بأسم الاب والابن والروح القدس اله واحد امين.. فلتحل علينا نعمته ورحمه وبركته الان وكل أوان والى دهر الدهور كلها امين ... الاحد الثاني احبائي من شهر كيهك المبارك ..تقرا علينا الكنيسه فصل من بشاره معلمنا لوقا.. فصل بشاره الملاك جبرائيل لامنا الست العذراء بالحَبل الالهي البتولى...بشاره التجسد الالهي... الروح القدس يحل عليك وقوه العلي تظللك..القدوس المولود منكِ يدعى ابن الله... اللحظه دي احبائي هي لحظه اشتياق كل الانبياء والابرار اشتياق ادم لخلاصه.. هي دي اللحظه التي تطلع اليها الاباء والانبياء في العهد القديم ..هي دي اللحظه اللي تقال عنها ملئ الزمان حسب كلمه معلمنا بولس الرسول .هو .دة المفهوم اللي هيأتى مشتهى الاجيال... فجاء جبرائيل يخبر آمنا العذراء بالبشاره... عشان يكلم البشريه كلها ممثله في امنا العذراء ان الاله هيسكن داخل الانسان..بيقول لها ان زمن العداوه خلص زمن البعد انتهى.. زمن الاغتراب عن اللة خلص خلاص...انا جاي اقول لكم على فرح عظيم ايه هو؟ ان الاله هيسكن جوا الانسان ..ان الاله هيفتقد البشريه الشقيه.. الاله هيأتى ويسكن فى وسطنا... ان الالة هيصنع معنا مصالحة جديده.. ويرجعنا مش بس لصوره ادم قبل السقوط.. لا صوره ابهى... تقدر تقول لما كان الله مع ادم قبل السقوط..لكن الان سيسير الله في ادم ...مختلفه في فرق كبير بين واحد بيمشي مع واحد وواحد يكون جوه واحد.. عشان كده احبائي امنا العذراء كانت مش قادره تستوعب..قالت لة كيف ..اضطربت.. وما عسى ان تكون هذه التحيه ..كيف يكون هذا وانا لست اعرف رجلا ازاي .؟امر صعب التصديق ..لكن في الحقيقه لما قال لها الروح القدس يحل عليكِ وقوه العلى تظللك القدوس المولود منكِ يدعى ابن الله... أمنت... وقالت له هوذا انا آمت الرب ليكن ليكِ كقولك....في نقطه نحب نقف عندها دقائق... كل ما هو لا نصدقة وكل ماهو فوق استيعابنا وكل ما هو فوق حدودنا وامكانياتنا البشريه الضيقه لا يمكن تصديقه الا بالروح القدس.. وعندك حاجات كثير قوي.. ايات في الكتاب المقدس ماتفهمهاش احداث خلاصيه ممكن موت ربنا يسوع المسيح ماتفهمهوش ..قيامته صعود ماتفهمهاش...وتلاقي حاجات كثير بنقول فيها كلنا كلمه كيف يكون هذا... ممكن ما تستوعبش ان اللى على اللمذبح جسد ودم حقيقي ...ممكن ما تستوعبش يعنى اية كرامة سر الكهنوت وسر الميرون ..ويعني اية طفل ننزلوا فى شوية مياة...يقولك دة أصبح مولود من فوق ودة ميلاد روحاني ودي خليقه جديده.. حاجات كثير تفوق تصديقنا.. تفوق حدود عقولنا الضيقه ..طب دى نعمل فيها ايه؟ اقول لك صدقني ما لهاش حل الا اروح القدس اللى يفهمهالك.. الست العذراء نفسها اضطربت الست العذراء نفسها قالت. كيف ؟ ازاى ؟ قال لها الروح القدس... اول ما قال لها كده قالت له ايه.. هوذا انا امت الرب ليكن ليك كقولك ....تحول كبير قوي حصل من واحده مش مصدقه مستغربه لواحده بتقول ايه؟ حاضر بايه؟ باروح القدس ..الروح القدس احبائي هو اللي بيعرفنا الامور الالهيه قال لك لا يستطيع احد ان يقول ان المسيح رب الا بالروح القدس.. ازاي.. واحد يقول ان المسيح رب انا شايفه انسان قدامي ..دة كمان مش بس انسان دة احيانا كمان يقول لك جاع ومرة يقول لك عطش..ومرة يقول لك تعب .. ازاي افهم ان ده الاله...لايستطيع احد ان يقول ان المسيح رب الا بالروح القدس روح القدس هو اللي يفهمك هو اللي ينقل ذهنك النقله دي اصل دي مش نقله مش بشريه واحنا عقلنا محدود احنا عقلينا ضيق.. نحن احبائي عاملين زي الطفل استيعابة بطيء وقليل لكن قال لك الروح القدس ..عشان كده تلاقي مثلا معلمنا بطرس الرسول من اوائل التلاميذ السيد المسيح دعاهم من اكثر التلاميذ المقربين اربنا يسوع المسيح عاش معه كصديق لصيق سمع وشاف كل آياتة ومعجزاتة وكمان صعد معه الى جبل التجلي.. وشافه... شافه وهو هيئته تغيرت ..شافه ..طيب كان المفروض نلاقي ان اكثر واحد يقدر يقول مين هو السيد المسيح.. مين... بطرس لكن كلنا عارفين انه جاء عند الصليب واعثر وانكر وقال مااعرفهوش...طب بعد القيامه...،؟ طبعا لقيناه مهزوز مش ده اللي كنا متوقعينة من معلمنا بطرس.. بيقول لك على يوحنا لما دخل القبر في القيامه امن .. لكن بطرس مضى متعجبا من مكانة...يعني مستغرب مش مستوعب برضة... طيب السيد المسيح ظهر له وقاعد يتكلم معاة وقال له يا سمعان ابن يونا اتحبنى؟ انت تعلم اتحبني انت تعلم ا تحبني ..ارعى غنمى..طيب المفروض كده تمام...لكن قال لك الكتاب ان بطرس حتى بعد القيامه ذهب ليتصيد .. يعني ايه ذهب ليتصيد ؟ يعني عارف واحد كان ساب المهنه بتاعته اكثر من سنتين ثلاثه سابها خالص.. وخلاص تبع المسيح ..وبصينا لقيناه ثاني بيرجع لمهنه الصيد.. ايه يا معلمنا بطرس! ده انت خلاص سبتها ..انت تبعت المسيح... المفروض يكون في تغيير في حياتك... رجع تانى يصطاد..اية نقطة التحول اللى حصلت مع معلمنا بطرس؟ مش حياته مع المسيح ولا المعجزات اللي شافها ولا تعاليمة اللى اتعلمها ولا الصليب ولا القيامه ولا الصعود.. لكن اللي فرق معلمنا بطرس حلول الروح القدس... لقينا خرجت كل ينابيع الايمان والمحبه من معلمنا بطرس بالروح القدس...اذن هنا الروح القدس هو اللي غير فكر العذراء لما كانت مستغربه وعندما كانت تتسائل وبتقول كيف الى واحدة بتقول ليكن ليك كقولك...معلمنا بطرس اتغير من واحد بيشك وبينكر وبيبعد لواحد كارز بقوه عظيمه ..الروح القدس يفهمنا احبائي ... سر التجسد الالهي الاباء القديسين يقولوا عليه سر...سر لانه يفوق العقل ..يفوق العقل. يعني ايه واحده تكون حامل بدون بشر. بدون زرع بشر.. يعني اية واحده تكون حامل بدون رجل . يعني ايه الروح القدس هو اللي يحل عليها..وهو اللى يتحد يها عشان يعطيها الجنين. ازاي.. عشان كده يقولوا عليه ايه؟ اتحاد فائق الطبيعه ..عشان كده يقولوا عليه اسمه سر التجسد الالهي.. السر يا احبائي يفهم ازاي ؟ بالروح..السر يفهم بالاقتراب السر يفهم بالتقوى.. عشان كده يقول لك عظيم هو سر التقوى الله ظهر في الجسد ..اية ارتباط التقوى بظهور الله بالجسد...اللة ظهر في الجسد ده.. هو ده اسمه . سر التقوى... يعني من غير تقوى مش هنقدر نفهم سر التجسد الالهي ..يبقى بالنسبه لنا تحدي لعقولنا..يبقى بالنسبه لنا عثرة..زى غير المؤمنين او زى اللى حبوا ياخذه الامور الفلسفيه عقليه.. اتصدموا.. قعدوا يحاولوا بأزهانهم يدركوا الحقائق الالهيه فكانت النتيجه انهم زادت فلسفتهم وتعدوا على الحقائق الالهيه وخلصت الحكايه بتاعتهم بشعور بالاحباط والخيبه ..لانة حب ان يخضع الالهيات لعقلة.. لكن احنا بندرك الامور ديه كسر ربنا بيعطية لنا.. عشان كده الكنيسة بتركز كثير قوي على حقيقة الايمان...معلمنا بولس يقول لك بالايمان نفهم.. الكنيسه تركز على حقيقه الايمان.. ان انا ادرك بالايمان ادرك بالايمان ايه .ان الله اتحد بالجسد اتحد بيا فاقترب من طبيعتى فقدسها باركها اعطاني كل ما هو الهي كل ما اللهى هو غريب عني صار مني.. كل ما هو الهي غريب عني انا ما اعرفش حاجه عن الالهيات لاني بشر فين انا وفين الالهيات ..ده انا عشان افهم حاجه بالعافيه ما اعرفش.. لاني بشر... لاني طين .. لاني تراب.. جاء ربنا يسوع وجاء الروح القدس يحل جوه بطن امنا العذراء ويمتزج باحشائها ويمتزق بلحمها ودمها ويصير انسانا يقول لك معلمنا بولس.. صار كواحد منا.. بقى زينا ..بقى شبهنا ..استشارك الاولاد في اللحم والدم.. نحن مشتركين مع بعض.. اشتراك هو ايضا فيهما اخذ جسدا ليقبل الموت فيه.. اخذ جسدا ليقبل الحياه فيه ...اخذ جسدا ليبارك بشريتنا...البشرية التي انفصلت...وسقطت...البشرية اللى تحدت...وابتعدت...هو جاء واقترب وقدس واتحد.. صلح كل غلطه عملها ابونا ادم ...ابونا ادم عمل ايه ؟ عاوز ينفصل عن الله ..عاوز يكون له كيان مستقل عن الله عاوز يسود على الطبيعه خارج عن الله ..عاوز يرتفع...دى غواية الشيطان لابونا ادم ...وللاسف صدق الكلام دة...قال لة دة انت يوم متاكل من الشجره تبقى معادل للة ... ده هو قال لك ما تاكلش عشان مش عاوزك تبقى زيه.... يشوف الفكره ؟ اكل ابونا ادم ليه.. عشان يبقى مثل اللة.... وكانت الكارثه.. لقى نفسه ايه؟ فقض وفقض وفقض.. فقض سلامه واتحادة بالله وفقض تمتعه بالحياه وفقض سيادته على الطبيعه.. ربنا كان مخلي ادم ده سيد الخليقه كلها... ربنا هو اللي قال لادم انا عملت لك كل حاجه انت بقى نظمها.. انا خلقت لك يا الحيوانات سميها انت براحتك وشغلهم انت براحتك وانا اعطيتك النباتات ازرع...ربنا هتشوف ايده في كل الاعمال اللي حواليك ..هو ده اللي عملوا ربنا احبائي... عشان كده احبائي بصينا لقينا ايه ربنا اول ما ابونا ادم حصل له الموقف ده عمل ايه ..فقض وحدته مع نفسه فقض وحدته مع الله.. فقض وحده على الطبيعه وساد عليه الحزن والاكتئاب والهروب..وبقى ربنا اللي كان بيحب يقعد معه قوي قوي.. يعشق الوجود مع ربنا بقى يعمل ايه بقى يستخبى.. من ربنا... ودا حال الانسان احبائي في الخطيه...الخطيه بتجيب الخزى دة تخلي الواحد يستخبى من ربنا.. كام مره الواحد يقول اتناول وتلاقيه مكسل وعمال يتراجع ويتباطئ وعاوز يستخبى من الله ..كام مره يقولوا يلا نصلي وهو اكنه هم كبير عليه انه يصلي عاوز يستخبى من ربنا ..مش حابب ..الموضوع ثقيل قوي ..ليه اصل الخطيه بتفقد الوحده مع الله ..جاء ربنا قال لك لا خلاص ..الانسان البعيد والانسان المطرود والانسان اللي بيعاني من الشقاء انا هرجع وهصنع معة سلام وصلح..هجعلة تانى تبقى لزتة فيا ولزتى فى .... هو ده اللي حصل بعد التجسد ..تقرا النهارده عن القديسه برباره والانبا صموئيل المعترف.. صلوات ونسك وعباده دول اصلي رجعوا ثاني خلاص ..ما عادتش الخطيه تسودهم ..دول عاشوا حالة الصلح الجديده.. عاشوا حاله المتعه فى المسيح يسوع...عاشوا نعمه وبركة ان الله اتحد بالانسان..فاصبحوا ليس بعد غرباء ..بل رعيه بيت اهل للة ... بقينا عيله ..البشاره اللي جاءت لامنا الست العذراء فرح للبشريه كلها جايه تقول للانسان خلاص حبيبي ما عدش في مسافه بينك وبين ربنا ما عدتش تهرب من ربنا حتروح فين اذا كان هو داخل فيك ..ما عدتش تفضل الابتعاد عنة ..قالك انا هاجى أسكن فى وسطهم... عمانوئيل الذي تفسيره الله معنا.. يجي يفتقد شقاء البشريه عشان كده احبائي سر شقاء البشرية الابتعاد عن الله.. الخطية عدم السلام ..النزاعات الحروب صراع الانسان على البقاء في الحياه.. ده جاي منين الانفصال عن الله ..لم يعد الانسان يرى ان اطمئنانة فى اللة... لم يعد الانسان ان يرى ان سلامه في الله ..فحاول يجيب لنفسه اطمئنان يعمل ايه.. يجيب سلاح ..يحوش فلوس اكثر.. ما عاوز يجيب لنفسه سلام عاوز يعيش متطئن بعيد عن الله ..فيعمل ايه بقى.. يفكر في كل ما هو بشري وبعد ما يعمل ويعمل ويعمل يلاقي نفسه ايه لسه مش مطمئن ..عمل فلوس قد كده او ما عملش فلوس قد كده ..جاء له مرض اخذ كل اللي عنده ياه وبعدين طب نستلف..طب نحوش تانى عشان ما نستلفش تانى..طيب نعمل كذا عشان كذا.. عاوز الانسان احبائي يطمئن نفسه خارج الله.. ولا يطمئن.. عملوا ايه نعمل... الناس تتصارع مع بعضها على الميه ويتنزعه عن الانهار والسدود يتصارعوا على الغذاء ويحتكروا مواد غذائيه معينه ويرفعوا اسعارها القمح هو عطيه ربنا اللي هو ربنا اعطاة لانسان لاجل ان يعيش.. الشعوب تذل بعدها بية.. انفصال عن الله.. و بدل ما نتوحد بقينا ايه ..نتفتت...بدل مانحب بعض لان ربنا عمل كده معنا بقينا نسارع بعض ...ده شقاء الانسان خارج الله احبائي.عشان كدة تلاقى الطبيعه تتمرد على الانسان تعطية حر زياده عن طاقته او برد زيادة عن طاقتة...وتعمل براكين تعمل اوبئه...تبص تلاقي ثورات طبيعية بتحصل..جاية منين... جايه من ان الانسانمش متصالح مع الله ..مش متصالح مع الطبيعه يقول لك في ثقب في الأوزون..فى تلوث مش عارف عمل ايه . ده كل ده جاي من ايه ،؟ جاى من ان الطبيعه احبائي انفصلت عن ربنا وان الانسان ما عدش يرى الطبيعه كما كان يريدها الله له... اللة يريد الانسان على يتصالح مع الله من خلال الطبيعه ..وينظر للطبيعة على انها عطية الله لة....فيمجد الله...فالشمس والقمر والأرض والزروع والكواكب عشان كده الكنيسه احبائي بتصلي من اجل القمر والشمس متصالحه.... تلاقي ابونا يقول لك اذكر يا رب الزروع والعشب..الكنيسه تصلي لهاوية السماء..نقولة فرح وجه الارض ..لنروى حرصها ولتكثر اثمارها..اعدها للزرع والحصاد...اية دة...دة احنا متصالحين معاها دة احنا عارفين يارب ..انك عملتها لخدمتنا...نشوفك في الارض نشوفك في الزرع ونشوفك في النهر و نشوفك في البحر ونشوفك في السحاب...فى كل ما خلقتة يمجدك يا الاهى.. لكن الانسان اللي مش متصالح مع الله يعمل اية....يشوف ازاي يلقى في صراع مع الارض دي..يحملها فوق طاقتها بدل ما المفروض يبنى خمس ادوار لا يبنى 100 ..هي الارض كده؟ هي عشان كده بدل ما عايز يزرع الارض عشان تجيب له قد كده لا عايز يزرعها عشان نجيب 10 اضعاف.. يستخدم كيماويات...يقولة طب خلاص الارض هتبور...صراع لانها مش ماشيه بحسب قصد اللة ... عشان كده احبائي النهارده ربنا جاى بيقول ان انا هاتحد بيكم...جاء من العذراء وقال لها الروحي القدس يحل عليكى والقدوس المولود منك يدعى ابن اللة..يالا فرحه البشريه ليه؟ خلاص لم يعد الله بعيدا لم يعد الانسان غريبا عن الله ولكن الله اتى ليتحد بالانسان شهر كيهك احبائي شهر كله للاعداد للتجسد...شهر الترقب...واحد مستني عطيه كبيره قوي قوي.. فجالس يستعد ويجهز بيته وقلبه ونفسه وصائم ويتصدق ويصنع عطايا ويصلي وعمال يهيئ قلبه كيف يقتبل هذا الاتحاد العجيب كيف ياتي ابن الله ويسكن فى داخلى ويولد فى داخلى وتتحول حياتي الى نور لان الشعب الجالس فى الظلمة ابصر نورا...ربنا يعطينا نعمه وبركه هذه الايام المقدسه والصوم الصلاه الهدوء السكينه بالاطمئنان لاننا في يد الله يكمل نقائصنا ويسند كل ضعف فينا بنعمته ولالهنا المجد الى الابد امين.....

