الافخارستيا والقيامه اسبوع الثاني من الخماسين المقدسه....... بسم الاب والابن والروح القدس اله واحد امين المجد تحل علينا نعمتة ورحمتة وبركتة الان وكل اوان والى دهر الدهور امين الاحد الثاني من الخماسين المقدسه تقرا علينا الكنيسه فصل من بشاره معلمنا يوحنا اصحاح 6 ويوحنا 6 ده اصحاح معروف انه اصحاح الافخارستيا اصحاح سر التناول اللى فى قال ربنا يسوع المسيح انا هو خبز الحياه النازل من السماء المعطي الحياه للعالم.. ليه الكنيسه تقرا لنا الفصل ده من الاحد الثاني من الخماسين عشان الكنيسه عايزه تطبق التناول على القيامه ...القيامة فعليا هى الانتصار على الموت لتعطى حياه دى القيامة.. التناول هو نفس الامر الانتصار على الموت يعطى حياة... الموت اللى جوايا انا موت يحتاج انه يعيش . موت محتاج انة يقوم...عشان الموت اللى جوايا يقوم لابد ان يتحد بالمسيح اللي هو القيامه اللي هو الحياه انا ميت وهو حي الحياه لما تدخل فيا الموت اللي في انا يتحول الى حياه يبقى انا بقوم باية؟ بقوم بالتناول يعني نقدر نقول كدة ان التناول هو القيامه عمليا التناول هو القيامه الملموسه في حياتنا تدخل الحياة إلى أجسادنا المائتة فتحيا.. هى دى القيامة...عشان كدة الكنيسة النهاردة تقرأ علينا جزء بتاع ( قال لهم يسوع انا هو خبز الحياه من يقبل الى فلا يجوع واللذى يؤمن بى فلا يعطش الى الابد) ابتدو يتشككوا يعني ايه خبز اللة نازل من السماء وطبعا في الفصل ده لما تقرا كده هتلاقى ان فى كتير من تلاميذه رجعوا الوراء مش قادرين يستوعبوا تعليم ربنا يسوع المسيح ان لم يسعفوا الروح وان لم يشهد له الروح هتلاقيه تعليم ثقيل غير مفهوم عشان نفهم تعليم الرب ربنا يسوع المسيح لازم نفهمه بالروح الروح اللي اقام ربنا يسوع المسيح من الموت هو الروح اللي يفهمني يعنى اية انا الميت اقوم.. لما اتحد بالقيامه ...عشان كده ..لما تيجي تتناول كده تبقى مقبل الية على انة هو خبز الحياه اللي هيديك الحياه اللي هينقلك من الموت إلى الحياة وانت جاي تتناول كده وانت ليك فتره ما تناولتش تقعد تقولة يا رب انا ميت يا رب احيني احيني ان اتحد بيك... اتحد بيك انا احيا... التناول احبائى هو اعظم عطيه ربنا اداهلنا انة يحول الموت الى فينا الى حياة.. عشان كده اقدر اقول لك كده ان الكنيسه خلت الاسبوع الثاني من رحلة الخماسين المقدسه انه يكون هو اسبوع التناول هتلاقي الاسبوع اللي فات من يكلمك عن الايمان بعد كده يكلمك عن الخبز خبز الحياه بعد كده يكلمك عن الماء بعد كدة يكلمك عن النور... احاد الخماسين هي الطريق الى الحياه الابديه..ايمان خبز .الماء .. نور بعد كدة طريق ..لان ..الاسبوع الخامس .هيكون اللى قبل اسبوع الصعود بعد كدة هيهيئك لحلول الروح القدس.. رحله الخماسين هي رحله اتحاد ربنا يسوع المسيح ليحظر احد احبائى ان تكون فتره الخماسين دي فترت كسل او تهاون او فتور . فتره الخماسين فترة فرح بلمسيح القائم.. احنا كنا اموات احيانا وانقلنا من موت إلى حياة ..فصارت لنا خليفة جديدة...فلنفرح فأنت دلوقتى عايش فترة انك انتقلت من موت إلى حياة ..فانت صرت خليقة جديدة..خليقة جديدة يعنى اية؟؟..فلنفرد انك انت تعرف ربنا يسوع المسيح اللى لغاية الصليب... اللى لغاية الصليب دة حاجه.. وبعد ما قام حاجه ثانيه خالص ..اللى قبل ما يموت دة وقبل..ما يتصلب.. شوية يتهان.شويه يتعامل بازدراء...شوية الناس تشك فيه شويه الناس تقلق منه وتلاميذه نفسهم لما قال لهم الكلام ده بيقول كده رجعوا كثيرون من تلاميذه الى الوراء اقرا الكلام ده في يوحنا ٦ .. حتى تلاميذ رجعوا الى الورق ...بعد القيامه لا خلاص ..قال لهم لا تتكلموا بأسمى.....قالوا...(انه لا يمكنني ان نتكلم بما راينا وسمعنا ))بعد القيامه معرفه المسيح حاجه ثانيه..فترة الخماسين دى فتره فرح فتره تسابيح.. فتره ما فيهاش اصوام.. عشان صرنا خليقه جديده مش للتهاون لا ...نقدر نقول كده..اعتقد أجسامنا من الإنسان القديم فصرنا..... في جسد القيامه...جسد القيامه دة اية...جسد غالب ومن اكثر الحاجات اللي تتذوق بيها الكلام دة...هو التناول.. والاتحاد بالمسيح سر فرحنا ..الاتحاد بالمسيح هو اللي يثبت فينا الخليقه الجديده .ويثبت دعوتنا.. عشان كدة اقوللك. كده انك دائما تشتاق للتناول ((عند نزول مجدك على اسرارك ترفع عقولنا لمشاهده جلالك )) عند تحول الخبز والخمر الى جسدك ودمك فتحول نفوسنا الى مشاركه مجدك وتتحد نفوسنا بألوهيتك ..((..قسمه القداس كاتبها كيرلس الكبير تتحدد نفوسنا بألوهيتك..انا غلبان انا ضعيف انا كلى وحاشا طبعى وحش افكارى وحشه تتحد نفوسنا بالوهيتك يا لها هذه العطايا ..من أصعب الحاجات اللى ممكن تواجهنا.. عدم ادركنا لما ناخذ.. تخيل انت كده لما واحد يكون معاة شيك بملايين الدولارات بس هو مش عارف ان ده شيك ولة حق التنفيذ... وان ده يعتبر بالنسبالة ثروة .. حته ورقه حاططها في المحفظه بتاعته عشان كده واحد من الاباء القديسين قال اننا من فرط عطاياة صرنا لا نصدق من فرط عطايا صرنا لا نصدق لما واحد يجى يقولك على حاجه كبيره قوي يجبهالك .تقول كدة لا دة بيضحك عليا ... من فرط عطاياة صرنا لانصدق .... بيقول لك تعال اتحد بيا... تعالى تقدس بيا انا مش مصدق تعالا انتقل من الموت إلى حياة...تعال اعطيك غفران لخطايا...ابونا بيصرخ في القداس بيقول يعطى عنا خلاص وغفرانا للخطايا ..حياه ابديه لكل من يتناول منة ..من فرط عطاياة صرنا لا نصدق..عشان كدة تلاقى كلمة امين كتير قوى فى القداس... نؤمن ونعترف ونصدق ابونا يقول امين امين امين اؤمن اؤمن اؤمن ..يرد علية الشماس امين امين امين اؤمن اؤمن اؤمن.. كلنا عمالين نقول امين امين امين اؤمن اؤمن اؤمن نؤمن بايه ؟ان هذا جسد محييى...عشان كدة احبائى الكنيسه تتعامل مع القداس ان دة سر .. فرحتها وسر قيامتها ..القديس يا يوحنا ذهبى الفم كان يقول كدة..حياه المسيحي محصورة بين قداسين قداس حضره وقداس هيحضروا... احنا حضرنا قداس النهارده تخرج من قداس النهارده من فرط شوقك ومحبتك تقول هو انا هتناول امتى تانى...ينقع الاحد الجاى؟؟. .وتقعد بعدها كام يوم في قداسة عشان انت اتناولت...وتقعد كام يوم فى قداسة عشان انت اتناولت .....وتقعد تبتدى تحترس للمناوله الجديده... فحياه الانسان المسيحي محصورة بين قداسين ..قداس حضروا وقداس لسة هيحضروا..انا هو خبز الحياه النازل من السماء المعطى الحياه للعالم التناول هو القيامه والقيامه عمليا بالنسبالنا ان احنا نتناول نتحد بالجسد المحييى فنحيا.. تتغير حياتنا من الموت الى الحياه...ربنا يكمل نقائصنا ويسند كل ضعف فينا بنعمتة لالهنا المجد اللى الابد الامين.

