بأسم الاب والابن والروح القدس اله واحد آمين ..فلتحل علينا نعمته ورحمته وبركته الآن وكل أوان وإلى دهر الدهور كلها آمين ..الاحد الرابع من شهر توت... بيتكلم عن إنجيل كلنا عارفينه إنجيل المرأه الخاطئه.. الرجل الفريسي الذى صنع وليمه والمرأه الخاطئه اللي في المدينه المشهوره... عرفت ان يسوع موجود هناك ..فذهبت الى الوليمه. رغم ان هي ما كانش من المدعوين للوليمه.. لكن ذهبت ومعها اغلى حاجه عندها.. قاروره الطيب.. ودخلت وكل نظرات الناس اليها رغم ان الناس كلهم خطايا.. لكن ينظرون لها بأشمئزاز..ومن خجلها ..وضعت وشها في الارض ..وراحت ناحيه ربنا يسوع المسيح وجاءت عند رجليه. وسجدت وظلت واقفه من وراه .. لو تقرا شويه في تقاليد اليهود تلاقوه ..عندما يصنعوا مايده يقعدوا فردين رجليهم لورا... فربنا يسوع قاعد وفارد رجله للوراء..فهي جاءت ومسكت الرجلين دول.. وكل اعمال المراه الخاطئه كانت مع اقدام المسيح.. الطيب على الاقدام.. مسكه الاقدام.. قبلات للاقدام ..دموع على الاقدام ..شعر رأسها يمسح الدموع الي على الاقدام.. كل التعامل مع الاقدام..القديس وحنا ذهبيه الفم.. يقول لك ان لم تستطع ان تصل الى راس المسيح فيمكنك ان تصل الى اقدامه برأسك ..أجمل احساس لما الانسان يسجد بة لربنا يكون احساس واحد بيسجد عند اقدامه ..ايه الكلام اللي قالته المراه الخاطئه.. ولا كلمه ..ما نطقتش بكلمه.. لكن قدمت ايه.. قدمت كثير ..ايه اللي قدمته قدمت. مشاعر ..عاوزه اكلمك شويه النهارده عن المشاعر في علاقتنا بربنا.. قدمت مشاعر ابلغ من اي كلام.. يعني ممكن يكون كلام كثير خالي من المشاعر يبقى اجوف يبقى بائت ..يبقى روتين...شكل ..لكن مشاعر كثير من غير كلام كانت مرصوده ومقبوله من ربنا يسوع المسيح.. ما فيش حاجه صغيره عملتها المراه الخاطئه الا وكان لها تقدير كبير عند ربنا يسوع المسيح.. يمكن يكون عد لها كم نقطه دموع نزلت على رجليه ..ممكن يكون راصد المده اللي بكت فيها.. ممكن يكون كان راصد لمسه ايديها للرجلين كان شكلها ازاي ..ممكن يكون راصد قد ايه وهي بتمسح دموعها بشعرها وكأنها عاوزه تقول له انا دموعي ما تستاهلش تلمس رجليك.. دموعي ما تستاهلش ...اخشى ان دموعي تنجس اقدامك ..فانا عاوزه امسحها.. امسحها بأيه ..ما مسحتهاش بملابسها. .. كانت ممكن تمسك الكم بتاعها وتمسح.. لا ..دى مسحته بشعرها.. ومعروف ان شعر المرأه ده هو تاجها وزينتها وكرامتها وفخرها. لما تمسح الدموع دي بتجها وكرامتها وفخرها وزينتها. ده تساوي قد ايه؟ شوف المشاعر قد ايه مقبوله امام الله شوف الخجل ان هي جاءت من وراه.. شوف كميه الدموع التي انسكبت على اقدامه؟ كنيسه بتعلمنا ازاي نغير من الست دي ووضعهلنا في صلاه نصف الليل ..نقول لربنا اعطيني يا رب ينابيع دموع كثيره كما اعطيتها للمراه الخاطئه زي ما اعطتها اعطيني...اصل لما اعطتها ما اعطتهاش دمعتين كدة ولا حاجه لا. دة ينابيع اعطيني مثلها .. عشان كده اقدر اقول لك الافعال دي كلها مرصوده وكريمه كريمه جدا في عين ربنا يسوع المسيح لانه هو قابل الخطاة .. اذا كان الناس كلها قرفانه من الست دى وكل الناس متضايقه من الست دي وكل الناس يقول لك الرجل الفريسي نفسة ..قال لو كان الراجل ده نبى لعلم ماهذا المرأة...يمكن عشان مش من المنطقه مش عارفها.. هو مش من المنطقه لكن هم بيقولوا ان هو من عند ربنا يعني المفروض يعرف.. المفروض يحس بها.. المفروض ما يتعملش معها المفروض يتركها ...لا ..هو اثمى من كده بكثير وأعلا من كده بكثير... من مثلك يا رب بين الالهه لم يرذل احد لم يرفض احد ياما ناس خطاه ربنا فتح لهم حضنة ويقبل توبتهم ..تقرا في العهد القديم عن ملك اسمه منسى ..يا على الشر اللى عملوا. لما تقرا فى سفر الاخبار والملوك عن منسى ده.. انت نفسك تتغاظ تبقى عاوز انت تنتقم لربنا لما تقرا عنه يقول لك وعمل الشر في عيني الرب لاغاظته ..وصلت بك يا منسى انك عاوز تغيظ ربنا؟! طب يا رب اعمل في ويسوي فى ...برضة كده .فى حد يعمل الشر عند في ربنا ..وعاد وبنى المرتفعات التي كان قد هدمها اباؤه.. عمل مرتفعات فين ..فى بيت الرب .. طب يا رب تعمل في ايه؟ ده ...يقولك لا ده مجرد بس يقول لي سامحني انا سامحه ..وفعلا يطلب توبه ويصلى صلوة..وربنا يرجعة تانى...شفناه مع زناة وخطاه.. المرأه الخاطئة دي يعني اجمل نموذج.. عشان كده الكنيسه بتختار لنا المواقف الرائعه في الكتاب المقدس وتبرزها ..عشان كده بنقول المراه الخطيه دي قدمت مشاعر جميله.. المشاعر دي جايه من عمق الانسان جايه من القلب.. جايه من الداخل جايه من الاعماق عشان كده تلاحظ ربنا لما يجي يوصينا يوصينا على القلب فوق كل تحفظ احفظ قلبك.. يا ابني اعطيني قلبك.. حب الرب الهك من كل قلبك.د ايه القلب ده.. مركز المشاعر ..مركز الاهتمام مركز الحياة...القلب والمشاعر يعبروا عن الدوافع والميول ..تعبر عن أعماق الشخص.. يا سلام كده لما الواحد يسأل مشاعره انا بعبد ربنا بمشاعر ولا بشفايف ...كميه المشاعر اللي جوايا رصيد المشاعر اللي جوايا تجاه ربنا قد ايه.. شوف واحد زي معلمنا داود النبي مشاعره شكلها ايه تصور انت لما واحد يبقى بينام وهو مشتاق يصلي...٨٨٨٨٨٨صدقت عيناي وقت الصحر لاتلوا في جميع اقوالك...يعني انا بصحى بدري انا بقلق من نومي عشان اصلي ..حاجه مهمه قوي . حاجه مستنيها حاجه حبيبها ..احببت ان يسمع الرب صوت تضرعي يعني انا حابب ان انا اسمع ربنا صوت تضرعي . انا حابب.. حابب اني انا اكون في علاقه بيني وبينه واكلمه يسمعني..دى اكثر حاجه انا بحبها .بحبها جدا ..يا سلام بقى على معلمنا داود ومشاعره ..عندما كان يقول لربنا . لك قال قلبي طلبت وجهك يا رب وجهك يا رب انا التمس.. واحده سألت من الرب وإياه التمس ان أسكن في بيت الرب كل ايام حياتي.. شوف قلبه جواه ايه.. شوف قلبه جواه ايه معلمنا داوود ده. عشان كده تلاقيه صادق جدا في كلامه تلاقي كلامه ممزوج بمشاعر عاليه جدا ..المراه الخاطئه النهاردة بتعلمنا ان المشاعر اهم من الكلام...لما يجى واحد يعترف بخطاياه اقول لك صدقني ممكن تقول كلمتين قليلين قوي بس بمشاعر عاليه.. هي ايه الست الخاطئه دي ..قالت ايه.. ما قالتش حاجه.. ما قالتش ولا كلمه بس قال لك.. لانها أحبت كثيرآ ..هي دي النقطه التى اعطت ت التذكيه الكبيره للمرأه الخاطئة.. أحبك كثيرا.. عبادتنا احبائي لا تقاس بكمها ولكنها تقاس بمقدار الحب المعمول به ..لو انسان بيدي وبيساعد لو بيدي في كنيسه لا تقاس بمبالغ لكن تقاس بمقدار الحب اللى جواة اية...شوف الدموع قد ايه..عندما يقول اعوم كل ليلة سريرى بدموعى ابل فراشى..الدموع دى بتيجى منين.. ده من شده الانفعال حينما يعجز اللسان عن التعبير تبدا العيون في سكب الدموع..حينما يعجز اللسان ..خلاص واحد قال كل اللي عنده وبعدين عجز ..شعر ان لسانه ده فقير وعاجز ما بيقدرش فبيعمل ايه ..فيبدا في البكاء ..والبكاء ابلغ من الكلام ..فبيقول له كده صارت لي دموعي خبزا نهارا وليلا لدرجه انه كان يقول لربنا اجمع دموعي فى زق عندك انا عاوزك يا رب لما اطلع السماء الاقى عامل لي وعاء قايس فيه كم الدموع ..قد ايه ..ايه غزاره الدموع دي كبيره قوي .كبيره جدا عشان كده اقدر اقول لك ..المشاعر دي مهمه جدا كل كلمه وكل صلوة وكل عباده خاليه من المشاعر هي شكل او روتين او شيء ما بيتحركش ..عشان كده اقدر اقول لك يمكن ان انت تلمس صدقي عبادتك بمشاعرك ..وممكن تلمس صدق توبتك بمشاعرك... احنا احيانا لو جاء لنا واحد يعترف ممكن ..من طريقه قعدته.. من نبره صوته.. من ملامح وجهه من خجله يظهر عليه اذا كان تائب ولة غير تائب...بيبان في واحد تجيبه يكون غلطان في حق واحد ..وتقولة قول لفولان انا متأسف ممكن يقولها له كده بطريقه يعني ما فيهاش اي لون من الوان الاسف...لكن قال كلمه انا متأسف . واحد ثاني يقول نفس الكلمه بس تفتح القلب.. الراجل الفريسي اللي داعي يسوع ده هو نفسه صانع وليمه كبيره و كلف نفسه كثير لكن للاسف قدم كل ده بدون ما يقدم مشاعر ليسوع بذل مجهود كبير بس في غير موضعه من غير مشاعر من غير صدق .. فاحص القلوب ربنا يسوع حاسس بفرق كبير قوي بين الست دي وبين الراجل الفريسي ده ، وفي الاخر الفريسي هو اللي بيلومه كمان ..لو كان هذا نبيا لعلم من هذه المراه وما حالها....قال له تعالى انت عامل الوليمة دى ليه .عاملها لي انا . هو في الحقيقه مش عاملها للمسيح ..المسيح اصله شخص ابتدا يبقى مشهور في المجتمع ا..لناس بقى عايزه تبقى موجوده معاة وشخص بارز ويعمل معجزات ومنين ما يروح في حته بتبقى الدنيا زحمه فكان بقى شخص مرموك قوي في المجتمع اللي كان عايشة فرجل الفريسي ده حب يستضيف الراجل ده عشان خاطر كرامته هو تزيد..يقول لك كده لم يريد ان يكرم يسوع ولكنه اراد ان يكرم نفسه هو بيسوع . .احيانا نبقى عايزين نعيش مع ربنا مش عشان المسيح ..علشان احنا نتكرم... هو جايب يسوع عشان الناس تقول عليه الراجل ده يعرف الراجل الكبير العظيم ده.. هو لم يريد ان يكرم يسوع... لكن اراد ان يكرم نفسه بيسوع ....فقال له تعال... انا كنت عايزه اقول لك انت ايه اللي عملته معي ..وايه اللي عملته هى معي.. قاعد يقول له انت ساعه ما دخلت انت ما قبلتنيش رغم انه عُرف الضيافة انة يقبلوا....انت ما غسلتش رجلي انت ما دهنتش راسي بالزيت... الحاجات دي المفروض تتعامل مع كل المدعوين ..انتى نسيت... اصل انت مش داعيني عشان انت عاوزني..لا .. انت داعيني عشان حاجه ثانيه... لكن شوف هي بقى.. شوفي هي بقى.. انت ما قبلتنيش هي بقت تقبل اقدامي انت ما دهنتش رأسى بزيت...لا هي مش بزيت...دة بطيب ..انت ماغسلتش رجلي...لكن هى غسلتهم بدموعها ..هي كمان سمحت الدموع دى بشعر رأسها ..معقوله يا رب كده انت واخذ بالك من كل واحد بيعمل ايه ..وما بيعملش ايه.. وايه أسراره من جواه ..اقول لك اه.. تصور كده واحنا قاعدين دلوقتي في الكنيسه ربنا يسوع فاحص القلوب دي كلها ..وعارف قلب كل واحد وعارف اتجاهات كل واحد وعارف كل واحد قاعد دلوقتي ليه ..وعاوز اية ..وجاى لية.. مين جاب حب...ومين جاى بشكل ..ومين جاي روتين ومين جايب واجب ..ومين جاي عاده.. ومين جاي مُراضاه ومين جاي خوف.. ومين جاي مصلحه.. ومين ومين ومين يا ترى يا رب انت عجيب قوي.. طب انت واخذ بالك كويس.. اقولك اه طبعا انا واخذ بالي كويس قوى...واخذ بالي من قاعده كل واحد ووقفت كل واحد.. وشفتيه كل واحد.... وشايف الاعمق من كده شايف قلب كل واحد ..وهكافئ كل واحد على قلبه ..وهشوف مين فيكم اللي حبه كثير واللي حب كثير هو اللي يتغفر له كثير ..في فريسيين في اصدقاء للفريسيين جايين للفريسي مش جايين ليسوع... وغالبا كانت الماديه دي كانت فريسيين فى فريسيين..ويسوع معاة شويه من تلاميذه بيبقى تملى بسطاء فى وسط الناس دول ..كل واحد جاي لهدف.. لكن اكيد ربنا يسوع فاحص القلوب دي ..شايف اعماق كل واحد ..شوف ربنا شايف قلبك ازاي ..ممكن توقف لكن ربنا واخذ باله انت بتقول ايه ..واحد من القديسين كان يقف قدام ربنا ساكت.. ها انا صامت امامك لكن صمتي يحدثك ...انا صامت امامك ..لكن صمتى يحدثك..واقف ساكت بس جوايا كلام كثير ..القديس مار إسحاق.. لما كان يقف يصلى..كان يقول لة...انا لم اقف امامك لأعد لك الفاظا .،ولكن ها انا اطرح نفسي بين يديك... هذه المراه الخاطئة لم تعد الفاظ ..ما قالتش كلام.. لكن جايه بقلبها وبمشاعرها وبصدقها وجايه بدموعها وجايه بقاروره الطيب بتاعتها وطبعا كلنا عارفين .. غلاوه قاروره الطيب فى ذلك الوقت... عشان الكتاب المقدس كان دائما يذكر الذين سكبوا طيب لانة كان غالى الثمن جدا جدا...ونادر جدا ..وكان يعتبر من أكبر مقتنيات النساء.. يعني نقدر نقول ان قاروره الطيب عند السيده في ذلك الوقت كانت الشبكه بتاعتها ...كانت تبقى مخبياها ومخلياها في مكان لحين اللزوم طبعا بتستخدم بالنقطه وبالقطاره لكن دي بتعمل ايه بتسكب ..كل ده وربنا يسوع شايف وشاهد كل واحد فينا بيصلي ازاي ..وقلبه في ايه ..وتملي نقول في صلاه اسمها صلاه الشفتين .يعني حد يقول ابانا الذي وهو لم يدرك فيها ولا كلمه ولم يشعر فيها بأى كلمه ...في صلاه ثانيه اجمل صلاه العقل.. يعني الشفتين نطقت والعقل فهم.. دي اجمل ..في اجمل واجمل.. شفتين وعقل فهم.. وقلب شعر.. دي اجمل صلاه.. صلاه القلب والشفتين العقل والقلب.. اجمل واجمل من الاربعه صلاه الروح.. الشفتين نطقت والعقل أدرج..والقلب شعر والروح رفع هذه الصلاه الى فوق.. إحنا في انهي درجه.. عشان كده ربنا يسوع مدح المرأه دى وعلمنا منهج لما تقف تصلي قدام ربنا صلي بمشاعر الخاطى دة...اقف بمشاعر الخاطئه استلف منها شويه..قولها عاوز اشحت منك دمعتين عاوز اخذ منك مشاعرك اصل انا خاطئه جدا ودنسة جدا...تقولها وانا كمان..طب انت لية ساكت على نفسك ....اقولها مااعرفش...اصل انا مزين نفسي كويس قوي من بره فمش قادر احس الاحساس بتاعك ده... يبدوا انك كنتي مشهوره بالغلط...لكن انا باعمل غلط يمكن اكتر منك بس مش باين.. عشان كدة ما عنديش الاحساس بتاعك ده ..خذ بالك الحياه في الشر وحشه جدا اوعى تستمر افضح نفسك ما تخافش.. ما تخافش من كلام الناس هيقولوا عليك انسان وحش..هو الوحيد اللي يقدر يقول عليك انت كويس ولا وحش.. ادخل الوليمه حتى لو كنت غير مدعو اسكت نفسك تحت رجلين وقدم له قلبك وشوف هو استجابته لقلبك شكلها ايه.. قدم مشاعرك دى.. واحد من القديسين يقول لك .. نحن عشاق ليسوع...عشق. شوف الناس اللي بتكلموا عن العاطفه دول والحب دول لما يكلمك عن السهر اهو احنا كده في يسوع... احنا عشاقة ...عشان كده اقدر اقول لك حاول ان انت تقتني المشاعر دي ...اللي دخل في دائره عشق يسوع ..بتنحل منه حاجات كثير جدا.. لدرجه القديس ابو مقار كان يقول لك ما الحياه مع الله الا مقابله عشق بعشق واحد كان بيعشق العالم والجسد والمتنيات والزينه مقابله عشق بعشق ..فى عشق ثاني دخل جوة الحياة اذاد العشق الاول..حل محلة...طردوا...بقى اية اللى شغلنا.. ؟ محبه المسيح اللي قال لك عليها معلمنا بولس الرسول ان محبه المسيح تحصرنا.. عشان كده اقدر اقول لك اقف قدام ربنا بمشاعر راجل العشار اللي خرج من بره قال ايه.. قال كلمتين اللهم ارحمني انا الخاطيء.. بس يقول لك ايه.. وقف من بعيد لم يشاء ان يرفع رأسه ..مشاعر.. حاسس بضعفة وبخطيته واقف من بعيد..مش مستحق انة يكون قدام ..قداما اعرف هي بتاخذ معي كم ثانيه في الكتابه هل ده عشان النت ولا يستحق ان يرفع راسه ..واقف من بعيد ..يا سلام على العباده اللي فيها المشاعر دي.. الانسان اللي واقف منكسر امام الله ..القديس مار اسحاق يقولك عن التائب... التائب هو مجرم ولكنه يشعر انه غير مرزول ...هو مجرم اه لكن مش مرفوض... فبيقف قدام ربنا باحساس انة مجرم بس غير مرزول.. في احساس بخطيه موجود..بس في رجاء ان انا مش مرفوض من ربنا.. عبر لربنا بمشاعرك ..لما تنطق بكلمات انطقها وانت حاسس بها ..اخر حاجه اقول لك طب واحد بيسال هي المشاعر دى بتتولد ازاي يعني الواحد نفسه يكون عنده مشاعر من ربنا.. كيف احب الله سؤال عجيب شويه وغريب شويه.. هو الواحد لما يجي يحب حد بيحبه ليه.. اذا كنا مش قادرين نفهم عن الله ..تعالى نتكلم عن البشر.. لما اثنين بيحبوا بعض بيحبوا بعض ليه شخصيته صفاته ملامحه اخلاقه ...عمل وعمل وعمل.. معي طب يا سيدي يلا نتكلم نفس الكلام عن ربنا يسوع ده هو قصد ان تكون ملامحه ابرع جمال من بني البشر عشان ما حدش يقول شكله مش شكله.. كويس مش كويس.. اصل مش مقبل عليه عشان شكله.. وضع لك حكاية الملامح دي فوق الوصف ابرع جمالا من بنى البشر.. وخد بالك اللي شاف يسوع نطقوا بهذا الكلمه دي مش كلمه اعتباريه او او مجرد لفظ مبالغ فيه.. لا فعلا ابرع جمالا من بني البشر.. الجمال البارع ده بيفتح القلب ادي اول حاجه ..دي حاجه شكلية...طب صفاته بقى.. الصفات ان الانسان يتمناها في الانسان عشان يحبه.. عطاء و اتضاع و حب وبذل .. وأمانه وصدق واحساس.. يكون هو نفسه بيحبني عشان انا احبه..يقول لنفسة..طب هو بيحبني ولا لا.. عارف ليه انا بطيء في محبتي له.. عشان انا ما ادركش قد ايه هو بيحبني.. كل ما احس بحبه لي كل ما انا ما اسألش السؤال ده يبقى ادي الملامح وادي الصفات وادي الحب.. في اكثر من حب الصليب ..عايز تحب ربنا ..انظر للصليب.. في اكثر من كده نحن نحبة لانه هو احبنا.. أدى الحب..اتأمل في عطاياة .. طب هو في حب يثبت بأكثر من العطايا وباكثر من الغفران وباكثر من بذل الذات الكامل من اجل المحبوب بتاعه.. طيب ايه ده؟! وبيغفرلك للنهايه.. الله ينيح نفسه ابويا بيشوى كامل. كان يحب يحط قدامه ثلاث صور ..يحبهم قوي.. 1\ الصليب لا يعلو عليها حاجه 2\ المراه الخاطئه كان يضع امامة المراه الخاطئه كان لها سحر في حياه ابونا بيشوي كامل لان منظرها وهي بتسكب الطيب ده يذوب القلب .. 3\ المنظر الثالث...ليسوع المسيح المصلوب والمجدلية ساجدة تحت الصليب...الثلاثه دول ..ضع اشياء مثل هذة وانظر فيهم شويه..ليه بنشتكي ان مشاعرنا مش بتتحرك..لاننا مش بنتأمل في صفاته.. مش شاعرين بحبة..ولا بعطاياه.. بصي تلاقي نفسك المحبه بتاعتنا بطيئه.. عاوز تكسر الروتين اللي في حياتك مع ربنا .تأمل هو عمل معك ايه واعطاك ايه ..وتأمل في العطايا اللي بيعطيها لك..واللى لحد النهارده بيعطيها . لك...تلاقى نفسك مأصور بمحبتة....واحد من القديسين اسمه الشيخ الروحاني كان يقول لك من راه ثم احتمل الا يراة؟! مين ده ..من راه ثم احتمل الا يراة...لدرجه انه من كثره انجذابه لربنا يسوع المسيح.. قال له اقسمت بحبك الا احب وجهه آخر الا وجهك.. انت وبس.. ايه ده.. كل ما دخلت جوه الدائره دي ..كل ما اتأصرت به ..بقيت انت من مقتنياة وملكه..بقيت جوه دائره محبه الله..واللى يدخل جوه دائره محبه ربنا يحضنه... وياخذك عليه.. ويحميك يعطية كفاية وشبع.. عشان كده اقدر اقول لك ادخل جوه الدائره دي.. وخليك زي المرأه الخاطئه .و مهما كانت خطاياك ثق فى محبته.. ثق فى قبولوا ...لما تقف وانت بتعبد ربنا ..خطاياك قدامك .مشاعرك موجوده.. ثقتك في قبولوا ليك موجوده .. تلاقي ربنا يعطيك ان انت..تخرج مبرر..ربنا يعلمنا من المرأه الخاطئه كيف نقدم لة انحناء قلوبنا ..كيف نقدم له مشاعرنا نقترب الى اقدامة برؤسنا ..كيف نسكت طيب ودموع . ربنا يكمل ناقصنا ويسند كل ضعف فينا بنعمته ولالهنا المجد الى الابد امين ..

