عشية استشهاد القديسين العظيمين بطرس وبولس الرسولين نتذكر معهم عمل الله في الكنيسه وكرازتهم ومحبتهم وتعبهم وتعاليمهم كيف كانت مؤثره في الكنيسه العالم احبائي قبل الرسل كان معظمه في قبضه الشيطان في عباده الاوثان معظمه سالكين في ظلمه فاتوا الرسل وكرزوا وعلموا واسسوا الملكوت وخطفوا الناس من قبضه ابليس وجذبوا ناس من قاع الجحيم قالوا لهم تعالوا اخرجوا من الظلمه الى النور اخرجوا من سلطان عدو الخير الى حريه مجد اولاد عشان كده احبائي النهارده نحن نعمل تذكار لميلاد مسيحيتنا اليوم هو يوم فارق يوم عيد عشيه عيد الاباء الرسل الاباء الرسل من يوم ما حل عليهم الروح القدس اصبح بهم قوه ومجاهره عجيبه جدا معلمنا بطرس الرسول اقرا في سفر الاعمال عظاتة وتعليمه وجرأتة يتكلم مع اليهود يقول لهم يسوع المسيح الذي صلبتموه انتم الذين صلبتموه زمن الخوف قد راح يسوع المسيح الذي صلبتموا انتم امام بيلاطس البنطي وهو حاكم بأطلاقه معلمنا بطرس بكل مجاهره نادى وفى العظة الاولى فى اليوم ال 50 دخل الايمان 3000 نفس بعدها اصبحوا 5000 بعدها قال وكان الرب يضم كل يوم الى الكنيسه الذين يخلصون وامتد الملكوت وانتشر الملكوت وارتفع الملكوت جذبوا ناس من قاع الجحيم الى حريه مجد اولاد الله احبائي نحن نفتكر ابائنا الرسل بكل فخر وكل فرح ونرى كيف تعبهم مهد المسكونه بأكملها فتح امام الكل ابواب الفردوس وجعلهم يتمتعوا بالخلاص الذي قال عنه معلمنا القديس بولس الرسول الخلاص الذي فتش عنه كثيرين معلمنا بطرس الذى كان صياد السمك وكان رجل بسيط عندما تقرأ رسائلة تجدها منتهى العمق عندما يقول ان ايماننا هو الإيمان الذي لا يفنى ملكوت الله الذي لا يفنى ولا يتدنس ولا يضمحل المحفوظ لنا في السماوات يكلمنا عن الخلاص الثمين يكلمنا عن الحريه التى اخذناها في يسوع المسيح يكلمنا عن احتمال الالام يكلمنا عن شركه ومواهب الروح القدس وعطاياة ما اجمل تعليم ابائنا الرسل عشان كده الكنيسه عندما تصلي و الذي انقرك أمام جارية اعترف بك امام ملوكا وولاه ظل يكرز معلمنا بطرس الرسول لحين ان استشهد بحد السيف . اما معلمنا بولس سيره بولس وجمال سيره بولس انت لي اناء مختار هذا اناء مختار و بك ينبغي ان يتألم من اجل اسمي ابرق نور من السماء وقال شاول شاول لماذا تضطهدني صعب عليك أن ترفس مناخس من انت ايها السيد الرب انت تتألم من اجل اسمي ودخل معه داخل المدرسه وذهب الى البريه الصحراء ناحيه دمشق وجلس فيها ثلاث سنوات كان استاذا في التوراه لكنة قرأ العهد القديم في ثلاثه سنوات بطريقه مختلفه تماما قرأ العهد القديم والمسيح امام عينيه لدرجه ان الاباء القديسين يقولوا عندما تريد أن تعرف العهد القديم اقرا رسائل بولس لان في فصحنا المسيح ذبح لاجلناالصخره تبعتهم وكانت الصخره المسيح الخروج لارض الميعاد هي السماء الجديده التي تنتظرنا هذا هو ارض ميعادنا عرف ان يربط العهد القديم بالعهد الجديد وجعلنا ونفهم اسرار واسرار كان زمانا يقراوا وعلى وجههم برقع مثل ما يوجد ناس كتير تقرا العهد القديم وعلى وجها برقع البرقع حاجب الرأية لكننا نحن البرقع بطل بطل في المسيح يسوع اصبحنا نرى لسان العطر بولس الذي اسس وكرز واسس وعلم في كنيستك المقدسه اقرا رسائل بولس وانظر روعه تعبيراته لم يشرح احد الخلاص مثل ما شرحه بولس التبرير مثل بولس الحريه مثل بولس لما يشرح احد العطايا الالهيه مثل بولس ثماره الروح القدس الا بولس بولس عرفنا اشياء كثيره جدا ربنا يسوع المسيح ترك لنا كنز كبير جدا هو الروح القدس الروح القدس محتاج اناس ان تشرح لكم وتفهمك فعمل لنا السبعين رسولا من ضمنهم نحن نحتفل بعيد استشهاد القديسين بطرس وبولس كميه الالام التي تحملها بولس عندما تقرا في رسائله يقول اتضربت واترجمت ليالى في العمق وضعوني في سل ودلوني من سور مدينه دمشق بجوع العري ضربات ولطمات مرات كثيره حاربونى كورنثوس الاولى 11 و 15 اقرأ الالامات التي تعرض لها وفي الحقيقه على قد هذه الالامات على قد العطايا الالهية التي الله اعطاها لو اعطاة استناره اعطاة فهم اعطاء وعي اعطاة عين مفتوحه مستنيره عيون اذهانكم وربنا يعطينا احبائي بركه ابائنا الرسل نقرب منهم ونحبهم ونفرح بكلامهم ونفرح بتعاليمهم ونفرح بالملكوت الذي نالوا وهو الاباء الرسل يقول لنا عيشوا حسب تعليمنا عيشوا حسب منهجنا الكنيسه اسمها كنيسه رسوليه تحيا بمنهج وفكر وتعليم الاباء الرسل كل سنه وانتم طيبين ربنا يفرح قلوبكم ويكمل نقائصنا ويسند كل ضعف فينا بنعمته ولربنا المجد الدائم إلى الأبد آمين.

بأسم الاب والابن والروح القدس الاله واحد امين.. فلتحل علينا نعمته ورحمه وبركاته الان وكل اوان الى دهر الدهور كلها امين ..الكنيسه النهارده احبائي بتقرا علينا فصل من بشاره معلمنا لوقا....لما يقول ثم عَين الرب 70 اخرين وارسلهم اثنين اثنين.. هنتكلم في نقطه واحده بس ..انت يا رب يسوع المسيح لما ارسلت رسلك عشان يكرزوا..قولت لهم يقولوا ايه؟ قولتلهم يقولوا حاجه واحده بس ... انه قد اقترب ملكوت السماوات تخيل انت كده يروحوا اي قريه اي مدينه يتكلموا مع اى شخص...يقولوا اقترب ملكوت السماوات.. في الحقيقه اقتراب ملكوت السماوات فيها ملخص لكل الوصايا المسيحيه اكثر حاجه تخلي لنا اشتياق لحياة مع ربنا جميله اقتراب ملكوت السماوات ...واكثر حاجه تطفي فينا حضور الله ومخافه الله وحفظ الوصايا وتطفي فينا محبه الصوم ومحبه الصلاه ان احنا لم نشعر بملكوت الله نشعر ان حاجه بعيده جدا حاجه مش فى اهتمامنا طب عاوز تبدل الامر ده خليك دايما تفكر في ملكوت السماوات احنا كل يوم واحنا بنصلي نقول ياتي ملكوتا دي شهوه عبيد الله الحقيقيه ان اقترب ملكوت السماوات لما واحد يحس ان الملكوت السموات اقترب يعمل ايه؟ تلاقي عنده استعداد وعنده اشتياق ومحبه صلاه محبه غفران ومحبه ترك ..عندة عدم محبه العالم ... لمجرد ان عندك اقترب ملكوت السماوات وده سؤال كل واحد فينا بيساله شعوري وشعورك باقتراب ملكوت السماوات قد ايه ؟ على قد الشعور ده على قد مقياس حياتك مع ربنا كل ما حسيت ان الملكوت قريب كل ما حسيت ان حياتك مع ربنا جيده كل ما حسيت ان ملكوت الله بعيد كل ما تعرف ان حياتك مع ربنا مريضه وحياتك مع باردة وحياتك مع ربنا ما لهاش هدف ..يلا كده كلنا نراجع نفسنا .. كأن الاباء الرسل جايين يبشرونا من جديد ويقولوا لنا ايه يا جماعه خلي بالكم قد اقترب ملكوت السماوات ليه بتتخانقوا ليه بتفقدوا سلامكم ليه عينيكم على الارض ليه ما عندكمش محبه وعندكم غيره ليه مش مَسلمين اموركم لربنا.. ليه ليه ليه ليه... اقول لك عشان فكره اقتراب ملكوت السماوات بعيده عنك...قرب شويه لحقيقه الملكوت ...واحنا بنصلي القداس اهدينا يا رب الى ملكوتك... واحنا بنصلي ابانا الذي بنقول ياتي ملكوتك واحنا بنقول قانون الايمان نقول وننتظر قيامه الاموات وحياه الدهر الاتي امين.. نصلي صلاه النوم نقول له هو ده انا عتيد ان اقف امام الديان العادل الان يا سيد تطلق عبدك بسلام حسب قولك واحد نفسه ينتلق من الحياه دي.. ليه ؟ لانه اقترب ملكوت السماوات شعور اقتراب ملكوت السماوات ده احبائي شعور بيجي للانسان اللي فعلا بيحب ربنا من قلبه ..واللى عينه ع المكافاه.. اكرزوا وقولوا قد اقترب ملكوت السماوات...كتير ناس بتستخف بهذا الامر ياما ناس بتعتبر ان الكلام ده وهم ياما ناس بتعتبر ان الكلام ده بعيد قوي قوي... اقول لك لا.. الانسان القريب من ربنا يحس ان الملكوت قريب قوي قوي يحس ان الملكوت يبقى النهارده ده مش بس النهارده لا ممكن يبقى دلوقتي ناخذ تدريب بسيط وكأن الرسل جايين كل يوم بيكرزونا من جديد ويقولوا يا جماعه قد اقترب ملكوت السماوات..وعندما اشعر ان اقترب ملكوت السماوات حاجات كثير تتبدل جواك..حاجات كثير تتولد جواك..وحاجات كتير تموت جواك...ربنا يثبت فينا حقيقة اقتراب مجيئة لالهنا المجد الى الابد امين....

