العظات
كيف ننتصرعلى الشيطان – شفاء مجنون اعمى وأخرس – الأحد الثالث من بابة
شفاء مجنون أعمى أخرس
هذا الإنسان مولود طبيعى بكل قواة ولكن الشييطان حين تملك عليه أصيب بكل هذا
القوى الكبار فى الإنسان العقل السمع والكلام والبصر ولما إستولى الشيطان على الإنسان صار ممسوكا عكس ملكوت الله ملك الشيطان
كان جسد الإنسان هو أهم جزء فى الإنسان فكان الشيطان يهتم أن يسكن الجسد أما الآن يكفى أن يسيطر على عقله ملك على كل ملكاته
الجنون أى عدم رجاحه التفكير إذا إمتلك الشيطان يكون هذا هو الجنون حين يمسك الشيطان العقل الإنجيل نور الشيطان يستولى على العين واللسان
إن كان أحد يتكلم فأقوال الله أما نحن فلنا فكر المسيح خليقه جديدة ولكن إن أسلم الإنسان ذاته للعدو يعتقد ان هذا عمل سليم له تعليل تبدو مستقيمه المياه المسرقه حلوه وخبز الخفيه لذيذ يبعد عن فكر الروح حين انها أعمال ظلمة
ماذا يأتى فى فكرك أولا تعمل الفكر يسبق العمل وحين ينحرف الفكر تنحرف الأعمال وتكشف الإنسان فلابد من مراجعه للفكر هل هو مملوك لله يقود للملكوت فى قياده الروح القدس اولئك هم أولاد الله أول رشم للميرون الفكر يبصره الروح وإن خرج الشيطان يغير ويريد العوده مره أخرى راجع نفسك الفكر السلوك التصرف وإن إنحرف الإنسان يعرف ان فكره سيطر عليه الشيطان جنون
الخصام جنون والحب عقل الله محبه العدو بغضة الحل المسيح مجنون كورة الجدريين مؤذى ولكن حين خرج منه الشيطان وجدوه عاقلا جالسا ملك عليه السلام
رئيس الكهنه على راسه صفيحه ذهب مكتوب قدس للرب إجعل فكرك ملك للمسيح
أعمى لايعرف التمييز وأخرس ماذا تفعل إن رأيت إنسانا كهذا تشفق عليه كم يكون لو فى الروح القديس ديديموس الضرير من أكبر معلمى اللاهوت البصر الجسدى أعطى للحيوانات اما البصيره الروحيه ها قد جعلت أمامك طريق الحياة وطريق الموت
إختار الحياة لاتسلك كأعمى وتفرط فى بصيرتك باب الرجاء مفتوح
لو قدم هذا الشخص لطبيب سيفشل لا تستكثر لاتياس عاد وابصر وتكلم تكلم مع المسيح بإخلاص وأعترف وقر بخطاياك ولا تعتقد أنك تسير فى افضل حال قر بخطاياك لتمحى الخطايا
لا تخبىء مرضك إحذر أن ترى امراض الآخرين ويخص أما هو فلا يبصر يكفى ان ترى أمراضك وأوجاعك وققدم نفسك للمسيح مجنون اعمى أخرس يشفى فى الحال يرى فى جميع الناس خير عقل سليم لسان مملؤ تسبيح الباب مفتوح ذراع المسيح مفتوح ليعيد كل البركات المفقودة بل ويزيد عليها
سيروا فى النور
بسم الآب وَالإِبن وَالرُّوح القُدس الله الواحِد أمِين
فلتحِل علينا وَبركِته الآن وَكُلّ أوان وَإِلَى دهر الدهُور كُلّها أمِين
الإِسبُوع الرَّابِع مِنْ الخماسِين المُقدّسة الكنِيسة بِترتِب لِنا رِحلة فِى فِترة الخماسِين الهدف مِنها إِنْ إِحنا فِى نِهايِة الخماسِين ننال إِستحقاق عطيَّة الرُّوح القُدس وَنتمتَّع بِالمِيلاد الجدِيد0
رِحلة عِبارة عَنْ رِحلة النِفُوس الّلِى فِى برّيَّة العالم مُنطلِقة إِلَى كنعان ، النِفُوس الّلِى فِى برّيَّة العالم مُنطلِقة إِلَى كنعان عليها إِنَّها تتحلّى بِبعض الصِفات 0
أوِل صِفة فِى النِفُوس الّلِى مُنطلِقة فِى البرّيَّة رايحة لِكنعان لازِم يكُون عندها رصِيد كافِى مِنْ الإِيمان إِنْ هى حا توصل كنعان ، وَلازِم يُبقى عندها قناعة كامِلة إِنْ تبعيتها لِربِنا أفضل مِنْ تبعيتها لأهل العالم أوْ لأرض مِصْرَ أوْ لِفرعُون 0
فَلاَزِم نِمرة واحِد الإِيمان ، عشان كِده تلاحظوا إِنْ الحد الأوَّل مِنْ الخماسِين حد تُوما حد الإِيمان بِالقيامة ، لابُد إِنْ يُبقى فِى رصِيد كافِى مِنْ الإِيمان يكفِى لِفترِة الرِحلة ، ده أوِل حد ، تانِى حد يكلّمنا إِنْ المسِيح هُوَ خُبز الحياة ، زى لَمَّا كان فِى البرّيَّة النَّاس فِى الرِحلة خارُوا مِنْ قِلّة الطعام ربِنا أرسل لهُمْ المن وَالسلوى 0
ربِنا لَمَّا أرسلنا فِى برّيَّة هذا العالم إِدانا زاد لِلطرِيق ، قَالَ لنا [ لاَ تَحمِلُوا كِيساً وَ لاَ مِزوداً00] ( لو 10 : 4 ) ، وَفِى نَفْسَ الوقت صار هُوَ نَفْسَه زاداً لنا ، هُوَ بِنَفْسَه ، فَربِنا يسُوعَ المسِيح بِيقُول لِنا أوِل حاجة عشان خاطِر تتمتّعُوا بِالرِحلة دى معايا يكُون عندكُمْ رصِيد مِنْ الإِيمان 0
إِتنين تتحدوا بِخُبز الحياة ، نِمرة تلاتة تتمتّعُوا بِعطيَّة ماء الحياة ، عطيَّة ماء الحياة00عطيَّة ينابِيع الرُّوح00عطيَّة ربِنا الّلِى فجَّر لِهُمْ مِنْ الصخرة ماء 00عطيَّة المِيلاد الفوقانِى مِنْ الماء وَالرُّوح 0
النهارده بيقولّك أنا بدِيك حاجات مُهِمة ، بدِيك خُبز الحياة ، بدِيك ماء الحياة ، مِنْ ضِمن مُقّوِمات الرِحلة المُهِمة جِدّاً النّور ، عشان تعرف تمشِى فِى الرِحلة صعب جِدّاً أبعتك فِى مكان أنا عارِف إِنّه قفر وَعارِف إِنّهُ برّيَّة وَيُبقى ضلمة ، يُبقى أنا كِده بعتك فِى مكان بقولّك إِتفضل توه ، لكِنْ هُوَ أرسلنا فِى برَّيَّة العالم وَأعطى لنا النَّور 0
فَتلاقِى إِنّه فِيه حد للإِيمان ، حد لِلخُبز ، حد لِلماء ، حد لِلنَّور ، حد لِلطرِيق نَفْسَه الّلِى هُوَ الحد الّلِى جاى ده الّلِى بِيدِينا الطرِيق لِلصعُود لِلسَّماويَّات ، الّلِى بيمهِدنا لِعطيَّة الرُّوح القُدس يُوم الخمسِين 0
النهارده " حد النَّور " يقُول كِده [ قَالَ لَهُمْ يَسُوعُ النُّورُ مَعْكُمْ زَمَاناً قَلِيلاً بَعْدُ0 فَسِيرُوا مَادَامَ لَكُمْ النُّورُ لِئَلاَّ يُدْرِكَكُمُ الظَّلاَمُ00] ( يو 12 : 35 ) ، نتكلّم شويَّة عَنْ النُّور وَنتكلَّم شويَّة عَنْ الظلام ، نُقطتين إِتنين فقط 0
أوِل حاجة النُّور ، طبِيعة الله نُور ، يقول عنّه كِده أنَّ الله [ 00نُورٍ لاَ يُدْنَى مِنْهُ 00] ( 1 تى 6 : 16 ) ، يعنِى لَمَّا حب يوصِف طبِيعة الله قالك عَلَى الله [ نُور وَلَيْسَ فِيهِ ظُلْمَةٌ البَتَّةَ ] ( 1 يو 1 : 5 ) ، طبِيعة ربِنا مفهاش أىّ ظُلمة ، الله نُور ، طبِيعِة ربِنا تكشِف ، طبِيعِة ربِنا ترشِد ، طبِيعِة ربِنا تنُّور ، تقُود 0
لَوْ تلاحظُوا يا أحِبَّائِى أوِل حاجة سِفر التكوِين ذكرها فِى أيَّام الخلِيقة السِتَّة ، أوِل حاجة يقولّك [ وَقَالَ اللهُ لِيَكُن نُورٌ00] ( تك 1 : 3 ) ، أوِل حاجة عملها إيه ؟ النُّور00لِيه ؟ قالّك علشان خاطِر أُظهِر أعمال خلِيقتِى وَأُظهِر مجدِى فِى خلِيقتِى 0
تخيّلُوا كِده لَوْ ربِنا معملش النُّور وَجِه عمل مَثَلاً بعد كِده النباتات ، طيِّب حد شايِف ؟! لِنفرِض إِنْ ربِنا عمل الزَّحافات وَالدبَّابات الّلِى تدِب عَلَى الأرض ، طيِّب حد شايِف ؟! وَبعدِين ربِنا علشان يعمِل حاجة علشان يتمّجِد يعمِل كُلّ حاجة مُهِمة علشان خاطِر الّلِى بعدها تتمتّع بِها 0
منلاقيِش مَثَلاً ربِنا يخلِق العُشب قبل الحيوان00لأ00ما ينفعش ، هُوَ بِيخلق العُشب لِلحيوان ، فَايخلق الأوَِّل العُشب وَبعد كِده الحيوان ، طب وَالعُشب محتاج نُور ، يُبقى يخلق له الأوَِّل النُّور ، طب العُشب محتاج ميه ، يُبقى يخلق له الأوَِّل الميه ، يُبقى يخلق الأوَِّل النُّور وَبعد كِده يخلق الميه وَبعد كِده يخلق العُشب ، بعد كِده يخلق الحيوان ، بعد كِده يُبقى يخلق الإِنسان الّلِى يلزمه كُلّ هذِهِ الأمور ، تدرُّج عجِيب 0
إِذن ربِنا عشان يُعلِن مجده فِى الخلِيقة الأُولى أوِل حاجة قَالَ [ لِيكُن نُور ] ، الخلِيقة الجدِيدة فِى القيامة أوِل حاجة شُفناها فِى القيامة000إيه ؟ نُور00وَكأنّ ربِنا يسُوعَ المسِيح بِالقيامة عايِز يقول لنا أنا هدِيكُوا معنى جدِيد لِلنُّور 0
الأوَِّل كان مُجرّد نُور عشان تتمتّعُوا بِه بِأعمال خلِيقتِى المنظُورة ، لكِن دلوقتِى النُّور ده موجُود ، أنا هدِيكُوا نُور جدِيد ، النُّور الجدِيد ده عشان تتمتّعُوا بِمجدِى غير المنظُور ، مجد قيامتِى الّلِى موجودة داخِلكُمْ 0
عشان كِده ربِنا إِبتدى الخلِيقة بِالنُّور وَإِبتدى القيامة بِالنُّور الّلِى هى الخلِيقة الجدِيدة ، عايِز يعرّفنا عليه مِنْ جدِيد مِنْ خِلال القيامة ، مِنْ خِلال القيامة المفرُوض إِنْ إِحنا نتعرّف عَلَى ربِنا يسُوع المسِيح مِنْ جدِيد 0
عشان كِده النهارده بِيكلّمنا عَنْ " سِيرُوا فِى النُّور مادام لكُمْ النُّور " ، النُّور معكُمْ زماناً يسِيراً ، يعنِى إيه " زمان يسِير " ؟ عايِز يقولّك الفِترِة الّلِى إِنت عايشها فِى حياتك دى دى فِترة قلِيلة جِدّاً ، فِترة قلِيلة جِدّاً بِالنسبة لِمجد الأبديَّة ، فَالنُّور معاك دلوقتِى زمان يسِير ، سِير فِى النُّور لِئلاَّ يُدرِكك الظلام 0
يعنى إيه " يُدرِكك الظلام " ؟ يعنِى لَوْ إِنسان مِنّنا دلوقتِى ترك طرِيق النُّور ها تبُص تلاقِى حياته بعد كِده بعِيد عنِنا ترُوح الجحِيم ، بعِيد عنِنا الواحِد يرُوح نار جُهنم ، طبعاً هُناك ظُلمة00ظُلمة00ظُلمة 0
يُبقى أنا علىَّ أستغِل الزمن اليسِير الّلِى أنا عايِش فِيه ده ، وَأعِيش فِيه فِين ؟ فِى النُّور لِئلاَّ يُدرِكنى الظلام ، سِير فِى النُّور ، النُّور يعنِى إيه ؟ نُور الوصيَّة ، نُور المسِيح ، المسِيح طبِيعته نُور ، الله طبِيعته نُور ، طب أنا إيه بِالنسبة له ؟ أنا إِبنه يُبقى طبِيعتِى مِنْ طبِيعته ، أنا طبِيعتِى مِنْ طبِيعته ، أنا واخِد النُّور ده ، النُّور ده مِش غرِيب عنِّى ، بِدلِيل إِنْ أنا مبحِبش الظُلمة ، بِدلِيل إِنْ أنا مبحِبش أعمال الظُلمة 0
أنا نُور ، مِنْ طبِيعته لإِنْ إِحنا المسِيح نقل لنا مجده ، نقل لنا مِيراثه ، نقل لنا صِفاته ، فَالنُّور بقى مِش غرِيب علينا000لأ000كُلِنا متعمدِين وَلَمَّا إِتعمِدنا أخدنا السِر وَالسِر الكنِيسة تسميه ( سِر الإِستنارة ) ، يعنِى إيه إِستنارة ؟ يعنِى إِحنا إِتنوّرنا فِى المعموديَّة ، أخدنا النُّور ، النُّور بقى ساكِن فِينا ، النَّور بقى حِتَّة مِننا مبقاش غرِيب عنِنا000لأ000النُّور بقى مِننا ، النُّور بقى حِتَّة مِننا مبقاش النُّور غرِيب علىَّ000لأ000النُّور بقى مِنِّى 0
[ 00أبناءُ نُورٍ وَأبناءُ نهارٍ0لسنا مِنْ لَيْلٍ وَ لاَ ظُلْمَةٍ ] ( 1 تس 5 : 5 ) ، زى ما قال مُعلّمِنا بولس الرسُول ، لكِنْ إِنتُمْ أبناء نُور ، النُّور مُفرِح ، النُّور مُبهِج ، عشان كِده نقُول [ فِى نُور قدِيسيه ] 0
كُلّ إِنسان يخاف الله وَيعِيش مَعَْ ربِنا تُبقى حياته منُّوره ، نُور مِنْ نُور المسِيح ، نُور مِنْ نُور الله ، [00 نُور لاَ يُدْنَى مِنهُ00] ( 1 تى 6 : 16 ) ، أد إيه أحِبَّائِى الحياة فِى النُّور لها صِفات مُبهِجة ، أد إيه النُّور ده مِنْ طبِيعِة ربِنا ، الطبِيعة المُمجدّة ، الطبِيعة الّلِى ربِنا عايِز ينقِل لِنا كُلّ البركات مِنْ خلال النُّور بِتاعه 0
فَيقولّك [ سِيرُوا فِى النُّور ] ، سِير فِى النُّور ، النُّور يكشِف الطرِيق ، لَمّا جِه ربِنا فِى العهد القدِيم فِى البرَّيَّة وَالشَّعْب مُعرّض إِنْ هُوَ يتوه بقى يعمِل معاهُمْ حاجتين ، حاجة بِالنَّهار وَحاجة بِالليل ، يبعت لِهُمْ بِالنَّهار عمود سحاب وَبِالليل عمود نُور000لِيه ؟
يقولّك عشان خاطِر النُّور يقودهُمْ فِى الطرِيق ، إِحنا دلوقتِى فِى نَفْسَ الحال ، إِحنا دلوقتِى تايهين فِى برَّيَّة العالم ، مُنطلقِين نحُو كنعان ، طيِّب إِذا ما كنش عمود النُّور ده حا يقودنا يُبقى حتماً حنتوه 0
إِذن أنا لَوْ ماسلكتِش فِى النُّور وَعنيَّا عَا النُّور وَبقى النُّور ده السِراج المُضِئ فِى موضِع مُظلِم بِالنسبة لىَّ يُبقى أنا كِده حتوه ، سِير فِى النُّور ، النُّور يعنِى الوصيَّة ، النُّور يعنِى الإِنجِيل ، النُّور يعنِى صُوت الرُّوح ، النُّور يعنِى فِعل الوِلادة الجدِيدة الّلِى جوايا ، ده لازِم أطِيعه ، أطِيعه زى ما بِيقُول مُعلّمِنا بولس الرسُول [ فَشُكراً للهِ000أطعتُمْ مِنَ القلبِ صُورةَ التَّعلِيمِ الَّتِي تَسَلَّمْتُمُوهَا ] ( رو 6 : 17 ) ، " أطعت مِنَ القلب " يعنِى إيه ؟ يعنِى مشيت ورا النُّور بِكُلّ صِدق وَبِكُلّ إِخلاص وَأمانة وَرفضت الظُلمة وَمحبِتش الظُلمة 0
قَالَ كِده [ مَادَامَ لَكُمْ النُّورُ آمِنُوا بِالنُّورِ لِتَصِيرُوا أبْنَاءَ النُّورِ00] ( يو 12 : 36 ) ، " لِتصِيرُوا أبناء لِلنُّور " أنا إِبن لِلنُّور بِالطبِيعة الّلِى ربِنا وهبها فىَّ ، أنا إِبن لِلنُّور ، طالما أنا إِبن لِلنُّور أبقى بحِب النُّور وَأحِب أعمال النُّور وَأحِب إِنْ أنا أسلُك فِى النُّور بِكُلّ أمانة وَكُلّ إِخلاص وَإِلاّ أتوه 0
النُّور يكشِف الأخطاء ، يكشِف الزيغان ، النُّور يكشِف ، إِحنا لَوْ جِينا دلوقتِى نقُول هى العِين الّلِى بِتشُوف وَإِلاّ النُّور هُوَ الّلِى يخلِّى العِين تشُوف ؟ تلاقِى مِش العِين هى الّلِى بِتشُوف ، النُّور هُوَ الّلِى يخلِّى العِين تشُوف 0
بِدلِيل إِنْ الدُنيا لَمَّا بِتُبقى ضلمة وَعنِينا مفتّحة مِش بِتشُوف وَعنِينا سلِيمة ، إِذن مديونيتِى لِلرؤية وَمديونيتِى لِلبصِيرة وَرؤيِة الأمُور بِطرِيقة سلِيمة مِش لِلعِين وَلكِنْ لِلنُور 0
إِذن طُول ما أنا سالِك فِى النُّور حا تُبقى نظرتِى لِلأمُور سلِيمة ، أعرف ده فِين وَأعرف ده فِين وَأعرف أمشِى إِزاى ، لكِنْ لَوْ أنا سالِك فِى الظُلمة أُبص ألاقِى نَفْسِى رغم إِنِّى عندِى عِين لكِنْ مِش بشُوف 0
وَهُوَ ربِنا يسُوعَ المسِيح قَالَ كِده [ 00لَهُمْ أَعْيُنٌ وَ لاَ يُبْصِرُونَ00] ( أر 5 : 21 ) ، كان مُمكِن نحُط التفسِير بِتاع الحِتَّة دى00لِيه ؟ لِيه لِهُمْ أعيُن وَ لاَ يُبصِرُون ؟ لإِنّهُمْ سالكِين فِين ؟ فِى الظُلمة ، سالكِين فِى الظُلمة يعنِى إيه ؟ يعنِى وَالدِنيا ضلمة يعنِى بِالليل ؟! يقولّك00لأ00الظُلمة الّلِى قصده عليها ظُلمِة غياب المسِيح ، يعنِى غياب النُّور 0
إِذن أىّ وقت أنا بسلُك فِيه غايِب عَنْ المسِيح ، المسِيح يغِيب عَنْ حياتِى ، معِش فِى حضرته ، ظُلمة ، الظُلمة طبعاً الإِنسان أد إيه بقى إِتلغبط وَأد إيه الواحِد ميعرفش يميِّز وَأد إيه الإِنسان يفقِد قِيمة الأمور ، واحِد يجِيب له حاجة يُقعُد يلمِس فِيها كِده مِش عارِف دى إيه ؟ دى معدن وَإِلاّ دى خشب ؟ يعتمِد على الملمس ، مُمكِن الملمس يُبقى خدَّاع ، ميعرفش يميِّز الطرِيق ، مُمكِن يمشِى يعثُر فِى الطرِيق ، يتخبّط فِى حاجة لإِنْ الدُنيا ضلمة 0
أدى الإِنسان الّلِى سالِك فِى الظُلمة ، غير الإِنسان الّلِى سالِك فِى النُّور ، وَطُول ما أنا قُرّيِب مِنْ النُّور خطاياى تُبقى أوضح ، طُول ما أنا قُرّيِب مِنْ النُّور أعرف مقياس نَفْسِى أنا فِين مِنْ الوصيَّة ؟ أنا فِين مِنْ أخويا ؟ أنا فِين مِنْ بِرّ المسِيح ؟ أنا فِين مِنْ نُوره ؟
لَمَّا يِجى واحِد كِده يُبقى الملابِس بِتاعته ملابِس مُتسِخة وَقاعِد فِى ظُلمة ، لاَ يشعُر إِنْ هدومه مِش نضِيفة ، لكِنْ لَوْ قرّب لِنُور وَكُلّ ما النّور كان أقوى كُلّ ما يكشِف وَيفضح ، أهُوَ أنا كِده كُلّ ما أأقرّب لِربِنا كُلّ ما أعرف أنا فِين مِنْ بِرَّه ؟ أنا فِين مِنْ نوره ؟ أوِل ما أأقرّب مِنّه أشعُر أد إيه أنا خطاياى كثِيرة جِدّاً 0
إِِشعياء النبِى لَمَّا إِتخدِت الجمرة مِنْ عَلَى المذبح قَالَ [ 00وَيْلٌ لِي إِنِّي هَلَكْتُ لأِنِّي إِنْسَانٌ نَجِسُ الشَّفَتَيْنِ00] ( أش 6 : 5 ) ، طب لِيه مقولتِش كِده قبل كِده ياإِشعياء ؟ قالك ماكونتِش تلامست معاه 0
مُعلّمِنا بُطرُس الرسُول مصرخش وَقال [ 00أُخْرُجْ مِنْ سَفِينَتِي يَارَبُّ لأِنِّي رَجُلٌ خَاطِئٌ] ( لو 5 : 8 ) إِلاّ لَمَّا تلامس معاه ، لَمَّا أتلامس معاه أنا خطاياى بِتُكشف ، بِتتفضح ، لَمَّا تتفضح أصرُخ وَأطلُب الرحمة وَأطلُب النِعمة وَأطلُب التوبة وَأطلُب الغُفران وَأعرف ضعفِى ، أوِل لَمَّا أعرف ضعفِى النِعمة تُبقى قرِيبة ، أوِل لَمَّا أكتشِف قباحاتِى وَذنوبِى وَالظُلمة الّلِى أنا فِيها وَالبُقع الّلِى فِى ثيابِى الّلِى أحدثتها فىَّ الخطيَّة ، ساعِتها أبقى أنا قرِيب مِنْ البُرء ، لإِنْ [ الَّذِي يعرِف خِزيه يعرِف كيف يطلُب النِعمة ] ، وَالَّذِى يعرِف مرضه هُوَ قرِيب مِنْ البُرء ، الّلِى يعرِف المرض بِتاعه ، المرض إِكتشفه إِزاى ؟ بِالنُّور 0
النُّور معكُمْ زماناً يسِيراً سِيرُوا فِى النُّور ، خلِيك قُرّيِب لِلنُّور ، لاَ يكُون فِيك ظُلمة البتَّة ، عشان كِده إِحنا يقول عنِنا إِحنا [ 00لكِنِ إِغْتَسَلْتُمْ بَلْ تَقَدَّسْتُمْ بَلْ تَبَرَّرْتُمْ00] ( 1 كو 6 : 11 ) ، إِحنا إِستنرنا بِنُور المسِيح ، إِحنا تبرّرنا بِالمسِيح ، لَمَّا إِتغسلنا بِه حملنا بِرَّه ، حملنا نُوره 0
عشان كِده يقولّك [ 00هُوَ الَّذِي أشْرَقَ فِي قُلُبِنَا لإِنَارَةِ مَعْرِفَةِ مَجْدِ اللهِ00] ( 2 كو 4 : 6 ) ، " أنار فِى قُلُوبِنا " ، نوَّر ، جاب كِده كمية ضُوء ضخمة جِدَّاً جِدَّاً وَسلَّطها عَلَى القلب لَمَّا جاب كمية ضُوء كبِيرة سلَّطها عَلَى القلب ، القلب نوَّر وَإِتكشف وَشُوفنا فِيه الزوايا وَالأركان الضعِيفة 0
لَمَّا يِجِى دكاتره فِى أُوضة العمليات تلاقِى حطِين لهُمْ كمية كشَّافات كبِيرة وَضخمة جِدَّاً متركزِين فُوق سرِير العمليَّات وَينزِِّلُوا كمية الإِضاءة دى وَيركِزُوها عَلَى المكان الّلِى بِيشتغلُوا فِيه00لِيه ؟ كُلّ النُّور ده ؟ عشان يكشِف00ده الراجِل شغَّال فِى حاجات دقِيقة جِدَّاً ، عايِز ينُّور المكان ده جِدَّاً ، عاوِز يكشِف فِيه الدقائِق الصغِيرة جِدَّاً00بِإيه ؟ بِالنُّور 0
عايِز تكشِف نَفْسَكَ سلَّط النُّور عليك ، سلَّط النُّور وَحا تعرِف00حا تعرِف إِذا كان فِيك حاجات مِضلِمة ، حاجات ضعِيفة ، حاجات مرِيضة ، حاجات مُتليِفَّة ، حاجات الخطيَّة أحدثت فِيها أضرار بالِغة ، بقى عندك شُريان مِش شغَّال ، بقى عندك عضلة واقفة ، بقى عندك تليُّف فِى أنسِجة 0
أهُوَ هُوَ ده ، ده التشخِيص بِتاع المرض الجسدِى ، المرض الرُّوحِى أخطر ، يعنِى إيه شُريان مِش شغَّال ؟ يعنِى إيه عضلة مِش شغَّالة ؟ يعنِى القلب معدش ينبُض بِمحبِة ربِنا ، يعنِى القلب صار لاَ يتجاوب مَعَْ نِداءات النِعمة ، يعنِى إيه فِيه تليُّف ؟ التليُّف يعنِى فِيه قساوة ، يعنِى فِى قلب فِيه أنسِجة ميِتة ، ده أكتشِفه إِزاى ؟ أكتشِفه بِالنُّور ، مالوش طرِيقة تانية غِير النُّور ، أأقرّب لِلنُّور أكتشِف الأمر عَلَى طُول 0
[ سِيرُوا فِي النُّور مادام لكُمْ النُّور ، النُّور معكُمْ زماناً يسِيراً ] ، إِوعى تضيَّع فِترِة العُمر بِتاعك وَتسلُك فِى الظُلمة لإِنْ كِده يُبقى إِنت بِتُحكم عَلَى نَفْسَكَ إِنْ إِنت هاتعِيش فِى الظُلمة إِلَى الأبد ، الزمن اليسِير بِتاعك ده سِير فِيه فِى النُّور 0
عشان كِده الكِتاب المُقدّس يقولّك إِنْ الحياة الزمنيَّة بِتاعِتنا دى نحتمِل لإِنَّها زمن يسِير ، يقولّك كِده [ الْمَرْأَةُ وَهِي تَلِدُ تَحْزَنُ لأِنَّ سَاعَتَهَا قَدْ جَاءَتْ0 وَلَكِنْ مَتَى وَلَدَتِ الطِّفْلَ لاَ تَعُودُ تَذْكُرُ الشِّدَّةَ لِسَببِ الْفَرَحِ00] ( يو 16 : 21 ) ، خلاص الساعة بِتاعِتها خِلصِت ، أوِل لَمَّا السِت تولِد وَتسمع صُراخ الطِفل وَتشوف الطِفل بعنِيها تنسى الألم ، تنسى الصُراخ ، الألم مرحش طيِّب إيه الّلِى حصل ؟ فِى حاجة أهم جت غطِّت عَلَى الألم 0
أهُوَ إِحنا كِده ، إِحنا ربِنا يسُوعَ بِيشبِهنا إِنْ الحياة الزمنيَّة بِتاعِتنا دى فِيها شويِة ألم لكِنْ لَمَّا حا تتمجّد لاَ نعُود نذكُر الشِّدَّة ، خلاص إِنتهِت ، كانِت إد إيه دى ؟ كانِت ساعة ، قالّك [ لأِنَّ ساعتها قَدْ جاءت ] ، دى ساعة ، يعنِى لَوْ واحدة تتألِم ساعة لكِنْ تولِد إِبن يعِيش معاها طُول العُمر ، تقولّك أستحمِل ساعة ، فِى واحدة تُبقى مِش عايزه تجِيب وِلاد تقولّك أصل الوِلادة مؤلِمة ؟! ماتسمعش الكلام ده أبداً00لِيه ؟ صحِيح الوِلادة مؤلِمة لكِنْ الثمرة جمِيلة 0
عشان كِده الحياة بِتاعِتنا ربِنا يسُوعَ يقولّك دى ساعة ، زماناً يسِيراً ، سِيرُوا فِى النُّور النُّور معكُمْ زماناً ، ده ساعة ، عشان كِده لَوْ تلاحِظ إِنْ لَمَّا يِجِى الواحِد يتعب شويَّة فِى جِهاده الرُّوحِى وَيحِس إِنْ الجِهاد تقِيل يفكّر نَفْسَه وَيقُول دى إيه ؟ دى ساعة ، معقُولة واحِد يكُون طالِب مِنِّى أشتغل عنده ساعة وَهايكافِئنِى مُكافأة كبِيرة جِدَّاً وَأبقى أنا كسلان فِى الساعة دى ؟!
