إستبداد العدو وقوة المسيح بِسْم الآب وَالإِبْن وَالرُّوح القُدُس الإِله الوَاحِد آمِين فَلْتَحِل عَلِينَا نِعْمِتُه وَبَرَكْتُه الآنْ وَكُلَّ أوَان وَإِلَى دَهْر الدُّهُور كُلَّهَا آمِين تِقْرَا عَلِينَا الكِنِيسَة فِي هذَا الصَّبَاح المُبَارَك إِنْجِيل الإِنْسَان اللِّي أُحْضِرَ إِلَى يَسُوع أعْمَى مَجْنُون وَأخْرَس .. صِرَاع بَيْنَ مَمْلَكِة الظُّلْمَة وَمَمْلَكِة النُّور .. صِرَاع بَيْنَ العَدُّو وَبَيْنَ الخَالِق .. الصِرَاع دَه المِيدَان بِتَاعُه – المِحْوَر بِتَاعُه – هُوَ النَّفْس البَشَرِيَّة ( الإِنْسَان ) .. الإِنْسَان هُوَ مَحْبُوب الله .. الإِنْسَان اللِّي قَالْ رَبِّنَا أنَا لَذِّتِي فِي بَنِي آدَم ( أم 8 : 31 ) .. الإِنْسَان اللِّي رَبِّنَا خَلْقُه عَلَى صُورْتُه وَمِثَالُه ( تك 1 : 27) .. وَبِالمَجْد وَالكَرَامَة تَوَجَهُ وَعَلَى أعْمَال يَدَيْهِ أقَامَهُ وَكُلَّ شَيْء أخْضَعَهُ تَحْت قَدَمَيْهِ ( مز 8 – مِنْ مَزَامِير بَاكِر ) . الإِنْسَان دَه مَوْضِع غِيرَة وَحَسَد مِنْ الشَّيْطَان .. الشَّيْطَان عَايِز يِشَوِه صُورِة الإِنْسَان وَعَايِز يِمْتِلِك الإِنْسَان .. عَشَان كِدَه تِلاَقِي إِنْ لَمَّا يِسَيْطَر الشَّيْطَان عَلَى إِنْسَان يِسَيْطَر عَلِيه إِلَى النِّهَايَة وَإِلَى مَا بَعْد النِّهَايَة .. مُسْتَبِد .. تَخَيَّل إِنْتَ اللِّي أُحْضِر إِلِيه أعْمَى مَجْنُون أخْرَس فَشَفَاه .. مُمْكِنْ إِحْنَا نِتْخَيِل أعْمَى يَعْنِي وَاحِد مِشْ بِيشُوف .. مَفِيش شَبَكِيَّة .. عَنْدُه حَاجَة فِي مَرْكَز الإِبْصَار فِي مُخُّه .. لاَ أبَداً .. دَه كَانْ رَاجِل عِينُه سَلِيمَة .. مَجْنُون .. طَيِّبْ لَمَّا شَفَاه لَقِينَاه رَاجِل عَاقِل .. أخْرَس لَقِينَاه بِيِتْكَلِّمْ .. إِيه الحِكَايَة ؟ قَالَّك دَه العَدُّو كَانْ مِسَيْطَر عَلِيه عَشَان كِدَه لَمَّا الشِيطَان خَرَج الرَّاجِل إِبْتَدَى يِتْكَلِّمْ .. إِبْتَدَى يِشُوف .. عَدُو الخِير مُسْتَبِد بِالإِنْسَان جِدّاً .. إِتْكَلِّمْ عَنْ نُقْطِتِين : 1/ إِسْتِبْدَاد العَدُّو . 2/ وَقُوَّة الْمَسِيح . مُسْتَبِد لاَ يُشْفِق .. لَمَّا يَمْلُك عَلَى نَفْس يُبْقَى عَايِز يَمْتَلِكْهَا وَيَسْتَهْزِئ بِهَا إِلَى النِّهَايَة وَكَأنَّهُ لُون مِنْ ألْوَان التَّحَدِّي لِلخَالِق .. كَأنَّهُ بِيقُولُّه أدِي الإِنْسَان حَبِيبَك .. أدِي الإِنْسَان اللِّي إِنْتَ فَرْحَان بِه .. أدِي صُورَتَك .. تَحَدِّي .. مُسْتَبِد لِدَرَجِة إِنُّه عَايِز يَسْتَهِين وَيِنَكِل بِالإِنْسَان عَلَشَان خَاطِر يُعْلِن قُدَّام رَبِّنَا إِنْ النَّفْس اللِّي إِنْتَ خَلَقْتَهَا عَلَى صُورْتَك وَمِثَالَك لاَ تَسْتَطِيع أنْ تَنْطِق .. وَلاَ تَسْتَطِيع أنْ تَتَعَبَد .. وَلاَ تَسْتَطِيع أنْ تُسَبِّح .. دِي مِلْكِي أنَا .. إِنْتَ بِتْقُول إِنَّهَا مِلْكَك إِنْتَ ؟ .. لاَ .. دِي مِلْكِي أنَا . عَشَان كِدَه يِقُولَّك الأعْمَى الأخْرَس تَكَلَّمْ وَأبْصَر فَبُهِتَ الكُلَّ .. عَدُو الخِير لَمَّا يَمْلُك عَلَى إِنْسَان يَمْلُك عَلَى مَشَاعْرُه .. عَلَى ذِهْنُه .. عَلَى حَوَاسُه .. عَلَى أفْكَارُه .. يَمْلُك عَلَى تَصَرُّفَاتُه .. يَمْلُك عَلَى الكَيَان كُلُّه .. دَه جَوْهَر عَمَل العَدُّو .. خَلَّى الرَّاجِل مَجْنُون .. خَلاَّه أعْمَى .. خَلاَّه أخْرَس .. تِرُوح تِكْشِفْ عَلَى الرَّاجِل دَه عَنْد وَاحِد دُكْتُور عُيُون تِقُولُّه شُوف لِينَا الرَّاجِل دَه عَنْدُه إِيه ؟ يِقُولَّك مَالُه ؟ تِقُولُّه مِشْ بِيشُوف .. تِعْمِل لُه إِشَارَات تِجِيب لُه ضُوء تِلاَقِيه مِشْ بِيشُوف .. يِكْشِف عَلِيه يِلاَقِيه عُضْوِياً سَلِيم 100 % .. تَعَالَ نِكْشِف عَلِيه فِي حِكَايِة إِنُّه مِشْ بِيِنْطَق تِلاَقِيه عُضْوِياً سَلِيم 100 % .. إِيه الحِكَايَة ؟ العَدُّو إِسْتَطَاع إِنُّه يَتَمَلَّك عَلَى كَيَانُه وَعَلَى حَوَاسُه لِدَرَجِة خَلاَّه عَنْدُه قُدْرَة إِنُّه يِشُوف لكِنْ مَا بِيشُوفْش .. عَنْدُه قُدْرَة يِتْكَلِّمْ لكِنْ مَا بِيتْكَلِمْش .. عَنْدُه قُدْرَة يِفَكَّر وَمَا بِيفَكَرْش . دَه جَوْهَر عَمَل العَدُّو فِينَا يَا أحِبَّائِي .. يِسْلِب الإِنْسَان عَقْلُه وَبَصِيرْتُه وَفِكْرُه وَنُطْقُه .. يِسْلِب الإِنْسَان أغْلَى مَا يَمْلُك .. أغْلَى مَا يَمْلُك الإِنْسَان إِيه ؟ مَشَاعْرُه .. نُطْقُه .. فِكْرُه .. مَا هُوَ دَه اللِّي يِمَيِّز الإِنْسَان عَنْ بَاقِي المَخْلُوقَات ؟ الإِنْسَان عَاقِل نَاطِق مُفَكِّر .. فَطَالَمَا هُوَ عَاقِل نَاطِق مُفَكِّر فَهُوَ بِيِضْرَبُه فِي الحِتَّة دِي .. فَا يِخَلِّيه مَا يِعْرَفْش يِفَكَّر .. تِقُولِّي إِزَّاي ؟ أقُولَّك هُوَ لَمَّا يِكُون وَاحِد بِيِسْرِع لِهَلاَكُه يُبْقَى دَه كِدَه بِيفَكَّر ؟!! عَشَان كِدَه مُمْكِنْ عَدُو الخِير يِوْصَل بِإِنْسَان إِنُّه يَتَمَادَى مَعَ أفْكَارُه يِخَلِّيه يُحُطْ نَفْسُه فِي نَار . شُوفْنَا المَجْنُون بِتَاع كُورِة الجِرْجِسِيِّين دَه كَانُوا يُرْبُطُوه بِسَلاَسِل وَيُرْبُط نَفْسُه هُوَ بِسَلاَسِل وَبَعْد كِدَه يِتْفَك مِنْهَا وَبَعْد كِدَه يِجْرِي .. إِيه دَه ؟ إِنْسَان فَاقِد صَوَابُه .. فَقَد عَقْلُه .. الآبَاء القِدِّيسِينْ أجْمَعُوا عَلَى أنَّ الخَطِيَّة هِيَ الجُنُون لأِنْ إِيه هُوَ الجُنُون غِير التَّفْكِير غِير المَنْطِقِي .. وَإِيه هُوَ الجُنُون غِير إِنْ إِنْسَان مُمْكِنْ يِعْمِل تَصَرُّفَات غِير طَبِيعِيَّة .. غِير مَحْسُوب لَهَا .. غِير مَسْئُولَة .. أقُولَّك مَا هِيَّ الخَطِيَّة كِدَه تَصَرُّفَات غِير مَسْئُولَة .. تَصَرُّفَات غِير طَبِيعِيَّة .. الكِبْرِيَاء جُنُون .. الشَّهَوَات جُنُون .. كُون إِنْ الإِنْسَان يِبِيع الأبَدِيَّة بِشِوَيِّة أيَّام عَايِز يَلْهُو بِهَا عَلَى الأرْض عَشَان يُشْبِع شِوَيِّة رَغَبَات وَيَارِيتْهَا تُشْبِع يُبْقَى دَه إِيه ؟ يُبْقَى دَه جُنُون .. جُنُون الخَطِيَّة . عَشَان كِدَه أقْدَر أقُولَّك إِنْ نَفْس المُعْجِزَة دِي هِيَّ مُعْجِزَة بِتِحْصَل مَعَ رَبَّنَا يَسُوع الْمَسِيح كُلَّ يُوم فِي تُوبِة كُلَّ إِنْسَان خَاطِي .. وَالعَدُّو عَايِز يَمْلُك نِفُوس جِدِيدَة وَرَبِّنَا يَسُوع عَايِز يِشْفِي نِفُوس جِدِيدَة لأِنُّه مَكْتُوب ﴿ لِلرَّبِّ حَرْب مَعَ عَمَالِيق ﴾ ( خر 17 : 16) .. الحَرْب لَمْ تَنْتَهِي وَالشَّيْطَان مَخَلَصْش شُغْلُه وَرَب المَجْد يَسُوع مَخَلَصْش شُغْلُه .. قَالَّك ﴿ أبِي يَعْمَلُ حَتَّى الآنَ وَأنَا أعْمَلُ ﴾ ( يو 5 : 17) ..عَمَّال يُفُك نَاس مِنْ أسْر – أسْر خَطَايَا – يِشْفِي عُقُول مَرِيضَة مَرَضِتْ مِنْ سُلْطَان الخَطِيَّة .. إِكْشِف عَلَى عَقْلَك شُوفُه سَلِيم وَلاَّ لأ ؟ شُوف بِتْفَكَّر صَح وَلاَّ لأ ؟ بِتْفَكَّر فِي الأبَدِيَّة أدْ إِيه ؟ بِتْفَكَّر فِي مَصِيرَك الأبَدِي أدْ إِيه ؟ بِتِرْضِي رَبِّنَا أدْ إِيه ؟ بِتِقْدَر تِقُول لِلغَلَط لأ ؟ لَوْ مِشْ بِتِقْدَر تِقُول لِلغَلَط لأ يُبْقَى إِنْتَ مِشْ بِتْفَكَّر صَح .. تِقُولِّي مِشْ بَعْرَف أقُول لأ .. أقُولَّك يُبْقَى إِنْتَ مِشْ مَالِك إِرَادْتَك .. لَوْ مَا مَلَكْتِش إِرَادْتَك يُبْقَى إِنْتَ مَسْلُوب . العَدُّو يِعْمِل كِدَه يِسْلِب الإِنْسَان أجْمَل مَا يَمْلُك وَأقْدَس مَا يَمْلُك .. يِضْرَب الإِنْسَان فِي قُدْس أقْدَاسُه .. فِين ؟ فِي عَقْلُه .. فِي حَوَاسُه .. فِي مَشَاعْرُه .. فِي بَصِيرْتُه .. هُوَ دَه جَوْهَر عَمَل العَدُّو .. جَوْهَر عَمَل العَدُّو إِنْ يِخَلِّي الإِنْسَان يُبْقَى لُه عِين وَلاَ يُبْصِر .. يُبْقَى لُه أُذُن وَلاَ يَسْمَع .. يُبْقَى لُه فِكْر وَلاَ يُفَكِّر .. أدِي الجُنُون اللِّي بِيصِيب النَّفْس مِنْ جَرَّاء كَثْرِة الإِثم .. مِنْ جَرَّاء كَثْرِة فِعْل الشُّرُور .. يِسْلِب الإِنْسَان أجْمَل مَا عِنْدُه .. أدِي مُشْكِلِة العَدُّو لَمَّا يِسَيْطَر عَلَى إِنْسَان تِلاَقِي مَا يفَكَرْش صَح .. تِلاَقِي أفْكَارُه مِتْلَغْبَطَة .. تِلاَقِي كُلَّ أُمورُه مَوَازِينْهَا مِشْ مَوْزُونَة صَح .. دَه جَاي مِنِين ؟ جَاي مِنْ إِخْتِلاَل فِي دَاخِل المَوَازِينْ .. جَاي مِنْ إِنْ مُمْكِنْ يِبِيع حَاجَة غَالْيَة جِدّاً بِحَاجَة رِخِيصَة جِدّاً .. حَاجَة قَيِّمَة جِدّاً بِحَاجَة رَدِيئَة جِدّاً .. لَمَّا الإِنْسَان يِبِيع الأبَدِيَّة بِبِضْعِة أزْمِنَة أقُولَّك دَه مِشْ حَاسِبْ الأُمور صَح .. يُبْقَى دَه إِخْتِلاَل فِي العَقْل . الخَطِيَّة هِيَّ الجُنُون .. مَجْنُون أعْمَى .. إِيه العَمَى ؟ إِنْ يِكُون لُه عِينِين لكِنْ مِشْ شَايِف .. مِنْ حِيث الوَظِيفَة الطَّبِيعِيَّة هُوَ لُه عِينين لكِنْ مِشْ شَايِف .. كَام وَاحِد فِينَا يِقُولَّك أنَا بَقْرَا الإِنْجِيل لكِنْ مَا بَفْهَمْش وَلاَ كِلْمَة .. أقُولَّك دَه عَامِل زَي صَاحِبْنَا الأوَلاَنِي .. العَقْل بِتَاعُه مِشْ مَوْجُود .. طَيِّب لَمَّا بِتِقْرَا أي حَاجَة تَانْيَة لِيه بِتِفْهَم ؟ نِفْرِض إِنْ فِي جُزْء صَعْب نِشُوف الجُزْء اللِّي بَعْدُه .. طَيِّب نِشُوف قِصَّة . طَيِّب نِشُوف رَمْز .. طَيِّب نِشُوف آيَة .. تِلاَقِي الإِنْسَان مِشْ فَاهِم .. مِشْ فَاهِم لِيه ؟ لأِنْ العَدُّو سَيْطَر عَلَى مَرْكَز الفِكْر وَخَلاَّه غِير قَادِر عَلَى أي فِكْر رُوحَانِي وَخَلاَّه يِجِي عَنْد الرُّوحَانِي يُبْقَى بَلِيد .. يُبْقَى فِي سَيْطَرَة مِنْ العَدُّو .. خَلِّي بَالَك .. لأ .. دَه إِنْتَ لَمَّا تِلاَقِي جُزْء مِشْ فَاهْمُه إِفْضَل تَضَّرَع لِرَبِّنَا . دَه الآبَاء القِدِّيسِينْ كَانْ يِقُولَّك لَمَّا يِلاَقِي جُزْء مِشْ فَاهْمُه يِفْضَل يِصَلِّي لِرَبِّنَا يُطْلُب فَهْم لِدَرَجِة إِنُّه يُطْلُب مِنْ رَبِّنَا إِنْ رَبِّنَا يِبْعَت لُه كَاتِب السِفْر عَشَان يِفَهِّمُه إِيه المَكْتُوب وَيُقْعُد يِبْكِي لَمَّا يِحَاوِل يِفْهَم ..﴿ مُسْتَنِيرَةً عُيُونُ أذْهَانِكُمْ ﴾ ( أف 1 : 18) .. هُوَ عَايِز يِكُون عَنْدُه فِكْر جَاي مِنْ مَصْدَر الفِكْر .. لَمَّا وَاحِد يِقُول أعْمَى مَعْنَاهَا إِنْ فِي حَاجَات شَايِفْهَا لكِنْ هُوَ مِشْ شَايِفْهَا .. فِي حَاجَات قُدَّام عِينُه مِشْ شَايِفْهَا .. أقُولَّك مُمْكِنْ الْمَسِيح يِكُون قُدَّام عِينِيك وَمَا تشُوفْهُوش .. يَامَا بِيِجِي لِينَا فِي صُورِة نَاس نِسَاعِدْهُمْ مِشْ بِنْشُوفْهُمْ .. يَامَا بِيِجِي لِينَا فِي صُورِة فِعْل أوْ حَدَث عَايِز يِخَلِّينَا نِشُوفُه مِنْ خِلاَلُه وَمِشْ بِنْشُوفُه .. مَوْجُود عَلَى المَذْبَح وَعِينِنَا الرُّوحِيَّة مُغْلَقَة .. دَه جَاي مِنِين ؟ جَاي مِنْ إِنْ العَدُّو مِسَيْطَر مِخَلِّي الحَوَاس بِتَاعِتْنَا شَكْلَهَا شَغَّال لكِنْ فِي جَوْهَرْهَا مِشْ شَغَّالَة . مَجْنُون أعْمَى أخْرَس .. الخَرَس مَعْنَاه وَاحِد مِشْ عَارِف يِتْكَلِّمْ .. وَاحِد مِشْ عَارِف يِنْطَق . تِسْمَع وَاحِد يِقُولَّك أأقَفْ أصَلِّي مِشْ بَلاَقِي كَلاَم .. مِشْ بَعْرَف أتْكَلِّمْ .. وَلَوْ إِتْكَلِّمْت أتْكَلِّمْ وَأنَا مِشْ فَاهِمْ .. وَلأِنِّي صَلِّيت وَأنَا مِشْ فَاهِمْ فَا أحَاوِل أخْتِم الصَّلاَة .. فَيَتَسَائَل إِنْ الصَّلاَة دِي مِشْ مَقْبُولَة يُبْقَى أنَا بَلاَش أصَلِّي أحْسَن .. إِيه دَه ؟ دَه سَيْطَرِة العَدُّو عَلَى نُطْق الإِنْسَان .. وَعَلَى فَهْم الإِنْسَان ..وَعَلَى حَوَاس الإِنْسَان عَشَان تَزْدَاد الفَجْوَة .. عَشَان الإِنْسَان يِبْعِد أكْثَر وَأكْثَر .طَيِّب إِيه المَطْلُوب ؟ لَمَّا ألاَقِي نَفْسِي مِشْ عَارِف أنْطَق أرْشِم الصَّلِيب عَلَى شَفَتَيَّ .. مُعَلِّمْنَا دَاوُد النَّبِي كَانْ يِقُول كِدَه ﴿ يَارَبُّ افْتَحْ شَفَتَيَّ فَيُخْبِرَ فَمِي بِتَسْبِيحَك ﴾ ( مز 51 : 15) .. مِشْ عَارِف أتْكَلِّمْ لِسَانِي مَرْبُوط .. أنَا بَجِي أتْكَلِّمْ بَلاَقِي شَفَايْفِي مُغْلَقَة .. مِينْ اللِّي يِفْتَحْهَا ؟ إِنْتَ اللِّي تِفْتَحْهَا .. إِنْتَ اللِّي تخَلِّينِي أعْرَف أتْكَلِّمْ مَعَاك 10 دَقَايِق .. ½ سَاعَة .. سَاعَة .. سَاعْتِين .. ﴿ يَارَبُّ افْتَحْ شَفَتَيَّ فَيُخْبِرَ فَمِي بِتَسْبِيحَك ﴾ .. عَشَان كِدَه المَزْمُور يِقُول ﴿ لَيْسَ الأمْوَاتُ يُسَبِّحُونَ الرَّبِّ ﴾ ( مز 115 : 17) .. الأمْوَات هُمَّ إِيه ؟ الأمْوَات بِالذُّنُوب وَالخَطَايَا .. مَيِعْرَفْش يِفْتَح فَمُه يِسَبَّح .. يُقَفْ فِي الكِنِيسَة النَّاس كُلَّهَا بِتْسَبَّح وَهُوَ وَاقِفْ .. مِشْ يِقُول .. إِيه مِشْ عَايِز يِقُول .. مِشْ مِتْجَاوِب .. جَاي مِنِين ؟ جَاي مِنْ إِنْ اللِّسَان مَضْبُوط .. جَاي مِنْ إِنْ اللِّسَان مَرْبُوط .. مِنِين ؟ مِنْ كَثْرِة الخُضُوع لِلعَدُّو يِسْلِب الإِنْسَان النُطْق الرُّوحِي .. يِخَلِّي مَفِيش تَسْبِيح .. لكِنْ القَلْب لَمَّا يِتْحَرِّك يَعْمَل الرُّوح .. إِتْفَرَّج بَقَى . القِدِيس أُوغُسْطِينُوس يِقُولَّك كِدَه ﴿ حِينَمَا يُفَعَّمْ القَلْب بِحَرَارِة الرُّوح تَنْفَك عُقْدَة اللِّسَان ﴾ .. وَبِحَسَبْ تَعْبِير الكِنِيسَة يِقُولَّك * تَعْلِيَات الله فِي حَنَاجِرْهُمْ * .. جَاي مِنِين ؟ جَاي مِنْ قَلْب مُفَعَمْ بِالرُّوح فَتِلاَقِي الكَلاَم طَالِع مِشْ بِمُجَرَّد لِسَان .. لأ .. مَجْنُون أعْمَى أخْرَس .. إِيه اللِّي بِيخَلِّي الوَاحِد يُقَفْ مِشْ بِيلاَقِي كَلاَم قُدَّام رَبِّنَا ؟ دَه إِنْتَ إِتْكَلِّمْ عَنْ تُوبْتَك .. وَاتْكَلِّمْ عَنْ تَسْبِيحُه .. وَتكَلِّمُه عَنْ عَظَمْتُه .. أُطْلُب عَنْ الآخَرِينْ .. دَه إِنْتَ تِوْصَل لِلدَّرَجَة إِنَّك مِشْ تِقُول مِشْ لاَقِي كَلاَم لكِنَّك تِقُول مِشْ عَارِف أوَقَفْ الكَلاَم .. مَجَرَبْتِش تُقْعُد مَعَ وَاحِد غَالِي عَلِيك تِتْكَلِّمْ مَعَاه سَاعَات وَالوَقْت يِعَدِّي وَتقُول الوَقْت عَدَّى بِسُرْعَة .. كُلَّ مَا تُدْخُل النَّفْس فِي عِشْرَة أجْمَل كُلَّ مَا تُدْخُل فِي وَقْفَة أطْوَل .. وَكُلَّ مَا تِتْكَلِّمْ بِمَشَاعِر أجْمَل .. وَكُلَّ مَا تِتْكَلِّمْ بِكَلاَم يِفَرَّحَك أكْثَر وَيُسْكُنْ جُوَاك وَيُغْنِيك وَيِشَبَّعَك . الأخْرَس شُفِي .. لِيه ؟ وَقَفْ قُدَّامُه .. هُوَ اللِّي فَكْ العُقْدَة بِتَاعِت لِسَانُه .. هُوَ اللِّي عَلِّمُه يِقُول إِيه .. هُوَ اللِّي أعْطَى لُه لِسَان تَسْبِيح .. عَشَان كِدَه يِقُولَّك يُعْطِي لَك لِسَان تَسْبِيح عِوَض عَنْ الرُّوح اليَائِسَة .. يِفُك عُقْدِة اللِّسَان .. عَشَان كِدَه مُعَلِّمْنَا دَاوُد لَمَّا يِقُولَّك ﴿ عَلَى أنْهَار بَابِل هُنَاك جَلَسْنَا .. بَكِينَا عِنْدَمَا تَذَكَّرْنَا صِهْيُون .. عَلَي الصَّفْصَاف فِي وَسَطْهَا عَلَّقْنَا قِيثَارَاتْنَا ﴾ .. لِيه ؟ مِشْ عَارِف يِتْكَلِّمْ .. لِيه ؟ مَسْبِي .. قَالُوا لَهُ رَنِّم لِينَا تَرْنِيمَة .. حَاوِل يِرَنِمْ لكِنْ مِشْ عَارِف فَقَالَ لَهُمْ ﴿ كَيْفَ نُرَنِّمُ تَرْنِيمَة الرَّبَّ فِي أرْضٍ غَرِيبَة ؟ ﴾ ( مز 137 : 1 – 2 ؛ 4 ) .الإِنْسَان المَسْبِي بِالخَطَايَا صَعْب جِدّاً يِكُون فِيه عِشْرَة بِينُه وَبِين رَبِّنَا .. فَكْ الرُّبَاط دَه .. إِتْحَل مِنْ القُيُود .. قَالُّه ﴿ إِنْحَلِّي مِنْ رُبُطِ عُنُقِكِ ﴾ ( أش 52 : 2 ) . هُوَ دَه الفِكْر اللِّي الكِنِيسَة عَاوْزَه .. تِقُولَّك النَّهَارْدَة إِنْتَ وَاقِفْ قُدَّام مِين ؟ حَالْتَك هِيَّ دِي وَصَلْت إِنْ إِنْتَ مَجْنُون مِشْ عَارِف تُقَيِّم الأُمور صَح ؟!! إِبْتَدِيت تِسْعَى وَرَاء المَادِيَات أكْثَر مِنْ الرُّوحِيَات ؟!! إِبْتَدِيت تِشْتِرِي الأرْض بَدَل السَّمَاء ؟!! إِبْتَدِيت تِحِب الشَّر أكْثَر مِنْ الفَضِيلَة ؟!! .. دَه الجُنُون .. أعْمَى مِشْ شَايِف قُدَّام عِينِيك .. مِشْ شَايِف البِر .. مِشْ شَايِف التَّقْوَى .. مِشْ شَايِف الْمَسِيح .. أخْرَس مِشْ عَارِف تِصَلِّي .. مِشْ عَارِف تِتْكَلِّمْ كِلْمَة تِبْنِي .. مِشْ عَارِف تِصَالِح إِتْنِين .. مِشْ عَارِف وَاحِد يُبْقَى غَضْبَان تِهَدِّيه . وَصَلْت لِلحَالَة دِي يِقُولَّك ﴿ أُحْضِرَ إِلَيْهِ ﴾ ( مت 12 : 22 ) .. وَصَلْت لِلحَالَة المَأسُوف عَلِيهَا دِي إِتْقَدِّم إِلِيه .. أأقَفْ قُدَّامُه .. مِشْ مَطْلُوب مِنَّك غِير إِنَّك تِكْشِف جِرَاحَاتَك لِلطَّبِيب وَهُوَ يِشْفِيك .. إِعْرِض نَفْسَك عَلِيه .. مِحْتَاج تِشُوف لَك طَبِيب مَاهِر .. مِحْتَاج تُقَفْ قُدَّامُه بِوَضْعَك دَه .. مُجَرَّد تُقَفْ قُدَّامُه فِي حَالِة صَمْت وَانْكِسَار وَطَلَبْ شِفَاء إِنْتَ تِصْعَب عَلِيه يِتْحَنِّنْ عَلِيك وَيِفُك عُقْدِة لِسَانَك وَيِرَجَع لَك بَصِيرْتَك وَيِرَجَع لَك عَقْلَك المَفْقُود المَسْبِي . عَشَان كِدَه لَمَّا إِتْقَدِّم الْمَسِيح بِسُلْطَانُه قَالْ لِلشِيطَان أُخْرُج .. وَالآبَاء القِدِّيسِينْ لَمَّا يَتَلَذَّذُوا بِالكِتَاب المُقَدَّس يِحِبُّوا يِجِيبُوا المَعَانِي بِاللُغَة اليُونَانِيَّة وَبَعْدِين يِشُوفُوا مَدْلُولاَتْهَا .. يِقُولَّك كَلِمَة * أُخْرُج * مَا كَنِتْش مُجَرَّد * أُخْرُج * .. دَه زَي وَاحِد بِيُكْرُش وَاحِد بِعُنْف .. فِي فَرْق لَمَّا أقُول لِوَاحِد * أُخْرُج * عَنْ لَمَّا أقُولُّه * إِتْفَضَّل إِطْلَع بَرَّه * .. فِي فَرْق فِي اللَهْجَة .. فِي الأُسْلُوب .. فِي المَعْنَى .. الْمَسِيح بِيقُولُّه أُخْرُج بِسُلْطَان .. مِشْ بِيِتْحَايِل .. مِشْ بِيِتْفَاوِض .. مِشْ بِيقُولُّه لَوْ سَمَحْت .. لأ .. دَه بِيقُولُّه أُخْرُج بِسُلْطَان . حَلْ كُلَّ أُمورِي فِي إِيدُه هُوَ .. كَلِمَة مِنُّه تِشْفِي .. كَلِمَة مِنُّه تِحِل رَبَاطَات .. كَلِمَة مِنُّه تِخَلِّي العَدُّو اللِّي طِمِع فِيَّ وَامْتَلَكْنِي وَاتْصَارِع عَلَيَّ وَغَلَب هُوَ يِنْهِزِم وَيَتَرَاجَع .. عَشَان كِدَه صِرَاع الله وَالعَدُّو عَلَى النَّفْس صِرَاع عَنِيف جِدّاً مُنْذُ بِدَايِة الخَلِيقَة وَإِلَى اليُّوم .. الشِيطَان يِحَاوِل أنْ يَمْتَلِك النَّفْس وَلَمَّا يَمْتَلِكْهَا يِذِلَهَا وَيِسْلِبْهَا أغْلَى وَأجْمَل مَا تَمْلُك .. يِجِي رَب المَجْد يَسُوع يِقُولُّه .. لاَ .. دَه بِتَاعِي أنَا .. يُكْرُش بِقُوَّة .. بِجَبَرُوت .. بِسُلْطَان .. بِكَلِمَة .. التَّانِي يِتْخِزِي .. لِيه ؟ لأِنُّه عَارِف إِنْ هُوَ حَرَامِي .. وَعَارِف إِنْ دَه مِشْ مَكَانُه .. وَعَارِف اللِّي عَمَلُه دَه مِشْ مِنْ حَقُّه ..وَعَارِف إِنُّه مِشْ حَا يِقْدَر يِثْبَت قُدَّامُه لأِنْ دَه الخَالِق .. وَدَه القَوِي هُوَ اللِّي قَادِر اللِّي هُوَ نَفْسُه يُلْقِيه فِي بُحِيرَة .. هُوَ قَادِر إِنْ هُوَ يُهْلِكُه هُوَ نَفْسُه .. فَيِقُولُّه أُخْرُج فَيُخْرُج . إِنْتَ مَعَاك قُوَّة جَبَّارَة المَفْرُوض تِقُولُّه ﴿ إِلهْنَا مَلْجَأنَا وَقُوَّتْنَا ﴾ ( مز 45 – مِنْ مَزَامِير الثَّالِثَة ) .. إِنْتَ لاَزِم تِكُون وَاثِق مِنْ قُدْرِتُه عَلَى الشِّفَاء اللاَنِهَائِيَّة .. غِير مَحْدُودَة .. لِيه فِيك رُوح ضَعْف ؟لِيه حَاسِس إِنْ الأُمور بِتَاعْتَك هِيَّ كِدَه وَحَا تِفْضَل كِدَه وَمَفِيش حَلْ .. وَأنَا جَرَّبْت لاَ عَارِف أصَلِّي وَلاَ عَارِف أعِيش فَضِيلَة وَجُوَايَا رَغْبَة إِنْ أنَا أتْحَسِنْ بِس مِشْ مُمْكِنْ وَمِشْ حَا يِحْصَل .. أقُولَّك لِيه ؟لِيه وَإِنْتَ فِي إِيدَك صَلِيب ؟!! لِيه وَإِنْتَ مُمْكِنْ تِنْطَق بِإِسْم يَسُوع ؟!! دَه إِسْم يَسُوع مُرْعِب .. دَه صَار أسْمَاء القِدِّيسِينْ اللِّي أرْضُوه مُرْعِب لِعَدُو الخِير فَكَمْ يَكُون إِسْم يَسُوع نَفْسُه ؟!! لِيه تُبْقَى إِنْتَ مَعَاك مَخَازِن لأِسْلِحَة إِلهِيَّة وَلِيه تُبْقَى عَايِش خَاضِع لِعَدُو ضَعِيف مَهْزُوم ؟!! .. لِيه ؟ عَشَان كِدَه قَالَ لَهُ أُخْرُج .. فَلاَقِينَا الأعْمَى شَاف وَالأخْرَس إِتْكَلِّمْ وَاللِّي كَانْ مَجْنُون لَقِينَاه فِي صُورَة مُتَعَقِّلَة .. نِقُول مَعْقُولَة هُوَ دَه ؟!! يِقُول آه هُوَ دَه .. يَا لِشَرَاسِة العَدُّو .. يَا لِشَرَاسِة العَدُّو اللِّي سَلَبِت الإِنْسَان كَرَامْتُه وَلاَزَالَتْ تِسْلِب الإِنْسَان كَرَامْتُه .. لَمَّا تشُوف نَفْسَك فِي حَالِة خُضُوع لأِعْمَال العَدُّو .. وَلَمَّا تشُوف نَفْسَك فِي حَالِة خُضُوع لِلوَصَايَا الإِلهِيَّة تِلاَقِي حَتَّى صُورْتَك إِخْتَلَفِت .. حَتَّى مَلاَمْحَك إِخْتَلَفِت .. صُوتَك إِخْتَلَف .. رُدُود أفْعَالَك إِخْتَلَفِت .. مَشَاعْرَك إِخْتَلَفِت .. كُلَّ شِئ .. لِيه ؟ لأِنْ كُلَّ حَاجَة رِجْعِت مَكَانْهَا .. لأِنْ إِنْتَ إِبْتَدِيت تِعِيش بِحَسَب الحَقَّ الإِلهِي وَبِحَسَب الصُورَة الإِلهِيَّة وَبِحَسَب صُورِة خَالِقَك .. وَابْتَدِيت تُمَجِّد إِلهَك اللِّي خَلَقَك مِنْ أجْلُه .. القِدِيس أُوغُسْطِينُوس كَانْ يِقُول لِرَبِّنَا كِدَه ﴿ خَلَقْتَنَا يَارَبُّ لَكَ فَلاَ وَلَنْ تَطْمَئِنْ نِفُوسْنَا إِلاَّ بِالحَيَاة مَعَك ﴾ . أدِي الإِنْسَان اللِّي يُؤمِنْ بِقُوِّة الْمَسِيح .. تُؤمِنْ بِقُوِّة الْمَسِيح فِي حَيَاتَك إِنَّهَا قَادِرَة إِنْ هِيَّ تِغَيَّر .. قَادِرَة تُرُد إِلِيك كُلَّ مَا سُلِب مِنَّك وَتِرَجَع لَك المَفْقُود أزْيَد مِمَّا كَانْ .. تُعْطِيك نِعْمِة التَّسْبِيح وَنِعْمِة الرُؤيَة .. وَتُعْطِيك نِعْمِة العَقْل وَالقُدْرَة عَلَى التَمْيِيز بَيْنَ الأُمور المُتَخَالِفَة .. دَه عَمَل الْمَسِيح فِي الحَيَاة .. كُون إِنْ الإِنْسَان يِسَلِّم نَفْسُه لِلعَدُّو بِيَأس يُبْقَى إِنْتَ مِشْ عَارِف قُدْرِة إِلهَك .. يُبْقَى إِنْتَ مِشْ مُدْرِك هُوَ قَادِر يِعْمِل فِيك إِيه .. إِنْتَ لَوْ قُلْت دِلْوَقْتِي يَارَب أنَا ضَعِيف .. إِنْتَ اللِّي قَادِر تِغَيَّرْنِي .. أنَا بَلْتِجِئ إِلِيك بِكُلَّ ضَعْفِي .. بَلْقِي كُلَّ هَمِّي عَلِيك .. أنَا بَقُولَّك يَارَب إِنْتَ قُوَّتِي وَتَسْبِحَتِي .. أنْتَ مُعِينِي .. أنْتَ يَارَب اللِّي مُخَلِّص نَفْسِي .. إِقْتَرِب إِلَى نَفْسِي وَفُكَّهَا .. إِقْتَرِب إِلَى لِسَانِي المَرْبُوط وَإِنْتَ اللِّي تِفُكُّه ..إِقْتَرِب إِلَى عَقْلِي اللِّي إِتْشَل وَإِنْتَ اللِّي قَادِر تُرُد لُه التَّفْكِير السَلِيم .. إِقْتَرِب إِلَى بَصِيرْتِي وَاكْشِف لَهَا عَجَائِب وَاعْطِيهَا نِعْمَة عَشَان تِشُوفَك .. تِلاَقِي فِي قُوَّة دَخَلِت . لَوْ وَاحِد عَامِل فِتِو يُدْخُل بِيت وَيِرُوح رَابِط كُلَّ اللِّي فِيه وَيِرُوح مِنَزِل كُلَّ العَفْش وَيِسْأل النَّاس وَهِيَّ مَرْبُوطَة فِين الدَّهَبْ ؟ النَّاس مَعَ الخُوف يِشَاورُوا لُه وَيِذِلُّهُمْ وَيِضْرَبْهُمْ وَيِمْنَع عَنْهُمْ الأكْل .. تَخَيَّل لَوْ وَاحِد لُه مَرْكَز كِبِير مُجَرَّد يُدْخُل يِشُوف المَنْظَر دَه كُلَّ حَاجَة تِتْغَيَّر .. الرَّاجِل المُسْتَبِد دَه خَلاَص تِلاَقِي فِي إِيدُه كَلاَبْشَات .. أصْغَر عَسْكَرِي مُمْكِنْ يِضْرَبُه .. فِين الحَاجَة اللِّي خَدْتَهَا ؟ يِقُول فِي المَكَان الفُلاَنِي .. يِرَجَع كُلَّ حَاجَة مَكَانْهَا وَيَعْتَذِر لِلنَّاس اللِّي عَمَل فِيهُمْ كِدَه وَيِرُوح وَيِتْسِجِن . هُوَ دَه الصِرَاع اللِّي بِينْ رَبِّنَا وَبِينْ العَدُّو .. تَخَيَّل حَالِة السَلْب وَالنَهْب اللِّي إِنْتَ عَايِش فِيهَا دِي تَخَيَّل لَمَّا تُبْقَى رَاضِي عَنْهَا .. تَخَيَّل لَمَّا تِكُون قَاعِد تَصَالَحْت مَعَ سَالِبَك .. تَخَيَّل أي حَاجَة تِقُولُّه عَلِيهَا حَاضِر .. الله لَمْ يَخْلِقْنَا لِنَهْلَك وَلَمْ يَخْلِقْنَا لِكَيْ مَا نُوضَع فِي يَدْ أعْدَائْنَا وَلكِنْ هُوَ خَلَقْنَا لِكَيْ مَا نَكُون لَهُ . ﴿ حِينَئِذٍ أُحْضِرَ إِلَيْهِ مَجْنُون أعْمَى وَأخْرَس ﴾ ( مت 12 : 22 ) .. كُلَّ وَاحِد فِينَا النِّهَارْدَة وَاقِفْ قُدَّامُه يِقُولُّه حَالْتِي لاَ تَخْتَلِف كَثِيراً عَنْ المَجْنُون الأعْمَى الأخْرَس دَه .. الرَّاجِل دَه اللِّي مَسْلُوب كُلَّ شِئ تَقْرِيباً أنَا زَيُّه .. أنَا طَاوِعْت شَهَوَاتِي إِلَى النِّهَايَة أفْقَدِتْنِي قُدْرَات كِتِير .. أنَا وَصَلْت لِدَرَجَة مِنْ الإِخْتِلاَل العَقْلِي .. المَوَازِين بِتَاعْتِي مِشْ مَظْبُوطَة .. أنَا مِشْ عَارِف أسَبِّحَك وَلاَ عَارِف أفْهَمَك وَلاَ عَارِف أفْهَم فَضَايْلَك .. دَه أنَا بَقِيت أقُول عَلَى النَّاس اللِّي بِيِعْمِلُوا فَضِيلْتَك دُول نَاس مِشْ مُتَعَقِلِين .. دَه أنَا اللِّي مِشْ مُتَعَقِل .. أأقَفْ قُدَّامُه مُجَرَّد بَسْ إِنُّه يُحْضَر إِلِيه يِقُولَّك فَشَفَاه حَتَّى أنَّ الأعْمَى الأخْرَس تَكَلَّمْ وَأبْصَر ( مت 12 : 22 ) . رَبِّنَا يِدِّينَا أنْ نَلْمَس قُوَّة الْمَسِيح فِي حَيَاتْنَا وَأنْ نِتَضَايَق مِنْ إِسْتِبْدَاد العَدُّو وَأنَّ كُلَّ مَا إِزْدَاد إِسْتِبْدَادُه لِينَا كُلَّ مَا زَاد صُرَاخْنَا لِلقَادِر أنْ يُخَلِّصْنَا رَبِّنَا يِكَمِّل نَقَائِصْنَا وَيِسْنِد كُلَّ ضَعْف فِينَا بِنِعْمِتُه وَلإِلهْنَا المَجْد دَائِماً أبَدِيّاً آمِين

شفاء المفلوج طُول الشَّهْر المَاضِي ( تُوت ) نَتَكَلَّمْ عَنْ التُّوبَة .. اليُّوم نُدْخُل فِي شَهْر جِدِيد هُوَ شَهْر بَابَه .. فَفِي شَهْر بَابَه يُكَلِّمْنَا عَنْ السَيِّد الْمَسِيح وَقَبُولُه لِلخُطَاة .. وَيَتَكَلَّمْ أيْضاً عَنْ ثِمَار التُّوبَة .. فِي تُوت تَكَلَّمْ عَنْ المَرْأة الخَاطِئَة .. اليُّوم نَتَكَلَّمْ عَنْ المَفْلُوج فَهُوَ يُقَدِّم نَفْسُه لِلْمَسِيح .. اليُّوم نَتَكَلَّمْ عَنْ شِفَاء المَفْلُوج وَعَمَل أعْظَم مِنْ الشِّفَاء وَقَالَ لَهُ مَغْفُورَةٌ لَك خَطَايَاك ( مر 2 : 5 ) .. وَقَالَ أعْظَمْ مِنْ ذلِك إِحْمِل سِرِيرَك وَامْشِي ( مر 2 : 9 ) . كُلَّ أُسْبُوع مِنْ الآحَادٌ يَتَكَلَّمْ عَنْ الخُطَاة وَمَعْرِفَتْهُمْ لِشَخْص يَسُوع : الأحَد الأوَّل زَكَّا وَصُعُودُه عَلَى شَجَرِة الجِمِّيز . الأحَد الثَّانِي مُعْجِزِة صِيد السَّمَك وَارْتَبَطِتْ بِتَغْيِير بُطْرُس . الأحَد الثَّالِث شِفَاء المَوْلُودٌ الأعْمَى الأخْرَس . الأحَد الرَّابِع إِقَامِة إِبْنَة أرْمَلِة نَايِين . الْمَسِيح هُوَ شَافِي الأمْرَاض قَادِرٌ عَلَى كُلَّ شِئ .. لَهُ سُلْطَان عَلَى المَرَض وَالشِّفَاء وَالبَّحْر وَالمُوْت .. لَهُ سُلْطَان عَلَى الشَّيْطَان .. الْمَسِيح مُجَرَّدٌ إِنَّك تِعْرَفُه يُعْطِيك القُدْرَة مِنُّه هُوَ عَلَى تَرْك الخَطَايَا وَعَلَى المَرَض وَالسُّلْطَان وَالشَّيْطَان .. وَهذَا هُوَ مُخْتَصَر رُوحِي عَنْ الخَطْ الرُّوحِي لِشَهْر بَابَه . فِي مُقَابَلَة الْمَسِيح لِزَكَّا لَمَّا عِرِفْ إِنْ يَسُوع حَيْمُر مِنْ أرِيحَا كَانْ فِي هُنَاك زَحَام شِدِيد . مِنِينْ يَسُوع يِكُون مَوْجُودٌ يِكُون هُنَاك زَحَام لأِنُّه مُحِبْ .. مُرِيح .. غَافِر .. قَادِرٌ .. وَالنَّاس تَتْبَعُه أيْنَمَا يَمْضِي .. النَّاس بِتِنْسَى شُغْلَهَا وَتِنْسَى أكْلَهَا وَشُرْبَهَا مِثْل مُعْجِزِة إِشْبَاع الجُمُوع عَلَى الجَبَل فَالنَّاس قَعَدِت ثَلاَثَة أيَّام مِنْ غِير ما يَأكُلُوا أوْ يَشْرَبُوا إِلَى أنْ قَالَ التَّلاَمِيذ لِيَسُوع إِصْرِف الجُمُوع لِيَذْهَبُوا لِيَأكُلُوا ( مت 14 : 15) . هذَا إِخْتِبَار يَشْعُر بِوُجُودُه الإِنْسَان .. فَجَاذِبِيِة الْمَسِيح فِي حَيَاة الإِنْسَان تَرْفَعُه فُوق نَفْسُه .. فُوق جَسَدُه .. فُوق قُدْرَات جَسَدُه وَنَفْسُه وَمُتَطَلِبَاتْهَا .. – فَاجْتَمَع كَثِيرُون – فَالْمَسِيح لَدَيْهِ رُوح جَذَّابَة .. الإِنْسَان الَّذِي لَدَيْهِ رُوح الْمَسِيح المَفْرُوض يِكُون لَدَيْهِ نَفْس الجَاذِبِيَّة .. البُولُس مِنْ رِسَالِة بُولِس الثَّانِيَة إِلَى أهْل كُورُنْثُوس ﴿ إِنْ كَانَ أَحَدٌ فِي الْمَسِيحِ فَهُوَ خَلِيقَةٌ جَدِيدَةٌ ﴾ ( 2كو 5 : 17 ) .. وَأنْتُم الرُّوح الذَّكِيَّة الَّتِي تَجْذِب .. كَذلِك أوْلاَدٌ الْمَسِيح لَدَيْهِمْ جَاذِبِيَّة لِلآخَرِينْ .. فَالإِنْسَان الَّذِي لَدَيْهِ رَائِحِة الْمَسِيح الذَّكِيَّة فَهُوَ يَجْذِب الآخَرِينْ فِيهِ .. لَوْ وُجِدٌ الْمَسِيح فِي إِنْسَان يَصِير لَدَيْهِ جَاذِبِيِّة الْمَسِيح يَسُوع وَيَجْذِب النَّاس حَوْلُه وَيَأتِي بِالآخَرِينْ أيْضاً إِلَى الْمَسِيح فِي المَكَان المَوْجُودٌ فِيهِ الْمَسِيح فَيَكُون سَبَبْ شِفَاء وَبَرَكَة لِكُلَّ مَنْ مَعَهُ . كَانَ الرَّبَّ يَسُوع يُخَاطِبَهُمْ بِالكَلِمَة .. فَالإِنْسَان الَّذِي لَدَيْهِ رُوح رَبِّنَا كَلاَمٌ رَبِّنَا يِتْكَلِّمْ عَلَى شَفَتِيه .. الإِنْجِيل شَبْعَان مِنُّه .. مُتَغَلْغِل فِيه .. فَلَمَّا يِتْكَلِّمْ يِتْكَلِّمْ مِنْ أفْكَار الإِنْجِيل .. جَمِيلٌ هذَا الإِنْسَان الَّذِي يَكُون الإِنْجِيل مُنْسَاب عَلَى شَفَتَيْهِ .. فَيَكُون العَقْل مِتْشَبِّعْ بِالكَلِمَة .. وَحَيَاتُه سِرَاج لِكَلِمَة رَبِّنَا ..مِنِينْ يَسُوع مَا يِجْتِمِع تِلاَقِي النَّاس حَوَالِيه . الفَلَجٌ هُوَ حَالِة شَلَلْ كَامِلٌ فِي جَمِيع الأعْضَاء .. هذَا هُوَ حَال الإِنْسَان اللِّي فِي الخَطِيَّة .. فَالسَيِّد الْمَسِيح لَمْ يَكْتَفِي بِحَالِة الشِّفَاء فَقَطْ بَلْ قَالَ لَهُ مَغْفُورَة لَك خَطَايَاك .. الْمَسِيح رَبَطْ بِين غُفْرَان الخَطَايَا وَشِفَاء الفَلَج .. وَهُوَ لَمْ يَبْدَأ بِشِفَاء المَرَض الظَّاهِر بَلْ المَرَض المَخْفِي .. فَالخَطِيَّة هِيَ الَّتِي أحْدَثِتْ الفَلَج .. فَهذَا هُوَ حَال الإِنْسَان فَنَحْنُ مُحْتَاجِينْ أنْ نَقُول لَهُ حِلِّنِي .. فُكِّنِي .. جَمِيلٌ إِنْ الإِنْسَان يُقَدِّم ذَاتُه لِلْمَسِيح كَمَرِيض وَهُوَ الطَّبِيب الشَّافِي .. فَهُوَ عَمَل عَمَل عَظِيم .. فَهُوَ حَلِّنَا مِنْ رَبَاطَات خَطَايَانَا . المَزْمُور يُعَبِّر عَنْ فَرَحٌ المَفْلُوج .. ﴿ أُبَارِكُ الرَّبَّ فِي كُلِّ وَقْت .. وَفِي كُلَّ حِينٍ تَسْبِحَتُه فِي فَمِي .. بِالرَّبَّ تَفْتَخِر نَفْسِي .. يَسْمَع الوُدَعَاء وَيَفْرَحُون ﴾ ( مز 34 : 1 – 2 ) .. الرَّجُل المَفْلُوج فَرْحَان بِعَمَل الله فِي حَيَاتُه فَهُوَ شَفَانِي .. فَالإِنْسَان الَّذِي يُسَبِّح وَيَشْكُر الله فَهُوَ شَاعِر بِغُفْرَان خَطَايَاه .. أنَا مِنْ غِيرَك مَفْلُوج وَلكِنَّك إِقْتَرَبْت مِنِّي وَقُلْتَ لِي لاَ تَخَفْ فَأنْتَ زَعْزَعْت مِنْ دَاخِلِي صُخُور وَأوْجَاع وَاضْطِرَابَات .. ﴿ فِي كُلَّ حِينٍ تَسْبِحَتُه فِي فَمِي .. بِالرَّبَّ تَفْتَخِر نَفْسِي ﴾ .. يُوم الإِفْتِخَار نَفْتَخِر بِالرَّبَّ .. ﴿ يَسْمَع الوُدَعَاء وَيَفْرَحُون ﴾ .. فَنِسْمَع مَا يَعْمَلُه الرَّبَّ مَعَ أوْلاَدُهٌ فَنِفْرَح .. المَدَاخِل إِذَا كَانِتْ كُلَّهَا إِتْسَدِت عَنْ الْمَسِيح نُحْمَل إِلِيه .. أنَا مُشْتَاقٌ أنْ أُحْمَل إِلِيه فَهُوَ لاَ يُهْمِلْنِي .. فَهُوَ تَرَك كُلَّ شِئ وَتَبَعْ الْمَسِيح . فَلَمَّا رَأى الْمَسِيح إِيمَانْهُم قَالَ لَهُ ﴿ مَغْفُورَةٌ لَكَ خَطَايَاكَ ....... قُمْ وَاحْمِلْ سَرِيرَكَ وَامْشِ ﴾ .. عَجِيب عَمَل رَبِّنَا يَسُوع الأوِّل يَسْمَع الوُدَعَاء وَيَفْرَحُون وَآخَرُون يُجَدِّفُوا .. إِنْسَان يَرَى عَمَل الْمَسِيح فِي حَيَاتُه فَيَفْرَح وَآخَر لأِنَّهُ لاَ يَعْرِف أنْ يُدَافِعْ عَنْ نَفْسُه فَهُوَ يَأخُذ الأُمور بِتَجَادِيفْ فَهُوَ يَسْمَع الوُدَعَاء وَيَفْرَحُون وَيَفْرَح هُوَ مَعَهُمْ .. رَبِّنَا يَسُوع قَالَ لَهُ إِحْمِل سِرِيرَك وَامْشِي .. لَمَّا يِحِبْ يَسُوع يِعْمِل مُعْجِزَة يُعْطِي عَلاَمَة .. يِشْفِي المَفْلُوج قُدَّام النَّاس وَيَقُول لَهُ إِحْمِل سِرِيرَك .. إِنَّ عَضَلاَتُه كُلَّهَا يَابِسَة لكِنْ لِيَقُوم وَيَحْمِل سِرِيرُه فَهذِهِ قُدْرِة يَسُوع .. فَهُوَ يُرِيدْ أنَّ قُدْرِتُه تُعْلَن وَكُلَّ المَوْجُودِين يِقُولُوا بِالحَقِيقَة صَارَ فِينَا إِله .. الأهَمْ عَنْد السَيِّد الْمَسِيح إِنْ يِفُكُّه مِنْ القُيُودٌ الدَّاخِلِيَّة .. أنْ يُحَرِّك قَلْبُه نَحْو الله .. أنْ يَشْفِي العَقْل . رَبِّنَا يَسُوع شَفَى الأوِّل المَرَض الحَقِيقِي وَبَعْدَهَا شَفَى الأعْرَاض .. فَنَزْع الخَطِيَّة هُوَ أسَاس الشِّفَاء .. دَاوُد النَّبِي قَالَ ﴿ الَّذِي يَغْفِرُ جَمِيعَ ذُنُوبِكِ .. الَّذِي يَشْفِي كُلَّ أَمْرَاضِكِ ﴾ ( مز 103 : 3 ) فَهُوَ طَلَبْ مِنْ الرَّبَّ أوَّلاً أنْ يَغْفِر الخَطَايَا وَالذُّنُوب ثُمَّ يَطْلُب الشِّفَاء مِنْ مَرَضُه .. فَالخَطِيَّة تَجْعَل الإِنْسَان عَاجِز عَنْ التَّحَرُّك نَحْو السَّمَاء وَعَنْ التَّعْبِير عَنْ إِشْتِيَاقَاتُه إِلَى السَّمَاء وَالحَيَاة الأبَدِيَّة وَالعِشْرَة مَعَ الله .. كَمْ مَرَّة تَقُول أنَا نِفْسِي أصَلِّي لكِنْ مِشْ بِتْصَلِّي .. أنَا نِفْسِي أتَضِعْ وَلكِنْ لاَ أعْرِفْ .. الخَطِيَّة تَجْعَل الإِنْسَان عَاجِز عَنْ الحَرَكَة وَتَسْلِبْ إِرَادْتُه .. وَالإِنْسَان العَاجِز النَّاس تِحْمِلُه شِمَال وَيِمِين . القِدِيس يُوحَنَّا الإِنْجِيلِي فِي أوَاخِر أيَّامُه كَانْ لاَ يَسْتَطِيعْ الحَرَكَة تَمَاماً فَكَانَ يُوضَعْ عَلَى نَقَّالَة وَسَطْ أي كِنِيسَة لِيَعِظْ .. وَهُوَ قَاعِدْ عَلَى نَقَّالَة وَيُوصِيهُمْ بِوَصِيَّة جِدِيدَة ﴿ وَصِيَّةً جَدِيدَةً أَنَا أُعْطِيكُمْ أَنْ تُحِبُّوا بَعْضُكُمْ بَعْضاً ﴾ ( يو 13 : 34 ) .. حَرَكِة الرِّجْلِينْ وَالإِيدِينْ مِشْ مُهِمَّة زَي حَرَكِة اللِّسَان وَالقَلْب .. زَي بُولِس الرَّسُول لَمَّا كَانْ مَسْجُون فِي سِجْن فِيلِبِّي فَهُوَ كَانْ مَرْبُوط فِي مَقْطَرَة وَلاَ يَسْتَطِيعْ الحَرَكَة وَعَاجِز عَنْ التَّحَرُّك وَلكِنْ قَلْبُه وَلِسَانُه فِي الكِنِيسة ( أع 16 : 23 – 24 ) . لَمَّا إِبْتَدأ الرَّبَّ يَسُوع فِي الشِّفَاء إِبْتَدأ بِالقَلْب وَاللِّسَان .. جَمِيلٌ الإِنْسَان أنْ يَتَحَرَّر مِنْ قُيُودٌ الخَطِيَّة الدَّاخِلِيَّة فِي قَلْبُه وَلِسَانُه .. أحَد الآبَاء القِدِّيسِينْ يُعَبِّر عَنْ حَالِة الهَوَان وَالذُّل لِلخَطِيَّة فَقَال﴿ لَيْسَ لِي قُدْرَة عَلَى القِيَام وَلَيْسَ لِي مَسَرَّة بِالسُّقُوط ﴾ .. وَيَسْمَع الوُدَعَاء فَيَفْرَحُون .. فَهُوَ يُقِيم مَيْتٌ وَيَقُول لَهُمْ حِلُّوه وَاتْرُكُوه يَمْضِي .. يُقِيم بِنْت مَيِتَة وَيَقُول إِعْطُوهَا لِتَأكُل وَتَأكُل ..