اول عمى واصعب عمى الانسان اللى مش بيشوف خطيتة.. ثاني نوع من انواع العمي الانسان اللي مش بيشوف السماء ..ثالث نوع من أنواع العمى الانسان اللي مش بيشوف الوصية.. رابع نوع من انواع العمى الانسان اللي مش بيشوف الفقير ...خامس نوع من انواع العمى الانسان اللي ما يشوفش الأحداث... خمس انواع ١/ اللي مايشوفش خطيتة ٢/ اللي مايشوفش السماء ٣/ الذي لا يرى الوصية ٤/ الذي لا يرى الفقير ٥/ الذي لا يرى الاحداث. الانسان الذي لا يرى خطيتة دة عايش اعمى لانه شايف نفسه مش وحش شايف نفسه كويس يمكن يكون شايف نفسه احسن من باقى الناس ..زى الراجل الفريسى اللي قال لربنا يسوع المسيح اللهم اشكرك اني لست مثل باقي الناس الخطافين الطماعين الزناة .يعنى شايف كل الناس وحشين لكن شايف نفسه كويس اكثر حاجه تخلي الانسان ما يشوفش ربنا ان الانسان ما يشوفش خطيته عشان كده القديسين قالوا ان الذي يبصر خطايا اعظم من الذي يبصر الملائكه.. واحد من الاباء القديسين كان عنده شهوه وعمال يصلي يقول له يا رب نفسي اشوفك نفسي اشوفك لحد ما جاء له صوت وقال له يوم ما هتشوف خطاياك هتشوفني اصل لما بشوف خطايا بشعر قد ايه انا محتاج توبه ..بشعر قد ايه ان ربنا صابر عليا و متئنى عليا.. .ياااااةيا ربى.... كل كميه الاخطاء اللي جوايا من كبرياء انانيه شهوات وغرور وحب عالم كل ده جوايا وانت ساكت يا ربى ومتأنى وعمال تعطيني فرص للتوبه..اول الانسان ما بيشوف خطاياة يتواضع. ويسجد يقول اللهم ارحمني انا خاطئ.. رؤيه الخطايا عشان كده ممكن تكون بتشوف كويس قوي ومش شايف خطاياك او احيانا كمان تبرر أخطائك وأحيانا شايف كل الناس غلطانين او المجتمع غلطان.. الانسان الذي يرى خطايانا يعلم ما هي الاستناره ..اطلب من ربنا يوريك خطاياك اقعد جلسة هادية كده وافحص نفسك وشوف خطاياك ..تقول المجد لك يا رب يا من تحتملنى .... انت كل ده وصابر علي ثاني حاجه الانسان الذي لا يرى السماء الانسان الذي تعدي عليه كل مرة وهو فى القداس عباره اهدينا الى ملكوتك... اللي تعدي عليه كل مره في ابانا الذى لياتى ملكوتك يسمعها في القداس كثير وتعدي علية كل مره وهو بيصلى و مش واخد بالةمن الملكوت والابديهو السماء يبقى هو كدة مش بيشوف... ثالث حاجه الذى لا يرى الوصيه لا يقرا الكتاب المقدس لا يقيص نفسة على الايه..واللى الآية بعيده عنة وان الكتاب المقدس مش المسطره بتاعته دة اعمى.....عشان كدة معلمنا داوود يقولة اكشف يارب عن عينيا..اصل انا لو ماشفتش عجائب فى شريعتك يبقى عين مابتشفش..عين أعمى... عشان كده قال سراج لرجلي كلامك عشان ..من أخطر أنواع العمى اللى ماتشفش الوصية ...يبقى مابتقراش الانجيل ومابتتخلش جوة الاية وماتقص نفسك عليها ..واللى مابيقراش الانجيل هيعمل لنفسة انجيل...اية هو الانجيل اللى هيعملوا مع نفسة دماغة!! احب مين وماحبش مين . مين يستاهل مين ما يستاهلش.فلان عمل معايا يبقى انا مااعملش معاة..تلاقى جواة بغضة وكراهية ورفض وتزمر. وتلاقى حياتة كلها نكد ..جاية منين؟مش شايف الوصية..الوصية تنير العينين .... معلمنا بولس يقول مستنيرا هي عيون قلوبكم هي القلوب لها عيون اه ما الانسان اللي عينه مستنيرا يشوف الكتاب المقدس وبيشوف السماء ويشوف خطايا فعلا بيشوف .. مستنيره هي عيون قلوبكم رابع حاجه الذي لا يرى الفقير ما يهموش اي انسان متئلم ميهمهوش اي انسان محتاج كأنة حاجه ثانيه بعيده عنه خالص ما بيشوفش من اصعب انواع العمى الانسان الذي لا يرى الفقير نقول له ان في وباء في العالم ان في حروب ان في عدم امان في العالم ان الناس كانوا اغنيه قوي وبعدين بئوا فقراء الكلام ده كله دي احداث اصعب حاجه ان انا ما شفش الاحداث دي كلها وما حطش نفسي مكانها.. الاحداث دي من اجلى... ربنا يسوع المسيح قال لهم انتم فاكرين ان الناس الذى سقط عليهم برج فى بابل الناس دول كانوا اكثر شرا من غيرهم الاحداث دي خلي بالك ..قال لهم فكركم بيلاطس لما جاب كام شخص وقتلهم وخلط دمائهم بذبائحهم هل تعتقد ان ال14 شخص دول كانوا اكثر شرا من غيرهم؟..ان لم تطوبوا فجميعكم هكذا تهلكون.. المرض المنتشر في العالم دة كلة بقصد اللهى.. عشان نتوب ونستعد عشان نعرف ان العالم ده غير امن ربنا عايز العالم ده كله يستعد كل الناس تخدع كل الناس تطوب. وعاوز يوصلنا رساله مهمه جدا...وكم نحن ضعفاء جدا أدى الانسان الذى يرى الأحداث... اللى يشوف واحد مريض بيقول اشكرك اشكرك اشكرك يا رب اسندة يا رب اشفية لكن ياما ناس تشوف ولا اكنها شافت حاجه يعرف فولان مريض ويعرف فلان انتقل ..فلان حصلة حادثه مثلا..فلان اتهم فى تهمة ظلم ..ما فيش واحد فينا الاو عارف لسته من الاحداث لكن رؤيتها بقى ما وراءها ترجمتها اية النعمه اللي فيها والبركه اللي فيها لو ما شفتش يبقى انا اعمى ربنا يرحمنا يا رب عشان كده بقى ١ الذي لا يرى خطاة ٢ ما يشوفش السماء ٣ اللي مايشوفش الوصية ٤ اللي مايشوفش الفقير ٥ اللي مايشوفش الأحداث عشان كده بنقول طلبه يا م صنعت طينا وتليط عينى الاعمى وامرتة بالذهاب ليغتسل ...انر عيون قلبي انر عيون نفسي وريني يا رب خطايانا ورينا يا رب السماء ورينا وصيتك خلينى اشوف الفقير وابحث عنه افهم الاحداث اللى بدور حواليا عشان اعرف اني محتاج اني ابصر اريد يا رب انا أبصر ربنا يعطينا بصيرة روحية ويفرحنا في هذه الايام وان نراة بعين مستنيرة ويكمل نقائصنا ويسندك كل ضعف فينا بنعمتة لالهنا المجد اللى الابد الامين...

الابن الضال احد السامريه احد المخلع أحد كلها بركة كبيرة،ولابد من نطلع من هذة الفترة و يكون لنا في فتره الصوم واقفه مع النفس لكي نتغير،والذي في الكوره البعيده يرجع ويجلس في بيت ابوه ويتمتع بغنى ومجد ابوه وان كان ممكن يكون له حياه في الشر والزيغان واشباع الرغبه وفى التماس الامان من مصادر غير امينه ولا تعطي رجاء حقيقي ونشفى من الشلل الكامل الذى اصابنا ،فهذا من اجمل فصول الكتاب المقدس لكي تدفعنا في ان نكون جسد اقوى وفى حاله من الارتقاء الروحى و الانسان ياكل فيه الاشياء التي ليس بها شهوه والتي يدوب تعطي الانسان القوت الضروري ونكون بناكل اكل صيامي وناتي الى القداسات ونحن زي ما احنا ، الافكار هي هي،فلابد من ان فترة الصوم تكون بها تغير ،ربنا يسوع المسيح اليوم ذاهب الى المراه السامريه ويمشي ست ساعات ويجلس وينتظرها ويتكلم معها معروف ان السامريين يوجد عداوه كبيره جدا بينهم وبين شعب الله والذي يقرا تاريخ العهد القديم يجد ان المملكه انقسمت الى جزئين ومن ضمنهم السامرة وهذة كانت مركز التمرد ،فهذة المرأة كانت مصدر للرفض .وعندما كان اليهود يحبوا يهينوا شخص يقول له انت سامري ، فربنا يسوع المسيح ذهب الى السامرة وكان لابد أن ان يجتاز السامرة، كان ربنا يسوع المسيح لكي يذهب الى اورشليم او يطلع من اورشليم الى الجليل في المنتصف السامره، كان يوجد طرق اخرى فكان لابد ان يجتاز السامرة ، كان في تقليدات في اليهود ان المراه شيء حقير لدرجه ان اليهود يصلي الى الله اشكرك يا الله لانك لم تخلقني امراه ، فهى كانت امرأة وخاطئة ، رديئة السمعة ، المسيح جاء اليوم ليقول لك ان جئت لك انت واريد ان اتقابل معك انت اجلس معك انت، تخيل لما هذه الفرص احبائي تضيع علينا،خساره خساره نظل زي ما احنا والمسيح يفعل كل هذا من اجلنا، والذى يقول انا وحش يقولة لا انا جئت لك انت، المسيح جاء لأجل الخطاة،و هذه السيده قضت عمرها كله في الخطيه ومع ذلك رجعت الى الرب يسوع وكان لها خمسه ازواج والذي معها ليس بزوجها، يعني سته في حياه شريره وجاء ليفتقدها ربنا يسوع يريد ان يقول لنا ما اجمل العباره التي اعلم معلمنا بولس الرسول، ونحن بعد خطاة مات المسيح لاجلنا، فجاء المسيح وتقابل مع السامرية، وكان معروف جدا في التقليد اليهودي ممنوع رجل يقف مع امراه في الطريق، ربنا جاء احبائي ليقدم كل هذة التنازلات للنفس كل القبول والحب الذي يقدمة لنا الكتاب المقدس وانا اقول على نفسي انا مش نافع انا وحش، المسيح جاء ليكسر هذه الحواجز بيننا وبينة ،لكى يعلن لنا قبول ومحبتة لنا، ولما وجدت هذا الماسيه لابد ان يترجم الى فعل ما هي الاشياء التي فى حياتى ولابد أن أتخلص منها، اترك من قلبي شهوات، اجعلنى أترك الجرة بتاعى وانساها، وتبتدي حياه جديده ، ما هي الحياه الجديده، انى لم ارجع للحياة التى كنت عايش عليها قبل ذالك، ،الإنسان الذى تقابل مع المسيح لم يقدر ان يعيش لاهتماماتة السابقة، تصغر جدا هذة الاهتمامات، كنت ابحث على الفرح بعيد عنك وعن تحقيق ذاتي بعيد عنك ، ابحث على مباهج العالم واريد ان اشبع شهوتي بعيد عنك ، السامرية عندما تقابلت معة تغيرت وتغيرت اهتماماتها، اطلب ان يكون لنا لقاء شخصي وتغيير و ان الذي قبل الابن الضال والذي ذهب الى السامريه والذي غير وشفى المخلع والذي فتح عيون الاعمى يقبلنا اليه، ربنا يكمل نقائصنا ويسند كل ضعف فينا بنعمتة ولربنا المجد الدائم إلى الأبد أمين.

