العظات
أمومه السيدة العذراء
امومة السيده العذراء هي قالت في التسبيحه هوذا منذ الان جميع الاجيال تطوبني العذراء ام لاربع اشياء
اولا ام للبشريه
ثانيا ام ليسوع
ثالثا ام للكنيسه
رابعا ام لي انا
اولا ام للبشريه:-
ام البشريه هي امنا حواء التي منها اصل كل حي وكل البشريه منتميه الى ابونا ادم والى امنا حواء لكن مثل ما كلنا نعلم ان ابونا ادم سقط بغوايه الحيه والحيه استطاعت ان تخدع اولا امنا حواء ابونا ادم امنا حواء سقطا وكانوا يحتاجوا الى خلاص ويحتاجوا الى فداء فأتى الخلاص واتى الفداء عن طريق امنا العذراء مريم فكانت امنا العذراء مريم هي ام البشريه الجديده ام البشريه القديمه هي حواء اما البشريه الجديده الخلقه الجديده مثل مايقول عليها تسبحة الكنيسة العجينة البشرية الجديدة التى تقدسة فيها لان امنا العذراء انسانة كامله الإنسانية بشرا كاملا فصارت تنوب عن البشرية كلها وكأنها قالت لامنا حواء انتى جلبتى على العالم السقوط وانا سأجلب على العالم الخلاص فصارت امنا العذراء هى العجينة البشرية الجديدة التى اعطت البشرية الفخر ومن ضمن القاب امنا العذراء نقول عليها فخر جنسنا امنا العذراء صارت رأس لعجينه البشريه الجديده عن طريق انها اصبحت ام المخلص الذي اخذ منها جسدا الذي تطلع الاب من السماء فلم يجد من يشبهك ارسل وحيده اتى وتجسد منك امنا العذراء ام البشريه الجديده التي بدأت بها البشريه عجينه جديده .غير العجينه الساقطه او الفاسده السابقه لا صارت ام للبشريه الجديده المجدده التي اعطت للبشريه الرجاء التي اعطت البشريه الحياه فصارت حواء الجديد من ضمن القاب الكنيسه لامنا العذراء انها حواء الجديده ام للبشريه باكملها كل البشريه حتى بما فيها غير المسيحيين وغير المؤمنين يقدروا ان يقولوا ان العذراء ام البشريه بأكملها لكن لو امن بربنا يسوع المسيح تسير امه الله قصد ان كل الأديان تعترف بان الطفل الذي جاء منها اتى منها وهي عذراء لكي يقول لهم هي ليست مجرد انسانه عاديه وهو ليس طفل عادي وهي ليست امه عاديه انها ام للخليقه الجديده ام خليده يقول عنها ام وعذراء فهي صارت راس للبشريه الجديده وام للبشريه الجديده عوض امنا حواء فاصبحت العذراء ام للبشريه الجديده باكملها وكل البشريه ممكن ان تقول انها تنتمي للعذراء ان آمنت بها وآمنت بحبلها الالهى وآمنت بسرها الالهى تاخد نصيبها من أمومة العذراء اولا امنا العذراء ام البشريه الجديده.