بأسم الأب والابن والروح القدس الإله الواحد آمين..فلتحل علينا نعمته ورحمه وبركته الآن وكل أوان والى دهر الدهور كلها امين... تقرأ علينا احبائي الكنيسه في هذا الصباح المبارك .فصل من بشاره معلمنا يوحنا.. عن قيامه لعازر من الموت. نلاحظ ان في كلمات ممكن نتعجب منها ان ربنا يسوع يقولها او افعال ربنا يسوع يعملها.. بيقول لك ان يسوع اضطرب بالروح، كلمه صعبه يقول لك انه انزعج..يقول لك انه انزعج صرخ.. بكى...كلام صعب ان إحنا نستوعبه فى شخص ربنا يسوع ..يصرخ..يقول لك عن يسوع من النبوات اللي عنة.. انه لا يصيح ..هنا بيقول لك صاح... طب ايه ده ..اشعياء يقول لك هوذا فتاى الذي اخترته، حبيبي الذى سرت بة نفسى..اضع روحي عليه.. لايصيح ولا يسمع احد في الشوارع صوتة...عاش متواضع جدا صوتة هادى جدا... وديع جدا ورقيق جدا ..ليه صاح؟ لو تاخذ بالك هتلاقي يسوع صاح مرتين.. فين وفين؟ صاح عند قيامتة للعازر ..وصاح على الصليب..اذاً فى ارتباط بين قيامة لعازر وبين الخلاص الذي يتم على الصليب...عاوز يقول لك ان اضرب بالروح انزعجك ..بكى صرخ. صاح لان كل ده ربنا يسوع المسيح بيواجه نتانت الجنس البشري من جراء الخطيه..الحكايه مش حكايه موت ادم بس ..لكن الحكايه ان هو دلوقتي بيواجه موت الخطيه الذي دخل للجنس البشري كله الذي دخل لى ولا دخل لك.. الموت اللي دخلني للعالم ..عشان كذة ..يقول لك رفع عينيه وابتدى يصلي ويتكلم مع الاب... انت تسمع لى كل حين لاجل هذا الجمع الواقف ..وصرخ بصوت عظيم ...عشان كده .. صرخه رب المجد يسوع صرخه تزعزع اساسات الجحيم.. صرخه تقيم من الموت من النتن ..صرخه تعطي نصره على حكم الموت الذي دخل للانسان بحسد ابليس ..صرخه محييه لابد ..لابد اننا ندرك صراخ يسوع على لعازر النهارده ....الصراخ اللى فى جبروت..الصراخ.الذى جعل الموت يتراجع امامة..والذى جعل ايام موت لعاز .الاربع ايام...ليس لهم سلطان..الموت.. ولا الحجر ولا القبر .ولا الاكفان لان المسيح صرخ... جميل جدا أحبائي ان نتعامل مع احداث الإنجيل انها تخصنا نحن.. اصعب حاجه ان نحول الإنجيل الى قصص، قصة لعازر..قصة نوح. قصه ادم. قصه ابونا ابراهيم. المرأه الخاطئه المجدليه.. زكا...لاوي... قصص ..حواديت لذيذه وطريفه وجميله وفيها معاني حلوه فقط ..اقولك اوعى الإنجيل بالنسبه لك يبقى حواديت وقصص ...أوعى..لابد من ان تكون حياتي انا قيامت لعازر دى قيامتى انا ..وصرخت ربنا يسوع المسيح على قبر لعازر دي صرخه من أجلي انا .. عشان كده جميل ان انا ما اتعملش مع المسيح الذى اقام لعازر.. لكن المسيح الذي اقامنى أنا...بنفس القوه.. هذة الصرخة من اجلي ... مش مجرد قصه ولا تاريخ لا ..دى قصه كل يوم..قصة.. قصة كل نفس وقصة كل إنسان خاطى..الخطيه سيطرت عليه الى النهايه والى ما بعد النهايه.. المسيح واقف بجبروت خلاص يمينة .واقف بسلطان بيصرخ.. وبيقول هلما خارجا... أجمل طريقه لقراءه الانجيل ان تكتشف خلاصك فيه أجمل طريقه لقراءة الإنجيل ان كل خاطى هو أنا ..وكل قيامه هي لي.. وكل إشباع هو لي.. وكل غفران هو لي .. وكل وعد هو بتاعي ..وكل تحذير هو لي... وكل تشجيع هو لي.. ايضا كل رساله هي لى.... اكتشف خلاصي انا.. من اجلي انا.. جميل ان انا اتعامل مع المسيح الكائن.. وليس الذي كان ...اية الفرق بين الكائن والذي كان؟ الكائن هو موجود دلوقتي... الذي كان هو الماضي.. المسيح كان قبل كده لكن هو دلوقتي ايه.. كائن....اتعامل مع المسيح الكائن.. المسيح بتاعك بتاع دلوقتي الذي انت بتختبره دلوقتي.. اللي انت عاوز تسمع صوته دلوقتي اللي محتاج ان هو يصرخ فيك دلوقتي هو ده المسيح.. هو ده المسيح اللي محتاج صوتة يصل الى أذان قلبك الداخليه ..هو ده المسيح.. عشان كده جميل في معجزه لعازر ان هو نادى عليه بالإسم ...تخيل انت كده لما تحس ان المسيح بينادي عليك بأسمك ...باسمك لما ينادي عليك بأسمك بتشعر ان الامر شخصي .. أجمل حاجه في الانجيل إنك تعتبره ان هو دي رساله ربنا الشخصيه لك. انت.. بتاعتك انت ..كل وعد وكل أمانه وكل حب وكل رجاء ..وكل شفاء وكل غفران وكل انسان اتحل من ضعفة..انا معة....احس ان الانجيل ده غالي علي قوي..مااقدرس استغنى عنة...احس انه في سخاء...و انا نصيبي في كبير.. فده بيبقى ميراث لي.. و ابقى متمسك به قوي ..عشان كده جميل أن انت تسمع اسمك مع العاذر وهو بيقولك هلما خارجا...يلة اخرج كفايه. كفاية الماضى...كفاية الحزن والخطية...كفايه سلطان ..كفايه نتانة الخطية....تبص تلاقي الانسان عايش والموت جواة...اصعب حاجه اصعب حاجه على الانسان انه يعيش بالموت.. اخطر ما في الموت هو عدم الاحساس ..اخطر ما في الموت عدم الاحساس.. اخطر ما في الموت انه بيفقد للإنسان معنى الحياه ..عشان كدا ...قال له لعازر هلما خارجا...قال ..ربنا يسوع المسيح تأتى ساعه حين يسمع فيها الأموات صوت ابن الله والذين يسمعونه يحيون هتيجي ساعه يسمع فيها الأموات صوت ابن الله. الذي يسمعونه يحيون ..من الذين يسمعون دون؟ إحنا ..هنسمع الصوت ونحيا ..تفتكر لية الكنيسه وضعت لنا الفصول دي ..من اجل ان نحيا مش لأجل إقامة لعازر... قام خلاص ..مش لسه هيقوم هو قام.. لكن مين اللي محتاج ان هو يقوم دلوقتي؟ اللي محتاج يقوم دلوقتي هو إحنا ..عشان كده اقدر اقول لك الذين يسمعون يحيون..هو ده.. هو ده قوه المسيح وحب المسيح ..مهما كانت حالته ...أدراك عمل المسيح فينا أحبائي محتاجينه جدا ..تخيل انت كده الإنسان لما يبقى عايش محتضن موت جواه ..بيلبس وبيتحرك وبيروح وبيجي.. ويظن ان هو عايش.. في حين ان هو ميت.. يا ..للموت لما بيسيطر على الانسان يا احبائي.. يفقد طعم الحياه والرجاء تبص تلاقي الإنسان مش حاسس هو عايش لية..ولا حاسس بقيمه لحياتة ولا هدف لحياته.. حياته مسلوبه المعنى مافيش فرح مافيش رجاء مافيش تمتع بالخلاص.. دة يبقى موت..احد القديسين يقول لك ..كن ميتاً بالحياه لا حياً بالموت ...وانت عايش اجتهد ان انت تدرب نفسك على اماته الجسد واماته اهوائك..اميتوا اعضائكم التي هي على الارض..اماتت الجسد.. كٌن ميتا بالحياه لكن لا حيا بالموت.. يعني ايه لا حيا بالموت؟ تبقى عايش بس الموت جواك ..الموت مسيطر جواك... انت عايش لكن من جواك ميت ..في نتانه بس انت بتحاول تخبيها.. في موت انت مش بتحاول تظهر الموت ده.. أخطر ما في الامر.. عشان كده المسيح بيواجه الموت دة ... ادركنا لعمل المسيح أحبائي اد ايه الخطيه شنيعه.. لكن المسيح قادر انه يقيم ويحيى.. ايه الحل؟ الحل يقول لك صوت المسيح ..لعازر هلما خارجا ..خلاص صوت المسيح ده صوت محيي ..فكرك انت النهارده عشان تسمع صوت المسيح المحيى.. تسمعه فين ... تسمعه في الانجيل.. هو ده صوته ..فين الصوت المحي اللي هيحييني ده اجيبه منين... هو ده صوت الإنجيل ...كلمه حيه وفعاله كلمه ربنا محييه تعطيك الحياه.... انت مفتقد للحياه ..اسمع كلمه ربنا.. الصوت الالهى...الصوت الالهي الذى يصرخ الى الان ما فيش قدامه مستحيل.. ما فيش قدامه موت.. الموت بيتلاشى قدام صوتة الالهي...ايه رايك لما تسمع كده..؟ ايه رايك لما تبقى اذانك مستنيره بعمل النعمه ..ايه رايك لما الكلمه تدخل لمسامع قلبك الداخليه ...وتختم عليها بالبركه وتشعر بقوه فعلها انها بتنقلك فعلا..صوت ربنا بتسمعوا فى الانجيل..بتسمعوا فى الكنيسة..الكنيسه تسمعك صوت ربنا المحيى.. هو ده الصوت الالهي.. اللي بيصرخ الى الان..اللي بينادي كل واحد بأسمه عشان كده يقول لك تخترق النفس والجسد والروح.. يعني تدخل اعماقك يعني ايه مفارق النفس والجسد والروح؟ تدخل جوه اعماق الاعماق.. تتخلل عظامك ..عارف يعني ايه عظامك؟ العظام دى بيقولوا عليها من اكثر المناطق اليابسه في الإنسان تخيل انت لما كلمه ربنا تتخلل عظامك.. يبقى عملت ايه في قلبك.. اذا كانت دخلت عظامك ...يبقى عملت ايه في قلبك؟ عملت ايه في مشاعرك... عملت اية فى ذهنك...عملت ايه في سلوكك.. اذا كان دخلت جوه عظمك اذا كانت اخترقت المفاصل بتاعتك يبقى كلمه ربنا عملت ايه.. تحيى...تتخلل أعماق الانسان..جميل احبائى اللى يأخذ الكلمة دي. تدخل اعماقة. تعطيلوا حياة...عشان كدة أقدر أقول لك ...اول ما تسمع صوت ربنا ده تجاوب معاة....اقرأ كثير في الإنجيل ..ولما تقرا.. ما تعتبرش نفسك غريب عن الاحداث.. ماتعتبرش ان الكلام لغيرك الكلام بتاعك انت ..الكنز الموجود ده لتمتعك انت ولقيامتك انت ولشفاءك انت.. خلي الكلمه تبقى كلمه خاصه.. اقرأ كثير في الإنجيل واسمع صوت ربنا الشخصي لك.. اجمل ان تبص تلاقي ربنا بعث لك أيه ..اكثر حاجه تؤثر في الإنسان ايه؟ كلمه ربنا.. عشان كده يقول لك ايه.. خرج الميت.. الكلمه تعمل فينا ايه ..تخرجنا من الظلمه من النتانه.. من سلطان الجحيم ومن سلطان إبليس ..كلمه ربنا تحيى..جربت تقرأ آية وتحس انها حركت مشاعرك؟ حركت ارادتك.. جربت أيه نقلتك من ضلمه الى نور؟ اهو هو ده بقى.. هو ده.. تبص تلاقي الآيه وبختك .. مش بس وبختك وتتركك..لا...توبخك وتمسك ايدك وترفعك.. ..لعازر هلما خارجا.. جميل الإنسان أحبائي انة بروح الصلاه دي.. يحاول انه يأخذ الكلمه دى ... ويعيش بيها كمنهج حياه ...انسان حي.. ايه الفرق بين إنسان ميت وإنسان حي؟ حاجات كثير... الاحساس، الادراك، الرؤيه المشاعر، الحركه ،النمو، كل دي علامات حياه ،تخيل انت لما تيجي تشتكي تقول انا مش حاسس، بربنا انا مش بنمو في حياتي.. مع الله.. ما عنديش هدف ..ما عنديش حركه ناحيه ربنا.. اقول لك دة يبقى ايه؟ هو ده الموت ما فيش نمو وما فيش احساس ما فيش حركه يبقى موت ..امتى تيجي الحياه؟ في احساس حركه في نمو في تقدم هو كده الانسان يبقى عايش... طب يارب إحنا موتى...يبقى محتاجين لأيه ؟ للصوت المحيي.. يلا نسمع الصوت المحيي. وننتقل من الموت الى الحياه.. يلا لما يتقال لي يا فلان هلما خارجا.. اخرج اسيب الظلمه والنتانة...اسمع صوت ربنا كثير،، بتقضي وقت مع الانجيل قد ايه ؟ صوت ربنا بيدخل اعماقك قد ايه؟ صدقني لو كنت امين للانجيل ربنا يعمل جواك زلزال. يكشف لك خطاياك ويوبخك وتقول ايه ده.. ايه الزيف اللي انا عايش في دة!! ايه الكبرياء ده!!ا اية حب العالم دة... ايه الخطايا المسيطره عليا اللى ماكنتش واخد بالي منها.. عشان كده انا نموي واقف.. مضيع وقت قد ايه.. قد ايه مهتم بمظهري وبأكلى وبشربي.. قد ايه الماديات مسيطره عليا...انا عايش الارض.. انا مش عايش السماء... تقرا الإنجيل تلاقي الإنجيل بيرفعك لفوق ..تتجاوب ولة لا...؟! الكلمه لما بتدخل جواك بتختم عليها بالبركه وتقول امين.. يا رب أعني ان انا اعيشها ولة بتروح قافل عليها.. وخلاص.. اقول لك الصوت ده محي.. صوت قادر انه ينقل ... من يومين كُنا بنعيد بأستشهاد القديس العظيم الطفل الصغير ابانوب ،،ابانوب ده ايه. أصل الانجيل بيقول لا تهتموا بشيء الانجيل قال لا تحبوا العالم لا تهتموا بشيء. اول قرأ الآيات دي الطفل الصغير ده.. مشاعره تحركت.. مشاعره تحركت انه يغلب العالم ويدوسه.. ويسيطر.. على حاكم وعلى والي .ويغلب أدوات تعذيب. ايه ده ؟! قوه الكلمه تعطي له جرأة..رغم انة طفل صغير ارادته ضعيفه.. الإنجيل يقوي يسمع كلمه الانجيل تبص تلاقي طبعك اتغير ..الصوت المحيي ده عاوز يعطيك حياه .تعال جرب كلمه ربنا تدخل جواك ..صلاتك تختلف ..عارف اللي يقول لك قلبي بيدق بسرعه ؟! عارف اللي يقول لك وشى بيحمر؟! عارف اللي يقول لك بحس بإحساس اكني في رهشه في جسمي..؟!اقولك دي الحياه.. ده ايه دة ؟! جرب ...جرب توقف مع ربنا وتلاقي لذة في الوقفه مع ربنا ..دي علامه حياه ..جرب توقف مع ربنا تلاقي قلبك بينبض وابتديت تعيش.. وابتدي الكلام يخرج من فمك.. كلام انت حاسس به ..كلام انت مُتفاعل معه .. تلاقي دمعه نزلت من عينك ..انت كده حي.. علامه حياه ..مبروك..انت كدة انتقلت من موت الى حياة..ايه اللي خلاك تعيش ؟ كلمه ربنا .طب ليه ما كنتش حاسس. اصلي زي ما اصليش.. أقرأ زي ما اقرأش العالم مسيطر .النتانه مسيطره ..ليه؟ سلطان.. انت فاكرك يعني ربنا يسوع سهل عليه يقول لك انزعج بالروح؟! سهله عليه يقول لك اضرب؟ سهل عليه يقول لك صاح ؟ وسهل انه يبكي؟! اصل الخطيه لها سلطان.. عدو الخير عاوز يمسك اولاد ربنا كلهم ويلقيهم في جهنم.. في حكم الموت الأبدي ..لكن مبارك الهنا ..الذى جاء ووقف على قبورنا ..مهما كانت مظلمه ومهما كان فيها نتانه ومهما كان الموت مسيطر عليها ..صوتة المحيي يخرجنا..لك الاة يٌنجى وليس الاة ينجيى هكذا.. ده مبارك الهنا احبائي الذي افتقدنا في موتنا ..مبارك الهنا القدوس العجيب..الممجد..انه يفتقد الإنسان رغم كل ضعفاته.. عشان كده تقول لي انا خاطى..اقولك انت في عيني الرب جميل.. مش انت بتجاهد ..مش بتقف قدامي مش بترفع قلبك .مش رافض لخطاياك؟ اقول لك بس انت كده حي ..عاوز تتأكد ان انت عايش مع ربنا ولة لا ؟! ما تكونش للخطيه جواك لا سعى ولا لذه ولا رغبه في العوده اليها ..انت كده بتتوب ....لكن في الخطيه يبقى فى سعى ولذة ومحاوله لسعي والرجوع اليها..يبقى الخطيه لسة مسيطره ..ايه الحل ..الحل في الصوت الالهي ..الصوت الالهي.. عشان كده يقول لك من علامات عدم التوبه وجود لذة واشتياق للخطية..من علامات التوبه عدم وجود لذه ولا اشتياق للخطية...حتى وان كنت بضعف..حتى لو كنت بسقط... كرامتنا قدام ربنا احبائي احنا بنقسها بالنتائج.. وربنا بيقيسها بالجهاد فأحنا وجهه نظرنا مختلفة عن وجهه نظر ربنا ..هو بينظر الى جهادنا واحنا عاوزين نبص للنتيجه.. اقول لك يا حبيبي ما يهمكش النتيجه بس انت جاهد ولما تجاهد النتائج بتاعتك هتبقى كويسه.. ربنا مش هيعطينا على قد النتائج اللي بنحققها قد ما هيدينا على قد الجهاد اللي بنجهده.. احد القديسين يقول لك ان عظمه الصلاه لا تقاس بمقدار التعزيات التي فيها لكن تقاس بمقدار الجهاد الذي فيها ..بتجاهد.. جاهد.. عشان كده اقدر اقول لك ادخل الكنيسه تلاقي مشاعرك تغيرت وقلبك تغير.. عارف لما يقول لك ..ان شاول حل عليه روح ربنا واعطاه الرب قلبا جديدا ..من ساعه ما دور ظهره قلبه تغير.. تدخل الكنيسه تلاقي قلبك تغير تحس ان انت في السماء تحس انك هديت...وتحس ان الخلاص قريب منك جدا تحس انه خطاياك لها حل.. وتحس ان المسيح قدسك بالفعل.. عشان كده تبص تلاقي دي علامات حياه ..تبص تلاقي انك غالب للموت.. احيا لا انا بل المسيح يحيا فيا...ابتدت قوه حياه المسيح تبقى فيك..خذ حياه المسيح دة هو المعطي الحياه ..انت فيك حياه المسيح ..وحياه المسيح دي لا تنتهي ما فيش حاجه لها سلطان ابدا. تنزعها تخيل انت لما واحد يكون عنده شمعه عاوز يطفيها بينفخ فيها تنطفئ..طب عنده 10 شمعات ينفخ نفخه اجمد شويه هتنطفى..طب لو واحد عايز يطفئ الشمس... يطفي في الشمس يعمل ايه يتعب ..ولا يجرلها حاجة .. المسيح ده الحياه النور الحقيقي ..ما فيش حاجه تقدر تسيطر عليه ابدا ما فيش حاجه تقدر تطفئة...عشان كده اقدر اقول لك ..اجعل قلبك قريب للكلمه المحيية دى ... هتغلبت الموت.. وابتديت تذوق الحياه ..قال لك انا حي وانتم ستحيون.. على شان كده يقولك كل شيء به كان.. وبغيره لم يكن شيئا... ابني هذا كان ميتاً فعاش.. فرصه ..فرصه لينا احبائي ان احنا نعيش بالمسيح نعمه ربنا متفاضله على الإنسان جدا وعطاءة سخي.. وصوته لازال موجود والكنيسه بتتكلم بكلامه ..عشان كده تلاقي نفسي تتذوق مشاعر لعازر عمل ايه عندما قام.. هو نفسه صار أعظم ايه ..هو ااصبح يخبر بالمسيح ..هو كان يعطي رجاء لكل إنسان الموت سيطر عليه ..طب اخواته واللي حواليه يعملوا ايه ؟ يعملوا وليمه.. ويسجدوا له ويسكبوا عليه طيب.. هي دي حياه الإنسان الذي اختبر صلاح الله في حياته.. الإنسان الذي اختبر ان هو نفسه بيقوم من ذل الخطيه....اصبح اعظم شاهد للمسيح ..تلاقي حياته تحولت الى وليمه..كل صلوة فيها سكب طيب..وكل صلوة فيها سجود واعتراف بحبة وحمده لانه نقلني من الموت الى الحياه ..ربنا قادر احبائي ان يعطينا نعمه قيامة وان يجعل صوته يخترق اعمقنا ..فنقوم بقوه صوتة المحيي ...ربنا يكمل ناقصنا ويسند كل ضعف فينا بنعمته ولالهنا المجد الى الأبد آمين ...