أي كُلَّ الأجْهِزَة المُتَوَقِفَة إِشْتَغَلِتْ .. فَلَّمَا شَفَى حَمَاة سِمْعَان فِي الحَال قَامَتْ وَخَدَمَتْهُمْ ( لو 4 : 38 – 39 ) .. " قَامَتْ خَدَمَتْهُمْ " هذِهِ هِيَ قُدْرِة عَمَل الْمَسِيح فَأنَّهُ يُعْطِي قُدْرَة لاَ نِهَائِيَّة عَلَى العَطَاء . الإِنْسَان التَّائِبْ تَأخُذْ مِنْهُ عَلاَمِة شِفَاء وَنُمُو وَصِحَّة مِثْل القِدِيس أُوغُسْطِينُوس فَأنَّهُ لَمْ يَتُبْ فَقَطْ بَلْ أصْبَح أُسْقُف .. فَهُوَ أعْظَمْ مَنْ كَتَبْ تَفَاسِير فِي الكِتَاب المُقَدَّس .. القِدِيس العَظِيمْ الأنْبَا مُوسَى الأسْوَد فِي المَدِيح الخَاص بِه نِقُول ﴿ القَاتِل أصْبَح بَار ﴾ .. فَهُوَ إِتْغَيَّر مِنْ رَئِيس جَمَاعِة لُصُوص إِلَى رَئِيس جَمَاعِة رُهْبَان .. هذِهِ هِيَ عَلاَمِة الصِّحَة وَالقُدْرَة .. فَهُوَ يُرِيدْ أنْ يَرَى عَلاَمَة لِلتُّوبَة فَلاَزِم تِحْمِل سِرِيرَك وَتِمْشِي وَتَأكُل طَعَام رُوحِي .. إِسْتِقَامِة مَسِيرَة .. تَغْيِير الإِنْسَان الدَّاخِلِي . فِي مُعْجِزِة صِيد السَّمَك لَمَّا قَعَدٌ طُول اللِّيل يِصْطَادٌ التَّلاَمِيذ فَفَشَلُوا فِي الصِيد وَلكِنْ لَمَّا لاَقَهُمْ يَسُوع وَقَابِلْهُمْ وَمَلأُوا الشِّبَاك بِالسَّمَك فَهُمْ تَرَكُوا شِبَاكُهُمْ وَتَبَعُوه .. المَقْصُودٌ بِذلِك بِإِنَّك تِتْغَيَّر .. وَكَيَانَك يِتْغَيَّر .. وَإِهْتِمَامَاتَك تِتْغَيَّر .. زَكَّا لَمَّا تَغَيَّر وَزَّع نِصْف أمْلاَكُه عَلَى الفُقَرَاء وَرَدَّ أرْبَعَة أضْعَاف لِلَّذِينَ أخَذْ مِنْهُمْ .. فَالله يَنْظُر لِلتَغْيِير فِي الفِكْر وَالسُّلُوك .. فَالسَّامِرِيَّة رِجْعِت وَقَبَلِتْ الْمَسِيح بِفِكْرَهَا وَرَاحِتْ بَشَّرِتْ المَدِينَة كُلَّهَا بِسُلُوكْهَا .. التُّوبَة تَعْنِي* مِيطَانْيَا * أي تَغْيِير إِتِجَاه .. فَهْيَ عَلاَمِة حَيَاة .. عَلاَمِة قُدْرَة .بُولِس الرَّسُول فِي كِرَازْتُه فِي مَدِينِة أفَسُس كَانْ مِنْتِشِر فِيهَا السِحر جِدّاً وَأهْل هذِهِ المَدِينَة مِنْ شِدِّة تَأثُّرَهُمْ بِكَلاَمُه وَجَمَال دَعْوِتُه أحْضَرُوا لَهُ كُلَّ كُتُبْ السِحر وَحَرَقُوهَا .. عَلاَمِة تُوبْتُه عَايِز يِحْرَقْهَا وَيِقُولْ كَارِهِين الشَّر ( رو 12 : 9 ) .. فَلاَ تَشْتَرِكُوا فِي أعْمَال الظُّلْمَة بَلْ بِالحَرِيِّ وَبِّخُوهَا ( أف 5 : 11) .. فَتَكُون بِدَاخِلُه يِوَبَخْهَا .. فَهُوَ يُرِيدْ أنْ يَعِيش فِيك وَكَلاَمَك يِتْغَيَّر .. وَاهْتِمَامَاتَك تِتْبَدِّل وَتَسْلُك بِالرُّوح فِي كُلَّ أُمور حَيَاتَك فَتِتْغَيَّر .. الخَوَّاف يِتْغَيَّر وَيُصْبِح شَهِيدٌ . عَايِز تِبْدأ فِعْلاً بِالتَغْيِير تَرَى أنَّكَ تَغَيَّرْت فِي كَلاَمَك وَسُلُوكَك وَحَرَكَاتَك وَاحْتِمَالَك لِلآخَرِينْ وَطَرِيقِة تَعَامُلَك مَعَ المَال وَالوَقْت تَغَيَّرَت .. أُمور كَثِيرَة نُقَدِّمْهَا لله تَدُل عَلَى تَغَيُّرْنَا فَهُوَ يُرِيدْ أنْ يَسْتَخْدِمْنَا نَحْنُ كَشَاهِد لِعَمَلُه .. ﴿ اِذْهَبْ إِلَى بَيْتِكَ ﴾ ( مر 2 : 11 ) .. رَبِّنَا عَايْزَك تِتُوب عَلَشَانْ تِشْهَدٌ لُه إِنُّه قَادِر أنْ يُغَيِّر وَيِبَدِل وَتُمَجِّدُوا الله .. فَنَتَقَدَّم إِلِيه وَاثِقِينْ مِنْ شِفَائْنَا وَأنَّهُ يُحَوِّلْنَا مِنْ مَرِيض غِير قَادِرٌ عَلَى المَشْي إِلَى إِنْسَان سَلِيم يَحْمِل سَرِيرُه وَيَمْشِي . رَبِّنَا يِكَمِّل نَقَائِصْنَا وَيِسْنِد كُلَّ ضَعْف فِينَا بِنِعْمِتُه وَلإِلَهْنَا المَجْد دَائِماً أبَدِيّاً آمِين

مقابلة ربنا يسوع المسيح مع زكا العشار بِسْم الآب وَالإِبْن وَالرُّوح القُدُس الإِله الوَاحِد آمِين فَلْتَحِل عَلِينَا نِعْمِتُه وَبَرَكْتُه الآن وَكُلَّ أوَان وَإِلَى دَهْر الدُّهُور كُلَّهَا آمِين مُعَلِّمْنَا لُوقَا البَشِير بِالذَّات بِيرَكِّز عَلَى شَخْص رَبِّنَا يَسُوع الْمَسِيح كَصَدِيق لِلإِنْسَان .. مُعَلِّمْنَا مَتَّى يُبْرِز رَبِّنَا يَسُوع المَلِك .. مُعَلِّمْنَا مَرْقُس يُبْرِز رَبِّنَا يَسُوع الخَادِم .. مُعَلِّمْنَا لُوقَا يُبْرِز رَبِّنَا يَسُوع صَدِيقٌ الإِنْسَان .. صُورِة مُعَلِّمْنَا لُوقَا الكِنِيسَة تَضَعْ مَعَهُ صُورَة شِبْه الإِنْسَان لأِنَّ مُعَلِّمْنَا لُوقَا أبْرَز رَبِّنَا يَسُوع الإِنْسَان .. وَمُعَلِّمْنَا يُوحَنَّا رَكِّز عَلَى رَبِّنَا يَسُوع الإِله .. فَمُعَلِّمْنَا لُوقَا يِعْرِض المَوَاقِفْ اللِّي رَبِّنَا يَسُوع الْمَسِيح إِقْتَرَب فِيهَا مِنْ الإِنْسَان .. هذَا مَوْقِفْ مِنْ المَوَاقِفْ اللِّي رَبِّنَا يَسُوع الْمَسِيح بِيِعْزِم نَفْسُه وَبِيْقُول مُمْكِن أجِي البِيتْ عَنْدَك ؟ .. دَه يَنْبَغِي أنْ أمْكُث اليُّوم فِي بِيتَك ( لو 19 : 5 ) .. أنَا لاَزِم أجِي اليُّوم عَنْدَك . كُلَّ مَوَاقِفْ رَبِّنَا يَسُوع الْمَسِيح هِيَ فَوْقَ الزَّمَنْ وَفَوْقَ المَكَان .. يَعْنِي هِيَّ لَمْ تَحْدُث فِي أرِيحَا وَلاَ حَدَثِتْ مِنْ 2000 سَنَة وَلكِنْ بِتَحْدُث فِي زَمَانَنَا وَفِي مَكَانَنَا .. نَفْس الدَّعْوَة اللِّي قَالْهَا رَبِّنَا يَسُوع الْمَسِيح لِزَكَّا أنَا يَنْبَغِي أنْ أمْكُث اليُّوم فِي بِيتَك .. هِيَ دَعْوَة مُتَكَرِّرَة لِينَا كُلِّنَا .. يَقُول لَنَا أنَا عَايِز أجِي أتَلاَمَس مَعَك .. أدْخُل جُوَّه حَيَاتَك .. أدْخُل جُوَّه بِيتَك .. لأِنْ كَانِتْ الثَّمَرَة الطَّبِيعِيَّة بِلِقَاء زَكَّا بِرَبِّنَا يَسُوع الْمَسِيح مِشْ مُجَرَّدٌ إِنُّه رَاح أكَل عَنْدُه وَلاَ قَعَد عَنْدُه هِيَّ تَغَيُّر حَيَاتُه .. يِقُول عَنْ زَكَّا أنَّهُ كَانَ رَئِيس العَشَّارِينْ وَكَانَ غَنِياً .. الثَّمَرَة الطَّبِيعِيَّة لِلِقَاء رَبِّنَا يَسُوع الْمَسِيح لِرَئِيس العَشَّارِينْ هُوَ تَغَيُّر حَيَاتُه .. فَوَجَدْنَاه يَقُول أنَا هَا أُعْطِي نِصْف أمْوَالِي لِلفُقَرَاء وَإِنْ كُنْت وَشَيْتُ بِأحَدٌ أرُدُّ لَهُ أرْبَعَة أضْعَاف ( لو 19 : 8 ) .. تَغْيِير حَيَاة .. تَغْيِير عَمَلِي .. لِذلِك نُقَفْ وَقْفَة صَغِيرَة مَعَ مَوْقِفْ رَبِّنَا يَسُوع الْمَسِيح وَوَقْفَة صَغِيرَة مَعَ مَوْقِفْ زَكَّا . رَبِّنَا يَسُوع الْمَسِيح فِي وَسَطْ الدُنْيَا المُزْدَحَمَة رَفَعْ عِينُه وَجَدْ زَكَّا مُتَسَلِّق عَلَى شَجَرَة .. مَدِينَة أرِيحَا مُسَمَّاه بِهذَا الإِسْم لأِنَّ رَائِحَتْهَا حِلْوَة لأِنَّهَا مَشْهُورَة بِزِرَاعِة الفَوَاكِه .. فَمِنْ عَلَى بُعْد كِبِير تِشِمْ رَائِحَة جَمِيلَةٌ رَائِحَة فَوَاكِه .. فَكَانْ فِيهَا جِمِّيزَة مِنْ ضِمْن أشْجَار الفَوَاكِه وَزَكَّا عَشَانْ دَارِس المَنْطِقَة طِلِعْ عَلِيهَا لِكَيْ يَرَى يَسُوع .. فَرَبِّنَا يَسُوع رَفَعْ عِينُه وَجَد وَاحِدٌ مُتَسَلِّق عَلَى شَجَرَة قَالَ لَهُ أسْرِع وَانْزِل تَعَالَ أصْل أنَا يَنْبَغِي أنْ أمْكُث اليُّوم فِي بِيتَك .. رَبِّنَا يَسُوع بِيقُول لُه * يَنْبَغِي * يَعْنِي * لاَزِم * .. هُوَ اللِّي بِيَدْعُوه وَبِيقُول لُه لاَزِم أجِي لَك .. رَبِّنَا يَسُوع هُوَ اللِّي بِيِبْحَث عَنْ الإِنْسَان .. هُوَ اللِّي يِفَتِّش عَنْهُ رَغْم الجَمَعْ .. زَحَام لكِنْ هُوَ عَارِفْ إِنْ دَه لاَزِم يَمْكُث عَنْدُه .. دَه لاَزِم يِتْغَيَّر .. دَه يَحْمِل إِشْتِيَاقَات جَمِيلَة وَلكِنْ مُسْتَعْبَد وَمَأسُور لِعَادَات رَذِيلَة .. يُبْقَى لاَزِم أنَا أدْخُل جُوَّه حَيَاتُه . دَعْوِة رَبِّنَا يَسُوع الْمَسِيح لِينَا هِيَّ نَفْس الدَّعْوَة .. يِقُولَّك إِنْتَ بِالرَّغْم مِنْ إِنْ الدُنْيَا زَحْمَة مِنْ حَوْلَك .. لِمَاذَا أنَا ؟ يِقُول رَبِّنَا لِيك أنَا أُرِيدَك إِنْتَ .. لِدَرَجِة إِنْ رَبِّنَا يَسُوع الْمَسِيح نَظَرَ إِلَيْهِ وَقَالَ لَهُ يَا زَكَّا ( لو 19 : 5 ) .. نَادَاه بِإِسْمُه .. تَخَيَّل رَبِّنَا بِيْنَادِي كُلَّ وَاحِد بِإِسْمُه وَيَقُول لَهُ أنَا اليُّوم أُرِيدْ أنْ أمْكُث فِي بِيتَك .. يَنْبَغِي أنْ أمْكُث فِي بِيتَك . رَبِّنَا يَسُوع الْمَسِيح .. قِصِّة الكِتَاب المُقَدَّس كُلُّه هِيَ هذِهِ الدَّعْوَة مِنْ بِدَايِة سُقُوط أبُونَا آدَم وَجَدْنَا إِنْ رَبِّنَا يَسُوع بِيْقُول لُه آدَم .. بِيْنَادِيه بِإِسْمُه .. بِيْقُول لُه آدَم أيْنَ أنْتَ ( تك 3 : 9 ) .. وَهِنَا بِيْقُول لِزَكَّا زَكَّا أسْرِع وَانْزِل يَنْبَغِي أنْ أمْكُث اليُّوم فِي بِيتَك .. يَنْبَغِي .. لاَزِم .. أنَا جَاي لِكَيْ أرُدٌ إِلَيْكَ مِيرَاثَك المَسْلُوب .. أنَا جَاي عَشَانْ أرَّجَعَك لِحِضْن أبُوك .. أنَا جَاي عَشَانْ غِيرَك إِنْتَ وَإِنْتَ بِالذَّات وَبِإِلْحَاح وَبَاقُولَّك لاَزِم أجِي إِلَيْكَ . جَمِيلٌ إِنْ أنَا أشْعُر إِنْ رَبِّنَا بِيْنَادِينِي بِإِسْمِي وَعَارِفْ ظُرُوفِي وَبِيْقُولَّك أنَا لاَزِم أجْلِس عَنْدَك .. هُوَ يُرِيدَك إِنْتَ .. هُوَ يَقْرَع عَلَى بَابْ قَلْبَك إِنْتَ .. هُوَ يُقْصُدَك إِنْتَ .. أحْيَانَاً الإِنْسَان فِي وَسَطْ الزَّحْمَة يِفْتِكِر إِنُّه مِشْ مَعْرُوف عَنْدُه .. لاَ .. دَه مَعْرُوف بِالإِسْم .. مَعْرُوف بِالسِيرَة .. يِعْرَف كُلَّ أعْمَاقَك وَكُلَّ إِشْتِيَاقَاتَك .. هُوَ عَارِفْ .. وَعَارِفْ المَاضِي وَعَارِفْ الضَّعْف وَبِيْقُولَّك أنَا أمْكُث اليُّوم فِي بِيتَك .. أنَا لاَزِم اليُّوم أجِي لَك وَأجْلِس مَعَك . وَالعَجِيب جِدّاً إِنْ رَبِّنَا يَسُوع الْمَسِيح هُوَ صَاحِبْ السُّلْطَان وَسَيِّد مَمَالِك الأرْض كُلَّهَا هُوَ اللِّي بِيِعْزِم نَفْسُه عَنْد وَاحِد .. كَرَامِة الشَّخْص مُمْكِنْ تِمْنَعُه أنْ يَقُول لِوَاحِد أنَا هَاجِي إِلَيْكَ .. رَبِّنَا يَسُوع الْمَسِيح لَمَّا شَافْ إِنْ إِحْنَا تَبَاطَأنَا جِدّاً فِي دَعْوِتُه فَدَعَى نَفْسُه هُوَ لِينَا .. رَبِّنَا يَسُوع لَمَّا لَقَى إِنْ إِحْنَا أهْمَلْنَا كَثِير جِدّاً فِي حَقٌ تُوبِتْنَا وَفِي حَقٌ خَلاَصْنَا فَوَجَدْنَاه هُوَ بِيْقُول لِينَا أنَا اللِّي هَاجِي .. إِنْتَ الوَاضِح إِنْ الخَطْوَة دِي صَعْبَة عَلِيك .. إِنْتَ مُكَبَّل وَمَأسُور وَتَعْبَان .. أنَا اللِّي هَادْعِي نَفْسِي .. إِنْتَ مِتْأخَر كَثِير جِدّاً وَتِفْضَل سَايِبْ نَفْسَك حَتَّى تَصِل إِلَى حَالْ أرْدَأ .. لاَ .. أنَا اللِّي هَاجِي .. أنَا اللِّي هَافْتَقِدَك وَبِإِلْحَاح . جَمِيلٌ جِدّاً فِي زَكَّا إِنُّه إِسْتَجَاب .. رَبِّنَا يَسُوع الْمَسِيح مِشْ مِنْتِظِر إِنْ إِنْتَ اللِّي تَدْعُوه لكِنْ هُوَ اللِّي بِيَدْعُوك وَلكِنْ مِنْتِظِر مِنَّك حَاجَة لَوْ إِنْتَ مَعَمَلْتَهَاش هُوَ مِشْ هَا يِجِي إِنْ إِنْتَ تَسْتَجِيب لِنِدَائُه .. يَامَا نَاس رَبِّنَا يَسُوع بِيْنَادِي عَلِيهُم وَهُمَّ يِرْفُضُوا .. عَايِز يِقُولَّك كِدَه كِتِير .. مَعْقُول إِنْ أنَا اللِّي أدْعُو نَفْسِي وَإِنْتَ تُرْفُض وَأنَا أجِي ؟!! كِدَه كِتِير قَوِي لِذلِك نَاس كَثِيرِين رَبِّنَا دَعَاهُمْ وَقَالْ أنَا أجِي وَفِي نَاس إِعْتَذَرُوا عَنْ قَبُول الدَّعْوَة . جَمِيلَةٌ جِدّاً الكَلِمَة اللِّي ذَكَرْهَا الكِتَاب المُقَدَّس إِنْ مُعَلِّمْنَا بُولِس الرَّسُول لَمَّا تَكَلَّمْ مَعَ فِيلِكْس الوَالِي يِقُول إِرْتَعَدَ فِيلِكْس الوَالِي .. إِبْتَدأ قَلْبُه يِتْحَرَّك .. إِبْتَدأ يَسْتَجِيب لِلكَلاَم وَلكِنْ لِلأسَفْ قَالَ لِمُعَلِّمْنَا بُولِس الرَّسُول إِذْهَب الآن وَمَتَى حَصَلْت عَلَى وَقْت أدْعُوك ( أع 24 : 25 ) وَلَمْ يَحْصُل عَلَى وَقْت .. إِنَّهَا الأن .. رَبِّنَا عِنْدَمَا يُنَادِيك فِي لَحْظَة لاَ تُؤَجِلْهَا .. يِقُول الأنْ تِقُول لُه حَاضِر .. يِقُول يَنْبَغِي أنْ أمْكًُث فِي بِيتَك تِقُول لُه يَارَب أنَا مُشْتَاق أنْ تَمْكُث فِي بِيتِي .. أنَا مِنْتِظْرَك .. جَمِيلٌ جِدّاً أنْ أشْعُر بِعَمَل رَبِّنَا فِي حَيَاتِي وَدَعْوِتُه لِيَّ بِالتُّوبَة وَإِلْحَاحُه عَلَيَّ .. لَوْ عَرَفْنَا إِنْ مِنْ أهَمْ مَقَاصِد حَيَاتْنَا إِنْ الله أبْقَانَا الَى الأن إِلَى هذِهِ اللَحْظَة وَنَحْنُ أحْيَاء لِكَيْ نُكَمِّل تَوْبَتْنَا .. الله يَتَرَجَّى تَوْبَتْنَا بِالحَيَاة وَمَا الحَيَاة إِلاَّ فُرْصَة لأِسْتِجَابِة تَرَجِّي التُّوبَة .. زَكَّا إِسْتَجَاب ..زَكَّا إِسْتَجَاب قَبَلَهُ فَرِحاً ..رَبِّنَا عَايِز يِلْزِمْنَا أنْ نَعِيش مَعَاه .. رَبِّنَا عَايِز يُغْلِقٌ عَلِينَا دَوَائِر الشَّر عَشَانْ يِحْفَظْنَا .. رَبِّنَا يُرِيدْ أنْ يِأمِنَّا مِنْ شُرُور وَخَطَايَا كَثِيرَة إِحْنَا اللِّي نِسْعَى إِلَيْهَا . فِي سِفْر هُوشَعْ يِقُول إِنْ فِيه إِمْرَأة زَانِيَة حَبِّت تُتْرُك الرَّجُل بِتَاعْهَا فَرَبِّنَا شَبِّه المَرْأة الزَّانِيَة بِشَعْبُه بِتُتْرُك الرَّجُل بِتَاعْهَا وَبِتَدَوَر عَلَى غِيرُه عَشَانْ تِعْمِل الغَلَط مَعَاه .. هذَا هُوَ حَال النَّفْس البَشَرِيَّة بِتُتْرُك عَرِيسْهَا وَتَبْحَث عَنْ الشَّر وَتَقْتَرِنْ بِغَيْرُه .. الله لاَ يَسْكُت .. يُكْمِل فِي سِفْر هُوشَع مَوْقِفْ ربِّنَا فَيَقُول ﴿ لِذلِك هأَنَذَا أُسَيِّجُ طَرِيقَكِ بِالشَّوْكِ وَأَبْنِي حَائِطْهَا حَتَّى لاَ تَجِدَ مَسَالِكَهَا فَتَتْبَعُ مُحِبِّيهَا وَلاَ تُدْرِكُهُمْ وَتُفَتِّشُ عَلَيْهِمْ وَلاَ تَجِدُهُمْ ﴾ ( هو 2 : 6 – 7 ) .. رَبِّنَا عَايِز يِسَيِّج عَلِينَا فَيَقُول حَتَّى لَوْ إِنْتَ رَغَبْت أنَا هَاسَيِّج عَلِيك .. هَاجْعَل طَرِيقَك بِالشُوك وَأبْنِي حَائِط حَتَّى لاَ تَجِد مَسَالِكْهَا فَتَجِد مُحِبِّيهَا وَلاَ تُدْرِكَهُمْ .. تُفَتِّش عَلَيْهِم وَلاَ تَجِدَهُمْ ﴿ فَتَقُولُ أذْهَبُ وَأَرْجِعُ إِلَى رَجُلِي الأَوَّلِ لأِنَّهُ حِينَئِذٍ كَانَ خَيْرٌ لِي مِنَ الآنِ ﴾ .. رَبِّنَا يَتَرَجَّى التُّوبَة بِتَاعِتْنَا .. يُرِيد أنْ يُحَاصِرْنَا .. يُحَاصِرَك بِكَلِمَة .. بِآيَة .يِسَيِّج طَرِيقَك .. يَضَعْ جُوَّاك إِشْتِيَاقَات .. إِسْتَجِيب وَتَجَاوَب مَعَهُ . بَنِي إِسْرَائِيل لَمَّا خَرَجُوا مِنْ أرْض مَصْر لِكَيْ يَذْهَبُوا لأِرْض كَنْعَان مَكَثُوا أرْبَعِين سَنَة تَائِهِينْ .. رَبِّنَا كَانْ لُه قَصْد مِنْ دَه .. المِشْوَار كُلُّه لَمْ يَأخُذ أكْثَر مِنْ ثَلاَثَة أسَابِيع ..لَوْ شَعَرُوا إِنْ الطَّرِيقٌ صَغِير أمَام أي صُعُوبَة كَانُوا يِرْجَعُوا .. الله أرَاد مِنْ ذلِك أنْ يَدْخُلُوا كُلُّهُمْ كَنْعَان وَلاَ يَرْجَع أحَدٌ .. فَيَقُول ﴿ لَمْ يَهْدِهِمْ فِي طَرِيقِ أَرْضِ الْفِلِسْطِينِيِّينَ مَعَْ أَنَّهَا قَرِيبَةٌ ﴾( خر 13 : 17) .. خَايِفْ عَلِيهُمْ لِئَلاَّ يَرْجَعُوا فَتَوِّهَهُمْ .. الله يَصِر عَلَى أنْ يِسَيِّج عَلِينَا الطَّرِيقٌ لِكَيْ لاَ نَرْتَد إِلَى الوَرَاء أبَداً .. هذَا هُوَ مَوْقِفْ رَبِّنَا يَسُوع أنْ أمْكُث اليُّوم فِي بِيتَك .. أنَا الدَّاعِي الكُلَّ لِلخَلاَص لأِجْل المَوْعِد بِالخَيْرَات المُنْتَظَرَة . زَكَّا رَجُل غَنِي .. رَجُل رَئِيس عَشَّارِين .. سِمِعْ إِنْ يَسُوع رَايِح بَلَدُه فَكَانَ مُشْتَاقٌ جِدّاً أنْ يَرَى يَسُوع وَهذِهِ هِيَ بِدَايِة الطَّرِيقٌ .. بِدَايِة الحَيَاة مَعَ رَبِّنَا هُوَ الإِشْتِيَاق .. لاَزِم تِكُون نَفْسَك تَرَى يَسُوع .. نَفْسَك تَتَقَابَل مَعَاه .. نَفْسَك تَسْمَعُه .. مُشْتَاق جِدّاً أنْ تَتَلاَمَس مَعَهُ .. هذِهِ هِيَ البِدَايَة .. البِدَايَة هِيَ رَغْبَة مِنْ الدَّاخِل أمِينَة صَادِقَة لِكَيْ مَا أتَقَابَل مَعَ الْمَسِيح .. زَكَّا كَانْ مِتْضَايِق مِنْ حَيَاتُه فَلِذلِك كَانَ يُرِيدْ أنْ يَرَى يَسُوع عَشَانْ عَايِز طَرِيقٌ أفْضَل ؟ رُبَّمَا .. تِكُون سِمِعْت عَنُّه إِنُّه بِيِعْمِل مُعْجِزَات وَإِنُّه رَجُل فَاضِل وَإِنُّه قِدِيس رَايِح تَرَاه ؟ رُبَّمَا .. زَكَّا يُرِيدْ أنْ يُقَابِل يَسُوع فَوَجَدَ الطَّرِيقٌ مُزْدَحِم جِدّاً ( عَوَائِقٌ ) بِالإِضَافَة إِلَى قِصَر قَامَتُه .. كَانَ هُنَاك عَوَائِق كَثِيرَة لكِنْ زَكَّا كَانَ عِنْدُه عَزْم فَمِشِي وَسَطْ الزَّحْمَة إِلَى أنْ وَصَل لِمَمَر الطَّرِيقٌ وَتَسَلَّقٌ الجِمِّيزَة .. زَكَّا كَانَ عِنْدُه ثَبَات عَزَم وَاللِّي وَضَعْ فِي قَلْبُه أنْ يَرَاه فَلاَبُدْ وَأنْ يَرَاه وَلكِنْ مَنْ الَّذِي يُرَاقِب هذِهِ الإِشْتِيَاقَات كُلَّهَا ؟ رَبِّنَا يَسُوع هُوَ اللِّي مِرَاقِبْ المَوْقِف كُلُّه .. هُوَ اللِّي مَعَاه أمْرِنَا .. هُوَ اللِّي يِعْرَف أعْمَاقْنَا .. الله اللِّي عَارِف خَفَايَا القَلْب رَأى إِسْتِعْدَادٌ زَكَّا .. زَكَّا غَلَبْ العَوَائِقٌ .. غَلَبْ الزَّحْمَة وَغَلَبْ قِصَر القَامَة .. وَصَعَد عَلَى جِمِّيزَة لِكَي يَرَى يَسُوع . الآبَاء القِدِّيسِينْ يِقُولُوا إِنْ الجِمِّيزَة هِيَ مُمْكِنْ تِكُون كَلِمَة مَنْفَعَة .. مُمْكِنْ تِكُون كِتَاب رُوحِي .. مُمْكِنْ تِكُون شِرِيطْ عِظَة .. الإِنْسَان مُمْكِنْ يِكُون قَامْتُه الرُّوحِيَّة قَصِيرَة لاَ تُوْجَدٌ عِنْدِي إِسْتِعْدَادَات كَافِيَة تُؤهِلْنِي لِمُقَابَلَة الْمَسِيح .. الحَلْ هُوَ أنْ أجِدٌ شِئ يِرْفَعْنِي .. أبْحَث عَنْ وَسِيلَة لِكَيْ أرى بِهَا الْمَسِيح .. العِظَة وَسِيلَة لِكَيْ أرَى بِهَا الْمَسِيح .. الآبَاء القِدِّيسِينْ يُعَلِّمُونَا أنْ نُوَاظِبْ كَثِير جِدّاً عَلَى القِرَاءَة الرُّوحِيَّة ( جِمِّيزَة ) .. خِسَارَة الوَقْت يِضِيع وَأُمُور غِير نَافْعَة إِهْدَارٌ لِلوَقْت .. وَإِهْدَارٌ الوَقْت مَعْنَاه إِهْدَارٌ لِلعُمْر وَإِهْدَارٌ العُمْر مَعْنَاه خَطْوَة لِلجَحِيم .. لِذلِك إِصْعَدٌ عَلَى جِمِّيزَة لِكَيْ تَرَى يَسُوع .. مَا أجْمَل أنْ تَرَى يَسُوع بِوُضُوح .. مَا أجْمَل أنْ يَتَلاَقَى زَكَّا مَعَ رَبَّ زَكَّا . جَمِيلٌ هذَا المَوْقِفْ لِذلِك رَبِّنَا يَسُوع نَادَاه بِإِسْمُه فَفَرِحَ زَكَّا جِدّاً .. فِي وَسَطْ الزِّحْمَة رَبِّنَا وَاخِدٌ بَالُه مِنْ زَكَّا ..