العظات
إفعل هذا فتحيا
باسم الاب والاب والروح القدس الة الواحد امين تحل علينا نعمته ورحمته وبركته الان وكل اوان كلها امين
الاحد الثاني من شهر توت المبارك تقرا علينا الكنيسه فصل من بشاره معلمنا لوقا اصحاح العاشر قال تعليم جميله وجد انسان ناموسي قام ليساله سؤال رائع قال له ماذا افعل لارث الحياه الابديه.. للاسف كلمه مكتوبه تحسها ان السؤال لا يوجد له قيمه لانه قال ناموسي قام يجربه.. يا ريت الناموسى. كان نفسه يرث الحياه الابديه فعلا بنتكلم عن الحياه الابديه وانت قمت لتجربة....ربنا يسوع المسيح رد عليه رد عجيب جدا قال له الناموس يقول الناموس يكون حافظ حب الرب الهك من كل قلبك من كل فكرك من كل قدرته وقريبك كنفسك ..فقال له افعل هذا فتحيا .. وكأنه لم يجاوبه لان في الحقيقه مش صادق في السؤال بيقولها بشفتيه.. ماذا افعل سؤال جميل جدا ..نفسنا واحنا قاعدين دلوقتي نقول له يا رب ماذا نعمل لكى نروح السماء ..ماذا افعل اعطيني خطوه عمليه مش عارف البدايه منين انا مشتاق للسماء وعاوز اعرف.. من الاشياء الخطيره ان الانسان يعيش مشغول فقط بالارض مشغول فقط بالزمن مشغول فقط بالجسد مشغول فقط بالظروف مشغول بالولاد يوجد شيء اخر بكثير الحياه الابديه هل شغلانه كان يوجد فئه يقولوا عليها الصديقيون كانوا جاءوا نتيجه من 400 سنه قبل المسيح اثناء السبي الجماعه اليهود اختلطوا بالجماعه البابليين فبداوا يكون لديهم ثقافات غريبه لحين ان رجعوا من الصبي رجعوا لنفسهم وبعد ذلك العصور تقدمت وجاءت المملكه اليونانيه مبهرين في الثقافه مبهرين في العلم والتقدم توجد فئه منهم اثروا على اليهود انها الحياه بتاعه الزمن فقط لا يوجد شيء اسمه الحياه الابديه للاسف يوجد جماعه من اليهود اقتنعوا بافكارهم واصبحوا اسمهم الصديقيون واصبحوا هم فئه ليست قليلا لما يكونوا ناس يهود المفروض ان هم متدينين ويعرفوا ربنا ويعرفوا الوصايا لكن يؤمنوا تماما ان لا توجد حياه ابدية ا وهما الذين جربوا ربنا يسوع المسيح في واحد اتجوز واحده وبعد ذلك مات اخو اتجوزها ومات لحين سبع اخوه فمن باب الاستخفاف والاستهتار هذه السيده تكون لمن فيهم في السماء قال لهم السماء لا يزوجون ولا يتزوجون . فهم كانوا يجربون يقللوا من الفكرة ...تخيلوا من الاشياء العجيبه جدا ان فئه الصديقيون كانوا ناس متدين وكانوا كان لازم يخرج منهم رؤساء الكهنه حنان وقيافه صدقيون رئيس كهنه ماذا يفعل بالناس وماذا يعلمهم هل يعلمهم السرقه لانه ليس لدية غير الزمن بس لا يؤمن بالحياه الابديه كانوا بيغتصبوا الكهنوت ما فيش حاجه ابدا في العرف بتقول ان في اثنين رؤساء كهنه يقدم وا فساد كان واحد على الشؤون الماليه والدينية ...الصديقيون لا يؤمنون بالارواح لا يؤمنون بالحياه الابديه لا يؤمنون بالقداسه حياه زمنيه فقط ممكن احنا نكون زيهم ممكن نكون تبع الصديقيون ..لان لا يوجد اى شيء شغلنا غير الارض الحياه الابديه مش في فكرنا مش في اشتياقنا ليست من اهتماماتنا كان عندهم الشعار ناكل ونشرب لاننا غدا نموت واحنا نفسنا عايشين بهذا الفكر ناكل ونشرب ونستمتع وعندنا ممتلكات وعندنا اراضي وعندنا بيوت وعربيات هذا الصديقيون لا يؤمن بالحياه الابديه لكن هذا الرجل سال سؤال جميل لكنه كان ليس يسال من قلبه لكن نحن كنيسه ربنا يسوع المسيح نساله ونرفع قلبنا ونقول له يا رب ماذا نفعل نريس الحياه الابديه ماذا اعمل عايز اعلم يا رب ماذا افعل محتاج تتفك من اشياء تحب السماء تحبني انا محتاج انك تطلع من قلبك اشياء كثيره الزمن والارض وممتلكات كل هذا استخدمه فقط ما تبقاش عبد لهم كل هذا تبقى هذه الاشياء ملك لك لا تاخذ منها اطمئنان ولا تاخذ منها سلام ناس كثير فكرها ان ناخذ اطمئنان من الدنيا والفلوس والزمن ابدا اعرف راجل تقييم له قريب غني جدا يقولوا عليه ملياردير فهذا الرجل التقي في احدى المرات فجاء له دور قلب ومحتاج ان يعمل قسطره تكلفا ومعه مبلغ ليساعده به طبيعتي هذا المبلغ ويقول له معاك حاجه شايلها للزمن قال لهم على قد المعيشه ونشكر الله فكرت كويس في هذا الكلام اقول لك انا وصلت لايه انا عندي اربع ردود اول رد ان انا مش هعيط ان انا ايه واموت واروح السمعه ثالث رد ان انا لو تعبت ربنا ممكن يعمل لي موجوده ويشفي لو تعبت ومعيش فلوس ربنا يبعث لنا يصرف عليا هو الرد مش هتعب ثاني رد هيا وخف ربنا ياخذني اي انسان