بأسم الاب والابن والروح القدس اله واحد آمين ..فلتحل علينا نعمته ورحمته وبركته الآن وكل أوان والى دهر الدهور كلها امين.. الحد الثاني من شهر بوؤنه تقرأ علينا الكنيسه فصل من بشاره معلمنا لوقا.. اصحاح 5 عدد 17 فيما احد الايام كان يعلم وكان الفريسيون ومعلموا الناموس جالسين وهم قد أتوا من كل الجليل واليهودية واورشليم..وكانت قوة الرب لشفاءهم..واذا برجال قد احضروا اليه رجلا مفلوجا على سريرا ،وكانوا يحاولون ان يدخلوه ويضعوه امامهه.. ولما لم يجدوا كيف يقدمونه اليه لسبب الجمع صعدوا به الى السطح ودلوه من السرير من على السقف فى الوسط قدام يسوع ..فلما رأى ايمانهم.. قال للمفلوج. ايها الانسان مغفورا لك خطاياك.. يسوع بيعلم وجاء اليه كتبة وفريسين كثير يسمعوا.. وشافوا آيات ومعجزات منه ..ويقول كده . وكانت قوه الرب لشفائهم ..ولقينا اربع رجال جايين، وحاملين رجل مفلوج .العجيب احبائي ان الكتاب المقدس و معلمنا لوقا يقصد يقول واذا بأربع رجال ويقف ،،ما يقولش الرجال دول مين ولا من انه حتى بلد، ولا انتماءاتهم ايه، ولا هما فريسيين ولا هما يهود ولا هما امم ولا هما ايه بالضبط. ولا هما من الجليل ولا من اورشليم ..هما منين ،،ماسمحش الكتاب المقدس يقول عنهم اي وصف..يقول واذ بأربع رجال، قادمين معهم مفلوج على سرير، طبعا احنا بنأخذ بالنا كثير ان معلمنا لوقا البشير ..تملي بيجذبة قوي .معجزات الشفاء لانه كان طبيب، فالطبيب يأخذ باله جدا من الحكايه بتاعه شفاء المرضى ،،الاربع رجال دول أحبائي هم دول اللي احنا عاوزين نتكلم عنهم شويه النهارده ،كثير ممكن نتكلم عن مفلوج، كثير ممكن نتكلم عن يسوع وعملوا ،النهارده عاوزين نتكلم شويه صغيرين ،عن الاربع رجال دول ،،إنسان يشعر بقوه الله ويشعر بعمل المسيح وراى معجزاتة. ورأى آيات ،ورأى الاشفية ...وفي نفس الوقت يعرف إنسانا مفلوجا، ويعمل ايه ،،يجيبه له ،احنا دلوقتي احبائي ..فى فتره صوم الآباء الرسل.. ايه اللي حصل مع الاباء الرسل.. عارفين قوه المسيح.. وعارفين قدرته وعارفين خلاصه ..وعارفين عمله.. وعارفين يمينة . واختبروا تعليمه وحياته وسرته وعايشوا معة وشافوه ..ما يهونش عليهم يشوفوا واحد ما يعرفوش ،،ما يهونش عليهم يشوفوا انسان مريض الا ويرشدوا اليه. ما يهونش عليهم يلاقوا انسان مغروس في خطاياه الا ويخبروه عن المخلص.. ما يهونش عليهم يلاقوا انسان بيعُبد اصنام وفي الاله الحقيقي امامهم..يعرفوه.. يعملوا ايه؟ يجيبوه.. هو ده دور الاربع رجال الكنيسه النهارده عاوزه تبرز ادوارهم.. يقول لك اصل دول معرفتهم بالمسيح مش معرفه نظريه.. لا دي معرفه عمليه لانهم عارفين وبيؤمنوا بقدرته وقوته،، فيعملوا ايه،، يجيبولوا له كل انسان ،في مشكله احبائي في ان الانسان يعرف المسيح لفظا، يعرف المسيح بالعقل لكن لم يؤمن به، ولا مصدقه ولا حتى عنده مشاعر ينتمي بها الى المسيح ،ولا لما يشوف واحد ما يعرفش المسيح يصعب عليه لان هو نفسه معرفته به مهزوزه او ضعيفه .الذى يعرف المسيح صح ما يحبش يشوف انسان ما يعرفش المسيح ، معلمنا بولس الرسول بيقول.. ان نحضر كل انسان كاملا في المسيح يسوع،، معلمنا بولس الرسول كان يدخل مدينه قلبه يلتهب على المدينه كلها، ازاي المدينه دي كلها تبقى ما تعرفش المسيح، ازاي يجيب المدينه دي كلها اليه...ايه الغيره دي.. هاقول لك الاربع رجال دول ،كان عندهم الغيره دي ازاي زميلنا ده يبقى مفلوج والمسيح موجود، هو ده القادر الشافي، ده احنا رأينا آيات ومعجزات تجرى على يديه.. يلا تعال .تعال معنا هتاخذنا فين؟ هناخذك لينبوع الشفاء، هناخذك لمعطى الحياه هناخذك عند الذي له قدره يقول كلمه. فتشفى، هو ده الإنسان الذي تلامس مع المسيح..نخش على انفوسنا أحبائي جدا ان تكون معرفتنا بالمسيح معرفه نظريه او لفظية..بمعنى نقعد نقول بالحقيقه نؤمن بألة واحد ..وفي الحقيقه قلبنا مش مصدق الكلام ده ،نقعد في القداس نقول امين امين بموتك يارب نبشر. وكلام وبس..ونسجد للجسد المقدس وإحنا بنسجد فعلا بس برضه الفاظ.. لازم احبائي تكون الالفاظ دي مسنوده بقوه إيمان ،،عشان كده الكنيسه تقصد ان كل شويه تخلينا نقول نؤمن ونعترف ونصدق، نؤمن في ايمان ايمان من جوا القلب الايمان ده بيعمل ايه ..؟ يجعل قدره المسيح في حياتنا عاليه جدا، تصور انت كده لما واحد يكون معرفته بالمسيح مجرد الشفايف بس،، معرفه مهزوزه في اول اختبار تسقط ،كانوا يحكوا قصه. يقول لك ان مره رجل ملحد قعد مره مع رجل مؤمن فكل واحد فيهم عمال يقنع الثاني بفكرته، بس للاسف هم الاثنين اللي يعرف المسيح ده كان يعرف المسيح بالالفاظ ما عندوش اختبار مع المسيح، ما عندوش عمق في حياته.. يعرف المسيح بالالفاظ بس.. والملحد وارث الالحاد من ابائه ..فالملحد عمال يثبت للإنسان الثاني.. انه ما فيش حاجه اسمها ربنا..ودى الادله، 1/ 2/ 3/ 4/ 10/... والكاتب الفُلاني بيقول، والكاتب الفُلاني بيقول.. والحكايه الفُلانيه والقصه الفولانيه ..والثاني مش ساكن يقعد يكلموا برضه عن الإيمان وعن المسيح ،وعن قدرته ،وعن وعن وعن، بس برضه للاسف كلها مجرد الفاظ، ،دون إيمان ،،العجيب انه يقول لك كل واحد فيهم روح،، الملحد جاب كل الكتب اللي عنده وحرقها ..وقبل الإيمان ..وقال انا لابد ان اكون مؤمنا...نتعجب أحبائي..عندما نرا ان الرجل المؤمن ايضا قطع وحرق كل كتب اللي عنده عن الايمان.. وقال انا من النهارده هكون ملحد ..ايه الحكايه؟ ولا دة عنده ايمان بما يعتقد ولا ده عنده ايمان بما يعتقد،، الحكايه كلها حكايه ايه ،،كلام في كلام في كلام،، ينطق بما لا يشعر به نخشى على أنفسنا جدا يا احبائي ان يكون درجه ايماننا بالمسيح هي درجه لفظيه،، او درجه شكليه،، الاربع رجاله دول إيمانهم عميق ...يقول لك كده كلمه... يضعوا امامه، كل الحكايه اللي شغلاهم ازاي يجيبوا الراجل ده بسريره بحالة ده، يضعوا امامه ..وهو يتصرف،، احنا احبائي لو عايزين نخدم..نخدم ازاي؟ نجيب النفوس ونضعها امامه..عشان كده يقول لك ان يسوع لما راى إيمانهم ..ايمانهم.. ايمان الاربع رجال.. هو الذى حرك المسيح لفعل المعجزه ..ايمانهم ..ايمان الاباء الرسل بقوته وبقدرته وبتحديهم للموت وللملوك وللاباطره وللحكام ،،عندما راى إيمانهم ..وجدنا بيعمل على أيديهم معجزات وعجائب ولقينا الإيمان بينتشر اكثر من كانه حريق في غابة، ،انتشار سريع جدا، تقرأ فى سفر الاعمال كده، يوم حلول الروح القدس..يوم بدايه الكنيسه،،يقولك كانوا 120 نفس. بعد منها بشويه معلمنا بطرس قال فى العظة بتاعته ..يدخلوا 3000 بقوا 3120 ،،بعد منها بشويه تقرب سفر الأعمال ،،يقول لك اصبحوا، 5000 ..بعد كده ..لم يقدر ان يَعد ،خلاص العداد توقف، من سرعه دخول المؤمنين، كان يقول لك ايه؟ وكان الرب يضم الى الكنيسه كل يوم الذين يخلصون،،اصبحوا بلا عدد ...دة جاء منين ؟ عندهم ايمان يحضروا كل إنسان يضعوا أمامة ..كان يقولوا كلمه الحق النابعة من ايمان داخلى. بداخلهم.. كانوا يكرزوا بما رأوا .وبما شهدوا..الاربع رجال دول مش ممكن يكونوا أتوا بالمفلوج. تحت بند التجربه.. لا.. مش جايبين المفلوج وهم بيقولوا يا ترى هيعمل او ما يعملش،، يا ترى هيقدر او ما يقدرش،، لا،، اتوا بة واثقين ان هو قادر ..واحنا فى فتره صوم الاباء الرسل احبائي..لازم يكون عندنا شعور . ان دة صوم....للكرازه بأسم المسيح ..لنشر الايمان لنشر إسم المسيح، لنشر معرفه المسيح، ان كل انسان يشوفه ما يعرفش لازم يشوف فينا رائحه المسيح.. لازم يكون فينا شكل المسيح،، لازم يكون فينا اعمال المسيح،، لازم يكون في الثقه في اعماله ..وفي قدرته. بيقول لك كده جابوه ووضعوا أمامه ..لقوا الدنيا زحمه ..لم يأخذوا المفوج وروحوا بة..ماقولش معلش اصل الدنيا زحمه مش قادرين نقف.. ابدا قعدوا.. يستنوا يستنوا يستنوا ..والدنيا برضة لسه زحمه.. يسوع لما كان يتجمع في مكان كان جذاب.. القوه والحق والّايات والنعمه التي كان يتكلم بها.. كانت عامله شبه المغناطيس، فيقول لك كان لما يتجمع في مكان،، يقول لك وكان الجمع زحام.. يقول لك.. حتى كاد الناس ان يدوسون بعضهم البعض.. زحام ..زحام لية...النعمه اللي بتخرج من شفتة... لما لقوا الدنيا زحمه عملوا ايه ،،راحوا طلعوا من فوق السطح ودلوه..على سريرة..مشهد عجيب... وعندما نظر الجمع بأن سرير ينزل من فوق السطح. كل الناس وسعت وكل الكلام سكت ..ولقينا رب المجد يسوع يقول لك كده لما رأى إيمانهم .قال للمفلوج ..ايها الإنسان مغفور لك خطاياك.. وكانه عاوز يُشير الينا ان المرض الروحي هو اصعب من المرض الجسدي.. تغفر خطاياك .اهم جدا من انك تمشي على رجليك.. كون ان انت تكون انسان متمتع بالخلاص وانت على سرير.. مش مشكله، لكن مشكله كبيره لو انت إنسان بعيد عن المسيح وانت على رجليك. لا قيمه لرجليك.. طول ما انت بعيد عن المسيح ..المفروض رجليك يودوك للمسيح..مش يصرفوك عنة...ده ايمان الاربع رجال....الكنيسه عايزه اولادها كلهم كارزين.. القديس يوحنا ذهبي الفم . يقول لك ..لا أعرف مسيحي لا يكون خادما.. لا اعرف مسيحي لا يكون شاهدا ..لا اعرف مسيحي لا يكون كارزا.. لا أعرف مسيحي لا يكون خادما...مافيش مسيحى الا وكان ..كارز وخادم وشاهد ..ما فيش مسيحي أبدا ..قال لك كده يوقدونه سراجاً ويضعونة تحت المكيال.. مش ممكن انت تبقى منور والنور اللي فيك ده يبقى ظلمه ولم يؤثر مش ممكن يبقى عندك شمعه وانت وضعها تحت كرسي.. ولا تحت سرير.. الشمعه توضع فوق... انت مسيحي.. تبقى منور لدرجه القديس يوحنا ذهبي الفم.. يقول لك لو قلت لي ان الشمس لم تعطي ضوء ولا حراره.. ممكن اصدقك...لكن لو قلت لي انسان مسيحي ما ينورش وحار بالروح والنور والحراره اللي بالروح دي.. تجعله يكون خادم لو قلت لي انه في مسيحي ما فيهوش الحاجات دي.. لم اصدقك. ابدا... رغم ان انت لو قلت لي الشمس ما تنورش ممكن اصدقك..لكن مسيحى ما ينورش ماصدقش ..عاوز يقول لك النور اللي فيك اصدقه على نور الشمس. الحراره اللي فيك اصدقها عن حراره الشمس.. ممكن اصدق ان الشمس ما تنورش. ظاهره طبيعيه. ممكن .عندما صلب يسوع .. كان ظلمه على الأرض .لكن مسيحي ما ينورش لا...لية .. كلمه مسيحي يعني متحد بالمسيح.. المسيح ونور العالم انت منور ولة لا.. اللي بيشوفك بيفرح بالمسيح.. شغلك ان الناس تعرف المسيح وتشهد للمسيح . اصعب حاجه احبائي ان الانسان ما يحسش برسالته.. ويعيش مأصور لاحتياجاتة...ويظل شايل هم أكله وشربه.. عايش في دائره ضيقه..مش مشغول برسالة اوسع ..فيصير فى ضيق مهموم مخنوق ليه ..منحني تحت اثقال كثيره ..عشان كده ربنا يسوع المسيح عندما ارسل تلاميذه. وقال لهم ان لا تحملوا لكم كيسا ولا مزودا ولا عصا..لية... ما تشغلش نفسك بالحاجات دي اصلي لما تكون انت مشغول بحاجات اعلى بكثير.. الحاجات الثانيه ..هتُقل طبيعي تلقائي.. هتبصي تلاقي نفسك انت مشدود بالامور السامية دي.. هتلاقي في حاجات ثانيه كتير هتعتبرها صغائر... ناس بتتكلم عليك ناس مش مستجيبه .ناس بتقاوم الإيمان ..ناس بتقاوم حركة الروح.. ولا تبالي بها ابدا.. ليه لان انت مشغول برساله أعلى ...اسم المسيح جواك ونور المسيح جواك ..هو يفرحك ..الفرح والقوه دي تجعلك تبص لباقي الامور ان هي حاجات تافهه وهايفه.. مسكين الإنسان الذى يتبعها...لما تلاقي الناس مهمومه بمجرد اكل العيش بتاعهم قول يا رب اعطيهم القوت والكسوه ..لكن ازاي الانسان يكون عايش لرساله اهم من كده ..ازاي الإنسان يكون مشغول بعمل سامي راقي هادف ...دة جاى منين ...الانسان اساسا فكره في السماء.. ربنا يسوع كان بيقصد انه يعلم تلاميذه وقد ايه هو مشغول بالسماء ..علمهم قد ايه هو بيصلي.. لما يجي يعمل المعجزه بتاعه إشباع الجموع يرفع يده لفوق.. لما ييجي يكسر لهم الخبز ف خميس العهد.. وهو بيقدم لهم جسدة ودمه يرفع يده لفوق ..عاوز يعلمنا ازاي نرفع اعيوننا لفوق ..ازاي ما نكونش ناطرين لتحت... لما الانسان احبائي يكون مشغول بالسماء ،يبقى نفسه انه كل الناس تأتى إلى السماء ..الانسان الذى يشبع بالمسيح... نفسه كل الناس تعرف المسيح.. الاربع رجال دول ،،جايبين.. الرجل المفلوج ده ..وشايلينه على اكتافهم.. يا ما احبائى نفوس تحتاج مننا ان إحنا نشيلها على اكتفنا ، ياما نفوس احبائي تحتاج ثقتنا ان إحنا نقول عاوزين نضعها امامه...تقول يا ابونا بس صعب..اعمل ايه بس عشان اجيب واحد، عنيد ولا واحد رافض.. اقول لك ابسط حاجه تعملها ان انت تصلي له.. صلى من اجل الباعدين ..صلى من اجل كل انسان لم يتمتع بمعرفه المخلص ..طول ما انت اتمتعت به.. تلاقي نفسك عايز تجيب له كل الناس معنى انه انت مش مشغول انت تجيب لة احد ،معنى ان انت لم تتذوقة، لو انت لم تتذوقة..صعبه نقول لك هات غيرك.. لانك لم تتذوق الفرح بالمخلص...وعملوا الالهى في داخلك، ازاي انت تقنع غيرك انه يأتى ،،هتلاقي نفسك مش قادر مش قادر، لان انت نفسك مش فرحان ،يقول لك فاقد الشيء لا يعطيه..انشغل بالمخلص، حب المسيح ،اجعل قدرتك في ايمانة وفي معرفته عاليه جدا،، مسؤوليه احبائي،، مسؤوليه ان انت يبقى بيت ربنا ده شغلك وتقعد كده تفكر في احبائك اللي مش بيجي واللي مش متمتع بربنا واللي ما يعرفوش ، القديس غريغوريوس .. الكبير ،له كتابات في الرعايه هائله جدا ، يقول تشبيه جميل جدا بيفكرنا بالقصه بتاعه ابونا نوح،، عندما سكر وتعرى، سكرا وتعرى،، دخل عليه ابنه. شاف ابو سكران وعريان، كان المفروض يستر ابوه، ويغطيه ، فهو لم يسترة. بل بالعكس يمكن سخر من ابوه..وخرج ،بعد ذلك دخلوا اخواتهم ولما شافوا ابوهم كده، بظهرهم وبمنتهى الوقار، ستروا ابوهم وغطوه، لما عرف القصه دي نوح، وعارف ان ابنه كنعان.. شايفه عريان، ولم يسترة، عمل ايه، لعنة...وقال كنعان ملعون..القديس غريغوريوس ،يأخذ القصه دي ويطبقها علينا اقول لك الكنيسه دي ،كنيسه دي، هي جسم المسيح، وثوب المسيح هو المؤمنين، يعني واحنا قاعدين دلوقتي مليين الكنيسه كدة... انتم ثوب المسيح،اللى ساتر المسيح، طب الحته اللي فاضيه لو دلوقتي في كرسي في مكان فاضي، دى حته عريانه فى جسم المسيح ،،الحته العريانه دي علينا ان احنا نعمل فيها ايه نسترها ،طب لو ما سترنهاش، عملنا زي مين. زي كنعان اللي اتلعن..يرجع القديس غريغوريوس..يقول لك ..دة في مشكله اكبر من ان انت مجرد ان انت ما تسترهاش ..ايه هي.. ان انت تكون السبب في الحته العريانه دي،، يعني ايه؟ انت نفسك ما جيتش.. لما انت ما جيتش في حته اصبحت فاضيه، بتاعتك..دة جزء عريان...اصبحت انت السبب،، لكن المفروض ان انت تشوف حته فاضيه تفكر في اخواتك واحبائك اللي بتشوفهم في الكنيسه.و تسأل عليهم.. وتجيبهم عشان ما تسيبش جسم الكنيسه في حته فاضيه،، مين اللي يدخل الكنيسه وبداخلة الغيره دي؟ مين اللي بيبقى عنده احساس المسؤوليه دي انه يأتى بأخوته ؟ عشان كده يقول لك معلمنا بولس الرسول ملاحظين بعضكم البعض..يعني انت يبقى عينك على اخوك ،،يا ترى فولان مجاش ليه ..يكون تعبان؟ يكون عامل عمليه؟ يكون بعد ؟! يكون عنده تجربه ؟ يكون عنده ظرف ؟ يكون عنده مشكله؟ اسأل عليه ..ولما اسأل عليه، بأسم الكنيسه، يبقى عندي غيره، ان انا اسأل على ده واسأل على ده.. الكلام ده مش محتاج تكليف.. روح الخدمه اللي جوه الانسان المسيحي احبائي ،مش روح منتظره ان احد يطلب منها حاجه ابدا..دى روح كارزة..عشان كده لما تجيب انسان للمسيح تبقى انت فرحان ...يبقى جسم المسيح بيكتمل بك.. ويفرح بك لان دة عضو في جسمه .عضو حي وعامل ..تخيل انت كده مشاعر الاربع رجال دول اللي جابوا المفلوج .وهم خارجين اخر اليوم وهم ماشيين مع الراجل ده.. يالا الفرحة..يلة هات نفس للمسيح..ماتعرفش واحد بعيد..؟! طب بتعمل ايه مع البُعاد ؟! بتتفرج عليهم. بتتفرج عليهم لية؟ مستني ايه ..ده احيانا انت تعرف حاجات ما تعرفهاش الكنيسه ليك جيران..احيانا إحنا ممكن ما نعرفش نوصل لهم.. لك احباء وأقارب ؟ ممكن الكنيسه تجهلهم تماما ..انت عيني الكنيسه انت سفير الكنيسه. انت صوت الكنيسه. انت كارز. نحن صايمين صوم الآباء الرسل احبائي..لكى نتعلم منة الكرازه ،ازاي الآباء الرسل في خلال تقريبا من 25 سنه ل 30 سنه، كانوا نشروا الإيمان في العالم كله، الى اقصى المسكونه بلغت اقوالهم..فى العالم كله، بقى يعرف المسيح، من خلال مجموعه صغيره وقليله وامكانياتها ضعيفه، قال لك اختار اللة جهال العالم ليخزي الحكماء اختار الله ضعفاء العالم ليخزي الأقوياء..اختارا الله المزدرى وغير الموجود ليبطل الموجود .. انت بتشتكي ان انت ضعيف، ربنا هيستخدمك. تخيل وانت خارج ومعاك الراجل ده، هتبقى فرحان قد ايه،، هات إنسان للمسيح وشوف لما نعبد ربنا كلنا مع بعض بفكر واحد. تخيل انت كده المزمور بتاع النهارده يقول لك ايه.. اُسبح الرب الذي احسن إليا.. كأنه بيتكلم بلسان مين ده؟ بلسان المفلوج ..بيتكلم بلسان الانسان اللي كان بعيد وقرب..اسبح الرب الذي احسن إليا .وارتل باسم الرب العالي.. اما أنا فعلى رحمتك توكلت..يبتهج قلبي بخلاصك ..ايه رايك انت كذا.. لما تبقى دى ترنيمتنا كلنا.. ربنا ده احسن الينا...لانة اختارنى ان انا اكون من ضمن اولاد ورعيته .انا بشكرك يا رب ان انت جعلت اسمك عليا..بس في مسؤوليه وأمانه عليا ان انا اجيب لك ناس..انا اُرتل لاسم الرب العالي..واما انا فعلى رحمتك توكلت.. انا يا ربي من غير رحمتك ما اسواش حاجه.. رحمتك اللي ستره عليا..قوتك اللي بتشتغل بينا وفيا،، المسيح يا احبائي خادم ،اخدم بصلاتك، صلي من اجل البعيدين، صلي من أجل كل إنسان انت عجزت أن انت تاتي به،، اوعى تنسى دموع القديسه مونيكا، ، اوعى تنسى صلاة ربنا يسوع باليالى..اوعى تنسى ابدا صلوات الآباء الرسل لما واحد زي معلمنا بولس الرسول يقول لك..ثلاث سنين ليل نهار لم افتر عن ان انذر بدموع كل واحد ..بدموع ..ثلاث سنين ينذر كل واحد بدموع..ده انسان غيور قلبه بيأكله ..كان يقول لك كده من يضعف وأنا لا اضعف.. من يعثر وانا لا التهب،، مسؤوليه كبيره احبائي على. اولاد الله..الذين تذوقة محبتة..وتذوقوا معرفته.. واختبروا قوته فى الخلاص. ان يشوفوا غيرهم ما يعرفوش المسيح ويبقوا ساكتين..لا ..ماتسكتش. اتكلم مع الهك .واصرخ اليه. احضر لة النفوس دي ..وهو قادر انه يشفيها .عشان كده احبائي .يقول لك ..عاوزين يجيبوا يضعوا امامه ..افرض انسان انت مش قادر ان انت تجيبه قدام المسيح .هاته قدام المسيح في الصلاه .وضعوا قدام المسيح.. واقعد تضرع لالهك من اجله .ضعة امامة في الصلاه.. صلي من اجل كل نفس بعيده وتائهة..الخراف التي تاهت على جبال المعاصي الخراف التي استحسنت ان تكون مع قطيع اخر ..والتى استحسنت الذيغان انت دور عليها ..لانة ااتمنك تكون راعي لباقي اخواتك.. وتسأل عليهم. لاننا نحن جسم واحد في المسيح.. ربنا يعطينا احبائي في هذه الايام ان يكون صومنا هذا مقبولا امامه. من اجل ان نكون شهود أمناء للحق. من اجل ان نكون فاعلين بالكنز الذي اعطاة إيانا هو كنز عمل روحة القدوس في داخلنا .ان يكون روحه في داخلنا شاهدة له.. وان نكون أمناء في أن نُنادي بأسمه في كل حين وكل أحد ..ربنا يكمل نقائصنا ويسند كل ضعف فينا بنعمته ولِالهنا المجد الى الابد آمين ...