هُوَ يَعْلَم الإِشْتِيَاق وَيُكَمِّل النَّقَائِص وَيَسْنِد الضَّعْف .. الله يُرِيدَك .. يَنْبَغِي أنْ أمْكُث فِي بِيتَك .. نَزَلْ زَكَّا بِسُرْعَة وَأخَذَ رَبِّنَا يَسُوع فِي بِيتُه .. مَعْقُول هذَا المَوْكِب العَظِيمْ يِنْتِهِي فِي بِيتِي أنَا ؟!! ..إِبْتَدأ حِلْم زَكَّا يِتْحَقَّقٌ فَابْتَدأ يُدْخُل بِيتُه فَقَبَلَهُ فَرِحاً .. لِذلِك الثَّلاَث خَطَوَات مُهِمِينْ جِدّاً فِي زَكَّا وَهُمَّ : 1)الإِشْتِيَاق جَعَلَهُ يَتَحَدَّى العَوَائِقٌ . 2)القَبُول قَبَلَهُ فَرِحاً . 3)التَّغَيُّر وَالتَّحَوُّل الفِعْلِي . زَكَّا لَمْ يَلْتَزِم بِحُدُودٌ الشَّرِيعَة وَهيَ إِنْ الشَّخْص الَّذِي يَظْلِم أحَداً يَرُدٌ أرْبَعَة أضْعَاف لكِنْ زَكَّا أعْطَى نِصْف أمْوَالُه لِلفُقَرَاء .. مُقَابَلَة الْمَسِيح تُفْطُمَك عَنْ كُلَّ مَا قَدْ سَبَقٌ فَآسَرَك .. مُقَابَلَة الْمَسِيح تَخْلَع مِنَّك أهْوَائَك القَدِيمَة .. إِنَّهُ زَعْزَع صُخُور الأوْجَاع المُضَادَّة وَهَدَّى أمْوَاج الشَّهوَات الثَّقِيلَة ..كُلَّ مَا تَحَدَّانَا فِيهِ العَدُو وَسَبَانَا فِيهِ مُجَرَّدٌ مُقَابَلَة الْمَسِيح تُزِيل هذِهِ الأوْجَاع .. هذَا هُوَ التَّحَوُّل الفِعْلِي . المُقَابَلَة مَعَ الْمَسِيح تُغَيِّر الإِنْسَان .. وَجَدْنَا التَّغَيُّر حَصَل .. يَا لِفَرْحِة رَبِّنَا يَسُوع الْمَسِيح بِهذَا اللِقَاء .إِنْ كَانْ زَكَّا فِرِح بِهذَا اللِقَاء فَرَبِّنَا يَسُوع فِرِح بِهِ أكْثَر جِدّاً بِمَا لاَ يُقَاس .. رَبِّنَا يَسُوع مِنْتِظِر تَغَيُّرْنَا .. التَّغَيُّر مُسْتَحِيل بِدُون لِقَاؤُه .. مُسْتَحِيل أنْ تَحْمِل شَهَوَات المَاضِي وَكُلَّ مَا عَاقَ قَلْبَك دُونَ أنْ تَلْقَاه أنْ تَلْقَاه بِاشْتِيَاقٌ وَبِقَبُول وَبِتَحَوُّل .. لِذلِك لاَ أسْتَطِيع أنْ أغْلِب بِدُون مَا أرَاه .. الفِعْل وَالتَّغَيُّر الفِعْلِي شَرْط يُلاَزِم اللِقَاء لِذلِك وَجَدْنَا الَّذِينَ رَأُوا تَذَّمَرُوا قَائِلِينْ أنَّهُ دَخَلَ إِلَى بَيْت رَجُل خَاطِئ لِيَسْتَرِيح( لو 19 : 7 ) .. رَبِّنَا يَسُوع وَزَكَّا بِيْفَكَّرُوا فِي إِتِجَاه وَالجُمُوع بِيْفَكَّرُوا فِي إِتِجَاه آخَر .. وَجَدْنَا رَبِّنَا يَسُوع بِيْقُول اليُّوم صَارَ خَلاَصٌ لِهذَا البَيْت إِذْ هُوَ أيْضاً إِبْن لأِبْرَاهِيم ( لو 19 : 9 ) .. إِبْن البَشَر جَاءَ لِيُخَلِّص مَا قَدْ هَلَك ( لو 19 : 10) . لِقَاء رَبِّنَا يَسُوع الْمَسِيح لاَبُدْ وَأنْ يَصْحَبُه تَغْيِير .. لاَبُدْ وَأنْ يَصْحَبُه قَطْع لِلأهْوَاء وَالشَّهوَات القَدِيمَة .. كُلَّ مَا سَيْطَر عَلِينَا العَدُو فِيهِ وَنَجَح فِي أنْ يُكَبِلْنَا بِهِ مِنْ مَحَبِّة شَهْوَة أوْ مَحَبِّة عَالَمْ أوْ مَحَبِّة كَرَامَة أوْ مَحَبِّة لَذَّة تَجِدٌ رَبِّنَا يَحْمِلُه بِسُهُولَة وَيَرْفَعُه عَنَّك بِقُّوَتُه وَبِنِعْمِتُه .. زَكَّا يَتَقَابَل مَعَ رَبِّنَا يَسُوع يَتَغَيَّر .. مُعَلِّمْنَا مَتَّى يَتَقَابَل مَعَهُ يَتَغَيَّر .. مُعَلِّمْنَا بُطْرُس يَتَقَابَل مَعَاه يِتْغَيَّر .. هذِهِ سِمِة اللِقَاء بِرَبِّنَا يَسُوع الْمَسِيح .. لَوْ تَقَابَلْت مَعَ رَبِّنَا يَسُوع وَلَمْ تَتَغَيَّر يُبْقَى اللِقَاء فِيه حَاجَة غَلَطْ .. يُبْقَى إِنْتَ لَمْ تَنْظُرُه بِعِينْ الإِيمَان ..يُبْقَى عَزِيمْتَك مِشْ ثَابْتَة .. يُبْقَى الأهْوَاء غَلَبِتَك .. لِذلِك تُطْلُب مِنُّه إِنْ بِنِعْمِتُه هُوَ وَبِقُّوِتُه هُوَ يِجْعَلَك تَلْقَاه وَهُوَ القَادِرٌ أنْ يُغَيِّرَك . رَبِّنَا يِفَرَّح قُلُوبْكُم وَيُكَمِّل نَقَائِصْنَا وَيِسنِد كُلَّ ضَعْف فِينَا بِنِعْمِتُه وَلإِلهْنَا المَجْد دَائِماً أبَدِيّاً آمِين

بأسم الاب والابن والروح القدس الاله الواحد امين...فلتحل علينا نعمته ورحمته وبركته الان وكل اوان والى دهر الدهور كلها امين.. الاحد الاول من الشهر الاول شهر توت المبارك في السنه القبطيه.. الكنيسه احبائي بتعد لاولادها اجمل ما عندها من أجل بنيانهم الروحي..من خلال قراءتها ..وبتدخر لايام الآحاد خط خاص ... نلاحظ فى ايام السنه العاديه القراءه ماشيه مع قديس اليوم..فإذا كان شهيد نلاحظ ان القراءه كلها عن الشهيد... يتكلم عن جزنا فى الماء والنار واخرجتنا الى الراحة... بيتكلم عن ان الا تخافوا من الذين يقتلون الجسد ...وبيتكلم عن روح الاستشهاد ده اذا كان شهيد .. أما إذا كان بطرك يكلمنا عن الراعي الصالح...اما اذا كان نبى يكلمنا انجيل الويلات اللذين لا يستجيبون لنداءات ربنا يسوع المسيح...اما اذا كانت سيده عذراء يكلمنا عن إنجيل العذارى الحكيمات...وكأن القداس هو وليمة للاحتفال بهذا الشهيد في هذا اليوم الكنيسه عاوزه تقول لنا فليكن منهجة منهجنا وليكون فكره فكرنا ولتكن حياته حياتنا.. ولتكن نهايته نهايتنا فبتشجعنا...اما فى يوم الاحاد تتخلي الكنيسه عن ان يكون محورها هو تذكار اليوم يعني مثلا النهاردة فى شيئين القديس دييستورس دة بطرك ممكن نقرا قراءات البطرك والست رفقه واولادها ممكن تتقرا قراءات الشهداء الكنيسة تقولنا ولا هنقرا قراءات الشهداء ولا هنقرا قراءه البطرك.... في خط تاني فى ايام الآحاد ما هي ايام الاحاد....هو بتركز فيها الكنيسه عن عمل اللة معنا وعن عملنا معه.. بتركز الكنيسه في الاحاد عن عمل الثالوث القدوس في حياه اولاد الكنيسه وتجاوب اولاد الكنيسه لعمل الثالوث القدوس في حياتهم ونلاحظ أن شهر توت ده كله بتركز عن محبه الله الاب ...والجميل ان احد النهارده ولحد اللي بعده واللى بعده نلاقي الفكر متتدرج ومبني على بعضه ...لغاية ما في نهايه الشهر بتكتمل الصورة و الكنيسه عاوزه توصللنا محبه الله الاب...أما في الشهور اللي بعدها يقولك طالما حبيت الله الاب لازم تعرف انة أرسل ليك ابنة الوحيد... تكلمك علي نعمة الابن الوحيد..ويكلمك عن معرفه شخص يسوع المسيح المبارك بعد ما تلامست مع محبه الله الاب.... بعد ما تعرف الاب ومحبته وتعرف الابن ونعمتة تاخذ شركة و موهبه وعطيه الروح القدس ...فتلاحظ أن الاحاد الفكر بتاعها كيف يتمتع الانسان بعمل الثالوث القدوس في حياته ...النهارده القراءه بتتكلم عن يوحنا المعمدان ولكن يوحنا المعمدان ارسل ليعد طريق الرب فهو لون من الوان الإعلان عن محبة اللة لينا انة بيمهد الطريق يعطينا البدايه ويقول لنا انه يوجد من يهتم بكم ويوجد من يريد ان يفقدكم ويوجد من يريد ان يعلن مراحمه فيكم ..عشان كده يقول لك احب الرب يا جميع قديسيه بيتكلم عن محبه الله.. يوحنا المعمدان عندما جاء ربنا حب يعلن بيه محبته ويعلن بية تدبيره ...لاحظنا في فئتين ..فئة قبلت كرازه يوحنا المعمدان وفئة اتصدمت في يوحنا المعمدان وتصادمت معة...كان المتوقع ان مين اللي يقبله ومين يرفضوا ؟! كان متوقع ان الذين يقبلوا العارفون بالناموس ..كان متوقع ان الذين يقبلوا المتدينين.. فوجدنا العكس..وجدنا المتدينون هما الذين رفضوا والخطاة هم الذين قبلوا لدرجه ان يقول لك جميع الشعب استمعوا العشارون معتمدين بمعموديه يوحنا.....العشارين اللى هما اكثر ناس ظلمة .. اما الفريسيون والناموسيون فرفضوا مشهوره الله... من جهة انفسهم ولم يعتمدوا... رفضوا محبه الله المعروضه عليهم رفضوا مشهوره الله من جهه انفسهم كان اية سبب رفضهم؟ قالوا انه رجل جاء من البريه من الصحراء يرتدى وبر أبل بياكل جراد و عسل.. ورجل متشدد.. ربنا يحب الانسان اللي يتنازل ويفتقد الانسان بوداعة ويقترب الية....انة جاءنا بتعاليم صعبة.. فرفضوا يوحنا المعمدان..... جاء ربنا يسوع المسيح يكلمهم ببساطة وبدا يقترب منهم ..وبدا يحضر ولائمهم وكلمهم بأمثال..كلمهم ببساطة شديدا وكانة يريد أن يقول لهم.... انتم رافضين يوحنا لأجل شددة معكم..ها انا اعاملكم غيرة كحسب رغبتكم... فقالوا عن يسوع عكس ما قالوا عن يوحنا...قالوا يوحنا شديد وقالوا عن يسوع متهاون ..لانة بياكل مع العشارين والزناة ...عشان كده ربنا قال لهم لماذا اشبه ايناس هذا الجيل وبمن يشبهون؟ يشبهون اولادا جالسين فى السوق ينادون بعضهم بعضا قائلين زمرنا لكم فلم ترقصوا نحنا لكم فلم تبكوا... كان هناك لعبه يلعبوها الأولاد زمان مع بعض... اطفال تزمر واطفال ترقص واطفال تنوح..يقسموا بعض فرء...وشطارتهم بإخراج اصوات بها روح رساء لجعل الأطفال يبكوا... فجاء ربنا يسوع المسيح وقال لهم .. احنا بقى زمرنا ليكم انتم لم ترقصوا ..ونوحنا لكم انتم لم تبكوا... بمعني عاوز يقول لهم كلمتكم باسلوب لطيف و اقتربت منكم جدا وحاولت ان اتودد اليكم جدا فلم تستجيبوا ...يوحنا المعمدان كلمكم باسلوب شديد أيضا لم تنوحوا.. ولا كده عاجب ولا كده عاجب ؟! لأجل هذا قال لهم ان الحكمة تبررت من بنيها ...بمعنى أن كان المفروض انتم يا كتبة ويا فريسين .. تكونوا اكثر حكمه من باقى الشعب..بالعكس كنتم اكثر جهلا منهم... والذين تتهمونهم بالجهل هم اللذين قبلوا الايمان...عشان كدة يقول لك الحكمه تبررت من بنيها. جميل الكلمه اللي بتقول اما الفريسيون والناموسيون فرفضوا مشهوره الله من جهه انفسهم ..ماهى مشهوره الله؟ ان يقبلوا ايه مشهوره الله ؟ان يعرفوك انت وحدك يسوع المسيح الذي ارسلتة هذة هى مشهوره الله...مشورة اللة ان يخلصوا منشورات الله ان ينقلهم من سلطان الظلمه الى ملكوت ابن محبتة هي دي مشهوره الله.... رفض مشهوره اللة من جهة انفسهم.... ياما ربنا احبائي يحب يعلن مشيئتة من جهتنا انه يحبنا لذلك يريد ان يخلصنا ويريد ان يفدينا من تيارات العالم..الله من كثره محبته لنا بيتنازل الينا جدا ويعلم ويرشد وينصح يريد ان يخطتفنا من شده الهلاك وياخذنا في احضانه..لكى نلتقى معه في ملكوته اللذى ينتظرها فى منذ الابد ..هي دي مشيئته اللة ...لكن يوجد من يرفض مشيئة الله من جهة انفسهم مثل جماعه الكتبه والفريسيين ...بيقول لك دول فئات كثيره..الناموسي هو الرجل الذى يقرا الناموس.. الكتبة أرقى من الناموسيون... وهم اللذين يشرحون الناموس.. علماء الناموس هو الرجل الذى يقرأ الناموس......الكتبة وهم أرقى من الناموسيون وهم الذين يشرحون الناموس وهم علماء الناموس.... الفريسي وهو المدقق . كل واحد في دول بيظهر علاقه قويه جدا بالناموس واحد يقرا واحد يفسر واحد ينفذ بتدقيق ..يطلع منهم فئات ثانيه الصديقون والغيورون فئات فئات فئات... لكن كل فئه بتنادى بالتشدد والتمسك باعمال الناموس وبحرفية الكلام ...الصدوقيون اللذين قالوا لا توجد ابديه ولا توجد قيامة... أما الغيوريون اناس كانوا بيتظاهروا انهم اكثر غيره من الباقين ..فاى عمل في الناموس لم ينفذ كانوا يعملون نوع من انواع التظاهر والاحتجاج...لهذا سمى أنفسهم بالغيورون ...كان منهم سمعان الغيور واى شخص كان يسمى بالغيور كان ينتمى منهم.... فئات كان عايش في وسطهم ربنا يسوع المسيح كلهم قافلين قلبهم تماما وقائم في وسطهم من يريد ان يخلصهم وهم غالقين قلبهم تماما...لأجل ذالك قال.. رفضوا مشهوره الله من جهه انفسهم... ياما ناس احبائى بتقبل مشهوره الله من جهه انفسها وياما ناس بترفض مشورة الله من جهة انفسها... ربنا فاتح احضانه الله يريد اللة يجمع..اللة يتئنى علينا حتى مايتاكد اننا قد دخلنا الى الفلك..لكن هناك من رفضوا مشهوره الله من جهة انفسهم... الفلك ظل يبني 120 سنه عشان يفضل نوح ينادى ويكرز بالبر تعالوا ادخلوا في طوفان...فى هلاك ادخلوا...وكل جزء يكمل فى الفلك يكمل المفروض ان الناس تصدق اكثر لا ده رفضو مشهورة الله من جهة انفسهم.. كل ما الفلك يكملك كل ما يستهينوا اكثر..طب الفلك كمل...تفتكر أن ربنا بعد 120 سنه هيطول بالة تانى؟ يقولك اه هطول بالي تاني..هدخلهم بالتدريج هافضل ادخل في حيوانات قدام عينيهم عشان اللي نفسه يفوق ويرجع علي اخر لحظة الباب لسه مفتوح.. نوح يقول لة انا هاقفل الباب يقول له لا ما تقفلش الباب انا اللي هاقفل الباب تقرا في سفر التكوين كده مش نوح االذى اغلق الباب... يقول لك واغلق الرب عليهم عايز يقول لة قرار اقفل الباب قرار صعب جدا لم اتركة لك انت يا نوح ..لانى عندما اغلق الباب هكون حكمت بهلاك اللذين برا....اترك لى الموضوع دة... تخيل ان كل الناس دخلت والانظار كان موجود ..وبدات الدنيا تمطر...يعني المفروض ناس تلحق نفسها... ابدا... عندما بدأت الدنيا تمطر يعنى المفروض الناس تأمن نفسها..ابدا...لما بدات تمطر ابتدت الناس تفكر ازاي تأمن نفسها ..بالجلوس فى مكانهم فى بيوتهم... رفض مشهوره الله من جهه انفسهم... الله يريدكم ان يخلصكم عاوزك تدخل جوه الفلك بتاعة تحتمى بية... رفضوا مشورة اللة من جهة انفسهم ... ياما ناس احبائى بتعاند صوت ربنا... وتظل حياتها كلها تقاوم صوت ربنا ..مغبوط الانسان الذي يتفق مع ارداة اللة والذى يقبل صوت ربنا ويقول لة ..امين يا رب انت عاوزني وانا كمان عاوزاك هنا نلتقي داخل الفلك .....لدرجه انه يقول لك ان كان زمان ربنا يحب يعلم الناس من خلال الاسماء ..اتولد طفل صغير اللي كان اسمه متوشالح.. اكثر واحد عاش في الكتاب المقدس في التاريخ كله 9960سنه يقول لك متوشالح معنى اسمه عندما يموت ارسلة ..فكل شخص يسال الاخر معنى اسمه ايه ...انا ما اعرفش بس ربنا بيقول الراجل ده لما يموت هيبعث شئ ...فكبر متوشالح في السن ونوح قال لهم ان ربنا هيرسل طوفان... فبداوا يفهموا...معنى عندما اموت ارسلة... بعدها مات متوشالح. وباب الفلك مازال مفتوح...المفروض يدخلوا ابدا لم يدخلوا رفضوا مشهوره الله من جهه انفسهم... احيانا يعيش الانسانه حياته كلها رافض مشهوره اللة الكنيسه تدعو الانجيل يدعو احداث تدعوا القديسين يدعوا...وممكن الانسان يستمر في رفضوا ..رفضوا مشهوره الله من جهة انفسهم والله ...متى بدأ فى قفل الباب ؟لما ابتدى يشعر ان هناك خطر على منهم داخل الفلك ..فاغلق الباب .... وبدا المطر يكون شديد والطوفان يبقى شديد اغلق الرب عليهم ...عشان كده احبائي لطف الله بينتظرنا جدا ..بس برضة فى صرامة...الناس اللي ربنا خرجهم من ارض مصر خرجهم لية؟ خرجهم عشان يدخلهم ارض كنعان... هى دى مشورتة بالنسبالهم .و ان يتمتعوا بارض تفيض لبن و عسل مشورته بالنسبلهم ان ينجيهم من سلطان فرعون مشورتة بالنسبه لهم ان ينقذهم من العبوديه المره هو دة فكرة عاوز ينقذهم ويريد خرجوا بذراع رفيعة ومجد وعبروا البحر الاحمر شافه ايات و عجائب هذموا عماليق اعطاهم كل يوم الخبز والقوط بتعهم.. هي دي مشهوره اللة.. من جهة انفسهم لكن يقول تزمرو ابتدو يهينوا اللة ...ويقولوا سئمت انفسنا هذا الطعام السخيف. تمردوا على الله عشان كده يقول انا اقسمت بغضب الا يدخلوا الى راحتي رفضوا مشورة اللة من جهة انفسهم ...الظروف اللي حوالينا احبائي لابد ان احنا نترجمها انها نافعة لخلاصنا كل الاحداث كل الامور كل الضيقات كل التجارب والاحزان كل انسان جنب منك بيمر وينتقل ويجرب كل انسان جنب منك لازم تتعلم منه درس ..لان ربنا بيعلمك بالظروف اللي حواليك قد ايه محبته و قد ايه رعايته قد ايه هو منتظرك وقد ايه هو يترجى رجوعك من هنا في ناس رفضوا مشهوره الله من جهة انفسهم.... الله يدعو الله ينادى... الناس اللي عاشوا في اثناء حياه ربنا يسوع المسيح على الارض زى الكتبة والفريسيين شايفين تحقيق نبوات وهما افضل تعرف الناموس دة الباقين ما يعرفوش مساكين ما عندهمش معرفه..كانت الاصفار في ايديهم بس...عشان كده كان ربنا يسوع المسيح لما يحب يكلم عامة الناس كان يقول لهم إلا سمعتم ؟ولما كان يكلم الكتبة والفريسين كان يوبخهم اكثر ويقول لهم اما قراتم ؟؟ عشان كده لما اعطى الويل اعطى الويل للكتبه والفريسيين لانهم عشان كده قال لهم انتم قراتم ما فهمتوش ولما جئتم توصلوا للناس معلومات وصلتهلهم غلط والطريقه ثقيله فاخذتهم مفاتيح المعرفه فما دخلتم و الداخلون منعتوهم ...انتم اللي سمعتوه جزء منه صح وجزء منه غلط يعني عرفوا و رفضوا مشهوره الله من جهه انفسهم لم تؤمنوا بسبب الاقوال امنوا بسبب الاعمال.. ولا امنوا بسبب الأقوال ولا امنوا بسبب الاعمال...رفضوا مشهوره الله من جهه انفسهم...الكنيسه احبائى بتدعونا ان نقبل مشهوره الله من جهة انفسنا... بتدعونا ان نحرص على خلاص انفسنا.. بتدعونا ان كل يوم نتلامس مع محبته لكي ننمو فى عملة...بتدعونا لكي ما نلبى النداء بتدعونا احبائي لكى نتجاوب مع هذه التعليم ونحفظها في قلوبنا لكى مانحيا بها ...كل كلمة بتسمعها اختم عليها في قلبك...وقول يارب اديني اعيشها..لا نريد أن نسمعها فقط.. نريد ان نسمع ونعمل ...لكن العشارين برروا الله معتمدين... ربنا يريد أن يقول انا بكلمك بمختلف الطرق بكلمك بيوحنا تجاوب تكلمك بي انا تجاوب اقبل مشهوره اللة ..اقبل الصوت اقبل كلمه اللة بفرح...قولة فى كل كلمة امين...اللى مش قادر علية..قولة يارب انت تديني نعمة عشان اعيشة .. انت تديني قوي عشان انفذة...لو كنت مش قادرة اقولك ان اسمع واعمل بطلبات قديسيك... يعني بقوة ربنا يعطيهلنا.... لما اكون مشتاق لفضيله واطلب تنفيذها..واطلب نعمه من اجل تنفيذ اكيد ربنا هيمنحها لى... عندما اكون امين فى تنفذها... الكنيسة احبائى خلال شهر توت عايزه تقول لك الله بيحبك تجاوب مع محبته اكتشف محبته... بلاش تفقد الوقت طويل في عيناد وفى رفض ..وبدل مانقول رفضوا مشهوره اللة من جهة انفسهم ... نقول قبلوا مشهوره الله من جهة انفسهم... ربنا يعطينا احبائى قلوب واعية واذان روحية مصغية لكي ما ناخذ الكلمه ونخبئها في داخل قلوبنا ونطلب نعمه ومعونة لكي نحيا بها... ربنا يكمل نقائصنا ويسندك كل ضعف فينا بنعمتة ولالهنا المجد اللى الابد الامين ...

