بسم الاب والابن والروح القدس اله واحد امين فلتحل علينا نعمته ورحمته وبركته الان وكل اوان والى دهر الدهور كلها امين.... النهارده احد الرفاع ..والرفاع في الكنيسه معناه الترفع...الكنيسه لها قطمارس لقراءات الصوم الكبير ..القطمارس طالع من إمبارح.. بمعني ان فى ضمير الكنيسه ان الصوم ابتدا لكن اعطيتنا يومين لاجل الاستعداد للصوم مش لاجل أشياء اخرى...معناها ان احنا تهيئناو اشتقنا وتمنينا ان الصوم يأتي..فتلاحظ ان ربنا والكنيسه مجهز لنا رحله جميله هدفها كلها وكل ما نضعه في قلوبنا دلوقتى ان كل واحد فينا نقول له يآرب اعطيني ان اتغير فى الصوم... يا رب ما تخليش الصوم يبقى مجرد روتين ولا اكل ولا ثقل ولا مجرد حاجه لم اشعر بها... الصوم هو التغيير هو عبور من حالة الى حالة....هو من انسان يسلك بحسب الجسد الى انسان يسلك بحسب الروح وكل المقومات وكل الاغذيه التي تؤدي الى هذه الحاله الكنيسه بتخرجهلنا في هذه الرحله....هتلاقى فصول في الكتاب المقدس ممكن مابتتقراش غير في الصوم فقط ..لايوجد قداس يقرأ فية نبوات الا في الصوم....عشان الكنيسه عاوزه تقولنا اقرا الكتاب مقدس كثير... هتلاقي فصول لم تقرا طول السنة الا في الصوم فقط ....يعنى فصل ثمين جدا زي مثلا فصل الابن الضال. لم تقراة الكنيسه غير في الصوم بس. طب ليه ؟!عاوز يقول لك يعني لما يكون عندك حاجه مهمه. بيتلبسلها بدلة مهمة ماتطلعش غير في مناسبه تليق بيها ...فالكنيسة مطلعلنا أشياء ثمينة عشان تعوضنا عن حكايه الغذاء الجسدي.. فبتعطينا غذاء الروح... تلاقي الكنيسه في الرحله دي بتركز جدا على تغيير حاجات كتير .. النهارده الكنيسة فى الرفاع بتاكد على تغير المفاهيم ..مفهوم الصوم.. الصوم بالشكل ..وتظهر للناس انك عابس ...لا ...مفهوم الصلاة..ماتصليش قدام الناس انت تدخل مخدعك وتغلق بابك.... مفهوم الصدقه...تعطى في الخفاء ..ما تبقاش قدام الناس... فبيغير المفاهيم.. الاسبوع القادم... هتلاقيه بيغير الاهداف.. لا تكنزوا كنوزا لكم كنوزا على الارض... عشان كده احيانا يسمي الاحد القادم...احد الكنوز ..فالنهارده نغير المفاهيم ... الاحد القادم نغير الاهداف... الاحد اللي بعده نتغير من الغلبة الى النصرة ...احد التجربه ابونا ادم انغلب المسيح غلب ادم انغلب بالطعام المسيح قال ليس بالخبز وحدة... تغيير من ان احنا بنتغلب للنصرة.... الحد اللي بعده الابن الضال.. بنتغير من حاله الولد اللي بره البيت المتمرد على ابوة للولد اللى يدخل البيت وهو منكسر..ويقول له اخطيت سامحني ..الاحد اللي بعده احد السامريه تغيير من حاله انسانه حبت تعيش تشبع نفسها بامور الحياه و باللهو وبالزيجات المتعدده لحد واحده وصلت لحالة اكتفت بالمسيح وشبعت بية وتحولت من انسانه شريره الى انسانه كارزة ...تغيير اللي بعده احد المخلع من واحد ما عندوش اراده خالص انة يتحرك لانسان بيتحرك ويقوم و يمشي و ينزل في البركه ..وقال له يسوع ها قد برأت فلا تخطئ ..بعد كده المولود اعمي تغيير من الظلمه للنور ...كلها تغيير.. الكنيسه بتزقنا ناحيه التغيير اذا المفروض ان انا ما بقاش واقف مكاني في الصوم ..لازم اتغير... اتغير من حاله انسان شر. لحالة انسان توبةو بر اتغير من انسان عينوا مش مفتوحه على الانجيل على عين تنفتح للانجيل ...اتغير من حالة انسان ارادته ضعيفه دائما كسلان دائما متبلد في الامور الروحيه للانسان بيتحرك وعنده اشتياقات وبيجري في طريق الملكوت ..اتغير... يعدي علينا احبائي فترات كثيره فيها صوم كبير واحنا ما نستفدش بيها دي تبقى محسوبه علينا ..عارف لما تبقى واحد دعاك لحفله قيمه قوي وانت ما تجيش. او لو تحضر وانت مش فاهم اي حاجه من الحفله دي ..لا . ده دعاك عشان تاخد نصيبك من الحفله دي... هذه هى الكنيسه الفتره دي.. لازم ناخذ نصيبنا ان احنا نتغير.. اتغير من انسان كل تفكيره في الارض تفكيره في الزمن وكل تفكيره في الجسد ...وكل تفكيره في ذاته..دة الحاله اللى الانسان بيتسجن فيها.. بيتسجن في الذات والجسد والارض والزمن تعال كده فكر كل اهتماماتي اية .ولة عاوزين اية... هتلاقي معظمها او كلها اهتمامات زائلة...كلها...هتلاقى اهدافك دائما اهداف مؤقتة كل اللي انت عاوزه حاجه تحصل كمان شهر كمان شهرين ..طب اتحققت...طب وبعدين..؟! ايه اللي بعد كده... الكنيسه عاوزه تقول لنا لا.. ارفعوا عينكم لفوق خلي بالك.. لازم تركز على ثلاثه اشياء مهمين جدا صوم وصلاه وصدقه.. الكنيسه النهارده بتقولك خذ الثلاث اسلحه دول عيش بيهم ...صوم عشان خاطر تقمع الجسد ...لازم.. صوم عشآن لازم تقول لجسدك لا...صوم عشان خاطر لازم تختبر حاجتين... تختبر خبره الجوع.. عشان كده في الصوم الكبير الكنيسه تكسر من القداسات المتاخرة ..عشان الناس تصوم فترات اطول ...تخيل لما الكنيسة تقولك على ربنا يسوع انه جاع اخيرا... امتى الواحد بيجوع ؟! تصور ان احنا كتير بناكل واحنا مش جعانين... اه ....لو رقبت نفسك كويس هتلاقي نفسك بتاكل وانت مش جعان.... لدرجه ان الاباء القديسين ينصحونا يقولك خلي بالك بلاش يبقى في حاجات كثير بتعملها وانت مش مراقب نفسك فيها.. زي حكايه الاكل دي... لا تاكل الا اذا جعت ولا تتكلم الا اذا سؤلت ولا تنام الا اذا نعست.. عايز يقول لك خليك واعي.. اصلا الحاجات دي ممكن جدا تكون سبب لتقدمك اول تاخرك ..ايه رايك لو تاخذ في الصوم تدريب تقول انا لازم اجوع ...عاوز اجوع.. وايه رايك كل ما تأتى لك فكره ان انت تاكل تقول لها مش دلوقتى..اصل بيبقي في حاجات مرتبطه مش بالاحتياج مرتبطه بالذهن.. هتلاقي حاجات كثير الذهن هو اللي بيلبيها بدون ما يشعر...دى فكره اي عاده رضيقة...اي عاده رضيقه هي حاله من التلبيه الذهنيه لشيء هو مش فى احتياج في لة فى الحقيقه.. يعني الجماعه اللي بيدمنوا ولة اللي بيشربوا سجائر هى تلبية ذهنية لشئ هى مش فى احتياج. بس تعود عليها..اية رايك لو ناخد بالنا ان احنا فى الصوم محتاجين نتعود..ع الجوع...نتعود نقول لاجسدنا لا... نتعود نقول لاجساد لما يجوع مش دلوقتى....لما اقول له مش دلوقتى..ابتدى يحصل حاجه في التكوين النفسي للانسان وفي التكوين الذهني للانسان ان تنتقل الامر من الاحتياج بحسب العادة الى الانسان بحسب الاراده...ان ينتقل فعل الإنسان من حاله اللاوعي الى الوعى ....لان الانسان بيلبي احتياجات كثير بلا وعى.... اذا عاوزين ناخذ تدريب ان انا اجوع في الصوم اوصل لحاله الجوع طب لما تيجى تاكل تاكل ماتحتاج وليس ما تشتهي.... القديسين يقوللنا كده.. عود نفسك ان تأكل ما تحتاج وليس ما تشتهي.. وصدقوني لو فكرنا شويه في الفرق بين ما نحتاج وبين مانشتهي هنلاحظ فرء كبير جدا يصل تقريبا الى ما ناكله خمس اضعاف ما نحتاج... في الصوم في تغيير في المفاهيم لابد ان ربنا يعطينا كدة انا اقول لربنا عاوز اتغير مش عاوز افضل زي ما انا انسان ترابي انسان جسدانى اانسان باصص لتحت باصص للارض باصص لنفسي كل اهتماماتي أرضية. لا.... الصوم ده فرصه.. الكنيسة عندما تكون كلها صائمه.. بنساك البريه بالاطفال بالشيوخ بالعجائز...بتبقى في قوة دفع جماعيه هو ده اللي احنا بندخلوا فى فترة الصوم الكبير.. عارف انت لما بتكون ماشي وسط مجموعه كبيره وكلهم متكدسين في بعض وبيمشوا ...تحس ان انت ممكن تكون ماشى لوحدك كده....ادي فتره الصوم الكبير انت بتتزء .كلنا مزئوئين ببعض ...بقوه القائد اللي قدامنا اللى هو مين ... ربنا يسوع المسيح نفسه صايم ...عشان كده احنا نقول ربنا يسوع المسيح صام عنا ...فاحنا صائمين معاة وجواة... احنا حته من جسمه ..احنا خليه جوه جسمه فلما الخليه جوه جسمه..و جسمه صايم يبقى انا اصوم معاة...عشان كده الشخص الذى لم يصوم في فتره الصوم هو تلقائيا اخرج نفسه خارج الجسد..عشان كده الكنيسه تقول اللى مش صايم مايتنولش... ليه..؟ اصل هو تلقائيا اخرج نفسه بره الجسد... الجسد كلة صايم طالما حته جوه الجسم مش صايمه يبقى كده ايه خرجت بره جسمي..الحالة الوحيده اللي يستثنى فيها ان تكون الكنيسه اعطتة اذن ..يكون عنده ظروف معينه.. ياخذ اذن من الكنيسه...فيدخل جوه الجسم الصائم .دة تغيير في المفاهيم.. تغيير في المفاهيم ان لابد ان يكون لنا في الصوم اهداف روحيه... يا رب علمني اغلب جسدى يا رب علمني الانتظام ع الصلاه... يا رب علمني ان انا اقفل الموبايل بتاعي ولا واجعله بعيد عني ميعطلنيش عن الصلاه..علمني ....علمني اقعد معاك اكثر ما اقعد مع الناس.. علمني اعطيك اكثر ما بعطى لنفسي ...علمني ان انا اققل من احتياجات واعطيك انت... علمني ان انا ارتبطت بالسما اكثر من الارض... علمني ان انا ارتبطت بك اكثر من نفسي... علمني ان انا سلك بالروح اكثر ما بسلك بالجسد ... هو ده الصوم... عشان كده تقرا في العهد القديم فى سفر اشعياء والعهد القديم فى سفر زكريا ان ربنا وجد الناس بتصوم ..لكن قال لهم هل هذا الصوم ترضى بية نفسي؟! لو انت بتظلم غيرك ولو انت سالك بحسب عوائد العالم يبقى ده صوم ...مش ده الصوم اللي انا عاوزه... عشان كده في سفر يوئيل يقول قدسوا صوما نادوا باعتكاف...مزقوا قلوبكم لا ثيابكم يعني الموضوع مش حسب الشكل مش واحد لابس وبيقول انا بمزق الثوب بتاعى...لا سيب الثوب بتاعك زي ما هو بس انا عاوزك بدل ماتمزق الثياب تمزق قلوبكم اكثر فتره نطلب فيها الرحمه .أكتر فتره الكنيسة تطلب نعمل فيها مطانيات ..اكثر فتره الكنيسه تصلي فيها الاجبية كلها هي فتره الصوم الكبير بيقولوا عليها الاباء سترت غازين السنه الروحيه بيقولوا عليها الاباء انها فتره السنه الروحيه..ربيع السنة..الإنسان اللي عايز يتوب بتبقى فتره الصوم فتره شهوه عنده لانها بتتحول في الانسان الروحي من شهوه الطعام لشهوه الصوم و من شهوه الجسد لشهوه الروح ..من شهوه الزمن لشهوه الابديه ...هي دي الفتره اللي احنا مقبلين عليها الكنيسه بتجهزلنا لنا فيها زي ما قال في سفر صفنيا مائده سمائن الكنيسه هتطلع لك فصل الابن الضال وبعدين فصل السامريه وبعدين فصل المخلع وبعدين فصل المولود اعمي وكانها بتقول لنا ها....!! اتحركتم مع الناس دول ولا لسه؟؟ اخذتم نصيبكم من معامله المسيح معاهم ولة لا؟! اتفكيتم..اتحررتم ..ابصرتم..اتغيرتم...هى دى فتره الصوم.... عشان كده احبائي ..مقبلين على الصوم واحنا بنقول له يا رب.. ما تخليش الايام دي تفوت بسرعه وما تخليهاش تفوت من غير فائده وما تخليهاش تفوت وانا زى ماانا فى كسلى وإهمالى والتراخى اللى فيا .. ونفس العادات و اتفرج على التلفزيون واتكلم مع مين و اتكلم في التليفون لا لا لا... ابتدي يكون في تغيير في السلوكيات زي تقليل الكلام..قلل الاكل جدا وقلل الكلام جدا اعتبرهم كده سلاحان ...وقللوا استخدام التليفونات اعتبر دول ثلاث تداريب .. ليه ؟! لاجل ان تتفرغ للانجيل والصلاه ..انجيلك جنبك والاجبية جنبك ...يلا أفرح اسبوع اسبوعين هتلاقي فيه نعمه.. في فرحه اسبوع اسبوعين هتلاقي رغبه الكلام عندك قلت .. ورغبه الاكل عندك قلت ورغبه الانشغال بامور اخرى قلت ...لان الله هيلهيق بفرح قلبك.... هتلاقي نفسك الاحاديث تقيله مش عاوز تكتر مع حد فى اى كلام..قافل الكلام.خالص ..مافيش وقت.. ربنا عاوزنا احبائي نتمتع بية واعطانا اسرار واعطانا كلمته واعطانا اصوام..اصل ارادتة لينا قداسه... اصل هو ما قلناش نكون قديسين وسايبنا لا ....قال لنا ازاي نكون قديسين تخيل بقى لما يكون جعلنا ازاى قديسين وسايبين الطريقه... طب هتيجي ازاي.... واحنا قاعدين النهارده كده احبائي لازم قلبنا يبقى مليان بالاشتياق.. ان الايام القادمة دي تبقى ايام الواحد ماسك فى اليوم عاوز ياخذ النصيب بتاعه منه.. عاوز ياخذ قوته.. متنقلش لليوم اللي بعده الا لما اكون فهمتة...لما اقولك قلل الكلام وقلل الاكل اقول لك اقرا بقى النبوات بتاعت كل يوم ...شوف الكنيسه عاوزه تقول ايه... يا سلام بقى لما ربنا يعطيك عين مفتوحه وتفهم ليه النهارده جابت نبوه من سفر التثنيه.. ليه النهارده ااكنيسه جابت نبوه من ارميا..لية الكنيسة النهارده جابت نبوه من تكوين ..ليه....تلاقي ربنا فتح بصيرتك....هتلاقى فى ربط بين النبوات وبين الاسبوع بس الكلام ده عاوز واحد بيقول له يا رب اكشف عينيا لأرى عجائب. في شريعتك..... اقولة يا رب انا عاوزك تفهمني و تكلمني و عاوز اشبع بيك واشبع بالكنيسه ..تبص تلاقي القراءات والتناول والانجيل مشبعينك والانجيل و الكنيسه مفرحاك وكل اسبوع الكنيسه بتكون فيها ...كل احد قراءة معينه بتبقى مشغول به ...والامر بيكون في نفع وتغيير لينا ...هو دة فتره الصوم و اللي في ضمير الكنيسه لنا من فتره الصوم ان احنا ما نفضلش زي ما احنا ان يكون في فعلا تقديس بالصوم وفي بركه في الصوم وفي تغيير في الصوم ده يلا نحط في قلبنا ونقول له يا رب انت اللي تغيرني انا مش عارف... لكن انت اعطتنى فرصه....اعتبر اننا تعبانين كلنا وروحنا للدكتور... والدكتور كتب لنا في الروشته صوم... قال لك انت عندك دهون كثير والكولسترول كثير ضغطك عالي انت لازم تمنع اكل .. كذا ولا كذا ولا كذا لما بتكون الحاله بتاعتنا خطيره واول ما يتقلنا كده نقول له ايه ...حاضر ...إحنا الحاله الروحيه بتاعتنا خطيره ؟لان الاهمال عندنا ذاد والكسل ذاد وكسر الوصية ذاد ...و الحاله فيها مرض شديد...على رأى اشعياء النبي.. من اسفل القدم الى الراس مريض....جرحا واحباط وضربة طرية لم تعصر ولم تعصب ولم تلين بزيت ... عارف انت لما يكون في جرح طرى ومليان صديد ..لم تعصر يعني مااخرجناش الصديد...لم تلين بزيت.. فاحنا الحال بتاعنا كده.. عندنا جرح شديد وأصبح خطر على الجسم كله... طب المفروض نعمل ايه . الدكتور قال لك الجرح لازم يتفضى...ولازم يتقضى ويتنقى ولازم يطهر و لازم يتربط ولازم تاخذ مضاد حيوي ولازم تاخد كذا و تعمل كذا ..ادى الكنيسه قالت لنا على الدواء ..الكنيسه بتقول لنا انتم محتاجين نصوم بس مش مجرد تغيير الاكل.. صوموا..صلوا اكثر اصنعوا صدقات اكثر اتكلموا معايا اكثر... اسمعوني اكثر.. هتتغيروا...ولينا ضمان في الكتاب المقدس..ان السامريه اتغيرت والابن الضال رجع والمولود اعمي فتح والمخلع اتحرك لينا ضمان ..فالكنيسه بتعطينا ضمانات التغيير ربنا يعطينا احبائي في هذه الايام المقدسه تغيير في هذه الرحله ان يكون لنا انسان بحسب الروح انسان يسلق باهتمامات السماء.. انسان يسلك باهتمامات الحياه الابديه.. يتمم نقائصنا يسندك كل ضعف فينا بنعمته ولالهنا المجد الى الابد امين ...

