار المرض الخبيث اللي جوايا المستخبي الذى يؤدي الى موت ان كان مش باين عشان كده اسمه خبيث يا رب وريني المرض الخبيث اللي جوايا الذى تملك عليا يا رب اجعلنى اتعلم من الاحداث كل يوم بتبعتلى حدث كل يوم كل يوم ربنا بيكلمنا بطرق وأنواع كثيرة بس فى الذى يرى والذى لم يرى ربنا يعطينا بصيرة نرى خطايانا ونراة فى الأحداث ويجعل حياتنا كلها توبة واستعداد يكمل ناقصنا ويسند كل ضعف فينا بنعمته ولالهنا المجد الابد امين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد
28 يناير 2024

من له العروس فهو العريس

هذا الصباح المبارك احبائي هو الاحد اللي بعد احتفلنا بعيد الغطاس بعيد الظهور الالهي يوم عيد الظهور الالهي رأينا يوحنا وهو بيعمد السيد المسيح لكن دلوقتى شاهدوا مشهد مختلف ذهبوا ليوحنا وقالوا له الذى اعتمد منك في الاردن والذى انت شاهدت له ها هو يعمدعايزين يقولوا له ايه اللي بيحصل؟! ده هيحصل انقسام ولا ايه المفروض انت بس يا يوحنا اللي تعمل بعدين ده لسه متعمد منك عايزين يقولوا له طالما متعمد منك يبقى ايه اقل منك يعني المفروض انت يوحنا تكون الرئيس بتاعه فى الحقيقه كلامهم كان فى شكل شكوى وعلى فكره يوحنا كان شخصيه قويه جدا ولة تلاميذ كثير وكثير من تلاميذ ربنا يسوع المسيح كانوا اساسا تلاميذ يوحنا فلو ما كانش يوحنا قال الكلام ده كانت تحصل مشكله كبيره جدا ما كانش يوحنا قال الكلام ده ناس كثير هتفضل متمسكه بيوحنا وضد الرب يسوع هيقولوا لة انت صغير انت لسة تليمذ هو اللى معمدك انت مين!!!عشان تعمل كدة وكانت هتبقى مشكله هوذا الذي كان معك في عبر الاردن الذي انت قد شهدت له عايزين يقولوا له انت اللي شهدت له يعني انت اللي كبرتة يعنى ها هو يعمد والجميع يأتون اليه اجاب يوحنا وقال لا يقدر انسان ان ياخذ شيء من نفسه وحدة الا لم يكن قد اعطيا من السماء عايز يقول لهم دى عطية السماء لينا انتم تشهدون لاني قلت لكم لست انا المسيح انا من الاول قلت لكم مش انا من الاول قولت لكم ان انا بهيى الطريق قدامه انا من الاول باقول لكم ان انا السابق من الاول انا بقول لكم لستوا انا بل ارسلت امام ذاك من له العروس فهو العريس اما صديق العريس الذي يقف ويسمعه فيفرح فرحا بصوت العريس عايز يقول لهم هو ده العريس مش انا هو ده الاول مش انا هو ده اللي نازل من السماء مش انا انا فرحي.قد كمل ينبغي ان ذاك يزيد وانا انقص عايز يقول لتلاميذه ايه او تتبعوا فكروا البشري اوعوا تفتكروا انكم تكبرونى بأنتمائكم ليا.لا.دة ذاك يزيد وانا انقص الذي ياتي من فوق هو فوق الجميع والذي من الارض فهو ارضى ومن الارض يتكلم والذى يأتى من السماء هو فوق الجميع وما راه وسمع هذا يشهد بية وشهادتة ليس احد يقبلها والذى يقبل شهادته فهذا قد ختمها لانة شهد ان اللة حق لان الذي ارسله الله يتكلم بكلام الله لانه ليس بكى يعطى اللة الروح الاب يحب الابن وقد دفع كل شيء في يديه ومن يؤمن بالابن فله حياه ابديه تكمله الايه عشان مش موجوده لا يؤمن بالابن ينقص عليه غضب الاب عاوز يقول لهم خلي بالكم بلاش الفكر اللي في دماغكم من يؤمن بالابن فله حياه ابديه في الحقيقه عاوزين ناخذ لحظات عن الايمان بالابن الحقيقه بدون الاب ما كانش هيكون معرفه بالاب بدون الاب هيكون ايماننا ناقص عاجز مين الله بالنسبه لنا؟ الساكن في الاعالي من الله بالنسبه لنا ؟ في لاهوت في الكنيسه بيدرس بناخذ منه لمحات اسمه لاهوت النفى يعني ايه لاهوت النفي يعني كل اللي تعرفوا ربنا مش هو دة اسمة لاهوت النفي يعني مثلا احنا نعرف الحاجات المرئيه هو يقول لك وغير المرئي احنا نعرف مثلا حاجات الزمنيه هو غير الزمنى يعني من كثر ما نعجز عن ان نجد صفات لله مش عارفين نوصفوا فبقى نوصفوا ان كل اللي نعرفه مش هو اسمه لاهوت النفى غير الزمنى غير المحور غير المفحوس الذى لا يحد ده اسمه لاهوت النفى يعني بنثبت ان ربنا غير كل حاجه احنا نعرفها طب وبعدين هنفضل ربنا كده ما نعرفوش هنفضل ربنا كده بالنسبه لنا علامه استفهام قالت لا طب ايه اللي حصل بصينا لقينا الابن عرفنا الاب نقول كده في القداس الذى أظهر لنا نور الاب الذي اعطى الذين على الارض تسبيح السيرافيم اثبت لنا نور الاب الله لم يراه احد قط الابن الوحيد الذي في حضن ابيه هو خبر خبر يعني ايه ؟هو اللي عرفنا فاحنا لولا اللابن ماعرفنا الاب كان هيظل الاب بالنسبة لنا هو البعيد المحتجب كانوا الانبياء تطلعوا عليه في غموض قالك كده ليتك تشق السماء وتنزل تعالى عرفنا على نفسك هتفضل بعيد ؟عشان كده الذى يؤمن بالابن له حياه ابديه من لا يؤمن بالابن ينقص عليه غضب اللاب مره فيلبس قال ارنا الاب وكفانا كون ان احنا نبقى شوفنا الاب كفايه علينا قوي يبقى عارفنا كل حاجه فربنا يسوع فى كلمه بسيطه قال له ايه؟ من راني فقد راي الاب انا في الاب والاب فيا فربنا يسوع المسيح هو اللي عرفنا الاب مره طفل صغير اربع سنين وبيتكلموا قدامة عن ربنا يتكلموا عن ربنا فسال مامته مين ربنا ؟ مامته قالت له كلمه واحده بس يسوع مين عرفنا حنوا اللة ومحبة الله سعى اللة للانسان مراحم اللة غفران الله طول انات الله مين عرفنا ؟ مين عرفنا الصفات دي كلها لوماهو لو ما كانش كده كنا هنفضل نلتمس الله بخيالنا نفضل نعمل صوره لنفسنا ونكتشف انها صوره مش حقيقيه عاوزه اقول لك انا حتى من بدايه سفر التكوين الابن موجود اصحاح 1 من يوحنا قال لك ايه به كان كل شيء وبغيره لم يكن شيء منما كان الخليقه صنعت بالابن القديس كيرلس الكبير بيقول عباره صغيره لكن فيها كل حاجه بيقول كل شيء صنع بالاب عن طريق الابن من خلال الروح القدس يعني الاب والابن والروح القدس في تناغم لكن احنا الاب والروح القدس مش بنقدر نستوعبهم مين اللي خلاني نقدر نستوعب الاب والروح القدس ؟ هو الابن من رآني فقد راي الاب عشان كده ناس كثير لما عرفت ربنا يسوع المسيح قالوا بالحقيقه هو ابن الله هو ده لغاية الصليب من البدايه لما نقرا في الاصحاحات الاولى في بشاره يوحنا هنلاقي كلمه ابن الله تطلق على ربنا يسوع المسيح من ساعه ما كلم فيلبس على نثنائيل وقال لة تعالا قولة من وانت تحت شجره التينة وانا اعرفك لان نثنائيل كانت والدة خبئتة تحت تينة عندما اراد هيرودس قتل أطفال بيت لحم اية ده هو انت كنت واخذ بالك ؟! اصل انا عينيا تخترك استار الظلام عرفنا الاب كل اللي يعرف الاب يعرف الاب والذى لا يعرف الابن يمقص عليه غضب الاب والذى لا يعترف بالابن لا يعترف بالاب لان الاب في الابن والابن في الاب بية عرفنا عشان كده من ضمن الكلمات في الكتاب المقدس وفي تسابيح الكنيسه بيقول لك ارسل لنا ذراعه اية ذراعة دى؟! الابن ومره ربنا يسوع المسيح قال انا بأصابع اللة اخرج الشياطين ماهو اصبع اللة ؟؟ هو الابن و كأن الله يستخدم الابن ليفعل مشيئته الله يستخدم الابن ان يفعل مشيئته لما لقى البشريه بتضيع وتهلك وتفسد عمل ايه ارسل ابنه الوحيد فصار ابنة هو وسيلة لمعرفتنا بالاب وهو الذى رد لنا الميراث وهو الذى رد لنا كرامتنا وهو اللي رجعلنا صورتنا وهو الذى اخذنا معه لكى ناخذ كرامته عند الاب بس مانخدش كرامته عشان احنا نستاهل احنا بناخذ كرامتنا في هو اخذ الذى لنا واعطانا الذى له اخذت طبيعتنا وبشريتنا وأخد ضعفنا ضع واستشارك الابناء في اللحم والدم اشترك هو ايضا فيهما لكي يبيد بالموت ذاك الذى لة سلطان بالموت اعمل ايه جاء وتنازل واخذ شكل عبد وصار في الهيئه كإنسان و اطاع حتى الموت موت الصليب ولكنة بتدبير الالهى الذي لم يحسب خلسة ان يكون مساويا للاب يعني ايه لم يحسب خلسة يعني هو مش بيخطف حاجه مش بتاعته مش بيختلس مجد الاب لا ده هو في الاب والاب في امال ايه بقى ؟اخلي ذاتة أخذا شكل العبد صائرا في الهيئه كإنسان و اطاع حتى الموت موت الصليب لذلك رفعه الله واعطاه اسما فوق كل اسم لكي تكسوا لاسمة كل ركبة دة مجد الاب المجد الذى مجد بة الابن لان ذالك الإخلاء كان اخلاء تدبيرى عشان كده يوحنا حسن الخلق ده ان يقول اهم خلوا بالكم من له العروس فهو العريس امال انا اية؟ انا صديق العريس يا لفرحنا احبائي عندما نشعر ان كلنا اصدقاء العريس وهو العريس نفرح لفرحة ونشاركة مجدة ونشاركوا البركات التى اعطاها لنا ونشاركوا تسابيح وتمجيد احنا كلنا دلوقتى اسمنا اصدقاء العريس بدليل ان احنا هنشترك في مايدة واحده دلوقتى بدليل ان كلنا هناخد من نفس الجسد والدم لاننا اصدقاء العريس مين اللي اعطانا لنا الحق اللي احنا ناكل من جسده ودمة؟ ان احنا اصدقاء العريس لما يجي حد يمنعنا نقول له ايه انا صديق العريس و صديق العريس بحسب تقليد الكنيسه عشان يميز صحابه عملهم زى عارف مثلا كده لما لما تيجي بنات صحاب عروسه يعملهم فساتين شبه بعض بالضبط يكون مثلا لونها ابيض لونها لبنى نبيتي دول صحاب العروسه احنا كمان عملنا فستان او بدلة لينا كلنا لاثبات اننا صحاب العروس البنت اللي داخله لابسة نفس الفستان من وهي على الباب كده تتعرف ان البنت دي بنت مش عاديه من ضمن بنااات صحاب العروسه عشان كده المثل بتاع الراجل اللى مش عليه ثياب العرس قالوا لة اطلع بره اية اللى جايبك هنا ايه ثياب العرس احبائي الذى اعطاها لنا عشان يميزنا بيها و يكون لنا الحق اللي احنا ندخل في المايده ؟ المعموديه كلنا معمدين كلنا اخذنا ثياب العرس كلنا بقى لينا حق اسمنا اصدقاء العريس ناكل من المايدة السماويه من له الابن فلة الاب عشان كده نحن نؤمن بالابن من يؤمن بالابن فله حياه ابديه عبادتنا هتلاقي فيها عباده فيها المجد للاب فيها المجد للابن فيها المجد للروح القدس نسجد لك مع ابيك الصالح والروح القدس نسجد لك اللى هو الابن مع ابيك الصالح ده الاب مع الروح القدس المجد للاب والابن والروح القدس هتلاقي العباده بتاعتنا دايما فيها عباده الثالوث عشان احنا لا نعبد الابن ابدا بمعزل عن الاب و الروح القدس الذى لة الابن لة لحياه الابديه اصل الذى لة الاب له الاب يبقى لة الروح القدس من له العروس فهو العريس ان صديق العريس امال انا ايه بقي ؟ فرحي هذا قد كمل كل مجد يعمله ربنا يسوع المسيح احنا اصدقاء العريس نصبح نحن سعداء بى ومتهللين بية كل عيد قديس احنا اصدقاء العريس يبقى احنا ايه فرحانين لان في واحد مننا نور اليومين اللي احنا فيهم دول ايام مبروك جدا وكنا بنحتفل من يومين بست دميانه والاربعين عذراء اليومين دول بنحتفل ب مكسيموس ودوماديوس اولاد الملك الجمال اللي تركوا مباهج العالم وداسوا عليها وغلبوها وسعوا خلف الغنى بحبة اصدقاء العريس ربنا يعطينا نكون من اصدقاءة الأوفياء ونكون مميزين ونفرح لفرحة ويشوفنا نفرح يكمل ناقصنا ويسندك كل ضعف فينا بنعمته ولالهنا المجد الابد امين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد
14 يناير 2024

مجئ المسيح الى أرض مصر

الأحد الأول يا أحبائى من شهر طوبة المُبارك يُكلمنا عن هروب رب المجد يسوع مع يوسف البار و امه السيدة العذراء إلى أرض مصر ," و لما مضوا إذا ملاك الله قد ظهر ليوسف فى حلم قائلا : قم خُذ الصبى و امه و اهرب إلى مصر, و كن هُناك حتى أقول لك لأن هيرودس مُزمع أن يطلب الصبى و يهلكه , فقام و أخذ الصبى و امه ليلا و مضى إلى مصر, و كان هُناك إلى وفاة هيرودس". فى الحقيقة يا أحبائى يوسف البار , واضح جدا إنه كان صديق للملائكة , نلاحظ إن أحداث كثيرة , الملاك كان يُكلمه, كان يتدخل فى الوقت المُناسب , و نجد إن الملاك ظهر له , عندما شك فى السيدة العذراء , و كلمه الآن لكى يهرب , ثم كلمه لكى يعود , ثم كلمه لكى يقول له إين يذهب عندما يعود , فقال له:" لا تعود إلى بيت لحم , إذهب إلى الناصرة , إلى الجليل" لأن ابن هيرودس هو الذى كان سيمسك الحكم و كان يتبعنفس مدرسة العنف التى كان يتبعها ابوه . الإنسان البار يا أحبائى تجد الله يتدخل فى حياته بطريقة عجيبة , تجد الرب يُرتب له حياتهو يمنع عنه أخطار هو نفسه لا يعرفها , تجده يُعطى له إطمأنان فى حينه , فنجد يوسف الصديق " البار" حامل ميلاد العذراء البتولى , الذى رافق السيدة العذراء مريم حتى استقرت هى و ابنها , حتى كبر يوسف البار فى السن و تنيح. الإنسان البار يا أحبائى , الملائكة ترتاح له و تتكلم معه و تُصاحبه , بل و تستخدمه لإتمام مشيئة الله , مثل يوسف البار , الملائكة تستخدمه و تكلمه و ترتاح له , عكس الإنسان الشرير يا أحبائى , الملائكة لا ترتاح له بل الشياطين, مثل:"هيرودس" يرتاح له الشيطان و يُكلمه الشيطان , فالشيطان يستخدم هيرودس لزعزعة مملكة ربنا يسوع المسيح, و الملائكة تستخدم يوسف لتثبيت مملكة الرب يسوع المسيح , كل واحد فينا يسأل نفسه :" هل أنا صديق ملائكة أم شياطين؟؟" هل أنا عندما يأتى لى صوت بداخلى , أستجيب لأى منهما , صوت البر أم صوت الشر؟؟؟ فإذا كنت أنا أميل إلى صو الشر باستمرار , فأكون بهذا موطن علاقتى مع الشياطين," صوت العنف , صوت الإنتقام , صوت الدم , صوت الخيانة , كل هذا الكلام هى أصوات الشياطين . و لهذا الشيطان يستخدم مُعينين لإتمام إرادته أو أغراضه الشريرة , و لكن هنا يدخل و يُطمأن أمنا السيدة العذراء و يوسف النجار , و يقول له :" لا تخف , خُذ مريم امرأتك و اهرب إلى مصر , و أحيانا يقول له :" خُذ الصبى و امه و اهرب إلى مصر". المسيح يا أحبائى تلاحظوا إن حياته يوجد فيها تجارب كثيرة جدا , من ولادته و هو مرفوض , و هو مُطارد و هو مُضطهد , و هو مطلوب للقتل , كثيرا يا أحبائى ناس تحيا مع الله يسوع , و يقول لك مادام أنا مع الله يسوع إذا لابد إن حياتى تكون هادئة جدا و جميلة و لا يوجدبها أى شئ , لأن أمنا إلهى ضابط الكل , فأول عندما تأتى لنا مُشكله , نقول له كيف هذا , ألست أنت إلهنا , ألست من المفترض أن تأخذ بالك مننا , من المُفترض أن تحمينا !!! أستطيع أن أقول لك , موقف مثل موقف هروب العائلة المقدسة إلى أرض مصر , فكان من الممكن بحسب الفكر البشرى , هذا الموقف يعثرهم !! فما هذا ؟!! أليس من المفترض إن المولود منكى يُدعى قدوس ابن العلى , اليس هذا