العطيه العظمى عيد حلول الروح القدس بسم الاب والابن والروح القدس واحد امين تحل علينا نعمته ورحمته وبركته الان وكل اوان والى دهر الدهور امين عيد حلول الروح القدس بتسميه اباء الكنيسه عيد ميلاد الكنيسه.. عيد البركات. عيد الحصاد عيد الخيرات 🙏يمثل في العهد القديم عيد الحصاد... وهو كان باكورات الحصاد بتاعه الناس وعشور الحصاد يقدموا الى الهيكل.. ما حدش كان بيدخل الهيكل فاضى كل الناس كان معها خير كثير.. لدرجه انة مخازن الهيكل كانت مليئه جدا الكنيسه رابطت بين عيد الحصاد وبين عيد حلول الروح القدس لان هو كان عيد الخير عيد الخيرات والحصاد و عشان كده قال العطيه العظمه والسمينه عطيه كبيره جدا غنى كبير جدا بركه لا توصف تضاف الينا.. احنا الوحشين الخطاه الضعفاء والفقراء الغلابه واحد يقول لك خذ الثروه دي كلها.... اكتبها لك باسمك بس بشرط لو سمحت حافظ عليها ....انت اللي طول عمرك داخل في تجارات خاسرة ما بتعرفش حاجه وبتدخل بتخسر... معروف انك انت شخص مبدد... معروف ان انت شخص ما بتعرفش اي حاجه جالك شخص غنى قال لك انا هتبناك.. انت صعبان عليا.. انت ليه كده على طول متعصب ... انا هديلك الثروه بتاعتي و هنسبهالك انت بس خلي بالك عليها لو سمحت دي حاجه مهمه و غاليه علي حافظ عليها ...صدقوني احبائي ده اللي حصل معنا دلوقت زي احيانا كده لما بيكون في الدواء يبقى في شركه تعبانه كده ولا حاجه تاخذ توكيل اجنبي التوكيل الاجنبي ده يعني المنتج الاجنبي.. هيطلع من الشركه دي بس طبعا باسم التوكيل الاجنبي..يعنى نفس اسم الشركة ونفسى اسم الدواء .... لازم الشركه التعبانه دي تحافظ على اسم الشركه الكبيره...اهو احنا كدة...... احنا اخذنا حاجه مش بتاعتنا بتاعته بس لازم نحافظ عليها .. عشان كده مرات قال (( لا تحزن الروح .... لا تطفئ الروح....اسلكوا بالروح... عشان كده لازم تكون العطيه دي انا امينه عليها.. الروح القدس هو اللي يخلي واحد زي الانبا انطونيوس انه يبيع كل ما لهم الخطوه مش سهله ابدا صعب ان واحد يعمل كده لما تيجي نفكر بالعقل تلاقي دى مجازفه ... واحد زي الانبا صموئيل ..... المعترف عينه تعثرة يروح خالعها... دي حاجه مش سهله ابدا ده كلام ما يتوصفش كلام فوق العقل بيقول لك كل حاجه في حياتي القديسين بتفوق قدراتك وتفوق خبرتك وتصورك و تحس ان هي فوق المنطق تعرف ان دي بتاعه الروح القدس... لو عندك فضيله نفسك تقتنيها اطلب الروح القدس ... لو عندك شخص ما بتحبوش وتعبك في حياتك وعامل عثره في حياتك ومش عارف تتقدم ابدا من روح الكراهيه الموجوده تجاة الشخص دة.. اطلب من الروح القدس يشيل الكلام ده يكنس اي حاجه ما تقدرش عليها اطلب الروح القدس .. ده شغله... دي القوه المضافة الخفيه فى حياتنا هو ده الروح القدس.. الروح القدس اللي بيعمل فينا الاعمال بتاعته اللة مش بتاعتنا احنا متصدقش ان في بشر يعملوها.. هو ده عمل الروح القدس الروح لما في العهد القديم التكوين يقول لك كده وكان روح الله يا لف على وجه المياه.. لما كانوا يمسحه كهنة و ملوك وانبياء كانوا بيمسحوا وهم بالروح القدس بس كان فى العهد القديم كان مجرد حلول من بره في العهد الجديد اخذنا كسكنة... يعني مثلا الروح القدس يبقى على واحد علي داود مثلا شاول بس يقول لك مسحت كهنه وملوك وانبياء بس. . الروح القدس كان يحل كمان مش يسكن... في العهد الجديد قال لك لا لا لا انا مش عايزه اكرر نفسي طبيعه العديمة بتاعت الجنس البشري بتاعه العهد القديم... انا جاي اجددها ...جاى بخليقه جديده جايبها بروحي عشان كده قال لك انتم هيكل الله وروح الله يسكن فيكم في العهد القديم قال لك ان لما يشوع بعث الناس اللي تتجسس ارض الميعاد لما موسى بعت يتجسسوا ارض الميعاد...قالوا ان الخيمه كبيره الارض اللي احنا خارجين عشان ناخدها.. دي ارض صعبه جدا.. لا احنا تايهين 40 سنه عشان نروح الارض دي!!!دى أرض تاكل سكانها ارض غداره راينا هناك بني علاق كنا في اعينهم كالجراد احنا شفنا هناك ناس عمالقة.. هو دة اللى تعبنا عشانة 40سنه ويا خسارة هى دى الوعود هو دة اللى قولتنا علية يا موسى...!!! ورجعوا بقى يقول في سفر العدد اشاعوا مزلة الارض... الشعب كله جاء له حاله حزن ويأس احباط..وثورة على موسى.. . وبعدين بقى قال لك واما يشوع وكالوا فكان معهم روح اخرى... ايه يا روحي الاخرى هي الروح القدس... اسكت الشعب قالوا انها ارض جيده في سفر العدد٣ مكتوب كده ارض جيده جدا جدا جدا...ان سر لنا الرب يعطيها لنا... خلي الناس كده سكتت الروح القدس يخلي لك المستحيل سهل ..لا شئ مستحيل امام الروح القدس..... ان سر بنا الرب يعطيها لنا ...سر السماء فى الروح القدس..سر الفضيلة فى الروح القدس..سر الجهاد في الروح القدس عشان كده النهارده يوم فوق الايام مش من الايام العاديه يوم ما ينفعش ان احنا نسيبه نمسك فى بركتة افضل خزن خزن..خد خزين لانة هو يعطيك ما لا تتخيلة!! من فرط عطاياة صرنا لا نصدق...واحد يعطيك ملايين يكتبها باسمك...اية دة دى حقيقة ولا مزورة!!!دة حقيقة..عشان كدة احنا بالروح والحق نسلك...اتفرج ع المحبة اللى عند المسيح الحقيقة..اتفرج ع السلام اللى عند المسيح الحقيقى غلاطية ٥ .... محبه فرح سلام تقول انان لطف صلاح وداعة ايه ده ...دى ثمار ...الينبوع بتاعها هو الروح القدس الناس كلها عندها مشاكل في المحبه اما المليان من الروح القدس ما يعرفش الكلام ده ما يعرفش الكراهيه دي كلها بكل اللي فيها ما تزعجهوش تلاقية مليان فرح ..طب على اية!!..ازاى الناس عايشة فى كأبة وضيق وغلا وازاى الناس عايشة فرحانة!!! كدة !!!اصل هما عارفين ان لسنا لنا هنا مدينة باقية.. اصل هو من جواة مش هى دى الحاجات اللي تنكد علية تبص تلاقي ايه مليان سلام... ليست لنا هنا مدينه باقية 🙏يقول احد الاباء الرهبان اكثر شيء ينكد على ان مصليش دي اكثر حاجه لما تلاقيني ما بصليش تلاقيني عصبي.. اصل هو عارف القوه بتاعته بتيجي منين عارف المصدر هو الروح القدس يعلمك كل شيء ويفرحك ويسندك النهارده احبائي يوم خير كبير قوي على الكنيسه كل واحد فينا ما يمشيش غير وهو واخذ نصيب قولة كدة هلما تفضل وحل في وطهرنى من كل دنس..هذا لا تنزعة منا ايها الصالح نسالك ان تجددة. في احشاءنا ربنا يكمل نقائصنا ويسند كل ضعف فينا لالهنا المجد اللى الابد الامين 🙏🙏🤲🤲