بسم الاب والابن والروح القدس اله واحد امين ..فلتحل علينا نعمته ورحمه وبركته الآن وكل أوان وإلى دهر الدهور كلها آمين. النهارده عيد الآباء الرسل، والاباء القديسين يسموا عيد حلول الروح القدس وان هو عيد ميلاد الكنيسه، النهارده عيد ميلاد الكنيسه ..الكنيسه اتولدت يوم ال 50 ...حلول الروح القدس . قوه جديده ،بدايه جديده، قوه عمل الله تكمن في عمل الروح القدس، كثير احبائي .يقولوا الروح القدس ده احنا مش بنحس بيه وده اسم ،لكن ما بنحسش بفعله، رغم ان هو اقنوم الهي الاب والابن والروح القدس، يمكن نعرف عن الأب، ونعرف اكثر عن الابن لكن نعرف قليل عن الروح القدس، اتكلم معكم شويه في حاجات ملموسه.. عن عمل الروح القدس في حياتنا، هكلمكم عن سته اعمال للروح، مهمين جدا نختصرهم في 6 كلمات .. 1\ الروح القدس يتوب، مسؤول التوبه في حياتنا هو الروح القدس .. 2\ يصلي اللي يصلي بداخلنا، وأرقى مستوى من مستويات الصلاه هي صلاه الروح، 3\ يقدس ،طريق الكمال، طريق القداسه. دي اعمال الروح اللى الأنسان لابد ان يلتمسها داخليا في حياته. 4\ يرشد.. 5\ يُعلم 6\ يُعزي.. اولا: الروح القدس يتوب. في انسان يبقى عاوز يتوب بس مش بيتوب بالروح .يوجد مستويين من التوبه، توبه العقل وتوبه اسمها توبه الضمير،، لكن أرقى توبه هي اسمها توبه الروح.. يعني ايه توبه العقل؟ بمعنى الواحد يقعد يفكر هو بيعمل ايه غلط، ما يصحش اكذب انا كذبت في الموقف الفلاني..أحيانا العقل بيرفض التصرف الخطا، بس في توبه ناقصه ،ممكن تجيب واحد حتى لو مش مسيحي تقول له بتعمل ايه غلط يقول لك انا بعمل وبعمل وبعمل..عقله يقدر يستوعب ان في شويه اخطاء .توبة العقل دي مش كفايه.. ثانيا: توبه الضمير. تلاقي الإنسان أحيانا ضميره يتعبوا عن بعض تصرفات خاطئه. ومخاصم واحد .اخذ حاجه من حد .قال كلمه لا تليق.. هو ده الضمير، لان ربنا سمح انه يحكم البشر كله بمستوى الضمير على الاقل...دة مستوى إنساني بشري ،،في حين مستوى عقلي وفي مستوى انساني، التالته اجمل واروع،، توبه الروح..بمعني....ان روح ربنا اللي جوايا يشتغل فأجدة .بيبكت ويوبخ .و بيكشف لي اخطائي، الروح القدس،، يقعد كده لدرجه ان ربنا يسوع شبة تشبيه ممكن تحس انه عجيب شويه ،،قال علية خصم ...بمعنى... عندما قال..كن مراضيا لخصمك ما دمت معه في الطريق.. مين الخصم ده ..هو الروح القدس.. هيفضل يوبخ فيك. ويقول لك كده غلط ما تعملش كده..اسلك بالحق اسلك بالوصيه.. اسلك بالانجيل.. اسلك بالروح.. كلام ده ايه. توبةالروح...عاوز تتأكد ان. ان توبتك مقبوله امام الله؟ تكون توبة روح .توبه ناتجه من عمل الروح القدس في داخلك ،وانت تشعر بهذا الكلام ..ان في توبه تبص تلاقي نفسك بينما انت تفكر انك تائب انت تفكر ايضا ان تصنع الخطايا....دى بعيد عن توبه الروح.. توبه الروح تعمل مسافه كبيره بينك وبين الخطيه. حتى وان سقطت و ضعفت...توبة الروح تمنحك في نفس الوقت اللي انت بتحزن فيها على خطاياك فرح عجيب ..في نفس الوقت اللي انت تبقى حزين جدا على خطاياك..في ذاك الوقت تكون سعيد جدا بهذه التوبه.. التوبه تنشأ فرح ،،هو ده اللي يتوب.. مسؤول التوبه فينا.. هو عمل الروح القدس.. يا ريت تطلب من الروح القدس..وتقول له..اكشف لي خطاياى ....اجمل طلبه الانسان يطلبها ...يقول..يارب اكشف لي خطاياى ..يا رب اجعل روحك القدوس ينور داخلى ويضيئ الأماكن المظلمه ، وينير الخفايا ويظهر العيوب...الروح القدس يتوب...عاوز تتوب توبة فعليه اجعل الروح القدس هو اللي يساعدك في الكشف عن خطاياك مش مجرد ذاكرتك.. احيانا الواحد لما يجي يعترف يقعد يفكر ويعصر في دماغه ..الاعتراف مش عاوز عصر في الذهن قد ما هو عايز نبضات الروح اللي يكشف. كأنه يوجه نظرك الي بقع صعبه،يتوب. .وبعد التوبة يصلى .. اى توبةبدون صلاة ماتكنش توبة روح....فتجد .. التوبه تتحول الى أنات. والى تنهدات ...ايه الانات والتنهدات؟ دي بتاعه الروح ..تلاقي الروح يصلي جواك بخطاياك، تلاقي الروح بيشفع فيك بأنات لا ينطق بها، كلام ما تعرفش تقوله انت ...الكلام ده منين؟ ما تعرفش.. جبت الوقفة الطويله دي منين...؟ ما تعرفش.. جبت السخونه دي منين؟ ما تعرفش... هو ده الروح القدس... الروح القدس يدخل جوه الانسان احبائي.. يصلى جواه ..يقول برضه في مستويات للصلاة...في مستوى الشفتين.. يعني مجرد نطق كلام لا تشعر به .ولا تفكر فيه ولا تتفاعل معه ابدا.. ترديد الكلام باطل ..في مستوى اللي بعد كده احلى.. اللي هو ايه؟ صلاه العقل.. الشفتين والعقل افهم ما اقول ..واحد بيقول مش فاهم.. اسف يعني زي البغبغان.. كدة ..تردد لة كلمه.. عنده قدره على تقليد الكلمات لكن ما عندوش قدره على فهمها ولا استيعابها ..لو قلت كلمه حلوه يقولها وراءك..ولو قلت كلمه رضيئه يقولها وراك ..ولا يشعر ان دى كويسه ولا رديئه.. بيردد بغبغان وخلاص. احيانا احنا بنصلى مع ربنا بكلام... كام مرة بنقول فيها ابانا الذي؟ كام مره بنقول فيها قدوس ؟ كم مره بنقول فيها ارحمني.. وهو مجرد شفاتين بدون اي فهم .. 2\ العقل. ان انا افهم مااقول...ودة شي مطلوب..جميل انى اقول بشفتيا وافهم بعقلي ...الفهم مطلوب جدا...فى درجه ثالثه اجمل واجمل.. غير الدرجه الرابعه بتاعه الروح ..ايه الدرجه الثالثه..؟ كويس ان انت تنطق ..كويس ان انت تفهم.. بس نمره ثلاثه تشعر.. في صلاه الشفتين صلاه العقل صلاه القلب.. دي رقم ثلاثه.. ان انت تنطق بما تفهم به وتشعر به وطبعا الشعور ده جميل. لما تقول كلمه ارحمني انا بنطق وفاهم وشاعر .. ٤ / الاجمل واجمل..هي صلاه ايه؟ صلاه الروح . انت بتنطق بكلام انت فاهمه وحاسس بة وشاعر ان روح ربنا بيمليك كلام وينطق على شفتيك كلام ..وان الوقفه لذيذه .ومشدود بقوه انت مش من جواك القوه دي قوه جايه لك.. هي دي صلاه الروح.. ذقت صلاه الروح؟! اقولك هو ده الروح القدس..اد كدة بنقول كتير انى مش عارف الروح القدس... لان اعماله مش ظاهره لان ما فيش عشره مع الروح..اقولك الروح القدس ده اهم حاجه.. عندما كلم ربنا يسوع المسيح تلاميذه ان هو هينطلق، قال لهم ما تسبناش، قال لهم لا... خيراً لكم ان انطلق الأفضل ان انا انطلق.. لكى ارسل لكم الروح القدس ..الي يعلم واللي يعزي ..الصلاه .هى صلاه الروح ..اقف كدا..اتودد الى الروح القدس انه يصلي بداخلى..اطلب انه يعطيك روح صلاة روح صلاه.. اللي تعطيك زي ما قال معلمنا بولس الرسول..أنات لا ينطق بها . . أنين ..تخيل انت كده لما يعجز الكلام ويعجز العقل وتتوقف القدرات البشريه تلاقي الروح القدس جدد كل مشاعر روحيه جواك ونطق بكلام الروح.. هو دي صلاه الروح. وطبعا لما يكون الانسان رقم واحد / تائب..اجمل صلاة هى صلاة التائب..واصعب صلاه صلاة الشخص اللي مش عارف خطاياة..اصعب صلاه ...صلاه الشخص اللي مش عارف ايه السبب اللي موقفنى امام ربنا ..... انا مش عارف واقف ليه تخيل انت كده لما يجيبوك على رتبه كبيره قوي ملكش عنده طلب..فتوقف وانت مش عارف انت عايز تطلب منه ايه؟ اخذت شرف لقاء فون دة؟ كويس...لكن لو لك عنده طلب بتبقى رايح مهيئ تماما.. الانسان الذى يكون شاعر بمشاعر توبه الصلاه بالنسبه له بتبقى مهمه جدا... ليه...عنده طلب .عنده طلب من القادر انة يعطى غفران.. يعطى دالة..يعطى حب...فبيقف وهو شاعر .هو واقف قدام مين.. هي دي صلاه الروح... بما ان الروح القدس بيتوب وبيصلى و طبيعى. هيقدس...يجعلك تمسك طريق القداسه ..طريق الكمال.. هو كده ..تلاقي الخطيه بالنسبه لك مكشوفه ومفضوحة ..وتلاقي الروح القدس عمال ينظف اول بأول ..اسمه كده الروح القدس.. لانه يقدس عمله ينظف.. البيت النظيف تبان فية لو شويه تراب صغيرين.. المكان اللي مش نظيف.. عينك ما تجيبش الكويس من الوحش ..كلة وحش مش باين...ا لكن المكان النظيف يبان في قوي اي شائبةء..الروح القدس كده لما ينظف جوانا..تبص تلاقي جعلك تعيش طريق القداسه والنقاوه.. الخطيه تبقى مكشوفه جدا.. قلت كلمه لا تليق ....إدانة الفكر لأى انسان ..تلاقي جواك احساس بأن في خطأ دخل جواك ..هو ده الروح القدس.. فتلاقي يقدس روح القداسه ..تبص تلاقي الإنسان اللي عايش في طريق القداسه الروح القدس جواه مستريح نشيط.. لانه فاعل في داخله لانه الفعل اللي بيعطية لة الروح القدس .فعل دائم ومتجدد وقوى ومحسوس وملموس... تلاقي الانسان اللي عاوز يعيش في طريق الكمال بيبقى عمل الروح القدس في حياته انه يعطي طريق الكمال.. ويسكت الفضيله ويكشف لة الخطايا..ويعطي له قدره التوبه عليها..ويعطية روح الصلاه..ويعطية دينونة الطريق ...ما يرجعش للوراء.. وان سقط يقوم بسرعه.. فهو عايش في طريق القداسه.. حتى وان كان له سقطات.فالروح القدس بيضمن سلامه الطريق.. ا4\ يرشد انسان عاوز روح مشوره بداخله ..يريد ان يعرف يسلك ازاي.. عاوز يأخذ رأى ..اقول لك أجمل مشوره هي مشوره الروح .الذين ينقدون بروح الله فأولئك هم اولاد الروح القدس يرشد ؟ اقولك اه. ..انت ممكن تسمع صوتة بداخلك...تسمع صوتة بداخلك. بالموافقة او بالرفض...اطلب من الروح القدس انة يرشدك..قول لة عرفني يارب الطريق الذي اسلك.. علمني ان اصنع مشيئتك.. روحك القدوس يا رب فليهديني الى الاستقامة...يا رب انا في الموقف ده عاوز اتكلم بس خايف لما اتكلم اغلط ..ارجوك الروح القدس هو اللي يرشد جوايا... مين اللي بيعطى روح المشوره دي.. الروح القدس تلاقي معلمنا بولس الرسول مره يقول لك ايه فمنعنا الروح عاوز يروح مكان..فمنعنا الروح...مرة عاوز يترك مكان قالك مسكنا الروح....اية دة ؟ منقاض بالروح ..الروح القدس ممكن يقود إنسان...عندما يكون لديك أمر يحتاج إلى مشوره. اسأل الروح القدس بداخلك.. الروح القدس يتكلم بداخلك ويعطيك السلام ويعطيك القناعه. ويعطيك الراحه اللي فيها انت تتأكد ان هذا الطريق من الله.. عشان كده تقرأ في الكتاب المقدس تلاقي الروح القدس كائن حي.. مش مجرد جماد....قالك كدة....وقال الروح القدس افرزوا لي برنابه وشاول..قال الروح...هو الروح بيتكلم..؟ اقولك أيوة... الروح بيمنع.. الروح القدس ما اقدرش اقول لك عليه غير ان هو اقنوم الهي ناطق عاقل حي. فاعل. ارسله الله الاب عن طريق إبنه .بانه يعطينا العوض وبيعطينا روح المسيح الدائمة ..انه اعطانا روح ابنه تخيل انت لما يكون شخص عزيز عليك قوي معقوله تقول له اعطيك روحي ؟! لا دى صعبه جدا ...اهو المسيح قال لنا كده مش عاوز اعطيكم كلام ..ادعي لكم واقول لكم ربنا معكم وربنا يحفظكم...لا لا...انا هعطيكم روحي ...روحى تعيشوا بها..واخذنا الروح القدس دي وسكن فينا من يوم المعموديه..اخذنا عربون الروح.. وختم الروح..وسكن الروح..فأصبح الروح القدس جوانا.. بيعمل ايه.. بيرشدنا.. 5/ الروح القدس يعلم.. افرض شخص عاوز يعرف حاجه في الإنجيل ..اقول لك الروح القدس هو اللي كتب الإنجيل.. كتبه أٌناس الله القديسين مُصوقين بالروح القدس.. الروح القدس هو اللي كتب الانجيل لو انا في ايه مش فاهمها مين اللي يفهمهالى...؟! اللى كتبها ..مين اللى كتبها؟ الروح القدس.. فكرك انت الاباء الذين حفظوا الإيمان المستقيم واللي فهموا اللاهوت بأسرارة. الذين فهموا الابن والاب والذين فهموا الروح القدس..فهموة بذكائهم؟ بعلمهم بفلسفتهم ؟ أبدا .بأيه ؟ بالروح القدس.. لا يستطيع احد ان يقول ان المسيح رب الا بالروح القدس ...اللي يجعلنى أأمن بالثالوث القدوس؟ الروح القدس اللي يخليني اعرف اسرار الاب ..الروح القدس.. يعلم.. الذي حفظ الكنيسه هو الروح القدس.. الذي وضع قانون الإيمان هو الروح القدس ..عشان كده كانوا في مجمع نقيا ...عندما تجمعوا 318 ..يكتبوا اسمائهم ،ويعدوهم.. يلاؤوا الأسامي 318 ..يعدوهم يلاقوا.. 319 يعد ثاني ..برضة 319 ....ينادوا على الأسماء واحد واحد يلاقوهم الأسماء موجوده 318. لكن الحاضرين 319 من الزياده ده؟!! ده كان الروح القدس حاضر في وسطهم يعصمهم من اي تعليم خطأ ...الروح القدس يعلم ..فكرك انت الآباء البشريين لما جم يكتبوا الاناجيل بتاعتهم .. كانوا على درجه من الذاكره الفولاذيه ...عشان يكتبوا كل النصوص دي من ذكائهم ..؟ معقوله حد فينا يحضر حديث لمده ثلاث ايام وبعد ما يحضر الحديث .. اجيبك بعد منها بخمس سنين تكتبه لي كله ؟ مين يقدر يعمل كده؟ البَشريين كده.. تخيل انت كده لما معلمنا متى البشير يقعد يكتب الموعظه على الجبل حاجه سمعها من خمس سنين على الاقل يقعد يكتبها كده بالترتيب .طوبى للمساكين بالروح لان لهم ملكوت السماوات طوبى، طوبى، طوبى، جابها منين؟الروح القدس ذكروا بكل كلمه قالت... و المواقف و العبارات الي قالها الروح القدس على لسان رب المجد يسوع.. طيب دقه الاحداث مين اللي فكرهم بها ؟ الروح القدس.. فالروح القدس يعلم، الروح القدس هو الموجود لحد دلوقتي في الكنيسه يعلم ،عشان كده نقدر نقول احنا لحد دلوقتي بنسمع تعليم الروح القدس،، الروح القدس هو الذى وضع طقوس الكنيسه وتقاليدها والحانها.. اسمع الحان الكنيسه بنغمتها بهزتها، تلاقي فيها الفرح وتلاقي التوسل..فيها الحزن وتلاقي فيها التضرع وتلاقي فيها الشجن..كل ده جاي منين.. مين اللي عمل ده.. الروح القدس.... هات اي انسان مهما كانت ديانته ..بس يكون فنان وموسيقار ..خليه يسمع الحان الكنيسه ..ويقول رأيه في الآخر ..اسمعوا شهادات الناس العازفين والملحنين العالميين وارائهم فى الحان الكنيسه ،قالك دى الهامات روح..مش وضع بشر...الروح القدس اللي في الكنيسه يعلم ..عندك شي عاوز تعرفة..عندك آيه صعبه. عندك حاجه في االاهوت محتاج تفهمها ..اكثر حاجه تقدر تفهمك كل الأسرار دي .هي الروح القدس.. 6 / والاخيره. يعزي ،يعني ايه يعزي... يعني ايه كلمه عزاء عزاء يعني الفرح البديل، عزاء بمعنى العطيه البديله .تبص تلاقي مثلا واحد زي فقض حاجه غاليه عنده جدا..فشخص جابلوا حاجه زيها.د وقال له عشان ما تزعل على الحاجه دى ...فالشى الجديد اللى جالوا..عزتوا عن اللى فاتت ... واحد حزين على فقض احد احباءة..فحد كلمة بالانجيل..فتعزى بكلام فلان...الكلام ده فرحني عوضا عن الحزن...الروح القدس شغلته في حياتنا يعزينا ..عندنا هموم عندنا خطايا.. عندنا ضعفات عندنا نقائص..المسؤول انه يعزينا عن كل النقائص دي وكل الاحزان دي.. هو الروح القدس..الروح القدس دة حاجه مهمه جدا.. حاجه جميله جدا ..ما فيش مره وقفت في الصلاه حسيت انك فرحان. تقول أنا اتعزيت النهارده.. انا حضرت قداس اتعزيت..يعني ايه تعزيت ؟ يعني الروح القدس ملئ فراغات جواك ..سند جواك..اضاء فيك نقط مظلمه ..هو ده الروح القدس.. يعزي ..طب تقول..الحياه طويله مع ربنا فين على ما اروح السماء هو انا اقدر ...اه تقدر ..ان شاء الله تقدر انت ابن المسيح ..ده فداك.. تقول بس انا وحش...يقولك بس انت مقبول لديه.. انت غالي عندة .. الروح القدس وظيفته ،انه يقعد ..يعطيك العزاء ..يشبه الروح القدس في العهد القديم بانه واحد اسمه لعازر الدمشقي،، عندما ذهب يخطب لابونا اسحاق وجاب رفقه معه... وقال لها انا عندي سيدى تحبي تتخطبي له؟ وحكى لها عنه.. فالبنت وافقت.. فلما وافقت.. اخذها في الطريق وطول ما هو في الطريق يعمل ايه.. يحكي لها عن إسحاق ...قالها بصي .هاقول لك على العريس اللي انتي هتتخطبى له ..ده ولد ابوه اسمه ابونا ابراهيم ،راجل غني وكريم وجميل، وابنه طالع مليان وداعة مليان حب. .دة هيعوضك.. وظل يشرح لها.. وهي لسه ما عرفتش حاجه لسه ما تعرفوش.. هو يشرح لها ويطمنها ..يشرح ويطمن.. ويشوقها الروح القدس بيعمل معنا كده.. يشرح لنا ويطمنا.. ويشوقنا لحد ما نشوف المسيح في السماء.. العازر الدمشقي الذي خطب رفقه لاسحاق هو ده الروح القدس..يأتى لكل شخص فينا ويخطبة للمسيح...وياخذه في الرحله بتاعه رحله الغربه.. الرحله الصعبه ممكن ترجع في رايك؟ تقول لا لا لا انا راجع ثاني ..اقول لك لا ..ترجع فين..دة إسحاق مستنيك.. .. عنده خير كثير... وعنده ذهب كثير ..و على العموم عشان خاطر ما تستناش على ما تروح هناك وتاخد من الخير بتاعة...انا جايب لك شويه من الخير بتاعة..تقرأ عن لعازر الدمشقي..وضع اساور حتى اساور في يد رفقه وقلادة في عنقها..وخزامة في انفها زينها بالُحلي ..ماهو الحُلي ده؟ مواهب الروح القدس.. ثمار الروح القدس ثمار الروح القدس من دلوقتي تزينا وتحلينا...وكل مانتعب شوية...نلاقي المحبه والفرح والسلام وطول الاناة ولطف ووداعه والتعفف.. ثمار الروح القدس تعمل ايه.. تعزينا.. ايه ده.. هو ده الروح القدس شغلته يعزيك.. يخليك تقف في الصلاه تتعزا..تتوب تتعزا ..تغفر تتعزا..تعطى تتعزا.. تسامح عدوك تتعزا ..كل ده شغل الروح القدس.. الروح القدس دة لابد ان احنا نتودد لة جدا . ونطلبة جدا... ونفتح قلبنا له ونقول له جددة في احشائنا لا تنزعه منا ايها الصالح الروح القدس يتوب الروح القدس يصلي .الروح القدس يقدس الروح القدس يرشد. الروح القدس يعلم ..اللة يعطينا احبائي ان نشعر بعمل الروح فى داخلنا..ويتجدد ويستريح.. ويكون بإستمرار سبب لبركة نفوسنا وخلاص نفوسنا. ربنا يكمل نقائصنا ويسند كل ضعف فينا بنعمته ولالهنا المجد الى الابد امين ...

