العظات
المسيح هو الطريق الأحد الخامس من الخماسين المقدسة
الاب والابن والروح القدس اله واحد امين فلتحل علينا نعمته برحمته وبركته الان وكل اوان والى دهر الدهور امين
الاحد الخامس احبائي من فتره الخماسين المقدسه المسيح يعلن نفسة لنا كطريق للحياه تقرا علينا الكنيسه فصل من بشاره معلمنا يوحنا اصحاح 14 عدد واحد يقول كده لا تضطرب قلوبكم انتم تؤمنون بالله فامنوا بي.. في بيت ابي منازل كثيرا والا فأنى قد قولت لكم انا امضى لاعد لكم مكانا وان مضيت واعدت لكم مكان اتي ايضا واخذكم اليا حتى حيث اكون انا تكونون انتم ايضا وتعلمون حيث انا اذهب وتعلمون الطريق .. احنا الاحد ده
حد الطريق احبائى . ابتدا جنى ثمار عمل الفداء تبان وابتدى ربنا يسوع المسيح يهيئنا ويهبنا لصعودة المقدس عشان ياخدنا معاة. للملكوت الابدي ايه هو بقى الطرق .. هيخذنا فين!؟ في بيت ابي ..هنسكن معاة الانسان احبائي المطرود من حضره الله... اللى طرد من الفردوس الانسان اللي بقى غير مستحق لسكنا الارض بقى مستحق لمجد السماء ..إحنا مش طردنا احنا منعنا من الدخول..فى واحد ممكن يطرد ميتمنعش هيقولولوا ... اطلع بره وخلاص ...لكن لا احنا
طردنا ومنعنا...بس عشان ندخل مش هنقدر ندخل ابدا لان احنا اتردنا وممنوعين ..مين بقى اللي هيدخلنا ربنا يسوع المسيح بعملة بفدائة ...معلمنا بولس الرسول النهارده بيقول لنا اية فى رساله العبرانيين اصحاح 10
فإذ لنا أيها الاخوه ثقة بالدخول الى الاقداس يااا بعد ما كنا مترودين !!بعد ما كنا ممنوعين بقى لنا كمان مش بس حق لا ولنا ثقه ...بدم يسوع طريقا كرسة لنا حديثا حيا بالحجاب الجسدى ..عملنا من جسدة امتار نمشي عليها عشان خاطر ندخل بية الحياه الابديه عملنا جسدوا يبقى معبر لينا .اصل هو واخدنا بجسده لما هو صعد اصعدنا معاة لان احنا مخفيين فين موجودين فى ثابتين فى ..فلما قام اقامنا معاة ولما صعد اصعدنا معاة .. عشان كده احبائى الاحد الخامس ده حد الطريق ... اللي يوصلنا للمجد الابدى ..وده الحد اللي بيسبق عيد الصعود ..
تلاقى النهاردة الكاثوليكون. يكلمنا عن رساله معلمنا بطرس الرسول الاولى(( اصحاح 4 عدد6 ))اننا نهايه كل شيء قد اقتربت الطريق بقى اتكشف وبان المعالم وخلاص ابتدا يشاورلك يقول لك خلاص قربنا نوصل اهو
نهايه كل شيء قد اقتربت... طب نعمل ايه ؟؟
فتعقلوا واصحوا للصلوات..