بالطبع نحن سعداء برؤيتكم لأن هناك أشخاص من بينكم لم نراها منذ فترة طويلة وبالتأكيد أنه كانت لديهم مراجعة، فإن هذه الفترة وهي فترة ما قبل الامتحانات يكون الشخص فيها مرتبك، مشتت، غير متذكر، متشكك وبداخله أفكار كثيرة قد تكون أكثر من أفكار المذاكرة نفسها، مثلاً كم عدد الدرجات التي أحصل عليها؟، بماذا سوف ألتحق؟، هل سيقف الله معي أم أنه مثلما أنا كثيراً ما لا أكون معه فهو أيضا لا يكون معي؟!، أفكار كثيرة مشوشة، الشخص مننا يظل يحسبها بعقله، هل الله سيجد الفرصة التي يقول لي فيها أنا أريد أن آخذ حقي منك!، أحيانا هناك أشخاص تظن أن الله يفعل هكذا، ويظل مذبذب ثم تأتي إليه لحظة يقول فيها أنا لا أتذكر أي كلمة في الكمياء، ولا كلمة في الفيزياء، ... إلخ، لا يوجد شيء أبدا، أريد أن أقول لك أن كل هذا كلام طبيعي، إذن ماذا نفعل؟ أولا أريدك أن تنتبه أن الله لا يمكن أبدا يأتي لشخص يقول له هيا بنا لأنهي معك حسابات، هذا الكلام بيننا وبين بعضنا نحن البشر، لكن الله اسمه محب البشر الصالح، أتعرف ما معني كلمة صالح؟ الصلاح يقصد به أنه لا يتعامل مع من أمامه بالمثل، بمعنى أن الله يشرق شمسه لكل البشر حتى الذين يقولوا أنه غير موجود، وكل الشعوب سواء التي تعبد النار، البقرة، وكل هذه الأشياء الغريبة التي تندهش لها جدا، الله يعطي لهم خير، يطعمهم، يسقيهم، يشرق لهم الشمس، ويعطيهم كل شيء، يعطيهم الصحة وكل نعمة، الله ليس من النوع المنتقم، الله ليس من النوع الذي يقول للبشر أنا أفعل معكم ....، ....،.... إلخ، الله ليس كذلك، الله يحبنا وإن كان من الممكن أن يجربنا لكن تجاربه لا تحتاج إلى امتحان أو درجات، لا ليست هذه أبدا، بدليل أنك من الممكن أن تجد الطالب الأول أو الثاني على الجمهورية غير مسيحي، نقول يارب أأنت تترك أولادك هكذا؟!، يقول لك لا معذرة هذا موضوع آخر، ليس موضوع تصفية الحسابات، لابد أن تثق في الله أنه يحبك، إذا سمحت لابد أن تثق في الله أنه يحبك، ولابد أن تثق في شيء آخر أن الله صانع الخيرات، ولابد أن تثق في شيء ثالث وهو أن الله ضابط الكل، مدبر كل شيء، لابد أن تثق أن الله يحبك، الله يدبر لك أمورك أكبر من حدود عقلك الضيقة، لكن ما موضوع الامتحانات؟! هذا موضوع أن تذاكر فيه وتحصل معلومات وأشياء تفييدك، فلابد أن تذاكر جيدا وتفعل كل ما هو عليك بكل أمانة وكل إخلاص وتفعل كل ما عليك واترك المتبقي علي الله بكل ارتياح، الله يريد أن يقول لك اجتهد وافعل كل ما عليك، وهناك كلمة الآباء يعلموها لنا ويقول لك "الله يطلب منك أن تفعل ما تستطيع ليفعل هو معك ما لا أنت تستطيع"، كل ما تستطيع أن تفعله فأفعله، والذي لا تقدر عليه أتركه على الله، لكن هناك عدد من الأسئلة بداخلي تضايقني، أنا لم أكن أمين جداً في المذاكرة في الفترة الماضية، لقد لهوت كثيراً، قمت بالتقصير، شخص آخر يقول لك أنا أفكر في التأجيل، أفكر أني أقسم المواد الدراسية، أقول له لا بل أنهي، هناك طالب آخر يقول لك أنه كان يعتقد أنه لن يوجد امتحانات بسبب ظروف انتشار فيروس كورونا فكان لا يبالي، فيفاجئ أنه هناك امتحانات يقول لك انتبه! أي أفكار تقصير جاءت لك قبل ذلك الحل لها هو الآن، أي تقصير أنت كنت فيه في الفترة الماضية الحل الآن، إذا كان متبقي على الامتحانات من الآن أسبوعين أو ثلاثة فقل يارب قويني في هذه الفترة فالله يعمل فيها ما لا أنت تتصوره، الله يبارك في القليل، الله يبارك جداً في القليل، أن تكون أمين كل يوم تجد الله أعطاك كثيراً جداً، لكن أنت اتعب وأفعل ما عليك بأقصى طاقة لديك، لا تقصر أبدا، عندما جاء التلاميذ إليه يقولون نريد أن نشبع الجموع قال لهم أعطوهم ليأكلوا، قالوا له ليس لدينا، وقالوا له هناك كمية قليلة جداً نخجل منها ولا نعرف كيف نقولها لك وهي أن هناك فقط خمسة أرغفة وسمكتين، هل يصلحوا؟!، هل يصلحوا خمس خبزات وسمكتين على خمسة آلاف فرد ماعدا النساء والأطفال؟!، أم هذه كمية من المفترض أن لا نحتسبهم ولا نتحدث عليهم لأنهم طعام طفل صغير والدته أعطته له، كمية بسيطة جداً، قالوا له ليس لنا إلا خمسة أرغفة، قال لهم أحضروهم لي، أنا أريدهم لكي أشبع بهم الجموع، ما هم الخمس خبزات وسمكتين؟ هم ما لديك، هذا كل ما لديك، كل الذي تملكه، هو قليل جداً ويشعرك بالخجل لكن أعطيهم له في يده، إذا سمحت كل قدرتك الذهنية والجسدية وكل تركيزك هذه الفترة لا تقصر فيها أبدا لأنه لا يصح، لا يصح أن يكون معي خمس خبزات وسمكتين وأعطي له خبزتين وسمكة مثلاً، وأقول له خذ هؤلاء تصرف بهم فأنت تعرف أن تفعل كل شيء، يقول لي لا، أنا أريد كل ما معك، ما هو أقصي تركيزك، أقصى وقتك، أقصي سهر يمكن أن تسهره، أقصى شخص يستيقظ مبكراً، اجتهد بالورقة والقلم التي تذاكر بها، ما هو التركيز الذي تذاكر به، أفعل أقصى مجهود لديك والباقي علي الله، أريد أن أقول لك صدقني أن هذه الفترة يمكن أن تكون من أجمل فترات حياتك التي تلتصق بها بالله، التي أنت تشعر فيها بمليء ضعفك، التي تشعر فيها أنك في احتياج شديد لله، انتبه لأني بمجرد أن أشعر أني أفضل، وأشعر أني أستطيع، سأشعر أن الله غير مهم بالنسبة لي، لكن حينما أشعر أني لست الأفضل ولا استطيع، وقتها من سيكون المهم بالنسبة لي؟ أنت يارب، فكثيراً ما اعتمدت علي نفسي، كثيراً ما كنت أرى نفسي أني أفضل ومتفوق وأعرف، أقول لك لا أنا الآن علمت يارب أني لا شيء، أكثر الأشخاص الذين يستطيعوا تجدهم يقولون علي أنفسهم أنهم لا شيء هم أنتم، لا أعرف، لا أستطيع، يارب قويني، يارب أنا ضعيف . لذلك أستطيع أن أقول لك أن هذه الفترة جميلة في أنك تختبر عمل الله معك، وجود الله في حياتك، وتكون فترة جميلة ولذيذة ومفرحة، ليست فترة نكد أو حزن أو شخص يكتئب ويغلق الكتاب ويقول لك لن أدخل الامتحان والذي يقول لك سوف أدخل بعض المواد، لا أنت أفعل ما عليك واترك الباقي علي الله، كم تحصل من الدرجات؟ الله يدبر لك الخير، انتبه ليس شرط أن يكون كل الناس أطباء، ليس شرط، ليس شرط أن تكون كل الناس في شيء واحد لا، فالله من جماله علينا خلق فينا تنوع، جعل مهندس، مدرس، محامي، صيدلي، محاسب، طبيب، لأنه إذا محونا من البلد أي فئة سوف تشعر أن المجتمع به خلل، أي فئة حتي إذا كانت الممرض ستصبح هناك مشكلة إذا مستشفى كبيرة ولا يوجد بها محاسب فهذه مشكلة كيف تحاسب المرضى؟ كم تأخذ منهم؟، وإذا كان ليس هناك أحد يشتري هذه الطلبات كلها كانت مشكلة، كل واحد الله أعطاه مكان لابد أن يكون أمين فيه، هذا هو المطلوب، فإن الشخص المميز في الكلية العادية أفضل من الشخص العادي في الكلية المميزة، أو يمكن أن نقول عليها إذا شخص في كلية متقدمة جداً لكن لم ينجح ويظل يفشل، حتى هو أمام نفسه صورته تظل تهتز، أذن نحن مطلوب منا أن نكون أمناء جداً، نردد دائما الآية التي تقول "أستطيع كل شيء في المسيح يسوع الذي يقويني"، لذلك آخر نقطة أريد أن أقولها لكم أريد أن أنصحكم طوال وقت المذاكرة بأن تفعلوا أربع أمور: ١- أرشموا على نفسكم علامة الصليب كثيراً، يأتي إليك خوف، قلق، اضطراب، عدم مذاكرة، غير ملم، لا تفهم، ارشم علي نفسك علامة الصليب بهدوء أو يمكن بأحد أصبعك ترشم على ذهنك علامة صليب فيكون هذا سند ومعونة لك . ٢- ردد اسم يسوع بمعنى قل يارب يسوع المسيح أعني، يارب يسوع المسيح قويني، قل يارب يسوع المسيح وضع الكلمة التي تريدها، يارب يسوع المسيح بارك في الوقت، يارب يسوع المسيح فهمني، يارب يسوع المسيح دبر حياتي بحسب إرادتك، يارب يسوع المسيح اسندني، يارب يسوع المسيح ....إلخ، الذي يرشم صليب ويقول كلمة يارب يسوع المسيح يمتلئ من ينبوع نهر سلام فيض .. فيض .. فيض . ٣- ردد آية، آية صغيرة مثلاً "أنا هو لا تخافوا"، أو "أستطيع كل شيء في المسيح يسوع الذي يقويني"، تقل آية، آية صغيرة هكذا، "الرب نوري وخلاصي ممن أخاف"، أنا هو لا تخافوا، أستطيع كل شيء في المسيح يسوع الذي يقويني، قل آية، عندما تقل أية تجد نفسك تشددت يقول لك لا تخف تشدد وتشجع، يقول لك أنا دعوتك باسمك أنت لي، يا رب ما هذا؟ هذه شحنة طاقة جميلة جداً، يمكن أيضاً أن تكتب مجموعة آيات أمامك مثلاً طوبي لجميع المتكلين عليك، الرب فادي نفوس عبيده وكل من اتكل عليه لا يعاقب، الرب نوري وخلاصي ممن أخاف، أنا هو لا تخافوا، أستطيع كل شيء في المسيح يسوع الذي يقويني ، طوبي لجميع المتكلين عليه، عندما تقول آية تأخذ طاقة كبيرة جداً ووعود من ربنا جميلة . ٤- تتشفع بقديس أو بقديسة، حينما تذاكر وتشعر باضطراب قل يا أمي يا عذراء، يا مار جرجس، يا أبو سيفين، يا مار مينا، يا بابا كيرلس، يا ست دميانة، يا ملاك ميخائيل، تنادي علي قديس أو قديسة، يا أنبا أنطونيوس، يا أنبا موسي، يا أنبا بيشوي، فهي لم تعد فكرة مذاكرة وكفى لكن أصبحنا مثل الصلاة التي نصليها "لكي نكون بمعسكرهم محفوظين"، أنت لن تجلس بمفردك، واشعر بالسعادة جداً عند ذهابي لزيارة شباب أو شابات أجد كثيراً منهم يضعون صور قديسين حولهم أكثر من خمسين صورة ليطمئن بهم . ثق أنك في يد الله، ثق أن الله يحبك، ثق أن الله ضابط الكل، ثق أن الله صالح لا يأتي الآن ويقول لك أنا أتركك لا الله لا يترك أحد إلا الذين يتركوه، والله لم يتركه لا بل أنا عندما تركته أشعر أني أنا تركته، وأشعر أن الله ليس معي، لكن أنا الذي تركته ليس هو، نحن إذا كانت الشمس مشرقة الآن وقمنا بغلق الشباك ووضعنا علي أنفسنا غطاء للتدفئة في البيت ستشعر أن البيت مظلم جداً، رغم أن الشمس مشرقة لكن أنا الذي منعتها ليست هي التي تمنع نفسها عنا، أحياناً نشعر مع الله أنه غير موجود لكن هذا غير صحيح، لذلك أحد القديسين يقول له يارب "إن تركتك فلا تتركني"، أذن هذه الفترة فترة جميلة، ترى فيها إلى أي قدر الله معك، إلى أي درجة الله صالح، هذه الفترة تكتشف فيها ضعفك، وعندما تكتشف فيها ضعفك تحتاج جداً لله، تمسك بالله جداً، تمسك في وعوده، تمسك في صلاحه، تمسك بضابط الكل، افعل كل ما هو عليك، أبذل أقصي طاقة لديك، قدم له الخمس خبزات وسمكتين الذين معك، وأنت تذاكر ترشم صليب، تردد اسم يسوع، تردد آية، تتشفع بقديس أو قديسة، بماذا ألتحق؟ الذي يريده الله، أنا يارب أريد ....،....،.... لكن لتكن مشيئتك، المهم أن أكون معك، المهم أكون أمين، المهم أمجد أسمك، في أي مكان أمجد اسمك.ربنا يبارك فيكم، يحافظ عليكم، نحن نصلي لأجلكم، ونتذكركم لن ننساكم أبدا، وكل الناس تصلي لكم .ربنا يملئكم بالسلام، يعطيكم روح اجتهاد، روح أمانة، روح تدقيق، ونفرح بكم ونفرح بنتائجكم، لكي تكونوا صورة جميلة لربنا يسوع المسيح في كل مكان . لإلهنا المجد دائما أبديا آمين .