ثانياًهى ام ليسوع:-
القدوس المولود منك يدعى ابن اللة ها انتى تحبلين وتلدين ابنا ام ليسوع من هى التى تستحق انها تكون ام ليسوع ؟! من هى التى تستحق انها تكون ام لأب اللة والتى تحمل في احشاءها جمر اللاهوت بنقول ان الاب تبارك والابن تنازل وتجسد منك والروح القدس ظللك لاجل هذا نحن نكرم العذراء جدا ليس لأنها مجرد قديسة ولكن لانها ام للة ام البشرية الجديدة ام ليسوع من يحتمل هذة الكرامة من يحتمل هذا السر العجيب من يحتمل انها تكون ام لابن الله من يحتمل انها تكون ام الله من؟! هي العذراء هي العذراء ام ا الجميع الكنيسه تقول لها انت اعلى من الشاروبيم وأجل من السيرافيم لانك ولدت ابنك وارضعتي ان قولت انك سماء فانت اعلى من السماء كلمات الكنيسه الجميله عندما تسبح السيده العذراء ام يسوع ام ابن الله ام العجينه البشريه الجديده التي صار في احشائها يقول عليها القديس كيرلس الكبير معمل اتحاد الطبائع الطبيعه الالهيه بكامل لاهوتها وجبرتها وسلطانها والطبيعه البشريه بكامل طبيعتها البشريه صار هناك معمل لاتحاد الطبائع سر عجيب في بعض الاباء يتكلموا عن التجسد اسمة سر التجسد الذي داخل احشاء آمنا العذراء هذا سر موسى قدام العليقه وقال اميل لانظر الى هذا المنظر العجيب هكذا امنا العذراء تقول اميل لانظر الى هذا المنظر العجيب ما هذا المنظر العجيب ما هي الكرامه التي فيها والمجد التي انت فيه ما هي البركه والقوه التي انت فيها ؟!هذة هى امنا العذراء ام ليسوع تخيل امنا العذراء وهي تربي يسوع المسيح وهي تولدة وهو يكبر امامها كيف كانت تتعامل معه وهو طفل ماذا كانت تجد فيه وهو ياكل وهو يلعب وهو بينمو وهو يتكلم عشان كده صارت ام ليسوع ايه جميله جدا واما مريم فكانت تحفظ جميع هذه الامور متفكره في قلبها .خذ تدريب لنفسك اجلس اكتب او فكر ما هي جميع هذه الامور ما جميع هذه الامور المتفكره بها في قلبها ما هي ؟! الاقوال او الاعمال او المعجزات او التعليم او المواقف او عمل الرحمه او معاملته مع الاطفال ولا الرجال والسيدات او معاملاتة مع الآباء الرسل كانت تحفظ جميع هذة الامور اكثرسيدة احتكت بربنا يسوع المسيح في كل مراحل حياته هي امنا العذراء طوباكي يا امي ام يسوع
ام لابن الله الطتويب التي اخذته السيده العذراء انظر الى الكرامه انظر الى الكرامه والمجد التي اخذتة امنا العذراء انها حملته على يديها انها سمعت ان ينو والتي طافت به في ارض مصر ورجعت به الى الناصره وعاشت معه جميع مراحل الحياه وجميع الاحزان والتجارب والمحن اجتازتها لحد الصليب عندما قالت العالم يفرح لقبول الخلاص واما احشائى فتلتهب عند نظري الى صلبوتك الذي انت صابر عليه من اجل الكل يا ابني والهي ام ليسوع اي كرامه اي مجد اي اسرار تعرفها امنا العذراء عن ربنا يسوع المسيح لا يعرفها انسان غيرها لا يعرفها انسان غيرها اتضاعها وصمتها وفضائلها التي جعلت ابن الله يستريح ان يسكن فيها.
ثالثا ام للكنيسه:-
امنا العذراء من وهي مع يسوع المسيح تحتك بالاباء الرسل تحتك بالتلاميذ تعرفهم وتعرف طباعهم واصلهم واسرهم وتعرف كل انسان ما هي خلفيته الذي اشتغل صيادواللاوي والعشار والذي من بيئه متوسطه والذي من ابناء الجاه وابنىرعد وابن زبدى تعلم كل انسان وتعلم خلفيته وضعفاته السيده العذراء تعلم التلاميذ والرسل ومواقفهم ونقاط قوتهم والنقاط ضعفهم وكانت سند لهم جميعا في حياه ربنا يسوع المسيح وبعد صليبه وقيامته وصعودة وحلول الروح القدس اصبحوا كل التلاميذ ياخذه القوه من امنا العذراء المشوره من امنا العذراء.يذهبوا يكرزوا ويأتو والذي لديه استفسار او مشكله والذي لديه الم في داخله عندما يريد ان ياخذ مشهوره او يرتاح او يتكلم او يفضفض او لديه شكوى يذهب ويتكلم مع امنا العذراء ام الكنيسه ام الآباء الرسل ولا زالت امنا العذراء هي ام الكنيسه ام الكنيسه هي التي كل التلاميذ يجتمعوا عندها وكل الالام الرسل امنا العذراء كانت تحملها لحين ان ذهبت الى متياس الرسول فى سجن والست العذراء ظهرت له وقالت له لا تخف وقالت له انا ليس احل فقط قيود ايديك لا بل احل حديد المدينه بأكمله يدوب الست العذراء ام الكنيسه ام الكنيسه الام الحنونه للرسول التي تجمعهم عند نياحة امنا العذراء اجتمع التلاميذ اذ وضعت يديها عليهم والتلاميذ بأكملهم حملوها على اكتافهم ظهرت لتوما الرسول وانزلت له الزنار وقالت له لا تشك ذهب الى قبرها ووجد القبر فارغا لكي تعلن انها صعدت احبائي امنا العذراء هي ام الكنيسه باكملها امنا العذراء هي مصدر سلام للكنيسه باكملها هي مصدر قوه للكنيسه باكملها.