يصرف عليا وبعد ذلك هذا الرجل عندما تعب بدا يدخل المستشفيان والعنايات المصاريف الكثيره فلوسه كلها خلصها معايا ده مبلغ بسيط لكفانو بعد ذلك مات قرايبه ليورثوا فيه فجاه انه ليس لديه اي شيء فجاء ومسحبات البنك كيف ظل هذا الرجل في فتره علاجهم اما البار فبالايمان يحيى فكره ان انت تموت قول له يا لمبه في ايديك استودع روحي اذكرني يا رب متى جئت في ملكوتك وخليك مطمئن ماذا اعمل عريس الحياه الابديه لو تكرمني تاخدني من غير ما اتعب بلاش تطول هذا يجعلك تغلب الافكار ماذا اعمل ارس الحياه الابديه ثق فيا لما قال لك التلميذ الذي كان يسوع يحبها الفكره النت النسبه بالذات يسوع كان بيحبه وهو بالتحديد لا هو كان يوحنا بيحبه اكتر فكان يشعر بحبه فقط ربنا بيحبنا كلنا جدا لكن اللي فينا بيحبه كثير يشعر بحبه الكثير حبه من كل قلبك ثقتك ويقينك فين ماذا اعمل ارث الحياه الابديه ارفع عينك لفوق كثير من اجمل الاسئله واسهلها واختارها كلمه وبعدين مره كان في راجل غني ذهب يغير جو فعايشه في جزيره فوجدا جزيره بها ناس فقراء وبسطاء عايشين في خيام فجلس معهم كم يوم وقال لهم احنا صيادين وعايشين في جزيره بنصحى بدري نصطاد الساعه 4:00 معهم خير وانواع كثيره وتساوي اكثر بكثير من ثمنهم بيبيعوا فين هذا النوع يباع بكذا وكذا بستثمر ونفتح فروع فكان يقنعهم انهم يعيشون في بيوت فاخمه وكبيره وفي الاخر قالوا لهم نحن مبسوطين مبسوطين ومستمتعين مع اولادنا شعور الرضا والسعاده ليست ان تملك اكثر ولكن السعاده ان تحتاج اقل السعاده قرار السعاده من داخلك العبوديه من ممتلكان تسلب للانسان عمره حياته يقولوا كلما زاد الانسان في ممتلكاته كلما قل كيانه كلما زاد الانسان في ممتلكاته ساره كيان من ممتلكاتهم واحيانا يكون كيان اقل من ممتلكاته لو في عربيه غاليه جدا بملايين بيحاول يفتخر انه معاها هذه العربيه ويبين للناس العربيه بتاعته وشقتة عربيتي تخيل عربيته بقيت اغلى منه تخيل هو بقى بياخد كيانة من العربيه لا انت مسكين ..انت تركب اللي تركبه انت هو انت. ماذا اعمل ارث الحياه الابديه عايز تشوف اللي ممكن تعمله فكر ايه اللي ممكن تاخده للحياه الابديه عربيه فلوس ما الذي تاخذه هتاخد حب الرب الهك محبتك للرب ..وللقريبب هذه هي اللي هتفضل معاك اللي هيتاخد معاك اعمال الرحمه والمحبه اللي عملتها هذه لا تتاخد معاك فكر في اللي هيتاخد معاك فكر في اللي هيبقى فكر في الدائم ما تفكرش كثير في الزائل ...نعيش بالرضا نعيش مقتنعين لما تعيش بالرضا وتعيش وتفكر في الدائم بتغلب الزائل لما تفكر كثير في الدائم وتجد نفسك ارتفعت...وتجد نفسك تغلب الزائل وانت راضي ومبسوط ولم تكن عبد لشى ..عشان كده احبائي احنا محتاجين ننقلنا يا رب من درجة المعرفة الى درجة الفهم...انقلنا يارب من الأسئلة النظريه الى الاسئله العمليه انقلنا من عالم الايمان الى الايمان انقلنا الى سيره روحانيه انقلنا واهدينا الملكوتك اجعل اهتماماتي فوق اشعر ماهو الذى انا واخده معايا ايه اللي تحت وايه اللي فوق لحين ان اجد ان اللي تحت كتير واللي فوق قليل.. اشكرك ان انت نبهتني لابد ان تقلل من الذى تحت ونزود من الذى فوق ربنا يعطينا احبائي نفكر كثير ونهتم كثير ونرفع قلبنا كتير.ماذا اعمل لاث الحياة الأبدية... يكمل نقائصنا ويسند كل ضعف فينا بنعمته ولربنا المجد الدائم الى الابد امين.
مقاومة شهوة الجسد
باسم الاب والابن والروح القدس الان واحد امين فلتحل علينا نعمته ورحمته وبركته الان وكل اوان دهر الدهور كلها امين
عايزين نتكلم شويه في موضوع عن شهوات الجسد الجسد معلمنا بولس في رساله معلمنا بولس اهل روميه اصحاح 12 يقول "فاطلب اليكم ايها الاخوه برأفه الله ان تقدموا اجسادكم ذبيحه حيه مقدسه مرضيه عند الله عبادتكم العقليه" وفي رساله كورنثوس الاولى 16:6 يقول "الستم تعلمون ان اجسادكم هي اعضاء المسيح افاخذ اعضاء المسيح واجعلها اعضاء زانيه حاشا"
اول حاجه عايز اكلمكم بخمس نقط اول نقطه:-
1- كرامه الجسد وكرامه الشهوات دي لها كرامه اول حاجه كرامه الجسد وكرامه الشهوات.
2- ثاني حاجه خطوره انحراف الجسد وانحراف الشهوات.
ثالث حاجه هنتكلم عن ثلاث حاجات في كيفيه ضبطها او الخطوره بتاعه
3- اول حاجه الضعف الروحي.
4- وتاني حاجه خطوره الذات
5- وتالث حاجه خطوره الفراغ والميديا
خطوره الضعف الروحي والذات والفراغ والمديا.