هو المُخلص, و المُخلص و تقول لنا أهرب , ابن العلى و لا تستطيع أن تحميه , هو لا يستطيع أن يحمينا , كان من الممكن جدا إذا فكروا فكر بشرى , كانوا تشككوا و كانوا قالوا لا , بالطبع هذا ولد عادى , و لكن هذا الكلام لم يثر الشكوك فى قلبهم و لكن طاوعوه و أكملوا الإرادة الإلهية . كثيرا يا أحبائى , نحن نُريد إن الله يعمل معنا بمقايسنا نحن الدنيوية البشرية , نُريد إن الله يعمل معنا بفكرنا , بعقلنا , بأمرنا , بتدابرنا , من هذا هيرودس ؟؟ كان من الممكن أن يُميته , لأنه يطلب الصبى ليهلكه , أنت تستطيع أن تفعل كل شئ , هل تُريدنا و أنت الله العلى , نحن أن نهرب ؟؟!! لماذا ؟؟ّ!! و هيرودس يعيش !!!, أحيانا يا أحبائى ما تكون أفكار الله بالنسبة لنا هى بعيدة تماما عن أفكارنا , فهو ملك وظالم و قاسى و قاتل !!! . و كأن الرب يسوع أراد أن يأتى و يعيش أحلك ظروف الإنسان , حتى إن أى أحد فينا بعد منه لا يُصبح له شكوى . فأى إنسان فقير يجد فى يسوع كل عزائه , أى إنسان مُضطهد يجد فى يسوع كل عزائه , إى إنسان مرفوض و مطرود , يجد فى يسوع كل عزائه , أى إنسان مُتألم يجد فى يسوع كل عزاؤه . فكان من الممكن حياة الرب يسوع تكون هادئة جدا , لا يوجد فيها ضيق و لا إضطهاد و لا فقر , و كان من الممكن يتولد فى بيت ناس أغنية و يتولد طفل مُدلل , و بعد ذلك كل الناس تحبه و ترفعه لفوق و و تشكر فيه , لا و لكنه قيل عنه ,:" إنه رجل حزن و مختبر وجع " طفل صغير يُثير سلطام ملك و يزعزع سُلطان ملك و يفقده صوابه و يجعله يتصرف تصرفات طائشة , هل أحد يعتقد إنه لكى يُريد أن يتخلص من طفل يقتل كل الأطفال , كل الإطفال !! يا للهول , و ليس الذين يخصوا بيت لحم فقط بل كل المدينة , فقام بعمل خدعة فيهم و أصدر قرار بأحصاء الأطفال جميعا سنتين فيما دون , و الدولة الرومانية آخذة على حكاية الإحصائيات , فإنه شئ ليس غريب عليهم , فإنها دولة مُنظمة جدا , فالدولة الرومانية معروفة , فى الطرق و فى الإحصائيات و فى الإقتصاد و فى الحروب , فقالوا الذين لديهم أطفال يأتوا لكى نؤيدوهم بدل ما نذهب و نلف على البيوت , و بالطبع الناس غلابة ,مساكين , ذهبوا لكى يعدوهم لأن يأخذوهم و يذبحوهم , كم هو قاسى هذا المنظر يا أحبائى !!! . فعدو الخير غير قادر على أن يتحمل إن هُناك احد يُدعى المسيح , لا يستطيع و لهذا يُقاوم و يُعاند و يُشكك و لهذا يُريد أن يبيد . و لهذا نحن , إن لم نأخذ هذة الأمور بعين الإيمان و نعرف إن ربنا يسوع إجتاز هذة الظروف قبلنا , " ففيما هو تألم مُجربا يقدر أن يُعين الُمجربين " فتعرض للضرب و الإضطهاد و للضيق و للطرد , فيذهب إلى مصر , إذا كانت أورشليم بيت لحم , الذى هو يُعتبر بلدهم و من المُفترض أن يكون لهم بعض المعارف فيها , لم يكن لهم مكان فيها , فهل سيجدوا مكان فى مصر , البلد الوثنية , التى كلها عبدة أوثان و أصنام , فهو غير ذاهب إلى مكان آمن , لا يوجد فيه احد يعرفه , ذاهب إلى المكان , الذى ليس من الممكن أن يتوقع أحد إنهم يقبلوه , حياة كلها ألم و حزن و تجارب و لكنها كلها تكميل لإرادة إلهية . كثير يا أحبائى نتوقع إن ربنا يتدخل لحل مشاكلنا بمعجزات , كثير , كثير ما نقول له يا رب تدخل لحل مشاكلنا , تدخل و أقتل هيرودس الذى يُريد أن يقتلك , انت الإله العلى , يقول لك , لا . أنا اريد أن أعيش آلامك و تجاربك و أعيش ضيقاتك , حتى إننى أريد أنك تعتبرنى إننى شريك لكل آلامك هذة , ربنا يسوع هُنا يُعلمنا