دى ساعة ، عشان كِده لَوْ تلاحظُوا إِنْ ربِنا يسُوعَ قَالَ لِتلامِيذه [ 00مَا قَدَرْتُمْ أنْ تَسْهَرُوا مَعِي سَاعَةً وَاحِدَةً ] ( مت 26 : 40 ) ، هى ساعة ، كُلّ مَا الضِيقات تحوّط بِىَّ فِى الحياة أقول دى ساعة ، شِد حِيلك شويَّة دى ساعة ، ياسِيدِى إِحتمِل دى ساعة ، إِنّ ساعتها قَدْ أتت ، أدى الساعة بِتاعِتها 0
[ سِيرُوا فِى النُّور ] ، النُّور معك زمن يسِير ، الزمن اليسِير بِتاعك ده قضِّيه فِى النُّور لِئلاَّ يُدرِكُكَ الظلام ، قضِّيه فِى النُّور الزمن بِتاعك ده 0
عايِز تعرف إِنت فِى النُّور وَ لاّ لأ ؟ أكتر الحاجات الّلِى تخلِيك تعرف إِذا كُنت إِنت فِى النُّور وَ لاّ لأ إِنْ إِنت تقِيس نَفْسَكَ عَلَى وصايا مُعيَّنة ، هل إِنت عندك رحمة ؟ القلب المنُّور قلب مليان رحمة ، قلب مليان رِقّة ، قلب فِيه مشاعِر حسَّاسة جِدَّاً تِجاه الآخرِين ، عكس الإِنسان الّلِى قلبه مُظلِم تلاقيه عِنده قساوة ، عِنده لاَ مُبالاة ، مايشوفش أبداً أتعاب النَّاس ، ظُلمة00ظُلمة ، مفِيش نُور ، محبَّة 00تبُص تلاقِى الإِنسان الّلِى قلبه منُّور تلاقيه قلبه كُلّه منُّور ، تلاقِى المحبَّة عِنده محبَّة صادِقة 0
أوِل لَمَّا تلاقِى نَفْسَك فِى إِحساس كراهية ، أوْ أوِل ما تلاقِى نَفْسَكَ إِنَّك إِبتدِيت تميِّز بين النَّاس وَإِبتدا يُبقى عندك إِنْ إِنت تُبقى فِى ناس مِش قادِر تحتمِلهُمْ وَقلبك شايِل مِنهُمْ إِعرف إِنْ مفِيش نُور فِى قلبك 0
المحبَّة مقياس مايكدِبش أبداً ، يقولّك [ 00المحبَّةُ مِنْ قَلْبٍ طَاهِرٍ00] ( 1 تى 1 : 5 ) ، " قلب طاهِر بِشِدَّة " ، مُعلّمِنا يُوحنا الرسُول يقُول لِنا كلام يخلِّى الواحِد يراجِع نَفْسَه ألف مرَّة فِى موضُوع المحبَّة ده ، قالّكَ [ كُلُّ مَنْ يُبْغِضُ أَخَاهُ فَهُوَ قَاتِلُ نَفْسٍ00] ( 1 يو 3 : 15 ) ، ياربِى000لِلدرجة دى ؟؟ يقولّك أيوه ، فِى ظُلمة فِى القلب خلِتك تكره ، خلِتك تُبغِض ، لَمَّا خلِتك تكره وَتُبغِض مبقِتش مِنْ أبناء النُّور بقِيت مِنْ أبناء الظُلمة ، [ مَنْ يُبغِضُ أخاهُ فَهُوَ قاتِل نَفْسٍ ]000مرَّة واحدة ؟؟ أيوه 0
قالّك [ وَمَنْ لاَ يُحِبُّ لَمْ يَعْرِفِ اللهَ لأِنَّ اللهَ مَحَبَّةٌ ] ( 1 يو 4 : 8 ) ، الّلِى مايحِبش ميعرفش ربِنا00لِيه ؟ أصل الله محبَّة 0
أقِيس نَفْسِى أنا مِنْ أبناء النُّور وَ لاّ مِنْ أبناء الظُلمة ؟ أنا فِى أىّ طرِيق ؟ مِنْ هِنا أبُص ألاقِى يقولّك إِنْ النُّور ده يكشِف للإِنسان كُلّ حاجة ، يخلِّى الإِنسان يُبقى الطرِيق بِالنسبة له واضِح جِدَّاً00واضِح جِدَّاً 0
[ سِرَاج لِرِجْلِى كَلاَمُكَ ] ( مز 119 : 105 ) ، السبِيل منُّور ، الطرِيق منُّور ، طرِيق كُلّ العلامات فِيه واضحة جِدَّاً ، إِذا كان فِيه حِتّه مُرتفِعة مكشُوفة ، إِذا كان فِيه حِتَّة مُنحنية مكشُوفة ، إِنسان مُستنِير ، عشان كِده مُعلّمِنا بولس الرسُول يقولّك [ مُستنِيرة عُيُونُ أذْهانِكُمْ ] ( أف 1 : 18 ) ، عِين القلب منُّوره فِيها نُور تعرَّف الطرِيق ، وَتعرِف خِداعات العدو ، وَتعرِف الأماكِن الواعرة وَالأماكِن الصعبة 0
عشان كِده كُلّ شر يُفعل يُفعل فِى الظلام ، عشان كِده مُعلّمِنا بولس الرسُول يكلّمك عَنْ الشَّر يقولّك [ أعمال الظُلمة ] ( أف 5 : 11 ) ، لِدرجِة إِنْ مُعلّمِنا بولس الرسُول يقولّك [ لاَ تشترِكُوا فِى أعمال الظُلمة غير المُثمِرةِ بَلْ بِالحرىَّ وَبخّوُها ] ( أف 5 : 11 ) 00لِيه ؟
قَالَ لإِنْ أنا جوايا نُور ، النُّور لاَ يطِيق الظُلمة ، لاَ يشترِك النُّور مَعَْ الظلام أبداً أبداً ، أوِل لَمَّا يِجِى النُّور عَلَى طُول يغِيب الظلام ، يتلاشى الظلام ، راح فِين الظُلمة ؟ راحِت فِين الظُلمة بِتاعِت الليل الّلِى كانِت مخلِيَّة النَّاس مِش عارفة تمشِى00راحِت فِين ؟ إِنتهِت ، ليس لها أصل ، النُّور يُبّدِد الظلام ، النُّور قوِى ، النُّور يكشِف ، الظُلمة جهل00تِيه 0
لَمَّا نلاقِى إِنسان يحِب أعمال الظُلمة نقوله فِى خلل رهِيب جوّه حياتك ، عشان كِده أحِبَّائِى تلاقِى الإِنسان الّلِى يحِب الخطايا تبُص تلاقيه أعمال الظُلمة تملُك عليه ، تلاقِى حياته كُلّها ظُلمة فِى ظُلمة ، أعمال الخطايا كُلّها ، لَمَّا واحِد يحِب يسرق محدِش يسرق فِى النُّور ، أعمال الشَّياطِين ، أعمال الشهوات وَالزِنا وَالخلاعة تنشط فِى الليل ، الإِنسان الكدَّاب ، الإِنسان الّلِى يحِب يعِيش فِى غِش وَرِياء يحِب يعمِل حاجات النَّاس متعرفهاش ، يحِب الظُلمة ، ميحِبِش يكشِف نَفْسَه أبداً ، يعِيش فِى الظُلمة وَالظُلمة تُعمِى عنيه 0
مِنْ كُتر ما هُوَ خلاص معدش بِيشُوف ، خلايا عنيه الرُّوحيَّة تضمُر00وَتذبُل00لِيه ؟ مَا خلاص ليس لهُ الحواس الّلِى قَالَ عنها مُعلّمِنا بولس الرسُول [ الْحواسُّ مُدَرَّبةً ] ( عب 5 : 14 ) ، ليس لهُ الحواسّ المُدرَّبة ، حاسِة البصِيرة عِنده حاسَّة فُقِدت ، حاسَّة تبلَّدت ، تجمَّدت ، أدى أعمال الظُلمة 0
أعمال الظُلمة الّلِى تخلِّى الإِنسان يفقِد البركات ، يفقِد حضُور الله ، يفقِد نُور الله ، ده أعمال الظُلمة ، عشان كِده أحِبَّائِى تلاقِى آبائنا القدِيسين كُلّ واحِد فِيهُمْ حواليه هالة مِنْ النُّور ، النُّور ده لِيه ؟ دى نُور القداسة ، ده نُور ربِنا الّلِى إِرتسم عَلَى وجوههُمْ وَالّلِى أضاء عليهُمْ ، ده النُّور بِتاعهُمْ ، دى الإِستنارة بِتاعِتهُمْ 0
عشان كِده يكلّمنا عَنْ السَّما إِنْ السَّما مفهاش ظُلمة أبداً 00لِيه ؟ قالّك لإِنْ ربِنا يسُوعَ المسِيح العرِيس وَالخرُوف بِتاع السَّما ها يكُون هُوَ سراجها وَ لاَ تحتاج إِلَى شمس وَ لاَ تحتاج إِلَى قمر ، لأِنّ هُوَ سراجها ، فِيها نُور دائِم00نُور دائِم ، مفِيش لِيل 00مفِيش ظلام00إِنتهى الظلام 0
إِحنا عايِشيِن دلوقتِى علشان إِحنا دلوقتِى فِى فِترِة الإِختبار ، إِنت بِتحِب أىّ طرِيق فَتَلاقِى دلوقتِى فِى ظُلمة وَفِى لِيل ، لكِنْ فوق فِى السَّما خلاص مفِيش ظُلمة ، لَوْ إِنت مِنْ دلوقتِى حبِيت النُّور وَإِخترت النُّور وَسلكت فِى النُّور ها تصِير مِنْ أبناء النُّور فَطُوباك ، لكِنْ لَوْ إِنت مِنْ دلوقتِى مِلت لِلظُلمة وَحبِيت الظُلمة وَأعمالها ها تبُص تلاقِى نَفْسَكَ خلاص صِرت غرِيباً عَنْ النُّور وَالنُّور غرِيب عنك 0
النُّور معكُمْ زمان يسِير ، عشان كِده قالّك [ أعمى عُيُونهُمْ وَأغلظ قُلُوبهُمْ لِئلاَّ يُبصِرُوا بِعُيُونِهِمْ وَيشعُرُوا بِقُلُوبِهِمْ وَيرجعوا فَأشفِيهُمْ ] ( يو 12 : 40 ) 00لِيه ؟ قالّك ما هُمَّا مِش عايزِين يشُوفوا النُّور ، مِش عايزِين يشُوفوا 0
قَالَ كِده [ أنَا قَدْ جِئتُ نُوراً إِلَى العالم ] ( يو 12 : 46 ) ، خلاص طالما إِنسان آمِن بِى لاَ يمكُث فِى الظلام أبداً ، عشان كِده أحِبَّائِى الإِنسان الّلِى حياته داقِت نُور ربِنا لاَ يستحمِل الظُلمة ، لاَ يمكُث فِى الظلام ، وَمِش يوم وَ لاَّ إِتنين لكِنْ حياته كُلّها ، مِش قادِر يحتمِل إِلاَّ إِنْ هُوَ يعِيش فِى النُّور 0
لَمَّا نِيِجِى نقُول دلُوقتِى إِحنا لِيه بِنحِب النُّور وَإِحنا لِيه مُشتاقِين لِلنُّور وَلِيه النُّور إِحنا بِنفّضله ؟ يقُولّك أصل إِحنا جرَّبنا الضلمة لَمَّا جرَّبنا الضلمة محبِنهاش ، حبِينا النُّور ، إِذن الضلمة هى الّلِى تخلِينا نكتشِف النُّور 0
عشان كِده ربِنا سمح إِنْ يكُون فِى نُور وَفِى ضلمة ، لِيه ربِنا يسمح بِالشَّرُور ؟ قالّك الشَّرُور هى الّلِى حا تعرَّفك البِرَّ ، قالّك الشَّرُور هى الّلِى حا تخلِيك إِزاى تتمسَّك بِالبِرَّ ، لإِنْ لَوْ الحياة بِرّ بس مُمكِنْ أبقى كِده لاَ أُمتحن أنَا عايِز إيه ، النُّور هُوَ الّلِى يخلِيك تحِب النُّور وَتُبغِض الظُلمة 0
مِنْ جمال النُّور ها أسِير فِى النُّور مادام لَكَ النُّور ، وَالنُّور هُوَ الّلِى يغلِب الظُلمة لإِنْ هُوَ الأقوى ، وَالنُّور مِش مُمكِنْ الظُلمة تغلِبه إِلاَّ إِذا هُوَ إِنسحب ، لكِنْ الظُلمة متعرفش أبداً تغلِب النُّور أبداً ، النُّور يغلِب الظُلمة بِسهُولة ، مُجرّد إِنْ كشَّاف صُغيّر يُبّدِد ظُلمة ، لكِنْ الظُلمة متغلِبش النُّور أبداً إِلاَّ إِذا أنا طفِيت النُّور ، النُّور أقوى لهُ سُلطان 0
عشان كِده أحِبَّائِى أنا بختار أىّ طرِيق وَماشِى فِين ؟ طرِيقِى منُّور ، الّلِى طرِيقه منُّور تبُص تلاقِى كارِه الخطايا ، مِش بس كارِه الخطايا ده بِيوّبِخ الخُطاه ، ده مِنْ جوَّاه إِحساس بِمرارة لِلنَّاس الّلِى عايشة فِى الظُلمة ، مِش هُوَ قلبه ميَّال لِلظُلمة000لأ000ده بِيوّبخ أعمال الظُلمة0
ربِنا أنار فِى قلوبنا ، نوَّر قلبِنا ، أخدنا فِى المعموديَّة النُّور حقِيقِى ، عشان كِده إِحنا كُلّ يوم فِى صلاة باكِر نفتِكر النُّور الحقِيقِى نُور القيامة ، نُور حقِيقِى الّلِى أشرق فِى قلوبنا وَنقوله إِنْ هُوَ [ يخلِق فِينا الحواس المُضِيئة وَالأفكار النُورانيَّة ] ، حواس مُضِيئة منُّوره00منُّوره بِنُوره00نُور قيامته00تتحوّل الحواس المُظلِمة وَالجسد المُظلِم لِجسد منُّور00هذا النُّور مِنْ علامات الخلِيقة الجدِيدة00مِنْ علامات القيامة إِنْ أنا إِنسان بحِب النُّور وَلازال نُور ربِنا يسُوعَ المسِيح يُعلن فِى قيامتِهِ فِى كُلّ قيامة 00ليس فِى يوم قيامة فقط وَلكِنْ فِى قلُوب أولاده وَفِى قلُوب أبناء الكنِيسة كُلّها 0
ربِنا ينُّور قلوبنا بِنُور معرِفته الحقِيقيَّة
يكمِلّ كُلّ نقص فِينا بِنِعمِته
وَلإِلهنا المجد دائِماً أبدياً أمِين0
اله يتودد إلينــا أحد السامرية
الله يتودد لنا
بسم الأب والإبن والروح القدس الإله الواحد آمين . فلتحل علينا نعمته وبركته من الأن وكل أوان والى دهر الدهور كلها آمين
فى فترة الصوم المقدس ياأحبائى تخرج لنا الكنيسة من كنوزها جدداً وعتقاء من أجل شبع نفوسنا . إن كنا فى فترة الصوم المقدس نمتنع عن أطعمة معينة أو بعض الأطعمة الشهية فالكنيسة تصنع لنا إحلال وتقول لنا إن نفوسكم قد بدأت تذهد الأطعمة المادية لذلك سأعطيكم انا طعام روحى
+ - نجد الكنيسة قرأت لنا الأحد الماضى فصل الإبن الضال ولننتبه فى الكنيسة كلها على مدار السنة أن فصل الإبن الضال يقرأ مرة واحدة ... وفصل السامرية يقرأ مرات قليلة حوالى ثلاثة مرات فقط ... أيضاً فصل المخلع نادراً ما يقرأ ... كذلك فصل المولود أعمى وكأن الكنيسة تقدم لنا أشهى الأطعمة ونحن سالكين بالروح فتغذينا بحسب الروح عوض غذاء الجسد الذى نترفع عنه بإرادتنا فى فترة الصوم المقدس . فنجد :
الإبن الضال -- يمثل الخطية
السامرية --تمثل تكرار الخطية
المخلع --يمثل اليأس من الخطية ومن كثرة تكرارها
الخطية لها توبة .وتكرار الخطية له توبة .وحتى اليأس من الخطية له توبة .لذلك فى فترة الصوم المقدس الله يتودد لنا ويقدم لنا فرصة للرجوع والتغيير
+ - اليوم فى السامرية يتودد الله للسامرية ويبحث عن طريق ليقابلها ويكلمها .. ونلاحظ أن الكتاب يقول" وكان لابد أن يجتاز السامرة " حقيقة لو لاحظنا خريطة أورشليم والطرق التى حولها نجد أن هناك طريق أسهل يوصله للمكان الذى كان يريده لكنه فى هذه المرة سلك ذلك الطريق ليقابلها .ويسير ستة ساعات ويتعب لكن عنده تدبير آخر . فهناك إنسانة مهمة يريد أن يقابلها ألهذه الدرجة النفس غالية عندك يا الله ؟ .. يقول نعم .. غالية جداً .ألهذه الدرجة يا الله ترى السامرية إناء مختار لك؟يقول نعم. لكن الناس تراها غيرذلك .أقول لك صدقنى إن الله فاحص أعماقنا كلنا ويرانا كلنا أولاد له غاليين عليه أنقياء جداً حتى وإن كانت لنا بعض الضعفات .يقول تعال إشبع بى أنا .أنا أدعوك لكى تكسر الحواجز التى بينى وبينك .لذلك أدعوك
+ - رجل وإمرأة .لو تدرس فى التاريخ اليهودى تجد إنه ممنوع معاملة الرجل اليهودى مع المرأة فى الطريق ... شئ يجرمه العرف الإجتماعى وخاصة لو كانت وحدها ... وخاصة لوفى مكان فى طرف البلد .وحدها وإمرأة وفى طرف البلد .. وتلاميذه قد تركوه .هويقصد أن ينفرد بها .يقصد أن يتكلم معها بدون حرج ألهذه الدرجة يارب أنت تكسرحواجزمن أجلى ؟ يقول أنا أكسر حواجز أكبر من ذلك ماهى تلك الحواجز الأكبر ؟ يقول إنها سامرية وأنا يهودى .ولنقرأ فى التاريخ عن العدوة الرهيبة بين اليهود والسامريين ... صعبة جداً جاءت جذورها منذ إنقسام المملكة فى أيام رحبعام إبن سليمان إبن داود عندما إنقسمت المملكة الى مملكتين : مملكة الشمال وعاصمتها السامرة وتضم عشرة أسباط .ومملكة الجنوب وعاصمتها أورشليم وتضم سبطين. إذاً..أين الهيكل ؟ فى أورشليم . أصبح بذلك العشرة اسباط التى فى الشمال ليس لديهم هيكل وبالتالى ليس لديهم عبادة . ولذلك إبتعدوا عن الله..لكنهم قالوا .. لا.. لماذا الهيكل فى الجنوب ونحن لا ؟ إذاً لنقيم لأنفسنا هيكل .. فقال لهم الذين فى أورشليم : هل يوجد شئ إسمه هيكلان ؟ هوهيكل واحد .... لكن الذين فى الشمال قالوا سنقيم هيكل جديد لنا ...فقالت مملكة الجنوب إن العبادة الحقيقية فى الجنوب حيث الهيكل أى عندنا ..وبالتالى أنتم مرفوضون من الله فكان هَمّ ملكة الشمال أن تفسد عبادات مملكة الجنوب وأقاموا المؤامرات .. من ضمن هذه المؤامرات إنه فى ليالى الأعياد اليهودية التى يجتمع فيها الشعب كله أنهم كانوا يأتون ليلاً بعظام موتى ويلقونها فى الهيكل وبذلك يتنجس الهيكل وبالتالى لايليق بتقدمات الذبائح ولايليق أن يدخله الناس للعيد من الذى فعل ذلك ؟ السامريين . عداوة رهيبة .. حتى إنه إذا أراد اليهودى أن يهين شخص أويقبح فيه أويسبه كان يقول له أنت سامرى كلمة سامرى فى ذاتها سباب ... ألهذه الدرجة السيدالمسيح يكسر ذلك الحاجز ويتكلم مع المرأة السامرية حتى أنها قالت له أنت غير منتبه لما تفعل " كيف تتكلم معى وانت يهودى وأنا إمرأة سامرية "
+ - ربنا يسوع يريد أن يدخل الى النفس لأنه غالى عنده جداً خلاص الإنسان. أحد القديسين يقول ( أنت يا الله ليس عندك خسارة سوى هلاكنا ) ليس لديه خسارة إلا أننا نهلك عنده إستعداد أن يسير من أجلنا ويتعب عنده إستعداد أن يكسر حواجز عنده أستعداد ان يقال عنه فى العرف الإجتماعى أنه لايليق أن يتحدث مع إمرأة .عنده إستعداد أن يوضع فى قائمة الخائنين لأنه يتكلم مع سامرية .عنده إستعداد لكل ذلك..وقد رأيناه فى الصليب كيف أهين وكيف صلب وكيف قُبح فيه جداً .وقبل كل ذلك من أجلنا
بعض الأباء القديسين يربطون السامرية بالصليب بدليل العبارة السرية التى تقول " وكانت نحو الساعة السادسة " أى يوجد إرتباط بين العطش وبين لقاء الله مع النفس.بين لقائه بالنفس فى الساعة السادسة وبين حدوث الخلاص فى هذه اللحظة وهذا هو الصليب فى جوهره
+ أتى ربنا يسوع يتودد الى المرأة السامرية ويحدثها .. يريد ان يقيمها .. يريد أن يخلصها ... وبدأت تتكلم معه بطريقة بها تعالى وتضع حدوديقول لها : اريد أن أشرب . تقول له : كيف تكلمنى وانت يهودى وأنا سامرية .يقول لها : لو تعلمين من الذى يكلمك ؟ تجيبه : من تكون ؟ تصعب الأمور .وعندما قال لها : إذهبى إدعى زوجك .. قالت له : أنا ليس لى زوج ....بدأ يمدحها ألهذه الدرجة ياالله لديك إستعداد أن تطيل أناتك على الإنسان حتى يبدأ يفتح لك قلبه !!لونظرنا لتارخ حياتنا كله نجد انه كله توددات من الله من اجل أن يفتح الإنسان قلبه لنحذر أن يكون الله مازال يتودد لنا كثيراً ونحن مازلنا نضع حواجز كثيرة مثل السامرية ...