رابعاامي لي انا:-
بمعنى لابد ان اتمتع انا على المستوى الشخصي بأمومته امنا العذراء مثل ما فعل ربنا يسوع المسيح مع يوحنا الحبيب .قال له هو ذا امك لابد كل انسان فينا يتعامل مع العذراء على انها هي امه ما اجمل الكلمه التى نقولها كل يوم في الاجبية فانك ام قادره رحيمه معينه يا بخت الذي العذراء هي امه كان أبونا بيشوي كامل كان يقول مسكين الذي ليس له عذراء يكون مثل اليتيم عشان كده اقدر اقول لك لابد ان تتمتع بنصيبك بأمومة العذراء خذ نصيبك من امومتها وتشفع بها وامسك بها وقول لها يا امي يا عذراء خذ نصيبك من امومه العذراء لك انت لحياتك الخاصه انت لشخصيتك انت بمشاكلك همومك والعذراء معينه جدا خصوصا في الجهاد الروحي .وخصوصا في طلب الصلوات خصوصا في طلب العفه كل من يقترن من امنا العذراء اقترن من ابنها الحبيب الكنيسه تقول اشفعي فينا امام ابنك الحبيب ليغفر لنا خطايانا مقبوله هي شفاعتك العذراء امي انا بتمتع بأمومة العذراء في حياتك على مستواك الشخصي كف عن النظريات عيش تدريب ان العذراء هي امك اطلب منها بداله نقول لها ليس لنا داله انت الام الحنونه التي تعرف اولادك ومشاكلهم وهمومهم اشفعي فينا امام ابنك اضمني لي مكان في السماء انت التي تعطينا انت التي تقربينا انت اقرب حد من الرب الاله كلمه منك تقولى لة ليس لهم خمر ابني مش فرحان ابني لديه هموم ارفع عنه عينه في جهاده تشفع بالعذراء في جهادك ادخالها في امورك ليس امورك الارضيه بل امورك السماوية ايضا تعلم من الكنيسه كيف ان تتكلم اجعل العذراء جزء في جهادك الروحي جزء في طلباتك في غفران خطاياك فى استقامت حياتك لكي تريد قلب طاهر اطلب من العذراء لكي تريد جهاد اطلب من الست العذراء وهي كانت محبه للتسبيح وللصلوات كانت كنز في الفضايل اقترب منها خذ من قوتها ونعمتها ومن بركتها هتجد الامر بالنسبه لك اختلف كثيرا خذ العذراء ام خاصه بك انت لا تبعد عنها كثيرا قرب على قد ما تقدر خذ نعمه على قد ما تقدر لا تتركها تمتع بأمومتها خذها ام لك اجعلها تجلس في البيت اكرمها واعمل لها تسابيح وتماجيد وهي تحب الذى يمجدها ويسبحها وهي قالت هو ذا منذ الان جميع الاجيال تطوبني الست العذراء ام للبشريه الست العذراء ام ليسوع الست العذراء ام الكنيسه الست العذراء ام لي انا شخصيا ربنا يمتعنا بامومتها نتشفع بها وناخذ بركتها ونفرح بها ونسبحها ونمجدها ونفرحها وهي في وسطنا تفرح بكنيستها وشعبها تفرح ببرهم وتقواهم وتميزهم في البر الفضيله ويكونوا شهود امناء لابنها تكون هي بالحقيقه ام كل الاحياء ربنا يبارك فيكم ويحافظ عليكم ببركه امنا العذراء تشملنا يكمل نقائصنا ويسند كل ضعف فينا بنعمته ولربنا المجد الدائم الى الابد امين.
