العظات

معينين رسلاً له الأحدالأول من أبيب

بأسم الاب والابن والروح القدس اله واحد آمين ..فلتحل علينا نعمته ورحمته وبركته الان وكل أوان وإلى دهر الدهور كلها آمين . تقرأ علينا الكنيسه احبائي في هذا الصباح المبارك فصل من بشاره معلمنا لوقا اصحاح. 10 عن وبعد ذلك عين الرب سبعين اخرين وارسلهم اثنين اثنين امام وجهه، الاحد الاول من شهر أبيب احبائي هو الاحد المتزامن دائما مع عيد الاباء الرسل، عيد الاباء الرسل 5 ابيب يعني اول اسبوع من اديب اول اسبوع من اديب يقرأ علينا الانجيل بتاع.. بعد ذلك عين الرب 70 اخرين، ربنا في البدايه اختار 12 تلميذ وقال لهم اذهبوا اكرزوا الى خراف بيت اسرائيل الضاله ،وبعد ذلك عين 70 آخرين ،الخدمه انتشرت اكثر والكلمه امتدت، وفي نفس الوقت خراف بيت اسرائيل الضاله رفضت الكلمه فلما رفضت الكلمه قال اشوف غيرهم نشوف ناس يكون عندهم استجابه اكثر فاختار 70 ال70 دول كانوا هم البدايه بتاعه حمل كلمه الكرازه ،جميل جدا انه يقول لك ارسلهم اثنين اثنين امام وجهه معروفه انه وجه واحد لو بعد اثنين اثنين كده مش هيعرف يكون الاثنين الثانيين امام وجهة... والاثنين والتلتين ..دة السبعين معناهم 35 اثنين ،يبقى ازاي امام وجهة؟! عاوز يقول لك ان هم باستمرار تحت عين ربنا ..وباستمرار في متابعتة . وبأستمرار خاضعين له.. خاضعين لتعليمه ..ارسالهم اثنين وعينهم ،واحنا بنحتفل احبائي بعيد الاباء الرسل واحنا عايشين ايامهم المقدسه لابد ان نعرف ان احنا كمان لنا تعيين في الكنيسه ربنا معينا كلنا.. اختارنا وباركنا عشان نكون معينين له .. عيننا ليه عشان نكون امام وجهه. عشان نعمل ايه ،،قال لك الى كل مدينه وكل موضع..عاوز ربنا يقول لك انا عاوز ابعث لك في كل مكان ..عاوزك تشهد لي.. عاوزك تتكلم بكلامي.. عاوزك تتكلم بلساني عاوز يكون فيك روحي عاوزك تعلم تعليمي انا مختارك بدايه احبائي المسيحي ..لابد ان يكون عنده يقين انه مختار.. انا مختار ..مصدق ان انت ربنا مختارك ولا لا؟! مصدق ان ربنا معينك..اوعى عدو الخير يخدعك ويضحك عليك ويفهمك ان انت صدفه انك مسيحي.. وان انت عادي في الكنيسه.. وان انت شخص ما لكش اهميه ولا لك رساله ولا لك دعوه لا انت لك تعيين انت مختار الذين سبق فعرفهم سابق فعينهم.. ربنا عيننا احبائي احنا مع السبعين احنا دلوقتي في جيش خلاص ربنا يسوع المسيح.. احنا معينين .عيننا ليه ..عيننا للتبني والابن تملي يكون له صفات ابوه ربنا معينك ربنا معينك عشان يكون فيك صفات ابوك السماوي..لاجل ان تحمل اسمه بين كل الناس.. ازرع الحب ازرع السلام ازرع الهدوء والطمانينه..ازرع كلمة اللة ...ازرع روح صلاة..ازرع في كل إنسان فضيله جميله اتكلم عن المسيح واشهد للمسيح..ياابونا دة انا مشغول انا بشتغل من الصبح بالليل يا ابونا دة انا مهمومه في البيت ده انا من اول ما برفع رأسي لحد ما بنام اقول لك لا انت لازم تعرف انك متعين ،لازم تعرف ان انت عندك رساله اهم من انت مجرد تعيش تأكل وتشرب وتشتغل لا.. في حاجه اكبر من كده بكثير لازم تكون شغلاك ..انك اب للمسيح وسفير للمسيح ..عين الرب 70 اخرين.. من يوم ما الانسان المسيحي بيتعمد وبيدهن بالميرون معناها انه بيكرز يعني بيدشن ،،كان في العهد القديم ربنا بيختار سبط بيقول ده بتاعي ..لكن في العهد الجديد ما قالكش في سبط بتاعى ولا قال لك في مجموعه بتاعتي.. قال كلكم بتوعي.. كلكم ..كلكم اواني مقدسه ..كلكم سفراء وكلكم مدعودين.. عشان تعملوا ايه عشان تكونوا امام وجهه ..عشان تتكلموا بكلامه.. لو انت بتشتغل ولو انتى بتشتغلى..ولو مشغول ما اخليش مشغوليتك تغلب رسالتك الرئيسيه.. ان انت عايش داخل المسيح.. مش ممكن احبائي.. إنسان يكون مشغول بالمسيح وفرحان بالمسيح وشبعان بالمسيح يبقى مهموم او مرتبك بأمور الحياه مهما كان عايش اه بيشتغل اه..بيجاهد اه.. لكن مش مهموم بأمور الحياه لانه عارف انه اقل حاجه بتكفيه.. لان المسيح مشبعة...فنفسه مش داخله في صراعات طلبات كثير.. لانه شبعان.. ومش مشغول بنفسه كثير قد ما مشغول بخلاص الاخرين لان عارف ان دي رسالته ..وعارف انه متعين من ربنا.. تعال اسال واحد زي معلمنا بولس الرسول..تقولة ايه مشكلتك يا بولس ..يقولك انا اذا كان عليا ما عنديش مشاكل لكن مشكلتي اني اعرف كل انسان المسيح وان احضر كل انسان كاملا في المسيح ..ومشكلتي هي مشكله اللي حواليا..من يضعف وانا لا اضعف من يعثر وانا لا التهب.. هذه مشكلتي.. مشكلتي هي مشكله الاخرين ..لكن انا... قال لك كده ولا نفسي ثمينه عندي....المهم اللي حواليا...عشان كده احبائي في عيد الاباء والرسل لازم يكون لينا..دعوه الاباء الرسل ولازم يكون عندنا حياه الآباء الرسل....عين الرب 70 اخرين.. المسيحي مختار ،المسيحي مكرز. المسيحي رسول ،المسيحي سفير، عينهم عشان يرسلهم امام وجهة.. قال لهم تعملوا ايه.. قال لهم ان انتم اذهبوا ها انا ارسل لكم مثل حملان وسط الذئاب، اوعى الحمل يبقى ذئب.. الحمل لابد ان يكون حمل الحمل لابد ان يكون وديع الحمل لابد ان يكون خاضع الحمل لابد ان يكون هادئ ...دى صفات الحملان.. دولة صفات اولاد ربنا يسوع..اللى عاشوا في العالم كحملان وسط ذئاب .كثيرة..صحيح فى ذئاب قامت عليهم وفي ذئاب خطفتهم..وفى ذئاب قتلتهم ..لكن لم يموتوا.. هو كان فكرهم أن الذئاب لما تقتل المسيحيين اللي اتهدوا الكنيسه واطهدوا المسيحيه كان فكرهم هيقضوا عليهم.. لكن ابدا الذئب ما يقدرش على الحمل ابدا.. ليه ؟ لان الحمل مش هيموت الحمل حتى لو مات هيتكلم وحتى لو مات هيبقى في حملان كثيره اخرى ..وحتى لو مات هيبقى شهيد في السماء ..هو دة اللى حصل مع الكنيسة...كل ماكانوا يظنوا انهم هيقضوا ع الكنيسة ويموته شويه من المسيحيين ..يبقى خلصنا من المسيحيين ابدا.... ابدا لانها مسيحيه المسيح.. الخالد والباقي قال لهم انا هجعلكم حملان وسط ذئاب..ومتشلوش هم حاجه لا تحملوا مزودا ولا احذيه ولا تسلموا على احد في الطريق...بمعنى ما تنشغلوش بالكلام والحديث واي بيت دخلتموه ،قولوا سلام لهذا البيت ..اعطوا السلام للكل.. وقيموا في البيت ده.. وبعد كده قال لهم كده ... اخرجوا شياطين.. انا هابعثكم عشان تخرجوا شياطين...ليه ...اصلي في الحقيقه سلطان الخطيه هو سلطان الشيطان ..اول ما الانسان بيتخلص من سلطان الخطيه بيتخلص من سلطان الشيطان.. رسالتنا احبائي ان نخرج شياطين...واحد يقول لك يا ابونا انا ما ليش في قصه الشياطين ده انا باخاف لما بشوف صورهم ..ولو شفت احد في التلفزيون بيخرج شيطان ولا حاجه ولة سمعت واحد علية شيطان ..بخاف...اقولك لا..مش هو المقصود..بكلمة إخراج شياطين بس...انت النهاردة لما تتخلص من روح الغضب اللي جواك .انت اخرجت شيطانا.. انت النهارده لما تتخلص من روح الكبرياء اللي جواك انت كده اخرجت شيطانا...انت لما بتتخلص من روح البغضة والكراهيه اللى جواك انت كده بتبقى اخرجت شيطانا.. انت لما بتتخلص من خطيه مقيداك .وربطاك وشداك لتحت انت اخرجت شيطانا..اذا لما قال لنا اخرجوا شياطين دى دعوتنا احنا.. عارفين احبائي ان العالم موضوع في الشرير.. وانه رئيس هذا العالم.. الشيطان دة رئيس هذا العالم والكنيسه بتتعامل مع النفس إن النفس دي بتبقى ملك للشيطان،و بعد كده بتدخل في مملكه المسيح. لازم ترفضه.. بدليل ان لما نيجي نعمد إنسان حتى لو طفل صغير او لو كبير يبقى في صلاه اسمها صلاه جحد... الشيطان بمعنى ان النفس دتيجي عندها حياه في مملكه الشيطان تقول له اجحدك وكل جنودك وكل شياطينك وكل حيلك المضلة انا برفض ان انا اكون معك برفض.. طيب ما التوبه رفض للشيطان ..التوبه جاحده للشيطان.. التوبه تجديد العهد مع ربنا يسوع المسيح.. عشان كده التوبه هي اخراج الشياطين.. زرع السلام دة اخراج شياطين.. زرع الحب ده اخراج شياطين ..عشان كده اخرجوا شياطين..ر سالتنا في العالم احبائي ان احنا نخرج الشيطان المتسلط علينا.. في شيطان بيقى متسلط على كل انسان .في شيطان الخطيه والشر. شيطان الشهوات الرضية ..شيطان العبادات المرزوله.. شياطين في شياطين.. ربنا يسوع ارسل تلاميذة دول عشان يعملوا ايه؟! يخرجوا شياطين...قال لهم انا اعطيتكم سلطان ان تخرجوا شياطين.. يا ابونا هو انا عندي السلطان دة؟ اقول لك صدقني عندك..ازرع كلمه حب تلاقيك اخرجت شيطانا...صلى لاجل انسان تخرج شيطان..اسعى انك تسجد قدام الهك لارضاءة...انت اخرجت شيطان..الجحود. ..قول كده انا عاوز اصلب جسدي شويه واصومه زياده شويه ..واجعله يتروض شويه.. انت كده اخرجت شيطان..سلطان الجسد.. اذا لازم تخرج شياطين..عندنا سلطان ..قال ...انا اعطيتكم سلطان ان تدوسوا حيات و عقارب.. وكل قوات عدو...انا معطيكم هذا السلطان ...السلطان دة عندى يا ابونا؟! اقولك طالما ليك اسم المسيح..المملوء مجد..انت هتخرج بايه ؟ انت هتخرج بأسم يسوع بعلامه الصليب ..وبشفاعتة القديسين ..ارشم على نفسك علامه صليب ردد اسم يسوع.. اتشفع بواحد زي الملاك ميخائيل رئيس جند الرب...تلاقي الشياطين انهزمت.. وانحلت وذالت.. قال لهم اخرجوا شياطين واشفوا مرضى...مش مجرد شفاء مرضى يعني مثلا اي واحد مريض يخف. مش هو ده المقصود انت ممكن يكون انسان مريض تقول له كلمتين يعزوه انت كده شافته من الداخل.. ما ممكن يكون هو التعب النفسي اللي هو فيه تعبه اكثر من التعب العادي.. ممكن يكون التعب الجسد ده يكون جاب له تعب روحي..يقول ربنا سايبني وانا مش عارف ربنا بيعمل لية معايا كدة...انت لما تقول له كلمه ربنا وتعزيه وتسنده وتقويه.. في وقت زي ده.. انت كده شفيت مريض، في الاخر عشان ما نطولش ..يقول لك..وبعد ذلك حدثه بكل ما فعلوا...كل يوم لينا احبائي..لينا رساله،، كل يوم ندرك ان احنا مدعوين ان احنا معينين..ان احنا مختارين ..نخرج شياطين كل يوم وفي اخر اليوم نرجع نحدثه بما فعلنا ..يعني ايه.. يا ريت كده كل يوم تحاسب نفسك.. وتقول له انت عملت ايه في اليوم..وفى اخر اليوم قل له يا رب انا عملت في الموقف ده كذا وكذا زي ما انت قلت بالضبط..و الموقف ده انا ما قدرتش اعمل فيه زي ما انت قولت..وانا الموقف ده عملته والموقف ده ما عملتهوش ..حدثه بما فعلت كل يوم كل يوم اتكلم مع ربنا وقل له على اللي عملته واللي ما عملتوش واللي كان نفسك تعمله وايه اللي تتعهد ان انت تعمله بكره.. وايه اللي تطلب نعمه وقوة ان ربنا يعطيه لك.. عشان تعمله بكره. قول له يا رب قويني انا اعمل كذا كذا انا نفسي اعمل كده بس انا ضعيف مش قادر نفسي افتح قلبي نفسي احتمل اكثر نفسي اصلي لك اكثر نفسي اكلم الناس كثير عنك بس مش قادر مش عارف او ممكن اكون انا اللي ما فيش الجرأة اني اتكلم عنك.. او بصراحه ممكن اكون انا مش فرحان بك للدرجه اني اقدر اتكلم بها عنك و ممكن تكون اعمالي ما بتشهدش ليك ان انا اتكلم عنك..ساعدنى حدثوا بما فعلت.... في اية فى سفر اشعياء حدث لكي تتبرر ...حدث لكي تتبرر اتكلم مع ربنا حدثوه بما فعلوا..اتكلم مع ربنا عن همومك واوجاعك وامنياتك طلباتك حدث أتكلم..حدثوا حد صوت ما فعل كلمه عن احتياج بيتك كلمه عن اولادك كثير كلمه عن اخواتك كلمه عن كل احبائك ...اكيد الاباء الرسل حدثوا عن كل مافعلوا ..اكيد قالوا له...اكيد قالوا له المدينة الفولانيه دى مدينة جميلة..قبلت اسمك بسلام، ،وفى منها عدد كبير دخلت الإيمان...وواحد يقول له ،ده حصل فيها واحد يا ربنا يسوع عمل كذا واحد ثاني يقول له بس بصراحه كان في ناس قومتنا وتعبونا ،،واحد ثاني يقول لك بس في ناس عزتنا وقبلونا ،،واحد ثاني يقول لك في ناس استضافتنا، واحد ثاني يقول لك في ناس قوتنا واحد يقول لك كان في ناس مدبرة لينا مكيدة وانقذونا ....حدثوا بما فعلوا...اتكلم مع ربنا.. اذا احنا احبائي بأحتفالنا بالاباء الرسل..لازم نحس ان احنا معينين، لازم نحس ان احنا لنا رساله، رساله ان احنا نشهد للمسيح، المسيح الملك ،الذي اخترنا ان نكون قديسين وان نكون تلاميذه .. وان نكون رسلة واولادة.. ولما خرجنا .خرجنا واعطانا سلطان، وقال لنا اي بيت دخلتموه وقولوا سلام، وخلي بالك ان انت تعيش في العالم كحمل وسط ذئاب، اوعى يغريك ان الذئب شرس وتبقى عايز تبقى ذئب...الحمل حمل.. الصفات الوراثيه بتاعه الحمل .حمل.. شخصيته كده صفاته كده وضعه كده. انت حمل اوعى تشتهي ان تكون ذئبا، انت حمل وفي الاخر اخرج شياطين. اخرج شيطان الغضب اخرك شيطان الخوف والقلق .اخرج شياطين.. خرج سلطان خطيه...واشفى مرضى،، في الاخره حدثوا بما فعلت... كل يوم قدم له تقرير عن نفسك.. لحد ما تكون تعودت الوقوف امامه والحديث معه وعنه لكي ما يكون لك مجد في السماء .ربنا يكمل نقائصنا ويسند كل ضعف فينا بنعمته ولالهنا المجد ابدا آمين