بأسم الاب والابن والروح القدس اله واحد امين .فلتحل علينا نعمته رحمته وبركته الان وكل اوان والي ظهر الدهور كلها امين .. الكنيسة النهارده الاحد الرابع من شهر طوبه تقرا علينا انجيل المولود اعمى.. كلمتين عايزين نقف معهم شويه في المولود اعمى ..لما نيجي نشوف احنا بالنسبه لنا نستفاد ايه من الانجيل ده؟! وايه هو المولود اعمي بالنسبه لى انا؟ اقول لك حاجتين او حاجات كثير..لكن ناخذ حاجتين صغيرين....ان ممكن الواحد فينا يكون بيشوف بس اعمى ايه اكثر حاجتين بيدلوا على ان الشخص اعمى؟ الذى لم يرى خطيتة....والذى لم يرى الاحداث المحيطة بية . اعمى... يعني ايه لما يشوفش خطيتة؟ يعني يبقى الشخص متكبر جدا بس مش عارف.. مش شايف. انانى جدا ..مغرور جدا ..بس مش عارف...والذى يثبت انة أعمى اكتر مش بس مغرور جدا...لا شايف ان الناس مغروره ...شايف ان الناس هما المتكبرين ..يعني هو مش شايف خالص..يبقى هو كتلة كبرياء ..كل حاجه بيعملها وبيفكر فيها بيفكر فيها بس ...محب لنفسه جدا. محب للنصيب الاكبر جدا.. محب للظهور جدا ..محب لمديح جدا ..طب هو كل ده فاضل ايه ثاني.. فاضل ايه ثاني.. بس كل ده وايه ..مش شايف.. مع كامل احترامنا دة كده اعمى...ارحمنا يا رب ممكن يكون الواحد أعمى وهو مش واخد باله ؟!! اقولك اة ممكن... اللي مايشوفش خطيتة...والذى لم يرى انة محب جدا لسيرة الناس.. محب جدا للمال. وشهواني جدا.. وبيخاصم بسهوله ..ومخاصم معظم الناس. كل دي اخطاء عنده في حياته وسبته فيه بس للاسف مش شايفها .. اقولك ياساتر يا رب..دة يبقى عمى.. عشان كده مره واحد من القديسين قال ان تبصر خطاياك اعظم من ان تبصر ملائكه...بمعنى ان لو شوفت خطيتي احسن ما اشوف ملائكه... اصل انا لو شفت ملائكه هتكبر...هقول انا بشوف ملائكه. لكن لما اشوف خطيتى هيحصل لي ايه... هتواضع.. ايه اكثر حاجه تجعل الشخص تجعل الشخص يبقى اعمى ..؟ الذى لم يرى خطيتة يبقى مش حاسس..اكتر لحظه ربنا يعطينا فيها نعمه لما الواحد خطيتة تكون قدام عينيه ... يا رب ارحمني..ياااة ماكنتش واخد بالي.... خذ بالك عشان كده تلاقي دائما الشيطان بيلهينا عن فحص انفسنا دائما بيلهينا عن ان احنا نشوف احنا بنعمل ايه...واتصرف دة لية والدوافع بتاعتنا لية....وانا بكرة دة لية ...يمكن عشان احسن منى ؟! اة عشان عايز انا اكون انا احسن واحد ... اذا ..... انا وانا وانا... انا...دي...دى خطية كبيرة جدا الشخص بيكون مش شايفها .... خطايا كثير جدا والشخص مش شايفها ومش واخذ باله ممكن واحد يبقى عندة للعالم محبة شديده جدا ومش واخد باله ...ممكن واحد بيبقى عنده محبه للنصيب الاكبر.. ممكن واحد يبقى عنده كراهيه للي حواليه.. ممكن واحد يكون دائما بيجيب في سيره الناس.. ممكن واحد بيحتكر الفقراء... كل دي خطاياة... طب عاوزين نفتح....طب نعمل ايه... نقول له ايه....؟! يا رب اكشف عينيا يا رب اجعلني ارى.. اكثر شي يفرحك شي يعزيك ..عندما ترى خطيتك.. ليه ...هتتواضع ...وعندما تتواضع ترى اللة... معلمنا داود قال كدة.. قبل ان اتواضع انا تكاسلت ..تخيلوا وداود ظل سنة كامله والخطيه موجوده ...واشترك في القتل والخطيه موجوده... بس اكنه مش شايفها.. اللي حصل ده كله مش شايفه يا داود ...؟!لكن اول ما ربنا ارسل له ناسان وكشف له خطيبته...قال له.. ارحمني يا الله كعظيم رحمتك لك وحدك اخطئت..وبعد كده قال.. صارت لى دموعى خبزا ... نهارا وليلا... يا رب لا تبكتني بغضبك ولا تأدبنى بسخطك.. ارحمني يا رب فانى ضعيف...اشفيني يا رب فان عظامي قد اضربت ونفسي قد انزعجت جدا (عندما تاب) لكن قبل كده ....كان عادى محتاجين نشوف خطيتنا ..طب نعمل ايه. ،؟!اعدل نفسي شويه.. افحص نفسى...افحص تصرفاتى وافكاري ومشاعري وارادتى ....اصعب حاجه ان الشخص يعمل خطيه مايشعرش بها ...او يبررها لنفسه او يشعر انة افضل من غيره... يقول لك ما كل الناس بتعمل كده.. ده انا ارحم من غيرى بكتير....كده لسه في مرحله العمى....امتى يبصر ،؟.عندما يرى الخطايا بتاعته ..تانى شي.. الذى لا يرى الاحداث ... النهاردة بنعيد ع الانبا انطونيوس.. حدث هز الانبا انطونيوس ..هزة جامدة جدا...حدث وفاه والدة.. والدة كان رجل غني ..طويل عريض.. و صاحب املاك 300 فدان.. عارفين يعني ايه 300 فدان يعني اللي عنده فدانين ثلاثه ده بيبقى .....مهم...فوالدة دة فى ايامة كانوا بيقولوا عليه ناظر ....وناس تحاسب وناس تبيع و ناس تشتري.. حاجه كدة كبيره كده ... فجاه دخل الانبا انطونيوس لاحظ البيت بتاعهم زحمه في ايه؟! ما حدش عايز يقول له.... لحد ما مانظر لوالدة جالس على دكة متمدد ميت.... ا تصدم ....الطول بالعرض بالصوت والغناء والمراكز والدنيا والممتلكات ... في لحظه كده.. كله راح ...قال لة لو انت كنت عشت كده وانا استمر عايش زيك يبقى المشكله عندي... انت قد خرجت من العالم بغير ارادتك...اما انا فساخرج منة بارادتى...انت تركت كل شي بدون ارادتك وفي لحظه ما بقاش في اى حاجه... الاحداث ..كام مرة احنا ممكن نودع احد من احبائنا؟! طب فى رساله بتوصل.. بتغير فينا...؟! كام مره بنشوف احداث ان في خطر حوالينا...طب بنقول مانتمسكش بالدنيا قوي ....ماهو ربنا قاصد بالاحداث يعلمنا.. بس فى ناس بتشوف وفى ناس ما بتشوفش... نفس الحدث يبقى قدام واحد..ونفس الحدث يبقى قدام واحد ثاني واحد يشوف.. وواحد ما بيشوفش ...اذا الحكاية حكايه اية... حكايه واحد اعمى ولة واحد بيبصر ....محتاج اشوف محتاج اشوف ايدك يا ربى في المرض و الوباء المنتشر الايام دي ..اشوف ايدك يا رب انت يا رب اخذت ناس كثير من مختلف الاعمار...عاوز تقول لي ايه... لازم اشوف ايه ...اقول ان نهايه كل شيء قد اقتربت فتعقلوا واصحوا .للصلوات....زي ما قال معلمنا بطرس .. اشوف ايه...اشوف ايد ربنا...اشوف البحر اشوف ايد ربنا اشوف السماء اشوف ايد ربنا..اشوف المطر اشوف ايد ربنا ..اشوف الشمس اشوف الزرع في ناس بتشوف وفي ناس ما بتشوفش . لدرجه ان في ناس تقولك كل ده ماشي بالفتره.. ما فيش الاة ؟!!!مش شايفينو ....عميان ويبصروا ...شوف الاحداث!! مااجمل احبائي ان يكون لنا ضمير حي... ورؤيه بصيره داخليه.. زي الانبا انطونيوس شاف والدة قال خلاص ...اشوف ببصيره داخلية كدة ..اشوف ناس بيعملوا كذا وكذا اشوف حدث حصل في كذا ..اشوف الدنيا وهي عماله ناس يحصلها ارتفاع وناس يحلصها انخفاض ...اشعر ان الحياه دى غير ثابتة غير مضمونه...مخدوع الانسان اللي يطمن لهذه الحياه.. مخدوع.. لا يوجد اطمئنان الا في المسيح يسوع.. لا يوجد سلام الا في المسيح يسوع.. لا يوجد رجاء الا في المسيح يسوع لكن الانسان عشان يتكل على نفسه..لا .. ابدا... ولا غناة ولا ايامة ولا قدرته ولا اي حاجه ابدا..الذى لا يرى الاحداث ويري المعنى اللي فيها ..وماذا يريد الله.. يبقى عينه ضعيفه.. ما بتشوفش ما بيشوفش عناية ربنا ليه.. في مختلف المراحل . يبقى ما بيشوفش.. اللي ما بيشوفش احداث ربنا يبعثها على بلاد محيطه ...يبقى ما بيشوفش...ربنا عاوز يقولنا من خلال الاحداث.. لا سلام الا معايا... لا امان الا معايا. مثال لناس قدمنا كانوا وكانوا وكانوا...ودلوقتي أصبحوا فين ؟! طب مانتعلم ... ما دة حدث... من لغات الله مخاطبه الله للبشر... الاحداث ...ان ربنا يعلمهم بالحدث...قال لهم فاكركم الناس اللي وقع عليهم البرج بتاع سلوان وتوفى منة سبعة عشر شخص ...فكركم الناس اللي ماتت لية...هل انتم فكركم انهم كانوا اكثر شرا من الباقي؟ ابدا دة حدث انا عامله لاجل الناس كلها تتوب..ان لم تتوبوا فجميعكم كذلك تهلكون ...حدث الناس كلها عارفاة...دة مجرد حادثه ....طب لما احنا نشوف حادثه نقول اية؟..نقول نشكرك يارب لانك ساتر علينا ...بس ممكن اكون انا فى الحادث دة... طب هل انا مستعد ...هل اتا رباطاتى بالحياه جعلتنى اشعر ان انا عايش للابد ...ولا انا متعلم الدرس..؟ ان دى فترة...بتعلم ولا مش بتعلم...اللي بيشوف واللى ما بيشوفش ...في ناس مش عايزه تشوف... يفوت عليها الف حدث ..والعجيب ان ممكن يسمع بانتباة...والعجيب ان ممكن يتصعب على الناس.. بس الكلام ده كله بعيد عنه هو...لا ... المفروض ان انا اسمع واقول الموضوع ده مش بعيد عني ابدا ...ممكن جدا يكون انا بالنسبه لي يحصل معي كده..اللى يشوف خطاياة واللى يشوف الاحداث..ينظر ربنا في الحدث والخطيه بتعتة...كدة عينوا ابتدت تتقتح ربنا يعطينا احبائي...عنينا تنفتح مع المولود اعمي..يلة نفحص نفسنا ونشوف الخطيه بتاعتنا ونقول يا رب ارحمني محتاجه اتوب... محتاجه اوقف ..يا رب اكشفلى خطاياى.. يا رب وريني مقدار المرض الخبيث اللي جوايا..المستخبي الذى يؤدي الى موت ان كان مش باين عشان كده اسمه خبيث... يا رب وريني المرض الخبيث اللي جوايا الذى تملك عليا ....يا رب اجعلنى اتعلم من الاحداث كل يوم بتبعتلى حدث كل يوم ...كل يوم ربنا بيكلمنا..بطرق وأنواع كثيرة..بس فى الذى يرى والذى لم يرى..ربنا يعطينا بصيرة نرى خطايانا..ونراة فى الأحداث..ويجعل حياتنا كلها توبة واستعداد..يكمل ناقصنا ويسند كل ضعف فينا بنعمته ولالهنا المجد الابد امين....

بسم الاب والابن والروح القدس الاله الواحد امين فلتحل علينا نعمته ورحمته بركته الان وكل اوان الى دهر الدهور كلها امين .. هذا الصباح المبارك احبائي هو الاحد اللي بعد احتفلنا بعيد الغطاس ..بعيد الظهور الالهي.. يوم عيد الظهور الالهي.. رأينا يوحنا وهو بيعمد السيد المسيح..لكن دلوقتى ..شاهدوا مشهد مختلف...ذهبوا ليوحنا وقالوا له الذى اعتمد منك في الاردن والذى انت شاهدت له.. ها هو يعمد....عايزين يقولوا له ايه اللي بيحصل؟! ده هيحصل انقسام ولا ايه المفروض انت بس يا يوحنا اللي تعمل بعدين ده لسه متعمد منك عايزين يقولوا له طالما متعمد منك يبقى ايه اقل منك.... يعني المفروض انت يوحنا تكون الرئيس بتاعه...فى الحقيقه كلامهم كان فى شكل شكوى .. وعلى فكره يوحنا كان شخصيه قويه جدا ولة تلاميذ كثير وكثير من تلاميذ ربنا يسوع المسيح كانوا اساسا تلاميذ يوحنا ...فلو ما كانش يوحنا قال الكلام ده كانت تحصل مشكله كبيره جدا.. ما كانش يوحنا قال الكلام ده ناس كثير هتفضل متمسكه بيوحنا وضد الرب يسوع..هيقولوا لة انت صغير انت لسة تليمذ هو اللى معمدك ...انت مين!!!عشان تعمل كدة..وكانت هتبقى مشكله.... هوذا الذي كان معك في عبر الاردن الذي انت قد شهدت له ..عايزين يقولوا له انت اللي شهدت له يعني انت اللي كبرتة يعنى....ها هو يعمد والجميع يأتون اليه.. اجاب يوحنا وقال... لا يقدر انسان ان ياخذ شيء من نفسه وحدة الا لم يكن قد اعطيا من السماء... عايز يقول لهم ..دى عطية السماء لينا... انتم تشهدون لاني قلت لكم لست انا المسيح ...انا من الاول قلت لكم مش انا ..من الاول قولت لكم ان انا بهيى الطريق قدامه.. انا من الاول باقول لكم ان انا السابق.. من الاول انا بقول لكم لستوا انا. بل ارسلت امام ذاك... من له العروس فهو العريس.. اما صديق العريس الذي يقف ويسمعه فيفرح فرحا بصوت العريس.. عايز يقول لهم هو ده العريس مش انا. هو ده الاول مش انا ..هو ده اللي نازل من السماء.. مش انا... انا فرحي.قد كمل .. ينبغي ان ذاك يزيد وانا انقص... عايز يقول لتلاميذه ايه ..او تتبعوا فكروا البشري اوعوا تفتكروا انكم تكبرونى بأنتمائكم ليا....لا...دة ذاك يزيد وانا انقص ...الذي ياتي من فوق هو فوق الجميع والذي من الارض فهو ارضى .. ومن الارض يتكلم... والذى يأتى من السماء هو فوق الجميع ..وما راه وسمع هذا يشهد بية وشهادتة ليس احد يقبلها..والذى يقبل شهادته فهذا قد ختمها لانة شهد ان اللة حق ..لان الذي ارسله الله يتكلم بكلام الله لانه ليس بكى يعطى اللة الروح.. الاب يحب الابن وقد دفع كل شيء في يديه ومن يؤمن بالابن فله حياه ابديه.. تكمله الايه عشان مش موجوده لا يؤمن بالابن ينقص عليه غضب الاب ...عاوز يقول لهم خلي بالكم بلاش الفكر اللي في دماغكم من يؤمن بالابن فله حياه ابديه في الحقيقه عاوزين ناخذ لحظات عن الايمان بالابن.. الحقيقه بدون الاب ما كانش هيكون معرفه بالاب..بدون الاب هيكون ايماننا ناقص عاجز ..مين الله بالنسبه لنا؟ الساكن في الاعالي.. من الله بالنسبه لنا .؟ في لاهوت في الكنيسه بيدرس بناخذ منه لمحات اسمه لاهوت النفى يعني ايه لاهوت النفي... يعني كل اللي تعرفوا ربنا مش هو...دة اسمة لاهوت النفي. يعني مثلا احنا نعرف الحاجات المرئيه هو يقول لك وغير المرئي.. احنا نعرف مثلا حاجات الزمنيه ..هو غير الزمنى يعني من كثر ما نعجز عن ان نجد صفات لله مش عارفين نوصفوا ...فبقى نوصفوا ان كل اللي نعرفه مش هو.. اسمه لاهوت النفى ... غير الزمنى ..غير المحور غير المفحوس ..الذى لا يحد... ده اسمه لاهوت النفى... يعني بنثبت ان ربنا غير كل حاجه احنا نعرفها طب وبعدين.. هنفضل ربنا كده ما نعرفوش هنفضل ربنا كده بالنسبه لنا علامه استفهام... قالت لا ..طب ايه اللي حصل.. بصينا لقينا الابن عرفنا الاب نقول كده في القداس ..الذى أظهر لنا نور الاب .. الذي اعطى الذين على الارض تسبيح السيرافيم...اثبت لنا نور الاب الله لم يراه احد قط الابن الوحيد الذي في حضن ابيه هو خبر خبر يعني ايه ؟هو اللي عرفنا...فاحنا لولا اللابن ماعرفنا الاب.. كان هيظل الاب بالنسبة لنا هو البعيد المحتجب....كانوا الانبياء تطلعوا عليه في غموض... قالك كده.. ليتك تشق السماء وتنزل ..تعالى عرفنا على نفسك هتفضل بعيد ..؟عشان كده الذى يؤمن بالابن له حياه ابديه. من لا يؤمن بالابن ينقص عليه غضب اللاب.. مره فيلبس ..قال ..ارنا الاب وكفانا ... كون ان احنا نبقى شوفنا الاب كفايه علينا قوي.. يبقى عارفنا كل حاجه..فربنا يسوع فى كلمه بسيطه قال له ايه.؟ من راني فقد راي الاب... انا في الاب والاب فيا...فربنا يسوع المسيح هو اللي عرفنا الاب...مره طفل صغير اربع سنين..وبيتكلموا قدامة عن ربنا يتكلموا عن ربنا ...فسال مامته.. مين ربنا ..؟ مامته قالت له كلمه واحده بس.. يسوع..... مين عرفنا حنوا اللة ومحبة الله سعى اللة للانسان.. مراحم اللة غفران الله طول انات الله.. مين عرفنا ؟ مين عرفنا الصفات دي كلها لو ...ماهو لو ما كانش كده كنا هنفضل نلتمس الله بخيالنا. نفضل نعمل صوره لنفسنا ونكتشف انها صوره مش حقيقيه ...عاوزه اقول لك انا حتى من بدايه سفر التكوين الابن موجود.. اصحاح 1 من يوحنا .. قال لك ايه.. به كان كل شيء وبغيره لم يكن شيء منما كان ..الخليقه صنعت بالابن .. القديس كيرلس الكبير بيقول عباره صغيره لكن فيها كل حاجه ..بيقول ...كل شيء صنع بالاب عن طريق الابن.. من خلال الروح القدس.. يعني الاب والابن والروح القدس في تناغم.. لكن احنا الاب والروح القدس مش بنقدر نستوعبهم..مين اللي خلاني نقدر نستوعب الاب والروح القدس ؟ هو الابن... من رآني فقد راي الاب .. عشان كده ناس كثير لما عرفت ربنا يسوع المسيح قالوا بالحقيقه هو ابن الله ..هو ده..لغاية الصليب...من البدايه لما نقرا في الاصحاحات الاولى في بشاره يوحنا هنلاقي كلمه ابن الله تطلق على ربنا يسوع المسيح من ساعه ما كلم فيلبس على نثنائيل وقال لة تعالا قولة من وانت تحت شجره التينةو انا اعرفك.. لان نثنائيل كانت والدة خبئتة تحت تينة عندما اراد هيرودس قتل أطفال بيت لحم... اية ده هو انت كنت واخذ بالك ؟! اصل انا عينيا تخترك استار الظلام. عرفنا الاب... كل اللي يعرف الاب يعرف الاب.... والذى لا يعرف الابن يمقص عليه غضب الاب... والذى لا يعترف بالابن لا يعترف بالاب لان الاب في الابن والابن في الاب ...بية عرفنا... عشان كده من ضمن الكلمات في الكتاب المقدس وفي تسابيح الكنيسه بيقول لك ارسل لنا ذراعه...اية ذراعة دى؟! الابن...ومره ربنا يسوع المسيح قال ..انا بأصابع اللة اخرج الشياطين...ماهو اصبع اللة ؟؟ هو الابن...و كأن الله يستخدم الابن ليفعل مشيئته.. الله يستخدم الابن ان يفعل مشيئته... لما لقى البشريه بتضيع وتهلك وتفسد عمل ايه.. ارسل ابنه الوحيد..فصار ابنة هو وسيلة لمعرفتنا بالاب...وهو الذى رد لنا الميراث...وهو الذى رد لنا كرامتنا ...وهو اللي رجعلنا صورتنا..وهو الذى اخذنا معه. لكى ناخذ كرامته عند الاب... بس مانخدش كرامته عشان احنا نستاهل..احنا بناخذ كرامتنا في هو... اخذ الذى لنا واعطانا الذى له.. اخذت طبيعتنا وبشريتنا ..وأخد ضعفنا ضع واستشارك الابناء في اللحم والدم اشترك هو ايضا فيهما لكي يبيد بالموت ذاك الذى لة سلطان بالموت...اعمل ايه.. جاء وتنازل واخذ شكل عبد وصار في الهيئه كإنسان و اطاع حتى الموت موت الصليب ..ولكنة بتدبير الاهى..الذي لم يحسب خلسة ان يكون مساويا للاب .... يعني ايه لم يحسب خلسة..يعني هو مش بيخطف حاجه مش بتاعته مش بيختلس مجد الاب لا ده هو في الاب والاب في ...امال ايه بقى ..؟اخلي ذاتة أخذا شكل العبد صائرا في الهيئه كإنسان و اطاع حتى الموت موت الصليب... لذلك رفعه الله واعطاه اسما فوق كل اسم لكي تكسوا لاسمة كل ركبة.دة مجد الاب..المجد الذى مجد بة الابن...لان ذالك الإخلاء كان اخلاء تدبيرى... عشان كده يوحنا ..حسن الخلق ده..ان يقول اهم خلوا بالكم من له العروس فهو العريس..امال انا اية؟ انا صديق العريس يا لفرحنا احبائي عندما نشعر ان كلنا اصدقاء العريس... وهو العريس ..نفرح لفرحة ونشاركة مجدة ونشاركوا البركات التى اعطاها لنا ..ونشاركوا تسابيح وتمجيد.. احنا كلنا دلوقتى اسمنا اصدقاء العريس.. بدليل ان احنا هنشترك في مايدة واحده دلوقتى..بدليل ان كلنا هناخد من نفس الجسد والدم.. لاننا اصدقاء العريس مين اللي اعطانا لنا الحق اللي احنا ناكل من جسده ودمة؟ ان احنا اصدقاء العريس ..لما يجي حد يمنعنا نقول له ايه.. انا صديق العريس و صديق العريس بحسب تقليد الكنيسه.. عشان يميز صحابه عملهم زى عارف مثلا كده لما لما تيجي بنات صحاب عروسه يعملهم فساتين شبه بعض بالضبط.. يكون مثلا لونها ابيض لونها لبنى..نبيتي...دول صحاب العروسه... احنا كمان عملنا فستان او بدلة لينا كلنا ...لاثبات اننا صحاب العروس ... البنت اللي داخله لابسة نفس الفستان من وهي على الباب كده ..تتعرف ان البنت دي بنت مش عاديه من ضمن بنااات صحاب العروسه.. عشان كده المثل بتاع الراجل اللى مش عليه ثياب العرس قالوا لة اطلع بره اية اللى جايبك هنا.. ايه ثياب العرس احبائي..الذى اعطاها لنا عشان يميزنا بيها و يكون لنا الحق اللي احنا ندخل في المايده ؟ المعموديه كلنا معمدين .. كلنا اخذنا ثياب العرس ... كلنا بقى لينا حق اسمنا اصدقاء العريس.. ناكل من المايدة السماويه.. من له الابن فلة الاب. عشان كده نحن نؤمن بالابن...من يؤمن بالابن فله حياه ابديه عبادتنا هتلاقي فيها عباده فيها المجد للاب فيها المجد للابن فيها المجد للروح القدس... نسجد لك مع ابيك الصالح والروح القدس ..نسجد لك اللى هو الابن مع ابيك الصالح ده الاب مع الروح القدس..المجد للاب والابن والروح القدس هتلاقي العباده بتاعتنا دايما فيها عباده الثالوث.. عشان احنا لا نعبد الابن ابدا بمعزل عن الاب و الروح القدس ..الذى لة الابن لة لحياه الابديه اصل الذى لة الاب له الاب يبقى لة الروح القدس.. من له العروس فهو العريس ان صديق العريس امال انا ايه بقي ؟ فرحي هذا قد كمل.. كل مجد يعمله ربنا يسوع المسيح احنا اصدقاء العريس..نصبح نحن سعداء بى ومتهللين بية كل عيد قديس ا..حنا اصدقاء العريس يبقى احنا ايه.. فرحانين ..لان في واحد مننا نور ..اليومين اللي احنا فيهم دول ايام مبروك جدا وكنا بنحتفل من يومين بست دميانه والاربعين عذراء. اليومين دول بنحتفل ب مكسيموس ودوماديوس اولاد الملك الجمال اللي تركوا مباهج العالم وداسوا عليها وغلبوها...وسعوا خلف الغنى بحبة...اصدقاء العريس ربنا يعطينا نكون من اصدقاءة الأوفياء.. ونكون مميزين ونفرح لفرحة...ويشوفنا نفرح...يكمل ناقصنا ويسندك كل ضعف فينا بنعمته ولالهنا المجد الابد امين...