لا يحتاج الأصحاء إلى طبيب نقرأ في إنجيل لوقا البشير أصحاح 5 : 27 – 39 .. { وبعد هذا خرج فنظر عشاراً اسمه لاوي جالساً عند مكان الجباية .. فقال له اتبعني .. فترك كل شيءٍ وقام وتبعهُ .. وصنع له لاوي ضيافةً كبيرةً في بيتهِ .. والذين كانوا مُتكئين معهم كانوا جمعاً كثيراً من عشارين وآخرين .. فتذمر كتبتهم والفريسيون على تلاميذه قائلين لماذا تأكلون وتشربون مع عشارين وخطاةٍ .. فأجاب يسوع وقال لهم لا يحتاج الأصحاء إلى طبيبٍ بل المرضى .. لم آتِ لأدعو أبراراً بل خُطاةً إلى التوبة .. وقالوا له لماذا يصوم تلاميذ يوحنا كثيراً ويُقدمون طلباتٍ وكذلك تلاميذ الفريسيين أيضاً وأما تلاميذك فيأكلون ويشربون .. فقال لهم أتقدرون أن تجعلوا بني العرس يصومون ما دام العريس معهم .. ولكن ستأتي أيام حين يُرفع العريس عنهم فحينئذٍ يصومون في تلك الأيام .. وقال لهم أيضاً مثلاً : ليس أحد يضع رقعة من ثوبٍ جديدٍ على ثوبٍ عتيقٍ وإلا فالجديد يشقه والعتيق لا تُوافقهُ الرقعة التي من الجديد .. وليس أحد يجعل خمراً جديدةً في زقاقٍ عتيقةٍ لئلا تشق الخمر الجديدة الزقاق فهي تُهرق والزقاق تتلف .. بل يجعلون خمراً جديدةً في زقاقٍ جديدةٍ فتُحفظ جميعاً .. وليس أحد إذا شرب العتيق يُريد للوقت الجديد لأنه يقول العتيق أطيب } . هذا الجزء يتحدث عن مقابلة ربنا يسوع المسيح مع متى أو لاوي العشار .. الذي كان يجلس في مكان الجباية .. معروف عنه أنه ذو سمعة رديئة في المجتمع .. قديماً الشعب اليهودي كان مُستعمر من الرومان وهؤلاء الرومان كانوا يأخذون ضرائب باهظة من الشعب اليهودي .. ولأن تحصيل الضرائب يأتي بتمرد من الشعب عليهم فأمر الرومان بعض اليهود بتحصيل الضرائب من جميع اليهود .. ثم قسَّم الرومان البلاد إلى أحياء لجمع الضرائب وأسندوا التحصيل إلى أحد اليهود ليُحصِّل كما يريد ويُعطيهم ما يطلبون . كان مُحصِّل الضرائب يأخذ ضِعف الضريبة من الشعب لكي يعطي الرومان ثم يأخذ هو الباقي وبسبب ذلك كان هذا الشخص مكروه جداً عند الشعب ومنهم " لاوي " لأنه كان مُحب جداً للمال ومكروه جداً عند الشعب . الرب يسوع رأه يجلس عند مكان الجباية يحصَّل من الناس الضرائب فقال له اتبعني .. عندما شاهد اليهود هذا تذمروا جداً .. كيف يقول له هذا مع أنه شخص خائن ومُحب للمال .. { فتذمر كتبتهم والفريسيون على تلاميذه قائلين لماذا تأكلون وتشربون مع عشارين وخطاةٍ .. فأجاب يسوع وقال لهم لا يحتاج الأصحاء إلى طبيبٍ بل المرضى .. لم آتِ لأدعو أبراراً بل خُطاةً إلى التوبة } . أحياناً الإنسان يظن أن الله يقف مع الأبرار وأن الله يترفق أكثر بالأبرار .. في حين أن الإنجيل يقول لنا أن الله يترفق أكثر بالخطاة .. من ألقاب ربنا يسوع المسيح أنه طبيب أنفسنا وأجسادنا وأرواحنا .. إنه يعرف أن يُداوي كل جراحات النفس .. كل الأثقال .. وكل الأمراض والعِلل .. إنه خبير في معالجة الجنس البشري .. كلما زاد المرض كلما زاد الإحتياج إلى طبيب .. يقول الأباء القديسين { كل ما كان المرض أصعب كل ما أُعلِنت قدرة الطبيب في حياتك لأن الطبيب يُمدح بمرضاه } .. يرى كذلك الرب يسوع أن كل ما زادت الخطية كلما زاد الخاطئ إحتياجه للرب يسوع .. فإنه يُعلن قدرته فينا مهما كانت الخطايا . كلما وقفت أمامه بثقة في شفاؤه ومرضي يأتي إليَّ بانكسار أو مذلة كل ما قدرة سيدي تُعلن في حياتي .. فالخطية لا تفصل عن المسيح بل تأتي به إلى المسيح .. فأصعب إختبار أن أقف أمامه وأنا أعرف إني خاطئ وأعترف له بإني غير مستحق لكني أثق في محبته .. فإن قدرة الطبيب أقوى من قوة المرض . الرب يسوع أحب أن يُعلن قدرته في نوعيات من الخطاة ذات خطايا كبيرة وكثيرة مثل لاوي الرجل الذي يُحب العالم ( مال ، سلطة ) .. ثم يتحول " لاوي " إلى " متى " أحد التلاميذ وأحد المُبشرين الأربعة .. ويُحدثنا عن الملكوت ويكتب إنجيله .. فكيف يارب يتحول شخص من جابي ضرائب إلى إنسان يتكلم عن الملكوت ؟ فإن أروع ما كُتب عن أمثال الملكوت كان إنجيل متى خاصةً أصحاح " 13 " عن ملكوت السموات . كيف يُقيم الله المسكين من التراب والبائس من المزبلة ؟ فإنها عظمة قُدرته كطبيب .. الله قادر أن يُعلن مجده فينا .. قادر أن يغيَّر القلب والإهتمامات .. قادر أن يصنع بنا مجداً حتى لو كنا في الخطايا .. كذلك صنع مع زكا العشار الصارم مُحب المال .. فأنت تعرف أن الشخص اليهودي عنده عِشق للعالم والمال والأرض فيأتي الرب يسوع ويفطم الشخص عن طبعه الأصلي وخطاياه . تخيل شخصية زكا عندما يقول { ها أنا يارب أُعطي نصف أموالي للمساكين وإن كنت قد وشيت بأحدٍ أرد أربعة أضعاف } ( لو 19 : 8 ) فإن قصة الأربع أضعاف هذه كانت في الشريعة .. هذه هي نعمة السيد .. نعمة وقدرة الطبيب .. الطبيب الحقيقي .. يقول لزكا { أسرع وانزِل لأنه ينبغي أن أمكث اليوم في بيتك } ( لو 19 : 5 ) .. أيضاً السامرية .. المرأة المُلوثة والخاطئة .. التي لا تستطيع أن تواجه الناس وخرجت في الظهيرة حتى لا يراها أحد بسبب حرارة الجو .. فيقول لها أنا أواجهك .. إذا كان العالم كله رفضِك أنا أقبلِك .. إنه جذبها بطريقته الشافية لأنه يحب أن يُعلن قدرته في مرضاه . يأتي أيضاً بشاول المُضطهد والمُتعب .. المغرور المُتكل على عصاه وغِناه فيجعله إناء مختار له ..{ لأني سأُريه كم ينبغي أن يتألم من أجل اسمي } ( أع 9 : 16) .. يأتي بالإمرأة المُمسكة في ذات الفعل .. لا يوجد أكثر من هذا إنسان مربوط برباطات ثقيلة ويقول لها " أما دانِك أحد " ( يو 8 : 10 ) .. هل نحن لدينا الثقة في شخص ربنا يسوع المسيح بهذا المقدار ؟ مهما كانت ضعفاتنا ومهما كانت خطايانا فإن عدو الخير يحاول أن يقنعنا إنه لا رجاء ولا شفاء وأن خطايانا أثقل من أن تشفي وتغفر . ما أجمل أن يقول { والمحتاجون إلى الشفاء شفاهم } ( لو 9 : 11) .. وكان يضع يديه على كل واحد منهم فيشفيهم .. وجميع الذين لمسوه نالوا شفاءً .. الإنجيل يجعلني متمسك بالمواعيد .. أحد الأباء القديسين وهو يصلي – القصة موجودة في بستان الرهبان – كان يقف هذا الراهب ويقول " هل أنت يارب إله قديسين فقط ؟ هل أنت إله أبرار فقط ؟ إن كنت تقف مع القديسين فما الحاجة .. وإن كنت تقف مع الأطهار فليس بجديد .. ولكن إظهِر مجدك فيَّ أنا المحتاج إلى نعمِتك " .. هذه هي قدرة وتغيير ربنا يسوع المسيح في حياتنا . إقرأ في سفر الملوك عن منسى الملك أنه صنع الشر أمام عيني الرب لإغاظتهِ .. فإنه بنى مرتفعات في داخل الهيكل لعبادة الأصنام وأضل الأمة كلها ( 2مل 21 : 1 – 7 ) .. هل هذا يمكن أن تكون له رحمة .. توبة ؟ " 55 " سنة أفسد المملكة تماماً وأضل شعب الله .. قيلَ عنهُ إنه أُخِذَ في سبي ولمجرد إنه رفع قلبه ربنا قَبَل توبته وبعدها رجع إلى مملكته لكي يُعلن إنه يقبل توبة الخطاة . هذه هي قدرة السيد لافتقاده لأولاده .. عظيمة هي مراحمه في الخطاة .. ثق في هذه القدرة مهما تثاقلت عليك الأخطاء ومهما ضعُفت نفسك .. لذلك نحن نصلي لله ونقول { يا من زعزع صخور الأوجاع المضادة .. وهدَّأت أمواج الشهوات الثقيلة } .. لذلك يقول لنا الرب أحياناً " أريد أن أُعلن قدرتي فيك .. قدرة شفائي " .. فأحد الأباء القديسين يعاتبنا على لسان ربنا ويقول { تدعوني الطبيب الحقيقي ولا تثق في شفائي } .. هو يريد أن يشفيك وأنت تبتعد وتلتمس الأعذار .. { تدعوه سيداً ولا تُطيعوه .. تدعوه أباً ولا تُكرموه .. تدعوه ملِكاً ولا تُمجدوه } . إظهِر جراحاتك للطبيب وهو يشفيك .. لاوي وهو يجلس عند مكان الجباية كان مغموس في الشرور .. أجمل شئ في الرب يسوع إن صلاحه يُدركك في أي مكان .. حتى لو كنت بعيداً هو يُكلمك مثل ما فعل مع شاول وهو ذاهب لاضطهاد الكنيسة .. ويكلم السامرية وهي في عمق خطاياها .. ينادي للممسوكة في ذات الفعل وهي في أعماق الخطية . ينادي علينا الله ويقول إنه مازال هناك رجاء في الشفاء .. فلبِّي دعوة الشفاء ويُعلن قدرة الطبيب في حياته .. أصعب شئ أن يصل المريض إلى حالة من اليأس وعدم رغبة في الشفاء .. وأخطر منها المريض الذي لا يعرف مرضه وأن يكون المرض قد تأصل والإنسان في غفلة .. على المريض أن يعرف أن المرض أفسد أشياء كثيرة منها اتصاله بالله وأفسد رحمة النفس ورِبح الملكوت ويجعل الإشتياق لربنا ضئيل فهناك مرض .. لأن الخطية تضرب جذورها في الأعماق بالتدريج ولا تكتفي بمرحلة . ولكن قدرة الطبيب تجعلني أقول " يارب أنا عرفت إلى أي مدى الموقف خطير ولكن أنت الرب القدير .. إن كان مرضي صعب فإن قدرتك أعظم من ذلك " .. الشخص الذي يُعالج عند طبيب يحتاج شروط بسيطة جداً : 1/ أشعر بالمرض . 2/ رغبة في الشفاء . 3/ ثقة في الطبيب . 4/ تسليم وطاعة كاملة . كل يوم إظهِر جراحاتك .. تقف أمامه وتقول أنت هو الطبيب الحقيقي .. عندما نرى ما هي أكثر الخطايا التي تضرب الإنسان هم عدة خطايا يترك الإنسان نفسه فيهم : 1/ جمع المال . 2/ الإنشغال بالسلطة والكرامة . 3/ الشهوات والملذات . الكل مُستعبد للخطية والحل في الطبيب الحقيقي .. الخطورة أن يكون الإنسان مضروب بكل هذه الضربات ولا يشعر وعندما تُكلمه على الدواء يقول لك إنه غير محتاج للدواء .. لا تتساهل مع الأمور الصغيرة حتى لا تكبر داخلك كل هذه الأمور .. إنسان لا يستطيع الصلاة ولا التسامح وغير قادر أن يفكر في الأبدية والإستعداد لها ولا يستطيع أن يمارس أي عمل روحي . يُقال على الثعلب الصغير أنه أخطر من الثعلب الكبير .. لأن الصغير يدخل من أي مكان حتى لو كان صغيراً .. وهذا الثعلب الصغير يأكل أكثر من الثعلب الكبير فإنه يأكل بغشامة من كل جزء حتى يفسد كل الكرم .. الخطية البسيطة عندي مثل الرياء والكسل وإلخ هي التي تُفسد الكرم أو حياتي لأنها تأكل في كل شئ .. التساهُل مع الخطية أو قبول المرض يحتاج الطبيب فلا تؤجل العلاج حتى لا يصير حاله إلى حال أردأ . ما أجمل ما نقوله في القداس { هب لنا يا غني بالمراحم .. إشفي أيها الرؤوف نفوسنا الشقية بمراحم وأسرارك المُحيية } .. هذا هو عمل ربنا .. وجميل أن يكون عند الله أدوية لكل أسقامنا .. عندما تقف أمامه وتقول له على سبيل المثال إنك مُحب للمال فيقول لك أن العلاج في العطاء مثلما قال للشاب الغني { بِع كل مالك } ( مر 10 : 21 ) .. الدواء عكس المرض لأنه يقتل المرض .. وإن كان أحد مُحب للسلطة ويعيش من أجل الذات وأهم ما في الدنيا كرامته .. دواءه هو " من أراد أن يكون أولاً فليكن آخر الكل " ( مر 9 : 35 ) .. ضع نفسك تحت الكل وأنت تحيا . من لديهِ حُب للعالم وملذات العالم دواءه " العالم يمضي وشهواته معهُ " ( 1يو 2 : 17) .. على الإنسان أن يعرف ضعفه ويعترف أمام المسيح أنه يخضع للوصية فالوصية قادرة أن تعطينا شفاء من كل أمراضنا .. من أجل هذا عندما يشعر إنسان أن جسده يثور عليه فعليهِ أن يخضع جسده وأن يذلّه بالصوم ويقف للصلاة لأنها علاج للجسد .. وعندما يكون إنسان أناني يعطي غَيْرُه .. جميل أن يكتشف الإنسان ضعفه والأجمل أن نثق في الطبيب حتى إن كانت خطايانا ثقيلة وكثيرة . الجميل في لاوي أنه ترك كل شئ وتبعه .. فحاول أن تعرف ما هي إمكانية الحياة والتغيير .. حاول أن ترفض الماضي كله لأن هذا هو أجمل وأكبر إختبار تعيشه في حياتك أن ترفض كل أثقال الماضي . الله القادر كما غيَّر موسى الأسود .. السامرية .. لاوي .. زكا قادر أن يغيَّرنا نحن أيضاً الله هو الذي يكمل نقائصنا ويسند كل ضعف فينا بنعمته له المجد دائماً أبدياً آمين

باسم الاب والابن والروح القدس الاله الواحد امين فالتحل علينا نعمته ورحمته وبركته الان وكل اوان والى دهر الدهور كلها امين ..تقرا علينا احبائي في هذا الصباح المبارك فصل من بشاره معلمنا مار لوقا اصحاح 9... اشباع الجموع كلنا عارفين ان الجموع كانت بتتبع يسوع بكثافه ..وكان الجمع يزدحم لسماع التعليم وابتدا يكلمهم فتره طويله ..فالتلاميذ لهم دالة كبيرة عند ربنا يسوع المسيح تقدم اليه الاثنى عشر...فقط مش كل الناس اللى ليهم دالة...قالوا له اصرف الجمع ليذهبوا الى الكره التى حولنا والحقول ليستريحوا ويجدوا ما ياكلونه لاننا هنا في موضع خلاء..وكانهم بيتشفعوا في الشعب... الناس تعبت ظلوا ثلاث ايام .. ومن جمال التعاليم اللي بيسمعهوها لم يطلبوا طعام لياكلوا.... وهاهما في ضيافتنا المفروض ان احنا نهتم باكلهم لكن احنا ما نقدرش نأكلهم.. فالحل ان تصرف الجموع..كل واحد يذهب يدور على حاجه ياكلها الحل عندي يسوع غير الحل بتاعهم . فجئهم ..وقال لهم اعطوهم انتم لياكلوا..... ازاي دة عدد كبير!! قووى...فتحيروا ...تعجبوا صمتوا...فقال القديس فيلبس ليسوع.... ولا 300 دينار تكفي لكي نبتاع لهم طعاما لكي ياخذ كل واحد منهم شيئا يسيرا....فقال يسوع اعطهم انتم لياكلون فقال له التلاميذ ... ليس عندنا اكثر من خمس خبزات وسمكتين ...في الحقيقه احبائي في حياتنا يبدوا ان في امور كثيره ما لهاش اى حل ..لكن الحل جوانا.. الحل فى الخمس خبزات والسمكتين اللي جوه الانسان امكانياتى الضعيفه القليلة اللى ربنا اعطهالى بيقولك اشتغل بها وانا هقبل ان انا اشتغل بها تقول له بس دي حاجه لا تذكر دي حاجه تكسب انا اخجل انى اقدم لك خمس خبزات وسمكتين.. الانسان احبائي كثير ينظر لنفسه نظرة انة لا يمتلك اى شئ ينظر لنفسه ان امكانياتة ضعيفه وحقيره ..لكن فى عين ربنا التقدمات دى هي كثيرا و كريمة ..مش هو ده اللي انت تملكة؟مش هو دة اللى عندك فعلا ...مش هي دي امكانياتك الحقيقيه هما دول خمسة سمكتين ؟ هل عندك اكتر ؟خلاص اعطيهم لى انا قادر انا اعمل بيهم الله يريد ان يعمل بالقليل والكثير ..الله يريد ان يعمل بالضعف ...ربما يحب أن يعمل بالضعف أكثر لكى ما يتمجد هو ولكى ما تظهر قوته ...هو دة عمل ربنا في حياتنا... ايه اللي عندك تقدمه؟ عندى امكانيات ضعيفة عندي جسد ضعيف كسول جسد تقولة صوم مش عاوز جسد تقولة صلى مش عايز ...دي الامكانيات اللي عندي يقولك قدملى جسدك وشوفي انا هاعمل به ايه!!!اجعلة جسد منير..اجعلة جسد يسكن فيه النور... هجعلة مكان لحلول الله الغير محدود...الجسد الذى يعمل بة العدو يبقى هو ادات مجد للة ... هجعلة هيكل هجعلة موضع سكناى وموضع راحتى.... للدرجه دي الجسد الضعيف ممكن يتحول لكده اقول لك اة ... ممكن تقدم جسدك قدم وقت قليل قدم امكانيات قليله قصيره فقيره قدم المرأة التى اعطت فلسين هما دول اللي كانوا عندها خليك زيها لدرجه ان الكنيسه تقول لك(و الذين يريدون ان يقدموا لة وليس لهم) ما اجمل ان تقدم له كل ما عندك و اغلى ما عندك ما اجمل الا تمسك عليه شيئا ما يبقاش في شيء في يدك الا وتعطي لة ... اوصل للدرجة انى اقول ما فيش حاجه تستاهل...اقدم لك عمري..اقدمك مشاعرى ..ايامي.. وقتي ..اقدم لك امكانياتي.. ده كل ده واقول لك منك الجميع و من يدك واعطيناك... جميل الانسان لما يعيش بهذا الفكر قدم لربنا اي امكانيات جواك ولا تخجل.... لانه ينظر الى هذه التقدمه بكرامه عظيمه ويتمجد فيها ويعلن نفسه فيها... اصل ربنا ما يحبكش ان انت تقول لة اشتغل وانت مش عايز تقدم ولا حاجه... هو لا يعمل من ما شيء... لازم يعمل بشيء ولو قليل عشان يخلق ادم بشويه تراب... عشان يقوم ميت لازم ناس ترفع الحجر...لازم في دور من الانسان ربنا اراد ان الانسان يقدم شيء وهو يعمل به.. قدم وقفه صلاة صغيره ... قدم رفع يد ... ارفع ايدك قدام ربنا هتفيد كثير ارفع ايد طاهره فى الصلاة وانظر إلى الثمر اللى هتاخده في حياتك والنور اللي هيدخل جوه قلبك قدم لربنا من وقتك القليل لان ربنا عارف ان انت مشغول بس انت ممكن تقدر تقدم عشان كده اقدر اقول لك اللة ينظر الى الحب والامانه اكثر ما ينظر الى القيمه وقفه صغيره رفع يد لا يجب ان تقف امامه ابدا فارغ اليدين لازم تقف امامة معاك حاجه....كان زمان في العهد القديم في انواع كثيره من التقدمات تناسب كل المستويات انواع كثيره من التقدمات تناسب كل المستويات..تخيل انت بقى لما كانوا يعملوا تقدمه لأفقر انواع الشعب..فرخى يمام حاجه رخيصه قوي للفقراء.. الست العذراء و ربنا يسوع وشخص يوسف البار كانوا لا يخجلوا من فقرهم ..برغم انهم فقراء قدموا فرخى حمام فقرا بس هو ده اللي عندنا هو ده اللي نقدر نقدمة..كان في تقدمة ثانيه اكثر فقرا فى بعض الحالات الاخرى تقدمة اسمها تقدمة دقيق يعنى يادوب الشخص يجيب شويه دقيق ارخص حاجه وغالبا يبقى الناس عندها دقيق في بيتها هما اللي بيطحنوا... يعني اقل شيء موجود في كل البيوت عاوز يقول لك انك جواك حاجات كثير ممكن تقدمهالي يعني ممكن تقدم جسد ..مش واقف على الإمكانيات... مش ربنا معطينا كلنا وقت؟ مش ربنا معطينا كلنا مشاعر وعواطف ؟ مش ربنا معطينا كلنا علاقات مع ناس ؟قدم قدم من اللى عندك..وعندما يطلب الرب انك تقدم لة....فبلاش تعمل زي التلاميذ وتدورله على حاجه بره منك ..التلاميذ كانوا يبحثوا على حاجه بره منهم... لازم يكون عليك انت دور.. في اكثر انة بيقول لك انا عايزك بس تنظم لي الناس دول واديني الخمس خبزات والسمكتين انت تقف متعجب!!.. جميل جدا ان ربنا يبقى عاوز يعطيك وانت تبقى بخلان انك تاخد ... قدملوا اشتياقات ولو ضعيفة...قدملة وقت ولو قليل... قدام له جسد ولو كسلان ... قدم له قلب ولو بليد ..قدم لانه ينظر الى جميع تقدماتك .. نقطه احب اتكلم فيها.. ربنا بيحب جدا يعمل بالضعف و بالقليل هو ده ربنا... هو قال قوتي في الضعف تكمل ...احب الضعف لما جاء صموئيل النبي يروح ليسى عشان يختار ولد لربنا ...عرض علية كل اولادة..اختار منهم اضعفهم أصغرهم ...انا هجعلوا داود ..فتش قلب كل البشر وجد قلب داود بحسب قلبي... قدم الضعيف.. فهو قادر ان يعمل في الضعف هو بيحب يعمل في الضعف... الولد الصغير ده هو ده اللي ربنا يستخدمه لخلاص الشعب كله ...لما يجي الولد ده ربنا يستخدمة لخلاص الشعب كله يستخدم ابسط الوسائل.. يجيب مقلاع وخمس حجارة ...ابسط الوسائل... زي ما خمس خبزات وسمكتين مقلاع وخمس حجاره بس كده يقول لك اه بس انت اعطيهم لى... الامكانيات الضعيفه بتاعتك.. مش انت يادوب بتعرف تضرب بالمقلاع انا هخليك تنتصر بالمقلاع.. ايه القليل اللي عندك ؟مش هاقدر اخليك تنتصر بلا شيء ابدا ..لابد أن تعمل عمل لكى تنتصر... عشان..كده الكنيسه تقول لك صوم ..دة عمل قليل جدا... الكنيسة تقول لك صلى ده عمل بسيط ..تقول لك حب دة عمل بسيط ..قدم عشور قدم وقت قد مشاعر قدم اللى تقدر عليه وربنا قادر يعمل بهذا الضعف... فهو ينظر الى هذه التقدمة بكرامة... كبيره جدا ...ربنا يحب يستخدم الضعف ..