عندما يريد الله أن يكلمك فهو يكلمك من أجلك أنت يريد أن يشبعك ..الى متى ستظل فى هذه الحياة تأخذ منها وماذا ستأخذ ؟
+ - قال يسوع للمرأة السامرية : كان لك خمسة أزواج والأن معك واحد ... إذاً كم كان معك ؟ قالت له : ستة أزواج ورقم " 6 " فى الكتاب المقدس يشير الى العدد الناقص . يشيرللزمن . يشير للنقصان . خلقت الخليقة فى ستة أيام .... لكن هناك شئ إسمه " اليوم السابع " أى يوم الراحة .. إشارة للأبدية ....يقول لها أنت عرفت ستة أزواج أنا سأدخل فى حياتك كسابع . السابع يعطيك الكفاية والشبع ويجعلك لاتنظرى خلفك .السابع يجعلك تنسى ماضيك كله ... السابع يكفيك ويشبعك ....
هذا ما يريد الله أن يفعله معنا ... يقول لك أنت إقترنت بالعالم وروح العالم ... هل شبعت ؟ هل إكتفيت ؟ هل سرت نفسك ؟ هل إطمأنت نفسك ؟ ...أبداً
قال يسوع لها " من يشرب من هذا الماء يعطش " هؤلاء الستة يجلبون القلق والحزن هؤلاء الستة يهينوا الكرامة ..لكن السابع يرد الكرامة المفقودة ويرد لها الإطمئنان الذى إفتقدته ويرد لها السلام الذى تشتاق اليه جداً . ربنا يسوع يريد أن يدخل حياتنا ليشبعنا ويغنينا ويفرحنا ... يقول لنا : قل هكذا " من لى فى السماء ومعك لاأريد شيئاً على الأرض " قل له أنت كفايتى وفرحى وسرورى انا لا أريد شئ سواك هذا ما فعله ربنا يسوع مع السامرية .وبدأ قلبها ينفتح له .. وبدأت تتغير
ربنا يسوع لا يريد أن يفتح قلوبنا ويغيرنا فقط لنرجع عن الخطية .. لا.. فهذه مجرد خطوة بسيطة بالنسبة له .. إذاً ماذا يريد اكثر من ذلك ؟ يقول أنا لاأريد أن السامرية فقط تتوب بل أيضاً أحولها الى كارزة ...لا .. ليست التوبة فقط هى غرض الكنيسة بل غرضها أن نتوب ونتحول الى شهود ونتحول الى كارزين ونتحول الى قديسين .وهذا هو جبروت خلاص يمين الله أن يحول الخائف الى شهيد وقاطع الطريق الى رئيس جماعة رهبان
هذا عمل الله .. جعل السامرية تتحول الى كارزة وشاهدة وتنادى للمدينة كلها وتجعل المدينة كلها تذهب وراءه وتقول لهم " تعالوا انظروا إنسان قال لى كل ما فعلت " وقالت له " أرى إنك نبى "وبدأ شخص ربنا يسوع ينكشف لها فى قلبها وعقلها
+ - مجرد أن يستعلن لنا شخص ربنا يسوع داخلنا فى ضمائرنا وعقولنا نسجد له .. وعندما نسجد له نصير مشتاقين جداً أن نبحث عن كل محروم منه .. مشتاقين جداً أن نعتق كل سبايا إبليس .. مشتاقين جداً أن يتغير كل إنسان الى تلك الصورة عينها .. مشتاقين جداً ان يذوقوا ما ذقناه نحن وأن ينالوا ما نلناه نحن وأن يفرحوا بفرحنا لماذا ؟ لأن مذاقة المسيح مذاقة مبهجة للإنسان ... نجد أن ربنا يسوع لايريد فقط أن يتوب الإنسان بل يريد اكثر من ذلك
القديس أوغسطينوس ليس كفاية أن يتوب فقط بل أيضاً يصير أسقف ومعلم ويكتب كتابات تصير تراث فى الكنيسة .. بل ويضع منهج للتوبة لكل إنسان مهما كانت خطاياه ثقيلة ومتنوعة ويعطى للإنسان منهج يعيش به
القديس موسى الأسود ليس كفاية ان يتوب فقط ...المرأة السامرية ليست كفاية فقط أن تتوب .. لا.. بل هناك دعوة للتنعم بولس الرسول (شاول الطرسوسى ) ليس كفاية أن يتوب ويقول سأرفض كل أعمال إضطهاد الكنيسة بل يتحول الى إناء مختار والى كارز والى منادى والى شهيد فى النهاية ..بل وتسميه الكنيسة ( لسان العطر بولس ) الذى كرز وعلم واسس فى الكنيسة المقدسة .ليس كفاية .ليس كفاية أن يكف الإنسان عن الخطايا ..لا.. بل لابد أن يصنع البر
+ - الغنى الذى لنا فى المسيح يسوع نكتشفه اليوم مع السامرية ... تحذير يا أحبائى أن تكون قراءات الكنيسة للعقل وان يكون الصوم مجرد تغيير لأشكال خارجية فى حياتنا .. لا.. لابد أن يتغير الجوهر .. ..لابد أن يسمع أن فى الداخل تغيير .. لابد ان يدخل القلب فرحة كفرحة الفردوس .. لابد أن يتغير الإنسان فى كيانه الداخلى وبهذا يشعر بالفعل أن هناك شئ إسمه صوم ومعه يتغير فى الإتجاه فى القلب وفى العقل وفى الميول وفى إستخدامه للوقت وفى إهتماماته وفى ترتيب أولوياته كم من الوقت تقضيه فى الصلاة ؟كم من الوقت تقضيه مع يسوع ؟هل سمعت صوته ؟هل إستجبت ؟.هل سرت وراءه؟هل أتيت له بأخرين غيرك ؟ هذا ما يريده يسوع
لذلك الكنيسة فى هذه الفترة المقدسة تقدم لمؤمنيها أشهى ما عندها لأنها ترغب فى تقديسهم وخلاصهم
+ - الله ساعى لكل إنسان .. لايترك شخص فى طريق ضلاله أبداً ... هو الذى يبحث عنه ويقول " آدم أين أنت؟؟" آدم أخطأ يا الله ..أتركه .يقول : لا لن أتركه .لو رأينا قايين وهو يفكر فى خطيته وهى قتله لأخيه . نجد الله يتودد اليه ويقول له " هناك خطية رابضة عند الباب واليك إشتياقها. لكن إن أحسنت أفلا رفع " إنتبه يا قايين لئلا تجعل تيار الشر يغلبك وفى نهاية الأمر سيكون ضدك ..الله ينذره ويتودد له ..
الذى تودد للمرأة السامرية يا أحبائى يتودد لنا .يقول لك : أعطنى لأشرب ... أنا عطشان ..أنا عطشان لخلاص نفسك . أنا عطشان لقلبك وذهنك وإهتماماتك وتقديسك . أنا عطشان لمحبتك .تعال إلىّ وإفتح قلبك تعال وإشبع بالخلاص الذى ينتظرك لأن كل ما فعله يسوع فعله لنا وليس للمرأة السامرية وإنتهى لا...
الكنيسة لنا اليوم فصل السامرية ... وكل واحد منا يقول لله : أنا اليوم سامريتك يا رب .... انا السامرية التى تعبت من أجلها وأنت الذى أنفقت ذاتك من أجلها أنا سامريتك ولن أتركك إن لم أشرب من يدك لن أتركك إن لم أسمع صوتك .ولن أتركك إن لم أقل لك أتبعك أينما تمضى
الله يعطينا فى هذه الفترة المقدسة أن تكون فترة تقديس وتكريس و توبة وخدمة لكيما ندرك كنوز الله التى يريد أن يعطيها لنا فنسلك فيها بكل حب وكل أمانة فيعطينا أكثر فأكثر الى أن نحصل على مجد الحياة الأبدية
ربنا يكمل نقائصنا ويسند كل ضعف فينا بنعمته له المجد دائماً أبدياً آمين
من لاوى الى متى
إِنْجِيل هذَا الصَّبَاح المُبَارَك فَصْل مِنْ إِنْجِيل مَارِلُوقَا البَشِير يِتْكَلِّمْ عَنْ دَعْوِة لاَوِي اللِّي هُوَ صَارَ مَتَّى البَشِير .. { وَبَعْدَ هذَا خَرَجَ فَنَظَرَ عَشَّاراً اسْمُهُ لاَوِي جَالِساً عِنْدَ مَكَانِ الْجِبَايَةِ . فَقَالَ لَهُ اتْبَعْنِي . فَتَرَكَ كُلَّ شَيْءٍ وَقَامَ وَتَبِعَهُ . وَصَنَعَ لَهُ لاَوِي ضِيَافَةً كَبِيرَةً فِي بَيْتِهِ . وَالَّذِينَ كَانُوا مُتَّكِئِينَ مَعَهُمْ كَانُوا جَمْعاً كَثِيراً مِنْ عَشَّارِينَ وَآخَرِينَ . فَتَذَمَّرَ كَتَبَتَهُمُْ وَالْفِرِّيسِيُّونَ عَلَى تَلاَمِيذِهِ قَائِلِينَ لِمَاذَا تَأْكُلُونَ وَتَشْرَبُونَ مَعَْ عَشَّارِينَ وَخُطَاةٍ . فَأَجَابَ يَسُوعُ وَقَالَ لَهُمْ لاَ يَحْتَاجُ الأَصِحَّاءُ إِلَى طَبِيبٍ بَلِ الْمَرْضَى . لَمْ آتِ لأَِدْعُوَ أَبْرَاراً بَلْ خُطَاةً إِلَى التَّوْبَةِ } ( لو 5 : 27 – 32 ) .. خَرَجَ يَسُوع وَهُوَ عَارِفْ قَلْب كُلَّ وَاحِدٌ .. يِعْرَفْ الإِشْتِيَاقَات وَالإِسْتِعْدَادَات وَالضَّعَفَات .. رَايِحٌ مَكَان مَحَدِش يِحِبْ يِمُر مِنْ عَنْدُه .. رَايِحٌ مَكَان الجِبَايَة وَدَه مَكَان خَاص بِالعَشَّارِين .. العَشَّارِين هُمَّ جَمَاعَة مَنْبُوذِينْ مِنْ اليَهُود لأِنْ هُمَّ نَاس جَنِّدُوهُمْ الرُّومَان عَشَان يَخْدُوا الضَرَائِبْ .. الجَمَاعَة الرُّومَان لَمَّا حَبُّوا يِتْعَامْلُوا مَعَ جَمَاعِة اليَهُود فِي المُعَامَلاَت المَّادِيَّة لاَقُوا الجَمَاعَة اليَهُود مُتْعِبِين مَادِّياً وَلاَقُوا إِنْ الأمر دَه بِيْزِيدْ العَدَاوَة بِينْهُمْ وَبِينْ اليَهُود فَفَكَّرُوا فِي فِكْرَة إِنُّهُمْ أفْضَلٌ مِنْ إِنْ هُمَّ يِلِمُّوا الضَرَائِب بِنَفْسُهُمْ قَالُوا إِحْنَا نِخَلِّي نَاس مِنْهُمْ هُمَّ اللِّي يِلِمُّوا الضَرَائِب وَبَدَلْ مَا إِحْنَا نُحُطْ قَوَاعِدٌ لِهذَا الأمر هَنُطْلُبْ مِنْ اللِّي يِلِمْ الضَرَائِب دِي أرْقَام مُعَيَّنَة وَهُمَّ يِجِيبُوهَا بِمِعْرِفِتْهُمْ وَلَوْ حَصَّلُوا زِيَادَة عَنْ المَطْلُوب يَاخْدُوا هُمَّ الفَرْقٌ لِصَالِحْهُمْ مِش مُهِمْ .. فَعَمَلُوا لِكُلَّ فِئَة مِنْ الشَّعْب شَخْص مُعَيَّنْ يِدْفَعُوا لُه الضَرِيبَة وَبِذلِك أصْبَحٌ اليَهُود بِيِدْفَعُوا لِجَمَاعِة يَهُود زَيُّهُمْ .
فَاليَهُود يَنْظُرُوا عَلَى النَّاس اللِّي إِتْعَامْلُوا مَعَ الرُّومَان عَلَى إِنُّهُمْ خَوَنَة وَإِنْ هُمَّ بِيْثَبِّتُوا الإِحْتِلاَل الرُّومَانِي وَالإِسْتِعْمَار فِي البَلَدٌ وَإِنُّه عَمِيلْ لُهُمْ وَإِنُّه مُمْكِنْ يِغِش أهْلُه عَلَشَان يِرْضِي الرُّومَان وَإِنُّه عَشَان يِجْمَعْ فِلُوس مُمْكِنْ يِبِيعْ أهْلُه أوْ حَتَّى يِبِيعْ بَلَدُه – دَه العَشَّار – عَشَانْ كِدَه مُرْتَبِطَة كَلِمَة العَشَّار بِالخَطِيَّة يِقُولَّك العَشَّارِين وَالخُطَاة ( مت 9 : 11) .. لِيه ؟ لأِنْ شَخْص العَشَّار مَرْفُوض مِنْ المُجْتَمَعْ وَمِنْ كُلَّ النَّاس حَتَّى مِنْ أقْرِبَاؤه وَمِنْ أهْلُه .. يَسُوع عَدَّى عَلَى مَكَان الجِبَايَة وَالمَكَان دَه فِيه نَاس كِتِير عَشَّارِين قَاعْدِينْ فِيه وَجُمُوع كِتِير عَمَّالَه تِدْفَعْ فُلُوس وَنَاس عَمَّالَه تِغْضَبْ وَتِشْتِمْ وَتِهِينْ وَمَكَانْ فِيه ظُلْم وَرَشْوَه وَنِفَاقٌ وَرِيَاء وَحُبْ لِلعَالَمْ وَالمَال هُوَ دَه مَكَانْ الجِبَايَة .. مَاكُنَّاش نَتَوَقَعْ إِنْ شَخْص رَبِّنَا يَسُوع يِرُوح يِخْتَار وَاحِدٌ عَشَانْ يُبْقَى مِنْ تَلاَمِيذُه .. عَشَانْ يُبْقَى مِنْ النَّاس اللِّي هَتِكْتِبْ سِيرِة رَبِّنَا يَسُوع الْمَسِيح وَتُدَوِنْ لَنَا أعْمَالُه .. وَلكِنْ رَبِّنَا يَسُوع الْمَسِيح ذَهَبْ إِلَى مَكَانْ الجِبَايَة .
يِقُول كِدَه { فَنَظَرَ عَشَّاراً اسْمُهُ لاَوِي } .. نَظْرِة رَبِّنَا يَسُوع الْمَسِيح تِخْتِلِفْ عَنْ أي نَظْرَة أُخْرَى .. نَظْرَة فَاحِصَة وَتَخْتَرِقٌ عَقْل وَقَلْب الإِنْسَان بَلْ كَيَانُه كُلُّه .. نَظَرَ يَسُوع إِلَى وَاحِدٌ عَشَّار لاَوِي .. هُوَ عَارِفْ الإِسْتِعْدَاد .. هُوَ عَارِفْ مَا بِدَاخِلْ أعْمَاق الإِنْسَان .. نَظَر إِلِيه شَايْفُه قَاعِدْ فِي وَضْع صَعْب .. وَضْع كُلُّه مَال .. كُلُّه ظُلْم وَغِش وَرِيَاء وَنِفَاقٌ .. لُه كَذَا مِعْيَارٌ مَعَ كَذَا إِنْسَان .. طُول مَا هُوَ قَاعِدْ بِيِشْتِمْ وَيِحْلِفْ وَيِجْمَعْ مَال وَكُلَّ مَا جِمِعْ مَال أكْتَر كُلَّ مَا حُبُّه لِلمَال زَادْ أكْتَر .. وَالعَجِيبْ فِي هذَا الأمر إِنْ العَشَّار إِسْمُه لاَوِي أي مَعْنَاه مُخَصَّص أوْ مُكَرَّس لله .. وَلَمَّا نِقُول عَشَّار إِسْمُه لاَوِي يَعْنِي مَعْنَاه تَنَاقُض عَجِيبْ .. عَشَّار يَعْنِي إِنْسَان ظَالِمْ .. يَعْنِي إِنْسَان مُحِبْ لِلمَال وَالعَالَمْ وَمُخَصَّص لِلعَالَمْ فِي حِينْ إِنْ إِسْمُه لاَوِي أي مُكَرَّس وَمُخَصَّص لله .. وَدَه أمر عَجِيبْ يُبْقَى الإِنْسَان إِسْمُه مِسِيحِي لكِنْ تَصَرُّفَاتُه تَحْمِلْ عَكْس كِدَه تَمَاماً .. إِسْمُه لاَوِي لكِنْ رَبِّنَا يَسُوع الْمَسِيح شَايِفْ أعْمَاق هذَا اللاَّوِي وَنَظَر إِلِيه .
لَمَّا رَبِّنَا يَسُوع جِه إِخْتَارُه لاَقِينَا النَّاس بِتِتْذَمَّر .. هُوَ إِنْتَ بِتْكَلِّمْ وَاحِدٌ زَي دَه ؟!! يِقُولَّك أنَا مِش بَسْ بَكَلِّمُه أنَا كَمَانْ بَدْعُوه تِلْمِيذِي .. دَه إِنْتَ لَمَّا تِكَلِّمُه تِعْتِبِر عَنْدِنَا مُخَالْفَة لأِنْ إِحْنَا نَابْذِينْ النَّاس اللِّي زَي دُول .. قَالَ لَهُمْ يَسُوع { لَمْ آتِ لأَِدْعُوَ أَبْرَاراً بَلْ خُطَاةً إِلَى التَّوْبَةِ } .. { لاَ يَحْتَاجُ الأَصِحَّاءُ إِلَى طَبِيبٍ بَلِ الْمَرْضَى } .. إِيه نَظْرِتَك يَارَبِّي فِيه ؟ قَالْ أنَا مِشْ مُهِمْ عَنْدِي اللِّي بَرَّه أنَا يِهِمِّنِي اللِّي جُوَّه .. عَايِزْ أجِيبْ الإِنْسَان مِنْ وَحْل الأعْمَاق بِتَاعْتُه بِتَاعِتْ الخَطَايَا بِتَاعْتُه .. أنَا مَفِيش خَطِيَّة تِقْوَى عَلَى مَرَاحْمِي .. وَمَفِيش إِنْسَان يِقْدَر يِقُول أنَا مَنْبُوذٌ أوْ مَرْفُوض حَتَّى لَوْ كَانْ مَنْبُوذٌ وِسْطٌ أهْلُه .. حَتَّى لَوْ رَفَضُه أحِبَّائُه .
وَاحِدٌ مِنْ الأبَاء بِيْقُول إِنْ كَانْ فِي وَاحْدَةٌ أُم كَانِتْ قَاعْدَة مَعَاه بِتِشْتِكِي لُه مِنْ بِنْتَهَا لأِنْ هِيَّ عَمَلِتْ خَطِيَّة صَعْبَة جِدّاً .. فَالأُم بِتْقُول لأِبُونَا أنَا نِفْسِي مَاشُفْهَاش تَانِي .. نِفْسِي مَاتُبْقَاش بِنْتِي .. فَأبُونَا وَهُوَ قَاعِدٌ بِيْقُول فِي بَالُه " يَا سَلاَمٌ عَلِيك يَارَبِّي قَبُولَك وَاحْتِضَانَك وَحَنَانَك لِينَا دَه يَفُوق حُبْ الأبَاء وَالأُمَهَات " – حَنَانْ فَائِقٌ – رَبِّنَا يَسُوع الْمَسِيح رَايِحٌ لِهذَا العَشَّار عَشَانْ هُوَ الإِنْسَان اللِّي قَاعِدٌ عَنْد مَكَان الجِبَايَة .. اللِّي مَغْرُوس فِي الخَطَايَا وَالإِنْسَان اللِّي حَابِبْ الإِنْشِغَال بِأُمور العَالَمْ رَايِحٌ لِحَدٌ عَنْدُه وَنَاظِر إِلِيه وَيَدْعُوه .. جَمِيلٌ لَمَّا يِقُول إِنْ رَبِّنَا يَسُوع نَظَر إِلَى الشَّاب الغَنِي وَأحَبُّه ( مر 10 : 21 ) .. نَظْرَة تَجْعَلَهُمْ تَلاَمِيذ بَلْ وَشُهَدَاء بَلْ وَكَارِزِينْ .