بأسم الاب والابن والروح القدس الاله الواحد امين فلتحل علينا نعمته ورحمته وبركته الان وكل اوان والى دهر الدهور كلها امين . الاحد الاول من شهر كيهك تقرا علينا الكنيسه الجزء الاول من اصحاح الاول من بشاره معلمنا لوقا..عن بشاره الملاك لزكريا بميلاد يوحنا السابق الصابغ..العصر اللي احنا فيه ده بتاع الرؤيه دي عصر صعبه جدا احب اعطيكم فكره سريعه عنه .. العهد القديم كله بة ثلاث أسفار حجاج وزكريا وملاخى... اخر ثلاث اصفار في العهد القديم.. بعد ما رجعوا من السبي.. وتركوا بيت الله زي ما هو فى اورشليم. ماكنش عندهم حماس لبناء السور ولا عندهم حماس لبناء الهيكل ربنا بعث لهم الانبياء لتوبخهم لاجل بناء الهيكل وفعلا بنو الهيكل لكن للاسف الشعب بعد ما راح السبي فتره طويله ما يقرب من 70 سنه في السبى ما كنتش فترة تأديب لهم..فى منهم رجع بحب لاورشليم في منهم راجع غصب عنه وفي منهم راجع بعادات بابل معاة فكانت فترة صعبه جدا ..فتره ومظلمة فيها كثير من المساوء ..لحد ماتم بناء بيت الله .. شاهدنا بعد ذالك بفترة في الكتاب المقدس طويله جدا يعبر عنها بفتره الظلام...او يعبر عنها بفتره الصمت..حوالي 400 سنه صمت ..مانعرفش عنها حاجه . من اخر الانبياء اللي تنبؤا بعد الرجوع من السبى .. تقريبا سنه 530 ميلاديا قبل الميلاد ..نحط عليهم 100 سنه الذى تنبأ فيهم الأنبياء حجى زكريا ملاخي... كده 430 قبل الميلاد الفتره دي كلها ما فيش حاجه فيها خالص فتره عمياء ..طبعآ فتره الصمت دي فتره فيها مساوء كثير جدا...فجأة لقينا في شمعه بتنور ...اول شمعه بتنور في العهد الجديد كله هو اللي حصل النهارده ..الملاك جاء.. والملائكه ما بتجيش من زمان قوي...ماكنش فى ابرار لان كان الشر تملك ...لكن كان يوجد زكريا واليصابات كان كلاهما بارين اما اللة سالكين في جميع طرقة....خذ بالك الاية دى ممكن نطبقها في عصرنا هذا بنقول علية عصر وحش..لكن فى أبرار فى عصرنا دلوقتى...بس ازاى فى عصر زكريا الامر كان مختلف.. ؟! اول حاجه ان ناخذ بالنا ان احنا في عصر مليئ شر مساوء..عبادات غريبه حتى لو كان في شكل عباده لكن ما فيش جوهر عباده.. دى الفتره اللي عاش فيها زكريا واليصابات..ازاي يكون في بر وسط الظلام دة ...هذة الرساله الكتاب المقدس عاوز يقولها لنا ...ماتستغربش بعد انقطاع النبوه 1400 سنه بعد ما لا يوجد نبى. كلمه لا يوجد نبي معناها ان الله قد كف عن ان يكلم البشر.. عاوز يقول لهم انا تكلمت كثير. كل الذى تريدون معرفتة موجود لديكم عايزين تعرفوا اكثر اقرءوا ثاني ...ما فيش حاجه ثاني عندي اقدر اقولها لكم....خلاص. سكت . وصل ربنا فى سفر ارميا ..قال لة .. اما انت فلا ترفع صلاه من أجلهم ولو صلتلهم مش هسمعلك .مره ثانيه وقف ارميا يتحايل على ربنا .وقالة لو قام امامي موسى وصموئيل مش هاسمع لهم . لو تلاحظ يدل هذا على كرامه الابرار عند ربنا ...معنى اتة يقول لهم ماتتصللهمش معناها بيقولة انا مش حابب اكسفك...لاجل محبتى لك.... وعندما قال لة .لو جاء امامى موسى وصموئيل مش هاسمع لهم ..معناها ان لهم كرامه عنده ...قد ايه ممكن يكون في انسان بار فى عصر مظلم... قد ايه لو في شر محيط بنا مش عذر ان احنا نتخلي عن مبادئنا معلمنا بولس قال كده الخطية المحيطة بسهوله..اية اللي حوالينا ؟ شر ..شيء طبيعي جدا ان نكون محاطين بضعف بشر ..شر يعني ايه..يعني مال.. شر يعني عناد الشر يعني كرامه الشر يعني ممتلكات الشر يعني ارضيات..دة الشر...شيء طبيعي تلاقي الناس ماسكه في الحاجات دي.. ومعندة ...شي طبيعي طول ما الشخص عنده الحاجات دي يختلف مع اولاد واخواتهم ما يبقاش عايز حاجه في الدنيا إلا هو.. الشر. طبيعي ..طب امتى الانسان يتغير عن كده ..عندما يسلك ببر امام الله. لما يسلك انة مش بيرضى ألناس بيرضي الله ..ان كنت ارضى ألناس لم أكن عبدا للمسيح مش مهم الناس ..اصعب حاجه احبائي ان احنا نقيس نفسنا على الناس . زكريا واليصابات باراين امام الله..داخل كهنوت العهد القديم في فساد ..داخل كهنوت العهد القديم في رشوة.. داخل كهنوت العهد القديم في تقدمات وذبائح الهدف منها مش إرضاء الله لكن ربح مال... ده كان داخل الكهنوت.. ازاي شخص يبقى داخل الكهنوت بار امام الله وشايف اللي حوالية كلهم عايشين في فساد... العهد الجديد بيعطيلنا صفحه جديده ..بيقول لنا لا في مصلحه في بر.. ربنا مش هيسيب الشر كده كثير.. مش هينفع ..هتعمل ايه يا رب... المزمور هنا يجاوبنا بقى.. و انت يا رب ترجع وتطرائف على صهيون لانة وقت الطرائف .عليها... لان الرب يبني صهيون ...ويظهر مجدة... ماهو وقت الطرائف ؟ ان ربنا يفتقد البشريه في ذلها وضعفها ..وانغماسها فى الشر بتعها ...طب يستخدم مين ربنا لما يحب يجيء يعمل ايه ...قال لك لازم استخدم ابرار ...طب هو في ابرار؟ قال لك اه في أبرار بس انت ما تعرفهمش .. انا عارفهم. مين .. ساب الناس كلها وكلم زكريا واليصابات...ساب ألناس كلها وراح يكلم الست العذراء البنت اليتيمه اللي عمرها ثلاث سنين ما لهاش حد...وذهب نظيره للرب وهي في الهيكل باباها ومامتها توفوا.. يعني يا رب هتفتقد البشريه كلها بدوول ..قال لك اة بدول... عين ربنا علينا كلنا وشايف مين بيرضية ومين لم يرضية .. مين يستخدمة ومين ما يستخدمهوش نحظر احبائيان ..الشر يغير عقلنا ..الشر بيغير و العالم بيغير.. عشان كده محتاجين ازاي نعيش في العالم والعالم ما يعيش فينا... ازاي نحفظ انفسنا من روح العالم من شر العالم.. ازاي نبقى بارين امام الله سالكين في جميع طرق واحكامه بلا لوم ...يمكن يكون من السهل الانسان شويه انة يعيش بار امام الناس. لكن بار امام اللة ..لا دة فرء كبير ..بيقولوا كده ان الظاهر الشكل اللي بره ممكن الخداع فية بيسر بسهوله.. سهل ان الشخص يمثل التقوى .سهل الشخص يمثل انه يعرف ربنا سهل جدا.. لكن المهم ان يكون يعرف ربنا فى خفاءة فى قلبه واللى تنطبق على تصرفاته ..مايكنش عايش ازدواجية شكله عاوز يقول انا شكلي بتاع ربنا لكن من جواة كاره ومحب للعالم والمال و بيتخانق مع ده ومع ده ..دي مش علامه ابدا ان التقوى بتاعتك تقوي سليمه دي تقوي مريضه تقوي من اجل نفسك مش من اجل الله..زكريا واليصابات كان كلاهما سالكين في جميع طرقة واحكامه ادخل على نقطه ثانيه. يقولك من فرقه ابيا.. تقرا في العهد القديم تلاقي ان كان في 24 فرقه للكهنوت متقسمين بيخدموا الهيكل على مدار السنه فكانوا عملهم ازاي.. كانوا كل اسبوع تخدم فرقه يبقى في الشهر كم فرقه ؟ اربعه ..واحنا عندنا كم فرقه 24 يبقى عايزين كم شهر على الفرق دى ؟ ست شهور ..4×6=24 . الفرقه تخدم اسبوع كل ست شهور يعني الفرقه كلها يجيء عليها تصلي كم مره في السنه؟ مرتين..طب جوة الفرقه يوجد كهنة فكانوا يعملوا بين الكهنه اللي جوه الفرقه قرعه مين اللي يدخل ليقدم البخور... ممكن الكاهن عمره كله يدخل مره ما يدخلش ..فكان زكريا كان اليوم ده الفرقه بتاعته على خدمه الاسبوع وهو وقعت عليه القرعه.. قد ايه احنا في نعمه في العهد الجديد.. اللي قال عليها معلمنا بولس الرسول ان نعمه التي نحن فيها مقيمون ..يعني النعمه اصبحت بيتنا ..مش شى بندخل نزورها ونطلع .. دي اصبحت متاحه .. النعمه التي نحن فيها مقيمون...ان كان الكاهن في العهد القديم احتمال يدخل مره كل ست شهور ويتعمل عليه قرعه ...دة كمان داخل لهيكل العهد القديم ..يقول عنه.. معلمنا بولس شبه السماويات وظلها يعني القرعه دي كمان عشان يدخل كانت الماكيت بتاعت الشيئ مش الحقيقه... العهد القديم كان الماكيت بتاع الهيكل... امال احنا ايه بقى دلوقتى؟... احنا بندخل الي الاقداس بعينها ...كان الاول يدخل عشان يقدم ذبيحه اللي هي رمز ..دلوقتي احنا بنقدم الذبيحه الحقيقيه..قال فى عبرانيين 5 و6 و7 يكلموك عن الفرق بين كهنوت العهد القديم والعهد الجديد و يكلموك الفرق بين الهيكل بتاع العهد القديم وهي العهد الجديد..و يكلموك عن الفرق بين ذبيحه العهد القديم ذبيحت العهد الجديد.. ايه ده بقى ..قالك لا بدم تيوس وعجول لا لا خلاص.دة بدم ابن الله.. ليه بتتكرر الذبائح ؟ ليه كل شويه بيذبحوا ...لازم يكون في ذبيحه صباحيه و مسائيه كل يوم.. وكل شويه اللي يغلط يجيب ذبيحه ذبيحه ..مرة كنت بشرح الموضوع ده لشبان. فشاب قالى الواحد يدفع كام على كده ..ده احنا لو في العهد القديم كنا الفلوس اللي معانا كلها مش هتكفي ذبائح...كل شويه نجيب خروف خروف!!معلمنا بولس قال... من اجل ضعفها وعدم نفعها ...عشان هي بتعطى حل مؤقت.. من اجل ضعفها وعدم نفعها... اذا كان ذبيحه العهد القديم بالضعف ده وكان الشخص بيدخل مره كل ست شهور لو جاء عليه الدور جوة الفرقه بتاعته ...طب احنا ايه بقى ..احبائي احنا في نعمه كبيره ..كونا احنا قاعدين دلوقتي في بيت ربنا والهيكل بتاعه مفتوح قدامنا والاسرار بتاعته قدامنا وجسد ودم.ابن ربنا يسوع المسيح قدامنا ..ويعطى عنا خلاص و غفران الخطايا ..ويعطينا حياه ابديه ويعطينا نفسه... ياااا..احنا لازم نقول له يا فرحنا.. عشان كده ما ينفعش نكون قاعدين في الكنيسه ومشغولين بحاجه ثانيه ..ومش عارفين قيمة اللى احنا فى...ولا تتناول ونحس ان احنا لم ناخد شي.. احنا اخذنا قمه الاسرار احنا اخذنا نعمه كبيره احنا اخذنا اللى جالسين في دلوقتى دة اعظم مما يعمل على الارض...بحسب كلام القديسن يوحنا ذهبي الفم ...القداس هو اعظم عمل يعمل على الارض... ولا تقول لي افتتاح مين ولة حضور ملوك مين....لا لا ..ولا حاجة. دة السماء بعينيها...عشان كده احبائي ذكريا ناخد منة الدرسين دول..ازاى أكون بار وسط ظلمة ..وازاى اعرف قيمه الاقداس اللى بدخلها...ربنا يعطينا ان نحيا بأمانة لكى نستحق لتجسدة الطاهر..ان يأتى ويحل فى وسطنا ...ربنا يكمل ناقصنا ويسند كل ضعف فينا بنعمته ولالهنا المجد الابد امين....

