العظات
مقاومة شهوة الجسد
باسم الاب والابن والروح القدس الان واحد امين فلتحل علينا نعمته ورحمته وبركته الان وكل اوان دهر الدهور كلها امين
عايزين نتكلم شويه في موضوع عن شهوات الجسد الجسد معلمنا بولس في رساله معلمنا بولس اهل روميه اصحاح 12 يقول "فاطلب اليكم ايها الاخوه برأفه الله ان تقدموا اجسادكم ذبيحه حيه مقدسه مرضيه عند الله عبادتكم العقليه" وفي رساله كورنثوس الاولى 16:6 يقول "الستم تعلمون ان اجسادكم هي اعضاء المسيح افاخذ اعضاء المسيح واجعلها اعضاء زانيه حاشا"
اول حاجه عايز اكلمكم بخمس نقط اول نقطه:-
1- كرامه الجسد وكرامه الشهوات دي لها كرامه اول حاجه كرامه الجسد وكرامه الشهوات.
2- ثاني حاجه خطوره انحراف الجسد وانحراف الشهوات.
ثالث حاجه هنتكلم عن ثلاث حاجات في كيفيه ضبطها او الخطوره بتاعه
3- اول حاجه الضعف الروحي.
4- وتاني حاجه خطوره الذات
5- وتالث حاجه خطوره الفراغ والميديا
خطوره الضعف الروحي والذات والفراغ والمديا.
1- اول حاجه الجسد ضروره الجسد
وكرامه الجسد وكرامه الله لم يخلق شيء رديء ابدا ابدا
الشهوات دي مش شيء قبيح الغرايز دي شيء مقدس بس الجسد ده هيكل لربنا. الله لم يصنع شيء رديء ولم يصنع شيء بدون ما يكون له فايده ويكون له مجد ويكون وسيله ان الانسان يربح بيه السما الجسد ده له مجد الجسد ده له كرامه احنا بنقعد ناخد بركه اجساد القديسين ونتمنى بس نلمس نلمس الخشبه اللي لمسه عضمه يبقى الجسد ده ايه؟ حاجه له كرامه كبيره جدا الله خلق الله اراد معلمنا بولس يقول لك "اذ لنا هذا الكنز في اواني خزفيه" جوه الجسد ده في كنز الستم تعلمون انكم هياكل الله يعني الجسم بتاعي ده جواه الهيكل بتاع ربنا فالجسد مش شر الجسد مش من صنع الشيطان الجسد ما هواش شيء رديء ولا قبيح ابدا شيء مقدس وله كرامه كبيره جدا جدا لان هو من صنع ربنا والشهوات والغرايز دي بتدابير الهيه عجيبه انسان هنتكلم في نمره اثنين عن الانحراف بيه اما القصد منها فهو مقاصد وتدابير الهيه فائقه كل الغرايز اللي في الانسان هي لحفظ حياه الانسان تخيل كده لو احنا ما عندناش مثلا غريزه الجوع ما بنجوعش فمش هناكل لما مش هناكل هيحصل ايه؟ هيحصل انه جسمنا يضعف الدوره الدمويه بتضعف ما يبقاش في دوره حياه ما فيش مياه ما فيش بروتين ما فيش معادن ما فيش ما فيش الانسان لو قعد كم يوم ولا فتره يضعف جدا ويموت لكن ربنا اراد ان الانسان يكون عنده حاجه اسمها غريزه الجوع احتياج ان انا اكل فيخلي عندي غريزه تخليني اقول عايز اكل لو انا ما عنديش الغريزه ان انا عايز اكل ديت هلاقي نفسي قعدت فترات يقولوا يقول لهم مش عايز مش عايز وفي الاخر اضعف لكن الغريزه مخلياني هي دي اللي باخد بيها وقود الحياه كذلك غريزه الخوف احنا لو ما عندناش خوف احنا ممكن قوي نجي قصاد قطر ونقف لكن الخوف يخليني ابعد الخوف يخليني ابعد عن تيار ميه شديد الخوف يخليني ابعد ايدي عن نار عن كهرباء الخوف بيخليني ابعد فغريزه الخوف ديه لبقاء الحياه غريزه الجوع ده لبقاء الحياه هكذا الغريزه الجسديه هي لبقاء الحياه تخيلوا لو الانسان ما عندوش غريزه ان يكون في ميول من الرجل للمراه ومن المراه للرجل هيبقى ما فيش غريزه يبقى ما فيش استمرار حياه انا اتذكر في مره كنت قاعد مع ولاد في اعدادي وبنتكلم عن الغريزه وطبعا الولاد في اعدادي في السن ده بيكونوا يعني الموضوع ده تعبهم وقالهم ويعني عامل لهم حاجز بينهم وبين ربنا وفصلهم عن ربنا ومخليهم محتقرين نفسهم وكانهم جواهم سؤال بيقول انت ليه يا رب عامل فينا كده فجالى فكره قلت لهم ايه رايكم دلوقتي يا اولاد لو عملنا اجتماع صلاه عشان نقول لربنا ربنا يشيل مننا الغريزه يلا نقف نصلي ان ربنا يشيل مننا الغريزه ففي ولاد كتير قالوا يا ريت قلت لهم طب يلا نقف نصلي نقول لربنا يشيل من الغريزه رفع ولد صباعه قال له يا ابونا بس كده الجنس البشر هينقرض قلت له صح يبقى الغريزه هي سبب استمرار الحياه يبقى حلوه ولا وحشه دي مقدسه المشكله في ايه بقى في الانحراف بيها .الله لم يخلق شيء رديء كن ان الانسان ياكل دي حاجه مش وحشه بس كن ان الانسان يعيش عشان ياكل دي حاجه مش كويسه كون الانسان ان ربنا يخلي عندنا غريزه للخوف لبقاء حياتنا دي حاجه كويسه لكن عشان نعيش مرعوبين ده حاجه مش كويسه كون ان الانسان يكون عنده غريزه ان يكون الغريزه ديه تخرج في اطار مقدس تجيب نسل صالح ده شيء جميل ده شيء جميل لكن عشان خاطر الغريزه تنحرف ده بيبقى شيء بقى هو ده اللي يبقى غير جيد اذا الغريزه في حد ذاتها هي طاقه جباره جدا للحياه والجسد ده شيء مقدس هو احنا النهارده كلنا نشكر الله كلنا صايمين لامنا الست العذرا احنا صايمين بايه اجسادنا صايمه بنقول لجسمي ما تاكلش بنقول لجسمي ممكن تاخد فتره انقطاع مش هتاكل دلوقتي بقول لجسمي انت الحاجات اللي انت كل شويه
عايزها دي لا مش هتاخدها انت هتاخد دلوقتي اطعمه بسيطه جدا مين اللي صايم الجسد والروح بيعمل ايه؟ بيترفع لما انا بتحكم في الجسد اذا الجسد هو وسيله عباده هو مين اللي بيقف يصلي مين اللي بيرفع ايديه لفوق مين اللي بيسجد حتى لما بنيجي نتناول احنا بناخد الجسد والدم بيتحد باجسادنا ونقول كده " صيرنا هياكل مقدسه لحلولك
واواني مقدسه لقبولك لكي بذوق جسدك نؤهل لذوق نعمتك" اذا الجسد ده وسيله والغريزه دي دي طاقه جباره طاقه وجود وطاقه حياه جباره جدا جباره ده ربنا خلق في الانسان معجزه المعجزات يا الغرائز دي ليه عشان خاطر ربنا قال كده اثمروا واكثروا واملاوا الارض عن طريق ايه عن طريق الغريزه وقود الحياه بس تخيل بقى لما عدو الخير يخلي المقاصد دي تبقى ملوثه احيانا نقول لواحد كده تخيل ايه كده لما حد يجيب لك كده كوبايه ميه ساقعه ولا كوبايه عصير كده تكون ساقعه كده وانت حران بدل ما تيجي تشربها تحطها في بقك تروح كاببها على شعرك مثلا هتلزق جسمك وتخليك عايز لا ما هي مش لكده ربنا ما اداناش الغريزه عشان تستخدم في غير اطارها ولكن هي ادانا كل شيء بغنى للتمتع ربنا خلق كده سمح بكده طاقه جباره طاقه حياه طاقه حب طاقه عطاء هكذا الله اراد ان تكون الغرائز غرائز مقدسه طاقه جباره احيانا حتى الجماعه بتوع العلم يقول لك في فرق بين عود كبريت وفي فرق بين انبوبه بوتاجاز صغيره انبوبه بوتاجاز اكبر كل حاجه بتدي طاقه على قدها عود كبريت يدي على قده انبوبه صغيره انبوبه كبيره طب مفاعل نووي كل ما كانت الحاجه مصدر طاقه اكبر كل ما كانت خيرها اكتر كل ما كانت كمان خطر الغريزه كده الغريزه طاقه جباره تدي خير كتير بس في منها خطر خطر امتى في الانحراف بها ودي بقى تدخلنا على نمره اثنين.