المسيح هو الطريق الأحد الخامس من الخماسين المقدسة
الاب والابن والروح القدس اله واحد امين فلتحل علينا نعمته برحمته وبركته الان وكل اوان والى دهر الدهور امين
الاحد الخامس احبائي من فتره الخماسين المقدسه المسيح يعلن نفسة لنا كطريق للحياه تقرا علينا الكنيسه فصل من بشاره معلمنا يوحنا اصحاح 14 عدد واحد يقول كده لا تضطرب قلوبكم انتم تؤمنون بالله فامنوا بي.. في بيت ابي منازل كثيرا والا فأنى قد قولت لكم انا امضى لاعد لكم مكانا وان مضيت واعدت لكم مكان اتي ايضا واخذكم اليا حتى حيث اكون انا تكونون انتم ايضا وتعلمون حيث انا اذهب وتعلمون الطريق .. احنا الاحد ده
حد الطريق احبائى . ابتدا جنى ثمار عمل الفداء تبان وابتدى ربنا يسوع المسيح يهيئنا ويهبنا لصعودة المقدس عشان ياخدنا معاة. للملكوت الابدي ايه هو بقى الطرق .. هيخذنا فين!؟ في بيت ابي ..هنسكن معاة الانسان احبائي المطرود من حضره الله... اللى طرد من الفردوس الانسان اللي بقى غير مستحق لسكنا الارض بقى مستحق لمجد السماء ..إحنا مش طردنا احنا منعنا من الدخول..فى واحد ممكن يطرد ميتمنعش هيقولولوا ... اطلع بره وخلاص ...لكن لا احنا
طردنا ومنعنا...بس عشان ندخل مش هنقدر ندخل ابدا لان احنا اتردنا وممنوعين ..مين بقى اللي هيدخلنا ربنا يسوع المسيح بعملة بفدائة ...معلمنا بولس الرسول النهارده بيقول لنا اية فى رساله العبرانيين اصحاح 10
فإذ لنا أيها الاخوه ثقة بالدخول الى الاقداس يااا بعد ما كنا مترودين !!بعد ما كنا ممنوعين بقى لنا كمان مش بس حق لا ولنا ثقه ...بدم يسوع طريقا كرسة لنا حديثا حيا بالحجاب الجسدى ..عملنا من جسدة امتار نمشي عليها عشان خاطر ندخل بية الحياه الابديه عملنا جسدوا يبقى معبر لينا .اصل هو واخدنا بجسده لما هو صعد اصعدنا معاة لان احنا مخفيين فين موجودين فى ثابتين فى ..فلما قام اقامنا معاة ولما صعد اصعدنا معاة .. عشان كده احبائى الاحد الخامس ده حد الطريق ... اللي يوصلنا للمجد الابدى ..وده الحد اللي بيسبق عيد الصعود ..
تلاقى النهاردة الكاثوليكون. يكلمنا عن رساله معلمنا بطرس الرسول الاولى(( اصحاح 4 عدد6 ))اننا نهايه كل شيء قد اقتربت الطريق بقى اتكشف وبان المعالم وخلاص ابتدا يشاورلك يقول لك خلاص قربنا نوصل اهو
نهايه كل شيء قد اقتربت... طب نعمل ايه ؟؟
فتعقلوا واصحوا للصلوات..