باسم الاب والابن والروح القدس اله واحد آمين .فلتحل علينا نعمته ورحمته وبركته ألان وكل أوان والى ظهر الدهور كلها آمين ...الاحد السادس من الخماسين المقدسه.. تمتعنا ببركه القيامه وده آخر اسبوع يسبق الاحد القادم حلول الروح القدس..الكنيسة تُمهدنا لانتظار عطيه الروح..، ايه اللي المفروض تكون حالتنا دلوقتي ؟ ناس منتظره العطيه العظمى..ناس قاعده بتطلب عطيه الروح القدس،، قال لك كده المزمور بتاع النهارده ..سبحي يا اورشليم الرب سبحي الهك يا صهيون تهب ريحه فتسيل المياه.. ايه حكايه المياه دي ..اللي هي انهار الروح القدس هتهب ريحة فتسيل المياة..هتأتى علينا مطر الروح...هتأتى علينا ندا الروح...إحنا قاعدين دلوقتي بنطلب عطيه الروح عشان كده انجيل القداس بتاع النهارده بشارة معلمنا يوحنا اصحاح 16 قال لهم ان ما تسالونة من الاب بأسمى فأياه يعطيكم، طبعا هو قصده على الروح القدس، وهما طبعا قصدهم على حاجات ثانيه خالص ،هو قصده ان ما تسألوه من الاب بأسمى فأياة يعطيكم.. عشان كده بيقول لهم.. إلى الأن لم تسألوا شيئا بأسمى ..واكنهم بيقولوا له لا احنا بنسال منك أشياء كثيره، احنا طلبنا منك طلبات كثير،،قال لهم ، بس انا بعتبر لحد دلوقتي ما طلبتوش مني حاجه،، اصل انا قاعد عشان اسمع طلباتكم ، عمالين تطلبوا تطلبوا تطلبوا،، وبصراحه كأن وداني مش مركزه معاكم،، اصل الكلام اللي انتم بتقولوه مش مناسب، او مش عاجبني امتى بقى هسمع لكم..؟ اول ما تطلبوا طلبه اشعر ان دي طلبه تسرنى انا،، تنفعكم انتم،، تفرحكم انتم،، ايه هي الطلبه يا رب اللي انت عاوز تقولهم اسألوها بأسمى ؟ عطيه الروح القدس،، العطايا الالهيه ،اكثر حاجه أحبائي ،ربنا عاوز يعطيها للإنسان ،عطايا الخلاص ،عطايا التوبه، عطايا الملكوت عطايا الروح القدس. .. ايه اللي شاغل الكنيسه في عبادتها؟ غفران الخطايا ..اهدينا لملكوتك ،لياتي ملكوتك، ايه اللي شاغلنا؟ اية اللي شاغلنا؟ ان إحنا نطلب الالهيات ..نطلب الروحيات، عشان كده بيقول لهم ،،ان كل ما تسألوا الأب بأسمى اياة يعطيكم...إلى الأن لم تسألوا شيئا بأسمى.. اسألوا فتاخذوه ليكون فرحكم كاملا،، ايه اللي نسالوا من ربنا احبائي؟ ربنا يحب الطلبات الدائمه ،الباقيه ربنا حابب نمونا وسلامنا. وتعلقنا بالابديه. حابب خلاص نفوسنا.. هو ده اللي يشغلنا. واحد من القديسين قاعد يطلب طلب من ربنا عجيب شويه ..قال له يا رب نفسي اشوفك .كل يوم يقعد يطلب من ربنا يا رب ارجوكم اسمح لي اني اشوفك ارجوك اسمح لي اشوفك ارجوك اسمح لي اشوفك.. في يوم من الايام جاء له صوت .. قال له يوم ما تحب تشوفني تشوف خطاياك ،،ويوم ما تشوف خطاياك هتشوفني، تخيل انت كده لما تقعد تطلب من ربنا طلبة مهمة جدا...تقول لة ..يارب اكشف لي خطاياى...اول ما تحس قد ايه في كميه كبرياء وقد ايه في كميه من حب العالم، وقد ايه في كميه من الرياء وقد ايه في كميه من الشهوه .اول ما تشوف خطيتك.. انت كده أبصرت الله .لدرجه واحد من القديس كان يقول لك... إن الذي يبصر خطاياه اعظم من الذى يبصر ملائكة. ..اكتر حاجه بتخلي عندنا غياب من رؤية ربنا..انى لم ارى خطيتى..لم اشعر انى ضعيف ..ومش حاسس ان انا محتاج... يبقى ربنا بيني وبينه مسافه. اول ما اشعر بضعفى الشديد وبنقصانى الشديد .بحس ان انا محتاج للكمال،، فهنا يتجلى الله في حياتنا ..اول ما الانسان يكتشف ضعفه يكتشف في نفس الوقت احتياجه للقوه.. عشان كده ...قال لة انت عايز تشوفني.. سهله قوي.. مش مستحيل ان انت تشوفني شوف خطيتك وانت تشوفني ..اسألوا ...إلى الآن لم تسألوا شيئا بأسمى...اسأل ربنا حاجه تمس خلاص نفسك. تمس ابديتك ..تمس علاقتك بالسماء وبالسمائيين. أسأل جميل جدا للانسان عندما يكون لة طلبات روحيه ...يا سلام لما تعمل رأسك وهي منحنيه عشان خاطر ربنا يغفر لك خطيتك.. يا سلام كده لما تقعد تطلب الصلاح في حياتك ..لما تطلب الغفران من اجل كل من اساء اليك.. لما تطلب عطايا الهيه ..قال لهم..اسألوا تأاخذه.. يكون فرحكم كاملا.. اسأل القدس بإستمرار ...ذاك الروح الناري ..بنطلب الروح القدس ولا لا...الكنيسه في ضميرها بتعمل الفتره دى من الصعود لحلول الروح القدس هم 10 ايام ..الكنيسه في ضميرها ان العشره ايام دول يكونوا من اقدس ايام السنه ..ويكونوا فتره اعتكاف ليه... لانه هو قال لتلاميذه كده في الصعود.. لا تبرحوا اورشليم حتى تلبسوا قوة من الاعالى..... ليثبتهم.. قال لهم خلاص ما حدش يتحرك..وعندما تاخذوا عطية الروح القدس اذهبوا اى مكان تريدوا..ماهى هذةالعطية...... قال لهم ..ان ذاك يخبركم بكل شيء.. يذكركم بكل شيء بكل قلتة لكم ....انه خير لكم ان انطلق.. لو اعدتوا تعملوا مقارنه بين وجودي معكم ولا الروح القدس ..الروح القدس افضل من وجودي معكم.... يا رب ما فيش حاجه ابدا تعوضنا عن غيابك.. نحن نريدك معانا ما تسبناش ابدا ..جئت عند 40 يوم وطلعت للسماء .احنا اخذنا على وجودك انت عارف ضعفنا. انت عارف مجرد ان انت تنصرف عننا شويه اللي يسيب و اللي يروح واللي يجي . واللى يضعف.. قال لهم لا ما انا ما عملتش كل ده عشان في الاخر تتشتتوا...انا هعطيكم عطية اعظم....خير لكم ان انطلق.. الروح القدس بقى يجعل مش بس مجموعه شايفه المسيح في المكان الفلاني.. مش بس في مجموعه محظوظه عايشين في اورشليم بيتمتعوا به لا.. الروح القدس النهارده اصبح كل الناس وكل مكان عاوزه تعرفه وعاوزه تشوفه بقى يعرفوا عليه ويسكن جواه.. ويعزيه .ويسنده ويفرحه. ويتكلم معاة ..دة الروح القدس.. ايه اللي المفروض ان احنا نطلبه دلوقتي ..اطلبه ..جميل جدا لما نقول له لاكن نسألك ان تجدده في احشائنا...جدد فيا يا رب عطية روحك القدوس.. روحك وقدوس يا رب الذي ارسلته على تلاميذك القديسين.. هو هو اعطيني..هو هو.. عشان كده بيقول لهم لا تسالوا شيئا باسمي اطلب..اطلب روحيات..اطلب الروح القدس يدخل جواك ويفكرك بكلمه ربنا بإستمرار عندما تكون فى حالة ضعف..يقدس فيك كل ما قد افسده العدو يتكلم فيك ويعطيك عزاء وقت ما تحس ان انت متضايق ولا نفسك صغيره ولا محبط هو ده عمل الروح القدس . الروح القدس يعزي ..الروح القدس يقدس يصلي.الروح القدس يعلم ويرشد.. هو ده عمل الروح القدس. جوانا ..احنا محتاجينه؟ جدا .يا رب انا فاتر جدا فى صلاتى...الروح القدس هو اللي يخليك سخن...طب يا رب انا مش فاهم الانجيل ...الروح القدس يفهمك..طب يا رب انا متضايق. على طول مهموم..اقولك هو في حاجه تفرحك غير الروح القدس ..عشان كده قال لهم ...ثمر الروح. محبه فرح سلام .لطف وداعة .. تعفف.. ايه ده .. ثمار.. كل دي ثمار ..عاوز تنولها ..تطلب الروح القدس فى صلاتك...حكمة احبائي ان الإنسان يطلب روحيات فى حياتة... ويزيدها صلاة ..ويرفع الطلب. يرفعة لفوق ..جميل جدا الإنسان الذى لة طلبات روحيه. . قصه لطيفه في الكتاب المقدس وردت في سفر الملوك.....واحده ست ارمله ذهبت لالِيشع النبي قالت له انا جوزي مات وعليه ديون...وجاء الرجل الذى لة الدين.. عاوز ياخذ اثنين من اولادي ..يأخدهم عنده كعبيد بدل الفلوس الي كان مسلفها لجوزي..قال لها يا ستي انتي عندك ايه ...قالت له انا ما عنديش غير شويه زيت صغيرين.. الزيت الصغيرين دول هما الروح القدس.. قالت له ما عنديش غير شويه زيت صغيرين خالص .. قال لها هاتي كل الاوعيه اللي في بيتك وروحي استلفي اوعيه ثاني من كل الجيران اللي حواليكى وادخلي انتي واولادك واقفلي الباب عليكم. وبعدين رجع قال لها كلمه ثانيه.. عندما تأتى بأوعية. لا تقللي. ما تقلليش . قالت له حاضر... دخلت البيت وقفلت عليها..واتت بدهن الزيت اللى عندها..تصب اول زجاجه امتلأت..تانى زجاجه امتلأت ايضا...أتوا بأناء أكبر. امتلئ ايضا.....فرحه كبيره.. جاءت بعد كده تقول له هات اللي بعده ..قال لها خلاص.. فوقف الزيت عشان كده في الاول قال لها ايه ..لا تقللي.. ايه ده ...قالك الروح القدس على ما هتقدم له اوعيه على قد ما هيملائها.. انا بأيدي بقلل الاوعيه..فلما انا بقلل الاوعيه بقلل من نشاط الروح القدس ومن قدره الروح القدس ..جوايا..اذا....الامر راجعلى انا....قال لها لا تقللي.. عندما تقف تطلب عطايا من اللة..لا تقلل اطلب....اطلب كثير بس بتطلب كثير في ايه... تطلب كثير في الروحيات.. فقط.... بلاش كل الحكايه في الطلبات عاوز تبقى كثير في حاجات الارض.؟ لا ..تخيل انت كده لما واحد يقول لربنا عاوز روح صلاه زي بتاعه داود النبي ...الا قال سبع مرات في النهار سبحتك على احكام عدلك. رغم انه ملك ومشغول...الذى قال فى الاخر .أما أنا فصلاة...حياتى كلها صلاة....يا رب انا عاوز صلاة داوود...عاوز ايمان زي ايمان ابونا ابراهيم الذي ترك ارضه وعشيرته وذهب الى الارض التي لا يعرفها.. ايه الايمان ده.. ايه الايمان ده بتاع الرجل الذي قدم ابنه وحيده ..يا رب اعطيني إيمان أبونا إبراهيم ...عاوزه يا رب ايا رب بطلبه ..الواحد فينا لما يكون عنده طلب كده في حاجه بيلح عليها سنين...انا عاوز ايمان ابونا ابراهيم انا عاوز صلاة داوود.. انا عاوز طاعه إسحاق ..انا عاوز حلم موسى.. يا رب علمني طوله البال انا خلقي ضيق وعلى طول بغضب..وبعدين..شوفت الشهاده اللي قالها ربنا على موسى؟ اما الرجل موسى فكان حليما جدا اكثر من باقي الرجال الذين على الارض.... اخته تكلمت عليه وقالت مع اخو هارون ..انة تزوج من امراه قوشية....فقال الرب عندة...اما الرجل موسى فكان رجلا حليما جدا.. ماعملش اي حاجه، بل بالعكس. يوم ما ربنا حب يؤدب مريم اخته عشان تكلمت عليه. وقعها في مرض البرص...مين اللي دافع عن مريم امام ربنا؟ هو موسى قال له يا رب اللهم اشفيها ...حليم ...اطلب حلم موسى اطلب وداعت واتضاع الست العذراء.... اطلب رجاء بطرس اطلب خدمه بولس اطلب حكمة يوحنا.... اطلب انه يكون عندك فضائل وزيدها صلاه ..واطلبها ...قالك الى الأن لم تسألوا شيئا بأسمى.. اطلب عطايا الروح القدس المتجددة...التي تتجدد في احشائك.. قال اليشع للمراة ...لا تقللي ما تقلليش... اذا كان ممكن نقول ان الانسان يبقى عنده شغف فى الروحيات فدي فضيله.. اما شغف الارضيات فرذيله ...خلي عندك شغف خلي عندك رجاء ان انت تطلع دائما فى الروحيات...الإنسان الذي يطلب الاكثر معناها اشتياقة للاكثر....القديسين يعلمونا كده ان كل اشتياق الى فضيله يحسب فضيله ..كل اشتياق الى الفضيله يحسب فضيله... اللي مشتاق للصلاه اللي مشتاق بس يحسب كأنه فضيله صلاه...اللي مشتاق للطهاره يحسب كطاهر مش معنى كده ان الواحد يشتاق بس ..معروفه ان اي حاجه بدايتها اشتياق ...اشتاق لها عشان خاطر تنولها ..الى الان لم تسالوا شيئا بأسمى .. الكنيسه تريد ان تجعلنا فى الوقت ده نقعد نطلب الروح القدس... تخيل انت كده الكنيسه لما تيجي في صلاه نصف الليل.. تقرا علينا انجيل المرأه الخاطئه.. وبعد ذلك يدخل فينا غيره من هذه المرأه . التي جاءت من وراءه وظلت تبكي. نفسي اتعلم منها .. فالكنيسه تقعد تقول لك ايه بقى.. اقعد قول مع السيده دي قول اعطيني يا رب ينابيع دموع كثيره كما اعطيتها منذ القبل للمراه الخاطئه.. اعطيني يا رب.. تطلب ينابيع دموع ....هى دى الطلبة اللى ربنا حابب يسمعها.منك ....اطلب الروح القدس...اطلب فضيلة. اطلب..ينابيع دموع . اطلب عينك ماتكنش عيون جافة..القديس ارسانيوس..لم يُرى الا وعينيه مممتلئتين...ده ايه كل ده. كنت بقول لك من شويه الإنسان اللي خطاياه قدامه تملي تلاقيه في حاله انكسار وحاله من الوجود فى حضره ربنا . يطلب باسمه... الى الان لم تطلبوا شيئا بأسمى ..اطلبوا اطلبوا فتاخذه .. اقعد اتودد للروح القدس عشان خاطر ينسكب عليك بقوه.. عشان يطهر وينقي ويرفع ويعزي ويسند....ما تقفش قدام ربنا محصور فى شويه امور ضيقه وقليله...اطلب فضيلة انت مشتاق ليها جدا...اطلب نعمة ..اطلب روح تسامح.. اطلب روح غفران اطلب روح صلاه ...اطلب. كل ضعف فيك حوله الى طلبه ...وكل نقصان فيك يتحول الى زياده . عندما يكون موضع انكسار وتذلل امام الله ...شوف كده انسان واقف قدام ربنا رافع يديه بيطلب الملكوت ...لما انسان يكون بيقرع صدره لأجل مغفره خطاه... انسان يكون بيتودد الى الروح القدس وبيحني رأسه..وبيقول له جددوا في احشائى....عندما يكون إنسان بإستمرار اشتياقة الى السماء ...وطلبته من اجل ربح الملكوت امر يشغله جدا جدا. لم تسألوا شيئا بأسمي ..اسألوا فتاخذوه . لينا وعد احبائي..ان احنا ناخذ مش ممكن تطلب الحاجات دي وتحس ان انت رجعت فارغ ابدا ده انتم تاخذوا فيكون فرحكم كاملا ...عندما يطلب الإنسان احبائه ويقف بانكسار قدام الله.. تلاقيه قلبه اتملى بالسلام. فتلاقي الحزن اللي جواه تحول الى فرح الفرح ده جاء منين.. جاء من اقتناء ارضي؟ ابدا ....ده كل ما تأخذ من الارض اكثر كل ما تاخذ من صحتك اكثر.. كل ما تاخذ من تفكيرك اكثر ..كل ما تاخذ من نفسيتك اكثر ..كل ما تستهلك منك اكثر ..اما الروحيات تعطيك اكثر.. الارض تاخذ منك.. تعطيك وتاخد...الروحيات تعطيكم وتزيد....الارض تعطيك وتجيب لك حزن ...لو لاحظ الناس اللى عندهم فلوس كثير وعندهم ثروات كثير. فاكرين ان هم سعداء.. وان هم ما فيش زيهم . . لكن تلاقي جواه كميه هموم واحزان .خنقاة. تلاقي انسان قانع بسيط تلاقي جواه فرح وسلام واستقرار ..اطلب.. اطلب ..روحيات...اسال الامور اللي ربنا يحب يعطيها لك.. لما انت تكون بتطلب حاجه من واحد هو مخليها على جنب بس نفسه ان انت تطلبها.. منه هو يتاخر؟ ده هو نفسه ان انت تطلبها.. كأن انت كده لما بتطلب الغفران كأن ربنا حاطط الغفران في ايده بس مخليه لوراء شويه انا مش عايزه اعطية لة من غير لما هو يطلبه. ليه . عشان يحافظ عليه.. ليه عاوز يا رب نطلب الحاجات دي؟ ما انا ممكن أعطيكم فضائل بلا حساب . او ممكن أعطيكم روح صلاه روح تضرع. .اعطيكم لطف. طهاره اعطيكم كل عطايا الروح القدس من غير ما تسألوا...تقول يا رب كثر خيرك اعطيها لنا...بس مش هتحافظوا عليها ...وممكن تتحول لكم الى كبرياء وتتحول الى ذات...لأنها عطايا انت اخذتها بدون ان تشعر...بتعب او معاناة...اخذتها بسهوله. لكن عندما تاخذها بطلب وسجود او انحناء. .....بيعلن استحقاقك لهذه العطيه..اية اللي يشغلك في طلبتك؟؟ قال لهم كده.. انا دلوقتي عاوز اخبركم عن الاب علانية.. عاوزكم تتكلموا بطريقه اوضح مع ربنا وعن ربنا.. لما تتكلم ..اتكلم بالأمور اللي ربنا بيحب انه هو يسمعها منك... قال لهم كده انا هترك العالم..وامضي الى الاب...قالوا له بتكلمنا علانية...كنت الاول بتتكلم بأمثال ...قال لهم خلاص انا خرجت من عند الاب..ولازم ارجع له.. خلاص جاءت الساعه.. قلت لكم هذا ليكون لكم فيا سلام... و قال لهم ايضا...في العالم سيكون لكم ضيق....ولكن ثقوا انا قد غلبت العالم ...هتعيش العالم.. تفضل متضايق...يوجد سيده بتتكلم معي ...بتقول يا ابونا انا متضايقه جدا وتعبانه جدا في كل وقت وكل مرحله.. دي خلصت ومتضايقه ودي خلصت و متضايقة...نفسي اعرف انا امتى هرتاح.. امتى هرتاح... طلعت مني كده ..قولت لها فوق ان شاء الله نبقى نرتاح... في العالم سيكون لكم ضيق....أوعى الإنسان يظن لنفسه ان هو ممكن يرتاح هنا.. الراحه مش هنا الراحه فوق.. امال ممكن نرتاح هنا امتى...اقولك لو ابتدت معك الأبديه على الارض.. هنا ترتاح يعني ايه تبتدي معك الأبديه على الارض.. تعيش حياه بلا هم تعيش حياه..بدون ان نتشغل بأمور العالم .. بس ده صعب... اقول لك خلاص هتفضل متضايق ..المعادله في ايدك ربنا قال لنا.. في العالم سيكون لكم ضيق.. ازاي نغلبه .انا قد غلبت العالم.. اللي يعيش جوه المسيح.. يعيش غالب لضيق العالم اللي يعيش خارج المسيح ..يعيش تحت ضغط ضيقه العالم..الناس بإستمرار فى حالة قلق مش بتخلص...اللى فكره ان لو الدراسه خلصت هيرتاح .. يلاقي الدراسه خلصت وجه هم أكثر.. من بعد ما كان الولد ولا البنت مشغولة فى الدراسه وانا كان قلبي بياكلني عليه اثناء الامتحان.. خلص الامتحانات. وابتديت اقلق عليه من بره والخروج والدخول ومن الفسحة ومن التليفون والانترنت ..انا كدة قلقانة وكدة قلقانه. . كدة خايف وكدة خايف....امتى هنرتاح؟ اقول لك الراحه في ان انت تضع حياتك داخل المسيح. . اسأل ..قال لك كده الى الان لم تسألوا شيئا بأسمي ...ضع طلباتك..امام ربنا ولا تقلل ارفع طلبتك.. اطلب امور الله يريد ان يعطيك اياها ..عاوز يعطيك الروح القدس ..عاوز يعطيك عطايا سماوية فائقة..عاوز يعطيك الملكوت والغفران...عاوز يعطيك حب الاعداء.. عاوز يعطيك يعطيك لسان يبارك كل احد...عاوز يعطيك فكر مربوط بالسماء عاوز يعطيك قلب مالوش حدود في المحبه... هو عاوز يدينا حاجات كثير جدا ..لما توقف طلب منه العطايا الالهيه دي...وساعتها يقول لك .. تاخذوا فيكون فرحاكم كاملا ..ربنا يعطينا احبائي في هذه الايام ان نحيا بأشتياق وفى طلبة دائمة...لانتظار العطيه العظمى..عطيه الروح القدس..ربنا يكمل ناقصنا ويسند كل ضعف فينا بنعمته ولالهنا المجد الى الابد امين....

بسم الاب والابن والروح القدس الاله واحد امين، فلتحل علينا نعمته ورحمه وبركته آلان وكل أوان وإلى دهر الدهور كلها آمين ... انجيل هذا الصباح المبارك يا احبائي انجيل المخلع ..فصل من بشاره معلمنا يوحنا... اصحاح 5 عدد 1 لعدد 18 بركه اسمها بالعبرانيه بيت حسدا لها خمسه اروقه وفي هذا كانت مطروح، جموع من المرضى، عمي وعرج وعسى...وكان يتوقعون تحريك الماء وكان ملاك ينزل ينزل كل أوان في البركه، ويحرك الماء وكان من ينزل اولا بعد تحريك الماء يبرأ من كل مرض به ...بركة يتجمع حواليها المرضى بأمراض مختلفه ..ويقصد الكتاب يكلمنا عن ثلاث نوعيات من المرضى مختلفة اللي بيكونوا حوالين البركه... العمر والعرج والعصي .وكأن الكتاب عاوز يقرب لاذهاننا ان المرضى اللي حوالين البركه دي اشاره للنفوس المريضه، اشاره للخطيئه وما تحدثه بالانسان، ثمره الخطيه الانسان يكون اعمى ..لا يرى الله لا يرى الصالحات لا يرى السماويات.. لا يرى الفضيله.. لا يرى الأبديه ....اعمى اعرج... اعرج يعني بيمشي ببطء ويمشي بيزق... .. تقول لي طب الاعرج ده مين.....اقولك اللي ماشي في طريق الله برخاوه اللي ماشي بعدم جديه، هو ده اعرج، يمشي ويقف يمشي ويقف ،ويمشي بالراحه ماشي بدون جديه ، الاعسم ده بقى اللي مش بيمشي خالص..مشلول..وده اشاره للإنسان الذي توقف في مسيرته نحو الله تماما،، عمي وعرج وعصي... الواحد لازم يحط نفسه في فصل الانجيل،، يلاقي نفسه يمكن ينطبق عليه الثلاثه. ويمكن ينتبق عليه واحده منهم ..المهم انه يكون من الناس اللي حوالين البركه وخذ بالك انه لما نيجي نشخص الخطيه هو شيء صحيح مر على الانسان،، انه يعرف انه اعمى او يكتشف انه اعرج ،او يعيش مشلول، شيء مر. .لكن اكتشاف المرارة دى..هى بداية الشفاء....ليه الخطيئه مره احبائي؟ لكي نطلب التوبه ..طب الانسان اللي ما يحسش ان الخطيه مره يطلب الخطيه ليه؟ هي لذيذه..مش مرة...للاسف هيظل الانسان في الخطيه سنين،، لحد ما يتذوق مرارتها.. عشان كده عدو الخير بيخدعنا ان الخطيه لذيذه وسهله ،،وانه ما فيهاش مشكله ، وان ايه المانع ان الانسان يعيش عمره كله فيها لكن الصوره والنتيجه ان الانسان بيدمر ، توصل الإنسان انه يزهق من نفسه ،ويتضايق من نفسه ،ويحزن وينعزل،، هي دي ثمره الخطيه. مرارتها..الخطيه مُره جدا ..خاطئة جدا...تجعل الانسان اعمى يا اعرج يا اعسم وده جزء من الامر ..مراره الخطيه يا احبائي هي اول خطوه في التوبه،،، بيقولوا كده بدايه الصح اكتشاف الخطأ ...بدايه العلاج اكتشاف المرض.. طلب العلاج هو بدايه معرفه ثقل المرض.. مراره الخطيه خطوه مهمه جدا في التوبه ..عندما يبدا الإنسان أن يأن من وجعه يبتدي يقول انا عايز اروح للدكتور ...فهذا هو مرض الخطيه.. مرض بأنواع امراض كثيره..و العجيب احبائي ان يسوع يترك كل المرضى دول ويروح لهذا الرجل ،،اشمعنا الرجل ده بالذات،، طب ما في مرضى كثير.. وكان هناك رجلا قد قضى 38 سنه في مرضه فلما راى يسوع هذا متجعا وعلم انه قضى زمانا كثيرآ ..ذهب اليه، هوده بالذات ..لماذا هذا الرجل....لانة يريد ان يظهر تفاضل النعمه.. عاوز يظهر قدره صلاحه وقدره شفائه . .يروح لمين ...يروح لواحد لسه جاي دلوقتي ...؟ لا... يروح لواحد بيزق زقه خفيفه؟ لا . ..عاوز يروح لواحد يكون حالته ميؤوس منها ..حلالة شديده جدا ...من المرض.. يروح لهذا الرجل بالتحديد.. عشان خاطر تظهر عمل نعمته فيه.. تلاحظ كده الكتاب المقدس ،بيبرز لنا عمل المسيح وخلاصة مع اسوء النوعيات ...هو عاوز يقول كده.. عاوز يقول لك.. يعني الاسبوع اللي فاتت السامريه ...ادي يا سيدي ..خمسه والذى معها م ليس بزوجها ...يروح لها يتكلم معها ويفكها ويخلصها ويحررها...الخطية شديده جدا ومربطه الانسان بربطات عنيفه جدا ومع ذلك هو بيقول انا اقدر ان انا افك يترك كل المرضى ويذهب لهذا الرجل اللي له 38 سنه،، هو ده اللي يذهب اليه يشوف واحد زي شاول الطرسوسى .متكبر متعجرف مطهد...عاوز يهين الكنيسه ويهين عمل الله ..وينتقم ويتحدى. إنسان قاسي جدا ..يرى كل الصفات دي.. ويقول هو ده اللي انا اظهر له... طب ليه ما تظهرش لواحد يكون يعني عنده استعدادات اطيب من كدة شويه... اقول لك. لا ....امال فين قوه اقتدارى وعملى....إحنا دلوقتي احبائى قاعدين في الكنيسه وكل واحد فينا عنده مرض. شكل ... يأتي يسوع يقترب لاصعب واحد فينا دلوقتي ظظبس بيسأل سؤال اتريد ان تبرأ؟ سؤال صعب ...المسيح جاي يقترب لكل واحد فينا وكل واحد مهما كان بيشكي من وجع شديد..عنيف قاسى....بس بيقرب منه .وبيسأله عايز تخف؟ سؤال محتاج اجابه.. عاوز تشوفى من مرض الخطيه الذي اصابك؟ عاوز تشفى من الخطايا التي اسراك لسنين وسنين؟ عاوز تتفك أتريد ان تبرأ....سؤال مهم جدا ...هو بيقول لك شوف.. اوعى تقولي ان حالتي ميؤوس منها ..انا جاي لية؟! معلمنا بولس يقول لك حيث كثرت الخطيئه تكثر هناك النعمه ايضا... لما تكثر الخطيه تزداد النعمه ..وتتفاضل وتتعظم.. كل مكان المريض اشد مرضا كلما احتاج الى طبيب اكفئ...واشطر... وهنا يقول لك اتريد ان تبرا.. سؤال.. بيتسئلة الإنسان...سؤال عن الاراده... ربنا عاوز يقول لك انا عاوز اشفيك ..لكن ما اقدرش اشفيك من غيرك.. ما اقدرش. ما اقدرش.. اشفيك من غير ما انت تقول لي كلمه انا اريد... ما اقدرش اشتغل في حياتك من غير ما تعطيني الفرصه..انى اشتغل في حياتك.. اتريد ان تبرأ...عاوز ا....