2- الانحراف بالجسد والانحراف بالغريزه:- ايه هي بقى يخلي الانسان يقول لك الجسد يخليه يبقى لاعمال جسديه يخلي الجسد ده يبقى عمال يشتهي ياكل ويشرب وينام ويرتاح ويشتهي زي ما هو عايز ويقول لك ما هو كده ما هو هي يعني ربنا عملها كده اقول لا خلي بالك الاكل النوم الراحه الغريزه كلها لمقاصد الهيه اول لما تزيد عن حدها وننحارب بيها تصير ضاره ومؤلمه ومدمره اه طبعا واحد من الرهبان راح يشتكي لاب اعترافه يقول له انا بتحارب بالشهوات الجسديه بشده يقول له جاهد وما تخافش وربنا موجود يروح يقول له الحرب لسه موجوده وشديده عليا جدا وانا متالم وانا راهب قال له جاهد وما تخافش والقديسين يقولوا كده "ان كل من يجاهد من اجل العفه يجد داله عظيمه عند الله" تاني كل من يجاهد من اجل العفه يجد ايه داله تخيل انت كده يبقى ليك خاطر عند ربنا لما يلاقيك بتجاهد ضد ايه عشان تاخد العفه يروح له بعد كده يقول له الحرب شديده عليا جدا صلي لي فقعد يصلي وقعد ابوه الروحي ده يصلي كده وكانه بيؤمر الشيطان يقول له ابعد عنه ابعد عنه هدي الحرب بامرك باسم يسوع المسيح تبعد عنه جاله قال له ها ايه الاخبار انا متاكد ان كل حاجه بقت كويسه دلوقتي قال له ابدا قال له ازاي؟ قال له ابدا قعد يصلي ابوه الروحي ده قال له انا مش قلت لك تبعد عنه عايز يجاهد وعايز يرضي ربنا ابعد باسم يسوع المسيح وقعد ينتهر في الشيطان جال له الشيطان قال له انا بعدت عنه قال له امال ايه قال له ياكل كثيرا
ينام كثيرا يتكلم كثيرا يستريح كثيراً هو اللي جايب الحرب لنفسه ياكل كثيرا ينام كثيرا يستريح كثيرا يتكلم كثيرا تصوروا ان الحاجات دي ليها علاقه بالشهوات اه طبعا امتى يحصل الانحراف بالشهوه بقى لما الانسان يبقى بيرضي جسده ولما الانسان يسلك بحسب الجسد ولما الانسان يخلي الغرائز تتحكم فيه من هنا يحصل التدمير الانحراف يقول لك كده " لذلك اسلمهم الله ايضا في شهوات قلوبهم الى النجاسه لاهانه اجسادهم بين زواتهم" روميه واحد اسلمهم الله شهوات قلوبهم الى ايه النجاسه لاهانه اجسادهم ايه الحكايه دي الانحراف الانحراف بالجسد بدل ما يبقى وسيله تمجد ربنا بقى وسيله انا عايش عشان ارضيه وسيله انا عايش عشان اكله واشربه واريحه لا ده وسيله جهاد ده وسيله مقدسه قال لك كده " ان عشتم حسب الجسد فستموتون" تاني يعني ايه حسب الجسد يعني كل ما يامرك يقول لك كل اشرب نام استريح انت كده اكنك اسف الكلمه عارف اللي يقعد يطبطب على جسمه كده يعني كل ما تعيش لجسدك ان عشتم حسب الجسد فستموتون ولكن ان كنتم بالروح تميتون اعمال الجسد فستحيون لما بتقول لنفسك انا صايم ده بتعمل ايه بتخلي الروح تموت اعمال الجسد يقول لك هاكل يقول له مش دلوقتي في تدريب صغير يديه لنا الاباء تدريب صغير خالص انا اديهولك كده وانا اخده معاك صدقني وانا بحب اعمله انا مع نفسي اللي هو ايه يقول لك تاجيل الرغبه اسمه ايه تاجيل الرغبه لما يجي لك رغبه ان انت ترتاح قول مش دلوقتي قول استنى شويه لما تجي لك رغبه ان انت تاكل قول استنى 10 دقائق تقول هتفرق ال 10 دقائق دي يقول لك اه صدقني تفرق ايه اللي بيحصل هنا انت بتخلي بدل لما انت تطيع جسدك تخلي جسدك يطيعك بدل لما انت بتعمل ايه تطيع جسدك جسدك هو ايه اللي يطيعك هو كده اجل للرغبه في اي امر طب في الصلاه لا اسرع بيها طب في الامور الروحيه اسرع بيها عايز اقول لك الانحراف بالجسد وبالغرايز ده امر شيطاني جدا اقول لك حاجه بسيطه كده وركز معايا فيها عدو الخير ده اصلا كان ايه كان طغمه ملائكيه مش كده واراد ان يصير مثل العلي فالطغمه الملائكيه دي سقطت هو ده الشيطان وكل جنود وكل اعوانه بس دول كانوا اصلا فين مع ربنا كانوا اصلا يتمتعون بالوجود في حضره الله ولكنهم طردوا وحرموا لانهم تمردوا اللي طردوا وحرموا دول سكتوا ما سكتوش عايزين يعملوا ايه بقى عايزين يطردوا ويحرموا كل من يريد ان يحيا مع الله عشان كده اسمه عدو ايه؟ الخير فعايزين يطردوا ويحرموا اي انسان عايش مع ربنا يجي وانت دلوقتي يخليك قاعد مشغول يحاربك بافكار بخيالات بهموم بان جسمك تعبان شويه بان عندك حاجه شغلاك هو كده اسمه عدو الخير عايز يخطف منك ثمرتك ثمره الروح هو كده الجسد كده العدو كده طب عدو الخير مش يعني احيانا في ناس مش قادر عليهم عايزين يعيشوا مع ربنا استخدم اربع حاجات خلي بالك من الاربع حاجات دول استخدم واحد الذات واثنين الجسد والشهوات وثلاثه الناس واربعه العالم استخدمهم اربعه اربع اسلحه مع اول حاجه الذات يخلي ذاتك دايما عايزه تتعظم عايزه تتعالى عايزه ترتفع عايزه تنتفخ عايزه تمتلك فاستخدم الذات وهو عارف ان الناس محبين لذاتهم وللذاتهم فابتدى يعمل ايه يشتغل على الوتر ده جامد لان هو اتحارب بالذات فعارف ان السلاح ده بيكسب معاه فاول حاجه يحارب الناس بايه بالذات اثنين الجسد والشهوات عارف ان الناس مياله للجسد والشهوات فيحارب بقى يحارب بالجسد وبالشهوات المهم يبعدك عن ربنا يبعدني عن ربنا يبعدني عن لذه الوجود مع ربنا واحد الذات اثنين الجسد والشهوات ثلاثه الناس يخليك تقول ما الناس كلها بتعمل كده والناس كلها بتكذب ما كل الناس ما كل الناس بتاخد كذا الناس بتعمل كذا الناس او يجيب لك ناس يضايقوك شويه ينرفزوك شويه تقول كلام ما يلقش شويه تقعد الناس تتكلم على بعضها كتير الناس يخلي الناس تخبط في بعضها بحيث يوقع الناس بالناس هو كده ده سلاح في ايده واحد اول حاجه يحارب بيها الذات اثنين الجسد والشهوات ثلاثه الناس اربعه العالم مغريات العالم المهم يمنعنا من عشره ربنا العالم هو مش عمل كده مع ربنا يسوع طلع له على جناح قال له شايف الممالك دي كلها شايف العظمه دي كلها هديه لك لو ايه العالم عشان كده الكنيسه كل يوم تقول لاولادها لا تحب العالم ولا الاشياء التي العالم يمضي كل يوم الكنيسه بتقول خلي بالكم ده فخ شطاني فخ شطاني ان انت عمال عايز تمتلك عايز تزيد ثروتك عايز عايز خلي بالك ده جزء من الذات والشهوات واللذات اللي كلها متركبه على بعضها بحيث تبعد الانسان عن الانحراف بالجسد والانحراف بالشهوات وكان ربنا عايز يبص لنا يقول لها هو انا اديتكم الجسد لك هو انا اديتكم الجسد والشهوات عشان تبقى ادوات في ايد الشيطان ولا دي ادوات قال لك مجدوا الله في اجسادكم وفي ارواحكم التي هي ايه؟ التي هي الله ده واحد من القديسين يقول لك جسمك ده جسمك ده كله هيكل لربنا. جسمك ده ايه؟ هيكل. اي هيكل بيكون لازم يكون فيه مذبح. مش كده؟ الهيكل الهيكل جواه ايه؟ قال لك جسمك هو الهيكل المذبح هو قلبك طب طالما عندنا هيكل ومذبح يبقى ناقصنا كاهن مين هو الكاهن؟ يقوللك هو العقل العقل هو الكاهن الذي يقوم بشرف هذه الخدمه اذا