بسم الاب والابن والروح القدس اله واحد امين.. فلتحل علينا نعمته ورحمته وبركته الان وكل اوان والى ظهر الدهور كلها امين.. الاحد الخامس من الخماسين المقدسه نقول عليه احد الطريق لانة الاحد الذي يسبق عيد الصعود.. ان شاء الله كل سنه وانتم طيبين الخميس اللي جاي الكنيسه بيتهيانا ان احنا نصعد مع المسيح لانه صعد من اجلنا الصعود .فالصعود مع المسيح الكنيسه بتقرانا النهارده انجيل الطريق وكأن الكنيسه عاوزه تقول لنا السكه بتاعتنا هي سكه السماء فلابد تكونوا واخدين بالكم كويس جدا من الطريق كويس عشان خاطر توصل لنهاية الرحله بتاعتك ..صعب جدا واحد يوصل لنهايه الرحله وهو مش ماشي في الطريق .. فهنا بيقول لهم في بيت ابي منازل كثيره.. وقال ان انا هانطلق حيث اكون انا تكونون انتم ايضا.. وانتم عارفون الى اين اذهب وتعرفون الطريق.. ايه هو الطريق يا ربي؟ فى الحقيقه هو قال لنا الطريق هو انا.. الطريق هو ربنا يسوع المسيح نفسه زي ما قال كده ينبغي انة كما سلك ذاك هكذا ينبغي ان نسلك نحن ايضا ..اية طريقك يا ربي يسوع ؟ هو طريق الحب الى الله ..طريقي هو طريق التواضع انا نزلت من السماء وجئت عشانكم.. طريقي هو طريق البر طريقي هو طريق الفقر طريقي هو طريق غلبه العالم طريقي هو الكرازه ..بعمل الله والشهاده لعمل الله ..طريقي هو الثابت فى اللة...عاوزين تعرفوا الطريق امشوا في العلامات دي ..لما يحبوا يرشدوا ناس لطريق في مناطق يكون مهجور شويه ..يحط لهم علامات لما.. كنا بنروح دير مارمينا زمان من 40 /50 سنه كانوا الدنيا صحراء بس كان في علامات عشان نوصل لدير مارمينا ما نعرفش نمشي غير بالعلامات.. ففي علامات للطريق ..ماهى العلامات؟ من اكثر العلامات اللي انت ماشي في الطريق ان انت تبقى فرحان.. من اكثر العلامات اللي انت ماشي في الطريق اللي انت تبقى غالب للعالم ما فيش حاجه في العالم ابدا تغلبك علامات الطريق ان انت تكون عاشق للطهاره علامات الطريق ان انت تكون بتحب اخواتك وتحب كل الناس بكل الاديان كل دي علامات الطريق.. حب الله حب الطهاره حب بعضنا البعض..ما فيش كراهيه في قلبك ابدا ما تكنش مغلوب لحاجه.. ما تكونش ابدا فى ميول للاقتناء ومزيد من الاقتناء... غير كده... يقول لك معلش انت بره الطريق طب نعمل؟ ايه يلا نرجع.. اي انسان ماشي في الطريق..الغلط ...ورجعنا من دلوقتى...يبقى كويس..لكن اللى يفضل ماشى فى الطريق وهو عارف انة غلط بيزود على نفسة صعوبه الرجوع... فربنا يسوع المسيح تاركا لنا مثالا لكي نتبع خطواته عاش ازاي وسط الناس عاش ازاي مع مقتنيات العالم عاش ازاي مع اللي بيكرهوه اللي بيدبروا له مكائد عايش ازاي مع اقاربه واحباءة ..عاش ازاي مع تلاميذة ..وازاى احتمل جهلهم وضيق عقلهم..وازاى احتمل لغايه النهايه... وبرغم انه خزوة في النهايه لكن بعد القيامه رجع وثبتهم وفتح معهم صفحه جديده وكانه بيقولهم....انها ضعفات وانا ممكن قوي اتجاوز عنها ...و بعد القيامه قعد مع معلمنا بطرس كنا متوقعين يفتح له مجال تحقيق.. اللي عملته ليه وانا قصرت معاك في ايه... طب انت اية اللي خوفك...ماكنش العشم.....ابدا .....ده سالوا عن حاجه واحده بس ..عن الحب ..اتحبني... ارعى غنمي..... ده طريق المسيح احبائي ..عشان كده النهارده الأحد الخامس احد الطريق ..بيكون الحد الاول احد الايمان..الأحد الثاني احد الخبز.. الاحد الثالث أحد الماء الاحد الربع احد النور الاحد الخامس احد الطريق.... وكان الكنيسة عاوزة تقولنا دة طريق القيامة وعلامات القيامة ..وهتنتهى بينا لعطيتين عظميتين.. 1\ الصعود .. 2/ حلول الروح القدس .. ايه هدف الرحله بتاعتنا ان نصعد معه وان ننال نعمه المعزي ..يالا بهجة عمل اللة فى الإنسان المتجاوب... اية الصعود؟ هو طلع...وقالنا ما نرجعش نقعد تحت ...انا عاوز اعد لكم مكان.. دي كانت فتره.. انا عاوز اكتب لكل واحد فيكم المكان بتاعه اسمه عاوزكم كلكم معي... حيث اكون انا تكونون انتم ايضا حيث امضي انا تمضون انتم ايضا ...تخيل كده قعدتنا دي دلوقتي هي قعدتنا مع ربنا يسوع المسيح في السماء..والهيكل مفتوح وحضن الاب مفتوح وربنا يسوع المسيح جالس على العرش موجود.. وكل واحد له كرسي بتاعه ..هو دخل السماء كسابق من اجلنا دخل عشان خاطر ياخذنا معه ويجهز مكان للاستقبال المؤمنين...لابد احبائي اننا ندرك ام مكانا الحقيقي مش هنا... مكانا الحقيقي في السماء وكل شويه تفكر في المكان بتاعك اقعد فكر في المكان بتاعك وازاي تزينه وازاي تجملوا وازاي تضمنه ..لاحسن ممكن ربنا يرحمنا ويسامحنا يا رب ممكن واحد يضيع المكان بتاعه.. مش فيه ممكن واحد حاجز قداسه ما جاش؟ مش ممكن واحد يكون معه تذكرة لحضور حفله مهمه وغاليه جدا ويضيع التذكره؟! ممكن.. احنا كلنا مدعوين للملكوت وكلنا لنا مكان في الملكوت... لكن المشكله في ان الواحد يضيع مكانه فى الملكوت...احنا مش لسه هيبقى لنا مكان في الملكوت لا خلي بالكم العمر مش جاي بالعكس.. احنا مش لسه لينا مكان في الملكوت...لا احنا لينا مكان في الملكوت بس ممكن نضيعه ..احيانا ببقى في العاب رياضيه كده بدل ما يحسبوا الحساب للشخص يجيب كم لا يخسر كم.. جبت كم جول لا انت داخل بخمس نقط شوف هتضيع كم من يوم المعموديه بتاعتنا واحنا اخذنا النقط كامله من يوم المعموديه واحنا بقينا اسمنا مولودين من فوق.. فبقى لينا المكان.. المشكله في اللي يضيع المكان.. اتمسك بالمكان دخل ربنا يسوع المسيح كسابق...الراس فوق بس الاعضاء كلهم موجودين معه فى نفس الجسم... احنا كلنا في فتره منتظرين نروح للراس بتاعتنا للعريس بتاعنا عارفين لما يجي شاب يكون معه جنسيه امريكيه ويجي يدور على عروسه وبعدين يتجوزها ما بيقدرش ياخذها معه ...لازم يروح هناك وياخذ الورق اثبات انها زوجته ويعمل اجراءات.هناك....يخلص الإجراءات ياخذ عروستة.. .احنا ربنا يسوع المسيح كدة...جاء خطبنا لنفسه وسافر واحنا دلوقتي في فتره اجراءات عشان نروح له ده اللي حصل بالضبط احنا دلوقتي في فتره اجراءات... من ساعه ما العروسه اتجوزت ودخلت بيت باباها بس ابتدات تحس بحاجه ما كانتش بتحسها قبل كده ...اية هى...ان البيت ده مش بتاعها.. ايه ده انتي متربيه في البيت ده..السرير ده مش بتعها...ازاي ..ده بتاعك ..