بأسم الاب والابن والروح القدس اله واحد امين...فلتحل علينا نعمه ورحمه وبركته الان وكل اوان الى دهر الدهور كلها امين .. تقرا علينا احبائي الكنيسه الاحد الاول من شهر هاتور مثل الزارع.. هتلاقي الكنيسه بتقرا مره ثانيه الاحد القادم ان شاء الله.. الناس اللي ليها في الزراعه تعلم بان شهر هاتور شهر الزراعه.. ربنا يسوع فى تعاليمة كان بيستخدم البيئه المحيطه آن الناس وهي بتزرع..و الناس وهي شايفه الناس وهي بتزرع يكلمهم عن مثل الزارع اخذ موضوع الزرع ده طبقوا على حياتنا ..وقال إن الزرع ده هو كلمه الله...و كلمه الله بتنزل فى انواع متنوعه من التربه وكل تربه بحسب تفاعلها مع البذرة..وتشوف ان اللى ع الطريق وبتعدى على طول ما بتعملش اي حاجه..والتى تأتى فى الارض الصخريه ...والتى تأتى على الارض اللي عليها شوك.. واللي بتيجي على الارض الجيده ...بأختصار شديد ...كلمة ربنا بتنزل جوه اذهاننا وبتنزل جوه قلوبنا..مع الاذهان ومع القلوب بتتفاعل بمقدار التفاعل به بمقدار اللي بنسمحلها فيها ان تاخذ. قوتها وعافيتها فينا ..بمقدار ماتثمر فينا ..بمقدار عدم التفاعل لا بالفكر ولا بالقلب بمقدار ماالبذره بتموت..لان البذرة لها طريقه للحياه...عمر البذرة ما تكبر وهي على طريق ولة لو وضعناها كدة..فى برواز...ولة لو وضعناها على طريق... لا البذره عاوزه تربه ..البذره عاوزه ارض البذره عاوزه مناخ معين.. ربنا اعطانا كلمته ولابد ان نرعى كلمته في داخلنا.. من جهه معرفه الوصيه هتلاقينا عارفينها ..الكلمه عارفينها.. بس بمقدار سمحنا ليها ان هي تفعل في داخلنا دة يتوقف علينا احنا ..لوجينا نقول لك تعرف ايات ولا لا ؟ هنلاقي في ايات كثير وحاجات كثير نعرفها..يعنى اول مانقول ايه كده ممكن كلنا نسمع الباقي بتعها.. لو قولنا يلا نكمل الاية دة.... لا تحبوا العالم هتلاقي كل الناس تقول لك ولا الاشياء التي في العالم برافو... جميل. طب ايه رايك لو اقول لك مثلا ان محبه المال....كمل ... تقول هى اصل كل الشرور ...حب قريبك...كمل..... كنفسك ...اطلبوا اولا ...... وتقول اية ؟ملكوت الله وبره .. طب بنعمل ؟! فعلا ما بنحبش العالم؟ فعلا طالبين ملكوت الله وبرة اولا.؟ هل دى اولوياتنا ؟ فعلا بنحب اقربائنا كانفسنا؟ فعلا احنا عارفين ان المال هو اصل كل الشرور؟ للاسف الكلمه بتبقى جوانا بس مابنتفعلش معها بالقدر اللى تفعل بية جوانا...طب لو فى بذرة عاوزينها تكبر... اقول لك شوف باختصار البذره عشان تدخل جوة تربة وتتزرع فعلا ..اقولك اولا...عاوزك تؤمن بحاجة تفرحنا كلنا....ان فيه سر الاهى جوه البذره دي بيعطيها حياه... حته البذره الناشفه دي فيها حياه مبارك ربنا احبائي... الذي اعطى جوه الوصيه قوه تغيير حياه.. ربنا اعطاه ان جوة كلمه ان تبقي حيه ...كلمه الله حيه وفعاله امضى من كل ذكر ..كلمه ربنا فيها حياه جواها... زي البذرة بالضبط ..يعني انا لما اخذ كلمه ربنا ابقى ضامن ان فيها حياه . اقول لك . اه بس عليك انك تزرع ...الصعب الزرع او الحياه؟ الصعب الحياه ...الصعب على ربنا..و السهل عليا...ايه هي؟ اخذ البذرة ازرعها....كون البذره تكبر وتنمو وتجيب لي دة دى معجزه الاهيه... ده اللي بيعملوا ربنا معانا ..يقولك اعمل بس انت .. افتح قلبك للكلمه تلاقي نفسك حبيت كل الناس... زاهد في امور كثيره كنت متعلق بيها قوي.. تلاقي العالم صغير قدامك جدا . تلاقى قدرتك على الغفران زادت جدا...حبك للصلاه زاد قوي ..محبتك لكلمه ربنا زادت جدا.. طب اية الحدود .؟حدود كبيره ..اول حاجه لابد ان اؤمن ان البذره فيها قوة... وانا بقرا كلمه ربنا لازم اؤمن ان هي جواها قوة تغيرني. وتتوبنى وتغير افكاري ...تيجي البذره اللي جواها حياه ..بدأت فى عدة مقاومات ..اول حاجه الجزء الخشبي الغلاف الصلب اللي ربنا سمح به يحفظ البذرة .الحياه اللى جوة البذره عاوزه تتخلل الجزء الصلب... وبعدين هتلاقي ظلام وبعدين هتلاقي تربة...وبعدين هتلاقي طين .. هتجاهد بقى عشان هي اساسا محطوطه تحت ..هتجاحد عشان ايه.. تطلع لفوق.... لو هنطبق نفس الكلام ع الوصيه هنجد نفس الكلام...الوصيه جوانا بتجد صعوبات.. كلمه ربنا تدخل تقولك...لا تحبوا العالم ولا الاشياء التي في العالم.. اقول لك ايوه.. تبص تلاقي نفسك ايه؟ مش قادر ليه ..بتصدم بعدت امور . اولها المنطق .العقل ثانيا.. زاد الانسان.. ثالثا الوسط المحيط.. التربة.. هتلاقي عندك حاجات كثير بتعيق تطبيق الوصيه او الحاجه المنطق .اية المنطق.. ؟ يعنى اية ماحبش العالم انا عايش في العالم ؟! الناس كلها بتحب المظاهر كل واحد عاوز وعايزه يعني ايه محبه المال اصل كل الشرور؟!.. ده المال هو اساس الحياه ..المنطق.. المنطق يقولك لا ما ينفعش .. وممكن المنطق يقنعك ان الوصية دي بتاعت زمانها ..وماتنفعش..أقولك لا...لازم اغلب المنطق عشان تخرج الحياة اللي جواك.. طب تخرج بايه..بالحياه اللى جوايا بس اعطيى لها فرصه ..انتم انقياء بسبب الكلام الذي كلمتكم به... معلمنا بولس في رساله فيلبى..فقط عيشوا كما يحق ب انجيل ربنا يسوع المسيح... الكلمه لابد ان تراعاها ... الايه ماتتقراش. لا..الايه لابد ان انا اصلي بها. كثير نقول الكتاب المقدس لم يعطي لنا لتزيد معلوماتنا . لكن الكتاب المقدس أعطى لنا لتتغير حياتنا ..مش عشان تزيد المعلومات.. لا ..ده الهدف..اخذ الايه وارددها كثير...و تتفاعل مع عقلي و قلبي و اغمض عيني و اصلي بها شويه. واقرا شويه وبعدين ابتدي اشوف ازاي اطبقها ازاي اعيش بها..وماهى الصعوبات اللي هتقابلني.. طب انا ضعيف يا رب ساعدني وقويني.. تبتدي الاية تثمر فيكم.. الصبر.. اول حاجه الاية والوصية بنصتدم بها منطق الحياه بتاعنا المنطق نفسه طريقه التفكير في المسيح يسوع لابد ان تتغير... تغيروا عن شكلكم بتجديد اذهانكم. عارف ان ممكن تكون النقطه الاولانيه دى معطلانا كثير قوي.. اللي هي ايه . ؟معتقداتي طريقه تفكيري انا عاوز انا اللى اجعل الوصيه تمشي تحت كيفي انا ... انا عاوز ربنا يمشي بهوايا انا.. انتوا عارفين احنا اوقات كثير بنصنع الاة من افكارنا بدل ما الله يصبغ بمحبتة علينا فنتحول من طبع الى طبع احنا اللي احيانا الى عاوزين طبيعتنا هي اللي تنزل على ربنا عشان كده كثير ما نفتكر ان ربنا منتقم وجبار و ولم يغفر..اصل انا واخذ على كده... بفهم كده.. اول حاجه المنطق.. في المسيح يسوع المنطق يتغير.. اولويات الحياه طريقة التفكير تتغير ..عايش لية.؟! تصور كلمة عايش لية دي الانسان المفروض يحب يوصلها . كان البابا كيرلس لما حد يعترف بخطئه يقول له سؤالين ناوى على ايه ..طب وبعدين.. بس.. تصوروا ان السؤالين دول رغم بساطتهم الا انهم الإجابة عليهم صعبة....هو انا صحيح ناوى على ايه؟! طب وبعدين ؟! اولا.. المنطق ثانيا ...الذات..اكبر معطلات الانسان في الحياه هى ذاتة صدقوني احبائي ما فيش حاجه بتعطل لنا في الحياه قد انفسنا.. انا عاوز اتعظم .. عاوز اخذ كل المقتنيات..انا عاوز الدنيا كلها تبقى خاضعه لي انا .. الذات.. عشان كده تيجي الايه.. بتكلمني عني انه الذين هم للمسيح يا يسوع قد صلبوا الاهواء مع الشهوات.. يقول لك من اراد فيكم ان يكون اولا فليكن اخر الكل ..يقول لك لا لا زاتي ما تمشيش بالكلام ده.. انا عايز اكون انا اول الكل... انا ثم انا ثم انا...الذات..عشان كده واحد من القديسين قال لك..انا ليس عدو الا ذاتي....اكبر معطلات الحياه هو انا اكسل عن الصلاة.. انا عاوزه ارتاح ..انا عاوز ادلل جسدى لية مش بصوم.. عايز ادلل جسدى...انا..ليه دائما منغمس فى شهواتي ..عاوز اشبع ذاتى..بدلل نفسي... انا ثم انا اقول لك الوصيه عشان تعيشها لازم تغير افكارك ولازم تغلب ذاتك... لازم تغلب ذاتك. عشان الوصيه تكبر مش هينفع ابدا تكبر مع الذات العاليه ابدا ..خالص.. عشان كدة كل ماتدخل في حد داء محبه ربنا..وعاش الوصيه تلاقية ..بيتواضع. يتواضع يتواضع. ليه .عرف.. ان دى اكبر اعداءوا ..ليس لى عدو الا ذاتى ولا اكره الا خطاياى... ما اعرفش حاجه اسمها كراهيه ابدا...الكراهيه دي مش في قاموس حياتي... ولا طبها قاموس مشاعري مااكرهش حد ابدا.. بس اكره الخطية وخصوصا الخطية بتعتى...غيرى انا ماليش دعوه بية خالص..انا ماليش دعوه بغيري انا محتاج اركز على نفسي قوي.. لانى كميه الجهاد المطلوبة مني كبيره.. الخطاه الذين اولهم انا.. ا/المعتقدات نفسها .المنطق ٢/ذاتى... ٣/الوسط .. هتيجي البذره يادوب طلعت بره الجزء الناشف اللي جواها..طلعت اتفجئت بالضلمه طلعت.اتفجئت بطين..طلعت لقيت نفسها محتاجك قوة لقوة دفع لفوق..واحنا دائما قوة الدفع بتاعتنا لاسفل..فى جاذبيه ارضيه مشدودين تحت.. هتلاقي البذرة عاوزه تطلع لفوق ..وكمان تقاوم الضلمه وتقاوم الطين اللي حواليها.. مقومات كثير جدا تعال كده فكر ان انت تعمل عمل لربنا او حاجه.. او تعطي ربنا جزء من ثروتك هتلاقي معوقات كثير.. المنطق ..وذاتك.. والناس هتقول ايه.. طب الكلام ده اعمل به ايه ..ولو عرضت الكلام ده على اللي حواليك هتلاقي معظمهم يقف فى وشك..يقولولك انت بتقول اية..طين مشدود لتحت عاوز يطلع لفوق.. عشان كده احبائي لازم نعرف ان الوصيه عشان تثمر فينا.. عاوزه جهاد.. وصبر وعاوزاه تربه...يارب غيرني...انا طبيعي قاسى..انا كسول يا رب اعطيني كذا يا رب غير افكاري.. الايه بتقول كذا.. اجلس اصلى بها واصلي بها.. واقيس نفسي عليها والاقىء نفس بعيد.. عن الايه ..بعيد عن القصد الالهي ..بعيد عن السماء..بعيد عن الابديه ...عايش كل همي ثلاث حاجات الجسد والزمن والارض... كل همى فيهم..و ربنا عاوزني ثلاثه عكسهم تماما ..عاوز الروح والابديه والسماء..و انا عاوز الجسد والزمن والارض . وواثنين مش فاهمين بعض خالص... واحد رايح يطلب من راجل بيبيع ذهب بيطلب منة طماطم ... حاجه ثانيه خالص.. انت جاي المحل الغلط ...دة بيبيع جواهر.. وانت للاسف مش مقدر الجواهر...عشان كده كثير بنصطدم بحقائق الاهية ان احنا بنقيصها بعقلنا البشري... عايزين الجسد والزمن والارض ..عشان كده حتى وانت واقف في الكنيسه احظر انك توقف طلباتك عن الثلاثه دول.. الزمن والجسد الارض يا رب اعملى كذا واعملى كذا وهاتلى كذا..كل دة كويس بس مش هو المطلوب..اطلب الروح اطلب الابديه اطلب السماء ..غفران خطاياك... اطلب حرية من جواك السجن جوه مش بره.. الايه عشان تشتغل عاوزه بيئه حاضنه يبقى عندك استعداد انك تقاوم البيئه المحيطه و تطلع لفوق ..لان زي ما قلنا كده انتم لستم من اسفل ربنا يدينا ان نرعى كلمتة ربنا يعطينا ان الكلمه تتفاعل مع قلوبنا وتغير ذاتنا..وتغير البيئه المحيطه.. ناس متواضعه وعايشه عفه. عايشه السماء وتكون محبه ربنا طريق القداسه ربنا يكمل ناقصنا ويسند كل ضعف فينا بنعمته لها المجد الابد امين...

بأسم الاب والابن والروح القدس اله واحد امين..فلتحل علينا نعمته رحمته وبركتة الان وكل اوان الى ظهر الدهور كلها امين... الاحد الرابع من شهر طوبه تقرا علينا احبائي الكنيسة فصل معجزه شفاء المولود اعمى ..فصل مليان بالدروس الروحيه بيكشف لينا شقاء الانسان وعظمة عمل المسيح المولود اعمي ما جاش عليه لحظه كان فيها بيشوف النور مولود اعمى.. من البدايه ..الحياه بالنسبه له جحيم ظلمه العمي افقدة القدره على الحياه عايش يتخبط اصبح كل اللي يقدر يعمله كيف ان يستدر عطف الناس . فعن طريق العمى... يشحت....طبعآ طول ما هو بيشحت بيتهان..و يشعر اكثر بالبؤس والفشل والحزن يوم مع يوم مع يوم الحياه كلها.. احباط.. فشل . يأس ظلمة..احساس دونيه انة قليل.. انه بلا قيمه .ده حال الانسان احبائي فى حاله العمى... ايه هو العمى؟!..فى العرف الروحي العمى هو الابتعاد عن المسيح.. هو ده العمى... العمى هو غياب النور.. العمى ..العمى هو غياب نور معرفه الله غياب نور الوصيه. هو دة العمى...عشان كده المولود اعمي دة ..جالس يشبه حال الانسان في غياب المسيح تكون الحاجه موجوده ومش شايفها ..النور موجوده مش شايفه.. شمس موجوده ومش شايفها. البحر موجود مش شايفه... مش مميز المكان اللي هو فيه.. هو ده احبائي حال الانسان في الخطيه.. يفقد التميز الوعي الاحساس يفقده احساسه بأداميتة..هي دي الخطيه احبائي..شوف إنسان شكله عايش في تنعم .. وكل ممتلكات الحياه تحت ايدة.. لكن يعيش في الخطيه تشعر جواة بعمى ..تشعر بالبؤس داخلة..تدخل جوه اعماقه تلاقيه حاسس بفقد تام لمعنى حياتة..فقد تام لانسانيتة .. فقد تام لاحترامة وتقديرة لنفسة ..دة العمى..العمى يجيب حاله البؤس دى احبائي..اكبر كارثه يقع فيها الانسان احبائي ان يكون عايش في غياب المسيح.. عمى.. يعمل العكس يسمي الظلمة نور . يسمى الغش حق ..الدنس ترفية... ده الانسانه اللي يعيش في غياب المسيح.. عاوز يخرج من السجن اللي فيه مش عارف ..وللأسف العمى ده المفروض الناس تبقى عاوزه تساعد عاوزه تنقذ.. لا. اتفرج على مواقف الناس مع الاعمى دة...اولهم موقف التلاميذ.. ايه اللي عملوا التلاميذ .؟حولوا الموقف لفلسفه..قالوا هذا اخطا ام ابواة..يعني لما نقعد نحلل الموضوع دة... نجيب الخطيه الجدية..وخطية أدام وحواء..وهل والخطية بتتورث ..طب هل الانسان دة غلطه مين ...اه اكيد في حد غلطان عشان كده في المرض في العيلة وعمالين نحول الامر لفلسفه. ياما احبائي يبقى اللي قدامك محتاج منك انك تنقذوا لأنة عشان في كارثه والامر بالنسبه لك تحولوا لفلسفه ..امر عقلي زي اصحاب ايوب ..اللى رايحين شايفينوا فى كارثه .وظلوا يقولوا لة اصل ربنا ما بيسمعش من الاشرار زودوا الكارثه اللي هو فيها ...تملي ربنا بيعمل كده ما الأشرار ومافيش بار ..ربنا بيجربة ...يفكروا فى الكلام اللي هما بيقولوا ده. يكتشف ان كلامهم كارثه اكبر من الكارثة اللي هو فيها.. ليه. ؟ يا ما احنا احبائي بيكون في بيوتنا زوج مع زوجته ابن مع اسرته.زميل مع زميله. جار مع جاره.. في الكنيسه.. بدل ما ننقذ نفلسف. هو ده حال التلاميذ.. هذا اخطا ام ابواة...واكيد فى جدال حصل بينهم ...عايزين في الاخر بقى ياخذوا الراي من ربنا بسوع هما احتاروا في الجدل دة فذهبوا لربنا قلنا يا معلم هذا اخطا ام ابواة...كانة عاوز يقولهم ..لانة كان بيحتمل منهم كثير وما زال بيحتمل مننا ..احنا تلاميذه لازال يلاقي فكرنا مختلف عن فكره تماما..قال لهم انتم فكرتم فى الموضوع كده ..مين اللي غلط هو ولة ابواة ؟.لا هذا ولا ابواة..لكى تظهر اعمال الله فية...... امتى نوصل للفكر دة احبائي امتى... ياما احبائي نقعد ندين بعض..