لكن قبل كل شئ لتكن محبتكم بعضكم لبعض شديدة لان المحبه تستر كثرة من خطاياها ...تلاحظ قراءات الخمسين بتركز كثير عن المحبه
اصل انسان قام مع المسيح مش ممكن يكرة..انسان قام مع المسيح مش ممكن يعيش بحسب العتيق في السلوك انسان قام مع المسيح ابتدا يطلب ما فوق حيث المسيح جالس ..ان كان يتكلم احد فكأقوال الله ابتدينا بقى ندخل لعذوبه الحياه مع ربنا لان احنا اقتربنا من الملكوت جدااا ان كان احد يخدم فكانه من قوي يمنحها الله لكي يتمجد الله في كل شيء بيسوع المسيح وفى نفس الوقت بيقول لنا لو وقعتوا في تجارب ما تستغربوش اصل الطريق للملكوت طريق ضيق... لا تستغربوا البلوي المحرقه التي بينكم حادثه لأجل امتحانكم ..كأنةاصابكم امرا غريب بل كما اشتركتم فى الام المسيح افرحوا لكي تفرحوا في استعلام مجده ايضا مبتهجين . بيمهدنا احبائي ان احنا خلاص اقتربنا من افراح المجد الابدى عشان كده واحنا النهارده المسيح هو طريق احناو لازم نعرف رايحين فين ..احنا رايحين المجد الابدى.. احنا رايحين السماء ..اللى رايح مكان دة لازم يكون مشغول بية
اللي رايح مكان ده لازم يكون مشتاق لية.. اللي رايح مكان ده لازم يكون عارفة.. عشان كده احبائي لازم السماء تاخذ من مشغولياتنا كتير والقيامه فتحت لنا باب الطريق .للسماء ..فكر كثير في السماء وفي افراحها وفي لغيتها في اهتمامتهاوسكانها اجعل ليك هناك اصدقاء اتقن اللغه بتاعتها لغه التسبيح والمجد الى الله الدائم.. اقتني ليك اصدقاء في السماء.. اللي انت يكون ليك شفعاء واصدقاء من القديسين
اقتني ليك اعمال السماء اقتني ليك شهوت الملكوت في شهوه احبائي للانسان جوه قلبه للملكوت الانسان اللي بتاكلة شهوه الملكوت بيحتقر امور الارض الانسان اللي جواه شهوه الملكوت تلاقيه مرفوع في السيرة.. الانسان اللي جوه شهوه الملكوت اللي اخذ نور مجد المسيح القائم تبص تلاقيه كده بيعيش زي ما قال معلمنا بطرس نهايه كل شيء قد اقتربت الانسان اللي عايش الملكوت تحس انه الملكوت قريب قوي قوي والعكس الانسان اللي بعيد عن الملكوت يحس ان الملكوت ده ايه بعيد قوي ... بيأجلة.. ويرفض التفكير فى عشان كده في بعض الاباء لما يسمعوا الاية (( ان فى الف سنة كيوم ويوم كألف سنة )) .. اصل الاشرار عندهم ممكن يكون عندهم القيامة عملة زى الف سنة ..لكن الابرار احبائي
الف سنه عندهم عاملة زى يوم الوقت بالنسبالهم .. اللة ملهيهم بفرح قلبهم فتلاقي الوقت عندهم طول ماهما بيقضوا في المسيح يسوع مبتهجين يحسوا الوقت قريب قوي ...ويشعرون باقتراب الملكوت.. جدا وكانة الان كل يوم نصلى ونقول هوذا ان عتيد ان اقف امام الديان العادل
كل يوم نصلى نقولة نتظر قيامه الاموات وحياه الدهر الاتي كل يوم نقول انها الان ساعه لنستيقظ...كل يوم نشعر انا يمكن يكون ده اخر يوم في حياتنا .. شهوة الابديه بتخلينا مش خايفين
عشان كده النهارده المسيح يقول لك اعرف انت رايح فين اعرف انت هتوصل لفين اعرف ان انت متاخذ لمجد ابدي اعرف ان انت في بيت ابي منازل كثيره خذ بالك فى بعض الاباء بيعترضوا على كلمه منازل يقولوا عليها مواضع... اصل المنزل ده معناة سكن مؤقت..منزل جاية من نزيل لكن احنا في السماء مش نزلاء...ده موضع...
في بيت ابي منازل كثيره ...مواضع كثيرة.. يقولوا كده عن اورشليم في عيد الفصح كان يجيلها كل السكان وكان كل البيوت تأجر بس البيوت تتتأجر حسب قربة من الهيكل ففى بيوت قريبه وفي بيوت بعيدة...فى
مواضع كثيرة..اهو احنا في الابديه نكون كده احبائي في مواضع كثيره...ربنا يسوع المسيح راح يعد لنا المكان
إحنا ممنوعين من الدخول لازم ندخل بيه هو دخل بس مش عاوز يدخل لوحدة عاوز يدخل معاة ولاده ..فجاى دلوقتى ياخدنا هياخذنا ازاي؟؟
انا هو الطريق امشوا ورايا تخيل معايا الموكب الجميل ده احبائى ربنا يسوع المسيح بيتقدمنا وكلنا ماشين وراء للدخول للمجد الابدى..حد هيمنعنا واحنا داخلين؟؟ لا ما حدش هيمنعنا لان احنا داخلين معاة .هيقف كدة ويدخلنا كلنا.... هندخل فى حمايته فى عمل فدائة.. في دمه في صليبة.. ندخل معاة للمجد الابدى لازم احبائى نفكر احنا رايحين فين لازم نعرف نهايه المشوار بتاعنا اية... لازم نعرف الطريق بتاعنا دة هنعيشوا ازاي... فكر كثير في الابديه ..