جسمك هيكل وقلبك مذبح وعقلك كاهن كان الانبا انطونيوس يقول لاولاده خلوا اجسادكم دي مجامر تصعد منها روائح بخور كريمه لله عشان كده عايز جسمك دايما يكون في حاله اتحاد بالروح لما يكون جسمك في حاله اتحاد بالروح تبقى عامل زي الفحمه السخنه الفحمه السخنه اول ما تحط عليها نقطه بخور بس تروح عامله ايه طالعه على فوق خلي جسمك دايما متحد بالروح ملتهب بالروح سخن يحصل منه ايه بقى يطلع منه صعائد مقدسه لله ده الجسم ده القصد من الجسم الانحراف بالشهوات يخلي الانسان عبد للشهوه يخلي الانسان يبقى بيفقد صورته الالهيه معلمنا بولس يقول لك كده انتم عبيد لما تطيعونه خلي بالك خلي بالك انتم عبيد لما ايه الحاجه اللي انا بطوعها عارف ان انا لو بطاوع شهواتي يبقى انا عبد للشهوه انتم عبيد لما ايه تطيعونه يعني الحاجه اللي بتسمعه ك الحاجه اللي بتمشوا وراها الحاجه اللي بتحبوها حتى القديسين يقول لك بص خد بالك معايا يقول لك عارف مين هو الاله الاله ثلاث حاجات الاله ثلاث حاجات اقصى حب اقصى ثقه اقصى طاعه اقصى حب اقصى ثقه اقصى طاعه اكثر حاجه بحبها هي ربنا واكثر حاجه بثق فيها هي ربنا واكثر حاجه بطوعها هو ربنا انا كده بعبد ربنا طب خلي بالك لو اكثر حاجه بحبها هي ذاتي واكثر حاجه بثق فيها هي ذاتي واكثر حاجه بطاوعها هي ذاتي يبقى انا بعبد مين ذاتي طب الشهوات لو اكثر حاجه بحبها هي الشهوات واكثر حاجه بثق فيها هي الشهوات واكثر حاجه بطاوعها هي الشهوات يبقى يبقى كده بعبد مين؟ بعبد الشهوه طب لنفرض المال اكت حاجه بحبها المال اكتر حاجه بثق فيها المال اكثر حاجه بطاوعها هي المال يبقى انا كده عبد لايه؟ المال يبقى انا طلعت بقول ان انا بعبد ربنا بشفتايه بس ده مش ربنا خالص ده مش ربنا انت طلعت مش بتعبد ربنا معقوله يا ابونا اقول لك لا معلش ده سؤال انا بساله لنفسي انتم عبيد لما ايه تطيعونه مين هو الاله ثلاث كلمات اقصى حب اقصى ثقه اقصى طاعه يطلع الانسان بيعمل حاجه غير ربنا طب راجع نفسي سامحني يا رب ضيعت زمان كتير ضيعت زمان كتير واخد شكل ان انا بعبدك بس في الحقيقه انا مش بعبدك انا بعبد ذاتي اولالذاتي عشان كده اقدر اقول لك كده الجسد ده والشهوات دي لابد ان تكون في قصد الالهي احذر الانحراف بيه لا لانه لما انت تستخدم الجسد صح هيطوعك لما انت تستخدم الجسد غلط هيتمرد عليك واحد من القديسين يقول لك كده يقول لك لو اكرمت اي حيوان هيطوعك انا اسف يعني لو جبت قطه واكلتها وشربتها هتحبك كده هطوعك لو جبت مؤاخذه كلب ماشي لو جبت لو جبت اسد تاكله وتشربه ممكن تعرف تروده قال لك اي حيوان تكرمه يكرمك الا جسدك لو اكرمته يتمرد عليك معروفه عشان كده قال لك الجسد يشتهي ضد الروح والروح يشتهي ضد الجسد وكلاهما يقاوم الاخر احنا حياتنا حياه بحسب الروح عشان كده احنا دايما بنقول لجسدنا ده ايه انت وسيله نديك البركه بس انت تطوعنا احنا عايزين نصوم احنا عايزين نصلي عايزين نصحى بدري ان احنا نحضر قداسات ده في ناس بتصحى نص الليل صلوه بصلوه في عز النوم قول لك اه في عز النوم متمتعين جدا طب والراحه طب والنوم يقول لك لا لا احنا فرحانين بكده اكتر من راحه واكتر من نوم اصل انتم عبيد لما ايه؟ لما تطيعونه قد كده قال لك اه خلي بالك الجسد ده ممكن يديك بركات كتير وممكن يسلب منك بركات كتير عارفين القصه بتاعه شمشون لما طالع عليه اسد عمل فيه ايه؟ سرعه ومسكه من فكيه كان جبار وموته وشقه ولما جا عدى مره ثانيه عليه لقى الاسد المشقوق ده اتحول الى ايه؟ الى خليه نحل بقى فيه عسل واخد منه واكل واكل اللي معاه ومن هنا جت كلمه يخرج من الجافي ايه حلاوه عارف القديسين ياخدوا الكلام ده ايه يقول لك الاسد ده هو الجسد جاي يموتك بينقد عليك لو انت قاومته وحاربته وسرعته هو هتاكل منه عسل هو هو هتاكل منه ايه هو الجسد ده اخد منه بركات روحيه اخد منه ذبائح مرضيه عند الله العرق اللي يطلع منك في الصلاه ده عرق مقدس ده مبارك الايد المرفوعه دي كلها بركه الركب المنحنيه دي لها بركه فاصبح الجسم هيكل لربنا اصبح الجسم وسيله روحيه اصبح الجسم بتربح بيه بركات خطوره الانحراف بقى لما انت تبقى ايه لما الواحد يطوع الجسد ولما الانسان بقى يبقى مستهتر طب العلاج يقول لك خلي بالك من ثلاث حاجات احذر جدا جدا من الذات وارضاء الذات جدا احذر جدا من الضعف الروحي اخر حاجه احذر جدا من الفراغ والميديا .
3- اول حاجه احذر من الذات اصل كتير جدا تبقى الشهوات جدرها اشباع للذات الجدر الجدر بتاعها معلش تسامحوني في الكلمه اللي اقولها طفوله روحيه طفوله يعني عارف اللي يشوف اي حاجه يشبط فيها عارف الطفل الصغير اللي لازم ترضيه عشان يبطل يصرخ هو كده عايز اللعبه دي وعايز الحكايه دي وعايز لو عطشان دلوقتي مش مهم يقوم امه دلوقتي يقومها بس هو كده رغبتي وبس احيانا احنا بنكون كبار بس اطفال اللي هو ايه اشباع الشهوات
وكان يعني اسف كده طفل خد الرضعه يهدى لما ياخد اللي هو عايزه احيانا كده احيانا يكون الانسان سالك بشهواته لان ذاته غلباه لانه لسه لم ينضج لانه لسه عايش في طفوله القديسين يقولوا لنا تدريب يقول لك عود نفسك ان تاخذ ما تحتاج وليس ما تشتهي عود نفسك ان تاخذ ايه؟ ما تحتاج تصوروا لو شفنا ما نحتاجه بالنسبه لما نشتهي هنلاقي تقريبا 10% من احتياجاتنا 10%من احتياجاتنا هي ما نحتاج واقول لك مثل بسيط يمكن على الستات اكتر لكن خلينا عشان ما نجيبش ايه مشاكل خليها رجاله وستات شوف ما تحتاج من ملابس وعندك قد ايه ملابس مثلا ده مثل غلطت مش كده معلش لكن شوف ما تحتاج من ملابس وعندك قد ايه ملابس صحيح طلعت 10% ولا اقل ولا اكتر يعني حسب خلاص خليها 20% تصور اصور ان ممكن الانسان يكون ماشي حسب ما يشتهي ليس ما يحتاج عندي قميص نشكر عندي بنطلون نشكر ربنا عندي بلوزه حلو خالص عندي كويس عندي لاثه اربعه خمسه حلوين كويس قوي قوي جميل لكن 20 طب وبعدين طب طلع لون جديد طب ما احتاج وليس ما اشتهي عود نفسك وخد بالك الامور الصغيره بتجيب امور ايه بتجيب امور كبيره الامور الصغيره تصور القديسين يكلمك على
الامور الصغيره بدايه من بق ميه بدايه من ايه بق هي فيها ايه بق الميه يا جماعه فيها ايه يعني ما توجعوش ضميرنا يقوللك معلش كل ما الانسان عرف يعني ايه يضبط جسده اول حاجه الذات الذات جدر للشهوات الذات وارضائها واشباعها وطفولتها ومرهقتها من جدور الشهوات الشخص اللي عايز يفضل يتفرج على كل اخواته يشوف دي ويشوف دي ويشوف دي طفوله ده لم ينضج ليه؟ لانه خلى يبقى الاخر بالنسبه له كانه لعبه كانه حاجه عايز ياخدها لان شكلها حلو ايوه بس دي مش بتاعتك لا بس عجباني اهو بس مش بتاعتك هو اي حاجه هتشوفها تقول كذا تقول طب ما خلاص لو بالمبدا ده بقى نخلي كل محلات لعب الاطفال تقفل لان الاطفال بتشبط في اللعب فبلاش تعملوا لنا مشاكل مع الاطفال فنقفل المحل لا ابدا احنا نخلي ابننا يتعود لو دخلنا معاه محل نقول له هنجيب هديه واحده ولو لقيناها مش مناسبه نقول له دي مش مناسبه دلوقتي عشان انت لسه صغير اذا بعرف اضبط الاحتياجات فخد بالك الذات من اخطر الاسباب اللي تخلي الانسان ينحصر لارضاء شهواته ولكي ما يدللها ويرضي رغباته انت عارف يقول لك ان الحاله الشهوات هي مراه للانسان حاله الشهوات هي ايه مراه يعني اللي ياكل كتير ويشتهي كتير وكده ده تعتبر نفسه انه عنده مشاكل داخليه كتيره يقولوا هي ايه؟ هي مراه للانسان عشان كده اللي بيبقى عايز يحقق اي رغبه ده لا ده بيبقى محتاج ان هو يجاهد ضد ذاته يجاهد ضد ذاته انه دايما يحاول يشوف انه ازاي زي ما كنت بقول لكم من شويه يأجل تحقيق الرغبه يشوف ما يحتاج ليس ما يشتهي مقاومه الذات مقاومه الذات من جذور مقاومه الخطايا وخصوصا الشهوات طب وتدليل الذات هو استباحه تدليل الذات وارضائها هو ان انت يعني الشخص بيفتح النافذه للشهوات على مصرعيها ليه؟ لانه عايز ايه؟ عايز يرضيها بكل الطرق وفكرك بتشبع فكرك بترضى فكرك بتكتفي ابدا ابدا الانسان اللي يجري ورا الامر ده يقول لك كل الانهار تصب الى البحر والبحر ايه؟ ليس بملأن اول حاجه الذات.