الجهاد والنعمه الاحد الرابع من ابيب

بأسم الاب والابن والروح القدس آله واحد آمين . فلتحل علينا نعمته ورحمه وبركته الان وكل أوان والى دهر الدهور كلها آمين. الاحد الرابع من شهر أبيب. تقرأ علينا احبائي الكنيسه في هذا الصباح المبارك ،فصل من بشاره معلمنا يوحنا ،اللي هو اقامه لعازر من الموت، ربنا قادر على كل شيء قادر انه يشفي المريض وقادر ان يقيم الميت وقادر ان يقيم الميت الذي تسلط عليه الموت بعد اربعه ايام ، معجزه اقامت لعازر مليئة بالمعاني الروحيه الجميله، لكن يوجد معنى في المعجزه عاوزين نركز عليه مع بعض شويه النهارده، وهو ما بين الدور الإنساني وما بين الدور الالهي او زي ما بيقولوا لنا الاباء القديسين عن الجهاد والنعمه، في دور إنساني الدور الإنساني ده يبان في مريم ومرسى الذين ذهبوا الى الرب يسوع يقولوا له، يا سيد هوذا الذي تحبه مريض بعثوا له ،وبعدين هو تأخر عليهم ما جاش.. يقول لك ،ومكث يومين في الموضع ،طب يا رب يعني هما بعثوا لك مخصوص واحد مشى لك مشوار تقريبا يوم،، عشان يقول لك ان لعازر تعبان، يعني معناها ان الحاله خطيره. المفروض تسرع.وتاتى لكن هو بيقول لك ..مكث بعدها يومين.. بعدها قال لهم وهو لسه متحركش من هناك ...لعازر حبيبنا نام .فظنوا.انة يتكلم عن ركاد الموت ..وابتدى يرجع لهم ثاني السكه تأخذ يوم على ما يرجع يبقى كده بقى له اربع ايام ..اربع ايام رايح لهم.. فطبعا كان مريم ومرسي خلاص فقدوا الامل ،قالوا له لو كنت ها هنا لو كنت. لو كنت لحقتنا وجيت ما كان مات اخي ،قال لها اخوك هيقوم ..قلت له ما انا عارفه انه هيقوم بس هيقوم فين في اليوم الاخير... لسه بدري انا عاوزه دلوقتي ..قال لها انا هو القيامه و الحياه من امن بى ولو مات فسيحيا.. قالوا لهم..اين وضعتوا..فذهبوا بة الى القبر..قال لهم طب ارفعوا الحجر ،فرفعوا الحجر، الكلام ده كله يمثل الدور الانساني، الدور الالهي اللي هو ايه بقى،، لعازر هالم خارجا، خرج الميت وهو مربوط اليدين والرجلين.. لقينا ربنا يسوع بيقول لهم حلوه وضعوا يمضى..طب ماانت اقمت الميت حلوا انت؟! اللى يقيم الميت ما يعرف يفك شويه رباطات قماش؟! الموضوع يعني بسيط.. قالك لا.. في دور إنساني..في دور على الإنسان ،احنا احبائي في حياتنا لازم يكون لنا دور جهاد لكن اللي هيقومنا هو ربنا، لكن لازم انا الذي اطلب لازم انا الذى اصرخ. انا اقول له يا سيد هوذا الذي تحبه مريض، لازم انا اللي اروح له واسجد له لازم انا الذى ارفع الحجر، من على باب القبر لازم انا اللي اكشف له ضعفي لازم انا اللي اكشف له موتى، لازم انا اللي اكشف له خطاياي ،لازم انا اللي اقوده الى موضع موتي انا ،،في دور انساني احبائي.. الصعب على ربنا يسوع هو اقامه الميت ..دة الدور المستحيل،دة الدور الي انا ما اعرفش اعمله ابدا ،لكن. الدور الإنساني ربنا لم يطلب منى فوق طاقتى..ربنا عاوزك انك تطلب تجاهد تصرخ انك تتألم من خطاياك..انك ترفضها...انك تكون عاوز تقوم منها..وبتترجاة وتتوصل الية. وتصرخ لة وتسجدلة...وهو الذى يقيم فى الاخر .. بس ما ينفعش ابدا هو يقوم من غير ما تكون انت عاوز ما ينفعش هو يجي من نفسه كده ويروح رايح عند قبر لعازر ويقوم لعازر لوحده خالص من غير ما احد يطلب منه.. لا ...لازم احد يطلب. لازم يكون في دور انساني.. القديس اغسطينوس يقول لك ان الله الذي خلقك بدونك لا يقدر ان يخلصك بدونك لازم انت تطلب ..انت ارفع يدك انت اسجد. انت اصرخ قل له ارحمني قومني.. توبني غيرني.. انت اللي تعطيني القوه دي والنعمه دي.. انا هطلب.. والكنيسه تقول لي صوم اصوم حاضر..دة قليل جدا دة ولا حاجه... ده شيء بسيط ..مجرد تعبير من جوايا على ان انا بإن من جسدي .انا عاوز اضبط جسدي فالكنيسه قالت لي اصوم..اقول حاضر..لكن ثمر البر هيتزرع فيا من ثمار عمل الروح القدس بداخلي.. بس انا بتجاوب مع النداءات..الالهية .. في دور عليا وفي دور عليه. ارفع الحجر بسيطه. حلوا ودعوا يذهب بسيطه.. لكن جوهر الامر اللي هو اقامه الميت نفسه. ده بتاعه هو. التغيير في حياتنا احبائى..ازاى طبعنا يتغير..ازاي الانسان يكف عن خطاياه ..دة امر ممكن يكون صعب جدا على الانسان.. ده عمل الله جوانا.. بس مش ممكن هناخذه من غير ما نكون بنطلب اسألوا تعطوا اطلبوا تجدوا اقرعوا يفتح لكم.. ما ينفعش ابدا ما ينفعش ابدا يفتح ولا يعطينا شيء ولا يجاوبنا من غير ما نسأل ونطلب ونقرع. لازم يكون علينا احنا دور..فى دور علينا احبائي ..الدور بتاعنا ده نجتهد ان احنا نكون امناء الى النهايه لما جاء ربنا يسوع المسيح يشبع الجموع... انت الرازق ومعطي جميع الخيرات ..كلمه منك تأكل الكل...قال لهم لا انتم عندكم ايه؟ احنا عندنا حاجه صغيره..هاتوهاا اللي عندكم..مش هى امكانيتكم..مش هو ده دورك..هاتوا وانا اشتغل..يلرب انا وقتي ضيق ما باعرفش اصلي كثير وما عنديش كلام كثير وما عنديش جهد كثير.. لو سمحت قدم اللي تقدر عليه ..ما فيش حاجه اسمها ما تقدمش خالص ..قدم اللي تقدر عليه.. القليل اللي عندك ربنا يبارك فيه.. قدام الخمس خبزات والسمكتين بتوعك عشان هو يشتغل.. زمان ايام اليشع النبي جاءت له امراه قالت له انا جوزي مات وعليه دين والراجل اللي جوزي خذ منه الدين بيطالبني بالدين ولان الدين كبير قال لي لو ما ادتنيش الدين هياخذ منك اولادك بدل الدين...فذهب تصرخ له..اليشع قال لها..وانتي عندك ايه تقدري انت تعملي ايه ؟ قالت له ما عنديش حاجه انا ارمله ..غلبانه.. قال لها لا انتى عندك ايه قالت له ما عنديش ...لو اقول لك مش هتصدقني عندي في بيتي شويه زيت صغيرين قد كده ...وريني انت بقى هتعمل ايه..فقال لها..عندك اوعيه فارغة؟ قالت له عندي وآعين ثلاثه قال لها لا.. خذي شويه اوعيه من جيرانك . على قد ما تقدري مش مهم لما تقولي لجارتك اعطيني حلة فاضيه.. قال لها خلي بالك.. ما تقلليش . هاتي اوعيه زي ما انت عاوزه.. ابتدت تجمع اوعية هى واولادها...وظلت تشحت اوعيه تشحت اوعيه وبعدين؟ قال لها اقفلي الباب..فقفلت الباب...فقال لها ابتدى صبي الزيت في الاوعيه... انهو اوعيه ..دى دهنت زيت.. دهنه زيت .ابتدات تصب في الوعاء ده ..في الانيه اللي جمعتها تلاقي اول اناء امتلئ..ولسة دهنة الزيت موجوده.. وبعدين في الثانيه في الثالثه..فى الرابعة...ظلت تملأ كل الانيه اللي عندها وكل الانيه امتلأت...واول مااصبح ما فيش إيناء . الزيت واقف يعني لو كانت جمعت انيه فاضيه اكثر تانى..كانت ملئت ايه ثاني.... قال لها بيعى الزيت ده.. بقى وسدى الدينون اللي عليكي...اذا لازم يكون عندي انا دهنة زيت صغيره اقدمها.. لازم اجتهد واجيب اوعيه فارغه ..وهو يكمل انا يا رب ما عنديش حاجه بس قلبي بيحبك حلو جميل قدم لي قلبك دة ...انا يا رب ما عنديش حاجه.. لكن اقدر اقول لك ارحمني...جميل ..قولها بس يا ريت ما تقللش..قولها كثير بلاش تقلل. قولها كثير.. اطلب كثير.. بلاش تقلل.. بلاش تبقى الحاجه في يدك وتقول لي ما اعرفش.. لا.. لان اللى أنا هاعمله معك ده المستحيل ..مش معقول يعني انا هاعمل معك المستحيل اقوم لك الميت، وانت مش عاوز ترفع الحجر. تقول لي اصلي ثقيل ...ثقيل... الحجر ثقيل ولا الموت هو اللي ثقيل؟! الموت هو اللى ثقيل..الخطيه هي اللي ثقيله...لكن واقفة صلاة ...دى تقدر عليها..ماتقوليش مااقدرش...صرخة من اعماق قلبك...ماتقوليش مااعرفش لا...... دي تعرف... وتعرف كويس قوي... بدليل لما انت لما بتتظلم في حاجه ولا بتتضايق من حاجه بتعبر عن مضايقتك دي.. طيب ما انت الخطيئه غلباك..ما تعبر ..لازم يكون عندك الدور البشري عشان الدور الالهي يبدا يعمل... ربنا ما يشتغلش ابدا احبائي مع انسان مستلقي على ظهره ولا يطلب ولا يسال ولا يقرع ولا يريد لا لا لا ربنا عاوزك.. انت ...عشان كده القديسين يقول لك فضائل كثيره تريدك ولكنها تريدك ان تريدها ...فضائل كثيره تريدك ولكنها تريدك ان تريدها...فضائل كثيره نفسها تملئك ...محبه من الله ..محبه تغفر للمسيء.. محبه تتخطى الميل الاول والثاني ..محبه بلا حدود بحسب قلب الله.. بس انت عاوزها ولة لا ..انت عاوزها ولة لا... انت عاوز يكون عندك قلب رحيم..انت عاوز يكون عندك قلب بحسب قلب ربنا..طب اطلب وشوف ربنا هيعطيك اية...شوفنا فى القديسين احبائي...شوفنا قد ايه لما طلبوا اخده بفيض... لدرجه ما كناش مصدقين نقول يا رب هو في بشر كده... احنا يا رب بنتعب لما بنسمع الحاجات الكبيره قوي دي.. اقول لك لا ما تتعبش اصل ده من عندي انا اوعى تفتكر ان دة من عندهم... بس هما كانوا بيطلبوا هما كانوا عاوزين... ما تتخضش.. تتخضش لما واحد يبيع كل مالة...هو كان عاوز ..وانا اللي كملت وانا اللي سند ... ما بتتخضش لما واحد يقولك باع نفسه.. عشان يعطى ثمنه للفقراء ...اصل هو بس كان عاوز.. وانا اللي كملت... انا اللي عملت الحكايه الصعبه دي.. مش هو.. عشان كده قال لك بدوني لا تقدروا ان تفعلوا شيئا ...جاء التلاميذ عاوزين يصطادوا طب ما ممكن يا رب..و هما واقفين كده من على الشط تروح مالي لهم المراكب بتاعتهم سمك... ويلا وكلوا وبيعوا...قال لهم لا ادخلوا ...ادخلوا اه لازم انتم تدخلوا لازم انتم تلقوا شباككم.. لازم انتم اللى تدخلوا للعمق.. وتوعوا..واسمعوا الكلام واتعبوا شويه.. قالوا له ..احنا تعبنا.. قال لهم لا اتعبوا ثاني بس على كلمتي.. بصوا..وجدوا صيد كثيره جدا بس.. كان لازم هم يتعبون ولازم يلقوا الشبك ..ولازم يسمعوا الكلام ..اهو احنا كده احبائي.. لازم يكون لينا دور رافعين أيادي طاهره نقيه امام الله... ربنا احبائي عاوز يصنع فينا عجائب عاوز يغيرنا ويقومنا من موت تسلط علينا لدرجة النتانة...ربنا عاوز....لكن احنا عاوزين ولا...لا..عاوز يشوف فيك الرغبه دي عاوز يشوف الاراده دي.. عاوز يشوف فيك الصرخه دي.. يا سيد هوذا الذي تحبه مريض ...اسجد له.. تضرع الية ..واطلب بقلب اطلب بصدق.. اطلب بثقه ..ولما يقولك ارفع الحجر....لما يقول لك ربنا اقراء فى الكتاب المقدس قل له حاضر... الموضوع مش صعب احبائي فاكرين.. عندما ذهب الرجل الابرص لالِيشع النبى. قل له نعمان السرياني انزل اغتسل في النهر سبع مرات. الراجل زعل بقى انا مسافرلة بلاد عشان يقول لي انزل استحمى في النهر؟! كنت استحميت في بلادنا انا جاي له عشان يصلى من اجلى و يلمس لي جسدي الابرص ده بيده. لاني اسمع انة رجل تقي ويخاف الله يعمل معجزات.. جاي له يعمل لي حاجه احس ان هو بيتلامس مع براصي.. يقولى استحمى في النهر ؟ وحتى بعتلة من غير ما يقابلة.. رفض ..فالغلمان بتوعه.. قال له يا سيد ما طلبش منك حاجه مستحيله ده بيقول لك انزل استحمى في النهر...هو لو كان طلب منك حاجه صعبة كنت ماتعملهاش . ده طلب منك حاجه بسيطه قوي ..انزل يلا كده قال لهم طب خلاص عشان خاطركم .. نزل استحمى فى النهر سبع مرات ...بيقول لك بقى جسدة كأنة جسد طفل صغير.. اقول لك اعمل اللي عليك..طيع الكلمه..يقولك شكرا لله لانكم اطعتم من القلب صوره التعليم التي تسلمتوها ..طاوع الكلمه اعمل الجزء بتاعك.. سيب على ربنا الباقي ربنا بيقول لك ارفع لي قلبك بإستمرار ..قول له حاضر..يقولك انا بقى هعطيك قلب طاهر..نقى ... ربنا بيقول لك ارفع لي ايدك ربنا بيقول لك مجرد ان انت تقدم النيه دي ..هتلاقي حاجات كثير جدا بتتغير جواك تاخذ انسان جديد ..تاخذ صفات جديده بحسب خالقك .. ايه العجب ده... ايام يشوع ابن نون وموسى النبي كان في حرب مع عماليق ..يشوع عمال يحارب في الارض تحت..والعماليق دول جبابرة حرب متسلطين واقوياء جدا... والحرب ثقيله جدا على يشوع ..فحسوا ان هم هيتهزموا فبعتوا لموسى قال له الحقنا ...قال لهم اعملكم اية...قالوا ما نعرفش بس احنا بنتغلب.... قال لهم اصلي من اجلكم قالوا له اه لو سمحت صلى لنا ..ابتدى موسى يرفع يداة ويصلى ...اول ما موسى يرفع يداه... الكفه بتاعت الحرب بتختلف تماما ..يحصل ان الجيش يشوع يكون اقوى واكثر وكفته هو الراجحة عن جيش عماليق..وبعدين موسى. يتعب...لانة اعد له ساعه او ساعتين رافع يداة...راح منزل ايده ريح شويه.. اول ما يريح شويه يتغلبوا... قالوا له الحق الحقنا احنا بنتغلب قال لهم معلش كنت بريح شوية...قالوا له..ما تنزلش ايديك ثاني.. لدرجه انه عملوا ايه معه جابوا له اثنين يسندوا لة ايدة .. من اليمين ومن الشمال.. ايه العمل في ناس بتصلي وناس بتحارب.. في جهاد وفي نعمه ..الجهاد الناس اللي بتحارب والناس اللي بتصلي ده عمل النعمه.. ربنا عاوز يعطيك نصرة ..لكن عاوز يقولك ارفع يديك.. ده موضوع بالنسبه للنصره موضوع قليل بيقول لك ارفع الحجر..دة موضوع قليل.. مين اللي هيقوم الميت مين اللي هيعمل العمل الصعب..مين اللي هيغير مين اللي هيعطي الفضيله.. مين اللي هيعطي الحياه الابديه.. اللي احنا منستهلهاش ابدا ..هو ربنا ..لكن بيقولك جاهد.. شويه الايام بتاعتك اللي انت عايشها دي ..عيشها من اجلي ...دة عمل بسيط....قصاد اللى هتخدوا..دة مجرد هترفع حجر .. مجرد انه بيقوم لك الميت وبيقول لك حلة ...اتمتع انت بقى بالبركات دي خلي عندك الدور بتاعك ده انت تعمله.. ربنا بيقول لك هات بذرة حطها في الارض.. حاضر لكن ازاي بقى البذره دي جوه الارض.. هتكبر وتنبت وتطلع ثمر.. اهو ده الموضوع الصعب.. ده موضوع بتاع ربنا ..لكن البذره ان انت تجيبها وتحطها في الارض وتسقيها ده بتاعك.. لكن نمو البذره دة بتاع ربنا... احيانا احبائي الناس تتطرف شويه..يقول لك لا لا الموضوع كله على ربنا ..بالنعمه انتم مخلصون..اه الموضوع كله على ربنا فعلا انا متأكد ان على ربنا بس مش ممكن البذره تكبر من غير مزرعها اساسا ..مش ممكن ان الفضيله تنمو جوايا من غير حتى ما يكون جوايا حتى اشتياق للفضيله دى... مش ممكن مش ممكن الميت هيقوم من غير ما اقول له قومه من غير ما اطلب لا صحيح النعمه هي اللي هتعمل ولما معلمنا بولس قال بالنعمه انتم مخلصون فعلا النعمه هي اللي هتخلصنا احنا ما نقدرش نخلص من غير نعمه ربنا ...لكن لابد يكون لنا تودد الى النعمه طلب للنعمه سؤال للنعمة...وكل اعمال الانسان مهما كانت هي قصدها عمل ربنا ولا حاجه.. بس المهم ان ربنا يشوف فيك الدليل ..يشوف فيك الدليل بتاع محبته ..عاوز يشوف فيك الرغبه تخيل انت كده لو ربنا اعطى كل الناس كل حاجه من غير ما يطلبه طب ما الناس هتبدد الحاجات اللي بتاخذها دي لازم العطيه دي تكون مقابلها طلب او رغبه ..عشان خاطر يشوف الانسان ده هيحافظ عليها ولا لا اللي بيطلب الحاجه احبائي بيكون حبيبها بيكون طالبها تلاقيها متمسك بيها... لعازر هالما خارجا هي دي الكلمه اللي احنا عاوزين نسمعها النهارده نخرج النهارده واحنا فرحانين بس في نفس الوقت لازم تخرج مننا..انات ..انات على الاقل بتقول له يا رب قومني يا رب اشفيني يا رب افتقدني يا رب غيرني انا محتاجه جدا يا رب اعنا يا الله مخلصنا ليس لنا معين اخر سواك...إننا قد تمسكنا جدا ..احنا يا رب ضعفاء قوي لكن بنحط ضعفنا ده قدامك بنضع مرضنا قدامك ...بل نضع مُتنا قدامك .نضع نتنتا قدامك واثقين ان كلمه منك تقوم كلمه منك قادره ان هي تشفي وتغير اوعى تهمل الدور اللي عليك اوعى لو عملت الدور اللي عليك تتكبر.. لانه مهما عملت أحنا عبيد بطالين.. مهما عملنا هو صاحب الفضل الاول والاخير ...قالك منه وله وبه كل الاشياء ما تهملش الدور اللي عليك ..الكنيسه لما تقول لك صلي صلي لما تقول لك صوم .صوم لما تقول لك ارفع قلبك ارفع قلبك رغبة الحياه الجديده رغبه التغيير لازم انت تعبر عنها باستمرار عشان ربنا يتحنن عليك وينظر الى اشتقاقات قلبك ويعطيك حسب قلبك....ويعطيك بحسب قلبة هو ..غنى وقوة ومجد..ربنا يكمل نقائصنا ويسند كل ضعف فينا بنعمته ولالهنا المجد الى الابد امين