القديس اغسطينوس يقول إن الله الذي خلقك بدونك لا يقدر لا يقدر لا يقدر ان يخلصك بدونك ..يا رب معقوله يليق بك كلمه لا يقدر؟ انت يا رب ليك كل القدره...يقولك..انا يوم ما خلقتك ...خلقتك وانت مش موجود لكن يوم ما أخلصك أخلصك وانت موجود انا خلقتك بدونك ..لكن يوم ما أخلصك.. اخلصك بارادتك انت مش بدونك، .. ما اقدرش بدونك ..يوم ما خلصك اخلصك وانت بتقول لي آمين ..اخلصك وانت بتقول لي اشفيني اخلصك وانت بتقول لي أريد ان أبرأ . أريد ان أطهر أريد أن اشفى أريدك يا سيد .. فيترك كل المرضى ويروح لهذا الرجل بالذات ..ويسأل السؤال ده بالتحديد ...قد يبدو سؤالا في غير موضعه.. قد يبدوا ...قد يبدوا سؤالا عجيبا ..لي 38 سنه تعبان بتسألني أريد ان تبرأ ....!! وكأني يسوع عاوز يقول له انا اخشى ان انت تكون قاعد هنا وانت مش عايز تخف.. اخشى ان انت تكون قاعد هنا بتتفرج .اخشى ان انت تكون قاعد لاجل اشباع نظرات الشفقه من الناس ، تكون قاعد بسبب اخر غير الشفاء.. انا قاعد يا سيد لاجل ان اشفى... قال له يا سيد انا ليس لي انسان نفسي اشفى... وجالس بنتظر عطف الناس بس ما عنديش احد يشيلني ويرميني ويحطني.. في البركه عندما يأتي الملائكه ..ويحرك الماء ..هنا بقى ظهرت اراده الانسان في الشفاء ..سؤال بيتسأله الانسان دائما.. عاوز تخف؟ تخف من خطيتك.. ؟ ايوه بس مش قادر ..مش عارف.. ارشدني احميني احملني ..ليس لى إنسان..كل الناس انصرفت عني.. لكن انا مشتاق جدا.. وكأن ربنا عاوز يقول له... انا مش هاقدر ان انا اسلبك حريتك.. لكن اقدر ان انا اساعدك بارادتك..معلمنا بولس ..كان يقول لربنا كده عندما كان يتكلم عن ناموس العهد القديم.. ان الاراده حاضره عندي اما ان افعل الحسنى فلست أجد ...نفسى لكن لم اقدر...عجيب احبائي الانسان عندما يقدم عجزة أمام الله ..عجيب الإنسان عندما يطلب من ربنا شفاء ويقول له يا رب انا مش قادر... واحد من الاباء القديسين كان يقول لربنا كده يا رب انا ليس لي قدره على قيامي وليس مسره بسقوط ...مش عاجبنى حالى وفي نفس الوقت مش قادر اقوم.. .. انت بقى يا رب التي تأتى وتشفيني.. وتقترب مني.. كان يقول لربنا انا صرت كمن يريد ان يجمع الماء في منديل ..مش قادر عاجز واحد يجمع مياه في منديل..!! مش عارف ..اتريد ان تبرأ...قال له ليس لى إنسان يلقيني في البركه عندما تيحرك الماء ...سؤال أحيانآ الواحد يساله ..مامصير هذا الرجل لو مات قبل ان يشفى...ايه مصيرة ...انا هاقول لك مصيره يتوقف على شيئين.. هل يرغب في الشفاء او لا.. والحاجه الثانيه هل هو موجود جنب البركه ولة لا ...اللى يشفع في الانسان ده لو كان مات قبل ما يسوع يشفية حاجتين ..اول حاجه انه لم يترك البركه ..جالس امام البركه.. يبقى ده معناه ان هو عاوز يشفى معناها في المكان اللي ممكن يشفى فيه.. رقم اثنين انه يريد ان يشفى لم يفقد رجائه ولم يقطع رجائه ..ولم يفقد ارادته في الشفاء.. يحسب انه قد شفي امام الله.. افرض احنا دلوقتي احبائي بنجاهد..لكن في خطايا غلبانه.. لكن بنيجي الكنيسه وبنعترف وبنتناول ونطلب التوبه ونطلب الرحمه.. لسه لم نشفى بالكامل.. اقول لك نحسب امام الله اننا قد شوفينا... ليه لأننا امام الله ..لم نطرح ثقتنا التي من أجلها المجازاة.. عشان كده خذ بالك النهارده الكنيسه بحكمه عاليه جدا يكلمك معلمنا بطرس الرسول في الكاثيليكون.لما يقول لك واحسبوا ان أنات الله خلاصا.. أنات الله خلاصا ..يعني طول ما انت عايش فى طول أنات ربنا اعتبر نفسك جوه دائره الخلاص...يوم واحد عند الرب كالف سنه والف سنه ك يوم واحد.. ان الرب لا يبطئ بوعده كما يظن قوم انه سيتباطئ .. لكنه يتأنن عليكم ..ليه ربي ترك هذا الرجل 38 سنه..؟! كنت تشفيه من زمان.. لكنه يتأنى عليه ..وهو لا يريد أن يهلك أحد بل ان يقبل الجميع الى التوبه...ولكن سوف يأتى يوم الرب كسارق الذى فية تزول السماوات بضجيج وتنحل العناصر محترقه ..وتحترق الارض والمصنوعات التي فيها ..فان كانت هذه ستنحل في اي سيره مقدسه وتقوى يجب عليكم ان تتصرفوا فيها منتظرين وطالبين.يوم.مجيئ ظهور الرب.. لو انت منتظر ظهور ربنا ومنتظر الشفاء.. لكن لسه ما جاش..ولم يأتى عليك الشفاء.. قال لك ايه.. ولكننا بحسب وعده ننتظر سماوات جديده وارض جديده يسكن فيها البر ..قال لك كده انه احسبوا أنات اللة خلاصا ....هذا الرجل طول ما جالس امام البركه يبقى مكانة فى الشفاء موجود، ..وإحنا دلوقتى فى الكنيسة رجاؤنا فى الشفاء موجود...ربنا يريد ان يقول ماتسبش الكنيسة...ماتقطعش رجاءك ...مهما كان... عدو الخير احبائي بيحارب الانسان بأشرس ثلاث حروب .. 1\ التهاون .. 2\ التاجيل .. 3\اليأس... ثلاث حروب شرسين جدا.. التهاون التأجيل اليأس...اول ضربة التهاون..يجعل الإنسان يستهتر جدا ويستخف جدا بصوت الله مواعيد الله وخطاياة.. والقمر يبقى بالنسبه له مش شاغله ابدا ....الاستهتار طب ابتدا الإنسان ينوي يتوب وابتدى الانسان يتقدس ويصلي ويعيش لربنا ..يقول له لا مش دلوقتي لسه شويه.. عندك شويه عوائق وعندك شويه مشغوليات استنى شويه..يجعل الانسان يدخل في نمره اثنين اللي هو التاجيل.. طب الانسان ولا استهتر ولا ابتدا يأجل..وابتدا يقول اقوم الان. واريد ان اشفى تدخل معه في رقم ثلاثه ..اصعب وأصعب اللي هي ايه ..يقول لة...انت في فائده منك ما انت نويت قبل كده مفيش فايده انت كل اللي عملته ده وكل اللي بتعمله ده انت جواك وجواك وجواك هتعمل ايه ..اسكت بقى وخلاص .التهاون.التأجيل الياس اشرس ثلاث حروب.. عشان كده احبائي جميل الراجل بتاع النهارده ده الذي كسر العوائق كلها ..وظل جالس أمام البركه 38 عاما لم يقطع رجائه ..وظل مطروح ..لكن مطروح أمام المكان اللي فيه الشفاء... لو كان الرجل ده مطروح في مكان ثاني كان ممكن يبقى ما لوش كرامه لكن مطروح جنب مكان الشفاء..يرى ناس بتشفى ..ويرى ناس جاءت بعد منهم بكثير وخرجوا في شفاء لمجرد ان هم كان معهم ناس بتعرف تشيلهم لكن هو ما لوش انسان ..لم يياس ما قال لهمش خلاص روحونى البيت فضل قاعد جنب البركه.. جميل جدا احبائي ان الانسان يكون له اراده الشفاء.. اراده دائمه الإنسان احبائي لازم يدور جواه على طاقات حبه لربنا... وطاقات التوبه اللي جواه وطاقات التقديس اللي بداخله.. ربنا عاوز يغيرنا ايه هدف الصوم احبائي ..ليه الكنيسه بتقرا علينا الفصل ده دلوقتي ...تقول لك..اعمل وقفه مع نفسك كفايه يلا نرجع يلا نحمل سرير اوجعنا ..يلا نتخلص من الأمراض اللي عملت لنا شلل ناحيه ربنا.. يلا اشفى إيديك واشفى قلبك واشفي عقلك الذي جاء لهم شلل.. بقى العقل ولا القلب ولا اليد قادرين يتحركوا امام الله...لابد ان تشفى.. اجمل فصوله التوبه احبائي أن الكنيسه تقراها لنا في فتره الصوم المقدس.. وتملي نقول كده ثلاث احاد وراء بعض كل فصل فيهم بيؤدي الى الثاني بشكل عجيب.. تلاقي الكنيسه..تجيب لنا فى الصوم المقدس ثلاث نماذج اروع من بعض للتوبه ..بتدخلنا في الإبن الضال تطلعنا منه على السامريه نطلع من السامريه ندخل على المخلع... وكأن بيقول لك اذا كنت ابن ضال واذا كنت بعيد عن الله ..جربت بشاعه وشناعة الخطيه. وكراهيتها ارجع وحضنه مفتوح ..في اول درس نتعلمه من الإبن الضال الكنيسه تقصد بة..عاوزه تكلمك عن شناعة الخطية..عاوزه تدخلك في الدرس الثاني ..حتى لو الخطيه بكل شناعتها متكرره.. الكلام ده في السامريه ..خمسه واللي معها.. بتكرر الخطيه. نفس القرة ..كل موقف مشابه للثاني ..مش هذه الخطيئه بتاعتنا غلط مره والثانيه وكلهم زي بعض... تكرار الخطيه.. تخلص تكرار الخطيه الكنيسه كأنها بتقول لك. الخطية شنيعة..ليك رجاء..الخطية متكرره ليك رجاء...وصلت لشلل كامل...و 38 سنه ..ومش بس تكرار تحول الى يئس...ايضا ليك رجاء.. الكنيسه عاوزاها تقول لك. كده... عاوزه تقول لك اوعى الصوم يعدي عليك وانت لسه مطروح على سريرك.. وانت بعيد عن مكان الخلاص.. تعالا واطلب الشفاء لانه هو اسمه .. عنصر المراحم ...يعني ايه عنصر المراحم.. بمعنى ان المراحم دي مأخوذة منه هو.. هو الذي اوجد الرحمه هو عنصر المراحم هو أساس المراحم ..عنصر المراحل وأساس المراحم..عندما يرى انسان بهذه الحاله الا يشفق؟! يا سلام على الراجل العجيب ده اللي قاعد طول هذه الفتره لم ييأس من نفسه ..ولم يقطع رجائه في الشفاء.. الكنيسه عاوزه تقول لنا اقرن صومك بوجودك في الكنيسه اقرن صومك بالتوبة ...اقرن صومك بطلب تغيير الحياه ..اوعى تغير اكل بس ..اوعى يكون الصوم بتاعك مش صوم مهدف...الصوم تحط له اهداف يقولوا كده الصوم الحقيقي هو سجن للرزائل...ان تصوم معناها ان تصوم عن خطاياك المحبوبه والمتكرره ..هو دة الصوم..الصوم الحقيقي ان الانسان في فعلا يتغير... الانسان فعلا ينبت في نبته إنسان روحاني سماوي..الصوم الحقيقي هو تغيير السلوك الصوم الحقيقي فعلا هو بدايه لطريق مع الل،،ه عشان كدا قال له قوم احمل سريرك وامشي ..قوم تذوق نعمة.. الله.. تخلص واتفك ..من كل ماكان يعيق تقدمك... اتفك.. النعمه احبائي تتفاضل على الإنسان جدا.. مش يحوله إلى إنسان مجرد بيقوم.. ده لو جبت واحد قاعد على السرير شهر ويقوم.. قعد شهر متواصل ما يعرفش يمشي.. لو جبت واحد قعد سنه على سرير وعاوز تمشيه لازم تعمل له علاج طبيعي لمده اسبوع عشان يدرب حركه الرجل مع الزهن مع التوافق مع الاتزان معروفه... لو واحد وضع رجله فى جبس اربعين يوم ..اول مايحط رجلة على الارض مايبقاش مستوعب...ان هو يحط رجله على الارض...لان المخ اخذ 40 يوم متواصل اشارات انه اوعى تضع رجلك على الارض...بيكون خايف... 38 سنه بيقول له قوم ومش قوم وبس... قوم وشيل سريرك كمان.. ايه ده ايه الجبروت ده ايه العظمه دى..مش بس يقوم.. ربنا احبائي عاوز يغيرنا بالكامل.. عاوز يغيرنا بالكامل من حالة يأس من حالة مرض الى حاله شفاء.. وقوه.. واقتدار. ربنا عاوز يقول لك تذوق نعمتي.. شوف مجدي ..ربنا عاوز يقول لك انا عاوزك انت تشهدلى...كل واحد معدي يشوف الراجل ده شايل سرير مين ده يقول له اللي له 38 سنه هو فعلا يحققه منه...فى الحقيقه ما عدش شكله هو.. شكله اتغير ..التوبه احبائي تغير الانسان.. تغير ملامحه تغير قدراته تغير طريقه تفكيره تغير معاملته مع الوقت.. مع الناس.. التوبه احبائي تجعل الانسان بدل ما السرير كان بيحملوا هو اللي بيحمل السرير.. التوبه احبائي اجمل شهاده لربنا اجمل كرازه كرازه التوبه .ريحة المسيح تظهر...توبتك اصبحت سبب بركه لكثيرين.. بركه لغيرك اصبحت تأثر في اللي حواليك ..اصبحت تأتي وتمشي في وسط الناس فيك حاجه متغيره ..كلامك مش هو طريقه تفكيرك مش هي عينك مش هي.. ايدك مش هي..رجلك مش هي ..عمل ربنا احبائي..عمل خلاصى عجيب..رحلة الصوم هى رحلة هدفها الانتقال من الموت الى الحياه.. والخروج من الجسد ..والانطلاك بالروح ..والشفاء بالكامل.. من كل مرض الرجل المخلع بيعطينا درس في قدره عمل الله..و في جبروت خلاص الله..وهو ماشي شايل سريره. جعل ما فيش واحد ابدا يقول ما فيش شيء مستحيل.. ما فيش واحد ابدا يفقد رجائه تتعاظم قدره ربنا يسوع المسيح جدا وسط كل الناس اللي حواليه.. واحد من الاباء القديسين يقول لك ان الطبيب يمدح بمرضاه.. كل مكان المرض تقيل اكتر والطبيب عارف يقدم الدواء المناسب... هذا طبيب شاطر .الطبيب يمدح بمرضاة ..ربنا قادر يخلصنا من سنين جهل قادر يخلصنا من اعظم خطايا.. قادر انه يفكنا من رباطات ثقلت جدا .قادر يغير...وكانه عاوز يقول لك هذا رجل 38 سنه تعبان.. انت عاوز تتفك ..اتريد ان تبرأ ...طب تعال بيتي طب اطلب التوبه طب اطلب الشفاء طب حل فكرك وقلبك الاول من رباطات انت موثوق بها ..يلا تعال اساعدك اقول لك كلمه تشفى بيها.. ولا هقول لك انزل البركه ..ولا هاقول لك استنى ملاك .انا مش محتاج للملاك ولا محتاج للبركه ..انا بكلمه واحده هاقول لك قم احمل سريرك وامشي تصوره احبائي كميه القدره الشفاء المذدخره فينا فى شخص يا يسوع المسيح المبارك ..يا رب كلمة منك تكفي...نظرة منك فيها شفاء...جود على عبيدك...وعلى كنيستك بشفاء متفاضل حتى لا يكون فيها واحد فقط اعرج او اعسم او اعمى..لانه لا يليق ابدا بكنيستك المقدسه التي بلا عيب ان يكون فيها عضو بعيب ... كلنا ملتجئين لك...مطروحين قدام البركه بتاعتك كل واحد فينا له مرضه لكن لنا ثقه في الشفاء.. اجمل هدف للصوم التوبه.. اجمل غرض لمجيء الكنيسه التوبه ..اكثر واحد يتذوق حلاوه الكنيسه .الشخص الذي جاء للتوب...تلاقى العباده لها طعم الصوم لذيذ..والقداس مفرح ..والتناول شفاء ..قلبه بيرقص لانه شاعر بالفعل الروحاني الداخلي الذي حدث داخله.. بيتفك وبيشفى ويتقدس ويقوم.. ربنا يعطينا احبائي في هذا الصباح المبارك ان يكون لنا نصيب في شفاء من ينبوع الشفاء ..ان نشفى كلنا ..ان نقوم ونحمل سريرنا ان نجري وننادي تعالوا وذوقوا وانظروا ما اطيب الرب ...تعالوا شوفوا قدره خلاصه فيا انا ..تعالوا شوفوا النعمه فيا انا..... انا الإنسان الخاطى المربوط..انظروا ماذا فعل بى..ربنا يريد احبائي انه يجعلنا نكون شهود لهم شهود بحياتنا وتوبتنا ..وبأمنتنا...ربنا يكمل نقائصنا ويسند كل ضعف فينا بنعمته .ولالهنا المجد دائما ابديا آمين...

تدخر لنا الكنيسة من القراءات كل ماهو مشبع ودسم فى هذا اليوم المبارك قرات علينا الكنيسة فصل قصه رجوع الابن الضال الى احضان ابيه، هو فصل عجيب وفريد ،ممكن ان نقول لماذا الكنيسه لا تقرر علينا هذا الفصل؟! مع انة فصل ممتع جدا، لماذا لا تقراه علينا مثل فصول كثيره تقرا مرات كثيره عديدة في فترات السنة ؟! لان الكنيسه ادخرت هذا الفصل وخصوصا فى فترة الصوم بالتحديد، لكي تقدم لاولادها غنى ودسم لكي تقدم لاولادها في فتره الصوم اشهى المأكولات الروحيه عندما يكون لديك مناسبه او حفلة لانسان عزيز، تعمل اصناف كثيره لارضائهم، فالكنيسه تطلع لنا كنز لكي تقول لنا انتم صائمين ويوجد اطعمه كثيره امتنعتم عنها ، انا هقدم لكم البديل، سوف اعطيكم اطعمه شهيه اعطيكم فصول تنفعكم وترجعكم، وتقدسكم وتتوبكم وتعرفكم غلاوتكم، وكيف انتم موضع مسره الله وموضع قبول الله اليوم احبائي فصل الابن الشاطر يقول لنا باب التوبه مفتوح مهما تعظمت الخطايا يقول لنا التوبه تحول الاوضاع ، كيف ان التوبه تحول الى مسرات والمذله الى مجد، والعبوديه الى بنوه والحزن الى الفرح، كيف تحول الثياب ذات الروائح الكريهه الى الحله الاولى، احبائي فصل شهى وجميل، اجمل شيء تضمن للانسان توبتة احساسه بأنه ابن لربنا، كيف جعل هذا الابن ان ياخذ قرار الرجوع ، ويقول انا اقدر ان ارجع لابي وابي هيقبلني، لكي تفرح بتوبتك ولكي لا تطول المده التي لا تغيب فيها عن الله ، أصل في نفسك احساسك انك ابنة ، طالما انت ابن فانت مقبول وطالما انت ابن فانت راجع، وسوف تقبل ، نقطتين في الكتاب المقدس احب ان اذكرها لكم، وهو ابونا يعقوب مع ابنه يوسف ابونا يعقوب عرف ان ابنه فقد ، و قالوا له ابناءة ان وحش مفترس مزقهة واكله، ابونا يعقوب ماذا فعل؟ أبونا يعقوب مزق ثيابه وضع مسحا على حقويه وناح على ابنه ايام ، طبعا هذا الكلام طبقوا على ابوه ربنا لنا ،عندما يعلم اننا فقدنا وان يوجد وحش مفترس افترسة ،هذه اشاره الى الخطيه، كم هى مشاعر الاب، مشاعر حانيه، ظل يبكي، وظل ابناءة ويقولوا لة ، لديك 10 اولاد . ابى ان يتعذى، تخيل رب المجد عندما شخص مننا يضيع او يفعل خطيه ممكن ان يقول له شخص، معلش يا رب انت عندك شباب كثيره في الكنيسه، احبائي كل فرد فينا غالي لدى الله وله قيمه، ابى ان يتعزى وقال اني انزل الى ابني نائحا الى الهاويه، الفتره التي جلس فيها ابونا يعقوب في حزن على ابنه يوسف ،وفرحه ابونا يعقوب عندما استقبل يوسف عندما قالوا له ان يوسف عايش يا للبهجه يوسف عايش، فقال اذهب واراة ، وعندما قال له ان يوسف عايش فعاشت روحه فية و كأنه كان ميت احبائي عندما نفعل خطيه نحن نكسر قلب الله علينا ،نجلب على ربنا مشاعر مؤلمه جدا بيتاسف علينا جدا عندما علم انه على قيد الحياة، فعاشت روحه فية، وقال اذهب وارى تخيل لقاء ابونا يعقوب مع ابنه يوسف ماذا كان شكلهم عندما راى وقع على عنقه وبكى وبكى زمانا ظل حضنه ووضع راسه على كتفه و ظل يبكى فترة طويلة، ابوة اللة احبائي ، عندما نتأكد من ابوة الله لنا وما اغوتنا سقطة وما احببنا ابدا الابتعاد ، وما رغبنا ابدا في ترك احضانه، وعلمنا ان لا توجد خساره حقيقيه فى هذة الحياة بأكملها ،الا الخطيه ولا يوجد مكسب حقيقي في هذه كلها الا الرجوع الى الله، وقال له اموت الان بعد ما رايتك، لا يوجد شيء مهم لدي طالما اني رايتك ربنا احبائي لا يوجد لديه اهم من خلاصنا ولا يوجد لديه اهم من رجوعنا منتظر وفاتح حضنه وقابل الكل الله احبائي يفرح كنا امواتا بالخطيه فاحيانا المسيح، وموقف اخر يوضح لك احساس الابوه موقف عندما تقراه عن داوود النبي كان لديه ابن عاصي قاسي اسمه ابشالوم هذا الولد كان لديه افكار عجيبه، ربنا اعطاة بعض المواهب وكان شكله حلو ولبق وكان زعيم وكان اداري ولسانه حلو، يقول كلاما طيب، فأبتدى ان يجمع الناس حوله وبدا يعمل لنفسه حزب كان يفعل كل هذا ضد ابية، كان يعمل حزب ويجمع الناس حواليه ويقول للناس كلاما طيب لكي ياخذ الملك من ابيه كان يقول كلاما عن ابيه لا يجوز ،سفاك دماء قتل اخيه ابشلوم قتل اخيه وله حيل شيطانيه اظهر عطف زائد على الشعب، لكي ياخذ الملك من ابية، واستمال الشعب وقلب الشعب ضد ابوه وعمل ثورة لكي يخلع ابية من الملك، وللاسف اخطا مع زوجات ابيه بعد ذلك قائد الجنود قال له لابد ان نقضى علية، فخرجوا لكي يقبضوا عليه ، تخيل داوود قال لهم ترفقوا بالفتى ابشلوم، وكان يريد ان يقول لهم قاوموا الشر الذي فيه لكن لا تقومه هو، قاوموا الخطأ الذي فيه لكن لا تقاموه هو اقتلوا الشر الذي بداخله لكن لا تقتله هو ربنا احبائي لا يكرةالخاطئ ابدا ، هو يكره الخطيه ويحب الخاطى ، الطبيب يكره المرض ويحب المريض، احظر من ان عدو الخير يجعلك تصدق انك وحش وتظن ان ربنا بيكرهني ابدا ابشلوم كان شعره طويل وهو بيجري بالحصان شعره شبك في شجره الحصان فلت منة وعلق من شعرة وقتل، وعندما قتل ذاهبين يزفوا هذا الخبر السعيد الى داوود ويقول له ابنك قد مات ، فعندما سمع داوود خبر موت ابشلوم انزعج وصعد الى علية الباب وكان يبكي ويقول يا ابني ابشالوم يا بنى ابشالوم، يا ليتني موت عوضا عنك يا ابشلوم يا ابني، بعد كل هذا يقول هذا الكلام ،عندما بكى داود على موت ابنة يوناثان قولت انك كنت حلو لى جدا ،لكن ابشالوم كان مر لك جدا ،كيف تنوح عليه هكذا، وكيف تقول يا ليتني موت عوضا عنك يا ابني ابشلوم ، احبائي قلب الله نحو الخاطئ يضمن له مشاعر لا يعبر عنها احيانا عدو الخير يحاول ان يقنعنا ان الله لا يحبنا بسبب اخطائنا احيانا عدو الخير يريد ان يفكر لنا ان الله مثلنا ، ابدا احبائي، قلب اللة مليئ بالمحبه والعجيب اذا كان داوود قال ليتني موت عوضا عنك، ربنا يسوع لم يقول يا ليتنى موت عوضا عنكم ، لا بل مات حقيقي من اجلنا، انا جئت لكي ابذل نفسي من اجلكم هكذا احب الله العالم حتى بذل ابنه لكي لا يهلك كل من يؤمن به بل تكون له حياه ابدية ، تأكد من حب الله لك، يحبك ويقبلك في كل اوضاعك خمس افعال فعلهم الاب اولا عندما راه من بعيد تحنن، ثانيا رقد ، ثالثا وقع على عنقه وقبله، رابعا البسه الحله،خامسا البسه الخاتم، سادسا البسه الحذاء ،سابعا ذبح له العجل المسمن، هذه مكافات الرجوع احبائي عدو الخير يحاول يا يطمس فينا مشاعر الله من حولنا ويحاول ان يجعلنا لم نصدق اننا محبوبين ومقربين ومقبولين وراثين ، واننا اغنياء ،يريد ان يشعرنا اننا مكروهين لدى الله ،عدو الخير يريد ان يزين لنا العالم وياخذ قلبنا من مصدر فرحنا الى الحزن ،لكن ابوه تحنن باحشاء رحمه الهنا التي بها افتقدنا من العلاء احشاء الله تتألم على سقطه اي انسان تحنن رقد هذا الرجل الكبير جرى ورقد، تخيل الولد الذي لابس ثياب قذرة وريحته ريحه الخنازير هذا الولد لبسه متسخه وقذره يتقابل مع حضن الأب، ويقول عندما جاء ليحضنه فجاءت رأس ابية على كتف ابنه ، فنظر الى كتف ابنه فوجدة مجروح وازرق اللون ومتورم من كثره الشيل والعبوديه التي كان عايش فيها ،وعندما رأى هذه الجروح ماذا فعل ؟ قبلها ربنا يسوع المسيح احبائي عندما نرجع اليه بالتوبة ياخذنا الى حضنه وكل اثار الخطايا التي احدثها العدو فينا يقبلها ،ويعلن انك شخص محبوب حتى وان كنت مجروح بالخطايا رابعا، قال لهم البسوه الحله الاولى، الحله كانت في القديم غاليه جدا البيت باكمله كان لديه حله واحده، وهذه الحله تكون ملك لصاحب البيت ، لكن عندما يكون يوجد ولد لديه مناسبه ممكن ان يلبسها لكن اسمها الحله الاولى هي واحده فقط، فقال لهم اعطوه الحله الاولى ربنا احبائي عندما نرجع اليه يريد ان يكسينا برداء البر ويزيننا بالفضائل ، ووضع له خاتم في يديه لكي يعلم بقيمته،وغلاوته،في وقت من الاوقات كان يشعر انه عايش في البيت كفرد لا يوجد له اي كيان،واعطوه الخاتم وبعد ذلك البسوه الحذاء،وهذا الحذاء الشيء الذي يحمي الانسان من اوجاع الطريق واخيرا وقالوا لهم اذبحوا العجل المسمن ،والمسمن ، كان هو افضل عجل لديه في البيت للمناسبات الكبيره، اشاره الى ذبيحه المسيح الفريده التي قدمت ذبيحة عن خلاص كل العالم،الخاطئ اليوم الذى يأتي الى الكنيسة، الله يريد ان يقول له انت محبوب انا قابلك بكل شيء وافتح لك حضني، لاحظ عندما تدخل اي كنيسه تجد فيه تجويف وهذا التجويف هو حضن الأب ، يقول الرب لك تعالى وادخل في داخلي، لم تقف بعيدا وتمتع بالكرامه احظر ان تفقدها ،وعدو الخير يضحك عليك ويقول لك انت رخيص او مرفوض، ابدا عشان كده اقدر اقول لك ،يفتح لك حضنة ويقول لك تعالى وادخل وتمتع بالحله والحذاء والخاتم، واخيرا تأتي وتأكل من العجل المسمن والوليمه السماويه التي فيها تتمتع بخلاصه وغفران خطايانا، اليوم احبائي يوم رجوعنا ،اليوم هو الذي نشعر فيه بكرامتنا كأبناء الى الله، ومهما تعظمت خطايانا فلنا قبول لدى الذي احبنا ويعلن انه اب لنا ،و نقول له يا رب نحن اولادك وان تركناك فلا تتركنا وان تخلينا عنك لا تتخلى عننا وان ابتعدنا عنك فابحث عنا ولا تهدا حتى تردنا ، أظهر لنا تحنناتك ، اظهر لنا مراحمك اظهر لنا غناك ،واجعلنا ان نتمتع بالوجود معك ونحيا معك الى الابد ربنا يقبل توبتنا ورجوعنا، يكمل نقائصنا ويسند كل ضعف فينا بنعمتة ولربنا المجد الدائم إلى الأبد أمين.