يجي ربنا في عصر القضاه يكون في ناس اسمها المديانين كانوا يذلون شعب اللة...والشعب كان فى ذل عميق وكان فى مهانة وانكسار ... نظر اللة لشخص وجدوا مستخبي وخايف اسمه جدعون...قالوا انا هستخدمك عشان تخلص الشعب.... قالوا لة جدعون ها عشيرتي هى الذل فى منسى.....انا اصغر واحد فى اصغر سبط...... ما لناش كرامه مافناش عدد... انا اصغر واحد في اصغر مجموعه...قال لة هو دة اللى انا عاوزة انا عاوزك انت.....جميل لما قال(ليقل الضعيف بطلا انا ) الله يريد ان يعمل بالضعف يستخدم جدعون لدرجه انة شاهد رؤيه ..انة يوجد رغيف خبز ينحدر من على جبل ويسقط على خيام المديانين ويدمرها... في رغيف يقع على خيام يدمرها ؟!عمل الله... قادر ان يعمل بالقليل وبالكثير..جميلة الست العذراء لما تقول انزل الاعزاء عن الكراسي ورفع المتضعين... عمل اللة يعملوا بالمتضعين... لا يعمل بالاعزاء...لا يعمل بالاقوياء هو قوته تعلن في ضعف الانسان ..ربنا عاوز يعمل كده... ينظر للامكانيات الضعيفه...جميل فى الكتاب المقدس ...عندما ذهبت الأرملة اللى اليشع النبي.. بتشتكيلوا له قالت له انا جوزي...و علينا ديون... الراجل صاحب الديون عاوز ياخذ مني الفلوس بتاعته وانا لا املك شئ..... كان عاوز ياخذ مني اولادي بدل الديون ...الحقني يا رجل الله... فقال لها اليشع ماذا عندك؟ قالت لة ما عنديش امال انا جيالك ليه؟! لازم تقولي لي ايه اللي عندك... ظلت تفكر افتكرت انها عندها زجاجة زيت فيها شويه فاضلين تحت.. لها بس كويس... روحي اجمعي اوعيه فارغه وخلي بالك لا تقللى... كلام عجيب... فذهبت تجمع اوعيه واحضرت كل الاوعيه تقريبا ...من كل الناس اللي تعرفهم....فقال لها صبي من الزيت.. تصب من الزيت الأوعية تملئ...كل الاوعية ملئت.... لغيت لما يقول لك بطلوا يجيبوا اوعيه وقف الزيت... مش العكس... مش الزيت خلص والاوعيه لسه موجوده ...هو عاوز يقول لك انا هافضل املا طول ما انت بتقدم انت تديني وعاء فارغ انا املئة....لا يصح أن أطلب منة انة يملئ بدون وعاء ... معقول انت عايز تاخذ فضيله من غير ما ترفع قلبك ....معقوله انت عاوز تاخذ بر من غير ما تقدم مشاعرك.. طب ازاي... قدم اللي عندك.. اعطينى وعاء فارغ وانا هملئة... سلم امورك لربنا وربنا يجري في كل امورك رحمة وحق وعدل... قدم اللي عندك قدم اللي عندك... خمس خبزات وسمكتين تقدمة قليله حقيره فقيره لكن في عين ربنا كريمة و كبيرة ....الله لاينظر الى قيمه العمل ولكن ينظر الى الامانه والحب والاتضاع الذي يفعل بة العمل ...ياما ناس تعمل اعمال عظيمة لكن من اجل كرامتها.... ياما ناس تعمل امور من اجل ان يتمجدوا وهم اشخاص لكن ربنا عارف القلوب ...جميل فى معجزه تحويل الماء الى خمر اللي يعمل الخمر...قال يسوع اية اللى عندكم؟؟ عندكم اجران؟ فارغه . املئوها مياه ...فملئوها الي فوق.. انت قدم اجران فيها مياه هو يجعل الماء خمر جيد.... لو واحد قال له ما عنديش مياة يقول له لا انت كسلان لما يجي يقول له قدم وقتك قدام مشاعرك تقول له ما عنديش يقول لك لا ازاي انت عندك وقت وعندك مشاعر... عندك امكانيات انت فيك بركات جواك انت مش مكتشفها لازم تنظر اليها لازم ان تقدم ولو شيء يسير.. عشان كده ربنا يحبب يستخدم الامكانيات الضعيفه الفقير القليلة دى.... وقوته تظهر في الضعف.. خمس خبزات وسمكتين هو يشبع بهم جموع ..دة عمل اللة فى حياتنا دة مسؤوليته هو... مش مسؤوليتنا احنا احيانا الانسان ينظر الى الامكانيات الضعيفه فتصغر نفسه سيحبط او يصاب بيئس... يعني انا هاقدر اعمل ايه.. يعني انا ماخلاص مش هينفع.. اقول لك لا انت كده بتبقى بتقلل من قدرتة ..انت المفروض ان انت تبقي عندك ايمان في انة قادر ان يعمل... جميل جدا ان ربنا يسوع لما يحب يستخدم اشخاص يستخدم ناس يكونوا بسطاء شويه ناس صيادين.. شويه ناس بسطاء.. استخدم ضعفاء العالم ليخزي بهم الاقوياء.. استخدم جهال العالم...ليخزى بيهم الحكماء..موسى النبى..قال لة اللة انا هجعلك تخلص الشعب..قال لة انا ثقيل الفم واللسان انا ما اعرفش قالوا لا انت تعرف انا هجعلك تقدر.. انا الذى هتكلم فيك وبلسانك... وهرسل معك هارون... انت عليك ان انت تقف قدام فرعون وتتكلم بالكلام اللي انا هقوله قدامه انا مش عايزه واحد فصيح انا عايز شخص ثقيل الفم واللسان...عشان لو واحد فصيح يفتكر ان هو اللي بكفاءته وقدرته على الحوار خلص الشعب من هذه المحنة... لا انا عايز واحد تقيل الفم واللسان زيك...ربنا عايز يشتغل بامكانياتك الضعيفه مهما كان عندك من ضعف هو عاوز يستخدم...جميل جدا لما كان يقول لارميا النبى لا تقل اني ولد... انت كبير في عيني... ارمياء شخص حساس جدا وشايف انه خجول جدا وربنا مكلفة برساله صعبه جدا انة يذهب وينظر شعب..بويلات الله... و ايضا انهم سوفا يسلموا لسبى ويسلموا ليد ملوك يستعبدوهم ويذلوهم.... رساله قاسية جدا عايز يقدمها ارميا... ومع ذالك قدامها... وكانت النتيجه انة القوا بية فى الجب الجروب من قساوت قلوبهم... جميل جدا ان ربنا عايز يتمجد بامكانياتنا القليله الضعيفه ..كنا في مره بندرس في رساله معلمنا بولس الرسول لتيموثاوس ..وسألت الولاد اقول لهم قولوا لي ايه نقط الضعف في تيموثاوس؟! اولا سنه صغير مش ناضج كفاية.. نبصي نلاقي واحد زي معلمنا بولس الرسول يقول... لا يستهن احد بحداثتك مش مهم ان انت تبقي صغير الحكايه مش بالسن الحكايه باستعداد القلب الداخلي مش مهم ان انت صغير وبرغم انة صغير الا انه مسكين وكان مريض بامراض كثيره ..يعني صغير ومريض فدة واحد المفروض انه يشعر انة مش هو دة اللى يستخدم للخدمة وخدمة كبيرة... كان عنده حاجه ثانيه كان خجول جدا لدرجه ان بولس الرسول كان يقول له لا تخجل بشهاده يسوع المسيح ولا بى انا ايضا اسيرة.... ما تتكسفش مني ان انت تعرف بولس الرسول الى مرمى في السجن ده لا تخجل... لقينا عنده نقطه ضعف كثير... حساس.. لما قبض على معلمنا بولس كان تيموثاوس حاضر الموضوع ده ما اقدرش يستحمل فبكى.. عشان كده قال له ذاكرا لك دموعك... حساس وخجول وضعيف واصقام كثيرة ومرض وسنة صغير... ربنا عايزك بكل ما فيك من ضعف..عشان يتمجد فيك..لكى يكون فضل القوه لا منا بل من اللة... ربنا عايز يستخدم الانسان بكل ما فيه فتش في نفسك وشوف ايه اللي عندك تقدمهولو. اوعى تقول ما عنديش اوعى تقول ما اعرفش اوعى تقول ما اقدرش.. انت عندك انت يا يختفى في داخلك خمس خبزات وسمكتين انت تمتلك في نفسك مفاتيح لمخازن حياه انت جواك امكانيات اية اللي تقدر تقدموا؟لية مش بتدرس في كلمه ربنا ما عندكش ذهن؟! ما عندكش وقت ؟!عندك وقت.؟ طب ليه مابتكلش في الكلمه لية مابتجلس مع الانجيل وقت اطول... اعطي الانجيل وقت ...لية مش بتقدم أعمال محبه للانسان... انت تقدر ليه مش بتحب كل الناس زي ما بتحب اولادك ليه ما بتعتبرش الكل فى درجة ولادك؟! مش ربنا عطيك!! مش ربنا عطيك ينبوع المشاعر دى ... دى عطيه منه ربنا وهبك عقل ومشاعر ابحث في داخلك ماذا تملك ستجد انك تملك امور كثيره يحتاجها كل من حولك الخمس خبزات والسمكتين دول ومانتظرهمش على أنهم قليلين...لا دول كتار ...ربنا قادر انة يستخدمهم...اوعى تدور على حل يكون مش من جواك..فتش اية اللى عندك انت...قدم من اللى جواك.. امكانيات قليله فقيره ربنا قادر ان هو يستخدمها... عشان كده احبائي تخيل انت كده منظر ربنا يسوع المسيح وهو ماسك الخمس خبزات والسمكتين دول هو فرحان بهم جدا.. اللي انا اخجل منه هو يقدسوا ويباركوا... واذاكان مشاعري غرائزى وقتى ..كل ما انا انظر الية على انة قليل هو ينظر عليه على انة كريم. ربنا قادر احبائى ان يستخدم ضعفنا و ان يحول من الضعف قوه ومن الامور القليله الى امور كثيرة في اسمة القدوس.. ربنا يكمل نقائص ويسند كل ضعف فينا ولالهنا المجد اللى الابد الامين...

معجزة اشباع الجموع - المسيح المشبع تَقْرَأ الكَنِيسَة فِي هذَا الصَّبَاح فَصْل مِنْ بِشَارِة لُوقَا أصْحَاح 9 وَالَّذِي يَتَحَدَّث عَنْ إِشْبَاع الجُمُوع .. وَكَانَتْ الجُمُوع تَتْبَعْ يَسُوع لِسَمَاع التَّعْلِيمْ وَابْتَدَأ يَسُوع يُكَلِّمَهُمْ لِفِتْرَة طَوِيلَة .. وَكَانَ التَّلاَمِيذ لَهُمْ دَالَّة عِنْدَ الرَّبَّ يَسُوع فَقَالُوا لَهُ { إِصْرِف الجُمُوع لِيَذْهَبُوا إِلَى القُرَى المُحِيطَة وَالحُقُول لِيَسْتَرِيحُوا وَيَجِدُوا مَا يَأكُلُونَهُ } ( لو 9 : 12) .. وَكَأنَّهُمْ يَتَشَفَعُوا عَنْ الشَّعْب فَالشَّعْب مَكَثَ ثَلاَثَة أيَّام يَسْمَعْ تَعَالِيمْ الْمَسِيح وَمِنْ جَمَال التَّعْلِيمْ لَمْ يِشْتِكُوا وَلَمْ يَمَلُّوا وَكَانَ لاَ يُوْجَدٌ طَعَام لِذلِك طَلَبَ التَّلاَمِيذ مِنْ يَسُوع أنْ يَصْرِف الجُمُوع وَلكِنْ يَسُوع كَانَ لَهُ حَل آخَر فَقَالَ لَهُمْ { أَعْطُوهُمْ أَنْتُمْ لِيَأْكُلُوا } ( لو 9 : 13) .. فَتَحَيَّرُوا وَتَعَجَّبُوا وَخَجَلُوا .. وَكَانَ هُنَاك تِلْمِيذ مُنْدَفِعْ قَلِيلاً وَهُوَ القِدِيس فِيلُبُّس فَقَالَ لِلْمَسِيح إِنَّهُمْ وَلَوْ بِمِئَتَيْ دِينَار يَسْتَطِيعُوا أنْ يُشْبِعُوا هذِهِ الجُمُوع وَحَتَّى لَوْ حَدَثَ ذلِك فَكُلَّ وَاحِدٌ سَيَأخُذ شَيْئاً بَسِيطاً جِدّاً مِنْ الأكْل ( يو 6 : 5 ) .. وَكَانَتْ ألـ 300 دِينَار قَدِيماً تُعَادِل 10 آلاَف جُنَيْة اليَوْم . هُنَاك أُمور كَثِيرَة فِي دَاخِلْنَا لاَ نَسْتَطِيعْ حَلَّهَا بِحُلُولْنَا البَشَرِيَّة وَالله يَطْلُبْ مِنَّا أنْ نَسْتَخْدِم الخَمْسَة خُبْزَات وَالسَّمَكَتَيْن المَوْجُودَة بِدَاخِلْنَا وَلاَ نَخْجَل مِنْهُمْ .. فَنَحْنُ نَظُنْ أنَّ إِمْكَانِيَاتْنَا ضَعِيفَة وَحَقِيرَة وَلكِنْ الله يَفْرَح بِهَا فَالله يُرِيدْ أنْ يَعْمَل بِالضَّعْف فَنَحْنُ نَمْلُك جَسَدٌ تَعْمَل فِيهِ الغَرَائِز وَالشَّهوَات .. جَسَدٌ لاَ يُرِيدْ أنْ يَصُوم أوْ يُصَلِّي وَهذِهِ هِيَ إِمْكَانِيَاتُه وَلكِنْ إِذَا قَدَّمْنَا هذَا الجَسَدٌ الضَّعِيفْ لله سَيُصْبِحٌ هَيْكَل لله وَأدَاة فِي يَدْ الله وَمَوْضِعْ لِسُكْنَى الله .. فَيَجِبْ أنْ نُقَدِّم أي شَيْء عِنْدَنَا حَتَّى لَوْ كَانَ صَغِير مِثْل فِلْسِيّ الأرْمَلَة ( مر 12 : 42 ) .. فَيَجِبْ ألاَّ نُمْسِك شَيْء عَلَى رَبِّنَا وَأنْ نُقَدِّم لَهُ كُلَّ مَا عِنْدَنَا فَأُقَدِّم لَهُ عُمْرِي وَمَشَاعْرِي وَوَقْتِي وَإِمْكَانِيَاتِي .. { مِنْكَ الْجَمِيعَ وَمِنْ يَدِكَ أَعْطَيْنَاكَ } ( 1أخ 29 : 14) . جَمِيل أنْ يَعِيش الإِنْسَان بِهذَا الفِكْر فَالله يَنْظُر لأِي تَقْدِمَة بِفَرَح مَهْمَا كَانَتْ بَسِيطَة ..فَالله لاَ يُرِيدْ أنْ نَطْلُبْ مِنْهُ أنْ يَعْمَل فِينَا وَلاَ نُقَدِّم لَهُ شَيْئاً بَلْ يَجِبْ أنْ نُقَدِّم لله كُلَّ مَا عِنْدَنَا مَهْمَا كَانَ صَغِير مِثْل وَقْفِة صَلاَة بَسِيطَة وَقَصِيرَة وَرَفْع يَدْ وَعُشُور قَلِيلَة فَلاَ يَجِبْ أنْ نَقِفْ أمَام الله فَارِغِي اليَدَيْن فَالله يَنْظُر لِلحُبْ وَالأمَانَة أكْثَر مِنْ القِيمَة .. وَقَدِيماً فِي العَهْد القَدِيم كَانَتْ هُنَاك تَقْدِمَات لِكُلَّ طَبَقَات الشَّعْب وَكَانَتْ هُنَاك تَقْدُمِات لأِكْثَر طَبَقَات الشَّعْب فَقْراً وَهيَ فَرْخَيّ حَمَام وَهذِهِ هِيَ التَّقْدِمَة الَّتِي قَدَّمَتْهَا السَيِّدَة العَذْرَاء وَيُوسِفْ النَّجَار وَلَمْ يَخْجَلُوا مِنْ فَقْرِهِمْ .. وَكَذلِك كَانَتْ هُنَاك تَقْدِمَات لِلأَكْثَر فَقْراً وَهيَ الدَّقِيق المَوْجُودٌ فِي كُلَّ بَيْت . إِذَا لَمْ نَكُنْ نَمْلُك تَقْدِمَة فَلاَ يَجِبْ أنْ نَنْظُر لِلخَارِج كَمَا فَعَلَ التَّلاَمِيذ عِنْدَمَا إِسْتَهَانُوا بِالخَمَس خُبْزَات وَالسَّمَكَتَيْن بَلْ يَجِبْ أنْ نُقَدِّم لله أبْسَط شِئ حَتَّى إِمْكَانِيَاتْنَا فَنُقَدِّم لَهُ جَسَدْنَا حَتَّى وَلَوْ كَسْلاَن .. القَلْب وَلَوْ حَتَّى بَلِيدْ .. الله يُحِبْ أنْ يَعْمَل بِالضَّعْف فَيُحِبْ الضَّعْف .. { قُوَّتِي فِي الضَّعْفِ تُكْمَلُ } ( 2كو 12 : 9 ) .. فَصَمُوئِيل النَّبِي عِنْدَمَا ذَهَبَ لِيَسَّى لِيَخْتَار المَلِك عَرَضَ عَلَيْهِ يَسَّى كُلَّ أوْلاَدُه فَرَفَض فَقَالَ لَهُ يَسَّى لَيْسَ لَدَيَّ سِوَى وَلَدٌ وَاحِدٌ ضَعِيف وَصَغِير فَإِخْتَارُه صَمُوئِيل لِيَكُون المَلِك وَاسْتَخْدِمُه رَبِّنَا لِخَلاَص الشَّعْب كُلُّه بِأبْسَطْ الإِمْكَانِيَات هِيَ مِقْلاَع وَخَمَس حَجَارَات ( 1صم 17 : 1 – 54 ) .. وَيَقُول الله عَنْ دَاوُد { أَقَامَ لَهُمْ دَاوُدَ مَلِكاً الَّذِي شَهِدَ لَهُ أَيْضاً إِذْ قَالَ وَجَدْتُ دَاوُدَ بْنَ يَسَّى رَجُلاً حَسَبَ قَلْبِي } ( أع 13 : 22 ) . الله يُحِبْ أنْ يَسْتَخْدِم الضَّعْف فَفِي عَصْر القُضَاة كَانَ الشَّعْب يَعِيش فِي ذُل وَانْكِسَار وَمَهَانَة عَلَى يَدْ جَمَاعَة مِنْ البَشَر إِسْمُهُمْ المِدْيَانِيِّين فَاخْتَار الله شَخْص ضَعِيفْ لِكَيْ يَقُود الشَّعْب وَيُخَلِّصَهُمْ هُوَ جَدْعُون الَّذِي قَالَ لِلمَلاَك عِنْدَمَا إِخْتَارُه { هَا عَشِيرَتِي هِيَ الذُّلَّى فِي مَنَسَّى وَأَنَا الأَصْغَرُ فِي بَيْتِ أَبِي } ( قض 6 : 15) .. وَكَأنَّ جَدْعُون يَقُول أنَّهُ أصْغَر وَاحِدٌ فِي أصْغَر عَشِيرَة فِي بَنِي إِسْرَائِيل .. الله لاَ يَعْمَل فِي الأقْوِيَاء وَلكِنَّهُ يَنْظُر لِلإِمْكَانِيَات الضَّعِيفَة .. { لِيَقُلِ الضَّعِيفُ بَطَلٌ أَنَا } ( يؤ 3 : 10) .فِي الكِتَاب المُقَدَّس ذَهَبَتْ إِمْرَأة إِلَى ألِيشَعْ النَّبِي وَقَالَتْ لَهُ أنَّ زَوْجِي مَاتْ وَعَلَيْهِ دِينْ وَلَمْ يُوْفِي دِينُه وَلاَ يُوْجَدٌ لَدَيْهَا مَال وَأنَّ الدَّيَّان يُرِيدْ أنْ يَأخُذْ وَلَدَيْهَا عَبِيداً لَهُ مُقَابِلْ لِلدِينْ .. فَسَألَهَا ألِيشَعْ عَمَّا تَمْلُكُه فَقَالَتْ لَهُ أنَّهَا لاَ تَمْلُك شَيْئاً وَسَألَهَا ثَانِيَةً وَأخَذَتْ تُفَكِّر حَتَّى تَذَكَّرَتْ أنَّ لَدَيْهَا قَلِيل مِنْ الزَّيتْ فَقَدِّمِتْهُمْ لأِلِيشَعْ فَطَلَبْ مِنْهَا إِنَّهَا تِجِيبْ كُلَّ الأوَانِي الَّلِي عَنْدَهَا وَعَنْد جِيرَانْهَا وَأخَذَ ألِيشَعْ يُصَلِّي ثُمَّ صَبْ الزَّيتْ فِي الأوَانِي حَتَّى فَرَغِتْ الأوَانِي فَتَوَقَفْ الزَّيتْ ( 1مل 17 : 8 – 16) .. فَالله يَمْلأ طُوْل مَا إِحْنَا بِنُقَدِّم لَهُ .. فَلاَبُدْ أنْ نُقَدِّم لَهُ أوْعِيَة فَارِغَة حَتَّى يَمْلأَهَا فَنُسَلِّمْ كُلَّ أُمُورْنَا لِرَبِّنَا وَرَبِّنَا يُجْرِي فِي كُلَّ أُمورْنَا رَحْمَة وَبَرَكَة فَلاَبُدْ أنْ نُجَاهِدْ حَتَّى نَأخُذْ فَضِيلَة . فِي مُعْجِزِة تَحْوِيل المَاء لِخَمْر طَلَبْ الْمَسِيح أنْ يَمْلأُوا الأجْرَان الفَارِغَة بِالمَاء وَالله حَوَّلْهَا لِخَمْر جَيِّدٌ ( يو 2 : 1 – 10) .. فَالله طَلَبْ أجْرَان مَمْلُوءَة بِالمَاء وَهُوَ حَوَّلْهَا لِخَمْر وَلكِنْ لاَ يُمْكِنْ أنْ نَقُول لَهُ أنَّنَا لاَ نَمْلُك حَتَّى المَاء ( جَسَدْنَا وَمَشَاعِرْنَا لاَبُدْ أنْ نَنْظُر لله وَلاَ نَنْظُر لإِمْكَانِيَاتْنَا الضَّعِيفَة حَتَّى لاَ نَيْأس وَبِذلِك نَحْنُ نُقَلِّلْ مِنْ قُدْرِتُه .. بَلْ يَجِبْ أنْ يَكُون لَدَيْنَا إِيمَان بِأنَّهُ يَسْتَطِيعْ أنْ يَعْمَل بِالقَلِيل .. فَالْمَسِيح إِخْتَار تَلاَمِيذُه مِنْ الضُّعَفَاء وَالصَّيَادِينْ وَاسْتَخْدِم الجُهَلاَء لِيُخْزِي الحُكَمَاء وَالضُّعَفَاء لِيُخْزِي الأقْوِيَاء ( 1كو 1 : 27 ) . الله عِنْدَمَا إِخْتَار مُوسَى قَالَ لَهُ مُوسَى { أَنَا ثَقِيلُ الْفَمِ وَاللِّسَانِ } ( خر 4 : 10) ..وَلكِنْ الله صَمَّمْ عَلَى إِخْتِيَار مُوسَى وَقَالَ لَهُ أنَّكَ سَتَتَكَلَّمْ أمَام فَرْعُون بِجَمِيعْ مَا أقُولُه لَك .. فَلَمْ يَخْتَار الله شَخْص فَصِيحٌ اللِّسَان بَلْ إِخْتَار شَخْص ثَقِيل اللِّسَان لِيَكُون فَضْل القُوَّة لِرَبِّنَا وَلَيْسَ لَهُ ( 2كو 4 : 7 ) .. كَانَ الله يَقُول لأِرْمِيَا دَائِماً { لاَ تَقُلْ إِنِّي وَلَدٌ } ( أر 1 : 7 ) .. فَهُوَ لَيْسَ صَغِير وَلكِنَّهُ كَبِير فِي عِينْ رَبِّنَا .. وَالله بِرَغْم صِغَر سِنُّه إِلاَّ أنَّهُ بَعَثَهُ إِلَى شَعْب بَنِي إِسْرَائِيل بِرِسَالَة صَعْبَة وَهيَ أنَّ الله سَيُهْلِكَهُمْ وَنَتِيجَة لِذلِك أنَّهُمْ رَمُوه فِي الجُبّ ( أر 38 : 6 ) . فِي رِسَالِة بُولِس إِلَى تِلْمِيذُه تِيمُوثَاوُس يُوَضِّحٌ بُولِس أنَّ تِيمُوثَاوُس كَانَ : 1/ سِنُّه صَغِير وَغِير نَاضِج كِفَايَة لكِنْ بُولِس كَانَ يَقُول لَهُ { لاَ يَسْتَهِنْ أَحَدٌ بِحَدَاثَتِكَ } ( 1تي 4 : 12) .. فَالحِكَايَة لَيْسَتْ بِالسِّنْ وَلكِنْ بِاسْتِعْدَاد القَلْب . 2/ مَرِيض بِرَغَمْ صِغَر سِنُّه .. { مِنْ أَجْلِ مَعِدَتَكَ وَأَسْقَامِكَ الْكَثِيرَةِ } ( 1تي 5 : 23 ) . 3/ كَانَ خَجُول فَكَانَ بُولِس يَقُول لَهُ { لاَ تَخْجَلْ بِشَهَادَةِ رَبِّنَا وَلاَ بِي أَنَا أَسِيرَهُ } ( 2تي 1 : 8 ) . 4/ حَسَّاس فَقَدْ بَكَى أثْنَاء القَبْض عَلَى بُولِس وَلَمْ يَسْتَطِيعْ أنْ يَحْتَمِل . وَبِالرَّغْم مِنْ كُلَّ هذِهِ الضَّعَفَات إِلاَّ أنَّ الله إِخْتَارُه فَالله يُرِيدْ ضَعْفِنَا لِكَيْ يَكُون فَضْل القُوَّة لاَ مِنَّا بَلْ مِنْ الله ( 2كو 4 : 7 ) . لاَبُدْ أنْ نُفَتِّش دَاخِل أنْفُسَنَا لِنَرَى مَا نَسْتَطِيعْ أنْ نُقَدِّمُه لِرَبِّنَا .. وَلاَ يَجِبْ أنْ نَقُول أنَّنَا لاَ نَمْلُك شَيْئاً فَنَحْنُ نَسْتَطِيعْ أنْ نُحِبْ النَّاس وَأنْ نَقْرأ وَنَدْرِس الإِنْجِيل وَنُصَلِّي وَالله أعْطَانَا عَقْل وَقَلْب وَمَشَاعِر .. فَنَحْنُ نَمْلُك أُمور كَثِيرَة يَجِبْ أنْ نُقَدِّمْهَا لِرَبِّنَا فَلاَ يَجِبْ أنْ نُفَتِّش عَلَى شِئ نُعْطِيه لِرَبِّنَا مِنْ الخَارِج بَلْ يَجِبْ أنْ تَكُون العَطِيَّة مِنْ دَاخِلْنَا .. { أَعْطُوهُمْ أَنْتُمْ لِيَأْكُلُوا } .. فَرَبِّنَا يَسْتَطِيعْ أنْ يَسْتَخْدِم ضَعْفِنَا وَأنْ يُحَوِّل الضَّعْف لِقُوَّة . رَبِّنَا يِكَمِّلْ نَقَائِصْنَا وَيِسْنِدْ كُلَّ ضَعْف فِينَا بِنِعْمِتُه وَلأِلهْنَا المَجْد دَائِماً أبَدِيّاً آمِين