4- ثاني حاجه خطوره خطوره الضعف الروحي
يا على الانسان بقى اللي ما صلاش كتير وما بيصليش ما بيتناولش ما بيقراش في الكتاب المقدس ما بيفتكرش القديسين ما مالهوش تامل مالهوش كتاب روحي مالهوش عشره مع القديسين ما فيش اعياد قديسين بيحتفل بيها ضعف روحي ملهي ملهي ملهي ده كده بيسلم نفسه بشكل يعني سهل جدا لعدو الخير وللشهوات وتيجي يسال نفسه ايه اللي جر لي ده يقول لك طب هو انت بتاكل طب هو انت بتزرع هو انت النهارده لو ما وصلتش الموبايل بتاعك ده يتشحن يوم واثنين وثلاثه هيبقى ايه؟ بيبقى حته حديده ايا كان ثمنه ايا كان موديله وايا كان فخامته خلاص بقى حته حديده احنا كمان طول ما احنا ما اتصلناش بربنا يوم واثنين وثلاثه نبقى حته طين والطين يميل لايه؟
يميل للارض يميل للتراب ما يجيبش شبكه ما يعملش مكالمه ما يقومش بوظيفته ايه ده هو ده كده اللي حصل الانحراف الروحي والضعف الروحي ونسيان الانسان الله بيخلي الانسان في حاله دونيه ترابيه اسف في الكلمه كمان حيوانيه ليه ما هو ده ما خلاص ما هو ما بقاش فيه اللمسه الالهيه خلاص بقى ايه كان واحد من القديسين يقول له يا
رب انت تعلم اني من تراب واليه اشتاق انت تعلم اني ايه من تراب واليه اشتاق فاحنا كمان بنقول له يا رب انت عارف احنا مجذوبين لشهوات احنا ضعاف جدا بس احنا فينا النسمه بتاعتك لان ربنا لما خلقنا خلقنا من تراب الارض من طين بس حط فينا نفخه روحه فاصبح انا بقى فيا جزء مادي وجزء الهي انصر الجزء الالهي احيي الجزء الروحي اللي فيك خلي بالك من الضعف الروحي بتتحول لحته طينه والطين طبيعي يبقى ميال لايه؟ ميال للارض ده طبيعي عشان كده احذر الضعف الروحي واظب على صلوات ولو بسيطه اقرا الكتاب المقدس بانتظام بلاش تهمل بلاش تنسى بلاش تتلهي نخش في اخر نقطه نكتفي اللي هو ايه بقى.
5- الفراغ وإيه والميديا
يا لعدو شرس اتى الينا في هذا الزمان عدو شرس نرى في شر في الحقيقه ممكن يبقى شر كبير جدا نرى في خير ممكن يكون في خير كبير جدا المشكله في الانسان المشكله اللي يقولوا عليها في اليوزر اليوزر المستخدم احذر احذر من لحظات تكون فيها عندك حاجتين ثلاث حاجات ضعف روحي وشويه وقت فاضي ومضغوط ومتضايق احذري فراغ روح ضعف روحي مع شويه فراغ وتكون مضغوطه ومتضايقه الثلاثه دول التربه الخصبه العمل عدو الخير اللي تخلي حد يكلم حد ما يعرفوش اللي تخلي حد يتفرج على حاجات لا يليق ان يراها اللي تخلي حد يبتدي يشوف ويستمر يستمر وينسى نفسه وعنده فراغ ومضغوط ومتضايق وضعيف روحيا خلاص احنا كده عملنا ايه؟ احنا كده جهزنا المواد الخام اللي تعمل كيكه العجين والدقيق الدقيق والميه والمكونات بتاعه الكيكه جبناها خلاص حطهم على بعض عمل حصلت الكيكه هو ده هو فراغ على مضايقه على ضعف روحي اضربهم في بعض خلاص وفي بقى ايه في ايدك ايه بقى الموبايل اللي هو في ايه بقى الخصوصيه الشديده بتاعتك اللي عينك بس عليه عمال بقى يا هو الانسان الحاجه اللي بيشوفها ديت خلاص لا دي بتطبع لا دي بتمتزج دي بتدخل للعقل تدخل من الحواس اولا الحواس ثم العقل ثم المشاعر ثم الاراده ثم الافعال ما هو ده الانسان التكوينه البشريه كده الحواس بدايه المداخل تدخل العقل يستحسنها فتسقط الى القلب فتمتزج بالمشاعر فاصبح عندك دلوقتي حواس وافكار ومشاعر واصبحت تميل اليها النهارده قصاد الاربعه دول الاراده تعمل ايه؟ بتنهار هتقدر الاراده تقول لا قصاد الاربعه دول ضعف روحي مع حواس ملوثه مع عقل سمح بدخول الامور ديت الى المشاعر وامتزج بها اختلطت بالكيان الانساني اختلطت بالمشاعر انتجت افعال غير لائقه ايا كانت بقى بس جت منين البذره جت منين من الضعف الروحي على شويه الفراغ على شويه المضايقه على شويه استهتار على شويه واحد يقول لك انا بتسلى واحده تقول لك انا ببقى مضغوطه شويه كده تعب اليوم كله ببقى محتاجه كده في الاخر افصل يقول لك هو ده فصلان ده مش الفصلان ده ده انت لو تفصل اسمع ترنيمه اسمع موسيقى اسمع مزمور اقرا صلوه اعمل حاجه ان شاء الله حتى تسمع موسيقى هاديه لكن عشان خاطر يبقى ده مش فصل ده ده بقى كده ايه انت زي ما القديسين يقولوا يقول لك احنا جسمنا ربنا حط حاطت فيه شمعه الغريزه دي شمعه شمعه هاديه جميله لتضيء لما نيجي بقى احنا نروح حاطين عليها بنزين تروح عامله ايه حريقه تولع لنا البيت بس هي اصلا شمعه مفيده لكن لما نحط عليها بنزين بقت مضره احذر الميديا والفراغ احذر خلي عينيك عين مقدسه اطرد ارشم علامه صليب كتير اتشفع بالعذرا لا تتجاوب القديسين يدونا تدريب صغير جميل يقول لك اسمه كده هدم لمح الفكر قديس ماري اسحاق يقول ايه هدم هدم ها ه د م هدم هدم لمح الفكر من بدايه ما المنظر يجي او اهدم هدم لمح الفكر بالبدايه اعمل صليب على ذهنك اعمل صليب على عينك هدم لمح الفكر لكن لما تسيبه ويكتر يضرب جدر لتحت وبعدين كلكم عارفين ان الداتا بتاعه الميديا مربوطه ببعضها تيجي تمسك موبايل بتاع ست ممكن تلاقيه كله طبيخ ممكن شاب تلاقيه كله كوره مثلا ممكن واحد ثاني تلاقيه كله الحان واحداني تلاقيه كله حاجات وحشه واحد تاني تلاقيه كله حاجات بتاعه دعايه بتاعه الشركه بتاع وهكذا الحاجه اللي الشخص بيشوفها الميديا بتبقى عارفه الشخص ده اهتماماته ايه فتكثر له منها فطب لو عرفت الميديا ان الشخص ده يميل الى امور رديئه هتعمل ايه تكثر له منها طب يعمل ايه بقى هو لا ده عايز نعمه كبيره ده عايز صلوات ده عايز واقفه ده عايز يقول له يا رب الجسد ليس للزنا لا لا معلمنا بولس يوصلنا لدرجه يقول لك افاخذ اعضاء المسيح واجعلها اعضاء زانيه حاشا خلى جسمي انا اعضائي انا دي سماها اعضاء مين اعضاء المسيح افاخذ اعضاء المسيح واجعلها اعضاء زانيه حاشه الستم تعلمون انكم هياكل الله وروح الله يسكن فيكم مجدوا الله في اجسادكم وفي ارواحكم التي هي الله.