بأسم الأب والابن والروح القدس اله واحد أمين ..فلتحل علينا نعمته ورحمه وبركته الان وكل أوان وإلى دهر الدهور كلها امين إنجيل هذا الصباح المبارك يا احبائي.. هو أحد..التجربة على الجبل ،كلنا نعلم الثلاث تجارب .التى جُرب بها رب المجد يسوع ..يسوع عندما جرب، ما كانش هو المقصود بالتجربة. لكنه اخضع نفسه الى التجربه كنائب عن الجنس البشري بأكمله ،يشوع داخل يتجرب بدل عنا...يسوع سمح لعدو الخير ان يحاربة في نقاط.. سبق وان الانسان اتهزم بها .عشان زي ما الانسان الاول بل والخليقه كلها انهزمت من عدو الخير في حروبة والمتعدده ،،جاء ربنا يسوع يحول الهزيمه الى انتصار يحارب عنا ،ويحارب بدل منا ،فكنائب عننا بيتحارب ،وعدو الخير متجاسر لا يوجد له حدود، لا يخجل ولا يستحي،، القديس ابو مقار يقول عنه انها بلا حياء عامل زي الذباب لما تيجي تهش الذبانه ما تتكسفش، تبصي تلاقي تيجي ثاني تهشها ثاني تيجي ثاني ،عدو الخير بلا حياء ،،جاء متجاسر يجرب رأس الخليقه باكملها ...تارك ممالك الأرض كلها بيخضع نفسه النهارده للتجربه، عشان يقول لنا انا النهارده باجرب وعاوزه احول هزيمتكم الى انتصار اول حرب حرب الخبز قال لة قول للحجارة ان تصير خبز، ما قالهوش الكلام ده في الاول لكن قال له الكلام ده عندما جاع،،تركة لحد ما يجوع، وبعدين قال له انت جعان اشفق على نفسك ،انت تقدر تجعل الحجاره تبقى خبز.. قول للحجارة ان تصير خبز ،جاء ليحارب رب المجد يسوع بتجربه الأكل ...تجربه الطعام، نفس التجربه اللي سقط فيها ابونا ادم وامنا حواء ..وقال لهم كلوا من الشجره ..الأكل...وكأن عدو الخير خبير بطبع الإنسان ..انه يميل الى اشباع احتياجاته.. وعارف نقاط ضعفه ،،بيقول لك كده ..ربنا سمح ان الإنسان يكون كائن جائع ،لو كان ربنا اراد ان يخلقنا بطريقه ان احنا ما ناكلش كان ممكن ،، يوجد خليقه لربنا ممكن تكون بتتغذى بطرق غيري طرق الاكل،، مش كان ممكن نمشي بالطاقه؟ نمشي كان ممكن نمشى بالتمثيل الضوئي...كان ممكن...لكن اللة خلق الانسان كائن جائع لية؟؟لكي ما يتحول الطعام الى وسيله حب بيننا وبين الله،، ابونا ادم وأمنا حواء قبل السقوط..عارف اللي كان بيحصل ؟ كان ربنا بيطعمهم بيده ..كانوا ياخذوا الطعام بيد ربنا ..وللاسف عدو الخير غار، وحسد، وقال لهم بدل ما تأكله من يده هو، كلوا من ايدي انا،، كانت النتيجه كلنا عارفين ،فجاي ربنا يسوع يقول، انت جاي ثاني ،تحاربني بحرب الطعام ،عاوزني اكل من يدك انت،، لا..لأنة مكتوب ليس بالخبز واحده يحيا الإنسان، بل بكل كلمة تخرج من فم اللة....ولحد الان احبائي عدو الخير بيحارب الانسان بتجربه الخبز..الجوع..ولو تنظر الى موضوع الاكل فى الكتاب المقدس...هتلاحظ انة كان سبب لسقطاط كثيره..تلاقي واحد زي عيسو يبيع بركه كبيره بأكله ،يقول له بعلى باكوريتك .. قال له يا سيدي وماله بلا باكورية بلا بتاع، انا ماضي الى موت، هتنفعني بأيه البكوريه..اعطيني الاكل... البكوريه دي يعنى الكبير بتاع البيت،، ياخذ ميراث الضعف، ويأخذ بركه ابوه ..والنسل باسمة...وامتداد لبركه ابوه ...وهو كاهن البيت، هو ده كبير البيت.. قال له كل الكلام ده لا يعنيني بحاجه،، يعنيني اني اكل دلوقتي ،،الانسان بيسقط .. من الجوع من احتياجاته ،،عشان كده تلاقي ربنا يسوع جاي يقول لك لا انا هحاول كنيستي كلها الى كنيسه صوامه،، تحب الصوم،،يقول لعدو الخير..انظر الى ولادى وبناتى.انظر الى كنيستى كلها صائمه ..غلبوا الاكل وغلبوا شهوه البطن ..واحتياجاتهم، وقالوا نحن لا نحيا بالخبز وحده، تعال كدانظر الى شعب بني اسرائيل الخبز عمل فيهم ايه قالوا عاوزين نأكل فين الأكل بتاع ارض مصر،، وقالولوا عاوزين البطيخ والكرات والثوم والبصل،، الاكل بتاع مصر ،،وخذ بالك الثمار بتاعه ارض مصر كانت ثمار تنمو على الارض ثمار ارضيه لكن ثمار ارض الميعاد ثمار سماويه العنب والتين والرمان والحاجات اللي فوق،، لكن الانسان شهواني بطبعه، مغلوب من بطنه من الاكل ،،جاء ربنا واعطاهم المن،، قالوا برضه مش عاجبنا ،قد سئمت انفسنا هذا الطعام السخيف..الطعام احبائي وسيلة لغلبه الإنسان ،،لدرجه ان الاباء القديسين يقول لك على البطن يسموها كده سيده الاوجاع... عشان كده احنا في الصوم بنغلب شهوة الأكل ..الاباء القديسين..يقولوا ..بطن امتلئ بالاطعمه لا يوجد مكان لمعرفه اسرار الله،،، ويقول لك عود نفسك ان تأكل ما تحتاجه وليس ما تشتهية ...البطن الصائمة تسجن جميع الرزائل... بتموتها.. عدو الخير جاء يحارب رب المجد بالطعام، لكنة غلبه..لم ينغلب للاحتياجات الطعام...رغم انه جاع.. لانه كان يمثلنا كأنسان ..كان بشر رحقيقي ،جسد حقيقي ..يقولك اذا شارك الاولاد فى اللحم والدم ..اشترك هو ايضا فيهما،،، فهو ايضا كان لحم ودم وبيجوع..فجاع...وقال لة مش هخضع لك ابدا إحنا في الصوم احبائي.. هذه البركه لابد ان تنتقل إلينا ..انني اشعر بالجوع، لكنة جوع مقدس..الجوع الذي يهيئني ان أأكل من طعام الملائكه. الجوع الذي يهيئني ان اكل من خبز اخر،، هو غذاء كلمه اللة... تخيل انت لما تجوع وتلاقي نفسك رددت مزمور...تلاقي نفسك شبعت ...كلنا احبائي ممكن نكون صايمين فتره طويله ونحضر قداس ونتناول .. نخرج مش عاوزين نأكل رغم ان احنا جعانين ، ..شهوه تبدلت بشهوه اخرى ..في احتياج سد احتياج...في غذاء بدل غذاء..ربنا يسوع جاء ليعلمنا هذا.. جاء يعلمنا في الصوم انه ما نخضعش ابدا الى احتياجتنا... يقول لك عن واحد من الاباء القديسين ،مره اخذ تدريب يصوم فتره انقطاع لفتره طويله شويه ،، وبعد ذلك جاع... فقال خلاص ما فيش حاجه لو اكلت دلوقتي يلا هأكل...فبدا يجهز الأكل .وبعدين ضميرة تعبه ،قال وبعدين ده انا كنت هصوم لحد الغروب ..دلوقتي الساعه 3:00 ..وانا كنت هصوم لحد سته...وبعدين..قال بس انت جعان، يلا...وبعيد فاق.... فبيقول لك اخذ يخاطب معدته ،،بس اللي معدته قال لها ما دومتى قد طلبتي الذي في غير ميعاده، فلن اعطيكى الذي في ميعاده.... طالما انتي قولتي ااكل بدري ،انا بقى مش هأاكلك في الميعاد اللى كنا متفقين علية..هازود كمان.. طالما قد طلبتي الذي في غير ميعاده فلن اعطيكى الذي في ميعادة...ناس غلبت ...هدف الصوم زي ما ربنا يسوع المسيح صام. ولم ينغلب الى شهوه الطعام.. عدو الخير يتفنن في الوسائل ..عشان كده احبائي حرب الأكل دي يا ما بتبعد الناس تبص تلاقي ..الخبز..اسمة اكل العيش. .تلاقي الانسان شقيان..و تعبان... يقول لك .اكل العيش ..منصرف عن اللة...يقول لك اكل العيش ...الحكايه جايه منين . جايه اساسها من الاكل... من الطعام .فحين ان الإنسان... لو شاف احتياجه من الأكل هيلاقي اقل بكثير جدا من ما بياكل...يقولوا ان معده الانسان قد قبضه يده .كل واحد فينا يشوف قبضه يده مساحتها قد ايه ..يبقى دي معدته... شوف قبضه اليد دي..تملئها قد اية من الأكل؟! .يعني الاحتياج بتاع الانسان بسيط جدا.. لكن الانسان هل بيأخذ احتياجه بس.. ولا بيتبع شهواته ؟ عشانةكدة احبائي...هتلاقي الصوم فرصه جميله جدا لضبط الاحتياجات..والتفانى بالروح على حساب الجسد ...فيخضع الجسد الى الروح ،،عشان كده احبائي زي ما ابونا ادم وأمنا حواء.. كانوا بياكلوا من يد الله ..فى حالة الفردوس... احنا دلوقتي بنصوم ونتناول. عشان نقول احنا مش هناكل من يد الشيطان ونرفض ان احنا ناكل اي حاجه ابدا هناكل من ايدك انت يا رب يسوع.. ناكل وبدل ما الاباء الاولانيين اكلوا من ايد عدو الخير ...أكلوا وسقطوا..وحزنوا وانصرفوا وتعروا.. احنا ناكل ونسبح ونشكر ونستر..ونشعر ببهجه شديده دخلت الى انفسنا.. هي دي تجربه الطعام.. ثاني حاجه.. قال لة .. طيب انت نجحت في الاولانيه..فى حرب بيني وبينك من زمان..انا جاى ااخذ بطار اولادي اللي انت غلبتهم من زمان ..وعمال تغلب فيهم.. قال له طيب تعال..فأخذوا معة على جناح الهيكل.. قال له..ان كنت ابن الله شوف التشكيك ...اللقى بنفسك، لانه مكتوب،انة يوصى ملائكته بك .فيحملونك.. خذ بالك ،حرب التشكيك.. عدو الخير بيشكك في رب المجد يسوع المسيح نفسه ..بيقول له ان كنت انت ابن الله.. فاكر انت لما قال لامنا حواء..أحقا قال لكم الله... اصل عدو الخير من شغلته الرئيسيه انه يشكك الانسان ..فحقيقه وجوده ..وحقيقه خالقتة وحقيقه الفداء.. وحقيقه الخلاص...وحقيقه انه ابن الى الله، وحقيقه كرامته كأنسان الى الله ..حقائق كثيره جدا عدو الخير بيحاول ان يشقق الانسان فيها اكيد.. بتحتك بالانسان و يقول لك فين ربنا.. اقنعني... ما فيش حاجه اسمها ربنا...كل حاجه يشكك فيها. عدو الخير حربه لا زالت الى الان ولا زال الى الان يصطاد ألوف من البشر... في حرب التشكيل.. يشكك في مواعيده.. يشكك في رعايته.. في اهتمامه بك .عدو الخير دة شغلة...جاى لرب المجد يسوع نفسه ..يقولة ان كنت انت ابن الله اذا كان تجاصر على رب المجد..بنفسة وبيشككة. مش هيجي يشككني انا ...اكيد هيجي يشككني.. لكن يا ترى لما يجي يشككني .. بخضع له.. ولا بحاربه بالمكتوب. قال له لا تجرب الرب الهك...لا ....تخيل انت كده عندما ياتي عدو الخير يحربك .ويقول لك فكرك ربنا فكرك.. اقول له اه فاكرني ده مكتوب ..اننى نقشتكم على كفى...من يمسكم يمس حدقة عيني.... فكرك ربنا هيهتم بك وبمستقبلك وباولادك.. دة بكره لو الدنيا تغيرت الاولاد تضيع ..وانت يجرى لك ويجرى لك... اقول ازاي بقى ...ملُقين كل همكم عليه ..لانه هو يعتني بكم.. لا تهتموا للغد.. تخيل انت كده لما ترد على العدو الخير بكلمه يتكسف ويتخزي ..متى عدو الخير بيتصلت احبائي ؟ لما يلاقيني اضعف وعمال اخد وادى معاة واقولة اه صحيح هنروح فين ونيجى منين...اكتر الحروب اللى عدو الخير يهاجم بها الانسان بكرة...المستقبل.. لما الانسان يكون واثق في يد ربنا يقول له كل الاشياء تعمل معا للخير.. ان عيشنا للرب نعيش وان مُتنا فللرب نموت. ان عشنا او متنا للربنا نحن... اقول لك طب ممكن حد من احبائك اللى انت متكل عليه يفرقك.. لو هيفارقني يبقى دي اراده ربنا ..ولو فارقني يبقى هو راح السما.. وذاك افضل جدا.. تخيل انت كده ان اى حرب ومهما كانت ضرباتها...عدو الخير يحربك بها يلاقيك بترد عليه بآيه ،،يبقى ايه الموقف..اهو ربنا بيعلمنا كده... نقطه ثانيه.. بيقول لك ارمي نفسك من فوق ..وتيجي ملائكه وتشيلك قصده ايه ..قصده يعمل استعراض كده.. هنشوف بقى هتيجي ملائكة هتشيلك ولا لا..هو وربنا يسوع المسيح قادر دي سهله جدا.. يا سلام.. من غير ملائكه ماتشيلك....ماهو صعد على السحاب..ودخل والابواب مغلقه ..مش على الميه .كانت هتفرق معاة كثير يعني لو كان نزل من على جناح الهيكل.. قالك...اولا انا ماانفذلهوش كلامه ..وثانيا..مش هخضع لة...وثالثا.. ايه لازمه ان انا ارمي نفسي من فوق دلوقتي ...ايه لازمتها..لو درست فى معجزات ربنا يسوع المسيح كلها..ما تلاقيهوش ولا مره يعمل معجزه لمجرد الاستعراض ..لا.. لا ...فكرك يعني واخد ال 5,000 وطالع بهم الجبل عشان في الاخر يبقى يأكلهم ..لا..دة عندما جاعوا...قال لهم اعطيهم ليأكلوا ...قالوا ما عندناش ..طب هاتوا اللي عندكم ..اعطوهم اللى عندكم...يأكلون فاكلوا ..ايه اللي خلاه يعمل المعجزه.. الاحتياج الحب ...اية اللى جعلة يقيم الموتى. اية اللى جعلة يشفى المرضى..مش مجرد انه عاوز يستعرض..فى ناس يا احبائي فكرها ان اهم حاجه يحصل له معجزه في حياته. فى ناس بتنمى ايمانها على المعجزه فقط... قال لك لا.. تصور انت ان لما تيجي تدرس في معجزات ربنا يسوع المسيح كلها . تلاقي انه ما شفاش كل المرضى . شفى نوعيات من المرضى..عاوز يقول لك..انا شفيت ابرص لأجل ان افديكم من نتن الخطيه.. اقمت موتى عشان احيكم واخلصكم... شفيقت يد يابسه لكي اعلمكم كيف تكون يدكم مبسوطه للعطاء.. وكيف ترفعون أيادي طاهره للصلاه... كل نوعية من المعجزات انا بفك بها مرض.. مش معنى كده انى بشفى كل المرضى.. لا ...في ناس احبائي عاوزه تبني ايمانها على المعجزه فقط ..لو ماكنش ربنا يعمل يبقى ربنا مش صح..... القديس اغسطينوس يقول لك ان المعجزه هي آيه لغير المؤمن .... المعجزه هي آيه لغير المؤمن ...احنا عندنا إيمان بربنا حتى لو ما عملش معجزه ...احنا اعظم معجزة بالنسبه لنا انه تجسد وفدانا ..اعظم معجزه بالنسبه لنا انه صلب ومات وقام وصعد... اعظم معجزه بالنسبه لنا..انة ارسل لنا الروح القدس اعظم معجزه انه جسدة ودمه مسفوك على المذبح جسد حقيقي ودم حقيقي.. عاوزين ايه اعظم من كده معجزة....مش عاوزين معجزة...لما جم يقولوا له اعطيناه آية...عاوزين نشوف منك آيه ... قال لهم اه....لا تعطى لكم ايه الا ايه يونان النبي...لية يونان... ايه اللي جاب ده لدة...قال لهم زي ما اهل نينوى تابوا بمنادات يونان. هوذا اعظم من يونان هنا....عاوز معجزه استجيب لكلمه ربنا وتوب بيها ...وانت تتغير.. وتشوف اعظم معجزه في حياتك... القديس العظيم الانبا باخوميوس قالوا له اعمل لنا معجزه يا ابانا احنا عارفين انك رجل قديس...قال لهم مااعرفش عمل معجزه ..قالوا له تبقى زي قديس لما انت ما بتعملش معجزات ...ازى قديس ..قال لهم هو القديس فقط... الذى يعمل معجزه.. قالوا له هو ده اللي احنا نعرفه ...قال لهم مين اللي قال لكم ...انتم كلهم قديسين.. ازاي... قال لهم ...اذا أنت بديت بكلمه الله وتاب انسان انت قد اقمت ميتا ...اذا انت كلمت انسانا بكلمه الله ونخس في قلبه انت قد فتحت عيني اعمى..اذا انت علمت انسانا متمسك بالمال حب العطاء انت قد شفيت يدا يابسة...ثانيه .اذ انت نقلت انسان من الغضب الى الهدوء والوداعة انت قد اخرجت شيطانا فكرك ان انا المعجزه واحد بيصرخ قدامه يصلى وخرج منه الشيطان يبقى دة كدة قديس....مش هو ده بس الدليل..لا ... عشان كده ربنا يسوع ما استجبش لحكايه انه يرمي نفسه من فوق..لا اية الداعى .. منظر؟! والناس تسقف لة ...لا .. مش هو ده الاحتياج... 1\ الخبز 2\ التشكيك ..ومن خلال التشكيك بيقول له القي نفسك ...اخر تجربه والاخيره.... 3\... قال له طيب انت نجحت في الاولانيه والثانية .تعالا نشوف الثالثه... هعطيك كل ممالك العالم .بس اطلب منك طلب صغير خالص ان انت تخر وتسجد لي...قاله لا..دة انت ما عندكش حدود ..ده انت جايلى مره والثانيه والثالثه بتطلب مني طلب زي ده.. خذ بالك اوعى تفتكر ان عدوه الخير ما تحاربش الشخص بالفكر ده لا..دة راجل كبير . ولا ما تحاربش الست دي بالموضوع ده... ابدا ..اذا كان رايح لرب المجد يسوع بيقول اسجدلى.... مابيقفش عند احد ابدا ..ولا يشفق ابدا ابدا اذا كان حارب داود النبي..اللى قلبة بحسب قلب الله ..بشهوة.....اذا كان سليمان الحكيم..صاحب كنز الحكمه دي كلها ..يحاربة بالغنى وبالنساء.. أوعى تفتكر ان الحرب لها سن ..اوعى تفتكر ان الحرب لها مده. ابدا اوعى تفتكر ان الحرب لها نوع بس. لا دى انواع ،وعمال اللي ما يجيش الاولانيه يجي بالثانيه،، اللي ما يجيبوش بالاكل والطعام . يجيبه بنمره اثنين بالتشكيك..اللي ما يجيش دول ...يجيبوا بنمره ثلاثه ...انه يسجدلى...اخضعلى...عيش خاضع لى. قال له لا.. للرب الهك تسجد وإياه وحده تعبد...عدو متجاسر..عدو جاء ليخضع رب الكون كله لنفسه ..هو كده.. كم واحد النهارده بيخضعوا لعدو الخير... كثير... وحروب وفخاخ..وحيلة...زى مابنقول في صلاه جحد الشيطان ...كل حيلك الرضية. و المضله..و كل جيشك وكل نفاقق... بنجحده،،،فرب المجد يسوع النهارده.. بيجحد لنا الشيطان اللي غلبنا قبل كده ..قال له خلاص مش هتغلب ولادى تانى ابدا....خلاص الموضوع ده كان زمان.. انا دلوقتي بنتصر ليهم وبنقل لهم النُصره دى... جاى تقول لي اسجد لك؟! لا ...تشوف عدو الخير تلاقية يريد الإنسان أن يسجد للمال...عاوز الانسان يسجد لشهوته.. عايز الانسان يسجد لمحبه العالم.. عايز الانسان يخضع لكل ما هو ارضي. وكل ما هو ترابي...الإنسان الارضى يقول له ابدا... هو الاهى فقط...ما فيش حاجه ابدا تقدر تقدرني.. ولا تقدر ابدا تبعدني عنك....لا تحبوا العالم ولا الأشياء التي فى العالم... اسجد لها . ابدا ..انا غالب من جواى بنعمتك انت يا ربي... سلطان احبائي ....يا بخت الانسان الذى يغلب شهواته. يا بخت الإنسان اللي غالب طبعة...يابخت الانسان اللي عايش منتصر..يقولك جاءت الملائكه وتخدمه. الملائكه عندها استعداد ان هي تخدمك.. بس لازم تجتاز الحرب.. مفيش حد ابدا هينتصر الا لما يحارب يقول لك كده.. لا يُكلل الا ما انتصر ..ولا ينتصر الا من حارب.. لازم تحارب.. اذا كان ربنا يسوع نفسه..اتحارب...لازم تتحارب...وملكوت الله لا يأخذ براحه ..ابدا ..قال ان للرب حرب مع عماليق ..في كل الاجيال وكل الاعمار وكل المراحل...هتلاقي عدو الخير مجهز الفخ بتاعه ..المملوء بكلمه الله ..والمملوء باليقين.. بالخلاص.. المليان بنعمه اللة وقوته يقدر يغلب...نطرح عنا الخطيه المحيطه بنا بسهوله.. نطرحها..اكتر شي يغلب الإنسان بها هى نفسه..... واحد من القديسين يقول لك.. انا ليس لي عدو الا ذاتي ولا اكره الا خطاياي..ماليش عدو إلا ذاتى.. ولا اكره الا خطاياي.. عشان كده احبائي ..الإنسان اللي بيتغلب... بيتغلب من نفسه... واللي بيغلب بيغلب من نفسه... القديس يوحنا ذهبي الفم بيقول... لا يستطيع احد ان يؤذيك مالم تؤذى انت نفسك.. ما حدش يقدر يأذيك ابدا..شوف الإنسان المنتصر..إنسان قوي غالب..اختم كلامي.. يقول لك عن القديس باسيليوس اسقف قيصريه. كان زمان المضهدين لما يحبوا يضطهدوا الشعب يطهدوا الاسقف...فكان تملى اول واحد يستشهد في الشعب هو الاسقف عشان كده معلمنا بولس يقول لك ان اشتهى احد الاسقفية فهذا امرا حسنا ....دى حاجه مش وحشه. اصل ما حدش كان يريد يصبح اسقف لاجل منظر..دة هيكون اسقف عشان هو عارف كويس جدا وفي يوم من الايام قريب او بعيد هيصبح شهيد ..فكان يأتون برمز المسيحسة اللي هو رئيس الشعب ..الاسقف..ويذلوا ويطهدو..اويضربوه لحد ما تقطع راسه او يعزبوا بأي لون من الوان العذاب ...كنوع من انواع مذلة لباقى الشعب....فأاتوا بالقديس باسيليوس .و قالوا له ممكن اعمل فيك حاجات كثير جدا.. فياريتك تنكر الإيمان الاول عشان مش عاوز اضايقك ....قال له حضرتك اللي عاوز تعمله اعمله.. قال له لا ده انا اقدر اعمل معاك حاجات كثير قوي.. اقدر اجردك من كل ثرواتك ..قال لة حضرتك ما عندكش فكره ان انا ما عنديش اي حاجه اساسا.تجردني منها... ما عنديش اى ثروة خالص... ولا حاجه... الانسان احبائي لما يقولوا لة هنجردك من ثروتك..دى كلمه مرعبه..لكن اللى ماعندهوش اساسا حاجة مايخفش...قال له طيب لو ما عندكش حاجه انا ممكن انفيك ...انا هنفيك فى بلد ثانيه . قالوا له ومالة وديني بلد ثانيه انا لما اروح بلد ثانيه هاشوف ايه ..هشوف الخليقة. لان للرب الارض وملئها المسكونه وجميع السكان فيها ..انا هشوف خليقه الله وابارك الله وأسبح الله ...فى كل مكان هجد ربنا....قال له ما تخلينيش اضطر ان اسجنك... قال له وما له لو تسجنى...انا الحياه اللي انا عايشها دي حياتي الخاصه اقصى من الحياه اللي انت بتعملها مع المساجين بتوعك ..لو نظرت الى القلايه بتاعتي واللبس بتاعي والأكل بتاعي ..هيُحسب ان السجن عندك ترفيها بالنسبه لى... ما فيش حاجه تأذيني ..قال لة يعني انت ما فيش حاجه نافعه معاك ابدا ..هنضربك ؟ قال لة هو انا استاهل اني اوهان من اجل اسم سيدي.. هو انا اطول..دى ببركه كبيره ليا... واضح ان انت ما فيش حاجه نافعه معك ..واضح ان احنا لازم نقضي عليك دلوقتى..قال لة ليتك لا تردد...ان حياتي كلها في اشتياق لهذة الحظه فليتك لا تتردد وتعجل بأمري ...امتى الانسان احبائي بيترعب؟ لما يكون مهزوم من جواة... يلا نغلب من جوانا ..نغلب ازاي.. بالمسيح يسوع ربنا اللي غلب النهارده غلبه المسيح دي مش للمسيح مش عشان نقول انا انتصرت على الشيطان ..طب ما هو معروف انه هو كل رئيس مل سياده أومال هو انتصر ليه ...عشان النصره دي تنتقل الى اولاده ويعيشوا منتصرين ...لو كلمك عن رجوع. تقول له ..ليس بالخبز وحده يحيا الإنسان.. يشكك.. قولة له ابدا ..لى يقين وليا ايمان ..يجي يقول لك اطلب اية.....قولة انا ما عنديش اية غير انى انسان بتمتع بالخلاص..وليا مواعيد الملكوت.. ومتاكد منها ...لو حاول يقول لك اسجد لي. فى شهوه ولة فى مال...قولة انا لايوجد شهوه الا شهوه محبته ....ربنا قادر احبائي ان ينقل هذه النصرة إلينا..لنحيا منتصرين بالمسيح وللمسيح.. يكمل نقائصنا ويسند كل ضعف فينا بنعمته ولالهنا المجد الى الابد امين...