عَشَانْ كِدَه إِحْنَا طُول مَا احْنَا فِي هذَا الزَّمَان نِتْمَتَعْ بِهذِهِ الحَيَاة وَالنَّظْرَة الحَانِيَة .. يِقُولَّك فِي مَجِيئُه فِي اليُوْم الأخِير إِنْ نَظْرِتُه هَتِخْتِلِفْ قَالْ عَنْهَا يُوحَنَّا الرَّائِي { عَيْنَاهُ كَلَهِيبِ نَارٍ } ( رؤ 1 : 14) .. هُنَا يَنْظُر إِلَيْنَا بِكُلَّ عَطْف وَرِقَّة وَحَنَان يَدْعُونَا وَيَجْذِبْنَا أمَّا فِي الزَّمَنْ الأخِير فَسَتَكُون عِينُه نَار لاَ نَحْتَمِلْ الوُقُوف أمَامَهَا أوْ النَّظَر إِلِيهَا .. سَتَكُون دَيْنُونَة عَظِيمَة .. سَتَكُون دَيْنُونَة لِكُلَّ إِنْسَان رَفَضْ نَظْرِتُه الحَانِيَة عَلَى الأرْض .. رَفَضْ أنْ يَتَجَاوَبْ مَعَ نَظَرَاتُه الحَانِيَة أوْ أنْ يَسْمَعْ لِصُوتُه أوْ رَفَضْ إِنْ تِكُون نَظْرِة عِتَاب وَجَذْب وَتُوبَة وَخَلاَص وَرَحْمَة .. أصْعَبْ شِئ إِنْ عَدُو الخِير يِقْنِعْنِي إِنْ أنَا لَيْسَ لِيَّ خَلاَص وَمَغْرُوس فِي العَالَمْ وَفِي حُبُّه وَإِنْ أنَا مَالِيش مَكَانْ عِنْدُه وَإِنُّه وَاضِعْ حَائِلْ بِينِي وَبِينْ رَبِّنَا .. مَا أجْمَلٌ أنْ يَكْتَشِفْ الإِنْسَان أنَّ لَهُ مَكَانْ فِي أحْضَانْ الله وَأنْ يَعْرِفْ الإِنْسَان مَدَى كَرَامَتُه فِي عِينْ خَالِقُه وَأنْ يَكُون لَنَا عِشْرَة كُلَّهَا رَجَاء وَكُلَّهَا حُبْ .. هُنَاك مَنْ يُحَارِبْهُمْ بِخَطَايَا .. وَهُنَاك مَنْ يُحَارِبْهُمْ بِأسْبَاب خَطَايَا .. وَهُنَاك مَنْ يُحَارِبْهُمْ بِنَتَائِج خَطَايَا .. عَدُو الخِير يِخَلِّي الإِنْسَان يِعِيش بِضَمِير مُثَقَّلْ وَمَقْطُوع الرَّجَاء وَمُحَمَّلْ بِاليْأس وَفَاقِدْ الأمَلْ وَالرَّجَاء .
يَسُوع رَايِحٌ عَنْد مَكَانْ الجِبَايَة وَلاَوِي جَالِس عَنْد مَكَانْ الجِبَايَة مَشْغُول وَكُلَّ مَا ضَمِيرُه عَايِز يِصْحَى يِقُولُّه إِنْتَ مَفِيش فَايْدَة مِنَّك وَإِنْتَ لَوْ تُبْت حَتَّى قُدَّام النَّاس النَّاس مِش هَتِقْبَلَك وَإِذَا كَانِتْ النَّاس مِش هَتِقْبَلَك يُبْقَى إِزَاي رَبِّنَا هَيِقْبَلَك ؟ نَظَرَ إِلَيْهِ رَبَّنَا يَسُوع الْمَسِيح .. مَا أجْمَلٌ أنْ نَعْرِف مَكَانِتْنَا عِنْدَ الله وَمَا أجْمَلٌ أنْ نَعْرِف أنَّ هذِهِ العِينْ الحَانِيَة هُمَا مِنْ أجْل خَلاَص كُلَّ إِنْسَان وَمِنْ أجْل جَذْب كُلَّ نَفْس تَائِهَة وَتَحْيَا فِي ضَلاَلْ خَطَايَا ثَقِيلَة .. نَظَرَ لَهُ وَقَالَ لَهُ إِتْبَعْنِي ( لو 5 : 27 ) .. شُفْت فِيه إِيه عَشَانْ تِقُولُّه إِتْبَعْنِي ؟ إِيه اللِّي إِنْتَ شَايْفُه ؟ إِنْسَان مُحِبْ لِلعَالَمْ وَالمَال وَالظُلْم وَمَمْلُوء غِش .. قَالْ كُلَّ دَه إِنْتُمْ شَايْفِينُه لكِنْ أنَا شَايِفْ حَاجَة تَانْيَة .. أنَا شَايِفْ جُوَّاه ضَمِير صَالِحٌ وَقَلْب نَقِي وَاسْتِعْدَادَات عَالِيَة جِدّاً لأِكْرَامِي وَمَجْدِي .. وَالعَجِيبْ أنَّهُ لَمْ يُخْزِي رَبِّنَا يَسُوع الْمَسِيح فَتَرَكَ كُلَّ شِئ وَقَامَ وَتَبِعَهُ .
نِفْسِي نِسْتَخْدِم خَيَالْنَا فِي أحْدَاث الكِتَاب المُقَدَّس .. مِنْ أكْتَر الحَاجَات اللِّي عَدُو الخِير بِيِسْتَخْدِمْهَا فِي إِيذَائْنَا الخَيَال وَيُمْكِنْ أنْ نَسْتَخْدِم الخَيَال أيْضاً فِي بُنْيَانَّا .. تَعَالُوا نَتَخَيَّلْ مَنْظَر لاَوِي وَهُوَ عَمَّال يِجْمَعْ فِي فُلُوس وَيِكْذِب وَيِخَبَّأ فِلُوس وَكُوشُوفَات .. تَخَيَّلُوا إِنْ لاَوِي زَي دَه لَمَّا يِسْمَعْ كَلِمَة زَي دِي يِقُولَّك إِيه { فَتَرَكَ كُلَّ شَيْءٍ وَقَامَ وَتَبِعَهُ } .. مَا أجْمَلٌ الإِنْسَان اللِّي تَجَاوَبْ مَعَ نِدَاؤه وَيَكُون كَارِه مَاضِيه وَيَكُون ضَمِيرُه مُثَقَّلْ وَيَكُون رَافِضْ لِكُلَّ ثِقَلْ المَاضِي وَغِير مُسْتَرِيحٌ لأِفْعَالُه وَخَطَايَاه وَفِي الحَال يَقُوم وَيَتْرُك كُلَّ شِئ وَيَتْبَعُه .. فِي دِعْوِتُه لِتَلاَمِيذُه أثْنَاء الصِيدْ يِقُولَّك { فَلِلْوَقْتِ تَرَكَا شِبَاكَهُمَا وَتَبِعَاهُ } .. فِي حِينْ إِنْ إِحْنَا لَمَّا نِشُوف إِنْ دَعْوِتُه لِبُطْرُس كَانْ قَاعِدْ طُول اللِّيل بِيِصْطَادٌ وَلَمْ يَصْطَادُ شَيْءً وَلكِنْ لَمَّا رَبِّنَا طَلَبْ مِنُّه يَدْخُلْ لِلعُمْقٌ فَدَخَلٌ .. يِقُولَّك { مَلأُوا السَّفِينَتَيْنِ حَتَّى أَخَذَتَا فِي الغَرَقِ } ( لو 5 : 5 – 7 ) .. وَلَمَّا شَافْ يَسُوع عَمَلْ مَعَاهُمْ كِدَه تَرَك كُلَّ شِئ وَتَبِعَهُ .
أصْل دَعْوِة رَبِّنَا يَسُوع تِغْنِي الإِنْسَان وَتِكْفِيه وَتشَبَّعُه .. { مَنْ لِي فِي السَّمَاءِ وَمَعَكَ لاَ أُرِيدُ شَيْئاً فِي الأَرْضِ } ( مز 73 : 25 ) .. بَعْد مَا كُنْت بَنْظُر إِلَى الأُمور المَادِيَّة إِنَّهَا أُمور تِفَرَّح قَلْبِي أصْبَحْت أنْظُر إِلَيْهَا إِنَّهَا أُمور أرْغَبْ فِي التَّخَلُص مِنْهَا .. هذَا هُوَ حَالْ الإِنْسَان بَعْد مَا يُبْقَى سَاعِي لِلخَطَايَا وَحَابِبْهَا وَمُتَلَذِّذٌ بِهَا وَمُتَمَسِّك بِهَا يَجِدٌ نَفْسُه قَدْ مَقَتْهَا وَأصْبَحٌ كَارِه لَهَا .. رَبِّنَا بِيِعْمِلْ مَعَانَا كِدَه .. طَبْ لِيه تِسِيب لاَوِي يِوْصَلْ لِلدَرَجَة دِي ؟ عَشَانْ يِجِي .. عَشَانْ خَاطِر يِكْتِشِفْ بِنَفْسُه وَيِعْرَفْ أدْ إِيه إِنْ الحَيَاة دِي لاَ وَلَنْ تُشْبِعُه وَيِعْرَفْ إِنْ طُول مَا هُوَ مُتَمَسِّك بِأُمور مَادِيَّة فَهُوَ مُتَمَسِّك بِأُمور وَهْم وَضَلاَلَة لأِنُّه لَوْ قَعَدْ طُول عُمْرُه يِسْعَى وَرَاء هذَا المَجَال فَسَوْفَ يَزْدَادْ عَطَشُه وَيَزْدَادْ حَالُه سُوء وَيَظِلْ جَوْعَان بَلْ وَفَقِير .
مَا أجْمَلٌ إِسْتِجَابِة الإِنْسَان لِرَبِّنَا يَسُوع وَدَعَوَات لاَوِي المُتَكَرِّرَة .. كَمْ مَرَّة رَبَّنَا يَسُوع يَنْظُر إِلَيْنَا وَنَحْنُ لاَ نَتَجَاوَبْ وَيِقُولِّي إِتْبَعْنِي وَأنَا لاَ أقُوم وَأتْرُك كُلَّ شِئ وَأنَا مُتَمَسِّك بِمَكَانْ الجِبَايَة .. الكِنِيسَة بِتْحَفِّز وِلاَدْهَا بِكُلَّ طَاقِتْهَا الرُّوحِيَّة اللِّي هِيَّ جَايَّة مِنْ رُوحٌ الله اللِّي هُوَ الرُّوح القُدُس اللِّي يُقَدِّس وَيُنَقِّي .. رُوحٌ رَبِّنَا إِسْتَوْدَعُه فِي الكِنِيسَة عَشَانْ يِنْقِلْ لِينَا كُلَّ ذَخَائِر الآب وَعَطَايَا الإِبْن وَكُنُوز الثَّالُوث القُدُّوس مِنْ الرُّوح القُدُس .. رُوحُه القُدُّوس هُوَ اللِّي بِيقُولِنَا تَعَالُوا إِتْبَعُونِي .. إِتْبَعُوا الإِبْن الحَبِيب الَّذِي سُرَّ بِهِ الآب .. إِتْبَعُوا اللِّي عَنْدُه الغِنَى وَعَنْدُه المِيرَاث الأبَدِي الَّذِي لاَ يَفْنَى وَلاَ يَضْمَحِلٌ وَعَنْدُه البِّر وَالحَقٌ وَالأمَانْ .
خُسَارَة تِقَضُّوا عُمْرُكُمْ عَنْد مَكَانْ الجِبَايَة وَفِي الغِش وَالرِّيَاء وَالخِدَاع وَحُبْ المَال وَالعَالَمْ .. قُوم وَلَمَّا تِقُوم هَيْقَطَّعْ عَنْكَ كُلَّ رِبَاطَات الخَطِيَّة لأِنَّ كَلِمَتَهُ مُقْتَدِرَة وَفِيهَا حَيَاة وَفِيهَا قُوَّة الفِعْل .. رَبِّنَا يَسُوع لَمْ يَأمُرْنَا أمر وَلَمْ يُعْطِي وَصِيَّة إِلاَّ وَمَعَهَا طَاقِة تَنْفِيذ لأِنْ مُمْكِنْ نِقُول إِنْ هِيَّ تِفُوق طَاقِة البَشَر لكِنْ هُنَا لاَوِي جَمَعْ نَفْسُه وَتَجَاوَبْ وَلِلوَقْت تَرَكَ كُلَّ شِئ وَتَبِعَهُ .. لَمَّا رَبِّنَا يَسُوع الْمَسِيح كُلَّ يُوم يِوَبَخْنَا عَلَى خَطِيَّة نَتَجَاوَبْ مَعَ نِدَاؤه .. لاَ أُعَانِدْ لَمَّا يِدْعُونِي إِليه لأِنْفُض عَنِّي غُبَار الخَطِيَّة .. أطْرَح عَنِّي نِيرْهَا وَأقْطَعْ عَنِّي ثِقَلْهَا لِدَرَجِة إِنُّه يِقُولَّك { وَصَنَعَ لَهُ لاَوِي ضِيَافَةً كَبِيرَةً فِي بَيْتِهِ } .
دَعْوِة رَبِّنَا يَسُوع دَعْوَة تِفَرَّحٌ الإِنْسَان فَرَحٌ لاَ مَثِيلَ لَهُ .. لَيْسَ لَهُ تَقْدِير .. فَرْحَة كِبِيرَة خَلِّتْ لاَوِي يِعْمِلْ عَنْدُه وَلِيمَة كَبِيرَة .. عَايِز يِقُول لِيَسُوع إِنْتَ أنْقَذْتِنِي .. أنَا كُنْت حَاسِس إِنْ أنَا عُمْرِي بِيضِيعْ وَإِنْ رَبَاطَات الخَطَايَا عَمَّالَه تِزْدَاد عَلَيَّ .. عَمَّالَه تُخْنُوقْنِي .. مِش حَاسِس بِحَيَاتِي .. أنَا مِنْ لَحْظِة مَا مَشِيتْ مَعَاك حَاسِس إِنْ كُلَّ رَبَاطَاتِي إِتْفَكِّتْ .. أنَا كُنْت عَبْد كُنْت عَايِش فِي الخَطِيَّة .. هُوَ دَه الإِنْسَان اللِّي يِتْجَاوِبْ مَعَ رَبِّنَا وَيُتْرُك كُلَّ شِئ وَيَتْبَعُه .. عَشَانْ كِدَه لَمَّا إِنْسَان يِعِيش مَعَ رَبِّنَا يِلاَقِي نَفْسُه مِنْ جُوَّه فَرِحٌ وَمُتَهَلِّلْ وَمَمْلُوء بِالرَّجَاء وَيَشِعْ حُبْ لِكُلَّ اللِّي حَوَالِيه لأِنْ الخَطِيَّة كَانِتْ كَاتْمَة فِيه كُلَّ اللِّي جُوَّاه .. كُلَّ الإِشْتِيَاقَات اللِّي جُوَّاه كَانِتْ خَانْقَة حَيَاتُه .. كَانِتْ نَازْعَة مِنُّه السَّلاَمٌ وَالفَرَحٌ .. لَمَّا تَخَلَّص مِنْ هذِهِ القُيُودٌ صَنَعَ وَلِيمَة عَظِيمَة .. يِقُولَّك إِنْ نَاس مِنْ العَشَّارِين رَايْحِينْ يِتْفَرَّجُوا عَلَى الوَلِيمَة دِي .. رَايْحِينْ يِتْفَرَّجُوا وَيشُوفُوا لاَوِي دَه عَامِلْ الوَلِيمَة دِي لِيه ؟ وَيَا تَرَى هُوَ عَامِلْهَا عَشَان خَاطِر هُوَ لُه قَصْدٌ مُعَيَّنْ مِنْهَا ؟ هُمَّ بِيْفَكَّرُوا بِالتِّفْكِير المَاضِي .
يِقُولَّك إِنْ تَلاَمِيذ الكَتَبَة وَالفِرِّيسِيِّينْ نَفْسُهُمْ إِتَّذَمَرُوا عَلَى تَلاَمِيذ رَبِّنَا يَسُوع .. لِيه ؟ لأِنْ الوَلِيمَة دِي كَانْ عَامِلْهَا لاَوِي وَلاَوِي عَايِزْ كُلَّ النَّاس اللِّي زَيُّه يِتْبَعُوا الْمَسِيح وَعَاوِزْهُمْ كُلُّهُمْ يِتْلاَمْسُوا مَعَاه .. فَدَعَى العَشَّارِين صِحَابُه .. دَعَاهُمْ لِيه ؟ عَشَان خَاطِر عَايِز قُوِّة التَّغْيِير اللِّي فِيه تِنْضَحٌ عَلِيهُمْ .. لكِنْ لَوْ نَظَرْنَا لِلوَلِيمَة دِي حَا نِلاَقِي حُضُور رَبِّنَا يَسُوع الْمَسِيح فِيهَا يُعْتَبَر تُهْمَة .. لِيه ؟ إِذَا كُنْت إِنْتَ نَظَرْت لِعَشَّار وَاحِدٌ وَمِشِي وَرَاك إِحْنَا إِعْتَبَرْنَاك خَايِنْ .. طَيِّبْ لَمَّا تَجَمَّعْ العَشَّارِين كُلُّهُمْ وَتُقْعُدٌ فِي وَسَطِهِمْ دِي كَارْثَة .. فَوَلِيمَة فِيهَا وَاحِدٌ عَشَّار عَتِيقٌ وَخَبِير وَقُدْوَة لِلعَشَّارِين قَاعِدْ جَايِبْ حَوَالِيه كُلَّ العَشَّارِين صِحَابُه وَنَتَخَيَّل يَسُوع فِي وَسَطِهِمْ نُقُولُّه إِنْتَ قَاعِدْ فِي مَكَان مِش بِتَاعَك .. العَشَّارِين كُلُّهُمْ مَعَ بَعْض .. دَه عَشَّار وَاحِدٌ يِخَلِّي النَّاس تِتْغَيَّر .. طَيِّبْ لَمَّا كُلَّ العَشَّارِين ؟ لَقِينَاهُمْ تَذَمَّرُوا عَلِيه وَمِش قَاعِدْ مَعَاهُمْ وَبَسْ لكِنْ كَمَان فِي وَلِيمَة .. وَلِيمَة مَعْنَاهَا أكْل وَأكْل مَعْنَاهَا رَاضِي عَنْهُمْ وَمِنْ هُنَا صَارَ غَضَبْ الفِرِّيسِيِّينْ وَالكَتَبَة وَشَاعَ هذَا الأمر أنَّهُ مُحِبْ لِلعَشَّارِين وَالخُطَاة وَأنَّهُ مِثْلَهُمْ وَأنَّهُ مُحِبْ لَهُمْ وَطَالَمَا إِنْتَ مُوَافِقٌ عَلَى إِتِجَاهَهُمْ تُبْقَى إِنْتَ شَرِيك لِظُلْمُهُمْ وَإِنِّك وَاحِدٌ مِنْهُمْ .
مَا أعْظَمْ دَعْوِتَك وَجُودَك وَصَلاَحَك وَمَجِيئَك وَقُدُومَك عَلَى الأرْض لِتَدْعِي كُلَّ ظَالِمْ لِيَتَمَتَّعْ بِحَقَّك وَكُلَّ إِنْسَان سَائِر فِي الظُلْمَة لِيُشْرِق عَلِيه نُورُه .. جِه عَشَان يَفْتَقِدْنَا فِي مَكَان جِبَايِتْنَا لِيُنْقِذْنَا .. عَنْدُه إِسْتِعْدَاد إِنُّه يِتْقَال عَلِيه إِنُّه مُحِبْ لِلعَشَّارِينْ وَالخُطَاة لكِنْ المُهِمْ إِنِّنَا نِيجِي .. عَنْدُه إِسْتِعْدَاد إِنُّه يُوَجَه إِلِيه تُهَمْ بِسَبَبْنَا لكِنْ إِحْنَا أيْضاً وِلاَدُه وَقَابِلْ إِنُّه يِتْقَال عَلِيه إِنُّه إِنْسَان أكُول وَشِرِّيبْ خَمْر ( لو 7 : 33 ) .. قِيلَ عَنْهُ هكَذَا عَشَان كِدَه لَمَّا قَالُوا عَنْ يُوحَنَّا المَعْمَدَان إِنُّه إِنْسَان جَامِدْ مِنْ البَرِّيَّة وَصَلْب الإِرَادَة وَمُنْعَزِل قَالُوا عَلِيه إِنُّه إِنْسَان رَافِض النَّاس وَرَافِض إِنُّه يَاكُل وَيِشْرَب مَعَ النَّاس إِنْسَان لاَ يَصْلُحٌ يِكُون نَبِي .. رَبِّنَا يَسُوع الْمَسِيح بِيِكَلِّمْ مَعَ النَّاس وَيَاكُل وَيِشْرَب أيْضاً قَالُوا لاَ يَصْلُحٌ أنْ يَكُون نَبِي .. فَرَاح رَبِّنَا يَسُوع قَالْ لُهُمْ { زَمَّرْنَا لَكُمْ فَلَمْ تَرْقُصُوا نُحْنَا لَكُمْ فَلَمْ تَبْكُوا } ( لو 7 : 32 ) .. إِنْتُمْ مِش عَاجِبْكُمْ حَاجَة لاَ كِدَه وَلاَ كِدَه .. لِيه ؟ لأِنْ إِنْتُمْ أسَاساً مِش عَايْزِينْ تِتُوبُوا لكِنْ إِنْتُمْ عَايْزِينْ تَنْتَقِدُوا وَبَسْ .. عَشَانْ كِدَه نَصِيبْنَا فِي رَبِّنَا كِبِير جِدّاً لكِنْ إِحْنَا لَمْ نَكْتَشِفُه .. دَعْوِة رَبِّنَا يَسُوع لِينَا كُلَّهَا حُبْ .. كُلَّهَا غُفْرَان .. كُلَّهَا تَغْيِير بَسْ أنَا أقُوم مِنْ مَكَانْ جِبَايْتِي وَأفْرَحٌ بِه وَأعْمِلْ لُه وَلِيمَة لأِنَّهُ قَبَلَ أنْ يَكُون مُحِب لِلعَشَّارِين .. يَا لِسَعَادِة الإِنْسَان الخَاطِي فِي رَبِّنَا يَسُوع الْمَسِيح لأِنَّهُ أعْطَى لَهُ الكَرَامَة دِي إِنِّي مُمْكِنْ أدْعُوه وَهُوَ يِجِي .. { لَمْ آتِ لأَِدْعُوَ أَبْرَاراً بَلْ خُطَاةً إِلَى التَّوْبَةِ } .. مَا أجْمَلٌ قُوِّة دَعْوِة رَبِّنَا يَسُوع وَمَا أجْمَلٌ أنْ نَكْتَشِفْ أنَّ هذِهِ الدَّعْوَة اللِّي مَاكَنْش حَدٌ يِتْوَقَّعْ أبَداً إِنْ هذَا الإِنْسَان يَثْبُتْ فِي هذَا التَّغْيِير وَيَصِير كَارِز عَظِيمْ .. اللِّي يِقْرَا إِنْجِيل مَتَّى يِسْأل مَعْقُول الكَلاَم دَه جَاي مِنْ لاَوِي ؟ مَعْقُولَة الكَلاَم دَه جَاي مِنْ إِنْسَان كَانْ مَغْرُوس فِي الخَطَايَا ؟ أدْ إِيه نِعْمِتَك يَارَب مُغَيِّرَة .
إِقْرأ رِسَالِة مُعَلِّمْنَا مَتَّى .. صَاحِبْ الإِنْجِيل المُلُوكِي مَتَّى .. وَلأِنَّهُ لاَوِي يَعْنِي مُنْغَمِس مَعَ اليَهُود عَشَان كِدَه كَتَبْ إِنْجِيلُه لِليَهُود .. أكْتَر إِنْجِيل إِسْتَشْهِدٌ بِآيَات مِنْ العَهْد القَدِيم هُوَ مَتَّى وَأكْتَر إِنْجِيل أبْرَز شَخْص رَبِّنَا يَسُوع كَالمَسِيَّا وَكَمَلِك وَمُخَلِّص هُوَ مَتَّى .. إِقْرأ بِشَارِة مَتَّى تِلاَقِي أكْتَر مِنْ 80 مَرَّة يِقُول يُشْبِه مَلَكُوت السَّموَات وَأكْتَر مِنْ 70 مَرَّة إِسْتَرْشِدٌ وَاسْتَشْهِدٌ بِالعَهْد القَدِيم .. نِعْمِة رَبِّنَا يَسُوع الْمَسِيح مُغَيِّرَة .. إِوْعَى تِثْتَثْقِلْ عَلِيك تُوْبتَك .
رَبِّنَا يَسُوع الْمَسِيح قَادِر إِنُّه يِغَيَّرَك .. نِعْمِتُه مُغَيِّرَة مُقْتَدِرَة .. مِين يِصَدَق إِنْ شَاوِل يُبْقَى بُولِس الرَّسُول .. مِين يِصَدَق إِنْ أُغُسْطِينُوس يُبْقَى الأُسْقُفْ العَظِيمْ صَاحِبْ أحْلَى كِتَابَات إِعْتِرَافَات .. أُغُسْطِينُوس صَاحِبْ أحْلَى إِعْتِرَافَات .. { الْمُقِيمُ الْمِسْكِينَ مِنَ التُّرَابِ . الرَّافِعِ الْبَائِسِ مِنَ الْمَزْبَلَةِ } ( مز 113 : 7 ) .. زَي مَا قَالْ أحَدٌ الأبَاء القِدِّيسِين { الطَّبِيبْ يُمْدَحٌ بِمَرْضَاه } .. كُلَّ مَا المَرِيض مَرَضُه كَانْ ثَقِيل وَالطَّبِيب أعْطَى لُه دَوَاء وَخَفْ يُعْتَبَر كِدَه الطَّبِيب بَقَى أشْطَر .. الفَضْل يِرْجَعْ مِش لِخَطِيِتِي وَلكِنْ لِقُدْرِتُه هُوَ .. { الدَّاعِي الكُلَّ لِلخَلاَص } ( مَا يُقَال فِي طِلْبِة آخِر كُلَّ سَاعَة ) .. مَا أجْمَلٌ النَّفْس الَّتِي تَتَجَاوَبْ مَعَ رَبِّنَا وَلاَ تَقْطَعْ رَجَاءْهَا مِنْ رَحْمِتُه .