تتفرج على مواقف الناس اللى حوالين المولود اعمي دة هتجد كل النماذج اللي بيتحصل معنا كل يوم اللي يتفلسف واللي يحلل ..واللى يقاوم واللى ينقد .واللى يدين .واللى يشهر .واللى يعاقب ..واللى يخاف كل المواقف دي موجوده..كل الموقف دى موجوده...عاوزين يطلعوا في الاخر ان هو الراجل ده هو اللى غلطان... او لو مش غلطان يبقى اهلة غلطانين بيحللوا الامر....فئة ثانيه .. عاوزين ياخدوا عاوزين يصعدوا الامر.. طب هو ايه اللي حصل بالضبط؟! احكي لنا..وفى ناس شككوا قالوا لا مش هو ده نفس الراجل.. واحد ثاني ..في ناس ثانيه عاملين لة محاكمة... عاوزين يحاكموا..لية؟...لاتة بدا يشوف... ياما احبائي الانسان يبقى حياته بتتغير وحتى لما حياته تتغير برضة اللي حوالية مش عاجبهم ..ولا عجبهم في العمى ولا عجبهم وهو قد ابصر... وفي الاخر لما لقوا الامر ما فيش مفر من الجدل ..طب ازاي الكلام ده يحصل يوم سبت ..!!وعندما ناقشهم قالوا له ايه ده انت جاي تتعال علينا.. انت بالخطايا ولد....احنا عارفينك من ايام زمان... وفي الاخر طردوا من المجمع.. يا احبائي احنا لو قعدنا نفكر ازاي الناس بتنظر لنا ..هتتعب قوي...وازاي انت بتبص للناس انت لازم تصلح نظرتك للناس... بدل ما تقعد تدين وتتفلسف وتحاكم وبدل ما تاخذ احكام على الناس..لا مد ايدك معاهم دة أعمى....اية اللى تقدر تعمله؟ اي واحد جنبك اي واحد قدامك مسيحي غير مسيحي.. بارا .خاطى..فى سنك اكبر منك اصغر منك.. ايه اللي تقدر تعمله لو انت شايفه في حاله ضعف.. او خطأ ..لو انت شايفه في حاله عمي ايه اللي تقدر تعمله ..عشان كده احبائي معجزه المولود اعمي.. حدث بيتكرر في حياتنا باستمرار العمى اللي احنا بنعاني منه ومعاملات اللي حوالينا . ازاي انا استفيد من المعاملات دي ان انا اكون شخص ايجابي مؤثر فعال زي ربنا يسوع المسيح.. اللي اجتمعوا عليه عشان خاطر يطردوا من المجمع... المجمع ده حاجه دينية شديده جدا زي مثلا اللي في الكنيسه يقول لك مقطوع من الكنيسه..محروم من الكنيسه...دى حاجه صعبه جدا..تتعمل مثلا مع الهراطقه..فولان دة محروم من الشركة...بيطبق مع الناس اللي ليها مخالفات جسيمة ..وكان شعور الشخص اللي يقولوا له انت خارج المجمع زي اللي يقول له انت مقطوع من الكنيسه.. يخرج بره المجموع يعني يعتبروا ان مش يهودي مش منهم طبعا مش يهودي يعني مالوش ميراث فى ميراث ابونا ابراهيم.. يعني ما يشتركش في الاعياد.. ما يقدمش ذبائح ..طبعا هما كانوا واخذين الأمور بحرفية قوي و بالشكل قوي.. فكانت بالنسبه لهم دى كارثة...لدرجه ان اهل المولود اعمي دا لما لقوا الموضوع في ان هما يخرجوا من المجمع اصبحو في حيره.. يسندوا ابنهم ولا يخرجوا من المجمع..؟ قال له لا احنا ما نخرجش من المجمع ..ونقول لهم مالناش دعوه بية هو كامل السن اسئلوا....واحنا ما نعرفش.. خافوا ليخرجوا من المجمع ..ايذاء معنوي وايذاء دينى شديد ..وشوف ازاي ممكن يستخدم عقوبه زي دي في باطل ؟ قد كده احبائي انا ممكن الامور تصبح مقلوبه...اقولك اة... ممكن.. مين اللي يصلح كل ده؟ ما فيش غيره.. هو شخص ربنا يسوع المسيح ..مين اللي يتح عينين الاعمى مين اللي يدافع عن الاعمى ..من اللي يصحح الاخطاء مين اللي يصحح وجهه نظر التلاميذ لما قالوا له هذا اخطا ام ابواة ...احبائي احنا في غياب المسيح في تخبط في تخبط ..مش عارفين مش عارفين ده الموقف يستاهل ان احنا نحللوا ولة ندينة ولة نفلسفه ولة نسندة ولا نبعد عنه ولة نخاف...مش عارفين نعمل ايه.. المسيح بيحللك الامر...المسيح بيحطك قدام الموقف الصح ..اللى المفروض انة يتعمل ..اية اللى ممكن تعملوا تسند به الانسان دة... دي احبائي النماذج ان احنا بنعيشها والتى عاشها ربنا يسوع المسيح لانه اقترب من الطابع البشري جدا وعاشوا ..تلاقي ألناس اللى مش عارفه تناصر انسان تبقى سلبيه... كام واحد اتفرج على الحدث ده وشافه وشهد له لكن سكت ؟ ياما..طب كام واحد شاف الموقف ده وعارف الحق من الباطل لكن ناصر الباطل؟ ياما. مين واقف مع الحق..قليل... ماسمعناش حد قالهم اية اللى بتعملوا في الراجل ده... ما سمعناش.. كله خاف بدايتا من اسرتة. طب والناس المتشدده اكثر..؟ دى كمان تقاوم الحق.. مش .بيقاوموا الرجل بس لا كمان قاوموا ربنا يسوع المسيح نفسه ...قاوموا ربنا يسوع نفسه.. ازاي يعمل كده فى السبت.. مش ممكن احبائي تلاقي ناس متشدده جدا بباطل ؟ اه.. في مش ممكن ناس تتخلي عن الحق ولا تساند الحق؟ ايوه ودة احبائي ثمره من ثمار انعدام وجود الله.. وده كأن ربنا عاوز يقول.. شوف لو عشتم معي هتعرفوا النور تعرفوا الحق والحق يحرركم عشتم بعيد عني.. هتعيشوا في الظلمه ..والظلال... وتلاقي التخبط اللى فى هذة الحادثة دي... دة نموذج احبائى لحال الانسان في غياب المسيح اللي يتخلى واللي يبتعد واللى يدين واللي يتفلسف.. ادي احبائي حال الانسان في غياب المسيح ..مسكين الانسان امتى النور الحقيقي يدرك الانسان ..امتى الظلام يتبدد شوف حال الانسان لما الظلمة تبددت..وقف قصاد كل دول وبقى يجادلهم ..يجادل ناس عتاة في الدين..و شخصيات مسؤوله كبيره...وقال لهم انتم بتقولوا علية خاطى..؟! لم يسمع منذ الظهر انة يوجد انسان فتح عينين اعمى.......قال انا اعلم شيء واحد..انى انا كنت اعمى والان ابصر ..بيحط الحقيقه قدامه انا اعرف حاجه واحده بس.. هتقعد تتوهني لا.. انا هاقول لك الحقيقه ...وعايز اثبات للحقيقه هو انا. إحنا احبائي ربنا عاوز يرسلنا للعالم شهاده له.. مجرد حقيقه مافعلوا المسيح معنا ..بس ..اعظم كروزه الرجل المولود اعمي دا هو في شخص هو اعظم كرازه..الراجل المولود اعمى دة هو شخصة هو اعظم كرازه....كل انسان تلامس مع ربنا يسوع المسيح وحياتة اتغيرت هو اعظم كرازه...يبدد الباطل ..ويشهد للنور ..هو يرد على كل افتراء.. المسيح ارسلنا للعالم نور للعالم ..لو احنا تلامسنا مع المسيح وحبينا المسيح وعيشنا مع المسيح وحياتنا استنارت بالمسيح ماتخبط العالم ..وماصار هناك شهاده للباطل بهذا القدر.. لية؟... لانه احنا شهادتة احنا الحق ..تعرفون الحق والحق يحرركم ..انتم شهودي ..انتم.. المسيحي عندما يكون فيه نور المسيح يفرق كثير ..عندما يصبح المسيحي يتلامس مع المسيح وصدق المسيح لانه اللي عملوا مع المسيح شيء عظيم جدا بس عن طريق اختبار عقلي صغير.خالص... ضع طين على عينك واغتسلت... هل طين يفتح عينين ولة يعميها اكثر ؟ عيش التواضع..طب انا عاوز حقى ،؟ تقول لي اتواضع .دة عكس عقلي ...ماتحبش العالم..افتكرت انت هتقول لي خذ ده وخذ ده ..لا لا ..انا هاقول لك عكس اللي انت تعرفه..هاقول لك عكس.. اللي انت عايز تعيش بية... انا منطقي مختلف.. خذ طين وحطه على عينك..احبائي ياما الوصايا تصطدم بعقولنا ...من اراد ان يكون اولا فليكن اخر الجميع ..دة طين بتضعة على عينك.. صدقت هتفتح.. ما صدقتش هتفضل زي ما انت . بيعوا امتعتكم واعطوا صدقه ..ده طين....على العين...إزاى....مش ممكن ... احب قريبك كنفسك من اراد ان يكون اولا فليكن اخر الكل . طين..تقدر ولة ما تقدرش ...اخذ طين الراجل الاعمى دة...وضعوا على عينية..وفعلا ذهب واغتسل ... ورجع بصيرا احنا كده احبائي. متى صدقنا الوصيه و نفذناها الحياه اختلفت. لما الحياه تختلف هنبقى احنا نفسنا اعظم كرازه..هيبقى المسيح بيعرف العالم بينا . قال لك كده ان كان النور الذي فيكم ظلاما فالظلام كم يكون...الاعمى دة احبائي واجة كل النوعيات....واجة اللى ييفلسف الامور واللي بيقاوم..واللى بيدين و اللي بيحلل ..واجه اللي بيقف يتفرج واجه اللي بيقاوم واجه كل المواقف ...لكن في الاخر انتصر ..وكانت معجزه شفاء الاعمى من المعجزات اللي زعزعت سلطان الكتبه والفريسيين ..واللى أمن بة كثيرون بسببه لكن برده للاسف رجعوا عند الصليب وخافوا ثاني... ده احبائي الاختبارات اللي بيعملها لنا ربنا يسوع المسيح في الحياه باستمرار. اجى قدام اختبار للوصيه واجد نفسي ارجع ثاني..و انجح مره واجد نفسي اختبار وصيه ارجع ثاني.. امسك فى... لان هو لما خرج من المجمع هو قبلة. .ولما قابله قال له انت مين.؟؟فعرف هو مين.... وقالك اية سجد لة.....وأكنة بيقولة بس يكفيني انت... مجمع ايه مش عايز حاجه ناس مش عايز ناس... حتى اهلي ان رفضوني بسببك انا مش عاوزهم ...دة احبائي الانسان اللي يكون تلامس مع المسيح وحياتة استنارت ...صدقوني احبائي لما نقعد مع المسيح نحس بالنور ده.. لما ننفذ الوصيه.. نحس بالنور ده.. لما نصدق الكلام ..لما نقبل الكلام لما تلاقي حاجات كثير تتخطى حدودك البشريه ..لما تلاقي حاجات بتتحدى عقلك ..صدقها..واسلك بالايمان لا بالعيان صدقها لانه هو اختبار صغير يا نجحنا يا فشلنا . ياتحط طين على عينك وعينك تفتح ..يا اما ما تصدقش ولا في قدرته ولا في طريقة...ياما ناس احبائي تصدق قدره الله لكن ما تصدقش طريقته..و ياما ناس تصدق قدرته وماتصدش طريقتة...والاثنين غلط ... لازم اصدق كلامة وانفذة...واثق فية..وعندما يقول لي ينبغي ان يصلي كل حين ولا يمل...اقولة حاضر ..لما يقول لي خلي قلبك نقى اقول له حاضر... لما يقول لي لا تحبوا العالم ولا الاشياء التي في العالم...اقولة حاضر يغنيك ويكفيك يخلي الناس دي كلها في عينيك قليله ...مش هو رأيهم اللي هيعيش به ..مش مدحهم هو اللى هيسرنى...مش تملقهم هو اللى هيسعدنى.. ابدا لو وقفوا كلهم ضدى... هاقول لهم الحق هعرفهم الحق.. قبلوا قبلوا ماقبلوش وعاقبوني يعاقبونى يكفيني هو ..عشان كده احبائي الناس اللي اعلان لهم المسيح ذاته قليلين جدا...اعلن نفسه للسامريه اعلن نفسه للمولود اعمى.. اعلان نفس لقلة من تلاميذه ..اللي يستهلوا ان يعلن لهم نفسه ...ويكونوا وصلوا لمستوى ادراك هو مين ... غير كده يقعد يقول له ده خاطى ازاي يعمل كده وازاي بيكسر الناموس وازاي وازاي.. هو ده يا ما احبائي ننظر لناس النور قدامها لكن مش قادره تقتنع بية.. ضع الطين على عينك و صدق.. صدق ان هي دي الوسيله بتاعه الاستناره بتاعتك.. اضبط نفسك واضبط حواسك ..واضبط جسدك واصلبه. ووقفوا وارفع ايديك واقف مدة وكل مايكسل قل له لا ...وكل ما يقول لك هستفاد ايه من كده ...قول له اسكت وطاوع ..اقول لك كده.. لانكم اطعطم من القلب صوره التعليم التي تسلمتموها...دة احبائي الرجل المولود اعمى.. اللي تحدي كل الفئات دى وكان عمل المسيح فى حياته اكبر شاهد انت آية ... انت فى حد ذاتك أيه ..انت نور ..انت شهادة العالم يَخلص بكم ...العالم يستنير بكم ..العالم يعرف الحق منكم.. العالم يتعلم كل ما هو نافع ومفيد وبناء منكم .. واحد من الاباء الاساقفه استلم ابروشيه ..اسمه القديس باسيليوس استلم ابراشيه كان فيها 18 اسره مسيحيه صلي لربنا قال له يا رب انا عاوز ال18 دول يبقى هما النواه عشان خاطر البلد كلها تعرفك ...وظل يزرع في اولاده وفي شعبو خصال المسيح وطبيعية المسيح وكلمه المسيح ونور المسيح لحد ما يقولوا انه.. حينما تنيح كان هناك 18 اسره وثنية في البلد... بقى في الاخر في 18 اسره وثنية..احنا احبائي محتاجين ان احنا نكون نموذج للمسيح .انتم شهودي انتم نور المسيح ..الرجل المولد اعمى دة حياته في حد ذاتها هي عظة .التغير اللى حصل في حياته دة هو اكبر درس لمن هو المسيح ..والانسان الذى تلامس مع المسيح في داخله. يعرف يشهد.. اللي عرف شقاء الخطيه وتعستها .. واستنار يعرف يعني ايه يتكلم عن المسيح ويشهد المسيح دعوه يعرف يعني اية يتكلم عن المسيح ويشهد للمسيح.... دعوه احبائي ان احنا نتلامس مع المسيح نتذوقة .نتذوق عمله في داخلنا... ساعتها هنبقى مختلفين لا نسلك بحسب الناس ولا ناخذ بكلام الفلاسفه ولا الذين يدينون ولا اللى بيقاومة...لكن هتلاقي نفسك فعلا تعرف الحق والحق يحررك...وتلاقي حياتك كلها مش قادر تعمل فيها حاجه اجمل من انك انت تسجد لة... ربنا يكمل نقائصنا ويسند كل ضعف فينا بنعمته ولالهنا المجد الابد امين....

بسم الاب والابن والروح القدس الاله الواحد امين فالتحل علينا نعمته ورحمته وبركته الان وكل اوان والى دهر الدهور كلها امين.. انجيل هذا الصباح المبارك احبائي فصل من بشاره معلمنا متى اصحاح 12 معجزه شفاء ربنا يسوع المسيح لمجنون اخرس اعمى.. المعجزه دي ذكرت في ثلاثه اناجيل.. متى ومرقس ولوقا وهي عباره عن اعلان لسلطان ربنا يسوع المسيح على الشيطان وقوتة ومملكته تلاقي ان ربنا يسوع المسيح قصد في خدمتة يخرج شياطين كثيرة.. والشياطين دول اللى كانوا.. تقدر تقول عليهم. انهم كانوا متحكمين في العالم... قال لك كده اسمه رئيس هذا العالم ..رئيس سلطان الهواء...تخيل انت كده لما نشوف اكبر قوه في العالم ..يبقى اللي بتتحكم في العالم القوه دي.. ربنا يسوع مملكته. مملكه روحيه وجاء عشان خاطر يمُلك ما ينفعش يمُلك و مملكه الشيطان قائمه... ما ينفعش.. ما ينفعش يقول اللي عاوز يجي معي يجي واللي عايز يروح معه يروح معاة..لا.. ما ينفعش.. هو يهزمه ..وبعدين...وبعدين يقول اللى عاوز يختار..يختار....عشان كده قصد ربنا يسوع المسيح ان في بدايه خدمته يكون فيه تحدي مع الشيطان والشيطان يحاول يجربة وهو يهزموا مره واثنين وثلاثه مش بس كده ..ده في معجزات كثيره ربنا يسوع المسيح كان بيقصد ان هو يُخرج ارواح نجسة. ويخرج شياطين كثيرة...ويُيبدد مملكه الشيطان ويُيبدء سلطانه.. ربنا خطتة الخلاص ربنا ختطة الابديه والملكوت ...ربنا خطته ان يملك على النفس ويملك على العالم ..عشان كده هنا في المعجزة..يقول لهم كده ..انه ان كنت انا بروح الله اخرج الشياطين فقد وصل اليكم ملكوت الله.. كأنة..بيقول لهم انتم شايفين اهو.. ملكوتك يا رب وصل ازاي.. انة هزم ملكوت ابليس ...عشان كده هتلاقي نوعيات كثيره من معجزات ربنا يسوع المسيح اللي صنعها كان سببها الشيطان.. مثلا تلاقي انسان ابكم اخرس ..ممكن تلاقي واحد بيقول عليه مصروع اللي عنده صرع دة بيفضل يتشنج كثير وجسمه يتهز.. اللي ينزل افرازات من فمه.. يصر على اسنانه.. او يقول لك عن واحد ييبث .. يعني يبقى عامل شبه حته خشبه كده ممكن يقول لك عن واحد كان بيحاول يلقي نفسه في النار ..يقولك عن واحد كان يسكن في القبور ..حاجات مخيفه كلها ..الناس كانت تشوف الحاجات دي تقول لك عليه شيطان ..يبقى الشيطان ده كان حاجه قويه جدا..طب ما حدش قادر عليه. يقولك ماحدش...وبعدين طب ما انا ممكن يحصلى لي كده ...فظل الشيطان يهدد في الجنس البشري لدرجه اعلم بها سلطانه وذُلة للانسان يقول لك على الراجل بتاع مجنون كُره الجديين .يقولك ماكانش حد قادر يربطه بسلاسل ...