1- اول حاجه الجسد ضروره الجسد
وكرامه الجسد وكرامه الله لم يخلق شيء رديء ابدا ابدا
الشهوات دي مش شيء قبيح الغرايز دي شيء مقدس بس الجسد ده هيكل لربنا. الله لم يصنع شيء رديء ولم يصنع شيء بدون ما يكون له فايده ويكون له مجد ويكون وسيله ان الانسان يربح بيه السما الجسد ده له مجد الجسد ده له كرامه احنا بنقعد ناخد بركه اجساد القديسين ونتمنى بس نلمس نلمس الخشبه اللي لمسه عضمه يبقى الجسد ده ايه؟ حاجه له كرامه كبيره جدا الله خلق الله اراد معلمنا بولس يقول لك "اذ لنا هذا الكنز في اواني خزفيه" جوه الجسد ده في كنز الستم تعلمون انكم هياكل الله يعني الجسم بتاعي ده جواه الهيكل بتاع ربنا فالجسد مش شر الجسد مش من صنع الشيطان الجسد ما هواش شيء رديء ولا قبيح ابدا شيء مقدس وله كرامه كبيره جدا جدا لان هو من صنع ربنا والشهوات والغرايز دي بتدابير الهيه عجيبه انسان هنتكلم في نمره اثنين عن الانحراف بيه اما القصد منها فهو مقاصد وتدابير الهيه فائقه كل الغرايز اللي في الانسان هي لحفظ حياه الانسان تخيل كده لو احنا ما عندناش مثلا غريزه الجوع ما بنجوعش فمش هناكل لما مش هناكل هيحصل ايه؟ هيحصل انه جسمنا يضعف الدوره الدمويه بتضعف ما يبقاش في دوره حياه ما فيش مياه ما فيش بروتين ما فيش معادن ما فيش ما فيش الانسان لو قعد كم يوم ولا فتره يضعف جدا ويموت لكن ربنا اراد ان الانسان يكون عنده حاجه اسمها غريزه الجوع احتياج ان انا اكل فيخلي عندي غريزه تخليني اقول عايز اكل لو انا ما عنديش الغريزه ان انا عايز اكل ديت هلاقي نفسي قعدت فترات يقولوا يقول لهم مش عايز مش عايز وفي الاخر اضعف لكن الغريزه مخلياني هي دي اللي باخد بيها وقود الحياه كذلك غريزه الخوف احنا لو ما عندناش خوف احنا ممكن قوي نجي قصاد قطر ونقف لكن الخوف يخليني ابعد الخوف يخليني ابعد عن تيار ميه شديد الخوف يخليني ابعد ايدي عن نار عن كهرباء الخوف بيخليني ابعد فغريزه الخوف ديه لبقاء الحياه غريزه الجوع ده لبقاء الحياه هكذا الغريزه الجسديه هي لبقاء الحياه تخيلوا لو الانسان ما عندوش غريزه ان يكون في ميول من الرجل للمراه ومن المراه للرجل هيبقى ما فيش غريزه يبقى ما فيش استمرار حياه انا اتذكر في مره كنت قاعد مع ولاد في اعدادي وبنتكلم عن الغريزه وطبعا الولاد في اعدادي في السن ده بيكونوا يعني الموضوع ده تعبهم وقالهم ويعني عامل لهم حاجز بينهم وبين ربنا وفصلهم عن ربنا ومخليهم محتقرين نفسهم وكانهم جواهم سؤال بيقول انت ليه يا رب عامل فينا كده فجالى فكره قلت لهم ايه رايكم دلوقتي يا اولاد لو عملنا اجتماع صلاه عشان نقول لربنا ربنا يشيل مننا الغريزه يلا نقف نصلي ان ربنا يشيل مننا الغريزه ففي ولاد كتير قالوا يا ريت قلت لهم طب يلا نقف نصلي نقول لربنا يشيل من الغريزه رفع ولد صباعه قال له يا ابونا بس كده الجنس البشر هينقرض قلت له صح يبقى الغريزه هي سبب استمرار الحياه يبقى حلوه ولا وحشه دي مقدسه المشكله في ايه بقى في الانحراف بيها .الله لم يخلق شيء رديء كن ان الانسان ياكل دي حاجه مش وحشه بس كن ان الانسان يعيش عشان ياكل دي حاجه مش كويسه كون الانسان ان ربنا يخلي عندنا غريزه للخوف لبقاء حياتنا دي حاجه كويسه لكن عشان نعيش مرعوبين ده حاجه مش كويسه كون ان الانسان يكون عنده غريزه ان يكون الغريزه ديه تخرج في اطار مقدس تجيب نسل صالح ده شيء جميل ده شيء جميل لكن عشان خاطر الغريزه تنحرف ده بيبقى شيء بقى هو ده اللي يبقى غير جيد اذا الغريزه في حد ذاتها هي طاقه جباره جدا للحياه والجسد ده شيء مقدس هو احنا النهارده كلنا نشكر الله كلنا صايمين لامنا الست العذرا احنا صايمين بايه اجسادنا صايمه بنقول لجسمي ما تاكلش بنقول لجسمي ممكن تاخد فتره انقطاع مش هتاكل دلوقتي بقول لجسمي انت الحاجات اللي انت كل شويه
عايزها دي لا مش هتاخدها انت هتاخد دلوقتي اطعمه بسيطه جدا مين اللي صايم الجسد والروح بيعمل ايه؟ بيترفع لما انا بتحكم في الجسد اذا الجسد هو وسيله عباده هو مين اللي بيقف يصلي مين اللي بيرفع ايديه لفوق مين اللي بيسجد حتى لما بنيجي نتناول احنا بناخد الجسد والدم بيتحد باجسادنا ونقول كده " صيرنا هياكل مقدسه لحلولك
واواني مقدسه لقبولك لكي بذوق جسدك نؤهل لذوق نعمتك" اذا الجسد ده وسيله والغريزه دي دي طاقه جباره طاقه وجود وطاقه حياه جباره جدا جباره ده ربنا خلق في الانسان معجزه المعجزات يا الغرائز دي ليه عشان خاطر ربنا قال كده اثمروا واكثروا واملاوا الارض عن طريق ايه عن طريق الغريزه وقود الحياه بس تخيل بقى لما عدو الخير يخلي المقاصد دي تبقى ملوثه احيانا نقول لواحد كده تخيل ايه كده لما حد يجيب لك كده كوبايه ميه ساقعه ولا كوبايه عصير كده تكون ساقعه كده وانت حران بدل ما تيجي تشربها تحطها في بقك تروح كاببها على شعرك مثلا هتلزق جسمك وتخليك عايز لا ما هي مش لكده ربنا ما اداناش الغريزه عشان تستخدم في غير اطارها ولكن هي ادانا كل شيء بغنى للتمتع ربنا خلق كده سمح بكده طاقه جباره طاقه حياه طاقه حب طاقه عطاء هكذا الله اراد ان تكون الغرائز غرائز مقدسه طاقه جباره احيانا حتى الجماعه بتوع العلم يقول لك في فرق بين عود كبريت وفي فرق بين انبوبه بوتاجاز صغيره انبوبه بوتاجاز اكبر كل حاجه بتدي طاقه على قدها عود كبريت يدي على قده انبوبه صغيره انبوبه كبيره طب مفاعل نووي كل ما كانت الحاجه مصدر طاقه اكبر كل ما كانت خيرها اكتر كل ما كانت كمان خطر الغريزه كده الغريزه طاقه جباره تدي خير كتير بس في منها خطر خطر امتى في الانحراف بها ودي بقى تدخلنا على نمره اثنين.
