العظات

بركة دخول المسيح أرض مصر

بسم الأب والابن والروح القدس إله واحد أمين تحل علينا نعمته وبركته من الآن وإلى الأبد أمين. عيد دخول السيد المسيح إلى أرض مصر من الأعياد السيدية الذى له بهجه و طعم خاص بكنيسة مصر وكنيسة مصراتباركت بدعوه إلهيه فى سفر اشعياء قبل المسيح ب 750 سنة فى الوقت إللي كان اشعياء بيبارك شعب مصر و بيقول فيه مبارك شعبي مصر ده كانت مصر فيه في قمة الضلال وعبادة الأوثان وقمة الشر وكانت بلد معروفة جدا بالسحروالتماثيل وعبادة الاوثان معنى ان أشعيا يقول الكلام دا والجو كان بالشكل ده أصل ديه دعوة إلهيه إن مبارك شعب مصر ويعدى الزمن ويفضل الشعب فى ضلال لله قعدت الأجيال وفضل بردو الشعب فى ضلاله لغاية ما نلاقي السيد المسيح جت الدعوة وقال الملاك ليوسف قم وخذ الصبي وأمه وأهرب إلى أرض مصر وتيجي العائلة المقدسة وهتزور أرض مصر وتبارك بقاع مصر وتبارك أراضي كثيرة في مصر ودخلوا من الحدود الشرقية من ناحية سيناء فضلوا ماشيين وكل بلد يعدواعليها يباركوها وعدوا على الفارما وعدوا على البيس وبعد كده دخلوا على وجه بحري ودخلو على المحلة ودخلو على الشرقية بعد كده نزلوا الل تحت لغاية الدير المحرق بعد كده طلع فوق فلما تيجي تشوف خط سير العائلة المقدسة تلاقي عملواعلى على مصر صليب باركوا مصر بس لسه ما بنش الثمر بتاعها بس إبتدت حاجات صغيرة تبان إن في أوثان بقت بتتحطم لما تدور فى تاريخ الكنيسة إن في بلاد بقت تدور على مين الطفل إللي جه دة وعمل التغيير ده كله مين الطفل ده لغاية لما بعد كده أتى مارمرقص وكرزفى أرض مصر ولقى فيها استجابة غير عادية وكانت ببركة دخول العائلة المقدسة إلى أرض مصر حاجتين مصر مديونه بيهم من كرازة ودخول ربنا يسوع المسيح و كرازة معلمنا مرقص لقينا حاجتين برزوا في مصر اثناسيوس و أنطونيوس و أثناسيوس حفظ الإيمان المسيحي في العالم كله كلكم عارفين كان آريوس بيقول إيه بيقول حاجة خطيرة جدا إن المسيح مش هو الله وان الابن أقل من الآب وللأسف الفكرة بتاعته دي وجدت قبول عند كثيرين إن الابن أقل من الآب وكان يثبت للناس إنهم طالما هو الابن يبقى هو الأصغر وابتدت الحكاية تمشي لدرجة إن إنك العالم كله كاد يكون آريوسيا ومين اللى وقف ضده اثناسيوس عشان كده الكلمة المشهورة لما قالوا له يا اثناسيوس العالم كله ضدك قالهم وأنا ضد العالم واقف أثناسيوس يقول لهم أن الابن مساوى للآب في الجوهر وكنيسة مصراللى حفظت الايمان المسيحي عبر العالم كله أن يكون الابن مساوي للآب لأن الابن لو أقل من الآب يبقى مصنعش فداء للعالم والأبن لو مش مساوى للآب يبقى إحنا إلى الآن لم نخلص بعد كده لقينا ثمار كثيره جدا في مصر من شهداء كثيرين جدا بالآلاف بعد كده لقينا ثمرة جميلة وهو القديس العظيم الأنبا أنطونيوس أب الرهبان مش فى مصرفقط بل اب الرهبان فى العالم كله وتخيل كل من يرغب في الحياة مع المسيح بالكامل أبوه انطونيوس المصرى كل واحد عاوز يترك العالم ويعيش للمسيح فقط أبوه أنطونيوس وكل واحد عايز يعيش حياة البتوليه أبوه أنطونيوس كل أديرة العالم وكل رهبانيات العالم هتلاقيها تبع الأنبا انطونيوس عشان كده ممكن تلاقي طوايف كثيره جدا في العالم عندها أديرة تبع سان أنطوني عشان كده مصر اتباركت بسبب زيارة السيد المسيح ليها واثمرت تقوى وبر وقديسين وحفظت العالم وحفظت إيمان العالم و قلب الرهبنه بأه العالم عشان كده النهاردة يوم هوله كرامة وغلاوة كبيرة أوي عند المايك النهاردة الكنيسة القبطية تعتبر عيددخول السيد المسيح أرض مصر عيد من الأعياد السيدية الصغرى إنتو عارفين فيها سبع اعياد كبرى وسبعة صغرى لأن الأعياد السيدية الصغرى ليه لأنه يوم بهجه لينا لأن المسيح زار ارضنا وباركها لانه كل ما تتبع كل مكان دخلت فيه العيلة المقدسة كان لها فيه بصمة كان لها في معجزة كان لها فيها شفاء كان ليهي,فيه كرازة عبر الايام كلها عشان كده فتحنا النهاردة بس ما لازم نكون فرحانين عشان المسيح جه ارضنا بس مش هتقدر تنام وإنت من كون مش بنفكر في الموضوع ده كتير لكن أقول لك لو إنت مش من مصركنت قلت تعرف يعنى ايه المسيح جه فى الارض بتاعتك لو إنت عايش في أمريكا ولا في كندا ولا في استراليا ولا في فرنسا ومسيحي ده حاجة كويسة بس لما تقول أنا بقى مصرى واخد بركة المسيح إللي جه الأرض بتاعتي ووجد فيها أمان لغاية لما جاله حلم وقاله ارجع لأن هيرودس اللى كان ليطلب نفس الصبى قد مات و فرحتنا النهاردة كل مكان تمشى فيه فى أرض مصر تقول المسيح مشي في المكان ده كل كنيسة تدخلها تعرف إن الكنيسة ديه مكان مقدس لإنه المسيح وعد أن هيكون مذبح في وسط أرض مصر إنت عارف لما يقول لك مذبح في مصر في أرض مصرويكون الكلام ده يكون 750 سنة قبل الميلاد مفيش حاجة أبدا اسمها مذبح خارج اورشليم . يعنى اورشليم بس اللي. يبقى فيها مذبح ارض تانية بيبقى فيها وجاى تكلمنى عن مذبح فى أرض تانية كلها عبادة أوثان اصل ديه نبوه أن فى مذبح فى وسط ارض مصر ربنا يدينا بركة هذا العيد نسلك ببركته ناخد قوته ناخد الدفعة بتاعت قدوم ربنا يسوع المسيح لأرضنا تلمس نفوسنا وأجسادنا وأرواحنا وقلوبنا ويكمل نقائصنا ويسند كل ضعف فينا بنعمته ولالهنا المجد الدائم إلى الأبد آمين

العنوان

‎71 شارع محرم بك - محرم بك. الاسكندريه

اتصل بنا

03-4968568 - 03-3931226

ارسل لنا ايميل