الحياه مع الله بسم الاب والابن والروح القدس الاله الواحد امين تحل علينا نعمته ورحمته وبركتة من الآن والى دهر الدهور امين ... تقرا علينا احبائى الكنيسه فصل من بشارة معلمنا يوحنا.. لما ربنا يسوع المسيح يقول لهم انا هو خبز اللة النازل من السماء الواهب الحياه للعالم كثير احبائي نشعر ان الحياه مع الله صعبه وان الحياه في المسيح يسوع فيها جزء كبير نظري مش قادرين عليه ونسمع ونسكت ونسمع وسكت نفضل زي ماحنا لكن ربنا يسوع محبش يخلي الحياه معاة تبقى لون من الوان الوهم لون من الوان التخيل لون من الوان ان الواحد يتمنى وخلاص لا خلاها تبقى واقع ..واقع ازاي.....هقولك على اربع حاجات بسرعه جدا..ان ربنا يسوع المسيح اعطهملنا وملموسين جدا في حياتنا ليقربونا منه ويسهللنا جدا طريق القداسه اللى يبدوا ان هو طريقك صعب ومستحيل اربع حاجات... ١/ حياه ربنا يسوع المسيح نفسة ٢/ الروح القدس ٣/ كلمته ٤/ خبزة او جسدةودمة اول حاجه ربنا يسوع المسيح... هو الله الذي لم يراه احد قط ...اتى إلينا.. اقترب منا ...صار كواحد مننا ...جاء واخذ جسدنا وعاش حياتنا عشان المجتمع عشان الإحتياجات عاش الجوع عاش العطش الحزن عاش الاطراب... عاش المؤامرات عاش المخاوف عاش الغلا عاش بطش الرمان عايش بطش الحكومات.. عاش كل ما نعانيه ... كان فى ناس بتحبة وكان في ناس بتكرة.. اوعى تفتكر ان كل الناس يعني كانت بتهتفلة ... لا ... كان فى ناس يضمرون له شرا جدا واللي عايز يوقعه بسؤال واللى عاوز يوقعوا مع الكتبه والفريسيين واللى عاوز يوقعة مع قيصر... قد ايه انة عاش حياتنا بكل ما فيها من معاناة... ليه بقى.... تاركا لنا مثالا لكى نتبع خطواتة عشان في حياته تكون حياتنا عشان كل ما نتالم ننظر آلية... ننظر إلى حياتة... واحد من الاباء القديسين كان دائما يقول كلمه جميله... اجعل حياتي حياتك معلمنا بولس الرسول مره يقولنا.. اما انتم فلكم فكر المسيح ...واحد من الآباء قال .. نفسي اعيش يوم واحد بس في حياتي يبقى فكري كله زي فكر المسيح ..عارفين لو اخذنا التدريب ده ولونعيش يوم فكرنا زي فكر المسيح فكرنا كله هيتظبت .. ليه اصل احنا فكرنا رايح فين؟؟ رايح في ذواتنا في الارض في الهموم العالميه.. اما نحن فلنا فكر المسيح اجعلوا المسيح امامك باستمرار تاركا لنا مثالا لكي نتبع خطواته... شوف ربنا يسوع المسيح فى حياتة وتعاملاتة...كان شكلها ايه وعيش حياه ربنا يسوع المسيح ...حياته دى رصيد لنا احنا عشان خاطر يقول لنا عايزين تعيشوا في الدنيا عايزين تعيشوا في المجتمع عاوزين تعيشوا وسط الناس..عيشوا زيى ...انا عشت كذا وكذا وكذا لان حياه واقعيه و قريبه جدا ٢ الروح القدس قال السيد المسيح هيجى وقت وهسيبكم وها صعد الى السماء وهسيب حياتي بس انتم برضه اضعف من ان تعيشوا حياتي اللى انا سبتكم ..وصعد إلى ابى ... طب هتعمل ايه يا رب!؟ قال اعطيكم الروح القدس عشان كده قال لهم ايه خير لكم ان انطلق .اعطيكم المعزى يعلمكم كل شيء ويذكركم بكل ما قلته لكم اعطيكم قوه من الاعالي.. احنا احبائي للاسف مش مستفيدين من عمل الروح القدس جوانا...فكرنا انة حاجة بعيدة...لا..دة احنا كل يوم نقول . لا تنزعة منا ايها الصالح لكن اسألك ان تجددة في احشاءنا.. روحا مستقيما محييا..اطلب بأستمرار الروح القدس قول له اعمل فيا يا روح اللة قوينى.. قدسني طهرنى.. يا روح الله قربني من السماء يا روح الله انقذنى من الخطيه الفلانيه ...اللي كان يقول عنها القديس العظيم الأنبا انطونيوس لاولادة ذلك الروح الناري يا اولادي اطلبوا كل حين الروح القدس الروح القدس احبائي قوه كبيره جدا ربنا سيبهالنا دة ساكن فينا من يوم المعموديه احبائي واحنا صرنا انية للروح القداس. . من . يوم المعموديه والروح القدس سكن فينا. وصرنا هيكل للة .. قل له يا رب اجعل حياتي حياتك يا روح الله املئنى ٣ كلمه اللة... قال لهم يسوع مش هسيبكم كده من غير قانون تعملوا ايه وما تعملوش اية.. قال لهم ساعطيكم الكلمه الكلام الذي اكلمكم به هو روح وحياه سراج لرجلي كلامك ونور لسبيلي انا هامشي..حزينة أرضكم لاستعداد انجيل السماء ..يعني كلمة حزينة يعنى اية ..حازى ...يعنى وازى..وازى رجليك علي انجيلك... ربنا يسوع المسيح الكلمه ..اقرا انجيلك ويعيش به..خد رصيد..خد قوة .. احذر أن تحب احد بعقلك...اوع تفتكر انك هتغلب العالم بقدراتك لا هتغلب العالم بية هو ...بكلمه منه ...ربنا يسوع المسيح لما جاء غلب الشيطان غلبوا بأية؟؟ بكلمة.. مكتوب لا تجرب الرب الاهك.. بالكلمه ..بكلمه ربنا يسوع المسيح نسحق الشيطان بكلمه ربنا يسوع المسيح نسحق الشيطان...بكلمة ربنا يسوع المسيح نغلب العالم... نغلب انفسنا.. لان ربنا يسوع المسيح عارف ان احنا هنعيش حياه فيها معطلات فيها معوقات .بس اعطانا إمكانيات الرحلة... تخيل انت لما يكون واحد طفل صغير مامته اعطيته شنطه فيهامياة فيها حاجه حلوه فيها سندوتشات فيها بسكوت فيها وفيها كل احتياجاتة فى الرحلة معاة وهو ناسي الشنطه دي ..عمال يقول لاصحابه انا جعان انا جعان ادوني اكل اديني مياة... عطشان.. صحابة يقولولوا لا ..يقولهم بس انا عطاش عاوز اكل.... والشنطه بتاعته مليانه صدقونى احنا كدة... ما من شيء نحتاجه من هذة الحياه ولغلبة هذة الحياة ولمقاومة أوجاع هذه الحياه ولمقاومة الالام هذه الحياه الا واعطهلنا...بس احنا الشطنة مقفولة بالسوستة...ويمكن نكون كمان حطين عليها قفل كمان ..طب احنا هنرجعها تانى!!! بعد ماترجعها..مامتك تقولك اية يا حبيبى...انت مافتحتش الشنطة؟!.تقولها ورينى كدة ماكنتش واخد بالى كنتى حطة فيها اية.. ماانت قولتلك يا حبيبى انا قولتلك.. فيها اكل وفيها شرب وفيها حاجات.. ربنا يسوع المسيح بيقولنا ما من شيء واعطتهولكم..وفي القداس نقولة لم تدعنى معوزا شيئا..ما فيش حاجة ملخينى .. محتاجها.... كلمته ..لما تلاقى واحد كده متضايق منه وتلاقي نفسك ابتديت تضايقك وتلاقي الآية بتقول لك حب قريبك كنفسك تلاقي الاية تقولك المحبه تحتمل كل شيء وتصبر على كل شيء وترجوا كل شئ... يبقى لازم اتكسف اخجل...هو انا قلبي ضيق ليه مش عارف احب اخواتي المحبه تحتمل كل شيء عيش الحياه اعطيت الكلمه اللي تقويك وتسندك وتعضدك.. انتم انقياء بسبب الكلام الذي كلمتكم بهم اعطيتك رصيد.... ٤.. خبز الحياه ..لكى لا تجوع.. انا قربت منك جدا جدا لدرجه انى عاوزك تستوعب اني قريب منك قوى.... عايزك تستوعب ان انا مش بس الساكن في الأعالى لا دة انا كمان الناظر الى المتواضعات .. دة انا ناظر الى الحشرات اللي ماشيه في الارض .... انا ناظرر لسمكه عايشه في قاع البحر ما تخافيش... انا معك انا قربت منك جدا جدا و عشان اخليك تستوعب انى قربت منك قوي قوي انا هدخل جواك وهمتزج بيك وبلحمك ودمك واعطيك الروح القدس يسكن جواك وكلمتي ترددها كثير وحياتي قدامك وهعطيك كما جسدى لتاكلة لتحيا بيا ان لم تاكله جسد ابن الانسان وتشربوا دمي ليس لكم حياه و من ياكل جسدي ويشرب دمي يثبت في وانا فية ..تبص تلاقي نفسك لما تتناول بتاخذ حياته جواك تعمل فيك ايه بقى ... تغلب حياتك و تسير حياتك حياته هو معروف ان الحاجه القويه تغلب الحاجات ضعيفه يعني لو جبت كده حته صفيح ودقيت عليها بشاكوش تبص تلاقي الشاكوشي يفردها على طول حاجه القويه تغلب الحاجة الضعيفه النور يطرد الظلمه يجى ربنا يسوع المسيح يدخل جوايا الحاجه القوية تغلب الضعيفه يدخل المسيح جوايا... حياه المسيح تنور ظلمتيني تنهي على الموت اللي جوايا تغلب من تلقاء ذاتها...مش بفضل منى ..لا منة هو....للاسف احنا احيانا مابنكنش واخدين بالنا بالمفاهيم دى ...عارف لما تبقى الدنيا نور بس هو مغمض عينه هتبقى بالنسبالة الدنيا اية!!! ظلمه ... حبيبي دة احنا نورنا كل الانوار ده الدنيا فيها نور جامد بس الواحد مغمض عينيه ....عشان كده احبائي لو اخذنا بالنا من الاربع حاجات دول يبقى تذوقنا المسيح مانتغلبش للظروف والاحزان بلاش ابقى ابن المسيح ومش عارفه بلاش ابقى ابن المسيح وقلبي ضيق بلاش ابقى ابن المسيح وحياتي زي ما هي ما فيهاش تغيير لا يا لا ياربى..انا عايز استفاد بالامكانيات اللى اعطتهالى.... اربع حاجات احطهم قدام عيني قدام قلبي وثبتهم جواك لانهم من حقي وهو الذي اعطاهم لى..... ١/حياته ٢/ الروح القدس٣/ كلمتة ٤/اعطانى جسدة ودمة ...تعالى قولى بقى احنا عملنا ايه عشان نستاهل دول... وتعال قولى ايه الحاجات اللي تخليك تستحق انك تاخدهم...اقول لك ولا حاجه تخليك تستحق انك تاخدهم....امال ده ايه..؟ دةصالح منه هو ده فضل منة هو... ربنا يعطينا احبائى .. ان احنا نعيش حياته بقوة الروح القدس بقوه كلمتة و اتحادنا بجسدة ودمة... يكمل نقائصنا ويسند كل ضعف فينا بنعمتة ولالهنا المجد الى الابد امين