باسم الاب والابن والروح القدس الاله واحد امين.. فالتحل علينا نعمته ورحمه وبركته الان وكل اوان والى ظهر الدهور كلها امين ..تقرأ علينا الكنيسه احبائي في هذا الصباح المبارك فصل من بشاره معلمنا لوقا...كلنا عارفين معجزات صيد السمك الكثير معلمنا بطرس واندراوس وشركتهم يعقوب ويوحنا اربعه من التلاميذ كانوا في مهنتهم المعتاده الصيد...الصيد بيكسر في الضلمه و بالقرب من الشواطئ يعني مش في العمق قوي ظلوا طول الليل يحاولوا يصطادوا ايام كثيره مش بيرزقون ... لكن المره دي ما كانوش ما بيرزقوش قوي لا ده ما كانش في خالص.. فكان يوم محبط... فراجعين على الشاطئ يلموا حاجاتهم وينظفه الشباك ويطبقوها..الحكايه دي بتاخذ لها ساعه زمن.. يشيل من الشبك اي رواسب.. .فلقوا.الرب يسوع سوع المسيح بيقول لهم انا هادخل جوه السفينه عندك عاوز اكلم المجموعه الناس اللي واقفه دي...يعنى لسان حالهم عاوز يقول لك يا عم احنا تعبانين وشقيانين وطول الليل ومحبطين وانت جاي تقول لنا ...انكسفوا منه لانه كان يسوع لة هيبة عندهم ..فجلس يتكلم معهم.. دي كانت المرحله الاولى.. ١/حديث يسوع ٢/ التجربه العمليه اللى هى القوا شباككم في العمق دي رقم 2 ٣/مسكوا صيد كثير ٤/ التحول من صياد الى تلميذ او من صيادين الى تلاميذ ... ١/الحديث ظل ربنا يسوع المسيح يكلمهم في الصباح الباكر وهما زي ما كنا بنقول محبطين يئسين فاشلين..وأعتقد ..انهم ما كانوش مركزين... يسوع بيتكلم واكنهم عايزين يقولوا له امتى تخلص ؟ تعبانين يكلمهم عن ربنا وعن عمل الله.. وعن وعن ... وهو اكنة عاوز يقولة ...يا عم احنا مروحين بيوتنا ناس ايدينا فاضيه عندنا عيال عاوزه تأكل .... انت في وادي واحنا فى وادى تاني ...ودة في الحقيقه احبائي بيحصل كثير جدا لينا مش ممكن انت تبقى قاعد دلوقتي اللى بيتقال دة فى وادى وانت فى وادي؟! اية الوادى بتاعك انت دلوقتى؟ عندك مشاكل ..مزنوق في قرشين.. عندك اعباء ..عليك التزامات.. او عاوز اكثر واكثر.. فانت دماغك في حته وربنا يسوع بيكلمك في حاجه ثانيه وده في الحقيقه احبائي سراع الانسان مع نفسه ومع اللة... ربنا عاوز يشدك لة ...وانت عاوز تشده لِك... عايز تقول له ايه اعتقد ان بطرس عايز يقولة ..ما عندكش شويه سمك نروح بيهم بدل الكلمتين اللي انت بتقولهم دول..شوية سمك ابرك من كل اللي انت بتقوله ده.. احيانا احنا بنكون عايزين نقول لربنا كده عايزين نقول له ايه.. يعني خلينا عمليين واعطينا حاجة نروح بيها...احيانا احبائي بتبقى نظرتنا ضيقه جدا للاامور احيانا بنبقى عايزين حتى ربنا يسوع نخضعه حتى لمشيقتنا الزمنيه والارضيه.. احيانا نبقى عاوزين نوظف ربنا يسوع المسيح لخدمة مصالحنا احنا عاوزين اله على هوانا.. عاوزين اله يُلبي رغبتنا ....طب لو انت عاوز تتكلم.. اتكلم يا سيدي ...احيانا احنا نروح.الكنيسه وبنصلي احيانا لما بتيجي فرصه بتلاقي نفسك الكلام في اتجاه وانت في اتجاه ثاني خالص. ليه ؟.انت محصور فى هم وحاصر نفسك في.غم ما عندكش استعداد تخرج منه ابدا او التلاميذ كانوا زينا كده.. محبطين فاشلين متضايقين مكتئبين عاوزين شويه صيد... بس كل همهم في ايه في شويه سمك.. بس.. ما جوش خلاص عوضنا على الله طبطب علينا قلنا ربنا يرزقكم بكره ما تقلقوش ربنا معكم ما تخافوش احيانا بنبقى عاوزين حتى الكلام اللي نسمعة الكلام الي يعجبنا احنا غير كده .لا... يكلمك عن الملكوت يكلمك عن التوبه يكلمك عن عمل الرحمه يكلمك عن كذا ده مش هو الحديث اللي يعجبك.. عشان كده احبائي المرحله الاولانيه حديث ربنا يسوع المسيح رغم انه حديث جميل بس ممكن نكون مش منسطين له ...رغم انه حديث مؤثر بس ممكن تفوت علينا الفرصه.. امتى التلاميذه اتغيروا ؟ ما تغيروش بالحديث لكن اتغيروا بعد المعجزه.. ليه احيانا الانسان يبقى عايز حاجه ملموسه في حياتة.. لكن في الحقيقه مش هو ده المنهج اللي ربنا يسوع المسيح دائما بيتبعوا هو عاوز يلقي الكلمه بتاعته ويشوف انت هتعمل ايه اول مرحله مرحله الحديث ارجوك لما ربنا يكلمك انصت لما ربنا يكلمك خلي عندك استعداد للتغيير بلاش يبقى عندك احساس بالاحباط ان انا هو انا وهفضل زى ماانا مهما تقول مهما هتناول مهما هصلى انا زي ما انا مش ممكن وما ينفعش اتغير ..الكلام ده احبائي. عقدة كبيرة تقع في حياتنا ...لا ....انا مش جاى اسمع روتين مش جاي اسكن ضميري واحضر كده مش جاي لعاده معينه لا انا جاي اتغير.. انا جاي اكون للمسيح انا جاي اغير من عاداتى وافكاري وسلوكي جاي اتحرر من ضعفاتى.. انا جاي عشان خاطر اكون انسان جديد.. هو ده احبائي شرط انك تسمع لربنا يسوع المسيح... ظل يكلمهم وللاسف هما مش مستجبين وغرقانين فى هممهم وما عندهمش استعداد يتغيروا ...هو ده اللي حصل.. ٢/ بعد الحديث بتاعه وعايزين يقولوا له متشكرين منك كثر خيرك يلة اتفضل عشان عايزين نروح ..تعبانين تعبنا الليل كله ...فقال لهم .. اذهبوا والقوا شباككم الى العمق!! اذا كان ما فيش فائده في وقت الليل اللي في سمك كثير اذا كان ما فيش سمك في المكان المنطقي اللي احنا عارفينه دايما نصطاد منه.. هتودينا حته بعيده وتودينا كمان النور طلع ..انهو منطق اللي يقول نعمل كده.. بطرس مكسوف ..يبص للتلاميذ مكسوفين...كتير احبائي اشياء تطلب مننا عكس المنطق ...عكس الطريقه اللي بنفكر بيها تماما ..خالص ...تخيل انت كده عندما يصبح كل تفكير التلاميذ انه عاوزين شويه سمك وده يقول لهم يلا اعملوا محاوله ثانيه بعد فشل كامل.. عاوزنا نحبط ثاني ونفشل ثاني ونتعب تانى ..ياما احبائي الانجيل يقول لنا حاجات ما عندناش استعداد ننفذها خالص اصل مش منطقي . اصل ما ينفعش حاولنا قبل كده ما نقدرش ما نعرفش. احبائي حيث الطاعه توجد الثمره حيث الخضوع لكلمه الله يوجد النعمه توجد البركه.. ربنا عينوا عليك وعاوز يغير فيك .وعاوزك تتذوق عظمته وعاوزك تتغير وعاوز يعمل بيك من خلاله هو مش خلا لك انت..ليتعظم هو مش انت..ياما كلام كان يطلبه يبقى عكس المنطق ...يقولوا ما عندناش خمر.يقولهم املؤوا الاجران ماء ...ما عندناش خمر!! ايوه .لازم انتم تشتركوا معي.. لازم انت يكون لك دور ولو بسيط ..فقال لهم املؤوا الاجران فملئوها الى فوق ..في جزء صغير عليا وعليك في التغيير اللي ربنا يقول لي عليه اخضع. طاوع الوصية...طاوع الانجيل ...النهاردة تذكار القديس متى البشير ...عشار لاوي جالس عند مكان الجباية..ربنا يسوع المسيح عدا عليه قال له كلمه واحده بس.. كلنا عارفينها اتبعني.... اختبار صعب جدا ...مَتى يقول له ايه.؟ المفروض كان يقول لة...شكرا مكانك فين لما احب اجيلك عشان ابقى اسال عليك.. اتبعك ازاي؟ انت بتتكلم ازاي؟ اترك كل شى وامشي وراك كدة!!! والفلوس اللي معايا والدنيا دى كلها واعيش ازاي بكره؟! الموضوع كبير جدا يصدم عقلي جدا....اتبعك ازاي، ؟ متشكر ربنا معاك.. لا ده يقول لك ايه ؟! ترك كل شيء وتبعه ... عكس المنطق عكس المنطق احبائي تماما ..عشان كده احبائي.. الوصيه مش المفروض اقيسها بمقاييسي انا بمقاييسه هو ..اول ما تستخدم واحده مختلفه الدنيا تختلف يعني لو استخدم السنتى بدل الميل .اختلفت خالص.. لما تتلخبط انت انا قولك عشرة ميل وانت تقولى عشرة سنتى..لما قولك خمسه جرام وانت تقول لي خمسه طن ..اختلفت الحكايه الوحده نفسها اختلفت ..مقياس الايمان بتاعنا اذا ما كانش على مستوى الايمان اللي ربنا عاوزه مننا هنختلف مش هنعرف نكمل مع بعض عشان كده بيقول لك ايه قال له... على كلمتك ألقى الشبكه... لما الكنيسه تقول لك حاجه والانجيل يقول لك حاجه قول حاضر ..قول على كلماتك هلقى الشبكه .عكس ارادتي ومنطقي وعكس تفكيري وعكس تاريخي وعكس كل حاجه حتى عكس الناس... كل الصيادين بيصطادوا في الليل عكس الناس لكن قال له على كلمتك القى الشباك ...ودخل. والعجيب احبائي ان يسوع دخل معة المركبه وخلى بالك ان هم مش مقتنعين قوي مقتنعين نص نص..هما كانوا مركبين اللي دخلت واحده بس ..عايزين يقولوا له ايه يعني احنا داخلين جمايل...مش معقول بقى الاثنين . ..تركوا واحده على الشاطئ ..عشان عارفين الدخول شويه مجامله كده ودخلوا مجرد ما دخل بطرس والقى الشبكه لقاها ايه؟ ثقلت جدا و كادت تتغرق لدرجه عمل ايه؟ شاور للجماعه اللي على الشاطئ تعالوا تعالوا ساعدونا شيلوا معنا هنغرق من كثر السمك.. امال احنا كنا في حته ثانيه بالليل ولا ايه؟ الشبكتين والسفنتينه اتملوا ولو كانوا عشر سفن كانوا هيتملوا... على قدر ايمانك على قدر سعيك هتاخذ... مبارك يا رب.. لقينا بطرس بقى متعجب الطاعة..معلمنا بولس يقول لك شكرا لله لانكم اطعتم من القلب صوره التعليم التي تسلمتوها . هو كان في منطق يقول لمارمرقص تعالا اسكندريه اكرزلهم بالمسيح ويقول لهم حاضر؟!...دى عبدت اصنام ناس قاسيين ماتعرفش ربنا..وقتله .. انت مضحي بي ولا ايه؟ هي كده بسهوله تقول لي اروح وكمان باعتني لوحدي ..يعني واضح ان انت مغامر بي..دة المنطق بيقول كده ما ينفعش... لكن يجي والشبكه بتاعته تتملى كثير. وبتتملى...المجد ليك يا رب.. استخدمت الضعفاء . استخدمت الناس اللي اتقال عليهم ما ينفعوش وفاشلين بصينا لقينا بطرس قلبه تحرك جدا .. اصلها حاجه عجيبة..بصينا لقينا بطرس مابقاش بيشوف السمك..لا ماعدش السمك الموضوع الهاوس دماغة...بقى هو الهدف...الهدف بقى المسيح...لقيناة سجد وقال اخرج يارب من سفينتى لانى رجل خاطئ... ربنا بيستخدم السمك عشان انت تتغير لكن الموضوع مش موضوع السمك خالص السمك الطريقه اللي انت تفهم بها.. اما ربنا فغراضه ابعد بكثير عن السماء هو مش عاوز يملى سفنتك بالسمك عاوز يملا قلبك بالتوبه.. عشان كده التوبه الحقيقيه احبائي هى اللى تأتى بحضورك للمسيح..خارج حضور المسيح شويه مشاعر ..شويه كلام شويه انفعالات هتزول . لكن في حضور المسيح هذه التوبه الحقيقيه اول ما يتملا قلبك بحضور المسيح تشعر بخطاياك تسجد تقول له اللهم ارحمني انا الخاطيء ..ارحمني يا رب ..لية توبتنا معطله؟ لان لقاءنا مع المسيح متاخر.. ارفع يديك ..غمض عينيك افصل حواسك ومشاعرك عن اللي فات عندك هموم واحزان القيها عليه يجيب لك اية طاوعها...سجدت ثلاث مرات وقفت صامت رفعت يدك ابتديت تدخل في الحضرة الالهيه ساعتها تبتدي تشعر قد ايه ربنا محتملك وقد ايه خطاياك وقد ايه وقد ايه ..ادي احبائي دي قصه خلصنا احنا مش موضوع صيد السمك بتاع بطرس ده موقف.. الانجيل عمره ما كان قصده يشرح موقف الانجيل اهدافه اعلى بكثير من المواقف لانه فوق الزمن انما كتبت لمنفعتنا.. لينا احنا.. التوبه حقيقتها جايه من حضور المسيح.. المسيح هو اللي يبكيت عن الخطايا المسيح هو اللي يقودك اخرج انا رجل خاطئ هو انت ما كنت عارف انتك خاطى يا بطرس؟! بصراحه مش حاسس قوي.. لكن في حضور المسيح بحس بصغري.. هو ايه التواضع ..الناس اللي عايزه تتواضع باختصار شديد جدا...التواضع هو الشعور بحضرت اللة ...اول مااحس انى موجود في حضرة الله انا بصغر...انا لما بكلم طفل بحس انى كبير....لما بكلم واحد قدى بحس انة قدى... لما بكلم واحد اعظم منى واكبر منى بحس ان انا صغير... لما كنا نتكلم شوية مع اللة ينيح نفسة البابا شنودة كنا نشعر اننا صغيرين قوى .. كل لما تقعد مع حد لة قامة كبيره جدا كل ما تحس ان انت صغير.. طيب انت موجود في حضرتك اللة؟ .. تحس ان انت صغير.. المتكبر بصراحه باختصار شديد هو انسان لم يوجد في حضرت الله فبيحسب انا.... لكن اول مايتواجد في حضره الله ..يقول انا مين...ببساطة شديده.. بدون مجهود كبير زي ما باقول لك كده جبتك دلوقتي قدام ابونا البطرك خلاص على طول تحس ان انت..بس من غير ما تعمل الشعور بالوجود في حضره الله. قال له اخرج يا رب لاني رجل خاطئ.. وجابوا الشباك الثانيه وجابوا المراكب الثانيه واتملت... المجد لك يا رب... ورجعوا السفينه... فكرك لما رجعوا السفينه عملوا ايه؟ اخر موقف ..قعدوا يفرزوا السمك ..دة الطبيعي ...الطبيعي يفرزوا السمك ويبيعه.. لان الناس اللي بتشتري بتكون مستنياهم عند الشاطى ...خلي بالك المعجزه حصلت قدامي اللي بيصطاده واللي بيشتروا اللي بيصطادوا رجعهوا فاشلين واللي بيشتروا ..مصلحتهم يشتروا عشان يروحوا يبيعوا كله بيصب على بعضه.. اللي بيشتروا مستنينهم ..لكن الكل مش ملتف حول السمك... الكل ملتف حولين المسيح... كأنهم عايزين يقول لهم معلش بعد اذنك سامحنا انت كنت بتقول ايه قبل ما كنا نركب السفينه ..ما كناش معاك بصراحه.. كنت بتقول كلام كويس بس بصراحه ايه. . اصل اللي يتذق ربنا بصيرتة تتفتح على الانجيل بشكل مختلف ..الحكايه ما عدتش زي الاول.. عشان كده في ناس تقرا الانجيل ولا في دماغها حاجة خالص...في واحد ثاني يبقى مش عاوز يقفله ...وجد غنائم كثيره..دادو قال...ابتهج انا بكلامك كمن وجد غنائم كثيرة...ربنا يسوع مش هدفة اتة يذودلك السمك..بتاعك....اللي انت محصور فيه ده موضوع بسيط بالنسبه له هو فكره ليك كبير جدا فكره فيك ايه ..كيف تربح السماء ..وكيف يستخدمك لتربح اخرين ..كيف تتحول من صياد الى تلميذ كيف تتحول من صياد السمك الى صياد للناس... خطه الله لك اكبر بكثير من ما انت فاكر عاوز يستخدمك في رساله عظيمه عاوزك كلمه صعبه شويه ...هو عاوز بطرس وعاوزك تبقى شهيد تبقى رسول تبقى كارز ..هي دي احبائي تدابير الله لنا كبيره جدا ما ابعد احكامك عن الفحص يا رب.. وبعدين ما جبتش بطرس بس لا دة بطرس واخوة يوحنا من اعظم الرسل الاربعة دول....بطرس اندراوس يعقوب ويوحنا.. في حديث واحد في حادثه واحده بس استفادوا منها جدا ..لان كان ممكن على فكره جدا بعد ما تحصل المعجزه دي يتلهوا في السمك ويبيعه السمك ويشكروه على فكره متشكرين منك جدا مش عارفين نقول لحضرتك ايه بكره حضرتك فاضي تيجي تساعد معنا حتى لو تحب مقابل.. احيانا حتى ربنا يسوع المسيح وحتى الامور الالهيه بنشيئها..حتى ربنا يسوع المسيح احيانا بنبقى عاوزين نستخدمه لمصالح شخصيه هو هدفه اعلى من كده بكثير ..عاوزك انت تتغير عاوز حياتك تتغير وعاوز ايمانك بة يرتفع جدا جدا وثقتك في تعلى ومش عاوزك ابدا تبقى يائس ومحبط لان ده علامه ان انت ما عندكش ايمان بالله ولا من نفسك ولا من الظروف هو اقوى مهما كانت الظروف ما تحطش انت المقاييس... الكنيسه الاولى كانت كنيسه مطهدة ...بحسب المقاييس بتاعتنا نقول عليه ان ربنا غايب ..لا دة كان الرب يضم الى الكنيسه كل يوم الذين يخلصون.. وقال لهم في القديم لما كانوا متضايقين بحسب ما ازعلوهمز هكذا نموا وامتدوا....مقاييس اللة مختلفة عن مقاييس البشر احبائي... لما تشوف المصريين وبني اسرائيل في العهد القديم تقولوا المصريين دول يا بختهم ناس جبابرة وشيك ودول ناس عَبدة عاملين يتضربوا ويتسخروا فين ربنا.... يقول لك طب استنى بس بلاش تبقى مستعجل.. ده ربنا عاوز يخرجهم من الارض بذراع رفيعه ده هيجعلهم يعبروا البحر الاحمر مجهز لهم هناك مكان هيورثوا...وارض إسمها أرض الميعاد...عاوزك لخطه ثانيه خالص.. مش عاوز يحصرك في مصر ابدا..مصر دى مرحلة....الارض دى مرحلة...الزمن اللي احنا عايشينوا ده احبائي دى مرحله ..عايزين حتى ربنا نحصرة في الارض.. لا... ده هو عاوز ياخذنا من ارض عنده ...عشان كده احبائي زي مابطرس ماخر وسجد وقال له اخرج يا رب من سفينتي لاني رجل خاطئ.. وزي بطرس ما ترك كل شيء وتبعه اخر ايه النهارده في الانجيل النهاردة تركوا كل شى وتابعوا مش بطرس بس.. السمك راح فين ياخذوا اللى كانوا عاوزين السمك ..هنمشي وراه طب والمراكب بتاعتكم؟!! ياخذها صاحب نصيبها بقى.. طيب الماضي كله خلاص.. الاوليات لا تتاملوها والقديمات لا تذكروها ..ها انا صانع معكم امرا جديدة...طب الامر ده كله علامات استفهام ..هتاكل منين وتشرب منين؟ ها نحن قد تركنا كل شيء وتبعناك فقال لهم هل اعوذكم شى...؟ يالا الجهالة اللى كنا عايشين فيها قبل كدة....يلا الحزن والضيق والمشقه اللى كنا عايشين فيها قبل كدة...الانسان المستعبد للارض والزمن ده احبائي عايش مئصور... تقول لي يا ابونا ما اشتغلش..اقواك اشتغل وانت متكل على ربنا ..مش هناكل؟ قول فى نفسك كده انا حتى لو ما اكلتش بس طول ما انا في سلام مع ربنا يبقى احسن ... احبائي احنا محتاجين نقول يا رب عاوزين نعيش بحسب مشيئتك مش مشيئتنا ..عاوزين يا رب نكتشف رسالتك لينا احنا حياتنا اكبر بكثير من ان هي تبقى محصوره في حياة ضيقه لبعض افراد..او لجنى بعض امكانيات لا انت عاوزنا في حاجه اكبر عاوزنا احنا نتذوقك واحنا نتقدس واحنا نتغير واحنا نصطاد ناس ونقول لك ها نحن قد تركنا كل شيء وتبعناك ... ربنا يكمل ناقصنا ويسند كل ضعف فينا بنعمته ولالهنا المجد الابد امين...