باسم الاب والابن والروح القدس الاله الواحد امين فلتحل علينا نعمته بركته الان وكل اوان والى دهر الدهور كلها امين.. تقرا علينا احبائىء الكنيسه في هذا الصباح المبارك فصل من بشاره معلمنا مارمتى اصحاح 18 فى الحقيقه عشان نقدر نستوعب الفصل دة لازم نعرف لية تلاميذ يسوع ذهبوا ليسألوا من هو الاعظم في ملكوت السماوات..فى الحقيقة هما بيسالوا السؤال ده مش عشان هما مشتاقين ان يكونوا ليهم كرامه في ملكوت السماوات ولا سعى منهم للمجد الابدى ...لكن للأسف السؤال ده لانة الدافع بتاعهم حب الرئاسه قبل ما يساله ربنا يسوع المسيح السؤال ده كان في بينهم نزاع عن من منهم يكون الاكبر ...فى الترجمه الدقيقه بتاعت من هو الاعظم في ملكوت السماوات معناها من االذى يترأس.. مين اللي هيبقى اعلى من مين.. بيتكلموا الكلام ده من دافع كرامه شخصيه لدرجه انه فى مرة من المرات يقول لك وكان بينهما مشاجره في من منهم يكون الاكبر...طبعا اكيد فى منهم قال انا اول واحد يسوع دعانى...واحد تانى يقولة انا اكبر واحد سنا..واحد تالت يقول بس انا اقرب واحد الية... كل واحد شايف في نفسه انه هو المفروض يبقى هو الاعظم وهو الرئيس ..نتعجب احبائي من الكلام ده يذكر فى انجيل معلمنا متى إصحاح 18 يعني بعد ما يكون يسوع كشف عن اسرار خاصه بة كثيرة جدا..وبعد ماكلمهم عن حمل الصليب... وبعد ماكلمهم عند ما هو مزمع ان يحدث بابن الانسان المفروض تكون مشاعرهم غير كده تكون اسئلتهم غير كده المفروض تكون اهتماماتهم غير كده لكن مشغولين بمين يكون هو رئيس ...اذا حلينا مشكله الرئيس بيننا وبين بعضنا هنا عايزين يسالوا ربنا يسوع المسيح مين اللى هيكون الاعظم مين برضة هيكون الرئيس في ملكوت السماوات.... بيبحثوا عن شكل عن وظائف طب انت يا رب يسوع تلاميذك دول انت مش عارف بضعفاتهم دى؟!...مش حاسسس ايه ان انت في وادي وهما في وادي!!!مش حاسسس قد ايه ان جواهم نقائص...تجعلهم مش هما دول اللي تختارهم عشان يحملوا اسمك..عشان يكرزوا باسمك...دة قدامهم المشوار صعب جدا..هيوجهوا ملوك واباطرة وهيواجهوا حرب وحرق وسيف ...ازاي يبقى هما بيدوروا على شويه رئاسه ووظائف وثبتوا فى كل دة ...جميل جدا محبه الله اللي عارفه كل الامور وكاشفة كل الضعفات واختارت وعينت رغم معرفتها بالضعف.....لان المسيح كان يثق في قدرته انة قادر يجعل منهم اواني للمجد المسيح واثق ان عمل روحه القدوس هيغير كل الضعفات دى كل ده يصبح ماضي ..عمرنا شفنا بعد كده مين فيهم بيتكلم انه يبقى رئيس ابدا ..احنا شفناهم وهما بيتسابقوا على حمل الصليب.. شفناهم بيتسابقوا في من منهم يكون الاصغر ...شفناهم بيتسابقوا على مين هو الذى ينال شرف الالم من اجل اسم يسوع المسيح ... شفناهم بيتسابقوا على نوال الاكليل... هو دة احبائى عمل نعمه الله المغيره فى الضعف البشري عمل روح ربنا اللي خزن فى اخلاق وسلوك التلاميذ رغم أفكارهم واهتماماتهم المتنوعه عشان كده اقدر اقول لك ان السؤال بالنسبه ربنا يسوع المسيح سؤال متعب ..ناس هو بياسس بيهم ملكوت ..ناس بينشر بيهم دعوه جديده... ناس بيعلم بها المسكونه بيعلمهم بيهم ..شايفهم انهم بيتنازعوا علي من فيهم يكون الاكبر.... بيساله سؤال عجيب ان ربنا يسوع المسيح يبقى عارف ضعفاتنا كويس جدا و متأني علينا ...عجيب أن ربنا يسوع المسيح نبقى معاة ومازالت ضعفتنا فينا... عجيب انناو نمشي مع يسوع فتره طويله ولسه اهتماماتنا اهتمامات ارضيه... طب يا رب غير بقى الناس دي واضح ان الناس دي ما فيش منها رجاء ...اقول لك لا ... انا رجائي فيهم لا ينقطع ...اني اثق فيهم يقول كده عن رب المجد يسوع دخل فى حوار مع بعد الناس... قالوا له انت دلوقتى جئت وكملت كل شيء من اجل الانسان لكن كل اللي عملته ده العالم هيعرفوا ازاي؟!فقال لهم فى تلاميذى اول ما قال تلاميذى هما اللى هيعرفوا العالم... فضحكوا....استخفاف بهم... عاوزين يقولوا له فكرك الناس دي اللي انت مختارها شويه الناس افكارهم متعبه منهم الذى انكر والذى خان...و اللى بيتخانقوا مع بعض مين اللي يكون الاعظم هما دول اللي هيتحملوا مسئوليه الكرازه بأسمك ....و العمل العظيم اللي انت عملته ده ؟ ده اللي انت عملته هما هينهوا ..فاجابهم وقال لهم انى اثق فيهم...وقد كان وصاروا موضع ثقه وصارو موضع مسئوليه وصاروا اواني للروح وبلغوا المسكونه كلها بخبر ويقين الايمان والخلاص... عجيبة بنعمه روحي ربنا اللي بتغير الانسان مهما كان بليد الذهن مهما كان بطيى القلب..مهما كان اهتماماته ارضية مهما كان فكرة محصور في الارض.. ربنا يسوع المسيح واثق ان يغير كل هذا ...عشان كده احبائي احنا مشتركين مع التلاميذ نفس الضعف.. سمح الله احبائى ان يختار تلاميذ وكارزين بل وانبياء... ان يكونوا بشر مخترش نوعيه مختلفه عننا...ادخل جوه قصص الانبياء و جوه قصص الآباء الرسل تلاحظ فيهم مننا.... عايز يقول لك انا هستخدمكم انتم ...حتى لو انت وحش انا هاشتغل بك انت .عشان كده تلاقي الكتاب المقدس لم يشاء ان يتجاهل ضعفات التلاميذ ولا ضعفات الانبياء لم يشاء ان يتجاهل كذب ابونا ابراهيم.. لم يشاء ان يتجاهل ضعف داود النبي لم يشاء ان يتجاهل ضعف سليمان الحكيم ..لم يشاء ان يتجاهل هروب يونان النبي..لم يشاء ان يتجاهل انكار معلمنا بطرس الرسول..لم يشاء ان يتجاهل صراع التلاميذ عن في من يكون هو الاعظم... عشان عايز يقول لك اللي انا هشتغل بهم زيك بالضبط ..فيهم نفس ضعفك فيهم نفس تفكيرك الارضي فيهم الانحصار في الذات موجود فيهم مين فيهم يكون الاكبر كل واحد عايز يثبت للثاني انة لة الاحقية فى ان يكون الاكبر... عشان كده راحوا ليسوع يسالوه من هو الاعظم في ملكوت السماوات.. عجيب ان ربنا يسوع المسيح عندما جاء بطفل في وسطهم وقال الحق الحق اقول لكم ان لم ترجعوا وتصيروا مثل الاولاد فلن تدخلوا ملكوت السماوات... لماذا لم تنتهرهم لماذا لم يكن حديثهم هذا موضوع غضبك.. ناس بتفكر في من يكون الاعظم وانت بتكلمهم على ابن الانسان هيسلم ويجلد ويصلب .. ناس بيفكروا باسلوب ثاني خالص عشان كده يقول لك ان ربنا يسوع المسيح مسترجعش السؤال ماوبخهمش على بلادد زهنهم ...وتجاوز عن ضعفاتهم من يوم ما اختارهم وهو متجاوز عن ضعفاتهم من يوم ما اختارهم وهو عارف بضاعتهم وهما مسكين في كرامه الارض ...وهو يرفع من شانهم انهم يعطيهم مفاتيح ملكوت السماوات... شوفوا عظمه الاهنا... يارب انت عارف ان انا ضعيف جدا وعارف ان انا كل فكرى فى الارض وكل فكري في الكراما وكل فكري في ازاي ابقى انا رئيس وانا اكون الكبير... ومع كده بتتجاوز كل ده..ترفعنى لفوق لدرجه تعطينى مفاتيح ملكوت السماوات..هو دة اقتدار عمل نعمه ربنا النعمة المغيره..النعمة القادرة احبائي ان تحولنا من اواني للهوان الى اوانى للمجد... عجيبه احبائي ان تجد نادرا..ان يسوع يوبخ على ضعف ...لايوبخ على ضعف الا الانسان المصر على هذا الضعف...لما تيجي تشوف اسلوبه تلاحظ انة بيعالج الضعف بايجابيه.. فنتعلم هذا الاسلوب ازاي اللي قدامك يبقى ضعيف ويفكر بطريقه ارضيه وانت تنقله للأمور السماويه. ده كده اسمه التفكير الايجابي.. البناء لو قعدنا نتخانق انتوا ليه بتفكروا كده و انتم ناس متنفعوش و انتم ناس بتفكروا بالطريقه ارضيه وانا بفكرلكم بطريقه سماويه...وانا عاوز اعطيكم مجد في السماء وانتم بتفكروا في مجد الارض.. كان ممكن يكون اندفاع التلاميذ من هذا الكلام بسيط.. لكن عندما اتى بطفل.. ووقف الطفل في وسطهم قال لهم ان لم ترجعوا وتصيروا مثل الاولاد لن تدخلوا ملكوت السماوات.. بيكلمهم على ان ازاى يبقى ليك كرامة في ملكوت السماوات. .انت فكرك ان الكرامة فى ملكوت السماوات بالشجار والخناق ؟!لا ..انت ترجع تبقى زي الاطفال لاجل ذالك اتى اليهم بمثل لا ينسى...وكأن عايز يقول لهم ان سر عدم دخولك لملكوت السماوات هو السؤال اللي انت بتسالة... انت بتتكلم على انك ازاي يبقى لك كرامه في ملكوت السماوات...السؤال دة فى حد ذاتة انك تكون عاوز تترقص على اخواتك وعاوز تبقى اكبرهم في الارض وفي السماء؟! السؤال ده في حد ذاته هو اجابه عن انت لا تستحق ملكوت السماوات! عشان كده نقدر نقول احساسهم بالعظمه ده هو اعظم عائق لدخلهم ملكوت السماوات...لان هما بصراعهم ده كشفوا عن عدم صلاحيتهم للملكوت .ظعشان كده يقول لهم ان لم ترجعوا وتصيروا مثل الاولاد فلن تدخلوا... كلمه لن تدخلوا...جائت فى التعبير اليونانى نفى غليظ..بمعنى مستحيل... عايز يقولهم .. غير فكرك واهتمامك غير طريقة معالجتك للامر.... لازم عشان تتكلم في الاشتياق اللي انت بتقول عليه ده ملكوت السماوات لازم يحصل لك من جوه تغيير اتجاة... عشان كده الكلمه توبه بمعنى ميطانية... ميطانية معناها تغير اتجاه... الانسان احبائي لما يكون حاسس انه محتاج ان يدخل فى صراعات عشان ياخذ كرامه..اقول لك لا خلي بالك هي دي اللي هتمنع عنك الكرامه.. انت المفروض ان انت لازم تعرف انك لازم تتغير...طب يارب ازاى اتغير...كيف يكون لى فكر المسيح يسوع اللي يخليني اعرف انا ماشي صح ولا لا !!لابد أن ترجع وتصير مثل الاولاد لانك لو ما عملتش كده لم تدخل ملكوت السماوات ...الحل فين ؟!الحل انك تتغير فى المسيح يسوع.. الحل ان انت تخضع بالكامل لمفاعيلوا الاهية الحل انك تعيش في وصيه المسيح ...قدس طبعك غير فكرك هو ده الحل ان لم ترجعوا وتصيروا مثل الاولاد... عجيب احبائي ان ربنا يسوع المسيح عندما جاوبهم..وضعهم فى خجل شديد....اتى بيهم بطفل ووقف أمامهم... وكأنه عاوز يقول لهم انا مش عايزه اتكلم معكم كثير لكن انا مجرد هوقفلكم طفل صغير واضعة في وسطكم واقول لكم حاولوا انكم ترجعوا مثل هذا الطفل... فدعى طفلا اقامه في وسطهم وقالوا لهم ان لم ترجعوا وتصيروا مثل الاولاد فلن تدخلوا ملكوت السماوات.. فمن اتضع مثل هذا الصبي فهذا الاعظم في ملكوت السماوات ..ماهى العظمة فى الطريق الى ملكوت السماوات ؟! الاتضاع ..الرجوع إلى الطفولة..العظمة فى ملكوت السماء ليست بانك تكون رئيس على الأرض....بيصلح فكرهم واهتماماتهم وقلبهم ... العالم احبائي بيدخل جوانا اهتمامات باطله العالم بيغرينا بحب الرئاسة..العالم بيغرينا بالعظمة... فبيشبع ذهننا بأمور تافهه وبيجعلها موضع صراع...وهذا الذى يخسرنا ملكوت السماوات.... يجي ربنا يسوع المسيح يرجع اهتمامنا وقلبنا تانى..ويأتى بطفل.. ويقول لهم انا عايزك تبقى زي الطفل ده...اريدك تعيش في هذه البساطه.. اريدك تعيش في هذه القامه ...ماهى القامه؟ قامت الطفوله... الرجوع الى حاله البراءه الاولى والبساطة الاولى.. والصوره التي يريد الله ان يجد الانسان فيها .صورة الخالق....هو دة اللى هيجعلك عظيم في ملكوت السماوات... ارجع واجعل نفسك فى قامه الطفل الصغير ده.....جميل فى ربنا يسوع المسيح ان عندة التشبيه الواضح السهل العميق جميل فى اسلوب ربنا يسوع المسيح انه بيستخدم طرق للاقناع قويه جدا وفي نفس الوقت بسيطه جدا النهارده احبائي العالم كله متجة لفن التدريس و فن تقديم المعلومة وبيتسابق ..اقول لك ربنا يسوع المسيح من اعظم اللي قدموا المعلومه في فن بديع ليه اتفرج على مثلا زي ده ولة موقف زى دة... بدل ما يكلمهم يقول لهم ان لم ترجعوا مثل الاولاد لا هو اتى بطفل ووقفوا فى وسهم... عشان كل الانظار تتجه للطفل دة... فالناس تتعلم من الطفل بالرؤيا دون كلام صاحب منهج في التعليم ..لما يتكلموا عن وسائل الايضاح ويبتكروا في امور جديده اقول لك ان ربنا يسوع المسيح كان تملي يستخدم وسيله ايضاح في تعليمه ..عشان يقرب الحقيقه عشان يخلي كلامة في تركيز ويخلي اللي بيسمعوا يبقى منتبه جدا ومشدود جدا ...ابحث كده في امثال ربنا يسوع المسيح تلاقيها كلها امثال من البيئه كلها حاجات واقعيه من واقع الحياه بتاعتهم... لما يكلمهم عن الدرهم المفقود دى حاجه كل واحد فيهم معرض يقولها عن طريق قصه ...لما يكلمهم مع راعي ضاع منه خروف وساب ال99 دي قصه كل واحد فيهم ممكن جدا يبقى عايشها.. فأول مايحكهلهم يسرح بذهنهم... كل واحد فيهم يتخيل الحدث فيستوعبوا. بطريقة اسهل.... لما نيجي هنا جايب لهم طفل وقفوا في وسط لما يكلمهم عن خرج الزارع ليزرع..يقال انة عندما قال لهم خرج الزارع ليزرع كان يوجد رجل بيضع بزار على الأرض فشاورلهم وقال خرج زارع ليزرع..وبيحكلهم المثل ويجعلهم يتخيلوا الكلام وينظروا الية بالواقع.. صاحب اسلوب بديع عايز الناس اللي قدامة هو ينزل للمستوى بتاعهم عشان يخليهم يقدروا يستوعبوا ثم يصعد بهم ويحلق بهم في افاق الروح... هو ده اسلوب ربنا ينزل بهم جدا لدرجة انة يوقف طفل فى وسطهم ثم يرفعهم ويقول ان لم ترجع وتصير مثل هذا الطفل. عاوز تعرف ماهو الطريق إلى العظمة؟ الطريق إلى العظمة هو أن تنزل الى هذة القامة... احيانا احبائى الانسان لما بيفتكر لما يعمل اعمال عظيمه يبقى هى دى الكرامه.. اقول لك لا..عظمة الكرامة في عين الله في مقدار الحب والاتضاع المعمول بها مش في عظمتها كشكل يقولوا كده عن راهبه كانت تريد ان تقوم باعمال عظيمه في الدير عايزه تعمل علاقات وعاوزه تجيب للدير تبرعات وعايزه تعمل إنشاءات وعاوزه تصوم اصوام كثيره عندها امال كثيره جدا وطموحاته عاليه جدا..ولكن الام الرئيسه بتاعت الدير كانت تمنعها في الكثير من رغبتها هذه.. فكتبت لاب اعترافها تشتكى تقول له ان الام الرئيسة تمنعني في كثير من الاحيان في اداء امور عظيمه... قال لها ان الام الرئيس تمنعك من الامور العظيمه لكي ما تدعوكى الى الامور التي تساعدك على الاتضاع... فان منعتك من الارتفاع لكي تدعوكى الى الهبوط او النزول والانكسار عايزاكى ما تنشغليش بامور عظيمة وتلهي عن خلاص نفسك عاوزاكى ما تنشغليش بامور عظيمه وتنسى حقيقه ان انت لازم ترجعي وتصير مثل الاطفال عايزاكى ما تضيعيش الهدف منك عايزه رايتك تبقى رؤيه واضحه زي التلاميذ عندما قال لهم هي دي القامة اللي انا عايزكوا ترجعولها ...تخيلوا كده احبائي لما واحد يقف قصاد طفل صغير..تقول يا ربي قد ايه الزمن احدث فيا من فساد قد ايه صورتي تلوثت ..قد ايه قلبي تشوه قد ايه غريزتى تدنست.. قد ايه يا رب الصوره اللي انت وهبهالى الصوره البسيطه البريئه الكريمه انا اضعت منها الكثير ..عشان كده يقول لك تعال وارجع جواك امكانيات ربنا وهبهالك.. ترجع عشان تبقي طفله ثاني جواك امكانيات ان انت تعيش بسيط فى عالم كله خداع.. جواك امكانيات تعيش في طهاره الاطفال في عالم كله دنس... جواك امكانيات ان انت تعيش بغفران وبساطت طفل في عالم كله كراهيه. جاي منين ده ارجع ربنا اعطاك الروح القدس القادر ان يعيد تشكيل خلقتك قادر ان يعيد تكوينك لانة روح خالق استودعهولك من جوه عشان يشكل فيك كل نفس امينه تتحد بالله بتعطى فرصه للروح القدس ان تشكل في انسانها الباطنى لكي ما ترجع الانسان الى قامت الطفوله الروح يقعد يرسم.. عارف لما يجي فنان يجيبوا له واحد يقولة ارسمة.. فعشان يرسمة يجيب الشخصيه ده..ويقف او يقعد ويظل يرسم يرسم طول ما الشخص ده بيقضي وقت مع الفنان الفنان عمال يرسم اول ما الشخص يقول له انا مش فاضي نكمل بكره يقول له خلاص اتفضل ..ايه اللي بيحصل هنا ..طول ما هنقف قدام روح ربنا روح ربنا هيرسم فينا صوره الخانق يرسم فينا الصوره تتكمل الصوره... مكتمل وكل ما نقف قصادة اكثر كل ما الصوره تكبر فينا اكثر وتوضح فينا اكثر وتتجلى فينا اكثر ان احنا نتغير الى تلك الصوره عينها .اللى ربنا يسوع المسيح عاوزنا عليها حاله البراءه والتقوى و البساطه هو ده اللي ربنا عاوزنا في .. ان لم ترجعوا وتصيروا مثل الاطفال فلن تدخلوا ملكوت السماوات ..عشان كده قال لهم ان من قبل صبييا هكذا باسمى فقد قبلنى... ومن اعثر احد هؤلاء الصغار المؤمنين بى فخيرا له ان يعلق في عنقه حجر الرحى ويغرق في البحر... اراد يقول لهم الاطفال لما انت تقبلوا لما انت تساعدوا. عندما تعطية او تستقبلوا او تعلمة او تعطف عليه من اجل اسم المسيح انت كده بترجع ثاني لمكانتك في ملكوت السماوات..طب اية اللي يخسرك مكانتك فى ملكوت السماوات ان انت تشوه صوره الطفل دى... ان انت جواك صوره الطفل دى تفسد...ان انت تعثر صوره الطفل دى ولما تعثرها يبقى انت كده فقض كرامتك اللي في الملكوت ..شوف قد ايه احبائي ربنا يسوع المسيح بيتأنى علينا ويعلمنا بكل الطرق و معطي لنا بفرص رغم كل جهل ورغم كل ضعف ورغم كل خذي في الفكر الا ان هو متأنى... عشان كده ربنا معطى لنا بفرص بيقول لك ارجع خليك زي طفل ما تفكرش كثير في عظمه على الارض ما تفكرش كثير في ان انت ازاي تبقى رئيس فكر ازاى تكون عبد.. فكر ازاي تبقى خادم للكل... فكر تضع نفسك تحت الكل واحد من الاباء القديسين يقول كده.. سأل معلمة قال لة (قول لى كلمه لأحيا قال لة ضع نفسك تحت الخليقه كلها وانت تحيا ) خليك طفل عيش بالبساطه عيش بالحب اللى بلا سبب عيش حتى ببساطة الطفل اللي توصل لحد السذاجة...جميل جدا ان الانسان يعيش مع ربنا في بساطه الطفوله تلاقي الطفل كده ممكن يطلب طلب ساذج حتى لو كان ما يستهلوش حتى لو كان هو مش امكانياته ..اهو احنا كده عشان كده يقول لك في مديح من مدايح الكنيسه في الصوم الكبير يقول لك ان احنا نطلب الرحمه بسذاجة... يعني ايه ..احنا عارفين ان احنا مانستاهلهاش ..عارفين ان احنا مهما عملنا ما نقدرش ناخدها...لكن بنطلبها بسذاجة...سذاجة يعني ايه يعني واحد يبقى معه جنيه بس بيكلمك في حاجه 100,000 جنيه وبيتكلم بسذاجه..اهو احنا بنتكلم مع ربنا كدة بسذاجة... يا رب اعطينى الملكوت لما اقولة اعطينى الملكوت دي ما اقدرش اطلبها الا لما يكون عندك قامت السذاجة دى... لانى لم استحق على طلب الملكات.. لاني عارف لا استحقه مش امكانياتى..لكن انا هطلبه بسذاجه الاطفال.. هطلبوا بسذاجة الأطفال. هطلب البساطة والطهارة والحب والرحمة هطلب كل فضيلة وكل عطية صالحة...بإحساس الطفل.الذى يطلب من ابوة....هو دة احبائي اللذى يريدة لنا ربنا يسوع المسيح...وفعلا تلاميذة رجعوا لهذة القامة وفعلا صاروا عظماء.. بس الفضل يرجع لربنا يسوع المسيح الذى اختارهم لأجل أن يعلن مجدوا فيهم وهما بهذة الحالة من الضعف....لاجل أن يعطينا نحن الرجاء..مهما كان فكرك ضعيف انا متأنى عليك..روحى قادر ان يشكلك من جديد وقد راينا فيهم عظماء و قوه ايمان وشهادة لربنا يسوع المسيح .. سفك دم ...جميعهم سفكوا دمائهم من أجل اسم المسيح.... ربما الا يوحنا الحبيب لانة قد ابقاة من أجل رسالة وهى انة ينظر السماء المفتوحة ..جميعهم استشهدواد....تانى عليهم وجعلهم عظماء وان كانوا فى البداية غير مستحقين...هى دى رسالة المسيح معانا...ودى رسالتنا معاة...هو يشكل فينا واحنا نخضع..هو يغير فينا واحنا نتوب.....هو يبدل طباعنا الرديئة واحنا نقولة امين....هو دة عمل ربنا لحد اكتمال الصورة...ولحد مانوصل لاكتمال صورة الطفولة ونوصل ان احنا فعلا يصبح لنا مكان وكرامة في ملكوت السماوات ....ربنا يكمل نقائصنا ويسند كل ضعف فينا بنعمتة ولالهنا المجد اللى الابد الامين....