السيدة العذراء فى العقيدةالأرثوذكسية الأحد الثالث من مسرى

بأسم الاب والابن والروح القدس اله واحد آمين فلتحل علينا نعمته ورحمته وبركته الآن وكل اوان الى دهر الدهور كلها آمين النهارده الاحد الثالث من شهر مسره..ه ودائما بيجيء الاحد الثالث يتزامن مع عيد صعود جسد السيده العذراء ،عشان كده تقرأ علينا الفصل ده.. عندما كان يعلم.. وكان الجمع جالسا حولة...فقالوا لة ...هوذا امك واخوتك خارجا يطلبونك. فاجابهم وقال ..من هي امي واخواتي.. هوذا امك،، السيده العذراء وقفت في الخارج بتطلبه،الست العذراء احبائي لها كرامه كبيره جدا في الكنيسه، مهم جدا ان احنا نعرف كرامه الست العذراء في الكنيسه مش لمجرد ان هي قديسه ،لا احنا مش بنكرم العذراء لقداسه العذراء فقط ولكن بنكرم العذراء لانها ولدت لنا الله الكلمه بالحقيقه، بنكرم السيده العذراء لانها والده الإله ..فأحنا سر تكريمنا للسيده العذراء مش لمجرد اتضعها او عفتها او صمتها او صبرها او احتملها او طهارتها او نقاوتها ،، في حاجات ثانيه اهم من كده بكثير، لانها مش مجرد قديسة عاشت طريق القداسه..لا هي اعلى من كدة بكتير...هى والده الآلة ..عشان كده لو جاء احد شكك في قديس ممكن يعني ما نتضايقش قوي ،يعني يجي واحد ..يقول لك .القديس ده اقوى من القديس ده. ولا انا بحبه القديس ده اكثر من القديس ده.. نقول له وماله كلهم قديسين ما في مشكله.. انا شفيعى ابو سيفين..واحد تانى يقولك مارجرجس...واحد ثالث يقولك مارمينا...اقولة كلهم كويسين وحلوين، المهم انك تحب القديسين.. لكن لو جاء واحد مس السيدة العذراء..ف حاجة..اقولة لة لا كلو الا دى...لانها مش مجرد قديسة عادية، لانها امه الإله..عشان كده يوم ما جاء احد يشكك في الست العذراء شويه الكنيسه كلها اتقلبت ..وقال لك نعمل مجمع .ليه ..طب ليه لما يجي يكلموا على اي قديس ثاني ما ننزعجش كدة؟! اصل اللى يتكلم على العذراء. يبقى بيتكلم عن ابنها..واى مساس بالعدراء، هيمس المسيح. يعني مثلا لو قلنا الست العذراء مش ممكن تولد الالة ...دي ولدت لنا بس الإنسان ...اول ما يتقال ان دي ولدت الانسان بس كده.. من غير ما يكون اله..كده احنا مش مشكله ان احنا جرحنا العذراء فى حاجة. المشكله ان احنا جرحنا العقيده المسيحيه نفسها،، لان كده .مابقاش المولود منها الآلة المتجسد. طب افرض احنا زودناها شويه وحبينا نكرم العذراء زياده ،ونقول دي مش بشر نقول عليها ان هي نازله من السماء.. دي حتى الحمل بتاعها اللي هي الطريقه التى حُبل بهآ العذراء نفسها.. ابوها وامها يعنى...دى جاءت من غير زواج.. والعذراء دي حاجه فوق كل الناس.. نقولة لا خد.بالك ،،لو كرمت العذراء زياده قوي كده..وقولت انها مش بشر. يبقى انت كده مسيت موضوع الخلاص .. يعني كده اللي جاي منها مش بشر.. لان هي مش بشر.. فلو قولت على الست العذراء ان هي مش بشر يبقى الجاى منها مش بشر ..يبقى مش هيفدى البشر ..يبقى لو جبتها اقل من كرامتها ..تبقى اذيت العقيدة...ولو علتها فوق كرامتها يبقى انت كده برضه اذيت العقيده...اى مساس بالعذراء هيمس العقيده المسيحيه نفسها ...عشان كده احنا مش بنكرم العذراء انها مجرد قديسة...لكنها مجرد جزء من عقيدتنا المسيحيه،، والده الإله ....اي قديس ممكن ممكن ناس تحبة اكتر...على سبيل المثال..ممكن احنا في اسكندريه نميل لمارينا ،للبابا كيرلس ..ممكن ناس في الصعيد يميلوا مثلا .. لشهداء اخميم يحبوا قوي الانبا شنوده والانبا بشاي، بيميلوا لهم جدا ..وما فيش مشكله ..تلاقي فى بحرى يحبوا الست رفقه..والست دميانة....كويس خالص مش غلط.. لكن نجيء عن الست العذراء ونقول لا.. دي مش بتاعه انتماءات كده ولا كلام كده ولا اهواء خاصه ..دي.بتاعه المسيحيه كلها.. لان اللي هيشكك في قداستها وطهارتها...يبقى شكك في العقيده المسيحيه نفسها غير اى قديس تانى...اى قديس اخر متروك لك حرية الاختيار...اتذكر مره سألوا سيدنا البابا ، بيقولوا له يا سيدنا في قديسه لسه ما كناش نسمع عنها كثير قبل كده.. اسمها القديسه مهرائيل.. عاوزين نسمع رأى قداستك في القديسه مهرائيل سيدنا ببساطه وحكمته المعهوده، على فكره دي ما كانتش على ايامنا انا ما اعرفش عنها حاجات كثير.. يعني ممكن قوي نقول على قديسه انا ما اعرفش عنه كثير.. لكن لما نيجي عند الست العذراء ما ينفعش، لانها تمس العقيده المسيحيه في قلبها. عشان كده تبصي تلاقي الكنيسة تكرم الست العذراء جدا.جدا نقول عنها انت اعلى من الشاروبيم وادل من السيرافيم... نقول عنها انها السماء الثانية..الزهرة النيرة الغير متغيرة...الام الباقيه عذراء.. نتكلم عنها انها ام رحيمه قادره،.. ونقول لها اشفعي فينا امام المسيح الذى. ولدتيه لكي ينعم لنا...بغفران خطايانا.. عندما شككوا في السيده العذراء اجتمع مجمع .ووضع في قانون الإيمان مقدمه للسيده العذراء نعظمك يا ام النور الحقيقي..ونمجدك لانكى ولدتى لنا مخلص العالم.. ليه؟ لا مش هنفوت الترجيع في العذراء ده، لان يوم ما هنجرح في العذراء يبقى جرحنا في العقيده المسيحيه كلها، عشان كده تلاقي رأيين متطرفين في النظر الى السيده العذراء، نقول عنهم .رأى نستور ورأى اوطاخى ..ايه رايك نستور؟ قالك مش ممكن امراه تولد الاله ،ومش ممكن الاله الغير محدود يبقى في بطن واحده ست،، واقنع الناس بذلك، قالوا له امال ايه ،قال لهم بعد ما هي ولدته حل عليه اللاهوت ..بعد ما هي ولدته حل عليه اللاهوت ..طب وبعدين قال لك بقى هم الاثنين موجودين اللاهوت والناسوت..لكن هما الاتنين مش واحد...فكان لما يسوع يقيم موتى..دة اللاهوت.. لما يسوع يجوع ولا يعطش ده كده الناسوت... فعمل لاهوت فصل في الناسوت عن اللاهوت..سموه لاهوت المصاحبه ،يعني كأن يسوع ده ماشي واللاهوت جنبه... وقت ما يحتاج اللاهوت اللاهوت يدخل. وقت مايحتاج الناسوت الناسوت يدخل....قولنالوا لا لا ...اللي كان جوه بطن الست العذراء ده هو الله الكلمه بالحقيقه.. واللي كان جوه بطنها ده هو الاله المتجسد ..واحد مع الأب فى الجوهر...اللي كان جوه بطن الست العذراء دة القدوس المولود منها يدعى ابن الله.. ده كلام الملاك كلام البشاره كلام السماء مش كلامنا.. مش احنا اللي عملنا الست العذراء.. مش الكنيسه الارثوذكسيه هي اللي صنعت السيده العذراء.. لا ده هو ربنا اللي سمح لها بكده واعطاها هذه الكرامه ...وهو كلام الملاك ليها ووعد الملاك ليها كدة ..فأحنا لو شككنا فيها يبقى بنشكك فى كلمه ربنا وفى وعد الملاك والعقيده المسيحيه كلها.. من اللحظه التي حصل فيها الحمل الالهي بإن بذرة الروح القدس وضعت في بطن السيده العذراء بزره الروح القدس التي حلت في بطن الست العذراء وابتدى الجنين كطفل يتكون جواها كان هناك اتحاد بين اللاهوت والناسوت ودي كانت بدايه الابن المتجسد لكن الابن مولود من الاب قبل كل الظهور ..لكن دة كان لبدايته في بطنها عشان يتولد الولاده الزمنيه،، لان الابن له ولادتين .. ولاده ازليه وولاده زمنيه ..الولاده الزمنيه اللي اتولد فيها من بطن الست العذراء.. ده كان من اجل خلاصنا..جاء وتجسد ..لكن قبل كده هو موجود قبل كل الدهور ..طب عمل ايه دلوقتي؟ اخذ جسدا ،،فلما كان في بطن الست العذراء اتحد بها اللاهوت بالناسوت جوة بطنها.. والي ولدتهلنا ولدت لنا الله الكلمه بالحقيقه،واصبح واحد مع الاب فى الجوهر..اذا لو انا قولت ان اللي كان جوه بطن الست العذراء ده يسوع اللي هو مش اله يبقى هي ولدت مسيح مش الآلة . اذا اللي جاي يفدينا مش اله اذا ما فدناش ،يبقى اللي اتصلب على الصليب ده مش آلة..اذا يبقى خلاصة محدود ...على رأيه معلمنا بولس الرسول.. بالجهل يموت بار من اجل واحد .. لو في واحد عايز يفدي واحد بالعافيه واحد يموت بدل واحده ..دة لو الناس قبلت يعنى ..لكن مش ممكن واحد يموت من اجل مجموعه ..لكن لانه الاله ..مات من اجل الجميع ..ولما مات من اجل الجميع وهو آله. قال لك الجميع اذا ماتوا...اذا لاشى من الدينونة الآن مع الذين فى المسيح يسوع السالكين ليس حسب الجسد بل حسب الروح ..اذا الذى اعطى فداء للمسيح قيمه انه اله ..الذي جعل قيمه فدائة غير محدوده ان هو غير محدود ..الذى قدر ان يفدى. خطايا جميع البشر منذ آدم الى اخر الدهور ..انه هو آلة..اذا اللى كان جوة الست العذراءته دة الله الكلمه ..يبقى لما جاءنا نستور يعمل دستور المصاحبه. وشكك في عقيده الست العذراء لقينا الكنيسه بتدافع ..ولقينا الكنيسه بتكرم السيده العذراء.. ولقينا .قديس اسمه القديس كيرولس بيعمل حاجه اسمها ثؤتوكيات. لحنها ووضعها لاجل المؤمنين يسبحوا بها..خد بالك من اكثر الحاجات اللي تثبت العقيده عندنا حضور الصلوات الطقسيه ..لما تيجي انت تصلي الاجبيه تعرف يعني ايه نعظمك يا ام النور الحقيقي تعرف يعني ايه السلام لكى نسالك ايتها القديسه المملوءه مجدا.. تلاقي جوه الاجبيه كل صلوة القطعه الثالثه تكلمك عن السيده العذراء ..وكأن الكنيسه تسمع الافكار اللي من بره اللي بتعاكس افكار اولادها وبتخرب عقولهم واللي بتشككهم في عقيدتهم..وتقول لم اترك اولادي يتشتتوا ،هصيغ لهم الصياغة المضبوطة...التى تعبر لهم عن عقيدتهم..واضع ها لهم فى العبادة...عشان يصلوا بها كثير .ولما يصلوا بها كثير يبقى كده عقيدتهم يحصل لها ايه؟ تثبت، عشان كده كل مره تقول بالحقيقه نؤمن .. انت كده بتقر بايمانك المسيحي كلة ...كل مره بتقول نعظمك يا ام نور الحقيقي انت كده بتعلن كرامه السيده العذراء في حياتك.. وعقيدتك وايمانك بها ..بتثبت..علشان كده وضعوا الثيؤتوكيات فى التسبحة...