لكى تاكلك غيره اعملها
اللى يفكر في الارض كثير يتحصر فى الارض واهتماماتة تبقى في الارض...اللي يفكر في السماء اهتمامات الأرض تصغر بالنسبالة...
طيب هنروح للسماء ازاى؟؟ يقولك هنروح بية... ما فيش طريق غيره هو الطريق
انا هو الطريق.. تخيل انت كده لما تسال اى واحد على سكة حاجة معينه ويقولك انا الطريق ... تقول له ازاي انت الطريق يعنى؟؟ بس انت امشى معايا.... احنا احبائى المسيح هو القائد بتاعنا واحنا غنم قطيعه ماشين وراء مطمنين واثقين مش ممكن هنتوه.. واحنا معا..مش ممكن.هنضل ابدا ..دة بيبحث علينا.. تعالا كده عايز تدخل المجد الابدي عيش حياته(( ينبغي انة كما سلك ذاك هكذا ينبغي ان نسلك نحن ايضا)) امشي وراء ...امشي ورا كلامه امشى ورا تعليمة ..امشي ورا سيرتة... واحد من الآباء القديسين كان بيقول لربنا يسوع المسيح كده ((يا رب اجعل حياتي حياتك)) ايه رايك في الصلوة الصغيره دي(( اجعل حياتي حياتك ))بس انا الطريق
اية طريق؟؟ تاركا لنا مثالا لكى نتبع خطواته..ما فيش حاجه في حياتنا احبائي نفسنا نعملها او حاجة بتواجهنا الا وربنا يسوع المسيح .وجهها وعملها
لية.. ضيقات حروب عدوات اطهادات ضيقات تخلى خيانه اهانه أوجاع كل ده عاشوا....عشان كده ربنا يسوع بيقولك خليك ورايا انة ينبغى كما سلك ذاك ينبغي ان نسلك نحن ايضا باستمرار راجع خطواتك عليه اجعل حياتي حياتك..جميل احبائى ان الطريق
بتاعنا يبقى واضح مضيئ.. احنا فرحانين ان احنا سالكين فى... باستمرار نقوله عرفني يا رب الطريق التي اسلك.. علمني ان اصنع مشيئتك ارفع قلبك باستمرار ان انت تكون ماشي وراه فعلا احسن تكون ماشي بذهنك او تكون ماشي بذهن الناس او تكون ماشي بذهن العالم..لكن انت ماشي بحسب مسيحك ماشي بحسب كتابك ..ماشى بحسب القديسين
قالك ان لم تعرف الطريق اخرج على اثار الغنم امشي على اثار الغنم وانت تفرح... عشان كده جميل اللي انت تقول لربنا لتكن مشيئتى مشيئتك .فلتتبع مشيئتي مشيئتك
واحد من الاباء القديسين كان يقول لربنا..
ليكن لنا حب واحد او كرها واحد... اجعل ارادتى ارادتك.. عرفني يا رب الطريق التى اسلك.. علمني الطريقه التي اسلك فيها ...روحك القدوس يهديني للاستقامة .. الانسان احبائى اللي يعيش في الطريق ده يبقى نهايته ايه... نهايه المجد الابدي ودى غايه ربنا يسوع المسيح من حياتنا..اية غايتة؟؟ ان نكون معه في المجد الابدى...دة احبائي الحد الخامس الذى يسبق عيد الصعود...اللى بيخدنا ويدخلنا معاة لغاية ما يطمن ان احنا دخلنا جوه المجد الابدي ربنا يدينا فى رحلة
الخماسين ان نثبت في شخصة القدوس ان نتمتع بية كطعام لينا. ان نتمتع بية كنور لينا
ان نتمتع بية كطريق لينا
ان نتمتع بية كمجد ابدى لينا
حتى مانستحق عطية الروح القدس
ربنا يكمل نقائصنا ويسند كل ضعف فينا بنعمتة ..لالهنا
المجد دائما ابديا امين
المسيح هو نور الحياة الأحد الرابع من الخماسين المقدسة
بسم الاب والابن والروح القدس اله واحد امين فلتحل علينا نعمته ورحمته وبركته الان وكل اوان الى دهر الدهور كلها امين..