بأسم الاب والابن والروح القدس الاله الواحد امين فلتحل علينا نعمته ورحمته وبركته الان وكل اوان والى دهر الدهور كلها امين في نهايه السنه ...الكنيسه بتقرا عليناانجيل نهايه العالم وكأن الكنيسه بتقول لنا العمر بيمضى .. العمر بيعدي الأيام بتجري كأن الكنيسه بتقولنا يلا نستفيد بالايام بالتوبه ونستعد بمجيء المسيح ونستعد للدينونه في خط ثاني احب اقف فى للحظات وهي ان ربنا يعدي علينا سنين كثير طب ده نستفيد بية ايه... اقولك قد ايه ربنا مطول باله علينا سنين بتعدي عشان توصلنى رساله ايه هي الرساله ان ربنا مطول باله عليا القديس ماري أفرام كان بيقول قول جميل قوى ((المجد لك يا من تحتملني مستحملني ))سنين وسنين اشكرك يا رب انك مستحملنى.. ربنا مطول باله علينا جدا وعمال يدينا زمن وزمن بس كل ده ليه ..عشان منتظر مننا ثمر..منتظر مننا نتيجه.. منتظر مننا تغيير عشان كده يقول لك حاسبين اناة الله خلاصا.. انما لطف الله يقتادك الى التوبه ..انات الله خلاص لطف اللة يبقى للتوبه عشان كده في سفر العدد ربنا قال لموسى ربنا طويل الروح كثير الرأفة يغفر الذنب والسيئه ..طويل الروح جدا طويل البال لدرجه ان ممكن الشخص يبقى مش فاهم ليه ربنا مطول باله علينا ربنا مطول باله عشان نخلص تخيل انت كده لما ربنا يدي امر لنوح لبناء الفلك..يديلوا فتره قد ايه...ظل يبنى في الفلك 120 سنه لان طول ما هو بيبنى الفلك عمال ينذر الناس ان في طوفان في غضب من الله طب انا شخص مستهتر...طب الفلك ابتدى يتبنا كان الاول مش باين ابتدي يبقى ناقصة والعوارض اللي بره بعد ما بان العوارض.. ابتدي يبقى ناقصه ياخذ الطلاء بتاعه طب بعد الطلاء طب الفلك خلص خالص المفروض اناو اعمل ايه ؟؟ادخل انا ... لا ...عشان كده احبائي معلمنا بولس في عبرانيين طول اناة احتمل انية غضب مهيئه للهلاك ... بولس..يوضح لنا فكره الله ..طول اناة االله تقداتنا الى التوبه...طب لو مااقتدتش الى التوبه يبقى طول اناة الله دي بتثبت ان انا شخص قاسى..ان انا شخص معاند.. بتثبت ان انا مش مستفيد بطول انات الله ...احتمل بأنات كثيره انية غضب مهيئه للهلاك ...فكرك ان الضربات اللي جاءت على ارض مصر لفرعوني دى كانت في اسبوع ولا في 10 ايام ..العشر ضربات الضربة بيوم ؟؟لا دى كانت الضربة بفترة..طب المفروض حصل ضربة وحصل هلاك شوفنا فيها ايد ربنا ..طب المفروض نعمل اية بقى ؟؟ نرجع ...لا. ...ما كانش بيرجع طب في وقت كان بيرجع و قالة موسى تعال خلاص انا اسف...الرب هو البار وانا وشعبي اشرار بعد ذلك لاحظنا انة رجع فى كلامة تانى اهو ياما احنا كده احبائي احيانا طول انات اللة مش بنستفيد بيها طب افرض ربنا بعتلنا موقف كدة يهزنا شوية.. شهداء كنيسه القديسين..يهزنا شوية..تلاقى الكنيسه امتلئت والناس بتصلى من قلبها...جميل ...شوية وننسى.....طب ابعث لنا احد الشعانين نصلي لربنا بكل قوة وبعد كده ننسى... وبعدين....حاسبين انات الله خلاصا...فكرك عشان ربنا مطول باله معناة انة مش موجود ...فكره ان ربنا عشان عمال يبنى الفلك ببطء معناه انه مش هيدين؟ فكرك عشان ربنا مديني الحياه والعمر كل يوم بصحى من النوم وانا حاسس ان اليوم ده بتاعي ..اللى ماعملش حاجه امبارح مش هيعمل حاجه النهاردة وخلاص لا...الأيام دى اية... السنين دي ايه ؟دة للخلاص.. العمر للتوبه السنه ما تعديش علينا احبائى الا لما نستفيد بطولت بال ربنا ونقولة يارب انا اسف.. انت مطول بالك عليا ..وانا للاسف ..مش مستفيد بطول البال ده و بالعكس واخذها لنفسى ان دي فرصه ابعد عنك.. وانى اتوه عنك فرصه وانت مش موجود...عشان كدة لو تاخذ بالك فى مثل الوزنات... يقول لك اعطى عبيدة كل واحد وزنه وسافر.... اختفي ما عدناش شايفين الراجل اللي اعطى لنا الوزنات دى.... الشخص الغير حكيم الجاهل ده يقولك انا حر اعمل اللى انا عاوزة.....لا ..دة هيجي ويحاسبك عملت ايه بيها الايام والعمر والصحه والمال والاولاد والممتلكات وكل عطايا الله احبائي سوف يسالنا عنها ..هنعطى عنها حساب ...عشان كده الحياه مش بتاعتنا احنا مؤتمنين عليها لما يقولك مثل الكرم والكرامين راجل عنده كرم استاجره لناس وسابهلهم ...وسافر الى زمان ....الى زمان يعني ايه ...فتره طويله سابهم ..بتوع الكرم قالك الراجل مسافر مالناش دعوة بية.. كل المحصول بتاعتنا.... لما جة يحاسبهم اتفجئوا قال لك ايه ده ما انت مسافر انت مالك ومالنا. قال لهم دى حاجتى...بعتلهم اللي ضربوه اللي جرحوه اللي طردوا واللى في الاخر بعتلهم ابنه موتوة ...اصلهم اعتقدوا ان طول فترة الابتعاد دى معناها ان الحاجه بتاعتهم احنا كتير بنظن كدة احبائي ..بنظن ان عشان ربنا اعطانا الحياه بحريه بايام نعيشها احنا فكرنا احنا وارادتنا احنا بنفتكر ان ربنا مش موجود فاحنا نعمل ايه نعمل اللي عايزينه ..دة طول انات الله دى بيشكل فينا لازم تعرف كده ..ربنا بيشكل ...عمل اية مع موسى...قعد يشكل في 40 سنه في قصر فرعون..شاف لن لسه الصورة اللى ربنا عايزها في موسى ماكتملتش ..فعمل ايه ..قعدت شكل في 40 سنه ثاني في البريه ...عمال يشكل ..كل سنه تعدي كل يوم يعدي بتعمل اية يا رب في موسى ...بقولك بشكل ... ما كفايه كده يا رب..يقولك لسه بشكل ...لسه الصوره بتترسم طب ربنا بيعمل معانا ايه دلوقتي.. عطينا فرصه عشان ناخذ شكله عطينا ايام عشان الايام دى تبقى لخلاصنا نعيش الكمال عشان نعيش الفضيلة.. عشان نعيش الحب عشان نعيش الرحمه ده المقصود بالايام احبائى ده المقصود عشان كده يقول لك حاسبين انات الله خلاصا.. تخيل بقى اللي مايستفدش من انات الله ...لانك تزخر لنفسك غضب فى استعلان يوم الغضب..تزخر اكنك بتحوش وبتجمع ..تخيل الانسان اللي مايستفيد بطول انات الله بيعمل لنفسه ايه.. بيزخر لنفسه غضب فى استعلان يوم الغضب...يا رب ارحم... صحيح هو طويل الاناة كثير الرافه هو لا يشاء هلاك الانسان واحد من القديسين قال له انت يا الله ليس عندك خساره الا هلاكنا. هو يريد ان الكل يخلصون بس ممكن يكون الانسان بيعمل ايه بيستهطر ...ممكن يكون الانسان يكون بيستخف بأنات اللة دى ... لا دة ربنا عمال يدينا فرص احبائي دي فرس ابونا يعقوب ربنا عمال يشكل في قالوا بص يا يعقوب بصراحه انت عندك مشكله شويه كده من البيت اللي انت متربي فيه ..وانتهازي شويه محب للارض شويه و محب للمال شويه مكار شويه عندك شويه مشاكل..تعال عشان انا عايز اغير فيك اخذ الباكوريه من اخوه بشكل ملتوى وضحك علي ابوه...بس تلاقى ربنا ماسبهوش ..مجرد ماخرج من بيت ابوه شاف سلم طالع للسماء ...المجد ليك يا رب لانك لم تتركنا ...على راي واحد من القديسين.قال لربنا.. فان تركتك انا فلا تتركنى انت..رلنا بيعمل معانا ايه احبائى بيعطينا فرص عشان نتغير فرص.. عمل ايه مع ابونا يعقوب قعد يشكل في من جديد ..واعد فتره طويله راحه عند خاله لابان وبرضة لسه يعقوب عنده الحتت القديمه لسة ماخلصتش فربنا برضة خلا خالة لابان هو كمان عنده عيوب ف ربنا حب يصلح يعقوب بلابان ولابان بيعقوب ..والاتنين اعدوا مع بعض فتره طويله وربنا عمال يغير لغاية ما يعقوب قالة يا رب صغير انا يا رب على كل الطافك وعلى كل الامانه التي صنعت بها مع عبدك ...انا صغير يا رب ...امتى اوصل ان انا اعترف بفضل ربنا عليا.. امتى اقول انا صغير امتى..تصور ان ممكن واحد عشان يقتنع انة صغير و قليل وانة من غير ربنا ولا حاجه دي ممكن تقعد معاة عمره كله..اصل مشكله الانسان ايه يقعد يقول انا انا انا وانا عملت وانا هاعمل ...ايه ده ..اصله متكل على ذراعه ومتكل على قدرته...يجى ربنا يعمل ايه بقى..يقولك طيب طيب.. انا هخليك تقول انا ما انا هعلمك يعني ايه تخلى ذاتك... هعلمك يعني ايه تقول لا انا بل المسيح..ويقعد ربنا يشتغل معايا.. انات اللة احبائي خلاصنا... يلا نستفيد بطول انات ربنا ...ربنا بيطول باله علينا ليه ..بيشكلنا بينقينا بيزكينا ..بيتوبنا بيعرفنا عليه وكانه زي ما قال ايوب انا بسمع الاذن سمعت عنك اما الان فقد راتك عيني بصراحه كنت الاول عمال اعترض مش فاهم وكنت لما احب اكلم ربنا اكلمه عشان استجوابة عارف يعني استجوابه..اكنى جايب ربنا كتلميذ عندى. اقول له قل لي انت بتعمل كده ليه واشمعنا انا ولية بتعمل معايا كدة... كانة بيشخط فى ربنا ..لكن بعد كده قالوا.. لا ده انت بعظائم فوقي تخبرني ...انا بعجائبك اتكلم بقيت دلوقتي اكلمك لاتعلم مش بستجوبك عشان استذنبك ربنا قال له كده اتستذنبنى لكي تتبرر انت...يعني عايز تطلعني انا الغلطان ..مش احنا احبائي احيانا مانفهمش مقاصد لربنا واحيانا بنكون عاوزين نطلع ربنا هو اللى غلطان احبائي طول اناة اللة تخلينا نخضع عقولنا للة لا لان نخضع اللة لعقولنا .. الله يريد ان يشكلنا بحسب قصدة..حاسبين انات اللة خلاصا ربنا مطول باله على يعقوب وعلى موسى وعلى الشعب مطول بالك قالوا يارب دول عبدوا عجل..افنيهم.. خلاص .. دول يعتبروا انكروك..قالك لا..نعطى لهم فرصه وفضل.. فكرك هما يعبدوا العجل وربنا ما يبعتلهمش المن.. بعتلهم المن.. طب هو ما يبعتلهمش عمود النار اللي بيكود.؟؟.. لا بعتلهم عمود النار اللى بيقود ..لية يا رب كده ..المفروض دول عبدوا عجل وقف كل المعونات اللي بتدهلهم ...قال لك لا لا..انا الاة وليس انسان.. عشان كده احبائى ربنا كل يوم بيشرق شمسه على الابرار والاشرار ممكن نقول له يا رب الناس الملحدين دول اللي بينكروك ما تدهمش هوا يتنفسوا ما تنور لهمش الدنيا خليها ضلمه عليهم عشان يعتبره ...يقولك لا ...انا هافضل اديهم عشان يعتبروا عشان يعرفوا ان انا الاة و ليس انسان ..طويل الاناة بس ازاي استفيد بطول انات ربنا دى ..خلى بالك احسن تكون طول اناتة دى تخلينى افهموا غلط... انه مش موجود..وانة مش حاسس انه مش بيعمل حاجه..انات الله ممكن تتفهم كده؟؟ اه ...الانسان اللي قلبه قاسى ممكن انات اللة بدل ما تقودنى الى التوبه..تقودنى للاساوة... ربنا يرحمنا ....انات .ربنا استفاد بيها و كل يوم اقول له ارحمني كعظيم رحمتك..انات ربنا استفيد بيها واقول له اشكرك يا رب على اليوم ده اشكرك انك اديتني يوم جديد وفي اخر اليوم ..نقولة نشكرك يا ملكنا المتحنن لانك منحتنا ان نعبر هذا اليوم بسلام واتيت بينا الى المساء شاكرين وجعلتنا ان ننظر ا النور الى المساء احنا بنشكر ربنا على نهايه اليوم وبدايه اليوم لانه ده من عنده مش من شطارتنا ..يلا نستفيد بطول انات الله دى ..يقولك على العذارى الحكيمات والجاهلات لما ابطئ العريس نعسنا كل هنا ونمنا... ممكن لما يتاخر شويه نستهتر؟؟مشكله....يبقى . ما فهمتش انات اللة... ده المفروض انة اتأخر معنا اننا استعد اكثر. معناه اني اقعد متشوق لمجيئة اكثر مش اتاخر اقول مش جاي ..لا في سفر هوشع يقول لك خروجة يقين كالفجر وفي سفر حبقوق يقول لك وان توانت ستأتى . لو اتاخرت هتيجي برضة..اتيانة يقين عشان كدة احبائى يلة نستقيد من طوب انات ربنا ...كل يوم بدخل بيتة دى فرصة كل يوم وكل شمس جديده رحمه جديده استفيد بيها اشكرك يا رب اعطتنى الفرصه دي.. فكرك ربنا ما كانش عارف اللي في قلبي يهوذا ...يقول لك كان سارق والصندوق معهم ربنا ما كانش عارف ان يهوذا بيسرق ؟...كان عارف...عشان كده يهوذا اتغاظ من المرأة ساكبت الطيب قاله ايه ده..ما هذا الاتلاف كان ممكن ان تباع بثمن كثير.. هو في الحقيقه كان قصدة الثمن بتاع القاروره دي ياخدو هو.. عشان كده هو بالذات اللي انزعج.. طب يا رب ما انت اللي زي ده لازم تقول له انت ما لكش مكان اطلع بره ابدا ..سابة لغايه اخر لحظه لغاية لما جاي يقبله سابه يقبله.. كان المفروض يقول له لا لا ..قال كدة يمكن لما يقبلني مشاعره تتغير..حاسبين انات اللة خلاص ..ربنا عطينا الوقت لية احبائي عشان نتغير عشان نتوب متأنى علينا جدا محتمل اخطاءنا جدا بس المفروض احنا نعمل ايه ؟؟نباركه نقول له نشكرك اشكرك على احتمال لك على صبرك على اناتك اشكرك على ايامك اشكرك على الفرص اللي بتديهلنا ماتسمحتش يا رب ان تكون الايام ضدنا .. ماتسمحش ان تكون الايام بتزخر لنا غضب لكن تكون الايام لاقتناء توبه تكون الايام لارضائك تكون الايام للاقتراب تكون الأيام للخضوع ليك... تكون الايام لفهمك عشان خاطر في وقت مجيئك نبقى احنا فرحانين لاننا فهمنا ان طول اناتك دة لانك فى يوم من الأيام هتيجى وتلاقينا ساعتها بنقولك كلنا امين تعالا ايها الرب يسوع .. ربنا يكمل ناقصنا ويسندك كل ضعف فينا بنعمته و لالهنا المجد الى الابد امين