بحيث نعرف يعنى اية الست العذراء في عقيدتنا ومسيحيتنا .. فلو احنا قولنا ان الذى كان جوه بطن الست العذراء ده انسان بس .يبقى اللي جاى يفدينا إنسان بس.. يبقى ما يقدرش يفدينا لانه محدود ..ويبقى كده احنا قسمنا اقنوم الإبن ..واصبحوا اثنين مش واحد، بقى طبيعتين..ومشيئتين..واصبح الاة..منفصل عن الإنسان.. عشان كده الكنيسه تقولك ان لاهوتة لم يفارق ناسوته لحظه واحده ولا طرفه عين . الاثنين في اتحاد ما تفارقوش ابدا لاهوت كامل وناسوت كامل...لاهوت بكل طبيعتة وناسوت بكل طبيعتة..... عشان كده بنؤكد على ان الست العذراء بشر انسانه وفي نفس الوقت حملت بالاله. جاء واحد اخر ..قال ان اللاهوت. مكنش متحد بالناسوت لكن مصاحبه ..بمعنى ان اللاهوت كان مصاحب الناسوت ...فجاء اوطاخى يعالج هذا الامر..فتترك فى العلاج .وانشا لنا بدعه جديده ..قال كان اللاهوت متحد بالناسوت ..كده تمام...انت كدة علجت المشكله راح مفكر تفكير كده.. خدعته جدا بس الاهوت عندما اتحد بالناسوت ..الاهوت اقوى...فدوب الناسوت ..بلع الناسوت..جعله لاهوت فقط...طب فين الناسوت ؟ قالك الناسوت يمثل واحد على مليون ..والاهوت يمثل الباقي. لا . .انت كده خليت لنا اللي جاي يفدينا اله بس..طب لما هو الاة بس كان يقول كلمه من السماء ..يفدينا بها وخلاص.. اللى كان محتاج للفداء هو الطبع البشري...اذا...كان لازم يكون بشر. فجاء اوطاخى ...قال ان اللاهوت بلع الناسوت....قولنالوا ..اللى كنا شايفينه دة بيتحرك ويعمل معجزات ،ومره يأكل ومره يتكلم ومره يمشي ومره يتعب ده كان ايه ..قال لك ده كان خيال... خيال لان طبع الاهوت غلب على طبع الناسوت .. وبلعه.. شبها كده اكننا جبنا في محيط كبير حطينا في نقطه خل.. نقطه الخل في المحيط الكبير حصل لها ايه.. تلاشت.....قالك..الناسوت تلاشى داخل الاهوت.. قولنالوا لا..يعني كده يجيء الله يفدينا ..بيفدى الله؟! هو الله محتاج فداء ..هو جاى..لية؟للبشر.. اذا لازم يكون بشر....عشان كدة اوطاخى عندما فعل هذة البدعة...قولنا لة ...لا....دة لاهوت كامل وناسوت كامل...وجميل ان ربنا عامل حساب الحاجات دي من زمان... ربنا جعل موسى يشوف المنظر بتاع العليقه من زمان عشان يفهمنا يعني ايه... عشان يفهمنا يعني ايه لاهوت وناسوت..قال له بص يا موسى عليقه شجره مشتعله بالنار ..شيء طبيعي جدا لو جبنا شجره وعماله النار تشتعل فيها عشر دقائق..ربع ساعه..ساعة ...شيء طبيعي ان الشجره تتحرق.. قال لك لا ظلت النار مشتعلة في العليقه مده طويله جدا ..ونار حاميه جدا والعليقه زي ما هي ...شايف الخضار بتاعها.. خضراء وبتتحرق ..قال لك ده الناسوت والاهوت..في نار اه في نار وفي شجر اه في شجره. النار حرقت الشجره ؟ قال لك لا ما حرقتش الشجره.. وظلت الشجرة شجره..وظل النار نار...ونقدر نقول عليهم ان الاثنين دلوقتي موجودين اللي احنا شايفين عليقة مشتعلة .. ما نقدرش نقسمهم ولا نقدر ابدا ان احنا نقول ان النار اكلت العليقه ...قال لك كده اللي كان جوه بطن الست العذراء، اللاهوت موجود والناسوت موجود..الاهوت لم يلغى الناسوت ولا بلعة...وفضل الاهوت لاهوت وفضل الناسوت ناسوت. زي بالضبط كده تشبيه اللي قالوا القديس كيرولس الفحم والنار تجيب الفحم تولعه بالنار انت شايف ايه دلوقتي شايف حاجه اسمها جمره بقت جمره في نار تمسكها تحرقك.. لكن لما تمسكها تحرقك هل هى نار بس ولا معها فحم.. معها برضو فحم..وظل الفحم فحم...وظلت النار نار..ونقدر نقول ان النار مالوش وزن..لكن بيحرق..والفحم لة وزن ولم يحرقك...الانسان....ولكن الاتنين متحدين بعضهم البعض..ومعطين لنا جمرة....حملت الجمره كل صفات الفحمة وكل صفات النار....معتلنا جمره حملت الجمره كل صفات الفحمه وكل صفات النار...العليقه المشتعله كل صفات العليقه وكل صفات النار ،ده اللاهوت اللي اتحد بالناسوت ما فيش حاجه لغت الثانيه ابدا...واللاهوت لم يبلع الناسوت.. ما لغاش الناسوت ابدا..ظ عشان كده تلاحظوا اقول لكم الكنيسه بتاعتنا تأكد على الحقائق اللاهوتيه عن طريق العبارات التي تصلى، لما نيجي نقول في المجمع نقول كل القديسين لكن نيجى عند السيدة العذراء نقول ...وبالاكثر القديسه المملوءه مجدا العذراء كل حين... والده الاله خلي بالك ...العذراء كل حين... دى بنرد بها ع الناس اللى بتشكك.. خذ بالك الكنيسه واعيه قوي ..والده الاله القديسه الطاهره مريم ..كل العبارات الطويله دي قوي ..عشان بنأكد ... التي ولدت لنا الله الكلمه خلي بالك من كلمه مهمه قوي ..الكنيسه اللي حبه تستخدمها ...بالحقيقه ليه بالحقيقه ..عشان تأكد علينا ان اللي اتولد ده ..كان انسان واتولد منها بالحقيقه لانه ما كانش مجرد ولاده وهميه ولا خياليه ولا الذى جاء دة كان مجرد خيال . عشان كده لو تاخدوا بالكم كلمه بالحقيقه دي الكنيسه تغير النغمه فيها.. يعني يقول لك مثلا التي ولدت لنا الله الكلمه بالحقيقه......... اشمعنى دي قال لك عشان دي انا عاوزه ااكد عليها في اذهانكم ان اللي اتولد ده الله الكلمه بالحقيقه... ما كانش وهم ولا خيال عشان كده برضه لما تيجي في الاعتراف الاخير ان الكنيسه..اللى ابونا بيقولوا ..انت كدة خلاص مجرد ان انت تقول امين على الاعتراف الاخير اتفضل اتناول. . قال لك وجعله واحدا مع لاهوتة اول ما قال لك وجعله واحد مع لاهوته الكنيسه خافت.. قال لك احنا خائفين لحد يقول جعله واحد مع لاهوته ان اللاهوت بلع النسور ..فوضعوا عباره بغير اختلاط ولا امتزاجا ولا تغيير.. لما جاء اللاهوت مع الناسوت لم يتغير ..بغير اختلاط ولم امتزاج ولا تغيير ...ما غيرش طبعة..كل ده في الست العذراء.. لو شككت في الست العذراء تشكك في المسيحيه كلها ..عشان كده القديس كيرولس الكبير يقول لك عليها معمل اتحاد الطبائع.. معمل بطن الست العذراء..معمل اتحاد الطبائع.. اللي هي الطبيعه الالهيه والطبيعه الناسوتيه..نقول عليها في المديح بتاعها.. السلام لك يا مريم السلام لك يا خزانه حاويه اسرار اللاهون ..تقول لي بس الكلام ده يفوق العقل ..اقول لك فعلا يفوق العقل....خد بالك.. موسى عندما اقترب العليقة. ربنا قال له قف ما تقربش..فوقف .. خاف بعد كده قال له اخلع نعليك....فخلع نعلية.فقرب.. اقرب ولة ماقربش ..قال له تقرب بس تقرب بشرط ان تخلع نعليك... اي تتخلص من كل ما هو بشري وارضى لكي تقترب لتفهم كل هذة الحقيقه السماويه.. عشان كده تحس الست العذراء تحير نقول عليها الام والعبدة.. تبص تلاقي انت متعجب منها ..اية البساطه دي ؟!وايه المجد ده.. ايه البنت الغلبانه الفقيره دي اللي بقت مكرمه اكثر من جميع ملوك الارض...فقيرة جدا بس مكرمه اكثر من جميع ملوك الارض. ... صامته جدا لكن السماوات تسبحها ..وتمجدها ..عشان كدا ..الست العذراء كرامتها كرامه كبيره جدا ..حاجه اخيره اقولها لك لان اخواتنا الكاثوليك.. لما قعدوا يعظموا في العذراء قوي قوي راحوا شت بيهم فكرهم شويه وعظموها عن هى مجرد اعظم من البشر...اقولك يوم مانعظم العذراء على انها اعظم من البشر....احنا بنقول كده ..طالما هى اعلى من البشر تبقى اللى ولدتة اعلى من البشر...يبقى مافداش البشر. لازم نعرف ان هي بشر ..هى بيقولك حُبل بها بلا دنس..وبعدين قال لك عن حاجه اسمها عصمه العذراء. يعني دي واحدة مولودة ما تغلطش...اقولك لا.. ده الروح القدس حل عليها وطهرها ..وهي قالت تبتهج روحي بالله مخلصى ...اذا هى محتاجه للخلاص.. ما اقدرش اقول ان الست العذراء معصومة من الخطا مقدرش انا عارف ان هي كُليه القداسه، لكن ما اقدرش اقول انه طبعها ما بيغلطش...مااقدرش..هى إنسانه ...ولما جينا هنا النهارده سنكسار يقرا لنا قصه صعود جسدها..في ناس قال لك دى قامت...ماتت وقامت ..وصعدت ..نقول له لا ما قامتش الست العذراء ماتت ..وجاء ربنا يسوع المسيح قال انا مش هخلي جسدها يبقى على الارض..فجاء بملائكته وصعد بها الى السماء قال الارض ما تستاهلش ان يكون بها جسدها..فصعد بجسدها الميت الى فوق. فيوم ما نقول ان هي ماتت وقامت وصعدت..عاوزين نقول ان هي الة ...لا هى مش آلة..عاوزين نقول ان هي معصومه من الغلط ...نقول لا... هي مش معصومه من الغلط ...يوم ما نقول انها هي حُبل بها بلا دنس ..يعني جاءت من غير زواج ..هي نفسها... اقولك برضة لا...هى جاءت بزواج طبيعي ..هى بشر ..عشان كده لما نمس الست العذراء فى حاجه...تلاقي شيء طبيعي العقيده المسيحيه اتهزت ..اقولك لا...هي إنسانه لكن هي الروح القدس اختارها وحل عليها وهيأها انها تكون ام الى الله.. كرم الست العذراء في حياتك قوي .وقرب منها قوي مين اللي يستاهل يصاحب سيده ملوك الارض كلها ...مين اللي يستاهل انه يكون عنده شفاعة بأم الاله...مين اللي يستاهل كده يحط ايقوناتها في بيتة ويكلمها.. ويشتكلها ويحكي لها ...ويكلمها.. الست العذراء تبقى في حياتك تبقى جوهر ايمان تبقى حقيقه جميله في حياتك..يابختك كدة وانت متشفع بأم الله.. دة اللي بيعرف واحده يكون لها كرامه كبيره كده ..بيفتخر بها قوي افتخر لان ام الاله جاءت على الارض. وبقت قريبه مننا قوي. عشان كده من ضمن الألقاب اللي بنقولها للست العذراء...نقول عليها فخر جنسنا...احلى حاجه فى جنسنا كلة هى الست العذراء...ولان الالة..ظل ينظر ويبحث فى الجنس البشري...فوجد اجمل نوع في الجنس البشري..افخر نوع في الجنس البشري.. كانت الست العذراء بس خلي بالك بنأكد افخر نوع في الجنس البشري عشان.. يتولد منها. يبقى اللة الكلمة بالحقيقه...ربنا يعطينا بركة الست العذراء فى حياتنا..نعظمها ونمجدها فى كل حين.... ربنا يكمل نقائصنا ويسند كل ضعف فينا بنعمته ولالهنا المجد الى الابد امين