إنه إنسان طبيعى , عادى , لا يستغل قوة سُلطان لاهوته فى حل مشاكله و لا فى مواجهة الشيطان , لا الشيطان يُحاربه كأنه إنسان عادى جدا , يُحاربه بالجوع , و يُحاربه بالكرامة و يُحاربه بالضيق , و يُحاربه بغرايات العالم , و هنا يُحاربه , بإنه يجعله يهرب , لأنه مطلوب إنه يقتله , و لهذا نستطيع أن نقول إن الإنسان يا أحبائى عليه إنه يعلم إنه لابد أن يقبل تدابير الله لحياته . و هُنا أيضا يقول له :" إذهب إلى أرض مصر و كُن هُناك حتى أقول لك . مكان غير مُحدد و زمن غير مُحدد , و هذا يُفكرنا بأبونا إبراهيم , الذى يقول الكتاب عنه " إنه خرج و هو لا يعلم إلى إين يذهب؟؟؟ , فهُنا أيضا , هم ذاهبين و لايدرون , إين هم سيجلسون و إلى متى سوف يظلون هُناك ؟؟ , الإنسان يا أحبائى المُتكل على الله بكل قلبه , هو مُسلم كل أموره لله و ربنا يتولى كل أموره , "فطوبى لجميع المُتكلين عليه" . الشيطان يا أحبائى مُتربص بأولاد الله , مُتربص بالمسيح , لأنه يعلم إن فى المسيح الخلاص , و إذا قتلنا المسيح , نكون قتلنا الخلاص , فيبقى الإنسان فى خطاياه . و لهذا الإمر ليس فقط مُجرد حرب مع شخص و لكنه حرب لتدمير الخلاص الإنسانى , و لهذا نستطيع ان نقول , " لا يوجد حدود للحرب مع أولاد الله , فقد قال عنها الكتاب المقدس ,:" للرب حرب مع عماليق من دور إلى دور , من جيل إلى جيل " . و لهذا قال لك:" مرارا كثيرة حاربونى مُنذ صباى , مرارا كثيرة قاتلونى منذ شبابى و إنهم لم يقدروا علىّ " فيقول منذ صباى , شاهدوا هذة النبوة و جمالها , فمنذ صغرى , مرارا كثيرة حاربونى , فى سفر أشعياء الإصحاح 37 , يقول له و كأن المسيح يُخاطب الأشرار الذين هم مثل هيرودس , الذين رفضوا تدبير خلاصه , فيقول له :" و لكنى عالم بجلوسك و خروجك و دخزلم و هيجانك علىّ لأن هيجانك و عجرفتك قد صعد إلى أذنى " مُجرد علم فقط إن المسيح سيولد , هاج جدا عليه , و لكن ما الذى سيفعله الله , قال له " أضع خزامتى فى أنفك و شكيمتى فى شفتيك و أردك فى الطريق الذى أتيت فيه " فى سفر أرميا الإصحاح الأول يقول :" ويل لى يا أمى لأنكى ولدتينى إنسان خصام و إنسان نزاع " كيف هذا يا رب فأنت ملك السلام ؟؟؟ يقول :" و لكنهم رفضونى " و لهذا قال ,:" ما جئت لألقى سلام بل سيف " . لنه يُهيج الشيطان , الله آتى بسلام و لكنهم لا يُريدوا السلام . و لكن ما موقفك أنت يا رب يسوع تجاه هؤلاء النا ؟؟؟" فيقول ربنا يسوع :" أنا مع مُبغضى السلام صاحب سلام ". هو يُريد أن يقتلنى , أنا قلت أبعد بعيد و أهرب , و لكن مع كل هذا و الشر ساكن بداخلك و لهذا قال :" أنه وضع لسقوط و قيام كثيرين و لعلامة تُقاموم , و لكن كان من الممكن هيرودس يقتله و ينتهى الأمر . أقول لك لا , لأن موته ليس بسلطان هيرودس بل بترتيب إلهى , فإن المسيح لم يأتى فقط لكى يموت , بل لكى يُعلمنا كيف يحيا الإنسان , المسيح لم يأتى لكى يعيش سنتين و يموت و يكوت بهذا خلصنا و فدانا , لا , فإين تعاليمه و إين مُعجزاته , إين النموذج الذى يُريد أن يُعطيه لنا و نتعلم منه , و المسيح كان لابد أيضا أن يموت مصلوب , و فى العُرف اليهودى لا يوجد طفل يموت مصلوب , حتى سن مُعين , إذا هو لا يستطيع أن يموت مصلوب و هو فى هذا السن , فالمسيح منذ طفولته يا أحبائى , يؤكد علينا حقيقة إنه إنسان , حقيقة التجسد , حقيقة الحماية الإلهية , حقيقة التدبير الإلهى , حقيقة التجارب و الآلام التى ستأتى على اولاد الله , و لابد أن يقبلوها بشكر و آلام , كثيرا يا أحبائى ما أجد ناس خائفة و مُضطربة , و لكننى أقول لك :إنها خطة الشيطان ضد أولاد الله. , فإن مُصارعتنا ليست مع دم و لحم , بل مع أجناد , مع سلاطين , مع قوات الشر " . فهيرودس مُستخدم من الشيطان , كثيرا غيره كثير تجد ناس مُستخدمة من الشيطان لزعزعة سلام أولاد الله , لأن إلههم هو ملك السلام فيريدوا أن يزعزعوا سلامهم , فما الذى يفعلوه ؟؟؟ يطلبوا نفوسهم , يقلقوهم , يُزعجوهم , و لكنهم يجب أن يكونوا ثابتين فى مواعيد الله , فمن البداية يا أحبائى فى مقاومة من الشيطان و بين الزرع المقدس و النسل المقدس الذى يسير فى العالم , فهذا من البداية , من بداية قايين و هابيل , فالشيطان لم يحتمل أن يوجد بار , فما الذى نفعله ؟؟ لابد أن نقتله , هابيل كان بار مُرضى لله , يُربى غنم لكى يُقدمها ذبائح لله إنسان مُكرس , فهل يوجد أحسن من ذلك؟؟؟ , لكن أخوه قام عليه و حسده و قتله فى الحقل فمن هذا الذى فعل ذلك ؟؟ الشيطان الذى أستخدم قايين و جعله يقتل أخيه . أيضا فرعون ملك مصر , لماذا يُريد أن يُبيد ذكور العبرانيين , لماذا ؟؟ يقول :" لأننى لا أريد إن هذا النسل المقدس يكبر و يتبقى هؤلاء الرجال العبرانيين الكبار , الذين بعد حين سيموتون و يتبقى النساء قفط الذين يتزوجزا من مصريين و بهذا يكون أباد كل شعب بنى إسرائيل , فيا لها من قسوة إن أحد يُصدر قرار بقتل جميع الذكور , أو فى مثل أيام هيرودس , القرار الذى أصدره لقتل كل الأطفال سنتين فيما دون , فما هذة القسوة ؟؟. أقول لك هذا هو الشيطان , هذة هى مملكة الظلمة . و لكن مُبارك الله يا أحبائى , فيقتل ما يقتل , و يبقى الزرع المقدس مُمتدا , و لماذا ؟؟ لأنه تدبير إلهى , هو يعتقد إنه إذا قتل , سوف يُبيد كل الذكور , و ينتهى منهم و لكن لا , يوجد بين هؤلاء الذكور موسى و سينجو بتدبير إلهى و سيكون قائد لهذا الشعب و يكون مُخلص لهذا الشعب , و أنت يا فرعون الذى تُريد أن تبيده هو الذى سيبيدك , الزرع المقدس يا أحبائى , مقاوم من العالم و من الشيطان إلى الآن . رأينا فى الكتاب المقدس , مشاهد كثير أخرى لأشياء مثل هذة . فمرة فى أيام واحد من القضاة ,واحد بسبب إنه أتى من زوجة غير شرعية فقتل كل إخوته , قتل 74 أخ , لكى يكون هو الملك , و لكن الله ايضا أبقى له واحد , هرب , و وقف و قال له , أنا الملك الشرعى و أنا القاضى الشرعى . مرة ملكة فى أيام ملوك يهوذا قتلت كل الأطفال الذين من الممكن أن يأتى منهم النسل الملكى , لكن واحدة جارية!! جرية , هربت طفل صغير عنده 5 سنين , و جعلته يكبر عندها و كبر و قال لها :" أنا الملك الشرعى " الذى هو يوشيا الملك . مبارك أنت يا رب الذى تُبقى لك بقية , الشيطان يا أحبائى , لا يُريد أن يكون لنسل يهوذا بقية , لا يُريد أن يكون للعبرانيين بقية , لا يُريد أن يكون ليسوع بقية , لا يُريد أن يكون ليسوع بقية , فهو يُريد يبيده . و لكن الله له تدبير , و فى النهاية يقوم و يأخذ الصبى إلى أرض مصر , و هذا أجمل إطمأنان لينا يا أحبائى , إن أرضنا تباركت بقدومه , إنه أتى إلى أرضنا و باركنا و بارك زرعنا و نيلنا و بارك بقاعها و نّوّر مصر , و عندما دخل أرتجلت الأوثان و كانت تسقط من وجهه , أصبح هُناك ناس يُؤمنون و أناس أخرى يرفضونه , لدرجة إن شاع ذكره بين المدن , فأصبحت المدن تخاف عندما يأتى إليها , فأصبحوا يرفضوه , لأنهم يعلموا إنه إذا دخل عندهم ستتحطم الأوثان , آلهتنا و بهذا سوف يُجلب