تسميه اباء الكنيسه عيد ميلاد الكنيسه.. عيد البركات. عيد الحصاد عيد الخيرات يمثل في العهد القديم عيد الحصاد وهو كان باكورات الحصاد بتاعه الناس وعشور الحصاد يقدموا الى الهيكل ما حدش كان بيدخل الهيكل فاضى كل الناس كان معها خير كثير لدرجه انة مخازن الهيكل كانت مليئه جدا الكنيسه رابطت بين عيد الحصاد وبين عيد حلول الروح القدس لان هو كان عيد الخير عيد الخيرات والحصاد و عشان كده قال العطيه العظمه والسمينه عطيه كبيره جدا غنى كبير جدا بركه لا توصف تضاف الينا احنا الوحشين الخطاه الضعفاء والفقراء الغلابه واحد يقول لك خذ الثروه دي كلها اكتبها لك باسمك بس بشرط لو سمحت حافظ عليها انت اللي طول عمرك داخل في تجارات خاسرة ما بتعرفش حاجه وبتدخل بتخسر معروف انك انت شخص مبدد معروف ان انت شخص ما بتعرفش اي حاجه جالك شخص غنى قال لك انا هتبناك انت صعبان عليا انت ليه كده على طول متعصب انا هديلك الثروه بتاعتي و هنسبهالك انت بس خلي بالك عليها لو سمحت دي حاجه مهمه و غاليه علي حافظ عليها صدقوني احبائي ده اللي حصل معنا دلوقت زي احيانا كده لما بيكون في الدواء يبقى في شركه تعبانه كده ولا حاجه تاخذ توكيل اجنبي التوكيل الاجنبي ده يعني المنتج الاجنبي هيطلع من الشركه دي بس طبعا باسم التوكيل الاجنبي يعنى نفس اسم الشركة ونفسى اسم الدواء لازم الشركه التعبانه دي تحافظ على اسم الشركه الكبيره اهو احنا كدة احنا اخذنا حاجه مش بتاعتنا بتاعته بس لازم نحافظ عليها عشان كده مرات قال (( لا تحزن الروح لا تطفئ الروح اسلكوا بالروح عشان كده لازم تكون العطيه دي انا امينه عليها الروح القدس هو اللي يخلي واحد زي الانبا انطونيوس انه يبيع كل ما لهم الخطوه مش سهله ابدا صعب ان واحد يعمل كده لما تيجي نفكر بالعقل تلاقي دى مجازفه واحد زي الانبا صموئيل المعترف عينه تعثرة يروح خالعها دي حاجه مش سهله ابدا ده كلام ما يتوصفش كلام فوق العقل بيقول لك كل حاجه في حياتي القديسين بتفوق قدراتك وتفوق خبرتك وتصورك و تحس ان هي فوق المنطق تعرف ان دي بتاعه الروح القدس لو عندك فضيله نفسك تقتنيها اطلب الروح القدس لو عندك شخص ما بتحبوش وتعبك في حياتك وعامل عثره في حياتك ومش عارف تتقدم ابدا من روح الكراهيه الموجوده تجاة الشخص دة اطلب من الروح القدس يشيل الكلام ده يكنس اي حاجه ما تقدرش عليها اطلب الروح القدس ده شغله دي القوه المضافة الخفيه فى حياتنا هو ده الروح القدس الروح القدس اللي بيعمل فينا الاعمال بتاعته اللة مش بتاعتنا احنا متصدقش ان في بشر يعملوها هو ده عمل الروح القدس الروح لما في العهد القديم التكوين يقول لك كده وكان روح الله يا لف على وجه المياه لما كانوا يمسحه كهنة و ملوك وانبياء كانوا بيمسحوا وهم بالروح القدس بس كان فى العهد القديم كان مجرد حلول من بره في العهد الجديد اخذنا كسكنة يعني مثلا الروح القدس يبقى على واحد علي داود مثلا شاول بس يقول لك مسحت كهنه وملوك وانبياء بس الروح القدس كان يحل كمان مش يسكن في العهد الجديد قال لك لا لا لا انا مش عايزه اكرر نفسي طبيعه العديمة بتاعت الجنس البشري بتاعه العهد القديم انا جاي اجددها جاى بخليقه جديده جايبها بروحي عشان كده قال لك انتم هيكل الله وروح الله يسكن فيكم في العهد القديم قال لك ان لما يشوع بعث الناس اللي تتجسس ارض الميعاد لما موسى بعت يتجسسوا ارض الميعاد قالوا ان الخيمه كبيره الارض اللي احنا خارجين عشان ناخدها دي ارض صعبه جدا لا احنا تايهين 40 سنه عشان نروح الارض دي!!!دى أرض تاكل سكانها ارض غداره راينا هناك بني علاق كنا في اعينهم كالجراد احنا شفنا هناك ناس عمالقة هو دة اللى تعبنا عشانة 40سنه ويا خسارة هى دى الوعود هو دة اللى قولتنا علية يا موسى !!! ورجعوا بقى يقول في سفر العدد اشاعوا مزلة الارض الشعب كله جاء له حاله حزن ويأس احباط وثورة على موسى وبعدين بقى قال لك واما يشوع وكالوا فكان معهم روح اخرى ايه يا روحي الاخرى هي الروح القدس اسكت الشعب قالوا انها ارض جيده في سفر العدد٣ مكتوب كده ارض جيده جدا جدا جدا ان سر لنا الرب يعطيها لنا خلي الناس كده سكتت الروح القدس يخلي لك المستحيل سهل لا شئ مستحيل امام الروح القدس ان سر بنا الرب يعطيها لنا سر السماء فى الروح القدس سر الفضيلة فى الروح القدس سر الجهاد في الروح القدس عشان كده النهارده يوم فوق الايام مش من الايام العاديه يوم ما ينفعش ان احنا نسيبه نمسك فى بركتة افضل خزن خزن خد خزين لانة هو يعطيك ما لا تتخيلة!! من فرط عطاياة صرنا لا نصدق واحد يعطيك ملايين يكتبها باسمك اية دة دى حقيقة ولا مزورة!!!دة حقيقة عشان كدة احنا بالروح والحق نسلك اتفرج ع المحبة اللى عند المسيح الحقيقة اتفرج ع السلام اللى عند المسيح الحقيقى غلاطية ٥ محبه فرح سلام تقول انان لطف صلاح وداعة ايه ده دى ثمار الينبوع بتاعها هو الروح القدس الناس كلها عندها مشاكل في المحبه اما المليان من الروح القدس ما يعرفش الكلام ده ما يعرفش الكراهيه دي كلها بكل اللي فيها ما تزعجهوش تلاقية مليان فرح طب على اية!! ازاى الناس عايشة فى كأبة وضيق وغلا وازاى الناس عايشة فرحانة!!! كدة !!!اصل هما عارفين ان لسنا لنا هنا مدينة باقية اصل هو من جواة مش هى دى الحاجات اللي تنكد علية تبص تلاقي ايه مليان سلام ليست لنا هنا مدينه باقية يقول احد الاباء الرهبان اكثر شيء ينكد على ان مصليش دي اكثر حاجه لما تلاقيني ما بصليش تلاقيني عصبي اصل هو عارف القوه بتاعته بتيجي منين عارف المصدر هو الروح القدس يعلمك كل شيء ويفرحك ويسندك النهارده احبائي يوم خير كبير قوي على الكنيسه كل واحد فينا ما يمشيش غير وهو واخذ نصيب قولة كدة هلما تفضل وحل في وطهرنى من كل دنس هذا لا تنزعة منا ايها الصالح نسالك ان تجددة في احشاءنا ربنا يكمل نقائصنا و يسند كل ضعف فينا بنعمته لإلهنا كل المجد أبدياً أمين0 القمص انطونيوس فهمى كاهن كنيسة مارجرجس والانبا انطونيوس محرم بك

اليوم هو الأحد السادس مِن الخماسين المُقدّسة والأحد القادم هو عِيد حِلول الروح القُدس اليوم الأحد الذىِ يسبق حِلول الروح القُدس فالكنيسة بِتقرأ لينا اليوم عن إِنتظار عطيّة الروح القُدس الكنيسة فىِ الفترة مِن الصِعود إِلى عِيد حِلول الروح القُدس تعيش فترة صلاة وإِعتكاف وإِنتظار وإِشتياق لِعطيّة الروح القُدس فىِ هذا اليوم بدأ ربّ المجدّ يسوع بعد أن كلّمهُم عن الصليب وكلّمهُم عن قيامتهِ وعن صعودهِ أراد أن يُكلّمهُم عن إِرسال الروح القُدس لكى يكون بِذلك هيّأهُم لِما سيحدُث لهُم إِنجيل اليوم يو 16 هو أخر أحاديث الرّبّ يسوع فالإِصحاح 17 هو الصلاة الوداعيّة لِرّب المجد يسوع مِن إِصحاح 18 تبدأ مؤامرات التسليم والصلب فهذا الإِصحاح إِصحاح 16 هو أخر شىء قالهُ المسيح لِتلاميذه " وفىِ ذلك اليوم لا تسألوننىِ شيئاً الحق الحق أقولُ لكُم إِنّ كُلّ مَا طَلَبْتُمْ مِنَ الآبِ بِاسْمِىِ يُعطيكُمْ إِلى الآن لمْ تطلُبُوا شيْئاً بِاسْمِىِ اُطلُبُوا تأخُذُوا ، لِيَكُونَ فَرَحُكُمْ كَامِلاً " ما هو اليوم الذى يتكلّم عنهُ ربّ المجد " فىِ ذلك اليوم لا تسألوننىِ شيئاً " يقصُد اليوم حِلول الروح القُدس ، أراد أن يقول لهُم أنّهُ فىِ ذلك اليوم ستُفتح أعيُنكُم وقلوُبكُم وكُلَّ أسئلة وكُلَّ ما هو غير معروف لديّكُم أنا سأُوضّحهُ لكُم ، فإِنّ الروح القُدس هو الذى سيُذّكركُم بِكُلَّ شىءٍ ، هو الذى سيُعرّفكُم كُلَّ شىءٍ وستجِدوا أنفُسكُم غير مُحتاجين أن تسألوا لأنّهُ هو سيُعرّفكُم كُلَّ شىءٍ ، لأنّ عطيّة الروح القُدس تُزيل عدم المعرفة ولِماذا نحنُ فىِ عدم معرفة ؟ لأننّا مُبتعدين عن الله وعدم فهم الإِنسان لِفكر الله وعدم معرفة الإِنسان الحقيقيّة بالله ولكن متى النِفَس عرِفت وشبعت بِربنا تزول عدم المعرفة ويزول عدم الفهم وتتحّول الأسئلة إِلى طِلبه ماهو الفرق بين السؤال ، الطِلبة ؟ السؤال فيهِ عدم معرفة وفيهِ حِيرة وفيهِ غموض لكن الطِلبة فيها دالّة ، الطِلبة فيها بنّوة ، الطِلبة فيها حُب ، فإِنّهُ يوجد فرق أن تقول أنا بسأل مِنك حاجة وأنَّك تقول أنا بأطلُب مِنك حاجة ، الطِلبة تتحّول مِن الإِنسان إِلى إِحساس يقين أنّهُ سيأخُذ الطِلبة ، هذا هو ما يعملهُ الروح القُدس فينا تتحّول حياتنا مع ربنا نجد أنّ كُلَّ الأسئلة مُجاب عنها لأننّا بنكون تزّينّا مِن نوره ومعرفتهُ وتتحّول حياتنا لِطلبه بِنلتمسه بِحُب وبنأخُذه وبِننتقل مِن الجهل والظُلمة إِلى الدالّة والحُب كمال يسعى إِلى النور كان فىِ كنيسة كورنثوس بعضاً مِن الناس لديّهُم مواهب مِن الروح القُدس فخاطبهُم بولس الرسول وقال " قد إِستغنيتُم فىِ كُلَّ شىء ولستُم ناقصين فىِ شىءٍ " الروح القُدس كملّ نقائصهُم وأجاب أسألتهُم وأزال جهلُهُم وحوّل حياتهُم مِن السؤال إِلى الطِلبة الإِنسان الذى يعيش فىِ حضرة الله يعيش فىِ غمره فرح ويعيش فىِ إِرتفاع ترفعهُ عن أى حُزن وأى ضيق وأى همّ يعيش مُبتلع مِن الفرح ، فيكون الفرح الذى فيهِ كما قال ربّ المجد " لا يُنطق بهِ " فرح حضور الرّبّ الذى لا نطلُب معهُ شيئاً إِلاّ البقاء فىِ حضرتهِ ، نحنُ لا نُريد آخر سِواك تخيّلوا لحظة التجلّىِ للرّب يسوع وبُطرُس ويوحنا وهُما على الجبل لم يقدروا أن يقولوا أى شىء أو يسألوا عن أى شىء لكن إِستطاعوا أن يقولوا شيئاً واحداً " جيّد يارب أن نكون ههُنا " هذهِ هى عطيّة الروح القُدس يا أحبائىِ تُزيل مِن الإِنسان أى شائك تُحّول أسئلته إِلى طلِبه والطِلبة هى أن نكون معهُ " معك لا نُريد شيئاً " ليس لنا طِلبة أُخرى غير أن نقتنيك أنت يا الله مُخلّصنا قال لهُم " إِنّ كُلَّ ما طلبتُم مِن الآب بإِسمىِ يُعطيكُم "إِنتبهوا جيّداً مِن كلِمة " بإِسمىِ " ربّ المجد يسوع يُحب كُلَّ طلباتنا تكون بإِسمهِ ولِذلك عندما ربّ المجد علّمنا الصلاة الرّبانيّة قال فىِ أخر طلِبة " بالمسيح يسوع ربنا " يُحب كُلَّ طلباتنا تكون بإِسمهِ ولِهذا عِندما تلاقى بُطرُس الرسول مع المُقعد يجلس يسأل صدقة قال بُطرُس " ليس لىِ فِضة ولا ذهب ولكن الذى لى إِيّاهُ أُعطيك بإِسم يسوع المسيح قُم وأمشىِ " ماذا تعنىِ بِكلمة " بإِسم يسوع المسيح ؟ " ليس مُجرّد نُطق الأسم إسم يسوع المسيح أى بِقوّتهِ وبِعملهِ وبِخلاصهِ وفِدائهِ ، ولِذلك عِندما نقول " بالمسيح يسوع ربنا " لازم يكون لنا الإِحساس أنّها ستُستجاب بِدالّة يسوع المسيح عِند الآب عِندما تكون آخذ كارت مِن شخص لهُ وزن كبير يُصبح هذا الكارت بالنسبة لك هو الثقة وأنت داخل المُقابلة ، كذلك نحنُ لدينا كارت بإِسم يسوع هو الثقة لينا ، معنا إِسم يسوع المسيح الإسم الحُلو المملوء مجد الجوهرة الغالية الكثيرة الثمن الذى فتّش عنهُ كثيرون وكُلَّ مِن وجدهُ وجد معاه خلاص وجد معاه غِنى " بإِسمىِ " يُريد ربّ المجد يسوع يكون كُلَّ طِلبة نطلُبها تكون بإِسمهِ هو بيحمل صلواتنا ويُزّكيها أمام الآب ويجعل صلواتنا وطلباتنا أمام الآب بلا لوم لِماذا ؟ " بإِسمىِ " تعنىِ مِن خِلالىِ هُم قالوا عن طريقىِ هُم يُريدون هذا عن طريقىِ أنا عِندما تطلُب شىء وهو ليس مِن حقّك لكن لأنّك طلبت مِن شخص لهُ دالّة لديّك فيرُدّ الشخص الذى طلبت منهُ ويقول مِن أجلك أنت سوف أنفذّ رغبتك " بإِسمىِ " الروح القُدس ياأحبائىِ بيحمل صلواتنا المحمولة بالإِبن وبِدالّة الإِبن وبِشفاعة الإِبن الكفّاريّة تُرفع إِلى الآب مِن يوم ما الإِبن ترائى أمام الآب بِذبيحة نفسهِ الكفّاريّة وصعِد دمهُ ، بالذبيحة الكفّاريّة إِستعاد المسيح للإِنسان مكانتهُ وردّ المسيح للإِنسان كرامة الإِنسان المفقودة وأعطاهُ الحُلّة الأولى وكُلَّ مجد آدم قبل السقوط ورجع مرّة أُخرى فاصبحت الحياة مع الله حياة ودخول الآب صار بِلا مانع ولا عائق مِن خِلال ذبيحة الإِبن بإِسم الإِبن يسوع " تسألون الآب بإِسمىِ يُعطيكُم إِيّاه " نحنُ نطلُب مِن الآب بإِسم الإِبن بِقوّة وشفاعة الروح القُدس ، لِذلك ياأحبائىِ هذهِ الفترة فترة إِنتظارنا للروح القُدس بتكون فترة صلوات ونطلُب منهُ ونقول لهُ أنت يارب تؤهّلنا لِعطيّة الروح القُدس كان القديس أنطونيوس يقول لأولاده قول جميل " يا أولادىِ إِطلبوا كُلَّ يومٍ بإِستقامة قلب أن يُنعم عليّكُم الله بإِتيان نارهُ لكى تحرق كُلَّ أفكاركُم ومشورتكُم الرديئة " ، ما هى نارهُ ؟ الروح القُدس ، نارهُ تأتىِ وتحرق مِن جوّايا أفكارىِ الرديئة لِذلك ياأحبائىِ نحنُ بِدون صلاة لا نُؤهلّ أبداً لِعطيّة الروح القُدس ، لا يُمكن أن يكون واحد بيصلّىِ وليس لهُ عِلاقة بالروح القُدس والعكس صحيح الذى لا يُصلّىِ ليس لهُ عِلاقة بالروح القدُس ، الروح المُعزّىِ هو المصدر الوحيد الذى أفرح بهِ فىِ صلواتىِ وليس لىِ فرح بالروح القُدس إِلاّ الصلاة ، لِذلك قال " حتى الآن لم تسألوا شيئاً بإِسمىِ إِطلُبوا تأخُذوا ليكون فرحكُم كاملاً " أى طِلبة ليست بِشفاعة الإِبن ولا تدخُل إِلى حضرة الإِبن لا تدخُل إِلى حضرة الآب ، بِشفاعة الإِبن يكون لها موضع عِند الآب ، يجب كُلَّ طِلباتنا تكون بالإِبن ، فهو قال " ليس لنا إِسم آخر تحت السماء بين الناس بهِ ينبغىِ أن نخلُص إِلاّ بإِسم يسوع المسيح " ، بإِسمهِ بنطلُب ونطلُب بِثقة ، فهو بيقول لهُم لِماذا لم تطلُبوا بإِسمىِ ؟ أنتُم شاكّين إنّىِ سأعطيكُم لِماذا لم تطلُبوا إِلى الآن أنتُم لم تطلُبوا شيئاً إطلُبوا تأخُذوا ليكون فرحُكُم كامِلاً فىِ الحقيقة ياأحبائىِ نحنُ لنا مواعيد مِن الآب لنا مواعيد ولنا كنوز ولنا خيّرات ، لكن للأسف لم نطلُب وإِذا طلبنا نطلُب أمور أرضيّة 0جاءتنىِ مرّة سيّدة تطلُب منّىِ عمل لِزوجها وأنّها تُريد أن تحسّن مِن دخلها وكلّمتنىِ عن إِبنها ، بعد ذلك قُلت لها يوجد شىء آخر تُريدىِ أن تقوليه ؟ فرّدت وقالت تعيش ياأبونا كترّ خيرك ، فىِ الحقيقة كُلَّ الكلام هذا مُمكن كُنتِ تقوليه لأى أحد غيرىِ لكن إِنتِ يجب أن يكون عِندك إِحساس آخر وإِنتِ هُنا إِنّك تكونىِ آتية باحثة عن الخلاص الذى لا يقدر أحد أن يُحضرهُ لك إِلاّ ربنا الذى أنتِ آتية فىِ بيتهِ لازم أعرف إِن أنا لِغاية الآن لم أعرف أتعامل مع ربنا صحيح ، " إِلى الآن لم تطلُبوا شيئاً بإِسمى " إِطلُبوا ، مِن يقف أمام الله ويطلُب عطيّة الله" هذا لا تنزعهُ منّا أيّهُا الصالح لكن جدّدهُ فىِ أحشائىِ " ، أعطنىِ يارب أطلُب بِثقة أنّهُ سيُعطينىِ وأنّ الله أعطى قبل ذلك وكثيراً ما أعطى ، لكن أطلُب منهُ فقط أمور ماديّة ! أطلُب منهُ أمور للعالم ! أنا يجب يكون لى ثقة فيهِ أنّهُ سيُعطىِ " أُطلُبوا لتأخُذوا ليكون فرحُكُم كاملاً " الطلِبات الروحيّة ياأحبائىِ بِتُعطىِ الإِنسان فرح وسلام وأمان وعزاء وبِتجعلهُ ينسى الأمور الأرضيّة والهموم الأرضيّة لأنّ أفراح الروح تُغطّىِ بِغزارة على هموم الأرض وأحزان الأرض تجعل الإِنسان يشعُر أنّهُ بالحقيقة مُرتفع " الذى لىِ فىِ السماء ومعك لا أُريد شيئاً على الأرض " لا أُريد شىء بل أُريدك أنت " الّلهُم بإِسمك خلّصنىِ " أنا أطلُبك أنت يارب ولِذلك تجد ربّ المجد يسوع واقف فىِ الكنيسة وفاتح ذراعه لينا وفاتح لنا حواسه لكى يسمع تنّهُدات المُصليين يجب أن تكون تنّهُدات روحيّة ويجب تكون تنّهُدات وأنين خارج مِن قلوب مغلوبة مِن خطيّتها وتأتىِ وتقول يارب أنت إِلهىِ بِترفع ، وهذا عمل الله فينا ويلزم أن يكون عِندنا إِحساس أكيد أنّهُ بيسمع ويستجيب " إُطلُبوا تأخُذوا " لنا وعد منهُ أنّهُ يقول لنا إُطلُب وتأخُذ ، أنت يارب قُلت إِذاً لو سمحت يارب أنا بأطلُب منك أشياء كثيرة ، أمس عيّدنا بِعيد القديس العظيم الأنبا أبرآم ، أنا بأطلُب منك تُعطينىِ قلب رحيم مِثل قلب الأنبا أبرآم ، أنا إِنسان أنانىِ وبجِد صعوبة فىِ تقديم أى عطاء ، أعطنىِ يارب قلب رحيم أعطنىِ ثقة بأنّىِ إِن تركت شىء سوف آخُذ مائة ضعف يقولون عن الأنبا أبرآم أنّهُ كان بيقرأ الإِنجيل كُلَّ 40 يوم وهو أُسقُف كان بيقرأ الكِتاب المُقدّس كُلّهُ مرّة كُلَّ 40 يوم ، مُمكن يارب تُعطينىِ هذا الإِشتياق أعطنىِ يارب الإِشتياق لِكلامك ، أُريد منك يارب أن ترفعنىِ لأنّىِ مغلوب مِن همومىِ وأحزانىِ ، تجرُبة تُسلّم تجرُبة وحُزن يُسلّم حُزن الله يُريد أن يسمع منّا طِلبات تليق بهِ ، عايزك تطلُب منهُ وتقولّه أعطنىِ يارب أن أرتفع عن العالم ، أعطنىِ يارب قلب مُفعّم بِحُبّك لكى أقف أصلّىِ بِدون توانىِ ، لنا ثقة فيك يارب ثقة مُطلقة وثِقتنا فيك لا تعتمد على بِر فينا أو قداسة ، لا بِر فينا ولا قداسة ، نحنُ مغلوبين مِن خطايانا وضمائرنا مُعذّبة مِن كثرة أحزانّا وأوجاعنا لكن نعلم أنّك لا تُعاملنا بِحسب خطايانا قال القديس يوحنا الرسول " إِن لامتنا قلوبنا فإِنّ الله أعظم مِن قلوبنا " بِمعنى إِن كان ضميرىِ تعبنىِ لأنّىِ مُقصّر فىِ حق ربنا فإِنّ الله أعظم مِن قلوبنا ويعلم كُلَّ شىء ولنا ثقة نحو الله ومهما سألنا نأخُذ ، ثقتىِ فىِ الله تُغطّىِ عدم أمانتىِ تُغطّىِ عجزىِ ، لِذلك قال مُعلّمنا بولس الرسول إِلى العبرانيين " لِنتمسّك بإِقرار الرجاء راسخين لأنّ الذى وعد هو أمين " يُقال أنّ كلام الملوك لا يُرّد ، الوعد أمين الذى يقولنا إطلُبوا تأخُذوا ليكون فرحكُم كاملاً ، فرح الإِتصال بالله فرح لا يُنطق بهِ فرح الأبديّة فرح الوجود مع الله ، الذى يجعل الإِنسان يرتفع فوق الزمن ويخترق ، إِذا وقفنا نُعبُد ربنا بالروح نشعُر أننّا إِخترقنا الزمن وخطفنا لمحات مِن الأبديّة ، إِخترقنا حدود الزمن عقارب الساعة أصبحت غير محسوبة ، هذا هو الفرح فرح الإِحساس بالدهر الآتىِ الفرح الذى يجعل الإِنسان يرتفع فوق همومه لِذلك قال " قد كلّمتكُم بِهذا بأمثالٍ ولكن تأتىِ ساعة حيثُ لا أُكلّمكُم أيضاً بأمثالٍ بل أُخبركُم عن الآب علانيةً 0فىِ ذلك اليوم تطلُبون بِإِسمىِ " ما هو ذلك اليوم ؟ وما هو اليوم الذى سيُخبرنا عن الآب علانيةً ؟ هو يوم حلول الروح القُدس إِننّا مازلِنا ياأحبائىِ نحيا فىِ ذلك اليوم ، الكنيسة مازالت مُتمتّعة بِذلك اليوم مِن يوم ربّ المجد يسوع وأرسل روحه القُدّوس على الكنيسة لازال الروح القُدس يعمل بفيض فىِ الكنيسة ولم يغرُب الشمس عن هذا اليوم ، إِلى اليوم ولازالت روحه يعمل ويُبكّت ومازال روحه يُعطىِ ويُعرّف ، لازال نجد فىِ الكنيسة آباء ومُعلّمين ومُرشدين ومُخبّرين يُخبّرونا بِكُلّ الحق يوجد أشياء ربّ المجد يسوع لم يقُلها لكن وجدنا تلاميذه يقولونها وسمِعنا بولس الرسول بيقول تعاليم لم يقولها ربّ المجد يسوع ، لكن نجد بولس الرسول فهمها00كيف ؟ فهمها بقوّة الروح القُدس ، ووجدنا آباء الكنيسة يُعلّموننا تعاليم غزيرة فيّاضة ذلك اليوم مُستمر فىِ الكنيسة وإِلى الآن نجد مُعلّمين وكارزين روح غِنى يُعطىِ بِسخاء ، نسمع عِظات لأبونا البطرك فيض مِن المعرفة ، نسمع لأبينا يوأنّس فيض ومعلومات جديدة ، وتسمع الله ينيّح نفسه أبونا بيشوى كامل والأنبا بيمن فيض ، الكنيسة أنجبت ومازالت تُنجب وستُنجب لأنّ اليوم لا ينتهىِ ولن ينقطع عطاء الروح لكنيستهُ أبداً " فىِ ذلك اليوم تسألون بإِسمىِ " ولِذلك قال لهُم " تأتىِ ساعة حيثُ لا أُكلّمكُم أيضاً بأمثالٍ " ، فىِ الحقيقة ياأحبائىِ ربّ المجد يسوع كان دائماً يواجه عملية عدم فهم الآخرين لهُ ، فكان يحاول يبسّط لهُم كيف ؟ كان يشرح ويقول " كان إِنسان مُسافر دعى عبيده وأعطى " ، ومثل الزارع والدرهم المفقود والمرأة التى خبّأت الدقيق مُعظمها أمثال مِن المُجتمع الحقائق" المرأة وهى تلِد تحزن ولكن عِندما تلِد لا تعُد تذكُر الشدّة " ما مقصدهُ ؟ فرح الأبديّة ، مُمكن أن تحزنوا بعض الشىء لكن حُزنكُم سيتحّول إِلى فرح ، فكان يُكلّمهُم بأمثالٍ لكى يفهموا ولم يفهموا الكلام الذى قالهُ حديث المسيح مع نيقوديموس عِندما كلّمهُ عن الولادة مِن الماء والروح ، فقال نيقوديموس " كيف يُمكن الإِنسان أن يُولد وهو شيخ ؟ ألعلّهُ يقدرُ أن يدخُل بطنَ أُمّهِ ثانيةً ويُولد ؟ عِندما كلّمهُم ربّ المجد يسوع عن الروح القُدس ردّ واحد مِن تلاميذه هو القديس فيلُبّس وقال ما هو الروح القُدس هذا نحنُ لم نسمع عنهُ ؟ لِذلك كان الرّبّ يسوع بيحاول يُكلّمهُم بأمثالٍ ، لكن الأمثال لها وقت مُعيّن ويوجد وقت يُكلّمهم علانيةً أصل فىِ الحقيقة ياأحبائىِ النِفَس عِندما تتقرّب مِن الله ينفتح عليها كلامه وتبدأ تفهمه وتبدأ تفهم كلام الروح وتبدأ تشعُر أنّ كُلَّ كلمة هى لها وكُلَّ تعزّيات الإِنجيل لها ، تشعُر أنّهُ كان يوجد بُرقع أو غِطاء على الكلام والآن أُزيل هذا البُرقع وهذا الغِطاء أبدأ أشعُر أنّ كُلَّ كلمة فىِ الإِنجيل إِن أنا لىّ موضع منها وأبدأ أفتّش عن نِفَسىِ فىِ الإِنجيل وأبحث عن كُلّ آية وفىِ كُلَّ وصاياه ، هذا الحِجاب يرتفع فتظهر العلانية " كُنت أُكلّمِكُم بأمثالٍ " الآن أُريد أن أُكلّمكُم علانية ، هُنا أُريد أن تظهر العلانية ويتجلّى الآب بِكُلَّ جماله ، وأحياناً يُكلّمنا الله علانية ولا نفهم ، فلا بأمثال نفهم ولا بِعلانية نفهم مثلما ما حدث عِندما كلّم المسيح اليهود عن حقائق هامة جداً وكثيراً ما أعلن لهُم عن ذاته ولاهوته بِكلام وأفعال ولم يفهموا وقالوا لهُ أنت " إِلى متى تُعلّق أنفُسنا " ،" ولكن فىِ ذلك اليوم " يوم الروح القُدس يوم المعرفة يوم النور يوم الإِنسان يعرف الآب علانية عن طريق الإِبن 00عن طريق عطيّة الروح القُدس ، عِلاقتنا بالآب ستشتّد بالمسيح لأنّهُ هو أحبّنا وعِندما أحبّنا إِستجاب لنا وعِندما إِستجاب لنا إِستجبنا لمحبتهِ لِذلك قال " إِنّىِ أنا أسأل الآب مِن أجلُكُم لأنّ الآب نفسهُ يُحبّكُم لأنّكُم قد أحببتمونىِ وآمنتُم إِنّىِ مِن عِند الله خرجت " ، أنا أسأل الآب وأنا أعرف أنّهُ يُحبكُم لأنّكُم أحببتمونىِ وهو أبىِ وطالما أنتُم أحببتمونىِ إِذاً أنتُم تُحبّونهُ فهى عِلاقة فإِنَّ المسيح يشعُر أنّ كُلَّ مِن يذهب إِلى الآب فهو ذهب إِلى الإِبن ، وطالما الإِبن بيصل للآب بدمهِ الكفّارىِ عنّا فنحنُ إِذاً لنا قدوم معهُ فىِ ذبيحة الإِبن فإِنّ دم يسوع المسيح أمام الآب بيصرُخ عن خطايا كُل إِنسان ويشفع فىِ جهل وضعف كُلَّ إِنسان هو يصبح مُتكلّم عن الخُطاه المُتمسّكين بدم عهدهِ ، هو يتكلّم عنّهُم ويغفر لهُم الخطايا عن طريق ذبيحة الإِبن ، وكُلّنُا سنترآى أمام الآب بِلا لوم وكأننّا لم نفعل أى خطيّة ، كيف هذا ونحنُ كُلّنُا خطايا ؟ مِن خِلال الإِبن وذبيحتهُ ، لِذلك قال " خرجتُ مِن عِند الآب وقد أتيتُ إِلى العالم وأيضاً أترُك العالم وأذهب إِلى الآب " ، مُهمتىِ أن أرُدّ لكُم رُتبتكُم وأجعلكُم مُبرّرين أمام الآب فقالوا لهُ " هوذا الآن تتكلّم علانيةً ولستُ تقول مثلاً واحداً " ، لم يفهموا الكلام وجدوه صعب عليّهُم ، قالوا لهُ لم نراك تتكلّم كلام مُباشر هكذا ، أراد الله أن يكشف أمامهُم كُلّ حقيقة كذلك ياأحبائىِ النِفَس التى تقرأ الإِنجيل بالروح تشعُر فىِ كُلّ كلمة أنّها مكشوفة أمامها ، القراءة بالروح والإِحساس قراءة بعد الصلاة " قد كلّمتكُم بِهذا لِيكون لكُم فىّ سلام " ، أنا أسأل لأجلُكُم لِيكون لكُم فىّ سلام ، أُريد أن يملأ السلام حياتكُم ، عِندما نفقد السلام وتنفذ كُلّ حِيالنا وكُلّ أساليبنا يبقى سلام المسيح وسلام المسيح هو القوّة التى نعيش بِها وتظهر هذهِ القوّة عِندما تنتهىِ قوّتنا وحِيالنا البشريّة وعِندما نُلقىِ همومنا عليهِ وعِندما نُسلّم لهُ كُلّ أمورنا يجب أن يكون لينا صلوات ورفع قلب تُمهّد قلوبنا لإِستعداد الروح القُدس وأن يكون لنا إِشتياق فىِ إِنتظار الروح القُدس ، وعِندما يجىء يجد قلوبنا مُهيّئة فيُكلّمنا علانيةً ونطلُب منهُ ونأخُذ مِن كنوز خيراته التى هو فىِ إِشتياق أن يُعطيها لنا أعطنىِ يارب توبة بِلا رجعة مِثل القديس أوغسطينوس وموسى الأسود ومريّم المصرّيّة كُلّ إِنسان عِندما يُصلّىِ بالروح ويطلُب أمور روحيّة يشعُر فِعلاً أنّهُ قريب مِن عطيّة الروح ، ربنا يدّينا ويؤهلّنا للسماء والهدوء والسكينة لِنُهيّىء نِفوسنا وقلوبنا لِعطيّة الروح القُدس ربنا يسند كُل ضعف فينا بِنعمتهُ لإِلهنا المجد دائماً أبدياً أمين0 القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية

النهارده الاحد الخامس من الخماسين المقدسه و ان شاء الله يوم الخميس القادم عيد الصعودغاية التجسد وغاية العمل الالهي ان نرجع مره اخرى الى الفردوس الذي قد طردنا منه غاية العمل الالهي غاية التدبير الالهي غايه التجسد غايه الصليب ان نرجع مره اخرى الى الفردوس الذي قدر طردنا منه.. الكنيسه تحتفل الخميس الجاي بالصعود معناها ان ربنا اكمل التدبير و تدبير الخلاص وماسك ايدينا و بياخدنا ويرجعنا ثاني للفردوس اللي احنا طردنا منه عشان كده هتلاقي الانجيل لا تضطرب قلوبكم انتم تؤمنون بالله فامنوا به إن منازل فى بيت ابي كثيرا انا عندي مكان كبيير وواسع.وان انطلقت واعددت لكم مكانا سوف اجي ايضا واخذكم الي لتكونوا انتم حيث اكون انا انا ما ينفعش اكون موجود في مكان انتم مش في انتم ولادي وان كنتم عصيت الوصيه وان كنتم طرتم فانا مش هاسكت وماسكتش عشان كده نقول سقطنا من الحياه الابديه ونوفينا من فردوس النعيم طب اللي بعدها ايه لم تتركنا عنك ايضا الي الانقضاء مسبتناش مش طردنا وقال يلا خلاص يستاهلوا ماسمعوش الكلام اطلعوا بره لا ظل يدبر طريق يرجعنا بيه ثاني كان ايه الطريق اللي يرجع نادي ثاني ان هو نفسه يجيء هو نفسه يفدينا هو نفسه ياخذ على نفسه حكم الموت فى نفسة ويعطينا احنا الحياه ويرجعنا مرة تانى للفردوس دة غايه عمل ربنا معانا لانه هو الفردوس من اجلنا ما ينفعش هو يبقى في الفردوس من غيرنا قال كده ما ينفعش ايضا اخذكم الي لتكونوا انتم حيث اكون انا انا عاوزك تتخيل معي رجل عمل قصر جميل قوي شيك خالص وظل يعمل فى جناين وفواكه وحمام سباحه واماكن ترفيهية ايه رايك في القصر الجميل ده لما يقعد في لوحده يبقى مالوش قيمه لكن قيمتة ايه لما يكون معاة اولاده احفاده يكون مع حبايبه وكل ماينظر اليهم مستمتعين كل ما المتعه تدخل جواها هو ربنا يسوع عاوز كدة عاوزنا نكون معه حيث اكون انا تكونوا انتم ايضا المكان اللى انا اكون فيه هتلاقي النهارده البولس معلمنا بولس يوضح اكثر في العبرانيين 10 فاذ لنا الان يا اخواتي ثقه في دخولنا الي الاقداس بدم يسوع المسيح طريق كرزة لنا حديثا حيا بالحجاب الذي هو جسده ده ايه اللي حصل؟ بقى لينا ثقه بالدخول ده احنا مطرودين الشخص المطرود من مكان ما ينفعش يدخلوا ثاني واحد يتقال له اطلع بره يبقى خجلان او يبقى ليه خذي قال لك لا احنا هندخل بس هندخل بى هو ازاى؟؟ بدم يسوع المسيح طريقا كرزة لنا كرزة يعني خصصوا يعنى دشنوا حديثا حيا بالحجاب الذي هو جسده يطلق على كلمه الجسد الحجاب هتلاقي الكتاب المقدس يتناول الجسد بكلمات متعدده يعني من ضمنها كلمه الحجاب من ضمنها ممكن يقول لك على الجسد الخيمه طريق كرزه لنا بجسدة تخيل انت كده لما واحد يقول لك لو عاوز تعدي تعدي من عليا انا انا هعملك نفسى طريق هو دةو اللي ربنا يسوع عملوا معانا اقامنا معه واجلسنا معه في السماويات هو لما قام قام لية عشان يقومنا يقومنا وبس قالك لا همسك ايدك واخذك معايا لحد ما ادخلك ثاني فتح باب الفردوس ورد ابانا ادم وبنية الى الفردوس تعالوا الي يا مباركي ابي رثوا الملك المعد لكم قبل تاسيس العالم عشان كده احبائي الكنيسه الاسبوع ده كله تخليك تكلمك عن حاجتين عن الطريق وعن في بيت ابي منازل كثيرة عاوز يقول لك المكان كبير وواسع وياخذ كله ولادي تعالوا شهوه قلب ربنا يسوع احبائي ان نكون معه تخيل لما واحد من اولاده يكون هو عمل القصر ده وعمل المكان وتعب فى ويقول له تعالى ومش بس بيقول له تعالى دة بيوصفلوا كمان المكان اللي هيقعد في يقول له معلش انا مش فاضي مش هاقدر وده المثل احبائي اللي ذكر في الكتاب المقدس بعدت صيغ عن مثل العرس هتلاقي في عرس يتعمل وتلاقي المدعوين ناس تقول معلش احنا آسفين مش هنيجي اصل انا متجوز اصل انا عندي ارض اعذار كلها ضعيفه طب هو عاوز ايه عاوز الملكوت يبقى مليان باولاده إحنا احبائي حياتنا كلها شهوه للملكوت ونقول له اهدينا يا رب الملكوت المكان اللي انت خلصصته لينا يارب دة احنا مشتاقين اننا نكون معاك لازم ربنا يسوع يعرف ويتاكد ان مش هو بس اللى مشتاق انة يكون معنا احنا كمان مشتاقين نكون معاة ما يبقاش هو عمل كل ده واحنا بنقول له معلش بعدين مش عايزين طب حسب الظروف لا شخص في امريكا في اجراءات ممكن تتعمل عشان ياخذ قرايبه زي لم شمل ولة يعمل دعوة المهم كان عاوز ياخذ احد من قرايبة ظل فى الاجراءات ويدفع كرسوم يعمل مقابلات ويسافر ظل كذا سنة يعمل الاجراءات دي لحد ما في الاخر بعد ما دفع كثير وافقوا فأرسل الموافقة للشخص اللي عاوز يجيبه لامريكا الشخص دة باعث له الورقه وباعث لة كمان تذاكر الطيران للاسف الشخص ده قطع الورق ده احنا كده احبائي بالضبط يسوع عمل معانا بكل ما يستطيع ان يفعلون اعد لنا الفردوس بقول لكم في بيت ابي منازل بقولك لكم تعالوا الفردوس مفتوح المكان بتاعكم انا كتبت لك مكان باسمك انتم عارفين احبائي اننا من ساعه المعموديه كل واحد فينا في مكان باسمه في السماء موجود واسمنا مكتوبه في السماء المشكله ان احنا نشيل الاسم المشكله في احنا اللي بنقطع الدعوه ليه احنا مش لسة هناخذ الدعوه احنا اخذناها علينا ان احنا نحافظ عليها احنا مش لسه هناخد الدعوة هي معنا انت معاك في جيبك اخذتها امتى اخذتها من يوم ما انعم علينا بالميلاد الفوقاني بواسطه الماء والروح من يوم المعموديه احنا مش ابناء الارض احنا ابناء السماء من يوم المعموديه صار المسيح لنا اب والكنيسه لنا ام فلنا الحق بالدخول الى بيت ابويا الشخص في بيت ابوه ده ما حدش يقول له رايح فين وجاي منين ده بيت ابويا هى دى احبائي السماء بالنسبه لنا عشان كده الكنيسه بقى وهي في نهايه الخماسين بتقول لنا خلاص المسيح قام اكمل التدبير يلا فاضل الخطوه الاخيره انة اخذكم معايا تعالوا كل شيء قداعد انا جهزت كل حاجه رتبتلكم المكان واحنا كمان نقول له ايه احنا كمان جايين يلا عاوز مننا ايه يقولك مش عاوز منك حاجه ولا عاوز فلوس ولا حاجه نا عايز بس قلبك عاوز اعمال ترضيني بس ايه اللي يدخلنا السماء احبائي ايمانا بيسوع المسيح عشان كده الاباء يعلمونا ان نقول كثير كلمه هي بسيطه بس عاوزك تحفظها ربي والهي ومخلصي يسوع المسيح ابن الله الحي كانت العباره دى هي اللي يختم بها شريط حياته لما يهددوا لما يضربوه لما يرغمون ينكر الايمان يقول العباره دي وطبعا العباره دي لا تتخيلوا قد ايه بتهيج الشيطان ربي والهي ومخلصي يسوع المسيح ابن الله الحي تصور ان ربنا يسوع المسيح بيقول لك أمن بس انت بي وانت متعمد وانت بتتناول الاسرار انت ليك حق دخول السماء الشيطان بيحاول يهز الحقيقية دي من ذهننا ومن قلبنا يقول لك لا انت وحش انت هتروح فين لا انت ما لكش مكان خالص انت بره لا انا ابن ومعلمنا بولس الرسول يقولك ان كنا ابناء فاننا ورثة ورثة لله بالمسيح يسوع الاب يورث ابنه احنا ورثة شرعين فرعيين لنا كل حقوق أبناء الله لو كنا في محكمه يوقف اخوات طالما اثبتنا النسب يبقى ليهم حقق هو كده اهو احنا كمان اثبتنا النسب ان احنا متعمدين يبقى احنا ابناء لله ابناء لله يبقى احنا ايه بقى ان كنا ابناء فاننا ورثة طب هو ربنا يسوع المسيح يورثنا ايه يعنى؟ اية الحاجات اللي هيورثهلنا؟ هقولك لا مش امور مادية يورثك برة ياة بر المسيح أقولك اة يعنى البر اللي فينا ده براحنا ولا حاجه منعرفش نعمل حاجه احنا جوانا ضعفات وعدم احتمال وعدم غفران و عدم محبه جوانا حاجات كثيره اقول لك لا لا انت هتورث المسيح بقى هتاخذ المسيح ان كنا ابناء فاننا ورثة تاخذ من ضمن الميراث اللي تاخذه من المسيح غير برة؟! تاخذ ملكوته تاخد مكانه يلا تعال تعالوا إليا يا مباركي ابي رثوا الملك المعد لكم خذوا المكان ده قد ايه احبائي ربنا يسوع المسيح شهوه قلبه اننا نكون معة قد ايه تدبير الخلاص ده كله من اجلنا تدبير الخلاص ده كله من اجل ان يرانا اللة مره اخرى معه في الفردوس والصوره اللي تشوهت تجدد والعلاقه اللي تشوهت تتصلح و علاقه الابن بابوه والثقه من الابن لابوه ترجع ثاني لان ابونا ادم فقد الثقة وفقد المحبه وتشكك في كلام الله وعدو الخير نجح لما قال لة لو اكلت من الشجره هتبقي احسن وهتصير معادلا لله بصينا لقيناة ابتدى يتشكك وعاوز ياكل من الشجره احنا احبائي بقى ابناء طاعه مش ابناء عصيان احنا ابناء حب مش ابناء شك عشان كده الملكوت لينا يقولنا تعالوا في بيت ابي منازل كثيره عندي اماكن كثير الجماعه بتوع اورشليم سكان اورشليم كان لما بيجي عيد الفسح كان اورشليم بتساع لكل سكان المناطق اللي حواليها عشان كل الناس عاوزه تيجي تقضي العيد في اورشليم فكانت اورشليم باسطح المنازل بالاراضي الزراعيه بالساحات بالطرق كلها تتملى خيام وكلها تتملي اماكن اقامه وكل مكان المكان قريب من الهيكل كل ماكان سعرة اغلى زي ماناس كده يروحوا مصيف كل ماالمكان قريب للبحر كل ماكان لة قيمة اعلى كان مكان المكان المكان قريب من الهيكل تبقى قيمته اعلى هو بيقول لنا في بيت ابي منازل كثيره اورشليم دي مليانه اماكن ممكن تقعد جنب الهيكل هيبقى مكان مميز لكن المهم تكون في اورشليم احنا كمان المهم نكون في السماء لا هو مجهز لنا مكان ما فيش ولا واحد فينا مالوش مكان ولا واحد فينا هيروح كده يقولوا مش عارف اقعدك فين لا لا عند البشر الكلام ده لكن عند ربنا لا كل واحد فينا لة مكانه هو عمال ياكد علينا دلوقتى يقولنا انا رايح اعد لكم مكان هو المكان مش معد ؟؟لا المكان معد بس هو عاوز يقول من فرحتي بيكم انا عاوز اقول لكم قد ايه انا مستنيكم انا متشوق اليكم قوي احبائي الاحد الخامس في الخماسين السابق لعيد الصعود اسمة حد الطريقالحد الاول كان حد الايمان حد توما بعد كدةالخبز وبعدين حد المياه بعدة حد النور النهارده احد الطريق كل حد بيقول للحد اللى بعده يلا كمل السكة ورايا ايمان خذ خبز خذ مياة خد نور يلة أمشى الطريق مبروك عليك وصلت لغايه ما تاخذ الاحد السابع تاخذ العطية العظمى اللى هى ايه بقى عطيه الروح القدس احنا احبائي الكنيسه بتجهزلنا بركات وكل عيد فى الكنيسة وكل مناسبه في الكنيسه هي من اجلنا هى من اجل اعدادنا هى من اجل نوال بركه خاصه بينا دة العيد فى الكنيسة دة كرامة العيد في الكنيسه دة قوه العيد فى الكنيسة ربنا يعطينا احبائي ان نتمسك بامكنا ونسلك فى الطريق ويكون عندنا شهوه الابديه مغروسة فى قلبنا لان هو ده شهوة قلبة ان نكون معه ربنا يكمل ناقصنا ويسند كل ضعف فينا بنعمته ولالهنا المجد الابد امين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية

الإِسبُوع الرَّابِع مِنْ الخماسِين المُقدّسة الكنِيسة بِترتِب لِنا رِحلة فِى فِترة الخماسِين الهدف مِنها إِنْ إِحنا فِى نِهايِة الخماسِين ننال إِستحقاق عطيَّة الرُّوح القُدس وَنتمتَّع بِالمِيلاد الجدِيد رِحلة عِبارة عَنْ رِحلة النِفُوس الّلِى فِى برّيَّة العالم مُنطلِقة إِلَى كنعان ، النِفُوس الّلِى فِى برّيَّة العالم مُنطلِقة إِلَى كنعان عليها إِنَّها تتحلّى بِبعض الصِفات أوِل صِفة فِى النِفُوس الّلِى مُنطلِقة فِى البرّيَّة رايحة لِكنعان لازِم يكُون عندها رصِيد كافِى مِنْ الإِيمان إِنْ هى حتوصل كنعان ، وَلازِم يُبقى عندها قناعة كامِلة إِنْ تبعيتها لِربِنا أفضل مِنْ تبعيتها لأهل العالم أوْ لأرض مِصْرَ أوْ لِفرعُون فَلاَزِم نِمرة واحِد الإِيمان ، عشان كِده تلاحظوا إِنْ الحد الأوَّل مِنْ الخماسِين حد تُوما حد الإِيمان بِالقيامة ، لابُد إِنْ يُبقى فِى رصِيد كافِى مِنْ الإِيمان يكفِى لِفترِة الرِحلة ،ده أوِل حد ، تانِى حد يكلّمنا إِنْ المسِيح هُوَ خُبز الحياة ، زى لَمَّا كان فِى البرّيَّة النَّاس فِى الرِحلة خارُوا مِنْ قِلّة الطعام ربِنا أرسل لهُمْ المن وَالسلوى ربِنا لَمَّا أرسلنا فِى برّيَّة هذا العالم إِدانا زاد لِلطرِيق ،قَالَ لنا [ لاَ تَحمِلُوا كِيساً وَ لاَ مِزوداً] ( لو 10 : 4 ) ، وَفِى نَفْسَ الوقت صار هُوَ نَفْسَه زاداً لنا ، هُوَ بِنَفْسَه ، فَربِنا يسُوعَ المسِيح بِيقُول لِنا أوِل حاجة عشان خاطِر تتمتّعُوا بِالرِحلة دى معايا يكُون عندكُمْ رصِيد مِنْ الإِيمان إِتنين تتحدوا بِخُبز الحياة ، نِمرة تلاتة تتمتّعُوا بِعطيَّة ماء الحياة ، عطيَّة ماء الحياة عطيَّة ينابِيع الرُّوح عطيَّة ربِنا الّلِى فجَّر لِهُمْ مِنْ الصخرة ماء عطيَّة المِيلاد الفوقانِى مِنْ الماء وَالرُّوح النهارده بيقولّك أنا بدِيك حاجات مُهِمة ، بدِيك خُبز الحياة ، بدِيك ماء الحياة ، مِنْ ضِمن مُقّوِمات الرِحلة المُهِمة جِدّاً النّور ، عشان تعرف تمشِى فِى الرِحلة صعب جِدّاً أبعتك فِى مكان أنا عارِف إِنّه قفر وَعارِف إِنّهُ برّيَّة وَيُبقى ضلمة ، يُبقى أنا كِده بعتك فِى مكان بقولّك إِتفضل توه ، لكِنْ هُوَ أرسلنا فِى برَّيَّة العالم وَأعطى لنا النَّور فَتلاقِى إِنّه فِيه حد للإِيمان ، حد لِلخُبز ، حد لِلماء ، حد لِلنَّور ، حد لِلطرِيق نَفْسَه الّلِى هُوَ الحد الّلِى جاى ده الّلِى بِيدِينا الطرِيق لِلصعُود لِلسَّماويَّات ، الّلِى بيمهِدنا لِعطيَّة الرُّوح القُدس يُوم الخمسِين النهارده " حد النَّور " يقُول كِده [ قَالَ لَهُمْ يَسُوعُ النُّورُ مَعْكُمْ زَمَاناً قَلِيلاً بَعْدُ0 فَسِيرُوا مَادَامَ لَكُمْ النُّورُ لِئَلاَّ يُدْرِكَكُمُ الظَّلاَمُ] ( يو 12 : 35 ) ، نتكلّم شويَّة عَنْ النُّور وَنتكلَّم شويَّة عَنْ الظلام ، نُقطتين إِتنين فقط أوِل حاجة النُّور ، طبِيعة الله نُور ، يقول عنّه كِده أنَّ الله [ نُورٍ لاَ يُدْنَى مِنْهُ]( 1 تى 6 : 16 ) ، يعنِى لَمَّا حب يوصِف طبِيعة الله قالك عَلَى الله [ نُور وَلَيْسَ فِيهِ ظُلْمَةٌ البَتَّةَ ] ( 1 يو 1 : 5 ) ، طبِيعة ربِنا مفهاش أىّ ظُلمة ، الله نُور ، طبِيعِة ربِنا تكشِف ، طبِيعِة ربِنا ترشِد ، طبِيعِة ربِنا تنُّور ، تقُود لَوْ تلاحظُوا يا أحِبَّائِى أوِل حاجة سِفر التكوِين ذكرها فِى أيَّام الخلِيقة السِتَّة ، أوِل حاجة يقولّك [ وَقَالَ اللهُ لِيَكُن نُورٌ] ( تك 1 : 3 ) ، أوِل حاجة عملها إيه ؟ النُّور لِيه ؟ قالّك علشان خاطِر أُظهِر أعمال خلِيقتِى وَأُظهِر مجدِى فِى خلِيقتِى 0 تخيّلُوا كِده لَوْ ربِنا معملش النُّور وَجِه عمل مَثَلاً بعد كِده النباتات ، طيِّب حد شايِف ؟! لِنفرِض إِنْ ربِنا عمل الزَّحافات وَالدبَّابات الّلِى تدِب عَلَى الأرض ، طيِّب حد شايِف ؟! وَبعدِين ربِنا علشان يعمِل حاجة علشان يتمّجِد يعمِل كُلّ حاجة مُهِمة علشان خاطِر الّلِى بعدها تتمتّع بِها 0 منلاقيِش مَثَلاً ربِنا يخلِق العُشب قبل الحيوان لأ ما ينفعش ، هُوَ بِيخلق العُشب لِلحيوان ، فَايخلق الأوِّل العُشب وَبعد كِده الحيوان ، طب وَالعُشب محتاج نُور ، يُبقى يخلق له الأوِّل النُّور ، طب العُشب محتاج ميه ، يُبقى يخلق له الأوِّل الميه ، يُبقى يخلق الأوِّل النُّور وَبعد كِده يخلق الميه وَبعد كِده يخلق العُشب ، بعد كِده يخلق الحيوان ، بعد كِده يُبقى يخلق الإِنسان الّلِى يلزمه كُلّ هذِهِ الأمور ، تدرُّج عجِيب إِذن ربِنا عشان يُعلِن مجده فِى الخلِيقة الأُولى أوِل حاجة قَالَ [ لِيكُن نُور ] ،الخلِيقة الجدِيدة فِى القيامة أوِل حاجة شُفناها فِى القيامة إيه ؟ نُور وَكأنّ ربِنا يسُوعَ المسِيح بِالقيامة عايِز يقول لنا أنا هدِيكُوا معنى جدِيد لِلنُّور الأوِّل كان مُجرّد نُور عشان تتمتّعُوا بِه بِأعمال خلِيقتِى المنظُورة ، لكِن دلوقتِى النُّور ده موجُود ، أنا هدِيكُوا نُور جدِيد ، النُّور الجدِيد ده عشان تتمتّعُوا بِمجدِى غير المنظُور ، مجد قيامتِى الّلِى موجودة داخِلكُمْ عشان كِده ربِنا إِبتدى الخلِيقة بِالنُّور وَإِبتدى القيامة بِالنُّور الّلِى هى الخلِيقة الجدِيدة ، عايِز يعرّفنا عليه مِنْ جدِيد مِنْ خِلال القيامة ، مِنْ خِلال القيامة المفرُوض إِنْ إِحنا نتعرّف عَلَى ربِنا يسُوع المسِيح مِنْ جدِيد عشان كِده النهارده بِيكلّمنا عَنْ " سِيرُوا فِى النُّور مادام لكُمْ النُّور " ، النُّور معكُمْ زماناً يسِيراً ، يعنِى إيه " زمان يسِير " ؟ عايِز يقولّك الفِترِة الّلِى إِنت عايشها فِى حياتك دى دى فِترة قلِيلة جِدّاً ، فِترة قلِيلة جِدّاً بِالنسبة لِمجد الأبديَّة ، فَالنُّور معاك دلوقتِى زمان يسِير ، سِير فِى النُّور لِئلاَّ يُدرِكك الظلام يعنى إيه " يُدرِكك الظلام " ؟ يعنِى لَوْ إِنسان مِنّنا دلوقتِى ترك طرِيق النُّور ها تبُص تلاقِى حياته بعد كِده بعِيد عنِنا ترُوح الجحِيم ، بعِيد عنِنا الواحِد يرُوح نار جُهنم ، طبعاً هُناك ظُلمة ظُلمة ظُلمة يُبقى أنا علىَّ أستغِل الزمن اليسِير الّلِى أنا عايِش فِيه ده ، وَأعِيش فِيه فِين ؟ فِى النُّورلِئلاَّ يُدرِكنى الظلام ، سِير فِى النُّور ، النُّور يعنِى إيه ؟ نُور الوصيَّة ، نُور المسِيح ، المسِيح طبِيعته نُور ، الله طبِيعته نُور ، طب أنا إيه بِالنسبة له ؟ أنا إِبنه يُبقى طبِيعتِى مِنْ طبِيعته ، أنا طبِيعتِى مِنْ طبِيعته ، أنا واخِد النُّور ده ، النُّور ده مِش غرِيب عنِّى ، بِدلِيل إِنْ أنا مبحِبش الظُلمة ، بِدلِيل إِنْ أنا مبحِبش أعمال الظُلمة أنا نُور ، مِنْ طبِيعته لإِنْ إِحنا المسِيح نقل لنا مجده ، نقل لنا مِيراثه ، نقل لنا صِفاته ، فَالنُّور بقى مِش غرِيب علينا لأ كُلِنا متعمدِين وَلَمَّا إِتعمِدنا أخدنا السِر وَالسِر الكنِيسة تسميه ( سِر الإِستنارة ) ، يعنِى إيه إِستنارة ؟ يعنِى إِحنا إِتنوّرنا فِى المعموديَّة ، أخدنا النُّور ، النُّور بقى ساكِن فِينا ، النَّور بقى حِتَّة مِننا مبقاش غرِيب عنِنا لأ النُّور بقى مِننا ، النُّور بقى حِتَّة مِننا مبقاش النُّور غرِيب علىَّ لأ النُّور بقى مِنِّى [ أبناءُ نُورٍ وَأبناءُ نهارٍ0لسنا مِنْ لَيْلٍ وَ لاَ ظُلْمَةٍ ] ( 1 تس 5 : 5 ) زى ما قال مُعلّمِنا بولس الرسُول ، لكِنْ إِنتُمْ أبناء نُور ، النُّور مُفرِح ، النُّور مُبهِج عشان كِده نقُول [ فِى نُور قدِيسيه ] كُلّ إِنسان يخاف الله وَيعِيش مَعْ ربِنا تُبقى حياته منُّوره ، نُور مِنْ نُور المسِيح ، نُور مِنْ نُور الله ، [ نُور لاَ يُدْنَى مِنه ] ( 1 تى 6 : 16 ) ، أد إيه أحِبَّائِى الحياة فِى النُّور لها صِفات مُبهِجة ، أد إيه النُّور ده مِنْ طبِيعِة ربِنا ، الطبِيعة المُمجدّة ، الطبِيعة الّلِى ربِنا عايِز ينقِل لِنا كُلّ البركات مِنْ خلال النُّور بِتاعه فَيقولّك [ سِيرُوا فِى النُّور ] ، سِير فِى النُّور ، النُّور يكشِف الطرِيق ، لَمّا جِه ربِنا فِى العهد القدِيم فِى البرَّيَّة وَالشَّعْب مُعرّض إِنْ هُوَ يتوه بقى يعمِل معاهُمْ حاجتين ، حاجة بِالنَّهار وَحاجة بِالليل ، يبعت لِهُمْ بِالنَّهار عمود سحاب وَبِالليل عمود نُور لِيه ؟ يقولّك عشان خاطِر النُّور يقودهُمْ فِى الطرِيق ، إِحنا دلوقتِى فِى نَفْسَ الحال ،إِحنا دلوقتِى تايهين فِى برَّيَّة العالم ، مُنطلقِين نحُو كنعان ، طيِّب إِذا ما كنش عمود النُّورده حا يقودنا يُبقى حتماً حنتوه إِذن أنا لَوْ ماسلكتِش فِى النُّور وَعنيَّا عَا النُّور وَبقى النُّور ده السِراج المُضِئ فِى موضِع مُظلِم بِالنسبة لىَّ يُبقى أنا كِده حتوه ، سِير فِى النُّور ، النُّور يعنِى الوصيَّة ، النُّور يعنِى الإِنجِيل ، النُّور يعنِى صُوت الرُّوح ، النُّور يعنِى فِعل الوِلادة الجدِيدة الّلِى جوايا ، ده لازِم أطِيعه ، أطِيعه زى ما بِيقُول مُعلّمِنا بولس الرسُول [ فشُكراً للهِ أطعتُمْ مِنَ القلبِ صُورةَ التَّعلِيمِ الَّتِي تَسَلَّمْتُمُوهَا ] ( رو 6 : 17 ) ، " أطعت مِنَ القلب " يعنِى إيه ؟ يعنِى مشيت ورا النُّور بِكُلّ صِدق وَبِكُلّ إِخلاص وَأمانة وَرفضت الظُلمة وَمحبِتش الظُلمة قَالَ كِده [ مَادَامَ لَكُمْ النُّورُ آمِنُوا بِالنُّورِ لِتَصِيرُوا أبْنَاءَ النُّورِ] ( يو 12 : 36 ) ، " لِتصِيرُوا أبناء لِلنُّور " أنا إِبن لِلنُّور بِالطبِيعة الّلِى ربِنا وهبها فىَّ ، أنا إِبن لِلنُّور ، طالما أنا إِبن لِلنُّور أبقى بحِب النُّور وَأحِب أعمال النُّور وَأحِب إِنْ أنا أسلُك فِى النُّور بِكُلّ أمانة وَكُلّ إِخلاص وَإِلاّ أتوه النُّور يكشِف الأخطاء ، يكشِف الزيغان ، النُّور يكشِف ، إِحنا لَوْ جِينا دلوقتِى نقُول هى العِين الّلِى بِتشُوف وَإِلاّ النُّور هُوَ الّلِى يخلِّى العِين تشُوف ؟ تلاقِى مِش العِين هى الّلِى بِتشُوف ، النُّور هُوَ الّلِى يخلِّى العِين تشُوف بِدلِيل إِنْ الدُنيا لَمَّا بِتُبقى ضلمة وَعنِينا مفتّحة مِش بِتشُوف وَعنِينا سلِيمة ،إِذن مديونيتِى لِلرؤية وَمديونيتِى لِلبصِيرة وَرؤيِة الأمُور بِطرِيقة سلِيمة مِش لِلعِين وَلكِنْ لِلنُور إِذن طُول ما أنا سالِك فِى النُّور حا تُبقى نظرتِى لِلأمُور سلِيمة ، أعرف ده فِين وَأعرف ده فِين وَأعرف أمشِى إِزاى ، لكِنْ لَوْ أنا سالِك فِى الظُلمة أُبص ألاقِى نَفْسِى رغم إِنِّى عندِى عِين لكِنْ مِش بشُوف وَهُوَ ربِنا يسُوعَ المسِيح قَالَ كِده [ لَهُمْ أَعْيُنٌ وَ لاَ يُبْصِرُونَ ] ( أر 5 : 21 ) ، كان مُمكِن نحُط التفسِير بِتاع الحِتَّة دى لِيه ؟ لِيه لِهُمْ أعيُن وَ لاَ يُبصِرُون ؟ لإِنّهُمْ سالكِين فِين ؟ فِى الظُلمة ، سالكِين فِى الظُلمة يعنِى إيه ؟ يعنِى وَالدِنيا ضلمة يعنِى بِالليل ؟! يقولّك لأ الظُلمة الّلِى قصده عليها ظُلمِة غياب المسِيح ، يعنِى غياب النُّور إِذن أىّ وقت أنا بسلُك فِيه غايِب عَنْ المسِيح ، المسِيح يغِيب عَنْ حياتِى ، معِش فِى حضرته ، ظُلمة ، الظُلمة طبعاً الإِنسان أد إيه بقى إِتلغبط وَأد إيه الواحِد ميعرفش يميِّز وَأد إيه الإِنسان يفقِد قِيمة الأمور ، واحِد يجِيب له حاجة يُقعُد يلمِس فِيها كِده مِش عارِف دى إيه ؟ دى معدن وَإِلاّ دى خشب ؟ يعتمِد على الملمس ، مُمكِن الملمس يُبقى خدَّاع ،ميعرفش يميِّز الطرِيق ، مُمكِن يمشِى يعثُر فِى الطرِيق ، يتخبّط فِى حاجة لإِنْ الدُنيا ضلمة أدى الإِنسان الّلِى سالِك فِى الظُلمة ، غير الإِنسان الّلِى سالِك فِى النُّور ،وَطُول ما أنا قُرّيِب مِنْ النُّور خطاياى تُبقى أوضح ، طُول ما أنا قُرّيِب مِنْ النُّور أعرف مقياس نَفْسِى أنا فِين مِنْ الوصيَّة ؟ أنا فِين مِنْ أخويا ؟ أنا فِين مِنْ بِرّ المسِيح ؟ أنا فِين مِنْ نُوره ؟ لَمَّا يِجى واحِد كِده يُبقى الملابِس بِتاعته ملابِس مُتسِخة وَقاعِد فِى ظُلمة ،لاَ يشعُر إِنْ هدومه مِش نضِيفة ، لكِنْ لَوْ قرّب لِنُور وَكُلّ ما النّور كان أقوى كُلّ ما يكشِف وَيفضح ، أهُوَ أنا كِده كُلّ ما أأقرّب لِربِنا كُلّ ما أعرف أنا فِين مِنْ بِرَّه ؟ أنا فِين مِنْ نوره ؟أوِل ما أأقرّب مِنّه أشعُر أد إيه أنا خطاياى كثِيرة جِدّاً إِشعياء النبِى لَمَّا إِتخدِت الجمرة مِنْ عَلَى المذبح قَالَ [ وَيْلٌ لِي إِنِّي هَلَكْتُ لأِنِّي إِنْسَانٌ نَجِسُ الشَّفَتَيْنِ] ( أش 6 : 5 ) ، طب لِيه مقولتِش كِده قبل كِده ياإِشعياء ؟ قالك ماكونتِش تلامست معاه مُعلّمِنا بُطرُس الرسُول مصرخش وَقال [ أُخْرُجْ مِنْ سَفِينَتِي يَارَبُّ لأِنِّي رَجُلٌ خَاطِئٌ] ( لو 5 : 8 ) إِلاّ لَمَّا تلامس معاه ، لَمَّا أتلامس معاه أنا خطاياى بِتُكشف ، بِتتفضح ،لَمَّا تتفضح أصرُخ وَأطلُب الرحمة وَأطلُب النِعمة وَأطلُب التوبة وَأطلُب الغُفران وَأعرف ضعفِى ، أوِل لَمَّا أعرف ضعفِى النِعمة تُبقى قرِيبة ، أوِل لَمَّا أكتشِف قباحاتِى وَذنوبِى وَالظُلمة الّلِى أنا فِيها وَالبُقع الّلِى فِى ثيابِى الّلِى أحدثتها فىَّ الخطيَّة ، ساعِتها أبقى أنا قرِيب مِنْ البُرء ،لإِنْ [ الَّذِي يعرِف خِزيه يعرِف كيف يطلُب النِعمة ] ، وَالَّذِى يعرِف مرضه هُوَ قرِيب مِنْ البُرء ، الّلِى يعرِف المرض بِتاعه ، المرض إِكتشفه إِزاى ؟ بِالنُّور النُّور معكُمْ زماناً يسِيراً سِيرُوا فِى النُّور ، خلِيك قُرّيِب لِلنُّور ، لاَ يكُون فِيك ظُلمة البتَّة ، عشان كِده إِحنا يقول عنِنا إِحنا [ لكِنِ إِغْتَسَلْتُمْ بَلْ تَقَدَّسْتُمْ بَلْ تَبَرَّرْتُمْ ]( 1 كو 6 : 11 ) ، إِحنا إِستنرنا بِنُور المسِيح ، إِحنا تبرّرنا بِالمسِيح ، لَمَّا إِتغسلنا بِه حملنا بِرَّه ، حملنا نُوره عشان كِده يقولّك [ هُوَ الَّذِي أشْرَقَ فِي قُلُبِنَا لإِنَارَةِ مَعْرِفَةِ مَجْدِ اللهِ ] ( 2 كو 4 : 6 ) ، " أنار فِى قُلُوبِنا " ، نوَّر ، جاب كِده كمية ضُوء ضخمة جِدَّاً جِدَّاً وَسلَّطها عَلَى القلب لَمَّا جاب كمية ضُوء كبِيرة سلَّطها عَلَى القلب ، القلب نوَّر وَإِتكشف وَشُوفنا فِيه الزوايا وَالأركان الضعِيفة لَمَّا يِجِى دكاتره فِى أُوضة العمليات تلاقِى حطِين لهُمْ كمية كشَّافات كبِيرة وَضخمة جِدَّاً متركزِين فُوق سرِير العمليَّات وَينزِّلُوا كمية الإِضاءة دى وَيركِزُوها عَلَى المكان الّلِى بِيشتغلُوا فِيه لِيه ؟ كُلّ النُّور ده ؟ عشان يكشِف ده الراجِل شغَّال فِى حاجات دقِيقة جِدَّاً ،عايِز ينُّور المكان ده جِدَّاً ، عاوِز يكشِف فِيه الدقائِق الصغِيرة جِدَّاً بِإيه ؟ بِالنُّور عايِز تكشِف نَفْسَكَ سلَّط النُّور عليك ، سلَّط النُّور وَحتعرِف حتعرِف إِذا كان فِيك حاجات مِضلِمة ، حاجات ضعِيفة ، حاجات مرِيضة ، حاجات مُتليِفَّة ، حاجات الخطيَّة أحدثت فِيها أضرار بالِغة ، بقى عندك شُريان مِش شغَّال ، بقى عندك عضلة واقفة ، بقى عندك تليُّف فِى أنسِجة أهُوَ هُوَ ده ، ده التشخِيص بِتاع المرض الجسدِى ، المرض الرُّوحِى أخطر ،يعنِى إيه شُريان مِش شغَّال ؟ يعنِى إيه عضلة مِش شغَّالة ؟ يعنِى القلب معدش ينبُض بِمحبِة ربِنا ، يعنِى القلب صار لاَ يتجاوب مَعْ نِداءات النِعمة ، يعنِى إيه فِيه تليُّف ؟ التليُّف يعنِى فِيه قساوة ، يعنِى فِى قلب فِيه أنسِجة ميِتة ، ده أكتشِفه إِزاى ؟ أكتشِفه بِالنُّور ، مالوش طرِيقة تانية غِير النُّور ، أأقرّب لِلنُّور أكتشِف الأمر عَلَى طُول [ سِيرُوا فِي النُّور مادام لكُمْ النُّور ، النُّور معكُمْ زماناً يسِيراً ] ، إِوعى تضيَّع فِترِة العُمر بِتاعك وَتسلُك فِى الظُلمة لإِنْ كِده يُبقى إِنت بِتُحكم عَلَى نَفْسَكَ إِنْ إِنت هاتعِيش فِى الظُلمة إِلَى الأبد ، الزمن اليسِير بِتاعك ده سِير فِيه فِى النُّور عشان كِده الكِتاب المُقدّس يقولّك إِنْ الحياة الزمنيَّة بِتاعِتنا دى نحتمِل لإِنَّها زمن يسِير ، يقولّك كِده [ الْمَرْأَةُ وَهِي تَلِدُ تَحْزَنُ لأِنَّ سَاعَتَهَا قَدْ جَاءَتْ0 وَلَكِنْ مَتَى وَلَدَتِ الطِّفْلَ لاَ تَعُودُ تَذْكُرُ الشِّدَّةَ لِسَببِ الْفَرَحِ ] ( يو 16 : 21 ) ، خلاص الساعة بِتاعِتها خِلصِت ،أوِل لَمَّا السِت تولِد وَتسمع صُراخ الطِفل وَتشوف الطِفل بعنِيها تنسى الألم ،تنسى الصُراخ ، الألم مرحش طيِّب إيه الّلِى حصل ؟ فِى حاجة أهم جت غطِّت عَلَى الألم أهُوَ إِحنا كِده ، إِحنا ربِنا يسُوعَ بِيشبِهنا إِنْ الحياة الزمنيَّة بِتاعِتنا دى فِيها شويِة ألم لكِنْ لَمَّا حا تتمجّد لاَ نعُود نذكُر الشِّدَّة ، خلاص إِنتهِت ، كانِت إد إيه دى ؟ كانِت ساعة ، قالّك [ لأِنَّ ساعتها قَدْ جاءت ] ، دى ساعة ، يعنِى لَوْ واحدة تتألِم ساعة لكِنْ تولِد إِبن يعِيش معاها طُول العُمر ، تقولّك أستحمِل ساعة ، فِى واحدة تُبقى مِش عايزه تجِيب وِلاد تقولّك أصل الوِلادة مؤلِمة ؟! ماتسمعش الكلام ده أبداً لِيه ؟ صحِيح الوِلادة مؤلِمة لكِنْ الثمرة جمِيلة عشان كِده الحياة بِتاعِتنا ربِنا يسُوعَ يقولّك دى ساعة ، زماناً يسِيراً ، سِيرُوا فِى النُّور النُّور معكُمْ زماناً ، ده ساعة ، عشان كِده لَوْ تلاحِظ إِنْ لَمَّا يِجِى الواحِد يتعب شويَّة فِى جِهاده الرُّوحِى وَيحِس إِنْ الجِهاد تقِيل يفكّر نَفْسَه وَيقُول دى إيه ؟ دى ساعة ، معقُولة واحِد يكُون طالِب مِنِّى أشتغل عنده ساعة وَهايكافِئنِى مُكافأة كبِيرة جِدَّاً وَأبقى أنا كسلان فِى الساعة دى ؟! دى ساعة ، عشان كِده لَوْ تلاحظُوا إِنْ ربِنا يسُوعَ قَالَ لِتلامِيذه [ مَا قَدَرْتُمْ أنْ تَسْهَرُوا مَعِي سَاعَةً وَاحِدَةً ] ( مت 26 : 40 ) ، هى ساعة ، كُلّ مَا الضِيقات تحوّط بِىَّ فِى الحياة أقول دى ساعة ، شِد حِيلك شويَّة دى ساعة ، ياسِيدِى إِحتمِل دى ساعة ،إِنّ ساعتها قَدْ أتت ، أدى الساعة بِتاعِتها [ سِيرُوا فِى النُّور ] ، النُّور معك زمن يسِير ، الزمن اليسِير بِتاعك ده قضِّيه فِى النُّورلِئلاَّ يُدرِكُكَ الظلام ، قضِّيه فِى النُّور الزمن بِتاعك ده عايِز تعرف إِنت فِى النُّور وَ لاّ لأ ؟ أكتر الحاجات الّلِى تخلِيك تعرف إِذا كُنت إِنت فِى النُّور وَ لاّ لأ إِنْ إِنت تقِيس نَفْسَكَ عَلَى وصايا مُعيَّنة ، هل إِنت عندك رحمة ؟ القلب المنُّور قلب مليان رحمة ، قلب مليان رِقّة ، قلب فِيه مشاعِر حسَّاسة جِدَّاً تِجاه الآخرِين ، عكس الإِنسان الّلِى قلبه مُظلِم تلاقيه عِنده قساوة ، عِنده لاَ مُبالاة ، مايشوفش أبداً أتعاب النَّاس ،ظُلمة ظُلمة ، مفِيش نُور ، محبَّة تبُص تلاقِى الإِنسان الّلِى قلبه منُّور تلاقيه قلبه كُلّه منُّور ، تلاقِى المحبَّة عِنده محبَّة صادِقة أوِل لَمَّا تلاقِى نَفْسَك فِى إِحساس كراهية ، أوْ أوِل ما تلاقِى نَفْسَكَ إِنَّك إِبتدِيت تميِّزبين النَّاس وَإِبتدا يُبقى عندك إِنْ إِنت تُبقى فِى ناس مِش قادِر تحتمِلهُمْ وَقلبك شايِل مِنهُمْ إِعرف إِنْ مفِيش نُور فِى قلبك المحبَّة مقياس مايكدِبش أبداً ، يقولّك [ المحبَّةُ مِنْ قَلْبٍ طَاهِرٍ ] ( 1 تى 1 : 5 ) ،" قلب طاهِر بِشِدَّة " ، مُعلّمِنا يُوحنا الرسُول يقُول لِنا كلام يخلِّى الواحِد يراجِع نَفْسَه ألف مرَّة فِى موضُوع المحبَّة ده ، قالّكَ [ كُلُّ مَنْ يُبْغِضُ أَخَاهُ فَهُوَ قَاتِلُ نَفْسٍ00] ( 1 يو 3 : 15 ) ، ياربِى لِلدرجة دى ؟؟ يقولّك أيوه ، فِى ظُلمة فِى القلب خلِتك تكره ، خلِتك تُبغِض ، لَمَّا خلِتك تكره وَتُبغِض مبقِتش مِنْ أبناء النُّور بقِيت مِنْ أبناء الظُلمة ،[ مَنْ يُبغِضُ أخاهُ فَهُوَ قاتِل نَفْسٍ ] مرَّة واحدة ؟؟ أيوه قالّك [ وَمَنْ لاَ يُحِبُّ لَمْ يَعْرِفِ اللهَ لأِنَّ اللهَ مَحَبَّةٌ ] ( 1 يو 4 : 8 ) ،الّلِى مايحِبش ميعرفش ربِنا لِيه ؟ أصل الله محبَّة أقِيس نَفْسِى أنا مِنْ أبناء النُّور وَ لاّ مِنْ أبناء الظُلمة ؟ أنا فِى أىّ طرِيق ؟ مِنْ هِنا أبُص ألاقِى يقولّك إِنْ النُّور ده يكشِف للإِنسان كُلّ حاجة ، يخلِّى الإِنسان يُبقى الطرِيق بِالنسبة له واضِح جِدَّاً واضِح جِدَّاً [ سِرَاج لِرِجْلِى كَلاَمُكَ ] ( مز 119 : 105 ) ، السبِيل منُّور ، الطرِيق منُّور ،طرِيق كُلّ العلامات فِيه واضحة جِدَّاً ، إِذا كان فِيه حِتّه مُرتفِعة مكشُوفة ، إِذا كان فِيه حِتَّة مُنحنية مكشُوفة ، إِنسان مُستنِير ، عشان كِده مُعلّمِنا بولس الرسُول يقولّك[ مُستنِيرة عُيُونُ أذْهانِكُمْ ] ( أف 1 : 18 ) ، عِين القلب منُّوره فِيها نُور تعرَّف الطرِيق ، وَتعرِف خِداعات العدو ، وَتعرِف الأماكِن الواعرة وَالأماكِن الصعبة عشان كِده كُلّ شر يُفعل يُفعل فِى الظلام ، عشان كِده مُعلّمِنا بولس الرسُول يكلّمك عَنْ الشَّر يقولّك [ أعمال الظُلمة ] ( أف 5 : 11 ) ، لِدرجِة إِنْ مُعلّمِنا بولس الرسُول يقولّك [ لاَ تشترِكُوا فِى أعمال الظُلمة غير المُثمِرةِ بَلْ بِالحرىَّ وَبخّوُها ] ( أف 5 : 11 ) لِيه ؟ قَالَ لإِنْ أنا جوايا نُور ، النُّور لاَ يطِيق الظُلمة ، لاَ يشترِك النُّور مَعْ الظلام أبداً أبداً ، أوِل لَمَّا يِجِى النُّور عَلَى طُول يغِيب الظلام ، يتلاشى الظلام ، راح فِين الظُلمة ؟ راحِت فِين الظُلمة بِتاعِت الليل الّلِى كانِت مخلِيَّة النَّاس مِش عارفة تمشِى راحِت فِين ؟ إِنتهِت ، ليس لها أصل ، النُّور يُبّدِد الظلام ، النُّور قوِى ، النُّور يكشِف ، الظُلمة جهل لَمَّا نلاقِى إِنسان يحِب أعمال الظُلمة نقوله فِى خلل رهِيب جوّه حياتك ، عشان كِده أحِبَّائِى تلاقِى الإِنسان الّلِى يحِب الخطايا تبُص تلاقيه أعمال الظُلمة تملُك عليه ، تلاقِى حياته كُلّها ظُلمة فِى ظُلمة ، أعمال الخطايا كُلّها ، لَمَّا واحِد يحِب يسرق محدِش يسرق فِى النُّور ، أعمال الشَّياطِين ، أعمال الشهوات وَالزِنا وَالخلاعة تنشط فِى الليل ، الإِنسان الكدَّاب ، الإِنسان الّلِى يحِب يعِيش فِى غِش وَرِياء يحِب يعمِل حاجات النَّاس متعرفهاش ، يحِب الظُلمة ، ميحِبِش يكشِف نَفْسَه أبداً ، يعِيش فِى الظُلمة وَالظُلمة تُعمِى عنيه مِنْ كُتر ما هُوَ خلاص معدش بِيشُوف ، خلايا عنيه الرُّوحيَّة تضمُر وَتذبُل لِيه ؟ مَا خلاص ليس لهُ الحواس الّلِى قَالَ عنها مُعلّمِنا بولس الرسُول [ الْحواسُّ مُدَرَّبةً ]( عب 5 : 14 ) ، ليس لهُ الحواسّ المُدرَّبة ، حاسِة البصِيرة عِنده حاسَّة فُقِدت ، حاسَّة تبلَّدت ، تجمَّدت ، أدى أعمال الظُلمة أعمال الظُلمة الّلِى تخلِّى الإِنسان يفقِد البركات ، يفقِد حضُور الله ، يفقِد نُور الله ،ده أعمال الظُلمة ، عشان كِده أحِبَّائِى تلاقِى آبائنا القدِيسين كُلّ واحِد فِيهُمْ حواليه هالة مِنْ النُّور ، النُّور ده لِيه ؟ دى نُور القداسة ، ده نُور ربِنا الّلِى إِرتسم عَلَى وجوههُمْ وَالّلِى أضاء عليهُمْ ، ده النُّور بِتاعهُمْ ، دى الإِستنارة بِتاعِتهُمْ عشان كِده يكلّمنا عَنْ السَّما إِنْ السَّما مفهاش ظُلمة أبداً لِيه ؟ قالّك لإِنْ ربِنا يسُوعَ المسِيح العرِيس وَالخرُوف بِتاع السَّما ها يكُون هُوَ سراجها وَ لاَ تحتاج إِلَى شمس وَ لاَ تحتاج إِلَى قمر ، لأِنّ هُوَ سراجها ، فِيها نُور دائِم نُور دائِم ، مفِيش لِيل مفِيش ظلام إِنتهى الظلام إِحنا عايِشيِن دلوقتِى علشان إِحنا دلوقتِى فِى فِترِة الإِختبار ، إِنت بِتحِب أىّ طرِيق فَتَلاقِى دلوقتِى فِى ظُلمة وَفِى لِيل ، لكِنْ فوق فِى السَّما خلاص مفِيش ظُلمة ، لَوْ إِنت مِنْ دلوقتِى حبِيت النُّور وَإِخترت النُّور وَسلكت فِى النُّور ها تصِير مِنْ أبناء النُّور فَطُوباك ، لكِنْ لَوْ إِنت مِنْ دلوقتِى مِلت لِلظُلمة وَحبِيت الظُلمة وَأعمالها ها تبُص تلاقِى نَفْسَكَ خلاص صِرت غرِيباً عَنْ النُّور وَالنُّور غرِيب عنك النُّور معكُمْ زمان يسِير ، عشان كِده قالّك [ أعمى عُيُونهُمْ وَأغلظ قُلُوبهُمْ لِئلاَّ يُبصِرُوا بِعُيُونِهِمْ وَيشعُرُوا بِقُلُوبِهِمْ وَيرجعوا فَأشفِيهُمْ ] ( يو 12 : 40 ) لِيه ؟ قالّك ما هُمَّا مِش عايزِين يشُوفوا النُّور ، مِش عايزِين يشُوفوا قَالَ كِده [ أنَا قَدْ جِئتُ نُوراً إِلَى العالم ] ( يو 12 : 46 ) ، خلاص طالما إِنسان آمِن بِى لاَ يمكُث فِى الظلام أبداً ، عشان كِده أحِبَّائِى الإِنسان الّلِى حياته داقِت نُور ربِنا لاَ يستحمِل الظُلمة ، لاَ يمكُث فِى الظلام ، وَمِش يوم وَ لاَّ إِتنين لكِنْ حياته كُلّها ، مِش قادِر يحتمِل إِلاَّ إِنْ هُوَ يعِيش فِى النُّور لَمَّا نِيِجِى نقُول دلُوقتِى إِحنا لِيه بِنحِب النُّور وَإِحنا لِيه مُشتاقِين لِلنُّور وَلِيه النُّورإِحنا بِنفّضله ؟ يقُولّك أصل إِحنا جرَّبنا الضلمة لَمَّا جرَّبنا الضلمة محبِنهاش ، حبِينا النُّور ،إِذن الضلمة هى الّلِى تخلِينا نكتشِف النُّور عشان كِده ربِنا سمح إِنْ يكُون فِى نُور وَفِى ضلمة ، لِيه ربِنا يسمح بِالشَّرُور ؟ قالّك الشَّرُور هى الّلِى حا تعرَّفك البِرَّ ، قالّك الشَّرُور هى الّلِى حا تخلِيك إِزاى تتمسَّك بِالبِرَّ ، لإِنْ لَوْ الحياة بِرّ بس مُمكِنْ أبقى كِده لاَ أُمتحن أنَا عايِز إيه ، النُّور هُوَ الّلِى يخلِيك تحِب النُّور وَتُبغِض الظُلمة مِنْ جمال النُّور ها أسِير فِى النُّور مادام لَكَ النُّور ، وَالنُّور هُوَ الّلِى يغلِب الظُلمة لإِنْ هُوَ الأقوى ، وَالنُّور مِش مُمكِنْ الظُلمة تغلِبه إِلاَّ إِذا هُوَ إِنسحب ، لكِنْ الظُلمة متعرفش أبداً تغلِب النُّور أبداً ، النُّور يغلِب الظُلمة بِسهُولة ، مُجرّد إِنْ كشَّاف صُغيّر يُبّدِد ظُلمة ، لكِنْ الظُلمة متغلِبش النُّور أبداً إِلاَّ إِذا أنا طفِيت النُّور ، النُّور أقوى لهُ سُلطان عشان كِده أحِبَّائِى أنا بختار أىّ طرِيق وَماشِى فِين ؟ طرِيقِى منُّور ، الّلِى طرِيقه منُّور تبُص تلاقِى كارِه الخطايا ، مِش بس كارِه الخطايا ده بِيوّبِخ الخُطاه ، ده مِنْ جوَّاه إِحساس بِمرارة لِلنَّاس الّلِى عايشة فِى الظُلمة ، مِش هُوَ قلبه ميَّال لِلظُلمة لأ ده بِيوّبخ أعمال الظُلمة0 ربِنا أنار فِى قلوبنا ، نوَّر قلبِنا ، أخدنا فِى المعموديَّة النُّور حقِيقِى ، عشان كِده إِحنا كُلّ يوم فِى صلاة باكِر نفتِكر النُّور الحقِيقِى نُور القيامة ، نُور حقِيقِى الّلِى أشرق فِى قلوبنا وَنقوله إِنْ هُوَ [ يخلِق فِينا الحواس المُضِيئة وَالأفكار النُورانيَّة ] ، حواس مُضِيئة منُّوره منُّوره بِنُوره نُور قيامته تتحوّل الحواس المُظلِمة وَالجسد المُظلِم لِجسد منُّورهذا النُّور مِنْ علامات الخلِيقة الجدِيدة مِنْ علامات القيامة إِنْ أنا إِنسان بحِب النُّور وَلازال نُور ربِنا يسُوعَ المسِيح يُعلن فِى قيامتِهِ فِى كُلّ قيامة ليس فِى يوم قيامة فقط وَلكِنْ فِى قلُوب أولاده وَفِى قلُوب أبناء الكنِيسة كُلّها ربِنا ينُّور قلوبنا بِنُور معرِفته الحقِيقيَّة يكمِلّ كُلّ نقص فِينا بِنِعمِته وَلإِلهنا المجد دائِماً أبدياً أمِين0 القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية

النهارده الكنيسه بتقرا علينا فصل السامرية وكان يتقرأ علينا في الصوم الكبير بس النهارده الكنيسه بتركز على السامريه اللي قامت السامرية السامرية اللي اتحررت اتحررت من ايه اتحررت من الماضي بقت واحده جديده واحده ثانيه اللى يعرف السامرية قبل ماتقابل المسيح ما يعرفهاش بعد ما عرفت المسيح لا مش معقول مش هي دي واحده ثانيه يبقى السامريه قبل المسيح حاجه والسامريه بعد المسيح حاجه هو ده اللي احنا عاوزين نقف عنده النهارده لحظات قليله انا قبل المسيح حاجه بعد المسيح حاجه انا قبل لقائى بالمسيح حاجه وبعد لقائى بالمسيح حاجه انا قبل قيامه المسيح حاجه وبعد قيامه المسيح حاجه وهنا يبقى السؤال هل انا بتقابل مع المسيح هل ليا حديث معاة هل فعلا انا لما بتقابل معاة وبيكلمني الكلام بيغير فيا قعدت تحاول تدارى عليه وتخبى عليةوقعد يحاول يتودد يقول لها اديني اشرب ايه يا رب ده يتودد اليها عشان يدخل معها فى حديث و هي تقول له لا انت انت رجل وانا امراه انت يايهودى وانا سامريه وقعدت تدخل حواديت وقصص و حاجات فرعية عاوزة تهرب من اللقاء ودة اللي بتعمله نفسنا كثيرممكن اجى الكنيسة بس مايكنش ليا لقاء مع المسيح ممكن ابقى واقف اصلى بس مش بتقابل مع المسيح ممكن اكون بقرا الكتاب المقدس بس مش بتقابل مع المسيح المسيح عاوز يتكلم معايا عاوز يفكنى عاوز يحررنى تامل جميل ان اللي كانت معهم واللى ربنا يسوع المسيح اخذ مدخل كدة وقال لها ادعى زوجك قالت ليس لى زوج قالها كويس كويس قوي ده خيط جميل انتى اديتهولى كان ليكى خمسه واللي معك ده مش زوجك يعني كام ؟؟يعنى سته فكركم ان الستة اللي تقابلك معهم السامريه واللي عاشت معهم وغلطت معهم دول كانوا زي بعض اكيد مختلفين وكان يكون عندها امل ان رقم اثنين يبقى احسن من رقم واحد وبعدين تتصدم تلاقى تقريبا بقى اسوء فتقول خلاص اشوف غيره اشوف غيره مسكين الانسان اللي فكروا ممكن يشبع بره المسيح مسكين الانسان اللي يفضل يدور على وسائل لراحتة الاباء القديسين يتكلموا علي حاجة أسمها الأوجاع يعنى اية الاوجاع؟ يعنى يقولك مثلا شهوة الجسد شهوة الزنا دة وجع شهوة البطن يعنى الطعام يقول لك عليه ده وجع يقولك الكسل و اللاة مبالاة دة وجع أوجاع يقعدوا يقسموا الاوجاع دى ان في اوجاع جسديه في اوجاع نفسيه اوجاع جسدية اللي قلت لك عليها زى شهوات الجسد شهوه البطن والكسل واللامبالاه دول ثلاثه السامرية اتجوزت ال٣ دول بعد كده لئت ما فيش فائده اخذ ثلاثه ثانيين بس طلعوا اصعب اوحش اللى هما ايه بقى اللي هي الخطايا اللي بتبقى رابطة جوه اعماق الانسان زي الغضب دى حاجة شنيعة زى مثلا محبه المال ممكن الناس تبقى عايشه فقط عشان خاطر المال والكبرياء والغرور والعظمه اوجاع قلت لك على ثلاثه جسديه وثلاثة نفسيه الثلاثة الجسدية شهوات الجسد شهوات الزنا الشهوات التى تسقط الانسان اتنين الاكل رقم ثلاثه الكسل دة في الجسم النفس اوحش الغضب المال الكبرياء تخيل كده كل واحد فينا مربوط بالست حاجات دول يعني انا وانت عاملين زي السامريه بالضبط اللي ليه خمسه ازواج وخد بالك ان العلاقة الزوجية علاقة متداخلة مش كدة؟عشان حد يطلع من علاقه زي كده مش سهل الانسان مربوط جدا بشهوه الجسد دى حاجة غريزة ربنا سمح بيها للإنسان بس للاسف الشيطان لوثها وغيرها وخلاها بدل ما تبقى مقدسه ولاهداف ساميةلدوام الحب واستمرار الحياة الشيطان لعب بيها واغوا الانسان وخلاها تبقى في اطار خارج كل ما هو مقدس الى كل ما هو دنيئ شهوات الجسد عشان كدة ان لم توجهة فى إطار مقدس تكون ضارة وتكون ضد الانسان وتفصل الانسان عن اللة الله من محبتة ولطفة للانسان اعطاله الغرائز الغرائز شئ مقدس ونافع جدا يكفى أن الغرائز اللى الناس بتحتقرها دى هى سبب بقاء الحياة لو لم توجد غرائز كان انقردالجنس البشرى لو لم يوجد عند الإنسان غريزة جوع لو ماكنتش يأكل كان يموت لو لم يوجد عند الإنسان غريزة خوف كان الإنسان يواجة المخاطر ومايحسش بيها ويلاقى قطر داسة وحاجة وقعت علية لكن الخوف بيخلى الانسان يهرب اذا الانسان ممكن يكون مربوط بالغرائز بشكل غير نقى وبعدين الاكل في ناس تحول حياتها للاكل الاكل ده يبقى هدف مش وسيله عايز وعايز وعايز وياكلوا ما يشبعش ويأكل ويتعب ويرجع ياكل ثاني مغلوب يسموها كدة وجع الحنجرة يعنى اية وجع الحنجرة بيقولك انت لو اكلت اى حاجة تعدى على الحنجرة للحظة اللحظة دى هى اللى بتتذوق فيها طعم الحاجة لكن بعد كدة تنزل ع البطن ماتفرقش بين الأكلة الشهية قوى و الاكلة اللى مش قد كدة لو كلت حاجه غاليه قوي قوي هتعدي على الحنجره لاحظت وبعدين تنزل تحت ماتفرقش بقى بين العيش وبين الفول المكرونة ماخلاص كلة واحد نزلت عشان كده بيقولوا على الشخص الأكول حنجرانى كل دى خطايا!!!!! أزواج متنوعين بيعدوا ع السامرية كل واحد يروح لاولها ذراع والتانى هكذا والثالت يروح كاسرلها رجل وهكذا لحد ماصارت مشوهة دة اللى بيحصل فيا وفيك لما بنقع تحت أوجاع الخطايا الكثيره الكسل تبص تلاقي انسان يعمل كل حاجه يجي عند الحاجات المهمة مايعملهاش الحاجات اللى تفيد خلاص نفسه ما يعملهاش تبص تلاقية كسلان طب اصحى طب اقف مافيش لية؟؟كسل كسل نيجى على خطايا النفس وأوجاع النفس تبص تلاقى الغضب كل واحد مش مستحمل التانى ابدا يقولك اصل انا عصبى اقولك لا يا حبيبى ماينفعش يعنى اية انت عصبى اد اية ربنا محتملك بكل مافيك من اخطاء وبكل ما فيا من اخطاء مطول بالة عليا لية ماطولش بالى على اخواتى؟؟ واحد من الاباء كان بيقول وبيصلي يا رب ارحمني قالة طب ارحم أخواتك عاوز تقف لغيرك ع الوحدة خلاص ربنا هيقفلك ع الوحدة يا ساتر يا رب لو ربنا وقفلى ع الوحدة تبقى كارثة احنا بنقولة ان كنت للاثام راصد يارب يارب من يثبت لا يارب ماتقفليش ع الوحدة احسن انا وحيلى كتير ادى الغضب غضب الانسان اضبط نفسك وخد من المسيح لطف وتسامح واقبل اخواتك بضعفتهم زى ماربنا قبلك معلمنا بولس قال كدة اقبلونا كما أن المسيح قبلنا المسيح قابلنى تقول عليا وحش تقول عليا انى يهودى تقول عليا انى متعصب تقول عليا انى مش رسول كل دى كانت اتهامات ومرة قالوا علية اخد تبرعات اخوة الرب اتهموة اتهامات كتيرة جدا انه مش رسول ومتكبر ويهودي و بيعذب المسيحيين وانة ما قبلش المسيح وانه بياخذ فلوس اخوات الرب قالهم انتم ليه مش قابلنى ليه بتطلعوا فيها العيوب انتوا مش بتحاربونى انا انتم بتحارب رسالتى وكدة تبتخلوا الناس ماتجيش للمسيح اقبلونا كما ان المسيح قبلنا اذا كان المسيح قابلنى انتم مش هتقبلونى المسيح قبلنا كلنا احنا مش قابلين بعض الغضب المال ياما ناس بنقول انها عايشه فقط عشان خاطر تجمع مال لذة المال مرة راجل بخيل جدا كان معاة ملايين الملايين قالولوا بس انت مش بتمتع عيالك ولا بتصرف عليهم ولا بتديهم اى حاجة كل حاجه بالعراك وبالمشاكل طب انت قلنا ايةاللي بيفرحك عشان عايزين نشوف لو في حاجه بتفرحك مع اولادك نعملها لك قالهم اكثر حاجه تفرحني عد الفلوس ياااااا مسكين يا حبيبي يروح الانسان يعيش وفى الاخر ما يسبش حاجه مايسبش سيرة مايسبش حياه لاولاده ما يسيبش حاجه ابدا بالعكس يسيب مرارة وبئس و تخيل بقى ولادهم بعد كدة يتخنئوا ع الفلوس بقى ماابوهم مازرعش فيهم حاجة تبص تلافى الأمرضار لابد الانسان يكون عارف قيمة المال كويس ان المال وسيله مش هدف زي ما قال احد الاباء عبد جيد وسيد رضيئ ممكن يكون الانسان مربوط عمرة كلة بالمال نيجي بقى للكبرياء الكبرياء ام كل اللي فاتم هي ام شهوه الجسد الكبرياء هي ام الكسل ليه لان انا اهم حاجه عندي في الدنيا انا انا عاوز جسدى دة يتلذذ عاوز جسدى ياكل عايزه يرتاح.. مش مهم الاخرين مش مهم الناس المهم انا ..