المعمدان ومفهوم العظمة الأحد الأول من توت

بسم الاب والابن والروح القدس اله واحد امين.. فلتحل علينا نعمته ورحمته وبركته الآن وكل أوان والى دهر الدهور كلها امين .. انجيل هذا الصباح المبارك يا احبائي ،فصل من بشاره معلمنا لوقا... بيكلم عن القديس العظيم يوحنا المعمدان... النهارده ..2 توت تذكار استشهاد يوحنا المعمدان.... فبيقول.. اقول لكم انه ليس احد في مواليد النساء اعظم من يوحنا المعمدان.. مين اللي بيقول؟ ده ربنا يسوع المسيح، يعني مش اي شهاده مش اي شخص ،،لا ده ربنا يسوع اللي هو الحق ذاته ، ما عندهوش مجاملة ما بيقولش اى كلمة مش في مكانها...بيتكلم عن يوحنا المعمدان. بيقول ده اعظم مواليد النساء،، يااااة دة إيه العظمه دي كلها.. تشهد ليوحنا المعمدان يا رب لهذه الدرجه !! ان ليس احد في مواليد النساء اعظم من يوحنا المعمدان... اعظم انسان. ربنا يسوع المسيح بيشهد ليوحنا المعمدان بذلك... ايه العظمه بتاعه يوحنا المعمدان دي؟ لو جيت تشوف مظهره يمكن الواحد يكون مش عاوز يسلم عليه ...ليه... ده لبسوا عجيب جدا لابس وبر أبل ... اكله الجراد وعسل بري،، ده شكله انسان بسيط جدا.. جاي من البرارى الكفار.. جاي من الصحاري.. عظمة يوحنا دى لية؟ لاجل منصبة؟ لاجل مالة.؟ ماعندوش مال ...لاجل إمكانياته ؟ الناس النهارده بتقيم انسان عظيم بإيه ؟ بمنصيبه امكانياته مظهره عربيته ...الناس بتقيم العظمه كده ..لكن سر عظمه يوحنا المعمدان احبائي هي امور كلها في باطنه..فى داخلة..جاء من زكريا واليصابات... ابن اثنين شهد عنهم ..كانوا بارين امام الله سالكين فى جميع طرق الرب واحكامه بلا لوم .. حُبل. .بة بالبشاره.. من الملاك ..حُبل بة..وابوية كانوا تجاوزوا سن العقم...ابن معجزه ..ده عندما كان لسه جنين في بطن امه ارتقد بأتهاج في بطن امه.. اليصابات..عندما ..عندما جاءت السيده العذراء وهو جنين في بطن امه ..وهو بيتجاوب مع عمل الروح وعمل النعمه . من وهو جنين فى بطن امه عندة ادراك للعمل الالهى..ابتدت العظمه بتاعت يوحنا المعمدان تسبق حتى مجيئه ده اللي سماه الملاك... وبعدين عندما جاء يقولوا انه اختطف الى البريه.. لحد يوم ظهوره في اسرائيل.. عاش كل فتره طفولته وصباة في البريه.. في نسك ووحده وخلوه.. وعندما ظهر لشعب بني اسرائيل.. رأينا ملاك ما رأيناش انسان.. رأينا الحق.. رأينا القوه....اصبح .. يوبخ ويُعلم وينادي ...ويصحح ما كانش يجامل ..بصينا لقيناة ..بيوبخ الكتبه والفريسين والمعلمين والجنود والرومان... والولاة....قوه عجيبه.. العظمه بتاعه يوحنا المعمدان انه بقى يصرخ وينادي بالتوبه ...العظمه بتاعه يوحنا المعمدان. انه عرف ان هو حمل اللة...ان هو بيكرز وبيمهد الطريق لحمل لله ..اللي هو رافع خطيه العالم.. ان صوت صارخ في البريه اعدوا طريق الرب اصنعوا سبل مستقيمه ...ده سر عظمه يوحنا المعمدان ..في فتره قليله جدا هيأ الطريق امام ربنا يسوع المسيح... سر عظمه يوحنا المعمدان انه بقى يقول ينبغي ان ذاك يزيد وانا انقص... سر عظمه يوحنا المعمدان ان يبقى يقول من له العروس فهو العريس ...وانا صديقي العريس... سر عظمه يوحنا المعمدان في اتطاعه في تقواة...في مخافته الى الله.. في الحق الذي بداخله.. عاوز تعرف ازاي يبقى انسان عظيم.. اقول لك خليك زي يوحنا المعمدان.. روح التقوى اللي فيك والحق الي فيك والامانه اللي فيك... شهادتك الى الله ..اتضاعك.. نسكك في امور الحياه.. زهدك في امور الحياه.. هو ده اللي يجعل الانسان يبقى عظيم.. العظمه عند الناس عكس كده تماما مش تبقى زاهد في امور الحياه... لا ده انت تبقى شغوف بأقتناء كل ماتجدة... العظمه عند الناس مش في الاتضاع...يقول لك امال تعمل ايه انت تفتخر بما ليس فيك مش بس تنكر حاجات فيك زي المتضعين لا... ده انت تفتخر بما ليس فيك ..ولو تطول يبقى عندك امكانيات حتى لو تاخذ من غيرك على حساب غيرك وتكبر عليه ..اكبر عليه ..ليه اصلي عاوز ابقى عظيم ...يقعد الانسان يجتهد مسكين نفسه يبقى عظيم.. يلاقي نفسه عمال يقل في عين نفسه.. وبيقل في عين السماء...اصل مش هي دي العظمه احبائي.. مش هي دي العظمه،، العظمه في داخلك ..العظمه في شهاده الله عنك...العظمه في ضميرك وفي عقلك.. العظمه مش في مظهرك.. العظمه في جوهرك... العظمه في شهاده ضمير صالح امام الله والناس..العظمه في تقواك ومخافتك لربنا ..عاوز تقتني هذه العظمه؟ اتفرج على واحد زي يوحنا المعمدان يقف امام الملك.. كل الناس تهابة وتخافوا كل الناس تجامله .كل الناس تتملقوا ...كل الناس تمدحه.. كل الناس تقعد تمجد كل اعماله ...لكن يأتى يوحنا المعمدان.. يلاقي انه بيتزوج بامرأة اخيه.. يقول له لا ما ينفعش لا يحل لك ان تاخذ هيروديه زوجه اخيك امرأة لك....ما ينفعش ...هيرودس اتغاظ ..وفي نفس الوقت خائف منه.. في عمل ايه ..؟ قال اخلص منه.. اضعه في السجن ..فوضعوا في السجن لحد ماجاءت بنت هيروديه ترقص ..تعجب الملك.. اتفرج بقى على اللي شايف نفسه عظيم بمجرد بنت ترقص قدام... قال لها اطلبي مني اللي انت عاوزاه حتى ولو نصف المملكه.. هي دي العظمه.. ده كده حاسس ان انت عظيم... ده انت قليل جدا.. ده انت ضعيف قوي.. بنت ترقص قدامك تجعلك تأخد قرار مالوش اي أساس من الصحه ولا الحكمة ولا الاتزان ولا التفكير .بقى .انت اللي اسمك ملك بقى انت اللي المفروض شؤون الناس كلها في يدك.. انت اللي بيقولوا عليك عظيم.. انت قليل جدا.. الظاهر ان انت حاسس في نفسك ان انت قليل خالص.. ده انت واضح ان انت مش عارف تتحكم في نفسك ..واضح انك مذلول من نفسك.. انت ضعيف جدا ..انت مسكين قوي.. انت المفروض تقعد تبكي على نفسك.. انك مش عارف تتحكم في نفسك.. البنت الصغيره دي مش عارفه تطلب ايه.. ذهبت الى والدتها...وقالت لها الملك قال لي كده... اطلب ايه بقى ..ولو لنصف المملكه... الثانيه متغاظه من مين ..؟ ومين الشوكه اللي في طريقها ..ومين اللي بيوبخها و بيوبخ الملك ...مين صوت الحق بالنسبه لها.. يوحنا المعمدان قالت لها بس دي فرصه ..اطلبي رأس يوحنا المعمدان.. البنت راحت للملك قالت له عاوزه رأس يوحنا المعمدان..بقى مرتبك ولا قادر يقول لها صح ولا قادر يقول لها غلط ..قال كلمه قدام الناس ...وهو لانه قليل خايف لا يبان في عين الناس انه اقل..فقال للناس تضحك عليا بعد ما قلت للبنت الكلام ده... قاعد ندمان ..بيقول يا ريتني ما قولتلها ... طب اعمل ايه لازم انفذ كلمتى...دى طلبت رأس يوحنا..لو جبتهالها الدنيا هتتقلب لو ما جبتهاش الدنيا هتتقلب عليا... المهم اخذ القرار..وقال هاتولنا رأس.يوحنا المعمدان ...يقول لك ان كان خوف عظيم في ذلك اليوم ..بقى يوم حفله للملك وعيد ميلاد وبياكلوا وبيشربوا وبيرقصوا ويغنوا ..تتقلب لغم كده.. يقول لك اصل صوت الحق مش هيسيبهم ابدا مش هيسيبهم ابدا يقول لك عن هيرودس كان يهاب يوحنا المعمدان.. عالما انه بار وقديس ايه سر المهاب احبائي...مش النفوذ ولا الامكانيات ولا المظهر... لا... عالما انه بار وقديس...دى سر المهابة الداخليه... في مره سمعت عن سائق البابا كيرلس...ربنا ينيح نفسه ..بيقول لك كنا نروح بيت عند الناصر كان اهل عبد الناصر يحبوا يتمسحوا فينا كده.. عايزين يتمسحوا في السواق.. عاوزين يأخذوا بركه السواق ..ياخذوا بركه السائق ..لية....لانة هو اللى بيسوء للبابا كيرلس....وكان يقول...كانوا بيعاملونا ان احنا جايين من كوكب ثاني.. ليه؟ ايه سر هذه العظمه.. عشان هو راجل مجرد سائق؟! طب اتفرج على مظهر البابا كيرلس.. ده كان يلبس ابسط لبس ويأكل ابسط اكل.. ويقول ابسط كلام .. كان يخفي نفسه تماما كان مُحب جدا انه يعيش مجهول وانه يعيش بعيد عن عيون الناس.. بقى يختار الاماكن البعيده والمغاير عشان يسكن فيها ويبعد عن المجد ..زي ما يقول لك كده اللي يهرب من الكرامه تجري وراه ..واللي يجري وراها تهرب منه.. هو ده الفرق بين يوحنا المعمدان وبين هيرودس... هيرودس المفروض انه له كرامه.. لكن للاسف ما لوش اي كرامه.. يوحنا المعمدان ده راجل غلبان مسكين مرمي في السجن.. ازاي يبقى راجل غلبان مسكين..مرمى في السجن.. والملك يهابه؟! يهابة لية؟ لانه بار وقديس... تعال اتفرج قرب لربنا شويه.. انا عاوزك تجرب تلاقي جواك حق شديد جدا.. تلاقي شخصيتك قويت...وقدرت تقول لحاجات كثير لا... وتلاقيك ميزت قوي الامور.. وعرفت ازاي ما تخضعش لاي تيار... وما تمشيش مع اي احد.. وما تجملش على حساب الحق.. قرب لربنا اكثر تلاقي نفسك انت شبعان ومكتفي ومش مذلول لشيء.. ومش محتاج لشيء... وما تشعرش ابدا ان في شيء يكملك.. ما فيش حاجه تكملك.. مش لو غيرت بيتك هتكمل. وتبقى احلى.. وتبقى اجمل.. واقوى ..لا ولا لو جبت كذا ولا لو اكلت كذا ما فيش حاجه تكملك ابدا ..انت من جواك مكتفي.. وشبعان وراضي من جواك ...مرفوع وحاسس بقوه..القوة دي جاءت منين ..من انسان الله الخفي من روح الله الساكنه داخلك..جعلتك مستقر وشبعان وفرحان.. دة يوحنا المعمدان يوبخ الملك ..وكلهم يحذروه ويقولولوا بلاش هتدفع ثمن غالي.. واحد من القديسين قدسيين يقول لك.. ان يوحنا فضل ان يكون بلا رأس عن ان يكون بلا ضمير... فضل ان يكون بلا رأس عن ان يكون بلا ضمير.. ايه القوه دي.. عشان كده قال لك انه ليس في مواليد النساء اعظم من يوحنا المعمدان ..تبص تلاقي الكنيسه تضع يوحنا المعمدان على طول بعد الست العذراء اول القديسين كلهم والشهداء والابرار والمعترفين والانبياء والسواح والنساك...قبل كل دول ..يضع يوحنا المعمدان لوحده في مرتبه ما بين الست العذراء والملائكه.. ولو كنا بنطلب صلوات للقديسين لكن نطلب شفاعه يوحنا المعمدان..ده جاى منين ده.. منين الشفاعه دي جاءت منين الكرامه دة ... قال لك من صوت الحق الذي بداخله...جاءت من شهادتة الامينه الى الله ...جاءت من معاينه للملكوت ...جاءت من تقواه. الداخليه ...اقتني روح الحق داخلك..اقتني روح الاتضاع والوداعة ..اتفطم من مسرات العالم اجتهد ان يكون لك شهاده امينه امام الله ..اجتهد ان دورك يكون زي دور يوحنا المعمدان السابق..ان انت تصرخ ضرخة حق.. في ضمير كل انسان وتقول له اعد طريق الرب واصنع ُُسُبل مستقيمة ...اعدوا طريق الرب...ليه احبائي ما بنقدرش نقول لحد اتبع المسيح؟ ليه حتى اقرب المقربين لنا ..ما اقدرش اقول له بلاش تعمل كده ..وخليك كده ..لان الحق جواك انا متزعزع ..لاني مش شاعر بقوه ومصداقيه لما انا اقول ...لكن لما أكون انا عايش اشعر بقوه ومصداقيه لما اقول قوه الحق عند يوحنا المعمدان ..اعطتة عظمة ومهابه وكرامه تبص تلاقي الناس عماله تتوب وعماله تتكاتر وتتزاحم على المعموديه بتاعته اللي هي معموديه يوحنا المعمدان ...معموديه التوبه.. بصينا لقينا ناس كثير بترجع لربنا عن طريق يوحنا المعمدان.. دة انت رسالتك قويه قوي يا يوحنا ..ده انت صوتك ده رد ناس كثير.. ده انت شهادتك لربنا دى اعدت طريق الرب..انت فعلا تستحق لقب السابق.. وسابق وصابغ...صابغ عشان المعموديه وشهيد.. انت كللت تعبك كله باستشهادك ...امور الحياه احبائي بتغر الإنسان جدا .. الحياه بتاعتنا اصبحت المظاهر فيها كثير ومتنوعه ومتجدده.. وهيظل العالم هو العالم ..وهيظل ..الإنسان هو الإنسان ...فقير وغلبان ومسكين من جواه ..وعطشان ونفسه في اشياء كثيره تكمله ..ونفسه يأخذ اشياء كثيره ..عشان يشعر انه اكتفى.. ويشعر انه شبع .. ابدا مش هيكتفي ومش هيشبع مش هيحس ابدا انه كده خلاص كدة ... وعمره ما هيحس بتقدير في عين الناس.. طول ما هو ملتمس التقدير ده من امور خارجية ... اتفرج على انسان ياخذ كرامته من منصبه. ..المنصب مش بيدوم...مسكين قوي لو المنصب ده راح.. بيحس انة اتذل واتهان واكتئب.. و ممكن يجيلوا له تعب نفسي... ليه لانه ما كانش معتمد على ان الناس بتقدروا لشخصه كان مخدوع ..لكن الناس كانت تقدرة لمنصبة..لان شخصة لا يقدر كنت لو هو معتمد على شخصة ... وحتى لو فقد منصبه تقديره محفوظ... لان شخصة قدير بالاحترام.. لان هو الكرامه اللي الناس بتعطيها له.. بتعطيها له من امور داخليه مش من اشياء خارجيه.. زي ما كنت بقول لك عن يوحنا المعمدان ..اتفرج على الخارج بتاعه.. اتفرج على ربنا يسوع المسيح من برة... انسان ابن نجار راجل فقير غلبان جاي من احقر المدن واقل لها شأن ..بيت لحم أفراطة دى يعنى ما حدش يفتخر ابدا يقول انه منها ..حاجه بسيطه جدا عشان كذا قال لك وانتي يا بيت لحم وافراطة لستى الصغرى بين مدن يهوذا حتى يخرج منكى مُدبر يرعى شعبك ...اختار ربنا يسوع انه يكون من ابسط القرى.. من ابسط فئات المجتمع من اقل الناس فى المظهر ...عشان يعيشوا يعلمنا نفس المنهج اللي علمنا به يوحنا المعمدان أن الإنسان جواة اهم من براة....و رساله الإنسان اهم من منصب الإنسان ...وتقوى الانسان ومخافه الله.. اهم بكثير جدا من ممتلكاته ومقتنياته... مسكين الانسان الذى يعتمد على امور ذائلة...يلتمس منها شبع لنفسة يوحنا المعمدان بيعلمنا يعني ايه عظمه ...عاوز تكون عظيم اتبع العظمه الحقيقيه...اقتني الملكوت الذي لا يفنى..اقتنى الكرامه التي مصدرها من اكرام الله لك ..بيقول لك كده ان ربنا يسوع بنفسه بيشهد له.. عشان كده تلاقي ربنا يسوع يشهد للابرار ويشهد للقديسين ..ويكرمهم وينتظرهم في الابديه ويقول لهم تعالوا الي يا مباركى ابي انا مستنيكم انا مشتاق لكم.. . كنت سايبهم ليه في العالم؟ عشان يشهدوا لي ويعلنوا اسمي وحبي وحقي بين الناس .. ربنا حاطتنا في العالم احبائي لاجل ان نعلن رسالتة الى العالم.. ونقول ان الحياه في الله اغلى من اقتناء ممتلكات الدنيا ..نقول ان ينبغي ان ذلك يزيد وانا انقص .ظنقول لكل انسان اعد طريق الرب واصنع سبل مستقيمه ..نقول لكل انسان توب لانه قد اقترب ملكوت السماوات ..اقول لك ربنا ارسل لك الى العالم عشان هذه الشهاده عشان تعد له طريق عشان تكون فعلا من اللي تقال عنه انه اعظم مواليد النساء ..العجب كل العجب احبائي ان رغم كل عظمه يوحنا المعمدان الاصغر في ملكوت السماوات اعظم منه.. القديسين يفسروا الاصغر ده على تفسيرين الاصغر اللي باين تماما ..انة ربنا يسوع المسيح لان ده الاصغر.. اصغر منه بست شهور ..الاصغر اعظم منه.. دي كلنا فاهمنها. . لكن يقولك لا...فى تفسير اجمل...الاصغر في الملكوت اللي هو نحن ابناء العهد الجديد...لان يوحنا المعمدان كل هذه العظمه لكنه استشهد قبل الصليب ..وطالما استشهد قبل الصليب يبقى لم يعاين الفداء والخلاص.. نحن ابناء العهد الجديد عيننا الفداء والخلاص.. فصار لنا كرامه اعظم مني يوحنا المعمدان ..لان احنا عاينا الفداء والخلاص...يوحنا المعمدان عندما استشهد لم يذهب الى الفردوس انتظر في الجحيم ،وبعد ذلك عندما جاء ربنا يسوع المسيح واسلم على الصليب ...فتح الله باب الفردوس. ورد الابرار اللي من ضمنهم يوحنا المعمدان.. على الاقل احنا مش هنعدي بالفتره دى ..هيكون لينا فردوس منتظرنا على طول.. عشان كده يقول لك الاصغر دة فى ملكوت السماوات اعظم منه..شوف ربنا اعطانا كرامه قد ايه احبائي شوف النصيب اللي هو عايز يعطية لنا..وشوف احنا بنعمل في نفسنا ايه... احنا اللي بنقلل من نفسنا واحنا اللي بنحرم نفسنا من هذه العظمه بيقول لك خليك عظيم ..دوس على العالم ما تتذلش للعالم انت لست من هذا العالم ..دوس على العالم واغلبه ..بلاش نفسك تغلبك ..بلاش تبقى ملهي عن خلاص نفسك ..بلاش تبقى كل همك..هتاكل اية وتشرب اية ...ان كان لنا قوت وكسوة فلنكتفى بهم ...عيش لارضاء الله ومحبته ومخافتة و اعتبر ان كل يوم هو فرصه. واعتبرة ان دي اخر فرصه ..لتوبتك ورسالتك وخلاصك.. تصنع مرضاه الله كل يوم وكل يوم بالنسبه لك ده هو كل املك في الحياه.. اننا ازاي ارضي ربنا..النهاردة....ربنا يكمل نقائصنا ويسند كل ضعف فينا بنعمته ولالهنا المجد الى الابد امين