حسابات المنطق بسم الاب والابن والروح القدس اله واحد امين هناخذ نقطه صغيره دقائق قليله ربنا يسوع المسيح لما كان قدام الجموع وعاوز يشبعهم لقينا راي كده لفيلبس بيقول.لة لا يكفيهم خبز بمائتين دينار لياخذ كل واحد شيئا يسيرا هنتكلم في الجزء ده بس مع بعض شويه حسابات المنطق عاوز تاكل 5000 رجل ما عدا الاطفال والنساء .. هتاكلهم ازاى!! قال لهم اعطهم لياكلوا .. قالوا فين منين احنا على جبل.. وبعدين احنا لو حبينا نشتري مش هيكفيهم ..نجيب 200 دينار ...دة رقم كبير قوى يعنى بتعريف بلدي كده يقول لك الدينار كان اجره عامل يعني لو ان مثلا اجره العامل في اليوم نفرد ب١٠٠ جنية يعني انت عايز ٢٠٠×١٠٠= يعنى انت رقم........!!! هنجيب منين..... احيانا احنا نبقى عاوزين نمشي حياتنا وامورنا وحتى حياتنا مع ربنا بالعقل اللي هو ايه..؟؟ نحسب الحسبة بقى..5000 طب كام راجل؟كم طفل ؟؟على كام رغيف على نجيب ايه كذا كذا ده بيساوي كذا يبقي كذا... لا لا يجلنا ا احباط نيأس تفشل..نسكت خلاص 🤐 لا لا 🤚 في المسيح يسوع مش كده احبائي في المسيح يسوع ممكن جدا يبقى ما عندكش خمر ويقول لك طب عندكم ايه 🤔يقول لك ما عندناش حاجه خالص خلاص🙈يقولك الرب يسوع طب هات الاواني اللي فيها الميه ..يقول لك المياة دى بتتحط اجران كبيره..مش بتاعت الخمر ..الخمر بيتحط فى حاجات اصغر ...الخمر بيتحط في ازايز لكن الاجران دى حاجة ضخمة 😱 قال لهم هاتوا الاجران اللي عندك عندك كم ستة؟ املاها كلها الى فوق 🤲 انا متخيل كده الناس وهما بيملوا الاجران الي فوق بيقولوا ايه هنعمل ايه؟؟🤔 اهو احنا كده ربنا يسوع احيانا بيخلينا نقف فى اختبارات ايمانية 🤲 ينفع انا اتوب ينفع ابقى انسان كويس ينفع انا حالي يتصلح😰 ينفع ابقى انسان مصلي ؟ ينفع انا ادخل السماء احيانا الانسان بيقف قداام حساباتة الشخصيه يقول مستحيل مستحيل ..اقولك في المسيح يسوع ممكن🤲💪 ما اجمل ما قال معلمنا بولس تستطيع كل شيء في المسيح الذي يقويني 💪انا اقدر بس مش هاقدر بنفسي هقدر بية هو 🤲هو اللي يشبع المجموع . هو يحول الماء الى خمر .هو الذى يعطينا فوق ما نستطيع ..يقولك اكثر جدا من ما نسال او نفهم او نفتكر اكثر بكثير من حدودنا يا ما احنا اللي بنعمل حدود لعمل الله فينا ..ياما احنا اللي بنضع امام الله مستحيلات..احنا اللى بنضعها... واكنه عايز يقول لك ايه انت بتقيسنى بعقلك بتقيس قدراتي بقدراتك ده قال لموسى اضرب البحر بالعصايا يتفتح البحر تخيل انت كده لو موسى بص للموضوع ده واكنة يعنى يضحك على ربنا ايه اضرب البحر بالعصايه في حاجه اسمها اضرب البحر بالعصايه يقول لك اه ....ومره ثانيه يقول لك اضرب الصخره بالعصايه...اضرب الصخرة بالعصاية تعمل اية!!! ده يوم ما اضرب الصخره بالعصايه يعني ايدى توجعني يقولك لا بس اضرب الصخرة..يجى يضرب الصخرة يحصل اية..تخرج مياة..يضرب البحر يلاقى البحر بيتشق .. احبائي في امور فوق جدا تخيلاتنا ..لا نحصر الله في أذهاننا ابدا... يجي كده على امنا سارة. يقولها انا هارجع بيكى نحو زمان الحياه وهيكون لكى ابن🤱🤰...عملت اية ؟ ضحكت مستغربه وفي حياء شديد كده قالت له افبعد فنائي يكون لي تنعم ؟؟هتشوفي .. هتسمية ضحك برضة اللي هو ايه؟اسحاق واحده عندها 90 سنه تولد؟؟🤱 زي ما قال عنها معلمنا بولس الرسول موت مستودع ساره او مماتيا مستودع ساره المستودع بتاعها مات خلاص لم يدعي يقدر ان ياتي ببنين خلاص😔😔 لا لا دي حساباتكم انتم 🤚انا سارة هخليها تولد وهى عندها ٩٠ سنة ...دى حساباتى زي نعمان السريانى لما راح لاليشع واخذ له هدايا كثير وجاي له من اخر الدنيا وبعدين اليشع يقول له طب انزل في النهر ..رجل ابرص ويقولة...انزل في النهر بص كده للي معاة وقال لهم بقى انا خابط المشوار ده كله عشان الراجل ده يقول لي انزل استحمى في النهر يعني هو النهرده ما فيش غيرعندهم فى بلادهم؟؟ ده النهر ده ماشي في بلاد كثير ما انا ممكن كنت نزلت في النهر حد قال له يعني هو كلفك بحاجة ثقيلة قوى يعنى!!ا مش قالك انزل النهر؟ خلاص انزل النهر ..الراجل نزل النهر ...ولقى نفسة معافى.. 🤲💪 ياما احبائي احنا بنبقى عايزين نقيس الامور الالهيه بحدودنا البشريه نقول له يا رب زي ما قال معلمنا بطرس كده علي كلمتك القى الشبكه... ولا بمئتين دينار يكفى لكل واحد منهم شيئا يسيرا ..عايز يقول لك يعني ده احنا لو اشترينا ب 200 دينار كل واحد فيهم ياخذ لقمة صغيرة... عارف كده اكننا بنوزع لقمه بركه الناس دي عايزه تاكل لكن في الاخر يقول لك ايه ...ثم اكلوا جميعهم وشبعوا... ورفع عنهم 12 قفة مملوءا... ربنا قادر احبائى يطرح بركه في حياتنا ربنا قادر ينشق فينا قديسين يدينا روح صلاة يدينا روح دموع يدينا طهارت ملائكه و يدينا قوه واحتمال ونعمه فائقة ...تصوروا بقى ان كل النعم دى فى ايدينا بس احنا اللي بنحدها....تخيل انت كده لما يقول لك افتح فمك وانا املئة.. تقوم انت مش فاتح او فاتح له حته صغيره ...خلاص هيديك على قد ما انت فاتح طب فتحتله بقك على الاخر وفضلت فاتح بقك على الاخر هو يعمل اية... يفضل يملئ فينا لحد ماتقولوا...كفانا كفانا زي ما يقول المزمور سواقى اللة مليئة ماء ..خير ربنا كتير ونعم ربنا كثير وربنا عايز يقول لك ما ينفعش انا ابقى غنى واولادي فقراء ما ينفعش يبقى انا القدوس وأولادي يبقوا جعانين و شايفين نفسهم ان هما وحشين وخطاة ..وبعاد ويفضللوا كدة.. لا ....صدق ان ربنا قادر ..كل واحد فينا بقى ايناء للمجد ....انتم هياكل الله روح الله يسكن فيكم انتم مدعوين قديسين انتم الذين بلا لوم ...لية ؟؟ لان المسيح اللي عمله معانا ماعملش شويه اذان احبائي هي دي النقطه اللى حبيت افكركم بيها... لوجينا نفكر في حاجات كثير قوي بعقلنا لما واحد يبص لعيالة كدة يقول لك العيال دول هيكبروا ازاي ويتربوا امتى وانا اعمل ايه يعني طب هندبر الفلوس ازاي...اقولك سيب الامر ده على ربنا وقول له يا رب..عليك توكلت 🤲عليك توكلت..🤲حاول أن انت تبقى عندك ثقه في ربنا اكثر من كده حاول بلاش نعمل حدود لقدرات الهنا بحدودنا العقلية لانة هو عاوز يعمل حاجات كثير ...بلاش نبقى احنا بنحد قدراته فينا ربنا يدينا احبائي ان نصدق ربنا يدينا ان يفعل فينا بكل قوتة ونقول له يا رب انت العامل فينا بس احنا نريد ان تعمل ربنا يكمل ناقصنا ويسند كل ضعف فينا بنعمته لالهنا المجد الى الابد امين🤲🙏💪