حصل لها تغيير في زهنها وقلبها ومشاعرها ان هي هنا صارت ضيفه الى زمان ... احنا هنكون كده معلمنا بولس بيقول اطلب اليكم كغرباء ونزلاء... ايوه احنا في فتره غربه لحد ما نروح.. فى اباء قديسين بسطاء يقول لك عايز ايه عاوز اروح.... قصده عاوز يروح السماء ....مكان الراحة بتاعه... ربنا يسوع المسيح جاء خطبنا لنفسه خطبتكم لرجل واحد اقدم عذراء عفيفه للمسيح ...عشان يكمن بينا الفرح... كان في ترنيمه زمان بتقول ..متى يتحقق هذا الامل وياتي اوان الزفاف وتنظر عيني مجد الحمل... ده ايه..يتحقق اوان الزفاف...احنا دلوقتي في فتره غربه لحد ما يحصل ان احنا نروح للراس بتاعتنا نروح السماء يكون لنا مكان.. يالا البهجه هو انا استاهل ..يقول لك لا ..انت ابني هو انا اقدر اقعد من غيرك انا ما كنتش اعرف مقدار المحبه دي.. انا ذاهب لاعد لكم مكان.. ولما قال لهم في بيت ابي منازل كثيره اخر حاجه هو الجماعه اليهود فاهمين كويس قوي في بيت ابي منازل كثيره الفصح اليهودي ..كان الناس هناك كل بني اسرائيل يحبوا يعيدوا في اورشليم... اورشليم دي بلد صغيره قوي بالنسبه لفلسطين كلها ..البلد كلها تروح تعيد في مكان صغير ازاي... المحور بتاعه هو اللي الهيكل...فكانت المنازل الكثيره دي ..فبيعملوا خيام او يعملوا مساكن صغيره داخل الهيكل ويتاجر وطبعا الجماعه اليهود كانوا شويه ماديين على الكتبة والفريسيين....وكل مكان المكان قريب من الهيكل وينظر الى ممارسات الهيكل كل ماكان سعره اغلى... من كثر الناس الناس ..الناس نفسها اللي ساكنه حوالين الهيكل بقى يستثمروا المكان ده في اعياد الفسح ويخلوا بيوتهم ويأجروها ...شوف قد ايه الانسان مادى .. يترك مكانة اللى جنب اورشليم الي عاش في طول العمر .ويترك اجمل اللحظات في السنة لاجل المال...وكل ما كان المكان قريب من الهيكل كل ما كان سعره اعلى.. عشان كده هو فاهمين كويس منازل كثيره ..وكل ما كان المكان بعيد كل ما كان ارخص كل مكان قريب..عاوز يقولنا حاول تاخذ مكان قريب من الحضره الالهيه. ده يتوقف اذا كنت ماشي في الطريق ولا لا ثابت في العلامات الاساسيه ولا لا ..ربنا يسوع المسيح اللي صعد لكي ياخذنا معه ويثبت في قلوبنا حقيقه اننا من سكان السماء ولينا مكان في السماء يكمل نقائصنا ويسند كل ضعف فينا بنعمته و الهنا المجد الى الابد امين.....

No File

الاسبوع الثالث من الخماسين المقدسه الاب والابن والروح القدس اله واحد امين تحل علينا نعمته ورحمته وبركة من الان وكل اوان والى دهر الدهور امين النهارده الكنيسه بتقرا علينا فصل السامرية وكان يتقرأ علينا في الصوم الكبير بس النهارده الكنيسه بتركز على السامريه اللي قامت السامرية السامرية اللي اتحررت ...اتحررت من ايه ..اتحررت من الماضي بئت واحده جديده واحده ثانيه...اللى يعرف السامرية قبل ماتقابل المسيح ما يعرفهاش بعد ما عرفت المسيح لا مش معقول مش هي دي واحده ثانيه يبقى السامريه قبل المسيح حاجه والسامريه بعد المسيح حاجه هو ده اللي احنا عاوزين نقف عنده النهارده لحظات قليله انا قبل المسيح حاجه بعد المسيح حاجه.. انا قبل لقائى بالمسيح حاجه وبعد لقائى بالمسيح حاجه انا قبل قيامه المسيح حاجه وبعد قيامه المسيح حاجه وهنا يبقى السؤال هل انا بتقابل مع المسيح هل ليا حديث معاة هل فعلا انا لما بتقابل معاة وبيكلمني الكلام بيغير فيا.. قعدت تحاول تدارى عليه وتخبى علية..واعد يحاول يتودد يقول لها اديني اشرب ايه يا رب ده يتودد اليها عشان يدخل معها فى حديث و هي تقول له لا انت انت رجل وانا امراه انت يايهودى وانا سامريه وأعدت تدخل حواديت وقصص و حاجات فرعية عاوزة تهرب من اللقاء..ودة اللي بتعمله نفسنا كثير ...ممكن..اجى الكنيسة بس مايكنش ليا لقاء مع المسيح.. ممكن ابقى واقف اصلى بس مش بتقابل مع المسيح ممكن اكون بقرا الكتاب المقدس بس مش بتقابل مع المسيح.. المسيح عاوز يتكلم معايا عاوز يفكنى عاوز يحررنى تامل جميل ان اللي كانت معهم .. واللى ربنا يسوع المسيح اخذ مدخل كدة وقال لها ادعى زوجك .قالت ليس لى زوج...قالها كويس كويس قوي ده خيط جميل انتى اديتهولى .كان ليكى خمسه واللي معك ده مش زوجك يعني كام ؟؟يعنى سته فكركم ان الستة اللي تقابلك معهم السامريه واللي عاشت معهم وغلطت معهم دول كانوا زي بعض اكيد مختلفين ..وكان يكون عندها امل ان رقم اثنين يبقى احسن من رقم واحد وبعدين تتصدم تلاقى تقريبا بقى اسوء..فتقول خلاص اشوف غيره اشوف غيره مسكين الانسان اللي فكروا ممكن يشبع بره المسيح مسكين الانسان اللي يفضل يدور على وسائل لراحتة .. ...الاباء القديسين يتكلموا علي حاجة أسمها الأوجاع.. يعنى اية الاوجاع؟..يعنى يقولك مثلا شهوة الجسد شهوة الزنا دة وجع ..شهوة البطن يعنى الطعام يقول لك عليه ده وجع يقولك الكسل و اللاة مبالاة دة وجع ..أوجاع .. يقعدوا يقسموا الاوجاع دى ان في اوجاع جسديه في اوجاع نفسيه اوجاع جسدية اللي قلت لك عليها زى شهوات الجسد شهوه البطن والكسل واللامبالاه دول ثلاثه... السامرية اتجوزت ال٣ دول بعد كده لئت ما فيش فائده اخذ ثلاثه ثانيين بس طلعوا اصعب اوحش اللى هما ايه بقى اللي هي الخطايا اللي بتبقى رابطة جوه اعماق الانسان زي الغضب دى حاجة شنيعة..زى مثلا محبه المال ممكن الناس تبقى عايشه فقط عشان خاطر المال والكبرياء والغرور والعظمه اوجاع ...قلت لك على ثلاثه جسديه وثلاثة نفسيه... الثلاثة الجسدية.. شهوات الجسد شهوات الزنا الشهوات التى تسقط الانسان ..اتنين .الاكل رقم ثلاثه الكسل دة في الجسم ... النفس اوحش الغضب المال الكبرياء تخيل كده كل واحد فينا مربوط بالست حاجات دول يعني انا وانت عاملين زي السامريه بالضبط اللي ليه خمسه ازواج وخد بالك ان العلاقة الزوجية علاقة متداخلة مش كدة؟عشان حد يطلع من علاقه زي كده مش سهل .الانسان .مربوط جدا بشهوه الجسد دى حاجة غريزة ربنا سمح بيها للإنسان بس للاسف الشيطان لوثها وغيرها وخلاها بدل ما تبقى مقدسه ولاهداف ساميةلدوام الحب واستمرار الحياة الشيطان لعب بيها واغوا الانسان وخلاها تبقى في اطار خارج كل ما هو مقدس الى كل ما هو دنيئ شهوات الجسد ..عشان كدة ان لم توجهة فى إطار مقدس تكون ضارة..وتكون ضد الانسان..وتفصل الانسان عن اللة.. الله من محبتة ولطفة للانسان اعطاله الغرائز ...الغرائز شئ...مقدس ونافع جدا يكفى أن الغرائز اللى الناس بتحتقرها دى .