2- الانحراف بالجسد والانحراف بالغريزه:- ايه هي بقى يخلي الانسان يقول لك الجسد يخليه يبقى لاعمال جسديه يخلي الجسد ده يبقى عمال يشتهي ياكل ويشرب وينام ويرتاح ويشتهي زي ما هو عايز ويقول لك ما هو كده ما هو هي يعني ربنا عملها كده اقول لا خلي بالك الاكل النوم الراحه الغريزه كلها لمقاصد الهيه اول لما تزيد عن حدها وننحارب بيها تصير ضاره ومؤلمه ومدمره اه طبعا واحد من الرهبان راح يشتكي لاب اعترافه يقول له انا بتحارب بالشهوات الجسديه بشده يقول له جاهد وما تخافش وربنا موجود يروح يقول له الحرب لسه موجوده وشديده عليا جدا وانا متالم وانا راهب قال له جاهد وما تخافش والقديسين يقولوا كده "ان كل من يجاهد من اجل العفه يجد داله عظيمه عند الله" تاني كل من يجاهد من اجل العفه يجد ايه داله تخيل انت كده يبقى ليك خاطر عند ربنا لما يلاقيك بتجاهد ضد ايه عشان تاخد العفه يروح له بعد كده يقول له الحرب شديده عليا جدا صلي لي فقعد يصلي وقعد ابوه الروحي ده يصلي كده وكانه بيؤمر الشيطان يقول له ابعد عنه ابعد عنه هدي الحرب بامرك باسم يسوع المسيح تبعد عنه جاله قال له ها ايه الاخبار انا متاكد ان كل حاجه بقت كويسه دلوقتي قال له ابدا قال له ازاي؟ قال له ابدا قعد يصلي ابوه الروحي ده قال له انا مش قلت لك تبعد عنه عايز يجاهد وعايز يرضي ربنا ابعد باسم يسوع المسيح وقعد ينتهر في الشيطان جال له الشيطان قال له انا بعدت عنه قال له امال ايه قال له ياكل كثيرا
ينام كثيرا يتكلم كثيرا يستريح كثيراً هو اللي جايب الحرب لنفسه ياكل كثيرا ينام كثيرا يستريح كثيرا يتكلم كثيرا تصوروا ان الحاجات دي ليها علاقه بالشهوات اه طبعا امتى يحصل الانحراف بالشهوه بقى لما الانسان يبقى بيرضي جسده ولما الانسان يسلك بحسب الجسد ولما الانسان يخلي الغرائز تتحكم فيه من هنا يحصل التدمير الانحراف يقول لك كده " لذلك اسلمهم الله ايضا في شهوات قلوبهم الى النجاسه لاهانه اجسادهم بين زواتهم" روميه واحد اسلمهم الله شهوات قلوبهم الى ايه النجاسه لاهانه اجسادهم ايه الحكايه دي الانحراف الانحراف بالجسد بدل ما يبقى وسيله تمجد ربنا بقى وسيله انا عايش عشان ارضيه وسيله انا عايش عشان اكله واشربه واريحه لا ده وسيله جهاد ده وسيله مقدسه قال لك كده " ان عشتم حسب الجسد فستموتون" تاني يعني ايه حسب الجسد يعني كل ما يامرك يقول لك كل اشرب نام استريح انت كده اكنك اسف الكلمه عارف اللي يقعد يطبطب على جسمه كده يعني كل ما تعيش لجسدك ان عشتم حسب الجسد فستموتون ولكن ان كنتم بالروح تميتون اعمال الجسد فستحيون لما بتقول لنفسك انا صايم ده بتعمل ايه بتخلي الروح تموت اعمال الجسد يقول لك هاكل يقول له مش دلوقتي في تدريب صغير يديه لنا الاباء تدريب صغير خالص انا اديهولك كده وانا اخده معاك صدقني وانا بحب اعمله انا مع نفسي اللي هو ايه يقول لك تاجيل الرغبه اسمه ايه تاجيل الرغبه لما يجي لك رغبه ان انت ترتاح قول مش دلوقتي قول استنى شويه لما تجي لك رغبه ان انت تاكل قول استنى 10 دقائق تقول هتفرق ال 10 دقائق دي يقول لك اه صدقني تفرق ايه اللي بيحصل هنا انت بتخلي بدل لما انت تطيع جسدك تخلي جسدك يطيعك بدل لما انت بتعمل ايه تطيع جسدك جسدك هو ايه اللي يطيعك هو كده اجل للرغبه في اي امر طب في الصلاه لا اسرع بيها طب في الامور الروحيه اسرع بيها عايز اقول لك الانحراف بالجسد وبالغرايز ده امر شيطاني جدا اقول لك حاجه بسيطه كده وركز معايا فيها عدو الخير ده اصلا كان ايه كان طغمه ملائكيه مش كده واراد ان يصير مثل العلي فالطغمه الملائكيه دي سقطت هو ده الشيطان وكل جنود وكل اعوانه بس دول كانوا اصلا فين مع ربنا كانوا اصلا يتمتعون بالوجود في حضره الله ولكنهم طردوا وحرموا لانهم تمردوا اللي طردوا وحرموا دول سكتوا ما سكتوش عايزين يعملوا ايه بقى عايزين يطردوا ويحرموا كل من يريد ان يحيا مع الله عشان كده اسمه عدو ايه؟ الخير فعايزين يطردوا ويحرموا اي انسان عايش مع ربنا يجي وانت دلوقتي يخليك قاعد مشغول يحاربك بافكار بخيالات بهموم بان جسمك تعبان شويه بان عندك حاجه شغلاك هو كده اسمه عدو الخير عايز يخطف منك ثمرتك ثمره الروح هو كده الجسد كده العدو كده طب عدو الخير مش يعني احيانا في ناس مش قادر عليهم عايزين يعيشوا مع ربنا استخدم اربع حاجات خلي بالك من الاربع حاجات دول استخدم واحد الذات واثنين الجسد والشهوات وثلاثه الناس واربعه العالم استخدمهم اربعه اربع اسلحه مع اول حاجه الذات يخلي ذاتك دايما عايزه تتعظم عايزه تتعالى عايزه ترتفع عايزه تنتفخ عايزه تمتلك فاستخدم الذات وهو عارف ان الناس محبين لذاتهم وللذاتهم فابتدى يعمل ايه يشتغل على الوتر ده جامد لان هو اتحارب بالذات فعارف ان السلاح ده بيكسب معاه فاول حاجه يحارب الناس بايه بالذات اثنين الجسد والشهوات عارف ان الناس مياله للجسد والشهوات فيحارب بقى يحارب بالجسد وبالشهوات المهم يبعدك عن ربنا يبعدني عن ربنا يبعدني عن لذه الوجود مع ربنا واحد الذات اثنين الجسد والشهوات ثلاثه الناس يخليك تقول ما الناس كلها بتعمل كده والناس كلها بتكذب ما كل الناس ما كل الناس بتاخد كذا الناس بتعمل كذا الناس او يجيب لك ناس يضايقوك شويه ينرفزوك شويه تقول كلام ما يلقش شويه تقعد الناس تتكلم على بعضها كتير الناس يخلي الناس تخبط في بعضها بحيث يوقع الناس بالناس هو كده ده سلاح في ايده واحد اول حاجه يحارب بيها الذات اثنين الجسد والشهوات ثلاثه الناس اربعه العالم مغريات العالم المهم يمنعنا من عشره ربنا العالم هو مش عمل كده مع ربنا يسوع طلع له على جناح قال له شايف الممالك دي كلها شايف العظمه دي كلها هديه لك لو ايه العالم عشان كده الكنيسه كل يوم تقول لاولادها لا تحب العالم ولا الاشياء التي العالم يمضي كل يوم الكنيسه بتقول خلي بالكم ده فخ شطاني فخ شطاني ان انت عمال عايز تمتلك عايز تزيد ثروتك عايز عايز خلي بالك ده جزء من الذات والشهوات واللذات اللي كلها متركبه على بعضها بحيث تبعد الانسان عن الانحراف بالجسد والانحراف بالشهوات وكان ربنا عايز يبص لنا يقول لها هو انا اديتكم الجسد لك هو انا اديتكم الجسد والشهوات عشان تبقى ادوات في ايد الشيطان ولا دي ادوات قال لك مجدوا الله في اجسادكم وفي ارواحكم التي هي ايه؟ التي هي الله ده واحد من القديسين يقول لك جسمك ده جسمك ده كله هيكل لربنا. جسمك ده ايه؟ هيكل. اي هيكل بيكون لازم يكون فيه مذبح. مش كده؟ الهيكل الهيكل جواه ايه؟ قال لك جسمك هو الهيكل المذبح هو قلبك طب طالما عندنا هيكل ومذبح يبقى ناقصنا كاهن مين هو الكاهن؟ يقوللك هو العقل العقل هو الكاهن الذي يقوم بشرف هذه الخدمه اذا
جسمك هيكل وقلبك مذبح وعقلك كاهن كان الانبا انطونيوس يقول لاولاده خلوا اجسادكم دي مجامر تصعد منها روائح بخور كريمه لله عشان كده عايز جسمك دايما يكون في حاله اتحاد بالروح لما يكون جسمك في حاله اتحاد بالروح تبقى عامل زي الفحمه السخنه الفحمه السخنه اول ما تحط عليها نقطه بخور بس تروح عامله ايه طالعه على فوق خلي جسمك دايما متحد بالروح ملتهب بالروح سخن يحصل منه ايه بقى يطلع منه صعائد مقدسه لله ده الجسم ده القصد من الجسم الانحراف بالشهوات يخلي الانسان عبد للشهوه يخلي الانسان يبقى بيفقد صورته الالهيه معلمنا بولس يقول لك كده انتم عبيد لما تطيعونه خلي بالك خلي بالك انتم عبيد