اتكلمنا في خمس نقط اول حاجه ان الجسد والشهوات ده شيء مقدس من صنع الله ثاني حاجه اتكلمنا عن خطوره الانحراف بيهم ثلاث تحذيرات احذر الذات وارضائها احذر الضعف الروحي احذر الفراغ والميديا ربنا يدينا اجساد مقدسه غرائز مقدسه لمجد اسمه القدوس ببركه شفاعه امنا العذرا يكمل نقائصنا ويسند كل ضعف فينا بنعمته لالهنا المجد دائما ابديا امين .
الحزن يتحول الى فرح
باسم الاب والابن والروح القدس اله واحد امين فلتحل علينا نعمته ورحمه وبركته الان وكل اوان والى دهر الدهور كلها امين
تقرا علينا احبائي الكنيسه في هذا الصباح المبارك فصل من بشاره معلمنا يوحنا اصحاح 16 يتكلم عن حاله العالم وحال اولاد الله. ويقول ان العالم يفرح لكن انتم تحزنون وبعد ذلك يقول يتحول حزنكم الى فرح وبعد ذلك يقول أراكم فتفرحون ولا يستطيع احد ان ينزع فرحكم منكم .. كتير احبائي نكون مشتاقين لكلمه الفرح الحياه مليئه بالضغوط مليئه صعوبات مليئه تحديات مليئه ضعفات وخلافات وكل هذا يأتي بحزن وضيق للانسان تجد اي شخص تجلس معه تجدة مهموم الناس اللي فكرها ان ظروفهم كويسه وعندما تعرف تفاصيل حياتهم يصعبون عليك وتجلس مع شخص اخر تشعر انهم شايل شيلة كبيرة جدا..وتجلس مع اخر تشعر ان الهم الذي بداخله اكثر من رقم واحد ورقم 2 في الحقيقه العالم يكون لنا ضيق لكن ثقوا انا قد غلبت العالم مسكين الانسان اللي فكره ممكن يأخذ سلام او فرح .من امور هذه الحياه بالعكس كل ما الانسان يعيش وكل ما الانسان يترجى الفرح من هذه الحياه يصاب باحباط لانه لا ياخذ توقعاته.. الناس ممكن تتفسح وممكن يكونوا مش مبسوطين وهم في البيت مش مبسوطين لو خرجوا ايضا مش مبسوطين لان في مفهوم اخر غائب عن اعيننا هو الحياه في المسيح يسوع مفهوم اخر للفرح الذي لا يتوقف على الظروف لا يتوقف على المكان .لا يتوقف على الحاله اللي انت فيها ..اكبر نموذج نموذج مضيق جدا في هذا الامر معلمنا بولس الرسول يتكلم عن الفرح ..فتظن انه جالس في محفل كبير وجالس فوق كرسي عالى والناس تسفق له مثلا
لكنة تكلم عن الفرح وهو في السجن تقرا رساله معلمنا بولس لاهل فيلبي.. رساله الفرح تعرف انه كتبها في اعماق السجن وهو متألم وهو مربوط كيف انسان يتكلم عن الفرح ويقول لنا افرحوا في الرب كل حين واقول ايضا افرحوا ليكن حلمكم معروفا عند جميع الناس ان الرب قريب لا تهتموا بشيء بل كل شيء بالصلاه والدعاء ولتعلن طلباتكم لدى الله وسلام الله الذى يفوق كل عقل يحفظ قلوبكم فى المسيح يسوع...يقول كل هذا الكلام وهو في السجن.. فكرنا ان انت جالس ومتمتع ...سلام الله يفوق كل عقل الفرح في المسيح يسوع ليس فرح الظروف مش الفرح بتاع العالم ابدا مش من هذا العالم ..لكي تفرح لابد ان تكون غالب بالعالم وما توقفش فرحك على الظروف الخارجيه ما تبقاش متهدد بأمور هذه الحياه.. الفرح في ثلاث كلمات.. اكبر فرح تنالوا في هذه الحياه فرح التوبه بتاعتك هذا اكبر فرح يوم ما تقر قدام ربنا وتقول له انا عبدك خاطى ومسكين اكبر.فرح عندما تشعر ان ربنا اعطاك حريه من الخطيه انت مربوط بها سنين كثير . اكبر فرح ان انت تقول انا الذي كنت قبلا.. اشكرك يا رب اعظمك يا رب لانك احتضنتني فرح نفس. عبدك ا.. اقترب الى نفسي فكها الفرح فرح النفس فرح من جوه اللي قال عنه معلمنا بطرس الرسول فرح لا ينطق به ومجيد ..لا نعبر عنه لا نعرف ان نعبر عنة .. عندما كلام لا يفهم لانه امر داخلي لكي تفرح افرح لكي تفرح افرح بتوبتك..افرح ان انت تكون نادم على الشر او الخطيه تشعر بحريه .ان حرركم الابن بالحقيقه تسيروا احرار افرح ان انت بالحقيقه مقدم توبه لربنا..القلب المنكسر لا يرزلة اللة...الحزن الحقيقى..هو حزن الخطية..الحزن الحقيقى هو حزن السقوط....الحزن الحقيقى هو حزن الابتعاد..القديس يوحنا ذهبى الفم كان يقول اتركوا العبوسه للاشرار.. عايشين في الشر اللي متمتعين بالشر وعايشين بالشر وعايزين ياخدوا من الدنيا مناصب دول لهم حق الحزن .لان فرحهم فرح مؤقت لكن في العالم يكون لك ضيق ممكن تتألم شويه المراه وهي تلد تحزن السيده اللي عندها مخاطب الولادة ...لديها الم وصراخ..لكن عندما الله يسمعها صوت صرخ طفلها كل شىء يهون دكاترة النساء عندما يولدون سيدة...واول ما الطفل يطلع من بطنها ياتى بالطفل ويضعو علل بطن الام..فتنسى الضيق ..نحن كذلك ايضا ان كنا بنحزن نحزن لكي عايشين في الدنيا مليئة....احزان متوقعين ان احنا نقول له يا رب اعطينا ان احنا نعيش معك.. اولا التوبه
ثانيا الشكر والتسليم احذر ان تعول كل شيء احظر ان تكون كل شيء ناظر اليها سودويا او تكون حامل للهم كثيرا او تكون مهموم بأمور ثقيله اعمل الذي عليك اجعل رصيد ايمانك يزيد ..قول يا رب لتكن مشيئتك قولها بقلبك ..تهديدات الحياه صعبه الخوف من بكره صعب عندما تجلس وتفكر في هذه الاشياء الهم يحني ظهر الرجل اعمل اللي عليك وسلم لربنا.. موقف جميل جدا حدث في الكتاب المقدس في صموئيل الاصحاح الثالث الله كلم الطفل صموئيل وسمعة مره وثانيا وثالثا لحين ان قال له صموئيل تكلم يا رب لان عبدك سامع ..ربنا عايز يوجه رساله تحذير شديده جدا وقاسيه جدا وعنيفه جدا لعالي الكاهن قال له.ها انا صانع امرا في اسرائيل كل من يسمع به تطن اذناة لا يكون سلام في بيته الى الابد.. ولا يغفر عنه ذبيحه ولا تقدمة. قول لعالي الكاهن كذلك ..فخاف صموئيل وكان محتارا كيف يقول هذا فقال له عالي الكاهن قال له ما بك احظر ان تخفى عني كلمه واحده فصموئيل قال له.. الله يريد ان يمحي بيتك .وسوف يصنع امر صعب وقال انه مش هيمحي ذنب ولادك لانه كان عنده اولاد اشرار وهو ساكت.. ولا ذبيحه ولا تقدمه.. تتخيل ماذا كان رد عالى الكاهن...هو الرب ما يحسن في عينيه بى يفعل ..ما يحسن في عينيه هو يفعل عندما ياتي عدو الخير يهددك بافكار هذه افكار العدو يريد ان يسلبك سلامك وقوتك هو الرب ما يحسن في عينة ا يفعل من الذي قال فكان والرب لم يأمر لتكن مشيئتك يا الله لكي تريد ان تقتني الفرح الحقيقي اقتني الفرح الحقيقي بلاش تبقى متهدد واطماعك كثير لان الاطماع كثير بتفقد السلام ..فكر كثير في السماء فكر في مكانك في السماء فكر ان الحياه كلها زائله وكل اللي انت مشغول بيه يسير لا شيء تراب حد فينا فاكر جد رقم خمسه ولا سته ... لماذا انا عايش حياة الشقاء والهم.. وكل هذا السعي اللي انا فيه عشان كده يقول لك لازم تعرف ان ما فيش حاجه تبقى الا الامور الباقيه كل شقاء وكل تعب وبنسعى فيه دلوقتي سيجول الى زوال بخار ما حدش بياخد حاجه . ضيق عقل عدم فهم لابد ان افكر في السماء وعندما تفكر في السماء تدخل لك بهجه وفرحه الانسان المشغول بالقديسين شهر 7 بدا بالانبا موسى الاسود بطرس وبولس الانبا شنودة . والانبا كاراس. اجعل افكارك مع دول مشغول بالقديسين وبالسماء والهم يختفى لانهم غلبوا عشان كده اقول لك لكي تشيل الهم من عندك ارفع عينك للسماء وقول له يا رب انا مكاني فين قول لي يا رب فين مكاني واطمني اجعلني يا رب كل يوم احلى بهذا المكان اجعلني ازين هذا المكان ممكن تجعل مكانك من الان احسن.. ربنا يعطينا ان احنا بنعمه ربنا نكون في السماء ولكن نجم يختلف عن نجم كل واحد يختلف مكانه يكون فين يا رب حسن مكاني انت عندك نعمتين ربنا اداهم لك نعمه المعموديه انت مولود من فوق انتم لستم من اسفل يوم ما اتعمدت ليك مكان في السما ورقم اثنين عندك سرالافخارستيا يعطى عنا خلاص وغفران الخطايا وحياة ابدية لكل من يتناول منو...تخيل اننا عايشين في النعمه اللي قال عنها معلمنا بولس الرسول النعمه التي نحن فيها مقيمون عشان كده احبائي اراكم فتفرحون ولا يستطيع احد ان ينزع فرحكم منكم ناجقات ولا هم ولا الموت ولا المتهضدين نزعوا الفرح من داخل قلوبكم ربنا يعطينا التوبه يعطينا بالشكر والرضا والتسليم والتفكير الدائم في السماء حياه فرح حقيقيه يكمل نقائصنا ويسند كل ضعف فينا بنعمته ولا الهنا المجد الى الابد آمين.