بإسم الابن والأب والروح القدس اله واحد امين فلتحل علينا نعمه ورحمته وبركته الآن وكل أوان والى دهر الدهور كلها أمين.. تقرأ علينا الكنيسه احبائى فى هذا الصباح المبارك..مثل كلنا عرفينوا مثل الزارع بزار وقعت على اربع انواع من الاراضي .. وقعت على الطريق ..ووقعت على الأرض اللى فيها احجار ..وعلى الارض اللي فيها شوك ..وفي الاخر وقعت على الارض الجيده ..وكلنا عارفين النتيجه ان الارض الجيده هي التى أثمرت.. 30 و 60 و 100.. هكلم معاكم في ثلاث نقط صغيرين على الارض الجيده.. وتفاعل البذره مع الارض.. ثالث حاجه عن الثمر اول حاجه الارض الجيده ..قلبي وقلبك هما الارض قلبي وقلبك هما اللي بيستقبلوا كلمه ربنا..وهما اللى بيحضنوا كلمه ربنا وهما اللي ببتفعلوا مع كلمه ربنا.. قلبي وقلبك لازم ننقيهم باستمرار.. باستمرار أفحص نفسك وقلبك وافحص اهتماماتك القلب يقولوا عليه الاباء القديسين انه هو غايه الحياه المسيحيه..هو القلب..يسكن اللة في القلب.. يتكلم الله في قلبك.. تتوب بقلبك تتكلم بقلبك.. يعني ايه القلب ؟! مركز الوجدان ومركز الحياه ..القلب هو مركز المشاعر عشان كده قال لك حيث يكون كنزك هناك يكون قلبك.. القلب.. يلا كلنا كل واحد يفحص قلبة..اية اللي جوه القلب..اية اللي معطل كلمه ربنا كلمه..اية اللى بيخنق كلمة ربنا ..القلب بتاعي جواه ايه.. مشغول بايه.. ابونا الكاهن بيصلي بيسال كدة...اين هي قلوبكم..هي عند الرب.. القلب..الحكيم قال..فوق كل تحفظ احفظ قلبك ..لان منه مخارج الحياه..احفظ قلبك.. القلب .اللى فى اهتمامات ممكن يكون قلبك ده مسيطر عليه بالكامل.. الارض المال السلطه ..الشهوة قلبك كله مشغول بأمور تعيق كلمه الله.. تدخل الكلمه تلاقي ملهاش مكان.. ابدا لان القلب مشغول ..تخيل معايا لو كل واحد فينا يتخيل مساحه قلبه وكأنها دائره او مثلث... شوف كده المساحه بتاعه ربنا قد ايه.. وشوف الدنيا واخذه قد ايه .وشوف اهتماماتك اللي انت وعلها لنفسك واخذه قد ايه..وشوف الامر ده ممكن يعطلك قد ايه.. القلب اول حاجه في المثل دة تخلي كل واحد فينا يراجع قلبه..من الاحجار اللي فيها . والاشواك اللي فيها والسطحيه اللي فيها وعدم الامانه اللي فيها.. لو جئت تكتب ماهى اقصى اهتمامات و مشغولياتك ..في الحقيقه هي كلمه ممكن .تنزعج منها شويه. بس اقولها لك بكل صراحه.. اقصى اهتمامات الشخص واقصى اولويات الشخص .. هو.. االاهو ...اقصى..اكتر حاجة انا مشغول بها واكثر حاجه انا متعلق بيها.. هي دي اللي تبقى اللهى....يعني ممكن اكون انا بعبد ذاتى.. مش اللة ..ممكن اكون انا بعبد ذاتى ممكن اكون بعبد المال ..لان ده اكثر اهتمامات ليا وأقصى ثقه ليا.. اقسم تمباتك اكتب وحط في المثلث أقصى اهتماماتى وأقصى ثقتى..لو أقصى اهتماماتك وأقصى ثقتك هى أمور غير اللة ..يبقى إحنا مش بنعبد الله... معلمنا بولس قال.. انتم عبيد لما تطيعينوا .. انتم عبيد عبيد لما تثيقون بة.. انتم عبيد لما تنشغلون بة.. يطلع الواحد قلبه مليان حاجات ثانيه كثير غير ربنا طب ربنا بالنسبه لي ايه ؟ حاجه حاجة ع الهامش... احيانا بكون عاوز ربنا اسخرة للالاة بتاعي انا... يعني عاوزه اصخر ربنا دة لطلبات ذاتى.. عاوز اصخر ربنا عشان يجيب لي حاجات وعطايا ماديه اكثر عاوز اصخر ربنا عشان يعطيني حاجات اكثر.. اصبح ربنا ده خدام للاله بتاعي.. يا ربي ..يعني مش بس الهي .لا ده انا كمان عاوزه يكون خدام للالاة بتاعي انتم عبيد لما تطيعونوا. ..اولا القلب كل ما كان القلب يتنقى .. تخيل معي كده كل واحد فينا ماسك مقشه وبيكنس.. يلا نضف..كل واحد فينا محتاج المقشه دي ..يلا اكنس وابعد عنك الحاجات اللي شغلاك اللي تعباك واللي بتعثرك..وقتك بتحطه فين..قلبك فين .. 1\ القلب 2\ تفاعل البذره مع الارض ايه البذره ... البذره هي كلمه اللي تدخل جوه القلب القلب .ولو القلب مشغول بحاجات كثيرة تلاقي كلمه ربنا ولا قصرت في شيء ولا عملت حاجه. لدرجة الواحد يقول لك كده و انا بقرا بسرح وبنسى انا مش واخذ بالي هو النهارده انا قرأت ايه ولا انا مش بقرا اساسا؟ البذره لازم تتفاعل مع الارض ..لازم يكون في تفاعل مع كلمة ربنا عشان كده ارجوك عاوزك تقرا كثير في كتاب المقدس بس لازم البذرة تخليها تبقى محتكة تماما بالارض..بحيث يحصل الثمر ..جوة الارض بيحصل ايه في البذرة.. بتدفن لتحت ..وبتتفاعل جدا جدا مع البذره..البذرة والتربه تفاعلوا مع بعض نسقيهم ميه وتربه يوم مع يوم تفاعل يتفاعلوا مع بعض..ونسقيهم مياة...ويوم مع يوم ..تفاعل تفاعل.. تلاقي فيه حته خضراء طلعت لفوق.. البذرة دى لازم تدخل جوه ارضك وتتفاعل معها عشان خاطر تبتدى تستثمر..خلي البذره تدخل جوه ارضك كدة.. وتتفاعل معها ..عاوزك تسال نفسك سؤال مهم جدا وانت بتقرا الكتاب المقدس سؤال مهم قوي هما كلمتين و لو سمحت تكتبهم.. انا فين؟! سؤال مهم جدا.. انت بتقرا اى حاجة في الكتاب المقدس اسال نفسك انا فين..من القصه دي .انا فين من الحادثه دي ..انا فين من الموقف ده.. انا فين تقرا اي قصه ان شله حتى بتقرا عند سقوط ابونا ادم وانت بتقرا عن سقوط ابونا ادم تقول انا فين.. القصه مش تمس ادم وخلاص. القصه تمسنى انا.. انا اللى بأغوى انا اللى بخالف الوصيه انا اللي اكلتوا بارادتي وتركت عنى ناموسك براي انا... ادم ده في حضن المسيح دلوقتى ادم قصته خلصت اللي قصته لسه فاضله واللي في خوف عليه واللي فيه خوف عليه انه يستمر في العصيان ده.. هو مين؟ هو انا عشان كده خلي بالك اسال نفسك انا فين لما تيجي تقرا قصه ان شلة قصه فلك نوح اسال نفسك يا ترى لو انا ايام نوح كنت هابقى جوه الفلك ولا بره الفلق..كنت هسمع للنداء نوح ولا اقول سيبك منه.. اي كلام.. ياترى كنت هبقى انا فين؟ انا فين من خروج بني اسرائيل من ارض العبوديه يا ترى هبقى فرحان وانا رايح الارض اللى تفيض لبن عسل ولة هتمرض ولة اشتكى..واقول خروجنا ليه؟ لو انا ايام الانبياء كنت هسمع لنداءتهم.. ولة كان هيبقى قلبي غليظ.. يا ترى لو انا في ايام ربنا يسوع المسيح وهو بيعلم كنت هبقى مع اللي بيسمع ويستفيد ولة يا ترى ياترى ياترى..الكلام دة كله محتاجه مننا مراجعه ..انا فين اسال نفسك دائما سؤال ..انا فين من اللى بقراءة تفاعل مع الكلمه قالك. خبئت كلامك في قلبي..خد الكلمة وافضل صلي بها ..خذ الكلمه واركع بيها.. خذ الكلمه ارفع قلبك لبربنا بها.. خذ الكلمه ورددها كثير خذ الكلمه وقيس نفسك عليها..بلاش تتعامل مع الكلمه على ان انت غريب عنها ..بلاش تتعامل مع الكلمه عن انها بعيدة عنك.. لا لا لا ..الكلمة اجعلها قريبه منك قوي ودخلها جواك قوي..واحضنها جواك قوي وخليها تبقى شغاله جواك ..كلمة ربنا شغاله جواك كلمه ربنا خليها تبقى فاعلة فينك.. كلمه ربنا خليها تبقى فاعله فيك انا فين من اي حدث... تلاقي نفسك تقول يا رب سامحني انا مش بصدق كلامك يا رب سامحني انا مش على مستوى ان انا ال كلمه تأثر فيا والكلمه تتوبنى والكلمه تغيرني ..يا رب سامحني انا بسمع كثير وبعمل قليل يا رب سامحني ان انا أجد كلمتك.. 1\ التربه..نقى التربه بتاعتك اكنس الارض بتاعتك بأستمرار 2\ التفاعل 3\ الثمر.. ربنا أعطاك كلمة حلوه ربنا..ربما كلمك بموقف او بحادثة في الكتاب المقدس..طب تعمل ايه ؟ مش خلاص كده لا ده انت محتاج تصلي بها كثير ده انت محتاج تطلب من ربنا كثير.. محتاج تقول لربنا يا رب اعني يا رب ارحمني يا رب سامحني.. لازم تسقى البذره والبذره مش بتتسق وتترك لا... البذره لازم يحصل لها مراعاة...صلى بها كثير اطلب نعم كثير اطلب معونه كثير .وقول لربنا يا رب شيل عني كذا وكذا يا رب ساعدني يا رب قوينى في كذا ..دة عمل الله خلي البذره بتاعتك تكبر بالمسيح وينمهالك ويفرحك بها ويعطيك فيها نعمه فوق نعمه 1 شوف الارض بتاعتك يلا فتش..فى القلب بتاعك وشوف.اولوياتة وارتباطاتة .2..التفاعل اوعى تقرا كلمه ربنا من بره وخلاص خليها تدخل وتطلع عشان خاطر تبتدى البذره تنفجر ويطلع منها الجزء الحي 3\ المتابعة..النمو الثمر ..عاوز يتسقى بأستمرار..صلى كتير بكل كلمة ربنا بيعطيها ليك...عشان الكلام يتحول لافعال وواقع...ربنا يعطينا اننا نكون أمناء فى البذار اللى بيبعتها لنا...ونكون مفعلين مع كلمتة..تنمو فينا وتثمر فينا...ربنا يكمل نقائصنا ويسند كل ضعف فينا بنعمتة ولالهنا المجد اللى الابد الامين....