لما ايه الحاجه اللي انا بطوعها عارف ان انا لو بطاوع شهواتي يبقى انا عبد للشهوه انتم عبيد لما ايه تطيعونه يعني الحاجه اللي بتسمعه ك الحاجه اللي بتمشوا وراها الحاجه اللي بتحبوها حتى القديسين يقول لك بص خد بالك معايا يقول لك عارف مين هو الاله الاله ثلاث حاجات الاله ثلاث حاجات اقصى حب اقصى ثقه اقصى طاعه اقصى حب اقصى ثقه اقصى طاعه اكثر حاجه بحبها هي ربنا واكثر حاجه بثق فيها هي ربنا واكثر حاجه بطوعها هو ربنا انا كده بعبد ربنا طب خلي بالك لو اكثر حاجه بحبها هي ذاتي واكثر حاجه بثق فيها هي ذاتي واكثر حاجه بطاوعها هي ذاتي يبقى انا بعبد مين ذاتي طب الشهوات لو اكثر حاجه بحبها هي الشهوات واكثر حاجه بثق فيها هي الشهوات واكثر حاجه بطاوعها هي الشهوات يبقى يبقى كده بعبد مين؟ بعبد الشهوه طب لنفرض المال اكت حاجه بحبها المال اكتر حاجه بثق فيها المال اكثر حاجه بطاوعها هي المال يبقى انا كده عبد لايه؟ المال يبقى انا طلعت بقول ان انا بعبد ربنا بشفتايه بس ده مش ربنا خالص ده مش ربنا انت طلعت مش بتعبد ربنا معقوله يا ابونا اقول لك لا معلش ده سؤال انا بساله لنفسي انتم عبيد لما ايه تطيعونه مين هو الاله ثلاث كلمات اقصى حب اقصى ثقه اقصى طاعه يطلع الانسان بيعمل حاجه غير ربنا طب راجع نفسي سامحني يا رب ضيعت زمان كتير ضيعت زمان كتير واخد شكل ان انا بعبدك بس في الحقيقه انا مش بعبدك انا بعبد ذاتي اولالذاتي عشان كده اقدر اقول لك كده الجسد ده والشهوات دي لابد ان تكون في قصد الالهي احذر الانحراف بيه لا لانه لما انت تستخدم الجسد صح هيطوعك لما انت تستخدم الجسد غلط هيتمرد عليك واحد من القديسين يقول لك كده يقول لك لو اكرمت اي حيوان هيطوعك انا اسف يعني لو جبت قطه واكلتها وشربتها هتحبك كده هطوعك لو جبت مؤاخذه كلب ماشي لو جبت لو جبت اسد تاكله وتشربه ممكن تعرف تروده قال لك اي حيوان تكرمه يكرمك الا جسدك لو اكرمته يتمرد عليك معروفه عشان كده قال لك الجسد يشتهي ضد الروح والروح يشتهي ضد الجسد وكلاهما يقاوم الاخر احنا حياتنا حياه بحسب الروح عشان كده احنا دايما بنقول لجسدنا ده ايه انت وسيله نديك البركه بس انت تطوعنا احنا عايزين نصوم احنا عايزين نصلي عايزين نصحى بدري ان احنا نحضر قداسات ده في ناس بتصحى نص الليل صلوه بصلوه في عز النوم قول لك اه في عز النوم متمتعين جدا طب والراحه طب والنوم يقول لك لا لا احنا فرحانين بكده اكتر من راحه واكتر من نوم اصل انتم عبيد لما ايه؟ لما تطيعونه قد كده قال لك اه خلي بالك الجسد ده ممكن يديك بركات كتير وممكن يسلب منك بركات كتير عارفين القصه بتاعه شمشون لما طالع عليه اسد عمل فيه ايه؟ سرعه ومسكه من فكيه كان جبار وموته وشقه ولما جا عدى مره ثانيه عليه لقى الاسد المشقوق ده اتحول الى ايه؟ الى خليه نحل بقى فيه عسل واخد منه واكل واكل اللي معاه ومن هنا جت كلمه يخرج من الجافي ايه حلاوه عارف القديسين ياخدوا الكلام ده ايه يقول لك الاسد ده هو الجسد جاي يموتك بينقد عليك لو انت قاومته وحاربته وسرعته هو هتاكل منه عسل هو هو هتاكل منه ايه هو الجسد ده اخد منه بركات روحيه اخد منه ذبائح مرضيه عند الله العرق اللي يطلع منك في الصلاه ده عرق مقدس ده مبارك الايد المرفوعه دي كلها بركه الركب المنحنيه دي لها بركه فاصبح الجسم هيكل لربنا اصبح الجسم وسيله روحيه اصبح الجسم بتربح بيه بركات خطوره الانحراف بقى لما انت تبقى ايه لما الواحد يطوع الجسد ولما الانسان بقى يبقى مستهتر طب العلاج يقول لك خلي بالك من ثلاث حاجات احذر جدا جدا من الذات وارضاء الذات جدا احذر جدا من الضعف الروحي اخر حاجه احذر جدا من الفراغ والميديا .