لكن قبل كل شئ لتكن محبتكم بعضكم لبعض شديدة لان المحبه تستر كثرة من خطاياها ...تلاحظ قراءات الخمسين بتركز كثير عن المحبه
اصل انسان قام مع المسيح مش ممكن يكرة..انسان قام مع المسيح مش ممكن يعيش بحسب العتيق في السلوك انسان قام مع المسيح ابتدا يطلب ما فوق حيث المسيح جالس ..ان كان يتكلم احد فكأقوال الله ابتدينا بقى ندخل لعذوبه الحياه مع ربنا لان احنا اقتربنا من الملكوت جدااا ان كان احد يخدم فكانه من قوي يمنحها الله لكي يتمجد الله في كل شيء بيسوع المسيح وفى نفس الوقت بيقول لنا لو وقعتوا في تجارب ما تستغربوش اصل الطريق للملكوت طريق ضيق... لا تستغربوا البلوي المحرقه التي بينكم حادثه لأجل امتحانكم ..كأنةاصابكم امرا غريب بل كما اشتركتم فى الام المسيح افرحوا لكي تفرحوا في استعلام مجده ايضا مبتهجين . بيمهدنا احبائي ان احنا خلاص اقتربنا من افراح المجد الابدى عشان كده واحنا النهارده المسيح هو طريق احناو لازم نعرف رايحين فين ..احنا رايحين المجد الابدى.. احنا رايحين السماء ..اللى رايح مكان دة لازم يكون مشغول بية
اللي رايح مكان ده لازم يكون مشتاق لية.. اللي رايح مكان ده لازم يكون عارفة.. عشان كده احبائي لازم السماء تاخذ من مشغولياتنا كتير والقيامه فتحت لنا باب الطريق .للسماء ..فكر كثير في السماء وفي افراحها وفي لغيتها في اهتمامتهاوسكانها اجعل ليك هناك اصدقاء اتقن اللغه بتاعتها لغه التسبيح والمجد الى الله الدائم.. اقتني ليك اصدقاء في السماء.. اللي انت يكون ليك شفعاء واصدقاء من القديسين
اقتني ليك اعمال السماء اقتني ليك شهوت الملكوت في شهوه احبائي للانسان جوه قلبه للملكوت الانسان اللي بتاكلة شهوه الملكوت بيحتقر امور الارض الانسان اللي جواه شهوه الملكوت تلاقيه مرفوع في السيرة.. الانسان اللي جوه شهوه الملكوت اللي اخذ نور مجد المسيح القائم تبص تلاقيه كده بيعيش زي ما قال معلمنا بطرس نهايه كل شيء قد اقتربت الانسان اللي عايش الملكوت تحس انه الملكوت قريب قوي قوي والعكس الانسان اللي بعيد عن الملكوت يحس ان الملكوت ده ايه بعيد قوي ... بيأجلة.. ويرفض التفكير فى عشان كده في بعض الاباء لما يسمعوا الاية (( ان فى الف سنة كيوم ويوم كألف سنة )) .. اصل الاشرار عندهم ممكن يكون عندهم القيامة عملة زى الف سنة ..لكن الابرار احبائي
الف سنه عندهم عاملة زى يوم الوقت بالنسبالهم .. اللة ملهيهم بفرح قلبهم فتلاقي الوقت عندهم طول ماهما بيقضوا في المسيح يسوع مبتهجين يحسوا الوقت قريب قوي ...ويشعرون باقتراب الملكوت.. جدا وكانة الان كل يوم نصلى ونقول هوذا ان عتيد ان اقف امام الديان العادل
كل يوم نصلى نقولة نتظر قيامه الاموات وحياه الدهر الاتي كل يوم نقول انها الان ساعه لنستيقظ...كل يوم نشعر انا يمكن يكون ده اخر يوم في حياتنا .. شهوة الابديه بتخلينا مش خايفين
عشان كده النهارده المسيح يقول لك اعرف انت رايح فين اعرف انت هتوصل لفين اعرف ان انت متاخذ لمجد ابدي اعرف ان انت في بيت ابي منازل كثيره خذ بالك فى بعض الاباء بيعترضوا على كلمه منازل يقولوا عليها مواضع... اصل المنزل ده معناة سكن مؤقت..منزل جاية من نزيل لكن احنا في السماء مش نزلاء...ده موضع...
في بيت ابي منازل كثيره ...مواضع كثيرة.. يقولوا كده عن اورشليم في عيد الفصح كان يجيلها كل السكان وكان كل البيوت تأجر بس البيوت تتتأجر حسب قربة من الهيكل ففى بيوت قريبه وفي بيوت بعيدة...فى
مواضع كثيرة..اهو احنا في الابديه نكون كده احبائي في مواضع كثيره...ربنا يسوع المسيح راح يعد لنا المكان
إحنا ممنوعين من الدخول لازم ندخل بيه هو دخل بس مش عاوز يدخل لوحدة عاوز يدخل معاة ولاده ..فجاى دلوقتى ياخدنا هياخذنا ازاي؟؟
انا هو الطريق امشوا ورايا تخيل معايا الموكب الجميل ده احبائى ربنا يسوع المسيح بيتقدمنا وكلنا ماشين وراء للدخول للمجد الابدى..حد هيمنعنا واحنا داخلين؟؟ لا ما حدش هيمنعنا لان احنا داخلين معاة .هيقف كدة ويدخلنا كلنا.... هندخل فى حمايته فى عمل فدائة.. في دمه في صليبة.. ندخل معاة للمجد الابدى لازم احبائى نفكر احنا رايحين فين لازم نعرف نهايه المشوار بتاعنا اية... لازم نعرف الطريق بتاعنا دة هنعيشوا ازاي... فكر كثير في الابديه ..