صديق نصف الليل
باسم الأب والابن والروح القدس اله الواحد امين.. تحل علينا نعمته ورحمته وبركته الان وكل اوان الى دهر الدهور كلها امين
تقرأ علينا احبائي الكنيسه في هذا الصباح المبارك فصل من بشاره معلمنا لوقا .يكلمنا عن الصلاه ..قالوا له يا رب علمنا ان نصلي فقال لهم الصلاه الربانيه صلاه ابانا الذي .. دخل معهم في مثل اخر صديق نص صديق... انسان صديق. لشخص لديه ضيوف وليس لديه شيئا يقدمة لهم فذهب لصديقه في وقت متأخر في نصف الليل ..فقرع على الباب وقال له اقرضني ثلاثه ارغفه فلم يرد عليه ..فقرع مره اخرى فلم يرد مره اخرى ..فقال له اغلقت الباب واولادي نائمين معي ..ولم استطيع ان اعطي لك ..فقرع علي الباب مره رابعه وخامسة ..فلم يفتح له ..فشعر انه زهق فقام واعطى له.. اخذ المثل ربنا يسوع المسيح هو لم يقوم لكي يعطي.لة لانة صديقة ..ولكنه من اجل لجاجتة .هو انت يا رب عاوزنا نعمل كده... لابد ان تتعلم اللجاجه ...بمعنى أن تطلب الطلب كثيرا... الكنيسه تعلمنا نطلب الطلب كثير ..كم مره الكنيسه تقول انعم لنا بغفران خطايانا..ا كم مره كنيسه تقول كرياليسون..الكنيسه تريد ان تكرر من أجل اللجاجة.. فى كل صلوة عندما .تقول كريا ليسون كيرياليسون كرياليسون.. اطلب الرحمه بلجاجه لانه بيجعل الله يقول ان هذا الشخص اعطية من اجل لجاجته.. مش ممكن الانسان يطلب شيء كتير جدا وهو لا يريدها او حتى يريدها نص نص او مش محتاجها.هذا الراجل لو كان قرع الباب مره ولم يفتح ..مره اخرى لم يفتح فكان يذهب.. ومعنى انه يذهب انه لديه تصرف اخر.. لكن معنى ان هو لم يذهب..انة لا يوجد خيار آخر لدية .. اللجاجة.. كذلك..الذى يريدة الله مننا في اللجاجة كده نطلب كثير نقول له ليس لنا معين في شدائدنا وضيقتنا سواك ما عندناش حد نقدر نطلب منة غيرك ..لابد انك تستجيب ما عندناش تصرف اخر ..في التسبيحه لما نيجي نتشفع بالقديسين تجد الكنيسه تتشفع بقديسين كثيره جدا وكل جزء في التسبيحه بعد مانتشفع بقديس ..نقول انعم لنا بغفران خطايانا وبعد ذلك نقول دائما عندما نقول شيء كثير بنفس النغمه معناها زن ..تخيل عندما تقول كيرياليسون كثيرا بنفس النغمه...تخيل طفل عندما يجلس مع والدتة ويطلب منها ان يشرب بالحاح عايزه اشرب عايزه اشرب عايزه اشرب ماذا تفعل الام.. هتتصرف لو قال لها مره ممكن تقول له مش دلوقتي مره اخرى مش دلوقتي لكن لو طلب كثير كثير ربنا يريد ان يقول لنا كذلك ..اسالوا تعطوا اطلبوا تجدوا اقرعوا يفتح لكم....لكي نكون محددين في الكلام مين اللي يطلب الشئ بلجاجة قوي. اولا في الحياة الروحيه لابد ان يكون لدينا ثلاث اشياء لابد ان يكونوا موجودين..اولا الاحتياج ثانيا روح الجهاد والمصابرة. ثالثا ايمان وثقة ..
اولا الاحتياج مهم جدا والاحتياج هو الذي يأتى باللجاجه الاحتياج هو الذي يجعل الشخص يزن.. الانسان عندما يكون محتاج لشئ ..ما بيسكتش قال كده في سفر اشعياء لا تسكتوا ولا تدعوه يسكت ..لا تسكتوا يا طالبى الرب لما نقول له زي ما قال ابونا يعقوب لن اطلقك ان لم تباركني لو وقفت تصلي صلوة ..وتقول له يا رب اتصرف انت في الموضوع الفلاني تخيل ان انت بتتكلم عن احتياج في فضايل ايه رايك اللي يقف امام ربنا يقول له يا رب اعطيني حب للناس قلبي مقفول انا متالم وعندي مشاكل يا رب اعطيني طهارة... اشياء كثير جدا تحاربني ومحوطاني. اريد روح طهاره من عندك.. لو طلبتها مره معناها ان انا مش محتاجها كتير.... في مثل اخر للارمله ..الاى قالت لة انصفنى من خصمي.. يقول عباره صعبه جدا فلم يشاء الى زمان... ارمله سيدة غلبانه بتقول لك خصمي بتقول لك عنه الصفه ان هو لا يخاف الله ولا يهاب إنسان.....فلم يشاء الى زمان.. لماذا ..لان السيدة محتاجة جدا ..كانت من الممكن أن السيدة تقول هذا الرجل لم يساعدني في شيء وتمضي ...مش هكلم ربنا تاني مش هصلي ثاني... الاحتياج يأتي بالمثابره كم نحن نحتاج الى الله قد ايه محتاجين لتدخل الهي في حياتنا قد ايه احنا ضعفاء جدا.. قد ايه احنا عاجزين جدا.. نسبه الاحتياج بتاعنا هي نسبه العجز.. كلما كان العجز كبير كل مكان الاحتياج كبير ..انا عاجز جدا لاننا قد تمسكنا جدا... ارحمني يا رب فاني ضعيف ..اشفينى يارب فإن عظامى قد اضربت ونفسى قد انزعجت جدا...وانت يا رب فالى متى.. عد ونجي نفسي.. اعتبر الاحتياج هو محور مهم جدا في حياتنا مع ربنا..فتجدوا بتدبير الهي ان امور كثير جدا في حياتنا فوق طاقتنا .الفضائل فوق طاقتنا..امور الحياه فوق طاقتنا.الجهاد الروحي فوق طاقتنا محتاج معونه من عنده ارسل لي نعمه من عندك ارسل لي قوه من عندك اعطيني اطلب كثير جاءت من اين . الاحتياج . وكل ما شعرت بالاحتياج كل مكان عندك مثابره اكثر واكثر كل ما انت تثبت لعمل الله ونعمه الله والروح القدس انك في احتياج شديد فيقول انا لا اعطيك من اجل انك صديقي ولا من اجل اي شيء ولكن من اجل لجاجتك فقط اللجاجه ممكن تجعل الله يستجيب لصلوات وطلبات جدا.... اولا الاحتياج محور مهم جدا في حياتنا .. نحن ضعفاء جدا احنا اي شيء ممكن يجلب لنا ضيق واضراب وغضب.. احتياجنا ومشاكلنا وهمومنا وتربيه ولادنا في احتياج لربنا الاحتياج اترجمه ليس لصلاه فقط بل صراخ ايضا ليس صلاه فقط بل رفع يدين ليس صلاة وسجود وركوع اقول له يا رب من محرس الصبح الى الليل انتظرتك الرب . من بدايه اول نور لحد بالليل انتظرت الرد الرحمه من عند الرب وعظيم هو خلاصه
ثانيا الجهاد والمثابره لابد يكون الشخص يكون دؤوب لابد ان يكون الشخص جاد معلمنا بولس الرسول يقول لم تقاوموا بعد حتى الدم اللجاجه محتاجه جديه .. محتاجة شخص من داخلة روح امانه وكأننا نحن في حرب.. معلمنا بولس في رساله افسس يقول اسلحه محاربتنا.. مع قوات الظلمه فأن محاربتنا ليست مع دم ولحم بل مع اجناد مع سلاطين مع قوات الشر... عندك افكار وخيالات وهموم وتحديات ومديا ومعثرات وكلام وحاجات واسلحه محاربات في حرب الحرب تريد ناس تكون حاملين ترس الايمان.. خوزه الخلاص لابد ان يكون معك اسلحه لابد ان تكون جاد ..لما نيجي نصوم يعني نصوم لما نيجي نصلي نقف نصلي وانت رافع ايديك وانت مش تاني ركبه على ركبه الجديه الجديه بتعطى فرصه للروح ان يعمل عندما يجد جديه شرط اللجاجه ..اولا الاحتياج.. ثانيا الجديه ..الجد يأتى بتعب و ثقه.. كان في رهبه تنيحت في دين ابوسيفين ..عندما فتحوا عليها .. ست كبيره عجوزه.فوق الثمانين عاما..يجدوها ساجده متنيحه ..