3- اول حاجه احذر من الذات اصل كتير جدا تبقى الشهوات جدرها اشباع للذات الجدر الجدر بتاعها معلش تسامحوني في الكلمه اللي اقولها طفوله روحيه طفوله يعني عارف اللي يشوف اي حاجه يشبط فيها عارف الطفل الصغير اللي لازم ترضيه عشان يبطل يصرخ هو كده عايز اللعبه دي وعايز الحكايه دي وعايز لو عطشان دلوقتي مش مهم يقوم امه دلوقتي يقومها بس هو كده رغبتي وبس احيانا احنا بنكون كبار بس اطفال اللي هو ايه اشباع الشهوات
وكان يعني اسف كده طفل خد الرضعه يهدى لما ياخد اللي هو عايزه احيانا كده احيانا يكون الانسان سالك بشهواته لان ذاته غلباه لانه لسه لم ينضج لانه لسه عايش في طفوله القديسين يقولوا لنا تدريب يقول لك عود نفسك ان تاخذ ما تحتاج وليس ما تشتهي عود نفسك ان تاخذ ايه؟ ما تحتاج تصوروا لو شفنا ما نحتاجه بالنسبه لما نشتهي هنلاقي تقريبا 10% من احتياجاتنا 10%من احتياجاتنا هي ما نحتاج واقول لك مثل بسيط يمكن على الستات اكتر لكن خلينا عشان ما نجيبش ايه مشاكل خليها رجاله وستات شوف ما تحتاج من ملابس وعندك قد ايه ملابس مثلا ده مثل غلطت مش كده معلش لكن شوف ما تحتاج من ملابس وعندك قد ايه ملابس صحيح طلعت 10% ولا اقل ولا اكتر يعني حسب خلاص خليها 20% تصور اصور ان ممكن الانسان يكون ماشي حسب ما يشتهي ليس ما يحتاج عندي قميص نشكر عندي بنطلون نشكر ربنا عندي بلوزه حلو خالص عندي كويس عندي لاثه اربعه خمسه حلوين كويس قوي قوي جميل لكن 20 طب وبعدين طب طلع لون جديد طب ما احتاج وليس ما اشتهي عود نفسك وخد بالك الامور الصغيره بتجيب امور ايه بتجيب امور كبيره الامور الصغيره تصور القديسين يكلمك على
الامور الصغيره بدايه من بق ميه بدايه من ايه بق هي فيها ايه بق الميه يا جماعه فيها ايه يعني ما توجعوش ضميرنا يقوللك معلش كل ما الانسان عرف يعني ايه يضبط جسده اول حاجه الذات الذات جدر للشهوات الذات وارضائها واشباعها وطفولتها ومرهقتها من جدور الشهوات الشخص اللي عايز يفضل يتفرج على كل اخواته يشوف دي ويشوف دي ويشوف دي طفوله ده لم ينضج ليه؟ لانه خلى يبقى الاخر بالنسبه له كانه لعبه كانه حاجه عايز ياخدها لان شكلها حلو ايوه بس دي مش بتاعتك لا بس عجباني اهو بس مش بتاعتك هو اي حاجه هتشوفها تقول كذا تقول طب ما خلاص لو بالمبدا ده بقى نخلي كل محلات لعب الاطفال تقفل لان الاطفال بتشبط في اللعب فبلاش تعملوا لنا مشاكل مع الاطفال فنقفل المحل لا ابدا احنا نخلي ابننا يتعود لو دخلنا معاه محل نقول له هنجيب هديه واحده ولو لقيناها مش مناسبه نقول له دي مش مناسبه دلوقتي عشان انت لسه صغير اذا بعرف اضبط الاحتياجات فخد بالك الذات من اخطر الاسباب اللي تخلي الانسان ينحصر لارضاء شهواته ولكي ما يدللها ويرضي رغباته انت عارف يقول لك ان الحاله الشهوات هي مراه للانسان حاله الشهوات هي ايه مراه يعني اللي ياكل كتير ويشتهي كتير وكده ده تعتبر نفسه انه عنده مشاكل داخليه كتيره يقولوا هي ايه؟ هي مراه للانسان عشان كده اللي بيبقى عايز يحقق اي رغبه ده لا ده بيبقى محتاج ان هو يجاهد ضد ذاته يجاهد ضد ذاته انه دايما يحاول يشوف انه ازاي زي ما كنت بقول لكم من شويه يأجل تحقيق الرغبه يشوف ما يحتاج ليس ما يشتهي مقاومه الذات مقاومه الذات من جذور مقاومه الخطايا وخصوصا الشهوات طب وتدليل الذات هو استباحه تدليل الذات وارضائها هو ان انت يعني الشخص بيفتح النافذه للشهوات على مصرعيها ليه؟ لانه عايز ايه؟ عايز يرضيها بكل الطرق وفكرك بتشبع فكرك بترضى فكرك بتكتفي ابدا ابدا الانسان اللي يجري ورا الامر ده يقول لك كل الانهار تصب الى البحر والبحر ايه؟ ليس بملأن اول حاجه الذات.
4- ثاني حاجه خطوره خطوره الضعف الروحي
يا على الانسان بقى اللي ما صلاش كتير وما بيصليش ما بيتناولش ما بيقراش في الكتاب المقدس ما بيفتكرش القديسين ما مالهوش تامل مالهوش كتاب روحي مالهوش عشره مع القديسين ما فيش اعياد قديسين بيحتفل بيها ضعف روحي ملهي ملهي ملهي ده كده بيسلم نفسه بشكل يعني سهل جدا لعدو الخير وللشهوات وتيجي يسال نفسه ايه اللي جر لي ده يقول لك طب هو انت بتاكل طب هو انت بتزرع هو انت النهارده لو ما وصلتش الموبايل بتاعك ده يتشحن يوم واثنين وثلاثه هيبقى ايه؟ بيبقى حته حديده ايا كان ثمنه ايا كان موديله وايا كان فخامته خلاص بقى حته حديده احنا كمان طول ما احنا ما اتصلناش بربنا يوم واثنين وثلاثه نبقى حته طين والطين يميل لايه؟
يميل للارض يميل للتراب ما يجيبش شبكه ما يعملش مكالمه ما يقومش بوظيفته ايه ده هو ده كده اللي حصل الانحراف الروحي والضعف الروحي ونسيان الانسان الله بيخلي الانسان في حاله دونيه ترابيه اسف في الكلمه كمان حيوانيه ليه ما هو ده ما خلاص ما هو ما بقاش فيه اللمسه الالهيه خلاص بقى ايه كان واحد من القديسين يقول له يا
رب انت تعلم اني من تراب واليه اشتاق انت تعلم اني ايه من تراب واليه اشتاق فاحنا كمان بنقول له يا رب انت عارف احنا مجذوبين لشهوات احنا ضعاف جدا بس احنا فينا النسمه بتاعتك لان ربنا لما خلقنا خلقنا من تراب الارض من طين بس حط فينا نفخه روحه فاصبح انا بقى فيا جزء مادي وجزء الهي انصر الجزء الالهي احيي الجزء الروحي اللي فيك خلي بالك من الضعف الروحي بتتحول لحته طينه والطين طبيعي يبقى ميال لايه؟ ميال للارض ده طبيعي عشان كده احذر الضعف الروحي واظب على صلوات ولو بسيطه اقرا الكتاب المقدس بانتظام بلاش تهمل بلاش تنسى بلاش تتلهي نخش في اخر نقطه نكتفي اللي هو ايه بقى.