الاحد الرابع من رحله الخماسين المقدسه التي ننتقل فيها بالتمتع بالمسيح القائم لنصل بها الي مجد الحياه الابديه ...وننال الخلود الدائم بعد ما اتمتعنا بالقيامه..
الرحله دي يلزمها ا اشياء.. كنا في الاحد الاول من الخماسين ان احد الايمان و كنا تكلمنا عن توما .رمز للشك اللي شوفناه قد ايه المسيح اعلن ان طوبى للذين امنوا ولم يروا وابتدينا نشوف ان بركات الرحله دي بنتمتع بها بالمسيح كخبز للحياه الحد الثاني.. الحد الثالث المسيح كماء للحياه شفنا مع السامرية بتتمتع بالمسيح .....حياه الحد الرابع النهارده ان المسيح هو نور الحياه ..
تقرا علينا الكنيسه احبائي الكنيسة..فصل من رساله معلمنا يوحنا البشير اصحاح ١٢ عدد ٣٥
النور معكم زمانا قليلا بعد ... فسيروا مادام لكم النور لئلا يدركم الظلام والذي يسير في الظلام لا يعلم الى اين يذهب مادام لكم النور آمنوا بالنور لتسيروا ابناء النور ربنا يسوع حب يعرفنا نفسه من شويه اعلانات في سبع اشياء.. اعلانات عن ربنا يسوع المسيح بيعرفنا
نفسه بها ١/. بيقول لنا ان انا هو خبز الحياه مره ثانيه قلنا انا هو باب الخراف ومره ثالثه قلنا انا هو الراعي الصالح مره قلنا انا هو نور الحياه..ومره انا هو نور العالم ومره كمان بيقول لنا انا هو القيامه والحياه .مره كمان بيقول لنا انا هو الكرمه الحقيقيه ..ومره ثانيه قال لنا ان الطريق . خلي بالك هو الخبز والباب والراعي والنور والطريق هو القيامه والحياه والكرمة الحقيقيه انت.. لو ركبت دول جنب بعض تعرف مين هو ربنا يسوع المسيح بالنسبالك قد ايه هو الباب بتاعك قد ايه هو الطريق بتاعك.. قد ايه هو النور بتاعك قد ايه هو الحياه بتاعتك قد ايه هو خبزك قد ايه قد ايه انت ثابت فيه ككارما حقيقيه النهارده بيكلمنا عن النور.. البولس النهارده الاحد الرابع بيكلمنا عن جزء من.رسالة معلمنا بولس الرسول الثانيه الى اهل تسالونيكى ..واما نحن فينبغي ان نشكر الله كل حين لاجلكم ايها الاخوه المحبوبون من الرب ان الله اختار كم من البدء للخلاص بتقديس الروح وتصديق الحق الامر الذي دعاكم اليه ب انجيلنا لاقتناء مجد ربنا يسوع المسيح ..عايز يقول لنا انتم ناس دُعيتم لحياه النور اخذتم مجد المسيح ..اخذتم بر المسيح انتم ربنا اختار كم من البدء الى الخلاص لانكم محبوبون من الله تقديس الروح وتصدق
الحق...نور المسيح فيكم انتم مختلفين. انتم مضيقون انتم فيكم مجد ربنا يسوع االمسيح ..فى الكاثيليكون ..رساله يوحنا الرسول الاولى اصحاح ٤ عدد ٧
ايها الاحباء لنحب بعضنا بعضا لان المحبه هى من الله الانسان اللي سالك في النور مش ممكن يسلك فى الظلام والظلام هى الكراهية العداوه القلب اللى فى عداوة قلب مظلم .لكن دة قال نحب بعضنا بعض لان المحبه من اللة.. لان كل من يحب فقد ولد من اللةويعرف الله ومن لا يحب لم يعرف اللة
النور ..النور بينور القلب .. ويجعل الانسان يرا الأشياء جميله.. لكن الظلمه تخوف وتقلق .. لان الله محبه..بهذا أظهرت محبه الله فينا ..لان اللة قد ارسل ابنه الوحيد الى العالم لكي نحيا بة...