ماهذا الانتقال وجمال هذة اللحظات؟ تنيحت وهي تتكلم مع الرب يسوع تنيحت وهي ساجده يا بختها ...كان يوجد راهب دير البراموس بيخبط على راهب عجوز فلم يفتح الباب..فخبط مره اخرى..فقلق علية ...فعاد يخبط على الباب بشكل اقوى ...فلما خبط بشكل اقوى الراهب فتحله وهو عرقان ومش قادر ياخد نفسه .والراهب كبير وعجوز والكبار بيكونوا بسطاء ..فقال له حبيبي فاضل 100 فقط.. .وكلن يقصد باقى ١٠٠ مطانية....عشان كده في حكمه ابن سيراخ .. يقول اعلم يا ابني ان الرخاوه لا تمسك صيدا ...بينتقل من حاله الجسد الى الروح بينتقل من حاله الحروب اللي احنا عمالين نجاهد ضدها لمرحله اخرى ما هذه المرحله مرحله سماويه هو مستمتع عشان كده اقدر اقول لك..جهادنا ..جميل.. اللي بيشفق على نفسه شئ خاطى جدا...فى الفترة الأخيرة يتكلموا عن اضرار الاكل كان الاول يتكلموا الناس عن الاكل دلوقتي بيكلموه عن قد ايه الاكل ضار وعشان سلامتك تقلل الاكل من كل الانواع عشان كده اقدر اقول لك ... ثانيا الجهاد.. اللجاجه عايزه جهاد عايزه واحد يقف فترات طويله عايزه واحد يسجد واحد من القديسين يقول اعطي دما لكي ما تاخذ روحا اولا محتاجين.جدا فى امورنا الروح والعمليه وتربيتنا لاولادنا ومشاكلنا وهمومنا وضعفتنا اطلب كثير كثير.. ثانيا محتاج جهاد .ثالثا ثقه وايمان هو انا هقعد اطلب على حاجه وانا طالب من حد مش هيعرف يعمل لي ابدا انا واثقه يا رب انك هتعطيني من اجل لجاجتى ولو لم تعطيني واثق انها لخيرى وصلاحى..لابد ان يكون لديك ثقه.. يقولوا عن ايليا النبي المطر توقف وضع رأسة بين ركبتيه ومكس يصلي وقال لتلميذه اذهب الى النهر عايز يقول له في غمامه جايه والشتاء هينزل والدنيا بقى لها ثلاث سنين لم تمطر فذهب لة تلميذة وقال لة لايوجد شيء ...فاستمر في الصلاه مره اخرى يصلي فقال لتلميذه اذهب وانظر الدنيا فيها ايه ولم يكن في شيء... سبع مرات فيصلي وبعد ذلك يرسل تلميذه وفي الاخر قال له في غمامه جايه وجاء المطر فعلا صلى ايليا الا تمطر ثلاث سنوات عندما صلى فجاء المطر.. حنه ام صموئيل كانت عاقر...صلت واللة اعطاها صموئيل..وكانت ليست لها المرة الأولى للصلاة..كانت كل عام تذهب الى الهيكل وتجلس وتصلى..بمرارة..لدرجة ان عالى الكاهن ظن انها ساكرة....عندما تقرا صلاة حنة فى صموئيل الاول الاصحاح الاول تقول له يا رب ان نظرت الى طلبة امتك وان سمعت ..كانت فى تواضع شديد جدا فى طلب الصلاة... رغم انها ليست اول سنه حاول انك تكون عارف ان اللي بيتكلموا ضابط الكل صانع الخيرات خالق ما يرى وما لا يرى الذي به كانت الحياه وبغيره لم يكن شيئا من ما كان انت بتتكلم على ضابط الكل مش اي حاجه تريد ايمان والايمان زي ما قال معلمنا بولس هو الثقه بما يرجى وايقان بأمور لا ترى لاننا بالايمان نسلك لا بالعيان .انا هصلي ان ربنا يعطيني كذا وانا متاكد انه يعطيني بصلي ان ربنا هيحل المشكله ولو محلهاش انا متاكد انه هيعطيني سلام بداخلي لهذه المشكله هصلي وانا مسلم اموري كلها لربنا..تخيل كم ايمان الذى يكون بداخلك...وكم الثقة... عدم استمرار الصلاه وعدم استمرار الطلبه هو يبرهن على ان هذا الشخص مش عارف قيمه الشيء لكن الذي يعلم قيمه الشيء لم يسكت واللي عارف قيمه الحاجه مش هيياس واللي عارف قيمه الحاجه مش هيرجع الى الخلف.. عشان كده محتاجه ايمان ايمان انني مع المثابره وطلبتى ورفع يدي ورفع قلبي لربنا انا متاكد انه هيتدخل واكيد هيدخل للخيروللبنيان ..ولم يتركنى.. هقول له يا رب لا تتخلى عني ربنا يعطينا احبائي ان يكون لدينا روح اللجاجة ..روح لجاجه يعطينا الله من اجل لجاجتنا يكمل نقائصنا ويسند كل ضعف فينا بنعمته ولا الهنا المجد الى الابد امين...
فرح بالرغم من الضيقات
باسم الاب والابن والروح القدوس الة واحد امين فلتحل علينا نعمته ورحمته وبركته الان وكل اوان والى دهر الدهور كلها امين
تقرا علينا احبائي الكنيسه اليوم فصل من بشاره معلمنا مارلوقا ..لا تخاف ايها القطيع الصغير فإن اباكم سر ان يعطيكم الملكوت.. تجد اليوم سيره القديس يعقوب من المعترفين..المعترف هو الذى تعرض لالام وضيقات حتى الموت لكنه لم يمت.. هذا المعترف القديس يعقوب ظل فى السجن فترات طويله وفي الاخر افرجوا عنه..ويوجد قديس اخر اسمة بيفام قريب او خال القديس يوحنا الهرقلى ايضا استشهد ..واثنين قرايب ايضا بيشاى وبطرس ايضا استشهدوا كيف هنا يقول انه لا نخف كيف لا نخف.. اذا كان يكون في سجن وقتل ودم واستشهاد ..وتجد في البولس اليوم رساله معلمنا بولس الى اهل فيلبي يقول.. افرحوا في الرب كل حين واقول لكم ايضا افرحوا.. وتجد ايضا المزمور اليوم يقول كثيره هي احزان الصديقين يوجد حزن ..وبعد ذلك يقول الصديقون يفرحون ويتهللون امام الله ويتنعمون بالسرور.. كلام عكس بعض ..هنا احزان وهنا يفرحوا ويتهللون.. معلمنا بولس الرسول عندما يتكلم ويقول افرحوا في الرب كل حين في فيلبي 4 تجد اصلا مسجود ..انسان مسجون يتكلم عن الفرح يكون غير المنطق...لكن المقصود في الكتاب المقدس احبائي يقول لنا نحن ناس لا نخف من الالام ولا من التهديدات او من اخر حاجه ممكن توصل بها تخيف الانسان هي الموت ..حتى لا نخاف الموت.. معلمنا بولس يتكلم عن الفرح وهو مسجون كلمه الفرح بالنسبه لنا فهمنها بطريقه خاطئه الفرح بالنسبه لنا ؟ مناسبه سعيده ام اكل ام فسحه ام شيء يضحك ام شيء يجعلنا نهرب من اي هم ....لكن احظر ان هذا الكلام ممكن يكون يأتي ببضع من السعاده لكنها تضيع.. اللذى لدية مناسبه سعيده هتخلص ... لكن هذا ليس هو الفرح الذي يتكلم عنه الكتاب المقدس الفرح الذي يتكلم عنه الكتاب المقدس شيء داخلي فائق لا تقف على الظروف الخارجيه لكن نحن رابطين الفرح بالظروف الخارجية ...وفى اللغة الإنجليزية يطلقوا على كلمة فرح هابي هابي جاءت من الحدث.. اكون مبسوط من الحدث فقط.. لكن في المسيح يسوع الفرح ليس هابي بل هو اعلى.. ثمرة من ثمار الروح القدس.فينا ..محبة ..فرح سلام...قال عنة معلمنا بطرس الرسول...فرح لا ينطق بة ومجيد...تتخيلوا معى ناس مسجونه ويعلمون ان باكر سوف يستشهدوا او يجلدوا ..او في باكر يصلبوا او يحرقوا ا او يضعوا للوحوش.. من المفروض يكون يوجد بكاء.. تخيل ان هذه الليله تكون ليله صلاه وتسبيح واصواتهم تعلوا في اماكن السجون وتدخل في اذن الحكام وتعمل للحكام اضراب ..