الغضب عليهم بحسب إعتقادهم , و لكن ناس أخرى مجدوه , و هناك ناس عرفوه , و لهذا نحن نقول إننا نحن أهل مصر , نحن نفتخر إن الذى كرز لنا ليس مارمرقس , بل ربنا يسوع بنفسه , فعندما آتى مارمرقس , كان ربنا يسوع كان قد مهد له الطريق , فبعد مجئ ربنا يسوع المسيح إلى أرض مصر بحوالى 40 او 50 سنة , عندما جاء مارمرقس , قالوا الناس الذين سمعوه إنه يُنادى بنفس الطفل الذى آتى إلينا و عمل كذا و كذا وكذا . و لهذا كرازة مارمرقس كانت مُمهدة , و بارك بقاع أرض مصر , ليست بالصدفة يا أحبائى إنه يهرب إلى أرض مصر , فكان من الممكن يذهب إلى الشام أو العراق أو السعودية , فكلها بالد أقرب بالنسبة إلى فلسطين , و لكن لا هو آتى إلى أرض مصر لكى يُباركها " يكون للرب مذبح فى وسط أرض مصر " فالذى كان يقرأ كلمة مذبح فى وسط أرض مصر أيام أشعياء النبى , كان لا يعى هذا الكلام , لأنه لا يوجد مذبح إلا فى أورشليم , هو هيكل واحد و كانوا يذهبوا إليه من كل مكان , فماذا يُعنى هذا الكلام , كيف إن مصر سيكون فيها مذبح ؟؟! هل هذا سيكون بجانب أورشليم أم مُضادة لأورشليم ؟؟ هذا وعد إلهى فى سفر أشعياء النبى :" يكون للرب مذبح فى وسط أرض مصر و عمود للرب عند تخومها " . فما هذا المذبح؟؟ قال لك هذة هى الكنيسة , أنا آتى لؤسسها بنفسى , التى ستكون حارثة للتعاليم الإلهية القبطية الأرثوذوكسية , القديس أثاناثيوس الرسول , القديس أنطونيوس , هؤلاء هم بركة وجود الرب يسوع المسيح فى أرض مصر فأنتوا أيضا يا أحبائى أتى من إن المسيح زار أرض مصر , فعندما نزل أرض مصر , أتى من فوق لتحت و صعد ثانية ثم , دخل يمين و شمال , فعمل علامة صليب على أرض مصر, فمن العريش إلى أسيوط و من وادى النطرون لسمنوت , فعمل صليب و بارك بقاع أرض مصر , باركها , و لهذا يا أحبائى :" يجب أن تمسكوا بإلههكم " خليك قوى و خليك واثق إن أنت محظوظ , إنك أنت تعيش فى بلد المسيح أقدامه قد وطأتها فعندما تكون مُتضايق بعض الشئ , أقول لك :" أنت ترى ربنا يسوع المسيح سيدك , هو لم يرتاح , فالناس كانت دائما ما تنقضه و تُشكك فيه , هل كان فى كل مكان يذهب إليه يحملوه على الأكتاف و الأعناق؟؟! , هل أنت ترى إن سيدك كان مُمجد جدا فى كل مكان يذهب إليه . فقال لك :" إن كانوا فعلوا هذا بالعود الرطب فكم يكون باليابس" . و لهذا كنيسة مصر يقول لك , للحب الذى أخذته قدمت شُهداء , قديسين هذا عددهم. نحن مدعوون يا أحبائى , أنت مدعو يا عزيزى إنك أنت تكون من الجيش الذى خلصه المسيح و باركه , و أعطانا الوعد الإلهى المكتوب في سفر أشعياء :" مُبارك شعبى مصر ". و" من مصر دعوت ابنى ". فدعوت ابنى المقصود بها حاجتين :1 1- إسرائيل الذى خلصهم من سُلطان فرعون. 2- ربنا يسوع المسيح. نحن يا أحبائى علينا إننا فى مواقف ربنا يسوع المسيح , نأخذ نصيبنا منها , فهذة ليست أحداث تاريخية , هذا ليس تاريخ يا أحبائى , و لكن هذا واقع المسيح , الذى قيل عنه :" هو هو أمس و اليوم و إلى الأبد "ربنا يُعطينا نعمة و بركة كل أحداث المسيح , تدخل فى حياتنا , و تملأنا قوة و سلام و عزاء و نأخذ إطمأنان من مجيئه إلى أرض مصر , حتى يكون بنا سلام يفوق كل عقل ربنا يُكمل نقائصنا و يسند كل ضعف فينا بنعمته لإلهنا المجد الدائم إلى الأبد آمين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية
المزيد

العنوان

‎71 شارع محرم بك - محرم بك. الاسكندريه

اتصل بنا

03-4968568 - 03-3931226

ارسل لنا ايميل