باسم الاب والابن والروح القدس الاله الواحد امين.. فلتحل علينا نعمته ورحمته وبركته الان وكل اوان والى دهر الدهور كلها امين.. الاحد الاول من شهر ابيب الذى يسبق تذكار الرسولين بطرس وبولس الكنيسه بتقرا علينا في هذا الصباح المبارك فصل من بشاره معلمنا لوقا اصحاح 10 ..تعيين الرسل ..وبعد ذلك عين الرب سبعين اخرين ارسلهم اثنين واثنين امام واجهه الى كل مدينه وموضع حيث كان هو مزمعا ان يمضي إليها.... ارسلهم امام وجهة كأنة بيقول باشرافة ارسلهم امام وجهة كان بيقول ارسلهم وعينوا عليهم وكان يقول لهم الحصاد كثير والفعله قليلون.. وبدا يعطيهم شروط الارساليه. لكن نحب نتكلم شويه عن الفئه التي رفضت الكرازه.. قال لهم اي مدينه دخلتموها و يقبلونكم اليهم ...فكلوا من ما يقدم لكم.. واصنعوا عجائب ومعجزات..واشفوا المرضى الذين فيها.. وقولوا قد اقترب منكم ملكوت الله .. في بعد ترجمه تقول لك مش أقترب قد أقبل عليكم... الملكوت جاء خلاص مش لسه.. ... واي مدينه دخلتموها ولم يقبلوكم هو دة اللى احنا عايزين نركز عليه شويه...ولم يقبلوكم فاخرجوا الى شوارعها وقولوا حتى الغبار ايضا الذي لصق بارجلنا من مدينتكم ننفدهة لكم ..ولكن اعلموا هذا انه قد اقترب منكم ملكوت الله.. ربنا يسوع المسيح عايز يقول اي نفس مش هتقبل الكرازه دي انا مش هسيبها.. هفضل اطاردها وهيفضل صوتي فيها وتبقى المدينه وشوارع المدينه شاهده علي انني كلمتهم باسمي ... فكان يقول لهم اي مدينه لسه لم تعرف اسمي اذهبوا اليها.. واذا لم يقبلوكم.. اذهبوا الى اكبر شوارعها ... لان معظم البلاد في ذلك الوقت كانت لم توجد فيها شوارع كانت عباره عن حارات.. فقال لهم اخرجوا الى شوارعها وقولوا لهم قد اقترب منكم ملكوت الله... قد أقبل عليكم ملكوت الله.. ربنا يسوع المسيح عاوز ينظر كل نفس... وعاوز يعلن نفسه لكل انسان وعاوز يعطى لهم اعلان.. ويعطى لهم تحذير وعاوز يقول لهم انكم لو لم تقبلوا ...هيحل لكم عقاب ... كان يريد ان يقول لهم اعلانى هذا لابد ان يكون علي يد شهود... شهود كثيرين.. واقول لكم انه سيكون في سدوم فى ذلك اليوم .. راحه أكتر من تلك المدينه..معروف احبائي ان اكثر مدينه شرها صعد الى الله كانت سدوم ... سدوم .. كانت مشهوره جدا بالنجاسة .. وانهم كانوا يعيشوا النجاسه كصناعة مش كحياة ... كان الشخص ينشا في سدوم من طفولتة يجد ابواة كدة ... واخواته قرايبه كده .. فبدا الطفل ينشا من صغره على ان هذا الامر عادي ... جيل فجيل في جيل الامر اتسع جداا .. ما بقاش في احساس ان في شيء غلط ... لايوجد احد قال لهم انهم يفعلوا غلط .. سدوم ما وصلهاش كارز .. ما فيش احد راح قال لهم ماتهنوش إجسادكم... كانوا عايشين على المستوى اللي نقول عنه المستوى اللي قبل موسى النبي يقولوا عليه مستوى الناموس الطبيعي.. ماشيين بحكم ضمائرهم.. طب اكيد كان في ناس ضمائرها بتأنب.. ده كان في البدايه. لكن لما بدا الامر يشاع جدا.. وبدات القاعده تبقى كبيره جدا حتى الضمير تعود الخطية ... زي ما معلمنا بولس الرسول يقول يشربون الإثم كالماء...وهذا الشيء احبائي يعرفنا زى ما المجد درجات العذاب درجات... زي ما واحد قاعد قريب الحضره الالهيه... واحد مطرود تماما من الحضره الالهيه.. عشان كده نقدر نقول ان سدوم ضربت تماما بالخطيه والدنس.. وكانهم دخلوا في معاهدة رسميه مع الشيطان .كانهم قبلوا ان يملك عليهم الشيطان ... بكل ما ياتيهم من افكار .. ووقااحة واباحة.... ومع ذلك قال لهم يسوع قولوا لهم انه سيكون لسدوم حاله اكثر احتمالا ... يكون لها راحه اكثر منكم في الحقيقه احبائي .ربنا بيعمل مقارنه بين نفس سمعت صوته ونفس اخذت انذارات عديده.. ونفس لم تسمع صوته و لم تاخذ اي انظار.. اكيد الله في احكامه..فى فرق بين النفس دي والنفس دى... دول ما سمعوش وما فيش كارز راح لهم .. لاجل هذا يقول لهم انتم رفضت عرض مقدس .. انتم رفضتم ناس بتكلمكم. عن الملكوت.. لكنهم سدوم ناس ما حدش كلمها عن الملكوت عشان كده نقدر نقول الانسان احبائى لازم يستفيد بندائات الله.. لان ندائات الله بالنسباله مرسله من قبل محبه الله ورحمه الله لاجل خلاص الانسان .. والانسان الذي يرفض الكرازة بأسم المسيح..يكون دينونتة اكبر .. من اللي ما عرفش اسم المسيح .. عايز يقول لهم انتم الذين رفضتم ندائات الرسل عقابكم اشد واشر من الناس اللي ما سمعتش النداء.... لابد ان كل واحد فينا يراجع نفسه نداءات الله بالنسبه لي استجابتى معاها قد ايه .. في ناس كتير ما تعرفش اللي احنا نعرفوا... ولا سمعت اللي احنا سمعناه ولا عاشت في النعمه اللي احنا عشناها.. ولا عرفوا يعني ايه كتاب مقدس .ولا قرأوا ولا سمعوا عنة... فكرك ده هيبقى زي ده ؟! كان في قصه زمان يقول لك كان في ناس فقراء عندهم بنتين توام.. وفي ذلك الوقت كانت مشهوره حكايه تجاره العبيد.. فكانوا مسافرين في سفر وفي قبيلة بتشتري العبيد ... فعرضوا البنتين التوام للبيع.. اسره اخذت بنت منهم.وجماعة اخذت بنت ثانيه لكن لاحظوا شيء.. فى جماعة دفعوا فى بنت مبلغ كبير جدا.. فحبوا يبيعوا البنت الثانيه بنفس المبلغ.. ما نفعش. فبعوها بثمن ارخص واخذوا الفلوس وذهبوا. بيقولوا ان البنت اللي اتباعت بمبلغ كبير دي بياخدوا البنات عشان يعملوا بيهم تجاره قبيحه.. والبنت الثانيه اخذوها ناس اتقياء جدا.. يحبوا ربنا ويخافوا ربنا اخذوها لكي يربوها للمسيح.. اخذوا البنت وربوها تربيه جميله جدا.. علموها الكنيسه و اسرار الكنيسه.. وعمدوها وجعلوها انسانه. حاجه ثانيه خالص لحد ما صارت راهبه... وكانوا فرحانين بيها جدا والبنت الثانيه كانت ماشيه في تيارات كثيره جدا من الشرور. ممكن يكون وصل بها الحال انها كانت تفعل هذه الاشياء غصبا عنها... الناس اللي ربوها و اشتروها علموها الحاجات دي... واشتغلت في هذا الامر طب تعال لما نشوف دينونة اللة.. هل الاثنين امام الله بنفس المكيال؟! احنا احبائي نشأنا في هذه البيئه ..بيئة اهلنا يعلمون فيها مخافة اللة .. اهلنا بيعلموني طريق الكنيسه.. اهالينا بيقولوا الصح من الغلط.نشأنا في مدينه فيها كنيسه. نشانا فى بيت فى إنجيل ووسط ناس بتعلمنا وبتنزرنا...طب الكلام ده كله يحسب لينا ولا علينا...اقولك يحسب لينا وعلينا .. اذا الانسان محتاج ان هو يتجاوب مع نداءات اللة عشان ماتتحسبش له دينونة... عشان كده يرجع يقول ويل لك يا كورزين ويل لك يا بيت صيدا لانه لو صنعت في صور وصيدا هذة القوات التى صنعت فيكما لتابتا قديما فى المسوح والرماد ... كورزين بلد.. بيت صيدا دي بلد صور وصيدا دى بلاد ثانيه خالص في الشمال.فى سوريا.... لكن صور صيدا كانوا مشهورين جدا بالاثم... مشهورين جدا بالخطايا ...فقال لهم صور وصيدا افضل منكم افضل من كورزين وصيدا... لان صور وصيدا لم يذهب اليهم كارز. كورازين وبيت صيده يسوع المسيح بنفسه كرز فيها وعمل فيهم عجائب..مدينة سمعت عجائب وسمعت تعليم ربنا يسوع المسيح بنفسه.. عايز تجيبها زي مدينة ماسمعتش بالمسيح..؟!اكيد الناس اللي لم تستجب لدعوه الخلاص واستمروا في شرهم هيكون عقابهم علانية في اليوم الاخير.. اشر واشد ... في الحقيقه احبائي الانجيل عاوز يصحينا لحقيقه مهمه.. عاوز يقول لك ان صوت ربنا ليك ده من عنده... ربنا هو اللي جابك مش الظروف.. اوعى تفتكر ان الكلام اللي بتسمعه ده كلام بيقولوا شخص لا ده ربنا هو اللي بيقولوا بترتيب الهي هو بيضع الكلمه.. كتير معلمين الكلمة تجف منهم بسبب انة لا يوجد مستقبلين لها بستان الرهبان واحد من التلاميذ ساله معلمه.. لماذا لم تعد المشهوره في افواه المعلمين كالعصور السابقه.. عصر انطونيوس ومكاريوس فى القرن الرابع في المسيحيه.... قال لهم.. عندما راى الله ان الذين يسمعون لا يريدون ان يفعلون جفت المشورة من افواه المعلمين.. من هنا البطل الحقيقي بتاع القصه هو ربنا . يعني هو ربنا اللي بيضع المشهوره في فم المعلم من اجل نفع اولاده ... اذاهو اللي بيحرق وبيدفع وفي الاخر هو منتظر ايه؟! زي كده ما يكون واحد بيعمل شجره هيكون عاوز منها ايه؟!.. عايز منها ثمر ...طب الشجرة لم تعطى ثمر يعمل اية .؟!..يتأنى عليها يهتم بها ثاني وثانى ..عاوز تحسب الشجره دي زي واحد ما زرعش شجرة اساسا...أقولك لا ... اللي تعب في الشجره من حقه ياخذ منهم.. هو الله جاءك بالانجيل هو علمك وانظرك.. وناداك واختارك لاجل ان ياخذ منك نتيجه.. يريد ان يصنع منك سفير له.. يريد ان ياخذ منك ثمر يفرح.بية كنيسته كلها..عشان يستخدمك عشان غيرك يثمر.. عشان كده يقول لها ويل لك ياكورازين... الانسان احبائي الذى لا ينتبة لكلمات التوجية الويل لة... الانسان احبائي اللى نداءات اللة بالنسبالة. تتكرر كثير وهو لا يستجيب نفسه تتبلد ... تعال شوف كم النعم فى العصر اللى احنا فى... في ااد اية كنائس.... شوف قد ايه اناجيل فى بيوتنا... شوف اد ايه كلمات بتسمع... قد ايه. كتب مكتوبه في المكتبات شوف قد ايه الالاف من العظات لاروع الاباء المنقادين بروح الله.. الآلاف.... و كانت كلمه الرب عزيزه فى تلك الايام يعنى مافيش .. كان في فتره في تاريخ خلاص البشريه.. لو تقرا عنها اسمها فتره الصمت.. 400 سنه قبل مجيء المسيح ..سنة 400 قبل الميلام لحد ما جاء المسيح.. في هذا العصر ..كانت فتره كلها شر ولا يوجد بها نبي... لية ربنا عمل كده؟! . لان الله كان يبعث يبعث بانبياء كثيرة.لغاية ما بقى عندهم رصيد اللى عاوز يعرف يعرف من االذى سابقة.... لان الله اراد ان يريهم كيف يصل خلاص البشريه بدونه.. الشعب الجالس في الظلمه ابصر نورا... بعد ما جميع الانبياء عجزوا وفشلوا. بعد ان عجز الناموسي ان يخلص الانسان اتى المسيح.وعندما جاء المسيح ناس قبلوا وناس لم يقبلوا.. المسيح... ونحن اتى المسيح من اجلنا. ونراة وناكلةو نتلامس معه... وذقنا غفرانة..وذقنا محبة..اية الاستجابة بقى؟! ما هو رد الفعل؟! لاجل هذا قال المسيح ويل لكى يا كورزين.. ويل لك يا بيت صيدا... لانة لو صنعت فى صور وصيدا...هذة القوات المصنوعة فيكما لتابتا قديما فى المسوح والرماد ...كان انسان العهد القديم زمانا عندما يستجيب مع كلمه الله و يريد ان يتوب... كان يفكر في التوبه.. وكان تفكيرة خارجي..كان يقوم بخلع لبسة ويلبس خيش ع اللحم.... لاجل ضبط الجسد الذي اهان الله... وكانة يقول الى الله.ان ياخد حقه بالمسوح... ويجلس في الرماد.. هو عباره عن غبار المذبح.. كان ياخذ الغبار ويدهن جسمة بة..... يكون جسمه كله اسود وهذا الانسان الذي كان يستجيب مع نداء التوبه... قال يسوع ان صور وصيدا لو كانوا سمعوا ماانتم سمعتوا كان لبسوا مسوح... وجلسوا في رمام... احدى الاباء الاساقفه كان ذاهبا للكرازه في افريقيا..فكان يحكى لهم مثل من امثال ربنا يسوع المسيح مثل العذارى الحكيمات والعذارى الجاهلات.. فبدا يقول لهم ان يوجد ناس استعدت وناس لم تستعد... وال مستعدين هيدخلوا واللى مش مستعدين هيخرجوا بره هيقولوا ليسوع افتح لنا. يقول لهم اني لا اعرف ...دة مثل ياما سمعناة ويانا قرأناة.... وهو يحكي لهم المثل فوجأ بان دموعهم تنزل من عيونهم... ناس اول مره تسمع بس استجابت ياما شوفنا ناس لمجرد ان ربنا يسوع المسيح يقولة اتبعنى...فى الحال ترك كل شئ وتبعة... وتركوه شباكهم وتبعوا..كتير بنشوف انسان كلمه ربنا بالنسبه له بتفرح قلبه. وتحضرة الى المسيح... وفي انسان يسمع مهما يسمع... زي صور وسايبه لو كانوا سمعوا الكلام لتابتا قديما فى المسوح والرماد.... لكن عندما جاء المسيح وقدم نفسه ذبيحه اسم نيابه عننا.. ذبيحه المحرقه عوضا عنا.. والمحرقه كانت ياتون بالعجل ويضعونة على المذبح ويحرق بالكامل.. حتى يصبح رمادا كمثال المسيح الذي جاء كذبيحه اسم.. ذبيحه محركه من اجلنا.. فاغانانا عن هذه الاعمال الخارجية . اللي هي المسوح والرماد.. عندما اريد ان اقدم توبه لا البس مسوحا ولا اجلس في رماد... اقول من قلبي ارحمني... انظر الى صليبة واتنهد... واقول يا رب اعطيني ان اكون مستحق.. لالامك فى حياتي.... عشان كده الانسان الذى امن بالمسيح واخذ هذة الفرص... عليه ان يدركها ويتجاوب معها... عشان كده يقول لهم لكن صور وصيدا ستكون لهم راحا. في الدينونه اكثر من ما لكما... الانسان الذي يرفض خدمه المسيح. ويرفض ندائات الخلاص وندائات الحياه الابديه... انسان هيكون له دينونة كبيره جدا.. ربنا يعطي فرصه للتوبه لكن الانسان الذي لم يتجاوب.. ياخذ على نفسه دينونه.. احنا في عصر نعمه.. احنا في عصر احبائي لا يوجد فيه شيء ينقصنا لا من معرفه ولا من وسائط ولا من ارشاد ولا من ثقافة... من جهت العلم متعلمين... من جهه الانجيل فهو موجود.. ومن جهت الاباء فهم موجودين.. والمعلمين موجودين احنا محظوظين ان احنا موجودين في عصر واحد زي البابا شنوده معلم شوف قد ايه عظاته.. قد ايه كتبة... ده رئيس الكنيسه يعني صوت اللة في الكنيسه.. طب شوف كده انت كم مره بتسمع عظة.. لكن ممكن تصل ان انت تسمع بس...بيقولك يسوع انا كتير كلمتك كتير انظرتك. كتير بعتلك صوتى...دة فى غيرك ماسمعش كلمة مايعرفش اى حاجة من اللى انت تعرفها.. لكن بمعرفته البسيطه.. ربح الكثير... من هنا عاوز يقول لك الكلمه اللي تسمعها اختم عليها... خبئت كلامك في قلبي. لكي لا اخطاء الية...خبئ الكلمة واحرصها من جواك.. احتضنها القديس اغسطينوس يقول لك ..ارعى محبا ماقد تاخذة.. عشان كده يقول لهم هنا.. صور وصيدا ستكون لهم راحة في الدينونه اكثر من ما لكم... وانتى يا كفرناحوم اترتفعين الى السماء!!.. انكى ستنحطين الى اسفل الجحيم... كفرناحوم بلد المسيح عاش فيها كثير قوي كان كثيره الذهاب اليها وكثيرا ما صنع بها عجائب. عظائم ..و له اقارب كثيرا. يعيشون في كفر ناحوم.. وكان يوجد تلاميذ من تلاميذة يعيشون في كفر ناحوم.. فكان حظها كبير جدا في المعرفه... لكن هنا يقول لهم انتى يا كفرناحوم. اترتفعين الى السماء؟؟لا... انكى ستنحطين الى اسفل الجحيم.. عشان كده احبائي التاريخ شهد على هذة البلاد انها سبيت.. وتعرضت لحروب..والجثث فيها ملقاة فى الشوارع الناس خايفة تاخد جثث أقاربها تدفنها لتخرج تموت..عشان كدة قال لها ويل لكى. . لانكى كنتى تسمعين الكلام بغرور.. لاجل هذا قالوا ايليا النبي.. ويل لمن يخاصم جابلة.. الذي يسمع منكم فقد سمع مني الذي يرزلكم يرزلنى... واكنه عاوز يقولهم ... تكلموا مع الناس.. وان سمعت اكنهم سمعوا مني انا.. وان رفضوكم.. كانهم رفضوني انا... الذي يسمع منكم يسمع مني.. الرب بيعلى قيمة التعليم فى كنيستة جدا ...وكانة بيقولك الذى يسمع كأنة سمع منى الكنيسة احبائى فى ضمرها طوق ان المنجلية يطلق عليها اسم هى فم المسيح ربنا واقف عليها..االذى يسمع منكم يسمع مني..وكأن الكلام خارج منة هو الذى يقبل كأنة قبل منة هو والذى يرفض اكنة رفضوا هو ..عشان كدة احبائى الانسان محتاج يراجع نفسة فى كل ما يسمع وفى كل ما يقرأ وفى كل نداء وصل الية هل انا امين فى هذآ النداء؟هل انا استجبت لهذا النداء؟هل انا تجاوبت .....عشان كدة الكنيسة تقولك فلنستحق ان نسمع ونعمل أوعى ترفض صوت ربنا...أوعى تفضل فترة طويلة فى اساوت قلب ..اوعى تتعود سماع الكلام لمجرد السماع ...زمان ربنا بعت حزقيال النبى...حتى وصل إلى درجة من الإحباط قالوا ان هفضل اتكلم والناس مش بتسمع انا خلاص مش هروح..قال الرب اذهب انت ستكون لة مثل شعر أشواق..تخيل انت كدة ان كلمة ربنا بالنسبالة تبقى حلوة فى فمة..لابد احبائى ان نسمع ونعمل...كل كلمة ربنا بيبعتهلنا هتكون شاهدة علينا...لابد أن نرضى اللة لاخر نفس فى حياتنا...لاننا نثق فى مراحمك...أنها تقبلنا جميعا ...ربنا يكمل نقائصنا ويسند كل ضعف فينا بنعمتة ولالهنا المجد اللى الابد الامين....