يقولون عند دقلديانوس كان يحب ان يتلذذ في عذاب المسيحيين فكان يجدهم يبتسمون ويسبحون ويرنمون فكان تأتي له حاله من حالات الجنون.. فكان يجن جنونه لدرجه قال عنهم كلمه انهم وحوش وحشيه منهم ان يقابلوا الموت مبتسمين الفرح بالنسبه لنا كلنا نفسنا في الفرح احداث كثير كئيبه وامور كثيره جدا مقلقه ومزعجه ودائما في عصبيه ودائما متضايقين ومضغوطين لكن في الحقيقه لم يكن فينا الفرح المسيحي.. الفرح اللي في المسيح يسوع هو فرح رغم الظروف معلمنا بولس الرسول تقرا عنه في كورنثوس الثانيه كلام عجيب يقول نحن مكتئبين في كل شيء ولكن غير متضايقين.. متحيرين لكن غير يائسين مطروحين لكن غير هالكين مضطهدين لكن غير متروكين .. في سمات الرب يسوع ..كحزانه ونحن دائما فارحون كاي شيء لنا ونحن نملك كل شيء..الانسان اللي عايش في المسيح يسوع مفهوم الحياه عنده مختلفه مفهوم الحياه.. الناس فكرها الحياه اقتناء اموال..ناس اخرى نفسها في الحياه اني اخذ اعلى المناصب الناس فكرها في الحياه اني اسكن في اكبر منطقه واوسع بيت لكن صدقني ليست هذه الحياه لان لو انت اقتنيت كل هذا ..فانت ايضا لم يكن بك حياة ... الحياه هي الله فيه كانت الحياه ..لو احنا عايشين فالله وعايشين في المسيح يسوع نحن نكون فوق كل هذا الكلام يكون عندنا مكان صغير بس مبسوطين كانه سماء نكون عايشين في حاله كفاف لكن سعداء.. وانظروا الى الراهبان مغاره الانبا انطونيوس مغاره الانبا بيشوي.. ليس لديهم اى نوع من أنواع الترفيهة... ما لم يكن الانسان سعيدا احبائي من داخله لا يوجد شيء يعطيه السعاده الصديقون يفرحون ويتهللون ويتنعمون بالسرور في حين الايه اللي قبلها .تقول كثيره هي احزان الصديقين كيف تكون احزان..وكيف يفرحون ويتنعمون اشياء عكس بعضهم كيف بولس الرسول يكون في السجن وبيكلمك عن افرحوا في الرب كل حين الامر امر داخلي اوعى تربط سعادتك باحداث خارجية او اي شيء في حياتك لو اتغيرت ..ستصبح مبسوط ابدا اللي هيتغير عشان تكون مبسوط حاجات داخلك عقلك وجوه قلبك مفاهيمك لما تتغير انت هتبقى مبسوط.. بلاش تقول لو عرفتك احصل على كذا هكون مبسوط.. ابدا مش هي دي اللي هتخليك مبسوط قرات كتاب اسمه السعاده تنبع من الداخل من داخل.. الانسان بولس وسيلا عندما كانوا مسجونين مضروبين وموضوعين في سجن داخلي سجن مظلم ..يقصدوا ان يضعوا الشخص في الظروف قاسيه ويدة ورجلية الاثنين مربوطين فى مقطرة ..كان بولس وسيلا يصليان ويسبحان الله ..لدرجه يقولوا تزعزت جدران السجن.. حارس السجن وجد الحيطان والابواب اتفتحت ..فأتى بسيف ليقتل نفسه.. فقال له لا تفعل في نفسك شيئا رضيا.. نحن جالسين ...السجان تعجب ودخل الايمان .. كيف يكون الشخص اقوى من السجن اقوى من السجان كيف نكون نحن اقوى من الظروف المحيطه بنا اعلم جيدا احبائي ان الظروف الحياه قاسيه جدا اعلم.. اعلم ان في غلاء اعلم انة يوجد ضغوط على الناس واعلم انة يوجد ضيقات في الاشغال وفي الطرق وفي المواصلات ضغوط شديده جدا لكن احذر ان توقف سعادتك على ان الظروف لو تغيرت ...لو ذهبت الى مكان اخر سوف تجد..كل هذة الاشياء مش موجوده..وتوجد اشياء احسن منها لكنك هتجد مشاكل اخرى من نوع جديد لانه ليس هذا الحل الصديقون يفرحون ويتهللون ويتنعمون بالسرور ما اجمل احبائي ان الانسان يعيش وهو فوق الظروف ما اجمل الانسان يعلم ان سعادته ليست مرتبطه بالاشياء الخارجية بل الداخل..الخارج يفنى والداخل يتجدد يوما فيوما ..كألا شيء لنا ونحن نملك كل شيء. كحزانه ونحن دائما فارحون لو تشوف شكلهم الرسل او القديسين والاباطرة يضهدوهم..تقول عليهم مساكين.. رجل غلبان وست غلبانه ويصعبوا عليك ...لكن في الحقيقه داخلهم قوه كبيره تقف امام ملوك.. القديس يعقوب المعترف كان الامبراطور اريوسى..فكان يطهد المسيحيين قفل لهم الكنائس فهذا القديس غيران جدا فذهب للامبراطور قال له انت داخل حرب لما فتحتش الكنائس للمسيحيين انت مش هترجع من الحرب هتتغلب وتموت.. فأمر بوضع هذا الرجل فى السجن ...والرجل اتغلب في الحرب ومات في الحرب واتوا الاريوسين ..واخرجوا الرجل من السجن بأكرام ..ودخلوا الأرثوذكسية..ولاجل هذا اطلقوا عليه لقب المعترف ولم يموت ..كيف تحدى الامبراطور. الامبراطور مسكين متكل على وظيفته ..ولكن وظيفته زائله لكن انا املك داخلي قوه الله.. هكذا للانسان من داخله لا تتغلب من الظروف الخارجيه وما تتاثرش قول له يا رب لتكن ارادتك ..معاك او مش معاك قول له يا رب دبر كل الامور بسلام الفرح لم يأتي من فراغ يأتي من الايمان ..تأتى من ثقه ..يأتى من تسليم يأتي من انسان فعلا متكل على كلمه الله وليس متكل على عقل ..او على اموال او غناة .ابدا اما البار فبالايمان يحيا.. تجد نفسك عايش في ظروف صعبه لكن انسان فوق الظروف تجد نفسك ممكن يكون في اشياء ناقصاك لكن لديك اكتفاء ولم تشعر بأنك مذلول او انك قليل.. معلمنا بولس الرسول كان يقول انا تدربت ان اعطش وان اجوع ان انقص واستفيد تعلمت ان اكون مكتفيا بما انا فيه الانسان عندما يكون غالب لظروفه الانسان عندما يكون مش متهدد بالظروف الخارجيه الحياه مع ربنا احبائي تعطى للإنسان متعه تعطي للانسان متعه داخليه.. تكون بداخله سلام قال عنه معلمنا بولس اسمه السلام يفوق كل عقل يفوق المنطق لو قدامك قرشين او لو لدية بيت كبير يعيش في سلام ..لكن ليس هذا الذي ياتي بالسلام ممكن تكون جالس في مكان كله هدوء لكن داخلك اضراب ..ممكن تكون قاعد في مكان في اضراب لكن داخلك هدوء وهذا يتوقف على داخلك.. كثيره هي احزان الصديقين.. ولكن الصديقون يفرحون ويتنعمون بالسرور تذكر كان في شاب ربنا اعطاه اختيار الرهبة وذهب الى الدير وكان كبر في السن لم يكمل 30 عاما ولكنه كبر ذهب وكان فرحان... الشخص عندما كان يدخل الدير ما لوش دعوه باب اعترافه اصبح في امانه الدير ..واب الاعتراف يروح ما يكلمهوش.. انا كنت قلق علية ..واقول يا رب يكون مبسوط يا رب يكون فرحان يا رب يثبت في الطريق اسنده انت وعزية ..فجاءت فرصه صدفه بدون ترتيب قابلته في مكتبه الدير واخذته بجانب وسالتة سؤال صغير.. لكي اطمئن عليه. فقولت لة عامل اية...فقال انا مستمتع ..بداخلي ندم اني جئت متأخر.. اصبحت انا في قمه سعادتي... عندما تبحث عن الفرح اهتم بداخلك اهتم بكلمه الله اهتم بوقفه صلاه اهتم بالقداس اللي انت حاضره ارفع قلبك اهتم انك تكون شاكر.. وفرحان ربنا يعطينا نكون من داخلنا في حاله من الاكتفاء والشكر والرضا يكمل نقائصنا ويسند كل ضعف فينا بنعمته ولا الهنا المجد الى الابد امين...