وكان يجري يجرح فى نفسة ..وشكله يخوف... سلطان عدو الخير يجي ربنا يسوع يَخرج منه الشيطان ده يقول لك ده كانوا كثيرون دخلوا فى قطيع خنازير...كتار ..مملكته...اكنو واحد واخد راحته ..ما فيش احد واقف له ..مره ربنا يسوع تلاميذه قالوا له ده عليه شيطان مش قادرين نخرجوا ..قال لهم لازم يكون عندكم ايمان ...هذا الجنس لا يخرج الا بالصوم والصلاه يعني عاوز ثلاث حاجات ..عاوز ايمان وعايز صوم وعايز صلاه ..دة اللى يجعلك تخرج الشيطان.. وده اللي يجعلة مايهوبش نحيتك ...ممكن. .اه.. ابليس عدونا كأسد زائر يجول ملتمسا من يبتلعوا....عارف انت كده اللي يقعد يلف يلف..لية... يجول يلتمس من يبتلعوا...عشان كده قال لك قاوموة راسخين ....مملكه الشيطان احبائي مملكه مخيفه مملكه لها سلطان ومنظمة وفيها رتب وفيها اساليب كثيره ومتنوعه من الحروب... ازاي الانسان يثبت بالايمان؟! بالصوم والصلاه ..كلمه منه تخرج الشيطان.. عشان نحمي نفسنا لازم نعيش حياه مقدسة خذ بالك تملي يقول لك على الشيطان احيانا يقول عليه الروح النجس ..يعني هو يحب النجاسه يعني لما يلاقي انسان مايل للنجاسه هو يسكن معه ...عشان كدة تلاقي حروب شهوات الجسد عنيفه و كثيره ومتنوعه وعدو. الخير بيبتكر فيها ..لية؟ ..عشان يخلي الانسان عايشين في سلطانه.. اسم الروح النجس... فيجل الناس تميل للنجاسات دى...يبقى كده هو ايه؟؟ هو المسيطر عليهم طب وبعدين.. معلمنا بولس قال لك ان مصارعتنا ليست مع دم ولحم بل مع رؤساء ..مع اجناد مع سلاطين مع قوه شر ..عايز يقول لك ده جيش منظم..الحكاية كبيره طب وبعدين...؟ نعمل ايه.. قال لك الحل.. البسوا سلاح اللة الكامل لكي تقدروا ان تثبته ضد مكايد ابليس ...ايه سلاح الله الكامل عليك بترس الايمان وعليك بخوزة الخلاص... حزينه ارجلكم لاستعدا انجيل السلام ...ما اجمل ان تكون ممتلئ بكلمه الله..ما اجمل ان تكون متسلح بالايمان ما اجمل ان يكون الصليب هو علامه نصرتك... عدو الخير .يجى عندك ما يقدرش يعمل حاجه ..وما يقدرش يقترب اليك ..الكتاب المقدس ذكر معجزات كثير جدا لاخراج شياطين.. عشان ربنا يسوع يقول لك انه.. ما تخافش وفي نفس الوقت يقول لك اوعى تسيب نفسك لة ... احسن دة برضة مؤذى..ممكن يخليك ابكم ...ابكم يعني ايه.. يعني ما تتكلمش بكلمه ربنا.. ابكم يعني ماتصليش..ابكم يعني ما تسبحش ممكن يخليك اخرس ما تسمعش ...كم كلمه ربنا يقولها لك ولا تسمع ولا تتاثر ولا تدخل في قلبك ..عدو الخير ممكن يطمس من عينك رؤيه الله ..يخليك تشوف اعماله ولا تمجده.. يخليك تشوف معجزات تنكرها ..يخليك اعمى متشوفش عمل الله ابدا .. يعني ممكن يجعل انسان اعمى مش بس ان عينوا مقفولة مابتشوفش...لا اخرس..مابيتكلمش..لا....دة ..دى كانت مجرد بس ظواهر شكلية ... عشان ربنا يسوع عاوز يدخلنا للى بعدها...اللى ايدة يابسة دة. علامة على شيئين...انة ماعندهوش ارادة.. وعلامه على حاجه ثانيه انة ماعندوش عطاء.. بخيل .يدة يابسه مابتتحركش...اليد اليابسه دى عندما تشفى..ايد ترفع للصلاة...اليد اليابسه دى لما تشفى تبسط للعطاء .عشان كدة عدو الخير ممكن يخلي ايدك... ايد يابسه...ممكن يخلي الانسان اخرس...ممكن يخلي الانسان ابكم..ممكن يخلى الانسان...أعقد...وممكن يخلى الانسان يبقى مجنون...اية الجنان دة ؟ الانسان المختل اللى مابيحسبش حاجه صح ...وتصرفاته كلها غلط. وينظر للناس هي اللي غلطانه . .. وبيعمل حاجات غير طبيعيه..وممكن يؤذى نفسه واللي حواليه ومش فاهم....طب ما الخطيئه كدة...الخطية اية؟ الخطية. جنون .القديس العظيم الانبا انطونيوس..قال ان الخطية هي الجنون ...لان الانسان بيبيع الغالي بالرخيص...يبقى مجنون...لانه انسان مش عارف مصلحتة...يبقى مجنون اللي ماشي وراء شهوات نفسة دة بيؤذى جسدة...ونفسة ومشاعره عشان كدة جاء ربنا يسوع المسيح يقولك شفاءك عندي انا ..ماتمشيش مع الروح النجس.دة... ما تمشيش مع اللى بيأذيك دة....لا...دة انت لو تمشي معه يذلك ويهينك... ويكسر روح اللة اللي جواك.. انت لازم تتفكك من عبودية الخطيه دى...المجنون الذى لا يستطيع ان يضبط نفسه على حاجه.. واللي ماعندهوش ارادة...جاء ربنا يسوع المسيح بكلمة...يعلن سلطانه..يخرج شياطين...ويسيطر على خطايا. عشان كدة يقول لك ان الشياطين أصبحت تخاف منه.. و تجزع منة... لدرجه ان لو تلاحظوا ان يمكن تكون الشياطين اعترفوا بالوهية ربنا يسوع المسيح يمكن اكتر من الناس ..صرخوا قائلين انت هو المسيح أبن الله...وعندما كانوا يقولوا انت هو المسيح ابن الله.. كانا ينتهرهم ولا يدعهم ينطقون... مش ده المقصود ان انا اسمع شهادة ان انا ابن الله منكم انتم...فكان ينتهرهم ولا يدعهم ينطقون عشان كدة مره قالوا له ..ما لنا ولك يا ابن الله العلي. عرفوا قدرتة...لكن ربنا يسوع ما كنش يريد شاهدته من شياطين..كان يريد أن الاب هو الذى يشهد لة..يشهد ان هذا هو ابني الحبيب...انا شهادتى تأتى من ابرار تيجى من ابرار تيجى من مؤمنين..اعماله تشهد لة...الاب يشهد لة..المؤمنين يشهدو لة...الرسل يشهدون لة...احنا نشهدلوا نقول بموتك يارب نبشر وبقيامتك نعترف. لكن عشان الشياطين هم اللي يؤمنوا به لا ..احنا اللى نعترف بسلطانه...عشان كده لما كان يلاقي التلاميذ مش قادرين يخرجوا الشياطين كان ينتهر هم لعدم إيمانهم... لو جاءت لك فكره من عدو الخير ما تسبش نفسك لها كثير ..ارشم صليب ...عود نفسك على كلمه لينتهرك الرب أيها الشيطان... يجي لك فكره وحشه ولة فكره مخيفه ..خصوصة احنا في ايام ممكن الافكار الكثيرة تأتى لنا...الخوف احبائي اساسة البعد عن الله.. اساس الخوف يجي من ان واحد يشعر انة عايش لوحدة...يخاف...لكن اللى حاسس ان هو محتمى بيد الاهة..يقولك اية؟؟ ان قام عليا قتال ففي هذا انا مطمئن....لانك انت معي .. عشان كدة كان ربنا يسوع المسيح كان بيكثر من معجزات اخراج الشياطين لان عارف ان الشيطان دة بيتلون ويغير اساليبه في الحروب ويحاول يذل الانسان ويهين الانسان ..يأتى ربنا يسوع المسيح و يعالج كل دة... يرد للانسان سلامة وبهجتة ويعلن سلطانة على العالم...الشيطان احبائي لما ربنا يسوع المسيح علق على الصليب...كان سعيد ان هو شافوا خلاص انتهى...لكن في نفس الوقت شايف منه قوه وهو على الصليب... كان يتوقع انه يبكي كان يتوقع انة ينهار كان يتوقع انة يقول الحقوني.. كان يتوقع يقول خلاص.. لو سمحتوا نزلوني مش قادر ..ابدا... دة يقول لك ايه ..بسطت ظهرك للسياط ..يقولك كشاه تساق الى الذبح... كنعجة صامتة امام جازيها....ايه ده . ؟ وجدوا جبار... واظهر بالضعف ما هو اعظم من القوه.. الشيطان قلق و خاف واتزعزع ...استريح قوي لما ربنا يسوع المسيح اسلم الروح على الصليب.. قال بس خلاص..لكن بعد كده قال لك ايه؟ قومت يا مخلصى بالجبروت وكسرت شوكت الجحيم .عنى ...اسمعتنتى صوتك... قائلا تعالا و اقترب مني لكي تتبرر من خطاياك ...الشيطان احبائي متلون يغير من حروبه كل واحد له مفاتيح كل واحد لة خطه.. كل واحد لة اسلوب...مايسبش احد في حاله. ابدا ..لا البعيد ولا القريب.. البعيد يحاربوا بالبعد اكثر والقريب يحاربوا وهو قريب.. حرب لكل نوع ...انسان مبيعبدش ربنا يقول له خلاص خليك انت هتاخد اية من عبادة هتقعد قد ايه من عباده ربنا دي برده ثقيله على الواحد..وبعدين الواحد مشغول.. ادي .فئة..فئة ثانيه يقول لك لا ازاي لازم اعبد ربنا خلاص طب انا ما عرفتش اجعلك تكسل انا اخليك تعبد ربنا بس بحسب الشكل.. يلا تعال ..مش انت عايز تتصلى وعاوز تروح الكنيسه طب تعال...انا هجعلك تعبد عبادة شكلية...كلها رياء كلها سرحان كلها ثقل جسد . الروح متترفعش ابدا شوف انت هتمشى بانه اسلوب وانا برضة اضحك عليك في كل الاساليب انا اضحك عليك..هو دة احبائي عدو الخير واساليبة المختلفه وخططة المتنوعه كل ده بيعمل به ايه ...عاوز يثبت مملكته.. ربنا ...ربنا ..عاوز يقول له لا انت مش هيبقى لك سلطان على اولادي.. تلاحظوا احبائي في طقس سر المعموديه لازم نعمل صلاه اسمها صلاه جحد الشيطان ايه جحد الشيطان دى؟؟ ان النفس اللي هتدخل الايمان دي ترفض سلطان الشيطان عليها تماما.. نقول له بص كده الى الغرب... اللي هو الظلمة... الظلمة اللى هو الشيطان نقول له ارفع ايدك لفوق وكاننا بنقول له حط ايدك في وشه.. قول له اجحدك...و كل اعمالك النجسه وكل جنودك الشريره كل حيلك الردية والمضلة ..وكل نفاقك...وكل سلطانك ... كان الكنيسه بتقول للشخص المؤمن قول له انا عارفك وفهمك ما تحاولش معايا... انا عارف ان كل حيلك رضية ومضلة...وكل جيشك وكل سلطانك..انت كلك نفاق... انا مش هتبعك ابدا ...يقول له قول اجحدك اجحدك اجحدك . بعد ما يقول كده ..ابونا الكاهن يروح نافخ في وجهه الطفل او الانسان المعمد دة يرشم عليه علامه صليب .. بيقول حاجه يمكن ينصحونا ان احنا نقول لها سرا عشان الناس ما تخافش نعمل ايه في وجه الطفل ده ...ننفخ فى وجهة ونقول اخرج ايها الروح النجس ..على اعتبار ان الولد ده طالما هو كان لسه لم يؤمن بالمسيح يبقى في سلطان العدو..لا دة هيدخل فى سلطان المسيح.. عشان يدخل في سلطان المسيح الاول.. نطرد الشيطان ..بعد ما نظر للغرب وحجد الشيطان ..نقول له تعال بقى انظر للشرق ... اقبل الايمان بالمسيح ...نقول ايه اعترف لك ايها المسيح الاهى وكل نواميسك المخلصة... بعدما جحد حيله.. وخطط عدو الخير. كل نواميسك المخلصة..وكل خدمتك المحيية وكل اعمالك المعطيه للحياه ..بعد كده يقول قانون الايمان.. نؤمن باله واحد الله الاب ..يعلن ايمانة ويعلن سلطان المسيح على حياته... المسيح في خدمته احبائي كان قاصد ان يشفى كل مرض وكل ضعف وكل اللى تصلت عليهم روح ابليس... حتى الرسل كان الرب بيخرج بهم شياطين.. فرحوا قوي..و قالوا له احنا اكتر حاجه ازهلتهم..قالوا له حتى الشياطين تخضع لنا باسمك مش مصدقين.. لانه حاجه جديده عليهم..الشيطان دة ما لوش حل؟ لا لة حل في اسم يسوع... عشان كده ربنا يسوع قال له لا تفرحوا ..لكن افرحوا بالحرى ..ان اسمائكم مكتوبه في ملكوت السماوات و فعلا ده اللي يديهم فرح وسلام وانتصار ولاقينا الاباء الرسل بيخرجوا شياطين لقينا واحد زي معلمنا بولس الرسول بيخرج شيطان من واحده عليها روح عرافه... لقينا الاباء القديسين بيخرجوا شياطين ولقينا في سلطان وبقى الشيطان ده ممكن يخرج من مجرد رشم الصليب بمجرد مزمور مجرد صوره قديس ممكن يخرج شيطان.. ده ايه ده ..مملكه المسيح ..تعالى كده هات صوره للملاك ميخائيل واحد يكون عليه شيطان.. شوف الازعاج اللي هيحصل له.. طب مارجرجس طب الانبا موسى الاسود طب ضع صليب عليه .ايه ده. ؟دى احبائي مملكه اللة. ..عملت ايه.. عملت انتصار.. عشان كده يقول لك احنا لازم نتسلح احبائي.. عشان كده ربنا يسوع قال لك لو في واحد قوي القوي ده بيحفظ دارة متسلحا.. وبتكون امواله في امان.. لكن متى جاء ما هو اقوى منه يغلبة..مين القوي الاولاني ده. ؟ ده الشيطان..دارة فين ؟ العالم.. ايه اموالة اللى كان حافظها في امان؟ اعمالة. الخبث والمكر والنجاسة ..الكلام ده اية كله ده ؟ دة الشيطان... جاء بقى الاقوى منه عمل في ايه بقى .قالك نزع سلاحة... وزع غنائمة... هو ده اللي ربنا يسوع المسيح عمله معنا مع عدو الخير.. هل احنا مستمتعين بالقوة دى ؟.هل دة نصيبنا في المسيح ان فعلا سلاحة منزوع مننا... الخبث والمكر والبهاء والافكار الشرير النجسه واهتمامات العالم رئيس العالم دة سلطانة فينا قد ايه.. حسب ما احنا بنطيع اعماله... كل ما نطلع اعماله يبقى سلطانه فينا اقوى.. طب كل ما ننتهر اعماله فينا سلطانه يحصلوا اية... سلطانة هيتبدد.. طب هيتبدد بأية بالايمان والصوم والصلاه ..باسم يسوع ..اسم يسوع الذى يسحق الشيطان ويصرعة...جواك افكار وحشه يبقى في روح نجس... بخيل ممسك عن العطاء تبقى ايدك يابسة...ما بتصليش..تبقى اخرس...لسانك دة مربوط..مابتسمعش كلمه ربنا ..يبقى في مشكله عندك.. ما بتحسبش لحياتك الابديه.. طب ما ده يبقى جنان بتطاوع الخطيه وشايفها لذيذه طب ما ده جنان.. اذا كل ده عاوز ايه.. عاوز يخرج.. طب يخرج يايه ..ارفع ايدك وقول له يا رب فك نفسي.. انتهر الروح اللي جوايا واعطيني اشعر بحريتي وسلامي عجيبه احبائي لما لقوا الراجل بتاع مجنون كره الجدريين..بعد ما خرج منه الروح النجس بقى مستغربين بقى جالس راجل هادى محترم كويس و لابس هدومه بقى مستغربين هو الراجل ده.. ده كان بيجري بكل قوته.. شكلة كان مرعب يخوف.. لكن لما المسيح قابله.. صار معافا...احنا كده احبائي صدقوني احبائي لو اتقابلنا مع المسيح هنتمتع بسلام النفس والجسد والروح ...لو القينا علية كنا همومنا بالكمان.. لو اتسلحنا بعلامه الصليب ..لو اتشفعنا بالقديسين لو صرخنا اليه ونقول له ارحمني لو قولنا له فكيني ياما احبائي..ناس كتير فكها...مريم المجدليه ..كان عليها سبعة شياطين....حد كان يصدق..قالك انا هخرج من عليها السبعه شياطين ..واجعلها كارزة... مبشره خادمه هي اللي هتكرز للتلاميذ بالقيامه.. واحد زي القديس موسى الاسود ده كان مطاوع الشيطان لكن اتفرج عليه وعلى كلامة ووعظات ومقالاتة وصلواتة واولاده..و على مقاومته للروح الشرير وعلى غلبته للشيطان وكل اساليبه ربنا عاوز يعمل معنا كده احبائي عاوز يعلن ان احنا كنا مستعبدين وبعد كده فكنا.. لان هو الاقوى ربنا عاوز يعلن انتصار ملكوتة..وعاوز يقول للبشريه خلاص الشيطان لم يعد لة سلطان على البشرية ..اتفكيت...عاوزنا نسلك في القداسه مش بس كده.. ونجذب كثيرين زي ما حصل مع المجدليه والقديس موسى الاسود والقديسه مريم المصريه عاوزنا نجذب كثيرين.. عشان كده احبائي .. تملي اللي كانوا عليهم روح شريره الحل بتاع هم يعملوا فيهم ايه..؟ ياتوا بيهم للمسيح ...عشان كده يقول لك احضر الية...كان اللى عليهم روح شريره يأتون إلية..طب نفرض احنا دلوقتي ان عدو الخير مسيطر علينا ومدخل فينا شويه خوف على قلق على حب للعالم على حب الارض وملخبط المفاهيم ..بنفكر في الارض اكثر ما نفكر في السماء مش عارفين نصلي مش عارفين نعبد ربنا.. اقول لك طب يلا نقف قدامه نقول لة فك الرباطات دى كلها...عشان كده ابونا لما الانسان يعترف بيضعة عليه الصليب وبيقول له ايه.. الذي قطع كل رباطات خطايانا تبص تلاقي في رباط كثيره تقطعت ..ربنا يعطينا احبائي ان نتمتع بسلطانه في داخلنا ونتمتع بحريه مجد الله ان ملكوت الله بالحقيقه قد اقبل علينا ..يكمل ناقصنا ويسند كل ضعف فينا بنعمته ولالهنا المجد الابد امين...