الاحد الرابع احبائي بيورينا المسيح النور ... عندما جاء اللة ليعمل الخليقه.. اول شى عملها فى تكوين واحد
قال لك ايه ..ليكن نور..اصل النور ضروي لاعلان الخليقه تخيل انت كده ربنا يخلق فى النباتات والحيوانات ويعمل الانسان..وما فيش نور. فى الاول لابد ان يعمل النور في البدايه.. احنا احبائي لاجل ان نعيش مع ربنا يسوع المسيح صح لابد ان نتمتع بة كنور ..ينير قلبك..عشان كده من ضمن اللقاب ربنا يسوع
المسيح نور العالم ....اللة نور وساكن فى نور منة ٥٥٥ دى من تعريفات ربنا ... اللى عاوز يعرف ربنا يعرفه ان هو نور.. النور الحقيقي الذي أتى الى العالم ..عايز تفرح بربنا يسوع تفرح بة كنور فى حياتك اور في حياتك..النور ينور ..النور يرشد النور يفرح النور يهدي النور يكشف طب تخيل انت الظلام؟! الظلام حزن كآبة خوف.. بالظلام الانسان يصبح كل شي مجهول حواليه...مش عارف. يبقى ممكن يكون الانسان قاعد في مكان يخوف ومش مدرك الإنسان ممكن يبقى كل ثيابة متسخه وهو مش مدرك..تقرب للمسيح اللى هو النور الحقيقي. تقول قد ارتسم علينا نور وجهك يا رب.. تشوف نفسك صح ..عشان كده الاحد الرابع من الخماسين بيقولك...سيروا في النور ما دام لكم النور.. النور معكم زمانا قليل.. استفيد بالفرصة...خذ فرصه العمر بتاعك وسير فى النور....عشان كده الخطايا تملي بتتسمى بأعمال الظلمه.. لا تشتركوا فى اعمال الظلمه غير المثمره بل بالحري وبخوها...تلاقي عدو الخير ينشط فى الليل ...اعمال عدو الخير النجاسه. الزنا ..الطمع السُكر السرقة..كل دة ينشط فى الليل فى الظلمة..لكن اعمال النور اعمال البر ..دى أعمال ربنا يسوع المسيح اللي قال ..ينبغي ان اعمل مادام نهارا.. .
عشان كده احنا بنقول قوموا يابني النور احنا ابناء نور.. معلمنا بولس بيقول لستم من ظلمة بل من نور.. النور الحقيقي دة احبائي.. اللي احنا بناخدة بالقيامه ..وقصد ربنا ان يخلق اول حاجه من الخليقه.. يخلق النور وفي القيامه نور. في الاول انار النور المادى..لكن بالقيامه انار قلوبنا وعقولنا وحياتنا في القيامه قال لنا مستنيرة عيون قلوبكم ابتدت القيامه تعطينا معنى جديد للنور مختلف تماما مش بس النور اللي كل الناس شايفاه تحس ان انت قلبك منور فكرك منور . حياتك منيره .بالمسيح يسوع. تبص تلاقي الظلام لا يسودك .وكل اعمالك اعمال نور .وعندما تأتى اعمال الظلام..تكتشف انك تكرهها...وتبعد عنها ..لان النور كاشف لك الامور صح ..عاوز تشوف النور في حياتك قرب من ربنا يسوع المسيح .. اللي قرب من ربنا يسوع المسيح قرب من النور واللي اقرب من نور بيكتشف لة كل شي...عاوز تشوف خطاياك صح قرب لنور المسيح...عشان كده اللى قرب من نور المسيح يكتشف ان خطاياة كثيره..البعيد مش حاسس ومش شايف لأنة فى الظلمه..الظلام أعمى عيناه..مش شايف.. عشان كده تبص تلاقي القديسين لما يقربوا من نور المسيح يزدادوا اتضاعا. جدا...لية؟؟ لان خطاياهم بتكشف..وعندما تكشف خطايا الانسان..
يبتدي يعرف ايه ربنا في حياته اكثر..ويبتدى يصرخ يقولوا ارحمني..