لكى تاكلك غيره اعملها
اللى يفكر في الارض كثير يتحصر فى الارض واهتماماتة تبقى في الارض...اللي يفكر في السماء اهتمامات الأرض تصغر بالنسبالة...
طيب هنروح للسماء ازاى؟؟ يقولك هنروح بية... ما فيش طريق غيره هو الطريق
انا هو الطريق.. تخيل انت كده لما تسال اى واحد على سكة حاجة معينه ويقولك انا الطريق ... تقول له ازاي انت الطريق يعنى؟؟ بس انت امشى معايا.... احنا احبائى المسيح هو القائد بتاعنا واحنا غنم قطيعه ماشين وراء مطمنين واثقين مش ممكن هنتوه.. واحنا معا..مش ممكن.هنضل ابدا ..دة بيبحث علينا.. تعالا كده عايز تدخل المجد الابدي عيش حياته(( ينبغي انة كما سلك ذاك هكذا ينبغي ان نسلك نحن ايضا)) امشي وراء ...امشي ورا كلامه امشى ورا تعليمة ..امشي ورا سيرتة... واحد من الآباء القديسين كان بيقول لربنا يسوع المسيح كده ((يا رب اجعل حياتي حياتك)) ايه رايك في الصلوة الصغيره دي(( اجعل حياتي حياتك ))بس انا الطريق
اية طريق؟؟ تاركا لنا مثالا لكى نتبع خطواته..ما فيش حاجه في حياتنا احبائي نفسنا نعملها او حاجة بتواجهنا الا وربنا يسوع المسيح .وجهها وعملها
لية.. ضيقات حروب عدوات اطهادات ضيقات تخلى خيانه اهانه أوجاع كل ده عاشوا....عشان كده ربنا يسوع بيقولك خليك ورايا انة ينبغى كما سلك ذاك ينبغي ان نسلك نحن ايضا باستمرار راجع خطواتك عليه اجعل حياتي حياتك..جميل احبائى ان الطريق
بتاعنا يبقى واضح مضيئ.. احنا فرحانين ان احنا سالكين فى... باستمرار نقوله عرفني يا رب الطريق التي اسلك.. علمني ان اصنع مشيئتك ارفع قلبك باستمرار ان انت تكون ماشي وراه فعلا احسن تكون ماشي بذهنك او تكون ماشي بذهن الناس او تكون ماشي بذهن العالم..لكن انت ماشي بحسب مسيحك ماشي بحسب كتابك ..ماشى بحسب القديسين
قالك ان لم تعرف الطريق اخرج على اثار الغنم امشي على اثار الغنم وانت تفرح... عشان كده جميل اللي انت تقول لربنا لتكن مشيئتى مشيئتك .فلتتبع مشيئتي مشيئتك
واحد من الاباء القديسين كان يقول لربنا..
ليكن لنا حب واحد او كرها واحد... اجعل ارادتى ارادتك.. عرفني يا رب الطريق التى اسلك.. علمني الطريقه التي اسلك فيها ...روحك القدوس يهديني للاستقامة .. الانسان احبائى اللي يعيش في الطريق ده يبقى نهايته ايه... نهايه المجد الابدي ودى غايه ربنا يسوع المسيح من حياتنا..اية غايتة؟؟ ان نكون معه في المجد الابدى...دة احبائي الحد الخامس الذى يسبق عيد الصعود...اللى بيخدنا ويدخلنا معاة لغاية ما يطمن ان احنا دخلنا جوه المجد الابدي ربنا يدينا فى رحلة
الخماسين ان نثبت في شخصة القدوس ان نتمتع بية كطعام لينا. ان نتمتع بية كنور لينا
ان نتمتع بية كطريق لينا
ان نتمتع بية كمجد ابدى لينا
حتى مانستحق عطية الروح القدس
ربنا يكمل نقائصنا ويسند كل ضعف فينا بنعمتة ..لالهنا
المجد دائما ابديا امين