بأسم الاب والابن والروح القدس اله واحد امين ..فلتحل علينا نعمته ورحمته وبركاته الان وكل اوان والى دهر الدهور كلها امين.. احد المخلع تقرا علينا احبائي الكنيسة فصل من بشاره معلمنا يوحنا اصحاح 5 كان عيد لليهود فصعد يسوع الى اورشليم وكان في اورشليم عند باب الضان بركه تسمى بالعبرانيه بيت حسدا.....ولها خمسه اروقه فى هذه كان مطروحا جموعا من المرضى عمى وعرج ويابسون ....وكانوا يتوقعون تحريك الماء وكان ملاك ينزل كل وان في البركه و يحرك الماء وكل من ينزل اولا بعد تحرك الماء يبرا من كل مرض به ... رجل منذ 38 سنه مشلول ...جالس امام البركه ..البركة دى اسمها بركة بيت حسدا... وحسدا هى كلمة عبريه معناها رحمه ....البركه دي اسمها بركه بيت الرحمه ..جالسين امامها مرضى بانواع مختلفه قاعدين منتظرين ومتوقعين بشغف ..يأتى الملاك ليحرك الماء... لو جاء الملاك وحرك المياة... اول مريض ينزل يشفى.. . تقدر تقول كده في مرضى واحد اعمى بس ممكن تكون رجليه سليمه يعرف يجري... ممكن يكون واحد يدية مشلولة لكن رجلية سليمه برضة يعرف يجري واحد عاجز شويه ممكن يكون معه صحاب لة يعرفوا يشيلوا وينزلوا بسرعه... لنفرد واحد أصم مش بيسمع لكنة يتحرك ...وممكن يتحرك بسرعة اول ما الملاك يأتي.. كل دول مترقبين ومتحفزين الا شخص واحد فاقد الرجاء تماما ...لاتة مش بيتحرك ابد ...اذا ممكن يكون لة رجااء ان حد يشيلوا ... كل الناس يئست منه وتركتة اكيد ناس كثير فكرت تساعدوا قبل كده ...لكن الامر كان صعب عليهم .. اصل ده مشلول بالكامل و محطوط على سرير ..هنشيلك ولا هنشل السرير ولا هنشيلك عايزه اربعه . واربعه يتلخموا في بعض ...دة الملاك بيجي يحرك الميه في لحظه وعاوزين واحد ينزل في لحظه لما شخص يحس ان اتغلب في مسابقه مره واثنين وثلاثه و10 و100 بييئس...اكيد حاولوا معاة ..وما قدروش... يجى بقى يسوع ويلتفت لمين في كل دول؟ هو الراجل ده....اللى الحاله مايئوس منها تماما. اللي يئس من نفسه .ويئس منه كل اللي حواليه... وما عندوش رجاء ولا في انسان ولا في ملاك ولا في مياة... بس الراجل ده كان فيه ميزه حلوه جدا انه قاعد جنب البركه...كان المفروض المحاولات الكثيره اللي بقت بالفشل تخليه ما يجلس جمب البركه ...بس قال اديني اعد لعلى ... طب انت منتظر ايه؟! انا مش عارف انا منتظر ايه... طب انت كل ما تشوف احد بيشوفى يحصل لك نوع من انواع الحصرة ...دة انت تندم تحزن...لان المفروض تكون..وفى نفس الوقت. مش ممكن يكون الشخص الذى شفى ده لة تاريخ المرض بتاعك ولا صعوبه المرض بتاعتك.. يبقى انت قاعد عمال تتفرج على امر يؤلمك بزياده .....ومع كل ده هو مستمر...موقف رائع يأتى الرب يسوع على بركه بيت حسدا بيت الرحمه .وهو ينبوع التحنن ..هو عنصر المراحم الكنيسه تقولي عليه عنصر المراحم.. عارف يعنى اية عنصر يعني اساس..اصل .. ياتى لة يسوع ويترك كل الناس دي ويتكلم مع الراجل ده.. قال له انت عاوز تشفي قال له ايوه طبعا ليس لي انسان حتى اذا تحرك الماء يلقيني في البركه ..فبينما انا آتا ينزل قدامي اخر ..بكلمه قال له يسوع كم احمل سريرك وامش .ففى الوقت برأ الانسان وحمل سريره ومشي.. عظمه...يقولوا كده على الطبيب يمدح بمرضاة.... يعني ايه؟ يعني كل ما كانت الحاله سهله.. يروح لدكتور ويكتب له علاج ...ويخف عادي..شخص راح للدكتور عندة شويه برد كتب له علاج خف ما حدش ابدا هيقول ابدكتور ده شاطر ..عشان كان عندي شويه برد وخفيت... لكن لما تكون حاله مستعصيه..شخص لفه على دكاتره كثير وعجزوا وفي الاخر وجد شخص وفهملوا. ..وشخصه واعطاه علاج. وتابعه وبقى زى الفل.. يقعد يقول لك ..الدكتور فولان الوحيد ..اللى عرف علاجى...الطبيب يمدح بمرضاة ...كل ماكان المريض اشد مرضا ...كل ما اظهر في براعه ومهارة الطبيب.. اذا شخصه واعطاة والعلاج المضبوط الطبيب يمدح بمرضاة.... ربنا يسوع المسيح يمدح بمين؟ بمرضاه ...احنا ...المثقلين بقيود خطايا ثقيلة... مدد طويله 38سنه مقيد مهزوم يائس مابيتحركش.. يقول لك دى اراده الانسان الضعيفه اللي مش قادره تاخذ قرار التوبه ...بينما انا أتى ينزل قدامي اخر ...له حتى اردت..بفشل بعجز مش بقدر ... مين بقى اللي عنده الحل... هو ربنا يحب كدة. ..يحب يشتغل مع الامراض المستعصيه.. لما يجي كده مثلا يشتغل..يشتغل مع واحد زي شاول الطرسوسي ...رجل مطهد لكنيسه اللة يفسد الكنيسه ويتلفها بافراط...ما لقتش يا رب غير المتعصب الكارة دة؟! .. ما لقيتش غير اللي رايح يقتل المسيحيين ..يقول لك ما انا لو اشتغلت جوه واحد عينه طيبه و انسان كويس ابقى انا ما ليش فضل في اوى...لكن انا اظهر صلاحي في مثل.. هذا القاسي ده اللي رايح يطهد ولادي هو ده اللي انا هخليه اناء مختار وهو ده اللى هحمله مسئوليه كرازه .للدرجاتى؟!..يقولك اه انا قادر على التغيير ...لما يشتغل يشتغل مع واحده زي السامريه خمسه ازواج والذي معي ليس زوجي ايه كل الربطات دي..يقولك دى انا افك الرباط دى كلها..يجى يشفى واحد38 سنه واحده مثلا امراه نازفه الدم حالتها عماله تسوء..ذهبت الى اطباء كثيرة و حالتها في زياده ..في المرض والتعب ..يجى يقوم ..يقوم واحد زى لعازر ....لة اربع ايام وقد انتن ... اية دة؟ اقولك هو يحب يشتغل مع الحالات اللي فقدت وقطعت رجاءها بالتمام ...ليه ..لتظهر عظمه نعمته.. مبارك انت يا رب احنا ياما بنوصل لحالات من اليأس والفشل والعجز... يا بنيئس من انفسنا ..ياما بنشعر ان جرحنا عديم الشفاء ..اقولك..ليك طبيب ماهر.. ليك رجاء في ذاك الذي قال كلمه..فبرأ ذاك المقعد منذ 38 سنه.. ليك رجاء لا تقطع رجاءك ابدا ...ليك رجاء فى..... كل واحد فينا يقولة. اه يا نفسي ياما فيكى من رباطات ثقيلة و قديمه ياما فيكى من اتعاب اتعبتك منذ زمان طويلا.. ياما فيكى من امراض تسلطت عليكى لدرجه بقى طبع فيكى لدرجة ان اصبحت جزء من الشخصيه جزء من الكيان يا ما فيكى يا نفسي من امراض..بتحجز عمل نعمه ربنا عنك...طب وبعدين.. يقول لك ليك جاء .. اوعى تفقد الرجاء... خليك جنب البركه.. اوعى تقوم من جنب البركه يقول لك الاباء القديسين يقول لك ايه هي البركه دي..البركة دي هي الكنيسه المجتمع حواليها مرضى بانواع امراض كثيرة ..عمى وعرج كلنا كده ..احبائي كل واحد فينا كلنا جالسين حوالينا البركه..و كل واحد فينا عنده مرض شكل ... كلنا.. مرضى انواع امراض كثيرة بس جنبنا ايه؟ مش بركه مياة...لا لا.. احنا قدامنا ذبيحه الاهية.. مش بيجي ملاك يحرك مياة..لا لا ده روح الله هو اللي بيحل عليها ..فليحل روحك القدوس يا رب علينا.. وعلى هذة القرابين... روح ربنا بيجى وبيحل علينا واحنا جالسين دلوقتي...واحنا واقفين بنصلى دلوقتى نلاقي روح ربنا يحل علينا..يعمل ايه؟ يشفي.. كان زمان الملاك يجي احيانا.. محتاج لون من الوان الترقب..امتى يجى..احنا دلوقتي لا مش احيانا...دة هو قائم معنا الان محتاج مننا انفتاح ضمير ويقظة روحية لندرك انة موجود. مش نتوقع امتى يأتى؟ وعندما كان يأتى الملاك يحرك الماء ..اللي يلحق ينزل هو واحد بس. وكأنة جعل الامر موضع صراع..تخيل لما يجى الملاك يحصل نوع من أنواع الخناقة .. مين سبق ..مين العفى اكثر مين القوى اكثر ومين العفى اكتر ومين يعرف ينزل..قالك لا لا لا ..انا مش هجعل اولادي يحصل فيهم الكلام ده..دة كان بس كدة بعطيهم عينات على قدرتى الالهيه على شفاء الأمراض..... دي كانت حاجات قديمه عشان كنت بتعامل معهم على قد استيعابهم لكن دلوقتي بشفيكم مش بصرراع ابدا... ابدا ده وانت واقف مكانك كده ..برفعة قلب تتفكك.. وانت واقف كدة مجرد تحني رأسك.. تاخذ حل من خطاياك.. ايه ده.. ده بركه العهد الجديد ..مش مجرد ملاك ينزل يحرك ميه ..لا ده روح الله يأتى. ويحل ويقدس القرابين ويحل علينا ويفكنا ويعطقنا من كل رباطات الخطاياة الثقيلة..ومش واحد بس اللي هيبرأ...لا لا...احنا النهارده معروض علينا اننا كلنا نخرج واحنا في حاله شفاء كامل ..معروض علينا ان احنا كلنا بلا استثناء ولا واحد فينا يخرج من الكنيسه ولسه سريرة شايلة...ولا لا ..هتخرج وانت اللي شايل سريرك ..اصل السرير ده كان اشاره ان الجسد متسلط فالجسد هو اللي شايلني ..اجى انا بقى لما باخد الشفاء مش بيرجع الجسد هو اللي يشيلنى...لا انا اللى بشيلوا... احنا كلنا دلوقتى صايمين نعمل ايه؟ نقول له ما تاكلش صلي ..الجسد بيحصلة ايه؟ احنا اللي نشيلوا..ولما نشيلو سلطانة علينا يقل ولما سلطانة علينا يقلل.. الاعمال الروحيه تبقى اسهل.. احمل سريرك ..عظمه.. جدا ان الانسان في يوم زي النهارده ده بركه عظيمه احبائي..ان انا اقول له يا رب انا جاي النهارده وكولى قيود.. خطايا كثيره اتشكلت فى الوجدان لدرجة اني يأست من نفسى . حتى مش بفكر ازاى اتخلص منها ...لان ده تفكير بالنسبه لي متعب وبيزود يأسى وفشلى ..لكن انا مع المخلع النهارده ما ليش حجة... انا هافضل قاعد في كنيستك..وهلازمها مهما كانت حالتي..انا هاعمل زي الراجل ده.. مش هقطع رجائي ابدا ..هافضل موجود و انا متاكد ان كلمه منك هتشفيني.. معلمنا بولس الرسول يقول لك لا تطرح ثقتك التي من اجلها المجازاة... ما تجيش في وقت تقول خلاص ومش هينفع .احنا نقول له كدة... لا تقطع رجاءنا يا سيدي من رحمتك ابدا هنفضل قاعدين ومنتظرين واكيد هتتحن واكيد هتتراءف..اكيد انت متأنى على الراجل دة عشان تظهر عظمه عملك. فيه ..ربما عاوز تعلم به اخرين ربما.. عاوز تمدح ايمانه...ربما عاوز تكرز بعمل عظمة قدره شفائك عن طريق شفاؤه ؟ ربما....لكن المهم اني هافضل قاعد حوالين البركه مش هامشي منها ابدا ....معلمنا بولس الرسول يقول لك غير تاركين اجتماعنا .. منسيبهوش...طالما احنا لنا قدره ان احنا نفضل قاعدين جنب البركه. نفضل قاعدين جنب البركة...الطبيب يمدح بمرضاة...هو ربنا بيحب كده.. واحد من الاباء القديسين كان دائما السقوط في خطايا معينة ..فكان دايم الصلاه واللجاجة ..فكان بيقول لربنا ..ان كنت تقف مع القديسين فما الحاجه.. وان كنت تقف مع الابرار فهذا ليس بجديد.. ولكن اظهر صلاحك فيا انا المحتاج الى عمل نعمتك..جميل واحنا قاعدين في الكنيسه نقول له يا رب اظهر صلاحك فيا انا...قل كلمه لابرأ..قول لى.. قم احمل سريرك..انا منتظر الكلمة دي...معلمنا داود النبي كان يقول ربنا اقترب الى نفسي فكها ..كان يقول لة اصنع ايه صالحه مع عبدك... هو انت يا رب هتفضل تعمل ايات مع الناس وما تعملش معايا... انا اللي يشغلني جدا مش موضوع الايات اللي تمس الجسد ...لا...ده موضوع بسيط جدا.. انا المهم افك قيود صنعها الشيطان.. وافك رباطات عملها فيك العدو.. افقدك قدرتك على الاتجاه نحو الله... عشان كدة اقدر اقول لك . مرض الجسد هين لكن مرض الروح صعب..مرض الجسد فى اخرة اسوء نتائج لة...مرض الجسد يجيب موت للجسد.. مرض الروح اسوا بكثير لانه يميت الروح.. عندما يموت الروح يحرم من الابديه يبقى المرض الروحي اخطر بكثير ياما ننزعج لامراض جسديه.. ولا نبالي بامراض روحية ..لو واحد فينا احبائي النهارده ربنا ما يسمحش صحي لقى نفسه مش بيتحرك ..ولا رجلة ولا ايده يالا الحزن يلا البؤس..صحى لقى نفسة كدة جتلة جلطه ولا حاجه وبقى مش عارف يتحرك.. ياما بتحصل..مجرد نقطه دم كده تقف على مركز من مراكز المخ نقطه زي زى رأس الدبوس...تقف على نقطة معينه في المخ .يقولك فقد النطق...فقد الحركه..لية مثت مركز...ايه اللي بيحصل هنا؟ واحده فقد الحركة حزنا علية جدا ...طب هو الاتسان اللى مش قادر يصلى دة مش فاقد الحركة. ؟ الانسان اللي نفسة لا تلتقى باللة ابدا .دة انسان صاحى وبيتحرك..لا مش بيتحرك...دة الانسان اللى ممكن يكون جسدة مرض دة ...دة ممكن يكون لما جسدة مرض ممكن ابتدت عن طريق مرضة الجسدى يتحرك الى الله فصار لة هذا المرض ...اعظم عمل محبه من الله ..قالة انت عجزت ان انت تجيلى.. طول ماكنت على رجلك يمكن دلوقتى بقى...هتبدا تلجألى.... ياما يكون مرض الجسد لشفاء الروح... يا ما يكون مرض الجسد لشفاء الروح..عشان كدة اقدر اقول لك ..مرض الجسد دة هين...احظر ان تتعامل مع الله بجسدك... احظر ان يكون كل اللي شغلك جسدك.. يا رب اشفي لي عيني ورجلي اشفي يا رب عنيا من النظرات الشريره..و اشفي ارادتى الضعيفه التى تصلت عليها العدو لسنوات..و زمان ..ايدى يابسة.. رجلي عاجزة قلبي مقيد...عشان كده اقدر اقول لك ان هي دي المعجزه الحقيقيه واحد من الاباء القديسين ..قالوا لة يا ابانا انت راجل قديس قوي بس يعني نفسنا نشوفك تعمل معجزات عشان نرتاح اكثر.. قال لهم احظروا من حكايه المعجزات دي...انت لما تساعد انسان على انة يكون وديع وهادى. ويتخلص من الغضب..انت ..قد اخرجت شيطانا...وعندما تساعد انسانا على مساعده الفقراء انتا قد شفيت يدا يابسة...انت لما تعود انسان على الذهاب الى بيت الله انت قد شفيت مقعدا ..ان ساعد انسان على التوبه انت قد اقمت ميت ... هذه المعجزه الحقيقيه لدرجه القديس اوغسطينوس يقول لك.. المعجزات الجسدية الله كان يجريها آية لغير المؤمنين... اصعب حاجه لما يكون اكثر حاجه تشغل لنا بيننا وبين ربنا اجسدنا..يقول لك انا باكلمك عشان تنشغل بالروح وانت برضه مسيطر عليك الجسد.. اذهب كدة الى اماكن مقدسه روح دير مارمينا انظر الى كم الناس غير المؤمنين اللى رايحة الدير....لية...الجسد دافعهم ان هما يروحوا..طب اية علاقة الموضوع دة بالروح او بالايمان...ابدا...هو رايح لاجل ان يشفى وفقط...اكنة دكتور واعطاة علاج..وخلاص.. الموضوع لا يتعدى هذا ابدا. تخيل لو احنا وصلنا للمستوى دة...ان نلجا الى اللة باجسادنا..اقولك ربنا عاوزك اكثر من كدة بكتير...تعال كده احضر في مره صلاه قنديل..راجل مريض الكنيسه ريحالة تصليلوا.. اكيد انت نفسك تسمع يا رب اشفية يارب اشفية... ابدا ..تسمع كل شويه يا رب اغفر لة يا رب سامحة ...يارب اغفر لة ...يارب سامحة يا رب افتحوا لة الابدية ..واعطية توبة ورحمة وان كان زعلك في حاجه سامحة واغفر له ..الموضوع كله مسامحه وغفران ..فين الشفاء؟! احنا كنا عشمانين تيجى تصلى انة يشفى ..؟ ممكن. ..لكن الكنيسه اساسا رايحه للراجل ده عشان تعمل له ايه.. المرض الروحي . اكثر بكثير جدا من المرض الجسدي... عشان كده احبائي الرجل المقعد بيعلمنا ازاي يكون لينا حركه ناحيه ربنا. لا نقطع رجعنا ابدا في رحمته.. نفضل قاعد جنب الكنيسه هى دى مدينه الشفاء..هى دى بيت الرحمه بيت حسدا بتاعتنا كلنا ..لها خمسة اروقه. اقولك الكنيسه دي مداخلها كثيره تدخلها من باب العبادة من باب التوبه ومن باب الصلاه ومن باب العطاء.. تدخلها من ابواب كتير... مش منتظر تحريك مياة..مش هيجي اللحظه..لا... ده انت تشعر بوجوده الدائم ..وتتجاوب مع عمل نعمته ..جميل الكنيسه اللي تضيع علينا هذا الفصل احبائي واحنا على اعتاب نهايه الصوم عشان تقولك خد بالك ...احظر ان الصوم يعدي عليك وانت لسة مقعد ...اليوم احمل سريرك وامشي...تخيل معايا كدة الكنيسه كلها بكل الافراد الموجودة النهاردة..كل واحد يالا البهجه ..كانت المعجزات دى تكثر فى الاعياد اصلك كان ربنا بيحب يعمل لهم حاجة تفرحهم في العيد ..فكان في العيد يشفيلهم مرضى...فكان البهجة بتاعه العيد تكتمل ان واحد يشفى...فاالواحد ده يعملولوا زي احتفال ويكونوا كل عيلتة و كل حبايبة..وحتى الناس اللي تسمع بالمعجزة يحصل لها لون من الوان النشوي..فكان الاحتفال بالعيد بهذا الامر... احنا النهارده فى فترة الصوم مش واحد بس اللي هيشوفى..الكنيسه كلها هتشفى اعضاء المسيح الجسد المقدس كلة..بينال شفاء بالصوم وبالعبادة قم احمل سريرك وامشي...كل اللي يشوفك يقول مين ده هو ده ..اللي كنا قرفانين حتى نشيلوا؟ دة اللى كنا ياسنين منة ...شايب السرير ..ده جبروت خلاص يمينة..دة قوة أقتدار عملة..ماستناش الملاك يجى ولا يحرك المياة...دة كلمة منة تشفى... قال لة لعازر هلما خارجا... كلمه...احنا احبائي جالسين في الكنيسه نقول له يآرب قول كلمه ..قول لكل واحد فينا احمل سريرك وامش ..ما فيش خطية تغلبك ...ولا روح اليائس ولا الفشل يهزمك ... احمل سريرك وامشي.. مافيش خطيه متسلطه عليك ..احمل سريرك وامش ...ربنا يعطينا احبائي ان نتمتع بقدره عمل الله في داخلنا... ولا نسمح بشيء ابدا يعطلها...لا روح يئس ولا روح فشل ولا عجز بشرى لكن. .جالسين ومتوقعين كلمه منه...و كلنا شغف بروح توبة...وكلنا رجاء..انة قادر و قادر و قادر ربنا يكمل ناقصنا ويسند كل ضعف فينا بنعمته ولالهنا المجد الابد امين.....