5- الفراغ وإيه والميديا
يا لعدو شرس اتى الينا في هذا الزمان عدو شرس نرى في شر في الحقيقه ممكن يبقى شر كبير جدا نرى في خير ممكن يكون في خير كبير جدا المشكله في الانسان المشكله اللي يقولوا عليها في اليوزر اليوزر المستخدم احذر احذر من لحظات تكون فيها عندك حاجتين ثلاث حاجات ضعف روحي وشويه وقت فاضي ومضغوط ومتضايق احذري فراغ روح ضعف روحي مع شويه فراغ وتكون مضغوطه ومتضايقه الثلاثه دول التربه الخصبه العمل عدو الخير اللي تخلي حد يكلم حد ما يعرفوش اللي تخلي حد يتفرج على حاجات لا يليق ان يراها اللي تخلي حد يبتدي يشوف ويستمر يستمر وينسى نفسه وعنده فراغ ومضغوط ومتضايق وضعيف روحيا خلاص احنا كده عملنا ايه؟ احنا كده جهزنا المواد الخام اللي تعمل كيكه العجين والدقيق الدقيق والميه والمكونات بتاعه الكيكه جبناها خلاص حطهم على بعض عمل حصلت الكيكه هو ده هو فراغ على مضايقه على ضعف روحي اضربهم في بعض خلاص وفي بقى ايه في ايدك ايه بقى الموبايل اللي هو في ايه بقى الخصوصيه الشديده بتاعتك اللي عينك بس عليه عمال بقى يا هو الانسان الحاجه اللي بيشوفها ديت خلاص لا دي بتطبع لا دي بتمتزج دي بتدخل للعقل تدخل من الحواس اولا الحواس ثم العقل ثم المشاعر ثم الاراده ثم الافعال ما هو ده الانسان التكوينه البشريه كده الحواس بدايه المداخل تدخل العقل يستحسنها فتسقط الى القلب فتمتزج بالمشاعر فاصبح عندك دلوقتي حواس وافكار ومشاعر واصبحت تميل اليها النهارده قصاد الاربعه دول الاراده تعمل ايه؟ بتنهار هتقدر الاراده تقول لا قصاد الاربعه دول ضعف روحي مع حواس ملوثه مع عقل سمح بدخول الامور ديت الى المشاعر وامتزج بها اختلطت بالكيان الانساني اختلطت بالمشاعر انتجت افعال غير لائقه ايا كانت بقى بس جت منين البذره جت منين من الضعف الروحي على شويه الفراغ على شويه المضايقه على شويه استهتار على شويه واحد يقول لك انا بتسلى واحده تقول لك انا ببقى مضغوطه شويه كده تعب اليوم كله ببقى محتاجه كده في الاخر افصل يقول لك هو ده فصلان ده مش الفصلان ده ده انت لو تفصل اسمع ترنيمه اسمع موسيقى اسمع مزمور اقرا صلوه اعمل حاجه ان شاء الله حتى تسمع موسيقى هاديه لكن عشان خاطر يبقى ده مش فصل ده ده بقى كده ايه انت زي ما القديسين يقولوا يقول لك احنا جسمنا ربنا حط حاطت فيه شمعه الغريزه دي شمعه شمعه هاديه جميله لتضيء لما نيجي بقى احنا نروح حاطين عليها بنزين تروح عامله ايه حريقه تولع لنا البيت بس هي اصلا شمعه مفيده لكن لما نحط عليها بنزين بقت مضره احذر الميديا والفراغ احذر خلي عينيك عين مقدسه اطرد ارشم علامه صليب كتير اتشفع بالعذرا لا تتجاوب القديسين يدونا تدريب صغير جميل يقول لك اسمه كده هدم لمح الفكر قديس ماري اسحاق يقول ايه هدم هدم ها ه د م هدم هدم لمح الفكر من بدايه ما المنظر يجي او اهدم هدم لمح الفكر بالبدايه اعمل صليب على ذهنك اعمل صليب على عينك هدم لمح الفكر لكن لما تسيبه ويكتر يضرب جدر لتحت وبعدين كلكم عارفين ان الداتا بتاعه الميديا مربوطه ببعضها تيجي تمسك موبايل بتاع ست ممكن تلاقيه كله طبيخ ممكن شاب تلاقيه كله كوره مثلا ممكن واحد ثاني تلاقيه كله الحان واحداني تلاقيه كله حاجات وحشه واحد تاني تلاقيه كله حاجات بتاعه دعايه بتاعه الشركه بتاع وهكذا الحاجه اللي الشخص بيشوفها الميديا بتبقى عارفه الشخص ده اهتماماته ايه فتكثر له منها فطب لو عرفت الميديا ان الشخص ده يميل الى امور رديئه هتعمل ايه تكثر له منها طب يعمل ايه بقى هو لا ده عايز نعمه كبيره ده عايز صلوات ده عايز واقفه ده عايز يقول له يا رب الجسد ليس للزنا لا لا معلمنا بولس يوصلنا لدرجه يقول لك افاخذ اعضاء المسيح واجعلها اعضاء زانيه حاشا خلى جسمي انا اعضائي انا دي سماها اعضاء مين اعضاء المسيح افاخذ اعضاء المسيح واجعلها اعضاء زانيه حاشه الستم تعلمون انكم هياكل الله وروح الله يسكن فيكم مجدوا الله في اجسادكم وفي ارواحكم التي هي الله.
اتكلمنا في خمس نقط اول حاجه ان الجسد والشهوات ده شيء مقدس من صنع الله ثاني حاجه اتكلمنا عن خطوره الانحراف بيهم ثلاث تحذيرات احذر الذات وارضائها احذر الضعف الروحي احذر الفراغ والميديا ربنا يدينا اجساد مقدسه غرائز مقدسه لمجد اسمه القدوس ببركه شفاعه امنا العذرا يكمل نقائصنا ويسند كل ضعف فينا بنعمته لالهنا المجد دائما ابديا امين .