بأسم الاب والابن والروح القدس اله واحد امين.. فلتحل علينا نعمته ورحمه وبركته الان وكل اوان والى ظهر الدهور كلها امين ..انجيل هذا الصباح المبارك احبائي فصل من بشاره معلمنا لوقا اصحاح ٢٠ بيتكلم عن مثل يمكن كلنا عارفينه مثل الكرم الكرامين..دائما احبائي الكتاب المقدس يكون له ثلاث مستويات من التفسير.. تفسير الاولاني تفسير التاريخي تفسير الحدث اللي حصل...شخص كان عنده كرم والقصه ده تفسير الحدث المستوى الثاني.. من تفسير مستوى الرمز .اية المرموز بالكلام دة؟ المستوى الثالث من تفسير تفسير الروح.. اي حدث في الكتاب المقدس هتلاقي لة الثلاث مستويات دول... ابونا ابراهيم بيقدم ابنه اسحاق. دي قصه حدث ..حصل فعلا ..لكن لة مستوى رمزى... المسيح اللي بيقدم نفسه كفاره عن خطايانا.. ورجع حيي.. ده المستوى الرمزي المستوى الروحي ..هكذا احب الله العالم وانا لابد ان اُبادر ربنا حب ازي اذا كان هو اعطانى كل شيء .دة المستوى الروحى... القصه اللي احنا فيها هننتكلم دقائق كل مستوى.. المستوى الأول مستوى الحدث... قصه ايه القصه.. موضوع مشهور جدا في اورشليم زراعات الكروم اشهر زراعه في فلسطين او فى اورشليم في ايام السيد المسيح زراعه الكروم .والزراعة جاءت ان مكسبها كويس واستخدمتها كثير.. كانوا بيستخدموا الكروم في حاجات كثير.. اللي عاوز يدخل في زراعه رابحه او مضمونه والثمرة بتاعتها مطلوبة ومحبوبة لدا الشعب ومستخدمه يزرع كَرم... فكان الناس بتتفنن في زراعه الكروم.. لدرجه ان معظم الاراضي اصبحت كروم لان معظم الاراضي كروم يبقى لازم يجيبوا عمال لازم يأمن الكرم انه يعملوا صور عشان الحيوانات ما تدخلش تاكل.. ولازم يعمل له سور كويس انه لازم يعمل له ابراج للمراقبه لانة حجمه كبير.. على شان كده يقول لك جعلوني ناطوره للكروم..الناطورة الشخص اللي بينظر اليه من مكان عالي.. الحارس ...وكان يعمل في الكرم معصره او معاصر انه يحفر في الارض دائره ويكسوها بالفخار والدائره دي كلها مجاري وعند المجاري ياتوا بزرع وياتوا بالكروم باحجام ضخمه ويضعوها في الدوائر دي من الحجر الصوان ويدبدبوا عليها برجليهم.. يدبدب برجله وفي مجاري نازله على زلع ..الزلع تتملى بالعصير معظم الاغنياء بيبقى عندهم مساحات كبيره جدا من الكروم فكانوا بياجروها وغالبا الجماعه الاغنية دول بيبقى ليهم كروم كثيره فبيبقى قاعد في مكان بعيد مستقل وياجر الكرم بتاعه.. وغالبا الاجره تبقى ثمرة يتفق مع الكرامين او ريس الكرامين يقول له بالنصف المحصول اللي يجي النصف ليا والنصف ليكم. دة الحدث من حيث التاريخ.. طب ليه كانوا بيستخدموه كثير؟ كانوا بيستخدموا في اشياء كثيره جدا . اولا كان بيستخدم في اول حاجه واكرم حاجة كان بيستخدم في العباده يتعمل خمر والخمر يبقى سكيب اي ذبيحه تتقدم يسكبوا عليها خمر.. عشان لما تتحرق يبقى ريحتها حلوه.. فكان السكيب ده علامه مسره تقديم الذبيحه ..عشان كده معلمنا بولس قال لك إنى الان اسكب سكيبا.... وكأنة عاوز يقول حياتي بتدي للذبيحه بتاعتي ريحه حلوه.. فده في العباده. بيستخدم في الاحتفالات زي ما شفنا في عرس قانا الجليل بيستخدم في العلاج كان دواء لقرح المعده والتطهير السامرى الصالح صب على الجراحات بتاعته خمرا وزيت ..لازم الشخص يكون عنده في البيت خمر للعلاج...معلمنا بولس قال لتيموثاوس ..قليل من الخمر يصلح المعده.... مكانش في ادويه زي دلوقتي . فالخمر بيعمل تسكين او تخدير بيحصل للمكان الموجوع في المعده ..يستخدم في العلاج وباستخدم في الاحتفال بيستخدم في العباده بيستخدم كمشروب حلو مقوي للاولاد بيعملوه خمر يضعوا في اواني كبيره ويضعوا لة خمير معين من محصول سابق..ويتركوا لفتره لحد ما يبقى خمر استخداماته كثيره جدا ..عشان كده معظم الاراضي يزرعوها كروم ... فكره يأجروه ان يجيب له كرامين و يأتمنهم عليه فكره موجوده وشائعه في اورشليم.. الحدث... ان الراجل ده اللي عمل الكرم جاء الموسم بتاع الحصاد ترك الناس فتره.. ومعروف الموسم لنفرض شهر الفلاني ارسل شخص عشان خاطر ياخذ الحصاد ..النصيب بتاعة...الناس المأجرين الكرم ضربوه ورجعوه ...فأرسل شخص اخر ...يمكن كان اسلوبة وحش ولا حاجه ..راح لواحد ثاني ضربوه برضه طرده وكل درجه في الضرب تبقى اكبر واحده ضربوه واحد شاجوة....وشاجوه يعني فتحوا له دماغه..وواحد راجموا قال اعمل ايه ...؟ اُرسل ابني الوحيد الحبيب لعلهم يهابوا...فأول ما شافوه قالوا... ده الوارث الوحيد بتاع الكرم احنا نموته... فقال صاحب الكرم...اذهب انا وااخذ الكرم واعطية لكرامين آخرين...طبعا اليهود ورؤساء الكهنه لما سمعوا القصه..و هو بيقول لهم رايكم يعمل ايه؟ فطبعا قالوا له ياخذوا منه...لكن بعد كده فهموا ان الكلام عليهم.... ده المعنى الحدث.. المعنى الرمزي.. ان الصاحب الكرم هو الله الاب..والكرم هو الكنيسه ...كنيسه العهد القديم.. والكرامين دول رؤساء الكهنه... وكهنوت العهد القديم ورجال الدين.. الله يطلب ثمر في كرمة...الكرم بتاعه ..ارسل..شخص واثنين وثلاثه...مين دووول ؟ دول الانبياء.. وفي تفسير ثاني بيقول لك في ثلاث مستويات..المستوى الأول الناموس الطبيعي اللي قبل موسى..قبل موسى ربنا كان بيخليهم يتحكموا بضمائرهم فده المستوى الأول ...ضمائرهم ما نفعتش وبقوا يعملوا الشر ... فقال بلاش اسيب الحكاية بضمائرهم ..انظمها شويه اعطيهم الناموس. فالراجل الثاني اللي ارسلة يعتبر الناموس ..الاول الضمير الثاني الناموس. ناموس موسى ...اللي يقول له اعمل وما تعملش ..عملوا ايه في نمره اثنين الناموس برضه كسروا ماطوعوش الناموس.. عملوا ايه بعد كده.. ربنا عمل ايه بعد موسى. ارسل انبياء عملوا ايه في الانبياء؟ برضه رفضوهم.. اشعياء نشرووا ...ارمياء سجنوه ووضعوا فى جب ...لدرجه ان القديس استفانوس في العظة بتاعته قال لهم ايها الغير المختونين بالقلوب والاذان ايها القساط الرقاب اي من الانبياء لم يطهدوا ابائكم.. الناموس الطبيعي ضمير الانسان ...اثنين الناموس بتاع موسى رقم ثلاثه الانبياء ..للاسف رفضوا الثلاثه.. عمل ايه؟ بعث لهم ابنه ..طب لما ابعث ابنه ايه اللي حصل احبائي عملوا ايه ..قتلوا وصلبوا..حتى يقولك اخذوا خارج الكرم.. لانه صلبوا خارج المحلة..فقال اجى انا وااخذ الكرم ...جاء ربنا يسوع المسيح وارسل الروح القدس على الكنيسه وصارت كنيسه جديده والهيكل والذبائح والكهنوت العهد القديم اصبح باطل..... خلاص.. فالكرامين القدام دول طلعوا بره ...ده المعنى الرمزي المعنى الروحي الجميل اللي احنا لازم نستفيد به ان حياتي من صنع الله كل حته فيا من ربنا فهو الكرام هو صاحب الكرم وانا جعلنى اشتغل عنده في الكرم دة ..انا الكرام.. انا مؤتمن على جسدي. انا مؤتمن على افكاري انا مؤتمن على ايامي وعمري ..عمري مش بتاعي الايام مش بتاعتي.. النفس اللي داخل وخارج فيا ده مش بتاعي العقل اللي فيا ده مش بتاعي.. الجسد مش بتاعي ربنا اعطهولى..فهو اعطهولى على ان انا اثمر بة واتااجر بة واربح به وسابني شويه.. عشان كده يقول لك سافر الى زمن بعيد... لم يتدخل صاحب الكرم....ربنا عامل اية معنا دلوقتى؟ سافر .. بعيد.. بس بيعمل ايه؟، يرقب بيتابع.. طب منتظر ايه؟ منتظر موسم الحصاد..يقول لك استنى عليه شويه.. استنى استنى استنى.. لغايه ما يجي موسم الحصاد ...هيجي موسم الحصاد يقول لك ايه؟، هات بقى.. هات اللي زرعته.. فين اللي زرعته ؟ لو انت ما زرعتش او لو انت زرعت و زرعت لنفسك مش له هترفض... اصعب حاجه احبائي عدو الخير يوهمنا بيها خدعة شيطانيه قاسيه جدا بنقع فيها كلنا ..ان انا بظن وتاكد ان حياتي هي حياتي. وايامي هي ايامي وجسدى هو جسدى وعقلي هو عقلي.. لان هو سافر وسايبني فانا ابتديت اصدق ان كل حاجه فيا بتاعتي.. واقول دي ايديا ودى عينيا..رغم ان هي مش ايديا..هي مش علينا...ده هو سايبها لي احنا مؤتمنين على هذا الكرم..نحن مؤتمنين على الجسد وصل بمعلمنا بولس الرسول يقول لك..افأاخذ اعضاء المسيح واجعلها اعضاء ذانية ؟! حاشا. بمعنى ان جسمك وجسدك دول مش بتوعك دول بتوع المسيح.. يعني انا اعضاءى يا بولس اسمها اعضاء المسيح؟ ايوه يعني جسمي ده مش جسمي جسم المسيح؟ ايوه.. فكري مش فكري فكر المسيح ايوه.. بس انا مفكره انه فكري وبفكر براحتي واعمل اللي انا عاوزه وايامي دى ايامى فعمال اخطط...فين صاحب الكرم ؟ مش في دماغي انا ناسيى .مش واخذ بالك انه هيجيء في يوم يقول لك هات... هو ليه عندى ايه؟ الكرم وبتاعه... ما انا اللي بتعب وانا اللي باكسب وانا اللي باشقى.. ايوه بس الكرم بتاعه.. ده ممكن في اي لحظه كل حاجه توقف ده كله بامراه للاسف الانسان بينسى الكلام ده ..ويظن ان الحياه بتاعته... وعمال يدبر لنفسه بايام كثيره جدا عشان كده احنا لازم احبائي ناخذ بالنا ان الحياه مش بتاعتنا والايام مش بتاعتنا والمشاعر مش بتاعتنا احنا كرامين فى كرمه هو.. احنا مؤتمنين على عطاياة هو ...دى وزنتة وهيجيء ويطلب الثمر لنفسه ...لازم عشان كده في العهد القديم يقول لك ارسل منجلك لان وقت الحصاد قد آتى ..تعال لانه صاحب الكارم...هياتى بنفسة...لنتحاسب .. ياما بنرفض احبائي اي صوت ربنا يبعثهم لنا بنرفضوا... يبعث لك الناموس الطبيعي بتاعك ضميرك بيقول لك ما يصحش تعمل كده.. يقول لك ما يصحش تاخذ حاجه مش بتاعتك ضميرك يقول لك ما يصحش تقول حاجه غير الصدق ما تزعلش الناس ما يصحش حد محتاج مساعده منك وتعملهاش...ياما صوت الضمير بنعمل فيه ايه... بنموته بنضربه بنسكته ييجي بعد كده يكلمك بالانجيل بالناموس يجيب لك آيه...يقولك حب قريبك كنفسك.. يقول لك اعطوا تعطوا...انه من اراد ان يكون كاملا فليذهب ويبيع كل امواله ويتبعني ..يجي يقول لك.. من اراد ان يكون لى تلميذا فلنكر نفسه ويحمل الصليب ويتبعني ...آيات آيات آيات ..كتير ربنا يفكرنا بآيات بس تلاقي نفسك عايز تعمل ايه في الايه؟ بتموت الايه.. بتسكتها.. على راي معلمنا بولس الرسول قال لك على الوصيه ..ربنا اعطانا الناموس فعملنا ايه بالناموس ..عملنا ايه للناموس ؟ كسرنا.. كسرنا الناموس بس كانت العقوبه.. الموت...لانه اجره الخطيه موت فبولس يخلص لك الحكايه فى كلمتين في منتهى الروعه ...قالك ايه.. اللي حصل في الناموس عاشت الخطية ومُت انا ..الناموس حكم عليا بالموت...لكن انا ماقدرتش ع الخطية فعاشت الخطية ومُت انا.. خلي بالك لما جاء المسيح عالج الخطيه من جذرها عمل ايه ماتت الخطيه وعشت انا.. لما جاء المسيح ماتت الخطيه وعشت انا ..طيب ما ينفعش بالناموس الطبيعي ولا نفع بالوصية...جاء بعد كده بالانبياء يبعث لك كاهن يكلمك يبعث لك عظة يبعث لك موقف كل شويه احبائي نسمع ان واحد راح السماء كده او حياته خلصت فجاه.. لسه الاسبوع اللي فات كنت قاري على شاب صغير فى كليه رايح ياخذ خلوه بدير قالوا له يا ابني احنا في صوم العذراء ما فيش خلوات دلوقتي الدير مغلق قال له بس انا عامل حسابي ان انا اقعد شويه.. الراهب اللي على البوابه صعب عليه فاجلسة معة على البوابه.. الاوضه اللي في البوابه.. الولد ما فيش ساعات حياته خلصت ايه يا حبيبي ..ده انت رايح تاخذ خلوه كم يوم ومن عيله مقتدره لانه بيتعلم في الخارج ايه اللي حصل ده وازاي ياما ربنا بيبعث لنا مواقف تفتكروا المواقف دي كده جايه صدفة؟ دى رسائل اللي ما ينتفعش بالصوت ده يبقى عمل زي اللي موت الراجل اللي جاى ياخذ الحساب...وزى اللى ضربوا وكرشوا .... تيجي تسمع حاجه زي كده يقولك يا اخى احنا ناقصين نكد .. مش عاوز يسمع حاجه زي كده.... شوف له حاجة تضحكوا. .اهو يشوف له حاجه كوميديه كده عاوز يضحك على نفسه .. حضرت قداس فى ابو سيفين امبارح...فسيده من الامهات بتسألني..عارف الولد الفلاني. اللى اعترف معاك؟ قولتها ايوة... اللي قدسك حطيت ايدك على كتفة ...قالتلى اصاب بسكته قلبيه ومات... عاوزاك تيجي يا ابونا تصلي لنا الثالث للولد وتدهن العمال بالزيت لان كل العمال في حاله زعر وخايفين الولد الصغير 21 سنه.. صحي ماصحاش...ايه يا رب ده ...تفتكروا حاجه زي دي دي كده عشان خاطر نسمعها بس وللاسف كل واحد فينا يقولك الناس مش بتتعظ..هو الكلام ده للناس الكلام ده لي انا ...انا مالي ...أنا مالى ومال الناس... سيبك من الناس.. خليك في نفسك ..عشان كده قال لك الكرام ده لما الاولاني ضربوه والثاني فتحوا له دماغه والثالث رجموه.. قال لك ابعث ابني... مش يختشوا.. لا... قال لك ده هو دة الحل... موتوه..ابنة دة مين بقى....صوت ربنا يسوع نفسه... يعني ما جيناش بالناموس الطبيعي اللي هو ضمير ما جيناش بضمير موسى والانبياء ما جيناش بالانبياء والعظات..طب انظر لكلام المسيح نفسه قال ايه. ان لم تتوبوا فجميعكم هكذا تهلكون.... تخيل لما حتى تعليم المسيح دي انا ارفضها لما انا برفضها باعمل ايه؟ بموته هو كمان.. يبقى كدة اربعه... طب يعمل ايه بقى؟ قال لك انا بمنتهى الاسف ..انت غير امين على الكرم اللي انا اعطتهولك ..انا هاطردك منه وهيعطى لاخر.. طب انا يبقى مصيري ايه ،؟ احكم على نفسك. لابد ان تطرح خارجا. ..عشان كدة احبائى..يلا نعمل بنشاط...يلا نعرف ان احنا امناء على كرم...جسدك ده ربنا عاوزه بربح..عاوزة .. عاوزه جسد يصوم..وترفع يداة للصلوات جسد يشتم منه روائح بخور وعباده ..عاوز نفسك دي تبقى نفس مقدسه فيها مشاعر جميله للة وللاخرين.. عاوز عقلك يبقى فكر المسيح طول النهار مشغول بايه وترنيمه وتمجيد ولحن و بشيء مقدس وشى نافع...سواء بشغل او بدراسة...الافكار كلها افكار نورانيه زي ما قال معلمنا بولس الرسول. كل ما هو عادل كل ما هو حق كل ماهو جليل كل ماهو طاهر كل ماهو مُصر.فى هذا افتكرة .. وكانه بيقول لك فكر في الحاجات الحلوه دي ما تفكرش في الحاجات الثانيه.. فكرنا مش فكرنا ده فكر المسيح جسدنا مش جسدنا ده جسد المسيح عمرنا وايامنا مش ايامنا دي عمر المسيح عشان كده تعامل مع الحياه بتاعتك على انك امين عليها مش بتاعتك ..دى فرصه ...فرصه.. طالما وقت الحصاد لسه ما جاءش طالما لسه ما قال لك هات الثمر يبقى اشتغل دلوقتي ..عشان كده القديسن يقول لك..فلنعمل الان بكل قوتنا ..ربنا يدينا احبائي ان نكون امناء على كرمه نكون باستمرار في وعى ويقذة..ان هذا الكرم هو كرمه هو ومن حقه هو ان ياخذ منه ثمر يفرح قلبه ويكمل نقائصنا ويسند كل ضعف فينا بنعمته ولالهنا المجد للابد امين...