الصليب مصدر عزاء كل متألم

بسم الاب والابن والروح القدس اله واحد امين تحل علينا نعمته ورحمته وبركته الان وكل اوان والى دهر الدهور امين عيد الصليب احبائي في الكنيسه ليه كرامه كبيره لانه هو محور المسيحيه ومجد المسيحيه وفرح المسيحيه ا الصليب فية شفاء فية خلاص فية النجاة فية قوه كل انسان يحب يعيش جوه المسيح الصليب ده يبقى جزء من كيانه ما يبقاش مجرد فكره لكن حياة حقيقه .. لانه كلنا عارفين زي ما قال معلمنا بولس الرسول ان كلمه الصليب عند الهالكين جهاله لكن عندنا نحن المخلصين فهي قوه اللة للخلاص... تعالا كده اخلي المسيحيه من الصليب؟!! هتلاقي كأنك اخذت قلب انسان وبتقول له عيش... تعالا كده نشوف حياتنا في المسيح يسوع وناخذ بدايه من ميلاده اتولد بطريقه معجزيه .صنع معجزات وخدم وتمجد في خدمته جدا اقام موتي شفى امراض لكن ما اتصلبش... تعالى كده خذ المسيحيه بدون الصليب طب ما اتصلبش ..دة هما لما حاولوا انهم يقولوا انه ميتصلبش قالك لا ده لهذا انا أتيت ..ده لاجل هذه الساعه انا أتيت دة هى من ساعة ان الست العذراء في عرس قانا الجليل بتقول له على المعجزه بتاع تحويل الماء خمر قالها لم تاتي ساعتي بعد... وكانت كلمه الساعه هي الصليب لما جم قبضوا عليه قال لهم هوذا قد اتت الساعه.... عارف لما يكون في جيش بيجهز لعمليه حربيه يقول لك ساعه الصفر ...كل الاعدادات دي عشان ساعه الصفر دي هي الساعة دي... ايه هى المسيحيه؟؟ هي الجوهر بتاعها هو الصليب عشان كده فكره الصليب ما تبقاش فكره لك تبقى ايمان لما معلمنا بولس الرسول (( ليعرفوا شركه الآمة متشبها بموته..)) قالك اية دة ...هو دة اللى هيديني قوة قيامته.... الحياه احبائي ما فيش مصدر لعزاء اي انسان متئلم الا ا الصليب واللي يفتكر ان حياته تبقى حياه. هادئه ونعمه ولذيذه وجميله وكلها سرور وفرح واللي عاوز يخليها من الصليب هاقول له انت كده خالتها من المسيح المسيحيه بدون صليب تبقى مش مسيحية ابونا بيشوى كامل الله ينيح نفسه كان ليه كلمه مهمه ..( نفس بلا صليب مثل عروس بلا عريس )) يعني ايه عروس بلا عريس هو في حاجه اسمها عروس بلا عريس طيب لو مالهاش عريس تبقى ايه؟؟ تبقى ولا حاجه تبقي مش عروس ما تقولش عليها كلمه عروس...طالما تقول عروس تبقى لها عريس... احلنا كده احبائى..الالام والصليب جزء لابد ان يكون مقبول ومحبوب في حياتنا ونبقى فاهمين ان ده مش الام جاي من اى مصدر لمجرد واحد عمال يقاوم مصدر الالم عشان خاطر يتغلب على الالم عشان يحاول ازاى يتهرب منه و ازاي يرجع الالام ده للناس وللظروف.. أقولك خلي بالك الالم ده هو شركه الام المسيح تبص تلاقي الانسان يدور ع المعنى للالم صدقوني كده تعالوا اتفرجوا على الحكماء والفلاسفه لما يتكلموا عن الالم..تلاقيهم بيتكلموا كلام عاملين بيلفوا ويدوروا حوالين بعض.. عمالين يقولوا كلام ما لوش معنى وفي الاخر تحس انك مش فاهم حاجه ... هاقول لك ما فيش معنى للالم... غير فى المسيح المتألم ما فيش معنى للالم غير لما يقولك ((ان كنا نتالم معه لكي نتمجد ايضا معه)) اقدر اقول لك انك هتلاقي الالم ده او الصليب مرفوض وعذاب لو انت ما فهمتش ان ده زي ما قال معلمنا بولس الرسول ((مع المسيح صلبت فاحيا لا انا بل المسيح يحيا فيا)) كل واحد فينا عنده الالم كل واحد فينا عنده وجع كل واحد فينا عنده مشاكل كل واحد فينا عنده حرمانات.. ايه مصدر عزاءة في كل ده.. يعنى يقارن نفسه بحد تاني.. اقول لك ده مش اسلوب صح... يقعد يقول اعمل ايه دة نصيبى ا😔هاقول لك ما فيش حاجه هتملاك سلام وتملاك تعزيه وتملاك قوه الا لما تلاقي سيدك يسوع المسيح قال كده ان ارد ان يكون لى تلميذ ينكر نفسه ويحمل صليبه كل يوم ويتبعني... لابد ان كل واحد فينا يشيل صليبه يا سلام على اللي شايل صليبه بفرح ..يا سلام على اللى يقولة هو انا استاهل يا رب.. انا استاهل ابونا بشوي لما جالوا مرض الفردوس وكان متالم جدا قال من كثر محبيته فيا اداني الصليب ده.. ايه ده ...ده ناس تقول العكس ده انت يا رب ما بتحبنيش انت سايب الناس كلها و جاي عليا ... ده عشان فاهم قالك من كثر محبتة ليا ماحبش يحرمني من البركه دي ايه الفكر ده ؟؟بيجي منين يجي ان واحد فاهم يعني ايه المسيح يعني ايه المسيحية يعني اية الصليب... اوعى تفتكر ان اي الام في حياتك دة ...دة الحاجه الوحشه اللي في حياتك... لا ارجوك افهما ان دة البركه اللي في حياتك الالم ده لتتواضع...الالم دة لتنكر نفسك الالم دة عشان تقول انا ما انا ..الالم ده عشان ماتفضلش تحس انك مصدر الدنيا.. وأنك قوى وأنك شاطر..وتعرف تعمل كل حاجة...يخليك تحس ان انت احسن من كل الناس اشطر من كل الناس و اذكى من كل الناس واقوى من كل الناس واغني من كل الناس.. الالم ده عشان تقول انا ماانا.. يا سلام يا رب.. عاوز توصلني للحقيقه دي اه انا شايفك في قمه الكبرياء قمه الغرور مش عايز تعترف بضعفك معلش اسمحلي انا اعتبر دة حاجة صغيرة.. ... لو الانسان فهم مقاصد الله شوف كده ربنا يسوع المسيح على الصليب محتقر ومرزول من الناس حسبوا انه مطرود ومهان من اللة ياه لما تشوف النعمه اللي ليك دى .. عشان كدة احبائى الكنيسه تخصص عيد الصليب بتاع 17 توته دة .. الكنيسه تحتفل به ثلاث ايام قليل قوي لما الكنيسه تقول لك تحتفل بعيد ثلاث ايام اصل دة مركزها مركز ثقل الحياة فى المسيح مركز المسيحيه هو الصليب..كل واحد فينا يراجع نفسه ويراجع فى حياته يا ترى انا شايل صليبى بفرح ياترى بحضن صليبي.. يا ترى بشكر الله على صليبى يا ترى ادركت النعم البركات اللي جوه الصليب بتاعي ولة عايش رافض ناكم ومتمرد وعماله اجيب اللوم على ربنا كمان مش بس بسكت لا انا عمال اقولة اسف في الكلمه سامحني يا رب كأننا بنقول لربنا انت الغلطان انت اللي ما بتعرفش لكن ربنا عايز يخلي كل واحد فينا يقولة... يا سلام يا رب انا سأعانق صليبى بفرح انا هقعد تحت صليبك عشان اخذ قوه اشيل انا كمان صليبي.. عشان اقول انا اطلع ايه انا ايه اللي في حياتي اللي يتقال عليه ان انا مشترك فى الامك.. دى الامك دى يا رب هي مصدر احتمال كل الام... ربنا يدينا احبائى نعمة وفرح فى يوم الصليب..انة يبقى بالنسبالنا مش يوم لكن يبقى منهج ثابت جوه قلبنا... هاقول له باستمرار مع المرنم مستعد قلبى يا اللة مستعد قلبي ربنا يكمل نقائصنا و يسند كل ضعف فينا بنعمته لإلهنا كل المجد أبدياً أمين.