باسم الاب والابن والروح القدس اله واحد امين..تحل علينا نعمته ورحمته الان وكل اوان الى دهر الدهور كلها امين الاحد الثاني من شهر بابه تقرا علينا احبائى الكنيسه فصل من بشاره معلمنا لوقا الاصحاح ٥ معجزه كلنا عارفينها معجزه صيد السمك الكثير التلاميذ كانوا فى محاولة صيد كالمعتاد لكن كان يوم عجيب انهم لم يصطادوا شيئا... وجاء رب المجد يسوع ودخل جوه السفينه بتاعتهم في الصباح قال لهم ادخلوا الى العمق. قالوا له احنا تعبنا الليل كله ولم نصطاد شيء لما قال لهم كده هما بخجل.. لما قال لهم ادخلوا الى العمق.. .قالوا لة على كلمتك نطرح الشبكه اتكلم معاكم كلمة صغيره على موضوع على كلمتك يعني ايه على كلمتك؟؟ يعنى انا مش مقتنع لاننا حاولنا وتعبنا وفشلنا بس انت قولت 🙏 حاضر يعني لمجرد اننا نسمع الكلام بس مش اكثر... علي كلمتك القى الشبكه عايزين نقف شويه على كلمتك اننا ازاي اعيش بحسب كلمة ربنا..ازاى اقول له حتى لو حاجه انا مش مقتنع بيها اقول له على كلمتك ازاي اثق في كلمه ربنا لدرجه ان انا ابقى عايش خاضع لكلمه ربنا حتى لو كان انا فكري مش مقتنع باللي بيتعمل ازاى اخضع فكري لفكر اللة . ازاي اقول له على كلمتك انت يا رب بتقول لا تهتموا بالغد بس انا قلقان انا قلقان انا جوايا قلق كبير من حاجات كثير خوف من الزمن خوف من مرض الخوف من بكره خوف من الايام خوف من الظروف ..جوايا قلق لكن انت قولت.... لا تهتموا انت قولت لا تخافوا ..ولا تهتموا يبقى انا اعمل ايه على كلمتك.. على كلمتك مقلقش..على كلمتك ما خفش ما اجمل ان انا اعيش باستمرار اعيش بفكرت على كلمتك باستمرار لما يدخل لك اي فكره رضيئة او غريبه ردد اية .. قولة انت قولت ...انا عايزك تتخيل معايا كده لما يكون واحد موعدك بحاجة وتيجي تقعد معاة وتقول له انت قولت هتعمل كذا انت قولت هتجيب كذا ويا سلام كمان لو فى شهود طيب فى شهود على الكلام اللي بيقوله ربنا يسوع؟! ده العالم كله يشهد بكلمه ربنا يسوع على كلمتك القى الشبكه عشان كدة معلمنا داود في المزمور اللي احنا بنصلية يوميا((مزمور 50 ))(( لكى تتبرع في اقوالك.)) يعني ايه تتبرع فى اقوالك عشان الكلام اللي انت بتقوله ده تبقى بتعمله ..كانة معلمنا داود بيقول له انت قولت ان انت تقبل الخطاة. مش معقول اكون انا غلط وجاي ارجعلك وانت ترفضني!! يبقى انت كده الكلام اللي بتقوله مش صح... لكي تتبرر في اقوالك وتغلب اذا حكمت ما اجمل ان انا اقولة على كلمتك... علي كلمتك انا لا اقلق لا اخاف ..انا لا اخاف من الغد ولا من المرض ولا اخاف حتى من الموت ..لان على كلمتك انت قولت من آمن بى ولو مات فسيحيا ...يا سلام بقى لما نعيش بكلمة على كلمتك.دى... الراجل قائد المائه كان عنده ايمان عجيب لما راح يقولة انا ابنة مريض ولقى ربنا يسوع عاوز يروح له البيت . قالة ..لا لا ما فيش داعي تتعب انت بس قول كلمه.. فيبرأ الغلام ..انت بس قول كلمه بس يااااا تخيل كده لما الكلمتين دول يبقوا صلاة بالنسبالى وبالنسبالك تقول له ايه يا رب قول كلمه ايه؟ فايبر غلامى.. هو لما الرياح كانت شديدا وعافية بيقول لك عمل ايه؟ انتهر الريح بكلمة.. الريح انتهر... هو لما جاى يقوم العازر إقامة ازاى؟؟ بكلمة... لعازر هلم خارجا ..فخرج الميت وهو مربوط اليدين والرجلين ..خرج الميت بايه ؟بكلمه لكي تتبرر فى اقوالك قول كلمة... قول كلمه يا رب ..فايبر غلامى ...ما اجمل ان اذكر الله باقواله بمواعيدة انت قولت ...قولت لا يحتاج الاصحاء الى طبيب بل المرضى ...انت قولت لم اتى لادعو ابرار بل خطاة...وانا اول الخطاه انا وحش جدا ..انا خاطيي بس انا ليا ثقه مش فيا .. ليا ثقة في كلامك على كلمتك القى الشبكه .. كل مره فشلنا فيها. وكل مرة احبطنا فيها كل مرة اتكلنا على انفسنا وعلى ذكاءنا واموالنا وعلى قدرتنا عشان كده احبائي ربنا عايز يقول لك اوعى تفتخر بحاجه اوعى....اوعى تفتكر ان اولادك دول هم اللي ممكن يسندوك ولا اموالك اللى ممكن تسندك ابدا ...ده على كلمتك يا رب القى الشبكه.. يا رب كلمتك ثابته الى الابد اعمال يديك يا رب لا ترفضها عشان كده اقدر اقول لك باستمرار فكر نفسك بكلمه ربنا....ماذا قال .. ..اية الى ربنا قايلهولك ..اية اللى ربنا يطمنك بيه ...ايه اللي ربنا يحللك مشكلتك بية ...فكر نفسك بمواعيده عشان كده في الكنيسه بنصلى نقولة ((مواعيدك الحقيقيه غير الكاذبة ))صادقة على كلمتك القى الشبكة...دخلوا يصطادوا وهما في الحقيقه يعني ما عندهمش امل ولا رجاء كثير بسيط قوي لدرجه انه من صياك الكلام كده تفهم انهم كانوا سفينتين المفروض ان لما ربنا يسوع المسيح يقول لهم ادخلوا الى العمق يدخل السفينتين لا دي دخل سفينه واحده بس . تحت بند ايه ان هي محاوله فاشله زي اللي قبلها بل بالعكس اللي قبلها كانت بحسب المنطق و بحسب فنون الصيد كانت اكثر منطقيه من التانية..لان الاولانيه كانت لسة عند الفجر وكانوا عنده الشط حيث تجمع الاسماك... لكن عشان يدخلوا الى العمق والنهار كمان طلع ..وعاوزين يصطادوا دي حاجه عكس منطق الصيد.. لكن على كلمتك فدخلوا بسفينه واحده لما دخلت سفينه واحده ايه اللي حصل يقول لك كده انة كادت شباكهم تتخرم... يقول لك جمعوا سمكا كثيرا فاشاروا الى شركاؤهم الذين في السفينه الاخرى تعالوا تعالوا السفينتين امتلئوا .فاتوا وملئوا السفينتين حتى كادت تغرقا... المجد ليك يا رب🙏 ما نعجز عنه ما نفشل فيه فوق طاقتنا فوق تصورتنا دى اعمال.ربنا... على ايه على كلمتك...لما يدخلك قلق ولة خوف قول أيه ...قول أن حربنى جيش لا يخاف قلبي ان قام على قتال في هذا انا مطمئن.. 🙏لما يحربك بأحتياجات معينه ما معكش فلوس ولا حاجه قلوا كدة (( ان كان لنا قوت وكسوه فلنكتفي بهما)) لا تهتموا بالغد قول أية الفكره دي انا هتردها هو لما ربنا يسوع عدو الخير جة يحربه في التجربه على الجبل .يحاربة بفكرة يرد عليه بايه؟؟ بأيه... بكلمه عشان كده يقول لك ايه ارسل كلمته فشفاهم ربنا عايز يقول لك اتكل على كلمتي عايز يقول لك حاول انك متحاربش بفكرك عشان كدة معلمنا داود يقول له ايه ((ككلمتك احيينى )) العجيب بقى في الاخر الموقف الجميل ده انا معلمنا بطرس لما لقى السفينه مليانه كده عمل ايه بقى سجد لة 🙇♂️ خر عند قدمى يسوع وقال اخرج عني يا رب فاني رجل خاطئ ...حضور ربنا يسوع المسيح فى حياتنا هو اكبر حاجه تدينا تبرير لخطايانا حضور ربنا يسوع المسيح احبائى يدينا قوة ويدينا ونعمه وغلبه وسلطان ...حضور المسيح في حياتنا ربنا لما يحضر في حياتك تخر وتسجد له.. لية انا مش بخر واسجد لربنا عشان حضوره في حياتي قليل ضعيف بليد فعدم إدراكى لحضوره يخليني مش قادر اسجد لكن اول ما اشعر بحضوره اعمل ايه اسجد وفي الاخر في الاخر خالص اقول لك على بعد ما كان كل هدفهم في الحياه انهم يصطادوا لما اصطادوا السمك الكثير ده ولما جذبوا السفينتين إلى الشاطئ..تخيل مااعدوش يفرزوا السمك ولا فكروا يبيعوا السمك.. لكن في الحقيقه قالك ايه تركوا كل شيء وتبعوا مقابله ربنا يسوع المسيح احبائى بتغير الأهداف و الاولويات .طول ماانا ما قابلتش ربنا يسوع المسيح هتبقى اهتماماتي زمنيه ارضية ..طول ما انا ما قابلتش ربنا يسوع المسيح انا مهتم بكل ما هو زمنى ومادى. قابلت ربنا يسوع الدنيا اتغيرت كل حاجه كانت كبيره في حياتي صغرت العالم صغر المال صغر الكرامه صغرت.السفينة صغرت السمك صغر... لما واحد يشوف المنظر ده يقول ياحظهم يا سلام شوف السمك اللي عندهم؟؟ ما تقولش شايف السمك اللي عندهم ...قد ايه...لكن قول يا بختهم انهم قبلوا المسيح انت يا بختك انك قابلت المسيح مش يابختك انك عندك سمك كثير.. يا خساره الشخص اللي المسيح يتقابل معاة كل يوم وهو لسه موجود في السمك... يا خساره... يا خساره العمر يا خساره الايام يا خساره الاهتمامات يا خساره المجهود عشان كده تلاقي الشخص اللي ربنا يديله نعمه في حياته حاجات كثير في حياتة تتغير...ماعدش اهتمامة بنفسه ما عدش كرامته هي اللى شغلاه ماعدش العالم هو اللي شغله ما عادش المال هو اللي شغلة ما عادش السمك هو اللي شغله ماعدش السفينه ما عادش الشبك..صارت لة اهتمامات أخرى عشان كده ربنا يسوع المسيح قال لهم خلاص تعالي اصل انا شايفك صياد جميل قال لة هو انا هارجع تاني للصيد؟؟ قالة لا لا هخليك صياد للناس.. تركوا كل شيء وتبعوا... ربنا يدينا نسمع كلمته وكل يوم وانت خارج فكر نفسك بأيات لما تقرا الكتاب المقدس حاول يكون معاك ورقه وقلم ..وتلاقي ايه كده ربنا خبطها فيك تروح كاتبها.. عشان الكلمه دي هي دي اللي تقول له ايه على كلماتك هي دي الكلمه اللي تاخذ بيها وعد هي الكلمه اللى تعيش بيها .. الكلمه دي تعطيك طاقه وقوه ربنا يسمعنا كلمتة وكل يوم نقول له على كلماتك يا رب ربنا يكمل نقائصنا ويسندك كل ضعف فينا بنعمته لالهنا المجد الى الابد امين