قِيلَ عَنْ قِدِيس أنَّهُ كَانَ دَائِمْ السُقُوط لكِنْ كَانَ لَهُ رَجَاء قَوِي وَكَانَ لَهُ صَلاَة جَمِيلَة بِيُصَلِّيهَا وَالشَّيْطَان كَانْ بِيوَقَعُه وَكَانَ يَتَرَجَّى رَبِّنَا وَيِقُولْ لُه .. { أُنْظُر يَارَب إِلَى شِدَّة حَالِي وَانْتَشِلْنِي إِنْ شِئْت أوْ لَمْ أشَأ لأِنَّكَ تَعْلَمْ إِنِّي تُرَاب وَإِلَيْهِ أشْتَاق } .. يِجِي الشِيطَان يِقُولُّه { كَيْفَ وَأنْتَ إِنْسَان دَنِس الشَّفَتِينْ وَاليَدِينْ تَقِفْ أمَام الله ؟ } .. كَانْ يُرُدٌ عَلَى الشِيطَان وَيِقُول { إِنْتَ تِضْرَب بِمِرْزَبَّة وَأنَا أضْرَب بِمِرْزَبَّة وَحَنْشُوف مِينْ يِغْلِبْ إِنْتَ أم مَرَاحِمْ الله ؟ } .. وَالشِيطَان يِجِي وَيِقُولْ لُه { لكِنْ إِنْتَ إِنْسَان طَرِيقَك رَدِئ جِدّاً وَمَاضِيك مَلِئ بِالسُقُوط } .. كَانْ يُقْعُدٌ يِتْرَجَّى رَبِّنَا وَيِقُولْ لُه { إِنْ كُنْت تُقَفْ مَعَ القِدِّيسِين فَمَا الحَاجَة .. وَإِنْ كُنْت تُقَفْ مَعَ الأبْرَار وَالأطْهَار فَهذَا لَيْسَ بِجَدِيد وَلكِنْ إِظْهِر مَجْدَك فِيَّ أنَا المُحْتَاجٌ لِعَمَل نِعْمِتَك } .. أنَا السَّاقِطْ الجَالِس فِي مَكَان الجِبَايَة .. أنَا مُحْتَاجٌ .. أنَا الخَاطِي .. يِقُول فِي نِهَايِة القِصَّة { فَزُجَّ شَيْطَان اليَأس مِنْ حُسْن رَجَاؤه وَقَالَ لَهُ لاَ أعُودٌ أُهَاجِمَك بَعْدَ اليَوْم لأِنَّ بِسُقُوطَك وَقِيَامَتَك تَأخُذْ أكَالِيل أكْثَر } .
الله يُعْطِينَا أنْ نَتَجَاوَب مَعَ نَظَرَاتُه وَمَعَ صَوْتُه وَنَقُوم وَنَتْبَعُه غِير نَاظِرِينْ لأِمُور المَاضِي
وَلاَ أي شَهْوَة أوْ أي إِرْتِبَاط بِالعَالَمْ لأِنَّهُ قَادِرٌ أنْ يُغْنِينَا وَيُشْبِعْنَا وَيَكْفِينَا وَأنْ يَجْعَلْ مِنْ قُلُوبْنَا سَمَاء لَهُ
رَبِّنَا يِكَمِّلْ نَقَائِصْنَا وَيِسْنِدْ كُلَّ ضَعْف فِينَا بِنِعْمِتُه وَلإِلَهْنَا المَجْد دَائِماً أبَدِيّاً آمِين
تسبحة زكريا الأحد الرابع من شهر كيهك
بسم الاب والابن والروح القدس اله واحد امين . فلتحل علينا نعمته ورحمته بركتة الان وكل اوان والى دهر الدهور كلها أمين..
الاحد الرابع من شهر كيهك المبارك... اقترب موعد ظهور المخلص...
ومزمور اليوم يقول...يا جالس على الشاروبيم اظهر.. انت المختفي المحتجب انت الذى التغمات السماءيه تقف حولك.. انت الجالس على الشاروبيم المبتعد عنا بعيدا.. بنقول لك اظهر... تعالى وحل بيننا واسكن في وسطنا لخلاصنا يا اللة ارددنا ولينر وجهك علينا فنخلص..الكنيسة بتعلن اشتياقها لقدوم المخلص ... انجيل النهارده.. انجيل ميلاد يوحنا المعمدان ابن زكريا النبي والكاهن..كلنا نعلم أن يوحنا هو السابق ...السابق هيجي قبل السيد المسيح ...مادام جاء يوحنا يبقى المسيحي اقترب جدا..عشان كدة حكمت الكنيسة النهاردة انجيل يوحنا...الاسبوع القادم ميلاد السيد المسيح... عندنا تمت زمان..اليصابات لتلد. ابنا.. سمع جيرانها واقربائها ان الرب قد عظم رحمته لها..ففرحوا معها..طبعا اليصابات امراه عاقر ..ولدت ولد ابن في شيخوخه فكان حدث مفرح جدا..ورأوا رجاءها فى قدوم المخلص بيزيد.... اليوم الثامن عاده اليهود انهم
يختنوا الطفل وفي اليوم الثامن وهما بيختنوا يسموه... الطفل ما يتسماش الا مع الختان بتاعه... عندما جاءوا ليختنوا والصبي فسموه بأسم ابيه زكريا... كان عاده اليهود لو الشخص تاخر كثير في الانجاب.. ويشعروا ان هو اواخر ايامه يسموا ابنه على اسمه.. على اساس اسمه يخلد فقالوا دي ما فيهاش كلام... شئ عجيب المفروض اللى يسمى الشخص ابوه او امه..لكن لان دة امر مفروغ منة قالوا يسموا الولد باسم زكريا .... فاجابت امة وقالت لا بل يدعى يوحنا... اسم يوحنا معناه الله حنان... حنان الرب اقترب من الانسان جدا.. يوحنا... ويوحنا كان المبشر بالمخلص السابق اللي هيعد الطريق...فاللة حنان معناه ان الله تحنن واشرق من العلا واعطي نصيب وحقق الوعود ...فقالت يسمى يوحنا ...فقالوا لها دة اسم غريب عنك. لا يوجد أحد من عشيرتك اسمة يوحنا؟!!لانة كانوا لا يعلمون انها تتكلم بالروح..مش عارفين أنها بتحقق مواعيد ومقاصد الهيه.. الانسان احبائي لما بيكون مطيع في يد الروح بيكون أداء بيكون محقق لمقاصد الله.. وده اللي احنا عاوزين نتكلم عنة شوية...كيف أن الانسان يحقق مقاصد اللة... ازاي الانسان يبقى جزء في رحله الخلاص ازاي انا وانت
يبقى لينا دور في التبشير بالمخلص.. ازاي انا وانت نكون أمناء للروح القدس... يبقى كل واحد فينا يبقى سابق.. كل واحد فينا منادى...اليصابات بالروح قالت اسمة يوحنا ..قالوا لها ليس احد في عشيرتك يدعى بهذا الاسم... ثم اشاروا الى اابية ...لماذا تريد ان تسمى الطفل؟ وكان لسه زكريا ما بيتكلمش .. فطلب لوحه وكتب اسمة يوحنا ..فتعجبوا ....لأنها رغبة الاثنين فى هذا الاسم ...وفتح فمة و لسانه وتكلم مبارك الله..اتكلم امتى؟ ما تكلمش اول لما الولد اتولد..لا.... اتكلم عندما اتوا الية بلوح وسمى الولد ...كان المفروض يتكلم اول ما الولد اتولد... تكلم بعد ما سمى الولد...ده معناه.. عندما الانسان يحقق قصد ربنا ينفتح لسانه... معناه ان الانسان لما يكون خاضع وامين...و يفعل ما لا يريد بل مايريد اللة منة.. هنا فقط تنفك عقده اللسان ...الاباء القديسين يقول لك حينما يرفع القلب بحراره الروح تنفك عقدة اللسان..كام واحد فينا يقف يصلى ويحس انه ما عندوش ولا كلمه يقولها.....كام مره واحد فينا يقف يصلي ويحس اكنه بلا عقل.. واكنة ما عندهوش ولا موضوع... تعالى كدة طاوع الروح شويه وقف شوية.. تعالى .اخضع.. اعمل كام سجدة...ابتدى صلى الصلاه الربانيه بحراره بقلب.. هتلاقي لسانك انفكت
العقده بتاعتة... عشان كده يقول لك لما تعرف ان انت ابتديت تصلي بالروح معناها ان انت بتزيد صلاتك صلاة.....امتى تعرف ان انت بتصلى بالروح؟؟لما تحب ان انت تزيدها صلاة...
اول حاجه تكلم بها زكريا اية؟؟اية المتوقع من شخص لسانة اتفك...وبدا يتكلم؟المتوقع اول حاجه يقولها اشكرك يا رب ان انا ابتديت اتكلم.....ابدا لم يفعل هذا....لكنة بدأ يبارك الله...
الانسان احبائي لما يكون قلبه مشغول بربنا يبقى اهم حاجه عنده ازاي يتكلم عن ربنا.. مبارك اللة....تكلم مباركا اللة.... اية الكلام اللى ممكن يكون جوايا مش عارف اقوله...لازم يكون كلام بركه... لما ربنا يعمل معايا حاجه لابد ان اباركة.. اتحدث عن قوته وقدرتة وعظمته اتحدث عن اقتدارة...وابارك اللة.... ووقع خوف على جميع جيرانهم الخوف جاي منين؟ ان ربنا اقتربت من الانسان جدا.. اليصابات العاقر أصبحت حامل.. حاجه تثبت قدره ربنا...وتجعل الانسان قلبة يتحرك...يوجد اللاة عظيم.... والصبى اتولد وذكريا طول الفتره دي ما بيتكلمش ابتدا يتكلم فرأوا معجزات قدامهم... هي تقول يوحنا وهو يقول يوحنا.. فالناس خافت..وقع خوف على جميع جيرانهم ..وتحدثت
بهذه الامور جميعها كل الناس تكلمت بهذه الامور في جبال اليهوديه لدرجه ان جميع السامعين اللي سمعوا ده حفظوا وبدأوا يتحدث بعضهم مع بعض....واللى كان شاغل عقلهم جدا ولا ذكريا ولا اليصايات....لكن الولد اللي كل ده بيحصل عشانه مين الولد اللي كانت العاقر جابتة ...مين الولد اللي سميا يوحنا... مين الولد اللي ابوه اول ما نطق اسمه وكتبه ابتدا ينطق ويتكلم.... فقالوا...اترا ماذا يكون هذا الصبى... ربنا عاوز يعمل تركيز كبير قوي من يوحنا فى اول لحظه يتولد فيها....لانة يريد كل الانظار تتجه الى يوحنا لكلامة واقوالة.... عشان لما يجي يتكلم الناس تسمع انسان يقولوا علية انة انسان اللة....انة جاء بمعجزات دة كل حياتة معجزات... لما يقول للناس توبوا لما يقول للناس صوت صارخ في البريه اعدوا طريق الرب .اصنعوا سبل مستقيمه..... لما يتكلم مع الناس يكونوا مصغيين لة ... لانه مش عادى.. دة طفل كله معجزات... فكان ربنا بيهيئ القلوب.. ليوحنا بيعدلوا...كأنة بيقول له زي ما انت بتتعدلى انا كمان هعدلك...اترى ماذا يكون هذا الصبى..الذى كان الرب معة.... جميل احبائى ان الانسان يشعر ان هو جزء من تدبير ربنا من صوت ربنا اللي بيبلغ بواسطتة برساله ..اليصابات كانت
كدة ..زكريا كان كده ...يوحنا كان كده ...المفروض أن انا وانت لازم نكون كده نكون كل واحد فينا صادق للمخلص.. اجعل .الناس تشوف فيك ايد ربنا.. خلى الناس تشوف فيك عظائم...خلي الناس تشوف فيك عمل الله واضح في حياتك ..خلى الناس تنتفع من كل احداث حياتك..وأنك بتبارك الله..ان حياتك دى هى خادمة للخلاص...ولسانك يتكلم بعجائب...
هنا يتكلم زكريا من الروح القدس وتنباء قائلا.. مبارك الرب اله اسرائيل الذي افتقد وصنع خلاصا لشعبة...خد بالك هو ما بيتكلمش على نفسه خالص.. علامه ان الانسان ابتدي روح ربنا يشملوا..حكايه ان يكون متركز حوالين نفسه دى بينساها...بدا يتكلم.. مبارك الرب اله اسرائيل الذي افتقد وصنع خلاص لشعبة.. مش مجرد انة افتقدنى انا ووهبلى طفل .. لا...دة الموضوع اكبر من كده بكثير صنع خلاصا لشعبة اقام لنا قرن خلاصا في بيت داود فتاة... مش بيتكلم عن يوحنا ابتدي الروح يكشفلة ماهو اعظم من يوحنا الكلام اللي بيتقال ده عن مين؟ عن ربنا يسوع الذى صنع خلاصا لشعبة.... اقام لنا قرن خلاص من بيت داود فتاه..ده عن المسيح.. القرن يبقى رمز للقوه...بمعنى انة أقام لنا قوة خلاص من بيت داوود فتاة... كما تكلم على افواه
انبياءة القديسين منذ الظهر...ابتدي يفتح صفحات قلبة ..ويجيب من كنوز نبوات العهد القديم ..وبدا يحقق نبواته....زى ما تكلم من افواة أنبياءة القديسين منذ الظهر خلاصا من اعبائنا ومن يد جميع مبغضينا ليصنع رحمه مع آبائنا ...ويذكر عهده المقدس...زكريا بيجيب الكلام ده منين ؟تفتح قلبى تلاقي الكلام ده تفتح عقلى تلاقى الكلام ده... انا مشغول بالكلام ده جدا... كلمة ربنا جوايا محتويانى...شملانى... ورفعانى..انا فيها الهج نهارا وليلا....عهدة المقدس فم انبياءة.. جميل الانسان احبائي اللى كلمه ربنا تبقى شغلاة..كلمة ربنا هي اللي مستخبية جواة....شوفنا الكلام ده في الست العذراء..ونشوف دلوقتي الكلام دة فى زكريا ...احيانا الانسان ماتعرفش تفهموا كويس الا لما يتكلم ...الست العذراء كلامها كان قليل قوي.. لكن لما تتكلم قالت ايه...تسبحة عجيبة ... الكلام ده كله جواك انتى يا بنت يا غلبان يا صغيره؟ الناس كلها شايفاكى صغيره وفقيره.. لكن لا لا لا انا ممكن اكون كده بحسب الظاهر لكن افتح قلبى تلاقي فيه كلمه ربنا متسطره محفوظه مشغول بها جدا ..زكريا اتكلم عن القسم الذي حلف لابائنا . ابراهيم ان يعطيه الخلاص من ايدى اعدائنا لنعبده بطهاره وحق قدامه جميع
ايامنا....بيتكلم عن الخلاص و بيتكلم عن مبارك الرب الذي اقام لنا قرن خلاص بيت داود. فتاه.. بيتكلم عن مخلص بقوه واقتدار وعظمه..الانسان اللي مشغول ببشرى الخلاص وكلمه ربنا تلاقى عمل ربنا جوه واضح وتلاقي كلمه ربنا جواة شغوفة انها تعلن عن المخلص دة... افتح قلبك وعقلك شوف كلمة ربنا فى ؟؟ مشغول بية قد ايه ؟في مثل بيقول لك تكلم لكى اراك... تتكلم عشان اخذ بالي منك كويس . شايفك بعيني لكنى مش عارف افهمك..تكلم لكى أراك... زكريا تكلم شفت كويس زكريا ده...زكريا الجزء في خطه الخلاص..الخادم للخلاص... اللذى ييحقق المواعيد ..اللى بيتكلم بكلمة ربنا ويهيى القلوب للمخلص ... احبائى إحنا دلوقتى بنعد نفسنا لاستقبال,ابهى وأجمل اعياد ابكنيسه ..لان التجسد الإلهى هو بدا كل البركات . لولا التجسد ماكان العماد..ولولا التجسد ماكان الختان...ولولا التجسد ماكان الصليب والفداء ...ولولا التجسد ماكان القيامة والصعود لولا التجسد ماكان لنا الاشتراك فى بركات المخلص...دى بداية البركات... انت النهارده اعدادك لهذا الحدث العظيم الجليل على اي مستوى ..بشرتك بالخلاص و المخلص اللى جواك قد اقترب المخلص
جدا..ماهى مشاعرك و ذهنك في ايه ؟؟مشغول بالمخلص اللي جاي ؟ قلبك في تحقيق نبوات؟قلبك فى كلام شغوف بعمل ربنا المخلص اللي جاي؟؟ مشتاق له...رتبت نفسك لية؟ مشغول به؟ احبائي احيانا بتتحول عندنا الاعياد الى مناسبات لنا وليس للمسيح ..احيانا تتحول الاعياد بالنسبه لنا مظاهر دون جوهر.... شوف زكريا فرحان بأية؟ فرحان انة جاب طفل؟ ابدا... في حاجة تانية مفرحاة اكثر من كده بكثير هو مش محصور في نفسه..هو محصور في ان دة جاء سابق للمخلص...انة جاء يتكلم بكلام يهيئ الطريق للمخلص.... انت ايها الصبي نبى العلى تدعى انت الطفل الصغير محدش عارف خالص قصتك انا عارفها انت مين. انت تتقدم سائرا امام وجه الرب الطفل الصغير ده زكريا ادرك ارسلتة.. انت تتقدم امام وجه الرب لتعد طرقه وتعطى علم الخلاص لشعبة ومغفرة خطاياهم.... الانسان احبائى ..الذي يكون اذنة قلبه في وعي روحي..يدرك ويفهم الأحداث التى تمر بة ده اقتراب المخلص من الانسان ... يا جالس على الشاروبيم اظهر من السماء تعال رد لينا البهجه المفقوده عشان ترجعنا مره ثانيه للفردوس الذى طردنا منة.. تعال عشان تبارك طبيعتنا التى فسدت.. تعال عشان ترجع لنا
الحياه والخلود بعد حكم الموت....زكريا فاهم بيحتفل بايه... مش مجرد ختان الطفل ولا حدث يمسوا هو كشخص... لما تكلم تكلم عن خلاص لاسرائيل ولما تكلم عن الطفل اللي هو المفروض ابنن فرحان به ...قالة انت ليك رساله غيري انا مش مجرد ان انا جبت طفلين انت نبى العلى تدعى... انت تتقدم سائرا امام وجه الرب لتعد طرقه وتعطى علم الخلاص لشعبة... انت رسالتك مهم جدا يا يوحنا ...انت قدامك فترة ست شهور تهيئ قلوب لخلاص ولمغفرة خطايا... عايزك تهيى في ست شهور واحد هياتى ويتعمد منك.. ويروا السماء مفتوحه انت رسالتك رسالة عظيمه..لتعد طرقة وتعطى علم الخلاص لشعبه ومغفرة خطاياهم... وينطق بتسبحه جميله من اجل تحنن رحمه اللهنا التي بها افتقدنا المشرق من العلاء ليطيى على الجالسين في الظلمه وظلال الموت لكي تستقيم ارجلنا في طريق السلام... ايه الكلام ده؟ روح ربنا جوايا ينطق بعظائم.. الانسان اللى روح ربنا جوايا يتكلم بكلام الله..فم الصديق يتلوا الحكمة ... ناموس الله في قلبه فلا تتعرقل خطوات... من اجل تحنن رحمه الهنا التي بها افتقدنا المشرق من العلاء ●●●● هو عارف ان في رحمه جايه عارف ان الذى فى العلاء اقترب مننا جدا جاء ليشرق علينا
ليضيء على الجالسين في الظلمه وظلال الموت عشان يخلصنا من الظلمه لكي تستقيم ارجلنا في طريق السلام.. الحياه احبائي... لها هدف اثمى كثير جدا من مجرد الحياه هى رساله الحياه هي التمتع بالخلاص الحياه هي المسيح الحياه هي المخلص ...عندما تدرك هذة الحقيقه...تخلص من سلطان نفسك وذاتك وتحقق وعود جواك ...كلمه ربنا هتبقى شغلاك جدا تبقى سعيد بها جدا وممسك بها تماما...ويكون فى بهجه جواك الناس بتشتكى من الهموم والمتاعب والغلاء والضيق والتعب ...اقول لك ده يبقى واقع تحت اثقال كثيرة ..لكن المشغول بكلمه ربنا والمشغول بالمخلص يبقى عايش نفس الهموم بس يبقى مرفوع فوق منها ....عايش نفس العالم ونفس ضغوطة زكريا عايش الضغوط بتاعته الجيل بتاعتة..أكثر العصور ظلمة هو العصر الذي سبق مجيء المسيح تماما يعنى عصر ذكريا واليصابات كان البار فى ندرة نادرة جدا....عشان كدة قال الجالسين في الظلمة.. الشعب الجالس في الظلمه ابصر نورا.. المسيح جاء عشان يفتقد البشرية وهي في اقصى درجات ظلمها ...من بدايه سقوط ادم ابتدت الخطية ..وابتدت الخطية تتدرج وتتقوى وتتنوع وتزداد..... زي بالضبط اللي عنده
مرض وتشخص بس ممكن انت تبقي شايفه كويس قدامك وتقول لا ده كويس كل ما يعدي عليه الوقت كل ماالمرض يشتغل جواة.. البشريه كانت كده فضلت تدرج تدرج في الظلمه والشهوه والابتعاد عن الله ويزداد الظلام جدا جدا إلى عصر ما قبل المسيح زكريا كان عايش في اقصى العصور ظلمة... لكن كان جواة كلمة ربنا فرحان بربنا... متهلل بربنا..لكن انت عايش عصر في نعمه في كلمه ربنا في مذبح في ذبيحة في اسرار في كهنوت في انجيل في ابرار وفي قديسين اية اللى معطل؟ عشان كده ازاي اكون انا جزء من تدبير الخلاص ازاي اكون جزء من انا اوصل كلمه ربنا حواليا ازاي افرح اللي حواليا ... ازاي ابشر اللي حواليا بمجيء المخلص... اتكلم بكلم زكريا ازاي اقول للى حواليا المخلص خلصنا من اعدائنا من ايدي جميع مبغضينا وحقق لنا القسم الذى حلف بة قديما لابينا ابراهيم ان يعطى خلاصا .. ويعطى قوة...شوف انت بقى لما تكون وعود الكتاب المقدس جواك..وانت حاسس بقوتها و تتكلم بها.. تبقى ايه مشاعرك... ايام احبائي الانسان يعيش فيها في فرحة وبهجة لان المخلص افتقدنا اقترب مننا جدا... يالا بهجتنا لان اللاة الجالس علي الشاروبيم ظهر.يالا بهجتنا لان الله اتى
وحل بيننا يالا بهجتنا لان الكلمه صار جسدا وحل بيننا... يبقى عندنا حاجه ثانيه شغلانه اكتر من كدة؟ ولا اكل ولا شرب ولا لبس؟ لا ده احنا مشغولين بامر فوق كدة بكتير....ارفع نفسك شوف قصد الكنيسه من الاعياد وقصد ربنا من الاعياد اية.. دة قصد خلاصى يمس العقول والقلوب قبل ما يمس الاجساد.. الجسد لان النفس والروح فرحانين الجسد بيفرح فالكنيسه تقول لك افطر وعيد... لكن مش هو ده بس المظهر اللي من بره لا دة بيخدم جوهر من الداخل... الله يعطينا احبائى بهجة و ان نكون خدام للخلاص الله يعطينا ان نكون صادقين و نتكلم بكلماتة لكي نخبر بكلام انبياءة وببشاير خلاصة..لكى نعطى فرحة وغلبة لكل انسان جالس في الظلمه لكي يشرق عليه النور من العلاء ..اللة يكمل نقائصنا ويسند كل ضعف فينا بنعمتة ولالهنا المجد اللى الابد الامين ...
غرض المعجزات الأحد الاول من بابة
غرض المعجزات
باسم الأب و الأبن و الروح القدس الإله الواحدآمين , فلتحل علينا نعمته و بركته الآن و كل آوان و إلى دهر الدهور آمين.