الكبرياء ام الخطايا كثيرا تعالى كده عشان يبقى الكلام مركز يا ترى انا الست ازواج دولت اعرف اتخلص منهم بالمسيح. ازاى؟؟ اقعد افكر المسيح يفكنى منهم ازاى اسجدلة. اخضعلة .ارفع قلبك لة قولة زى ما حررت السامرية حررنى زى ما فكتها فكنى زى معلمنا اقترب الى نفسى فكها انا فعلا ارتبط بالستة دول وبقوا لفين شبكهم حواليا بقيت مقيد وعبد انا احتقرت نفسى مابئتش اقدر اقابل الناس السامرية نازلة فى عز الضهر تملى الجرة مش قادرة تظهر وجها لأحد الخطية مخزيةعشان كدة فى صلاه القسمة ابونا كان بيقول وجها غير مخزي اية اللى خلا وجهنا غير مخزى؟؟ المسيح عشان كده قالت لهم تعالوا تعالوا انسان قال لي كل ما فعلت المسيح عاوز يحولني ويحول لك من انسان عبد الخطايا وشهوات كثيرا الى انسان كارز اناء اخربدل ماكان اناء للاثم بقى ايناء للبرعاوز يستخدمك فتصير انت واصير انا خير شاهدا للمسيح كفاية بس الناس تشوف السامرية دى يا!!اية اللي حصل الست الوحشه دي اللي ما كناش بنحب نشوفها !!اية الست دى !!!خلاص صارت انسانة جديدة فى المسيح جاءت ثمره قيامة المسيح فى حياتنا نقولة اية رايت القيامة من سقطتى ربنا يفكنا من خطايا الجسد وخطايا النفس يفكنا من الستة من شهوات الجسد حب الاكل حب الكسل يفكنا من الغضب وحب المال من الكبرياء يقولنا تعال وخلاص يدخل المسيح في حياتنا ينسينا كل اللي فات خلاص صدقني يمكن تقول السامريه صدقنى مش فاكرة الراجل دة خلاص لما المسيح دخل ملئ الكيان لما المسيح دخل خلاص نسانا اللي فات بعد المشرق عن المغرب ابعد عنا معاصينا وصارت لها حياه جديده بقولك اللة مهيبة فرح قلبة بقت فرحانه بالمسيح قالت انا عمرى ما كنت فرحانه كده انا عمري ما كنت حاسه اني انسان انا عمري ما كنت حاسه اني حره عمري ما كنت حاسه اني محبوبه هو انا عاوزه ايه ثاني ربنا يدينا ان يكون لينا نصيب مع السامريه ونتفك من رباطتنا الكثيرة هو لا يعثر عليه شيء مهما كانت الرباطات ثقيلة هو قادر يفكها ربنا يكمل نقائصنا و يسند كل ضعف فينا بنعمته لإلهنا كل المجد أبدياً أمين0 القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية

الاسبوع الثاني من الخماسين المقدسه بيكلمنا عن ان المسيح هو الخبز الذي نزل من السماء المعطي الحياه للعالم فى رحله الخماسين الاسبوع اللي فات كان الاحد الاول هو احد توما اللي بيقول لنا انه عشان نسلك في طريق القيامه لابد ان يكون لنا الايمان الكافي لنعاين القيامه. اول حاجه لازم يكون عندنا الايمان الكافي .ثاني حاجه النهارده عشان خاطر القيامه تتحقق فينا وتثبت فينا ناخذ من الجسد النازل من السماء المعطي الحياه للعالم هي ايه القيامه؟! القيامه هي غلبت الموت القيامه هي الانتصار على الموت عشان انا اقوم انتصر على الموت يلزمني الايمان ان انا لازم يكون عندي يقين اني اغلب الخطيه بالمسيح يسوع وهو يقين في الحياه الابديه يقين يغلب الموت والفساد ويقين انا داخل السما الايمان يعطينا اليقين ده اية كمان ؟! التناول ازاي اتمتع بالقيامه عمليا اتناول يعني ايه الكنيسة لما تيجي تتكلم عن التناول تقول لك هذا هو الجسد المحي ان هذا هو الجسد المحيى الذي اخذته من ملكتنا كلنا القديسة مريم وجعله واحد معه له تبدائي دائما بالروح والجسد هو واحد مع لاهوته الجسد المحيي يعني ايه الجسد المحيي يعني لما اكون انا ميت واخذ حياه انا احيا معروف ان الحيا اقوى من الموت معروف كده الشى القوى ينتصر لما يبقى واحد ميت ويدخله نسمه حياه مجرد بس حاجات تشغل القلب كده تعطيلوا نفس بيحيا الحياه تغلب الموت الحياه تطرد الموت النور يطرد الظلام هو كده الحاجه الاقوى تطرد الحاجه الاضعف هذا هو الجسد المحيي الكنيسه تقرا علينا النهارده في الابركسيس فصل من بشاره اعمال الرسل بيكلمك عن هما كانوا بيوزعوا جسد ودم الرب يعني كانوا في قداس وبعدين في ولد وقع و لما الولد وقع جاء بولس قدام الولد واعطاة الجسد والدم الولد قام الجسد المحييى الجسد يغلب الموت اللي جوانا احنا جوانا موت الموت دة حاجات كثير موت الخطيه ده موت الموت بالحياه دة موت عدم الايمان ده موت عدم الايمان بالحياه الابديه دة موت عدم الايمان بالحياة الابدية دة موت الموت هو الانسان الذى ينظر لتحت الموت هو الانسان اللي عايش للجسد قال كده ان عشتم حسب الجسد فستموتوا كل انسان عايش في الجسد عايش من دلوقتى الموت لكن ان كنت بالروح تميتون اعمال الجسد فستحيون إن عشتم حسب الجسد فستموتون طب انا دلوقتي عايش حسب الجسد انا ميت عشان احيا اعمل ايه اخذ الحياه اخذ الحياه في شكل ايه ربنا يسوع اعطانا الحياه في شكل حاجتين الجسد والدم و كلمته كلمته تحييى الكلمه تحييي والجسد والدم يحيون كل انسان فينا ميت ربنا اعطالوا حاجتين اعطاة التناول واعطاه كلمه يعمل ايه يحيا طب بعيد عن الاثنين دول يحصل ايه يمكث في الموت الحياه اقوى من الموت الحياه تدخل للانسان تعطيه رؤيه جديده طعم جديد قوة جديدة نصرة جديده هي دى فترة القيامه احبائي ليه الكنيسه في فتره القيامه تقول لك يلا بلاش تصوم 50 يوم لانها اعطتك قوة القيامه ..القيامه اعطتك الغلبة على الخطيه انت دلوقتى انسان لم تعد تحيا بحسب الجسد احنا عايشين في فتره انفتاح على الابديه بيقولوا كده على فتره الخماسين دي كلها كانها يوم احد طويل يوم احد ب 50 يوم ده ليه عشان انت دخلت في اليوم الثامن اللي هو رمز الحياه الجديده سبع الكمال طب ثمانيه؟ ما بعد الكمال اللي هو ايه بقى الحياه الجديده الحياه الابديه تيجي الكنيسه تقول لك عشان تتمتع بها لازم تأخذ خبز الحياه المعطي الحياه للعالم سموا الاباء القديسين ان هو طعام الحياه وخبز الخلود ومصل عدم الموت الجسد المحيي ابونا يصرخ كده في القداس يقول يعطى عنا خلاصا و غفران للخطايا وحياه ابدية لكل من يتناول منها هي دي الحياه الابديه احنا كلنا جايين عشان القيامه ماتكنش بالنسبه لنا فكرة لكن القيامه بالنسبه لنا حياه يابختنا ان احنا المسيح ماعطلناش شويه كلام وسابنا معطلناش شويه مواعظ وسابنا قلنا انا عارف ان انت مش هتعرف قوي تعيش بالكلام ده انا هعطيك نفسي عشان لما اقول لك عيش بحسب المسيح ابقى انا اعطيتك المسيح فبقى المسيح هو اللى عايش جواك ازاي المسيح يعيش جوايا؟! الاباء يعلمونا اننا نتناول كثيرعشان ما تعيش انت يعيش المسيح هو اللى جواك تيجى تتصرف تيجي تتكلم تيجي تفكر تلاقي نفسك بتتصرف وبتتكلم وبتفكر بحسب المسيح زي ما قال معلمنا بولس اما نحن فلا لنا فكر المسيح وقال لك كده من يتكلم فقاقوال الله بقينا نشوف كل واحد فينا بيتناول ثابت في المسيح هو مسيح وسط هذا العالم احنا مسحاء وسط العالم كل اللي يشوفنا يشوف فينا المسيح احنا واكلين دايمآ يقولوا كده احبائي ان الانسان لما ياكل حاجه الحاجه دى يتشبع بيها وممكن تعرف الانسان من اكله بعض الشعوب تعرف باكلها يعنى اية في شعوب معروف عنها اطعمه معينه يقول لك مثلا امريكا بتاعت ماكدونالدز ايطاليا بتوع مكرونه مش عارف ايه بتوع بيتزا كده الشعوب بتتعرف من اكلها الشعب اللى بتعرف باكله ده احنا شعب المسيح بنتعرف بأكلنا احنا اكلنا ايه بقى هذا هو خبز اللة النازل من السماء المعطي الحياه للعالم الكنيسه ما حبتش تسيبنا كده تايهين قالت لنا هعطيكم اعظم عطيه هعطيكم الجسد والدم على المذبح يدخل جوه المؤمنين يثبت فيهم يثبتوا فيه ويعيشوا بمقتضاه ويعيشوا بحسبوا لما يجوا يشوفوا حتى الطيور يلاقوا الطيور بتتشكل بطبع الاكل اللي بياكلوا طائر مثلا زي طائر النورس النورس ياكل السمك اللي في المحيط يحلق في سماء لحد ما يلقط سمكه بعين الصاقبه..يلقطها ويطلع طب تعال بقى خذ انت طائر النورس ده حاول ان انت تاكله تلاقي اللحمه بتاعه ايه في ظفارة ظفارة السمك اللي هو واكلهوا احنا بقى لما يجوا يشمونه لما احنا نفسنا جسدنا دة بيخرج منة ريحة اية؟ رائحه المسيح اللي احنا وكلينوا ماناكلة بتحول آلية احنا نأكل مين؟.نأكل المسيح عشان كده عشان تتمتع بالقيامه اتناول قولة اجعل جسدك يا رب المحيي يدخل جوة الموت بتاعي يطرد الموت اخد منة الحياه انا الميت اصبحت حى يموت الخطية اللي جوايا يموت الحياه الزمنيه اللي جوايا يموت الحزن اللي جوايا يموت الهم اللى جواياعشان هو الغالب للعالم المعطى الحياه للعالم عندما جاع الشعب في العهد القديم وعندما تاهوا راح ربنا نزل لهم خبز من السماء اعطاهم المن المن دة عطيه الهيه حاجه بتنزلهم كل يوم الصبح بدري يصحوا يلاقوا ربنا بعتلهم الاكل بتاعهم ويقولوا عليها ان هي كانت خبزة صغيرة مستديره مرة وصفوها ان هي عامله شبه الرقائق مره شبه القطايف حاجه كده خبز مدور وطعمه حلو ادي المسيح احبائي طب ايه الاستحقاق اللي فيهم ان هما ياخدوا؟! مالهمش استحقاق ده عطيه منه احنا ملناش استحقاق لكن هو عطيه منة ما اجمل احبائي ان احنا نبقى فاهمين انها عطيه ربنا حد يسألنى يقولى بس بصراحة يا ابونا انا مش حاسس قوي بالكلام دة انا بروح الكنيسة اتناول كده وخلاص اقولك صدقنى عشان تحس صلى فى القداس كويس تقولى إزاى اقولك كل شويه ابونا يقول انعم لنا بعفران خطايانا قول امين كل شويه الكنيسة تقول يارب ارحم نقول يا رب ارحم كل شويه الكنيسة تقولك اجعلنا مستحقين قول اجعلنى مستحق كل شويه الكنيسه تطلب منك طلب اعملوا ارفع قلبك اشكر الرب نسبح نبارك نقول قدوس نتشفع بالعذراء انعم لنا بمغفران خطايانا طول القداس كده تغسل في نفسك وتهيئ اجمل تهيئة للتناول هو القداس تفضل حاضر القداس كده لغايه الاخر لحد ماابونا يقول فلنشكر اللة لانة جعلنا اهلا الان ان نقف في هذا الموضع اشكرك يا رب انك سمحتلى اجى بيتك نرفع ايدينا الى فوق نخدم اسمه العظيم القدوس هو ايضا فليجعلنا مستحقين لشركه وتناول الاسرار الالهيه اجعلني مستحق ومن الصلوات اللي احيانا كثير بنهملها وانصحكم جدا تصلوها بتئنى شديد صلاه قبل التناول جميله وفيها كل المعانى التى تهيئك للتناول تفضل تقول لربنا يا رب انت عارف ان انا غير مستحق انت لم تستنكف ان تدخل بيت الابرص انت لم تمنع الخاطى من تقبيل قدميك ماتحرمنيش يا رب انا عارف اني غير مستحق بعد ما تتناول تروح تصلي صلاه بعد التناول قد امتلا فمنا فرحنا ولساننا تهليلا اشكر ازاي اشكرك يا رب من اجل عظم عطاياك التناول احبائي هو الوسيلة المضمونه عشان القيامه تبقى فعل فى حياتي اخذت الجسد المحييى اخرج انا حى جاى ميت بس اخرج حي جاى ميت بالخطية وميت بالزمن وميت بالحزن جاى مكتئب وحزين وعاطل الهم وعمال افكر فى كذآ وكذا تاخذ الجسد المحيى دة تقول ياااااة ولا حاجه شغلانى ما فيش الهم والحزن مضى لية اذا كنت أخذت الحياه من الموت فخلاص حاجات كتير ما تفرقش معايا اختم كلامى بموقف بنت حكتوا كانت مع ابونا ارسانيوس الحبيب اللي استشهد البنت دي بتقول ان ابونا قبل مايستشهد وهو بيكلمهم على الغلا بيقولهم ان الدنيا غلا والمفرد اننا نجيب الحاجات الضروريه و بلاش رفاهيات وخلينا فى الكماليات وخلينيا عندنا شبع داخلى وبعيدين خادمه عملتلهم لعبة كتبت لهم شويه حاجات وقالت لكل واحد فيهم يعمل علامه علي صح على حاجه ممكن يستغنى عنها فكتبتلهم على حاجات مثلا لبس العيد او يستغنى عن الموبايل او الواي فاي اومثلا يستغنى عن البرفان كتبت ١٠ حاجات عشان كل واحدة تختارلها حاجة ولة اثنين على الاقل كدة تستغنى عنها قالت لبس العيد مثلا نستغنى عن الواي عن مثلا البرفان ف فالبنت دي صريحه قالت بصراحة انا مالقتش ولا حاجة من 10 حاجات دى استغنى عنها وماعلمتش على إى حاجه منها وضحكنا وهزرنا وبعد لحظات حصل اللي حصل وكانت واقفه وشايفه الحادثه مع ابونا الحبيب أبونا ارسانيوس وبعدين وهما بينتقلوا المستشفى وابونا فى المستشفى كان لسة على قيد الحياه البنت ظلت تقول لربنا يا رب انا كل اللى كان مكتوب انا مش عايزه ولا حاجه خالص ابونا بس جامده فقط بتقول انا خلاص حاجه حاجات انا بس ابونا يخف بس بعدها أبونا فارق الحياة بتقول انا خلاص مش عاوزه حاجة انا عرفت ان فى كثيره قوي كنت مشغولة بيها ومهمة قوى بالنسبه لي طلعت قصاد حاجات موجوده في حياتي تساوي لا شي احنا احبائي كثير بتكون في قيمه كبيره فى حياتنا بس مش حاسين بيها طب ايه رايك في قيمت الجسد والدم دة فى حياتك يخليك تقول انا مش عايز حاجه بدالة انا عاوزك انت يارب اجعلني مستحق للتناول والاشتراك من اسرارك الالهيه المحيية ربنا يعطينا اننا نثبت فى جسدة نفرح بية ونعيش بمقتضاة ويحول موتنا الى حياة ويكمل نقائصنا ويسند كل ضعف فينا بنعمته ولالهنا المجد الابد امين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية

الكنيسه النهارده عندها عيد سيدي من الاعياد السيديه الصغري النهارده احد توما الكنيسة بتعتبروا عيد لان احد توما ده معناه تاكيد القيامه تاكيد القيامه لان ما ينفعش القيامه تبقى حاصله ومعاها شك ماينفعش القيامه لازم يكون معها ايمان احد توما الكنيسه اعتبرته انه عيد عشان ما ينفعش يبقى شهود القيامه ما شافوش القيامه مينفعش يبقى الكارزين بالقيامه يقولوا للناس احنا عندنا معلومات انة قام.لكن مش متاكدين ان قام ما ينفعش يتقال زي تلميذين عامواس لما قالوا إن بعض النسوة اذا قولنا انة قام هما اللي بيقولوا ما ينفعش توما يروح يكرز ويقول لهم انا فى 10 اصحابي من التلاميذ المسيح ظهر لهم يقولولوا طب وانت؟ انا قولتلهم في الحقيقه اذا ماكنتش اضع اصبعي فى جنبة مش هآمن!! طب اومال انت جاي تكرز بأية !؟ عشان كدة معلمنا بولس قال إذ لم يكن المسيح قام فباطل كرازتنا وباطل ايماننا ونوجد نحن ايضا شهود زور للة باطل !!لية؟ لان يبقى المسيح مات لكن لم يقم فكان لابد من يقين القيامه عشان كده ربنا يسوع يظهر للتلاميذ في عشيه ذلك اليوم اللي هو نفس احد القيامة الاسبوع اللي فات عشيه ذلك اليوم لكن النهارده فدة الاحد اللي بعدة ظهر لهم ثاني لكى ياكد للعشره وعشان يضمن وجود معاهم توما تاكيد القيامه ظل ربنا يسوع المسيح 40 يوم بياكد على حقيقته قيامته لان عندما يكرزوا يقولوا ان المسيح هو رب لمجد الاب انه مات وقام صلب ومات وقام ونحن شهود لذلك نحن راينا ونشهد ونسمع توما القديس يعقوب السروجي قال المبارك هذا الشك الذي خرج منه اليقين توما لما ربنا يسوع المسيح تراأى لهم وظهر لهم وقال له هات اصبعك وطبعا كلنا ناخد بالنا من النص ان توما لم يضع اصبعة فى جم المسيح صور التى ظهرت وتوما وأكنة بيضع ااصبعة فى جم المسيح مش مظبوطه هو لما شافه قال له وشاف بس سجدا وقال ربي والهي عشان كدة قال القديس يعقوب السروجي مبارك هذا الشك الذي خرج منه اليقين عشان كده توما والتلاميذ كلهم استشهدوا لية ؟! لان الموت اصبح سهل عندهم لان عندهم ايمان قوي جدا بالقيامة توما اللي احنا قدامة النهاردة اتعذب عذابات شديده جدا جدا وأتت قرعته انه راح بلاد الهند اللي هى الى الان فيها عبادات وسنية .الي الان من احدى وعشرون قرن يوجد ناس تعبد نار وبقر لحد النهاردة عشان كده توما كرازتة نجحت في الهند واستشهد في الهند ويقال انه تعرض لانواع عذابات كثيره اخرها الطريقه التى استشهد بها رميا بالحراب يعني ياتوا بحرب وينشنوا علية واحده واثنين و وثلاتة وطول ما لسه في نفس يضربوا ثاني لغايه ما مات تخيل ده لو ما كانش راى القيامه كان يبقى اية؟! فالقيامه اعطته القوة والغلبة على الموت عشان كدة احبائي ربنا يسوع طول الفتره دى بيأكد فينا حقيقة القيامه لا يكفى ابدا احبائي ان احنا نكون نسمع عن القيامه لا يكفي ابدا ان القيامه بالنسبه لنا تبقى حدث ماضى لا يكفي ابدا ان القيامه بالنسبه لنا تبقى حدث ناس قالت لنا عليه امال ايه؟! لا نحن رأينا ونشهد تفتكر دورة القيامة دى لية ؟لو تاخذ بالك انها تستمر 40 يوم بعد كدة مايكنش فى دورة للقيامة فى صحن الكنيسه. ؟!لانة بيؤكد ظهور من ظهورات ربنا يسوع المسيح في الكنيسه ظهور وكأن المسيح داخل لكل واحد فيكم بيقولكم شايفنى ولة لا شوفتنى وانا قائم ولة لا ولو انت النهارده مش موجود لو سمحت تعال المره الجايه عشان هو هيجي لك ثاني ثاني وثاني لغايه ما يطمئن انا كل الكنيسه شافته المسيح ظهر لعشره وما قالش خلاص كده كفايه ماقلش الشخص اللى ايمانة ضعيف دة ماليش دعوه بية لا لان الشخص مهم عند ربنا جدا انت كفرد صدقنى كل واحد فينا كرمتوا ماتقلش في عين ربنا عن توما ابدا يعني انا استاهل ان ربنا يجيلي مره مخصوص؟! اقول لك جدا على راي معلمنا بولس الرسول لما جيت كلم ويظهر لي انا ايضا يعني عايز يقول لك انا ما لحقتش العصر بتاع التلاميذ ده كنت لسه ما دخلتش الايمان ده ما قاليش ربنا خلاص ما ليش دعوه انت ما شفتش ودى كانت ايام وعدت لا ثم ظهره ليه انا ايضا الذي مثل السقط ظهر ليعقوب ثم ظهر لصفا ثم لأكثر من 500 اخرين ثم ظهر لي انا ايضا انا اصغر جميعهم ده احبائي الايمان اللي احنا على امل عايشين بيه دلوقتى ان المسيح ظهر لي انا ايضا انا توما الشكاك جالى وظهرلى وشفته وعينت القيامه بتعتة اعمل ايه بقى ؟قالك تبشرون بموتى وتعترفون بقيامتى وتذكرونى الى أن اجى دة عملنا دلوقتي فصرنا كلنا شهود للقيامه القيامه بالنسبه لنا مش مجرد خبر ولا حدث ولا خبر ولا حدث هي فعل القيامه بالنسبه لنا مش ماضي هى الان القيامة الايام بالنسبه لنا كل شخص فينا عشان كده هقول لك كام سؤالين تعرفنا اذا كان عندنا ايمان بالقيامه ولة القيامه بالنسبه لنا مجرد فكره السؤال الاول عندك يقين انك بتوبتك هتتقبل امام اللة ولة لا ؟!عندك يقين انك بتقوم من سقطاتك وضعفاتك والمسيح بيقيمك من موت الخطيه ولة لا ولة شكاك يبقى انا زى توما شكاك تخيل انت شخص داخل الكنيسة وهيتناول وشاكك ان خطاياة بتتغفر.يبقى كلنا توما كلنا مش مصدقين طب يعملنا اية اكثر من كده جاى ومعطينا جسدة وبيعلن لينا قيامتة السوال الثاني احنا واثقين ان احنا هنروح السماء؟! مش واثقين اقول لك طب انت كده ما عندكش ايمان بالقيامه ليه؟ اقامنا معه واجلسنا معه في السماويات ابونا لما بيصلي بيقول على ربنا عندما اتصلب فتح باب الفردوس ورد ابانا ادم وبنيه الى الفردوس يعني احنا دخلنا معاة الفردوس في صليبه في قيامتة لو ما عندناش ايمان كده يبقى احنا خارج المسيح تقولى بس انا وحش اقولك بس التوبة موجوده ان انت بتوب وبتقوم وان انت بتلتصق فى نمره اثنين اللي انت لازم يكون عندك رجاء الحياه الابديه مستنيها مش كل يوم بنقول وننتظر قيامه الاموات اذا القيامه جعلتنى عايش على رجاء جميل رجاء القيامه السوال التالث أصعبهم خايف تموت ؟! يا ربي هقولك اصل اللى عنده واحد واثنين ثلاثه يبقى مش خايف من الموت اللي عنده توبه واللى عنده يقين انة رايح السماء تقولى اية؟ تقولى ياريت طال الانتظار امتى بقى دة كل يوم بنصلي في صلاه النوم الان ياسيدي تطلق عبدك بسلام حسب قولك يلة كفاية ياريت الليلة دى تكون اخر ليله و اكون معاك اطلق عبدك بسلام اصحى الصبح الاقى عبدة لسة مااطلقهوش بسلام اقولة اتيت الى العالم بمحبتك للبشر خلصت ابانا ادم من الغواية اعطتنى يوم جديد بس ما تطولش عليا الرحله كثير اجيب بالليل اقولة هوذا انا عتيد ان اقف امام الديان العادل تخيلوا ان احنا حياتنا كلها كل يوم بنطلب منة تطلق عبدك بسلام بس انا مش عايز عبدة ينطلق بسلام واكنى بقولة لا تطلق عبدك بسلام خلي بالك لا معلمنا بولس قال انا محصور بين اثنين لى اشتياق ان انطلق واكون مع المسيح طب انت عايز تفضل عايش ليه قالك عشان رسالتى اكلمها ان ارسل من اجلكم فلي الحياه هى المسيح الموت هو ربح واذا كنت عايش دلوقتي فعايش للمسيحي مش عشان حاجه ثانيه ابدا هو دة اللى مصدق القيامة لو انت مش كدة يبقى انت لسه مش مصدق القيامة يبقى الايام بالنسبه لك ايه حدوتة عشان اصدق القيامه لازم اعمل الثلاث حاجات دول واحد اكون واثق ان توبتى مقبوله وان انا قدام ربنا بالتوبه انا انسان نقي جديد انا انسان قائم انسان غالب للجسد و الموت والوجع بتاع الخطية اتنين ان انا عندي رجاء الحياه الابديه وعايش من اجلة وعايش بية وان انا من مواطني السماء اما هنا انا غريب بثلاثه اذا كان على الموت فانا باقول يا رب اعطيني باستمرار حياه الاستعداد عشان لو موت اموت وانا معك بس اللي يعيش كده ما يشيل هم ولا الخوف مسيطر عليه ما تبقاش الاحدث بترعبة وما تبقاش الاموال بتغرية عايش الحاجات دي كلها استخدام فقط اجي النهارده احد توما شوفت قيمتة مهمة إزاى بياكد فينا فعل القيامة بينقلنا من القيامه التى تحكى للقيامه اللي تتعاش وتتلمس بينقلنا من حدث القيامه اللي ما شفنهوش لحدث القيامة اللى شوفناةعشان كده الكنيسه مش مجرد مجامله تجعل احد توما من الأعياد بتاعتها النهاردة يقين القيامه احبائي لينا نصيب في و لينا نصيب في تاكيد القيامه جوانا وان احنا نبقى بنقول ونحن راينا ونشهد وان كل واحد فينا يقول له انا مهم عندك يا رب للدرجه اللي مش عايز واحد فينا يكون شاكك مش عاوز واحد فينا يكون خايف .عشان كل واحد فينا يقول ظهر لى انا ايضا و كل واحد فينا يسجد يقول ربي والهي وهو يعطينا المكافأة الأعلى والجميلة لينا وللكنيسة كلها كنيسة العهد الجديد كلها طوبى لمن أمن ولم يرى ربنا يكمل ناقصنا ويسند كل ضعف فينا بنعمته ولالهنا المجد الى الابد امين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية

مِنْ إِنجِيل يُوحنا أصْحَاح 20 : 1 – 16 [ وَفِي أوَّلِ الأُسبُوعِ جاءت مريمُ المجدلِيَّةُ إِلَى القبرِ باكِراً وَالظَّلاَمُ باقٍ فنظرت الحجر مرفُوعاً عَنِ القبرِ0فركضت وَجاءت إِلَى سِمعانَ بُطرُسَ وَإِلَى التِّلمِيذِ الآخرِ الَّذِي كَانَ يسُوعُ يُحِبُّه قَالَ لها يسُوعُ يا مريمُ0فالتفتت تِلْكَ وَقَالتْ لَهُ رَبُّونِي الَّذِي تفسِيرُهُ يا مُعلِّمُ ] إِشتياق لِقاء القِيامة عِند التَّلاَمِيذ وَالمريمات كَانَ قوِى جِدّاً حَتَّى إِنِّنا لَوْ حسبنا عدد زِيارِتهُمْ لِلقبر نجِده حوالِى 10 مرَّات رغم أنَّ القبر كَانَ بعِيد جِدّاً وَخارِج البلدهكذا لابُد لِكُلّ نَفْسَ أنْ يكُون لها إِشتياق لِرؤيِة القِيامة كإِشتياق التَّلاَمِيذ وَالمريمات كما قَالَ بُولُس الرَّسُول [ لأِعرِفهُ وَقُوَّة قِيامتِهِ وَشرِكة آلامِهِ مُتشبِّهاً بِموتِهِ ]( فى 3 : 10) علشان كِده فرحِة لِقاءنا بِالقِيامة مُهِمَّة وَشئ مُبهِر لِلنَّفْسَ أنْ تلتقِى بِالقِيامة وَالكنِيسة فِى أسبُوع البصخة تختِم صلواتها فِى كُلّ يوم بِقُول الكاهِن [ يسُوع المسِيح إِلهنا الحقِيقِى الَّذِى قَبِلَ الآلام بِإِرادتِهِ وَصُلِب عَلَى الصَّلِيب مِنْ أجلِنا يُبارِكنا بِكُلّ بركة رُوحِيَّة وَيُعِيننا وَيُكمِّل لنا البصخة المُقدَّسة وَيُرِينا بهجة وَفرح وَقُوَّة قيامتِهِ المُقدَّسة ] لازِم يكُون عِندِى هذا الشغف لِرؤيِة القِيامة0 كيف نتلاَمس مَعْ المسِيح القائِم ؟ 1- الظَّلاَم باقِى :- مُهِمْ أنْ تغلِب الظُلمة وَأنَّ إِشتياقكَ لاَ يُعطِله شئ وَأنْ تغلِب ظُلمِة حياتكَ أى ظُلمِة الخطِيَّة [ فَسِيرُوا مادام لَكُمُ النُّورُ لِئلاَّ يُدرِككُمُ الظَّلاَمُ ] ( يو 12 : 35 )وَأيضاً [ أنتُمْ نُورُ العالمِ ] ( مت 5 : 14)وَأيضاً فِى صَلاَة نصف الليل نقُول [ قُوموا يا بنِي النّور ]لابُد أنْ تُحوِّلوا الظُلمة إِلَى نوركما قَالَ بُولُس الرَّسُول[ لاَ تشترِكُوا فِي أعمالِ الظُّلمةِ غيرِ المُثمِرةِ بَلْ بِالحرِيِّ وَبِّخُوها ] ( أف 5 : 11) ربِّنا وضع فِينا إِشتياق لِلنّور وَرُوح إِستنارة تجعلنا نُبدِّد الظُلمة الظلام باقِى أى إِشتياق نَفْسَ تغلِب الظُرُوف المُحِيطة ياما حولِنا ظلام إِنْ كَانَ كُلّ الَّلِى حولِى ظُلمة لابُد أنْ أغلِبها لاَ أجعل الظُلمة تعُوقنِى لِذا يُقال أنَّ الأشرار يُطرحُون فِى الظُلمة الخارِجِيَّة أيضاً يقُول [ لِيُشرِقَ لنا نورُ وجهكَ ، وَلِيُضِئ علينا نورُ عِلمكَ الإِلهِي ]( تحليل صَلاَة باكِر )وَنقُول فِى صَلاَة باكِر [ أيُّها النّور الحقِيقِي ] ( القطعة الأولى ) فِى الأديُرة يستيقِظوا باكِر جِدّاً لِعمل التسبِحة يعنِى ياخدوا مِنْ وقت غفلِة وَظُلمِة النَّاس لحظات يقظة وَسهر وَإِستنارة أكِيد مريم لَمْ تنام الليل كُلّه وَلَمْ تنتظِر شرُوق الشمس فخرجِت وَالظلام باقِى إيه رأيكُمْ فِى إِنْ إِشتياقكُمْ لِلرَّبَّ يسُوع يجعلكُمْ لاَ تناموا ؟ مُمكِنْ ؟ أيوه مُمكِنْ ياريت تنتزِعوا مِنْ الظلام نور وَتجعلوا مِنْ وقت نوم النَّاس وقت يقظة وَصَلاَة العساكِر زمان فِى الدولة الرومانِيَّة لمَّا كانوا يأخُذوا نوبات سهر إِذا ناموا فِيها يعاقبُوهُمْ بِأنْ يجعلُوهُمْ يخلعوا ثِيابهُمْ وَيمشوا عرايا وَإِمَّا يبِيعوا ثِيابهُمْ أوْ يحرقُوه لِذا يقُول فِى سِفر الرؤيا [ طُوبى لِمَنْ يسهرُ وَيحفظُ ثِيابهُ لِئلاَّ يمشِي عُرياناً فيروا عُريتهُ ] ( رؤ 16 : 15)هذا تشبِيه مأخُوذ مِنْ العصر الرومانِى أيضاً الثوب فِى العصر اليهُودِى يُشِير لِلكرامة لِذا يقُول إِنسان عليهِ ثِياب العُرس لأِنَّ الثِياب كانت غالِية وَيدوِيَّة لِذا قَالَ مَنْ لَهُ ثوبان فليُعطِى ثوبهُ لِلآخر ( لو 3 : 11 )0 2- الرُكُوض وَالإِسراع :- الموقِف الَّذِى تتلهفِى عليه يستدعِى الرُكوض وَالجرى أى أنَّ الدَّافِع قوِى علشان ندخُل فِى عِشرة مَعْ ربِّنا مِش مُمكِنْ نحصُل علِيها وَإِحنا قاعدِين مكاننا وَ لاَّ ماشيين بِبُطء لابُد أنْ نركُض وَنجرِىعرُوس النشِيد تقول [ اجذُبنِي وراءكَ فنجرِي ] ( نش 1 : 4 ) وَإِشعياء النبِى يقول [ يمشُونَ وَ لاَ يُعيُونَ ] ( اش 40 : 31 ) ما يتعبوش مِنْ الجرى أصلهُمْ بِيحِبَّوه الحياة الرُّوحِيَّة لاَ تعرِف التوَّقُف وَ لاَ الرُّجوع لِلوراء بُولُس الرَّسُول يقُول[ الَّذِينَ يركُضُونَ فِي المِيدانِ جمِيعُهُمْ يركُضُونَ وَلكِنَّ واحِداً يأخُذُ الجِعالةَ ]( 1كو 9 : 24 ) زمان فِى السِباق كَانَ المُتسابِقُون يجرُون فِى مِيدان فِى آخره راية وَالمُتسابِق الأوَّل هُوَ الَّذِى يصِل لِلرَّاية أوَّلاً بُطرُس جرى وَيُوحنا جرى وَلكِنْ يُوحنا شاب وَإِشتياقه أعلى لِذا جرى أسرع مِنْ بُطرُس وَلكِنَّه مؤدب وَمُتواضِع لِذا إِنتظر بُطرُس رغم أنَّهُ معرُوف أنَّهُ مُتقدِّم عَنْ باقِى الرُسُل وَأنَّ يسُوع كَانَ يُحِبَّه وَأنَّهُ فِى العشاء الأخِير كَانَ مُتكِئ عَلَى صدر يسُوع وَأشار إِليهِ باقِى الرُسُل كى يسأل يسُوع عَنْ الَّذِى يُسلِّمه لأِنَّهُمْ حاسِّين إِنَّه الوحِيد الَّذِى يتمتَّع بِدالَّة قوِيَّة عِند يسُوع وَرغم كُلّ هذا إِنتظر بُطرُس لأِنَّ بُطرُس كانت معنوياته فِى الحضِيض لأِنَّ إِنكاره كَانَ لِسَّه مِنْ قُريب وَيُوحنا هُوَ الوحِيد الَّلِى مِشى مَعْ المسِيح حَتَّى الصَّلِيب وَهُوَ الَّذِى أخذ الكرامة بِأنْ أخذ العذراء بيته جيِّد جِدّاً أنْ يكُون عِندِى إِتضاع وَأراعِى مشاعِر الآخرِين حَتَّى وَإِنْ كُنت شاطِر فِى الجرى حَتَّى وَإِنْ كَانَ ربِّنا مُعطِى لِى نِعمة لكِنْ لمَّا أتضِع بين إِخوتِى آخُذ بركة أنا وَهُمَّ كُلّ الَّلِى عمله يُوحنا إِنَّه إِنحنى وَنظر الأكفان وَلكِنْ لَمْ يدخُل حَتَّى جاء بُطرُس الرُكوض فِى الحياة الرُّوحِيَّة مُهِمْ لأخذ فضِيلة أوْ قِيامة مِنْ خطِيَّة أوْ التمتُّع بِالمسِيح القائِم السَّابِق ( يُوحنا ) وَالَّلِى بعده ( بُطرُس ) الإِثنان شاهدوا نَفْسَ الأمرالمُهِمْ أنْ يكُون لِى عزم ثابِت لأِدخُل فِى سِباق وَركُوض وَكُلّ يوم علِينا أنْ نقطع مسافة فِى رِحلِتنا لِننال قِيامة أفضل ليتنا نسأل نفسِنا كُلّ لِيلة أى مسافة قطعناها اليوم هل ركضنا لِلأمام أم رجعنا لِلوراء ؟ الجرى محسُوب مِنْ عُمرِنا وَعُمرِنا كُلّه جرى وَركُوض0 3- آمِنْ بِهِ :- يُوحنا لمَّا شاف آمَنْ بِهِ الحُب يولِّد إِيمان وَالإِيمان يزوِّد الحُب مِش مُمكِنْ أفرح بِلِقاء يسُوع أوْ آخُذ نِعمِة لِقاءه وَأنا إِيمانِى مهزُوزالإِيمان هُوَ الثِقة بِما يُرجى وَالإِيقان بِأمور لاَ تُرى ( عب 11 : 1 ) الَّذِى رآه بُطرُس وَمريم المجدلِيَّة رآه يُوحنا وَلكِنْ لِماذا قِيل عَنْ يُوحنا إِنَّه شاف وَآمِنْ ؟ لأِنَّ إِيمانه قوِى ياما رُوح العالم يدخُل الإِنسان وَيضيَّع إِيمانه بِالمسِيح وَيضع مُعطِلات لِلإِيمان ياما الإِنسان يشوف وَيلمِس وَلكِنْ الإِيمان داخِله مُعطَّل لاَ يعمل ياما عدو الخِير يزرع فِينا يأس وَضجرمُعلِّمنا بُولُس يقُول [ عالِمِين أنَّ الَّذِي أقامَ الرَّبَّ يسُوعَ سيُقِيمُنا نحنُ أيضاً بِيسُوعَ ]( 2كو 4 : 14 ) قُمنا فِيهِ وَسنبقى فِيهِ لِلأبد وَهُوَ الَّذِى سيشفع فِينا وَيدافِع عنَّا فِى الدينُونة فنحنُ نُدان بِهِ وَبِما أنَّهُ مُتحِد بِنا لِذا فَهُوَ سيُبرِأنا لِذا لنا ثِقة بِالقيامة لابُد أنْ أثِق فِى أنَّهُ سيُنِير الظُلمة وَسيُحوِّل العقُوبة خَلاَصَ الَّلِى غيَّر مريم المجدلِيَّة وَمريم المصريَّة وَمُوسى الأسود قادِر أنْ يُقِيمنا هُوَ نقض أوجاع الموت أى نقض أوجاع الخطِيَّة داخِلنا وَجعلنا نُحارِب عدو مهزُوم مُقيَّد وَأعطانا رُوح الغلبة رُوح القِيامة لَوْ لَمْ يكُنْ لنا إِيمان تُصبِح القِيامة بِالنسبة لنا قِصَّة وَليست حياة0 4- معرِفة الكُتُب :- [ لَمْ يكُونُوا بعدُ يعرِفُونَ الكِتابَ ] ( يو 20 : 9 ) لِذا نُلاَحِظ فِى حدِيث يسُوع مَعْ تلمِيذى عمواس وبَّخهُمْ بِإِنتهار [ أيُّها الغبِيَّانِ ] ( لو 24 : 25 ) لِماذا ؟ لأِنَّهُ مِشِى معاهُمْ وَهُمْ لَمْ يشعروا قَالَ لَهُمْ أنتُمْ لاَ تعرِفون شئ عدم معرِفِة الكُتب تجعلنا لاَ نعرِف شئ نحنُ بِداخِلنا جهل بِالكِتاب ده الكِتاب المُقدَّس مليان رموز وَنُبُّوات عَنْ القِيامة فمثلاً تقدِمة إِسحق ما هِى قِيامة يُونان فِى بطن الحوت قِيامة عدم معرِفة الكُتب تجعل الحقِيقة بِالنسبة لِى غير مفهومة[ هَلَكَ شعبِي مِنْ عدمِ المعرِفةِ ] ( هو 4 : 6 ) العهد القدِيم يُرِينا مُعاملات الله مَعْ الإِنسان وَما هُوَ صَلاَحه وَكيف يُؤدِب وَكيف يُصالِح لِذا عدم معرِفِة الكُتب جعلت التَّلاَمِيذ لاَ يُصدِّقوا رغم أنَّهُ قالها لَهُمْ قبل أنْ يموت إِنَّه سيتألَّم وَيموت وَيُدفن وَيقُوم ياما واحِد يدوَّر عَلَى أمور تافهه وَيترُك الكِتاب كيف نُضيِّع وقتِنا فِى كَلاَم باطِل وَالإِنجِيل لَمْ يُفتح خِسارة إِنِّنا ما ندخُلش فِى عِشرة مَعْ المسِيح لِيه الإِنجِيل بِالنسبة لىَّ غير شيِّق ؟ لِيه ما أقدسش فِكرِى وَكيانِى كُلّه بِالإِنجِيل وَآخُذ الأنبياء وَالتَّلاَمِيذ أصدِقاء لِى ؟ 5- أبكِى كى أجِده :- إِذا لَمْ أجِده فليس لِى سِوى البُكاء مريم كانت واقفة تبكِى لَوْ لَمْ أتمتَّع بِفرحة مَعْ المسِيح أبكِى وَأكثر شئ يُظهِر صِدق الإِنفعال هُوَ البُكاء داوُد النبِى يقُول[ صَارَت لِي دُمُوعِي خُبزاً ] ( مز42 : 3 ) مريم كانت واقفة تبكِى لِماذا ؟ لأِنَّ الإِنسان لمَّا يكُون فاقِد التعزية فليس لَهُ سِوى البُكاء مريم لمَّا بكِت رأت ملاكين يقولاَ لها [ يَا امرأةُ لِماذا تبكِينَ0مَنْ تطلُبِينَ ]( يو 20 : 15) ثُمَّ جاء لها يسُوع بِنَفْسَه وَقَالَ لها يا مريم وَهِى قالت لَهُ يا مُعلِّم إِفرِضِى إِنْ أنا ساقطة فِى خطايا كتِير وَرُوح الفشل مسيطره عَلَىَّ أجمل إِحساس أقف بِهِ أمام ربِّنا إِنِّى أقِف مكسُوره وَأترجِم ضعفِى إِلَى بُكاء [ يارب أُنظُر إِلَى ضعفِى وَمسكنتِي وَغُربتِي ] وَداوُد النبِى يقُول [ أُذكُر ياربُّ داودَ وَكُلَّ دِعته ]( مز 131 مِنْ مزامِير النوم ) " الدِعة " تأتِى مِنْ إِنسان مذلُول مريم المجدلِيَّة راحِت مرَّة وَإِتنين وَلمَّا لقيِت إِنَّه مافِيش شئ جدِيد فِى كُلّ مرَّة القبر فارِغ بكِت واحِد مِنْ القِدِيسِين يقُول [ إِنْ حزنت فِى طَلَبه فإِنَّكَ ستفرح بِلِقاءِهِ ][ الَّذِينَ يررعُون بِالدّمُوعِ يحصدُون بِالإِبتهاجِ ] ( مز 125 مِنْ مزامِير الغرُوب )أحلى صَلاَة وَإِنتِ تعبانة وَأحلى صَلاَة وَإِنتِ بِتجاهدِى وَتجمَّعِى فِكرِكَ المُشتَّت مريم لَمْ تجِد أى مُشجِّعات تجعلها تراه فإِستخدمِت سِلاَح البُكاء لَوْ أنا شعرت إِنِّى بعِيدة عَنْ القِيامة أتزيَّن بِالبُكاء البُكاء أكثر شئ يغلِب تحنُّنات الله[ حوِّلِي عنِّي عينيكِ فَإِنَّهُما قَدْ غلبتانِي ] ( نش 6 : 5 ) ربِّنا ظهر لِمريم لمَّا وجدها بِتبكِى لأِنَّهُ لَمْ يحتمِل بُكاها لازِم نشرب كأس دموع وَنصطبِغ بِصبغة الرَّبَّ يسُوع أنَّ عرقه صَارَ كقطرات دم عِندئِذٍ أتى مَلاَكَ لِيُعزِّيه ( لو 22 : 44 ) عِينِى زى الحجر لأِنَّ قلبِى مُتصلِّب مِنْ كُتر ما إِتعوِّد عَلَى الشَّر وَالخطايا لِذا جفِّت الدمُوع إِذا ذهبت وَلَمْ أجِده أنتظِر مرَّة وَإِتنين وَأبكِى حَتَّى أراه وَأجِده لِكُلّ شئ تحت السما وقت وَلِكُلّ إِنسان زمان إِفتِقاد ليتنا نطلُب مِنْ الله كى يكُون زمان إِفتقادنا الآنَ وَ لاَ نصِير كأُورُشلِيم الَّتِى لَمْ تعرِف زمان إِفتقادها0 6- أنْ آخُذه :- لازِم يكُون إِصرار لِكى آخُذه مريم قالت [ قُل لِي أينَ وضعتهُ وَأنَا آخُذُهُ ]( يو 20 : 15) وَكَانَ قصدها إِنَّها ستأخُذه ميت جُثَّة عِندكَ إِستعداد تأخُذِيه ؟ أيوه تأخُذِيه جُثَّة ؟ نعم رغم إِنْ معرِفِة يسُوع فِى ذلِكَ الزمان شئ غير مُشرِّف لأِنَّهُ مصلُوب وَالمصلُوب كَانَ ملعُون وَعار وَرغم كِده كَانَ عِندها إِستعداد تأخُذه وَهِى إِمرأة لاَ تعلم كيف تحمِله وَ لاَ إِلَى أين تذهب بِهِ لكِنْ المُهِمْ عِندها إِنَّها تأخُذه أنا أيضاً لازِم أشعُر إِنِّى لازِم أحمِل عاره وَأشِيله وَأخُذهُ إِلَى أين ؟ مِش مُهِمْ المُهِمْ أنْ آخُذه وَأحمِل عاره أيوه أحمِل عاره [ فَلنخرُج إِذاً إِليهِ خارِجَ المحلَّةِ حامِلِينَ عارهُ ]( عب 13 : 13) يستحِق أنْ أتحمَّل عاره واحِد مِنْ القِدِيسِين يقُول [ لابُد أنْ تُخلِى مكان لِيسُوع ] لازِم يكُون لَهُ مكان فِى قلبِكَ وَتُضايفِيه ما أجمل ما قِيل عَنْ عُلِّيَّة مارِمرقُس أنَّها كانت مُعدَّة وَمفرُوشة مُعدَّة لِيسُوع لازِم قُلُوبنا تكُون مُعدَّة لَهُ وَهذا الإِعداد يجعلنا نفرح بِقيامتِهِ0 7- أُبشِّر بِهِ :- لاَ يطِيق إِنسان أنْ يتمتَّع بِالمسِيح القائِم وحده لازِم يمتَّع مَنْ حوله أيضاً لازِم أبشَّر إِخواتِى مريم صَرَتَ أوِل مُبشِّرة بِالقِيامة وَالتَّلاَمِيذ أيضاً00مِش مُمكِنْ أتحمَّل أنْ أراه قائِم وَ لاَ أُبشِّر بِهِ بُطرُس تكلَّم عَنْ قِيامة المسِيح مَعْ اليهُود بِكُلّ قُوَّة وَجُرءة متى حدث ذلِكَ ؟لمَّا تلامس مَعْ المسِيح القائِم أخذ قُوَّة وَإِنتهى الضعف رغم أنَّهُ أنكر أمام جارية إِلاَّ أنَّهُ واجه اليهُود عِندما تلامس مَعْ المسِيح القائِم وَوجَّه لَهُمْ تُهمِة صلب المسِيح رغم أنَّ بِيلاَطُس وَهِيرودِس أرادوا أنْ يُطلِقوه لكِنْ أنتُمْ صلبتموه الَّذِى يتلامس مَعْ المسِيح القائِم يأخُذ قُوَّة وَشجاعة وَفرحة تجعلهُ يُواجِه أى ظلام جوَّاه وَأى قُوَّة تُضادَّه ربِّنا يفرَّحنا بِقِيامتِهِ وَيسنِد كُلّ ضعف فِينا بِنِعمِته لَهُ المجد دائِماً أبدِيَّاً آمِين0 القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية

اول عمى واصعب عمى الانسان اللى مش بيشوف خطيتة ثاني نوع من انواع العمي الانسان اللي مش بيشوف السماء ثالث نوع من أنواع العمى الانسان اللي مش بيشوف الوصية رابع نوع من انواع العمى الانسان اللي مش بيشوف الفقير خامس نوع من انواع العمى الانسان اللي ما يشوفش الأحداث خمس انواع ١- اللي مايشوفش خطيتة:- الانسان الذي لا يرى خطيتة دة عايش اعمى لانه شايف نفسه مش وحش شايف نفسه كويس يمكن يكون شايف نفسه احسن من باقى الناس زى الراجل الفريسى اللي قال لربنا يسوع المسيح اللهم اشكرك اني لست مثل باقي الناس الخطافين الطماعين الزناة يعنى شايف كل الناس وحشين لكن شايف نفسه كويس اكثر حاجه تخلي الانسان ما يشوفش ربنا ان الانسان ما يشوفش خطيته عشان كده القديسين قالوا ان الذي يبصر خطايا اعظم من الذي يبصر الملائكه واحد من الاباء القديسين كان عنده شهوه وعمال يصلي يقول له يا رب نفسي اشوفك نفسي اشوفك لحد ما جاء له صوت وقال له يوم ما هتشوف خطاياك هتشوفني اصل لما بشوف خطايا بشعر قد ايه انا محتاج توبه بشعر قد ايه ان ربنا صابر عليا و متئنى عليا ياااااةيا ربى كل كميه الاخطاء اللي جوايا من كبرياء انانيه شهوات وغرور وحب عالم كل ده جوايا وانت ساكت يا ربى ومتأنى وعمال تعطيني فرص للتوبه اول الانسان ما بيشوف خطاياة يتواضع ويسجد يقول اللهم ارحمني انا خاطئ رؤيه الخطايا عشان كده ممكن تكون بتشوف كويس قوي ومش شايف خطاياك او احيانا كمان تبرر أخطائك وأحيانا شايف كل الناس غلطانين او المجتمع غلطان الانسان الذي يرى خطايانا يعلم ما هي الاستناره اطلب من ربنا يوريك خطاياك اقعد جلسة هادية كده وافحص نفسك وشوف خطاياك تقول المجد لك يا رب يا من تحتملنى انت كل ده وصابر علي ٢- اللي مايشوفش السماء :- الانسان الذي تعدي عليه كل مرة وهو فى القداس عباره اهدينا الى ملكوتك اللي تعدي عليه كل مره في ابانا الذى لياتى ملكوتك يسمعها في القداس كثير وتعدي علية كل مره وهو بيصلى و مش واخد بالةمن الملكوت والابديهو السماء يبقى هو كدة مش بيشوف. ٣- الذي لا يرى الوصية :- ثالث حاجه الذى لا يرى الوصيه لا يقرا الكتاب المقدس لا يقيص نفسة على الايه واللى الآية بعيده عنة وان الكتاب المقدس مش المسطره بتاعته دة اعمى.عشان كدة معلمنا داوود يقولة اكشف يارب عن عينيا.اصل انا لو ماشفتش عجائب فى شريعتك يبقى عين مابتشفش.عين أعمى عشان كده قال سراج لرجلي كلامك عشان من أخطر أنواع العمى اللى ماتشفش الوصية .يبقى مابتقراش الانجيل ومابتتخلش جوة الاية وماتقص نفسك عليها واللى مابيقراش الانجيل هيعمل لنفسة انجيل.اية هو الانجيل اللى هيعملوا مع نفسة دماغة!! احب مين وماحبش مين مين يستاهل مين ما يستاهلش فلان عمل معايا يبقى انا مااعملش معاة تلاقى جواة بغضة وكراهية ورفض وتزمر وتلاقى حياتة كلها نكد جاية منين؟مش شايف الوصية الوصية تنير العينين معلمنا بولس يقول مستنيرا هي عيون قلوبكم هي القلوب لها عيون اه ما الانسان اللي عينه مستنيرا يشوف الكتاب المقدس وبيشوف السماء ويشوف خطايا فعلا بيشوف مستنيره هي عيون قلوبكم . ٤- الذي لا يرى الفقير :- رابع حاجه الذي لا يرى الفقيرما يهموش اي انسان متألم ميهمهوش اي انسان محتاج كأنة حاجه ثانيه بعيده عنه خالص ما بيشوفش من اصعب انواع العمى الانسان الذي لا يرى الفقير نقول له ان في وباء في العالم ان في حروب ان في عدم امان في العالم ان الناس كانوا اغنيه قوي وبعدين بئوا فقراء الكلام ده كله دي احداث اصعب حاجه ان انا ما شفش الاحداث دي كلها وما حطش نفسي مكانها الاحداث دي من اجلى ربنا يسوع المسيح قال لهم انتم فاكرين ان الناس الذى سقط عليهم برج فى بابل الناس دول كانوا اكثر شرا من غيرهم الاحداث دي خلي بالك قال لهم فكركم بيلاطس لما جاب كام شخص وقتلهم وخلط دمائهم بذبائحهم هل تعتقد ان ال14 شخص دول كانوا اكثر شرا من غيرهم؟ان لم تطوبوا فجميعكم هكذا تهلكون المرض المنتشر في العالم دة كلة بقصد إلاهى عشان نتوب ونستعد عشان نعرف ان العالم ده غير امن ربنا عايز العالم ده كله يستعد كل الناس تخدع كل الناس تطوب. وعاوز يوصلنا رساله مهمه جدا وكم نحن ضعفاء جدا أدى الانسان الذى يرى الأحداث اللى يشوف واحد مريض بيقول اشكرك اشكرك اشكرك يا رب اسندة يا رب اشفية لكن ياما ناس تشوف ولا اكنها شافت حاجه يعرف فولان مريض ويعرف فلان انتقل فلان حصلة حادثه مثلا فلان اتهم فى تهمة ظلم ما فيش واحد فينا الاو عارف لسته من الاحداث لكن رؤيتها بقى ما وراءها ترجمتها اية النعمه اللي فيها والبركه اللي فيها لو ما شفتش يبقى انا اعمى ربنا يرحمنا يا رب عشان كده بقى ١ الذي لا يرى خطاة ٢ ما يشوفش السماء ٣ اللي مايشوفش الوصية ٤ اللي مايشوفش الفقير ٥ اللي مايشوفش الأحداث عشان كده بنقول طلبه يا م صنعت طينا وتليط عينى الاعمى وامرتة بالذهاب ليغتسل انر عيون قلبي انر عيون نفسي وريني يا رب خطايانا ورينا يا رب السماء ورينا وصيتك خلينى اشوف الفقير وابحث عنه افهم الاحداث اللى بدور حواليا عشان اعرف اني محتاج اني ابصر اريد يا رب انا أبصر ربنا يعطينا بصيرة روحية ويفرحنا في هذه الايام وان نراة بعين مستنيرة ربنا يكمل نقائصنا و يسند كل ضعف فينا بنعمته لإلهنا كل المجد أبدياً أمين. القمص أنطونيوس فهمى كاهن كنيسة مارجرجس والانبا انطونيوس محرم بك الاسكندرية