متى صرخ معلمنا بطرس .؟ وقال اخرج من سفينتي يارب لأنى رجل خاطئ ..لما تقابل معاة اللي يتقابل مع ربنا يسوع المسيح يشوف النور الحقيقي و لما يشوف النور الحقيقي يعرف قيمة النور في حياته.. و يعرف ازاي يجاهد بالنور ده ..وازاي يسلك في النور. عشان كده معلمنا بولس الرسول قال ايه ..فلنخلع اعمال الظلمه.. ونلبس اسلحه النور...فى اعمال للظلمه وفي اسلحه للنور...اللي يخليني اتمتع بالنور؟ اسلك فى المسيح..انا هو نور العالم ...النور معكم زمانا قليلا .. الحياه بتاعتنا دى قليلة...أيام قليله عيشها في النور عشان يبقى النور امتداد طبيعي ليك...عشان تتمتع بنور المسيح.. مادام لكم النور لئلا يدركم الظلام يضركم الظلام...الظلام الابدى لو انسان ماسلكش في النور هنا ..دة امتداد طبيعي لة اللى يعيش في الظلام يستمر فى ظلام...لكن امتداد طبيعي للي عايش من النور هنا.. يسلك فى النور عشان كده بيقول لك في نور قديسيك...الكنيسه عشان تميز القديسين تعمل لك على القديس هاله نور ..لو شوفت كده صوره العشاء الاخير ..ونفرض ان يهوذا جالس معهم.. تجبهولك لة صفتين
.. بعين واحده على اساس انة نظر للدنيا بالارض فقط ولم يرفع عيناة لفوق ..و نمره اثنين ما تلاقيش لة الهاله المميز بها باقي الاباء القديسين الرسل...ماعندوش الهالة دى ماعندهوش النور ..لأنة سلك في الضلمه..الظلمه اعمت عينيه.. طب عاوز تعيش فى النور ..اكثر حاجه تساعدك الوصيه. معلمنا داود النبي يقول لك سراج لرجلي كلامك ونور لسبيلي .هو ده النور اسلك في النور ب كلمه ربنا كلمه..كلمه ربنا تنير العينين من بعد تبص تلاقي الانسان عينيه منوره عايش في نور الوصيه ..الوصيه تكشف لك خطيتك.. الوصيه تكشف لك الطريق.. الوصيه تكشف لك ضعفاتك وفي نفس الوقت تكشفلك الافراح اللي جوه الوصيه ..الوصيه تنور لك عقلك وقلبك.. عشان كده اقدر اقول لك من ضمن الحاجات اللي ربنا عاوزه يمتعك بها بنوره اعلن القيامه بنوره ..كان يقود شعبه في القديم بعمود النور ..هو رمز للنور هو يرمز اليه بالنور.. وكان حلولة كمان بيبقى معاة انور..كل انسان تبع ربنا يسوع المسيح اخذ من النور دة لان احنا ولادة وبناخذ من نورة وبينعكس نورة علينا يقول ..كل اللذين التمسوا استناروا. ووجوههم لم تخجل....استناروا بمعني هما نفسهم تحولوا الى نور...عشان كده بعد ما قال لهم انا نور العالم ..قال لهم
انتم نور العالم ...اصبحنا احنا احبائي ...احنا اللي ننور للناس احبائي. و نرشد الناس لا يمكن ان تخفي مدينه كائنة على جبل.. ولا يوقدون سراجا ويضعونه تحت المكياج .. احنا نكون مثل السراج المضيى فى موضع مظلم...هو دة احبائي رجاءنا ونصيبنا من القيامه ان احنا ناخذ النور ناخذ النور ناخذ ربنا يسوع المسيح في حياتنا يتمتع بنور قيامتة في قلبنا وعقلنا ..عشان نكون مضيئين بنوره علينا.. ربنا يعطينا فى فتره القيامه المقدسه ان نتمتع بافراحها وبركتها..ان نستنير ونضيء كما اضاء علينا واشرق علينا وان تتحول ظلمتنا الى نور ويكون نورة هو سراجنا ان يكون نورة هو قائدنا...ربنا يكمل ناقصنا ويسند كل ضعف فينا بنعمته ولالهنا المجد الى الابد امين....