إنجيل هذا الصباح المبارك يا أحبائى فصل من بشارة مُعلمنا مارمرقس , الأصحاح الثانى, يتكلم عن معجزة من المعجزات الكثيرة , التى عملها ربنا يسوع المسيح, و هى شفاء الرجل المفلوج , الذى أحضروه أربعة رجال و حملوهو لم يستطيوا من الجمع و صعدوا " و كشفوا سطح البيت حيث كان موجودا , و بعدما نقبوه دلوا السرير الذى كان مُضطجع عليه , فلما رأى يسوع إيمانهم , فقال للمفلوج :" يا بنى , مغفورة لك خطاياك", بالطبع هُناك علامة تعجب , لأنه يقول له مغفورة لك خطاياك فى حين إنهم مُحضرين له واحد مشلول " و كان قوم من الكتبة جالسين يُقكرون فى قلوبهم قائلين لماذا يتكله هذا هكذا بتجاديف , لأنه من يقدر أن يغفر الخطايا إلا الله الواحد وحده , فللوقت علم يسوع ما كان يُفكرون فى أنفسهم و قال لهم :" ما بالكم تُفكرون بهذا فى قلوبكم , أيهما أيسر أن يُقال للمفلوج مغفورة لك خطاياك أم أن يُقال له :" قُم احمل سريرك و اذهب إلى بيتك " و لكى تعلموا إن لابن الإنسان سُلطان على يغفر الخطايا, فحينئذ قال للمفلوج :" لك أقول قم احمل سريرك و اذهب إلى بيتك " فقال للوقت و حمل سريره و خرج من قدام الهيكل ,حتى بُهت الجميع و مجدوا الله قائلين :" ما رأينا واحدا هكذا قط" , أريد أن أتكلم معكم بعض الشئ عن هدف المعجزات , فوجدنا هُنا ربنا يسوع فى هذة المعجزة بالذات يُظهر الهدف , فليس مُجرد إنه جعل واحد لم يكُن يسير يسير , أم إن واحد كان أعمى و أصبح يُبصر ,و لا حتى واحد ميت و يقوم , ليس هذا هو الهدف , لكن الهدف الأكبر و الأسمى هو مغفرة الخطايا , أعظم معجزة يا أحبائى تحدث للإنسان هو أن تُغفر خطاياه , التغيير من حالة إلى حالة , هذة هى أعظم مُعجزة التى لإجلها أتى الرب يسوع إلى العالم لكى يشفى مرض الإنسان . و لهذا نُريد أن نعمل جولة , فى مُعجزات ربنا يسوع عموما , سنجدها إنها من أجل شفاء أمراض الإنسان الجسدية و النفسية و الروحية , ستجد إن الهدف من المعجزة ليست مُجرد المعجزة , فالناس بالنسبة لها المعجزة , هى المعجزة , فمثلا : هذا الرجل لم يكُن يسير و أصبح الآن يسير , و هذا الرجل لم يكُن يرى و أصبح الآن يرى ". و لكن يسوع لم يكن هدف معجزته مُجرد المعجزة . فتقريبا إذا عملنا دراسة عن مُعجزات ربنا يسوع , نجد إن البارزين فى الكتاب المقدس , تقريبا 35 مُعجزة . 20 منهم , شفاء أمراض بأنواع أمراض كثيرة , و قصد ربنا يسوع فى شفاء الأمراض إنه يشفى كل أعضاء الإنسان , فتجد أشياء مُعجزات بالعين , و مُعجزات خاصة بالأذن و أخرى خصة باليد و القدم و أخرى خاصة لاظهر , فيوجد المرأة المُنحنية و المفلوج و اليد اليابسة , و أذن العبد و إبصار إنسان .
إذا حواس الإنسا و كيان الإنسان و جسد الإنسان كله شُفى بجسد ربنا يسوع المسيح , إذا لم يكن قصده مُجرد المعجزة و لكن كان قصده إنه يقول أنا أستطيع أن أشفى كيان الإنسان كله " اليد , الرجل , العين , الظهر , الأذن " أنا أستطيع أن أشفى كيان الإنسان كله .
ف20 مُعجزة شفاء , و طبعا كلنا نعرف إن هُناك 3مُعجزات إقامة موتى و هم " ابنة يايرس و ابن أرملة نايين و لعازر". فيكون بهذا العدد كله 23 , و عندنا أيضا أربع مُعجزات لإخراج الشياطين , مشهورين , و بهذا يكون العدد 27 , لدينا أيضا 6 مُعجزات للطبيعة مثل " تحويل الماء إلى خمر , تهدأة عاصفة , إصطياد سمك كثير , لعن شجرة التين , ," و بهذا يكون العدد 33 .و بهذا يتبقى 2 و هم مرتين ذكر الكتاب المقدس عن إشباع جموع , و هما "إشباع ال5000 نفس بالخمس خبزات و السمكتين و إشباع ال4000 نفس ", و بهذا يكون العدد 35 .
و كأن بهذة المُعجزات ربنا يسوع المسيح يُعلن سُلطانه الكامل على الطبيعة و الإنسان و الشيطان و الموت . إذا لم تكن مُعجزات ربنا يسوع المسيح بالصدفة , لا , لا , لا , بل إنه كان له أهداف منها أبعد بكثير من إجراء المُعجزة , فلم يكن هدفه مُجرد المعجزة و لكنه لديه هدف آخر , مثلما قُلنا إن مُعجزات شفاء المرض , هذة لم تكن لهدف شفاء المرض بل إنه يُريد أن يُشفى حواس الإنسان كلها و أعضاء الإنسان كلها , اليد و الرجل و نزف الدم , و لهذا كان يقول لك :" مرضى بأنواع أمراض كثيرة , كانوا يقدمونهم إليه " . و طبعا معروف جدا إنه كل مرض جسدى له معنى روحى . فالعين معناها الإستنارة و رؤية الله , الرجل معناها القدرة , اليد الأعمال , الظهر الإرادة , نزف الدم هذا هو تيار الخطية فى الإنسان أنها مُهلكة و مؤدية للموت . فكل مرض ربنا يسوع المسيح شفاه , يُعلن به قدرته على الشفاء ليس فقط أجسادنا , و لكن أجسادنا و أرواحنا , و لهذا نستطيع أن نقول إن هذة المُعجزات ليست هى كل المعجزات , و لا هؤلاء هم كل المرضى , بل إنهم كانوا نوعيات , فيسوع لكم يشفى كل البرص و لا أقام كل الموتى و لا شفى كل العميان , و لكنه كلن له هدف أعلى من إنه يُشفى أعمى بل يُعلن سُلطانه , و كان له هدف المُعجزة هو إظهار مجد لاهوته و بخاصة لغير المؤمنين . فقال لهم :" إن لم تؤمنوا بى آمنوا بسبب الأعمال ". إذا كانت المُعجزة بسبب الإيمان , و لهذا لا أستطيع أن أقول لك إن المعجزة لازمة للمؤمن , لكن المُعجزة ضرورية لغير المؤمن , لأنها وسيلة إيمان . و لهذا ناس كثيرة جدا تستغرب و تقول لك :" لماذا يفعل الله بعض المُعجزات و يُخلصنا من بعض المشاكل" فإذا كان واحد عنده مرض يقول لربنا أنت شفيت , لماذا لا تشفينى أيضا ؟؟ فأقول لك , إن الغرض من المعجزة ليس مُجرد الشفاء . و القديس أوغسطينوس يقول :" إن المعجزة هى آية لغير المؤمن " فمن الممكن أن تكون ضرورية لغير المؤمن , فقال لك , لهذا كان تأسيس الكنيسة فى عصر يسوع المسيح , عصر الأباء الرسل كا يوجد فيه مُعجزات كثيرة , فقال لك هذا بسبب إنها تُشبه دُعاماات المنزل , عندما , تبنى بيت جديد , يجب أن تضع له أعمدة , و البيت عندما يُبنى تُزال الأعمدة . فالمعجزة هى آية لغير المؤمن و لهذا المُعجزة كانت وسيلة من إعلانات الرب يسوع عن شخصه القدوس المُبارك , و بالطبع هدف المُعجزة هو إظهار مجده حتى تعرفه الناس و أيضا إعلان تحننه على الإنسان , إعلان مُشاركته لآلام الإنسان , فكان هدف المعجزة ليس إنه يقوم بعمل إستعراض , و لا لكى يأخذ مديح من الناس , لا , لم يكن هذا هو الهدف , بدليل إنه لم يصنع مُعجزة واحدة لنفسه , بمعنى إن يسوع مثلا عندما يجوع , لا يقوم بعمل شئ خارق , فينزل له الأكل من السماء , و مثلا لو تلاميذه ذاهبين ليبتاعوا طعاما , يقول له :" لا تضيع الوقت , فيمد يده إلى السماء , و يُحضر الطعام " . لا نحن لم نر شئ كهذا , فالحكاية ليست مُجرد إبهار . فإذا هم ذاهبين ليبتاعوا طعاما , يذهبوا و يتأخروا و فى النهاية يعودوا و يجدوه يجلس مع السامرية و يقول لها :" أنا عطشان " و لكن أنت من الممكن أن تُحضر مياه , أنت لديك وسائل كثيرة , فأنت الساقى جميع الخليقة من نعمتك , و لكنه لم يفعل هذا . عندما يجوع من الممكن أن يطلب ثمرة من تينة , فمن الممكن أن يُفرق بعض السنابل و يأكلهم , أو يُطلب يأكل , و لكنه لا يقوم بعمل مُعجزة لكى يأكل , فلما يعطش يُطلب أن يشرب , عندما يتألم لا يقوم بعمل مُعجزة من أجل أن ينتهى و يخف ألمه , حتى مات موت الصليب , و نجد إن هُناك مُعجزة واحدة عملها بنا يسوع المسيح من أجل نفسه و هى إقامته من الأموات , و هى فى الحقيقة , لم تكن من أجل نفسه بل من أجل إعلان سُلطانه على الخطية و الموت و الشيطان , فلم تكن من أجل نفسه , و لهذا نستطيع أن نقول إن أعظم معجزة لربنا يسوع المسيح هى توبتنا , و هذا هو قصده الحقيقى من المعجزة , هو تغيير الإنسان , إظهار مجد لاهوته و تحننه على الإنسان . و أكثر واحد ظهر مُعجزات شفاء فى البشائر الأربعة هو القديس لوقا , فالبطبع بكُكم إن لوقا طبيب , فيلفت نظره جدا حكاية شفاء الجسد و ثانى شئ إن القديس لوقا عنده البُعد الإنسانى عالى جدا , فتجد إن المعجزات التى يوجد بها تحنن أو رحمة , أبرزها جدا القديس لوقا , أى نستطيع أن نقول البشائر الأربعة , كل واحدة فى كلمة , متى " المسيح الملك " فتراه يقول لك :" يُشبه ملكوت السماوات ", فهو يُبرز المسيح الملك , كان متى مُحب للسلطة بالدليل إنه كان يعمل عشار أى إنه كان مُتحالف مع السُلطة الرومانية و الذى جذبه فى ربنا يسوع المسيح إنه ملك , مُرقس " المسيح الخادم " فتكلم كثيرا جدا عن يسوع الخادم الذى يجول يصنع خير , لوقا " المسيح الإنسان المُتحنن "كان يُظهر فى الرب يسوع الجانب البشرى " التحنن , الرحمة , مُعاملته مع المرأة " فأكثر بشارة تتكلم عن نساء هى لوقا , فإنه يدرس فى الرب يسوع المسيح الجانب البشرى , يوحنا " المسيح الإله" الذى يُحلق فى آفاق الروح .فلوقا الرسول عندما كان يُبرز , تحنن ربنا يسوع المسيح , كان يُبرزه عن طريق :" الشفاء" فالمُحتاجون إلى الشفاء شفاهم , فعندما يقول لك , عن ابنة أرملة نايين, فيقول لك , عندما رأها تحنن , فأظهر حنان ربنا يسوع المسيح , إذا يا أحبائى , المُعجزة هدفها تحنن ., إذا المُعجزة تُظهر مدى تفاعل ربنا يسوع المسيح مع الإنسان الذى أقترب منه جدا و أخذ مشاعره , فعندما يأتى ليُشفى أبرص , البرص كان مرض خطير جدا فى العهد القديم , لأنه معروف عنه إنه مربوط بالنجاسة , أى عقوبة النجاسة برص , و كان مرض مُعدى , و كان كل أبرص مُزدرى به معزول , لا شفاء له , لا علاج له , و كلن يُعزل فى مكان بعيد حتى يموت , حتى إنه يتعزل عن أقرب أقربائه , و هذا المرض يُمثل شناعة الخطية , فمعظم مُعجزان ربنا يسوع المسيح قالها بكلمة , و لكن الأبرص عندما شفاه لمسه و لم يكتف فقط بكلمه , لماذا يا رب هذا بالذات الذى تلمسه عندما تشفيه, فهو نفسه إذا خرج لكى يقضى شئ له , يجب أن يمضى فى خفاء و فى أمامكن غير مُزدحمة و إذا رآه إنسان , يجب أن يجعل كل الذين جوله يأخذوا بالهم لأنه رأى واحد أبرص , فكانوا يسير و هو مُغطى الرأس , فإذا واحد رأى واحد يسير و هو مُغطى الرأس و مدلدل رأسه للأسفل , و هُناك ثوب نازل من عليه , يعرف إنه أبرص . و لكن إذا كان هذا الرجل الذى يسير بجانبه , لا يأخذ باله منه, من المفترض إنه هو يقول :" أنا أبرص " و يُرددها 3 مرات " أبرص – أبرص – أبرص " . لكى يأخذ باله و لا يصطدم به , فيأخذ هو الآخر المرض . تخيل كل هذة التحذيرات من الأبرص و يقول لك :" إن الرب يسوع لمسه" . يُريد أن يقول لك , كم إن الله يقترب من الإنسان , و كيف إنه يشفى ضعفات الإنسان , و كم هو تحننه , فكأنه يقول له :" أنا ألمسك و آخذ مرضك علىّ أنا " أليس هذا هو الذى عمله المسيح , هو حمل أوجاعنا , فنحن عندما نُصلى نقول له :" يا حامل خطية العالم إقبل طلباتنا إليك " هل هذة كلمة مجاية , لا بل إنها كلمة حقيقية , هو بالفعل حمل خطايا العالم و عندما حمل خطايانا , صار مُحتقرا و مرذولا , " تأديب سلامنا عليه " لماذا ؟؟ لأنه حامل خطايا فعلية , يقول لك :" هم حسبوه إنه مضروبا و مُهانا من الله " فإقترب من الأبرص و لمسه و شفاه " فى كل مُعجزات ربنا يسوع يا أحبائى , لم يكن الهدف من9ها مُجرد مُعجزة . ففى هذة المعجزة " الرجل المفلوج " الذى دلوه أصدقاؤه الأربعه من فوق السقف , ربنا يسوع كان يتكلم فى شئ تقريبا ليس هذا هو الذى يُريدوه هم , هم يُريدوه أن يسير فقط , هو قال له :" مغفورة لك خطاياك " , فقالوا :" ما هذا , من هذا الذى له سُلطان لكى يغفر الخطايا ؟؟" ما هذا الرجل الذى يتكلم بهذة التجاديف . فقال لك :" علم يسوع ما فى أفكارهم " . فكان يكون نوعية الناس الموجودة يوجد فيهم أنواع , هُناك مجموعة مُتعاطفة مع يسوع التى تحبه جدا و التى تسير معه أينما يمضى و هُناك مجموعة ضد يسوع تسير معه لكى ترصد حركاته و يتتبعوه و يُهاجموه و لهذا كُنت ترى كمية ناي تسير خلف ربنا يسوع من الكتبة و الفريسيين كثيرةجدا , كانوا ذاهبين لكى يصطادوا أخطاؤه من وجهة نظرهم , ما من مرة , عندما ترى الكتبة و الفريسيين يسألوه و يُحاوروه و يقولوا عليه كذا , و يقولوا كيف إنه يفعل هذا الكلام يوم سبت , فهم آتيين لكى يصطادوا أخطاء و هُناك مجموعة أخرى آتية من أجل إنها تُريد أن تُشاهد , فكان فى كل تجمعات ربنا يسوع هكذا . مُبارك ربنا يسوع المسيح الذى يُحول الكتبة و الفريسيين إلى إمنهم يُمجدوا يسوع فيقول عنهم الكتاب إنهم مجدوا يسوع و قالوا :" ما رأينا واحد هكذا قط " , فهذا هو الذى فعله المتشددين , و لكن الفئة التى أتت لتُشاهد فقط بالطبع فعلت أكثر من هذا بكثير .
إذا هدف ربنا يسوع المسيح ليس مُجرد المُعجزة , كيف يُؤمن الإنسان , كيف يقترب منه , كيف يتودد إليه ؟؟؟ و لهذا أقدر أن أقول إن أهداف ربنا يسوع المسيح كانت تفوق خيالهم . إذا قمت بعمل دراسة فى الكتاب المقدس , فى مُعجزات ربنا يسوع المسيح , تجد إنه يوجد مُعجزة كثيرة عملها ربنا يسوع المسيح فى العهد القديم , و لكن كلها كانت خارج , الإنسان , اى مثلا يشق البحر و يعبروا هم فيه , أيضا الضربات العشر " تحويل الماء إلى خمر , الضفادع , الجراد ,البقر " كلها حاجات خارج الإنسان , برج بابل خارج الإنسان , مُعجزات كثيرة جدا فى العهد القديم , كلها خارج الإنسان , و لكن فى العهد الجديد , كأن ربنا يُريد أن يقول لك :" أنا سوف لا ألمس خارج الإنسان فقط , بل سألمس داخل أعماق الإنسان " سأقترب من الإنسان جدا و سأحمل ضعفه على و سأعطى له الشفاء , هذة هى بركة العهد الجديد . مُعجزات تقتيح العُميان , مُعجزات كثيرة جدا , ربنا يسوع المسيح إذا درستوا فى البشائر الأربعة , ستجدوا إن الله تقريبا شفى تسع عُميان , و لكن لماذا كل هذا العدد؟؟ فنحن مثلا نجد إنه شفى واحد فقط , يده يابسة , و اثنين مثلا مفلوجين , امرأة نازفة دم , كلهم أعداد صغيرة , لكن تفتيع العين أكثر منهم جدا , فشفى تسعة عُميان و لماذا ؟؟؟ ففى الحقيقة , العهد القديم كله كان يعرف إنه من الممكن أن يحدث شفاء لإى مرض إلا من العمى و لهذا لا تجد مُعجزة شفاء عُميان فى العهد القديم أبدا و لهذا اعتبروا إن شفاء الأعمى فى العهد الجديد هى مُعجزة باقية لأعلان المسيا , فقالوا إنه عندما يأتى رجل نجده يُفتح عيون عمى , سوف نعلم إن هذاهو المسيا , أليشع أقام ميت , إذا فهناك ناس أقاموا موتى , و لكن تفتيح عين أعمى لا تجدها و لهذا عندما بعث يوحنا تلاميذه ليسألوا ربنا يسوع المسيح :" هل أنت الآتى أم ننتظر آخر " قال لهم :" إذهبا إخبرا يوحنا , إن العمى يبصرون و البرص يُطهرون " هاذين الاثنين مُعجزان تخص المسيا " فأيضا عملوا شريعة لتطهير الأبرص , فلم يكن يُشفى الرجل المُصاب بالمرض , و لكنه فقط يأخذ التطهير من الناموس و يُحسب طاهر , و لكن المرض كان يستمر فيه و يظل شكله أبرص , و لكنه تطهر , تطهر من جوهر الخطية , و لكن فى العهد الجديد أصبح الأبرص , يُشفى تماما , عندما لمسه , فقال لهم قولوا له :" العمى يُبصرون و البرص يُطهرون ", فإذا من هذا ؟؟ هذا هو المسيا . يُريد أن يقولوا له يا جماعة آمنوا بى :" أنا إعلان إلهى , أنا لست مُجرد شخص , أنا لم آتى لكى أستعرض , لم آجى حتى يقول لى الشيطان :" قل للحجارة أن تصير خبز , فتصير خبز , لا " لأنه ليس بالخبز وحده يحيا الإنسان بل بكل كلمة تخرج من فم الله " . أرمى نفسك من أعلى جناح الهيكل و الملائكة ستأتى لتحملك , و لكن هو لا يقدر فقط أن يرمى نفسه و الملائكة تأتى لتحمله , لا من الممكن أن يصعد هو , و يقول له:" ما رأيك ؟؟" لا و لكنه لم يفعل هذا , قال له : لا تُجرب الرب إلهك " . فالهدف لم يكن مُجرد المُعجزة للإبهار , لا بل الهدف هو خلاص النفس , الإنسان و توبته , جوهر الإنسان .
و لهذا يا أحبائى أستطيع أن أقول إن أكبر مُعجزة فى حياتنا هو إن المسيح تجسد , الإله صار إنسان , و هى أيضا سر الإفخارستية , فهذة مُعجزة تحدث و أنت تجلس فى القداس , فالخُبز يتحول إلى جسد و عصير الكرم يتحول إلى دم , و نؤمن إن هذا هو بالحقيقة آمين , إذا نحن عندما نحضر قداس , نحن نحضر مُعجزة و نأخذ المُعجزة جوانا و مثلما يقول القديسون:" إن الكلمة صار جسدا لكيما يصير الجسد كلمة " , أى عندما نحن نأخذه نتحول إليه. و لهذا يا أحبائى , إذا اقتربنا لقصد ربنا يسوع المسيح فى أمور حياتنا , فنجد إن حياتنا هى تدبير خلاصنا , فى حين إننا نُفكر فى هذا بشكل آخر و نقول له :" أعمل مُعجزة و خلصنا من الذى نحن فيه " . فيقول لك المسيح :" ليس هذا هوهدفى, ليس هدفى إننى أجعلكوا تعيشوا بدون أمراض و بدون ضيقات , بالعكس أنا قُلتلكم و لم أخدعكم :" إنه بضيقات كثيرة ينبغى أن نخلُص " وقُلت لكم :" طوبى لكم إذا طردوكم و عيروكم و قالوا فيكم من أجلى كل شر كاذبين " . اى يا رب إنك تعرف إنه كلام كذب , تعلم و تتركنا , أعمل مُعجزة , اجعل الرجل الذى يُحكم حكم ظُلم , اجعله , إذا رآك فى مجدك يُطب ساكت . لا , هو لا يُريد هذا , هو يريد أن يرفع عقولنا و أنظارنا إلى ما بعد الحياة إلى المصير الأبدى , و لهذا ربنا يسوع المسيح لم يُظهر نفسه رجل مُعجزات , من أجل إنه يُبهر الناس ,لا بل من أجل إعلان محبته للإنسان . و لهذا حتى نحن كثير ما نتعامل مع المعجزة خطأ و كثير نطلب المعجزة خطأ و كثير ما نتعامل مع القديسين بطريقة خطأ , و كأن الوسيلة التى تربطنا بالقديسين هى المعجزة , من المفترض يا أحبائى إن الذى يُربطنا بالقديس ليست المعجزة بل السيرة , فعندما ناس تتشفع بقديس و يطلبوه جدا و يعملوا له ندور و يقولوا له سندفع لك إذا عملت ذلك , و هو لا يعرف أى شئ عن سيرته . و هل سيرته أهم أم المعجزة ؟؟ و ما الذى جعله يعمل المعجزة ؟؟ , و ما هو السلطان الذى أعطاه له الله لكى يعمل معجزة , إذا كان القديس كاراث , أو الأنا ونس , أو مارجرجس أو الأنبا أنطونيوس أو البابا كيرلس , أى واحد منهم يستطيع ان يعمل معجزة بسبب قُربه لله , سيرته , جهاده , نسكه ,تعبه , آمانته . هذا هو الذى جعله يكون قديس . و لكن يأتى الله و يجدنا مُتمسكين فى آخر الحكاية , ماسكين فى الطرف , و لكنه يقو ل لك :" أنا أدعوك إنك تكون مثله , أريدك أن تأخذ قلبه " و لهذا يا أحبائى جوهر المعجزة إننا نُمجد الله , و جوهر المُعجزة إننا نتغير و نصير نحن آيات لكل الذين حولنا . فالرجل المفلوج بالتأكيد عندما يسير , يقولوا الناس أليس هذاهو الرجل المفلوج , فمن الذى جعله يسير ؟؟؟ ربنا يسوع , فنُعطى المجد لربنا يسوع . فيقول لك فى إقامة لعازر , الناس التى أتت لكى تُشاهد , كانت تُريد أن تُشاهد الرجل الذى مات و قام , فنحن يا أحبائى أيضا عندما نتوب , سنكون نحن نفسنا إعلان لربنا يسوع المسيح . فيقولوا الناس إليس هذا هو الذى كان فى الأول كذا و كذا وكذا , ما الذى حدث له , تغير , فصار هو آية , ما الذى تفعله هذة الآية ؟؟ تُمجد ربنا يسوع , ربنا يُريدأن يعمل معجزات فينا و بنا , ربنا يُريد أن يُظهر مجده عن طريقنا عندما نتغير , هو يُريد أن يُشفى أرجلنا و أيدينا و كياننا كله يُشفى و البرص الذى فينا يُشفى , لأن هذا هو هدفه , فى مرة ذهبوا إلى القديس الأنبا باخوميوس أب الشركة و قالوا له :" فلان هذا مريض , و نحن نثق فيك و نثق فى حياتك و إذا صليت له سيُشفى " . فقال لهم :" أنا لا أعرف أن أعمل مُعجزات " فقالوا له انت قديس كبير , كيف تقول عن نفسك هذا الكلام ؟؟؟ . فصلاة فقط منك , كلمة منك , لمسة منك , سيُشفى هذا الرجل , فأنت ضلك فقط يُشفى , فقال لهم :" أنا لا أعرف أن أعمل مُعجزات , قال لهم:" لأن المُعجزة ليس مثل الذى أنتوا فاهمينه , فقالوا له :" ما يُعنى هذا ؟؟" فقال لهم إذا أحد فيكم كلم واحد عن ربنا و علمته أن يقرأ فى الكتاب المقدس و جعلته يتحول من شخص غضوب إلى إنسان وديع , فأنت قد أخرجت منه شيطانا , أنت إذا كلمت إنسان عن ربنا و حياته تغيرت من إنسان بخيل إلى إنسان مُحب للعطاء , فبهذا أنت قد شفيت يدا يابسه , إذا جعلت إنسان عينيه تُفتح على أسرار الله و كلمته , فأنت قد شفيت أعمى , إن أقمت إنسان من عُمق الخطية , إلى عمق البر ,فأنت قد أقمت ميتا . فهذة هى المعجزة , المعجزة يا أحبائى أن نتحول , أن نتغير .