بسم الاب والابن والروح القدس اله واحد امين تحل علينا نعمته ورحمته وبركته الان وكل اوان والى دهر الدهور امين احد الابن الضال تقرأ علينا الكنيسه احبائي مثل غنى في المعاني موجود في بشاره معلمنا لوقا اصحاح 15 الولد اللي عايش في بيت ابوه الولد الصغير اللى قال لابوه اديني قسمتي من المال مش عاجبه البيت مش مبسوط فى.. عنده احلام توقعات عنده خطط بديلة.. عايز يفرح.عايز يعيش من غير قيود بيت ابوه ياما ناس فينا احبائي عدو الخير بيوهمها بهذه الامور ان الحياه مع ربنا فيها قيود وانه مش مبسوط وانه عايز ينفس عن الطاقه اللي جوايا عايز ياكل ويشرب عايز يبقى بحريته ياما عدو الخير بيزين لنا طريق الخطيه ويخلينا نقتنع ان هي الاحسن فنقول عايزين نسيب البيت🚶‍♂‍ ياخذ الولد نصيبه من المال ويروح بقى يعيش الحياه اللي كان متصورها 🦹‍♂‍يلاقي انه اتلموا عليه شويه اشرار استغلوا استباحوا ضحكوا عليه ايام ايام وبص فجئ المال بتاعه. ابتدائي ينفذ.. كان متوقع ان الولاد اللي صرف عليهم دول يصرفوا عليه كان متوقع ان الحياه تبقى اسهل فعاوز يقوللهم يعني انا اكلتكم امبارح واول اكلونى النهاردة احنا اصحاب احنا اخوات و احنا حبايب ما احنا طول الوقت مع بعض كنا بناكل ونشرب وبنهزر قالوا له لا حبيبي إحنا ما نعرفكش ابتدى يجوع وتدابير الله من اجل محبته له انه عمل مجاعة كمان كان في مجاعه في المكان اللي هو كان فين فأبتدي الولد يحتاج رح عند واحد يعنى توسم فى الخير شويه قالة انا مش لاقى آكل فودا شغلانه حقيرا جدا بتاعه ادني العبيد.. حقل خنازير عشان يرعاها ..وكانوا بيعملوا بقسوه شديده لدرجه انه كان بيشتهي يملا بطنه من الخرنوب اللي بتاكلة الخنازير وبعدين رجع الى نفسه وقال ايه ده ايه اللي انا فيه ده انا كنت فاكر غير كده😭 فاكر هابقى مبسوط وابقى سعيد كنت فاكر هبقى في حاله غير كده ايه الذل والاهانه اللي انا فيها والجوع اللي انا فين فرجع الى نفسه وقال ان انا هاروح واعتزر لابويا وانا واثق انه يقبلني مجرد اقول له انا اخطيت واقبلنى كاحد اجرائك انا واثق انه هيقبلني اخذ القرار وراح وفعلا ابو رحب بية انا عاوز اكلمكم شويه صغيرين مش عن الولد اللي رجع....انما عن الولد اللي موجود في البيت عايز اكلمكم شويه عن الابن الاكبر الولد اللي قاعد دائما في البيت..بصينا لقينا رد فعلة غريب اية اللى حصل لما عرف ان اخوه رجع ..وسمع ان في حفله في البيت تضايق قالوا له ده اخوك رجع.. وقف بره مش عايز يدخل ابو طلعله ..دخل مع ابوه في حوار عاوز يقنع ابوه ان الولد ما يقعدش في البيت ده تكرشة ابتدا يقسى قلب ابوه علية....قالة ابنك هذا مش عايز يقول اخويا .... ابنك ده بدد مالك ...عايش مصرف مع الزواني عمال يقول كلام يخلي الاب ايه ....يشيل فقال له اخوك هذا كان ميتا فعاش وكان ضالا فوجد ينبغي لنا ان نفرح ونسر قال له طب ما انا معك مده طويله مبتدنيش حاجه !!! كنت حتى تديني جدى افرح بية ..مع اصحابي قال له ايه ده ايه اللي انت بتقوله ده ..يا ابنى ده انت قاعد في البيت ده البيت ده كله بتاعك تتكلم على جدي ان كل ما لى هو لك الابن ده في اربع حاجات احيانا بنكون احنا زيه احنا نشكر الله عشان طريق ربنا عارفين طريق بيت ربنا احنا موجودين كثير في الكنيسه نشكر الله ..دى نعمه كبيره بس يا ترى حسين بالنعمه اللي احنا فيها ...يا.ترى مدركين للغناء اللي احنا في ولا بنتكلم على جدى عايزين نفرح بيه مع صحابنا...ياترى بنسال في اخواتنا اللى مش موجودين..ولة امر ان هما موجودين دة مايشغلناش ولو ما جوش نقول ما ذنبهم وما هما وحشين خليهم يفضلوا وحشين الولد ده عنده اربع نقط صغيرين عايزين ناخذ في كل نقطه دقيقتين ١// الولد ده مش حاسس بنفسه مش حاسس بقيمته مش حاسس بغلوتة ٢// مش حاسس بأبوة. ٣// مش حاسس بالبيت. ٤// مش حاسس باخوة.. اربع نقاط... مش حاسس بنفسة...مش حاسس بابوه مش حاسس بالبيت مش حاسس باخون.. طبعا البيت هو الكنيسه وابوه ده هو ربنا يسوع المسيح ونفسه اللي هو شايف نفسه وحاطت نفسه في رتبه العبيد رتبه الخدامين هو حاطت نفسه في رتبه اللي رايح يشتغل في الحقل وعنده توقع أن باباة في يوم من الايام يقوله خذ الخروف ده ولة خد القرشين دون هو عنده توقعات معينه للحياه مع ربنا اول الحياه في بيت ابوه احنا احيانا بيكون عندنا توقعات فى الحياه مع ربنا ان لما اكون مع ربنا ربنا يعني يسهلى دنيتي طب لما لقيه مش بيديني... باقول ايه يبقى هو مش معايا يبقى مش حاسس بيا... احيانا احنا بنعمل مقايس لعلاقتنا بربنا من ازهنا زي الولد ده الولد ده حاطت مقايس لعلاقة بابوه بس للاسف كلها مقايس غلط بس هو شايف ان هو ده الصح مش حاسس انه ابن مش حاسس انه غالي مش حاسس انه محبوب مش حاسس ان البيت ده بتاعه مش حاسس ان ابوه ده ابوه وان اخوة دة اخوه مش حاسس احساس احبائي انه الإنسان يبقى فاقد الهويه بتاعته ده احساس مر ..لما ندخل بيت ربنا واحنا مش حاسين ان ده بيت ابونا احساس متعب لما تبقى شاكك ان ربنا بيحبك احساس قاتل.. لما تبقى شايف نفسك ان انت مش غالي مش محبوب مش مهم ده احساس بيخليك داخل زي مش داخل زي الولد ده عايش في البيت بس للاسف قد يكون عايش في البيت بجسمه بس مش حاسس بنفسه هو المفروض الواحد فينا يحس بنفسه طبعا احس بنفسي احس بنفسي انا ابن للملك المسيح ..الابديه ليا الغنا ليا. البيت لي الفرح ليا السلام ليا يقول لك ان كنتم ابناء فانتم ورثة احنا ورثه للمسيح يسوع احنا نورث من المسيح ايه ؟؟نورث منه بيت ولا غنم ولا قرشين ..لا احنا هنورث منو بره نورة قداستة ..نورث منه ملكوته.. في تعبير كده في العلم الوراثة يقول لك جينات وراثيه اذا كان في جينات احنا خدناها من ربنا.. فاحنا اخذنا من ربنا صفاتهم بره قداستة تواضعوا محبته فدائه خلاصة عطاياه ابديتو...هل انا قاعد جوه البيت وحاسس ان انا ابن هل انا حاسس جوه البيت ان انا غالي وعزيز ما اجمل كلمة قالها اشعياء النبى وانت قد صرت عزيزا في عيني الرب مكرما وانا قد احببتك طب واحد يقول لي انا خاطئ ووحش... ااقولك عمرك ما كان ابنك يعمل تصرف غلط في البيت فيفقد البنوة..لا لو ابنك عمل تصرف غلط في البيت بس هو برضة ابنك عمل تصرف غلط في البيت بس انت برضه بتحبه لانة ابنك️ احنا كده احبائي الولد ده مش حاسس بنفسه ارجوك اطلب من ربنا ان ربنا يثبت فيك احساس البنوه الكنيسه تعلمنا والاجبية تعلمنا و ربنا يسوع المسيح علمنا متى صليتم تقوله ابانا🤲🤲عاوز يخليك تصدق اوع ما تصدقش ان هو ابوك لحسن لو هو مش ابوك حاجات كثير تحت منها هتضيع لما يجي ابنك محتار يعمل التصرف ده ولة مايعملش قل له انت مين ابوك ؟؟ ابوك المسيح.. ينفع ابن المسيح يعمل كده ينفع ابن المسيح يتفرج على الحاجات دي؟؟ ينفع ابن المسيح يروح الحاجات دي؟؟ بس انت ابن المسيح اتصرف فى حاجة اسمها الصوره الذاتيه..انت صورتك الذاتيه عن نفسك ايه؟؟ ويقولك ...الانسان كما يشعر هكذا هو لو انا شعرت ان انا ابن الله سأسلك كابن اللة..لو انا عرفت ان انا ابن العالم سأسلك كابن العالم لو انا عرفت ان انا شاطر هسلك ان انا شاطر.. لو انا عرفت ان انا فاشل هتسلك ان انا فاشل ...انت صورتك عن نفسك ايه الولد ده اول حاجه مش عارف نفسه عشان كده باقول لك ارجوك اعرف نفسك اعرف نفسك ان انت ابن غالي عزيز محبوب ٢// مش حاسس بأبوه المفروض ان ابوه من ساعه ما الولد قاله اديني قسمتي من المال وانا امشي المفروض انة يكون حاسب بابوه ان ابوه قد ايه الامر ده تعبة وشغلة مش حاسس انة غالي عند ابوه مش حاسس ان موضوع اخوة ده شاغل ابوه مش حاسس ان ابوه متالم على فراق اخوه مش حاسس بابوه.... يا مان نبقى مش حاسين بربنا اعمل خطيه ومش عارف ان دي حاجه ثقيله على قلب ربنا اعمل خطيه وانا مش عارف ان انا بهينة او بجرحة اعمل خطية و بقيت فاقد الحس عشان كده معلمنا بولس قال فى ناس بتوصل من كثر الخطيه انهم يبقوا ناس عديم الحس ... بيفقد حساسيته ضد مشاعر الله بيفقد زى اللي يقولك كده فولان زعلانه وايه يعني مش مهم فقط حساسيته ضد المشاعر السلبيه بتاعه الطرف الاخر ده لا انا لازم اعرف ان ابويا بيحبني ولازم اعرف ان ابويا بيحب اخويا لازم اعرف ان ابويا حزين على فراق اخويا لازم اعرف كده الولد ده قاعد في البيت مش حاسس بابوه ممكن نكون جايين الكنيسه مش حاسين بربنا ...ممكن نكون مش حاسيسن ان ربنا بيحبني..ممكن نكون مش حاسيسن ان انا غالي عند ربنا !!!مش حاسس بان اخواتي غاليين عند ربنا مش حاسس ان فى يا ما ناس ثانيه ربنا نفسه تكون موجوده في الكنيسه وهو دلوقتى متالم عليهم وعلى عدم وجودهم انهم وسايبين ذبحتو وسايبين بيتة وسايبين صومه وسايبين محبتة.. وسايبين صليبه ما فيش كده؟؟ لا في كده طب انا المفروض اكون ايه اكون عماله اقول اقول له ايه يا رب ارحم افتقدك كل اخواتي ردهم اليك بمحبتك اربطهم بربطات محبتك اغفر لهم خطاياهم انك تكون حاسس بابوك لازم تكون حاسس بابوك لازم تكون حاسس بمحبته وانما محبته ليك ثابتة مش مشروطه ومحبته ليا مش محدوده قوية..محبة ربنا لا تقاس بمحبتنا احنا ... لا احنا بنحب على مزاجنا بنحب بحدود احنا بنحب بشروطنا.. احنا بنحب حسب الظروف لما تبقى كويس معايا هبقى كويس معاك مش كويس معايا مش هابقى كويس معاك انا فكرى لربنا كمان كده لا ربنا مش كده ربنا مش بيحبنا وقت لما يبقى عايز يحبنا لا هو بيحبنا لما معلمنا يوحنا حد يفهمنا يعنى اية بيحبنا(( احبنا اولا)) احبنا بلا سبب... ٣ // مش حاسس بالبيت اللي هو الكنيسه هو مش حاسس بالبيت هو قاعد في البيت اكنة لوكاندة هو قاعد في البيت وما عندوش انتماء للبيت قاعد في البيت لكن هو في الحقيقه بره البيت ...ممكن يكون فينا ناس كده.. ربنا يرحمنا ممكن ابقى جوه الكنيسه بجسمي لكن بره الكنيسه بمشاعري !!!ممكن ابقى قاعد بس لكن ما فيش شعور بجمال الكنيسة بروعة اللحظات اللي بقضيها فيها ببقى مش حاسس بالامان في الكنيسه ما بقاش حاسس بالحب في الكنيسه ما بقاش حاسس بقبول اللة لية في الكنيسه.. البيت احبائى اللي عمله عشان يضمنا الية عشان يحضنا فى عشان يغفر لنا خطايانا عشان يسمع اصوات عبادتنا عشان يقبل صومنا وصلاتنا وتقديمات محبتنا لاخواتنا الغلابه والمساكين ماهو ده بيته ده بيته اللي انت بتيجي في تقدم تقدمه من ذهنك و من جسدك ومن مالك لازم تبقى عارف لما تيجي الكنيسه انك هتقدم تقدمات كثيره هتقدم من مالك لاخواتك الفقراء..