دعوه للتوبه . ...باسم الأب والروح القدس الة واحد امين تحل علينا نعمتة ورحمتة وبركتة الآن وكل أوان والى دهر الدهور كلها امين 🙏 انجيل الاحد الرابع من شهر توت فصل كلنا عارفينوا بتاع بشارة معلمنا لوقا . المراه الخاطئه اللي دخلت بيت الفريسي وسكبت الطيب على قدميه..🙇♂️ الكتاب المقدس بيقول لنا امراه خاطئه في المدينه.. يعني واحده سمعتها سيئه لدرجه انك لو حبيت توصفها مين الست دى😔 يقولك دى الست الخطية.🙊 تخيل انت كده لما واحده تقعد في اي مكان يقولوا عليها دي الست الوحشه... يعني معناها ان خطيتها كبيرة... ومعروفه يعنى غرقانه في الخاطئه .. والمراه الخطية دي سمعت عن ربنا يسوع المسيح سمعت عن تعليمه سمعت عن مقابلاتة سمعت انه بيقبل الخطاة . .قالت يعني اللي زيي مقبوله ينفع ؟!قالولها هو قايل كدة! وقايل انة لا يحتاج الاصحاء الى طبيب بل المرضى... اتشجعت وعارفت انه اليوم ده مدعو لوليمه فى بيت الفريسي ...استعدت للقاء ده.. وجمعت كل ما فيها من شجاعه وقالت انا هاروح اعمل ايه اعد اكل لا لا ما ينفعش هو انا اللي زي دي ينفع تقعد تاكل في حضوره ..طب اعمل ايه ؟ جابت حاجه ثمينه عندها.. قاروره طيب غاليه و بصينا لقينا الوليمه موجوده والناس كلها قاعده ودي دخلت بجرأة.. غير ان هي مش مدعوه... راحت رايحة بقارورة الطيب بتاعتها على اقدامه🙇♂️ وعماله تسكب الطيب على اقدامه و تبكي تبكي حضور ربنا يسوع المسيح جاب لها شعور بالتوبه والندم وشعور بضروره سكب نفسها قدامه .. وظلت تسكب فى الطيب وتبل قدمية بدموعها قدامه... دموع وسكب طيب شعر بيمسح الاقدام موقف عجيب.. طبعا ربنا يسوع الموقف ده فرحان به قوي في حين الكتبه والفريسيين الفريسي نفسه صاحب الوليمه مش عاجبه خالص ايه الست دى ايه اللي جابها ؟!! حاجتين احب اركز عليهم معاك عشان ربنا يعطيهم لنا... اللي عاوز يتوب يبقى عنده جرئة يعني ايه؟؟ يعني ما يقعدش يحسب كثير هو انا هبطل اعمل كده ازاي.؟!!.. طب والناس هتقول عليا ايه لو لاحظوا مره واحده من واحد بيعمل كذا كذا لواحد .بيعمل كذا كذا....الانسان اللي ربنا بيحرك قلبه للتوبه حساباتة كلها بتتغير... الغالي بيبقى رخيص المهم بيبقى مش مهم كلام الناس بيبقى مش مهم و قاروره الطيب مش مهمه و الناس هيقولوا عليا ايه برضة مش مهم مين المهم؟! توبتي؟! قاروره الطيب دى .... انتم عارفين طبعا قاروره الطيب دي كانت حاجه طبيعيه و غاليه قوي يعني بحسبه بسيطه كده يقولوا على ال 300 دينار والدينار في العرف اليهودي يقولوا عليه كده اجره عامل فى يوم.. شوف انت لو جبت عامل و قولتلة طلعلى شويه رمله من فوق لتحت ولا اعمل كذا شوف هيقول لك ياخذ كم اهو الكام دى اضربها في 300. اجره عامل في يوم كامل اضربها في 300 رقم كبير يعني شغل راجل لمده سنه دى اية قاروره الطيب الصغيره دي!! اللى هى مسكاها تعمل فيها ايه! تسكبها على قدمي يسوع... الانسان اللي عايز يتوب احبائي ممكن تلاقيه ويجي واحد يقول لك كده ابونا انا مش همسك الموبايل اللي بيوقنى في الخطيه.. دي انا همسك موبايل صغير كده عشان الموبايل بيجيب لي عثره المال زي ما ذكا قال انا هعطى نصف اموالي للفقراء وان كنت قد وشيت باحد ارد له اربع اضعاف ايه التبديل اللي بيحصل دة؟؟ ده احبائي نعمه التوبه تعطيك قرارات مسنودة بنعمه بفرحه ربنا يسوع المسيح تقول لقائة اهم من الطيب لقائة اهم من كلام الناس عليا لو علم ما هذه المراه وما حالها ... كمان!!! يعني مش بتتكلموا على الست.. كمان بتتكلموا عليه !!!..بصينا لقينا الست بتقدم توبه بحراره باندفاع من ثمار علاقتي بربنا انا ابتديت فعلا اتزوق حلاوه المسيح ان اللي كان بالنسبه لي غالي يبقى رخيص.. اللي كان بالنسبه لي في الاول يبقى في الاخر... ربنا يسوع المسيح لما بيدخل جوه القلب بيبدل الاهتمامات بعد ما كنت ممكن افضل مكالمه تليفون اعدة مع الناس سهره مش عارف على اية ... قاعد اجيب في سيره الناس ابتديت اقول خساره ده عمري انا عايز اقعد مع الكتاب المقدس اقعد تحت رجليه انا مستمتع بكل دقيقه مقضيها معاة... خساره خساره العمر خساره الايام خسارة الأيام.. خساره المشاعر اللي بتضيع شمال ويمين تبص تلاقي زي المراه الخطيه دي عشان كده اقدر اقول لك لو عايز تبتدى تحط حياتك صح عنده حاول ان انت تقعد تحت رجلية كثير الله ينيح نفسه ابونا بيشوي كامل كانت المراه الخاطئه عنده كده قصه فيها عشق فيها غرام كان يبقى عنده صوره ليها كده وهي منحنيا وعماله بتقبل اقدام يسوع المسيح في الاوضه بتاعته.. عشان دي مش مجرد صوره لا دة حدث مغير... بيغير المفاهيم معروف عند المراه يعني ايه شعرها شعر الست ده بالنسبه لها في كرامه كبيره يعني يقعدوا يزينوا عايزينه يبقى لي شكل جميل 👸🏼جزء كبير من جمالها👸🏼 و جزء كبير من كرامتها 🤦🏼♀️جمالى كرامتي ده امسح بية رجلية... فين جمالك الاولاني ده انتى ده كان بالنسبه لك ادوات للعمل بتاعك شعرك دة ..ولا حاجة امسح بية اقدامة... ده كمان حاسه ان الدموع بتاعتها دي ما تستاهلش ان دموعها تلمس اقدامة .. طب تعمل فيها ايه.. تمسحهم بشعر راسها...توبة فيها جرأة.. ٢ اقول لك مقدار شعورك بغفران ربنا هو مقدار محبتك كلما ادركت مقدار خطاياك كلما زادت محبتك لة وقال المثل بتاع الرجل اللي عليه دين.. قالة لما يسامح اثنين واحد عليه 50 واحد عليه 500 مين يحبة بالاكثر قالة اللي سامحه بالاكثر.. من الحاجات اللي توصلنا للمسيح هو معرفتنا وادراكنا بمقدار حجم خطايانا ...طول ما انا محبتى بليدة لربنا يسوع المسيح دة معناة ان انا لم ادرك مقدار خطايا. عارف لما ادرك مقدار خطاياى ...اقول ايه كميه الحب اللي عطهولى دة؟ هو انا استاهل كل الغفران ده !!!ده انت مطول بالك عليا .. ده انت قابلني ده انتم محتملنى كل ده انا لو عديت الخطايا بتاعتي وكشفت نفسي وفضحتها ياه على كميه الاخطاء اللي جوايا غرور وشهوات وضعفات وكسل وتوانى و حب مال وحب ذاد وانانية ... كوكتيل ضخم من الضعفات و الخطايا معقوله يا رب تغفر لي كل ده معقوله يا رب انت قابلني.. معقوله انك مش هتكرشني بره ؟؟معقوله مش هتقول قولوا للست دي تطلع بره..انا متشرف انها تقعد عندى!!! ولا تيجي...لا لا .... انت حبيبي ده انت غالي عندي جدا تعالى يا بنتي تعالي دة يمكن الجلسه دى كلها النهارده والوليمه دي كلها احلى حاجة فيها هو انتى.. اكثر واحد فينايستفاد بالكنيسه ويستفيد بعلاقته بربنا اللي يشعر انة اوحش واحد ..يا سلام بقى لما الشيطان يخليك تحس انك احسن من غيرك وافضل من ناس افضل من ناس كثير ويلى يقول لك اشكرك اني لست مثل باقى الناس.. وتحس ان الناس الثانيه دي كلها ناس ولا حاجه ولا يسوا وتبقى شايف ضعفات الناس ومش شايف ضعفاتك ... مسكين الانسان اللي يقعد يصنف الناس وشايف ان كل الناس وحشين طب مش شايف نفسك مافحصتش نفسك!! من علامات ربنا يسوع المسيح قرب لللنفس دى...لما تبتدى تتكشف كل ضعفاتك وخطاياك كل ما الست تنحني برأسها عن ربنا يسوع المسيح كل ما شعورها بخزيها يزيد ومحبتها في نفس الوقت تزيد...كل ما شعورها بخطاياها يزيد جواها..كل ما شعورها بمحبته وقبولة .تزيد قدامة.. عشان كده قديس من القديسين يقولك كدة لو ما قدرتش ان انت تقبل راسة قبل انت قدمية براسك ..لو ما عرفتش انت توصل لرأسة... اوصل لراسك انت بس بأقدامة... من علامات انت فعلا تذوقت محبه المسيح تبقى حابب تقعد معاة كثير كثير مش تيجي عندة وتبخل..مش تيجى عندة وتبقى مشغول ماهو الانسان لما مايدركش هو اخذ قد ايه تبص تلاقيه مستخسر اقدر اقول لك كده اجتهد على قد ما تقدر ان انت تبقى عارف حجم خطاياك اللي قصاده بتاخذ حجم غفران قالة احبت كثيرا فغفر لها كثيرا طلعت الست دي احسن واحده في الاعده كلها ..مين اشطر واحد فينا دلوقتي مين اكتر واحد فينا متمتع بحضره ربنا اللى بيقول له اللهم ارحمني انا الخاطئ اللي اثناء الصلوات دلوقتي عمال يقولة يا رب اجعلنى مستحق ان انا اتناول هو انا ينفع اتناول؟