ربنا يُعطينا يا أحبائى , إننا نسمع الصوت :" مغفورة لك خطاياك " " قُم أحمل سريرك و اذهب إلى بيتك " " احمل همك و احمل خطيتك لأنه يوجد من يرفعها عنك "
ربنا يُكمل نقائصنا و يسند كل ضعف فينا بنعمته لإلهنا المجد الدائم إلى الأبد آمين.
اهرب لحياتك - الأحد الأول من طوبة
بأسم الأب والابن والروح القدس الإله الواحد آمين ..فلتحل علينا نعمته ورحمه وبركته الآن وكل أوان والى دهر الدهور كلها امين.. إنجيل هذا الصباح المبارك يا احبائي،، بيكلمنا عن أمر حصل لرب المجد يسوع بعد ميلاده بفتره بسيطه.. على اعتبار ان الكنيسه بتعيشنا الاحداث مجتمعه كلها بتاعه الميلاد والختان..والجو المحيط برب المجد يسوع اثناء فتره الميلاد،،كلنا عارفين المجوس كانوا بيسالوا على مكان الملك المولود... الامر ده ازعج هيرودس جدا ،،عندما وجدوا المجوس. الملاك قال لهم ما ترجعوش ثاني من نفس الطريق ..وماتروحوش لهيرودس...وهيرودس عندما تأخروا عليه انزعج ،،في ملك بيكبر وأنا مش عارف. و الايام بتعدى.والملك بيكبر،، الامر ده ازعج هيرودس جدا بيقول كده لان هيرودس مزمع ان يطلب الصبي ليهلكه كان عاوز يموته.. مين اللي عارف بكل الامور دي ..تدابير السماء..عارفه وحسة.. فربنا ارسل ملاك ليوسف. قال له قوم وخذ الصبي وامه واهرب إلى مصر.. اولا .. احبائي يوسف البار والست العذراء عندما اعطاهم الرب البشرى والست العذراء حُبلت وكَملت أيامها .. وولدت كانوا كل يوم بيحسوا ان المولود ده اللي في بطنها مش مولود عادي، وتتحقق نبوات ومواعيد.. قال لهم كده..انة هيكون اسمة المخلص.. وهيخلص الشعب كله ..طب تخيل انت لما انا يكون معي المخلص.. و يقول لي خذ الصبي وامه واهرب الى مصر، لان هيرودس مزمع ان يقتلو..جميل جدا موقف يوسف وموقف الست العذراء ان هم لما لم يعثروا فى شخص ربنا يسوع المسيح عاوز يقول لي يعني هو انت مخلص ولا عايز اللي يخلصك ، هو انت كده المخلص اللي تقدر ان انت تنهى على هيرودس ولا هيرودس اللي يقدر ينهي عليك... جميل جدا في يوسف وفي الست العذراء ان هم لم يتعثروا. لم يكونوا كثير الاسئله ، اول ما الملاك قال لهم نفذوا الامر فحين ان الأمر محير جدا.. .هو يسوع ده اللي انتم قولتلنا عنه ان ده ابن الله يدعى ،،،ابن الله يدعى، ومخلص العالم ده، محتاج اللي يخلصه ؟ محتاج اللي يهربه,, امر في عثره بس بالنسبه لضعيف النفوس وضعيف الإيمان , أحيانا احبائي الانسان عندما يعيش مع ربنا يمر بتجربه او ضائقة...فيعثر فى الله. تقول ربنا سيبني وربنا متخلى عني ,وربنا مش عارف يعملى حاجه ،،لكن الانسان أحبائي اللي عنده إيمان وعنده استعداد..يقول .له يا رب لتكن مشيئتك.. الانسان الذى يسلم حياته لربنا حتى لو كان فيها ضيقات..اول حاجه حبيت اتكلم عنها .. لانة موقف يعلن بر يوسف البار ويعلن قداسة وطهاره ..امنا الست العذراء..
هاتكلم معكم في نقطتين بنعمه ربنا اول.. نقطه عند ليه ربنا أمر انه يروح مصر ؟! ثاني نقطه عن مبدأ الهروب في الحياه الروحيه.. اول نقطه
ليه ربنا اراد ان هو يروح مصر،، تحديدا..عشان تكونوا عارفين ان اورشليم وبيت لحم.. عشان يهرب منها ما نقدر نقول انه مصري اقرب مكان يهرب إليها..يعني في بلاد ثانيه جنب اليهوديه اقرب كثير من مصر ..يعني مثلا لو راح الأردن لو راح سوريا ...يعني البلاد دي اقرب لاورشليم مننا.. وطبعا انتم عارفين ان ما فيش مواصلات والسكه كل ما بعدت كل ما الامر أصبح أكثر شقاء ومع ذالك قالوا اهرب الى مصر..والطرق ما كانتش سهله ولا الرحلة سهله على ثلاثه.. كل واحد منهم عنده نقطه ضعف ،،
يسوع طفل،، يوسف شيخ والست العذراء إمرأه ،،كل واحد عنده نقطه ضعف،، ومع ان الرحله ما كانتش سهله الا ان رب المجد يسوع والاله القدير السابق علمة بكل الامور..مصمم ان يأتى الى مصر....رغم انه كان ممكن يهرب لأماكن ثانيه.. السكه كانت صعبه ومليئة
إخطار..وفيها لصوص واهوال..ورحلة مرهقة... لكن كل ده عشان في خطه خلاص عامه ،،الله يدبرها احنا ما نقدرش نستوعبها لما يجي ربنا يقول له روح مصر ..يقولة لية ماانا ممكن أروح كذا، ،وعلى فكره يا رب المكان الفلاني اسهل ،،وكأن انا بخلي ربنا قصادي اكن ربنا ناقص فهم او ناقص علم،، وانا اللي بحاول ان انا اقول رأيي. فحين ان ربنا كل الكلام اللي انا باقوله هو عارفه كويس جدا، عارف ان مصر ابعد وعارف أن مصر اصعب ،،عارف كل شي..الا ان فى خطة فى تدبير خلاصة ..عاوز ينفذها وعايز يدبرها ،،وعاوز كلنا نحيا فية...فى نبوات فى الكتاب المقدس ،،تقرا ربنا في سفر هوشع..ومن مصر دعوت ابني،، ده انا عاوز ابني يجي مصر، في تدابير للخلاص في مصر انا عاوز ابعثه لاجلها انتم ما تفهموهاش دلوقتي انت يا يوسف ما تعرفهاش وانت يا ستي عذراء ما تعرفهاش،، انتم اللي عليكم تنفذوا الكلام وبس ،،عشان كده لما الانسان احبائي يتقابل مع مشيئه الله لا بد من الخضوع لان عيوننا عاجزة ان نفهم ،،لكن هو ،،ما ابعد احكامة عن الفحص في نبوات ،،يقول له كده هوذا الرب راكب على سحابه خفيفة سريعه وقادم الى مصر ،،فلترتجف اوثان مصر...اشعياء النبي من 750 سنه قبل الميلاد قال
الكلام ده .السحابه الخفيفه اللي هي ايه الست العذراء التسبيحه في الكنيسه تقول لها ايها السحابه الخفيفه سحابه خفيفه ، هي اللي حملت الطفل وجاءت به الى مصر ترتجف اوثان، يجي يقول لك.. ويذوب قلب مصر في وسطها اروع النبوات..يقولك ويكون للرب مذبح..في وسط ارض مصر وعمود عند تخومها.. فيعرف الرب في مصر ويعرف المصريون الرب.. كل ده موجود فى اشعياء 19.. بيقول في النهايه مبارك شعب مصر،، روح نبوه عاليه جدا من اكثر دول العالم شرا في ذلك الوقت كانت مصر ، من اكثر دول العالم فجور ،،مصر...من اكثر دول العالم عايشه في ظلمه مصر،، عباده الاوثان كانت شائعه في مصر. لدرجه ان الكتاب المقدس في العهد القديم لما تقراه كلمه مصر تساوي محبه العالم. ..في تدبير خلاصى فائق انا بتممة..انتم ما تقدرش تستوعبوة.. انا رايح عاوز اقدامى تطأ أرض مصر ..عاوز ابارك هذة البلد.. عاوز احول عبادتها وزناها واصنامها.. عاوز اخليها مليانه بالتسابيح والصلوات عاوز احولها من عبادات وثنية الى كنائس واديرة ..يسكن فيها اسم المسيح ،،هو ده قصد الله من ان ينزل مصر ..عرفت ليه ما راحش مكان قريب عرفت ليه السكه الصعبة دى...اصل ليكون للرب مذبح في
وسط ارض مصر.. طبعا الجماعه الدارسين..لاقونا في جغرافيا مصر لقوا ان المذبح اللي في دير المحرق فعلا ده وسط ارض مصر ، اسيوط لو قستها من فوق لتحت تلاقي بتساوي من تحت لحد عندها يعني أسيوط سنتر مصر ...فى المنتصف...لانة قال يكون للرب مذبح فى وسط ارض مصر.. عند دير المحرق ..
ربنا عاوز يجعل مركز كرازى لاسمه في ارض مصر ..هو له قصد من كده،، ليه ..عاوز يأسس كنيسه قويه شاهده عابده كارزة ..
النهارده احبائي احنا بنشوف قد ايه كنيسة مصر ربنا اقمها مسؤوله عن العالم كله ، كنيسه مصر بتبعث للكرازه فى العالم.. من اولاد مصر، كل ده اثر مباركه رب المجد يسوع لشعب مصر، لان هو عندما جاء بارك الارض وباركنا كشعب ..هو لما جاء افتقدنا وجعل روحه وجعل عمله يكون له قوه في ارض مصر،،جعل الكرازه احبائي تنتشر في ارض مصر وتنتشر في العالم كله ،،عن طريق مصر ما كانش مجرد هروب قد ما كان بركه لمصر وكل الاماكن احبائي التي وضع فيها اقدامة صارت منابع روحيه، صارت منارات صارت اماكن تشهد لعمله تشهد لقوته..منطقة دير المحرق ..منطقه وادي النطرون اماكن مليانه احبائي بدموع القديسين
وتنهدات ..لذلك كنيسه مصر قدمت شهداء وقديسين اكثر من كنائس العالم كلها مجتمعة..كنيسه بلد واحده تقدم اكثر من العالم كله؟! كنيسه مصر قدمت شهداء القديسين ورهبان ونساك اكثر من شهداء وقديس العالم كله، ده اثر ايه اثر افتقاد رب المجد يسوع لكنيسة مصر..ارتوى منها العالم كله عشان كده احبائي لانه ربنا يسوع المسيح لو تدابير فائقه ابتدا يبقى عاوز يجعل من مصر منارة عاليه جدا وزي ما كان في العهد القديم لما يوسف راح مصر عرف الاحلام بتاعه فرعون وفسرها قال له ان هيجي سبع سنين جوع على البلد احنا لازم نحوش عشان المجاعه دي ..فجعل في مصر خزائن كثير جدا لما حصل المجاعه بقيت الناس تيجي من العالم كله لمصر عشان تاخذ حنطه ..دى نبوة عن مصر ،، ممكن يكون العالم كله في جوع روحي وفي ضعف إيمان ..فيأتوا ياخذوا من حنطه مصر.. من بركه مصر ، احنا حنطه مصر احبائي احنا ربنا مدخر الكنيسه بتاعتنا عشان تنقذ العالم كله من مجاعه اصعب من مجاعه الاكل والشرب، مجاعه ضعف الايمان عدم الايمان..موت النفس الداخلي اخطر من موت الجسد.. ربنا مجهزنا عشان خاطر نكون احنا الشهود الامناء بتوعة
.عندما جاء وزار الارض بتاعتنا ..لدرجه ان القديس يوحنا فم الذهب ..كان ينصح ولاده يقول لهم هالما الى بريه مصر لتروها أفضل من كل الفردوس،، بريه مصر احبائي كان ممكن يجي عليها وقت..ان الدير الواحد يوجد فية 20,000 راهب الدير الواحد تبص كده اسكندريه لو في احد بيدرس التاريخ القديم يقول لك على كم الكنائس اللي كانت موجود.فيها ...الساحل الشمالي الذى تحول لمصايف دلوقتي ..يوريك قد ايه كان لا تنقطع منه أصوات التسابيح يعني ايه يعني وانت ماشي تسمع صوت تسبيح فى دير..مجرد انه صوت التسبيح ينتهي شويه من اذنك...تسمع صوت تسبيح للدير اللى بعد منة .ملصقين لبعض ...احبائي دى البركه اللي ربنا حب يفتقد بها أرض مصر ..عشان كده احبائي مصر دي ربنا مجهزها عشان تنقذ العالم من المجاعه المفروض ان احنا نكون عارفين المسؤولية اللى علينا ..لان البركه اللي اخذناها مش شويه.. لاني لما جاء و بارك ارضينا وقدس وبارك دعوتنا وثبتنا جعل علينا مسؤوليه ،،لان لما يكون ابن مبارك لما يكون ابن مبارك من ابوه ويخزي ابوه. تبقى مشكلته اكبر. فمن هنا احباء اول نقطه نتكلم فيها أن تدبير الله للخلاص وتدبير الله لاعماله. ابعد ما يكون عن افهمنا..وعن
فكرنا وعن تدابيرنا ... لانة يرى الاموال بنظره الهيه لكن احنا عنينا عاجزه ان هي تفهم مقاصد الله الالهيه..
ثاني نقطه، نتكلم فيها شويه بنعمه ربنا ،عن مبدأ الهروب أحيانا الناس تعثر في موضوع الهروب،، ويقول لك يعني ايه ربنا يهرب ليه ربنا يهرب؟! ما كانش ربنا قادر هيرودس المفترى دة...يموتة بضربة.. الهروب ضعف ..لان ربنا يسوع المسيح عاوز يأسس مبدأ في الحياه الروحيه بيعلمهلنا...وعاوزنا نتقنه... مبدأ الهروب .. لدرجه ان القديسين يقولوا لنا الهروب هو بدايه الانتصار بيقولوا ان الهروب هو الذي ازعج هيرودس تخيلوا كده هيرودس ده عندما أعلم انة انضحك عليه. لما راى هيرودس ان المجوس سخروا بة ،غضب جدا .فأرسل وقتل جميع الصبيان الذين في بيت لحم،، الهروب من الشيطان أحبائي في الحرب الروحيه يجعل الشيطان يغتاظ جدا ،الهروب مبدأ الحكماء،، الإنسان احبائي الذي يهرب من الشر ربنا يعطي له نعمه الانتصار، لدرجه ان القديسين يقولون ان النار لا تطفئ بالنار بل بالماء ،ماهو علاج الغضب؟ واحد يغضب الثاني يغضب ؟ علاج الغضب الهدوء ،،،النار لا تطفا الا بالمياه .فعاوز يقول لك ماهو علاج الشر ؟ البر ازاي اعيش البر فى وجود الشر؟! اهرب،، عشان كده أحبائي
هروب رب المجد يسوع امام هيرودس ،المتكبر المغرور...غضوبا غاضبا ،مبدا الهروب فى الحياه الروحيه ..الشر بكل قواته قدام الناس الحكماء في الحرب معه..والذى يهرب من حروبه..يجعلوا مغلوب وغاضب . الطفل يسوع يغلب الملك!!ازاى..بأتضاعة...بالطاعه.. الهروب أحبائي طريق المتدعين طريق المتدعين ، مش اي حد يقبل المبدأ ده،، طريق الهروب ده يجعل العدو بتاعنا يغضب ويخاف ويفقد ثوابه، زي ما حصل كده وعاوز يقتل الاطفال.. واحد فقد ثوابه ،لدرجه ان القديسين يقولوا ان الهروب هو باب غلبه الشياطين بسهوله ..الباب اللي نغلب به بسهوله.. مبدأ في الحياه الروحيه يا احبائي انا لازم اعيشوا..وكلنا لازم نعيشه. يعني ايه ،،يعني الانسان يهرب من الشر معلمنا بولس قال اهربوا من الزنا.. معلمنا بولس كان بيكلم تلميذه تيميثاوس،، وتيميثاوس كان أسقف ..عارفين يعني ايه اسقف ،،يعني رجل تقي.. وقامة روحيه عاليه ومع كده.. كان لما يكمل تيميثاوس الاسقف ده..يقولة..اما الشهوات الشبابيه فاهرب منها ..اهرب يعني ايه اهرب. يعني انسان عايش يسمع فى عثرات .او عايش في مكان فيه شر. قاعد قدام تليفزيون في منظر مش كويس يسمع كلامي مش
كويس. أهرب المبدأ الاساسي في الحياه مع ربنا عشان تنتصر اهرب،، لا تقاوم الشر ..بقوتك وتقول انا اعرف أغلب ..لا ماتعرفش.. واحد من الاباء القديسين تلميذه بيساله ..بيقول له في ايه لما انا أواجه الشر ده واجاهد واغلبه،،هو مش ربنا اعطانا القوه..ان احنا نغلب، قال له ايوه. طب ليه بتخلونا نهرب قال له كلمتين جمال جدا،،، حبيبي انت لست أبر من داوود ولا أحكم من سليمان ... داود غلط ولم يهرب من الشر..وواجة الشر...جلس وفكرة وعينوا جابوا لحاجة وحشة...وماهربش...ظل مستمر..تحت بند ان ممكن يكون عندة احتمال جواة ان بره هينقذه ..لا..برة لم ينقذة..ماهربش.. ولا احكم من سليمان . هو كان في أحكم من سليمان على وجه الارض ؟ ما كانش في احكم من سليمان.. ومع ذلك نسمع ان النساء املنا قلبة....لية ..ماهربش...الإنسان أحبائي لابد ان يعيش مبدأ الهروب من الخطيه...داود النبي هرب من قدام وجهة شاول الملك...داوود النبي هرب من وجه ابنة ابشالون لما راى الشر مسيطر عليه هرب منه، لدرجه ان داود قال لنا في المزمور اما الصديق يرى الشر ويتوارى. الصديق يرى الشر ويتوارى يعني يستخبى .. مبدأ ...جبار حكمه عاليه جدا ربي يسوع ويريد يعلمها لنا. لو
لقيت عدوه خير نشيط في وقت من الأوقات ..ويسير مشكلة في البيت ويسير فى اللى حواليك..وانت بتحتد،، عارف العلاج ايه، الهروب اجعل هذة اللحظات تعدي ،،فوتها على الشيطان الفرصه دي، فوتها عليه،، زي ما بيقول معلمنا داود،،يقول الى ان يعبر الاسم،،ما تدهوش فرصه ان هو يتملك عليك .. القديس يوسف العفيف يوسف البار. ايه سبب بره ،،هرب من قدام زوجه فوتيفار هرب..مبارك هذا الشاب اللي ترك لها الثوب بتاعه وهرب منها، ما نعرفش يوسف ده لو كان قعد وتفاوض مع الست دي كان جرى ايه ،،ما نضمنش هرب وترك لها الثوب.. ده مبدأ احبائي لابد ان احنا نبقى حاطينه قدام عينينا،، عدو الخير اول ما شاف رب المجد يسوع اتولد ..ورأى ان في علامات للخلاص ابتدات تحصل.. وشاف انفتاح من السماء على الارض وجيوش ملائكه بتسبح ...الشيطان شايف وسامع كل ده.. عامل ايه ..حمق ودبر..يريد أن يفسد..الحكاية دة...مين اللي في يده الشيطان يقدر انه هو يستخدمه،، هيرودس،، فجعل هيرودس يزداد في شره..و رغبه في الانتقام لكن التخطيط اللي عملوا الشيطان عشان يفسد بة مجيئ رب المجد.. وافتقاده للعالم وخلاصة كله.. افسده رب المجد عليه ..بهروبه..
جميل جدا كلام الملاك للوط البار لما اخذوا من يده هربوا من وسط سادوم وعمورة .. قال له خذ تعال هنا سيب البلد دي كلها باللي فيها طب دي بلد حلوه واحنا اخذنا عليها و الاولاد متربيين فيها.. لا،، سيبها واطلع منها لدرجه انه قال له لا تنظر الى وراءك لا تقف في كل الدائره. وقال له عباره جميله جدا هما كلمتين لازم نحفظهم النهارده ، اهرب لحياتك،، خلي المبدأ ده عندنا في حياتنا الروحيه أهرب لحياتك شوف ايه الحاجه اللي تنقذك والتى تعطيك السلام...والتي تثبت فيك البر واهرب اليها ، لو حبيت تهرب اهرب اليه..وقولة اهرب اليك يا الله. اهرب لحياتك لا تقف في كل الدائره لا تنظر الى وراءك ، قال له كده اهرب الى الجبل لئلا تهلك..وتقرا في الكتاب المقدس كلمة الجبل تشير الى رب المجد يسوع،،هو الجبل ..هو جبل صهيون.. جبل الوصايا الجبل الذي استقرت عليه السفينه اثناء فلق نوح،،.هو الجبل.. الجبل الذي تستقر عليه نفوس الصديقين من مخاطر العالم اهرب الى الجبل،، ادخل جواة ..واحتمى فية..ما تقولش انا قد سدوم وعمورة .. ما تقولش انا اعرف اعيش فيها.. ما تقدرش ..الفكره الشريره والكلمه الشريره والنظره الشريره والمعاشرات الرضيئه..اهرب منه ..أهرب من حب العالم.. اهرب من
حب الماده. اهرب منها، ابونا يعقوب أحبائي عندما أخذ الباكوريه من أخوة عيسو..بخديعة..جاءت رفقه اعطوه نصيحه.. النصيحه دي كانت سبب حياة يعقوب وبركه يعقوب..طول ايام عمره..لية.. اصل يقول لك ..اخوه سخط عليه.. وابتدا عيسو يخطط انه يقتله،، جاءت له رفقه قالت له..اسمع ياابنى لقولى..وقم واهراب ...ما تقولش يا يعقوب انا هواجة عيسو ...لا اهرب.. اهرب دلوقتي لان عيسو غضبان.. روح لاخويا لابان وأقيم عنده أياما قليله، حتى يرتد سخط غضب أخيك وينسى ما صنعت به ،،حكمه عاليه..و هي دى الفتره فعلا اللي جعلت عيسو يهدأ من اخيه ..بعد سنين وسنين بعد مااخية هدأ..رجع لة ومعه هدايا كثيره جدا ...اقرا عنها في سفر التكوين.. وارسل له عبيد وسجد له ...وتوسل اليه لحد ما الكتاب قال لك...تعانقا... الصلح بينهم انه هرب... عشان كده احبائي الانسان الذي يجلس في مكان الشر وهو عارف ان هو في شر وجالس بتصميم .....اقولة انت لم تملك روح المسيح اللي يقعد قدام فيلم وحش ولا قدام ناس مزعجين .. ولا ناس ما فيهاش روح ربنا وقاعد معهم ..ويقول لك ..انا اعرف احافظ على نفسي..دة انا اقولة انت ماعندكش روح المسيح.. أهرب من المكان واهرب من
الفكره القديسين ياما نسمع عن قصص نستغرب.. ..ناس تهرب من المديح.. نستغرب..ان ناس تهرب من محبه العالم.. ناس بتهرب من حب المال ..ناس تهرب من خطية الزنا ياما نسمع عن هروب.. قيل عن القديس غريغوريوس عندما علم ان هو هيخطير للاسقفيه هرب... وراح اماكن مهجوره..عشان ماحدش يعرف عنة حاجة. ..... لدرجه ان الشعب من كثر ما طلبوه امام البطرك...فأتى البطرك بكتاب مقدس، جاب انجيل.. وتمم طقس رسامه الاسقف على الانجيل وكأن غريغوريوس حاضر.. وصلي لربنا ان ربنا يعلن غريغوريوس بطريقته.. ان احنا خلاص مش لسه طالبينك.. انت صرت اسقفا....ملاك الله ابلغه. قال له خلاص الضروره ليها احكام..انت صرت اسقف روح البلد وانت مش لسة هتترسم.. انت اترسمت خلاص .شوف قد ايه الإنسان اللى يهرب من المناصب الانسان اللي يحب يهرب من الشهرة.. عشان كده يقول ان من يهرب من الكرامه تجري وراه.. الله ينيح نفسه البابا كيرلس كان يحب القول ده جدا. اللي يهرب من المديح ..المديح يجري وراه.. لكن اللي يطلب المديح يعمل ايه.. يهرب منه عشان كده احبائي كلام كثير جدا في الهروب ده.. ده مبدا روحي انجيلي اسسه رب المجد يسوع
..مااستكبرش يعيشوا...ماقلش ولادى يعثروا فيا....لا دة بيأسس. فينا مناهج روحيه..ايام عمرنا كله ..هو ده مبدا الهروب هو عمل كده عشان كده هو هرب عشان خاطر يبارك الشعب ويبارك الارض.. ويجعل كنيسه مناره للعالم كله تشهد لة كل ايام حياتها.. هو ده مبدا الهروب اذا كان المزمور بيقول لنا طوبه للرجل الذي لم يسلك في مشهوره المنافقين ..وفى طريق الخطاة لم يقف مجلس المستهزئين لم يجلس ..يعني بيقول لي اهرب من كل الكلام ده.. ما تقعدش متشوفش الحاجات دي.. صعبه جدا احبائي ان الانسان يبقى عارف ان الاماكن دي معثره يبقى عارف ان الامور دي بتضعفه وياما جرب وياما جلس مع ناس تعبته ويستمر ويقعد معهم.. مش عارف يهرب.. هاقول لك لا خلي بالك لو انت ما عشتش مبدأ ااهروب ده وان انت تهرب لحياتك حاجات كثير هتفقدها دون ان تشعر.. لازم اهرب لاني ما ينفعش اقعد في مكان واسمع الكلام ما اتأثرش ...الانسان ده احبائي ضعيف جدا الانسان ده جهاز حساس جدا اللي ممكن تقولة..ان ممكن ما تتاثرش به دلوقتي ده هيفضل كارت في ايد عدو الخير.. ويطلعه وقت اللزوم..لو انا مش مأمن نفسي ومش بحاول ان انا احرس نفسي من كل هذه الامور ممكن ان انا اضعف..النهاردة رب المجد
يسوع بيهرب لمصر ويبارك مصر ويعطي مسؤوليه لمصر ولشعب مصر ان هم يبقوا بركه للعالم كله،، ربنا يسوع المسيح بيأسس عندنا مبدأ ان احنا نهرب من الشر واهرب لحياتك ...ربنا يسوع المسيح يعطينا حكمة ويعلمنا كيف نهرب..ويسند كل ضعف فينا بنعمته ولالهنا المجد الى الابد امين...