باسم الاب والابن والروح القدس اله واحد امين ..فلتحل علينا نعمته ورحمته وبركته الان وكل اوان والى دهر الدهور كلها امين.. انجيل هذا الصباح احبائي... يسوع يُصلي.. واضح انه كان بيصلي بطريقه غير طريقه الجماعه اليهود في الصلاه . تلاميذ شايفينة بيصلي فأحبه صلاته. .. نشكر ربنا ان ربنا سمح ان شخص يقول له علمنا ازاي نصلي؟ اصل طريقته في الصلاه كانت تسحب القلب تقصر الانسان ..فقالوا له كده علمنا ان نصلي كما علم ايضا يوحنا تلاميذه. فبدا يعلمهم الصلاه الربانيه ابانا الذي ..وقال لهم كده متى صليتم فقولوا يا ابانا الذي في السموات.. يعني هو قاصد ان هو يقول لهم ان منين ما تصلوا تصلوا والصلوة دي. يعني احنا لما استلمنا صلاه ابانا الذي .. من شخص ربنا يسوع المسيح ناس كثير جدا يقول لك انا ما اصليش صلاه محفوظه انا احب اصلي صلاه من قلبي.. اقول لك وما له صلى من قلبك بس هنا يسوع بيقول لك متى صليتم فقولوا ..يعني هو اللي بيقول لك لو سمحت منين ماتصلى قول ابانا الذي.. ده كلام ربنا يسوع لتلاميذه ...وكلام ياسوع مش كلام ماضي.. مش كلام لناس معينين في عصر معين وانتهى.. لا ..يسوع هو هو امس واليوم والي الابد.. وماقالة لتلاميذة يقولة لنا نحن ايضا ..لان له تلاميذ في كل زمان ومكان ..فقال لهم صلوا كده وقولوا ايه.ظ ابانا الذي في السماوات ..اولا تخيل انت كده اسمها الصلاه الربانيه ان انت بتتكلم الاب بس انت لما بتتكلم الاب بتتكلم الكلام اللي حفظهولك الابن..اصبح انا باكلم الاب بكلام مين ..؟ كلام الابن .طب كلام الابن عند الاب ده صداة قد ايه؟ دة اول بس كده ما يسمع وانت بتقول ابانا الذي ..يقول لك.دة كلام مين؟ كلام ابني اللي محفظهولوا. اذا انا بكلمه بكلام ابنه فيصير لة دالة. ابنة وقوة كلام ابنة.. عشان كده اقول لك صلاه ابانا الذي دي.. صلاة لها قوه كبيرة جدا. عدو الخير عارف قوتها ف بيحاربنا فيها جدا..مسافة الواحد مايقولها ويخلصها ولادرى بولا كلمه ...يحاربنا بالشكلية وبيحاربنا بالروتينية...ويحاربنا بالنسيان وعدم التركيز والسرحان بحيث ان انا ما كنش فاهم ولا كلمة خالص ..لكن هي قويه لانها كلام مين؟ كلام الابن للاب . هي صلاه ود وصلاة حب صلاه تضرع فيها تتكلم مع اللة الاب بروح ابنه بكلمه ابنه ..تخيل انت كده. يقول لك حينما نتكلم بالصلاه الربانيه يتعرف الاب علينا اننا من ابناؤه.. يتعرف علينا.. ليه ..لان انت بتتكلم بكلام مين.. كان ابنه ..كلام ده مش اي حد بيقولهولى. ده بيقولهولى اللي في بيننا وبين بعض شركة حب.. لان ده كلام ابنى... نقدر نقول كده اننا حينما نصلي صلاه ابانا الذي الاب يسمع ابنه يصلي فينا... عندما يسمع ابانا الذي الاب يسمع ابنه يصلي فينا ..لاننا لا نصلي بكلماتنا ولكن نصلى بكلمات الابن... عشان كده يقول لك منين ما انت بتصلي صلاه ابانا الذي انت تصلي صلاه المسيح بفمك.. وكما يسكن المسيح في قلبك يسكن في عقلك يسكن في شفتيك فينطق بكلامة..هو اللي بينطق بالكلام لما بنقول ابانا الذي في السماوات هو اللي قال لنا يبقى انا بتكلم مع الاب بالكلام اللي حفظهولى ابنه... شوف بقى الامر ده يعمل ايه.. تخيل انت لما تبقى في موقف صعب وواحد يقول لك بص انت اول ما تدخل على فلان قول له كذا كذا واول ماتقولة كذا هو فاهم الكلام ده قوي وهيتغير في معاملته معاك خالص.. هو كده الاب هيلاقينا بنتكلم بكلام ابنه في الكلام هيدخل لحضرتة ويجد ٥٥٥٥ التصدي عشان كده نحن ونأتى الى الاب بكلام المسيح يسكن فينا كلام المسيح عشان كده يقول لك ان المسيح ده هو الشفيع بتاعنا فى السماء بيشفع في ضعفاتنا وخطايانا يعني احيانا بيسموا الشفيع او المحامي.. طب هو المحامى...المحامى بتاعى عاوز يجعلنى اقف اتكلم بكلام قدام القاضي يعطيني براءه.. فملانى عبارات معينة اقولها ..فعندما اقف قدام ربنا بصلي صلاة ابنا الذى دى دى صلاه محافظهالى المحامى ..عشان ارددتها قدام القاضي...وساعتها انال البراءه.. لان هو فاهم القانون كويس..تخيل انت كده لما واحد يقف يدافع عن نفسه يقول لك دة انا مظلوم دة انا ما عملتش.. اصلا انا كان عندي ظروف صعبه شوية...كلام ده كله مالوش اعتبار .. الكلام اللى لة اعتبار كلام القانون..يقولك طبقا لقانون رقم كذا لسنة كذا اللى يعمل كذا يبقى كذا.. انا لما اتكلم مع ربنا بزهنى انا ده كلام كويس..لكن الكلام اللي قاله لى الابن اصلى بة قدام الاب هو ده الكلام اللى بيقولهولى المحامى اللي يعرف اية اللى يتقال قدام القاضي... هو الشفيع بتاعنا.. عشان كدة عندما تصلى ابانا الذي ارجوك اشعر ان انت المسيح هو اللى بيصليها فيك..وهو اللى بيملهالك..وهو اللى محفظهالك وهو عارف ايه الكلام اللى هيعطيك براءه . فصليها بحب وهدوء و.بلاش عدو الخير يخليك تصرع بفمك اثناء الصلاه. وتقول لها بدون فهم ووعي...الحكيم قال كدة سفر الجامعه ..لما تقف قدام ربنا لا تصرع بفمك بنطق كلمات كثيره. ولا قولها بفهم ووداعة وبهدوء عشان تبقى صلاتك تبقى بروح وفهم ...قولها..بتضرع وبخشوع.... صفه ثانيه في صلاة ابانا الذي جميله جدا ..ما فيش واحد فينا بيصلي ابانا الذي لنفسه.. يعني ما اقولش ابي الذي في السماوات اعطيني اليوم خبزى كفافيا.. اغفرلي ذنوبى .. كما اغفر..لا لا ..دى كلها ابانا الذي في السماوات.. اغفر لنا ذنوبنا كما نغفر اعطينا اليوم كلها صيغه ايه ..جماعيه..اصل مش ممكن ربنا يسوع المسيح اللى شهوت قلبة يوحنا يعلمنا صلاه..تجعل كل واحد فينا يتكلم بلسانة...لا. لما نتكلم نتكلم صلاة واحد ..بلسان واحد...اصله هو معلم الحب ..معلم الوحده معلم الاتفاق...فيخلينا كلنا لينا صلوة واحدة...تخيلوا انتم بقى يبقى قلبنا قلب اية..؟ قلب واحد ...صلوة واحدة..قلب واحد. لسان واحد..فكر واحد . اهتمامات واحده... اشتياقات واحدة...وحدنا بالصلاة ..شوف بقى الهدف... شوف بقى ربنا يسوع المسيح .. ما حبش ابدا ان الصلاه دي تتقدم بطريقه فرديه..لان احناة جميعا واحد.. بيحب الانسان عندما يصلى مايصليش لنفسه..لا مايقولش اغفر لي ذنبوبي..لا . اغفر لنا ذنوبنا ..وانت بتصلى الصلوة دي انت بتطلب عن نفسك وعن الاخرين..مش بتطلب عن نفسك بس.. لازم تشعر ان الخطايا المحيطة بيك .. انت مش بتلمهم عليها ..لا...انت بتطلب لهم الغفران عنها. شوف بقى احساسك ايه اختلفت تماما...انت مش مجرد واحد بتطلب لنفسك والباقي مش مهم ..لا...دي خطيتى هى خطية اخويا وضعف اخويا هو ضعفى..اذا انا عندما اقف اطلب ..اطلب عن الكل ..طب اللى هيعمل كده دة ...هيدين الخاطى ولة هيدين الضعيف؟ اذا كان بيصليلوا ان ربنا يغفرلة...يجى بعد كده يقول فولان وحش... احنا بنصلى لينا كلنا..نقول ايه...اغفر لنا ذنوبنا..صلاة جماعيه تعلم القلب الواحد .. وبتجعلنا كلنا لينا لسان واحد... عشان كده لما تقرا في سفر الاعمال. فى نشأت الكنيسه يقول لك وكانوا يواظبون معا على الصلاه بنفس واحد.. نفس واحده يعني ايه يعني اكن كل واحد قاعد لة نفس المشاعر بتاعت اللى جمبو .. نفس واحده كلهم متفقين فى روح الصلاه وروح الطلبة. ابتداى يقول لهم عندما تصلون ..قولوا كذا اول حاجه .. ابانا الذي في السماوات.. ابانا.. بيرجعلك صورتك الاولى بيرجعلك بنوتك احساسك بالبنوه لربنا دة احساس غالي جدا ..عدو الخير بيحب يفسد الوحدة دي وبيشيلها وبالعكس بدل ما يحسسك ان آللة الله ابوك يحسسك ان فى هوة كبيره جدا بينك وبينة .لا ..انت لابد ان انت تبقى عندك يقين ان ده ابوك اللي في السماء.. وبتصلي له لان هو عندما فداك.. هو اللي رجعلك روح البنوه دي عشان كده في فرق كبير بين صلاه اليهودى وصلاه المسيحي ... اليهودى بيكلم اللة المتعالى..لكن انت بتكلم ابوك.. بيعطيك نعمه البنوه..اللى ممكن تكون انت فقدتها الذين قبلوه اعطاهم سلطانا ان يصيروا اولاد الله..روح ابنه بيشفع فينا....عارف انت لما واحد اللهجه بتاعته ما يقولش يا بابا يقول يابا.. ابا دي اللي هي احساس شديد جدا بالبنوه.. احساس شديد جدا بالصلع احساس جديد جدا بالاحتياج ابانا الذي في السماوات احساس البنوة دة احساس غالي قوي احبائي انت بتشعر ان انت ابن ربنا موضع حبة موضع اهتمامة ..وان روح البنوة اللى اعطاها لك دى انت جدير بها.. وبتشعر بها امر مهم جدا..جدا ..عشان كده صلاه ابانا الذي..دى .. تجدد لك عهد جديد. وتعطيك روح البنوة ..اللي احيانا عدو الخير بيخطفها منك. لان انت وانت بتقول له يا بابا ..يا ابانا.. انت بتقول له انا وجدت فيك الابوة اللي ما لقيتهاش على الارض.. عشان كده اقدر اقول لك..هو قال... اللي يحب اب او ام اكتر منى لا يستحقني... ولما واحد بيقول له آآذن لي انا ادفن ابي قال له دع الموتى يدفنون موتاهم ..ليه ..عشان عايز يقول لك انا مصدر البنوة اتعلق بي انا.. نا اللي لازم تشعر ان انا ابوك الحقيقي..انا الأصل بتاعك ..ا تكلم معي لأنى انا اللى بحبك وانا اللى بنقيق عشان كده ما تستغربش لما قال لا تدعو له ابا على الارض.... لان هو ابونا هو ابونا عشان كده اقدر اقول كده كلمه ابانا دى ماتخليش عدو الخير كده يخليك تتعود ها من غير ما تحسها ..لا الاباء بيقول لك اثناء صلاه القداس الالهي نقعد نتقي تنقى..محطات كثير جدا للتقديس والتوبه لغايه لما نوصل لصلاه القسمه ونشوف يسوع وهو بيقسم جسدة ويقدم عنا اخر صلاه القسمه يقول لك لكي ندعوك بداله البنين قائلين ابانا الذي في السماوات.. هتلاقي انت كدة عاوز يقول لك هدف القداس كله ان انت تقول ابانا الذي في السماوات لما تقول ابانا الذي في السموات صح هتدخل على التناول صح ..شوف قد ايه اقول لك اه صلاه قويه جدا عشان كده انت ردتها بحب ردتها بوعى ..يجى يقول لك يتقدس اسمك.. هو انا اللي بقدس اسم ربنا يعني هو محتاج ان انا اقول له اسمك دة يتقدس ؟! لا بالعكس ان يتقدس اسمه فيا ان اكون انا مستحقا لنطق اسمه فبقول له ايه.. يتقدس اسمك مش انا اللي بقدس الاسم..ام يتقدس اسمه فيا...نسبحك نباركك احنا بنبارك ربنا؟! لا احنا مش بنباركة..احنا نعلن انه مباركا نحن نقر انه مباركا فلم بنقول ليتقدس اسمك اي ان نعطي اسمة التقديس وان يتقدس اسمه فينا احنا مش بصلواتنا بيتقدس اسمة فينا لا.. احنا عشان كده بنقولة ليتقدس اسمك في داخلنا ..ولما اسمك يتقدس في داخل هيعمل ايه.. هيقدسنا و يغسلنا من خطايانا لتكن مشيئتك كما في السماء كذلك على الارض. جميل الانسان يعيش بفكر ان مشيئتك يا رب هي اللي نبذه اخضع مشيئتك لمشيئتى في كل امر تقول لتكن مشيئه..فى كل امر تكون كلمة الله ثابتة فينا عامله فينا ..تكون مشيئه الله فاعله في حياتنا نكون مسلمنلها فعلا... عشان كده قال لك الذي يصنع مشيئه الله هذا يثبت الى الابد ..لما تقول كلمه لتكن مشيئتك قولها بأيمان ما تبقاش تقول لتاكل مشيئتك وانت في حاجات كثير في دماغك مصمم عليها..لا لتكن مشيئتك معناها كمال التسليم .طب مشيئه ربنا اية.. ؟ كل ما هو صالح ما هي مشيئه ربنا؟ مشيئه ربنا فى القداسه.. مشيئه ربنا فى سيرتة و اعماله هي دي مشيئته...كما في السماء كذلك على الارض.. الاباء القديسين يفسروها بطريقتين.. طريقه حرفيه و طريقه روحية...الطريقه الحرفيه... ان زي ما ربنا هو المالك على السماء هو المالك على الارض وزى ما كلمه ربنا نبذه في السماء تبقى نبذه في الارض.. هي دي الطريقه الحرفيه الطريقه الروحية بقى جميله جدا يقول لك السماء والارض كما في السماء كذلك على الارض...السماء تشير للروحيات الارض تشير للجسديات . يقول لك كما في السماء كذلك على الارض تشير لايه؟! زي ما الروحيات تعوز الجسديات تتبعها.. كما في السماء كذلك على الارض..يكون هناك اتفاق بين الجسد والروح يكون هناك اتفاق بين السماء والارض يكون هناك اتفاق بين اعمال الجسد واعمال الروح..كما في السماء كذلك على الارض السماء فيها ايه؟ فيها قداسه ..يبقى كذلك في الجسد يكون في قداسة ..عشان كده كل ما الانسان صار روحاني صار جسدة روحاني يتبع ويخضع للروح..نيجى نقول للجسد صوم .. يقول حاضر ..متضايق؟ يقولك ابدا ده انا فرحان لان حصل جواه صالح بين الجسد والروح .. كما في السماء كذلك على الارض..مابقاش دة فى اتجاة ودة فى اتجاة... عشان كده شيء طبيعي جدا لان الاثنين مختلفين ان يكون في صراع بينهم بين السماء والارض لما المسيح يدخل بيوحد فبيكون كما في السماء كذلك على الارض ...شوف كده الانسان لما يتبع اعمال الجسد ..معلمنا بولس الرسول تقرا في رساله غلاطية.. بيكلمك عن اعمال الجسد ..بيقولك كلام صعب قوي الواحد يخجل ان ينطقة.. زنى دعارة سكر خلاعة ..عبادة اوثان...كل دى اعمال الجسد..ولكن اعمال الروح...اللي هي ثمار الروح .يقولك محبه فرح سلام طول اناة لطف وداعه تعفف صلاح ايمان.اية دة ؟ اللى يخضع للمسيح بروحوا وبجسدوا هيبقى في محبه ولطف وصلاح ووداعة...وتعفف ..كما في السماء كذلك على الارض.. جميل جدا ان الانسان يشعر بان جسدة دة ابتدى يشعر انة جسد روحاني... ابتدى يبقى جسد محب للعفة...رغم ان طبيعته مش كده.. ابتدا يبقى الجسد محب لوقفة الصلاة..رغم ان الجسد يميل للكسل والنوم ويميل لاعمال الجسد...ابتدى الجسد يميل للروحانية..ليه دة اللى حصل فينا كما في السماء كذلك على الارض ..تيجى النفس دى ..الانسان لما ينتقل للسماء السماعه يبقى هو ايه ؟ كما في السماء كذلك على الارض...يلاقى ان جسدة اللى كان ترابى اتعود على حياته. .خبزنا كفافنا..دى كمان لها معنين.. معنى حرفى ومعنى روحي ...المعنى الحرفى..خبزنا كفافنا ان احنا ياربى بالنسبه لاهتماماتنا الارضيه احنا بنشكرك على كل حال احنا عايزين بس الكوت والكسوة..احنا عايزين يا رب الكفاف عايزين بس يا رب حاجه ناكلها نتحرك بها ..دة خبزنا كفافنا احنا مش طمعانين فى ثروات كتير . ومش عاوزين نأمن مستقبل عشرات السنين ..احنا بنقول له يا رب اعطينا كوت كل يوم بيوم...دى خبزنا كفافنا...لكى يكون لنا الكفاف في كل شيء احنا يا ربى خبزنا انت شبعنا هو انت.. وده بقى المعنى الروحي ..خبزنا كفافنا ان المسيح كفايتنا..ان المسيح غايتنا.ان المسيح شبعنا دي خبزنا كفافنا.. انا لما باخذك يا رب بكتفي و بشبع ..انت الخبز الحقيقي النازل من السماء المعطى حياه للعالم.. انت خبز الحياه ف مش ممكن انا ااكلك واكون محتاج لخبز غيرك... خبزنا كفافنا انت كفايتى..اعطينا اليوم يعنى احنا عاوزين النهارده.. اغفرلنا ذنوبنا..طلبة جميلة..ان ربنا يغفرلك..بس هو المسيح اللى بيعلمك تقول كدة..كما نغفرنحن ايضا للمذنبين الينا...كل ماتغفر لاخواتك تتمتع بغفران ربنا..اول ماتكون قاسى على اخواتك ربنا يحرمك من غفرانة ..لية...لانة قال اغفروا يغفر لكم .. كل ماتغفر لاخواتك تتمتع بغفران ربنا ..كل نفس اختبرت مقدار صلاح الله فيها ومقدار مغفره الله ليها الغير محدوده ابتدت تبحث عن غفران وغفران وغفران ادي جمال العشره مع ربنا عشان كده قال لك انا سامحتك في كثير تيجي امتى هتمسك في حاجات صغيره. لا .زي ما انت اتسمحت.. عليك ان انت تسامح.. عارف المثل اللي بيقول انت كان عليك 5000 دينار وجاء واحد ثاني.كان ليك عنده انت مجرد كده اقل من عشر الرقم خمسه وتيجى انت سيدك يسامحك في ال 5000 ...ويجى اللى انت ليك عنده خمسة دة..تقولة هو فين الخمسة ؟يقولك معلش اصل انا مش قادر ..لا ..انا مش هسيبك وتودية تسجنوا على الخمسه دول ..يجي سيده يسمع الموضوع ده يقول لك تعال ايه اللي عملته ده..مش انا سبتلك خمس الالاف...تعالى بقى اعطينى حقى ..يجى ربنا يقول لك هو انا ماسبتلكش كتير؟! ا كمان...هو انت مش عارف خطاياك اللي انا بغفرهالك دى اد اية.. عارف ثمنها ايه....جاي عند اخوك وبتقول اصل عمل معايا كذا طب ما انا غفرت لك كثير ..اغفر لنا ذنوبنا كما نغفر نحن ايضا للمذنبين الينا.. في الاخر اقول له ايه لا تدخلنا في تجربه لان اى تجربه احبائي لازم اعرف انها بسماح من اللة العدوى لا يستطيع ابدا ان يقترب الينا الا بسماح من الله فانا باقول له يا رب انا ضعيف ارجوك ارجوك يا رب ما تسمحش ان انا ادخل في تجارب لاني ضعيف عشان كده فى تجربة ايوب.. قال له هوذا كل ماله في يدك ولكن نفسه لا تمسها ..ربنا هو اللى سمح لايوب ان الشيطان يجرب ايوب.. لكن قال له بشروط ده جمال عمل ربنا .ده جمال الانسان اللي مسلم حياته في ايد ربنا.. ان يقول له لا تدخلنا في تجربه .. تسمع في العهد القديم ان الله اقام له شعوبا لمحاربتهم ربنا يقيم شعوب يحارب بهم شعبوا؟ يقولك اه ..انا بستخدمهم اسلحة تأديب .. لكن احنا بنقول له ايه.. لا تدخلنا في تجربه..و في الاخر نقول له نجينا من الشرير بنستغيث بك يا رب وبنستغيس باسمك ..اسمك يا رب تنحل قصادة كل قوات المضاده هنقعد نقول له يا رب نجينا من الشرير من اعماله وحركاته ..اعطينا حماية و وقايه ارسلنا يارب ملائكتك و قديسيك القلب احبائي المتعلق باللة ينغلب ابدا قدام اعدائه ..عشان كده اقدر اقول لك..لما عدو الخير يحب يطمع فينا ويحب يستغل ضعفاتنا ..نقولة ايه.. نجينا يا رب مش الشرير.. وفي الاخر نقول ايه بالمسيح يسوع ربنا كل الكلام اللي فات ده يستجاب في اسم يسوع المسيح لانه في اسم يسوع المسيح طلباتنا كلها بتجد مصداقيه وقوه وشفاعه ودالة لانها صارت مقدمه للة الاب فى اسم ابنه.. نتعلم نصلي ابانا الذي احبائي واحنا رافعين قلبنا احنا فاهمين اللي بنقولوا واحنا حبينا الكلام اللي بنردده... ياما قديسين سر قداستهم كانت صلاه ابانا الذي ياما قديسين دخلوا السماء بابانا الذي بس.. ما كانش عندهم افكار كثيرة ... ربنا يكمل ناقصنا ويسند كل ضعف فينا بنعمته ولالهنا المجد الى الابد امين...