هتقدم من جسدك انك تقف عدل مستقيم هتقدك من ذهنك انك هتكون مركز تماما..لازم تكون حاسس بالبيت... وفرحان بالبيت ما اجمل معلمنا داود لما قال فرحت بالقائلين لى الى بيت الرب نذهب انا بافرح انا بستنى اليوم ده انا بستنى اللحظات دى... اجمل لحظات عمري وانا جوه بيتك يا رب احساسك بالبيت.. ايه راي القديس تريانوس الذى لم تكن له الكنيسه اما لم يكن له المسيح با... الكنيسه امك تيجي ترضع فيها هنا تيجي ترتاح فيها تيجي تاخذ من مشاعرها تتشحن محبه وتديها انت كمان محبه محبه ولاء ومحبه اكرام اما انا فبكثره رحمتك ادخل بيتك واسجد قدام هيكل قدسه جاي فرحان كلام كثير بس انا بجري لكن عايز كل نقطه تقف مع نفسك فيها وتقول انا حاسس بنفسي انا حاسس بابويا. انا حاسس بالبيت ٣//حاسس باخويا اللي بعيد ده؟؟ولة انا رفضة..كان المفروض مين اللي يدور على الولد ؟؟اخوه اولاا واحد يقعد يتبع اكيد اخوه هيكون عارف خيوط عارف مين صحابه اخذوا فين بيعمل ايه دلوقتى.... يقول لابو يا بابا معلش صلي لي انا هاروح ادور على اخويا يا ريت يا ابني يا ريت ...كان المفروض يروح يدور على اخوه ويقعد يراقبوا... وكان المفروض يكون هو طوق النجاه لاخوه يقولة ارجع على ضمنتى ..انت ما تفتحش بئك خالص انا اللي هاقول انا اخوك الكبير انا هاروح اقول لابوك بابا سامحه معلش عشان خاطري... كان المفروض يقوم بالدور ده للاسف ما عملش كدة.... مش في ناس بعيده عن الكنيسه كلنا نعرفهم؟؟ كلنا نعرفهم وعارفين طريقهم وعارفين بيروحوا فين وبيجوا منين و قدام عينينا مانقولهمش تعالوا البيت ما نقولهمش تعالوا لابوكم ما نقولهمش كفايه لية؟ مش حاسس ان اخويا مش حاسس خلى بالك فى اخوات كثير لينا مسؤوليتنا ان احنا ندور عليهم ولو مادورناش عليهم نبقى عاملين زي الولد الكبير ده اللى اضاف الى الم فراق الابن الاصغر الم اكبر بانه موجود ومش حاسس بابوه كم من الالم بس الاب للاسف دائما محتمل محتمل كم من الالم اكيد الرجل اتصدم لما عرف ان ابنة مش عايز يدخل عشان اخوة رجع... اكيد اتصدم... ايه يا ابني ده وعمال كمان تقنعني نكرش الولد وكمان حاسس ان انا ظلمك وكمان بتقول لي ابنك مش عايز تقول كلمه اخوك اية المشاعر دى كلها جبتها منين جابها من انانيتوا ..جابها من خياله جابها لانه مش فاهم ابوه مش فاهم البيت ومش فاهم اخوه لا احنا لينا اخوات محتاجين نجيبهم البيت محتاجين زي ما ربنا قال كده في المثل بتاع الراجل اللى عمل وليمة...قالوا اذهب.. اخرج الى الشوارع واللي السياجات وادعي العمى والعرج الى ان يمتلئ بيتى ..انا عايز بيتي مليان باولادي مش عايز مكان يكون فاضي تعال دورنا احبائي ان احنا نقول للناس تعالو ذوقو افرحوا طول ما الانسان مش عايش في المسيح صح ما يتكلمش عن المسيح كثير ما يشغلهو انة مش عايش بعيد عن المسيح لو عشت المسيح صح تبص تلاقي نفسك مش عارف تتكلم غير عنه محبه المسيح ايه تحصرنا فين اخوك بتدور عليه ولا لا حاسس بيه ان دة اخوك حاسس بية ان ده مسؤوليتك تجيبه حاسس بيه ان ده مسؤوليتك تصالحوا مع ابوة.هو غلط فى حق ابوك..طب خليك وسيط اعرف واحد .. كل جمعه يجيب لي واحد او اثنين من الشغل بتاعة ..يعترفوا... جايب للمسيح اخوة ..هو شايفه في الشغل مش صايم وشايفه في الشغل عمال يتكلم كلام بطال.. صعبان عليه صعبان عليه اخوه ده يهلك ليه ليه انا اتمتع بالمسيح لوحدي ليه اقول ماليش دعوه طب يا سيدي يقول له لو ما رضاش يجي يكلمه ثاني وثالث ورابع ادى الابن الاكبر اللي ممكن نكون احنا كتير بنمثلوا قالوا تعالى. حضن ابوك واسع تعال هو هيقبلك تعال ما تخافش تعال تعال وهو مستنيك ويفاجك الاخ اللي يجي ده وهو خجلان وهو حاسس ان مفضوح وحاسس ان هو ما لوش مكان يفاجئ محبه ربنا ونقول له خلاص مغفوره لك خطاياك مش انت تايب و ندمان اه مش ناوي تعمل كده ثاني حتى وان ضعفت ربنا يسامحك تعال يا ابني ويقرا له التحليل ويقول له بكره تتناول صحيح اه خلاص اسهل واحد تصالحة ربنا يمكن انا بصعوبه شويه تصالحنى ..لكن ربنا اسهل مني اسهل واحد تصالحة وربنا عشان كده احبائي احنا عايزين نقول ايه في الكنيسه دورنا دور الابن الاكبر ده لا....دورنا دور الولد المسؤول....المسئول عارف هو مين في البيت المسؤول عن ابوه يطيب مشاعر ابوه ويساعد ابوه ويعين ابوه يفرح ابوة ويشيل حمل عن ابوه لانه عارف ان البيت ده بيته وكل حاجه في البيت بتاعته المسيح أدانا بيته واسرارها كلها لينا وغناها كلها لينا كل قراءة في الكنيسه دى وجبة بتقدم ليك كل ذبيحه مقدمه ده عجل مسمن ليك كل عربون مصالحه دى حولة ربنا بيلمسهالك كل دعوه توبه ده حذاء انت بتلبسة كل دعوه قداسه دة خاتم انت بتلبسة وربنا عايز يقدملك..فانت تيجى وتجيب اخواتك وتحس بيهم وخلي بالك الولد ده دماغه ضيقه قوي فكره ان اخوة لو جة ولو اخذ عجل مسمن ولا حاجه يبقى خير ابوة خلص .. لا يا حبيبي خير ابوك ما بيخلصس ما فيش واحد فينا هيجي الكنيسه هياخد نعمه الثاني مافيش واحد هيجي الكنيسه هياخد جسد المسيح لنفسه لا ده جسد المسيح مكفينا كلنا ودم المسيح مكفينا كلنا قدم لنا فداء بروح اذلى عشان كده يلا كلنا نتغطى ببر المسيح يلا كلنا ندخل بيته يلا كلنا نخدم اخواتنا و نسال عليهم و نفتقدهم ونجيبهم ما فيش حاجه اسمها لما ابونا يجى ...لابونا قاعد مستني زي الاب اللي مستنيه في البيت مستني ان الولاد يخدموا مستني الاخ الاكبر يخدم ...مثل الابن الضال دة بيقدملنا لنا نموذج جميل للولد الصغير وبيقدملنا نموذج لازم نتعلم منة فى الولد الكبير ربنا ينجينا...ربنا يكمل نقائصنا ويسند كل ضعف فينا بنعمتة ولالهنا المجد اللى الابد الامين 🤲

بسم الاب والابن والروح القدس اله واحد امين فلتحل علينا نعمته ورحمته وبركته الان وكل اوان والى ظهر الدهور كلها امين ..انجيل هذا الصباح المبارك يا احبائي فصل من بشاره معلمنا ماري يوحنا موقف من المواقف اللي لابد ان احنا نقف عندها ...مجموعه من الناس اللي حضرت المعجزه بتاعه اشباع الجموع ...عندما نظروا لربنا يسوع المسيح عندما امسك الخمس خبزات والسمكتين ونظر لفوق وبارك وشكر وكسر واعطى واكلوا وشبعوا....فابتدوا يقولوا دى حاجة كويسه خالص.. عاوزين نكون معه على طول عشان ناكل.. فذهبوا ليجدوت .. مش لاقيينه.. يركبوا مركب يعدوا الناحيه الثانيه.. يروحوا يجوا ...مجموعه كبيره قوي عاوزه تسال عن يسوع.. في الحقيقه اللي جوه ضميرهم هما بيسالوا عليه عشان ياكلوا ...في الحقيقه ..بس ما حدش عارف.. ومكسوفين يقولوا.. لكن ربنا يسوع المسيح صارحهم قال لهم انتم بتطلبوني لانكم... رأيتم ايات؟! لا... لانكم اكلتم من الخبز وشبعتم ..انتم جايين ورايا عشان تاكلوا.. وده احبائي احيانا احنا بنختزل ربنا يسوع المسيح في حياتنا على شويه بركات زمنيه او شويه عطايا ماديه انا جاي كنيسه عشان اقول لربنا يا رب اعمل لي كذا واديني كذا واعملي كذا.. كوني ان انا اختزل ربنا في شويه امور زمنيه يبقى انا في الحقيقه بقلله واصغره لان انا كده باكون مش عارف ان هو ضابط الكل اله الالهه رب الارباب مخلص الجميع.. الجالس على عرش مجده انا مش عارف هو مين فلانى بقلل من قدراته بلاقي نفسي بتكلم معه في شويه طلبات ماديه.. كانه بيبص لي كده بيقول لي انت جاي عشان تطلب الحاجات دي هو ده اللي انت جاي عشانه!!!اعملوا لا للطعام البائت... بل للطعام الباقي الذي للحياه الابديه.... جاي عشان ابديتك ولا عشان زمنيتك... جاي عشان الزمن ولا عشان الابديه.... يا ابونا احنا كلنا عايشين الزمن وعايشين الارض... اقول لك صح احنا عاوزين ربنا يكون معنا على الارض لكن في نفس الوقت عاوزين ربنا يعطينا الملكوت.. القديس ماري اسحاق كان يقول لك لا تطلب التافهات من العظيم لئلا تهينوا ...لا تطلب التافهات من العظيم لئلا تهينوا... وحينما تقف امام الله لا تطلب منه امورا لا يهواها... لما تقف قدام ربنا ما تطلبش منه امور لا يهواها تخيل انت لما اب يكون قاعد مع ابنه يبقى كل طلباته في اللعب وبس ...ابوه عاوزه يذاكر عاوزه يعمل حاجه لمستقبله عاوزه يهتم بمستقبلة...عاوزه يطلب منه طلب يكون نافع لة بالاكثر... لكن لعب لعب لعب....احنا احبائي كثير بنبقى كل تركيزنا على الزمن انا مش بقول احنا مش عايشين الزمن احنا عايشين الزمن وعندنا احتياجات وعاوزين الاحتياجات دي ... لكن في نفس الوقت احنا عاوزين السماء عشان كده اطلبوا ما فوق حيث المسيح جالس... عشان كده قال لك اطلبوا اولا ملكوت الله بره وهذه كلها تزداد لكم.. لما انت تطلب الابديه تطلب الملكوت الحاجات الثانيه هيعطيها لك بس يكون اطمن عليك... اطمئن عليك ان انت بتفكر صح وبتطلب صحه وناظر لفوق صح.. لكن عشان خاطر اكون انا عاوز اعيش مع ربنا لاجل شويه طلبات ماديه انا كده بقلل من قيمته انا كده مش عارفه... هو بيفكر لي في ايه.. شوف الكنيسه تقول ايه ..املا قلوبنا فرحا و نعيما هو ده اللي احنا عاوزينه ..لكى نحن ايضا اذ يكون لنا الكفاف في كل شيء كل حين نذداد في كل عمل صالح.. لو عاوزين نزيد.. نزيد في العمل الصالح.. طب بالنسبه للارض يكون لنا اية....الكفاف في كل شيء ..واحد كده يسمع الكلام ده من ابونا وهو بيصلي يقول له بقى دي دعوه تدعهلنا يا ابونا... بقى دي صلوة تصلها لنا ان يكون لنا الكفاف في كل شيء... يا ابونا صللنا صلوة كويسه شويه... خليها تتفتح شويه.. اقول لك هو في الحقيقه ربنا عاوزك الكلمه تتفتح شويه دى قصدة بيها السماء مش الارض ...هو عاوز عينك تترفع لفوق ويمكن يكون ضيق الحياه ويمكن يكون تجارب الحياه ويمكن يكون الغلاء اللي الناس بتعيش فيه تكون خطه الهيه عشان ربنا يفطم الناس من الارض.. خطه الهيه احبائي عشان ربنا يخلي الانسان لا يتكل على شيء سواه.. اللي كان معه قرشين من ثلاث سنين او من 10 سنين النهارده يسوا ايه... ربع قيمتهم نصف قيمتهم ...يا عيني عليك يا انسان... يا اللي عدت تقول هاجيب واجيب واجيب واجمع واجمع واجمع ..مره كان في راجل توفي وبعدين قالوا لنا عاوزين نعطى القرشين اللى تركهم الكنيسة....جابوا لنا حاجه بتاعه 1000 جنيه كده من الورق ام 200 جنيه الي كانت زمان العريضه جدا...قولت ياعينى عليك يا غلطان انت شلت الفلوس من ايام ما كانت كبيره قوي قوي لما كانت ال200 جنية زمان تعمل حاجات كثير.....