الزمن وقصد الله الأحد الرابع من مسرى

باسم الاب والابن والروح القدس اله واحد امين.. فلتحل علينا نعمته ورحمته وبركته الان وكل اوان والى ظهر الدهور كلها امين ..بتعودنا الكنيسه احبائي في الاحد الرابع من شهر مسره و هو يعتبر اخر حد في السنه القبطيه ما لم يكن الشهر الصغير في يوم احد تقرا علينا انجيل على نهايه العالم ونهايه الايام واقتراب ملكوت الله ..متى يكون هذا وما هي العلامه عندما يتم جميع هذا ..سنين بتعدي على الانسان سنه وراء سنه وراء سنه نودع سنه ونستقبل سنه عايزه اتكلم معاكم شويه عن قصد ربنا من تتابع السنين ..قصد ربنا من تتابع السنين هو تحقيق مشيئته في حياتنا.. قصد ربنا من تتابع السنين تحقيق مشيئته فى حياتنا. قصد ربنا من تتابع سنين تحقيق مشيئته فى حياتنا ..ربنا ليه قصد ربنا له فكر ربنا لة اراده.. يا رب الايام بتعدي عليا انت عاوز مني ايه.. جميل الانسان احبائي اللي يكون فاهم اللي بيحصل له وفاهم ايه قصد ربنا من الحياه بتاعته ..حتى من الآمه حتى من تجاربه حتى من حرماناته حتى من ضيقاته.. عشان كده جميل ان الانسان الزمن بالنسبه له يبقى مفيد.. ثلاث كلمات اقول لهم عشان استفيد بالزمن وتتابع الزمن ..اول حاجه وضح الرؤيه ..ثاني حاجه الطاعه.. ثالث حاجه الصبر.. اول حاجه وضوح الرؤيه.. لازم ابقى عارف اللي بيجري ده ربنا بيعمله لية... واحده مره كانت تعبانه مريضه فبتعاتب ربنا بتقول له انا مش عارفه انت عملت معي كده ليه كان واحد بيزورها قال لها وخلي بالك هو مش عمل هو عاوز يعمل ولسه هيعمل.. وعاوز يعمل ده جزء من الي بيعمله ربنا.. ربنا ما بيغلطش ربنا قاصد طب ليه يا رب انا قاصد ان انا اعمل باعمل يعني ايه يعني بشكل باعمل يعني بهيى يعني بوضب.. برتب ..الله احبائي غير مسؤول عن تحقيق احلامنا الخاصه او مشيئتنا الخاصه ولكنه مسؤول تماما عن تحقيق ارادته الخاصه في حياتنا في فرق.. ايه احلامي انا عاوز انبسط اكل اشرب اتفسح الاولاد يتجوزوا ويخلفوا هي دي احلامي. انا الخاصه لكن ربنا لة اراده ثانيه ..اراده ربنا اعلى من كده ايه ارادتك يا رب.. خلاصك.. لازم يكون عندي وضوح الرؤيه كل حاجه تحصل في حياتي افهم ان ده جزء من خطه خلاصى ربنا بيعملها عشان دي مفيده لي.. احيانا الانسان يبقى عاوز يمشي الانسان على هوايه ما عندوش رؤيه عاوز يمشي خطة ربنا تخدم طموحاته هو الخاصه او اهداف هو الخاصة..حتى صلواته يصليها من اجل امل خاصه او احتياجات خاصه او فكر خاص.. بيقولوا عن واحده ست بسيطه مره كان الشباك بتاعها جنب جبل والدنيا حر عاوزه شويه هواء فقالت يا رب يعني مش مكتوب في الانجيل ان لو انسان عنده ايمان تنقل له جبل طب انا عايزه تنقل الجبل ده عشان يدخلني شويه هواء..ظلت تصلى والجيل لم ينقل ... قالت بصي يا رب انا هعطيك مهله اسبوع .فصلت اسبوع الجبل ما اتنقلش قالت لا انا الظاهر صلاتي ضعيفه..صلت اسبوع كمان الجبل ما اتنقلش.. قالت بص انا هاسجد كم سجده وهفضل مغمضه عيني في الارض واعد 1 2 3 لحد 10 واشوفك هتنقله ولا لا عدت لحد 10 وغمض عينيها فتحت عينيها لقيت الجبل زي ما هو. قالت انا كنت عارفه انك مش هتنقل الجبل كنت عارفه ..فكرك يعني ربنا ينقل جبل لواحده عشان يجيب لها شويه هواء.. ده لو العمل ما كانش اتعمل لمجد الله ومفيد للخلاص ما يتعملش ..يوم ما ربنا نقل جبل المقطم كان لمجده. مش لمجرد شويه هواء.. احيانا انا ببقى عاوز امشي ربنا على مزاجي ينفع طفل صغير يقول لبابا يكون عنده سبع.. ثمن سنين بابا اشترى لى العربيه دى..يجي بابا يروح جايبلوا العربيه ..ماينفعش..ده احنا نقول على الراجل ده راجل مدلل ابنه مش عاقل مش متزن الصح يقول له ايه بص يا حبيبي ذاكر كويس وان شاء الله وعد مني يوم ما تاخذ الشهاده بتاعتك والبكالوريوس بتاعك هاجيب لك العربيه دي.. من عيني هو مش بخيل ولا ما معهوش فلوس بس عارف يعطى الحاجه امتى وليه اهو ربنا كده لازم يكون عندي وضوح رؤيه في حياتي ليه يا ربنا بتعمل معايا كده ليه. ايه هدفي انا بحقق اية... في جزء من خطه ربنا المفروض يكون بيتم معيا ..ربنا بيشكل فيا كل سنه ربنا بيشكل فيا حته .كل وقت ربنا بيعمل معايا جزء من الخطه بتاعتي حتى لو كان الامر لسه ما ظهرش...عارف انت لما تجيب فنان يرسم لوحه ممكن تبقى مش فاهم اللوحه دي ايه بس هو قطع فيها شوت كبير بس لسه ما ظهرتش...احنا كده ربنا عمال يرسم فينا بيشكل فينا وممكن تكون في اجزاء محتاجه حفر ممكن اجزاء محتاجه ضغطه ممكن اجزاء تكون محتاجه شويه شده ربنا احيانا بيعمل معانا كده.. الله احبائي بيحقق مشيئته الخاصه في حياتنا ربنا يريد لنا الخلاص.. عاوز لنا نعيش فرحانين طبعا فكرك ربنا عاوزنا نعيش فى حزن...ابدا ..ربنا خلق لنا كل شيء للتمتع لكن في نفس الوقت بيقولك خلي بالك لتفقد الهدف وضوح الرؤيه فاكر انت لما زي عامواس ماشين مع ربنا ماشيين مع ربنا لكن مش شايفينوا...بيقولك امسكت اعينهم عن ان يعرف ما فيش رؤيا لما ما فيش رؤيا يبقى ما فيش مخلص لما ما فيش مخلص يبقى ده بالنسبه له عابر سبيل لما بقى عابر سبيل يقول لك تعال معنا القريه بتاعتنا واشتغل معانا يقول لك لا انا مش جاي على شان كده انا جايه عشان افتح يوم الجمعه وتعرفيني ربنا في حياتنا احبائي عشان يفتح عينينا عن قطته وعن قصده هو عاوز مني ايه ماذا تريد يا رب عشان كده احبائي الانسان محتاج جدا يكون عنده رؤيه في حياته قال لك بلا رؤيا يجمع الشعب بلا رؤيه تخيل انت لما الواحد يكون عايش حياته بلا رؤيه يحصر نفسه في ايه في اللحظه دي يحصر نفسه في النهارده لكن لا يسالوا سؤال يقول لك هو الحاضر اللي بيصنع المستقبل ولا المستقبل اللي بيصنع الحاضر الناس تقعد تفكر كثير اهو الاثنين بيصنعوا بعض بس بالاكثر المستقبل بيصنع الحاضر يعني ايه يعني لازم احدد الاول انا عاوزاه وفي خلاله اعمل دلوقتي ايه اللي انا عاوزه مستقبل يصنع الحاضر عايزين يدخل كليه طب واحد عاوز يعمل كذا فالمستقبل قدامي يصنع الحاضر بتاعه دلوقتي طب احنا بالنسبه لنا ايه مش كليه طب ولا بتاع الحكايه اكبر من كده بكثير انا عاوز الابديه ده المستقبل يصنع الحاضر رؤيه ربنا لنا كده شايف لنا المستقبل وبيصنع الحاضر بتاعنا من خلال رؤيه المستقبل من خلال رؤيه الابديه لو فقدنا الحكاديه بقينا مش فاهمين الحاضر ولا عندنا رجاء في المستقبل مشكله تخيل انت كده انسان فقط حاضر وفقد مستقبله ما له جذور ولا اهداف لكن الماضي لهدف والحاضر لهدف والمستقبل واضح قدامه عشان كده حط هدف في حياتك انت عاوز ايه من الحياه بتاعتك العمر بيجري طب انا عاوز ايه عاوز كلمتين عاوز ملكوت الله وبره بس ملكوت الله في السماء عاوز اربح ملكوته ان انا اعيش بره الاثنين بيربطوا بعض ملكوت الله ده المستقبل برو ده ايه ده الحاضر تعيش بره تاخذ ايه تاخذ ملكوته. تفقد احساسك بملكوت وفي نفس اللحظه تفقد احساسك ببره. بس .لدرجه ربنا يسوع بنفسه حدد لنا هدف الحياه في شخصة القدوس المبارك لما وقف يصلي في صلاه الوداعيه قال انا مجدتك على الارض انا عشت على الارض امجد اسمك ادي حياتنا حياتنا بنعمل فيها ايه بنمجد الله في كل شيء القديس يوحنا ذهبي الفم في اخر ايام حياته بقى يقول لهم افعلوا كل شيء لمجد الله.. تخيل انت كده لما شغلك لما بيتك لماجد الله اولادك لمجدا الله نجاحك لمجد اللة مالك لمجد الله..كل شيء لمجد الله...انت كده عندك هدف.. واحد عشان أحقق خطه ربنا في حياتي يكون عندي وضوح رؤيه انا عارف انا عاوز ايه ...الهدف.. ناس كثير قوي بتتكلم عن الهدف. لما واحد يدخل شركه يقولوا له احنا عاوزين نعمل كذا احنا محتاجين نبيع من الدواء ده العدد العلب دى خلال شهر... يظل الانسان يجري يجري ويقول انا نصف الشهر وما بعتش ربع الكميه طب شد حيلك يلا.. ما تنامش.. اشتغل صبح ظهر وليل يلا ويلاقي نفسه يا دوبك هيبتدي يلحق الرقم الاخير..لو مش حاطين له هدف ..ما يجريش وما يتعبش حط هدف.. هدفك اوعى ملكوت ربنا يتشال من ذهنك لحظه واحده هدف.. هدف ارضاء الله هدف اسعى لإرضاءة ..قال لك كده بدون ايمان لا يمكن ارضائه..ماهو هدفك.. ارضاء ربنا.. كنت امبارح بقول لهم على قصه بيقول لك ارضاء ربنا ان انا عاوز ارضي ربنا عند دون جميع الناس مش شرط الناس فكرك اللي يحقق هدفه ده معناها ان الشرط تكون الناس راضيه عنه ..لا.. بيقول لك عن واحد عازف مشهور جدا.. جاي يعزف القاعه مليانه من الناس الي بيحضروا العصف بتاعه . القاعة كلها بتثقف له..مبسوطين جدآ...هو خرج متضايق وزعلان واحد صاحبه بيقول له متضايق ليه ده القاعه كلها سقفت ....قالة القاعة كلها سقفت ماعدا واحد.. قال له مش مهم تلاقيه ما بيفهمش سيبك منه الواحد اللي ما سقفش ده.. قال له لا ده ده اهم واحد قال له اشمعنا..قالة اصل ده المدرب بتاعي كون ان المدرب بتاعي لم يسقف ..يبقى انا النهارده ما عزفتيش كويس ده اهم شخص ده الوحيد اللي بيفهم فيهم كلهم لو هو بس اللي سقف لي والقاعه كلها ما سقفتش مش مهم عندي ...عيني على دة بالذات...مين بقى المدرب بتاعنا ربنا اللي بيراقب تصرفاتنا ...لما انا ارضية...كفاية مش عاوز حاجه ثانيه....لكن لو كل الناس قالوا عليا كلام كويس وانا مش براضيه هو ايه الفائده ..ايه الفائده لو الناس كلها قالت لي انت كويس لكن انا فى عينية مش كويس ...عشان كده لازم اراجع حياتي عليه واراجع تصرفاتي على وصاياة ...وراجع هدفي باستمرار واشوف انا بحقق هدفي ولا لا ...عشان كده يقول لك لا تحزن ان لم تحقق هدفك ولكن احزن ان كنت بلا هدف.. لا تحزن ان لم تحقق هدفا لكن احزن ان كنت بلا هدف.. واحد..وضوح الرؤيه رؤيه.. اثنين.الطاعة تطيع يعني ايه.. يعني يا رب في مقابل اللي انت بتحقق خطتك في حياتي ممكن اتألم ..حاضر.. اتضايق حاضر اتحرام من حاجات حاضر.. طاوع خلي حياتك سلسله من الاجتهاد لان عندك وضوح للرؤيه.. امشي معاها النقطه الثانيه بتاعة الطاعة يعني التسليم سلم لربنا ..ما اجمل ما قيل عن ابونا ابراهيم انه يقول لك خرج وهو لا يعلم الى اين يذهب ..تخيل انت واحد عنده 70 سنه وعنده زوجه وعنده اولاد وعنده غنم وعنده وعنده وبيخرج ومش عارف هو رايح فين.. وغني جدا ومستقر عاوز يحقق قصد ربنا من حياتي ...المفروض اللي يحقق قصد ربنا من حياتة يعمل ايه...يسلم عشان كده ثلاث كلمات مرتبطين ببعض جدا.. سلم تاخذ سلام ..سلم تاخذ سلام تاخذ سلامه ..في حياتك ..سلامه في كيانك التسليم يجيب لك سلام الناس ليه ما عندها السلام.. عشان ما فيش تسليم.. بيعاكس في ربنا.. ربنا عايزه حاجه وهو عاوز حاجه.. والاثنين متعارضين كانوا زمان يقولوا عن شويه امراض... نفسية جسديه يعني ايه المرض ده اثر على الحاله النفسيه اثرت على الشخص فزاد المرض النهارده العلم بيثبت ان ما فيش مرض يخلو من الحاله النفسيه ..ما فيش مرض قوه شفاءه او قوه هجوم ميكروب للجسم يتوقف على الحاله النفسيه لما بترتفع الحاله النفسيه للانسان ترتفع مناعتة ترتفع مقاومته لاي ميكروب. الحاله النفسيه .. لما احنا نكون مش عايشين في تسليم بنكون نفسيا تعبانين..ولما نفسيا بنكون تعبانين بنبقى مافيش سلامة فى حياتنا...ربنا عاوزنى اسلم يعطينى سلام وسلامة...عشان كده جميل الانسان اللي يكون مطيع في حياته لمشيئه ربنا.. اطيع ..اطعتم من القلب صوره التعليم التي تسلمتموها.. قالوا حاضر يا رب خرج وهو لا يعلم الى اين يذهب.. خارج لية... احقق قصد ربنا... احقق خطه ربنا لي طيب انت عارفها. . اقول لك مااعرفش..بس انا اعرف انها للخير ...ربنا يقعد يعلم في موسى النبي جوه قصر فرعون 40 سنه ...تهذب بكل حكمه المصريين.. كفايه قال له اه كفايه .. خرج بقى موسى وقال له خلاص اشوف بقى شعبي.. انا قعدت عند الناس دول 40 سنة ..فهمتهم كويس جدا..فهمت ثقافتهم وعلمهم ..لقى واحد مصري بيضايق واحد من شعبة اسرائيلى..راح قتل المصري.. قال له ما انا عايز اخلص شعبي ربنا قال له بس خذ تعال قتل المصري راح ربنا قال له ما ينفعش كده انا عاوزك تخلص الشعب بتاعي قال له طب ما انا هون بخلص..قالة لا تعالى واخرجة الى البريه..قالة انت اخذت 40 سنه علم فاضل لك قدهم حلم.. اصل انا مش عايزك يبقى عندك علم بس انا عاوزك عندك علم وحلم ...طب يا رب ما تختصر المده شويه 40 و40 هو العمر فاضل في ايه.. ربنا عنده استعداد يقضي ثلاث تربع عمرك بيحقق خطة خلاصك حتى لو انت مش فاهم المرحله اللى بعدها اية...قال لة انا هجعلك تدرس كل علوم المصريين وبعد كده اخليك في البريه.. البريه تعمل ايه اولا عاوزك تدرس سيناء كويس جدا اعمل بها ايه سيناء... بس في حاجه قدام عاوزك تاخذ بالك منها.. حاضر درست سيناء..وبعدين عاوزك تشتغل راعي غنم ليه قال له عشان رعايه الغنم دي تعلم الاهتمام والحب والصبر وطولت البال ..عشان انت هترعى قطيع كبير هتلاقي في المشاغب والمتمرد والعطشان والجعان انا لي خطه ..وموسى يقول حاضر ففي 40 سنه اخذت فيهم علم و40 سنه اخذت فيهم حلم ..ساعتها ربنا جاء قال له تعالى عشان نبتدي في المرحله الثالثه اللي هي ايه رحله خلاص الشعب يروح الفرعون يعرف يتكلم مع فرعون ما هو دارس الحكايه كويس ..ولما يخرج الشعب يعرف يخرج بهم في البريه ويعرف ازاى يحتملهم ...قالك..واما الرجل موسى فكان حليما اكثر من كل سكان الارض اخذ الحلم ده من ايه 40 سنه ربنا كان بيديه له ربنا عنده استعداد يحقق خطته في حياتنا بس عاوزه مننا طاعه.. عاوزة مننا خضوع عاوز مننا تسليم الله يهتم جدا ان يصنع ما لا يبنيك حتى وان كان لا يرضيك...الله يهتم جدا ان يصنع ما يبنيك حتى وان كان لا يرضيك . زي بالضبط كده اب وطفل بيقول له ذاكر والتانى بيقول له عاوز اللعب... هو عاوز مايبنيك حتى وان كان لا يرضيك.. بابا مش فاهمني بيحرمني من اللعب.. باقول لك معلش انا اشد عليه شويه وبعدين ابقى اصالحوا دي سهله.. لكن غير اني اقول له اية... طيب خلاص العب ومش مهم مش يصنمع ما يرضيك يبقى ده مش اب يبقى ده مش خايف عليه.. لكن هو يصنع ما يبنيك حتى وان كان لا يرضيك...محتاج ان انا اقولة انت يارب تعرف اكتر منى...حاضر...لانك انت تعلم الصالح لى اكثر مني...عليك ان تتوقع بالصبر..كلما يتأصل فينا احساس الضعف يتاصل فينا احساس بضرورة الارتباط بالقوى..الزمن وخطة ربنا لينا سنة يتعدى وسنة بتأتى...كل جزء فى السنة..بيحقق جزء من خطه خلاصنا...عشان كدة لازم يكون عندي وضوح الرؤيه وطاعة وصبر حتى لو كنت مش شايف نتيجة حاليا...لكن ربنا بيعطينى وعد حتى وان لم يحقق انا واثق انة هيعطينى حسب امانتى....وبحسب ايمانى ربنا يكمل ناقصنا ويسند كل ضعف فينا بنعمته ولالهنا المجد الى الابد امين