الهروب الي مصر الاحد الاول من شهر طوبه
بأسم الاب والابن ز الروح القدس اله واحد امين.. فلتحل علينا نعمته ورحمه وبركته الان وكل الاوان والى ظهر الدهون كلها امين.. تقرأ علينا احبائي الكنيسه في هذا الصباح المبارك فصل من بشاره معلمنا مارمتى الاصحاح الثاني.. بيتكلم عن بعد احداث ميلاد ربنا يسوع المسيح..جاء الرعاة وسجدوا له وبشروا في بيت لحم بميلاده وصار في تباين في ردود افعال الميلاد بربنا يسوع المسيح في ناس دخل جوه قلبها فرح عظيم جدا وناس دخل جوه قلبها اضطراب عظيم جدا وهكذا يكون المسيح دائما احبائي..لناس سلام..ولناس اضراب ..يجيء منين السلام.. لما يكون هو مركز الحياه وملك السلام. بيجيء منين الاضراب ..لما اشعر ان المسيح ده مش مركز حياتي لا ده المنافس بتاع حياتي ..ده المسيح اللى حارمني من كذا وكذا ونفسي اعمل بس هو بيقول كذا.. لما الانسان بيكون عايش نفسه يصبح المسيح بالنسبه لة إضراب..وعندها يعيش الإنسان للمسيح يكون المسيح بالنسبه له سلام..
امبارح كنا بنعيد بعيد الختان وده ان ربنا يسوع المسيح قبل الختان وصار كواحد مننا وهو واضع الناموس صار تحت الناموس من اجلنا ليكمل الناموس فينا.. عشان كده نقول اكملت ناموسك عني ..فهو كم
الناموس لينا وفينا بعد ذالك جاء المجوس وسجدوا وقدموا لة هدايا. وكانوا استفسروا عن مكان الميلاد من هيرودس ..فهيرودس اضرب ...فذهبوا لربنا يسوع المسيح وسجدوا له وقدموا الهدايا بتاعتهم بس الملاك قال لهم لا ما ترجعوش من نفس المكان فرجعوا من طريق اخر. وده احبائي أيضا الانسان اللي يتقابل مع المسيح ما يرجعش ثاني لنفس الطريق بتاعة ..لا بيذهب لطريق اخر....الانسان الذي تقابل مع المسيح مش ممكن يتآمر على المسيح.. الانسان اللي تقابل مع المسيح بيمشي في طريق جديد.. طريق في سلام.. بعد مع انصرفوا المجوس اكيد كانت الحاله المعنويه بتاعت امنا العذراء ويوسف النجار حاله جميله . الناس جاء الينا وقدمت لنا هدايا... وسجدت .. حاجه جميله تفرح...لكن جاءهم خبر مزعج ايه هو الخبر المزعج... جاء لهم الملاك بعد ان انصرفوا المجوس..اذ ملاك الرب قد ظهر ليوسف في حلم قائلا.. خد بالك الملاك كان كل شويه يروح ليوسف ...يوسف رجل بار مؤتمن على رحله العائله المقدسه... يكون حارس للميلاد البتولى... قال لة قم وخذ الصبي وامه واهرب الى مصر..خبر مزعج...فية عدم استقرار... معهم طفل صغير ..ويقول لهم اذهبوا لبلد ثانيه.. خالص.. ومصر بالنسبه لفلسطين
مش مشكله ان هي بعيده.. لكن بلد غريبه.. وبلد مشهوره بالسحر وعباده الاصنام...والسحر والخرافات...خد بالك فن جذور في بلدنا للحاجات دي... مصر كانت مشهوره بالحاجات دي من ايام موسى النبي كانوا ياتوا بسحرة... بلد غمضه بلد ما عندهمش معلومات عندها ولا قرايب ولا مطمئنه لكن يقول لة قم وخذ الصبي وامه واهرب الى مصر ..وكن هناك حتى اقول لك... لان هرودس مذمع ان يطلب الصبي ليهلكوا.. الموضوع خطير.. فقاما واخذ الصبي وامه ليلا وانصرفا الى مصر.. يعني في نفس الوقت... على طول ..حاجات في الاحداث احبائي تخلينا نشوف قد ايه عظمه الميلاد البتولى وقد ايه عظمه الاحداث وان الاحداث دي كلها من اجلنا ومن اجل خلاصنا ..وخلي بالك ..عندما قال لة خذ الصبي وامة....ماقلش أمة والصبى!!! أهم حاجه في الحدث ده هو الصبي.. هكذا احبائي في حياتنا لما بنعيش مع ربنا يسوع المسيح بيصير هو مركز الحياه مين المركز.. الصبي.. السيد المسيح اصبح كلنا منسوبين اليه ..الصبي وامه..يعني زي ما يكون كده هو محور العيله ..زي ما يكون كده مثلا واحده ست عندها ابنها وزير ولا محافظ تقول انا امه ...فقال لة قم خذ الصبي وامه.. الانسان احبائي
اللي يعيش للمسيح يسوع يبقى منسوب للمسيح ويبقى المسيح ومحور حياته.. خلي بالك هنا الوحي الالهي قصد يبقى الصبي منسوب للعذراء اكثر منسوب ليوسف عشان ما حدش في يوم من الايام يقول ليوسف ان ده اب بحسب الجسد.... انت حارس اراد الملاك ان يؤكد ان المسيح مركز النسب مركز العيله لان الانسان اللي يرتبط بالمسيح من خلال شركه الايمان الحي العامل بالمحبة بيبقى حامل المسيح في نفسه وجسده و اعماقة.. زي ما كنا بنقول ان بعد المقابله بتاعه المجوس كانوا مبسوطين وفرحانين ومطمنين قالوا لا خلي بالك ..الحكايه مش هتمشي كده بواتيرة واحده. اللي يعيش مع ربنا يسوع المسيحه هتكون في افراح وهيكون في الَام .. هيكون في اوقات فيها مجد لكن اوقات فيها ضيق ..في وقت هيجي لك المجوس ويسجد ويجيبوا هدايا والنجم يقرب والنجم يقرب من المغاره اللي انت اتولدت فيها والبلد كلها تعرف عندنا مولوده عظيم كل دي احداث جميله احداث كلها فيها مجد...لكن فى احداث فيها ضعف.. لان حياه الانسان فى المسيح يسوع يسوع لازم يدرك ان حياته تمتزج بين الالم والفرح ما بين الضيقه وما بين المجد ..لازم نعرف كده عشان.. كده يوسف البار لم ينزعج ولم يناقش..كان
ممكن يقول اية دة!!مش هو ده اللي انت بتقولى هيكون مخلص العالم ؟ مش ده هيخلص الجميع... طيب مخلص العالم مش هيعرف يخلص من هيرودس مين اقوى.... هو المسيح اقوى ولة هيرودس عشان احنا نهرب.. وفعلا يوسف ما دخلش في الحوار ده ..الحوار ده احنا بندخله بسبب ضعف وعدم ايماننا.. احنا اللي بنقول كده لكن يوسف على طول فقام وخذ الصبي وامه ليلا وانصرف الى مصر ..ربنا احبائي بيقصد انه يخلي حياتنا معه جايه من رصيد عشره رصيد معاملات ..لازم اشوفه و المجوس عندي و لازم اشوفه وانا هربان في مصر.. لازم نشوف ربنا يسوع المسيح احبائي في الوقت اللي احنا شايفين ان الدنيا بالنسبه لنا كويسه وسهله ولازم نشوف المسيح في الوقت اللي احنا بنمر بضيقه وصعوبه لازم نشوف المسيح هنا وهنا بيعلمني كده بيعلمني ازاي اشوفه في كل مراحل حياتي وفي كل مواقف حياتي وفي كل ظروف حياتي وعشان كده حتى يوسف ما سالهوش هنرجع امتى... لازم احبائي الانسان يكون عنده طاعة واحتمال لازم الانسان يقبل كل ما هو ياتي عليه عشان كده احبائي سلسله معاملات ربنا مع يوسف كان فيها جزء من الاضراب وفيها جزء من السلام كل ما يخاف من حاجه..الملاك
يأتى آلية..وكل ما الظروف تتعبة شوية ربنا يعزية ....المفروض كان الطفل الصغير ده مخلص العالم كان عر ف ازاي يتخلص من الموقف ده خصوصا النتيجه بتاعه الموضوع ده كانت نتيجه مش حلوه ايه هي ان الملك بصينا لقيناه قتل كل الاطفال اللي في المدينه من سن سنتين فما دون... امر مزعج...ليه يا ربي يسوع ما تتخلص من الموضوع ده ليه ما تتصرفش.. ليه ماتجبش ضيقه على الملك دة...قالك لا....انا في حاجات انا بتصرف فيها بحكمه ابعد من حكمت الموقف نفسه... اللي حصل احبائي مع اولادنا واحبائنا في الكنيسه البطرسيه ..يستشهدوا ..وهما جوه الكنيسه ناس كثير يقول لك ليه... ليه يا رب ما كنتش تعرف تحميهم ما كانش قادر يموت هو وكل اللي معاة دول.....يقولك لا لا انالى طرق ثانيه في مجدي.. انا بتمجد فى احداث..مثل هذة...عشان كده القديس يوحنا ذهبي الفم بيقول لك بلاش تطلب عجائب كثيره من ربنا يسوع المسيح.. لانه له اراده ..القديس يوحنا ذهبي الفم قال لك ..لانه منذ طفولته المبكره اظهر عجائب كثيره ما حسبوه انسانا ...كنا هنعتبر ان ده مش بشر كنا هنقول عليه هو الله اه.. احنا عايزين نثبت ان هو اللة..لكنة ليس انسانا.. لكن لا هو عاوز يقول لك انا بشر زي زيكم وبعيش
ضيقتكم وبعيش الامكم وبعيش تجاربكم...عشان كده احبائي خدع لامر الهروب....عشان كدة القديسين يقولوا ان ربنا يسوع المسيح عندما هرب الى ارض مصر يعطينا منهج في الحياه .ظايه هو المنهج ..لا تقاوم الشر بالشر في مواقف في حياتنا احبائي تحتاج الى هروب في مواقف تحتاج هروب يوسف الصديق هرب من امراه فوتيفار..عايزه تمسكه قال لها خذي الثوب بتاعي بس انا هاهرب من ايديك.. لا تقاوم الشر بالشر.. مواقف في حياه الانبياء هاربون... ابونا ابراهيم هرب...لوط كان لازم يهرب من سادوم وعمورة...قال لة لا تقف فى كل الدائرة...قال لة اهرب من الجبل لئلا تهلك... احنا احبائي في حياتنا فى حاجات لازم نهرب منها.. اهرب من المعاشرات الرضيئه اهرب من مناظر قبيحه اهرب من حوار غير بناء اهرب من شخص بيعثرنى ...اهرب حاجات كثيره احبائي فى حياتنا محتاجه هروب.. الهروب حكمة وليس ضعف .. ليه انا عاوز احافظ على خلاص نفسي انا ضعيف عاوز احافظ على افكاري وحواسي ومشاعري هاجي في وسط النار واقول لا انا اعرف.. لا ...عشان كده احبائي القديسين يقول لك.. النار لا تطفئ بالنار.. النار تطفئ بالماء. هيرودس نهرب منه... في مواقف ربنا بيسمح بها
محتاجه هروب.. عشان كده احبائي هروب ربنا يسوع المسيح بيعطينا منهج روحى فى حياتنا بيعطينا منهج روحي في حياتنا ازاي نهرب من الشر والافكار الشريره ازاي نهرب من البغضة والكراهية...ازاي نهرب من جلسه نميمه ناس بتجيب في سيره بعض ما تقعدش في النص بينهم.. اهرب بزهنك وبحياتك اهرب... ما تجيش في وسط شر وتقول انا هتوبهم.. لا ممكن تكون انت ما تعرفش ان انت تتوبه.. بدل ما تكون انت فاكر ان انت تعرف تتوبة . تلاقي نفسك انت اللي داخل لك الشر... يبقى كان من الحكمه تقول من اول..انا محتاج ان انا اهرب ...
عشان كده احبائي الاباء القديسين كان عندهم حكمه عاليه جدا ..في الهروب من الشر والهروب من العدو وفخاخة...و مصر في الوقت ده كانت رائده العالم الوثنيه يعني البلاد اللي بتعبد اصنام.. اكثر بلد بتعبد اصنام هي كانت مصر واكثر بلد فيها تعدد الهه مصر.. اكثر بلد فيها سلطان للشيطان فى ذالك العصر مصر ..اكثر بلد فيها قوه كانت مصر والدولة الرومانيه ...ممالك....ربنا يسوع كان قاصد يأتى فى زمن الدلة الرومانيه ويروح كمان مصر.. عشان يخترك المملكتين ويسود على المملكتين وتسير الارض كلها للرب
ومسيحة .. يا رب انت عاوز تيجي مصر لحكمه عاليه ابعد كثير من عن اذهنا..كتير مواقف في حياتنا احبائي عندنا فيها ألف سؤال لية...اكيد يوسف وهو في الرحله دي..واكيد امنا العذراء عندها قامة اعلى بكثير.. مش هنتكلم عن العذراء تقول لية...لكن ممكن تكون جالها تساؤل بشري ليه . لية ما نقعدش في مكان مطمئن... انتم عارفين ان اكثر احتياج للانسان يبحث عنه طول حياته الاحتياج الى الامان..الاحتياج الى الامان اهم من احتياج الاكل والشرب ..طب ازاي ربنا يسوع المسيح يعيش فى أمان ولا تخيل بقى واحد يقول لهم على فكره دة هيرودس النهارده قتل شويه اطفال ..على فكره ده باعث ناس ماشين وراكم.. على فكره انتم معروفين بالضبط فين دلوقتى......يالا الخوف والرعب...مافيش امان ..اجمل حاجه احبائي الانسان يكون مسلم تماما ..مسلم تماما في ثقه ان الرب حافظ.. هو قال لي امشى..همشى..لكن خطوات التامين نفسها وهاعمل ايه..دى ترجعلوا هو ...يخليني اروح وسط البلد اللي كلها شر دى...! انت مخليني اهرب من هيرودس عشان الاقي في فرعون؟!..مافرعون اصعب...فرعون مصر اكثر شرا...انا عايزك تثق في تدابيري وارادتي وحكمتي ...مصر المليئة بحياه الشر
..مصر التى ترمز الى الشر والشيطان فى العهد القديم...مصر كانت تشير فى العهد القديم الى العالم....لية قالة روح مصر ..؟! خلي بالك انا ليا شعب كثير في مصر ...وعاوز ابارك مصر ..لان فى نبوات عن مصر....اشعياء يقول لك.. هوذا الرب راكب على سحابه خفيفه سريعه وقادم الى مصر ..مين السحابه الخفيفه هي العذراء.. فترتجف اوثان مصر فى وجهة الرب ويذوب قلب مصر داخلها في ذلك اليوم يكون مذبح للرب فى وسط ارض .وعمود للرب عند تخومها....فيكون علامه وشهاده لرب الجنود فى ارض مصر..فيعرف الرب في مصر ويعرف المصريون الرب في ذلك اليوم ويقدمون ذبيحه وتقدمة وينذرون للرب نذرا ويوفون بة....ايه ده ...هيكون مذبح للرب في ارض مصر !!مصر المليئة اوثان.!؟. مصر اللي مليانه شر..؟! ربنا هيكون فيها ايوه ..مين اللي هيأسس المذبح ده؟ و مين اللي هيسهل الطريق ده ..ومين اللي هيعرف يعمل المعجزه العظيمه دى؟ ان مصر تصير للرب ... مذبح المحرق .التى ذارتة العائله المقدسه..وجلست فية اكثر من سته اشهر جغرافيا يقال ان فعلا اسيوط في منتصف مصر بالضبط يعني مصر يقال ان هي تقريبا الطول بتاعها 1000 كيلو واسيوط النصف ..عند الرقم
500 ...القديس يوحنا ذهبي الفم قال...افرحى يا مصر وامتلئى بالرهبان النسالك والتسابيح..ومن ضمن الاماكن التى ذارتها العائله المقدسه بريه شهيت ..وذارت الوجه القبلي والبحري عملت على مصر تقريبا علامه صليب في الرحله بتاعتها .الزياره دى كانت لتقديس مصر ولتقديسنا. كلنا.. ما كناش نعرف الكلام ده ان ربنا لة قصد كبير جدا انه يجي ارض مصر ليباركها وتصير لة...ما ابعد احكامك يا رب عن الفحص ..ده احنا كنا شايفين الموقف ده ان هو موقف ضعف والالام وتجربة ....احيانا احبائي بيكون ربنا عنده مقاصد ابعد من اذهنا... كم موقف احنا نتالم منه ونرفض...كم موقف نتساءل فيه لية يا رب بتعمل كده كما علت السماوات على الارض هكذا تبعد طرقى عن طركم ...مبن يعرف ان ربنا قصده كده؟! عشان كده ربنا جاء ارض مصر وكانت رحله مباركه... ناس بتتعجب ما كل المناطق اللي حوالينا خربت.. ليبيا خلاص وسوريا خلاص والعراق خلاص ..والعجيب اللي يقول لك مصر الناس دي لو ضاعت بسبب افكار معينه او وتشددات معينه من بعض الجماعات..العجيب ان البلاد اللي ضاعت دى اساس الافكار بتاعتها مصر.. هي اللي تغذي كل الافكار دي مصر ..الفكر كله مصر.. ازاي كل الدول دي خربت
واساس الفكر مصر ظلكن مصر لسه محفوظه؟! اصلي في سر ما حدش يعرفه ..المسيح بارك ارضي مصر وحفظها..ماعددش فى يد بشر...اصبحت اعلى بكثير من كدة.. بعد ما هربت العيله المقدسه لقينا هيرودس قتل اطفال بيت لحم ..بس خلي بالك فى معلومه احيانا يقولوا ان دول ال144,000..دى معلومه غير دقيقه و غير سليمه ..لانه بيت لحم مدينه صغيره جدا عدد سكانها كله ما يزيدش عن 200 اسره.. 200 اسره دول هيكون فيهم كم طفل من سنتين فما دون!!؟ حسبة بسيطة كده...50 ،70، 100 200 ،اسره ....عندهم كم طفل اقل من سنتين... مش اكثر من 100 طفل.. فاللي اتقتلوا ما كانش العدد بتعنا.. لكن العدد بتاع 144000 ده كان اشاره الى الباتولين من جميع اقطاب الارض اشاره الى سفر الرؤيه..عندمآ قال...من سبط كذا الى سبط كذا أثنى عشر ألف من سبط كذا اثنى عشر ألف...فضربوا 12 × 12= 144 .. اشاره للابرار يعني رقم رمزي اكثر من رقم احصائي... علشان كده الاطفال اللى قتلوا دول ...رحيل تبكى على أولادها ولا تريد ان تتعزى ...فى الحقيقه التاريخ يذكر ان رحيل ماتت في الجزء ده ارض فلسطين...رحيل مدفونه قرب بيت لحم في اطفال من بني اسرائيل بيدبحوا الاطفال الي من
بني اسرائيل دول اللي بيذبحوا مين زعلان عليهم ..رحيل فرحيل بتبكى على اولادها ..الاطفال دول قدموا برضو شهادة دم وشهاده حب لربنا يسوع المسيح...ما نقدرش نقول ان هم فدوا المسيح... لكن نقدر نقول ان هم ضحوا من اجل المسيح فصاروا كنيسه ابكار ..تقدر تقول كده لما نقول مين اول الشهداء..كلنا نقول استفانوس معروفه الاول ،الزعيم ،ذا فرست ... قال لك لا في ناس قبل الاول ..مين دول؟ اطفال بيت لحم...بعد ذلك رجع الى الناصره.. لانه هيدعى ناصريا.. كلمه ناصري .. معناها غصن ....وياما نلاقي في العهد القديم نبوات عن المسيح هو الغصن ..قال عنة زكريا النبي ان هو ده الغصن..قال لك كده ها انا سأتى بعبدى الغصن في زكريا 3.... قال لك يخرج قضيب من جزع يسى وينبت غصن من اصوله..دة فى اشعياء هو ده الغصن... الناصري عشان كده يدعى ناصريا هيجي الناصري ده.. الراجل الغصن ده.. اللي من مكانه ينبت ويبني هيكل الرب ...هو ده الي كان عبدى الغصن .. هو ده الي كان المسيا اللي كل الامم تنتظروا...لانة مشتهى الاجيال....ومشتهى الامم... جاء وعاش في الناصره ودعى ناصريا ...سواء بيت لحم او الناصره من اقل البلدان شأنا.. بلد ضعيفه جدا
اقتصاديا اجتماعيا عشان ربنا يسوع المسيح جاء ليغير الحقائق...جاء ليغير الثوابت اللى الناس عاشت بها... البلد الفلانيه دي بتاعت الناس الاكابر والبلد دي بتاعت الناس المحتقرين. قال لك ... انزل الاعزاء عن الكراسي ورفع المتضعين ..اوعى تفتكر ان المكان اللي انت عايش فى يضيف لك قيمه ..وما تفتكرش ان فلوسك تضيف لك قيمه... اوعى تفتكر ان في حاجه تضيف لك قيمه غير انك انسان مرضى للة...ربنا يعطينا ان نتبع خطواتة..ان نكون معه فى بيت لحم.. ان نكون معه في هروبه الى مصر... ان نكون معه في كل مكان يبقى فيه وانا رجع الى الناصره فنرجع معه...الى ان نكون معه حتى وان كان في الجلجثة على الصليب..لا ان كنا لم نتالم معه فلم نتمجد ايضا معه... ربنا يكمل ناقصنا ويسند كل ضعف فينا بنعمته ولالهنا المجد الى الابد امين ..