الزمن ربنا بيعلمنا ان الزمن مش معنا الزمن ضدنا .. واحنا لازم نكسب بالزمن ما فوق الزمن ونكسب بالمال.. ربنا قاصد كده... عشان كده بيقول لك انتم جايين ليه ..عشان اكلته قبل كده وشبعته ..جايين عشان تاكلوا ثاني.. كل مره تشوفونى تمشي ورايا انا موجود في اي مكان عشان كل مرة تاكلوا وتشبعوا...احنا اختزلنا المسيح في امور زمنيه ضيقه ..احيانا احنا بنتعامل مع ربنا كده.. احيانا احنا صلواتنا معظمها او وجودنا مع ربنا او ربنا في خيالنا و تصورنا هو من اجل تلبية طلباتنا لا ...عشان كدا واحد من القديسين كان يقول لربنا... سامحنا يا الله على هذه الاوامر التي نعطيك اياها ونسميها صلاه . احيانا بنعمل كده.. احيانا... بيبقى شويه اوامر بالنسبه لنا لربنا ومسميينها ان دي صلاه.. لا دي مش صلاة.. الصلاة..اسمها صلاة لانها تأتى من الصلة يعني يكون لك صله بربنا ..يكون لك محبه لربنا يكون لك مخافه لربنا يكون لك حضور مع ربنا.. هو دة احبائي كلمه صلاه.. انت حابب تكون مع ربنا ..عشان كدة واحد من الاباء القديسين يقول لك.. انا مش عاوز اروح النعيم عشان اتنعم لا انا عاوز اروح النعيم لانك انت هناك ...ما هو النعيم الا وجودك..وما هو الجحيم الا غيابك بس... الجحيم هو غيابه ...الظلمه . ما هي الظلام؟ غياب النور بس ما لهاش تعريف ثاني... الظلمه هي غياب النوم.. اذا انا مش عاوز اروح السماء عشان اتنعم. هناك..لكن عاوز اروح السماء لانه هو هناك.. اختلفت الفكره ان مركز الامر مش معايا انا.. لكن معه هو.. اللي بيتبعوا ربنا يسوع المسيح من اجل خيرات زمنيه دول بينالوا شقاء.. بيقيموا ربنا يسوع المسيح بمجرد موظف في بنك بيصرف قرشين...اومدير كبير في شركه يعمل لنا اللي احنا عاوزينه يسهل لنا تعيين يعطينا تسهيلات..لا ربنا مش كده خالص.. ربنا فوق الزمن.. ربنا اعلى من كده بكثير ما تقللهوش لانك لما بتقللة كدة انت بتحزن قلبه انت كده بتتعامل معاة مش على ان هو الاله بتاعك لا انت كدة بتسخروا من اجلك ..عشان كده حتى لما تيجي تصلى وتطلب من ربنا.. قول له يا رب لتكن مشيئتك..قول له يا رب افعل بى كما تريد ...كما تشاء.. اللي انت عاوزه لي يا رب اللى انت تأمرني به... حتى يا رب لو انت حرمتنى من الحاجه اللي انا عاوزها لتكن ارادتك ...اللي انت عاوزه يا رب.. لما تصلى مع ربنا ما تبقاش انت واحد بتؤمر ..لا.. كان البابا شنوده الله ينيح نفسه.. كان احيانا يقول لك هيأتى وقت نشكر الله فيها على طلبات لنا لم يستجيب لها .. احيانا احنا بنكون زعلانين ومتضايقين ان ربنا ما عملش لية ربنا ما اعطناش..هيجي وقت هنشكروا على الطلبات اللي احنا طلبناها ولم يستجيب لها.. هو شايف بنظره اكبر.. انت لما يكون حياتك تحت رجلين ربنا ولما تكون دائم السجود والخضوع لربنا تعرف يعني ايه تطلب وتطلب ايه.. اطلبوا ما فوق حيث المسيح جالس...عشان كده لما تطلب اطلب بتسليم.. عشان كده لما تطلب اطلب بخدوع.. قول له يا رب انت تعلم الصالح لى اكثر مني انت عارف.. انت تعلم الصالح لى اكثر منى...انت عارف يا رب اكثر مني انا ..انا نظرتي ضيقه.. مش شايف غير تحت رجلي ..لكن انت.. انت اللي عارف كل شيء.. انت القدوس المستريح في قديسيك..انت تعلم الصالح لى عاملني كما تحب وكما تريد . عشان كده احبائي يقول لك احيانا ربنا يرد علينا في الصلاه بثلاث كلمات كلهم بحرف الميم... ثلاثه ميم ..اول ميم يقول لك ممكن ..ثاني ميم يقول لك معدل... ثالث ميم يقول لك مؤجل... يا ممكن يا معدل يا مؤجل... بتطلب منه حاجه معينه يقول لك دي ممكن حاجه ثانيه يقول لك تتعدل ما تاخذهاش زي ما هي كدة مضره ليك...الثالثه.. دي كويسه بس مش وقته دلوقتى تؤجل ..عشان كده لما تطلب من ربنا اطلب بتسليم.يارب لو قولت حاضر حاضر ما كانش ما كانش.. تعدلها عدلها تاجلها ...اجلها.. لكن ايه رايك في اللي يقف يطلب من ربنا فضيله ..ايه رايك لما تطلب من ربنا تقولة اعطينى اتضاع...اعطينى ..سلام.. يا رب افطمنى من العالم يا رب افطمني من الخطيئه الفلانيه اللي لازقه فيا... يا رب فكني من الضعفات..يا رب اعطيني استعداد للابديه يا رب اعطيني غفران خطايا..اعطينى روح صلاة ... هي دي الطالبات اللي ربنا عاوز يسمعها ويُسر بها ..هي دي ارادتة ومشيئته.. هو ده مسره قلبه اللي يسمعه لكن عشان خاطر ابقى انا ماشي وراه عشان يعطيني اكله وياكلني اي حد ياكلني.. اي حد يعمل لك الحاجات اللي ممكن تطلبها ..ناس تشغل ناس وناس تجيب رزء لناس وناس تهجر ناس ...دى امور بشريه....لكن اجعل ربنا يبقى اسف في الكلمه.. كأنه مشهلاتى .. بيعمل لينا الطلبات بتاعتنا ربنا اكبر من كده بكثير.. احيانا احبائي لما توصل لعشره جميله مع ربنا تلاقي نفسك بتخجل ان تطلب منه اي شيء ارضى .. وكانك عاوز تقول لة لا يا رب انت عظيم قوي عالي جدا مش معقوله اجعلك تبقى على مستوى عقلي الصغير ده.. لكن انا اذا كنت باكلم ربنا في كل الامور بتاعت خلاص نفسي في الاخر ليا طلبة صغيره اقولها مش ما اقولهاش بس اقول له ايه..لتكن ارادتك ومشيثتك...دبر حياتنا انت اللي تفعل عشان كده ما تدورش كثير عن يسوع لمجرد ان انت عاوز منه حاجه زمنيه فقط ما تختزلش ربنا يسوع المسيح بقدرته الالهيه ان يصبح هو مجرد واحد بيعطيك حاجه عينيه او حاجه ملموسه لا.. هو اعلى من كده بكثير..هو عاوز يعطيك سلام الله الذي يفوق كل عقل . عاوز يفيض عليك بحب لا نهائي.. وغفران لا نهائي.. يريد أن يغفر خطاياك دي كلها وتتنسى وتتغفر.....عاوز يعطيك كيان جديد انقى من الثلج... عاوز يجدد فيك اشتياقات واجتهادات وعاوز يعلمك الصلاه ويعلمك الخضوع ويعلمك الغفران عاوز يشكل فيك انسان جديد ..بحسب صورتة..هي دى اراده الله احبائي..اراده الله قداستكم هي دي اراده ربنا الله يريدنا له وخلقنا له فيجب ان نكون بالحقيقه له ..عشان كده احبائي لما نفكر كثير في اسلوب معاملتنا مع ربنا تلاقي ربنا عاوز يقول لك اللي انت عمال تطلب من اجله ده انا عاوز عكسه بالضبط.. انت بتطلب امور ارضيه وانا بحلك من الامور الارضية انت بتطلب امور للزمن وانا عاوزه افكك من الزمن ..انت عاوز تطلب مال وانا عاوز اشيل من قلبك ما محبت المال اكننا اثنين ماشيين عكس بعض... ياما احبائي بيكون احنا محصورين في شيئين وربنا عاوز شيئين عكسهم احنا محصورين في حاجتين.. انا والارض.. كل ما اتمناه ده اللي انا عايش من اجله.. عايش للانا.. وايه كمان للارض.. للارض والزمان.. ده انا عايش لكده.. ربنا يسوع عاوز يقول لي انا عاوزك تعيش عكس كده خالص عايزك تعيش لثلاثه عكس دول.. انا عاوزم تعيش للمسيح مش لانا...الارض تعيش للسماء...الزمن تعيش للابديه ..فبدل ما انا والارض والسما عاوزك تبقى المسيح والسما والابديه ...هو عاوزك كده تخيل انت بقى لما تصبح مقوم حياتك مع ربنا على الثلاثه دول.. انا والارض والزمن وباني كل طلباتك مع نفسك مع اولادك وامورك انا والارض والزمن.. وتطلب .وهو بيسمع وهو حنين اب حنين بس لما يلاقي انك محصور في الثلاثه دول جدا مش خارج منهم خالص مسيطرين عليك جدا في الاخر يقول لك هو انا كده انت فاهمني كده .هو انا جاي عشان اجعلك تحب المال !!انا بقول لك محبه المال اصل كل الشرور..ليه تطلب مني امور للعالم وانا باقول لك لا تحب العالم ولا الاشياء التي في العالم وانت بتطلب وبعدين افهمني.. اطلب ما فوق اطلب ازاي تكون انت للمسيح ساعتها هتلاقي يصغي ليه لانه طلب هو يحطه في قلبك ويحبة...اطلب تكون للمسيح..اطلب تكون للسماء ..اطلب تكون للابدية...هتلاقى هذا كلها تزاد لكم.. دي سهله وبسيطه.. قعدت معايا كل ده عاوز تاكل.. بسيطه انا الرازق ومعطي جميع الخيرات.. الخيرات الزمنيه دي تفيض علينا لانها امور بالنسبه لربنا امر سهل جدا بالعكس ده هو عاوز الخيرات الزمنيه دي لما يعطيها لك تتحول الى قصه حب بينك وبينه مش حاجه تفرقك عنه لا دي قصه حب لما يعطيك اكل قصه دى قصة حب الاكل دة ..لما يعطيك مال دة قصه حب بينك وبين ربنا...عشان كده اول ما ربنا يعطيك مال انت ترجعلة من المال..طب ايه الفلسفه دي.. يعني انت يا رب دلوقتى عاوز تعطيني 10 قروش طب اعطينى تسعه وخلاص يقول لك لا لا....دى قصه محبة بيني وبينك متبادله.. دي علاقه كون ان انت بترجع لي حاجه ده معناه ان انت معترف بفضلي بتحبني.. عشان كده لما ربنا يشوفك وانت فاهمه كويس هو كمان يديك لانه الحاجات دي بالنسبه لربنا بسيطه جدا.. عشان كده لما تيجي تاكل اشكر لما ربنا يبعث لك قرشين اشكر.. لانه لما ربنا يقضي عليك يوم وفي الاخر جزء من الزمن عدى اشكر ..اذا حول الزمن والمال والعطايا...والاكل والشرب وكل حاجه ..حولها كلها الى علاقه محبه بينك وبين ربنا.. عشان كدا لما نيجي ناكل الكنيسه تعلمنا قبل ما نيجي ناكل نشكر ربنا نقول له تبارك يا ربنا يا من تعولنا منذ حداثتنا.. انا فاكرك يا رب من وانت بتديني اكل من وانا طفل صغير انت بتاكلني يعني انا الاكل بالنسبه لي قصه رعايه الله ليا ...مش انا الي بجيب الاكل انت اللي بتعطيني الاكل .تفتح يدك فتبسطها فتشبع كل حي من رضاك ...تبارك يا ربنا يامن تعولنا منذ حدثتنا...يا رب اباركك لاني فاكر ان انت بتاكلني من وانا طفل صغير انا معترف بفضلك اصبح الاكل علاقه شكر بيني وبين ربنا.. وهكذا المال وهكذا السكن وهكذا كل يوم وهكذا الصحه عشان كده احبائي لما ربنا يلاقي ناس معترفه باسمه معترفه بفضله بتشكره بتحول كل هذه العطايا الى مزيد من علاقه حب مش ربنا يديني حاجه ننفصل بها عنه مش ربنا يدينا حاجه فنتربط بها في الارض اكثر.. لابد احبائي ان نكون محبين للعاطي اكثر من العطيه... لابد ان لا تنشغل العروس بالخاتم عن عريسها.. الخاتم ده علامه محبه بين العروس وعروسته لكن مش هدف العلاقه هو الخاتم ..هدف العلاقة هو تقويه العلاقه بين الشخصين هكذا نحن مع الله احبائي عشان كده قال لك انتم جايين ورايا بتدوروا ورايا كل ده انا هاقول لكم انتم جايين ليه انتم مكسوفين تقولوا انا هاقول لكم.. لانكم اكلتم من الخبز وشبعتهم.. احذر ان يكون اللة بالنسبه لك وسيلة تأمين للزمن ..احذر ان يكون الله بالنسبه لك مجرد واحد يعطي لك شويه طلبات.. الله اكبر من هذا واعلى من هذا الله هو المخلص الله هو الغافر الله هو الخالق الله الرزق الله والمعطى....عشان كده احبائي دائما لما تقف مع ربنا اشكره سبحدة ومجد زيدة علوا...ربنا يكمل ناقصنا ويسند كل ضعف فينا بنعمته ولا الهنا المجد الى الابد امين....