هى سبب بقاء الحياة ..لو لم توجد غرائز كان انقردالجنس البشرى...لو لم يوجد عند الإنسان غريزة جوع..لو ماكنتش يأكل كان يموت..لو لم يوجد عند الإنسان غريزة خوف كان الإنسان يواجة المخاطر ومايحسش بيها ويلاقى قطر داسة وحاجة وقعت علية..لكن الخوف بيخلى الانسان يهرب .اذا الانسان ...ممكن يكون مربوط بالغرائز بشكل غير نقى وبعدين الاكل في ناس تحول حياتها للاكل الاكل ده يبقى هدف مش وسيله عايز وعايز وعايز وياكلوا ما يشبعش ويأكل ويتعب ويرجع ياكل ثاني مغلوب....يسموها كدة وجع الحنجرة..يعنى اية وجع الحنجرة..بيقولك انت لو اكلت اى حاجة تعدى على الحنجرة للحظة...اللحظة دى هى اللى بتتذوق فيها طعم الحاجة..لكن بعد كدة تنزل ع البطن ماتفرقش بين الأكلة الشهية قوى و الاكلة اللى مش قد كدة لو كلت حاجه غاليه قوي قوي هتعدي على الحنجره لاحظت وبعدين.. تنزل تحت ماتفرقش بقى بين العيش وبين الفول المكرونة ماخلاص كلة واحد نزلت.. عشان كده بيقولوا على الشخص الأكول حنجرانى..كل دى خطايا!!!!! أزواج متنوعين بيعدوا ع السامرية كل واحد يروح لاولها ذراع والتانى هكذا والثالت يروح كاسرلها رجل..وهكذا لحد ماصارت مشوهة دة اللى بيحصل فيا وفيك لما بنقع تحت أوجاع. الخطايا الكثيره الكسل.. تبص تلاقي انسان يعمل كل حاجه يجي عند الحاجات المهمة مايعملهاش..الحاجات اللى تفيد خلاص نفسه ما يعملهاش تبص تلاقية كسلان طب اصحى طب اقف..مافيش لية؟؟كسل كسل نيجى على خطايا النفس..وأوجاع النفس تبص تلاقى الغضب. كل واحد مش مستحمل التانى ابدا ... يقولك اصل انا عصبى....اقولك لا يا حبيبى ماينفعش يعنى اية انت عصبى..اد اية ربنا محتملك بكل مافيك من اخطاء وبكل ما فيا من اخطاء..مطول بالة عليا..لية ماطولش بالى على اخواتى؟؟ واحد من الاباء كان بيقول وبيصلي يا رب ارحمني ..قالة طب ارحم أخواتك عاوز تقف لغيرك ع الوحدة. خلاص..ربنا هيقفلك ع الوحدة...يا ساتر يا رب لو ربنا وقفلى ع الوحدة تبقى كارثة..احنا بنقولة ان كنت للاثام راصد يارب يارب من يثبت...لا يارب ماتقفليش ع الوحدة احسن انا وحيلى كتير.... ادى الغضب غضب الانسان..اضبط نفسك وخد من المسيح لطف وتسامح...واقبل اخواتك بضعفتهم زى ماربنا قبلك...معلمنا بولس قال كدة اقبلونا كما أن المسيح قبلنا..المسيح قابلنى..تقول عليا وحش تقول عليا انى يهودى..تقول عليا انى متعصب..تقول عليا انى مش رسول كل دى كانت اتهامات ومرة قالوا علية..اخد تبرعات اخوة الرب..اتهموة اتهامات كتيرة جدا.. انه مش رسول ومتكبر ويهودي و بيعذب المسيحيين وانة ما قبلش المسيح وانه بياخذ فلوس اخوات الرب..قالهم انتم ليه مش قابلنى.. ليه بتطلعوا فيها العيوب انتوا مش بتحاربونى انا انتم بتحارب رسالتى.. وكدة تبتخلوا الناس ماتجيش للمسيح.. اقبلونا كما ان المسيح قبلنا اذا كان المسيح قابلنى. انتم . مش هتقبلونى.. المسيح قبلنا كلنا احنا مش قابلين بعض.. الغضب المال...ياما ناس بنقول انها عايشه فقط عشان خاطر تجمع مال. لزة المال... مرة راجل بخيل جدا كان معاة ملايين الملايين... قالولوا بس انت مش بتمتع عيالك ولا بتصرف عليهم ولا بتديهم اى حاجة...كل حاجه بالعراك وبالمشاكل طب انت قلنا ايةاللي بيفرحك عشان عايزين نشوف لو في حاجه بتفرحك مع اولادك نعملها لك ..قالهم اكثر حاجه تفرحني عد الفلوس.... ياااااا مسكين يا حبيبي.. يروح الانسان يعيش وفى الاخر ما يسبش حاجه مايسبش سيرة مايسبش حياه لاولاده ما يسيبش حاجه ابدا بالعكس يسيب مرارة وبئس.. و تخيل بقى ولادهم بعد كدة يتخنئوا ع الفلوس بقى ماابوهم مازرعش فيهم حاجة..تبص تلافى الأمر..ضار ..لابد .. الانسان يكون عارف قيمة المال كويس.. ان المال وسيله مش هدف.. زي ما قال احد الاباء عبد جيد وسيد رضيئ... ممكن يكون الانسان مربوط عمرة كلة بالمال..... نيجي بقى للكبرياء الكبرياء ام كل اللي فاتم هي ام شهوه الجسد الكبرياء هي ام الكسل ليه لان انا اهم حاجه عندي في الدنيا انا انا عاوز جسدى دة يتلذذ عاوز جسدى ياكل عايزه يرتاح.. مش مهم الاخرين مش مهم الناس المهم انا ..الكبرياء ام الخطايا كثيرا تعالى كده عشان يبقى الكلام مركز يا ترى انا الست ازواج دولت اعرف اتخلص منهم بالمسيح. ازاى؟؟..اقعد افكر المسيح يفكنى منهم ازاى...اسجدلة. اخضعلة .ارفع قلبك لة..قولة زى ما حررت السامرية حررنى. زى ما فكتها فكنى. .زى معلمنا . اقترب الى نفسى فكها انا فعلا ارتبط بالستة دول وبقوا لفين شبكهم حواليا..بئيت مقيد وعبد انا احتقرت نفسى مابئتش اقدر اقابل الناس..السامرية نازلة فى عز الضهر تملى الجرة...مش قادرة تظهر وجها لأحد... الخطية مخزية..عشان كدة فى صلاه القسمة ابونا كان بيقول وجها غير مخزي...اية اللى خلا وجهنا غير مخزى؟؟.. المسيح ....عشان كده قالت لهم تعالوا تعالوا انسان قال لي كل ما فعلت.. المسيح عاوز يحولني ويحول لك من انسان عبد الخطايا وشهوات كثيرا الى انسان كارز اناء اخر.بدل ماكان ايناء. للاثم بقى ايناء للبر... عاوز يستخدمك فتصير انت واصير انا خير شاهدا للمسيح....كفاية بس الناس تشوف السامرية دى يا..!!اية اللي حصل الست الوحشه دي اللي ما كناش بنحب نشوفها !!اية الست دى !!!خلاص .صارت انسانة جديدة فى المسيح ..جاءت ثمره قيامة المسيح فى حياتنا ...نقولة اية...رايت.. القيامة من سقطتى . ربنا يفكنا من خطايا الجسد وخطايا النفس يفكنا من الستة من شهوات الجسد حب الاكل حب الكسل.. يفكنا من الغضب وحب المال من الكبرياء.. يقولنا تعال وخلاص يدخل المسيح في حياتنا ينسينا كل اللي فات خلاص صدقني يمكن تقول السامريه صدقنى مش فاكرة الراجل دة ... خلاص لما المسيح دخل ملئ الكيان .. لما المسيح دخل خلاص نسانا اللي فات بعد المشرق عن المغرب ابعد عنا معاصينا.. وصارت لها حياه جديده بقولك اللة مهيبة فرح قلبة....بقت فرحانه بالمسيح...قالت انا عمرى ما كنت فرحانه كده انا عمري ما كنت حاسه اني انسان انا عمري ما كنت حاسه اني حره عمري ما كنت حاسه اني محبوبه هو انا عاوزه ايه ثاني ربنا يدينا ان يكون لينا نصيب مع السامريه ونتفك من رباطتنا الكثيرة.. هو لا يعثر عليه شيء مهما كانت الرباطات ثقيلة هو قادر يفكها ..ويكمل نقائصنا ويسند..كل ضعف فينا بنعمتة لاالهنا المجد اللى الابد الامين....