😔 ينفع😔 ينفع اتقدم للجسد والدم الاقدسين ولا بلاش؟! بس انا محتاج اذا كان عليا انا ..انا ما ليش حق عشان كده تصلي صلاه قبل التناول دي بشعور مخلص تقول له يا رب انت لم تستنكف ان تدخل بيت الابرص.. انت لم تمنع الخاطئ من تقبيل قدميك... فلا تحرمني من الدنو منك شوف الكلام واستوعبوا بالروح وحس بية كل واحد فينا يقول له من جواه انت لم تستنكف انت لم تمنع الخاطئ من تقبيل قدميك.. ما منعتهاش يبقى كمان انت مش هتمنعنى اني انا اتناول... بس انا جيالك بمشاعر المرأة الخاطئة دي... جيلك بندمى ..جيلك بحالي جيلك بعبلى جيلك بسرتى الوحشه ومشاعري الوحشه ما فيهاش حاجه تستاهل لكن لو كان فيا حاجه تستاهل يبقى انت انا قيمتى منك انت.. انا غالي بيك انت اذا كان على انا ...انا جايب لك الكلام الناس كلها ممكن تتكلم عليك اللى يقولوا شوفوا الرجل الوحش ده جاي الكنيسه ازاي ... ايه الكنيسه دي اللي بتاخد الوحشين انا جايب لك الكلام يا رب بس في نفس الوقت انا متاكد واثق انك هتقبلنى فصول الكتاب المقدس اللى الكنيسه بتقراها لنا مش للمعرفه الذهنيه مش للذه العقليه لكن لتغيير الحياه الكنيسه عايزه تقول لنا ادى المسيح اهو بيعمل كدة احنا نعمل ايه؟؟دة منهجة وفكروا وطريقته انة هو محب للخطاة ..مايجيش واحد فينا يقول ما فيش مني فائده اقول لك اهو بيدينا الفرص.... عشان كده احبائى.. ناخد نصيبنا من الفرص خلى عندك الجراءه وخذ قرارات خذ قاروره طيبك وكسرها مش مهم كلام الناس انا داخل داخل مش مهم الترتيب والاولويات بتاعتك خلاص ما عادش الماضي القديم بتاع الست ده يستمر زي ما هو لا لم اكون كما كنت قبل ..خلاص عشان كده اقدر اقول لك الانسان اللي بيتذوق المسيح بيتغير... فكروا بيتغير وقلبه بيتغير المسيح بينورله ..لان معلمنا بولس قال كده(( ان كان احد في المسيح يسوع فهو خليقه جديده))..انسان اتخلق من جديد يعني كل حاجه في جديدة كدة اتقابل مع المسيح تاخد القلب الجديد دة..... ربنا يدينا نصيب المراه الخاطئة ونقدم له محبتنا و توبتنا ودموعنا و مشاعرنا تحت اقدامه نقدم له اثمن واغلى ما عندنا ونقول له المجد ليك يا من تحتملنا..المجد ليك يا من تقبلنا وتغفر خطايانا ..ربنا يكمل نقائصنا ويسند كل ضعف فينا بنعمتة لالهنا المجد الى الابد آمين

بأسم الاب الابن والروح القدس اله واحد امين تحل علينا نعمته ورحمته وبركته الان وكل اوان والى دهر الدهور كلها امين اخر حد في السنه القبطيه وان شاء الله الاحد الجاي عليكم بخير يبقى الاحد الاول في السنه الجديده شهر توت..🙏🤲 الكنيسه تعودنا لما يكون في اخر السنه كانها بتقول لنا دي نهايه العالم لان الزمن في التدبير الالهي هو للخلاص كل ما يفوت علينا الزمان كل مانفتكر النهاية. ا كل ما يمضي بينا الزمن نفتكر ان احنا الزمن دة لتوبتنا ولتغيرنا واستعدادنا 💪 المفهوم الالهي انا عايش ليه...لية ربنا اداني العمر للحظه دي؟؟ لية السنة دى عدت والسنه دي جايه؟؟ عشان الثلاث كلمات دول.. عشان اكمل توبتي و اكمل استعدادى..وعشان خاطر الزمن يبقى ليا مش عليا.. . .لان ممكن الزمن لما يعدي اكثر القلب يقسى أكثر والخطايا تملك على الانسان اكثر... والعالم وغرور العالم وممتلكات الارض الانسان يتأصل فيها اكثر. . فالكنيسه بتعلمنا خلي بالكم كل ما الوقت يعدى عليكم كل ما المفروض انكم ترتفعوا فوق الامور دى!! وعشان تاكد علينا الحقيقه دى تقول لنا بقى نهاية العالم ..العالم يمضى وكل يوم تقول لنا العالم يمضى وشهواته ..وكل ما تيجي عليك سنة فى نهايتها يكلمك عن الحروب الاوبئه و الاوجاع و الاضطهادات وزوان الارض.وزوان السماء...الارض و.السماء تزول يكلمك عن ان لازم تكون عايش في حاله تأهب ويقذة واستعداد ما اقولة للجميع اقولة لكم..اسهروا يعني..ايه اسهروا يعني عيشوا في يقذة ..يعنى لدرجه ان ممكن لو شخص على السطح مايلحقش ينزل.واحد في الحقل مايلحقش يروح 🤲🙏 الانجيل عايز يرعبنا 💔لا في الحقيقه هو مش عايز يرعبنا . هو عايز يقول لنا بلاش تبقى مخدوع طب ايه القصد؟؟ هي كلمه واحده..☝️ حاله استعداد💪 دائما في بعض مدرسين كده يقول لك في اي حصة هعملك امتحان مفاجئ🙇♀️🙇♂️ يعني لازم تكون مذاكر باستمرار . فى بعض اشغال كده يقول لك في اي وقت هنيجي نعمل تفتيش 🤷♀️يعني لازم تكون مظبط نفسك .. ربنا عايز يقول لنا كده عاوز يقولنا كون في حاله يقذة باستمرار يعني ايه ناس بقى تاخذ العلامات بتاعت الكتاب المقدس ويفضلوا يقولوا..حصلت سنه 2000 كذا وكذا حصل سنة 1600 كذا وكذا حصل الحرب العالميه كانت سنة كذا وحصل مجاعات كذا وكذا حصل زلزال كذا فاضل اية .. هو امتى هيجي قالك ملكوت الله لا ياتي بمراقبه 🤲🤲لو جيت على العلامات ..العلامات كلها بتحصل وبتحصل في اجيال كثير مش فى جلنا احنا. بس.. طب ليه يا رب لسه مستني..يقولك مستني توبتنا...مستنينا نتغير..مستنينا نستعد...أجيال كثير حصل فيها حروب...اجيال كثير حصل فيها اوبئة.. ومخاطر اجيال كثير حصل فيها مجاعات كل ما قيل في الكتاب المقدس تحقق طب ايه المطلوب دلوقتى... ان احنا نعيش الاستعداد ..فى كتاب كده كان نبذة صغيره للمتنيح البابا شنوده اسمها اليقظه الروحيه.. يعني اية اليقظة الروحية....ازاي تعيش حضور الله الدائم ازاي باستمرار تبقى حاسس ان انت دلوقت متيقظ لمجيء ربنا... ومتيقظ لساعه الدينونة .كل يوم الكنيسه تقولك هوذا انا عتيد ان اقف امام الديان العادل ...عتيد يعني سريعا يعني سياتي بسرعه ويقين هي دي كلمه عتيد.... تجمع بين السرعة واليقين ... انا لازم بسرعه اقف امام الديان العادل ...كل يوم وانا بصلي اقول انا لازم وبسرعه اقف امام الديان العادل.. طب اذا كنت انا كل يوم بقول لنفسى كده يبقى معناه ايه... بفكر نفسي العمر المنقضي في الملاهي يستوجب الدينونه توبي يا نفسي.. الكنيسه عايزانا نعيش في حاله يقظة... لنحظر احبائى اننا نفتكر ان العالم دائم و الحياه مستمره ..ولسه بدري هاقول لك لا .. كان في راجل قديس بيقول كلمه وناس كتير تبقى مش فهماها بس هو عايشها... بيقول ايه.. بيقولك زمانوا جاي!! الناس مش فاهمه يعني ايه زمانوا جاي وكلنا عارفين الكلمه البسيطه اللي كان بيقولها المتنيح ابونا يسطس الانطونى.. كان كل شويه يقول لهم الساعه كام...اية الساعة كام؟؟ عايز يقول لهم الساعه...مجيئة امتى ..اذا احبائى علينا أن احنا فى نهاية سنه قبطيه نفتكر ان دة من مراحم ربنا ان ده من احسانات ربنا ربنا متأنى عليناوبيقول لنا انا اعطيكم فرصه طول ما في شمس جديده معناها فرصه جديده ..طول ما فين ربنا يعطينا رحمه جديده وتوبة جديده .. ويفتح لنا ابواب ويكلمنا ويبعث لنا احداث طب ايه بقى يلا نتفطن من نفسنا... نتفطن من محطه العالم محبه الارض ومن عبوديتنا لذواتنا. يلا نتفطن من الخطايا المحبوبه يلا نتفطن الى كل ما نضع يقنا واتكالنا علية... هو ربنا عايز كده .وبعدين طب خلاص بقى الحد الاخير بتاع السنه خلص ... مش هيكلمونا عن نهايه العالم .... لا دى حاجة لازم تكون مغروسه فينا فى فكرنا باستمرار...انة زمانه جاي ..وانة الساعة كام ...وكل يوم نصلى ونقول ننتظر قيامه الاموات وحياه الضهر الاتى... مجيءربنا يسوع المسيح احبائي لمحبية هو مكافئة.. هو مجيئ عريس لعروسه مكافاه فرحه بس للناس اللي عايشه لنفسها وعايشه للعالم مجيئة مرعب لا لا هو مجيئة مفرح ...🤲🙏لان دة جاى عشان يكللنا..عشان يكافئنا ويقول لنا تعالوا الى يا مباركى ابى رثوا الملك المعد قبل انشاء العالم تعالوا.... ملكوتي بتاعكم مجدي كله عايز اعطيه لكم تعالوا عشان خاطر اعوضكم عن احزان العالم تقرا كده في سفر الرؤيا اصحاح 21🤲🙏 يقول لك كده سيسكن معهم يكون لهم الاها ويكونوا له شعبا وسيمسح الله كل دمعة من عيونهم لا يكون حزن ولا ضيق ولا ألم ولا وجع فيما بعد خلاص... احزان العالم دي كلها انتهت يبقى مجيئة ده مجيئى مفرح. يبقى لما يقولولنا نهايه العالم الناس تفرح العالم...نقول امتى بقى؟... كان في ترنيمه زمان تقولك متى يتحقق هذا الامل وياتي اوان الهتاف وتنظر عيني مجد الحمل ..امتى..امتى يارب ربنا يدينا ان تكون حياتنا دى هى رحله استعداد رحلة يقظة.. نقول له يا رب امين تعال ايها الرب يسوع وننتظر قيامه الاموات وحياه الظهر الاتي ربنا يكمل نقائص ويسندك كل ضعف فينا بنعمته ولالهنا المجد الى الابد امين..🤲🤲