مجنون أعمى اخرس

بسم الاب والابن والروح القدس اله واحد امين تحل علينا نعمته وبركته ورحمته الان وكل اوان والى دهر الدهور امين... فصل من انجيل بشارة معلمنا متى البشير بيتعاد علينا في الكنيسه كثير قوي.. حين اذن احضر اليه اعمى به شيطان تلاقيه في بعض البشاير الاخرى احضر الية مجنون اعمى اخرس..فى أمراض بيتقال عليها متلازمه بتبقى شبكه امراض.. مع بعضهم يعني حاجه بتجيب حاجه بتجيب حاجه يبقى فيه متلازمات في الامراض الجسديه هكذا في الامراض الروحيه في متلازمتات .. في الحقيقه يعني اختارها المرض الاولاني اللي هو الجنون بعيد عنكم جنون اختلال العقل تفكير الغير منطقي تصرفات غير المنطقيه ثلاث حاجات احنا عايشين بيهم التفكير والمشاعر والاراده لما بيكونوا مرتبطين ببعض الثلاث حاجات دول الانسان بيتصرف كويس يعني مشاعري دلوقت مثلا يعني انا عايزه اكل بس عقلي بيقول لي ما يصحش هنحضر قداس وتتناول..فارادتى تقول لا مش هاكل دلوقت ده كده معناه انه شخص الثلاثه مظبطين مع بعض المشاعر مع العقل مع الاراده لكن لو الثلاثه مفكوكين من بعض هتلاقي ان الانسان يعمل حاجات ضد العقل ضد المشاعر ضد الاراده الثلاثه مفكوكين من بعض ده الجنون القديس العظيم الانبا انطونيوس شبه الخطيه بالجنون قال اصل الخطيه نوع من انواع اختلال العقل الخطيه نوع من انواع الانسان الغير متزن اللي مش بيحس بتصرفاته دة كدة اسمة اية...اسمة الجنون... يعني تخيل كده لو واحد بيكلمك على انه مثلا يبيع الشقه بتاعته تقول له عايز كام .. يقول لك10 جنيه..دة مجنون . يعني كده ده واحد بيعمل تصرفات غير منطقيه اصل هو مثلا جعان وعايز يجيب ساندويتش طب جعان وعايز يجيب سندوتشات .. طب يعني جعان يقوم يبيع شقه!! ده كده اسمه جنون..... الانبا انطونيوس قال الخطيه جنون لان فى الحقيقه احنا بنعمل في الخطيه حاجات غير منطقيه ايه هي ان الانسان يخسر حاجه غاليه عشان ياخذ حاجه رخيصه يخسر حاجه كبيره عشان ياخذ حاجه قليله ده كده اسم مجنون ما هو المثل اللى احنا لسه قلناة من شويه ده بتاع الراجل اللي عايز يبيع الشقه بشوية ملاليم .. طب ما احنا كثير بنبيع ماسكنا الابدى بلذة ارضية واحد زي عيسو انغلب لشهوه بطنه قال له عاوز اكل قالة ا ديني بكوريته قال له ايه ؟قاله اتفضل قال له يا سيدي بلا بكوريه بلا بتاع مش انا ماضي الى موت يعني مش هتنفعني بحاجه (جنون) باع الغالي بالرخيص طب يا عيسوي طب خليها دة جنون ... اهو ياما احنا احبائي بنقع في نوع من انواع الجنون ده ان الواحد يختار الارض عن السماء واحد بيختار 10 20 سنه عن الابديه واحد بيختار انة يتمسك بامور ذائلة.. الكتاب المقدس بيقول الحياه بخار يظهر قليلا ثم يضمحل.. احنا عايزين نمسك البخار بايدينا نتيجه امسك البخار بيدينا تلاقي ايه.. ما فيش حاجه .. عشان كده ا احبائي لما الانسان يكون مش بيفكر صح يعمل ايه ؟؟يعمل للابديه لازم تعرف ان كل الاشياء اللي احنا عايشين بها ان كل ده زائل لدرجه انو معلمنا بطرس قال في وقت هتنحل العناصر الحل العناصر يعني ايه ما يبقاش فيه مواد الحياه هي دي العناصر.. العالم كله يزول وشهواتة لابد ان يكون الانسان عاقل اومال المجنون عاوز اية ..عاوز يبيبع الغالى بالرخيص...وعاوز الحاجه بتاعه دلوقت وبس جنون .. ياما احبائي الاشياء بتصير عندنا الهة الاله بيبقى عندنا شيء ياما عبادة الأشياء تبقى فى قلبنا.. وفي از هنا وسعين اليها.. الواحد لازم يسال نفسه سؤال في كل امور حياته لازم تقول لنفسك سؤال صغير جدا حطه قدام قلبك وقدام عينك .. قل له بعدين؟؟ جبت كذا اشتريت كذا جبت عملت كذا جبت عربيه سفرت هاجرت اسال نفسك وبعدين وبعدين وبعدين اصل من ضمن جنون الخطيه ان الانسان ما بيكونش واخذ باله من حكايه بعدين دي مش واخذ باله هو عاوز دلوقت وخلاص.. بولس الرسول يقول ايه ان نقض بيت خيمتنا الارضى فلنا في السماء بناء.... ساعات بيكون الانسان متلخبط شايف ان الحياه بتاعة دلوقت وبس تقول له السماء يقولك دةوهم الدينونه يقول لك ده تهويش ممكن يثبت لك اصلا اللي ما فيش حياه ابديه ولا في اي حاجه ما فيش حاجه اسمها ده دينونة عايز يسكن ضميرو عايز يعمل نفسه حسابات خاصه حين حينئذ احضر اليه مجنون اعمى اخرس اصل الجنون يجيب العمى والخرس اصل الواحد مش شايف ياما الانسان احبائي الخطيه بتعمى بتخلي الانسان ما بيكونش شايف حقائق الاهية....قصة النهاردة بتاعت القس بيقول لك شماس شماس صغير شاف رؤيا شاف اثنين نورانيين حاضرين في الكنيسه بيباركو الشعب وبيشوفوا امراض وعند البخور ع المذبح شم ريحه جميله ياما حاجات في الروحيات اللي بنمارسها محتاجه ايمان اكتر من العيان و محتاجه نظره روحيه عين مفتوحه زى الترنيمه مابتقول لو الروح يدينا نشوف الكنيسه دى بالروح مش يعنينا... هنلاقيها سماء ثانيه حاجات كثير احبائي في حياتنا محتاجين نشوفها من نظره الاهية من النظره كتابيه ايه العالم ونستخدم العالم... ايه الاولاد لمجد المسيح نربيهم حسنا يحمله اسمه بين الناس دول شهود وامناء للمسيح نظرتي للمال انه وسيله نظرتى للنجاح انه لمجد المسيح نظرتي للحياه انها قصيره المال وسيله لما الانسان يعقل تلاقي كده شويه.. شويه تراب يتشالوا نشوف بقى الامور على حقيقتها تعرف يعني ايه مرض يعني ايه سماء يعني ايه ان الجسد ده ضعيف جدا جدا جدا يعني ايه ان يصنع محبه نسمع رحمه ونصنع صدقه ما خلاص مع الحاجه اللي كان متمسك بها عارفين ان هي ثراب... ابتدي يعقل ليه يعقل؟ خلاص بيقولوا اذا كان يشوف الشخص عاقل ولا مجنون فى مستشفيات الامراض العقليه بيعملوا لهم اختبارات كتيرلهم مثلا ينظف مكان يشوفوه ينظفوا ازاي.. يشوفوا كدة اذا كان يقعد ينضف مكان يجمع شويه تراب وبعدين يروح يرميهم ثاني.. يقولوا ما خلاص اه تقريبا لسه الحكايه مش مضبوطه معي.. بعدين يجيبوا حاجه يعملوها ميه بيقولوا له خذ المساحه والجردل واقعد امسح الميه بيلاقوا الميه اللي بيشيلها في الجردل يفضيها ثاني.. وهكذا.. خلاص يبقى ده لسه لسه تفكيره مش مضبوط.. المفروض بقى كان اهم حاجه يعملها كان يقفل الحنفيه ما هي طول ما انت عمال تنشف في الميه و حنفيه مفتوحه ابقى كده عمرك ما هتعرف تلم الميه اهو ياما كده احنا احبائي بنعمل كده سايبين الحنفيه مفتوحه تنزل شر علينا سايبين الدنيا هي اللي تمشي فينا سايبين رغبتنا شهوتنا هي اللي بتدفعنا... عشان كده معلمنا بطرس الرسول يقول لنا ايه انما نهايه كل شيء قد اقترب فا تعقلون واصحوا...( مجنون اعمى اخرس) ولا شايف ولا سامع الاله اللي في حياتي ما اعرفش وانا سامع ولا شايف شايف اكل وشرب ودنيا هو ده اللي انا شايفه شايفه فولا وفلان.. لا بس انا عاوزك تشوف حاجات.. ثانيه اشوف ايه ..شوفي ان الدنيا دي صغيره قوي.. لازم تشوف انك ازاي تصنع بره وتشوف المسيح في الناس لازم عينك تبقى عين بتشوف لازم تقول نسبحك نباركك نشكرك نمجدك ننطق بوجودك وباسمك ده الانسان اللي بيبارك اي اي كلام بيقولوا الانسان طول اليوم ما فهوش بركه ربنا مفهوش بركه الست العذراء والقديسين ما فهوش علامه الصليب يبقى ده انسان اخرس( لسان ) ياما الانسان احبائي محتاج يشوف الامور على طبيعتها يترجم الامور صح يشوف المرض .. يقول له يا يا رب اشكرك على الصحه اللي انت اعطتهالى.. بس انا عارف ان الجسد والصحه ذائل.. عامل حسابي كويس قوي ان الجسد ده زائل انا عارف يا رب وانا بشكرك على شويه الصحه اللي انت اديتهم لي...( ده كده انسان بيترجم الامور)) تجربه زي اللي العالم كله بيمر بيها دلوقت دي وباء يكتاح العلم العالم كلة لو ما فهمناش الدرس يبقى (مجنون اعمى اخرس مش فاهم) مش فاهم ربنا عايز يقول ايه ربنا عايز يقول يا جماعه انا موجود انا قادم انا معطيكم كل شيء باركونى مجدونى احمدونى مش بعاقبكم انا بقربكم. بس شايفكم مالهيين على راي مره الست العذراء كانت ظاهره الاطفال قالتلهم قولوا رساله للناس الوقت قريب وانتم تلهون.. انا عماله اشفع فيكم اشفع فيكم عمالة اقول لابني اصبر تأنى اديهم براح بس في الاخر لازم يكون في دينونه( الذين صنعوا الصالحات الى قيامه الحياة و الذين صنعوا السيئات الى قيامه الدينونه)) مش شايف الاحداث مش سامع(( اختم كلامي مره واحد كان تعبان قوي وصل لدرجه العنايه المركزه وقاعد في حجره العنايه وحاسس بقى بصوت الاجهزه وحاسس باقتراب ساعات النهايه فبص للسماء كدة وقالة كدة برضة يارب تاخذني بدون انذار ارجوك يا رب انقذني وانا اصلح نفسي وصلح في حياتي انا ما تعودتش منك يا رب ان انت تبقي قاسى عليا كدة .. واديني فتره كده عشان اعرف اتوب واتصلح انا يا رب كنت اعمى سامحني واديني فرصه ففعلا... عايش 10 او 12 سنه بعد الموضوع ده.... فحصل بعد كده انه تعب وراح نفس المكان فقعد يقول له برده كده يا رب ما تمهلنيش.. قال له ماامهلتكش... قال لها يا رب انت ما انت مانبهتنيش... قال لة كام جنازه حضرتها كم شاب انتقل . كم مريض زرتة كم فقير افتقدتة .. كم وكم وكم كل ده وانا مش باكلمك.. بس للاسف احيانا الانسان ما بيسمعش في انسان في ودانه وتصرخ وبرده مش سامع عشان كده ربنا عاوزنا نكون عندنا مجرده اشوف وافهم اقولة يارب ده انت مطول بالك على قوي.... انت كثر خيرك انك انت محتويني كثر خيرك انك صابر علي.. اصبر عليا يارب عشان اصنع بر .. عايزه اعوض اللي فين. ربنا يقول لك لا ما تخافش الحته دي على انا بتاعتي انا انت بس اطلب التوبه دلوقتى وتقدم خطوات عمليه ما يبقاش حبك لنفسك زي ما هو ولا للمال ولا للعالم ولا للمقتنيات ولا للارض.. ولا للشهوات ولا الغرائز... اقول له يا رب انا عاوز امجدك في جسدى عاوز اكرمك في حياتي.. عاوز امجد اسمك.. ساعتها هنخرج واحنا معافين تماما خلاص ابتديت افكر صح وابتديت اشوف صح واسمع صح فى الافلام لما كان يجي صوره الشخص المجنون ده يجيبوا متلخبط وشعره منكوش وعمال يزعق وعمال يضرب بعد ما يسوع شفاه جابوا لك واحد هادي متعقل ربنا يدينا احبائي ان نشفى من امراضنا الجسدية والروحية وان يصنع فينا اية صالحة ان يعطينا ان نشفى من أمراضنا الجسديه وروحيه يكمل نقائصنا و يسند كل ضعف فينا بنعمته لإلهنا كل المجد أبدياً أمين

العنوان

‎71 شارع محرم بك - محرم بك. الاسكندريه

اتصل بنا

03-4968568 - 03-3931226

ارسل لنا ايميل