No File

الافخارستيا والقيامه اسبوع الثاني من الخماسين المقدسه....... بسم الاب والابن والروح القدس اله واحد امين المجد تحل علينا نعمتة ورحمتة وبركتة الان وكل اوان والى دهر الدهور امين الاحد الثاني من الخماسين المقدسه تقرا علينا الكنيسه فصل من بشاره معلمنا يوحنا اصحاح 6 ويوحنا 6 ده اصحاح معروف انه اصحاح الافخارستيا اصحاح سر التناول اللى فى قال ربنا يسوع المسيح انا هو خبز الحياه النازل من السماء المعطي الحياه للعالم.. ليه الكنيسه تقرا لنا الفصل ده من الاحد الثاني من الخماسين عشان الكنيسه عايزه تطبق التناول على القيامه ...القيامة فعليا هى الانتصار على الموت لتعطى حياه دى القيامة.. التناول هو نفس الامر الانتصار على الموت يعطى حياة... الموت اللى جوايا انا موت يحتاج انه يعيش . موت محتاج انة يقوم...عشان الموت اللى جوايا يقوم لابد ان يتحد بالمسيح اللي هو القيامه اللي هو الحياه انا ميت وهو حي الحياه لما تدخل فيا الموت اللي في انا يتحول الى حياه يبقى انا بقوم باية؟ بقوم بالتناول يعني نقدر نقول كدة ان التناول هو القيامه عمليا التناول هو القيامه الملموسه في حياتنا تدخل الحياة إلى أجسادنا المائتة فتحيا.. هى دى القيامة...عشان كدة الكنيسة النهاردة تقرأ علينا جزء بتاع ( قال لهم يسوع انا هو خبز الحياه من يقبل الى فلا يجوع واللذى يؤمن بى فلا يعطش الى الابد) ابتدو يتشككوا يعني ايه خبز اللة نازل من السماء وطبعا في الفصل ده لما تقرا كده هتلاقى ان فى كتير من تلاميذه رجعوا الوراء مش قادرين يستوعبوا تعليم ربنا يسوع المسيح ان لم يسعفوا الروح وان لم يشهد له الروح هتلاقيه تعليم ثقيل غير مفهوم عشان نفهم تعليم الرب ربنا يسوع المسيح لازم نفهمه بالروح الروح اللي اقام ربنا يسوع المسيح من الموت هو الروح اللي يفهمني يعنى اية انا الميت اقوم.. لما اتحد بالقيامه ...عشان كده ..لما تيجي تتناول كده تبقى مقبل الية على انة هو خبز الحياه اللي هيديك الحياه اللي هينقلك من الموت إلى الحياة وانت جاي تتناول كده وانت ليك فتره ما تناولتش تقعد تقولة يا رب انا ميت يا رب احيني احيني ان اتحد بيك... اتحد بيك انا احيا... التناول احبائى هو اعظم عطيه ربنا اداهلنا انة يحول الموت الى فينا الى حياة.. عشان كده اقدر اقول لك كده ان الكنيسه خلت الاسبوع الثاني من رحلة الخماسين المقدسه انه يكون هو اسبوع التناول هتلاقي الاسبوع اللي فات من يكلمك عن الايمان بعد كده يكلمك عن الخبز خبز الحياه بعد كده يكلمك عن الماء بعد كدة يكلمك عن النور... احاد الخماسين هي الطريق الى الحياه الابديه..ايمان خبز .الماء .. نور بعد كدة طريق ..لان ..الاسبوع الخامس .هيكون اللى قبل اسبوع الصعود بعد كدة هيهيئك لحلول الروح القدس.. رحله الخماسين هي رحله اتحاد ربنا يسوع المسيح ليحظر احد احبائى ان تكون فتره الخماسين دي فترت كسل او تهاون او فتور . فتره الخماسين فترة فرح بلمسيح القائم.. احنا كنا اموات احيانا وانقلنا من موت إلى حياة ..فصارت لنا خليفة جديدة...فلنفرح فأنت دلوقتى عايش فترة انك انتقلت من موت إلى حياة ..فانت صرت خليقة جديدة..خليقة جديدة يعنى اية؟؟..فلنفرد انك انت تعرف ربنا يسوع المسيح اللى لغاية الصليب... اللى لغاية الصليب دة حاجه.. وبعد ما قام حاجه ثانيه خالص ..اللى قبل ما يموت دة وقبل..ما يتصلب.. شوية يتهان.شويه يتعامل بازدراء...شوية الناس تشك فيه شويه الناس تقلق منه وتلاميذه نفسهم لما قال لهم الكلام ده بيقول كده رجعوا كثيرون من تلاميذه الى الوراء اقرا الكلام ده في يوحنا ٦ .. حتى تلاميذ رجعوا الى الورق ...بعد القيامه لا خلاص ..قال لهم لا تتكلموا بأسمى.....قالوا...(انه لا يمكنني ان نتكلم بما راينا وسمعنا ))بعد القيامه معرفه المسيح حاجه ثانيه..فترة الخماسين دى فتره فرح فتره تسابيح.. فتره ما فيهاش اصوام.. عشان صرنا خليقه جديده مش للتهاون لا ...نقدر نقول كده..اعتقد أجسامنا من الإنسان القديم فصرنا..... في جسد القيامه...جسد القيامه دة اية...جسد غالب ومن اكثر الحاجات اللي تتذوق بيها الكلام دة...هو التناول.. والاتحاد بالمسيح سر فرحنا ..الاتحاد بالمسيح هو اللي يثبت فينا الخليقه الجديده .ويثبت دعوتنا.. عشان كدة اقوللك. كده انك دائما تشتاق للتناول ((عند نزول مجدك على اسرارك ترفع عقولنا لمشاهده جلالك )) عند تحول الخبز والخمر الى جسدك ودمك فتحول نفوسنا الى مشاركه مجدك وتتحد نفوسنا بألوهيتك ..((..قسمه القداس كاتبها كيرلس الكبير تتحدد نفوسنا بألوهيتك..انا غلبان انا ضعيف انا كلى وحاشا طبعى وحش افكارى وحشه تتحد نفوسنا بالوهيتك يا لها هذه العطايا ..من أصعب الحاجات اللى ممكن تواجهنا.. عدم ادركنا لما ناخذ.. تخيل انت كده لما واحد يكون معاة شيك بملايين الدولارات بس هو مش عارف ان ده شيك ولة حق التنفيذ... وان ده يعتبر بالنسبالة ثروة .. حته ورقه حاططها في المحفظه بتاعته عشان كده واحد من الاباء القديسين قال اننا من فرط عطاياة صرنا لا نصدق من فرط عطايا صرنا لا نصدق لما واحد يجى يقولك على حاجه كبيره قوي يجبهالك .تقول كدة لا دة بيضحك عليا ... من فرط عطاياة صرنا لانصدق .... بيقول لك تعال اتحد بيا... تعالى تقدس بيا انا مش مصدق تعالا انتقل من الموت إلى حياة...تعال اعطيك غفران لخطايا...ابونا بيصرخ في القداس بيقول يعطى عنا خلاص وغفرانا للخطايا ..حياه ابديه لكل من يتناول منة ..من فرط عطاياة صرنا لا نصدق..عشان كدة تلاقى كلمة امين كتير قوى فى القداس... نؤمن ونعترف ونصدق ابونا يقول امين امين امين اؤمن اؤمن اؤمن ..يرد علية الشماس امين امين امين اؤمن اؤمن اؤمن.. كلنا عمالين نقول امين امين امين اؤمن اؤمن اؤمن نؤمن بايه ؟ان هذا جسد محييى...عشان كدة احبائى الكنيسه تتعامل مع القداس ان دة سر .. فرحتها وسر قيامتها ..القديس يا يوحنا ذهبى الفم كان يقول كدة..حياه المسيحي محصورة بين قداسين قداس حضره وقداس هيحضروا... احنا حضرنا قداس النهارده تخرج من قداس النهارده من فرط شوقك ومحبتك تقول هو انا هتناول امتى تانى...ينقع الاحد الجاى؟؟. .وتقعد بعدها كام يوم في قداسة عشان انت اتناولت...وتقعد كام يوم فى قداسة عشان انت اتناولت .....وتقعد تبتدى تحترس للمناوله الجديده... فحياه الانسان المسيحي محصورة بين قداسين ..قداس حضروا وقداس لسة هيحضروا..انا هو خبز الحياه النازل من السماء المعطى الحياه للعالم التناول هو القيامه والقيامه عمليا بالنسبالنا ان احنا نتناول نتحد بالجسد المحييى فنحيا.. تتغير حياتنا من الموت الى الحياه...ربنا يكمل نقائصنا ويسند كل ضعف فينا بنعمتة لالهنا المجد اللى الابد الامين.