بأسم الأب والابن والروح القدس الآله الواحد آمين ..فلتحل علينا نعمته ورحمه وبركته آلان وكل اوان والى دهر الدهور كلها آمين ... احد رفاع الصوم الكبير... و الكنيسه بتستقبل الصوم ..بشغف..بأشتياق.. لانه لان دي حاجه مجرباها الكنيسه ومختبراها وهي عارفه هي بتعمل ايه وعارفه مفعولها ايه وعارفه نتائجها ايه... عشان كده الكنيسه كنيسه عاشقه للصوم ...تدخر لنا روحانيه عميقه جدا...قداسات بوفرة، لحن خاص بالصوم فى فية انكسار ،يساعد النفس على المذله والتوبه..اصوام انقطاعيه ،قراءات عميقه، نبوءات ،كل هذا احبائي ،لاجل ان يكون الصوم خطوه في توبه الانسان وفي بناء الانسان الروحي... عشان كده عايز اقول النهارده بلاش يكون فكرنا في الصوم ..بس... احنا مش مقبلين على الصوم عشان خاطر نغير اكل ...كل استعدادنا للصوم نجيب شويه اكل صيامي،، قصه الاكل دي قصه سنويه في موضوع الصوم ، في ناس نباتيه ،،في ناس يقول لك اصل ده ملوش في الاكل ، في حد يقول لك ده نفسه مسدوده، وفي معتقدات اخرى مختلف بتدان الصوم...الصوم بالنسبه لنا فكر مختلف تماما ،،وهو انسان بيقدم جسده ذبيحه، إنسان يجعل سكين الروح على الجسد، وبيضبط جسدة ..ويسمو بجسده ..بيعلو بطلباتة وبيقدم روح نشيطة..وفكر مرتفع سماوي.. هو ده فكر الصوم ، حالة الاكتفاء بأننا هنصوم نغير اكل،، دي لابد ان احنا نغيرها من فكرنا ومن قلبنا،، مش هنغير اكل، لابد إننا نغير سلوك..نغير حياة...نغير اهتمامات ..نغير برنامج. ،هنغير طباع ...هو دة الصوم....ما يعديش الصوم احبائي ..الا وينفجر فيك إنسان روحاني جديد... ما يعديش يوم من الصوم الا و تحس انك اخذت خطوه جديده في طريق الملكوت،، ما يعديش الصوم الا وتكون مسكت فضيله واثنين،، واجتهد ان انت تقتنيهم،، ما يعديش الصوم الا وتكون في خطيه مربوط بها رباط وثيق الا وتجتهد انها تتفك منها.. هو ده الصوم...اية اللى فى قلبك بالنسبه للصوم دلوقتي ...عاوز تصوم لية...و هتبتدي تصوم بأنة روح....هتبتدى وانت كسلان.. هتبتدى إنسان وبتقول النهارده انا عايزه اكل كل اللي نفسي فيه... وانت بتقول يامهون...وتظل تحسب فى الأيام...هتعدى أمتى....تملي يقولوا كده الانسان الروحاني يحسب كم يوم مر من الصوم ويزعل...و الإنسان الجسداني يحسب كم يوم عدى من الصوم ويفرح ..واحد ينظر ان ده ثقل ،،واحد ينظر ان ده وسيله خلاص ،، ياما بنشتكي من ان طباعنا ثبتت فينا.. يا ما بنشتكي من خطايا وضعفات..لها جزور جوانا ..طب اية الفرصه ...الفرصه هو الصوم ..عشان كده احبائي جيد جدا في الصوم ان نصم عن كل شر..جيد جدا في الصوم احبائي ان يكون عندنا ضعفتنا قدام عينينا وبنجتهد امام وجة اللة ... ونترجى وجه ربنا.. ونسجد قدام تحننه..من اجل ان يقبل..من خلال صومنا يقبل حياتنا ..هو ده الاشتياق اللي المفروض ندخل به للصوم ...هو ده الفكر الروحي.. اللي لازم نقابل به الصوم ...اكثر حاجه تجيب غضب الله على الانسان..وغضب الله على البشريه كلها...هى الخطية...القديس يوحنا ذهبي الفم يقول لك ..الخطية هى كارثه الشعوب.. الخطيه دي جايين نعمل بها اية....جاين نعمل بها رضا الله....الصوم هو ارضاء الله هو الاقتراب الى الله...الصوم هو الامتناع عن الشرور. ده بيعمل ايه ...بيجيب بركات.... ثمار الخطايا بتاعه الانسان الخطيئه اللي خرجت ابونا ادم وامنا حواء من الفردوس. تعال اقرا شويه في الكتاب المقدس شوف الخطيه عملت ايه.. انظر الى سدوم وعموره. الخطية ...أتت بنار من السماء...وحرقه البلد باللي فيها ...الخطية خاطئة جدا....الخطيه عملت الطوفان..كون ان ربنا يهلك جميع بين البشر الا ثمانيه بس..نوح وزوجته واولاده وازواجهم.. بس..الكتاب المقدس كله عايز يصور لك شناعه الخطيه.. شناعه الخطيه.. يعمل ايه ..يجيب لك حاجه زي الطوفان يقول لك خلي بالك اتمسك بالبر وعيش بالوصايا..حتى لو كنت قليل ..حتى لو كان العالم كله عايش ضد وصيه الله...تقرأ الكتاب تلاقي عمال يوريك ثمر البر وثمر الخطيه. يقولك توب واتغير وغير نفسك وقلبك وغير اعماقك... يوريك ايه اللي سبى بني اسرائيل في العهد القديم؟ الخطيه . ربنا سامحلهم. بالسبى. والمذله والإهانة...اية اللى جعل الارض تتشق وتبلع ... التعدي ..اية اللي ذل شمشون الجبار...الخطية...عاوز يقول اد ايه الخطيه مذلة..ومهينه... ايه اللي في الاخر هيجعل يبقى في ناس سكان الجحيم ..سكان العذاب الابدي.. الخطيه والتعدى.. طب الصوم ايه ..الصوم ان نكف عن الخطايا... ان نتصالح مع الله.. بنقدم له نفسنا.. وبنقول له يا رب ها انا ذاه ...بقدم لك جسدي ورغباتي.. بقدملك كياني ومشاعري وعواطفي ..و ابسط دليل على ان انا باقول لك يا رب انا بحبك ..وعاوز اقدم لك نفسي انا هامتنع عن الاطعمه ..ابسط دليل هقدم لك به خضوع وطاعه ان انا اقول لك يا رب.. هاعيش بحسب وصاياك مش هعيش بحسب شهواتي.. ودة دليل بسيط بقدمه لك.. ..وياريت اكون قدرت أعبر عن اللي جوايا عن طريق شويه الاكل اللي انا امتنعت عنهم... كل يوم وانت بتاكل فكر في كده...فكرة تقول له يا رب لعله اكون بعبر لك عن اللي جوايا ...اللي جوايا اكبر من كده بكثير...عشان كده تلاقي نفسك، عاوز تشد على نفسك اكثر عاوز تبطل تدليل الجسد.. عايز تتحكم في نفسك اكثر، عاوز تنشط الروح اكثر ،عاوز تقف تصلي فترات اطول، وعاوز تتناول أكثر...وتقرا الانجيل اكثر.. وتشبع بربنا اكثر.. ليه..؟ لان دة هدف الصوم...عشان ...قالك ارجعوا الي ارجع اليكم.. ارجعوا بالبكاء بالنوح بالصوم...بالصلاة.... قدسوا صوما نادوا بأعتكاف..اجمعوا الشعب قدسوا الجماعة ..اجمعوا الشيوخ..نادوا بأعتكاف.. ايه ده ..عاوز يقول لك فى الصوم حاول ما يكونش برنامج اليوم بتاعك عادي،، لازم يكون مختلف ..اعمل الضرورى فى الصوم.. الاهتمامات بتاعتك اللي فيها بيضيع فيها وقت كثير حاولت تقللها.. قد كده الصوم مناسبه خطيره..؟ طبعا ...اشعياء النبي.. يقول لك هلموا ايها الجياع والعطاش..تعالوا ..تعالوا كلوا واشربوا بلا فضه بلا ثمن اشتروا خمرا ولبناً... ايه الخمر واللبن ده؟! الفرح الروحي... تعال خذ فتره انقطاع تكون طويله شويه..و شوف نفسك وانت جاي تأكل الساعه 4:00 ولا الساعه 5:00 ..تحس ان انت مش عايز تأكل ..تحس ان انت فى فرحه جعلك تنسى الجوع.. تبص تلاقي ابتدا الجسد طلباته تقل.. وابتديت انك شاعر انك بتتحكم في نفسك ..وابتدا لسانك يبقى اهدى.. وابتدا طبيعتك تبقى وديعة....اد كده الصوم ...اقول لك طبعا...الصوم بيغير في الانسان حاجات كثيره جدا.. قال لك ممكن طبع الوحوش يروض...كذلك الجسد....الجسد ممكن يروض لما تتحكم في رغباته ..هو الصوم ايه ...فرصه ان انت تقدر تضبط جسدك وبتضبط رغبات جسدك...علشان كده احبائي..مقبلين على الصوم بأشتياق..بنيه ورغبه.. مقبلين على الصوم واحنا عاوزين نشوف ايه اللي ممكن نقدمه لربنا من خلال الصوم.. مش اللي ممكن نقدمه لنفسنا ..مش عاوزين نتحايل على الصوم ونقعد نعمل اصناف كثير ..ونغيره... الدنيا فيها تطوير واصناف كثيره تجعل الانسان ممكن يدلل جسدة..ما يحسش بالصوم... لا حاول ان انت تضيق على نفسك على قد ما تقدر.. على قد ما تقدر..كلما ماتت حته في الجسد اتولدت حته في الروح..و كل ما عاشت حته في الجسد ماتت حته في الروح ..فأحنا في الصوم عاوزين نموت مراكز في الجسد.. عشان تحيا مراكز في الروح.. عاوزين نقدم توبه عن سلوك واعمال.. قال لك كده اول ما سمعوا كلمه معلمنا بطرس الرسول يوم ال 50.. قالوا له طب ماذا نعمل.. قال لهم ...توبوا...لابد ان نعرف ان الصوم هو توبه تغيير ..توبه يعني مطانيا ومطانيا يعني تغيير. اتجاه تغير عقل تغيير اهتمامات، تغيير فكر، يلا نضع ضاعفاتنا قدام عينينا و قدام ربنا ..ونقدم توبه عند ضعافتنا .... وكل واحد زي ما يقول لك كده...كل واحد عارف ضربه قلبه... كل واحد فينا عارف وجعه..كل واحد فينا عارف ايه الاشياء اللي مرجعاه لوراء.. طب يلا... اذا كنا عارفين ضربات قلبنا ...يلا نحط ضربات قلبنا في الصوم ...قدام ربنا...اللى مربوط بألم. واللى مربوط بعاطفه واللي مربوط بجسد واللي مربوط بشهوه واللي مربوط بمال...واللي مربوط بعلاقات ...والذي بعد تماما عن اي ممارسة روحيه.. ..ضع ضعفاتك قدامك في الصوم وقل له يا رب انا زي ما هبتدي انى هصوم...عاوز ابتدي لك ان انا اصوم نفسي عن هذه الاخطاء.. ودة احبائي بداية...ونموه الإنسان فى النعمة والفضيلة ... وانت قاعد دلوقتي ..قول طب انا المفروض اعمل ايه فى الصوم؟ .. اقول لك ..صلي اكثر اقرا اكثر...انقطع فترات اطول..اعمل مطانيات.....لما تأكل تاكل بغير لذه... لما تأكل كول لحاجة الجسد فقط....بيقول لك كده..اجتهد انك تأكل ما تحتاجه ...وليس ما تشتهيه...ضع لنفسك هذه الاشتياقات في الصوم..وابتدى بيها....واول من النعمة تلاقي واحد ابتدا يضع سكين على الجسد...ربنا يعطيك زي ما اعطي ابونا ابراهيم خروفا.. عوضا عنه... عندما وضع السكين على اسحاق .اعطاة خروفا عوضا عنة....اول ماتضع سكينا على جسدك فى الصوم...وتقول انا هبعد عن كذا وعن كذا ...هتلاقى ربنا ١٥١٥١٥١٥مش تحس انك محرم ...مش هتشعر انك متضايق،،مش هتحس ان نفسك في حاجه ابدا ..مش هتشعر ان الصوم طويل ..لانه بيعطيك النعمه البديله اللي بيخليك تتلذذ بها ...خد بالك...ما فيش نعمه تعطى بدون سكين مرفوع .. ما كانش ممكن ابدا ربنا وابونا ابراهيم قاعد في بيتهم.. يقول له خلاص ..اعتبر نفسك قدمت اسحاق وخد خروف بداله واطلع اذبحوا... لا لا لا... لازم يأخذوا معاة ويمشي معاة المشوار ..ويطلعه فوق المذبح .ويربطوا ويرفع السكين... ده رحله الصوم بتاعتنا ...واخذين جسدنا معانا ...وجعلينوا يخضع...وعمالين نضع علية وصاقات ونقولة ما تعملش ماتعملش..وبنرفع عليه سكين عمل النعمه.. من اول ما الاراده الروحيه تقوى...فى حياتكم..تلاقى عمل النعمة البديله تأتي ...تلاقي فيك. فرح روحي ومسره وقوه.. بعد ما كنت اول ماتفتح عينك عاوز تأكل ...ابتدات تبقى ناسي حكايه الاكل..وابتدى الوقت يعدي.. ولا تشعر بجوع ولا حاجه..اية اللي جرى... هو انا تغيرت؟ اقول لك اه في نعمه بديله.. في تعويض...ايه المطلوب في الصوم ....واحد يلاقي نفسه بيكلم كثير.. واحد بياكل كثير..واحد عينة مش منضبطة... واحد عنده طمع. واحد عنده غيره.. واحد عنده ادانه..هو دة اللي بالاولى لازم نصوم عنه.. لان هو ده هدف الصوم الحقيقي..مش مجرد بس تغيير في انواع اطعمه.. هو ده ..حط الضعفات بتاعتك قدامك.. وقل له يا رب...انا خطيتى امامى في كل حين. لك وحدك اخطات ..يا رب انت تعلم ضعفي..و اقدم لة ضعفي وقدم جسدي قدامه... فيبتدى ربنا يفكني من رابطه وربطه وربطه.. وابتدت نفسي المتربطه دي ابتدت تنطلق في افاق جديده.. وابتدت تأخذ قوه ودفعه ايه البركات دي.. اقول لك دى بركات كثيره ...الكنيسه مجبرة الصوم دة سنين وسنين كنز وشهوه قلب الكنيسه ..انك تلاقي فى الصوم ان الناس بتتغير وطبيعها..بيتغير...تبقى فتره محبوبه جدا في ضمير الكنيسه عشان كدة أقدر أقول لك ان ده قوة ونعمه ورحمه كبيره جدا..مافيش شخص تاب الا لما صلى ...مافيش واحد صام الا ماصلى... التوبه مفتاحها الصوم والصلاة.. والكنيسه بتقول لك صوم وصلي في الصوم عشان تتوب.. ضع خطيتك قدامك في الصوم..ماتصمش بس أكل...لا..ضع..الخطايا بتاعتك في الصوم وقدم نيه توبة عنها..وابتدى فعلا اجتهد ان انت تتعتق منها.. هو ده الصوم ..ما.اجمل إنسان واقف صائم امام الله وبيطلب يتضرع لربنا عن ضعف ربنا يفكة عنه.. اكثر طلبة محبوبه لربنا طلبة التوبه..اكتر طلبة تدخل لحضره ربنا وتجد استجابه ان الانسان يقول ارحمني... قال له...من ساعة تضرعاتك انا سمعت وقضيه الامر... قال كده لدنيال..من ساعة ماتبدا تقدم مشاعر توبة..ثق فى الله ...نقرأ فى سفر الاخبار، عن ملك شرير جدا اسمة منسى...ابوة كان ملك بار تقى جدا.. الملك حزقيا..فمنسى قام وعاد وعمل مرتفعات اماكن عباده الاوثان اللي كان ابوه هدمها...هو بناها ثاني..وعمل مرتفعات جوه الهيكل تخيل انت كده لما يبقى جوه هيكل ربنا اماكن لعباده الاوسان اظل اسرائيل ارضى الله طبعا الملك الم اعبد الاوثان ...واضل اسرائيل..وطبعا الملك مادام عبد الاوثان...الشعب كله بقى بيعبد الاوثان ..اضل يهوذا ..عمل الشر فى يا عيني الرب لاغاظته...ياااااة...كلمة شنيعة...عمل الشر في عيني الرب لاغاظته.. واحد بيعمل الشر عشان يغيظ ربنا..مش بضعف لا دة عاوز يغيظ...رلنا ..استمر ع الحال ده 50 سنه 50 سنه الشر والمملكه في شر بسببه.. ربنا في الاخر عمل ايه.. سمح له انه يسبى...وقضوا .. اعداءة بخزامه.. وجرو زي الحيوان لا مؤاخذه يعني.. بسلسله في رقبته ومجرور ... تقرا آية واحده بس في سفر الاخبار ...قالك لما لقى ضيقة نفسه ..فصلى الى الرب... وعندما صلى..فرد الرب له مملكته وقبل توبته ..معقوله يا رب صلوة تتوب الإنسان عند كل الشرور دي...وكل السنين دي...اقولك اه...بس قول لة ارحمني كده ...اقف بقلب تائب... معلمنا داود اعطانا مفتاح..بيقولك..القلب المنكسر المتواضع لا يرزله الله ..ماهى الاشياء التي تساعد الانسان وتجعل قلبة منكسر...متواضع....انك تكون صايم... الكنيسه عارفه ان الصوم وسيله للمذله والاتضاع.. عارفه ان الصوم من اكثر الوسائل اللي تجعل الإنسان يبقى منسحق ..جرب تقول انا لما اروح مش هأكل ..هستنى شوية..وهصلى قبل ما أكل.. لما تصلي قبل ما تأكل ..يحصلك اية؟ ..صلاة مختلفه خالص... لانك قبل ما تصلي نصرت الروح على الجسد ..احيانا يقول لك لما تيجي تاكل وانت صايم حاول انك تتباطئ في اعداد الأكل ليه ...يعني اسف في الكلمه يعني اتلكع فى تجهز الاكل.. خذ لك ربع ساعه نصف ساعه.. لان الانسان النهم في الاكل..انة لو صام صام وراح اكل بنهم يبقى برضة لسه الجسد مشاغب.... اكله ببطء واكله ما يحتاجه.. ارفع يدك عن الطعام قبل ما بطنك تنتهي ده ايه...دة...تعالى كدة خد الصوم بالاسلوب ده وشوف ايه اللي يجرى...تلاقي حاجات كثير تنضبط فى داخلك وكأن الاكل ده ..هو مجرد وسيله بتعبر بها عن ما هو اعمق واهم بكثير من حكايه الأكل ..تعال كده قدم توبه عن خطايا متكرر وشوف قبول الله لك.. اللي بيزرعوا فينا عدو الخير بيقول لك انت ما فيش فائده ما ينفعش ودي حاجه من زمان اقول لك لا ابدا ..يزرع فيك شيئين ..يايقولك انت كويس قوي وانت احسن من غيرك بكثير.. يا يزرع فيك فكره ثانيه يقول لك انت وحش قوي وما فيش فائده منك.. يا كده يا كده..ويمكن فى اليوم الواحد يجيب لك الفكره دي والفكره دي عشر مرات ..شوية يقول لك انت كويس قوي..واحسن من غيرك بكثير...وشويه يقول لك انت وحش قوي وما فيش منك فائده ..قولة أنا مقبوله لدى اللة...ولا أنا وحش قوي لانى عايش مع المسيح واثق انة هيقبلنى.. ولا حلووو قوى لانى لو حلو قوى فدة برضة من المسيح..... ربنا يكمل نقائصنا ويسند كل ضعف فينا بنعمته ولالهنا المجد الى الابد امين.....